အင်္ဂါ, 03 ဇူလိုင် 2012 သတင်း

ပိတ်ဆို့မှု လုံးဝရုပ်သိမ်းစေချင်ရင် လက်တွေ့ဆောင်ရွက်ပြဖို့ ဒေါ်အောင်ဆန်း စုကြည် ပြောကြား

2012-07-03

မြန်မာနိုင်ငံအပေါ် နိုင်ငံတကာက ချမှတ်ထားတဲ့ ပိတ်ဆို့ အရေးယူမှုတွေအားလုံး ဖယ်ရှားနိုင်ရေးအတွက် အခုလို ယာယီ ဆိုင်းငံ့ထားချိန်မှာ သက်ဆိုင်သူတွေက အောင်မြင်အောင် ဆောင်ရွက်ပြသနိုင်ဖို့ လိုတယ်လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။

RFA

၂၀၁၂ ခုနှစ် ဇူလိုင်လ ၃ ရက်က ရန်ကုန်မြို့ NLD ပါတီ ရုံးချုပ်တွင် ပြုလုပ်သည့် ဥရောပ (၅) နိုင်ငံခရီးစဉ် အတွေ့ အကြုံ သတင်းစာ ရှင်းလင်းပွဲ၌ ဒေါ်အောင်ဆန်းစုကြည် က ရှင်းလင်း ပြောကြားနေစဉ်။

ရန်ကုန်မြို့ အန်အယ်ဒီပါတီ ရုံးချုပ်မှာ ဒီကနေ့ ပြုလုပ်တဲ့ ဥရောပ (၅) နိုင်ငံခရီးစဉ် အတွေ့အကြုံ သတင်းစာရှင်းလင်းပွဲမှာ RFA ရဲ့ မေးမြန်းချက်ကို ဒေါ်အောင်ဆန်းစုကြည်က အခုလို ဖြေကြားခဲ့ တာ ဖြစ်ပါတယ်။
ဒါ့အပြင် နိုင်ငံတကာက မိမိတို့ တိုင်းပြည်အပေါ် စေတနာရှိပါကြာင်း၊ အဲဒီစေတနာတွေ အကျိုးရှိလာအောင် မြန်မာနိုင်ငံဘက်က လုပ်ဆောင်ရမှာ ဖြစ်ကြောင်း စသဖြင့်လည်း ဒေါ်အောင်ဆန်းစုကြည် က သတင်းစာ ရှင်းလင်းပွဲမှာ ပြောပါတယ်။
ဆက်လက်ပြီး ရခိုင်ပြည်နယ်က ပဋိပက္ခကို ရေတိုရေရှည် နည်းလမ်း နှစ်မျိုးနှင့် ဖြေရှင်းသွားရလိမ့်မယ်လို့ ဒေါ်အောင်ဆန်းစုကြည်က ပြောပါတယ်။ မတူညီတဲ့ လူမျိုးစုတွေအကြား ပြန်လည် သင့်မြတ်မှု ရရှိရေးအတွက် တရားဥပဒေ စိုးမိုးရေး နည်းလမ်းတွေနဲ့ ဖြေရှင်းသွားရမှာ ဖြစ်တယ်လို့ သူက ပြောဆိုလိုက်ပါတယ်။

"ဒီရခိုင်ကိစ္စနဲ့ ပတ်သက်လို့ ကျွန်မတို့ ခရီးစဉ်မှာလည်း ခဏ ခဏ မေးပါတယ်။ ကျွန်မကတော့ ဒီဟာနှစ်ပိုင်း စဉ်းစားရမယ်ပေါ့နော်။ တစ်ပိုင်းကတော့ ရေရှည်အတွက်ဆိုလို့ရှိရင် ဘာသာ မတူတဲ့၊ ယဉ်ကျေးမှုမတူတဲ့ အစုအဖွဲ့တွေကြားထဲမှာ အဆင်ပြေအောင် လုပ်ဖို့ဆိုတာ အချိန်ယူရတယ်ဆိုတာ ဒါကတော့ အားလုံး သိပြီးသား ကိစ္စပါ။ ဒါပေမဲ့ ရေတိုမှာတော့ ကျွန်မအမြင်မှာတော့ ကျွန်မတို့က ဒီဥပဒေ စိုးမိုရေးကို ရှေ့တန်းတင်တင်နေလို့ ပြောတာ မဟုတ်ပါဘူး။ ဒီလို ကိစ္စတွေကြောင့်မို့လို့ ဥပဒေစိုးမိုးရေးကို ရှေ့တန်းတင်ရမယ်လို့ ကျွန်မတို့ မြင်တာပါ"

အခုလို ရခိုင်ပြည်က ပြဿနာတွေ ဖြေရှင်းဖို့အတွက် ရခိုင်အဖွဲ့ အစည်းတွေနဲ့ လက်တွဲဆောင်ရွက် သွားမယ်လို့လည်း ဒေါ်အောင် ဆန်းစုကြည်က ပြောကြားခဲ့ပါတယ်။
ဒီကနေ့ ရှင်းလင်းပွဲမှာပဲ မြန်မာနိုင်ငံကို "Burma" လို့ အင်္ဂလိပ် ဘာသာစကားနဲ့ ပြောဆို သုံးစွဲတာဟာ လွတ်လပ်စွာ ပြောဆိုခွင့်နဲ့  ဒီမိုကရေစီ ကျင့်စဉ် သဘောအရ သုံးစွဲတာ ဖြစ်တယ်လို့ ဒေါ်အောင် ဆန်းစုကြည်က ပြောလိုက်ပါတယ်။
ဗိုလ်ချုပ်မှူးကြီး စောမောင်လက်ထက် န၀တ ခေတ်က ပြည်သူလူထုရဲ့ သဘောထား ဆန္ဒကို မလေ့လာပဲ Burma လို့ အရင်ကတည်းက သုံးစွဲခဲ့တာကို Myanmar လို့ ပြောင်းခဲ့တာ ဖြစ်တယ်လို့ ပြော ပါတယ်။
ဆန္ဒခံယူပွဲလို မဟုတ်တောင်မှ အနည်းဆုံး ပြည်သူတွေရဲ့ သဘောထားကို လေ့လာပြီး ပြောင်းမှသာ ဒီမိုကရေစီ သဘောထားကို လေးစားရာ ကျလိမ့်မယ်လို့ ဒေါ်အောင်ဆန်းစုကြည်က ပြောပါတယ်။

နိုင်ငံရေးအကျဉ်းသား ၂ဝ လွတ်မြောက်

2012-07-03

မြန်မာအစိုးရက ပြစ်ဒဏ် လွတ်ငြိမ်းခွင့်နဲ့ ဒီကနေ့ လွှတ်ပေးလိုက်တဲ့ မြန်မာနိုင်ငံသား အကျဉ်းသား (၄၆) ဦးထဲမှာ နိုင်ငံရေး အကျဉ်းသား (၂၀) ကျော် ပါဝင်ကြောင်း သိရပါတယ်။

RFA

၂၀၁၂ ခုနှစ် ဇူလိုင်လ ၃ ရက်နေ့က ပြစ်ဒဏ် လွတ်ငြိမ်းခွင့်နှင့် လွှတ်လာသည့် နိုင်ငံရေးအကျဉ်းသားများ

တရားမဝင် ပုံနှိပ်ထုတ်ဝေမှု၊ စာရွက်စာတမ်း ဖြန့်ချိမှုနဲ့ ၁၉၉၈ ခုနှစ်မှာ ထောင်ဒဏ် (၅၉) နှစ်ကျခံရသူ ကိုအေးအောင်က ကလေးမြို့ အကျဉ်းထောင်ကနေ သူ ပြန်လည် လွတ်မြောက်လာပုံကို အခုလို ပြောပါတယ်။

"ကျွန်တော် ၁၄ နှစ်ပြည့်ဖို့ ၂ လပဲ လိုတော့တယ်ခင်ဗျ။ ဇွန်လ ၂၀ ရက်နေ့မှာ ကျွန်တော်ကိုလာပြီးတော့မေးတယ်။ ခင်ဗျား အမှုတွဲတွေ ဘယ်နှစ်ယောက် ရှိသလဲ၊ ခင်ဗျားအမှုတွဲတွေ ဘယ်သူတွေလဲ မေးတဲ့အခါကျတော့၊ ကျွန်တော်က ၆၈ ယောက် ရှိပါတယ်။ ၂၀ လောက်မှတ်မိတာကို ကျွန်တော်ရေးပေးလိုက်တယ်။ အပြင်မှာလည်း ကျွန်တော့် သူငယ်ချင်းတွေက ကျွန်တော့်ကို ဝိုင်းပြီးတော့ တောင်းဆိုနေကြတယ် ဆိုတဲ့သတင်းတွေလည်း ကျွန်တော် ကြားရတဲ့ အခါကျတော့ ကျွန်တော် မကြာခင်မှာ လွှတ်တော့မှာပဲလို့ ကျွန်တော် ခန့်မှန်းလို့ ရပါတယ်။ ကျွန်တော့်ကို လာပြောတာကတော့ မနက်ပိုင်းမှာပေါ့နော်။ ကျွန်တော်ကို လွှတ်ဖို့၊ မနက်ကတည်းက ကျွန်တော်စောင့်နေတယ်။ ဒါပေမဲ့ နောက်ထပ်ဘာမှ မလာဘူး။ မလာတဲ့ အခါကျတော့ ကျွန်တော့်မှာ ထီပေါက်တာလိုလို၊ မပေါက်တာလိုလိုနဲ့ အဲတာ ညွန်ကြားချက် မလာလို့ ဆိုပြီးတော့ ကျွန်တော် စောင့်နေရသေးတယ်ဗျ။ ၁ နာရီ ၂ နာရီလောက်ကို လွှတ်မှာလိုလို၊ မလွှတ်မှာလိုလို ဘယ်သူမှ မေးလို့မရဘူးပေါ့ဗျာ။ နောက်မှ ကျွန်တော်ကို လွှတ်ဝရမ်းတွေ ဘာတွေပေးလိုက်ပြီ"

သံလျင်ရေနံချက်စက်ရုံ ဗုံးခွဲမှုမှာ ပါဝင်တယ်လို့ အစွပ်စွဲခံရတဲ့ NLD ပါတီဝင် ဦးသန်းဇော်ဟာလည်း သရက်အကျဉ်းထောင်ကနေ ဒီကနေ့ ပြန်လည် လွတ်မြောက်လာပါတယ်။
နိုင်ငံရေးအမှုနဲ့ ပြစ်ဒဏ်ကျနေတဲ့ စစ်ကိုင်းတိုင်း အင်းတော်မြို့က ဆရာတော် ဦးဝီရိရ (လူအမည် ဦးခင်ဇော်ဝင်း) လည်း ဒီကနေ့ မန္တလေး အိုးဘိုထောင်ကနေ လွတ်မြောက်ခဲ့ပါတယ်။ ဆရာတော်က သူ အဖမ်းခံရတာနဲ့ ပတ်သက်လို့ RFA ကို မိန့်ကြားတာကတော့-

"နအဖ အခြေခံဥပဒေ ဝေဖန်ချက် လက်ကမ်းစာစောင်၊ စိန်စီသောညရယ်၊ ဆေးရောင်စုံ အငြိမ့်ရယ်၊ ဗိုလ်ချုပ်အောင်ဆန်း ကြိုးပမ်းမှု မှတ်တမ်းခွေရယ်၊ စတားလုံး မှတ်တမ်း ဇာတ်ကားခွေရယ် အားလုံး ၅ ချပ် အဲဒါဖြန့်မိတယ်။ လက်ကမ်းစာရွက်ကတော့ စစ်ကိုင်းမှာ ဖြန့်မိတာ၊ ခွေတွေကတော့ အင်းတော်မြို့ထဲရယ်၊ နောက် ရွာရယ် တော်တော်များများ မြို့နယ်ထဲကို ဖြန့်မိတာ၊ စာရွက်စာတမ်းကိစ္စက ပုံနှိပ်အက်ဥပဒေနဲ့ ၇ နှစ်၊ စီဒီချပ်က ဗီဒီယို အက်ဥပဒေ ၃၂/ခနဲ့ စွဲချက်တင်ပါတယ်။ အားလုံး ၁၀ နှစ်ပါ။ စစ်ကိုင်းခရိုင် တရားရုံးလို့ပြောပါတယ်"

ထောင်ကမထွက်ခင် ပုဒ်မ ၄၀၁ (၁) ကို လက်မှတ်ထိုးခဲ့ရပြီး နောက်ထပ် ပြစ်ဒဏ်ထပ်ပြီး ကျူးလွန်ရင် ကျန်တဲ့နှစ်တွေကို ပေါင်းပြီး ကျခံရမယ်လို့ ထောင်အာဏာပိုင်က ပြောခဲ့တယ်လို့ ဆရာတော်က မိန့်ပါတယ်။ ဆရာတော် အနေနဲ့ ထောင်ထဲမှာနေဖို့ ၃ နှစ်နဲ့ ၉ လ ကျော်လောက် ကျန်နေသေးတယ်လို့ သိရပါတယ်။
မန္တလေး အိုးဘိုထောင်ထဲမှာ နိုင်ငံရေးမှုနဲ့ သံဃာတော် ၁၀ ပါးကျော် ကျန်နေသေးပြီး သူနဲ့အတူ တခြားအကျဉ်းသား ၈ ယောက် လွတ်တဲ့အထဲမှာ နိုင်ငံခြားသား မိန်းကလေးတွေ များတယ်လို့လည်း ဆရာတော်က မိန့်ပါတယ်။
မြစ်ကြီးနားထောင်မှာတော့ နိုင်ငံရေးအကျဉ်းသား သံဃာတော် (၃) ပါး အခုချိန်ထိ ပြန်မလွတ်သေးဘဲ ဝန်ကြီးချုပ်ဟောင်း ဗိုလ်ချုပ်ကြီး ခင်ညွန့်နဲ့ အမှုတွဲဖြစ်တဲ့ သူ့ရဲတူ တော်စပ်သူ ဦးကျော်ကျော်မိုးနဲ့ တရားမဝင်အသင်း ဆက်သွယ်မှုနဲ့ မြစ်ကြီးနားထောင်မှာ အကျဉ်းကျနေသူ ကချင် အမျိုးသားတစ်ဦးတို့ လွတ်မြောက်လာတယ်လို့ မြစ်ကြီးနားမြို့နယ် NLD ပါတီ စည်းအဖွဲ့ဝင် ဦးနေဝင်းက ပြောပါတယ်။

"ကျွန်တော်ကြားလိုက်တာက ၂ ဦးပါတယ်။ ဦးကျော်ကျော်မိုးရယ်၊ နောက် ၁၇ (၁) နဲ့ ဖမ်းတဲ့ ကချင်တိုင်းရင်းသား တစ်ယောက်လို့ အဲဒီလိုပဲ အသံထွက်တယ်ဗျ။ ကိုကျော်ကျော်မိုးက နိုင်ငံရေး အကျဉ်းသားတော့ မဟုတ်ဘူးပေါ့ဗျာ။ ဗိုလ်ချုပ်ခင်ညွန့်ရဲ့တူလေ။ အမှုကတော့ ဗိုလ်ချုပ်ခင်ညွန့် အမှုတွဲပါပဲ။ ကျွန်တော်တို့ နိုင်ငံရေး အကျဉ်းသားထဲက ကျန်သေးတယ်ဗျ။ သံဃာထဲက ဆိုလို့ရှိရင် ဖမ်းထားတာ ဆရာတော် ဦးဉာဏကျန်တယ်၊ နောက် ဦးဂန္ဓသာရ ကျန်တယ်။ နောက် ဦးဓမ္မသာမိ ကျန်တယ်ဗျာ။ သံဃာတော် ၃ ပါး ကျန်သေးတယ်ဗျ။ ဦးဂန္ဓသာရက ရွှေဝါရောင်နဲ့ ဆိုင်တယ်ဗျ။ ကျန်တဲ့ ၂ ပါးကတော့ မဟုတ်ပါဘူး"

အစိုးရက ပြန်လွှတ်ပေးလိုက်တဲ့ နိုင်ငံရေး အကျဉ်းသား (၂၀) ကျော်ဟာ အင်းစိန်၊ ကလေး၊ မြင်းခြံ၊ သရက်၊ ကသာ၊ ဘားအံ၊ ထားဝယ်၊ ကော့သောင်း စတဲ့ အကျဉ်းထောင်တွေက ဖြစ်ကြပါတယ်။ အင်းစိန်ထောင်က (၁၁) ဦး အများဆုံး ဖြစ်ပါတယ်။
အခုလို နိုင်ငံရေး အကျဉ်းသားတွေ ထပ်ပြီး လွှတ်ပေးလိုက်တာနဲ့ ပတ်သက်လို့ A.I ခေါ် အပြည်ပြည် ဆိုင်ရာ လွတ်ငြိမ်း ချမ်းသာခွင့် အဖွဲ့ရဲ့ အာရှ ပစ္စဖိတ် ဒေသဆိုင်ရာ လက်ထောက် ညွှန်ကြားရေးမှူး Donna Guest က ကြိုဆိုလိုက်ပါတယ်။

"နိုင်ငံရေး အကျဉ်းသား ကိုအေးအောင်၊ ကိုသန်းဇော် အပါအ၀င် တခြားနိုင်ငံရေး အကျဉ်းသားတွေပါ လွတ်မြောက် လာတယ်လို့ ကြားသိရတဲ့ အတွက် အေအိုင်အဖွဲ့အနေနဲ့ အထူးပဲ ၀မ်းမြောက် ပါတယ်။ တကယ်တော့ သူတို့ကို အစကတည်းက မတရား ဖမ်းဆီး ထောင်ချခဲ့တာ ဖြစ်ပါတယ်။ မြန်မာနိုင်ငံ အကျဉ်းထောင်တွေမှာ ကျန်ရှိနေသေးတဲ့ ရာနဲ့ချီတဲ့ နိုင်ငံရေး အကျဉ်းသားတွေ အပါအ၀င် တိုင်းရင်းသားဒေသတွေက ဖမ်းဆီးခံထားရတဲ့ နိုင်ငံရေး အကျဉ်းသားတွေကိုလည်း လွှတ်ပေးဖို့ တောင်းဆိုချင်ပါတယ်" လို့ Donna Guest က ပြောခဲ့တာပါ။

NLD ပါတီကတော့ သူတို့ ကောက်ခံရရှိထားတဲ့ စာရင်းအရ အကျဉ်းထောင် အသီးသီးမှာ နိုင်ငံရေးအကျဉ်းသား (၃၃၀) လောက် ကျန်နေသေးတယ်လို့ ဆိုပါတယ်။
ဒီကနေ့ လွတ်လာသူတွေထဲမှာ အဲဒီ မြန်မာနိုင်ငံသား ၄၆ ဦးအပြင် နိုင်ငံခြားသား အကျဉ်းသား (၃၄) ဦးလည်း ပါဝင်ပြီး သူတို့ကိုတော့ ပြည်နှင်ဒဏ် ပေးမယ်လို့ အစိုးရက ပြောပါတယ်။

 တနင်္လာ, 02 ဇူလိုင် 2012

တိုင်းရင်းသားပေါင်းစုံညီလာခံ ကျင်းပဖို့ မြန်မာအစိုးရကြေညာ

By မနန္ဒာချမ်း

မြန်မာနိုင်ငံမှာ တိုင်းရင်းသား လက်နက်ကိုင်အဖွဲတွေနဲ့ ပြေလည်မှုရဖို့ ရည်ရွယ်ပြီး တိုင်းရင်းသားပေါင်းစုံ ပါဝင်တဲ့ ညီလာခံတခု ကျင်းပ ပေးမယ်လို့ အစိုးရတာဝန်ရှိသူတွေဘက်က ပြောနေပေမဲ့လည်း ပဋိပက္ခတွေ ဆက်လက် ဖြစ်ပွားနေတာကြောင့် သံသယဖြစ်စရာတွေလည်း ရှိနေပါတယ်။ အထူးသဖြင့်တော့ ဒုက္ခသည်တွေ ထောင်သောင်းချီပြီး ဆက်လက်ထွက်ပြေး တိမ်းရှောင်နေရဆဲဖြစ်နေတဲ့ မြန်မာနိုင်ငံ မြောက် ပိုင်း ကချင်ပြည်နယ်ထဲမှာ တိုက်ပွဲတွေ ဆက်လက်ဖြစ်ပွားနေတာမို့ မြန်မာအာဏာပိုင်တွေဟာ အပြောနဲ့အလုပ် မညီဘူးလို့ ကချင်လွတ်မြောက်ရေးအဖွဲ့ KIO က တုံ့ပြန်ခဲ့တာပါ။ အပြည့်အစုံကိုတော့ မနန္ဒာချမ်းက စုံစမ်း တင်ပြပေးထားပါတယ်။
နေပြည်တော်မှာ ဇူလိုင်လ ၁ ရက်နေ့က ပြုလုပ်တဲ့ သတင်းစာရှင်းလင်းပွဲအတွင်း အစိုးရရဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ မီးရထားဝန်ကြီး ဦးအောင်မင်းက မြန်မာနိုင်ငံမှာ ထာဝရငြိမ်းချမ်းရေးရဖို့အတွက် အဆင့် သုံးဆင့်ရှိတဲ့ အပစ်အခတ်ရပ်စဲဖို့၊ နိုင်ငံရေးအရ တွေ့ဆုံဆွေးနွေးဖို့နဲ့ ၂၀၁၅ ခုနှစ်မတိုင်ခင် တိုင်းရင်းသားပေါင်းစုံပါဝင်တဲ့ ညီလာခံတခု ကျင်းပဖို့ ဆိုတဲ့ လမ်းပြမြေပုံအတိုင်း အကောင်အထည်ဖော် ဆောင်ရွက်နေတဲ့အကြောင်းကို ပြောဆိုခဲ့ပါတယ်။
ဒီလို ငြိမ်းချမ်းရေးရအောင် ကြိုးပမ်းတဲ့နေရာမှာလည်း ပိုမိုအဆင်ပြေစေဖို့ ဒီလထဲ ရန်ကုန်မှာ ငြိမ်းချမ်းရေး စင်တာတခုကို  ဖွင့်လှစ်သွားမှာ ဖြစ်တယ်လို့လည်း ၀န်ကြီးဦးအောင်မင်းက အခုလို ပြောဆိုခဲ့ပါတယ်။
“Peace Coordinator လုပ်မယ်၊ Coordinte လုပ်မယ်၊ ဘယ်သူနဲ့ လုပ်မလဲ၊ ဒီက တိုင်းရင်းသားအဖွဲ့တွေနဲ့ ဒီက နိုင်ငံတော် အစိုးရနဲ့- ဒီကြားထဲမှာ Peace Center ကနေ Coordinate မယ်။ ကျနော်တို့ အဲဒီ Peace Center ဖွဲ့ပြီးရင်လည်း ---အဲဒီမှာ အချိန်မရွေး ဝင်ထွက်လို့ ရတယ်။ အဲဒီ Peace Center မှာ ဘာပါမလဲဆိုရင် Peace Media Group ဆိုတာလည်းပါမယ်။ အဲဒီ မီဒီယာ ကနေပြီး ငြိမ်းချမ်းရေးနဲ့ပတ်သက်တဲ့သတင်းတွေကို အချိန်နဲ့အမျှ တခါတည်း ထုတ်ပြန်ကြေညာသွားမယ်။ ဂျာနယ် ထုတ်နိုင်အောင်ကြိုးစားမယ်။ နောက်ပြီးတဲ့ အခါမှာ Facebook ထုတ်နိုင်အောင် ကြိုးစားနေတယ်။ ဒီထဲမှာ သတင်းတွေကို ကျနော်တို့ တောက်လျှောက် တင်နေမယ်။ ခင်ဗျားတို့ အချိန်မရွေးဆက်သွယ်လို့ရတယ်ဆိုတာကို တင်ပြပါတယ်။”
အခုလို ၀န်ကြီး ဦးအောင်မင်း က ပြောဆိုခဲ့ပေမဲ့ - တိုင်းရင်းသား ဒေသတွေမှာ အထူးသဖြင့် ကချင်ဒေသ ဘက်မှာ တိုက်ပွဲတွေက ဆက်တိုက် ဖြစ်ပွားနေတာကြောင့် အစိုးရဟာ အပြောနဲ့အလုပ် မညီဘူး ဆိုပြီး KIO ကချင်လွတ်မြောက်ရေးအဖွဲ့က အခုလို တုံ့ပြန်ခဲ့ပါတယ်။
“ဦးအောင်မင်း ပြောတဲ့ကိစ္စကလည်း တွေ့ဆုံဆွေးနွေးမှုမှာ ပြောတဲ့အပိုင်းနဲ့ သတင်းစာရှင်းလင်းပွဲမှာ သူပြောတဲ့ ကိစ္စတွေဟာ နည်းနည်း ကွဲလွဲမှုရှိနေတယ်။ သမ္မတပြောဆိုသွားတဲ့ Road Map အဆင့်သုံးဆင့်ကို ကျနော်တို့ဘက်က၊ တိုင်းရင်းသားဘက်က ဒီအတိုင်းတော့ ဘယ်လိုမှ လက်ခံနိုင်စရာမရှိတဲ့ အကြောင်းကို တွေ့ဆုံမှုတိုင်းမှာလည်း ဒီကိစ္စ ပြောပြီးသားဖြစ်တယ်။ အဲဒီကိစ္စတွေကို ကျနော်တို့ တိုင်းရင်းသားတွေက လက်ခံနိုင်သလား၊ မလက်ခံနိုင်ဘူးလားဆိုတာကို အစိုးရဘက်က သိပ်ပြီး ထည့်သွင်း စဉ်းစားတာမရှိဘဲနဲ့ သူတို့လိုချင်တဲ့ ပုံစံအတိုင်းပဲ သူတို့ သွင်းသွားတဲ့၊ ဆွဲသွားတဲ့ ပုံစံလေးပါ။
၂၀၀၈ ဖွဲ့စည်းပုံအခြေခံဥပဒေထဲက လက်ခံနိုင်တဲ့အကြောင်းအရာ၊ ပေးနိုင်တဲ့အကြောင်းအရာ ရှိရင်တော့ ခွင့်ပြုချက်ပေးမယ်။ ၂၀၀၈ ဖွဲ့စည်းပုံ အခြေခံဥပဒေမှာ မပါတဲ့ အချက်ကိုတော့ ဘယ်လိုမှ မပေးနိုင်ဘူးဆိုတဲ့ ကိစ္စကို သူတို့က ပြောလာကြတယ်။ ဒီကိစ္စတွေဟာ ကျနော်တို့ရဲ့ တင်ပြ ပြောဆိုထားတဲ့ အချက်တွေနဲ့ အများကြီး ပြောဆိုကွဲလွဲမှုရှိနေတယ်လို့ ပြောလို့ ရတယ်ခင်ဗျ။”
လက်ရှိ ကချင်ပြည်နယ်တွင်းမှာ တိုက်ပွဲတွေဟာ တနေ့ကို အနည်းဆုံး ၃ ကြိမ်ဖြစ်ပွားနေပြီး ဇွန်လ တလတည်းမှာတင် တိုက်ပွဲပေါင်း အကြိမ် ၁၀၀ ကျော် ရှိခဲ့တယ်လို့လည်း ဦးလာနန်က ပြောပါတယ်။ အထူးသဖြင့် အခုရက်ပိုင်းအတွင်းမှာ KIA ထိန်းချုပ်တဲ့ တပ်မဟာ ၁ နဲ့ တပ်မဟာ ၅ ဒေသတွေမှာ တိုက်ပွဲတွေ ပြင်းထန်ပြီးတော့ မြန်မာစစ်တပ်ဘက်က ထွက်ပြေးလာတဲ့ စစ်သားတွေလည်း KIA လက်ထဲမှာ ရှိနေတယ်လို့ ဦးလာနန် က အခုလို ဆက်ပြောပြပါတယ်။
“လွန်ခဲ့တဲ့ ၄ ရက်လောက်ကလည်း လိုင်ဇာနဲ့အနီးဆုံးဖြစ်တဲ့ လဂျားယန်တပ်စခန်းဘက်မှာ တိုက်ပွဲက နှစ်ရက် အပြင်းအထန် ဖြစ်ခဲ့တာ ရှိတယ်။ ကျနော်တို့ဘက်ကလည်း ထိခိုက်မှုရှိတယ်ခင်ဗျ။ အစိုးရစစ်တပ်ဘက်မှာ လည်း ထိခိုက်မှုက အတော်များများရှိပါတယ်။ နောက်ပြီးတော့ ထိန်းသိမ်းတာပဲ ပြောပြောပေါ့ဗျာ။ ထွက်ပြေးလာတဲ့ရဲဘော် အယောက် ၃၀ ကျော်ရှိတယ်။ တော်တော်များများဟာ ကလေးစစ်သားတွေ ပါတယ်။ တချို့ဆိုရင် ၁၃ နှစ်၊ ၁၄ နှစ်အရွယ် ကလေးတွေလည်း ပါတယ်ခင်ဗျ။ ဒီကိစ္စကို ဦးအောင်မင်းကိုလည်း ကျနော်တို့ဘက်က ကိုယ်စားလှယ်တွေက အသိပေးပြီးသားဖြစ်တယ်။ ”
အခုလို KIA နဲ့ မြန်မာအစိုးရတပ်တွေအကြား ဖြစ်နေတဲ့တိုက်ပွဲတွေကြောင့် ထွက်ပြေးကြရတဲ့ စစ်ပြေး ဒုက္ခသည် ဦးရေဟာလည်း တနေ့တခြား တိုးလာနေပြီး အခုဆိုရင် ဒုက္ခသည်ဦးရေ တစ်သိန်းနီးပါး ရှိသွားပြီလို့ ဒုက္ခသည်အရေး ဆောင်ရွက်ပေးနေသူတွေကလည်း ပြောဆိုခဲ့ပါတယ်။ KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ တနှစ်ကျော် ကာလအတွင်း အကြိမ်ကြိမ် တွေ့ဆုံခဲ့ပေမဲ့လို့ အခုထိတော့ ပြေလည်မှုရတဲ့အဆင့်မှာ မရှိသေးပါဘူး။
ဒီဇူလိုင်လထဲမှာတော့ နှစ်ဘက်တပ်တွေ နေရာချထားရေးနဲ့ တပ်အင်အားလျှော့ချရေး ကိစ္စတွေကို ဆွေးနွေးဖို့ အတွက် ပထမဆုံးအကြိမ် အနေနဲ့ ဒုကာကွယ်ရေး ဦးစီးချုပ် ဗိုလ်ချုပ်ကြီးစိုးဝင်း ကိုယ်တိုင် လာရောက်မှာဖြစ်ပြီး မီးရထားဝန်ကြီး ဦးအောင်မင်း ဦးဆောင်တဲ့ ကိုယ်စားလှယ်အဖွဲ့နဲ့ KIO တို့ ထပ်မံတွေ့ဆုံကြမှာဖြစ်ပါတယ်။
ဒါပေမဲ့ နေရာသတ်မှတ်ချက် အဆင်မပြေသေးတာကြောင့် ဘယ်နေ့ တွေ့ဖြစ်မယ်ဆိုတာ မဆုံးဖြတ်ရသေးဘူး လို့လည်း ဦးလာနန်က ပြောပြခဲ့ပါတယ်ရှင်။

 တနင်္လာ, 02 ဇူလိုင် 2012

ရခိုင်ပြည်နယ်အကြမ်းဖက်မှု လူ ၃၀ ကို ဖမ်းဆီး

By ဗွီအိုအေ (မြန်မာဌာန)

ရခိုင်ပြည်နယ်မှာ အကြမ်းဖက် အဓိကရုဏ်းတွေကို ပျံ့နှံ့ဖြစ်ပွားစေခဲ့တဲ့ တောင်ကုတ်မြို့ လူ ၁၀ ယောက် သတ်ဖြတ်မှုနဲ့ ဆက်နွယ်နေသူ အယောက် ၃၀ ကို ရဲက ဖမ်းဆီးလိုက်ပါတယ်။ မသင်္ကာသူအယောက် ၃၀ ကို တရားဥပဒေနဲ့ အညီအရေးယူသွားမယ်လို့ အစိုးရထုတ်သတင်းစာတွေထဲမှာ ဖော်ပြထားပါတယ်။
ရမ်းဗြဲမြို့က မသီတာထွေး အသတ်ခံရမှု၊ ရိုးမသစ္စာယာဉ်ပေါ်မှာ ပါလာသူ ၁၀ ယောက် တောင်ကုတ်မြို့မှာ အသတ်ခံရမှုတွေအတွက် စုံစမ်း စစ်ဆေးရေးအဖွဲ့က ဂျွန်လ ၇ ရက်နေ့ကနေ ၂၅ ရက်နေ့အထိ စုံစမ်း စစ်ဆေးမှုတွေ လုပ်ခဲ့တယ်လို့ ဆိုပါတယ်။
စစ်တွေ၊ သံတွဲ၊ တောင်ကုတ်၊ ကျောက်ဖြူ၊ ရမ်းဗြဲ စတဲ့ မြို့တွေမှာ စုံစမ်းစစ်ဆေးခဲ့ပြီးနောက် ခုလို မသင်္ကာသူ အယောက် ၃၀ ကိုဖမ်းဆီးခဲ့တယ်လို့ အစိုးရက ပြောပါတယ်။ မသီတာထွေးကို အဓမ္မပြုကျင့် သတ်ဖြတ်ခဲ့သူ သုံးယောက်ကိုတော့ ကျောက်ဖြူခရိုင်တရားရုံးက သေဒဏ် ချမှတ်ခဲ့ပါတယ်။
ရခိုင်ပြည်နယ်ထဲမှာ ဖြစ်ပွားခဲ့တဲ့ အကြမ်းဖက်မှုတွေကြောင့် လူပေါင်း ၇၈ ယောက်သေဆုံးပြီး ၅ သောင်းလောက် အိုးမဲ့အိမ်မဲ့ ဖြစ်ခဲ့ပါတယ်။

 

 အင်္ဂါ, 03 ဇူလိုင် 2012

မြန်မာ့အရေး ကူညီလိုသူ များပြား

By စုမြတ်မွန်

ဓာတ်ပုံ ASSOCIATED PRESS

မြန်မာနိုင်ငံတိုးတက်ရေးအတွက် စေတနာရှိကြတဲ့ နိုင်ငံတွေ လူမျိုးတွေကမ္ဘာပေါ်မှာ အများကြီး ရှိတယ် ဆိုတာ သူ့ရဲ့ နိုင်ငံခြားခရီးစဉ်တွေမှာ သိခဲ့ရတယ်လို့ အမျိုးသားဒီမိုကရေစီအဖွဲ့ချုပ် NLD ပါတီ ဥက္ကဋ္ဌ ဒေါ်အောင်ဆန်းစုကြည်က ပြောပါတယ်။ သူ့ရဲ့ ခရီးစဉ်တွေနဲ့ ပတ်သက်ပြီး NLD ရုံးချုပ်မှာ ဒီကနေ့ သတင်းစာရှင်းလင်းပွဲလုပ်ခဲ့တာမှာ လွှတ်တော်ထဲမှာ ပွင့်လင်းမှု လိုအပ်တဲ့ကိစ္စ၊ မြန်မာနိုင်ငံကို Myanmar လို့ အင်္ဂလိပ်လို မပြောတဲ့ကိစ္စ၊ ပညာရေးအဆင့်အတန်းမြင့်ဖို့ကိစ္စတွေကို ဒေါ်အောင်ဆန်း စုကြည် က ရှင်းလင်း ဖြေကြားခဲ့ပါတယ်၊ အပြည့်အစုံကို မစုမြတ်မွန်က ဆက်ပြောပါမယ်၊
Switzerland, Norway, Ireland, Britain နဲ့ ပြင်သစ်နိုင်ငံတွေကို ရောက်ခဲ့စဉ်အတွင်းမှာ မြန်မာနိုင်ငံ ကြီးပွား တိုးတက်ရေးအတွက် စေတနာရှိတဲ့သူ၊ မြန်မာ့အရေးကို စိတ်ဝင်စားတဲ့သူတွေ အများကြီး ရှိတာ ကို တွေ့ခဲ့ရတဲ့အတွက် အားတက်စရာဖြစ်တယ်လို့ ဒေါ်အောင်ဆန်းစုကြည်က သတင်းစာ ရှင်းလင်းပွဲ မှာ ပြန်ပြီးတော့ ပြောပြခဲ့ပါတယ်။ ကူညီချင်သူတွေအပြင် အောင်မြင်စေချင်တဲ့ ဆန္ဒ ရှိသူ တွေကို လည်း အံ့သြစရာကောင်းလောက်အောင်ကို သူတွေ့ခဲ့ရပါတယ်တဲ့။
“ကျမတို့နိုင်ငံကို သိနေတဲ့ အနောက်ပိုင်းနိုင်ငံတွေနဲ့ ကျမတို့နိုင်ငံဒေသကသာ မဟုတ်ဘဲ တော်တော် ဝေးတဲ့ အရပ်က ရိုးရိုး အလည်ရောက်နေတဲ့ ဧည့်သည် ပြည်သူ ပြည်သားတွေ၊ တခြားနိုင်ငံသူ နိုင်ငံသားတွေက  မြန်မာနိုင်ငံပေါ်မှာ စေတနာအများကြီး ထားတယ်ဆိုတာ တွေ့ခဲ့ရတယ်။”
ခုလို ဥရောပ ခရီးစဉ်က ပြန်လာပြီးတဲ့နောက် ရန်ကုန်မှာ လုပ်စရာအလုပ်တွေ၊ တွေ့စရာလူတွေ ရှိတဲ့ အပြင်၊ သူ့ရဲ့ မဲဆန္ဒနယ်ဖြစ်တဲ့ ကော့မှုးမြို့နယ်ကိုလည်း သွားဖို့ အချိန်ပေးချင်တာမို့ လွှတ်တော် တက်ဖို့ ခွင့်ယူ ထားရတယ်ဆိုတာကိုလည်း ဒီသတင်းစာရှင်းလင်းပွဲမှာ ဒေါ်အောင်ဆန်းစုကြည်က ရှင်းပြသွားပါတယ်။
လွှတ်တော်မှာ အမျိုးသားဒီမိုကရေစီအဖွဲ့ချုပ်ကိုယ်စားလှယ်တွေက အဆိုတွေ တင်သွင်းဖို့ ပြင်ဆင် ထားတာ ရှိတယ်လို့ အသိပေးခဲ့ပေမဲ့ ဘယ်ကိစ္စတွေနဲ့ ပတ်သက်လဲဆိုတာကတော့ လွှတ်တော်ကို အရင် တင်ပြ သင့်တယ် ထင်တဲ့အတွက်ကြောင့် ပြောမသွားပါဘူး၊ လွှတ်တော်ကနေ ဥပဒေပြဋ္ဌာန်းချက် တွေ ဆုံးဖြတ် အတည်ပြုတဲ့နေရာမှာ ပွင့်လင်းမှုရှိဖို့ အရေးကြီးတယ်ဆိုတာကိုတော့ ခုလို ပြောကြားပါတယ်။
“ဥပမာဆိုလို့ရှိရင်၊ ဥပဒေပြုတဲ့ .. ပြုနေတဲ့ အချိန်အခါမှဆိုလို့ရှိရင် ပိုပြီးတော့ ပွင့်လင်းမြင်သာမှု ရှိဖို့ လိုပါ တယ်၊ ခုဆိုလို့ရှိရင် ဥပဒေပြုပြီးတဲ့အခါကျမှ ဥပဒေကို ထုတ်ပြန်ပြီးတော့မှပဲ အများပြည်သူက လေ့လာပြီးမှ ဒီဥပဒေမှာ ဘာရှိလဲဆိုတာကို သိရတယ်၊ တကယ်ဆို ဥပဒေမပြုခင်ကတည်းက ဒီဟာကို လွှတ်တော်ထဲက ဥပဒေပြုဖို့ ဆွေးနွေးနေတဲ့ အချိန်အခါမှာကတည်းက ပွင့်လင်းမြင်သာမှု လိုပါတယ်။ ဒါမှ ပါဝင်ပတ်သက်မယ့် သူ အားလုံးက ဒီပြဋ္ဌာန်းမယ့် ဥပဒေထဲမှာ ပါတဲ့ အချက် အလက် တွေကို လေ့လာပြီးတော့ လိုရင် လိုသလို ပိုရင် ပိုသလို ပြောဆိုနိုင်တဲ့အခါကျတော့ ဥပဒေ မပြုခင် ကတည်းကကို အကောင်းဆုံး ဖြစ်အောင်လို့ စီစဉ်နိုင်မယ်လို့ ထင်ပါတယ်။ နောက် တခြား ဥပဒေ ပြုချင်တာတို့၊ တခြား မသင့်တော်တဲ့ ဥပဒေတွေကို ဖယ်ရှားတာတို့ ဒါတွေကလည်း လုပ်ရမှာပဲ၊ ဒါပေမဲ့ ဘာပဲလုပ်လုပ် ပွင့်လင်း မြင်သာမှု ရှိမှ ပြည်သူကလည်း ပါဝင်ပတ်သက်နိုင်မယ်လို့ ကျမ ပြောချင်ပါတယ်။”
ကြားဖြတ်ရွေးကောက်ပွဲစည်းရုံးစဉ်က NLD ပါတီက တရားဥပဒေစိုးမိုးရေး၊ အမျိုးသားပြန်လည် သင်ြ့မတ်ရေး၊ ဖွဲ့စည်းအုပ်ချုပ်ပုံ အခြေခံဥပဒေပြင်ဆင်ရေးတွေကို လုပ်သွားမယ်လို့ ကတိပြုထားတဲ့ အတိုင်း အခု တက်မယ့် လွှတ်တော်မှာ တရားဥပဒေစိုးမိုးရေးကို ဦးစားပေးဆောင်ရွက်ဖို့ရှိတယ် လို့ ဒေါ်အောင်ဆန်း စုကြည်က ပြောပါတယ်။ လွှတ်တော်ထဲမှာ ၂၅ ရာခိုင်နှုန်းရှိနေတဲ့ တပ်မတော်သား ကိုယ်စားလှယ်တွေကို ဖယ်ရှားဖို့ NLD က ကြိုးစားမှာ မဟုတ်ဘူးဆိုတာကိုတော့
“ကျမတို့ဟာ ဘယ်သူ့ကို ဖယ်ရှားဖို့ ဆိုတဲ့ စိတ်ဓာတ်နဲ့ ၀င်သွားတာမဟုတ်ဘူး၊ ပူးတွဲဆောင်ရွက်ဖို့၊ ပူးတွဲဆောင်ရွက်မှသာလျှင်၊ ဒီဖွဲ့စည်းပုံအခြေခံဥပဒေကို ပြုပြင်နိုင်မှာ။ ဖွဲ့စည်းပုံအခြေခံဥပဒေကို ပြုပြင်နိုင် ဖို့ဆိုတာ တပ်မတော်သားတွေနဲ့ ပူးတွဲဆောင်ရွက်မှ ရမှာပေါ့”
ဒီကနေ့ NLD ရုံးချုပ်မှာ လုပ်တဲ့ သတင်းစာရှင်းလင်းပွဲမှာ မေးကြ ပြောကြတဲ့ နောက်ကိစ္စ တခု ကတော့ မြန်မာနိုင်ငံကို အင်္ဂလိပ်လို Myanmar လို့ မသုံးဘဲ Burma လို့ သုံးနှုန်းတာနဲ့ ပါတ်သက်လို့ အစိုးရက သတိပေးတဲ့ကိစ္စပါ၊ ဒါနဲ့ ပါတ်သက်လို့ ပြဋ္ဌာန်းချက်တရပ်အနေနဲ့ မရှိတာကို NLD ပြောခွင့်ရသူ ဦးဉာဏ်ဝင်း က ဥပဒေကြောင်းအရ ရှင်းပြပါတယ်၊ ဒေါ်အောင်ဆန်းစုကြည်ကတော့ ဒီမိုကရေစီအရ ကို ခေါ်ချင်သလို ခေါ်နိုင်တယ်ဆိုတာကို တခြားနိုင်ငံတွေနဲ့ ခုလို ဥပမာပေးပါတယ်။
"ဥပမာဆိုလို့ရှိရင် ကျမတို့ အင်္ဂလန်နိုင်ငံလို့ ခေါ်နေတာ၊ တကယ်က သူတို့ရဲ့ တရားဝင်နာမည်က United Kingdom ပေါ့။ ကျမတို့က ဒီလိုပဲ ပြောနေတာပဲ၊ အင်္ဂလန်လို့ပြောတယ်၊ ဗြိတိန်လို့ပြောတယ်၊ ယူကေလို့ အင်မတန်မှ ပြောခဲတယ်။ ဘယ်သူမှလည်း ဒါကို ဘာမှမပြောကြပါ ဘူး။ ကိုယ် သင့်တော် သလို ခေါ် တာပေါ့နော်၊ နောက် ဥပမာ၊ ပြင်သစ်မှဆိုလို့ရှိရင်၊ မြန်မာနိုင်ငံကို သူတို့ ဗြမာနီ လို့ပဲ ပြော တာပဲ၊ ဒါ သူတို့ ပြင်သစ်စကားလေ၊ ကျမတို့က ပြင်သစ်နိုင်ငံကို ပြင်သစ်လို့ ခေါ်တယ်၊ ဘာလို့   လာစပွန့်စ် လို့  မခေါ်လဲ၊ ဒါ ကျမတို့စကားနဲ့ ကျမတို့ ပြင်သစ် လို့ ခေါ်တယ်၊ ပြင်သစ်က လည်း လာပြီးတော့ ငါတို့နိုင်ငံကို လာစပွန့်စ် လို့ပဲ ခေါ်ရမယ်လို့ တခါမှ လာမပြောဘူးနော်.. အဲတော့ ဒီဟာတွေဟာ ဒီမိုကရေစီရဲ့ အခြေခံ သဘောတရားတွေနဲ့ ဆိုင်တယ်လို့ ကျမထင်တယ်။ နံပါတ် တစ် က နိုင်ငံတနိုင်ငံရဲ့ နာမည်နဲ့ ပတ်သက်လို့ တရားဝင်နာမည်ပဲ ဖြစ်ဖြစ်၊ ကုလသမဂ္ဂမှာ သုံးဖို့ဆိုပြီးတော့ ပေးလိုက်တဲ့ နာမည်ပဲ ဖြစ်ဖြစ်၊ ကုလသမဂ္ဂမှာ သုံးဖို့ တရားဝင်နာမည်ဆိုတာ ဖွဲ့စည်းအုပ်ချုပ်ပုံ ဥပဒေ နဲ့ မဆိုင်ဘူးနော်၊ ဒါက သပ်သပ်။ ဒါဟာ ပြည်သူ ပြည်သားတွေ ရဲ့ သဘောထားကိုတော့ လေ့လာပြီးမှ လုပ်သင့်တယ် ဆိုကလည်း ဒါ ဒီမိုကရေစီ အမြင်ပဲ။ ပြည်သူ တွေကို လေးစားတဲ့ အနေနဲ့။ နောက်တခု ကလည်း လွတ်လွတ် လပ်လပ် ပြောဆိုပိုင်ခွင့်၊ လွတ်လွတ်လပ်လပ် ကိုယ့် စိတ်ထဲမှာ ရှိတဲ့အတိုင်း ပြောဆိုပိုင်ခွင့် ဆိုတာဟာ ဒါ ဘယ်သူ့ကိုမှလည်း စော်ကားတာ မဟုတ်ဘူး၊ အဲဒါဟာလည်း ဒီမိုကရေစီ ရဲ့ သဘောတရား၊ ဒီမိုကရေစီရဲ့ မူဝါဒတွေနဲ့ ဆိုင်တယ်၊ အဲဒါကြောင့်မို့လို့ ကျမအနေနဲ့တော့ ဒီမိုကရေစီ ကို ယုံကြည်လို့ ကျမဘာသာကျမ ကျမ သုံးချင်သလို သုံးလို့ ရတယ်လို့ ကျမ ယူဆတယ်”
ဒေါ်အောင်ဆန်းစုကြည်ရဲ့ ဥရောပခရီးစဉ်ဆိုင်ရာ သတင်းစာရှင်းလင်းပွဲလုပ်တဲ့ ဒီကနေ့မှာပဲ အစိုးရက အကျဉ်းသား ၄၆ ယောက်ကို လွတ်ငြိမ်းချမ်းသာခွင့်နဲ့ ပြန်လွှတ်ပေးခဲ့ပါတယ်၊ အဲဒီ အထဲမှာ နိုင်ငံရေး အကျဉ်းသားတချို့ ပါဝင်ပေမဲ့ ဒေါ်အောင်ဆန်းစုကြည်ကတော့ NLD ရဲ့ စာရင်းထဲမှာ ရှိတဲ့ နိုင်ငံရေး အကျဉ်းသား ၃၃၀ လုံးကို ပြန်လွှတ်ပေးဖို့ တောင်းဆိုသွားပါတယ်ရှင်။