ဒေါ်အောင်ဆန်းစုကြည် ပြေးတွေ့ရမယ့် မွေးစားခံရခြင်းဘေး ..

——————————————————————————
သီဟသွေး, The Speaker
BurmaDemocracy, 15 July 2017
အခုတလော တိုင်းပြည်မှာ စိတ်ဓါတ်ကျစရာ ၊မျှော်လင်ချက် မဲ့သလို ခံစားရစရာ အကြောင်းကိစ္စတွေ အများအပြားအကြားမှာ စိတ်အားတက်စရာ ၂ ခု ကြုံခဲ့ရ ကြားခဲ့ကြရပါတယ် ။ အဲဒါတွေ ကတော့ မကြာသေးမှီက ရန်ကုန်မြို့မှာ ပြုလုပ် ခဲ့သော အာဏာရပါတီ အမျိုးသားဒီမိုကရေစီအဖွဲ့ချုပ် ဗဟိုအလုပ်မှုဆောင်အဖွဲ့ ညီလာခံ မှာ ပြောကြားတဲ့ သဘာပတိ ဦအောင်ကြည်ညွန့် ရဲ့ တပ်လှန့်သတိပေးပြောကြားချက် မိန့်ခွန်းနဲ့ ယခု ဇူလိုင်လ ၁၀ ရက်နေ့ နေပြည်တော်မှာကျင်းပပြုလုပ်တဲ့ မြန်မာနိုင်ငံ နိုင်ငံ့ဝန်ထမ်းပြုပြင်ပြောင်းလဲမှုဆိုင်ရာ မဟာဗျူဟာစီမံချက် ထုတ်ပြန်ကြေညာသော အခမ်းအနားမှာပြောကြားတဲ့ ဒေါ်အောင်ဆန်းစုကြည် ရဲ့ မိန့်ခွန်းတွေပဲဖြစ်ပါတယ် ။ ဒီ မိန့်ခွန်းနှစ်ရပ်စလုံး ဟာ နိုင်ငံတော်ရဲ့ အထွေထွေ စီမံခန့်ခွဲမှုဆိုင်ရာ ကိစ္စတွေ မှာ လက်တွေ့ကြုံကြိုက်နေရတဲ့ အဆင်မပြေမှုတွေ ၊ လွဲချော်တိမ်းစောင်းမှုတွေ ၊ မအောင်မြင်နိုင်မှုတွေကို အမှန်တကယ် ထင်ဟပ်နေပြီး ဒီမိန့်ခွန်း ၂ ခုမှာ ချိတ်ဆက်မိနေတဲ့ တိုင်းပြည်မှာအကြီးမားဆုံးလှိုက်စားနေသော ပြဿနာအချို့ ရဲ့ အခြေခံသဘောတရား၂ ခု ပါရှိနေတာပဲဖြစ်ပါတယ် ။ အဲဒါကတော့ ဗဟိုအလုပ်မှုဆောင်အဖွဲ့ဝင် ဦးအောင်ကြည်ညွန့် ပြောကြားခဲ့တဲ့ အာဏာ ရ " အမျိုးသားဒီမိုကရေစီအဖွဲ့ချုပ် အစိုးရ နဲ့ပါတီ မှာ ကြုံတွေ့နေရတဲ့ မွေးစားခံရခြင်းဘေး အန္တရာယ် နဲ့ ဒေါ်အောင်ဆန်းစုကြည် ပြောကြားခဲ့တဲ့ " ကာလရှည်ကြာစွာ အမြစ်တွယ်ခဲ့သည့် လုပ်ငန်းဆောင်ရွက်မှု အကျင့်စရိုက် ဟောင်းများကို ပယ်ဖျက်ပစ်ပြီး ဆောင်ရွက်ရမည်ဖြစ်သည့်အတွက် ခက်ခဲရှုပ်ထွေးပါကြောင်း " ဆိုတဲ့ အချက်တွေပဲဖြစ်ပြီး ဒီ သဘောတရားတွေ နဲ့ လက်တွေ့ မြေပြင်မှာ နောက်တစ်ကြိမ် အားယူနေတဲ့ အဂတိတရားရဲ့ ခြေရာဖျောက်လှုပ်ရှားမှု အခြေအနေတွေဟာ နိုင်ငံရဲ့ စီးပွားရေးအခြေအနေ နလံထူပြီးတိုးတက်မှုရှိလာဖို့၊ သန့်ရှင်း ကောင်းမွန်တဲ့ အုပ်ချုပ်ရေးဖြစ်လာဖို့ အတွက်ကြီးမားတဲ့ စိန်ခေါ်မှုတွေပဲဖြစ်ပါတယ်။ အားလုံးသိကြတဲ့ အတိုင်းပဲ ဘယ်လို ကောင်းမွန်ထက်မြက်တဲ့ မူဝါဒ တွေ အယူအဆတွေ စီမံကိန်းတွေ ၊ တွက်ချက်မှုတွေ ရှိနေပါစေ အဲဒါတွေကို လက်တွေ့အကောင်အထည်ဖေါ်ဆောင်ရွက်ပေးရမယ့် အုပ်ချုပ်ရေး ဗျူရိုကရေစီ ယန္တယားဟာ ကောင်းမွန် သန်စွမ်းနေဖို့ ၊ အားနည်းချို့ယွင်းချက်တွေ မရှိစေဖို့ ဟာ အလွန်ပဲ အဓိကကျပါတယ် ။
အခု ဒီကနေ့မှာတော့ ဒေါ်အောင်ဆန်းစုကြည် ဦးဆောင်တဲ့ အစိုးရသစ်အနေနဲ့ ဒီ အိုဟောင်း ချိနဲ့နေတဲ့ ဗျူရိုကရေစီ ယန္တယားကြီးကို အစိုးရသစ်ရဲ့ ပေါ်လစီ မူဝါဒ အသစ်တွေ နဲ့ အပ်ကျမတ်ကျ အပြည့် အဝ အကောင်ထည်ဖေါ်ထမ်းဆောင်နိုင်မယ့် အရည်အသွေးတွေ ၊ အာမခံချက်တွေ ရှိလာအောင် ပြုပြင်ပြောင်းလဲ မွန်းမံတည်ဆောက်တော့မယ် မဟာဗျူဟာတစ်ရပ်ကို ရေးဆွဲချမှတ် ပြီး ထုတ်ပြန်လိုက်ပြီဖြစ်ပါတယ် ။ ဘာပဲပြောပြော တိုင်းပြည် ဆင်းရဲ့နိမ့်ကျ ရခြင်းရဲ့ အဓိကတရားခံတွေအထဲက တစ်ခုဖြစ်တဲ့ ဒီ အုပ်ချုပ်ရေးယန္တယား ကို ပယ်ပယ် နယ်နယ် ပြုပြင် ပြောင်းလဲတည်ဆောက် ဖို့ အစိုးရသစ်အနေနဲ့ ခုလို ကိုင်တွယ်ဆောင်ရွက်လိုက်တာဟာ တိုင်းပြည်ရဲ့ လက်တွေ့ပြဿနာထဲကို ခုမှ အမှန်တကယ် ဆင်းသက်လိုက်တာပဲဖြစ်ပါတယ် ။ သို့သော်လည်း ဒါဟာ အလွန်မာယာများတဲ့ တောနက်ကြီးထဲကို ဆင်းလိုက်တာလည်းပဲဖြစ်တယ်လို့ ဆိုရင်မမှားဘူးလို့ဆိုရမှာပဲဖြစ်ပါတယ် ။
ဗျူရိုကရေစီ အုပ်ချုပ်ရေး ယန္တယား ဆိုတဲ့ မြန်မာနိုင်ငံ ရဲ့ ဝန်ထမ်းလောက ဟာ ဒုစရိုက် အရာမှာ အလွန်ဝါကြီးခဲ့ပါတယ် ။ အကြောင်းကတော့ ၁၉၆၂ ခုနှစ်ကစလို့ တိုင်းပြည်ကို အုပ်ချုပ်ခဲ့တာ ဟာ ဝန်ထမ်းတွေ ပဲဖြစ်ပြီး လွတ်လပ်ရေး ရပြီးခါစ အခြေခံကောင်းတွေ အခြေအနေကောင်းတွေရှိနေခဲ့တဲတိုင်းပြည်ကို ဆင်းရဲ ဒုက္ခများစွာနဲ့ မွဲပြာကျသွားအာင် လုပ်ခဲ့ကြတာလည်း ဝန်ထမ်းတွေ ဦးဆောင်တဲ့ အစိုးရအဆက်ဆက်ကြောင့်ပဲဖြစ်ပါတယ် ။ ဒီလို နှစ်ပေါင်း ၅၀ လောက် တိုင်းပြည်မှာ စိတ်ကြိုက် ထင်တိုင်းမင်းမူ ခဲ့ကြတဲ့ ဝန်ထမ်း နိုင်ငံရေးလောက နဲ့သူတို့ တည်ဆောက်ခဲ့ကြတဲ့ သစ္စာတော်ခံ ယန္တယား အဆောက်အဦးကြီးဟာ ဆရာမွေး တပည့်မွေး ၊ အထက်အောက်အပြန်အလှန်နေရာပေး ရှာကျွေး ၊ (quota) ကိုဒါ ဝေပေး ၊ အလှည့်ကျ နေရာပေး စတဲ့ အဂတိတရား နဲ့ ကိုယ်ကျိုးရှာ စနစ်များကို ဖန်တီး သွတ်သွင်းခဲ့သည် အထိ အကျင့်ပျက်ခြစားမှု ကို စနစ်တကျ အုတ်မြစ်ချခဲ့ကြပြီးဖြစ်ပါတယ် ။ ဒါကြောင့်အဓိက အားဖြင့် ဒီကနေ့ ဗျူရိုကရေစီ ယန္တယား ဝန်ထမ်းလောကကြီးရဲ့ အဂတိတောအုပ် ထဲမှာ လွှမ်းခြုံ စိုးမိုးနေတဲ့ တရားကတော့ ကိုယ်ကျိုးစီးပွားကာကွယ်စောင့်ရှောက်ရေးပဲဖြစ်ပါတယ် ။ ဒါကြောင့် အခု လိုပြောင်းလဲချိန်တန်ပြီ ဆိုတဲ့ကြွေးကြော်သံ နဲ့ ပြည်သူကရွေးချယ်တင်မြှောက်လိုက်တဲ့ အစိုးရ လက်ထက်မှာ ဝန်ထမ်းလောက ပြုပြင်ပြောင်းလဲရေး ၊ အဂတိလိုက်စားမှုတိုက်ဖျက်ရေး လုပ်ငန်းစဉ်တွေ ကို ဆောင်ရွက်လာတဲ့ အခါမှာ တစ် ဖက် ကိုယ်ကျိုးစီးပွားကာကွယ်စောင့်ရှောက်ရေးက ဘယ်လို ခုခံရင်ဆိုင်မလဲဆိုတာဟာ အရေးပါလာပါတယ်။ ကျွန်တော်တို့ အခုလက်တွေ့ မှာတွေ့မြင်နေရသလောက် ကိုယ်ကျိုးစီးပွား ကာကွယ်စောင့်ရှောက်ရေးဘက်က မဟာဗျူဟာမြောက် ခုခံရင်ဆိုင်ရေး နည်းလမ်းကတော့ မွေးစားခြင်းပဲဖြစ်ပါတယ် ။
မွေးစားခြင်း ဆိုတဲ့ ဘေး တနည်း အားဖြင့် အဂတိသမား မတော်လောဘ ကိုယ်ကျိုးသမားတွေ ဆွဲကိုင်လာကြတဲ့ မွေးစားခြင်းနည်းလမ်းဟာ အချိန်အခါ တိုင်းပြည်မှာဖြစ်ပေါ်ခဲ့တဲ့ နိုင်ငံရေး အခြေအနေ အချိန်အခါတွေကြောင့်ဖြစ်ပါတယ် ။ အရင်ကတော့ ဝန်ထမ်းလောကကြီး ဟာ သူ အထာကျပြီးသား ကိုယ်ပိုင် ဂွင်"ယဉ်ကျေးအမွေအနှစ်တွေနဲ့ အတူ ဂိုဏ်းစဉ်ဂိုဏ်းဆက် တက်ဆင်းမင်းမူရင်း လုပ်ကွက်ဖန်တီး ပေးကမ်းဝေငှ ခွဲယူခြင်း ၊ ပုံမှန် လိုင်းကြေး အလှည့်ကျရယူခြင်းအပါအဝင် ပြောင်းရွှေ့ကြေးဈေးကွက်တွေနဲ့ထွန်းကားစည်ပင်ပြီး ဂါရဝ တရားတွေ နဲ့ အလွန်သာယာနေခဲ့တာပါဖြစ်ပါတယ် ။ ဒါကြောင့် ဝန်ထမ်းအုပ်ချုပ်ခဲ့ တဲ့ နှစ်ပေါင်း ၅၀ အတွင်းမှာ အျားစွာသော သယံဇာတတွင်းထွက် ရတနာတွေ ပိုင်ဆိုင်ထားတဲ့ တိုင်းပြည်မှာ ဘက်စုံချွတ်ခြုံကျခဲ့ပြီး ဝန်ထမ်းအကြီးအကဲဆိုသူတွေ ၊ နိုင်ငံအကြီးအကဲဆိုသူတွေ ဟာ ကျောက်မြတ်တွင်းပိုင်ရှင်သူဌေးကြီးတွေလို ၊ ဘဏ်ပိုင်ရှင်ကြီးတွေလို ရေနံတွင်းပိုင်ရှင်သူဌေးကြီးတွေလို ကမ္ဘာ့အဆင့်မှီ သူကြွယ်ကြီးတွေ ဖြစ်ကုန်ကြတာပဲဖြစ်ပါတယ် ။ ဒီလို သာယာနေကြ တဲ့အချိန်မှာပဲ ၂၀၁၅ ရွေးကောက်ပွဲရလဒ် အကောင်အထည်ပေါ်လာပြီး ဒေါ်အောင်ဆန်းစုကြည် ဦးဆောင်တဲ့ အရပ်သား အစိုးရတက်လာတဲ့ အတွက် ဗျရိုကရေစီ ယန္တယားတစ်ခုလုံး တ်ိတ်ဆိတ်ငြိမ်သက်ပြီး မှင်သတ်သွားခဲ့ပါတယ်။ သို့သော်လည်း ဝန်ထမ်းလောက ရဲ့ ဂိုဏ်းစတားတွေကတော့ ငယ်မွေးခြံပေါက် အိမ်ရှင်များပြီပြီ အခြေအနေကို လေ့လာအကဲခက်ရင်း အစိုးရသစ်က ဗျူရိုကရေစီ ယန္တယားကို ဘယ်လို ဘယ်ပုံ ပြောင်းလဲ ပြုပြင် ကိုင်တွယ်မလဲ ၊ ငါတို့ ရှိရင်းစွဲ လက်ငုတ်လက်ရင်းလေးတွေကို ဘယ်လို လက်စသိမ်းထားမလဲ ဆိုတဲ့စောင့်ကြည့်လေ့လာ အနေအထားမှာ ရှိနေခဲ့ပါတယ် ။
တကယ်တန်း ဗျရိုကရေစီ ယန္တယားရဲ့ အဂတိလိုက်စားမှု လမ်းကြောင်းတွေ နည်းနာ နိသယတွေ ၊ ဆက်နွယ်ပတ်သက်မှုတွေ ချိတ်ဆက်မှုတွေဟာ အလွန်ရှုပ်ထွေးနက်နဲလှပါတယ် ။ နိုင်ငံမှာ ဖြစ်ပေါ်နေတဲ့ အုပ်ချုပ်ရေး ဗျူရိုကရေစီ ယန္တယား ရဲ့ အကျင့်ပျက်ခြစားမှု ကို ခွဲခြမ်းစိတ်ဖြာကြည့်မယ်ဆိုရင် လုပ်ငန်းခွင်သဘောတရားအလိုက် ပြင်ပစီးပွားရေး ကမ္ဘာက မတော်လောဘ သမား ၊ တိုင်းပြည်မှာဖြစ်ချင်တာဖြစ် ကိုယ်ကျိုးစီးပွားအတွက် ဝန်ထမ်း ကြီးငယ် အဆင့်ဆင်ကို ငွေနဲ့ပေါက် ဖျက်ဆီး သိမ်းသွင်းပြီး တိုင်းပြည် ဘဏ္ဍာ နဲ့ သယံဇာတ ကိုမှ ပစ်မှတ်ထား လုပ်စားနေတဲ ဝိသမလောဘသား ခရိုနီ ခရိုနက် ၊ နာမည်ကျော်၊ နာမည် မထွက် များသည်လည်း အပါအဝင်ဖြစ်ပါတယ် ။ အရပ်သား အစိုးရသစ်တက်လာတဲ့အချိန်မှာ ရှေ့ဆက် စီးပွားလမ်းဖြောင့်ဖြူးရေးဟာလည်းသူတို့ အတွက် မသေချာမရေရာတဲ့ အနေအထားကိုရောက်ရှိသွားပါတယ် ။ တိုင်းပြည် အုပ်ချုပ်ရေး ယန္တယား အကျင့်ပျက်ခြစားခြင်းအနေအထား ၊ နယ် ပယ် အမျိုးရှိရှိကြပေမယ့် တိုင်းပြည်အပေါ် ဆိုးကျိုး သက်ရောက်မှုတွေ ကို ခြုံငုံကြည့်မယ်ဆို အဖြေက ၂ မျိုးပဲရှိပါတယ်။ အဲဒါကတော့ တိုင်းပြည် ရဲ့ ဘဏ္ဍာ ကို မတရား သဖြင့် ပေးဆပ် လိုက်ရခြင်း နဲ့ တိုင်းပြည် မှာရသင့်တဲ့ ဘဏ္ဍာ ကို တရားသဖြင့် မရရှိလိုက်ခြင်းဆိုတဲ့ ဆုတ်ရုတ်မှု ဆိုးကျိုးတွေပဲဖြစ်ပါတယ် ။ ဒီနေရာ မှာ ဗျရိုကရေစီ ယန္တယားရဲ့ အကျင်ပျက်ခြစားမှု ဟာ အဲဒီ တိုင်းပြည်ရဲ့ ဘဏ္ဍာငွေများ လေလွင့် ဆုံးရှုံးမှုကို စနစ်တကျ ဖန်တီးပြီး ကိုယ်ကျိုးစီးပွားအဖြစ်ပြောင်းလဲပစ်နေတဲ့ ကပ်ဆိုးကြီးပဲဖြစ်ပါတယ်။ ရှင်းရှင်းပြောရရင် ဒီကနေ့တိုင်းပြည်မှာ ဖြစ်ပေါ်နေတဲ့အကျင့်ပျက်ခြစားမှု ဆိုတာ ဟာ တိုင်းပြည်ရဲ့ တရားဝင် စီမံကိန်းတွေ ၊ အခြေခံ အဆောက်အဦးတည်ဆောက်မှုတွေ ၊ သယံဇာတ ထုတ်ယူ သုံးစွဲမှုတွေ မှာ တရားဝင်ပူးပေါင်းဆောင်ရွက်ခွင့်ကို အသုံးချပြီး အကျင့်ပျက်ဝန်ထမ်းလောက နဲ့ တကိုယ်ကောင်းသမား စီးပွားရေး သမားတွေ ရဲ့ တရားဝင်နောက်မီးလင်းမှုကြီးပဲဖြစ်ပါတယ် ။
ဒီနောက်မီးလင်းမှု ကြီးရဲ့ အိမ်ထောင်သက်တမ်းဟာ အတော်လေးရင့်မာလာတာနဲ့ အမျှ သူတို့ရဲ့ဆက်ဆံရေးဟာ တိုင်းပြည်ရဲ့ ဗျူရိုကရေစီ အုပ်ချုပ်ရေးယန္တယားမှာ အိမ်ရှင်လိုဖြစ်လာပြီး ပြည်သူက တင်မြှောက်လိုက်တဲ့ အစိုးရဟာ ဧည့်သည်လိုဖြစ်နေပါတယ်။ အစိုးရသစ် တာဝန်ယူမှု အစကာလမှာ လည်း ဒုသမ္မတ ကိုယ်ရေး အရာရှိတစ်ယောက်ကို ပုဂ္ဂလိက ကုမ္ပဏီကြီးတစ်ခုက ငွေသား လက်ဆောင်ပေးအပ်ခဲ့မှုကို ကိုယ်ရေးအရာရှိကိုယ်တိုင် ဖွင်ချခဲ့တဲ့အတွက် ဗျူရိုကရေစီ ယန္တယားအကျင့်ပျက်ဝန်ထမ်းလောက နဲ့ စီးပွားရေး ဂိုဏ်ဂနတွေကြားက နောက်မီးလင်း အိမ်ထောင်ရေးလောကမှာ အတော်လေး ဂယက်ရိုက်သွားခဲ့ပါသေးတယ် ။သိုသော်လည်း နိုင်ငံရဲ့ အုပ်ချုပ်ရေးဂယန္တာယား အိမ်ရှင်လိုဖြစ်နေတဲ့အကျင်ပျက်ခြစားမှုဟာ လွယ်လွယ်နဲ့ လက်လျှော့မသွားပဲ ကောင်းနိုးရာရာ နည်းလမ်းတွေကို ရှာဖွေလာခဲ့တာ အခုဆိုရင် မွေးစားခြင်နည်းလမ်းတွေ ကိုကြံဆ အသုံးပြုလာကြတာတွေ ကြားသိနေရပြီဖြစ်ပါတယ်။ တိုင်းပြည်ရဲ့ ပြောင်းလဲ လာတဲ့ ခေတ်စနစ်အနေအထား အရ တတိယ လူ Third party ရဲ့ အခန်းကဏ္ဍ ဟာ ပေါ်ထွက်လာပါတယ် ။ ရွေးကောက်ခံ အစိုးရ ကိုယ်တိုင်က တိုင်းပြည် နဲ့ အစဉ်အမြဲ တည်ရှိနေမယ့် အုပ်ချုပ်ရေး ယန္တယား အကြားမှာ တတိယ လူလိုဖြစ်လာပါတယ် ။ နောက်တခါ ငွေကြေး အရင်းအနှီး ကုန်ကျမှု ပမာဏ ကြီးမားတဲ့ နိုင်ငံတော်စီမံကိန်းတွေကို ပုဂ္ဂလိက လုပ်ငန်းရှင်တွေ ထံ လုပ်ပိုင်ခွင့်တွေ ပစ္စည်း တင်သွင်းခွင့်တွေ ချပေးတဲ့အခါမှာလည်း အရည်အသွေး အကဲဖြတ်ဖို့၊ ကုန်ကျစားရိတ် စာရင်းဇယားတွေ မှန်မှန်ကန်ကန်ဖြစ်ဖို့ဆိုတဲ့ အခန်းကဏ္ဍ ဟာ အရေးပါလာပါတယ်။ ဒါကြောင့် ကြားကနေ ဘက်မလိုက်ပဲ အရည်အသွေး စစ်ဆေးအကဲဖြတ်ပေးမယ့် တတိယ ကြားနေ ကျွမ်းကျင် အဖွဲ့အစည်း ကုမ္ပဏီတွေ ရဲ့ အခန်းကဏ္ဍပေါ်ထွက်လာပါတယ် ။ ဒါကြောင့် ဒီကနေ့ အစိုးရ အုပ်ချုပ်ရေး ယန္တယားနဲ့ ဆက်စပ်လုပ်ကိုင်နေတဲ့ စီမံကိန်း အခြေပြု စီးပွားရေးလုပ်ငန်းတွေ ၊ အစိုးရ လိုအပ်ချက်ဖြည့်ဆည်းရေးဆိုင်ရာဝယ်ယူတင်သွင်းမှုတွေ ၊ စတဲ့ အကျိုးအမြတ် အလွန်တရာ ကြီးမားတဲ့ လုပ်ငန်းကြီးတွေ မှာ တတိယလူ အခန်းကဏ္ဍဟာ ပေါ်ထွက်လာပါတယ် ။ ဒါကြောင့် အကျင့်ပျက်ဝန်ထမ်းလောက နဲ့ ဝိသမလောဘ စီးပွားရေးသမားတွေဟာ သူတို့ ရဲ့လုပ်ငန်းတွေ ရှေ့ဆက်ရှင်သန်နိုင်ဖို့ အတွက် ဗျူဟာအသစ်တစ်ရပ်အနေနဲ့ လုပ်ငန်း အကျိုး အမြတ်ခွဲဝေမှုကို ခါတိုင်း ၂ ပုံ ပုံထားရာကနေ ဒီကနေ့ ၃ ပုံ ပုံလိုက်ပြီဖြစ်ပါတယ်။ တတိယတစ်ပုံကတော့ ကျွန်တော်အပေါ်မှာပြောခဲ့တတိယ လူတွေအတွက်ဖြစ်ပါတယ် ။ ဒါကြောင့် ဒီကနေ့လေ့လာကြည့်တဲ့ အခါ တတိယ အဖွဲ့အစည်းဖြစ်တဲ့ အရည်အသွေးစစ်ဆေး အကဲဖြတ်တဲ့ အဖွဲ့တွေ၊ စာရင်းစစ် အဖွဲ့တွေ ကို မွေးစားဖို့လုပ်နေကြပြီဆိုတာတွေ့ရပါတယ် ၊ တချို့လည်း ကိုယ်တိုင် ကမကထလုပ်ပြီး စစ်ဆေးရေးကျွမ်းကျင် ကုမ္ပဏီတွေ ကြိုတင်ပြင်ဆင်နေကြပြီဆိုတာကြားသိရပါတယ်။ နောက်ထပ်အရေးပါတဲ့ တတိယလူတွေဖြစ်တဲ့အဏာရပါတီက လုပ်ပိုင်ခွင့်တွေဆီ ပေါက်ရောက်နိုင်လောက်တဲ့ ပါတီခေါင်းဆောင်တွေဆီကိုလည်း ချဉ်းကပ်ပြီး မွေးစားဖို့ကြိုးပမ်းအားထုတ်နေကြပြီဆိုတာကိုလည်းကြားနေရပြီဖြစ်ပါတယ် ။ ဒီနေရာမှာ အရေးကြီးတဲ့အချက်တစ်ချက်ကိုပြောချင်တာက အဂတိလောက ဟာ ငြိမ်သက်နေပေမယ့် အားကောင်းပါတယ်၊ အောက်ခြေ ဝန်ထမ်းလောက နဲ့ ပြင်ပကမ္ဘာဟာဆင်းရဲပါတယ် ။ ဒါကြောင့် အဂတိ ကိုတိုက်ဖျက်ဖို့ကြိုးစားကြတဲ့အခါမှာ အလွန် သဘောမနောကောင်းပြီး အလိုလိုက် အကြိုက်ဆောင် အလိုက်သိ ပါးနပ်လှတဲ့ အဂတိရဲ့ မွေးစားခြင်းဗျူဟာ ကိုတော့ အထူး သတိထားရပါလိမ့်မယ် ။ အာဏာရပါတီကြီးအနေနဲ့ လည်း ကိုယ့် ပါတီဝင်တွေ အနေနဲ့ ပြင်ပစီးပွားရေးသမားတွေ နဲ့ ဆက်ဆံတဲ့အခါ မှာ အလွန်သတိထားဖို့ ပါတီရဲ့ ပုံရိပ်ကို ထိန်းဖို့ အထူးကျပ်မတ်ဖို့လိုအပ်ပါတယ် ။ ကျွန်တော်သိသလောက် ဝန်ထမ်းတွေ အတွက် လက်ဆောင်ပဏာ လက်ခံမှုဆိုင်ရာ သတ်မှတ်စည်းကမ်းတွေ ရှိပေမယ့် ပါတီမှာရှိတယ်လို့ မကြားမိသေးပါဘူး ။ ဒီကနေ သက်တမ်းအားဖြင့် နှစ် ၅၀ ရှိပြီဖြစ်တဲ့ အကျင့်ပျက်ခြစားမှု ဟာနောက်တစ်ကြိမ် တိုင်းပြည်ကို ဝါးမြိုဖို့ အားယူ ထကြွလာပြန်ပြီဖြစ်ပါတယ် ၊ ဒီတခါတော့ တတိယ လူကို မွေးစားဝါးမြို့ဖို့ နည်းလမ်းနဲ့ စတင်လာနေပြီဖြစ်ပါတယ်။
အခုဆို နိုင်ငံတော် ရဲ့ အတိုင်ပင်ခံ ဒေါ်အောင်ဆန်းစုကြည် က အချိန်ကိုက် ဝန်ထမ်းပြုပြင်ပြောင်းလဲရေး ဗျူဟာကိုချမှတ်လိုက်ပြီဖြစ်ပါတယ်။ သူမအနေနဲ့ လည်း ဒီ တိုင်းပြည်ရဲ့ အုပ်ချုပ်ရေး ယန္တယား မှာ သပွတ်အူလိုက်နေတဲ့ အကျင့်ပျက်ခြစားမှုဟာ လွယ်လွယ်နဲ့ တိုက်ဖျက်လို့မရနိင်ဘူးဆိုတာသိနေပါတယ် ။ သို့သောလည်းသူမ အနေနဲ့ ဒီအတွက် အရာရာကို ရင်ဆိုင်ဖို့ပြင်ဆင်ထားပြီး အောင်မြင်ရမယ်လို့ ယုံကြည်ထားပုံရပါတယ် ။ ဒါကြောင့် အဂတိဘက် မွေးစားခြင်းဗျူဟာနဲ့ အခု အတိုင်ပင်ခံ ချမှတ်လိုက်တဲ့ နိုင်ငံ့ ဝန်ထမ်း ပြုပြင်ပြောင်းလဲရေး ဗျူဟာ ဘယ်သူကသာမလဲ ဆိုတာ ကြည့်ကြရအောင်ပါ .. မြန်မာပြည်ကြီး ကံကောင်းပါစေ .. လို့သာ ...။
သီဟသွေး
The Speaker သတင်းဂျာနယ်
အတွဲ(၁)၊ အမှတ် (၃၂)
ဇူလိုင် ၁၃
Ko Thiha Thwe's Facebook မှကူးယူဖော်ပြပါသည်။#BurmaDemocracy