(၂၀၁၇ ခုနှစ် ဇွန်လ ၂၅ ရက်နေ့ မော်လမြိုင်မြို့မှ ထုတ်ဝေသော သံလွင် တိုင်းမ် ဂျာနယ်ပါ ဆောင်းပါး။ ဤဆောင်းပါးသည် ထိုစဉ်က ဖြစ်ပွားခဲ့သည့် သမိုင်းနောက်ခံများကို ကိုယ်တွေ့ သက်သေများက ပြောပြထားသည့် အတွက် အနည်းငယ် ရှည် သောကြောင့် နှစ်ပိုင်းခွဲကာ ဖော်ပြအပ်ပါသည်။ ဖော်ပြထားသည့် ဓာတ်ပုံများမှာ။ ကိုကိုဦး၊ ကိုမင်းလွင်။ ကိုမြင့်ဝေ။ ကိုမျိုးအေး။ ကိုကျော်သက်နှင့် ကိုဇော်ဝင်းတို့၏ ပုံများဖြစ်ကြ၏။ ပစ္စုပ္ပန် မျက်မှောက်ခေတ် သမိုင်းအတွက် တစုံတရာ အထောက်အကူ ပြုနိုင်ပါစေဟု ဆန္ဒပြုအပ်ပါသည်။ )
ယင်းရဲတိုက်ပွဲနှင့် သူ၏ သမိုင်းကောက်ကြောင်းများ (ပထမပိုင်း)
****** ******
ဌေးဝင်း
*********
´ကိုဌေးဝင်းရေ.. ခင်ဗျားနဲ့ သံလွင်တိုင်းမ် ကို ကျေးဇူးတင်တယ် ဗျာ´
´ကျနော့ကိုတော့ ဘာမှ ထွေထွေထူးထူး ကျေးဇူးစကား ဆိုစရာ မလိုပါဘူး ကိုမြင့်ဝေ.. ကျနော်တို့က ကိုယ် နိုင်တဲ့နေရာ က ကိုယ့်တိုင်းပြည် ကိုယ့်လူမျိုးအတွက် လုပ်နိုင်သလောက် လုပ်ဖို့ ဆုံးဖြတ်ထားကြသူတွေဘဲဟာ။ ဒါနဲ့ ထူးထူးဆန်း ဆန်း ကျေးဇူးတင်စကား အလေးအနက်ထား ပြောရတာက ဘာကြောင့်များလဲ ဗျ ´
´ခင်ဗျားက မတင်နဲ့ဆိုလည်း မတင်တော့ပါဘူး။ ဒီလိုဗျ ပြောချင်တာက ယင်းရတိုက်ပွဲမှာ ကျဆုံးသွားတဲ့ ကိုကိုဦးရဲ့ အ ကြောင်းဆောင်းပါး သံလွင်တိုင်းမ်မှာ ပါလာပြီးတဲ့နောက်ပိုင်းမှာ ပြည်ပကိုရောက်နေကြတဲ့ တပ်ရင်းအသီးသီးက ရဲဘော် တွေဟာ သူတို့ကိုယ် သူတို့ယုံကြည်မှု ပြန်ပြီး မြင့်တက်လာကြလို့ ကျနော် ထင်တယ်။ ခေါင်း ဆောင်မဟုတ်တဲ့ လူငယ် တွေ။ တချို့ခေါင်းဆောင်ငယ်တွေ။ အောက်ခြေရဲဘော်တွေရဲ့ အခြေအနေတွေ သူတို့ရဲ့ သဘောထားတွေ ဆန္ဒတွေ သူ တို့ရဲ့ စွန့်လွှတ်မှုတွေ သမိုင်းဖြစ်စဉ်တွေကို ဖော်ထုတ်ရတော့မယ်လို့ သူတို့ ယူဆပုံရတယ်။ အခု သူတို့အချင်းချင်း တ ယောက်နဲ့တယောက် ပိုမို ဆက်သွယ်လာကြတယ်။ စုစည်းမှုတွေရတဲ့ လက္ခဏာတွေ တွေ့လာရ တယ်။ တပ်ရင်း ၁၀၁ က လူတွေဆိုရင် တောထဲမှာ ကျန်ခဲ့တဲ့ သူတို့ရဲ့ လူတွေကို ကာလတို ကာလရှည် သေသေချာချာ စောင့်ရှောက်ကူညီဖို့ ပြင်ဆင်နေတာတောင် ရှိနေပြီ´
´အို.. ဟုတ်ရဲ့လား ကိုမြင့်ဝေ.. ၀မ်းသာလိုက်တာဗျာ.. အချင်းချင်း ပြန်လည် ကြည့်ရှု စောင့်ရှာက်တာဟာ မင်္ဂလာတရား တော်နဲ့ ညီတာပေါ့ဗျာ´
သံလွင်တိုင်းမ်တွင် ကျနော်ရေးခဲ့သည့် ´ခေါင်းဆောင်ပီသသူ´ ဆောင်းပါးပါလာပြီးနောက် ကျနော်နှင့် ကိုမြင့်ဝေသည် သူ့ ရုံးအနီးရှိ ချောင်းနံဘေးက ထမင်းဆိုင်တွင်ထိုင်ရင်း ပြောဆိုနေကြခြင်းဖြစ်သည်။ ဒီဆောင်းပါးရေးပြီးသည့်နောက် ကိုကိုဦး နှင့်ပတ်သက်သည့် မှတ်သားဘွယ်ရာ စကားများကို သူနှင့် တရင်းတနှီးနေခဲ့ဖူးသူများက ထပ်ဆင့်ပေးလာကြသည်များကို ကျနော်သည် ကိုမြင့်ဝေကို ဖတ်စေခဲ့၏။
´ကိုမြင့်ဝေ ကျနော့်မှာ ကိုကိုဦးနဲ့ ရင်းနှီးတဲ့လူတွေဆီက ရထားတဲ့ စာတွေ.. ခင်ဗျားကို ပေးဖတ်မယ်´
´ကောင်းတာပေါ့။ ဖတ်ချင်တယ်။ ဒါတွေဟာ ခင်ဗျား နောက်ထပ် ဆောင်းပါးတပုဒ် ထပ်ရေးဖို့လည်း အထောက်အကူပြု မှာပေါ့´
´ပထမဆုံး ကိုမင်းလွင်ရဲ့ စာကို အရင်ဖတ်ကြည့်ဗျာ
ဟုဆိုကာ ကိုမြင့်ဝေကို ပေးလိုက်၏။ ကိုမင်းလွင်၏စာတွင်
.. ကိုကိုဦးက ၁၉၈၈ မှာ ရန်ကုန်တက္ကသိုလ် ကြည့်မြင်တိုင်နယ်မြေက ရူပဗေဒ ဒုတိယနှစ်ကျောင်းသားပါ။ သူနဲ့ကျနော် ၁၉၈၈ မတ် ၁၇ ရက်မှာ RASU ထဲ အတူတူ အဖမ်းခံရဖူးပါတယ်။ ဒါပေမဲ့ အဲ့တုန်းက မသိခဲ့ကြပါဘူး။ ဘုရားသုံးဆူရောက် မှ သူနဲ့ကျနော် အဲ့ဒီအကြောင်းပြောဖြစ်တယ်။ သူက သူ ထောင်ကလွတ်တဲ့နေ့မှာ အမေအိုတစ်ယောက် လွတ်တဲ့ထဲ သူ့ သားပါလာမလားရယ်လို့ လာရှာတဲ့အကြောင်း ပြောပြတယ်။ တကယ်တော့ အဲ့ဒီအမေအိုရဲ့သားကို ကိုကိုဦးကသိပါတယ်။ မတ် ၁၆ တံတားနီအရေးအခင်းမှာ ကျဆုံးခဲ့ပါတယ်။ ဒါပေမဲ့ ကိုကိုဦးက အမေအိုကို နောက်ထပ် လွတ်လာမဲ့ ကျောင်းသား တွေ ကျန်သေးပြီး အမေ့သား အဲ့ဒီထဲမှာ ပါလာမှာပါလို့ နှစ်သိမ့်ခဲ့တဲ့အကြောင်း ကျနော့ကို ပြောပြပါတယ်။
ကျနော် အမေတို့ရဲ့ သားပေါင်းများစွာရယ်လို့ ABSDF စာစောင်မှာ ဝတ္ထုတို ရေးခဲ့တယ်။ ဆေး ၁ က ကိုအေးမင်း ရေး ခိုင်း လို့ပါ။ ကိုကိုဦးက ကျွန်တော့်လိုမဟုတ်ဘဲ စကားပြော ယဉ်ကျေးမွန်ရည်ပါတယ်။ မျက်လုံး မျက်ဖန်ကောင်းကောင်း နှာတံ ပေါ်ပေါ် ဆံပင်ကောက်ကောက် မင်းသား ကျော်ဟိန်းနဲ့တူပေမဲ့ သူက ကျော်ဟိန်းထက် ရုပ်ပိုဖြောင့်တယ်လို့ ကျနော် ထင် ပါတယ်။ ကိုကိုဦးနဲ့ ကျနော်က ပဌာန်းဆက်ရှိတယ် ပြောရမလားပဲ။ သူက ကျနော့ကို အတော့်ကို ချစ်ခင်ပါတယ်။ သူ AB SDF ၁၀၁ တပ်ရင်း စခန်းရွေးကောက်ပွဲမှာ နိုင်ပြီး စခန်းကော်မတီ ပြန်ကြားရေး အတွင်းရေးမှူးဖြစ်တော့ ကျနော့ကို အ တင်း အတိုက်အခံလုပ်ပြီး ပြန်ကြားရေးတာဝန်ခံ ခန့်ပါတယ်။ သူက စစ်တိုက်တာ ဝါသနာပါပုံ ရပြီး ကျနော်က စစ်တိုက်တာ ဝါသနာမပါပါဘူး။
စခန်းမှာ မနက်အစောကြီး သူ ကျနော့ကို လာလာနှိုးတတ်ပါတယ်။ သူနဲ့ကျနော် အပြေးပြိုင်ကြတယ်။ အပြေးမှာတော့ သူ ကျနော့ကို မနိုင်ပါဘူး။ ကျနော်တို့ လေ့ကျင့်ရေးကွင်းကို သွားကြတယ်။ ဟိုဘက်ဒီဘက် စက်ဘီးတာယာပေါ်မှာ တင်ထား တဲ့ သစ်လုံးပေါ် ကျနော်တို့ ဖြတ်လျှောက်ကြတယ်။ ကျနော် အကြိမ်ကြိမ် ပြုတ်ကျတယ်။ ကိုကိုဦးက မျောက်တစ်ကောင် လို ပေါ့ပေါ့ပါးပါး လျှောက်ပြတယ်။ တွဲလောင်းကျနေတဲ့ ကြိုးတစ်ကြိုးကနေ အပေါ်ရောက်အောင် ဘယ်လိုခိုတက်ရမလဲ သူ ကျနော့ကို ပြပေးတယ်။ ပစ်ထောက်မှောက်လှိမ့် မိကျောင်းတွား ဘာညာ စနစ်ကျဖို့ သူ ကျနော့ကို ပြပေးတယ်။
သေနတ်ပစ်ရင် ပခုံးကို ဖိကပ်ထား အသက်ရှူအောင့်ထားရမယ်လို့ သူ ကျနော့ကို ပြောတယ်။ ၁၉၉၀ ဘုရားသုံးဆူ မကျ ခင် ကျနော်တို့ ABSDF ၁၀၁ တပ်ရင်း ကွဲတယ်။ ကျနော်တို့ ၁၀၁ ကနေ ခွဲထွက်တယ်။ ကိုကိုဦးက ၁၀၁ မှာ မနေခဲ့။ ခွဲ ထွက်အုပ်စုနဲ့လည်း မလိုက်ဘဲ ၁၀၂ ကို လိုက်သွားတယ်။ သူ ကျနော့ကို ချစ်တယ်။ ၁၀၂ ကို လိုက်ဖို့ ကျနော့ကို ခေါ် တယ်။ ကျနော့မှာ ရွေးချယ်ခွင့် မရှိဘူး။ ကျနော်တို့ဆေး ၂ က အကိုကြီးတွေဖြစ်တဲ့ ကိုအောင်သူငြိမ်း၊ ကိုဝင်းနိုင်ဦးတို့ နောက်ပဲ ကျနော် လိုက်ရမှာလေ။
ဘုရားသုံးဆူ ကျပြီးတဲ့နောက် ကျနော်တို့ အောက်ကို စစ်ကြောင်းဆင်းတယ်။ ရေးမြို့ကို ဝင်တိုက်ပြီး သိမ်းတယ်။ ကျနော် တို့ စစ်ကြောင်းက ရေးမြို့ထဲ ဝင်တိုက်တဲ့ထဲ မပါဘူး။ ရေးမြို့ကနေ ပြန်အဆုတ် ကျနော်တို့ ABSDF တပ်စိတ်တစ်စိတ် ကျည်ကုန်ပြီး အရှင်မိသွားတယ်။ အရှင်မိသွားတဲ့သူတွေထဲ ကျနော့ဆေးတပ်သား သံဖြူ ဇရပ်ကနေ တောခိုလာတဲ့ ကိုး တန်းကျောင်းသား ခန့်စိုး ပါသွားခဲ့တယ်။ သူတို့ ရေးရုပ်ရှင်ရုံရှေ့ နှစ်တစ်လက်မချောင်းနဲ့ အသေရိုက်သတ်တာ ခံရတယ်လို့ ကြားတယ်။ ကျနော်တို့စစ်ကြောင်း အပေါ်ပြန်တက်တော့ ကျနော် ပြန်မလိုက်ဘူး။ ကျနော်နဲ့အတူ ရုပ်ကြမ်း အောင်နိုင်ဦး၊ တရုတ်ကြီးတင်မောင်တို့ နေခဲ့ပြီး KNU စစ် ကြောင်းနဲ့ လိုက်သွားတယ်။ နောက်တော့ အောင်နိုင်ဦးနဲ့ တင်မောင် ပြန်တက် သွားတော့ KNU စစ်ကြောင်းမှာ ကျနော်ပဲ ကျန်တယ်။ တစ်နေ့ မှတ်မှတ်ရရ ကျနော် KNU တပ်ရင်း ၁၆ ဒုရင်းမှူး ဗိုလ်မှူး ဂျိုးနဲ့အတူ ကျုံခွန်ရွာ အစိုးရစစ်စခန်းကို ဝင် ပစ်တယ်။ နောက်တော့ ဖားပြရွာကို ပြန်လာတယ်။ ကိုကိုဦးတို့ ယင်းရဲတိုက်ပွဲ မှာ ကျသွားတဲ့အကြောင်း သတင်းရတယ်။ ကျနော် ဖားပြ တောင်ပေါ်ဘုရားမှာ သူငယ်ချင်း ကိုကိုဦးအားရည်စူး၍ ဆိုပြီး ကျနော့မှာရှိတဲ့ ပိုက်ဆံအားလုံး လှူခဲ့တယ်…
ကိုမြင့်ဝေသည် ကိုမင်းလွင်၏စာကို ဖတ်ပြီးနောက်
´ဟုတ်တယ်.. ကိုမင်းလွင်လေးတို့ ဗသိန်းနိုင်တို့ အေးခန့်တို့ကျော်သက် တို့က သိပ်တွဲကြတဲ့ လူတွေပေါ့ဗျာ။ သူတို့ လူ ငယ်တွေ အချင်းချင်း ကတော့ ရင်းနှီးမှုရှိကြတယ်`
´ကိုမင်းလွင်စကားအရဆိုရင် ကိုကိုဦးက သူတဘက်သားအပေါ်မှာလည်း အတော်ကြင်နာတတ်တဲ့ စိတ်ရှိပုံဘဲ နော်။ သား ပျောက်ရှာနေတဲ့ အဖွားအိုကို အမှန်အတိုင်း ပြောလိုက်ရင် အဖွားအိုခမျာ ထောင်ဗူးဝတွင် ပုံလဲသွားမယ် ထင်တာဘဲ။ ဒါနဲ့ ဒီစာထဲမှာပါတဲ့အတိုင်းဆိုရင် အေဘီမှာလည်း ပြဿနာတွေရှိခဲ့ပုံဘဲနော်´
´ပြဿနာမရှိတဲ့ အဖွဲ့အစည်းရယ်လို့ ဘယ်မှာရှိပါ့မလဲ ကိုဌေးဝင်းရယ်။ ဒီစကားတွေကို ကျနော်က သိပ်မပြောချင်ပါဘူး. ဒါပေမဲ့ သူတို့ ကိုယ်တိုင် ပြောကြတာ ပိုကောင်းပါတယ်´
ဟုဆိုကာ ကိုမြင့်ဝေသည် သူ့အိပ်ကပ်ထဲမှ စီကရက်တလိပ်ကို ထုတ်ကာ မီးညှိပြီး ဖွာရှိုက်နေလေ၏။ ထို့နောက် လွန်ခဲ့ သော အနှစ် သုံးဆယ်နီးပါးက သူကိုယ်တိုင်ပါဝင်ဆင်နွှဲခဲ့သော တော်လှန်ရေးကာလများဆီသို့ စိတ်ကလွင့်မျောသွားဟန် တူကာ ချောင်းတဘက်ကမ်းသို့ မျက်လုံးများက စူးစိုက်ကြည့်နေလေ၏။ ခဏအကြာ ဆိတ်ငြိမ်နေပြီးနောက်
´မပြောချင်ပေမဲ့ ခင်ဗျားက ဒီသမိုင်းတွေကို တူးဆွရေးသားနေသူဆိုတော့ နည်းနည်းတော့ ပြောပြမယ်လေ။ နောင်ခါ သူတို့ရင်ဖွင့်လာကြတဲ့အခါ ခင်ဗျားအများကြီး သိလာရမှာပါ´
ကိုမြင့်ဝေကား ရှစ်လေးလုံးအရေးတော်ပုံကာလက (၅၀၁) လေတပ်စခန်းမှ မဆလ တပါတီအာဏာရှင် အစိုးရကို ဆန္ဒ ပြခဲ့သူ စစ်သားဟောင်းဖြစ်သလို စစ်တပ်ကာ အာဏာသိမ်းပြီးနောက် နယ်စပ်သို့ တိမ်းရှောင်လာခဲ့ပြီး ABSDF တွင် စစ် သင်တန်းနည်းပြခဲ့သော ဆရာလည်းဖြစ်သည်။
´သုံးဆူနယ်မြေမှာ တပ်ရင်း ၁၀၁ ရှိပြီးနောက် တပ်ရင်း ၁၀၂ ပါ ပေါ်လာပါတယ်။ တချို့ကလည်း တပ်ရင်း ၁၀၂ ကို ၀င် တယ်ပေါ့ဗျာ။ ကျနော်က ကိုယ်ကိုယ်၌ကလည်း တပ်ရင်း ၁၀၁ မှာနေခဲ့တယ်။ ကိုကိုဦးက နောက် တပ်ရင်း ၁၀၂ ကို ပြောင်းတယ်။ သူမှ မဟုတ်ပါဘူး။ တခြားလူတွေလည်း ပြောင်းကြတယ်။ အဲဒီတော့ သူတို့ ရှေ့တန်းကို ထွက်သွားပြီး တော့ သူတို့ရှေ့ တန်းမှာတိုက်ပွဲ ဖြစ်ကြချိန်မှာတော့ သူက တပ်ရင်း ၁၀၂ က သွားတဲ့လူ ဖြစ်သွားတာပေါ့။ ဒါကြောင့် မို့လို့ တပ်ရင်း ၁၀၁ နဲ့ ၁၀၂ က တပ်တွေ ဟိုဘက်ဒီဘက် ပြောင်းရွှေ့မှု ကိစ္စမှာ ဘယ်လိုပြောရမလဲ ဗဟိုကနေ ဘယ်သူ ဘယ် သွားဆိုပြီး တာဝန်ပေးချက်နဲ့ မဟုတ်ဘဲ သွားတာမျိုးတွေ ဖြစ်နေတယ်။ ဆိုလိုတာကတော့ဗျာ။ ဘယ်သူက ဘယ်တပ်ရင်း ကို သွား၊ ဘယ်မှာ ဘာတာဝန် ထမ်းဆောင်ပေါ့ဗျာ။ တပ်ရင်း၁၀၂ ပေါ် ပေါက် လာတဲ့အခါမှာ တပ်ရင်း ၁၀၁ က စစ်ပညာ နည်းပြ လေးယောက် ကိုထွန်းကြည်။ ၀င်းနိုင်။ လှမိုးနဲ့  ရေးမြို့ တိုက်ပွဲမှာကျသွားတဲ့ ရွှေဘတို့  အဲဒီနည်းပြလေးဦးကို ကို အေးမင်းလာတောင်းဆိုတော့ တပ်ရင်း ၁၀၂ ကို လွှဲပေးတယ်။ အဲဒီခေတ်က ကျနော်တို့ခေါ်တာက ကျောင်းမပြီး သေးပေ မဲ့ ဆရာဝန်လေးအေးမင်းပေါ့။ ကိုဝင်းမင်းဆိုရင်လည်း တောင်ပိုင်းမှာ ဆေးမှူးလိုတဲ့အတွက် တပ်ရင်း ၁၀၁ နဲ့ ၁၀၂ က ဆေးအဖွဲ့ တွေ ညှိနှိုင်းပြီး ကိုဝင်းမင်းကို မင်းသမီးစခန်းဆေးမှူးအဖြစ် ပို့ ပေးခဲ့ကြတယ်။ တပ်စခန်း ၂ ခု က ဆေးအ ဖွဲ့ ဝင် တွေက လိုအပ်ချက်တွေကို အပြန်အလှန်ကူညီဆောင်ရွက်နေကြတာဖြစ်တယ်ဗျာ။ ဆေးအဖွဲ့ တွေက ဆုံးဖြတ်ပေးတာကို စခန်းကော်မီက လက်ခံပေးတယ်လို့ သိရပါတယ်။ ကျနော်က အဲသလို ဖြစ်စေချင်တာပေါ့ဗျာ။ ဘာကြောင့်လဲဆိုတော့ ခုချိန်ထိ ကျောင်းသားတွေရော ဘန်ကောက်မှာရှိတဲ့ ကျောင်းသားရော ကျနော်တို့က စနစ်တကျ ဖြစ်မှုက တော်တော် လေး စကားပြောနေပြီ။ ဒါပေမဲ့ အဲလို လွတ်လပ်တဲ့ အခြေအနေနဲ့  ဆုံးဖြတ်ပြီးတော့ ဒီမှာ ဦးဆောင်မှု ကို မကြိုက်ဘူး။ ဒီစခန်းက တိုက်ပွဲမရှိဘူး၊ ဟိုဟာ မရှိဘူး စသည်ဖြင့် အကြောင်းပြချက်မျိုးစုံနဲ့တပ်ပြောင်းရွှေ့တာတော့ ကျနော့တို့ လို စနစ်တကျနဲ့ တပ်တတပ်ဖြစ်အောင် ပုံဖော်ချင်တဲ့သူ အတွက်တော့ စိတ်ထဲကသိကအောက်တော့ ဖြစ်တာပေါ့ဗျာ´
ဟု သူက တလုံးချင်း ဖြေးဆေးစွာ ပြောလေသည်။ ကျနော်သည် သူပြောပြသော သမိုင်းဖြစ်ရပ်စကားကို နားထောင်ပြီး နောက်
´ဟုတ်.. ကိုမြင့်ဝေ .. ခင်ဗျားပြောတဲ့အထဲပါတဲ့ ကိုကျော်သက်ဆီကလည်း ကိုကိုဦးနဲ့ ပတ်သက်တဲ့ဟာကို ရေးပေးထား သေးတယ်ဗျ.. ဟောဒီမှာ ကြည့်´
ဟုဆိုကာ ကျနော်က သူ့ကို အောက်ပါ ကိုကျော်သက်၏စာကို ပေးဖတ်ခဲ့သည်။
.ကျနော်နဲ့ကိုကိုဦးနဲ့ စတွေ့တာ ဘုရားသုံးဆူမှာပါ။ အဲဒီမှာ နယ်ပေါင်းစုံက ကျောင်းသားတွေ လူတန်းစားပေါင်းစုံ ရောက် နေကြတယ်။ ကိုကိုဦးက ရေးမြို့ သားပေါ့။ သူလည်း ကျောင်းသားခေါင်းဆောင် တယောက်။ ကျနော်က 141 အဖွဲ့နဲ့ လာတာ။ နောက်တော့ ကျနော်နဲ့ ဒီကောင်နဲ့ ခင်သွားတယ်။ ABSDF ပေါ်လာတော့ ကျနော် ABSDF ထဲဝင်လိုက်တယ်။ ကျနော်က ညောင်းတုန်းသား။ နောက်ညောင်တုန်းသား တယောက်က ထိုင်းရဲတွေက သတ်လိုက်လို့ ကျသွားတဲ့ ကျနော့ သူငယ်ချင်း ဗသိန်းနိုင်။ နောက်တော့ ကိုကိုဦးရယ် ဗသိန်းနိုင်ရယ် ကျနော်တို့ဟာ ဘား ၂ မှာ အတူ နေကြတယ်။ သူနဲ့ ကျနော် ဘေးချင်းကပ်လျှက်နေတော့ ဒီကောင့်အကြောင်း ကျနော် အများကြီး သိရတာပေါ့။
သူက တကယ်လည်း စိတ်ကောင်း ရှိပါတယ်။ လူကလည်း အတော် ဦးဏှောက်ကောင်းတဲ့ ကောင်။ သူက ရေးသား ဆို တော့ သူ့အိမ်နဲ့ အဆက်အသွယ် ရှိပုံရတယ်။ ဘုရားသုံးဆူက စီးပွားရေးလမ်းပေါက်တာကိုး။ ကျနော်နဲ့ ဒီကောင်နဲ့က ခြောက်လလောက် ဘေးချင်းယှဉ်ပြီး အိပ်ရခဲ့ရတာ။ သူလည်း စစ်သင်တန်းတက် ကျနော်လည်း စစ်သင်တန်းတက်ပေါ့။ သူကလည်း တကယ်လည်း ထက်မြက်တဲ့ သူဖြစ်သလို သိပ်ချစ်ဖို့ကောင်းတဲ့ သူငယ်ချင်းတယေက်လည်း ဖြစ်တယ်။ သူက လူကလည်း လူဖြောင့်ဗျ။ သူ့မှာ ချစ်သူလည်း ရှိတယ်။ ကျနော်တော့ သိတာပေါ့နော်။ ဒါကတော့ ထားပါတော့ဗျာ။ အဲဒီတော့ သူ နဲ့ ကျနော်နဲ့ ဘယ်မှာကွဲသွားလည်း ဆိုတော့ ကျနော် ရှေ့တန်းထွက်သွားပြီးတော့ ကျနော်ပြန်လာလည်း ခဏဘဲ တွေ့တယ်။ မာနယ်ပလော ၀မ်ခပေါ့ နော်။ အဲဒီတောက်လျှောက် ကျနော်က တပ်စုမှူးအနေနဲ့ စစ်တိုက်ရတဲ့အခါ ကျတော့ ပြန်လာတဲ့အခါ တလခွဲလောက်ဘဲ (၁၀၁) မှာ နေရတယ်။ ပြီးတော့ ရင်ဆိုင်တိုက်ပွဲ တပ်မဟာ (၆) မှာ ပြန်ဆင်း ရတယ်။ သူနဲ့ ကျနော် ကွဲ သွားတော့တယ်။
ဘန်ကောက်ကို ကျနော်အရင်ရောက်တယ်။ သူက ကျနော့်နောက်က ရောက်လာတယ်။ ပစ္စည်းတွေဘာတွေ အတူတူ ၀ယ်ကြတယ်။ ဘန်ကောက်မှာ တလလောက်နေပြီး အတူ တူ ပြန်ဆင်းမယ်ပေါ့။ ဒါပေမဲ့ တကယ်ပြန်မဲ့နေ့ကျတော့ ကျ နော့ကို ထားခဲ့ပြီးတော့ ဒီကောင် ပြန်သွားတယ်ဗျ တောထဲကို။ ဒီတော့ ကျနော်ကလည်း ငှက်ဖျားကလည်း မကုရသေး တော့ သူကိုတော့ ၀ယ်စရာခြမ်းစရာရှိတာ အစောကြီးကတည်းက ၀ယ်ဝက်ပေးပြီးတော့ အတူပြန်မယ် စဉ်းစားထားတာ။ ဒါပေမဲ့ ဒီကောင်က ကျနော့ကို ထားသွားတာပေါ့ နော်။ အကြောင်းကတော့ ကျနော်က ငှက်ဖျားဖြစ်နေတာရယ်။ တောထဲ ကို ပြန်တဲ့အခါ အခက်အခဲကြုံမှာ စိုးလို့ရယ်ကြောင့် ထင်ပါတယ်။ အဲဒီတော့ နောက် နှစ်လလောက်လည်း ကြာရော ကို အေးခန့်ဆိုတာ ကျနော်ရယ် ကိုအေးခန့်ရယ် ဘား ၂ မှာ အတူ အိပ်ကြတာကိုး။ အတူနေကြတဲ့ ကောင်တွေဆိုတော့ ကို အေးခန့်က မျက်ရည်တွေကျပြီး ကျနော့ကို လာပြော တယ်။ ကိုကိုဦး ကျသွားပြီ ပေါ့နော်။ ယင်းရဲ တိုက်ပွဲမှာပေါ့။ ကျနော့သူငယ်ချင်းက တကယ် သတ္ထိကောင်းကောင်းနဲ့ အများအတွက် စွန့်လွှတ် သွား တဲ့ သူရဲကောင်း တယောက် ဆိုတာ ကျနော်တို့ ဂုဏ်ပြုတဲ့ အနေနဲ့ ထာဝစဉ် ဂုဏ်ပြု ဦးညွတ်နေပါတယ် ဆိုတာ ပြောချင်တယ်ဗျာ..
ကိုမြင့်ဝေသည် ကိုကျော်သက်၏စာကို ဖတ်ပြီးနောက် စကားမပြောဘဲ သူနှစ်ခြိုက်လှသော စီးကရက်က အားရပါးရ ရှိုက် ဖွာနေပြန်သည်။ ထုံးစံအားဖြင့်ကား သူသည် အလွန်စကားပြောနိုင်သူ ဖြစ်၏။ တခါတရံတွင် ကိုယ်ကစကားဖြတ်ချင်သည့် တိုင် စကားမျှင်မပြတ်အောင်ပြောတတ်သူ ကိုမြင့်ဝေကား ဒီကနေ့အဖို့ နှုတ်နည်းလှချေ၏။ တော်လှန်ရေးထဲက အဖြစ်အ ပျက်များသည် သူ့ရင်ဘတ်ကိုလည်း ထိခိုက်စေမည်မှာမလွဲ။ အထူးသဖြင့် ကိုကိုဦးတို့လို ထူးချွန်ထက်မြက်ပြီး လူချစ်လူ ခင် များလှသော ရဲဘော်တယောက်၏ အတိတ်ကြောင်းကို ပြန်ပြောမိချိန် သူ့ရင်၌လည်း ကြေကွဲနေမည်သာ။ ထို့ကြောင့် ကျနော်သည် နောက်ထပ်ကျန်သေးသော စာများပေးဖတ်လျှင် ကောင်းမည်ဟု တွေးမိပြီး
´နောက်တယောက်ကလည်း သူနဲ့ အတော် ရင်းပုံရတယ်ဗျ ကိုမြင့်ဝေ။ သူ့နာမည်က ကိုမျိုးအေးတဲ့. သူလည်း သူ့သူ ငယ်ချင်းအတွက် ရေးထားတာ ဖတ်ရတာ အတော် စိတ်ထိခိုက်ပုံရတယ်။ ဖတ်ကြည့်ပါဦး´
ဟုဆိုကာ ကိုမျိုးအေး၏ စာကို ပေးဖတ်လိုက်ပြန်သည်။
(ဒုတိယပိုင်း ကို ဆက်လက် တင်ပေးသွားပါမည်)