ပဉ္စမမြောက် ခေတ်မှီမှု

by Aung Moe Win on Wednesday, June 6, 2012 at 12:13am ·

ပြီးခဲ့တဲ့အပတ်က ပီကင်းမြို့မှာ အသက် (၇၃) နှစ်အရွယ် တရုပ်အမျိုးသားကြီးတယောက် ကိုယ့်ဘာသာ သတ်သေပစ်လိုက်တယ်။ လွန်ခဲ့တဲ့ (၂၃) နှစ်တုံးက တရုပ်တပ်နီတော် ရဲ့ အင်အားသုံးဖြေရှင်းမှုကြောင့် တီယင်နန်မင် ရင်ပြင်ဆန္ဒပြပွဲအတွင်းမှာ သူ့ရဲ့သားတယောက် သေဆုံးသွားခဲ့တယ်။ တရုပ်အစိုးရက သူ့သားသေဆုံးမှုကို တရားဝင်မကြေငြာတဲ့အပြင် “အကြမ်းဖက်ဖြိုခွဲမှုဟာ တိုင်းပြည်တည်ငြိမ်မှုအတွက် လိုအပ်သလိုဆောင်ရွက်ခြင်းဖြစ်တယ်။ ဆန္ဒပြပွဲတွေဟာ တန်ပြန်တော်လှန်ရေးဖြစ်တယ်” လို့ စွပ်စွဲတိုက်ခိုက်နေဆဲဖြစ်တယ်။ တရုပ်အစိုးရရဲ့ အဲ့သလို တာဝန်မဲ့ ပြောဆိုနေမှုတွေကို ရှုတ်ချဆန့်ကျင်တဲ့အနေနဲ့ ကိုယ့်ဘာသာ သတ်သေ ဆန္ဒပြခြင်းဖြစ်တယ် လို့ အမျိုးသားကြီးရဲ့ နောက်ဆုံးသေတမ်းစာတွေကို ဖတ်ခဲ့ရသူတွေက ဆိုတယ်။ သူလိုပဲ တီယင်မင်ရင်ပြင်လူသတ်ပွဲကို ကျူးလွန်ခဲ့တဲ့ တရုပ်အစိုးရအပေါ် ခါးခါးသီးသီး ဆန့်ကျင်နေသူတွေရှိတယ်။
  တက္ကသိုလ်ပါမောက္ခကြီးတယောက်က ဦးဆောင် ပြီး သူလိုခံစားချက်တူသူ အမေတွေနဲ့ တိုင်ပင်ပြီး  “တီယင်မင် အမေများအဖွဲ့” ကို ဖွဲ့စည်းခဲ့တယ်။  သူလို ခံစားချက်တူသူအမေတွေနဲ့ ဖွဲ့စည်းထားကြတာဖြစ်တယ်။ ဒါကြောင့်လည်း တရုပ်အစိုးရက သူတို့ကို ကြိမ်ဖန်များစွာနေအိမ်အကျယ်ချုပ်နဲ့ ဖမ်းဆီးထားခဲ့ကြတယ်။ စီးပွားရေးဖွံ့ဖြိုးတိုးတက်လာတဲ့ တရုပ်ပြည်ကြီးမှာ သာမန်ပြည်သူတွေက တီယင်မင်ရင်ပြင်လူသတ်ပွဲကို လေးလေးနက်နက်တွေးမိချင်မှ တွေးမိကြတော့မယ်။ လူ့အဖွဲ့အစည်းမှာ အမေ့လျော့ခံနေရတဲ့ သူတွေအတွက် ပြောဆိုနေကြဖို့တော့ လိုလိမ့်မယ်။
လွတ်လပ်တဲ့အာရှ အသံ ရဲ့ ဂျွန်လ (၅) ရက် ညပိုင်း အစီအစဉ်မှာ တင်ဆက်ခဲ့တဲ့ဆောင်းပါးလေးပါ။

“အချက်အလက်တွေပေါ်က တဆင့် အမှန်တရား ကို ရှာကြည့်မယ် ဆိုရင်
ပဉ္စမမြောက်ခေတ်မှီမှုဆိုတာ ဒီမိုကရေစီ နဲ့ လွတ်လပ်မှုသာ ဖြစ်တယ်”

သောတရှင်များခင်ဗျား
၁၉၇၈ ခုနှစ်ကာလအတွင်းက တရုတ်ပြည် ရဲ့ “ဒီမိုကရေစီ တံတိုင်းလှုပ်ရှားမှု”  နဲ့ ဝေရှင်ကျင်း ရဲ့ “ပဉ္စမမြောက်ခေတ်မှီမှုစာတမ်း”ကို မှတ်မိကြပါလိမ့်မယ်။ အဲ့ဒီကာလကို ပီကင်းနွေဦး အဖြစ်လူသိများခဲ့ပါတယ်။ တရုပ်ကွန်မြူနစ် ခေါင်းဆောင် တိန့်ရှောင်ဖိန်ဟာ ယဉ်ကျေးမှုတော်လှန်ရေးကာလအတွင်းမှာ ခံစားခဲ့ရတဲ့ မိသားစုဝင်တွေရဲ့ ဆုံးရှုံးနစ်နာမှု ရင်ဖွင့်သံတွေကို ပြောဆိုခွင့် ပေးခဲ့ပါတယ်။ ဆီချွမ်း ခရိုင်ရဲ့ ဇီဒန်းလမ်းပေါ်က အုတ်တံတိုင်းကြီးတခုဆီမှာတော့ တရုပ်ပြည်သူတွေရဲ့ စာတိုပေစတွေ၊ ရင်ဖွင့်သံတွေ လျှံကျနေခဲ့ပါတယ်။
“ တရုပ်ကွန်မြူနစ်ခေါင်းဆောင် တိန့်ရှောင်ဖိန်က ယ္ခင်ခေါင်းဆောင်တွေချမှတ်ခဲ့တဲ့  “ခေတ်မှီခြင်းလေးရပ်” အိပ်မက်ကို လက်တွေ့ကျကျဖေါ်ဆောင်ဖို့ကြိုးစားခဲ့တယ်။ ခေတ်မှီခြင်းလေးရပ်ဆိုတာ တိုင်းပြည်ရဲ့ “လယ်ယာစိုက်ပျိုးရေး၊ စက်မှုလုပ်ငန်း၊ တပ်မတော် ၊ သိပ္ပံ နဲ့ နည်းပညာ လေးရပ်ကို ခေတ်မှီတိုးတက်အောင် လုပ်ရမယ် လို့ဆိုတယ်။ ဒီမိုကရေစီ တံတိုင်း လှုပ်ရှားသူတွေက အဲ့ဒီလေးခုအပြင် ဒီမိုကရေစီ နဲ့ လွတ်လပ်မှုဆိုတာ ပဉ္စမမြောက်ခေတ်မှီမှု ဖြစ်ရမယ် လို့ ဆိုတယ်။ လွတ်လပ်မှုကို ပိုမိုတောင်းဆိုခဲ့ကြတယ်။”
တိန့်ရှောင်ဖိန် နဲ့ တရုပ်ကွန်မြူနစ်ပါတီဟာ ဒီမိုကရေစီတံတိုင်း လှုပ်ရှားမှုကို တနှစ်လောက်သာ ပြုလုပ်ခွင့်ပေးခဲ့ပါတယ်။ ဝေကျင်ရှင်းအပါအဝင် ဒီမိုကရေစီရေးတောင်းဆိုနေသူတွေဟာ တရုပ်အစိုးရရဲ့ မှားယွင်းတဲ့ မူဝါဒတွေကို ထောက်ပြဝေဖန်ခဲ့တာကြောင့် တိုင်းပြည်ရဲ့ တည်ငြိမ်မှုကို ထိခိုက်လာနိုင်တယ် ဆိုတဲ့ စိုးရိမ်မှုနဲ့အတူ လှုပ်ရှားမှုကို ဆက်လက်ခွင့်မပြုခဲ့တော့ပါဘူး။ ပြည်သူတွေအတွက်တော့ နိုင်ငံတော်တည်ငြိမ်မှုကို ထိခိုက်ပျက်ပြား စေမဲ့ အပြုအမူမှန်သမျှကို ပြင်းထန်စွာအရေးယူမယ်ဆိုတဲ့ သတိပေးခြိမ်းခြောက်သံတွေကို မုန်းတီးရွံရှာနေခဲ့ကြပါတယ်။
တရုပ်ပြည်ကြီးဟာ ခေတ်မှီခြင်းလေးရပ်ကို အကောင်အထည်ဖေါ်နိုင်ခဲ့ပါတယ်။  ဒါပေမဲ့ ကွန်မြူနစ်ပါတီရဲ့ နိုင်ငံရေး ဖိနှိပ်မှုတွေ နဲ့ ရာဇဝတ်မှုတွေဟာ ပါတီရဲ့ ဂုဏ်သိက္ခာကို အကြီးအကျယ် ကျဆုံးစေခဲ့ပါတယ်။ အထူးသဖြင့် ၁၉၈၉ တီယင်မင်ရင်ပြင်ကျောင်းသားလှုပ်ရှားမှုကို အကြမ်းဖက် ဖြိုခွဲခဲတဲ့ တရုပ်တပ်နီတော်ရဲ့ လုပ်ရပ်ဟာ အရိပ်မဲကြီးတခုလို လိုက်နေခဲ့တယ်။
“ လွန်ခဲ့တဲ့ သောကြာနေတုံးက ဆိုရင် အသက် (၇၃) နှစ်အရွယ် လူတယောက်ဟာ ကိုယ့်ဘာသာ ဆွဲကြိုးချသေပြီး တရုပ်အစိုးရကို ဆန့်ကျင်ရှုတ်ချခဲ့တယ်။ ၁၉၈၉ တီယင်မင်ရင်ပြင်ကျောင်းသား လှုပ်ရှားမှုမှာ သေဆုံးသွားခဲ့တဲ့ သူ့ရဲ့သားဖြစ်သူရဲ့စာရင်းကို တရုပ်အစိုးရက တရားဝင်ထုတ်ပြန်ပေးဖို့ ငြင်းဆန်ခဲ့တာ၊ တရုပ်ပြည်သူလူထုအပေါ် တောင်းပန်မှုတစုံတရာမလုပ်ခဲ့တာတွေကို အသက်နဲ့ လဲပြီး ကန့်ကွက်လိုက်တာဖြစ်တယ်။”
တကယ်တော့-- အင်အားကြီးနိုင်ငံတွေဟာ တီယင်မင်ရင်ပြင်လူသတ်ပွဲကို လူသိရှင်ကြား ရှုတ်ချ အပြစ်တင်ခဲ့ကြပေမဲ့၊ လုပ်အားခသက်သာပြီး၊ ဈေးကွက်ကြီးမားလှတဲ့ တရုပ်ပြည်ကြီးဆီကို အချိန်တို အတွင်းမှာပဲ ပြန်လည် ပွေ့ဖက်ခဲ့ကြပါတယ်။ အမေရိကန်သမ္မတ ဘီလ်ကလင်တန် နဲ့ ကုလသမဂ္ဂ လူ့အခွင့်အရေးကော်မရှင်နာ မယ်ရီရော်ဘင်ဆင် တို့ဟာ တရုပ်ပြည်ကြီးဆီကို  အလည်အပတ် ရောက်ရှိသွားကြပါတယ်။ တရုပ်ကွန်မြူနစ်ပါတီကလည်း တရုပ် ဒီမိုကရေစီပါတီကို တရားဝင်ထူထောင်ခွင့်ပြုခဲ့သလို၊ ဝေကျင်ရှင်း လို ထင်ရှားတဲ့ခေါင်းဆောင်တွေကို အကျဉ်းထောင်တွေထဲက လွှတ်ပေးပြီး၊ ပြည်ပကို ထွက်သွားခွင့်ပြုလိုက်ပါတယ်။
“ ၁၉၉၇-၉၈ နိုဝင်ဘာလထိ ကာလကို ဒုတိယ ပီကင်းနွေဦးအဖြစ်လူသိများခဲ့တယ်။ တရုပ်ပြည်ကြီးဟာ ဒီမိုကရက်တစ်နိုင်ငံတခုဆီကို ဦးတည်နေပြီ လို့ မျှော်လင့်ခဲ့ကြတယ်။ စီးပွားရေးအခွင့်အလမ်းတွေ ပွင့်လာတော့ လူတော်တော်များများဟာ တီယင်မင်ရင်ပြင် လူသတ်ပွဲကို လေးလေးနက်နက်မတွေးကြတော့ဘူး။ ဒါပေမဲ့ အမှောင်ထဲမှာ နက်နက်နဲနဲ ဖွဲ့တည်နေတဲ့ မီးတောင်တွေ ရှိနေတယ်။ ဒဏ်ရာတွေနဲ့တောက်လောင်နေသူတွေက တရုပ်ပြည်ကြီးရဲ့ နှလုံးသားကို ဆွဲကိုင်လှုပ်ရမ်းနေကြတယ်”
တရုပ် ကွန်မြူနစ်ခေါင်းဆောင် တွေဟာ ၁၉၉၈ နှစ်ကုန်ပိုင်းကစပြီး  တရုပ်ဒီမိုကရေစီပါတီမှာ ဦးဆောင်ပါဝင်ခဲ့သူတွေအားလုံးကို ပြန်လည်ဖမ်းဆီးဖို့ကြိုးစားခဲ့ပါတယ်။ လွတ်လပ်စွာ ထုတ်ဖေါ်ရေးသားခွင့်တွေကိုလည်း ပိတ်ပင်ခဲ့ပါတယ်။ ဒါပေမဲ့ တရားမျှတမှုနဲ့အမှန်တရားကို တောင်းဆိုနေသူတွေရဲ့ ဆန္ဒကိုတော့ ရိုက်ချိုးတားဆီးနိုင်စွမ်းမရှိခဲ့ပါဘူး။
“ပြည်သူ့တက္ကသိုလ် မှာ စိတ်ပညာပါမောက္ခတွေဖြစ်တဲ့ “ ဒင့်ဇီလင်း” တို့လင်မယားဟာ ကွန်မြူနစ်ပါတီဝင်တွေဖြစ်ပြီး သူတို့ရဲ့ သားဟာ တီယင်မင်ရင်ပြင်ကျောင်းသားဆန္ဒပြပွဲမှာ အသတ်ခံလိုက်ရတယ်။ ဒင့်ဇီလင်းဟာ တီယင်မင်ရင်ပြင်မှာ အသတ်ခံရသူတွေအကြောင်းကို မနားတမ်းထုတ်ဖေါ်ပြောဆိုနေသလို၊ အဲ့ဒီကာလတုံးက တာဝန်ထမ်းဆောင်ခဲ့တဲ့ ဝန်ကြီးချုပ်လီပင်း ရဲ့ “ တိုင်းပြည်တည်ငြိမ်မှုအတွက် လိုအပ်တဲ့ အင်အားသုံးဖြေရှင်းမှုတခုဖြစ်တယ်” ဆိုတဲ့ မှတ်ချက်ကို ခါးခါးသီးသီးရှုတ်ချသူဖြစ်တယ်။ ဒါကြောင့်လည်း သူမဟာ ပါတီနဲ့ တက္ကသိုလ်ပါမောက္ခ ဘဝကနေ ထုတ်ပယ်ခြင်းခံလိုက်ရတယ်။ လေကြောင်းအင်ဂျင်နီယာ ဘွဲ့လွန်ဒီဂရီတက်နေတဲ့ ထူးချွန်ထက်မြက်တဲ့ကျောင်းသားတွေဟာလည်း တီယင်မင်ရင်ပြင်အကြမ်းဖက်မှုကို ဝေဖန်ခဲ့တဲ့အတွက် ကျောင်းက ထုတ်ပယ်ခံရ၊ အလုပ်လျှောက်ခွင့်မရတဲ့အနေအထားတွေကို ရောက်ခဲ့ကြရပြန်တယ်။ ဂျွန် (၄) ရက်မှာ သေဆုံးသွားသူများကို ဦးညွတ်အလေးပြုကြ လို့ ဖေါ်ပြမိတဲ့ သတင်းစာ အယ်ဒီတာတချို့ဟာ အလုပ်ဖြုတ်ခံခဲ့ရတယ်။ ဒါပေမဲ့ သူတို့တတွေက လက်မလျော့ခဲ့ကြဘူးဗျ။ “တီယင်မင်အမေများ” ဆိုတဲ့အဖွဲ့ကို ဖွဲ့စည်းခဲ့ပြီး၊ အင်တာနက်ဆက်သွယ်ရေးတွေကတဆင့် ကမ္ဘာကြီးဆီကို သတင်းပေးပို့ခဲ့ကြတယ်”
သောတရှင်များခင်ဗျား
မြင့်မားလှတဲ့တိုက်တာအဆောက်အဦကြီးတွေ၊ အထူးစီးပွားရေးဇုံတွေနဲ့အတူ တရုပ်ပြည်ကြီးဟာ (၂၁) ရာစုထဲမှာ ခေါင်းထောင်ထနိုင်ခဲ့ပေမဲ့  တီယင်မင်ရင်ပြင် ပေါ်က ဝိညာဉ်တွေကလည်း ကွန်မြူနစ်ပါတီကို လိပ်ပြာ ခြောက်လန့်စေခဲ့ပါတယ်။ မကြာသေးမှီရက်များအတွင်းက အင်တာဗျူး တခုမှာ ပီကင်း မြို့တော်ဝန် “ချန်ဇီတောင်း”ဟာ တီယင်မင်ရင်ပြင်ကျောင်းသားဆန္ဒပြပွဲကို အေးအေးဆေးဆေးဖြေရှင်းလို့ရကြောင်း၊  သူ့အနေနဲ့ အကြမ်းဖက်မှုတွေကို သဘောမတူခဲ့ကြောင်း  နောင်တတွေ ထင်စွန်းရင်း ပြောဆိုနေခဲ့ပါတယ်။
 “ ကျမလိုပဲ ကံကြမ္မာဆိုး ရဲ့ ရိုက်ခပ်မှုကို ခါးစီး ခံစားနေရတဲ့သူတွေအတွက်  မျက်စိပိတ်မနေနိုင်ဘူး။ အစိုးရဟာ တာဝန်သိသိ ပူးပေါင်းပါဝင်မှု မလုပ်မခြင်း ဂျွန်လ (၄) ရက်နေ့ လူသတ်ပွဲမှာ ဆုံးရှုံးနစ်နာခဲ့ရတဲ့ မိသားစုတွေအတွက် ဆက်လက်ကြိုးစားလုပ်ဆောင်သွားမယ်” တဲ့။
သားပျောက်မျှော်နေတဲ့ မိခင်တွေ နဲ့ သောတရှင်တို့လည်း တီယင်မင်အမေများအဖွဲ့ခေါင်းဆောင် ဒင့်ဇီလင်း ရဲ့ သံဓိဋ္ဌာန်စကားတွေကို နားလည်ခံစားနိုင်ကြပါစေ။