မဲပေးနိုင်သူစာရင်း မှားယွင်းမှုရှိ

2012-03-21

ကြားဖြတ်ရွေးကောက်ပွဲ ကျင်းပဖို့ ရက်ပိုင်းပဲ လိုတော့တဲ့ အချိန်မှာ မဲဆန္ဒနယ်မြေတွေမှာ မဲပေးနိုင်သူစာရင်း ပျောက်ဆုံးနေတာ၊ ကျန်နေတာတွေ ရှိနေပြီး NLD ပါတီဝင်တချို့ကို ခြိမ်းခြောက်မှုတွေ ရှိနေကြောင်း သိရပါတယ်။

demowaiyen

၂ဝ၁၂ မတ်လ ၃ ရက်နေ့က အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် မန္တလေးမြို့ အောင်ပင်လယ်ကွင်းတွင် ဟောပြောပွဲ ပြုလုပ်စဉ်။

မန္တလေးတိုင်း၊ မဟာအောင်မြေ မဲဆန္ဒနယ် မဲဆန္ဒရှင်စာရင်းထဲမှာ မပါဝင်တဲ့ မဲပေးခွင့်ရှိသူ နှစ်ထောင်ကျော်လောက်ကျန် ရှိနေကြောင်း၊ သူတို့တွေ မဲပေးခွင့်ရရေးအတွက် မန္တလေး အမျိုးသားဒီမိုကရေစီ အဖွဲ့ချုပ်က ခရိုင်ကော်မရှင်ကို တင်ပြဖို့ စီစဉ်ဆောင်ရွက်နေကြောင်း၊ မဟာအောင်မြေမြို့နယ်က ၀င်ရောက်ယှဉ်ပြိုင်မယ့် NLD ပြည်သူ့လွှတ်တော်ကိုယ်စားလှယ် ဦးအုန်းကြိုင်က အခုလို ပြောပါတယ်။
"ပထမ မြို့နယ်ကော်မရှင်က ပြောတာက ၆လ ဆက်တိုက် ဒီမှာနေပြီးလို့ရှိရင် ဧည့်စာရင်းနဲ့ နေရင်လည်းပဲ မဲမေးခွင့် ရှိတယ်လို့ပြောတယ်။ အခု အဲဒီလူတွေက တကယ်ပဲ သူတို့ ဒီနေရာမှာနေတာ ၆ လကျော်သွားပြီ၊ ဘော်ဒါဆောင်မှာနေတဲ့ ခလေးတွေပေါ့။ သူတို့က မဲပေးချင်ပါတယ်ဆိုပြီး တကယ်တင်လာတဲ့ အခါကျတော့၊ မဟုတ်ဘူးတဲ့ ဥပဒေမှာ ပြဋ္ဌာန်းတာက ရွေးကောက်ပွဲမတိုင်မီ တစ်လလောက်ကတည်းက ကြိုပြီးတော့ အပြတ်ဖြတ်ရမှာတဲ့ ဆိုတော့ လွန်ခဲ့တဲ့ ၂ လလောက်က မဲစာရင်းမှာ မကြေညာပဲနဲ့ အဲလူတွေက ဘယ်လိုလုပ်ပြီးတော့ သူတို့ဒီမှာ မဲစာရင်းထဲပါတယ် မပါဘူး သိနိုင်မလဲ"
အလားတူပဲ ပဲခူးတိုင်း၊ က၀မြို့နယ်မှာလည်း မဲစာရင်းကွာဟမှုတွေ တွေ့ရတဲ့အတွက် မြို့နယ်ကော်မရှင်ကို တင်ပြထားကြောင်းနဲ့ ကြံ့ခိုင်ရေးနှင့် ဖွံ့ဖြိုးရေးပါတီဝင်ဆိုသူက၊ NLD ပါတီဝင်တချို့ကို ခြိမ်းခြောက်မှုတွေ ရှိနေတယ်လို့ အမှတ် ၂ တိုင်းဒေသကြီး လွှတ်တော်နေရာကို ၀င်ရောက်ယှဉ်ပြိုင်မယ့် NLD လွှတ်တော် ကိုယ်စားလှယ်လောင်း ဦးမျိုးခိုင်က ပြောပါတယ်။
ပြီးခဲ့တဲ့ ရက်တွေကလည်း စစ်ကိုင်းတိုင်းဒေသကြီး၊ ရွှေဘိုခရိုင်၊ ကန့်ဘလူမြို့နယ်၊ ဇီးကုန်းတိုက်နယ်၊ နဂါးပေါ်ကျေးရွာကို မဲဆွယ်စည်းရုံးရေးဆင်းလာတဲ့ ကန့်ဘလူမြို့နယ်၊ အမျိုးသားလွှတ်တော် အမှတ် (၃) မဲဆန္ဒနယ်မှာ ဝင်ရောက်ယှဉ်ပြိုင်မယ့် အမျိုးသားဒီမိုကရေစီ အဖွဲ့ချုပ်မှ အမျိုးသားလွှတ်တော် ကိုယ်စားလှယ်လောင်း ဒေါက်တာမြင့်နိုင်နဲ့ အဖွဲ့ကို ကြံ့ခိုင်ရေးနှင့် ဖွံ့ဖြိုးရေးပါတီက လိုက်လံနှောင့်ယှက်ခဲ့တယ်လို့လည်း သိရပါတယ်။

 

 

မဲစာရင်းအလွဲအမှားနဲ့ အာဏာပိုင်တွေရဲ့ မမှန်မကန်ဆောင်ရွက်ချက်

2012-03-21

မဲစာရင်း အလွဲအမှားတွေ ထပ်မံတွေ့ရှိရကြောင်းနဲ့ ကြားဖြတ်ရွေးကောက်ပွဲ မတိုင်ခင် မမှန်မကန် လုပ်ဆောင်မှုတွေ တွေ့နေရကြောင်း NLDပါတီက ဒီကနေ့ သတင်းထုတ်ပြန်လိုက်ပါတယ်။

RFA

၂၀၁၂ ခုနှစ် ဖေဖော်ဝါရီ ၂၀ ရက်တွင် အမျိုးသားဒီမိုကရေစီ အဖွဲ့ချုပ် ရုံးချုပ်တွင် ပြုလုပ်သော သတင်းစာရှင်းလင်းပွဲ၌ ဦးဥာဏ်ဝင်းက သတင်းထောက်များအား ရှင်းလင်းနေစဉ်။

ဧရာဝတီတိုင်း၊ မြောင်းမြမြို့နယ်၊ မကွေးတိုင်း၊ တောင်တွင်းကြီးမြို့နယ်နဲ့ ရန်ကုန်တိုင်း၊ မရမ်းကုန်းမြို့နယ်တွေမှာ မဲစာရင်း အလွဲအမှားတွေဖြစ်နေပြီး၊ သက်ဆိုင်ရာ မြို့နယ်ကော်မရှင်တွေက မဲစာရင်းအတိအကျ မထုတ်ပြန်သေးတာရှိသလို၊ မဲပေးခွင့်ရှိပါလျက်နဲ့ မဲစာရင်းထဲ မိမိတို့အမည်တွေ မပါဝင်သေးသူတွေ အများအပြားတွေ့နေရကြောင်း၊ NLD ပါတီရဲ့ လေ့လာတွေ့ရှိချက်တွေကို ဒီကနေ့ ထုတ်ပြန်တဲ့ ကြေညာချက်မှာ ဖေါ်ပြထားပါတယ်။
လာမယ့် ကြားဖြတ်ရွေးကောက်ပွဲနဲ့ ပတ်သက်ပြီး NLD ပါတီက ဆောင်ရွက်ချက်တွေကို ပြည်သူတွေသိအောင် ထုတ်ပြန်ရတာဖြစ်တယ်လို့ ရွေးကောက်ပွဲအောင်နိုင်ရေး မန်နေဂျာ ဦးဥာဏ်ဝင်းက RFAကို ပြောပါတယ်။
NLD ပါတီက စောင့်ကြည့်လေ့လာပြီး၊ သက်ဆိုင်ရာ ရွေးကောက်ပွဲကော်မရှင်တွေကို တင်ပြ ညှိနှိုင်း နိုင်ခဲ့တာကြောင့်၊ မဲပေးခွင့်ရှိသူ ၃ သောင်းခွဲကျော် မဲစာရင်းထဲ ပါလာပြီဖြစ်ကြောင်း ဦးဥာဏ်ဝင်းက ပြောပါတယ်။
မဲစာရင်း အလွဲအမှားတွေနဲ့ ပတ်သက်ပြီး ရွေးကောက်ပွဲကျင်းပမယ့် ဧပြီလ(၁)ရက်နေ့အထိ အားလုံးကို စိစစ်နိုင်မှာ မဟုတ်ပေမယ့် ထောက်ပြပြောဆိုသင့်တာတွေကို NLD ပါတီက ဆက်လက် ဆောင်ရွက်သွားမှာဖြစ်ကြောင်း၊ NLD ပါတီ ပြောခွင့်ရသူ ဦးဥာဏ်ဝင်းက ပြောပါတယ်။
မဲစာရင်းအလွဲအမှား၊ အာဏာပိုင်တွေရဲ့ မမှန်မကန်ဆောင်ချက်တွေနဲ့ ပတ်သက်ပြီး၊ NLD ပါတီက ရွေးကောက်ပွဲ အောင်နိုင်ရေး မန်နေဂျာ ဦးဥာဏ်ဝင်းကို RFA အဖွဲ့သား ကိုဥာဏ်ဝင်းအောင်က ဆက်သွယ်မေးမြန်းထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်။