Nanotechnology

Nanotechnology အကြောင်း တစေ့တစောင်း

၂၁ရာစု ကမ္ဘာ့နည်းပညာလောကမှာ နယူးကလီးယား နည်းပညာနဲ့ အပြိုင် နာမည်ကြီးလာတဲ့ နည်းပညာ ဆန်းတခုကတော့ နာနိုနည်းပညာ (Nanotechnology) ပဲ ဖြစ်ပါတယ်။ ဒီနည်းပညာရပ်ဆိုင်ရာ ဖွံ့ဖြိုးတိုးတက်မှုနဲ့ ပတ်သက်ပြီး၊ ကမ္ဘာ့အင်အားကြီးနိုင်ငံတွေမှာ အပြိုင်အဆိုင် ရင်းနှီးမြှုပ်နှံမှုတွေ ပြုလုပ်လာကြပါတယ်။ Venture Capital Investor ဖြစ်တဲ့ Steve Jurvetson က နာနိုနည်းပညာဟာ စက်မှုတော်လှန်ရေးလှိုင်းလုံးတခု ဖြစ်လာနိုင်ဖွယ်ရှိကြောင်း ခန့်မှန်းပြောဆိုလာခဲ့ပါတယ်။

နာနိုနည်းပညာ ဆိုရာဝယ်

နာနိုနည်းပညာဆိုတာ အလွန်သေးငယ်တဲ့ အရာဝတ္ထုများဆိုင်ရာ နည်းပညာ ဖြစ်ပါတယ်။ တစ်နာနိုမီတာဟာ အက်တမ် ၅ခုရဲ့ အကျယ်အ၀န်းခန့်သာ ရှိပြီး၊ 10^-9 m နဲ့ ညီမျှပါတယ်။ DNA strand တခုဟာ နှစ်နာနိုမီတာရှိပြီး၊ သွေးနီဥဆဲလ်ရဲ့ အကျယ်အ၀န်းက ၇၀၀၀ နာနိုမီတာ ရှိပါတယ်။ လူ့ဆံပင်ရဲ့ ဆံချည်မျှင်ဟာ ၈ သိန်းနာနိုမီတာနဲ့ ညီမျှပြီး၊ ပရွက်ဆိတ်တကောင်ရဲ့ အရွယ်အစားဟာ ငါးသန်းနာနိုမီတာနဲ့ ညီမျှပါတယ်။ ကမ္ဘာပေါ်မှာရှိတဲ့ သက်ရှိ၊ သက်မဲ့ အရာဝတ္ထုတွေအားလုံးဟာ အက်တမ်နဲ့ ဖွဲ့စည်းထားတာ ဖြစ်တဲ့အတွက် နာနို နည်းပညာကို အသုံးပြုပြီး၊ အက်တမ်လေးတွေနဲ့ အရာဝတ္ထုတွေကို ဖွဲ့စည်းတည်ဆောက်လို့ ရပါတယ်။

နာနိုနည်းပညာ၏ ကောင်းကျိုး၊ ဆိုးကျိုးများ

နာနိုအရွယ်အစား ရိုဘော့တွေဖြစ်တဲ့ နာနိုဘော့တွေကို တည်ဆောက်လာနိုင်ခဲ့ရင် လူ့လောကအတွက် အကျိုးကျေးဇူးရှိစေမယ်လို့လဲ သိပ္ပံပညာရှင်တွေက ခန့်မှန်းသတ်မှတ်ထားကြပါတယ်။ ဥပမာ- မော်လီကျူးအနည်းငယ်သာ ပါဝင်တဲ့ ဆေးဘက်ဆိုင်ရာ နာနိုဘော့တွေကို တည်ဆောက်လာနိုင်ခဲ့ရင် ကင်ဆာဆဲလ်တွေကို ဖျက်ဆီးတာတွေ၊ သွေးကြောမျှင် လေးတွေကို ပြင်ဆင်တာတွေနဲ့ တစ်ရှုးတွေ တည်ဆောက်မှုတွေကို ပြုလုပ်နိုင်မယ်လို့ တွက်ဆပြီး သုတေသနတွေ ပြုလုပ်နေကြပါတယ်။

အခုဆိုရင် နာနိုနည်းပညာကို အသုံးပြုပြီး ရေသန့်စင်စနစ် တီထွင်ဖို့ သုတေသနပြုမှုတွေ၊ အစားအစာတွေရဲ့ အရသာနဲ့ ပါဝင်မှုတွေကို လိုအပ်သလို ပြောင်းလဲနိုင်ဖို့ သုတေသနပြုမှုတွေ၊ ကာကွယ်ဆေးနဲ့ ရောဂါကုသရေး နည်းပညာသစ် ရှာဖွေရေးအတွက် သုတေသနပြုမှုတွေ အများအပြား ရှိနေပါပြီ။ Estrasorb လို့ အမည်ရှိတဲ့ skin lotion ဟာ ကမ္ဘာ့ဆေးဝါးဈေးကွက်ထဲကို ပထမဆုံး ၀င်ရောက်လာတဲ့ နာနိုနည်းပညာ အသုံးပြုဆေးဝါးဖြစ်ပါတယ်။

နာနိုနည်းပညာကို ကျယ်ကျယ်ပြန့်ပြန့် ဖွံ့ဖြိုးတိုးတက်လာအောင် သုတေသန ပြုခြင်းအားဖြင့် နေရောင်ခြည်ဆဲလ်တွေကို ထုတ်လုပ်လာနိုင်မယ်လို့ ယူဆပြီး အကောင်အထည်ဖော်နေကြတဲ့ သုတေသန စီမံကိန်းတွေလဲ ရှိပါတယ်။ ရေနံယိုစိမ့်မှုတွေ ဖြစ်ပွားတဲ့အခါ oil spill ထဲမှာပါဝင်တဲ့ အက်တမ်တွေကို သဘာဝပတ်ဝန်းကျင်ကို ထိခိုင်မှုမရှိအောင် နာနိုပိုက်လိုင်းလေးတွေနဲ့ ပြောင်းလဲ ပြုပြင်နိုင်ရေးအတွက် ကြိုးပမ်းနေကြတဲ့ သုတေသန စီမံကိန်းတွေလဲ ရှိပါတယ်။

ရောဂါရှာဖွေကုသရေး၊ သဘာဝပတ်ဝန်းကျင်ထိန်းသိမ်းရေးနဲ့ စစ်လက်နက်ပစ္စည်း ထုတ်လုပ်ရေး လုပ်ငန်းတွေအတွက် နာနိုနည်းပညာရဲ့ အကျိုးကျေးဇူးတွေကို လေ့လာသုတေသနပြုနေဆဲမှာပဲ၊ ဈေးကွက်ထဲရောက်လာတဲ့ နာနိုနည်းပညာအသုံးပြု ကုန်ပစ္စည်းတွေဖြစ်တဲ့ နေရောင်ကာမှန်တွေ၊ spray ဗီတာမင်တွေနဲ့ wrinkle-resistant fabric တွေရဲ့ အကျိုးကျေးဇူးတွေကိုလဲ စားသုံးသူအချို့ ခံစားနေကြရပါပြီ။

သို့ပေမယ့်လဲ လုံခြုံရေး ဆန်းစစ်လေ့လာသူ ပညာရှင်အချို့ကတော့ ကုန်ပစ္စည်းထုတ်လုပ်ရေး၊ သတင်းနဲ့ နည်းပညာ၊ စွမ်းအင်၊ ဆေးဝါးပစ္စည်း၊ ထောက်လှမ်းရေးကိရိယာနဲ့ စစ်လက်နက်ပစ္စည်း ဆန်းသစ်တီထွင်ရေး တို့အတွက် အကျိုးကျေးဇူးတွေ ဆောင်ကျဉ်းပေးနိုင်တဲ့ နာနိုနည်းပညာဟာ ကမ္ဘာ့လုံခြုံရေးကို ခြိမ်းချောက်လာနိုင်ကြောင်း ထင်မြင်ယူဆကြပါတယ်။

စစ်လက်နက်ပစ္စည်းတွေကို နာနိုနည်းပညာအသုံးပြုပြီး ထုတ်လုပ်မှုဟာ ကုန်ကျစရိတ်သက်သာပြီး၊ မြန်ဆန်လာနိုင်ပါတယ်။ လက်နက်တွေရဲ့ အရွယ်အစား ပမာဏကလဲ သေးငယ်တဲ့အတွက် အသုံးပြုရတာ ပိုမိုလွယ်ကူလာနိုင်ပါတယ်။ ဥပမာ- ကွန်ပျူတာနည်းပညာနဲ့ sensor နည်းပညာတွေကို နာနိုနည်းပညာနဲ့ ပေါင်းစပ်တီထွင်ထားတဲ့ smart bullets တွေဟာ ပစ်မှတ်ကို တိတိကျကျ ဖော်ထုတ်တိုက်ခိုက်နိုင်မှာ ဖြစ်ပါတယ်။

ဓာတုလက်နက်နဲ့ ဇီဝလက်နက် ထုတ်လုပ်မှုတွေမှာလဲ အထောက်အကူဖြစ်လာနိုင်ပါတယ်။ autonomous fighting systems တွေကို တီထွင် ဆန်းသစ်မှုတွေလဲ ရှိလာနိုင်ပါတယ်။ စစ်မြေပြင်က စစ်သားတွေရဲ့ ကျန်းမာရေးအခြေအနေကို ၀တ်ထားတဲ့ စစ်ယူနီဖောင်းတွေကနေတဆင့် သေးငယ်တဲ့ sensors တွေကို အသုံးပြုပြီး စစ်ဆေးကြည့်ရှုနိုင်တဲ့ သုတေသနစီမံကိန်းတွေနဲ့ ပင်ပန်းနွမ်းနယ်မှု၊ ထိခိုက်ဒဏ်ရာရမှုတွေကို စစ်ယူနီဖောင်းတွေကတဆင့် exterior support ပြုလုပ်ပေးနိုင်ဖို့ လိုအပ်တဲ့ သုတေသနစီမံကိန်းတွေလဲ စတင်နေပြီ ဖြစ်ပါတယ်။

အကြမ်းဖက် တိုက်ခိုက်ရေး သမားတွေဆီမှာ nano-weapons of mass destruction တွေ ရောက်ရှိသွားမယ့်အရေးကလဲ စိုးရိမ်ဖွယ်ရာ ဖြစ်လာပါတယ်။ ဒီထက်ပိုပြီး ကြောက်မယ်ဖွယ်ရာ ကောင်းတဲ့ အရေးကတော့ အစားအစာ လုံခြုံရေးပဲ ဖြစ်ပါတယ်။ ဒါနဲ့ ပတ်သက်ပြီး၊ နိုင်ငံတကာ လုံခြုံရေး လေ့လာသူများ ပါဝင်တဲ့ ETC အုပ်စုက နာနိုနည်းပညာဟာ စိုက်ပျိုးရေးကဏ္ဍ၊ ထုတ်လုပ်ရေးကဏ္ဍ တွေကနေ တဆင့် အစားအစာ၊ စားသုံးမှု သဏ္ဍာန်တွေကိုပါ သက်ရောက်မှု ရှိလာစေနိုင်ကြောင်း တင်ပြထားခဲ့ပါတယ်။

ဒီလိုနာနို နည်းပညာရဲ့ ကောင်းကျိုး၊ ဆိုးကျိုး သက်ရောက်နိုင်မှုတွေ ကြီးမားလာတာနဲ့အမျှ နိုင်ငံရေး၊ စီးပွားရေး ခေါင်းဆောင်တွေရဲ့ နာနိုနည်းပညာအပေါ် အာရုံစိုက်မှုတွေကလဲ ကြီးထွားလာပါတော့တယ်။

နာနိုနည်းပညာအား အာရုံစိုက်ခြင်း

ကနဦးအစမှာ နာနိုနည်းပညာကို အင်အားကြီးနိုင်ငံတွေကသာ အာရုံစိုက်ကြပေမယ့်၊ နောက်ပိုင်းမှာ ဖွံ့ဖြိုးဆဲ နိုင်ငံတွေကပါ အာရုံစိုက်လာကြပါတယ်။ အဓိက အကြောင်းရင်းကတော့ နာနိုနည်းပညာဟာ nano-divide လို့ခေါ်တဲ့ နာနိုနည်းပညာကို ပိုင်ဆိုင်တဲ့ တိုင်းပြည်တွေနဲ့ မပိုင်ဆိုင်တဲ့ တိုင်းပြည်တွေအကြား ကွာခြားမှုကို ဖြစ်လာစေနိုင်လို့ပါပဲ။ အကျိုးအမြတ်များစေနိုင်တဲ့ ကုန်ပစ္စည်းတွေကို နာနိုနည်းပညာအသုံးပြုနိုင်တဲ့ နိုင်ငံတွေက ထုတ်လုပ်ပြီး၊ ကမ္ဘာ့ဈေးကွက်ကို လက်ဝါးကြီးအုပ်မှုတွေ ဖြစ်ပွားလာနိုင်တယ်လို့ ပညာရှင်တွေက သုံးသပ်လာကြပါတယ်။

အထူးသဖြင့် နာနိုနည်းပညာနဲ့ ဆက်နွယ်တဲ့ စက်မှုတော်လှန်ရေးသာ ပေါ်ထွက်လာခဲ့ရင် ကုန်ကြမ်းပစ္စည်းတွေကို နာနိုနည်းပညာနဲ့ တည်ဆောက်လာနိုင်မှာ ဖြစ်တဲ့အတွက် ကမ္ဘာ့ commodity market ကြီးတခုလုံး ဖရိုဖရဲ ဖြစ်သွားနိုင်ပြီး၊ နည်းပညာမရှိတဲ့ နိုင်ငံတွေရဲ့ စီးပွားရေးဖွံ့ဖြိုးတိုးတက်မှုကို ထိခိုက်လာစေနိုင်ကြောင်း စိုးရိမ်ပူပန်မှုတွေ ပေါ်ထွက်လာပါတယ်။ တောင်အာဖရိကနိုင်ငံမှာဆိုရင် မြေအောက်သယံဇာတပစ္စည်းတွေဖြစ်တဲ့ ရွှေနဲ့ တိုင်တေနီယမ်သတ္တုတွေကို နာနိုနည်းပညာအသုံးပြုပြီး တန်ဖိုးမြှင့်တင်နိုင်မယ့် သုတေသန စီမံကိန်းတွေကို အကောင်အထည်ဖော်နေကြပြီ ဖြစ်ပါတယ်။

တိုင်းပြည်ရဲ့ စီးပွားရေးအခြေအနေဟာ သဘာဝသယံဇာတပစ္စည်းတွေနဲ့ လယ်ယာစိုက်ပျိုးရေးကဏ္ဍ အပေါ်မှာ မူတည်နေတဲ့ တိုင်းပြည်တွေမှာလဲ နာနိုနည်းပညာ လေ့လာမှုတွေ၊ သုတေသန စီမံကိန်း အကောင်အထည် ဖော်ဆောင်မှုတွေ ပြုလုပ်လာကြပါတယ်။ တိုင်းပြည်ရဲ့ စီးပွားရေးဖွံ့ဖြိုးတိုးတက်မှုဟာ သဘာဝသယံဇာတ အရင်းအမြစ်အပေါ်မှာ မူတည်တယ်ဆိုတဲ့ အချက်ကို နည်းပညာနှင့် လူသားအရင်းအမြစ် ဖွံ့ဖြိုးတိုးတက်မှုနဲ့ ငြင်းဆိုခဲ့တဲ့ နိုင်ငံတွေ ကမ္ဘာပေါ်မှာ အများအပြား ရှိခဲ့ပါတယ်။

နာနိုနည်းပညာ တော်လှန်ရေး အောင်မြင်သွားခဲ့ရင်တော့ သဘာဝသယံဇာတ အရင်းအမြစ် ပိုင်ဆိုင်မှုရဲ့ competitive advantage ဟာ လျော့ကျပျက်ပြယ်သွားတော့မှာ ဖြစ်ပါတယ်။ နာနိုနည်းပညာ တော်လှန်ရေးဟာ ကမ္ဘာ့စီးပွားရေး ချိန်ခွင်လျှာကိုသာမက ကမ္ဘာ့စစ်ရေး၊ နိုင်ငံရေး ချိန်ခွင်လျှာ အပြောင်းအလဲတွေကိုပါ ဦးတည်သွားနိုင်ကြောင်း လေ့လာသူတွေက သုံးသပ်ကြပါတယ်။ နာနိုလက်နက် အပြိုင်အဆိုင် ထုတ်လုပ်မှု (nano arms race) လဲ ဖြစ်ပွားလာနိုင်ပါတယ်။

နိဂုံး

နည်းပညာတိုင်းမှာ ကောင်းကျိုး၊ ဆိုးကျိုးတွေ ဒွန်တွဲနေပါတယ်။ ကောင်းကျိုးတွေကို အကောင်းဆုံး ရယူခံစားနိုင်အောင် ကြိုးပမ်းပြီး၊ ဆိုးကျိုးတွေ နည်းနိုင်သမျှနည်းအောင် ပြုလုပ်ဖို့ကိုတော့ လူသားတွေကသာ ကြိုးပမ်းကြရမှာ ဖြစ်ပါတယ်။ တိုးတက်ပြောင်းလဲနေတဲ့ နည်းပညာရဲ့ အခြေအနေကို မျက်ချေမပြတ် အာရုံစိုက်ခြင်း၊ သင့်လျော်သော မူဝါဒများ၊ စီမံကိန်းများ ချမှတ်ခြင်းစတဲ့ pre-cautionary approach ကို အသုံးပြုပြီး နာနိုနည်းပညာရဲ့ စီးပွားရေးဖွံ့ဖြိုးတိုးတက်မှုအပေါ် ဆိုးကျိုးသက်ရောက် နိုင်မှုတွေကို လျှော့ချနိုင်ပါတယ်။ နည်းပညာကို တလွဲဆံပင်ကောင်း အသုံးပြုပြီး၊ လူသားတွေရဲ့ လုံခြုံရေးကို ခြိမ်းချောက်လာမယ့် ဆိုးကျိုးတွေကိုလဲ justice approach နဲ့ တားဆီးလျှော့ချနိုင်အောင် ကြိုးပမ်းကြရမှာ ဖြစ်ပါတယ်။

ခင်မမမျိုး (၂၀၊ ၄၊ ၂၀၁၁)

ရည်ညွှ့န်းကိုးကား။ ။

ETC Group (2004) “26 Governments Tiptoe Toward Global Nano Governance: Grey Governance?”, 30 June 2004

4th Nanoforum General Report: “Benefits, Risks, Ethical, Legal and Social Aspects of Nanotechnology”, first published in June 2004, updated October2005

Ministry of Defence, UK (2003) 'Nanotechnology: Its Impact on Defence and the MoD'

Petersen J.L. & Egan D.M. (2002) ‘Small Security: Nanotechnology and Future Defense’, Defense Horizons 8

nanotechnology.pdf 38K   View   Download

A..May..don't forget me...I want to play with U.....

အတက်နေ့ ခြံအမှတ် ၅၄ တက္ကသိုလ်ရိပ်သာလမ်းက ငွေဖလားမပါပဲ ရေကစားတဲ့ အမေ

Posted: 16 Apr 2011 11:50 PM PDT

Daw Aung San Suu Kyi

"ရန်-ငါ-စည်း ပြဿနာ"

"ရန်-ငါ-စည်း ပြဿနာ"

နိုင်ငံရေး ရဲ့ ပထမဦးတည်ချက် က (အာဏါ) ရရှိရေးပဲ

နိုင်ငံရေးမှာ (အာဏါ) မရှိပဲ မိမိဖေါ်ဆောင်လိုသော ပတ်ဝန်းကျင် ကို မဖေါ် ဆောင်နိုင်
ဒါကြောင့် (အာဏါ) ကို
          (၁) တိုက်ယူမလား
          (၂) တောင်းယူမလား (သို့) ဆွေးနွေးယူမလား
          (၃) အပြိုင် ပြည်သူစီက မဲ နဲ့ အနိုင်ယူမလား

ဗိုလ်ချုပ်အောင်ဆန်းတို့ ခေတ်ကခေါင်းဆောင်တွေဟာ (၃) ခုစလုံး ကိုဖြတ်ကျော်ခဲ့ရတယ်။

ပထမ အင်္ဂင်္လိပ် နဲ့ ဂျပန် ကို လက်နက် ကိုင် တိုက်ခဲ့ကြရတယ်။
အ၈င်္လိပ် ပြန်အ၀င် - ဒုတိယကမ္ဘာစစ်ကြီး အပြီး မှာ အင်္ဂလိပ်တွေနဲ့ ဆွေးနွေးပြီး လွပ်လပ်ရေးကို ဆွေးနွေးပြီးမှရ ယူခဲ့တယ်။ ဆွေးနွေးတယ်ဆိုတာက တကယ်တော့ .. လက်နက်ကိုင်..တိုက်ပွဲ ..အစား ..ဥါဏ်ချင်းတိုက်ရတာပါ….
လွပ်လပ်ရေးမရခင်..တခါ..ပြည်သူအရှေ့မှာ မဲ နဲ့ အာဏါကို တောင်းခံခဲ့ရပြန်တယ်….
အမှန်တကယ်တွေးကြည့်ရင် ..တိုက်ပွဲ …တွေကြီးပါပဲ….

ကိုင်စွဲ..တဲ့..လက်နက်ချင်း..ကွာတာပဲရှိတယ် ….
ပထမ ..တိုက်ပွဲက…. စစ်လက်နက် ..ကိုင်တိုက်တဲ့ …. တိုက်ပွဲ
ဒုတိယ ..တိုက်ပွဲက … ဥါဏ်..လက်နက် ..ကို ကိုင်တိုက်တဲ့ …. တိုက်ပွဲ
တတိယ ..တိုက်ပွဲက … မဲ … လက်နက် ..ကို ကိုင်တိုက်တဲ့ …. တိုက်ပွဲ

ဒါကြောင့် … logistic နဲ့ strategy ဗျူဟာ မရှိလို့မရဖူး

ဘယ်အကွေ့မှာ ဘယ်တိုက်ပွဲ ကို ဆင်နွဲမယ်..ဆိုတာ … ခေါင်းဆောင်..တွေရဲ့ ..အတွေးအခေါ်.. ယုံကြည်ချက်..နဲ့ အရည်အချင်းအပေါ်..မူတည်တယ် ….
တိုက်ပွဲ ..ပုံသဏ္ဍန်ကို..ရွေးပြီးရင် logistic နဲ့ strategy ဗျူဟာ ကို.. ကိုင်ပြီး နိုင်အောင်.. ..တိုက်နိုင်ဖို့ … ကလည်း …ခေါင်းဆောင်တွေရဲ့ … အရည်အချင်းအပေါ်..မူတည် ပြန်တယ်။

နိုင်ငံရေး တိုက်ပွဲ..တွေမှာ ..အရေးအကြီးဆုံးက … ရန်သူကိုရွေးလို့..မရ…
တိုက်ပွဲ.. အနေအထားကို..ရွေး..လို့မရ ….
ရရာ လက်နက်…ကို..ရွေးပြီး..နိုင်အောင် တိုက်ပဲ…
ဒီအဆင့် ကိုရောက်ရင် … ခေါင်းဆောင်တွေရဲ့ conviction နဲ့ capacity က အရေးပါလာတယ်။

ပထမ တိုက်ပွဲမှာ … အဓိက ကွန်မြူနစ် ခေါင်းဆောင် (၂) ဦးဖြစ်တဲ့ … သခင်စိုးနဲ့ သခင်သန်းထွန်း တို့က ဂျပန်နဲ့ ပေါင်းမတိုက်ချင်ဖူး … အင်းစိန်စာတမ်းက သက်သေပဲ…. အကြောင်းက … ၀ါဒသ္ခင် စတာလင် ဖက်ပါတာပဲ …. ဗိုလ်ချုပ်နဲ့ ..ပြည်သူ့အရေးတော်ပုံပါတီ က အင်္ဂလိပ်ကို ရရာနဲ့ တော်လှန် ဖို့..ဆုံးဖြတ်တာ ….

ဂျပန်ကို ခေါ်လာတာမှားတယ်လို့ ပြောကြပေမဲ့ … ဂျပန်က ခေါ်ခေါ်မခေါ်ခေါ်..၀င်လာမှာပဲ … တရုတ်ဗမာလမ်းမကြီးကို ပိတ်ဖို့ ..က အဓိက ကျတာကိုး .. အားလုံးကို ကွန်မြူနစ်တွေ.. ဆိုပြီး..လိုက်သတ်ရင် ..အကုန်သေနိုင်တယ်။ ဗိုလ်ချုပ်နဲ့ ဘီအိုင်အေ ဘီဒီအေ ရှိနေလို့ ခံသာတာ …. နောက်..အစိုးရ နဲ့ အစိုးရ ယန္တရား ..အစိုးရအာဏါ..အကြောင်း .. ကို လူငယ်ခေါင်းဆောင် လေး တွေဟာ …. ဂျပန်ခေတ်မှာ မှ … နားလည်လာကြတာ …. ဒါကြောင့် ဗိုလ်ချုပ်တို့ ..အများစုဟာ … အသက်ငယ်ကြပေမဲ့.. အတွေ့အကြုံ သမ္ဘာရင့်ကုန်ကြပြီ… ဒါကြောင့် …ရရင်ရ..မရရင်ချ …ဆိုပေမဲ့..တိုင်းပြည်မနာရအောင် ..(ချ) ကို နောက်ဆုံးမှ ဟေ့..ဆိုပြီး ဥါဏ်..ကိုလွှာသုံးခဲ့ကြတာ …..

ကွန်မြူနစ်တွေကတော့ …. ၎င်းတို့ရဲ့ …ဘုရားသခင်တွေ ရေးခဲ့တဲ့..စာအုပ်တွေဖတ်ပြီး … လက်နက်ကိုင်တော်လှန်ရေးအိမ်မက်က..မထွက်နိုင်…ရှာကြဖူး …. နိုင်ငံခြားသားတွေကိုအထင်ကြီး ပြီးသူတို့ မြှောက်ပေးတာကို အဟုတ်ထင် ..ဘ၀င်မြင့်ပြီး …. ရန်-ငါ-စည်း ပေတံနဲ့တိုင်ပြီး …. ဗိုလ်ချုပ်အပါအ၀င် …. ဖဆပလ ခေါင်းဆောင်တွေကို အလိုတော်ကြီးတွေ ဆိုပြီး… ပက်ပက်စက်စက် ဆဲဆိုကြ … နောက်ဆုံး တိုင်းပြည်ကို ဖင်လှန်ပြ …. လက်နက်ကိုင်တောလှန်ရေးကို ရဲရဲကြီး ဆင်နွှဲကြလေရဲ့……

တောထဲမ၀င်ခင်ကတည်းက ဘ၀င်လေခပ်ပြီး..ဇီးရိုးဆမ်းစိတ်ဓါတ်နဲ့ အသေချမယ် ..အနိုင်ယူမယ်.. ဆိုပြီး..လေလုံးထွားခဲ့ကြတယ်။ အစိုးရ အာဏါ ..အစိုးရ.ယန္တရား အကြောင်း..နားမလည်ပဲ …. တကယ်..တော်လှန်ရေးကို ဆင်နွှဲ တော့ အားလုံးကို အစကပြန်ဖေါ်ထုတ်ကြရတော့ အစိုးရ အတွ့အကြုံ မရှိကြပဲ ဗရိုဗရဲ ဖြစ်ကုန်ကြရော ……

အစိုးရဆိုတာ စံနစ် system ရှိတယ်။ လည်ပတ်ဖို့ ဗျူရိုကရက်တွေရှိတယ် … ၀င်ငွေရှိတယ် …. စစ်ကို ပံ့ပိုးဖို့ logistic ရှိတယ် …. သူပုန်ဆိုတာက ..အားလုံးကို အစကပြန်ဖေါ်ထုတ်ရတာ …. ပြည်တွင်း စစ်ဖြစ် တော့ စစ်တပ်ဟာ ၂၀၀၀-၃၀၀၀ ကြားပဲရှိတာ …. ဒါကြောင့်… လဲဗီးတပ်တွေကို အမြန်ထောင် .. စစ်ပုလိပ်တပ် (UMP) တွေ နဲ့ အားဖြည့် … ပြီးပြန်တိုက်ရတာ …. အစိုးရ စစ်တပ်ဆိုတာ ..တဖက်က စစ် တိုက်နေပေမဲ့ ..တဖက်က … နိုင်ငံခြားကို training လွှတ်နိုင်တယ်။ စစ်လက်နက် ပစ္စည်း ရှာနိုင်တယ်။
ဖဆပလအစိုးရခမြာ …. ရန်ကုန်အစိုးရ ဆိုပြီးတောင် အနှိမ်ခံရတဲ့..ဘ၀ရောက်ခဲ့ရတယ်။ ဒါပေမဲ့ … ကွန်မြူနစ်တွေရဲ့ … ဇီးရိုးဆမ်း ကြွေးကြော်ချက်တွေကို ကျေးဇူးတင်ရမယ်။ ရှုးံ့ရင် အသတ်ခံရမယ် ဆိုတာကိုသိတာကြောင့်..အရှုံမပေးတဲ့ ..စိတ်ဓါတ်နဲ့..တိုက်ခဲ့ကြတာကြောင့်… တိုင်းပြည် ကိုပြန် ..သိမ်းနိုင်ခဲ့ကြတယ်။

(မှတ်ချက်။ ဆန်ဇူးကပြောတယ် .. ရန်သူကို ထွက်ပေါက် ပေးထားပါတဲ့…အကြောင်းက ရှုံးရင် အသတ်ခံရမယ်..ဆိုရင် ..အသေခံတိုက်မှာပေါ့ … ကွန်မြူနစ်..တွေ..ဆန်ဇူး..မဖတ်ထားတာ ..ဗမာပြည်..ကံကောင်းတယ်.ပြောရမယ် …)

ကွန်မြူနစ်တွေရဲ့အင်မတန် တိမ်တဲ့ အတွေးအခေါ် နဲ့ ဥါဏ်နဲမှုတွေကြောင့် ..တိုင်းပြည်နာခဲ့ရတယ်။ ဒုတိယကမ္ဘာစစ်အပြီးမှာ တိုင်းပြည်ဟာ ပြာဖုံဖြစ်နေရပြီ။ ဒီအပေါ်ထပ်ဆင့်ပြီး စစ်ထပ်ဖြစ်ရရင် တိုင်း ပြည်ထပ်နာမယ်။ ဒါကြေင့် ..ဖဆပလခေါင်းဆောင်တွေဟာ (လူထု) အား..ကိုပြပြီး.. လွပ်လပ်ရေးကို တိုက်ယူတောင်းဆိုဖို့..ဆုံးဖြတ်ကြတယ်။ ကွန်မြူနစ်ပါတီကလည်း … ဖရောင်ဒါလမ်းစဉ်ကို လက်ခံခဲ့ ကြတယ်။ ကုလားကွန်မြူနစ်ပါတီမှာ ဂျိုရှီ အာဏါကျပြီး ပိုပြီးပြင်းထန်တဲ့ ရာနာဒီဗီ (B.T. Ranaidivi) နေရာရလာပြီး ကုလားကဝေ ဖန်တော့ ….ဗမာကွန်မြူနစ်တွေ … ဖရောင်ဒါလမ်းစဉ် ကိုစွန့်လွှတ်ပြီး  အတွေးအခေါ်ပြောင်းကုန်တယ်။ ကွန်မြူနစ်ဝန်ကြီး ဦးသိန်းဖေမြင့် ခမြာ ၂၁ ရက်ပဲ ၀န်ကြီးဖြစ်ပြီး ထွက်သွားကြတယ်။ ဗိုလ်ချုပ်အောင်ဆန်းနဲ့ ဖဆပလ ခေါင်းဆောင်တွေကို လည်း အင်္ဂလိပ်အလိုတော် ကြီးတွေဆိုပြီး စွပ်စွဲတိုက်ခိုက်ပြီး ဆဲလိုက်ကြတာ … ပက်ပက်စက်စက် …..

အမှန်က … ကွန်မြူနစ်တွေဥါဏ်မမှီကြသလို … အာဏါရပြီးရော …. တိုင်းပြည်နာချင်နာ ဆိုတဲ့ .. တကိုယ်ကေင်းစိတ်ထားလည်းပါပါတယ်။

အခုလည်း …. လွယ်လွယ်လေး … ကျုပ်တို့ကတော့ ရန်-ငါ-စည်း..ပဲလို့အော်ရတာ..လွယ်ပါတယ် … တာဝန်မှမရှိကြတာ …. ကဲ ရန်-ငါ-စည်း…. ဆိုရင် ..နောက်တဆင့် က… (ချ) ..ဖို့..ဘာပြင်ထား သလဲ?  ဘယ်မှာလဲ ပြည်တွင်း လှုံ့ဆော်သူတွေ …. ဘယ်မှာလဲ ယူဂျီတွေ …. ဘယ်မှာလဲ အသေခံမဲ့သူတွေ …. (စ) မီးမွှေးမဲ့သူတွေက ဘယ်သူတွေလဲ … နောက်တဆင့် ..ခေါင်းဆောင်မဲ့ သူတွေကဘယ် သူတွေလဲ?  ပစ်ရင်ဘာလုပ်မလဲ? အစုလိုက် အပြုံလိုက် ဖမ်းရင်ဘာလုပ်မလဲ? ဗျူဟာ မရှိ ပြင်ဆင်မှု ခေါင်းဆောင်မှု မရှိပဲ စိတ်လှုပ်ရှားတိုင် ထ ချ ရင် ပြည်သူတွေပဲ နာ ..သလို ခဏခဏ နာလာတော့ ..အတိုက်အခံကို ယုံကြည်မှု မရှိတော့ဖူး … ဒေါ်စု က အကြမ်းမဖက်တဲ့ လိုင်း …. ထိပ်တိုက်ရင်ဆိုင်မှု ကိုအားပေးခဲ့ သည်ကို မတွေ့ရ ..ဒါကို..ကျော်ပြီး ဘယ်လို ဘယ်လို ..စည်းရုံးမယ် စိတ်ကူး ထားကြ ပါသလဲ?

စာရေးသူက ရရင်ရ..မရရင်ချ ..ဆိုတာကို နှစ်သက်ကြောင်း ရဲရဲရေးခဲ့သူ

သိုသော် ..ဒေါ်စု..မပါပဲ ..မဖြစ်နိုင်။ ဒါ ပကထိ အခြေအနေ။

ထို့ကြောင့်.. ဘာလုပ်ပါ..ဘာမလုပ်နှင့် ဟု မဆိုတော့

သို့သော် အရိုးစွဲနေကြသည့် ရန်-ငါ-စည်း နှင့် … ဇီးရိုးဆမ်း စိတ်ဓါတ် အမွေဆိုးကို သတိရှိကြရန်သာ သတိပေးခြင်း…. အချင်းချင်း ရန်လိုကြရင်း … လူမရှိ ရတဲ့ကြား လူတွေ ရှာမရအောင် ပျောက်ကုန် ကြ လ်ိမ်မယ် … ကွန်မြူနစ် တွေတောင် ပြောရင်း အောရင်း နွံနစ်ကုန်ကြပြီ …. နှစ်ယောက်တပိုင်းပဲကျန် တော့ တယ်မဟုတ်လား? ထာဝရ တွင်းအောင်း နေကြတဲ့ …ကြွက်တွင်းယူဂျီပါတီ …ဖြစ်ခဲ့ရပြီ..

နိုင်ငံရေး..ဆိုတာ ..တိုင်းပြည် အတွက် လုပ်ကြတာပါ …. အပျော် လုပ်၍ မရ.

လေစားလေရော် လုပ်တာဘာဆိုရင်တော့ …ဒူးသာဒူး ကြပါကုန်

လူဦးရေ (ဂ) သန်းမှာ လူ (၂) သန်းကျော်ကျော်ကို သတ် ခဲ့တဲ့ပေါလ်ပေါ့ လို..လူမျိုးကို တကမ္ဘာလုံး နဲ့ ကုလသမဂ္ဂ က လူသတ်သမားလို့ လက်ခံခဲ့ရတာတောင် ပေါလ်ပေါ့ဟာ သူတိုင်းပြည်ကို စေတ နာထားသူပါလို့ ကာကွယ်သူကရှိသေး … ဥဏှောက်ထဲ … အနီပိုးဝင်စား သွားရင် ..ပုဇွန်ခေါင်းဖြစ်.. သွားတယ်ထင်ပ ….

ဒါကြောင့် … ရန်-ငါ-စည်း နှင့် … ဇီးရိုးဆမ်း စိတ်ဓါတ် ကို ရင်မှာပိုက်ထားသူတွေ..ရှိသေးတာကိုး….
ရန်-ငါ-စည်း နှင့် … ဇီးရိုးဆမ်း စိတ်ဓါတ် ဟာ အော် .. လို့ ကောင်း … ကြားလို့ ကောင်းပေမဲ့ … ဟင်္သာ ကိုးသောင်း ပျက်တဲ့ ကိန်း ဆိုက်တတ်တယ်။

နောက် ..ရန်သူ တောင်မှ … စည်းရုံးလို့ ရမဲ့သူ … neutralize လုပ်နိုင်မဲ့ရန်သူနဲ့ .. တိုက်မှ… ရှင်းမှရတဲ့ …ရန်သူ..လို့ ခွဲနားလည် နိုင်ရင် ရှင်းရမဲ့ ရန်သူ..နဲ.လေ..ကိုယ်က နိုင်အားကောင်း ..လေပေါ့ …

တော်လှန်ရေးကာလမှာ …. လိုအပ်တဲ့ …. ရန်-ငါ-စည်း စိတ်ဓါတ်ကို … ရင်မှာပိုက်ပြီး … နေရာတခါ … ဒီ..စိတ်ဓါတ်..ဒီမျက်စိနဲ့ ကြည့်ပြီး …. ထောက်လှမ်းရေးတွေက … ထောင်ပေးလိုက်တာနဲ့ .. ကိုယ့်အချင်းချင်း..မယုံသင်္ကာဖြစ်ကြ …. အချင်းချင်း ..အသေချလိုက်ကြတာ … နောက်ဆုံးတော့ … လူမရှိ ..ဖြစ်ခဲ့ရတာ … အတိုက်ခံ…တွေပဲ..မဟုတ်လား?

ဒီရက်တွေ မှာ သခင်သန်းထွန်း၏ နောက်ဆုံးနေ့ များနဲ့ ထို့ကြောင့်ဤသို့ ကိုပြန်ဖတ်ဖြစ်မိ တယ်

တကယ်တော့ သခင်သန်းထွန်းဟာ လူတော်တယေက်ပဲ … ဒါပေမဲ့ ၀ါဒအစွဲ သိပ်ကြီးသွား ပြီး ရန်-ငါ-စည်း နှင့် … ဇီးရိုးဆမ်း စိတ်ဓါတ် ကို အသေစုပ်ကိုင်ထားတော့ … လူတော်တွေ ..တဖြည်းဖြည်း..နဲ .. .. ကြဲ ..သွား.. ပြီး …. လူ..လျှော်..တွေပဲ ..၀ိုင်းရံထားတော့ … နောက်ဆုံး.. အသူရာ ဂျောက် ကြီးထဲ ထိုးကျ မှန်းမသိ ထိုးကျသွားရပြီး ..လဒ..အစာ..ဖြစ်ကုန်ရတယ်။

ဗိုလ်ချုပ်အောင်ဆန်းကတော့ … ဗျောင်းဗြန် …. ရန်လုပ် ဆဲဆို..နေတဲ့ ကွန်မြူနစ်တွေကိုတောင်ခွင့် လွှတ်ပြီး ..ခိုင်းစားသွားတာ … လူတော်တွေ..၀ိုင်းရံထားတော့ … အမျိုးသားခေါင်းဆောင် … သူရဲကောင်း အဖြစ် ..ယနေ့.အထိ …. အလေးစားခံရတုန်း….

နောက်ဆုံးတော့ …. ရလဒ်နဲ့ စိတ်ဓါတ်က ..အဆုံးအဖြတ်ပေး..သွားတာပဲ …ဗျို့……

ရာဇ၀င်..ကိုလေ့လာတာ ..သင်္ခန်းစာ…ယူပြီး…ရှောင်နိုင် ..ဆောင်နိုင်..ဖို့ပါ ….
သူတပါး..မှားခဲ့တဲ့ ..အမှား..တွေ..ကို မြင်သိ..ပြီး မိမိ တို့ ..မမှားကြရင် ..အကျိုး..မရှိ..ပေဖူးလား?

ရန်-ငါ-စည်း..နဲ့ ..ဇီးရိုးဆမ် ရဲ့ ရလဒ် တွေ အကြောင်းဆက်ဆွေးနွေးပါဦးမယ် ….




Bo K Nyein

မြန်မာနိုင်ငံ လူထုလှုပ်ရှားမှု အင်အားစုများ၏ အထူးသဘောထား ထုတ်ပြန်ကြေငြာချက်

မြန်မာနိုင်ငံ လူထုလှုပ်ရှားမှု အင်အားစုများ၏ အထူးသဘောထား ထုတ်ပြန်ကြေငြာချက်
စာအမှတ်။ ။မ.လ.အ အဖဝ ၁၉ ၂၀၁၁
နေ့စွဲ ။ ။၁၁. ၀၄. ၂၀၁၁

ရာစုနှစ်ထက်ဝက်နီးပါး လူမှု ဒုက္ခအ၀၀ကို ခံစားနေရကြသော ပြည်သူများနှင့် တပ်မတော်သားများ၏
ဘဝများစွာတို့အား ကယ်တင်ရန်အလို့ဌါ............တပ်မတော်သားကောင်းများ ဖြစ်ကြသော တိုင်းမှူး၊ တပ်မမှူး၊တပ်ရင်းမှူးများ၏ ဦးစီးဦးဆောင်မှု အခန်းကဏ္ဍသည် လွန်စွာမှ အရေးပါသော အချိန်ကာလတခုသို့
ရောက်ရှိနေသည်ဟု ကျွန်ူပ်တို့ မြန်မာနိူင်ငံ လူထုလှုပ်ရှားမှု အင်အားစုများမှ လေးနက်စွာ အခိုင်အမာ
ယုံကြည်သည်။

ပြည်သူ့တပ်မတော်သားကောင်းများ ဖြစ်ကြသည့် ကြည်းရေလေ တပ်မတော်အတွင်းမှ တိုင်းမှူး၊ တပ်မမှူး၊
တပ်ရင်းမှူးများနှင့် အရာရှိ၊ အရာခံ၊ အကြပ်တပ်သား အပေါင်းတို့ခင်ဗျား......

ယူနီဖောင်းဝတ်၊ ယူနီဖောင်းချွတ် အာဏာရှင်တို့သည် နိူင်ငံ့အရေးများဖြစ်ကြသည့် စီးပွားရေး၊ ပညာရေး၊
ကျန်းမာရေး၊ လူမှုရေး စသည့်တိုးတက်မှုများကို ဥပေက္ခာပြုကာ၊ ယင်းတို့ အသိုင်းဝိုင်းဘဝ လုံခြုံရေးနှင့်
ကြီးပွါးရေးကိုသာ ရှေးရှုသည့် ဆိုးရွားသောနိူင်ငံရေးစနစ်ကို တည်ဆောက်နေသည်မှာ နှစ်ပေါင်းများစွာ
ကြာမြင့်ခြဲ့ပီဖြစ်သည်။

ယင်းသို့ ဆိုးရွားသော အာဏာရှင်စနစ်ကြီး ချုပ်ငြိမ်းသွားစေရန် ကြည်း၊ ရေ၊ လေ တပ်မတော်အတွင်းရှိ တိုင်းမှူး၊၊တပ်မမှူး၊ တပ်ရင်းမှူးးများ၏ ဦးစီးဦးဆောင်မှု အခန်းကဏ္ဍသည် လွန်စွာ အရေးကြီးသော ကာလသို့ရောက်ရှိနေပြီဖြစ်သည်။ တပ်မတော်အတွင်းရှိ အရာရှိ၊ အရာခံ၊ အကြပ်တပ်သားများ၏ ပြည်သူ့ဘက်တွင်ရပ်တည်ကြမည့် အခန်းကဏ္ဍသည်လည်း အလွန်အရေးပါလှသည်။

သို့ပါ၍ တပ်မတော်အတွင်းရှိ အရာရှိ၊ အရာခံ၊ အကြပ် တပ်သားများမှ အကာအကွယ်ပေးနေသမျှ ကာလပတ်လုံးအာဏာရှင်စနစ်ဆိုးကြီး သက်ဆိုးရှည်နေမည်ရာ၊ ပြည်သူသာလျှင်အမိ၊ ပြည်သူသာလျှင်အဖ ခံယူထားကြသည့်တပ်မတော်သားကောင်းများသည် ပြည်သူ့ဘက်က ပြတ်ပြတ်သားသား ရပ်တည်လာပါက ပြည်သူများလိုချင်သည့်ပြည်တွင်းငြိမ်းချမ်းရေး၊ ဒီမိုကရေစီရရှိရေး၊ စစ်မှန်သော ဖယ်ဒရယ်ပြည်ထောင်စုကြီး ပေါ်ထွန်းရေး စသည်တို့ကိုတည်ဆောက်နိူင်မည်ဟု ကျွန်ူပ်တို့မှ လေးနက်စွာယုံကြည်သည်။

သို့ဖြစ်ရာ ရန်ကုန်တိုင်း စစ်ဌာနချုပ် လက်အောက်ခံ၊ မှော်ဘီအခြေစိုက် ခြေလျင်တပ်ရင်းအမှတ် (၉၁)၊ အမှတ်(၄) စစ်ဆင်ရေးကွပ်ကဲမှုဌာနချုပ် (စကခ (၄)- ဖူးကြီး) လက်အောက်ခံ၊ တိုက်ကြီး အခြေစိုက် ခမရ(၇၀၉)၊(၇၁၀)တပ်ရင်းများနှင့်ရန်ကုန်တိုင်း ရွှေပြည်သာအမှတ်(၆)ရဲတပ်ရင်းတို့၏  တောင်းဆိုချက်များနှင့်
အတူ နိုင်ငံတ၀ှမ်းရှိတိုင်း၊ တပ်မ၊ တပ်ရင်း၊ တပ်ဖွဲ့များနှင့် ရဲတပ်ရင်းများတို့မှ ညီညီညွှတ်ညွှတ်ဖြင့် ပူးပေါင်းပါဝင် တောင်းဆိုဆန္ဒမှုများပြုလုပ်ကြရန် ကျွန်ုပ်တို့ (မလအ) မှ အလေးအနက် တိုက်တွန်းနှိုးဆော်အပ်သည်။

ယင်းလှုပ်ရှားမှုများအား ရဟန်း၊ ရှင်၊ လူ၊ ကျောင်းသား၊ ပြည်သူများနှင့် ပြည်တွင်း၊ ပြည်ပ ဒီမိုကရေစီ အင်အားစုများမှဝိုင်းဝန်းကြိုဆို ထောက်ခံမှုဖြင့် အားပေးဝန်းရံကြရန်အလေးနက် တိုက်တွန်းနိူးဆော်လိုက်သည်။
(မတရားသော အမိန့်အာဏာဟူသမျှ ဖီဆန်မှ လူသားထုတစ်ရပ်လုံးနှင့် နိုင်ငံတော်အေးချမ်းသာယာမည်။)

မြန်မာနိူင်ငံ လူထုလှုပ်ရှားမှုအင်အားစုများ
(၁) ဒိန်းမတ်
(၂) နော်ဝေး
(၃) နယ်သာလန်
(၄) အင်္ဂလန်
(၅) သြစတြေးလျ
(၆) ကနေဒါ
(ရ) အမေရိကန်
(၈) မလေးရှား
(၉) Finland

အကောင်းဆုံးကျောင်း

အကောင်းဆုံးကျောင်း

မြို့ရဲ့ အကောင်းဆုံးကျောင်းလို့ နာမည်ကျော်ကြားတဲ့ ကျောင်းတကျောင်းမှာ ကလေးငယ်လေး တယောက် ကျောင်းတက်ခွင့်ရသွားပါတယ်။ ဒါကြောင့် ကျောင်းဖွင့်စ နံနက်ခင်းမှာ သူ့အဘိုးက မြေးလေးရဲ့ လက်ကိုဆွဲပြီး ကျောင်းသွားပို့ပါတယ်။ ကစားကွင်းထဲကို အဘိုးအိုနဲ့ မြေးလေး ရောက်သွားတော့ သူတို့ မြေးအဘိုး နှစ်ယောက် အနီးမှာ ကလေးတွေ ၀န်းရံလာတယ်။

'ဘယ်လောက် ရယ်စရာကောင်းတဲ့ အဘိုးအိုကြီးလဲ'

ကလေးတယောက်က အော်ဟစ်ပြီး လှောင်ပြောင်တယ်။

'ဟေ့၊ ဖက်တီး'

နောက်ကလေးတယောက်က ထပ်အော်ပြန်တယ်။

ကစားကွင်းထဲမှာ ရှိတဲ့ ကလေးတွေဟာ မြေးအဘိုးနှစ်ယောက်ကို လှောင်ပြောင်ရင်း ခုန်ပေါက် နေကြတယ်။ မကြာပါဘူး။ ခေါင်းလောင်းသံလဲကြားရော၊ ကလေးတွေအားလုံး စာသင်ခန်း ရှိရာကို ပြေးကြတော့တာပဲ။

အဘိုးအိုက မြေးလေးရဲ့ လက်ကို တင်းတင်းကြပ်ကြပ် ဆုပ်ကိုင်ထားပြီး၊ ကျောင်းပြင်ကို ခေါ်ထွက် လာတယ်။

'ကောင်းလိုက်တာ၊ ကျောင်းမသွားရတော့ဘူး'

မြေးလေးက ၀မ်းသာအားရ ပြောတယ်။

'ကျောင်းသွားရမှာပါ၊ ဒါပေမယ့် ဒီကျောင်းတော့ မဟုတ်ဘူး'

အဘိုးအိုက ပြန်ပြောလိုက်တယ်။ ပြီးတော့

'မြေးလေးတက်ရမယ့် ကျောင်းကို အဘိုးကိုယ်တိုင် ရှာမယ်'

အဘိုးအိုက ဆက်ပြောလိုက်ပြီး၊ မြေးလေးကို အိမ်ပြန်ခေါ်သွားတယ်။ အိမ်ရောက်တော့ မြေးလေးရဲ့ အဖွားကို ကလေးထိန်းခိုင်းပြီး၊ အဘိုးအိုက ကျောင်းရှာပုံတော် ဖွင့်တော့တယ်။

ကျောင်းတကျောင်းကို တွေ့တိုင်း ကစားကွင်းထဲကို သွားပြီး၊ ကလေးတွေ ကစားဆင်းလာမယ့် အချိန်ကို စောင့်ဆိုင်းတယ်။ တချို့ကျောင်းတွေမှာ ကလေးတွေက အဘိုးအိုကို လုံးဝဂရုမစိုက်ကြဘူး။ တချို့ ကျောင်းတွေကျတော့ ကလေးတွေက အဘိုးအိုကို လှောင်ပြောင်ရယ်မောကြတယ်။ ဒီလိုတွေ့ကြုံရတဲ့ အခါတိုင်း အဘိုးအိုဟာ ၀မ်းနည်းစွာနဲ့ အိမ်ကို ပြန်သွားတတ်တယ်။

ဒီလိုနဲ့ တနေ့မှာတော့ ကျောင်းသေးသေးလေး တခုရဲ့ ကစားကွင်းလေးထဲကို အဘိုးအို ရောက်သွားတယ်။ အဘိုးအိုက ခြံစည်းရိုးမှာ ချိနဲ့မောပန်းဟန်နဲ့ မှီနေလိုက်တယ်။ ခေါင်းလောင်းထိုးသံ ထွက်လာတော့ ကလေးတွေက ကစားကွင်းထဲကို အပြေးအလွှား ရောက်လာပါလေရော။

'အဘိုး၊ နေကောင်းရဲ့လား။ ရေတခွက် ယူလာပေးရမလား'

အသံတသံက ထွက်ပေါ်လာတယ်။

'ကစားကွင်းထဲမှာ ခုံတန်းရှည်လေး ရှိတယ်။ လာထိုင်ပါလား'

နောက်ထပ် အသံတသံက ထွက်ပေါ်လာတယ်။

မကြာခင်မှာပဲ ဆရာတယောက် ကစားကွင်းထဲကို ရောက်လာတယ်။ အဘိုးအိုက ဆရာ့ကို နှုတ်ဆက်လိုက်ပြီး

'မြေးလေးအတွက် အကောင်းဆုံး ကျောင်းကို ရှာတွေ့ပြီ' လို့ ပြောလိုက်တယ်။

'အဘိုးမှားနေပြီ။ ကျွန်တော်တို့ကျောင်းက အကောင်းဆုံး ကျောင်း မဟုတ်ပါဘူး။ အလွန်သေးငယ်တဲ့ ကျောင်းလေးတကျောင်းပါ'

ဆရာ့စကားကို အဘိုးအိုက ပြန်ပြီး မငြင်းတော့ပါဘူး။ မြေးလေးကို ကျောင်းအပ်ဖို့အရေးကို ဆရာနဲ့ စီစဉ်ပြီး၊ ပြန်ထွက်လာတယ်။

ညနေခင်းမှာ ကလေးရဲ့ အမေက အဘိုးအိုကို ပြောတယ်။

'အဖေ။ အဖေက စာဖတ်တတ်တာလဲ မဟုတ်ဘူး။ အကောင်းဆုံးကျောင်းနဲ့ ဆရာကို ရှာတွေ့တယ်လို့ ဘယ်လိုသိသလဲ'

အဘိုးအို ပြန်ဖြေလိုက်တာက

'ဆရာတယောက်ရဲ့ အရည်အချင်းကို ကျောင်းသားတွေနဲ့ အကဲဖြတ်ရတယ်'

မူရင်းစာရေးသူ- A.Lopatina and M.Skrebtsova (Wise Short Tales)

ဘာသာပြန်သူ- ခင်မမမျိုး (၁၄၊ ၄၊ ၂၀၁၁)

The best school.pdf 20K   View   Download

Buddha Statues After TSunami-

 

Japan 2011 Sri Lanka 2004                                                                                             See the statue situated where most vulnerable place with no damages

အတာရေနဲ့အတူ

နှစ်ကူးချိန် အခါသမယ

အတာရေသွန်းလောင်းချိန်မှာ

ရွှေရည်စိမ် အပြုံး

ရွှေရည်စိမ် စေတနာ၊

ရွှေရည်စိမ် အမုန်း

ရွှေရည်စိမ် မေတ္တာ၊

ရွှေရည်စိမ် မောင်နှမ

ရွှေရည်စိမ် သစ္စာ၊

ရွှေရည်စိမ် ဘ၀

ရွှေရည်စိမ် မိတ်သဟာ၊

ရွှေရည်စိမ် ဖွဲ့စည်းပုံ

ရွှေရည်စိမ် ဒီမိုကရေစီတို့

အတာရေနဲ့အတူ

ကွယ်ပျောက်ပါစေသား။

မြန်ပြည်သူတို့ဘ၀

အေးချမ်းပါစေသား။

                                         ခင်မမမျိုး (၁၂၊ ၄၊ ၂၀၁၁)

ဂျပန်ငလျင်၊ ဆူနာမီနှင့် အနုမြူပြဿနာ

ဂျပန်ငလျင်၊ ဆူနာမီနှင့် အနုမြူပြဿနာ (mizzimaburmese)

Friday, 18 March 2011

မတ်လ ၁၁ ရက်နေ့က လှုပ်သွားတဲ့ ဂျပန်ငလျင်ဟာ ၁၉ဝဝ ခုနှစ် စရင်းစကောက်ချိန်ကစပြီး ပဉ္စမအကြီးဆုံး ငလျင်ကြီးတခု ဖြစ်တယ်။ ဂျပန်ကျွန်းဟာ ၁၂-၁၃ ပေ အရှေ့ဘက်ကို ရွေ့သွားပြီး ကမ္ဘာ့ဝင်ရိုးတောင် ၆.၅ လက်မ ပြောင်းလဲသွားတယ်။ ကမ္ဘာကြီးလည်ပတ်မှုတောင် ၁.၈ မိုက်ခရိုစက္ကန့် (၁ စက္ကန့်= မိုက်ခရိုစက္ကန့် ၁သန်း) နှေးသွားတယ်လို့ နာဆာ ပညာရှင် Richard S Gross ရဲ့ တွက်ချက်မှုအရ သိရတယ်။ ဒါကြောင့် ဒီငလျင်ဟာ ဒုတိယကမ္ဘာ စစ်အပြီး ဂျပန်နိုင်ငံအတွက် အဆိုးဆုံး သဘာဝဘေးဒဏ်ဖြစ်တယ်။ ဂျပန်နိုင်ငံဟာ ငလျင်ကြောပေါ်မှာ ရှိတာကြောင့် ငလျင်အတွက် ပြင်ဆင်မှုရှိတယ်။

ပြဿနာက ငလျင်ကြောင့်ဖြစ်လာတဲ့ ဆူနာမီပဲ။ ဆူနာမီ ဆိုတာကလည်း ဂျပန်စကားပါပဲ။ တိုက်တွေလောက်ကြီးတဲ့ လှိုင်းလုံးကြီးတွေ ကမ်းပေါ်ကို ရောက်လာပြီး၊ ကမ်းခြေမှာရှိတဲ့ အိမ်ခြေ မြို့ရွာတွေကို တိုက်စားသွားနိုင်တဲ့ လှိုင်းကြီးတွေကို ဆူနာမီလို့ခေါ်တာပါ။

ပိုရှင်းသွားအောင် ဘာကြောင့် ငလျင်လှုပ်တာလဲ၊ ငလျင်ကြောင့် ဆူနာမီဘယ်လို ဖြစ်ရတာလဲဆိုတာကို ကြည့်ကြရအောင်။

ကျနော်တို့ရဲ့ကမ္ဘာကြီးဟာ တကယ်တော့ အသေမဟုတ်ဘူး၊ အရှင်လို့ပြောရလိမ့်မယ်။ ဆိုလိုတာက ကျနော်တို့ ရပ်နေတဲ့ မြေပြင်ကြီးဟာ တကယ်တော့ (ရွေ့)နေတာပါ။ ဥပမာ ရန်ကုန်မြို့အောက်မှာ ကမ္ဘာမြေကြီးရှိတယ်။ ဒီကမ္ဘာမြေကြီးဟာ အမြဲဒီနေရာမှာပဲ တည်တန့်နေမှာ မဟုတ်ဘူး။ ရွေ့နေတာက တနှစ်မှာ ၁ စင်တီမီတာ၊ ၂ စင်တီမီတာ ရွေ့တာဆိုတော့ တိုတောင်းလှတဲ့ လူ့သက်တန်းမှာ ရွေ့တယ်လို့ မထင်ရဘူးပေါ့။ ဒါပေမဲ့ နှစ်ပေါင်း သန်းရာနဲ့ ထောင်နဲ့ချီပြီး ကြာတဲ့ကာလမှာမှ ရွေ့ရှားမှုဟာသိသာလာပါတယ်။ ဥပမာ ကမ္ဘာတည်ပြီးစ တည်ငြိမ်လာတဲ့ လွန်ခဲ့တဲ့ နှစ်ပေါင်းသန်း ၃,၁ဝဝ လောက် ကာလမှာ အခုလို ကုန်းတိုက်ကြီး ၇ တိုက် မရှိပါ။ ကုန်းမြေတွေအားလုံးဆက်နေတဲ့ တိုက်ကြီးတတိုက်ပဲရှိပြီး၊ ရေတွေ ဝိုင်းရံလျက်ရှိပါတယ်။ Super Continentလို့ ခေါ်ပါတယ်။ သိပ္ပံပညာရှင်တွေက နောက်နှစ်ပေါင်း သန်း ၁,ဝဝဝ ကျော်ရင် တိုက်တွေအားလုံး စုပေါင်းလာပြီး၊ Super Continent ပြန်ဖြစ်မယ်လို့ ကွန်ပြူတာ စင်မြူလေးရှင်းလို့ခေါ်တဲ့ တွက်ချက်နည်းအရ ကြိုတင် ဟောကိန်းထုတ်ထားကြပါတယ်။ လက်ရှိ အိန္ဒိယတိုက်ငယ်ဟာ နှစ်သန်းပေါင်းများစွာက အာဖရိကတိုက်နဲ့ ကပ်လျက်ရှိရာကနေ အခုနေရာဆီ တဖြည်းဖြည်း ရွေ့လာတာပါ။

တိုက်ကြီးတွေနဲ့ သမုဒ္ဒရာတွေအောက်မှာ တက်တောနစ်ပလိပ် Tectonic Plates လို့ခေါ်တဲ့ ကမ္ဘာ့ကျောက်လွှာထုကြီးတွေ ရှိပါတယ်။ စက်ရုံတွေမှာ တွေ့လေ့တွေ့ထရှိတဲ့ သံမဏိအပြား Iron Plates ဒါမှမဟုတ် Iron Sheets တွေကို ပြေးမြင်ကြည့်ပါ။ ဘေဆော့ basalt နဲ့ ဂရင်နိုက် granite လို့ ခေါ်ကြပြီး၊ ၅ မိုင်ကနေ မိုင် ၃ဝ အထိ ထူပါတယ်။ ဒီကျောက်လွှာထုတွေအောက်မှာ တဝက်တပျက် အရည်ပျော်နေတဲ့ စီးကပ်ကျောက်အရည် Viscous semi-molten rocks တွေ ရှိပါတယ်။ အဲဒီအပေါ်မှာ ကမ္ဘာ့ကျောက်လွှာထုကြီး Tectonic Plates တွေဟာ ရွေ့လျားနေကြပါတယ်။

ဒီ Tectonic Plates တွေဟာ တခုနဲ့တခု ထိတွေ့တဲ့ နေရာမှာ အစဉ်တွန်းလျက် အားပြိုင်နေကြပါတယ်။ Tectonic Plate တွေ ထိတွေ့ဆက်စပ် တွန်းအားပြိုင်ရာ လမ်းကြောင်းတွေကို Fault Line ငလျင်အကြောလို့ ခေါ်ကြပါတယ်။ စာဖတ်သူတို့ ကျွဲ ၂ နှစ်ကောင် ခေါင်းချင်းဝှေ့နေတာကို ပြေးမြင်ကြည့်ပါဦး။ အားချင်းမျှနေလို့ ကျွဲနှစ်ကောင် ရွေ့တယ်လို့ မထင်ရပေမယ့် ကျွဲနှစ်ကောင်ရဲ့ တွန်းအားဟာ ထိတွေ့တဲ့နေရာမှာ အားတွေ စုနေပါတယ်။ တချက်လှုပ်ခါသွားမှ အားလွတ်ထွက်ပြီး၊ အားနဲ့ရွေ့လျားသွားတတ်ပါတယ်။ အဲဒီနည်းတူစွာ Tectonic Plates တွေဟာ သူတို့ထိတွေ့ရာမှာ တခုနဲ့တခု အတင်းတွန်းနေပါတယ်။ ဒီတွန်းအားတွေကြောင့် စွမ်းအင် Energy ဟာ အဲဒီဆုံမှတ်နေရာမှာ (စု) နေပါတယ်။ အဲဒီအင်အားတွေ လျှပ်တပြက် အတင်းတုန်ခါ လွတ်မြောက်သွားရင် ငလျင်အကြော Fault Line အတိုင်း ငလျင်လှုပ်တာ ဖြစ်ပါတယ်။

တကယ်တော့ ငလျင်လှုပ်တယ်ဆိုတာက ပလိပ် Plate တွေ တိုက်ပြီး၊ စုနေတဲ့ စွမ်းအင်၊အင်အားတွေ လွတ်ထွက်သွားတာပါ။ ငလျင်လှုပ်ရင် ဘေးတိုက်လှုပ်တာ ရှိသလို၊ အပေါ်အောက်လှုပ်တာ ရှိပါတယ်။ ကံဆိုးတာက ဂျပန်နိုင်ငံဟာ Tectonic Plates ၄ ခု ဆုံရာ ငလျင်ကြောတွေပေါ်မှာ တည်ရှိနေတာပါ။ ဒါကြောင့် ငလျင် ခဏခဏ အလှုပ်ခံရတဲ့ နိုင်ငံဖြစ်ပါတယ်။ အဲဒီနည်းတူ အမေရိကန် အနောက်ဘက်ကမ်း တခုလုံးဟာလည်း ငလျင်ကြောတွေအပေါ် တည်ရှိပါတယ်။ ကယ်လီဖိုးနီးယားပြည်နယ်မှာလည်း ငလျင် ခဏခဏ အလှုပ်ခံရပါတယ်။

ဂျပန်ဟာ မြောက်အမေရိကား၊ ပစိဖိတ်၊ ယူရိုအာရှ Eurasian နဲ့ ဖိလစ်ပိုင် Plates တွေ လာ(စုံ)ရာ ဖြစ်ပါတယ်။ ဂျပန်မြောက်ပိုင်းဟာ မြောက်အမေရိကား Plate ရဲ့ အနောက်အစွန်းဖျားမှာ တည်ရှိပြီး၊ ဂျပန်တောင်ပိုင်းက ယူရိုအာရှ Plate အပေါ် တည်ရှိပါတယ်။

အခုလှုပ်သွားတဲ့ ငလျင်မှာ တိုကျိုမြို့ကနေ အရှေ့မြောက် ၂၃၁ မိုင်နဲ့ ဟွန်ရှူးကျွန်း စင်ဒိုင်မြို့ အရှေ့ဘက် မိုင် ၈ဝ ပစိဖိတ်သမုဒ္ဒရာအောက် Japan Trench အနီး ဖြစ်ပွားတာပါ။ ဒီနေရာမှာ ပစိဖိတ် ပလိပ်ဟာ မြောက်အမေရိကား ပလိပ်နဲ့ အားချင်းပြိုင် ထိပ်တိုက်တွန်းကြရာကနေ ပစိဖိတ်ပလိပ်ဟာ မြောက်အမေရိကား ပလိပ်အောက်ထဲ တဖြည်းဖြည်း ထိုးဆင်းသွားခြင်းပါ။ ဒီလိုနေရာကို Seduction zone (Trench) လို့ ခေါ်ကြပါတယ်။ တချိန်မှာ (အား) တွေ စုစည်းနေရာကနေ လွတ်ထွက်ပြီး၊ အပြင်းအထန် လှုပ်ရှားတာလည်း ဖြစ်တန်ပြန်ပါတယ်။ အပေါ်အောက် လှုပ်ရှားခြင်းပါ။ အဲဒီလို ပစိဖိတ် Plate က အောက်ထဲ လျှိုဝင်အဖိခံခြင်းကနေ ရုန်းထွက်ပြီး၊ အပေါ်ကို ပြန်ဦးမော့လာတာကြောင့် သမုဒ္ဒရာအောက် မြေကြီးဟာ အပေါ်ကိုမြင့်တက်လာကာ အရှေ့ဘက်ဆီ ၁၂-၁၃ ပေလောက် ရွေ့သွားပါတယ်။ ဗဟိုချက်မဟာ သမုဒ္ဒရာအောက် ၁၅.၂ မိုင်မှာ ဖြစ်ပွားတာကြောင့် တိမ်တယ်လို့ ဆိုနိုင်ပါတယ်။ အဲဒီလို သမုဒ္ဒရာအောက် ကမ္ဘာမြေကြီး ပြောင်းလဲမှုကြောင့် အရှိန်နဲ့ဖယ်ရှားခံရတဲ့ ပင်လယ်ရေတွေဟာ အရပ်လေးမျက်နှာဆီ လှိုင်းနှစ်ခုသဏ္ဍာန် ရွေ့လျားသွားကြပါတယ်။ တနာရီမှာ မိုင် ၅ဝဝ နှုန်းနဲ့ ရွေ့လျားတယ်လို့ တွက်ချက်လို့ ရပါတယ်။

လှိုင်းတွေဟာ သမုဒ္ဒရာရေကြောကို ဖြတ်သန်းရာမှာ အတိုက်ခံမရှိလို့ မကြီးမားပေမယ့် ကမ်းခြေနဲ့ နီးလာတာနဲ့အမျှ အနောက်က ပါလာတဲ့ အရှိန်နဲ့၊ အရှေ့က ကာဆီးထားမှုကြောင့် လှိုင်းလုံးကြီးတွေဟာ ကမ်းခြေနဲ့ နီးလေကြီးလာလေ ဖြစ်ပါတယ်။ ဆူနာမီဆိုတာက လှိုင်းတခုထဲ မဟုတ်ပါဘူး။ အရှိန်ကြီးရင် ကြီးသလို လှိုင်းလုံးကြီးတွေ ဆက်တိုက် လိုက်လာပြီး၊ Plates တွေ နှစ်ပေါင်းများစွာ ထိပ်တိုက်တွန်းကြရင်း စုပြုံနေတဲ့ စွမ်းအားတွေဟာ လှိုင်းအရှိန်အဖြစ် ပြောင်းလဲသွားတာကြောင့် ဒီလှိုင်းတွေရဲ့ အင်အားဟာ အလွန်ပဲ ကြီးမားလှပါတယ်။ ငလျင်လှုပ်ရာ ဗဟိုနဲ့နီးလေ အင်အားကြီးမားလေ ဖြစ်ပါတယ်။ အခုလှုပ်တဲ့ ဗဟိုဟာ ဂျပန်ကျွန်းနဲ့ မိုင် ၈ဝ ပဲဝေးတာမို့၊ ထွက်ပြေးဖို့လည်း သိပ်အချိန်မရ၊ လှိုင်းအရှိန်ကလည်း ကြီးမားလှပါတယ်။ ဒါကြောင့် တနေရာမှာ အတွင်းပိုင်းထဲ ၆ မိုင်အထိ ရေတွေဝင်လာကြပါတယ်။ အလွန်အင်အားကြီးမားတဲ့ လှိုင်းလုံးကြီးတွေဟာ အိမ်တွေ၊ ကားတွေကို အရုပ်လေးတွေလိုပဲ ဖယ်ရှားသယ်ဆောင်သွားနိုင်တာ ဖြစ်ပါတယ်။ လှိုင်းအမြင့်က ပေ ၂ဝ အထိ မြင့်တယ်လို့ ဆိုကြပါတယ်။

ဒီငလျင်ကြီး ပြီးသွားတဲ့အခါ Plate နှစ်ခုဟာ ဆက်တွန်းနေကြပြန်ပြီ။ နောင်နှစ်ပေါင်း ၅ဝဝ-၁ဝဝဝ လောက်မှ တခါ ငလျှင်ကြီး ထပ်လှုပ်ပါမယ်။ တချို့ပညာရှင်တွေက ဒီငလျင်မျိုးဟာ နှစ် ၅ဝဝ မှာမှ တခါလှုပ်တတ်တယ်လို့ ဆိုသလို၊ တချို့က ၁၇ဝဝ ခုနှစ် လောက်တုန်းက တခါလှုပ်ဖူးကြောင်း ရာဇဝင်မှာ မှတ်တမ်းရှိတယ်လို့ ထောက်ပြကြပါတယ်။

ငလျင်ကို လေ့လာကြတဲ့ သိပ္ပံရဲ့ ပြဿနာမှာ နောက်တခါလှုပ်ဖို့ အချိန်တန်ပြီလို့ ပြောနိုင်ပေမယ့် ဘယ်အချိန်မှာ ဒီစွမ်းအင် အင်အားတွေ လွှတ်ထွက်မှာကို မသိနိုင်ကြသေးပါ။ ဥပမာ ငလျင်လှုပ်မှု အချိန်ဇယားကို ကြည့်ပြီး၊ အနှစ် ၁ဝဝ မှာ တခါလှုပ်တယ်၊ အနှစ် ၂ဝဝ မှာ တခါလှုပ်မယ်လို့ ခန့်မှန်းခြေ ပြောနိုင်ပေမယ့် အတိအကျ ဘယ်တော့လှုပ်မယ်လို့ ပြောနိုင်လောက်အောင် သိပ္ပံက မထွန်းကားသေးပါ။ ကမ္ဘာမြေပြင်ပေါ်မှာပင် ကိရိယာတွေ မြှုပ်နှံပြီး၊ tremor လို့ ခေါ်တဲ့ တုန်ခါမှု အသေးတွေကို တိုင်းထွာခန့်မှန်းနိုင်ပေမယ့် Plate အဆင့်အထိ ဖြစ်စဉ်ကို မတိုင်းနိုင်ကြသေးပါ။

ဒါကြောင့် ဒီ ၂ဝ၁၁ ခု ဂျပန်ငလျင်မှာ ဆူနာမီက ငလျင်ထက် ကြီးမားတဲ့ ပျက်စီးမှုကို ဖြစ်စေပါတယ်။ ဆူနာမီ ဖျက်စီးမှု နောက်ဆက်တွဲမှာ အနုမြူဓာတ်ပေါင်းဖိုတွေ ပေါက်ကွဲမှုကြောင့် Radiation အနုမြူရောင်ခြည် ပျံ့နှံ့မှု အန္တရာယ်နဲ့ ရင်ဆိုင်နေရပါတယ်။

ကမ္ဘာမှာ စွမ်းအင်အသုံးဆုံး ၂ နေရာ ရှိပါတယ်။ လျှပ်စစ်နဲ့ ကား၊ လေယာဉ်၊ ရထားတွေ မောင်းနှင်ဖို့ ဓာတ်ဆီနဲ့ ဒီဇယ်ဆီ ထုတ်လုပ်ဖို့ ဖြစ်ပါတယ်။ စက်ရုံအလုပ်ရုံတွေ၊ လူနေအိမ်တွေ မီးရဖို့ လျှပ်စစ်ထုတ်လုပ်ရပါတယ်။ ဒီနေ့ခေတ်မှာ လျှပ်စစ်အပေါ် အားလုံး မီခိုနေကြရရာ လျှပ်စစ်မရှိရင် မည်ရွေ့မည်မျှ ဒုက္ခရောက်ကြောင်း မြန်မာနိုင်ငံသားတွေ အသိဆုံးပါ။ လျှပ်စစ်ထုတ်လုပ်ဖို့ လျှပ်စစ်တာဘိုင် စက်ကြီးတွေကို လည်စေရပါတယ်။ ရေအားဖြင့်သော်လည်းကောင်း၊ အပူအားဖြင့်သော်လည်းကောင်း၊ လေအားဖြင့်သော်လည်းကောင်း ကျောက်မီးသွေး၊ ရေနံ၊ သဘာဝဓာတ်ငွေ့ စသည်တို့ကို မီးရှို့ခြင်းဖြင့်သော်လည်းကောင်း ဒီ လျှပ်စစ် တာဘိုင်တွေကို လည်စေခြင်းဖြင့် လျှပ်စစ်ဓာတ်ကို ထုတ်လုပ်ရပါတယ်။ ကျောက်မီးသွေး၊ ရေနံ၊ သဘာဝဓာတ်ငွေ့ စတာတွေကို မီးရှို့တဲ့အခါ ကာဘွန်ဒိုင် အောက်ဆိုက်ဓာတ်ငွေ့ ထွက်ကာ၊ ဒီဓာတ်ငွေ့ဟာ လေထုကို ညစ်ညမ်းစေပြီး၊ နေမှ အပူဓာတ်ကို စုပ်ယူထားတာကြောင့် Global Warming လို့ ခေါ်တဲ့ ကမ္ဘာကြီး ပူနွေးမှုကို ဖြစ်စေပါတယ်။

သိပ္ပံညာရှင် အိုင်စတိုင်းရဲ့ ကမ္ဘာကျော် ဖော်မြူလာ ရှိပါတယ်, E=mc2 ။ Mass ဒြပ်ထုနဲ့ စွမ်းအင် Energy ရဲ့ ဆက်စပ်မှုကို ဖော်ထုတ်ထားတဲ့ ဖော်မြူလာဖြစ်ပါတယ်။ အနုမြူဗုံးဟာ အနုမြူတွေ ခွဲထုတ်ပြီး၊ ဆက်တိုက်ပြိုကွဲစေပြီး ထွက်ပေါ်လာတဲ့စွမ်းအင်ကို လက်နက်အဖြစ် သုံးတာပါ။ အဲဒီနည်းတူ အနုမြူစွမ်းအင်ကို ထိန်းချုပ်မှုရှိတဲ့ ပတ်ဝန်းကျင်မှာ အကျိုးရှိရှိသုံးနိုင်ပြန်ပါတယ်။ လွယ်လွယ်နားလည်အောင် ပြောရရင် သဘာဝအရ မတည်ငြိမ်တဲ့ ယူရေနီယမ် ၂၃၈ ဟာ ပိုပေါ့ပါးတဲ့ ယူရေနီယမ် ၂၃၄ ဘဝဆီ ကူပြောင်းစဉ် စွမ်းအင်အဖြစ် ဂန္မာရောင်ခြည် (Gamma Rays) တွေ ထွက်ပြီး၊ နြူထရွန် neutron တွေ ထွက်ကျလာပါတယ်။ သဘာဝအရ ဒီဖြစ်စဉ်ဟာ နှစ်ပေါင်း သန်းပေါင်းများစွာ ကြာပါတယ်။ ဒါကြောင့် ထွက်ကျလာတဲ့ နြူထရွန်တွေကို တခြား ယူရေနီယမ် နြူကလီးယပ်စ်နဲ့ တိုက်စေရာမှာ နြူထရွန်တွေ ထွက်ကျစေတာကို ဆက်တိုက်ပြိုကွဲစေပြီး Chain Reaction လို့ ခေါ်ပါတယ်။ ဒီဖြစ်စဉ်ကနေ (အပူ) ဓာတ်ထွက်ပါတယ်။ ဒီအပူဓာတ်ကိုသုံးပြီး ရေကို (ဆူ) စေကာ၊ ရလာတဲ့ (ရေနွေးငွေ့) ရဲ့ စွမ်းအားနဲ့ လျှပ်စစ် တာဗိုင်တွေကို လည်စေကာ လျှပ်စစ်ထုတ်ပါတယ်။

ဒါပေမဲ့ ဒီဖြစ်စဉ်မှာ ယူရေနီယမ် ၂၃၄ ဟာ အနုမြူရောင်ခြည်လို့ခေါ်တဲ့ Radiation ကို ထုတ်လွင့်ပြီး၊ ဒီရောင်ခြည်ဟာ လူ့ခန္ဓာကိုယ်ရှိ ဆဲလ်တွေကို ဖျက်ဆီးနိုင်တာကြောင့် လူသားတွေအတွက် အလွန်အန္တရာယ် ကြီးမားလှပါတယ်။ ဒါကြောင့် Radiation ကို ထုတ်လွင့်နေတဲ့ ယူရေနီယမ် ၂၃၄ တွေ အပြင်ဘက် ပြန့်မထွက်ဖို့ အလွန်ထူတဲ့ သံမဏိသံပေါင်းဖိုတွေမှာထားပြီး၊ ထပ်ဆင့်အလွန်ထူတဲ့ ကွန်ကရစ်အကာ အဆောက်အအုံတွေထဲ ထားရပါတယ်။

ထပ်တူအရေးကြီးတာက အပူလွန်ပြီး ပေါက်ကွဲမှုမဖြစ်စေဖို့၊ လျှပ်စစ်တာဘိုင်တွေကို လည်စေတဲ့ ရေနွေးငွေ့တွေကို ရေကန်ထဲဖြတ်စေကာ အပူကို လျော့ချစေရပါတယ်။ ဒီရေကန်ထဲဆီ ဒီဇယ်ဆီနဲ့ မောင်းနှင်တဲ့ ရေစုပ်စက်တွေမှ ပိုက်တွေကတဆင့် (ရေ) တွေကို ပို့ပေးရပါတယ်။ တချိန်ထဲမှာ သံမဏိ သံပေါင်းဖိုတွေကို ရေလှည့်ပတ်မှုနဲ့ အပူမလွန်ဖို့ ထိန်းပေးထားရပါတယ်။

ဒီအနုမြူဓာတ်ပေါင်းဖို ဒီဇိုင်းမှာ ၁၉၇ဝ ခေတ်ကဖြစ်ပြီး၊ နှစ် ၄ဝ ကျော်ပါပြီ။ ခေတ်ပေါ် ဒီဇိုင်းတွေမှာ ရေကိုသုံးပြီး၊ အအေးခံတဲ့ စနစ်ကို မသုံးကြတော့ပါ။ ဂျပန်ရဲ့ ပြဿနာမှာ တာဝန်ရှိသူတွေဟာ ငလျင်ရန်ကို စိုးရိမ်ကြလို့ ငလျင်ဖြစ်တာနဲ့ အလိုလျောက် ရပ်ဆိုင်းခြင်း Automatic Shutdown ကို အလေးပေးခဲ့ကြပေမယ့် ဆူနာမီရန်ရဲ့ အန္တရာယ်ကို အလေးမပေးမိကြ။ ဒါ့အပြင် နားလည်သူတွေက သတိပေးတဲ့ကြားက ဒီဇယ် ရေစုပ်စက်တွေကို နေရာမရွှေ့မိခဲ့ကြ။ ဒီအနုမြူဓာတ်ပေါင်းဖို ၆ ခုကို တနေရာတည်းမှာ စုပြုံထားမိတာကလည်း တဒုက္ခ။

ပြဿနာမှာ ဆူနာမီကြောင့် အရန်အပို မီးပေးစနစ် Backup electricity system ပျက်သွားပြီး လျှပ်စစ်မရှိလို့ ရေစုပ်စက်တွေ မလည်နိုင်။ ဒါ့ကြောင့် ရေပြတ်သွားတာကြောင့် ဒီအနုမြူဓာတ်ပေါင်းဖိုတွေ အပူလွန်ကာ ပြဿနာတက်ခြင်း ဖြစ်ပါတယ်။ လျှပ်စစ်ထုတ်လုပ်တဲ့ ဒီအနုမြူဓာတ်ပေါင်းဖိုမှာ လျှပ်စစ်ပြတ်သွားခြင်း ဖြစ်ပါတယ်။ နောက်ဆုံး အပူလွန်ပြီး အဆောက်အအုံတွေ ပေါက်ကွဲကာ Radiation တွေ လေထဲလွင့်သွားပါရင်၊ ကမ္ဘာ့လေကြောင်းတွေမှတဆင့် တခြားနိုင်ငံတွေဆီ ပျံ့နှံ့ကုန်ပါရင် လူတွေအတွက် အန္တရာယ်ရှိပါတယ်။ Radiation ပျံ့နှံ့မှုများရင်သော်လည်းကောင်း၊ အနီးကပ်ဖြစ်ရင်သော်လည်းကောင်း၊ အန္တရာယ် ပိုကြီးပြီး၊ Radiation နည်းနည်း လေထဲမှ ရှူမိရင် ရေရှည်မှာ ကင်ဆာဖြစ်နိုင်တာကြောင့် လူတွေ စိုးရိမ်ကြခြင်း ဖြစ်ပါတယ်။

ပြဿနာမှာ Radioactive ဖြစ်နေတဲ့ အရာဝတ္ထုတွေ လေမှတဆင့် မိုးရေနဲ့ ရောသွားပါရင် Radiation Rain ဆိုတာ ဖြစ်နိုင်ပါတယ်။ ဒါပေမဲ့ အက်စစ်မိုး Acid Rain နဲ့ ဘာမှမဆိုင်ပါ။ ကျောက်မီးသွေး၊ ရေနံ၊ သဘာဝဓာတ်ငွေ့တွေကို မီးရှို့ပြီး၊ လျှပ်စစ်ထုတ်လုပ်တဲ့ စက်ရုံတွေဟာ စီအိုတူးလို့ခေါ်တဲ့ ကာဗွန်ဒိုင် အောက်ဆိုဒ် ဓာတ်ငွေ့တွေကို လေထဲမှုတ်ထုတ်ကြပါတယ်။ အဲဒီနည်းတူ အကြီးစားစက်မှုလက်မှု စက်ရုံတွေဟာလည်း ဆာလ်ဗါဒိုင်အောက်ဆိုဒ်နဲ့ နိုက်ထရိုဂျင် အောက်ဆိုဒ်တွေကို လေထုထဲ စွန့်ထုတ်ပါတယ်။ အလားတူပင် သန်းပေါင်းများစွာသော ကားတွေကနေ ကာဘွန်ဒိုင်အောက်ဆိုဒ် ဓာတ်ငွေ့ကို မှုတ်ထုတ်ကြကာ လေထုထဲ ပျံ့နှံ့စေပါတယ်။

ဒီဓာတ်ငွေ့တွေဟာ မိုးရေနဲ့ ပေါင်းမိတဲ့အခါ အက်ဆစ်တွေအဖြစ် ပြောင်းလဲကာ မိုးထဲမှာ အက်ဆစ်တွေ ပါလာတဲ့အတွက် ပတ်ဝန်းကျင်ကို ထိခိုက်စေပါတယ်။ ဥပမာ အက်ဆစ်ကြောင့် သစ်ပင်တွေ၊ ပန်းပင်တွေ သေစေနိုင်ပါတယ်။ အဆောက်အအုံတွေ သံချေးတက်နိုင်ပါတယ်။ ဒါ့ကြောင့် အမေရိကန်မှာ လေထုထဲကို ညစ်ညမ်းတဲ့ ဓာတ်ငွေ့တွေ မှုတ်ထုတ်မှုကို အသေအချာ သုတေသနပြုပြီးမှ ဥပဒေနဲ့ တားမြစ်လာရပါတယ်။ ဒါပေမဲ့ Radiation နဲ့ အက်ဆစ်မိုးနဲ့က ဘာမှ မဆိုင်ပါ။

နောက် မိုးလေဝသပညာအရ ကမ္ဘာ့လေကြောတွေဟာ နာရီပတ်တံနဲ့ ပြောင်းပြန် (လက်ဝဲရစ်) လည်ပတ်ပါတယ်။ ဒါကြောင့် ဂျပန်၊ တရုတ်ပြည်မှ လေတွေဟာ မြန်မာနိုင်ငံဆီ တိုက်ခတ်မလာပါ။ အမေရိကန် နိုင်ငံဘက်သာ သွားနိုင်တယ်။ အိန္ဒိယ သို့မဟုတ် မြန်မာရဲ့ အရှေ့မှာရှိတဲ့ နိုင်ငံတွေ (အီရန်လိုနိုင်ငံမျိုး) ဖြစ်ခဲ့ရင် အန္တရာယ် ရှိနိုင်ပါတယ်။ ကျနော် ဥာဏ်မီသလောက် တင်ပြခြင်းပါ။

အင်တာနက်ပေါ်မှာ ပျံ့နှံ့နေတဲ့ အနုမြူ ကောလာဟလတွေကိုယုံပြီး၊ မြန်မာပြည်သူတွေ စိုးရိမ်စိတ် များနေမှာကို စိုးလို့ ဒီဆောင်ပါး ရေးရခြင်းပါ။ မကြာခင် ဟိုက်ထရိုဂျင်ခေတ်ဆီ ရောက်လာရမှာက မော်တော်ကားတွေဟာ ရေနံမှဖြစ်တဲ့ ဓာတ်ဆီအစား ဟိုက်ထရိုဂျင်ကို လောင်စာအဇြစ်သုံးပြီး၊ ကာဘွန်ဒိုင်အောက်ဆိုဒ်အစား ရေသာ ထွက်လာကာ လေထုညစ်ညမ်းမှုကို ကာကွယ်နိုင်မယ်။

အခုအသုံးပြုနေတဲ့ အနုမြူနိဿရမှာ ဖစ်ရှင် Fission လို့ ခေါ်ပါတယ်။ နေမင်းကြီးမှာ သဘာဝအလျောက် စွမ်းအင်ထုတ်လုပ်တဲ့ နည်းမှာ ဖြူရှင် Fusion လို့ ခေါ်ပါတယ်။ ဖြူရှင် Fusion ဟာ ဖစ်ရှင် Fission ရဲ့ ပြောင်းပြန်ဖြစ်တယ်။ ဖစ်ရှင် Fission ဟာ ပိုကြီးတဲ့ အနုမြူကို ခွဲပြီး၊ ပိုငယ်တဲ့ အနုမြူကို ဖော်ထုတ်ခြင်းပါ။ ဖြူရှင် Fusion မှာ ပိုငယ်တဲ့ အနုမြူ နှစ်ခုကို ပေါင်းစပ်ပြီး၊ ပိုကြီးတဲ့ အနုမြူကို ဖော်ထုတ်တာပါ။ ဒါပေမဲ့ စွမ်းအင်ထုတ်လုပ်မှုမှာ ဖြူရှင် Fusion က ဖစ်ရှင် Fission ထက် ၃ - ၄ ဆ ပိုထုတ်နိုင်ပါတယ်။

အနုမြူဗုံး (Atomic Bomb) ထက် အစွမ်းထက်တဲ့ ဟိုက်ထရိုဂျင်ဗုံး ဆိုတာက ဖစ်ရှင် Fission ကို သုံးပြီး၊ ဖြူရှင် Fusion ဖြစ်စဉ် Reaction ရအောင် လုပ်ကာ လက်နက်အဖြစ် သုံးခြင်းပါ။ ဖြူရှင် Fusion ဖြစ်ဖို့ ဖိအားနဲ့ အပူလိုတယ်။ သိပ္ပံပညာရှင်တွေ ဖြူရှင် Fusion အနုမြူဓာတ်ပေါင်းဖို တည်ဆောက်နိုင်ဖို့ သုတေသန လုပ်နေတာ နှစ်ပေါင်း ၅ဝ ကျော်ပြီ။ မအောင်မြင်သေးပါ။ သုံးရတဲ့ စွမ်းအင်က ထွက်လာတဲ့ စွမ်းအင်ထက် များနေလို့ပါ။ ဖြူရှင် Fusion ရဲ့ အားသာချက်မှာ လူတွေကို ဒုက္ခပေးနိုင်တဲ့ radioactive particles အနုမြူရောင်ခြည်လွှမ်းအရာတွေ များများစားစား မဖော်ထုတ်ခြင်းဖြစ်ပြီး၊ ပိုအသုံးဝင်တဲ့ သိပ္ပံနည်းပညာ ဖြစ်ပါတယ်။

လောလောဆယ် အနုမြူအတတ်ပညာမှာလည်း သုံးပြီးသား ယူရေနီယမ် အချောင်းတွေကို လောင်စာအဖြစ် အသုံးပြုတဲ့ Breeder Reactor ဆိုတာ ပေါ်နေပါပြီ။ ဒါ့ကြောင့် Radioactive ဖြစ်တဲ့ လောင်စာတွေကို မြေကြီးအောက်မှာ မြှုပ်ပြီး စွန့်လွှတ်စရာ မလိုတော့ပါ။

ဒီမှာ ကျနော်တို့ မြန်မာနိုင်ငံသားတွေ ဂျပန်တွေကို အတုယူသင့်တာတွေ ရှိပါတယ်။ ဂျပန်တွေဟာ တိုင်းပြည်နဲ့ လူမျိုးကိုချစ်တဲ့စိတ် အင်မတန် ပြင်းထန်တယ်။ ဂျပန်ထုတ်ပစ္စည်းမှ ကောင်းတယ်။ ဂျပန်ဆန်ကမှ တကယ့် ဆန်ဆိုပြီး ဂျပန်မှ ဂျပန်စိတ် ရှိပါတယ်။ စည်းကမ်းရှိတဲ့ နေရာမှာလည်း စံယူသင့်ပါတယ်။ သဘာဝ ဘေးဒုက္ခ ရောက်တာတောင် ခိုးဝှက်မယ့်သူတွေ မရှိတာကြည့်ပြီး ကမ္ဘာက ချီးကျူးရတယ်။ ဟေတီမှာ ငလျင်လှုပ်တော့ ခိုးလိုက်ကြတာ သောက်သောက်လဲ။ ဘယ်သူသေသေ ငတေမာပြီးရောဆိုတဲ့ သူခိုးတွေ။

နောက် သတိပြုစေချင်တာက အနုမြူပညာဆိုတာ လူတွေ သေကြေဖို့ ဗုံးအဖြစ် သုံးနိုင်သလို ထိန်းချုပ်နိုင်တဲ့ ပတ်ဝန်းကျင်မှာ လူတွေကို အလင်းပေးတဲ့၊ အကျိုးပြုတဲ့ လျှပ်စစ်ထုတ်လုပ်ရာမှာလည်း အသုံးချနိုင်ပါတယ်။ စစ်တပ်ဆိုတာလည်း ထိုနည်းတူပါပဲ။ စိတ်ထားမှန်ရင် တိုင်းပြည်နဲ့ လူမျိုးကို အကျိုးပြုနိုင်တဲ့ ကဏ္ဍကနေ ရပ်တည်နိုင်ပါတယ်။

မြန်မာပြည်ကြီး တိုးတက်ချမ်းသာပါစေ။
စာဖတ်သူတို့ အသိကြွယ်၍ စိတ်အေးမှု ရပါစေ။

(မှတ်ချက်။ စာရေးသူသည် အင်ဂျင်နီယာဖြစ်၍ သိပ္ပံပညာကို ဝါသနာပါသဖြင့် တသက်လုံး လေ့လာဖတ်ရှုခဲ့ရာ တသက်လုံး စုဆောင်းလာသည့် အသိကြောင့် သိပ္ပံအကြောင်းအရာများကို နားလည်လွယ်လာပါသည်။ ဤဆောင်းပါးအတွက် အသုံးပြုရသည့် ဆောင်းပါးနှင့် စာစောင်များမှာလည်း များပြားလွန်းပါသဖြင့် အညွှန်းကို မဖော်ပြတော့ပါ။ ဘာသာရပ်ဆိုင်ရာ အသုံးအနှုံး များသဖြင့် နားလည်မလွဲရန် မူလ အင်္ဂလိပ် အခေါ်အဝေါ်များကို မလွှဲမရှောင်သာ အသုံးပြုရသည်ကိုလည်း ခွင့်လွှတ်စေချင်ပါသည်။)

ဘိုဘိုကျော်ငြိမ်း ( မဇ္ဈိမ သတင်းဌာနမှ ပြန်လည်မျှဝေသည်။)

စာရေးဆရာကြီး ပါရဂူ ကွယ်လွန်

စာရေးဆရာကြီး ပါရဂူ ကွယ်လွန်






စာရေးဆရာကြီး ဆရာပါရဂူ ယနေ့ နံနက် ၉ နာရီ ၅၅ မိနစ်အချိန်ခန့်က အာရှတော်ဝင် ပုဂ္ဂလိကဆေးရုံတွင် နှလုံးရောဂါဖြင့် ကွန်လွန်ခဲ့ကြောင်း သူ့တပည့်တဦး၏ ပြောကြားချက်အရ သိပါတယ်။ (မိုးမခ)





ပါရဂူ (၁၉၂၁-၂၀၁၁)



ပါရဂူ၏ အမည်ရင်းမှာ ဦးလှကြိုင်ဖြစ်သည်။ ဟင်္သာတခရိုင် သနွံသနော့ကျေးရွာ၌ အဘဦးဘစော(စက်ချုပ်)၊ မိခင်ဒေါ်မေတုတ်တို့မှ ၁၉၂၁ ခု၊ နိုဝင်ဘာ ၁၀ ရက်၊ ကြာသပတေးနေ့တွင် မွေးဖွားခဲ့သည်။

ပါရဂူလောင်းလျာ မောင်လှကြိုင်သည် သနွံသနော့ရွာ မူလတန်းကျောင်း၌ စတုတ္ထတန်းအထိ ပညာသင်ကြားခဲ့ သည်။ သင်္ကန်းဝတ်ချင်လွန်း၍ စာမေးပွဲမဖြေခဲ့။ ၁၁နှစ်သားတွင် ကိုရင်ဝတ်ခဲ့သည်။ ကိုရင်ဝတ်နှင့် လောကုတ္တရာ စာပေကို စသင်ဖြစ်သည်။ ကိုရင်ဘွဲ့အမည်မှာ ရှင်ပုဏ္ဍရိကဖြစ်သည်။



၁၄ နှစ်အရွယ်တွင် ဟင်္သာတမြို့ မြစ်ကွေ့ ကျောင်းတိုက်၌ ပညာဆက်သင်သည်။ ရှင်ပုဏ္ဍရိကဘွဲ့အမည်ကို ရှင်ပါရဂူဘွဲ့ပြောင်းသည်။ မြစ်ကွေ့ကျောင်း ပဓာန ဆရာတော် ဦးပညာဝံသသည် အမှတ်အသား အစုအဆောင်း အလွန်ကောင်းသည်။ ထိုဆရာတော်မျိုးထံတွင် ပညာ လိုလားသော ရှင်ပါရဂူသည် ပညာကိုကျိုးနွံစွာ သင်ကြားခဲ့သည်။ သဒ္ဒါ၊ သင်္ဂြိုဟ်မှ စ၍ သင်ကြားခဲ့သည်။ နောက် ရှင်တေဇောသာရ(ဒဂုန်ဦးထွန်းမြင့်)က စာချပေးခဲ့သည်။ နောက်ပိုင်း ရှင်တေဇောသာရက လဟာရက်ရွာ ပြောင်းရာ ရှင်ပါရဂူလိုက်ပြောင်းခဲ့သည်။ ရှင်ဥာဏိဿရ(ဦးဆန်းထွန်း)လည်း ပါသည်။





ရှင်ပါရဂူ ၁၅ နှစ်အရွယ်တွင် သန်လျင် မြို့နယ် လဟာရပ်ရွာ ပထမပြန်စာသင်တိုက်မှ အစိုးရပထမပြန်စာမေးပွဲ ပထမငယ်တန်းအောင်မြင်သည်။ ၁၆နှစ် တွင် ပထမလတ်တန်း၊ ၁၇ နှစ်ရွယ်တွင် ပထမကြီးတန်းတို့ကို အောင်မြင်သည်။ ထိုနှစ်က ဟံသာဝတီ တစ်ခရိုင် လုံး ပထမကြီးနှစ်ပါးတည်းအောင်မြင်ရာ တစ်ပါးမှာ ရှင်ပါရဂူဖြစ်သည်။

ပထမပြန်စာမေးပွဲသမိုင်း၌ ၁၇နှစ်နှင့် ပထမကြီးတန်းအောင်မြင်သူ နှစ်ပါးသာရှိသည်။ တစ်ပါးမှာ ရှင်ပါရဂူ ဖြစ်သည်။ အသက် ၁၉နှစ်အရွယ်၌ အစိုးရဓမ္မာစရိယစာချတန်း ဂုဏ်ထူးကျမ်းအောင်မြင်သည်။ စာပို့ချပေးသူ ဆရာမှာ အရှင်တေဇောသာရ(ဒဂုန်ဦးထွန်းမြင့်) ဖြစ်သည်။



၁၉၃၉ ခုနှစ်၊ ဖေဖော်ဝါရီလထုတ် ''တိုးတက်ရေးမဂ္ဂဇင်း''တွင် မျိုးညွန့်နွယ်အမည်ဖြင့် လူငယ်ခေတ် ဆောင်းပါး ကို ပထမဆုံး စတင်ရေးခဲ့သည်။ ထို့နောက် ရှင်ပါရဂူကိုရင်အမည်ဖြင့် တိုးတက်ရေးမဂ္ဂဇင်းနှင့် ''ဒဂုန်မဂ္ဂဇင်း''တို့၌ ဆောင်းပါးများဆက်ရေးခဲ့သည်။ ၁၉၄၀ ခုနှစ် သြဂုတ်လထုတ် တိုးတက်ရေးမဂ္ဂဇင်း၌ ''ဘုန်းကြီးကျောင်းသား'' အမည်ဖြင့် ''ရင်သွေး''၀တ္ထုတိုကို ရေးခဲ့သည်။ ပါရဂူ၏ ပထမဆုံး ၀တ္ထုဖြစ်သည်။



၁၉၄၁ အသက် ၂၀ အရွယ်တွင် သနွံသနော့ရွာ၌ ရဟန်းခံခဲ့သည်။ ဂျပန်ခေတ်(၁၉၄၄ ခုနှစ်)တွင် သံလျင်မြို့ ဂျပန်စာသင်ကျောင်း၌ ဂျပန်စာ ၂နှစ်သင်ခဲ့သည်။ ရန်ကုန်မှ တစ်ပြည်လုံးရှိ ဂျပန်စာသင်ကျောင်းများအတွက် ထုတ်ဝေသော ဂျပန်သတင်းစာ၌ အရှင်ပါရဂူအမည်ဖြင့် ဂျပန်ဘာသာဆောင်းပါးတစ်ပုဒ် ရေးခဲ့သည်။

အိန္ဒိယသူဌေးကြီးဗီရလာ၏ အရိယဓမ္မပညာတော်သင်ဆုဖြင့် ၁၉၄၇ခုနှစ်တွင် အိန္ဒိယနိုင်ငံ၊ ဗာရာဏသီမြို့၊ ဗာရာဏသီ ဟိန္ဒူတက္ကသိုလ် အိုရီယန်တယ်ကောလိပ်၌ ဟိန္ဒီနှင့်သက္ကတသင်သည်။ ထိုအချိန်တွင် မိဂဒါဝုန် မဟာ ဗောဓိအသင်းက ထုတ်ဝေသောဟိန္ဒီဘာသာဓမ္မဒူတစာအုပ်၌ ဟိန္ဒီဘာသာဆောင်းပါးရေးသည်။ ဂျာနယ်ကျော်၌ လည်းရေးသည်။ ၁၉၅၂ ခုတွင် မြန်မာနိုင်ငံသို့ ပြန်လာသည်။ ၀ိဇ္ဇာအမည်ဖြင့် ရာဟုလာသံကိစ္စည်း၏ ဗော်လဂါမှ ဂင်္ဂါသို့(ဒုတိယပိုင်း)ကို မြန်မာပြန်ခဲ့သည်။ ပထမပိုင်းကို ရှင်ဥာဏိဿရ(ဦးဆန်းထွန်း)က ဘာသာပြန်ခဲ့သည်။ နောက်ပိုင်းပေါင်းထုတ်ခဲ့သည်။



၁၉၅၄ ခုတွင် ပါရဂူအမည်ဖြင့် ''ဗုဒ္ဓစကား''ကိုရေးခဲ့သည်။ ၁၉၅၅ ခုတွင် လူဝတ်လဲခဲ့သည်။ ၁၉၅၆ ခုနှစ်တွင် နယူးဒေလီမြို့၌ကျင်းပသော အာရှစာရေးဆရာညီလာခံ၏ အတွင်းရေးမှူးအဖွဲ့ဝင် အဖြစ်ဖြင့်လည်းကောင်း၊ ညီလာခံကိုယ်စားလှယ်အဖြစ်ဖြင့် လည်းကောင်း ပါဝင်တက်ရောက်ခဲ့သည်။ ထိုအချိန်၌ နယူးဒေလီမြို့တွင် ဗုဒ္ဓ ဇယန္တိအထိမ်းအမှတ်ဖြင့် ယူနက်စကိုမှ ကြီးမှူးကျင်းပသော ဗုဒ္ဓစာပေနှီးနှောဖလှယ်ပွဲသို့ လေ့လာသူအဖြစ် တက်ရောက်ခဲ့သည်။



၁၉၅၇-၆၁အထိ မြန်မာနိုင်ငံရှိ အိန္ဒိယသံရုံးပြန်ကြားရေး ဘာသာပြန်အရာရှိအဖြစ် တာဝန်ထမ်းဆောင်ခဲ့သည်။ ၁၉၅၈ မှ ၆၁အထိ မြန်မာနိုင်ငံစာရေးဆရာအသင်းတွင် အမှုဆောင်တာဝန် ထမ်းဆောင်သည်။ ၁၉၆၃ ခုနှစ်တွင် သုန္ဒရနန္ဒခေါ် ညီတော်မင်းနန်စာအုပ်ဖြင့် အနုပညာဆိုင်ရာ ဘာသာပြန်စာပေဆု ချီးမြှင့်ခြင်းခံရသည်။

၁၉၆၃ မှ ၁၉၆၅ထိ မြန်မာနိုင်ငံ စာရေးဆရာသမဂ္ဂအသင်းအမှုဆောင်၊ မြန်မာနိုင်ငံ စာပေပြန့်ပွားရေး အသင်းအမှုဆောင်အဖြစ် ဆောင်ရွက်ခဲ့သည်။ ၁၉၆၇ ခုနှစ်တွင် ''ဟိန္ဒီဆာဟိတျ ဆမ္မေလန်'' ခေါ် မြန်မာနိုင်ငံ ဟိန္ဒီ စာပေအသင်းမှ ချီးမြှင့်သော ''စာပေ ရွှေတံဆိပ်''ဆု ရရှိခဲ့သည်။



၁၉၇၁ မှ ၁၉၇၅ ခုနှစ်အထိ မြန်မာစာကော်မရှင်အဖွဲ့၊ အဖွဲ့ဝင်တာဝန်များကို ထမ်းဆောင်ခဲ့သည်။ ၁၉၇၅ ခု ဇန်န၀ါရီ ၁၀မှ ၁၄ရက်၌ အိန္ဒိယပြည် နာဂပူမြို့တွင်ကျင်းပသော ကမ္ဘာ့ဟိန္ဒီစာပေကွန်ဖရင့်၏ မြန်မာ ကိုယ်စားလှယ်အဖြစ် တက်ရောက်ခဲ့။



၁၉၈၀ ပြည့်နှစ်တွင် အိန္ဒိယနိုင်ငံ အီဂတ်ပူရီ နိုင်ငံတကာ ၀ိပဿနာအကယ်ဒမီမှဖိတ်၍ သွားရောက်ခဲ့သည်။ အိန္ဒိယနိုင်ငံ ဗဟိုအစိုးရ ပြည်ပရေးရာဝန်ကြီးဌာန ဟိန္ဒီဌာနခွဲ၏ကိုယ်စား၊ အတွင်းဝန်(ဒု-၀န်ကြီးအဆင့်)က နယူး ဒေလီမြို့၊ ဟိုက်ဒရာဘတ်အောက်စ်၌ ဂုဏ်ပြုဧည့်ခံပွဲ ကျင်းပပေးခဲ့။



- ကာဒမ္ဗရီခေါ် ဟိန္ဒီမဂ္ဂဇင်းကြီးက အင်တာဗျူးလုပ်ခဲ့။

- အောလ်အိန္ဒိယရေဒီယိုမှ မြန်မာဘာသာဖြင့် ဟောပြောချက် ၂ခု အသံလွှင့်ခဲ့။

- ဟိန္ဒီဘာသာဖြင့် အင်တာဗျူးလုပ်ခဲ့။

- ဗာရာဏသီမြို့ သတင်းစာဆရာအသင်းမှကြီးမှူး၍ သတင်းစာဆရာများနှင့် တွေ့ဆုံပွဲနှင့် ဂုဏ်ပြုပွဲလုပ်ခဲ့။

- ဗာရာဏသီ၊ အဘိမနျူစာကြည့်တိုက်မှလည်း ဧည့်ခံ ဂုဏ်ပြုပွဲ လုပ်ခဲ့။ ၁၉၇၅ ခုနှစ်မှစ၍ လေးငါးနှစ်တိတိ ဗာရာဏသီ မြို့ ဟိန္ဒီနေ့စဉ်သတင်းစာ(အာ့ခ်ျ)၌ ဦးပါရဂူအမည်ဖြင့် ''မြန်မာပြည်မှပေးစာ'' ခေါင်းစဉ်တပ်လျက် ဟိန္ဒိဘာသာ သတင်းဆောင်းပါး မှန်မှန်ရေးခဲ့။

- ၁၉၇၇ခုနှစ်မှစ၍ သုံးလေးနှစ်အထိ ကရာချိမှ အင်္ဂလိပ်ဘာသာဖြင့် ထုတ်ဝေသော ယူနက်စကို၏ လေးလ တစ်ကြိမ်ထုတ်(News Letter)တွင် ဦးလှကြိုင်အမည်ဖြင့် မြန်မာနိုင်ငံစာပေ ယဉ်ကျေးမှု၊ လှုပ်ရှားမှုနှင့် ပတ်သက် ၍ သတင်းဆောင်းပါးရေးခဲ့။

- ၁၉၈၅ ခုနှစ်တွင် မြန်မာနိုင်ငံ ကောလိပ်နှင့်တက္ကသိုလ်များ၏ အရှေ့တိုင်းစာပေသင်ကြားရေးအဖွဲ့၊ အဖွဲ့ဝင် အဖြစ် စတင်ဆောင်ရွက်သည်။

- ၁၉၈၆ ခုနှစ်တွင် ''ဂေါရီ''၀တ္ထုဖြင့် အမျိုးသားစာပေဆု ဘာသာပြန်ဆုရရှိခဲ့သည်။ ထိုနှစ်ထဲတွင် အိန္ဒိယနိုင်ငံ အီဂတ်ပူရီတွင်ကျင်းပသော နိုင်ငံတကာဝိပဿနာအကယ်ဒမီ၏ နိုင်ငံတကာဝိပဿနာဆီမီနာသို့ တက်ရောက်ခဲ့။

- အော်လ်အိန္ဒိယရေဒီယိုမှ မြန်မာဘာသာဖြင့် ဟောပြောချက် ၄ခု အသံလွှင့်ပြီး ဟိန္ဒီဘာသာဖြင့် အင်တာဗျူး လုပ်ခဲ့။

- ဒေလီမြို့မှ ထုတ်ဝေသော ''ပန်ကျဂျနယ'' အပါတ်စဉ်ဂျာနယ်ကလည်း အင်တာဗျူးလုပ်ခဲ့။

- ကာလကတ္တားမြို့ ''ယောဂက္ခေမ''အဖွဲ့မှပြုလုပ်သော ဧည့်ခံပွဲ၌ မြန်မာစာအဖွဲ့ကိုယ်စား ဟိန္ဒီဘာသာဖြင့် မိန့်ခွန်းပြောခဲ့။

၁၉၈၉ တွင်မြန်မာပြည် တဂိုးအသင်းဥက္ကဌ မြန်မာပြည် ဟိန္ဒီအသင်းဥက္ကဌ။ ၁၉၉၀ တွင် ပါရဂူ ကလောင် အမည်ဖြင့်ရေးသော ပင်ကိုယ်ရေ''ပရိယ ဒရရှီ အရှို(က်)(ပိယဒဿီ အသောက)ဟိန္ဒီလုံးချင်းဝတ္ထုကို နယူးဒေလီ မြို့ ''ဧရာဝတီပတ်ဘလစ်ကေးရှင်း''မှ ထုတ်ဝေခဲ့။ ထိုဝတ္ထုကို ဒေလီမြို့ရှိ အထက်တန်းကျောင်းများအတွက် ရည်ညွှန်း စာအုပ်အဖြစ် ပြဌာန်းခဲ့။

၁၉၉၄ -ခုနှစ် ဖေဖော်ဝါရီလ၌ ဗာရာဏာသီ ဆာရနတ် (မိဂဒါဝုန်)တွင် ကျင်းပသော ဟိန္ဒူဘာသာ၊ ဗုဒ္ဓဘာသာ နှင့်ပတ်သက်သော အလုပ်ရုံဆွေးနွေးပွဲသို့ တက်ရောက်ခဲ့။

- နယူးဒေလီမြို့၌ နာမည်ကျော် ဟိန္ဒီစာရေးဆရာ ''ဟိမန် ရှုဂျိုရှီ'' (ဂေါမတီဝတ္ထုရေးသူ)က ချီးကျူး ဂုဏ်ပြု စကားပြောခဲ့။ ၁၉၉၈ခု မြန်မာနိုင်ငံ ယဉ်ကျေးမှုတက္ကသိုလ်ပညာရေးအဖွဲ့ အဖွဲ့ဝင်၊ အပြည်ပြည်ဆိုင်ရာ ဓမ္မဂီရိဝိပ ဿနာအဖွဲ့(ဓမ္မဇောတိ) အမှုဆောင်၊ မင်္ဂလာဗျူဟာ ပရဟိတအဖွဲ့ ဥက္ကဌ တာဝန်များ ထမ်းဆောင်ခဲ့။

၂၀၀၀ ပြည့်နှစ်တွင် ပြန်ကြားရေးဝန်ကြီးဌာန မြန်မာ ရည်ညွှန်းကျမ်း စီစဉ်ရေးအဖွဲ့ အဖွဲ့ဝင်၊ နော်ဝေးရောက် အိန္ဒိယအမျိုးသားများ အင်္ဂလိပ်၊ ဟိန္ဒီ နှစ်ဘာသာဖြင့် ထုတ်ဝေသော ''သျှံတိ ဒူတ မဂ္ဂဇင်း''၏ အကြံပေးတာဝန် ထမ်းဆောင်သည်။



၂၀၀၁ ခုနှစ် ပခုက္ကူဦးအုန်းဖေ၏ တစ်သက်တာစာပေဆု ချီးမြှင့်ခြင်းခံရသည်။ ဆရာပါရဂူသည် ၂၀၀၁-ခုနှစ်၊ အသက် ၈၀ပြည့် ချိန်တွင် လုံးချင်းစာအုပ် ၁၀၀အထိ ပုံနှိပ်ထုတ်ဝေခဲ့သည်။



ဆရာပါရဂူ ပါဝင်သော စာပေနှင့် ဘာသာရေး အဖွဲ့အစည်းများမှာ

(၁) မြန်မာနိုင်ငံ ထေရ၀ါဒ ဗုဒ္ဓသာသနာပြု ဗဟိုအဖွဲ့ (အကြံပေးအဖွဲ့ဝင်)

(၂)အပြည်ပြည်ဆိုင်ရာ ဓမ္မဂီရိဝိပဿနာအဖွဲ့ (အမှုဆောင်)

(၃) သီယိုဆိုဖီအသင်း (နာယက)

(၄) ဗုဒ္ဓ၀င်ပြပွဲကော်မတီ (နာယက)

(၅) မြန်မာနိုင်ငံ ဗုဒ္ဓဂါယာဘုရားဖူးအဖွဲ့(နာယက)

(၆) မြန်မာစာအဖွဲ့(အဖွဲ့ဝင်) (၁၉၇၁-၇၅)

(၇) မြန်မာနိုင်ငံတက္ကသိုလ်နှင့် ကောလိပ်များ၏ အရှေ့ တိုင်းစာပေသင်ကြားရေးအဖွဲ့ (အဖွဲ့ဝင်)

(၈)မြန်မာနိုင်ငံ စာရေးဆရာများအသင်းအမှုဆောင် (၁၉၅၈)

(၉)စာရေးဆရာ စာပေကလပ်(ဟောင်း)အမှုဆောင် (၁၉၅၈)

(၁၀) မြန်မာစာပေပြန့်ပွားရေးအသင်းဒု-ဥက္ကဌ (၁၉၆၀)

(၁၁) စာရေးဆရာသမဂ္ဂအမှုဆောင် (၁၉၆၀)

(၁၂) မြန်မာပြည် တဂိုးအသင်း(ဥက္ကဌ) (၁၉၉၀-၉၅)

(၁၃) မြန်မာနိုင်ငံ ဟိန္ဒီစာပေအသင်း(ဥက္ကဌ) (၁၉၉၃-၉၅)



ပြုစုခဲ့သော ကျမ်းစာအုပ်များ (၁) ဗုဒ္ဓစကား၊ (၂) မဟာခရီးသည် ၊ (၃) ဗုဒ္ဓအဘိဓမ္မာနှင့် မာ့စ်အဘိဓမ္မာ၊ (၄) အညမညသဘောတရားနှင့် ဗုဒ္ဓအဘိဓမ္မာ၊ (၅) ဗုဒ္ဓမြတ်စွာ၊ (၆) ဈင်ဗုဒ္ဓဘာသာ၊ (၇) ပလေတို၊ (၈) အရစ္စ တိုတယ်၊ (၉) လယ်တီပဏ္ဍိတ ဆရာဦးမောင်ကြီး၊ (၁၀) ပရကထာ (တစ်စေ့ တစ်စောင်း စာရေးဆရာအကြောင်း)၊ (၁၁) ဂင်္ဂါနှင့်ဧရာဝတီ၊ (၁၂) အိန္ဒိယခရီးသည်၊ (၁၃) ရေစီးကြောင်း(စာပေယဉ်ကျေးမှု)၊ (၁၄) နီတိပုံပြင်များ၊ (၁၅) တမ္ပဏ္ဏိ၊ (၁၆) ပုဂံခရီးသည်။

ကျမ်းစာအုပ်များ(ဘာသာပြန်) (၁) နေရူး၏သမီးထံပေးစာ၊ (၂) ဗုဒ္ဓ၀ါဒနှင့် ဆိုရှယ်လစ်ဝါဒ၊ (၃) ကွန်မြူနစ်ဝါဒ သာလျှင် အဘယ်ကြောင့်၊ (၄)တော်လှန်သော အတွေးအခေါ်၊ (၅) ကျန်းမာရေးသ၀ဏ်လွှာ(လှကြိုင်)၊ (၆) ညီတော်မင်းနန်၊ (၇) နိဗ္ဗာန်၊ (၈) ဓမ္မ(သို့)ဘ၀တစ်လျှောက်နေသွားနည်း အတတ်ပညာ၊ (၉) မဟာလူသားဗုဒ္ဓ၊ (၁၀) ဗုဒ္ဓဒိုင်ယာယီ၊ (၁၁) ဗာဗာဒိုဟာ ဓမ္မကဗျာ၊ (၁၂) တရားရေစီးကြောင်း၊ (၁၃) စကားပြောသောရုပ်တုများ၊ (၁၄) ဓမ္မစကား၊ (၁၅) ယောဂီ၏ ဘ၀ဂါထာ ယခင်နှင့်ယခု၊ (၁၆) ဟိတောပဒေသ၊ (၁၇) ပဉ္စတန္တရ။

ဝတ္ထု(ဘာသာပြန်) (၁)သိဒ္ဓတ္ထ၊ (၂) သူလိုဘုရင်၊ (၃) တဂိုးဝတ္ထုတိုများ၊ (၄) တဂိုး၏ တံလျှပ်ရေထင် ရွှေသမင် ပမာနှင့်အခြားဝတ္ထုတိုများ၊ (၅) တဂိုး၏ ရာဇကုမာရီနှင့်အခြားဝတ္ထုတိုများ၊ (၆) တဂိုး၏ သံသယနှင့် ၀တ္ထုတိုများ၊ (၇) တဂိုး၏ မဉ္ဇိမပဋိပဒါနှင့် အခြားဝတ္ထုတိုများ၊ (၈) အမ္ဗပါလီ၊ (၉) သီပေါ၏မဟေသီ၊ (၁၀) စိတ္တရလေခါ၊ (၁၁) ဂေါရီ၊ (၁၂) ပန်းပုဆရာ၊ (၁၃) ဗုဒ္ဓယဉ်ကျေးမှုပြဇာတ်များ ၊ (၁၄) ဖော်မဲ့ဟင်္သာ၊ (၁၅) ဝေသာလီ၊ (၁၆) မင်းနှင့် ပြည်သူ၊ (၁၇) ၀တ္ထုသမုဒ္ဒရာ၊ (၁၈) ဝေတာလ၀တ္ထု၊ (၁၉) ဗော်လဂါမှ ဂင်္ဂါသို့၊ (၂၀) အမေ့ခံခရီးသည်၊ (၂၁) လူ့ဘောင်သစ်၊ (၂၂)သီဟ သေနာ ပတိ ၊ (၂၃) ဒိဗျာ၊ (၂၄) သာလ၀တီနှင့် အခြားဝတ္ထုများ၊ (၂၅) ဒေါဏ၏ အတ္တ ကထာ၊ (၂၆) ရာဇဘိသိက်။

''၀တ္ထု(ပင်ကိုရေး)'' (၁) ပီယဒဿီ (၂) ပုဂံဈေးနှင့် အခြားဝတ္ထုတိုများ (၃) သားတော်ရာဟုလာ တစ်စိတ် တစ်ဒေသမှီး၊ (၄) နေရဉ္စရာနှင့် အခြားဝထ္ထုများ၊ (၅) ကံ၏ အကျဉ်းသားနှင့် အခြားဝတ္ထုများ၊ (၆) ပရိယဒရရှီ အရှို(က်)။ (from Myanmar Book Shop)

ဒီမိုကရေစီလမ်းကြောင်းက သွေဖည်အောင် မလုပ်ပါနဲ့(လူထုစိန်ဝင်း)

ဒီမိုကရေစီလမ်းကြောင်းက သွေဖည်အောင် မလုပ်ပါနဲ့(လူထုစိန်ဝင်း)

Posted: 05 Apr 2011 07:51 PM PDT

ထိုင်းနိုင်ငံ ဘန်ကောက်မြို့က နိုင်ငံတကာ အဖွဲ့အစည်းတစ်ခုမှာ အလုပ်လုပ်နေတဲ့ အနောက်နိုင်ငံသူ အမျိုးသမီးတစ်ယောက် ရောက်လာပါတယ်။ တစ်ခါမှ မတွေ့ဖူးသူပါ။ မိတ်ဆွေတစ်ယောက်ရဲ့ မိတ်ဆက်လမ်းညွှန်မှုနဲ့ ရောက်လာတာ ဖြစ်ပါတယ်။ လက်မ၀င်ဘူး
သူက လိင်ခွဲခြားမှု (gender discrimination) နဲ့ ပတ်သက်တဲ့ သုတေသန လုပ်နေသူပါ။ မေးမြန်းဆွေးနွေးချင်တာတွေ မေးခွင့်ပြုပါလို့ မေတ္တာရပ်ခံတာကြောင့် စကားပြောဖြစ်ကြပါတယ်။ သူကိုယ်တိုင်က အလေးအနက် လေ့လာထားလို့ စကားပြောရတာ လက်မ၀င်ဘူး။ အဆင်ပြေတယ်။ ဘယ်လောက်ထိ လေ့လာထားသလဲဆိုရင် မဟာယနနဲ့ ဟိနာယန ဗုဒ္ဓဘာသာဂိုဏ်းတွေအကြောင်း ကောင်းကောင်းသိထားတယ်။ မြန်မာတို့ရဲ့ ယဉ်ကျေးမှု ဓလေ့ထုံးစံတွေကို သူက အတော်ကြီး လေးစားတယ်။ တခြား အိမ်နီးချင်းနိုင်ငံတွေလို အမျိုးသမီးတွေကို ဒုတိယတန်းစား လူသားများအဖြစ် သဘောမထားဘဲ အိမ်ထောင်စုရဲ့ စီမံခန့်ခွဲသူ ငွေကိုင်အဖြစ် နေရာပေးတာကို သူက ချီးကျူးတယ်။

မိန်းမလျာ ယောက်ျားလျာ

ဒီကိစ္စနဲ့ ပတ်သက်ပြီး သူနဲ့ ဆွေးနွေးဖြစ်တာတွေကို ဒီနေရာမှာ မရေးတော့ပါဘူး။ ရေးချင်တဲ့ အကြောင်းအရာ လမ်းချော်သွားမှာစိုးလို့ပါ။ စနစ်တကျ ထဲထဲဝင်ဝင် လေ့လာထားတာကြောင့် သူ့ကို လေးစားသလို၊ ဒီလို လေ့လာနိုင်အောင် လုံလောက်တဲ့ အထောက်အကူပြုတဲ့ ပညာရေးစနစ်ကိုလည်း အားကျမိပါတယ်။ ဒီနေရာမှာ အဓိက ရေးချင်တာက သူ မေးတဲ့ နောက်ထပ် အကြောင်းအရာနဲ့ ပတ်သက်ပါတယ်။ သူက မြန်မာနိုင်ငံမှာ မိန်းမလျာ (gay) နဲ့ ယောက်ျားလျာ (lesbian) များရဲ့ အခွင့်အရေးကို ကာကွယ်စောင့်ရှောက်တဲ့ ဥပဒေပြဌာန်းထားတာ ဘာကြောင့် မရှိရတာလဲဆိုတဲ့ အချက်ဖြစ်တယ်။ မိန်းမလျာ ယောက်ျားလျာများနဲ့ ပတ်သက်ပြီး မြန်မာလူမျိုးများက သရော်လှောင်ပြောင်လေ့ရှိပြီး မနှစ်မြို့တဲ့ သဘောနဲ့ ဆက်ဆံတတ်ကြတယ်။ အများစုက ရှုတ်ချတဲ့ အမြင်ရှိကြတယ်။ အများစုက ရှုတ်ချတဲ့ အမြင်ရှိကြတယ်။ ဆေးပညာ ရှုထောင့်အမြင်နဲ့ ကြည့်တတ်ဖို့ ပညာပေးတာမျိုး မရှိတဲ့အပြင် ပိုဆိုးတာက သူတို့ရဲ့ ကိုယ်ပိုင် ရွေးချယ်ခွင့်ကို လေးစား အသိအမှတ်ပြုခြင်း မရှိတာ ဖြစ်တယ်လို့ ပြောပါတယ်။

တိုက်ရိုက်မေးခွန်း
အဲဒီနောက် သူက နိုင်ငံရေး၊ ပညာရေး၊ လူမှုရေး၊ လူငယ်အရေး၊ နိုင်ငံတကာအရေး၊ စာနယ်ဇင်းလောကအရေး စတဲ့ လူ့လောကရဲ့ ကိစ္စမှန်သမျှကို တို့ထိ ရေးသားနေသူ တစ်ဦးအနေနဲ့ မိန်းမလျာ ယောက်ျားလျာများရဲ့ အခွင့်အရေးနဲ့ ပတ်သက်ပြီး ရေးဖူးပါသလားလို့ တိုက်ရိုက် မေးခွန်းထုတ်ပါတယ်။ မရေးဖူးဘူးလို့ ချက်ချင်း ဖြေလိုက်တော့ ဘာကြောင့်လဲ၊ ရေးဖို့ လိုအပ်တယ် မထင်လို့လား။ ဒါမှမဟုတ် သူတို့ကို မနှစ်မြို့လို့လားလို့ ထပ်မေးပြန်တယ်။ သူ ဒီလို မေးတာကို မအံ့သြပါဘူး။ အနောက်နိုင်ငံက လူတွေ အများစုက တခြားနိုင်ငံတွေကို ကြည့်တဲ့အခါမှာ သူတို့ ရောက်ရှိနေတဲ့ လက်ရှိ အခြေအနေ အဆင့်အတန်းက နှုန်းစံတွေနဲ့ပဲ ချိန်ထိုးကြည့်လေ့ ရှိကြတယ်။ လွန်ခဲ့တဲ့ နှစ်ပေါင်း လေး ငါး ခြောက်ဆယ်က သူတို့ အခြေအနေတွေနဲ့ နှိုင်းယှဉ်ကြည့်လေ့ မရှိကြဘူး။

ချောက်ကမ်းပါးကြီး ခြားသလို
ဒီနေ့ ကမ္ဘာပေါ်မှာ သိပ်ချမ်းသာတဲ့ နိုင်ငံတွေနဲ့ ဖွံ့ဖြိုးဆဲ နိုင်ငံများရဲ့ ကွာခြားချက်ဟာ အင်မတန် ကြီးမားပါတယ်။ နက်ရှိုင်းတဲ့ ချောက်ကမ်းပါးကြီးတစ်ခု ခြားနေသလို ဖြစ်နေပါတယ်။ ဖွံ့ဖြိုးတိုးတက်မှု ကွာခြားရင် ကွာခြားသလောက် တခြား လူမှုရေး၊ စီးပွားရေး၊ နိုင်ငံရေးနဲ့ ယဉ်ကျေးမှု၊ အနုပညာရေး ကိစ္စတွေမှာလည်း ကွာခြားမှာပဲ ဖြစ်တယ်။ ချမ်းသာတဲ့ နိုင်ငံကြီးတွေက လူတွေအတွက် မီးရဖို့ ရေရဖို့ဆိုတာ ပူနေဖို့ မလိုတော့တဲ့ ကိစ္စဖြစ်ပေမယ့် ဆင်းရဲတဲ့ နိုင်ငံက လူတွေအတွက်တော့ မီးရဖို့ ရေရဖို့ဆိုတာ ထိပ်တန်းဦးစားပေး လိုအပ်ချက်ကြီး တစ်ခုအဖြစ် ရှိနေတာ ဖြစ်တယ်။ ချမ်းသာတဲ့ နိုင်ငံကြီးတွေက လနဲ့ အင်္ဂါဂြိုဟ်မှာ ရေရှိ မရှိ စူးစမ်းလေ့လာနိုင်တဲ့ အချိန်မှာ ဆင်းရဲနိုင်ငံက လူတွေကတော့ မြေကြီးထဲ တွင်းတူးပြီး ရေရှာနေကြရလို့ အာကာသကို မော့တောင် မကြည့်နိုင်ကြသေးပါဘူး။ အဲဒါကြောင့် ဆင်းရဲတဲ့ နိုင်ငံက လူတွေကို အမြင်ကျဉ်းမြောင်းတယ်။ ဂလိုဘယ်စိတ်ဓာတ် မရှိဘူးလို့ ပြောလို့ မရပါဘူး။

ယားလို့ မကုတ်အား
အနောက်နိုင်ငံက သုတေသီ အမျိုးသမီးကို မင်းတို့မှာက ပူစရာ ဘာမှ မရှိဘူး။ မင်း အခုလို သုတေသနတွေ လုပ်နိုင်ဖို့အတွက် ဂရန့် (grant) တွေ၊ စကောလားရ်ှစတွေ အဆင်သင့်။ တို့ဆီက လူတွေအတွက်တော့ အခုထိ ကလေးတိုင်း မူလတန်း ပညာသင်ယူနိုင်ဖို့ မနည်းကြီး လုံးပန်းနေရဆဲ ဖြစ်သည်။ ပူစရာ မရှိတဲ့ မင်းတို့က ဘာမှ လုပ်စရာ မရှိဘဲ အားယားနေလို့ တိရစ္ဆာန် အခွင့်အရေးတို့၊ ဂေးအခွင့်အရေးတို့၊ ကျားထိန်းသိမ်းရေး၊ မြွေထိန်းသိမ်းရေးတို့၊ သဘာဝပတ်ဝန်းကျင် ထိန်းသိမ်းရေးတို့ စတဲ့ ဆိုင်းဘုတ်တွေ အမျိုးမျိုးထောင်ပြီး ကြွေးကြော်သံတွေ အမျိုးမျိုး အော်ဟစ်နေနိုင်ပေမယ့် တို့လို နိုင်ငံတွေမှာတော့ လူတစ်ယောက်အတွက် အနိမ့်ဆုံး လိုအပ်ချက်ဖြစ်တဲ့ စားဝတ်နေရေး ဆိုတာလေးအတွက်တောင် မနည်းကြီး ရုန်းကန်နေရလို့ အားဖို့ မပြောနဲ့ ယားလို့တောင် မကုတ်အားလို့ ထုံးတို့ မှတ်ထားရတယ်။

အရေးကြီးတာက ဒီမိုကရေစီ
တို့ မြန်မာနိုင်ငံမှာဆိုရင် နှစ်ပေါင်းငါးဆယ် လုံးလုံး ဒီမိုကရေစီဆိုတာနဲ့ ကင်းဝေးခဲ့လို့ အခုမှ ဒီမိုကရေစီစနစ် ထူထောင်ဖို့ လုံးပန်းနေရဆဲ ဖြစ်တယ်။ ဒီအချိန်မှာ မြန်မာလူမျိုးတွေ အားလုံးအတွက် အရေးကြီးဆုံး လိုအပ်တာက ဒီမိုကရေစီ နိုင်ငံတစ်ခု ပီပီပြင်ပြင် ထွက်ပေါ်လာဖို့ ဖြစ်တယ်။ ဒို့အားလုံး ဒါအတွက် ကြိုးစားနေရလို့ တခြားကိစ္စတွေကို အာရုံမစိုက်နိုင်သေးဘူး။ ဆိုင်းဘုတ်တွေနဲ့ ကြွေးကြော်သံတွေ သိပ်များလွန်းရင် မကောင်းဘူး။ ဒီမိုကရေစီ ခရီးကို အနှောင့်အယှက် ဖြစ်တယ်။ အဲဒါကြောင့် မင်းတို့ရဲ့ ဂေးအခွင့်အရေးတွေ၊ တိရိစ္ဆာန်အခွင့်အရေးတွေကို တို့ အားအားယားယား စဉ်းစားမနေနိုင်သေးဘူးလို့ ရှင်းရှင်းလင်းလင်း ပြောပြလိုက်ရတယ်။

ဘာလို့ အော်ရမှာလဲ
ဒီလို မပြောရင် မဖြစ်ဘူး။ အနောက်နိုင်ငံက လူတွေ အားလို့ ယားလို့ လုပ်နေကြတာတွေကို အဟုတ်မှတ်ပြီး ပုံတူ ကူးချနေကြတာမျိုး ဒီမှာလည်း ခေတ်စားနေတယ်။ တကယ်တော့ ဂေးအခွင့်အရေးဆိုတာ သူတို့ အနောက်နိုင်ငံတွေမှာတောင် ဘာမှ လုပ်စရာမရှိတဲ့ အားအားယားယား လူတန်းစားလောက်သာ အော်နေကြတာပါ။ အများစုက စားဝတ်နေရေးနဲ့ အခွန်တွေ လျှော့ပေါ့ရေး အလုပ်လက်မဲ့ ပပျောက်ရေး၊ ပညာရေး ကျန်းမာရေး စရိတ်တွေ လျှော့ချရေး ကိစ္စတွေနဲ့ လုံးချာလိုက်နေကြတာပါ။ ဂေးအခွင့်အရေး အကြောင်း ဒီမှာသာ လာပြောနေတာ သူတို့ အနောက်နိုင်ငံတွေမှာတောင် လိင်တူချင်း တရားဝင် လက်ထပ်ခွင့်ပြုတဲ့ နိုင်ငံဆိုလို့ လက်ဆယ်ချောင်းတောင် ပြည့်အောင် ရှိတာ မဟုတ်ပါဘူး။ အဲဒီတော့ ဒီလိုအချိန်မှာ ဂေးအခွင့်အရေးတို့ တိရစ္ဆာန်အခွင့်အရေးတို့ကို အချိန်ကုန်ခံပြီး ဘာလို့ အော်နေရမှာလဲ။

မယောင်ရာ ဆီမလူးနဲ့
အခု အချိန်မှာ ကျွန်တော်တို့အတွက် အရေးကြီးဆုံးက ကျားတွေ မြွေတွေ မိကျောင်းတွေ မဟုတ်ဘူး။ ကျွန်တော်တို့ လူမျိုးတွေအတွက် အနိမ့်ဆုံး လိုအပ်ချက်ဖြစ်တဲ့ စားဝတ်နေရေးနဲ့ သားသမီးတွေရဲ့ ပညာရေး၊ ကျန်းမာရေး၊ အလုပ်အကိုင်တွေ ပေါများရေး ဖြစ်တယ်။ အဲဒီအတွက် ကျွန်တော်တို့ အားလုံး ကြိုးပမ်းနေကြတယ်။ ဒီမိုကရေစီနိုင်ငံ တည်ဆောက်ဖို့က ကျွန်တော်တို့အတွက်တော့ ပထမ ဦးစားပေး အရေးကြီးဆုံး ကိစ္စကြီးပဲ။ ဒီမိုကရေစီနိုင်ငံ မတည်ဆောက်နိုင်ရင် တိရိစ္ဆာန်အခွင့် အရေး မပြောနဲ့ လူ့အခွင့်အရေးတို့ စာပေ လွတ်လပ်ခွင့်တို့ဆိုတာတွေလည်း နတ္ထိပဲ။ ဒါကြောင့် ခုချိန်မှာ ဂေးအခွင့်အရေးတွေ၊ ကျားနဲ့ မိကျောင်း အခွင့်အရေးတွေ ကြွေးကြော်နေတာဟာ ဒီမိုကရေစီ လမ်းကြောင်းက သွေဖည်သွားအောင် လုပ်နေတာနဲ့ အတူတူပဲလို့ ပြောလိုက်ချင်တယ်။ မယောင်ရာ ဆီမလူးပါနဲ့။ ကိုယ့်အတွက် ဘာအရေးကြီးဆုံးလဲ ဆိုတာပဲ စဉ်းစားပါ။

လူထုစိန်ဝင်း
၂၁ – ၃- ၂၀၁၁
ပြည်သူ့ခေတ် ဂျာနယ်
အတွဲ (၁)၊ အမှတ် (၃၈)


Rest of your postအညာနွေတမာမြေ

 

 

ကြားညပ်နေတဲ့ မြန်မာပြည်

မြန်မာနိုင်ငံဟာ အာရှအင်အားကြီးနိုင်ငံကြီးတွေ ဖြစ်တဲ့ တရုတ်နဲ့ အိန္ဒိယ နှစ်နိုင်ငံအကြားမှာ တည်ရှိနေတဲ့ နိုင်ငံတနိုင်ငံ ဖြစ်ပါတယ်။ နှစ်နိုင်ငံအကြား စစ်အင်အားအသုံးပြု (The use of force) ရတဲ့ ပဋ္ဋိပက္ခတွေ ဖြစ်လာခဲ့ရင် အိန္ဒိယသမုဒ္ဒရာ စစ်မျက်နှာမှာ မဟာဗျူဟာတန်ဖိုး (strategic value) အမြင့်ဆုံးနိုင်ငံတနိုင်ငံအနေနဲ့ သတ်မှတ်ထားခြင်း ခံရတဲ့ နိုင်ငံတနိုင်ငံလဲ ဖြစ်ပါတယ်။ မြန်မာ့အရေးကို စစ်အာဏာရှင်စနစ်ဆန့်ကျင်ရေး၊ လူ့အခွင့်အရေး၊ ပြည်တွင်းစစ် ရပ်စဲရေး၊ တိုင်းရင်းသား စည်းလုံးညီညွတ်ရေး စတဲ့ အချက်တွေပေါ်မှာပဲ မူတည်ပြီး တွက်ချက်စဉ်းစားမှု လုပ်လို့ မရနိုင်ပါ။ ပထ၀ီဝင်နိုင်ငံရေး (Geopolitical factors) နဲ့ ပတ်သက်တဲ့ အချက်အလက်တွေကိုလဲ ဆက်စပ်စဉ်းစားမှု လုပ်ဖို့ လိုအပ်ပါတယ်။ သို့မှသာ တိုင်းပြည်ရဲ့ အနာဂတ်အတွက် အကျိုးရှိမယ့် ချဉ်းကပ်မှုသဏ္ဍာန်သစ်တွေ၊ မဟာဗျူဟာအခင်းအကျင်းတွေကို ထိထိရောက်ရောက် ချမှတ်နိုင်မှာ ဖြစ်ပါတယ်။

၂၀၁၁ ခုနှစ်၊ ကမ္ဘာ့နိုင်ငံရေးချိန်ခွင်လျှာ

ဝါရှင်တန်က ထုတ်ပြန်လိုက်တဲ့ National Military Strategy မှာ အာရှ-ပစိဖိတ်ဒေသရဲ့ မဟာဗျူဟာအကျိုးစီးပွား (strategic interests) တိုးမြှင့်ရေး ပါရှိပြီး၊ တောင်အာရှနဲ့ အရှေ့တောင်အာရှ နိုင်ငံတွေနဲ့ ပူးပေါင်းဆောင်ရွက်ရေးကို အာရုံစိုက်ရေး အချက်တွေ ပါဝင်ပါတယ်။ တရုတ်နိုင်ငံရဲ့ ခေတ်မှီဖွံ့ဖြိုးတိုးတက်သော တပ်မတော်တည်ဆောက်ရး (military modernization) နဲ့ ပတ်သက်ပြီး စိုးရိမ်ဖွယ်ရာ အချက်တွေကိုလဲ ထည့်သွင်းထားပါတယ်။

တချိန်တည်းမှာပဲ အာရှနိုင်ငံတွေအကြားက ကာကွယ်ရေးညွှန်ကြားချက် (defence guidelines) တွေကလဲ ပြုပြင်တိုးချဲ့မှုတွေ ဖြစ်လာပါတယ်။ ဂျပန်နိုင်ငံက ရေငုပ်သင်္ဘော၊ ဖျက်သင်္ဘော၊ ကင်းထောက်လေယာဉ်နဲ့ ရဟတ်ယာဉ်အမြောက်အမြား ၀ယ်ယူဖို့ စီမံထားပါတယ်။ တောင်ကိုးရီးယားနဲ့ ဗီယက်နမ်နိုင်ငံတွေကလဲ ရေငုပ်သင်္ဘောဝယ်ယူဖို့ စီမံချက်တွေရှိပြီး၊ မလေးရှားနိုင်ငံရဲ့ လက်နက်တင်သွင်းမှုက ရာခိုင်နှုန်းတက်လာပါတယ်။ စင်ကာပူနိုင်ငံကလဲ ရေငုပ်သင်္ဘော နှစ်စီး ထပ်ပြီး ၀ယ်ယူအင်အားဖြည့်လာပါတယ်။ သြစတြေးလျနိုင်ငံကလဲ ရေငုပ်သင်္ဘော၊ ဖျက်သင်္ဘောနဲ့ တိုက်လေယာဉ်တွေ တိုးချဲ့ဖို့ စီမံလာခဲ့ပါတယ်။

၂၀၁၀ ခုနှစ်မှာ တရုတ်နိုင်ငံရဲ့ စစ်အသုံးစရိတ်ဟာ အမေရိကန်ဒေါ်လာ ၇၈ ဘီလီယံရှိပြီး၊ လက်နက်တင်သွင်းမှုကိန်းဂဏန်းတွေကို ထပ်ဖြည့်လိုက်ရင် အမေရိကန်ဒေါ်လာ ၁၅၀ ဘီလီယံ အထက်မှာ ရှိနိုင်ကြောင်း စစ်ရေးလေ့လာသူတွေက ဆိုထားခဲ့ပါတယ်။ high seas operations အတွက် နယူးကလီးယား ပါဝါသုံး လေယာဉ်တင်သင်္ဘော သုံးစီးကို ၂၀၁၇ ခုနှစ်မှာ အပြီးတည်ဆောက်ဖို့ ပြုလုပ်ထားတဲ့ စီမံချက်အရ ပထမဦးဆုံး လေယာဉ်တင်သင်္ဘောကို ၂၀၁၁ ခုနှစ်မှာ အပြီးတည်ဆောက်နိုင်မယ်လို့ ခန့်မှန်းချက်တွေ ရှိပါတယ်။ အမေရိကန်ရဲ့ F-22 ဂျက်တိုက်လေယာဉ်ဒီဇိုင်းကို ပုံစံတူယူထားတဲ့ J-20 stealth jet fighter ကို ဇန်န၀ါရီလမှာ စမ်းသပ်ခဲ့ပါတယ်။

အင်အားကြီးနိုင်ငံဖြစ်တဲ့ အိန္ဒိယနိုင်ငံရဲ့ စစ်အသုံးစရိတ်ဟာလဲ အမေရိကန်ဒေါ်လာ ၃၂ ဘီလီယံအထိရှိပြီး၊ ၃၃ ရာခိုင်နှုန်း ထပ်မံတိုးမြှင့်ဖို့ စီမံချက်ရှိပါတယ်။ scorpene submarines တည်ဆောက်မှုများ ရှိပြီး၊ anti-aircraft submarine နဲ့ စစ်လက်နက်ပစ္စည်းအများအပြား ၀ယ်ယူမှုတွေ ရှိပါတယ်။ ဘိုအင်းလေကြောင်းကုမ္ပဏီအပါအ၀င် လေကြောင်းကုမ္ပဏီတွေမှာ ဂျက်တိုက်လေယာဉ် ၁၂၆ စင်း မှာယူထားဆဲပါ။

အာရှအင်အားကြီးနိုင်ငံနှစ်နိုင်ငံဖြစ်တဲ့ တရုတ်နဲ့ အိန္ဒိယနှစ်နိုင်ငံ အကြားက စစ်အင်အားအပြိုင်အဆိုင် တိုးချဲ့မှု (arms race) ဟာ အာရှ-ပစိဖိတ်ဒေသမှာ ရှိတဲ့ နိုင်ငံတွေရဲ့ စစ်ရေးတာဝန်ရှိသူတွေ၊ နိုင်ငံတော်အကြီးအကဲတွေနဲ့ နိုင်ငံရေးသမားတွေအတွက် မလွဲမသွေ ထည့်သွင်းစဉ်းစားရမယ့် အချက်အလက်တွေဖြစ်ပါတယ်။

တရုတ်- အိန္ဒိယ ဆက်ဆံရေး (Sino- Indian Relations)

၁၉၅၀ ကာလတွေမှာ တရုတ်နဲ့ အိန္ဒိယ နှစ်နိုင်ငံအကြားမှာ တတိယကမ္ဘာရဲ့ လွတ်လပ်ရေးလှုပ်ရှားမှုတွေကို ထောက်ခံအားပေးရင်းနဲ့ ကောင်းမွန်ခဲ့ကြပါတယ်။ ဒါပေမယ့် တိဘက်ခေါင်းဆောင် ဒလိုင်လားမားကို အိန္ဒိယသမ္မတ နေရူးက ခိုလှုံခွင့်ပေးမှုနဲ့ ပတ်သက်ပြီး နှစ်နိုင်ငံအကြားက သံတမန်ဆက်ဆံရေး ပျက်ယွင်းလာခဲ့ပါတယ်။ ၁၉၆၁ ခုနှစ်မှာ အိန္ဒိယအုပ်ချုပ်ခံ နယ်တွေကို တရုတ်တပ်တွေ ၀င်ရောက်တပ်စွဲလာတဲ့အခါမှာ အိန္ဒိယက Forward Policy ကို ကျင့်သုံးပြီး၊ တရုတ်တပ်တွေကို ပြန်ဆုတ်ခိုင်းခဲ့ပါတယ်။ တရုတ်နိုင်ငံကလဲ armed co-existence policy ကို ကျင့်သုံးပြီး၊ စစ်ရေးအရ ထိပ်တိုက်ဖြေရှင်းမှုတွေ ပြုလုပ်ခဲ့ပါတယ်။ စစ်ပွဲပြီးဆုံးသွားခဲ့ပေမယ့် အိန္ဒိယဘက်က humiliating defeat အနေနဲ့ သတ်မှတ်ထားဆဲပါ။

၁၉၆၄ခုနှစ်မှာ တရုတ်နိုင်ငံက နယူးကလီးယားလက်နက်နိုင်ငံ (nuclear weapon state) ဖြစ်လာချိန်မှာ အိန္ဒိယက စစ်ရေးအရ ခြိမ်းချောက်မှုအနေနဲ့ သတ်မှတ်ခဲ့ပါတယ်။ ဆယ်နှစ်အကြာမှာ အိန္ဒိယနိုင်ငံကလဲ နယူးကလီးယား လက်နက် ပိုင်ဆိုငတဲ့ နိုင်ငံ ဖြစ်လာခဲ့ပကါတယ်။ ၁၉၇၀၊ ၁၉၈၀ ကာလတလျှောက်မှာ နှစ်နိုင်ငံအကြား nuclear arms race တွေ ဖြစ်ပွားခဲ့ပြီး၊ ၁၉၈၀ နှောင်းပိုင်းမှာမှ နှစ်နိုင်ငံဆက်ဆံရေး တိုးတက်လာခဲ့ပါတယ်။ ၁၉၈၈ ခုနှစ်မှာ fair and reasonable settlement ပြုလုပ်ဖို့အတွက် ပူးတွဲအလုပ်အဖွဲ့ကို ဖွဲ့စည်းနိုင်ခဲ့ပြီး၊ ဒီအလုပ်အဖွဲ့ရဲ့ ထောက်ခံချက်တွေဖြစ်တဲ့ ၁၉၉၃ ခုနှစ် Maintenance of Peace and Tranquillity နဲ့ ၁၉၉၆ ခုနှစ် Confidence Building Measures ဆိုင်ရာ စာချုပ်တွေကို လက်မှတ်ရေးထိုးနိုင်ခဲ့ကြပါတယ်။

ဒီလိုအပြုသဘောဆက်ဆံရေးတွေ ရှိနေပေမယ့် နှစ်နိုင်ငံဆက်ဆံရေးဟာ ပါကစ္စတန်အရေး၊ တိဘက်အရေးနဲ့ ဟိမ၀န္တာတောင်တန်း တောင်ပိုင်းနဲ့ Aksai Chin Plateau တို့မှာရှိနေတဲ့ နယ်နိမိတ်အငြင်းပွား ဒေသ နှစ်ခုနဲ့ ပတ်သက်ပြီး ပြေလည်မုတွေ မရှိခဲ့ပါဘူး။ အိန္ဒိယဘက်က မဟာဗျူဟာ အမြင်မှာ တရုတ်နိုင်ငံဟာ အိန္ဒိယကို ခြိမ်းချောက်နိုင်တယ် ဆိုတဲ့ အချက်ကို ထည့်သွင်းစဉ်းစားမှုတွေ ရှိခဲ့ပါတယ်။ ၁၉၉၈ ခုနှစ်က အိန္ဒိယနိုင်ငံ နယူးကလီးယား စမ်းသပ်မှုတွေ ဖြစ်ပွားနေချိန်မှာ၊ ကာကွယ်ရေးဝန်ကြီးက တရုတ်ဟာ အိနိံ္ဒယရဲ့ ရန်သူနံပါတ် (၁) လို့ သတ်မှတ်ပြောဆိုခဲ့ပါတယ်။

တရုတ်နိုင်ငံက မဟာဗျူဟာလေ့လာသူတွေကလဲ ဂျပန်၊ သြစတြေးလျနဲ့ အိန္ဒိယနိုင်ငံတွေဟာ တရုတ်နိုင်ငံရဲ့ အရှေ့မြောက်ပိုင်း၊ အရှေ့တောင်ပိုင်းနဲ့ အနောက်တောင်ပိုင်းမှာ ရှိနေပြီး၊ ပစိဖိတ်မှာကလဲ အမေရိကန်ရဲ့ ပါဝါရှိနေတာကြောင့် မဟာမိတ်တန်ဖိုး (alliance values) ပြောင်းသွားခဲ့ရင် တရုတ်ရဲ့ လုံခြုံရေးကို ထိခိုက်စေနိုင်တယ်လို့ တွက်ဆထားကြပါတယ်။ အာရှနိုင်ငံရေးအခင်းအကျင်းမှာ ပေါ်ထွက်လာတဲ့ အမေရိကန်၊ ဂျပန်နဲ့ သြစတြေးလျ နိုင်ငံတို့အကြားက trilateral security dialogue အခင်းအကျင်းတွေ၊ အင်ဒို- ဂျပန် မဟာမိတ် အခင်းအကျင်းတွေ ပါဝင်နေတဲ့ Asian-Pacific trilateralism ဟာ တရုတ်နိုင်ငံကို စစ်ရေးအရ ၀ိုင်းဝန်းပိတ်ဆို့မှု ပြုလာနိုင်တယ်လို့ ယူဆထားကြပါတယ်။

၂၁ ရာစုမှာ တရုတ်နဲ့ အိန္ဒိယ နှစ်နိုင်ငံအကြားမှာ စစ်ရေးအပြိုင်အဆိုင်အင်အားတိုးချဲ့မှုတွေ ကြီးမားလာခြင်းရဲ့ အဓိက အရေးကတော့ အိန္ဒိယသမုဒ္ဒရာကို ထိန်းချုပ်နိုင်မှုပဲ ဖြစ်ပါတယ်။ အိန္ဒိယ သမုဒ္ဒရာနဲ့ ပတ်သက်ရင် တရုတ်နဲ့ အိန္ဒိယကို two scorpions in a bottle လို့ စစ်မဟာဗျူဟာ အသိုင်းအ၀ိုင်းက သတ်မှတ်ထားပါတယ်။ အိန္ဒိယ နိုင်ငံရဲ့ အမျိုးသားလုံခြုံရေးရဲ့ survival ဟာ အိန္ဒိယ သမုဒ္ဒရာရဲ့ အရှေ့မြောက်ပိုင်းဒေသ ပဲဖြစ်ပါတယ်။ လက်ရှိ အိန္ဒိယနိုင်ငံရဲ့ စီးပွားရေးအင်အား (economic power) ဟာ ရေနံတင်သွင်းမှုပေါ်မှာ မူတည်နေပါတယ်။ လက်ရှိမှာ နိုင်ငံတွင်းလိုအပ်ချက်ရဲ့ ၆၅ ရာခိုင်နှုန်းက ပင်လယ်ကွေ့ဒေသကနေ အိန္ဒိယသမုဒ္ဒရာကို ဖြတ်ပြီးတင်သွင်းရတာပါ။ ၂၀၁၅ မှာဆိုရင် ၇၅ ရာခိုင်နှုန်း အထိ တင်သွင်းဖို့ လိုအပ်လာမယ်လို့ သတ်မှတ်ထားကြပါတယ်။

တပြိုင်နက်တည်းမှာပဲ တရုတ်နိုင်ငံရဲ့ ရေနံတင်သွင်းမှာ ရှစ်ဆယ်ရာခိုင်နှုန်းကျော်ကလဲ အိန္ဒိယသမုဒ္ဒရာကို တည်မှီနေတာ ဖြစ်ပါတယ်။ အဲဒီမှာမှ တရုတ်နိုင်ငံက ဆိပ်ကမ်းတွေကို အ၀င်အထွက်လုပ်နေတဲ့ သင်္ဘောတွေရဲ့ ငါးဆယ်ရာခိုင်နှုန်းကျော်ဟာ မလက်ကာ ရေလက်ကြားကနေ ဖြတ်သန်းရတာ ဖြစ်ပါတယ်။ ဒါကြောင့် Malacca Dilemma ဟာ တရုတ်မဟာဗျူဟာ ကျွမ်းကျင်သူတွေနဲ့ နိုင်ငံရေးခေါင်းဆောင်တွေအတွက် ကြီးမားလှတဲ့ ကိစ္စတရပ်ဖြစ်ပါတယ်။ မလကာရေလက်ကြားနဲ့ အိန္ဒိယသမုဒ္ဒရာကို အိန္ဒိယနဲ့ အနောက်နိုင်ငံတွေက ထိန်းချုပ်သွားနိုင်ခဲ့ရင် တရုတ်နိုင်ငံရဲ့ စီးပွားရေးအင်အားပြိုလဲသွားမှာ ဖြစ်ပါတယ်။ ဒါကြောင့် တရုတ်နိုင်ငံရဲ့ အမျိုးသားအကျိုးစီးပွားကို ကာကွယ်ဖို့အတွက် အိန္ဒိယသမုဒ္ဒရာကို ထိန်းချုပ်နိုင်ရေးကို စတင်စီမံလာခဲ့ကြပါတယ်။

အိန္ဒိယသမုဒ္ဒရာနှင့် အပြိုင်အဆိုင် စစ်အင်အားတိုးချဲ့မှုများ

တရုတ်နိုင်ငံ People's Liberation Army Navy (PLAN) ရဲ့ ရေရှည်မဟာဗျူဟာဖြစ်တဲ့ အိန္ဒိယသမုဒ္ဒရာကို ဖြန့်ကျက်ထိန်းချုပ်ထားနိုင်ရေးမှာ ပုလဲသွယ်မဟာဗျူဟာက အဓိက ကျပါတယ်။ ဒီဗျူဟာအရ တရုတ်ပြည်မကနေ ပါရှန်းပင်လယ်ကွေ့အထိ SLOC (Sea Lines of Communication) တလျှောက်မှာရှိတဲ့ နိုင်ငံတွေနဲ့ မဟာဗျူဟာအရ ပူးတွဲခြင်း၊ ဆိပ်ကမ်းတည်ဆောက်ခြင်း စတာတွေ ပြုလုပ်အကောင်အထည်ဖော်ခဲ့ပါတယ်။ ဟိုင်နန်ကျွန်းက military facilities တွေ တိုးမြှင့်မှု၊ ဗီယက်နမ်အရှေ့ပိုင်းက Woody ကျွန်းပေါ်မှာ airstrip တိုးချဲ့မှု၊ ဘင်္ဂလားဒေ့ရှ် စစ်တကောင်းမှာ container shipping facility တည်ဆောက်မှု၊ မြန်မာနိုင်ငံ၊ ရခိုင်ဒေသမှာ ရေနက်ဆိပ်ကမ်းတည်ဆောက်မှု၊ ပါကစ္စတန်နိုင်ငံ ၊ ဂျီဝါဒါဆိပ်ကမ်း စတောတွေဟာ ဒီဗျူဟာရဲ့ အခင်းအကျင်းတွေ ဖြစ်ပါတယ်။

တရုတ်ရေတပ်ကို offshore waters (Green Water) Navy Status ကနေ High Seas (Blue Water) Navy Status အထိ မြှင့်တင်ရန် ကြိုးပမ်းမှုတွေ ပြုလုပ်ခဲ့ရာကနေ nuclear-powered aircraft carrier တည်ဆောက်ရေး စီမံကိန်းတွေ ပေါ်ထွက်လာခဲ့တာဖြစ်ပါတယ်။ ဟိုင်နန်ကျွန်းတောင်ပိုင်းက Sanya ရေတပ်စခန်းမှာ nuclear-powered ballistic missile submarines (SSBNs) တည်ဆောက်မှုတွေ ရှိနေပါတယ်။

အိန္ဒိယ နိုင်ငံကလဲ light aircraft carrier တည်ဆောက်မှု၊ missile-armed submarines တည်ဆောက်မှု တွေ ပြုလုပ်ပြီး three dimensional nuclear strategic capability ကို တိုးမြှင့်ဖို့ ကြိုးပမ်းလာခဲ့ပါတယ်။ နှစ်သုံးဆယ်ရေငုပ်သင်္ဘောတည်ဆောက်မှု စီမံကိန်းကို အကောင်အထည် ဖော်ပြီး၊ project-15 B လို့ခေါ်တဲ့ စစ်သင်္ဘော တည်ဆောက်မှုစီမံကိန်းတွေကိုလဲ ပြုလုပ်နေပါတယ်။ Land-based naval aviation ဗျူဟာကို ထိထိရောက်ရောက် အသုံးပြုနိုင်ဖို့အတွက် ကြိုးပမ်းပြင်ဆင်မှုတွေ ရှိနေပါတယ်။

စစ်အင်အား အပြိုင်အဆိုင် တိုးချဲ့ရုံမက အရေးကြီးတဲ့ မဟာဗျူဟာ ဒေသတွေ ထိန်းချုပ်ရေးတွေကိုလဲ ပြုလုပ်နေကြပါတယ်။

မဟာဗျူဟာဒေသများ

အိန္ဒိယနဲ့ တရုတ်နိုင်ငံအကြားမှာ စစ်ရေးပဋ္ဋိပက္ခတွေ ဖြစ်လာခဲ့ရင် အရေးကြီးတဲ့ မဟာဗျူဟာ ဒေသ သုံးခုရှိပါတယ်။ ပထမတခုက အမ်ဒမန်ကျွန်းစုပေါ်က Port Blair ဖြစ်ပါတယ်။ ဒီဒေသဟာ မလက္ကာရေလက်ကြားနဲ့ ရေမိုင် (၅၀၀) အကွာမှာ ရှိပြီး၊ India's East Command အတွက် အချက်အချာအကျဆုံး နေရာ ဖြစ်ပါတယ်။

ဒုတိယတခုက တိဗက်ဒေသ ဖြစ်ပါတယ်။ ၂၀၁၀၊ သြဂုတ်လမှာ Qinghai- Tibet ရထားလမ်းကတဆင့် တရုတ်လေတပ်အတွက် အရေးကြီးတဲ့ combat readiness materials တွေကို နေရာရွှေ့ပြောင်း ချထားမှုတွေ ပြုလုပ်ခဲ့ပါတယ်။ တိဘက်မှာ တရုတ်ရဲ့ လေတပ်အခြေစိုက်စခန်း လေးခုရှိရာက၊ အောက်တိုဘာလမှာ လေတပ်အခြေစိုက်စခန်းတခုကို ထပ်မံ တည်ဆောက်ထားခဲ့ပါတယ်။

တတိယတခုက မြန်မာနိုင်ငံဖြစ်ပါတယ်။ တရုတ်နဲ့ အိန္ဒိယ- အနောက်အုပ်စုတွေရဲ့ အကြားမှာ အရေးကြီးဆုံး ဖြစ်တဲ့ Burma factor ဆိုတာကို စစ်မဟာဗျူဟာ ရှုထောင့်ကနေ မဖြစ်မနေ ထည့်သွင်းစဉ်းစားကြပါတယ်။ အန်ဒမန်ကျွန်းစုတွေနဲ့ ရေမိုင် သုံးဆယ်အကွာမှာရှိတဲ့ ကိုးကိုးကျွန်းနဲ့ မြန်မာ့ပင်လယ်ရေပိုင်နက်ထဲက ဟိုင်းကြီးကျွန်းတွေက အိန္ဒိယသမုဒ္ဒရာမှာ ဖြစ်ပွားလာနိုင်ချေရှိတဲ့ future conflicts တွေရဲ့ decisive victory ကို အဆုံးအဖြတ်ပေးနိုင်တဲ့ ဒေသတွေ ဖြစ်ပါတယ်။

ဒီကျွန်းတွေပေါ်မှာ တရုတ်ရေတပ်ရဲ့ naval facilities, radars နဲ့ signal-intelligence posts တွေသာ ရှိနေမယ်ဆိုရင် အိန္ဒိယတပ်နဲ့ အနောက်အုပ်စုတပ်တွေရဲ့ လှုပ်ရှားမှုတွေအားလုံးကို တရုတ်က မျက်ချေမပြတ်စောင့်ကြည့်လေ့လာမှုတွေ ပြုလုပ်နေနိုင်မှာဖြစ်ပါတယ်။ တရုတ်ရေတပ်ကို carrier strike force, land-based naval aviation ဗျုဟာတွေနဲ့ ထိထိရောက်ရောက်တိုက်ခိုက်နိုင်ဖို့ ဆိုတာကလဲ မြန်မာနိုင်ငံ လေတပ်စခန်းတွေကို အခြေပြုတဲ့ air cover မရှိမှ ဖြစ်နိုင်မှာပါ။ ဒါကြောင့် Burma factor ဟာ ၂၁ရာစု strategic challenges ဗဟိုချက်မမှာ ရှိတဲ့ အိန္ဒိယသမုဒ္ဒရာတွင်းက strategic rivalries တွေရဲ့ အရေးအကြီးဆုံး strategic decisive factor ဖြစ်နေပါတယ်။

နိဂုံး

အခုလို စစ်ရေးအရ၊ နိုင်ငံတကာ လုံခြုံရေးအရ စိုးရိမ်မှုတွေ မြင့်မားလာကြတဲ့ ၂၀၁၁ ခုနှစ်မှာ၊ တိုက်တိုက်ဆိုင်ဆိုင် မြန်မာ့နိုင်ငံရေး အပြောင်းအလဲတွေကလဲ ဖြစ်လာခဲ့ပါတယ်။ မကြာခင်မှာ အမေရိကန်၊ အိန္ဒိယနဲ့ တရုတ်နိုင်ငံတို့ရဲ့ အစိုးရသစ်ကို ကျယ်ကျယ်တမျိုး၊ တိုးတိုးတဖုံ ချဉ်းကပ်မှုမျိုးစုံတွေ အပြိုင်အဆိုင် ပေါ်ထွက်လာတော့မှာ ဖြစ်ပါတယ်။ ဒီလိုကမ္ဘာ့စစ်ရေး၊ နိုင်ငံရေး အခင်းအကျင်းတွေအကြားမှာ တိုင်းပြည်တိုးတက်ရေး၊ စစ်ရေးအရ ကြားမညပ်စေရေး၊ ပြည်သူလူထုရဲ့ အသက်အိုးအိမ်စည်းစိမ် လုံခြုံရေးကို ဦးတည်တဲ့ မြန်မာ့နိုင်ငံရေးအခင်းအကျင်းတွေလဲ ပေါ်ထွက်လာသင့်ပြီ ဖြစ်ပါတယ်။

ကြားညပ်ပြီး စုပ်ပြတ်သပ်ချုံးချုံးကျနေတဲ့ မြန်မာပြည်ကို ကယ်တင်နိုင်သူတွေဟာ မြန်မာနိုင်ငံသားတွေပါပဲ။ အပြန်အလှန် စွပ်စွဲမှုတွေ၊ စိန်ခေါ်မှုတွေ၊ တဘက်နဲ့ တဘက် အနိုင်ယူလိုမှုတွေ၊ ဗိုလ်ကျစိုးမိုးမှုတွေ၊ ရလဒ်ထွက်ပေါ်လာရေးကို မစဉ်းစားပဲ ရလဒ်ဖြစ်အောင် ဦးဆောင်သူအနေနဲ့ သတ်မှတ်ခံချင်မှုတွေ၊ နဖားကြိုးထိုးခံမှုတွေကနေ ဖောက်ထွက်ပြီး၊ မြန်မာနိုင်ငံသားတွေ အချင်းချင်းကြားမှာ အပြန်အလှန် နားလည်မှု၊ အသိအမှတ်ပြုမှု၊ ဘုံအကျိုးစီးပွား ရှာဖွေနိုင်မှုတွေ ပေါ်ထွက်လာတဲ့ တနေ့မှာ ကြားညပ်နေသော်လည်း ဘက်မလိုက်တဲ့ မူဝါဒကို အခြေခံသော ခေတ်မှီနိုင်ငံတော်သစ်ကြီးကို တည်ဆောက်လာနိုင်မှာ ဖြစ်ပါကြောင်း ရေးသား တင်ပြအပ်ပါတယ်။

ခင်မမမျိုး (၆၊ ၄၊ ၂၀၁၁)

(စာရေးသူသည် ယူကေနိုင်ငံ အခြေစိုက်၊ စစ်ရေးလေ့လာသူတဦးဖြစ်ပြီး China and Indian Ocean: Strategic Interests in the 21^st Century စာအုပ်ကို ရေးသားခဲ့သူ ဖြစ်ပါသည်)

ကြားညပ်နေတဲ့ မြန်မာပြည်.pdf 44K   View   Download