စေ့စပ်ဆွေးနွေးရေး ဆိုရာဝယ် (အပိုင်း - ၂)

စေ့စပ်ဆွေးနွေးမှုနှင့် ဆက်ဆံရေး (Relationship)

စေ့စပ်ဆွေးနွေးမှုက ထွက်ပေါ်လာတဲ့ ရလာဒ်အတွက် နောက်ထပ် အရေးကြီးတဲ့ ထည့်သွင်းစဉ်းစားစရာ အချက်ကတော့ ပဋ္ဋိပက္ခထဲမှာ ပါဝင်နေတဲ့ actors တွေအကြားက ဆက်ဆံရေးသဏ္ဍာန်တွေပဲ ဖြစ်ပါတယ်။ စေ့စပ်ဆွေးနွေးမှုကို ပြုလုပ်တဲ့အခါမှာ မိမိဘက်ရဲ့ လိုအပ်ချက်နဲ့ အကျိုးစီးပွားတွေကို သိဖို့ လိုအပ်သလို၊ အခြားတဘက်က လိုအပ်ချက်နဲ့ အကျိုးစီးပွားတွေကိုလဲ သိနေဖို့ လိုအပ်ပါတယ်။ ဘက်နှစ်ဘက်တင်မကပဲ multiple actors တွေ ပါဝင်နေခဲ့တယ်ဆိုရင် ပါဝင်နေသူတွေရဲ့ လိုအပ်ချက်၊ အတွေးအခေါ်နဲ့ အကျိုးစီးပွားတွေကို သိမြင်တတ်ဖို့ လိုအပ်ပါတယ်။ နိုင်ငံရေးပညာရှင် Ury က အောင်မြင်တဲ့ စေ့စပ်ဆွေးနွေးသူတွေဟာ စိတ်ပညာကျွမ်းကျင်သူတွေ ဖြစ်တယ်လို့ ဆိုထားခဲ့ပါတယ်။ ပဋိပက္ခတွေကို ဖြေရှင်းဖို့ ကြိုးပမ်းတဲ့ စေ့စပ်ဆွေးနွေးမှုတွေမှာ ပါဝင်တဲ့ multiple parties တွေ အပါအ၀င် ဒီပဋ္ဋိပက္ခနဲ့ ဆက်စပ်တဲ့ အဖွဲ့အစည်းတွေ၊ လူတွေရဲ့ မြင်နိုင်တွေ့နိုင်သော လိုအပ်ချက်တွေ၊ အတွင်းစိတ်ထဲမှာ ခိုအောင်းနေတဲ့ လိုလားချက်တွေ၊ ဖြတ်သန်းမှုသမိုင်းကြောင်းတွေ၊ အတွေးအခေါ်ကို သိနိုင်လေလေ အပြန်အလှန်ယုံကြည်မှုရှိတဲ့ ဆက်ဆံရေးကို တည်ဆောက်ဖို့ အခွင့်အလမ်း များလာလေလေ ဖြစ်ပါတယ်။

စေ့စပ်ဆွေးနွေးမှုမှာ ပါဝင်နိုင်မယ့် actors အမျိုးအစားတွေကိုလဲ နိုင်ငံရေး ပညာရှင်တွေက လေ့လာဖော်ထုတ်ခဲ့ကြပါတယ်။ Counterparts ဆိုတဲ့ အမျိုးအစားက မတူညီပဲ ထိပ်တိုက်ကွဲပြားနေတဲ့ အမြင်တွေကို တင်ပြသူတွေ ဖြစ်ပါတယ်။ Constituents ဆိုတဲ့ အမျိုးအစားကတော့ သူတို့နဲ့ သက်ဆိုင်တဲ့ လူမျိုးစု၊ အဖွဲ့အစည်း၊ လူတန်းစားအလွှာ စတာတွေကို ကိုယ်စားပြု တက်ရောက်လာသူများ ဖြစ်ပါတယ်။ Stakeholders တွေကတော့ စေ့စပ်ဆွေးနွေးတဲ့ စားပွဲမှာ ကိုယ်တိုင်ပါဝင်ချင်မှ ပါဝင်ပေမယ့် စေ့စပ်ဆွေးနွေးမှုနဲ့ ဆက်စပ်တဲ့ လိုလားချက်၊ အကျိုးစီးပွားရှိနေသူတွေ ဖြစ်ပါတယ်။ သူတို့တတွေက counterparts တွေနဲ့ constituents တွေရဲ့ ကိုယ်စားပြုမှု၊ အတွေးအခေါ်တွေနဲ့ လုပ်ဆောင်ချက်တွေ အပေါ်မှာ လွှမ်းမိုးမှု ရှိပါတယ်။ Ratifiers ဆိုတာကတော့ ညှိနှိုင်းဆွေးနွေးမှု ရလာဒ်တွေကို ဆုံးဖြတ်ချက် ပေးသူတွေ ဖြစ်ပါတယ်။ စေ့စပ်ဆွေးနွေးမှုမှာ ပါဝင်သူတွေရဲ့ မိခင်အဖွဲ့အစည်းတွေ၊ ပါတီတွေက ခေါင်းဆောင်တွေ ဖြစ်ပါတယ်။

စေ့စပ်ဆွေးနွေးပွဲ အမှန်တကယ် ဖြစ်မြောက်လာချိန်မှာ ပေါ်ထွက်လာတတ်တဲ့ spoilers တွေလဲ ရှိပါသေးတယ်။ ရေရှည် ပဋိပက္ခတွေမှာ ပဋိပက္ခကြောင့် အကျိုးကျေးဇူး ရနေသူများ ရှိတတ်ပါတယ်။ ဥပမာ- မူးယစ် ကုန်ကူးတဲ့ အဖွဲ့အစည်းတွေ၊ လူကုန်ကူးတဲ့ အဖွဲ့အစည်းတွေ စတဲ့ ရာဇ၀တ်မှု ကျူးလွန်နေတဲ့ အဖွဲ့အစည်းတွေနဲ့ ပဋိပက္ခကို အကြောင်းပြုပြီး ဆိုင်းဘုတ်ထောင် ရံပုံငွေ တောင်းနေတဲ့ ပဋိပက္ခအကြောင်းပြု လုပ်စား အဖွဲ့အစည်းများဟာ ပဋိပက္ခတွေ ပြီးဆုံးသွားမှာကို အလွန်စိုးရိမ်လေ့ရှိကြပါတယ်။ တဘက်နဲ့ တဘက် အနိုင်ယူပွဲသိမ်း တိုက်ပွဲ ဆင်နွှဲသွားနိုင်မှာကို စိုးရိမ်ပြီး နည်းမျိုးစုံနဲ့ ပဋိပက္ခဖြစ်ချိန် ကြန့်ကြာအောင် ဆွဲဆန့်ဖို့ ကြိုးစားလေ့ရှိသလို၊ စေ့စပ်ဆွေးနွေးပွဲတွေ ပေါ်ပေါက်လာတဲ့အခါမှာ ပျက်ပြားအောင် ဖျက်ဆီးလေ့ရှိကြပါတယ်။ ဒါကြောင့် စေ့စပ်ဆွေးနွေးမှုကို ဦးဆောင်မယ့် ခေါင်းဆောင်များဟာ ပဋိပက္ခနဲ့ ဆက်စပ်ပြီး ကိုယ်ကျိုးရှာ အဖွဲ့အစည်းတွေနဲ့ ရာဇ၀တ်မှုကျုးလွန်နေသော အဖွဲ့အစည်းတွေကို ကြိုတင် သိမြင်ထားဖို့ လိုအပ်လှပါတယ်။

ဒီလို multiple actors တွေအကြားမှာ ဆက်ဆံရေးတည်ဆောက်တဲ့အခါ ဆက်သွယ်မှု လမ်းကြောင်း (communication channels) တွေ ဖွင့်ဖို့လိုအပ်ပါတယ်။ စေ့စပ်ဆွေးနွေးမှုလုပ်ဖို့ ကြိုးစားတဲ့ အခါတိုင်းမှာ ပမာဏ ညှိနှိုင်းမှု လုပ်တဲ့ အချိန်တွေကတည်းက ဘယ်ဘက်မှာ ဘယ်သူနဲ့ ဆက်သွယ်ရမယ်၊ ဆက်ဆံရေးနဲ့ ပတ်သက်ပြီး ဘယ်လောက်အထိ scope of communication ထားမယ်၊ ဘယ်လို ဆက်သွယ်မယ် ဆိုတဲ့ lines of authority တွေ ရှင်းလင်းနေဖို့ လိုအပ်ပါတယ်။ ဒါတွေ ရှင်းလင်းနေခြင်း မရှိဘူးဆိုရင် တယောက်တပေါက် ဆက်သွယ်မှု လမ်းကြောင်းတွေ ဖွင့်ရင်း ရှုပ်ထွေးမှုတွေ ဖြစ်လာစေနိုင်ပါတယ်။

စေ့စပ်ဆွေးနွေးမှုတွေအတွက် ပဏာမ ညှိနှိုင်းတဲ့ အချိန်တွေမှာပဲဖြစ်ဖြစ်၊ စေ့စပ်ဆွေးနွေးပွဲ စတင်ချိန်မှာပဲဖြစ်ဖြစ် mass media နဲ့ ဘယ်လို ဆက်သွယ်ဆောင်ရွက်မှုတွေ လုပ်မလဲ ဆိုတာကိုလဲ protocol တွေ ရှိနေဖို့ လိုအပ်ပါတယ်။ မီဒီယာဆိုတာ လူထုနဲ့ ဆက်ဆံရေး ပေါင်းကူးပဲ ဖြစ်ပါတယ်။ ဒါကြောင့် မီဒီယာတွေနဲ့ ဆက်သွယ်ဆောင်ရွက်မှုတွေမှာ အလွန်သတိထား ဆက်ဆံဖို့ လိုအပ်ပါတယ်။ အပြန်အလှန် လေးစားမှု ရှိကြဖို့ လိုအပ်ပါတယ်။

နိုင်ငံရေးပညာရှင် Solomon ဆိုသူက စေ့စပ်ဆွေးနွေးမှုမှာ မီဒီယာတွေနဲ့ ပတ်သက်ဆက်စပ်ရတဲ့အခါ ပြောရေးဆိုခွင့် ရှိသူတွေရဲ့ တာဝန်က တဘက်က counterpart တွေကို သွယ်ဝိုက်နည်းနဲ့ မိမိတို့ လိုလားချက်တွေကို အသိပေးရေး၊ မိမိတို့ စဉ်းစားတွေးခေါ်ချက်တွေကို လူထုသို့ အသိပေးတင်ပြရေး၊ ဂျာနယ်လစ်တွေနဲ့ မီဒီယာသမားတွေကို briefing ပေးရေး၊ စေ့စပ်ဆွေးနွေးမှုမှာ ပါဝင်မယ့် အာဂျင်ဒါတွေကို မီဒီယာမှတဆင့် ဖြန့်ကျက်ရေး စတာတွေ ဖြစ်ကြောင်း ရှင်းရှင်းလင်းလင်း ပြောထားခဲ့ပါတယ်။ မီဒီယာတင်ပေးလာတဲ့ လမ်းကြောင်းကို ပြောရေးဆိုခွင့် ရှိသူတွေ၊ စေ့စပ်ဆွေးနွေးမှု အကောင်အထည်ဖော်နေသူတွေက လိုက်တက်မိ သွားခြင်းကို သတိထား ရှောင်ကြဉ်ဖို့ လိုပါတယ်။

ယေဘုယျအားဖြင့် စေ့စပ်ဆွေးနွေးမှုနဲ့ ပတ်သက်ပြီး မီဒီယာကတဆင့် ထိတွေ့ဆက်ဆံရမယ့် ပရိသတ် ခြောက်မျိုး ရှိပါတယ်။ အတိုက်အခံဘက်မှာ ရှိတဲ့ စေ့စပ်ဆွေးနွေးရေးအဖွဲ့၊ အတိုက်အခံဘက်မှာရှိတဲ့ အဓိက ဆုံးဖြတ်ချက် ချမှတ်သူ ခေါင်းဆောင်များ၊ အတိုက်အခံဘက်မှ ထောက်ခံအားပေးသူများ၊ နိုင်ငံတကာ အစိုးရများနှင့် နိုင်ငံတကာ အန်ဂျီအို အဖွဲ့အစည်းများ၊ မိမိဘက်မှ ခေါင်းဆောင်များနှင့် ဆုံးဖြတ်ချက် ချမှတ်သူများ၊ မိမိဘက်ကို ထောက်ခံအားပေးသူများ စတာတွေ ဖြစ်ပါတယ်။ ဘယ်လိုပဲ ဖြစ်ဖြစ် ၂၁ ရာစုမှာ တရားဝင်သတင်းဌာန မီဒီယာများတင်သာမက တရားမ၀င် သတင်းမုဆိုးများပါ ပေါ်ထွက်လာပြီဖြစ်တဲ့အတွက် သတင်းအချက်အလက်တွေ မလိုအပ်ပဲ ပေါက်ထွက်သွားခြင်း၊ တယောက်တပေါက် ပြောဆိုခြင်းတွေ မရှိရအောင် အဖွဲ့အစည်းတိုင်းမှာ မီဒီယာနဲ့ ပတ်သက်တဲ့ မဟာဗျူဟာတွေ ရှိနေဖို့ လိုအပ်ပါတယ်။

သက်ဆိုင်ရာ အဖွဲ့အစည်းတွေမှာ မီဒီယာတွေနဲ့ ပတ်သက်ပြီး တရားဝင် ပြောရေးဆိုခွင့် (front channel) ကိုကျော်လွန်ပြီး၊ back channel ကနေ ဆက်နွယ်မှု ရှိနေသလားဆိုတာကိုလဲ ပြန်လည်ဆန်းစစ်ရပါမယ်။ Public ကို ထုတ်ပြန်လို့ မရသေးတဲ့ ဆွေးနွေးညှိနှိုင်းဆဲ အချက်အလက်တွေကို back channel ကနေတဆင့် မီဒီယာတွေနဲ့ သတင်းမုဆိုးတွေဆီကို information leakage လုပ်လိုက်တဲ့အခါကျရင် စေ့စပ်ဆွေးနွေးမှု၊ ပဏာမ ညှိနှိုင်းမှုတွေရဲ့ ရလာဒ်တွေကို undermine လုပ်ရုံမက အထင်အမြင် လွဲတာတွေ၊ အပြန်အလှန်ယုံကြည်မှု လွဲတာတွေ ဖြစ်လာစေနိုင်ပါတယ်။ ဘယ်လောက်ပဲ တိုးတက်ခေတ်မှီတဲ့ ဒီမိုကရေစီ နိုင်ငံကြီးတွေမှာပဲ ဖြစ်ဖြစ် ပြည်သူ့ရေးရာနဲ့ ပတ်သက်တဲ့ လုပ်သမျှ အလုပ်ကို ကကြီးကနေ အ အထိ အစအဆုံး မီဒီယာတွေနဲ့ သတင်းမုဆိုးတွေကို ထုတ်ပေးနေကြတာ မဟုတ်ပါ။

နှစ်ဆယ့်တစ်ရာစုရဲ့ သတင်းနဲ့ ဆက်သွယ်ရေး နည်းပညာတွေ တိုးတက်လာတဲ့ ခေတ်ကြီးမှာ ကုန်ပစ္စည်းကြော်ငြာတွေက မှိုလိုပေါက်ပြီး ပေါ်ထွက်လာခဲ့ပါတယ်။ နေရာတကာမှာ တံဆိပ်ကပ်မှုတွေ ခေတ်စားလာတာနဲ့အမျှ ကုန်ပစ္စည်းနဲ့တင် အားမရတော့ပဲ လူတွေကပါ ဘာလုပ်လုပ် တံဆိပ်လေးနဲ့မှ လုပ်ချင်စိတ် ဖြစ်လာကြပါတော့တယ်။ လွတ်လပ်စွာ ပြောဆိုခွင့်ဆိုပြီး လျှို့ဝှက်အပ်တဲ့အရာတွေကိုပါ မထိန်ချန်တော့ပဲ ပြောချင်ရာပြော၊ လုပ်ချင်ရာ လုပ် ထင်ရာစိုင်းတဲ့ အကျင့် တွေကလဲ ပေါ်ပေါက်လာပါတော့တယ်။ အများနဲ့ ပတ်သက်တဲ့ ရေးရာတွေမှာ တာဝန်ခံမှု၊ တာဝန်ယူမှု၊ တာဝန်သိမှု စိတ်ဓာတ်တွေထက် ငါ့အတွက်၊ ငါ့နာမည်အတွက် အကျိုးကျေးဇူးရမယ်ဆိုရင်၊ နာမည်ကြီးမယ်ဆိုရင် လုပ်မယ်ဆိုတဲ့ စိတ်ဓာတ်တွေကလဲ ကြီးစိုးလာပါတယ်။ အင်တာနက်နည်းပညာနဲ့ မီဒီယာတွေကို တကိုယ်တော်ဝါဒရဲ့ လက်နက်တခုလို အသုံးချမှုတွေကလဲ များပြားလာပါတယ်။ ဒါတွေဟာ ပုဂ္ဂလိက ရေးရာတွေ၊ စီးပွားရေး လုပ်ငန်းတွေ၊ ငွေကြေးရှာဖွေမှုတွေမှာ အကြောင်းမဟုတ်ပေမယ့် စစ်ရေးနဲ့ နိုင်ငံရေးရာတွေမှာကျတော့ ကြီးမားတဲ့ အန္တရာယ်တွေ ဖြစ်လာ ပါတော့တယ်။

နိုင်ငံတခုရဲ့ ကံကြမ္မာ အပြောင်းအလဲကို ဖန်တီးနိုင်ဖို့အရေး၊ အာဏာရှင်စနစ်ကို ဖြုတ်ချရေး၊ မြေအောက်လှုပ်ရှားမှုများ အားကောင်းလာစေရေး၊ စစ်ရေး၊ နိုင်ငံခြားရေး၊ အမျိုးသားရင်ကြားစေ့ရေး ကိစ္စတွေမှာကျတော့ ထင်ပေါ် ကျော်ကြားမှုနဲ့ ကြော်ငြာ သဏ္ဍာန်တွေကို အသုံးပြုမယ်ဆိုရင် ကောင်းကျိုးရဖို့ထက် ဆိုးကျိုးရဖို့က များပါတယ်။ တခါတရံမှာ အခန့်မသင့်ရင် မိမိကိုယ်တိုင်သော်၎င်း၊ မိမိနဲ့ ပတ်သက်ဆက်စပ်တဲ့ အဖွဲ့အစည်းတွေသော်၎င်း၊ တမျိုးသားလုံး အရေးမှာသော်၎င်း၊ အန္တရာယ်ဖြစ်စေတတ်ပါတယ်။ အဆိပ်အတောက် ဖြစ်စေနိုင်ပါတယ်။

အကြောင်းအရာတခုကို မျက်တောင်တခတ်နဲ့ ဆုံးဖြတ်လို့ မရပါ။ မျက်စိတဆုံးကြည့်တတ်ဖို့ လိုအပ်ပါတယ်။ လှုပ်ရှားမှု ဓာတ်ပုံတပုံကြောင့် ဓာတ်ပုံကို အများဆီ ရောက်အောင်ဖြန့်ဝေသူ တော်လှန်ရေးသမားတယောက် နာမည်ကြီးလာစေပေမယ့် ဓာတ်ပုံထဲ ပါသူတွေရဲ့ လုံခြုံရေးကို ထိခိုက်စေနိုင်မယ်ဆိုရင် ကိုယ့်ရဲ့ ပုဂ္ဂလိက အကျိုးစီးပွားကို စွန့်လွှတ်ဖို့ လိုပါတယ်။ ရေတို ဒီမိုကရေစီ အရေးအတွက် ခေတ္တ အခွင့်အလမ်းကောင်းဟာ ရေရှည် အမျိုးသားအကျိုးစီးပွားအတွက် အန္တရာယ် ဖြစ်လာနိုင်တယ်ဆိုရင်လဲ သတိတရားကို လက်ကိုင်ထားပြီး လက်လွှတ်သင့်ရင် လွှတ်တတ်ဖို့ လိုပါတယ်။ အထူးသဖြင့် နိုင်ငံရေးခေါင်းဆောင်တွေအနေနဲ့ ကိုယ်ကျိုးနဲ့ အများအကျိုး၊ ရေတို အကျိုးအမြတ်နဲ့ အမျိုးသားအကျိုးစီးပွား ရေးရာတွေကို ချင့်ချင့်ချိန်ချိန်နဲ့ ကိုင်တွယ်တတ်ဖို့ လိုအပ်ပါတယ်။ ဆိုင်းသံကြားတိုင်း က ချင်သူတွေသာ ခေါင်းဆောင်လုပ်ရင် တိုင်းပြည် ရေစုံမျော နိုင်ပါတယ်။

မီဒီယာသမားတွေအတွက်ကတော့ သတင်းရရေးနဲ့ သတင်းဖော်ပြချက် တင်ပြနိုင်ရေးဟာ ပထမဦးစားပေး တာဝန်ပဲ ဖြစ်ပါတယ်။ သူတို့ ဘက်က ကြည့်ရင်လဲ မမှားပါဘူး။ ဒါပေမယ့် လျှို့ဝှက် လုပ်ရတဲ့ ကိစ္စတွေမှကျတော့ အနှောင့်အယှက်တွေ ဖြစ်လာစေပါတယ်။ အပြီးမသတ်သေးတဲ့ စီမံချက်တွေ၊ ဆုံးဖြတ်ချက်တွေကို သတင်းမှားထွက်သွားခဲ့ရင်လဲ အမှားအယွင်းတွေ ဖြစ်စေတတ် ပါတယ်။ နိုင်ငံရေး ပညာရှင် Kelman က အဖြေတခုရအောင် ပူးတွဲလုပ်ဆောင်မှု ဖြစ်စဉ်တွေမှာ အဖြေမထွက်သေးပဲ public reports တွေ ထွက်လာတဲ့အခါ ပူးတွဲဆောင်ရွက်မှု လုပ်ငန်းစဉ်တွေကို ထိခိုက်စေနိုင်ကြောင်း ထောက်ပြပြောဆိုထားခဲ့ပါတယ်။

စေ့စပ်ဆွေးနွေးမှုနဲ့ ပတ်သက်တဲ့ relationships တွေမှာ ထည့်သွင်းစဉ်းစားရမယ့် နောက်ထပ် အကြောင်းအရာတခုကတော့ ကွဲပြားခြားနားနေတဲ့ ယဉ်ကျေးမှုတွေပဲ ဖြစ်ပါတယ်။ ယဉ်ကျေးမှုဆိုရာမှာ ၀တ်စားဆင်ယင်မှု၊ ထုံးတမ်းစဉ်လာတွေသာမက ယုံကြည်မှု၊ စဉ်းစားတွေးခေါ်မှုသဏ္ဍာန်၊ ခံစားနားလည်မှုသဏ္ဍာန်၊ မျိုးဆက်တခုမှ တခုသို့ လက်ဆင့်ကမ်းသော အကြောင်းအရာတွေ၊ အညှိုးအတေးစတာတွေပါ ပါဝင်ပါတယ်။ လူမျိုးစုကွဲပြားမှုပါ ဆက်စပ်ပါဝင်တဲ့ ပဋိပက္ခတွေမှာ ၀တ်စားဆင်ယင်မှု၊ ထုံးတမ်းစဉ်လာတွေကိုတင် သိရှိလေ့လာထားရုံနဲ့ နှစ်ပေါင်းများစွာ အမြစ်တွယ် နေခဲ့တဲ့ ရင်တွင်းက ပဋိပက္ခအညှိုးအတေးတွေကို မသိမြင်နိုင်ပါဘူး။ စေ့စပ်ဆွေးနွေးမယ့် ခေါင်းဆောင်များဟာ နိုင်ငံရေးပညာ၊ စီးပွားရေးပညာ၊ အတွေးအခေါ်၊ သမိုင်းကြောင်း၊ စိတ်ပညာ စတာတွေ ကို နားလည်ကျွမ်းကျင်ထားရုံသာမက ပဋိပက္ခနဲ့ ဆက်စပ်တဲ့ လူမျိုးစုတွေရဲ့ ယဉ်ကျေးမှုနဲ့ အတွေးအခေါ်တွေကိုပါ လေ့လာထားဖို့ လိုအပ်ပါတယ်။

ယဉ်ကျေးမှုနဲ့ ပတ်သက်ပြီး လေ့လာတဲ့ အခါမှာ လေ့လာနည်း နှစ်မျိုး ရှိပါတယ်။ မိမိတို့လူမျိုးရဲ့ မိခင်ယဉ်ကျေးမှုကို လေ့လာတာကို “Enculturation” လို့ ခေါ်ပြီး၊ တခြားယဉ်ကျေးမှုကို လေ့လာတာကိုတော့ “Acculturation” လို့ ခေါ်ဆိုပါတယ်။ “Acculturation” လုပ်ဖို့ ခဲယဉ်းပေမယ့် နိုင်ငံခေါင်းဆောင်တွေ၊ ပဋိပက္ခဖြေရှင်းရေးအတွက် စေ့စပ်ဆွေးနွေးမယ့် ခေါင်းဆောင်တွေကတော့ အလေးအနက်ထားပြီး လေ့လာဖို့ လိုအပ်ပါတယ်။ လူနည်းစုကဖြစ်စေ၊ လူများစုကဖြစ်စေ စေ့စပ်ဆွေးနွေးရမယ့် တဘက်က လူမျိုးစုရဲ့ ယဉ်ကျေးမှုကို အသိအမှတ်ပြုမှု အားနည်းတဲ့အခါ စေ့စပ်ဆွေးနွေးမှု အောင်မြင်ဖို့ အလွန်ခဲယဉ်းသွားနိုင်ပါတယ်။ တဘက်က ယဉ်ကျေးမှုကို အခြားတဘက်က judge လုပ်တာ မဟုတ်ပဲ ကွဲပြားခြားနားမှုတွေကို အမြော်အမြင်ကြီးကြီးနဲ့ လက်ခံပေးဖို့ လိုအပ်ကြောင်း Cohen က ရေးသားဖော်ပြထားခဲ့ဖူးပါတယ်။ စကားပြောတဲ့ အသံနေ၊ အသံထားကြောင့် စေ့စပ်ဆွေးနွေးမှုတွေမှာ ကသိကအောက် ဖြစ်တတ်တာတွေလဲ ရှိပါတယ်။ တချို့က စကားကို တုံးတိတိ ပြောပါတယ်။ တချို့က သွယ်ဝိုက်ပြီး လှလှပပ ပြောပါတယ်။ တုံးတိတိပြောတာကို ရိုင်းစိုင်းတာလို့ တဘက်က ထင်လာတတ်သလို၊ သွယ်ဝိုက်ပြီး ဝေ့၀ိုက်နေတာကို တဘက်က စိတ်မရှည်နိုင်ဖြစ်လာတာလဲ ရှိတတ်ပါတယ်။ ဒီလိုအချိန်မှာ တဘက်နဲ့ တဘက် ကွဲပြားတဲ့ ယဉ်ကျေးမှု ဓလေ့တွေကို နားလည်ထားမှသာ ပြေပြစ်တဲ့ ဆက်ဆံရေးကို တည်ဆောက်နိုင်မှာ ဖြစ်ပါတယ်။

နှစ်ပေါင်းများစွာ အမြစ်တွယ် ရှည်ကြာနေတဲ့ ဘာသာရေးပဋိပက္ခ၊ လူမျိုးရေးပဋိပက္ခတွေမှာဆိုရင် တဘက်နဲ့ တဘက် အမြင်လွဲ၊ အထင်လွဲမှုတွေ၊ ခံစားချက်အညှိုးအတေးတွေကို ကြိုတင်လေ့လာ နားလည်ထားခြင်းမရှိပဲ အပြန်အလှန် ရာဇ၀င်နဲ့ ချီပြီး စွပ်စွဲပြောဆိုနေကြတာနဲ့တင် စေ့စပ်ဆွေးနွေးမယ့် အကြောင်းအရာကို မစနိုင်တာတွေ ဖြစ်တတ်ပါတယ်။ ဒါကြောင့် ပဋိပက္ခမှာ ပါဝင်တဲ့ multiple actors တွေအကြားမှာ ဆက်ဆံရေးတည်ဆောက်မှုတွေနဲ့ မီဒီယာနဲ့ ဆက်ဆံရေး၊ လူထုနဲ့ ဆက်ဆံရေး တည်ဆောက်မှုတွေမှာ မဟာဗျူဟာများ၊ ကြိုတင်လေ့လာဆန်းစစ်ချက်များ ချမှတ်ပြီး စနစ်တကျ ဆောင်ရွက်ဖို့ လိုအပ်လှပါတယ်။

(ဆက်လက်ဖော်ပြပါမည်)

ခင်မမမျိုး