ယမ်းငွေ့များကြားမှပန်းကလေးများ

7Day News Journal ·

အားမာန်
သူ့အမည်က မြန်မာလို တတိယမြောက်အောင်မြင်သော သမီးဟု အဓိပ္ပာယ်ရသော ကချင်
နာမည် 'ရွယ်အောင်'။ အမည်က အောင်မြင်သောသမီးဟုဆိုသော်လည်း သူမ လူ့ဘ၀ စရောက် လာသော

၁၉ရက်မြောက်နေ့အထိ အောင်မြင်မှု၊ကောင်းမွန်မှု တစ်ခုမျှမကြုံရသေး။
ရွယ်အောင်ကို လွန်ခဲ့သည့် ၁၉ရက်(မေ ၅)ရက်က လိုင်ဇာရှိ ၀ယ်ကျိုင်းစစ်ဘေးဒုက္ခသည်စခန်းတွင်

ဖွားမြင်ခဲ့သည်။ ပန်းဆောင်ရွာ ဇာတိမိခင်မနူးတောင်က သူလေးကို ဒုက္ခသည်စခန်းမှာပင် အောင်မြင်စွာမွေး
ဖွားခဲ့သည်။ အသက်၂၄နှစ်အရွယ် မနူးတောင်၊ အမျိုးသားနှင့်သား၊ သမီးစုစု ပေါင်း မိသားစုဝင်လေးဦးတို့

စခန်းရောက်လာစဉ်က ရွယ်အောင်မပါသေး။ သူတို့မိသားစုမှာ ကချင်ပြည်နယ်တွင် အစိုးရတပ်မတော်

နှင့်ကချင်လွတ်လပ်ရေးတပ်မတော် (KIA)တို့ကြား တိုက်ပွဲများစတင် ဖြစ်ပွားပြီးနောက် ၂၀၁၁

ဇူလိုင်လဆန်းတွင် စစ်ဘေးရှောင်ရန် ဇာတိ မြေမှ ထွက်ပြေးလာကြခြင်းဖြစ်၏။ အစိုးရစစ်တပ်နှင့် KIA အကြား

တိုက်ပွဲများမှာ ၂၀၁၁ ဇွန် ၉ ရက်တွင် စတင်ဖြစ်ပွားနေခြင်းဖြစ်သည်။
ထို့ကြောင့် ရွယ်အောင်မှာ ၀ယ်ကျိုင်းစစ်ဘေးဒုက္ခသည်စခန်း ရောက်ပါမှ သူမမိခင်ဝမ်း၌

သန္ဓေတည်၍ စစ်ပွဲကာလမှာပင် လူ့လောကရောက်လာသူကလေးဖြစ်သည်။ ကမ္ဘာ့နိုင်ငံများထဲတွင်

ပြည်တွင်းစစ်သက်တမ်းအရှည်ကြာဆုံးနိုင်ငံ၊ အာဆီယံတွင် ပြည်တွင်းစစ် ကျန်ရှိသေးသော တစ်ခုတည်းသော

နိုင်ငံ၌ တစ်ကျော့ပြန် ပြည်တွင်းစစ်ဖြစ်နေသည့် ကချင်ပြည် နယ်ရှိဒုက္ခသည်စခန်းတွင်မှ တိုက်တိုက်ဆိုင်ဆိုင်

လူဖြစ်လာ သူလေးပင်။
မိခင်ဝမ်းက ထွက်ခါစ နီတာရဲလေး ရွယ်အောင်ကတော့ ပတ် ၀န်းကျင်

ဘာဖြစ်နေသည်ကိုလုံးဝမသိ။ မိခင်ကျောပေါ်တွင် နှစ်ခြိုက်စွာ အိပ်မောကျနေသည်။ မွေးကင်းစ

သူ့မျက်နှာပေါ်ဝယ် ယားနာကွက်လိုလို၊ မိတ်ဖုများလိုလို အပိန့်ကွက်အချို့ထနေသော်လည်း သူ့မျက်နှာမှာ

ဖြူစင် အပြစ်ကင်းနေသည်။
တစ်နှစ်နီးပါး ကြာရှည်ခဲ့ပြီဖြစ်သော အစိုးရစစ်တပ်နှင့်ကချင် လွတ်လပ်ရေးအဖွဲ့(KIO)

လက်အောက်ရှိ ကချင်လွတ်လပ်ရေး တပ်မတော် (KIA)တို့၏ တိုက်ပွဲများကြား စစ်ပြေးဒုက္ခသည်စခန်းများတွင်

မွေးဖွား၍ လူ့လောက ရောက်လာသော ကလေးငယ်စုစုပေါင်း မေ ၂၂ရက်အထိ ၁ç၀၀၄ဦးရှိသည်။

ကချင်ပြည်နယ်ရှိ ကယ်ဆယ်ရေး စခန်းအားလုံးတွင် မေလ ၂၂ရက်အထိ စစ်ပြေးဒုက္ခသည်အနည်းဆုံး

၈၀၀၀၀ ကျော်ရှိကြောင်း စစ်ပြေးဒုက္ခသည်ကယ်ဆယ်ရေးကော်မတီဥက္ကဋ္ဌ ဦးဒွဲပီဆက ပြောသည်။

စစ်ပွဲများကြား စစ်ဘေးဒုက္ခသည် မိဘများက စခန်းများတွင် ကလေးငယ် ၁ç၀၀၄ဦးကို

မွေးဖွားခဲ့ခြင်းဖြစ်သည်။
စစ်ဘေးဒုက္ခသည်အားလုံး မိမိဇာတိမြေပြန်လိုသော်လည်း တိုက်ပွဲ များကြောင့် မပြန်နိုင်။
'ရွာကို ပြန်တော့ပြန်ချင်တယ်။ မပြန်ရဲဘူးကြောက်တယ်'ဟု အသက် ၃၀ နှစ်အရွယ်

တုန်ဖူယန်မြို့နယ်၊ တွန်ခုန်းရွာဇာတိသူ မမိုင်ဆန်ကဖွင့်ဟသည်။ မမိုင်ဆန်သည်လည်း မနူးတောင်ကဲ့သို့

ကယ်ဆယ်ရေးစခန်းရောက်မှ ကလေးတစ်ဦးဖွားမြင်၍ သားသမီးငါးဦးရှိသည်။
သုံးလအရွယ်သာရှိသော သူမ၏ အငယ်ဆုံးသား ဇော်ကန်အောန်အတွက် ပူပင်ကြောင့်ကြမှု

များစွာမရှိဘဲ သားအလတ်နှင့် သမီးအလတ် တို့အတွက် အဓိကပူပန်နေသည်။
'ကလေးတွေ ကျောင်းတက် ရမှာဆိုတော့ ပိုက်ဆံမရှိလို့စိတ်ပူတယ်။ သူတို့ကို

ကျောင်းထားရတော့မှာ'ဟု မမိုင်ဆန်ကပြောသည်။ အသက်ရှစ်နှစ်အရွယ် သမီးအကြီးဆုံးမှာ အဘွားဖြစ်သူ နှင့်

ရှမ်းပြည်နယ်တွင်နေ၍ စိတ် မပူရသော်လည်း ခြောက်နှစ်အရွယ်သားနှင့်လေးနှစ်အရွယ်သမီး
တို့ကိုကျောင်းထားရန် သူမ ပူပန်နေခြင်းဖြစ်၏။ သုံးလသား ဇော်ကန်အောန် ကတော့ မိခင်၏ ပူပန်မှုများ

ဘာမျှမသိ။ မိခင်ရင်ခွင်၌ နှစ်ခြိုက်စွာအိပ်မောကျနေသည်။
မြန်မာနိုင်ငံမှ အခြားဒေသ အားလုံးရှိ ကျောင်းသား၊ ကျောင်းသူများအစိုးရသစ်၏

ပြောင်းလဲခြင်းလေပြည်တွင် မိမိတို့ရပ်ရွာ ကျောင်းများ၌ပျော်ရွှင်လွတ်လပ်စွာပညာသင်ယူနိုင်ချိန်တွင်

ကချင်ပြည်နယ်ရှိ စစ်ဘေးဒုက္ခသည် ကျောင်းသားများကမူ ထိုသို့ မဟုတ်။ ကယ်ဆယ်ရေးစခန်းများ တွင်

ပညာရေးကိုဖြစ်သလိုသင်ယူနေကြရသည်။ ယခင် ပညာသင်နှစ်(၂၀၁၁-၁၂)ကပင်

စစ်ပြေးဒုက္ခသည်ကျောင်းသား ၅၀၀၀ ကျော်ရှိသည်။ စစ်ပြေးဒုက္ခသည် ကျောင်းသား ၁ç၅၀၀ကျော်မှာမူ

ကယ်ဆယ်ရေးစခန်းရှိ ကျောင်းသို့ရောက်ချိန် နောက်ကျ၍ ပညာသင်ယူခွင့် တစ်နှစ် ဆုံးရှုံးခဲ့သည်။
ထိုအရေအတွက်မှာ KIO လက်အောက်ရှိ ကယ်ဆယ်ရေးစခန်းများ မှ အရေအတွက်သာဖြစ်ပြီး

အစိုးရတပ်မတော်ထိန်းချုပ်ထားသော နယ်မြေရှိ ကယ်ဆယ်ရေးစခန်းများမှ ကျောင်းသား မပါဝင်သေးပေ။ ထို့
ကြောင့် ဇွန် ၁ ရက် စမည့် ယခုပညာသင်နှစ် တွင် စစ်ဘေးဒုက္ခသည်ကျောင်း သားအရေအတွက်

တိုးလာမည်ဖြစ်သည်။ ထို့အတူ မိဘက စိတ်မချ၍ကျောင်းမတက်ခိုင်းသောကြောင့် ကျောင်းမတက်နိုင်သော

စစ်ဘေးဒုက္ခ သည်ကျောင်းသားမှာလည်း ယခင်ထက်တိုးလာမည်ဖြစ်ကြောင်း ဦးဒွဲပီဆကပြောသည်။
အရှိန်မြင့်လာသော စစ်ပွဲများကြောင့် စစ်ဘေးဒုက္ခသည် အရေအတွက် များလာသည့်နည်းတူ

ဒုက္ခသည်များစွာတွင် အရေအတွက် အများဆုံးဖြစ်သော ကျောင်းသားအရွယ် ကလေးငယ်များ ဆက်တိုက်

တိုးနေ၍ ၎င်းင်းတို့အတွက် ကျောင်းသုံးစာအုပ်၊ ခဲတံ၊ ဘောပင်စသော သင်ထောက်ကူပစ္စည်းများလည်း

အထူးလိုအပ်နေသည်။ ကြမ်းတမ်း သော မိုးရာသီကိုရောက်တော့မည်ဖြစ်၍ ခိုင်ခံ့သောကျောင်းအဆောက်

အအုံ၊ စာသင်ခုံ၊ စားပွဲစသည်တို့လည်း လိုအပ်ကြောင်း ဒုက္ခသည်ကျောင်းသားများအရေး

ကူညီနေသူများကဆိုသည်။
'သား၊ သမီးတွေကို ပညာတတ်စေချင်တယ်'ရွယ်အောင်၏ မိခင် မနူးတောင်က

သူမ၏ဆန္ဒကိုဖွင့်ဟသည်။ ကိုယ်တိုင် တောထဲတွင် တောင် ယာလုပ်နေရသူဖြစ်၍ သားသမီးများကို

ပညာတတ်စေချင်ပြီး ယခုကဲ့သို့ ဒုက္ခများထပ်မတွေ့ရန် သူမ ဆန္ဒရှိနေသည်။ ဇော်ကန်အောန်မိခင် မမိုင်

ဆန်ကလည်း အလားတူ ဆန္ဒပင်ရှိနေသည်။
ထို့ကြောင့် သူတို့နှစ်ဦးအပါအ၀င် စစ်ဘေးဒုက္ခသည်အားလုံး

ဘုရားသခင်ထံတောင်းသောဆုမှာတူညီနေသည်။
'ကချင်ပြည်နယ် ငြိမ်းချမ်းရေးအမြန်ရအောင်၊ အိမ်ကိုအမြန် ပြန်
နိုင်အောင် နေ့တိုင်းဆုတောင်းတယ်'ဟု မနူးတောင်က သူမ တောင်း သောဆုကိုပြောသည်။
'စစ်ပွဲတွေမဖြစ်အောင် ငြိမ်းချမ်းရေးမြန်မြန်ရအောင်ဆုတောင်း

တယ်'မမိုင်ဆန်ကလည်းဖွင့်ဟသည်။
အသက် ၅၉နှစ်အရွယ် ဒေါ်ကော့ဖန်ကတော့ မြန်မာနိုင်တစ်ဝန်း လုံးရှိ

တိုင်းရင်းသားညီအစ်ကိုမောင်နှမများကပါ ငြိမ်းချမ်းရေးအတွက် ၀ိုင်းဝန်းဆုတောင်းပေးစေလိုနေသည်။
'လူမျိုးလည်း မခွဲခြားပါဘူး။ မြန်မာနိုင်ငံတစ်ဝန်းမှာနေတဲ့ပြည်သူ
အားလုံး တိုင်းရင်းသားအားလုံးက ကချင်ပြည်နယ်အတွက် ၀ိုင်း ဆုတောင်းပေးစေချင်တယ်။

အရမ်းဒုက္ခရောက်တယ်' ဂျယမ်းစခန်းမှ ဒေါ်ကော့ဖန် က အားကိုးတကြီးပြောသည်။ ပြောနေရင်းမှ

သူမပါးပြင်ပေါ်ရှိ မျက်ရည်ပူ များ ကျဆင်းနေသည်။
သို့သော် အစိုးရနှင့် ကေအိုင်အိုကြား နိုင်ငံရေးအမြင်မတူရာမှ ဖြစ်ပွားနေသောတိုက်ပွဲများ

မည်သည့်အချိန်တွင် ပြီးဆုံး၍ မည်သည့် အချိန်တွင်မှ ၎င်းင်းတို့ တောင်းသောဆုများပြည့်မည် မသိနိုင်။
တိုင်းရင်းသားလက်နက်ကိုင်တပ်ဖွဲ့များနှင့် ငြိမ်းချမ်းရေးဖော် ဆောင်ရန် မေ၁ရက်တွင်

သမ္မတဦးသိန်းစိန်ဖွဲ့စည်းလိုက်သော ပြည်ထောင်စုငြိမ်းချမ်းရေးဖော်ဆောင်ရေးဗဟိုကော်မတီနှင့်

လုပ်ငန်းကော်မတီတို့ ပေါ်ပေါက်လာပြီး သုံးရက်အကြာ လူ့လောက ရောက်လာသော ရွယ် အောင်တစ်ယောက်

ဘယ်တော့များမှ မိဘများနှင့်အတူ ဇာတိရွာ ပြန်နိုင် မည် မသိ။ ဘယ်တော့များမှ ငြိမ်းချမ်းရေးလေပြည်နှင့်

ထိတွေ့ခွင့်ရမည် မသိ။ ။