သရော်စာကဏ္ဍ

ဆက်သွယ်ရေးမှ လူကြီးမင်းများ ခင်ဗျား

မာဂျေ
အတွဲ ၂၈ ၊ အမှတ် ၅၄၅ ( ၂၅ ၊၁၁ - ၁ ၊၁၂ ၊ ၂၀၁၁)

ဆက်သွယ်ရေးမှ တာဝန်ရှိလူကြီးမင်းများခင်ဗျား၊ နိုင်ငံအတွင်း တစ်ခုတည်းသော ဆက်သွယ်ရေးဌာနဖြစ်သည့် လူကြီးမင်းတို့၏ ၀န်ဆောင်မှုလုပ်ငန်းများကို ကြိုက်သည်ဖြစ်စေ၊ မကြိုက်သည်ဖြစ်စေ၊ မြန်မာနိုင်ငံအတွင်း မှီတင်းနေထိုင်သူအပေါင်း သုံးစွဲနေရ သည်မှာ ငြင်းမရသောအချက် ဖြစ်ပါသည်။
ယခုအခါ တယ်လီဖုန်းများ ပေါလာသည်နှင့်အမျှ ခေါ်ဆိုရခက်ခဲမှုများ ကြုံတွေ့လာရပါသည်။
သူငယ်ချင်း တစ်ဦးကမူ ယခုအယူအဆမှာ မှားကြောင်း၊ ဖုန်းများ ရှားပါးပစ္စည်းဘ၀ကလည်း ဆက်သွယ်ရခက်ကြောင်း ပြောပါ သည်။
ထိုကိစ္စမှာ ယခုတင်ပြမည့်အထဲ မပါသဖြင့် နောင်မှ ဆွေးနွေးပါတော့မည်။
ယခု ကျွန်တော်တင်ပြလိုသည်မှာ တယ်လီဖုန်းဆက်သွယ်မှုခေါ်ဆိုခ နှုန်းထားများ လျှော့ချပေးရန် ဖြစ်ပါသည်။
လူကြီးမင်းတို့ဌာနမှ နိုင်ငံတကာနှင့်ယှဉ်လျှင် မြန်မာနိုင်ငံသည် ဖုန်းခေါ် ဆိုမှုနှုန်းထား သက်သာသည်ဟု ပြောဆိုထားသည်ကို ဂျာနယ်တစ်စောင်တွင် ဖတ်လိုက်ရပါသည်။
သို့သော် ကျွန်တော်တို့၏၀င်ငွေများမှာလည်း နိုင်ငံခြားကို မမီပါဟု ပထမအချက်အနေဖြင့် တင်ပြလိုပါသည်။
ထိုထက် အရေးကြီးသောအချက်မှာ တယ်လီဖုန်းခေါ်ဆိုခများကို လေးပုံ တစ်ပုံခန့်အထိ လျှော့ချပေးစေလိုပါသည်။
အဘယ်ကြောင့် ယခုကဲ့သို့ အရေးဆို တင်ပြရသည်ကို ရှင်းလင်းလိုပါသည်။
ကိစ္စတစ်ခုကြောင့် လက်ကိုင်ဖုန်းကို အသုံးပြု ဆက်ပါက ပထမခေါ်ဆိုမှုတွင် ကျွန်တော်၏အသံကို တစ်ဖက်မှကြားရ ပါသည်။
သို့သော် တစ်ဖက်မှအသံကို ကျွန်တော်မကြားရပါ။
ထို့ကြောင့် ဖုန်းကိုဒုတိယအကြိမ် ပြန်ခေါ်ရပါသည်။
ယခုတစ်ကြိမ်တွင်မူ တစ်ဖက်မှအသံကို ကျွန်တော်ကြားရပါသည်။
သို့သော် ကျွန်တော်၏အသံကို တစ်ဖက်မှ မကြားရပါ။
သို့နှင့် တတိယမ္ပိ ကြိုးစား ကြည့်သောအခါ ဟိုဘက် ဒီဘက်အသံ ကောင်းစွာကြားပြီး ပြောဆိုနိုင်ပါသည်။
သို့သော် ပြော၍မှ လိုရင်းမရောက်မီ တီ တီ တီ တီ ဟု အော်မြည်သံပေးကာ ဖုန်း ပြုတ်ကျသွားပါသည်။
တစ်ခါတစ်ရံ မည်သည့်အသံမှ မမြည်ဘဲ အသံပျောက် သွားတတ်ပါသည်။
တစ်ခါတစ်ရံ ပြောရင်း အသံတဖြည်းဖြည်း တိမ်ဝင်သွားတတ်ပါသည်။
ထို့ကြောင့် အဆိုပါ ပြောလက်စကိစ္စတစ်ခု ပြီးမြောက်ရန်အတွက် စတုတ္ထအကြိမ် ထပ်မံခေါ်ရပါသည်။
အနည်းဆုံး လေးခါခေါ်မှ အလုပ်ကိစ္စ တစ်ခု ပြီးမြောက်သည့်သဘော ဖြစ်နေပါသည်။
ထို့ကြောင့် တယ်လီဖုန်းခေါ်ဆိုမှု နှုန်းထားများကို လေးပုံတစ်ပုံ လျှော့ချ ပေးသင့်ကြောင်း တင်ပြလိုပါသည်။
ဒုတိယတင်ပြလိုသည်မှာ လူကြီးမင်း တို့ဌာနမှပင် ၀န်ဆောင်မှုပေးနေသော အင်တာနက်ကိစ္စဖြစ်ပါသည်။
အင်တာနက်ကို ယခင်ခေတ်က လျှပ်စစ်မီး အလှည့်ကျပေးနေသကဲ့သို့ ဆာဗာများ အလိုက် အလှည့်ကျပေးနေသည်ထင်ကြောင်း မိတ်ဆွေတစ်ဦးက ပြောပါသည်။
ထိုအချက်မှာ မဖြစ်နိုင်သော်လည်း ယခုအခါ ကျွန်တော်ပင်လျှင် ယုံချင်သလိုလို ဖြစ်လာပါသည်။
အဘယ်ကြောင့်ဆိုသော် အလုံတွင်နေသော ကျွန်တော်သည် ညဘက် အင်တာနက်သုံးရန်အတွက် ကွန်ပျူတာကိုဖွင့်ပြီး အနည်းဆုံး ၁၀ မိနစ်ခန့် စောင့်ရပါသည်။
DSL မီး မှိတ်တုတ်မှိတ်တုတ် အခြေအနေမှ ဘ၀ကူးပြီး တစ်သမတ်တည်း ငြိမ်သွားအောင် ဘုရားစာများ ရွတ်ဆိုပြီး အင်တာနက် ဆက်သွယ်မှုသေတ္တာ မိုဒန်းကို မေတ္တာပို့ရပါသေးသည်။
၁၀ မိနစ်ခန့်အကြာတွင် မီး အစိမ်း ငြိမ်သွားသည်နှင့် ဖွင့်လိုသော ၀က်ဘ်ဆိုက်ကို အမြန်ဖွင့်ရပါသည်။
သို့သော် မိမိကြည့်လိုသောဝက်ဘ်ဆိုက် မပွင့်မီမှာပင် DSL မီးသည် နဂိုဘ၀ ပြန်ပြောင်းကာ မှိတ်တုတ်မှိတ်တုတ်ဖြင့် ဆက်သွယ်မှု ပြန်လည်ပြတ်တောက် သွားပါသည်။
ခုတစ်မျိုး တော်ကြာ တစ်မျိုး၊ ခု စာကလေး၊ ခုဆီထမင်းကြော် ဆိုသည့်စကားများမှာ အင်တာနက်ကို ရည်ညွှန်းပြောဆိုထားသည် လားဟု စဉ်းစားစရာပင် ဖြစ်ပါတော့သည်။
အင်တာနက်သုံးစွဲရရန်မှာ ပါဝါမီး လင်းရမည်။ DSL မီးလည်းလင်းပြီး ငြိမ်နေရမည်။ ETH/ACT မီးစိမ်းလေးက တဖျတ်ဖျတ် လှုပ်နေရမည်ဟု သိထားသော်လည်း ယခုအခါ ငြိမ်ရမည့် DSL မီးက မှိတ်တုတ်မှိတ်တုတ်ဖြစ်ပြီး မှိတ်တုတ် မှိတ်တုတ် ဖြစ်ရမည့် EHT/ACT မီးက ငြိမ်နေသဖြင့် ဟိုဟာပြုရမယ့်ဟာက ဟိုဟာမပြုဘဲ ဟိုဟာမပြုရမယ့်ဟာ ပြုနေတယ်ဟု ပြောရမလို ဖြစ်နေပါသည်။
တစ်ခါတစ်ရံ မီးသုံးလုံးစလုံးက ထေရ်ကြီးဝါကြီးများသဖွယ် ဣနြေ္ဒသိက္ခာအပြည့်ဖြင့် လင်းပြီး ခဏငြိမ်နေပါကလည်း သုံးမရပြန် တော့ပါ။
ထို့ ကြောင့် ဆင်ခြေဆင်လက်ပေးရန်ဟု ရမ်းသန်း ဘာသာပြန်လိုက်သော ကွန်ပလိန့်ဌာနသို့ ဖုန်းဆက်ရပြန်ပါသည်။
အဆိုပါဖုန်းမှာလည်း သုံးလေးကြိမ်ခေါ်မှ လိုရင်းရောက်ပြီး တစ်ဖက်မှ အခြေအနေကို မေးပါသည်။
ထို့နောက် ယင်းတို့ညွှန်ကြားသည့် အင်တာနက် အ၀င်ကြိုးကို စစ်ဆေးခြင်း၊ ညွှန်ကြားသည့်ပင်နံပါတ်များရိုက်ထည့်ခြင်းများ လုပ်ရ ပါသည်။
ညွှန်ကြားချက်အတိုင်း ဆောင်ရွက်သော်လည်း မထူးသော် (ညွှန်ကြားချက်အတိုင်း လုပ်သဖြင့် တစ်ခါမှလည်း ပြန်ကောင်းလာခြင်းမျိုး မရှိဖူးပါ) ကွန်ပလိန့်နံပါတ်ဟုဆိုကာ နံပါတ်တစ်ခုမှတ်ခိုင်းပြီး နောက်နေ့ ရုံးချိန်တွင် ဆက်သွယ်ရန်ဖုန်းနံပါတ် တစ်ခု ပေးပါသည်။
နောက်နေ့ရုံးချိန်တွင် မဆက်သွယ်မီ အင်တာနက်ဖွင့် ကြည့်သောအခါ သူမဟုတ်သလိုဖြင့် ကောင်းနေသောကြောင့် အဆိုပါဌာနသို့ မဆက်သွယ်ဖြစ်တော့ပါ။
သို့သော် နောက်တစ်နေ့တွင် ယခင်အတိုင်း ရောဂါပြန်ဖောက်လာသဖြင့် ကွန်ပလိန့် လုပ်ရပြန်ပါသည်။
နောက်ဆုံးတွင် ကွန်ပလိန့်နံပါတ်များ တစ်ပြုံကြီးဖြင့်သာ ကျွန်တော့မှာ သုံးရလိုက် သုံးမရလိုက်ဖြင့် လုံးလည်လိုက်နေပါတော့သည်။
ထို့ထက်ပိုဆိုးသည်မှာ အီလက်ထရွန်း နစ်စာတိုက်ပုံးဟုခေါ်သော အီးမေးလ် ကို အင်တာနက်ဆိုင်တွင် ဖွင့်သုံးနေစဉ် ကွန်နက်ရှင် ကျသွားခြင်းဖြစ်ပါသည်။
မိမိ၏စာတိုက်ပုံးမှာ ပြန်မပိတ်ရသေးသဖြင့် မိမိ၏ ကိုယ်ရေးကိုယ်တာ လျှို့ဝှက်ချက်များ မပေါက်ကြားစေရန် အလို့ငှာ အဆိုပါ ဆိုင်တွင် သုံးလက်စ ကွန်ပျူတာရှေ့၌ မေတ္တာကမ္မဋ္ဌာန်း စီးဖြန်းပြီး စောင့်ဆိုင်းရသည့်ဒုက္ခမှာ မသေးလှပါခင်ဗျား။
တစ်ခါကလည်း အင်တာနက်ဆိုင်တစ်ဆိုင်တွင် အသုံးပြုနေစဉ် မနေ့က ချိန်းတဲ့အချိန်လာပါတယ်၊ အင်တာနက် လိုင်းကျနေလို့ပါ၊ ဘယ်မှအလေလိုက် နေတာမဟုတ်ပါဘူး၊ ဘုရားစူး၊ မိုးကြိုး ပွတ်ရစေရဲ့ဟု လူငယ်တစ်ဦး ငိုသံပါကြီးဖြင့် ထုချေလွှာတင်သွင်း နေသည်ကို သနားစဖွယ် ကြားလိုက်ရပါသေးသည်။
ဗုဒ္ဓဘုရားရှင်သည် အိမ်ရှေ့စံဘ၀တွင် သူအို၊ သူနာ၊ သူသေတည်းဟူသော နိမိတ်ကြီးများကိုမြင်ပြီး အနိစ္စမမြဲပါလားဟု သံဝေဂရ တောထွက်ခဲ့သည်ဟု သိရပါသည်။
အကယ်၍သာ ထိုခေတ်တွင် အင်တာနက်သာရှိခဲ့ပါက ကွန်နက်ရှင် တက်လိုက်ကျလိုက်ကိုကြည့်ပြီး ကွန်နက်ရှင်မမြဲပါလားဟု တစ်ထိုင်တည်း အနိစ္စ မတည်မြဲခြင်းသဘောကို သိသွားနိုင်မည်ဟု ထင်မိပါသည်။
လွန်ခဲ့သော ဆယ်နှစ်မှစ၍ အင်တာနက်သုံးစွဲခဲ့သော ကျွန်တော်သည် မိမိ၏ အသက်အပိုင်းအခြားကို အင်တာနက်မှ အကြိမ်ကြိမ် ခိုးယူသည့်ဘေးနှင့် ကြုံတွေ့နေရပါသည်။
ထို့ကြောင့် မိမိ အလုပ်ပြီးမြောက်စေရန် အင်တာနက်ရှေ့တွင် သုံးရမည့် အချိန်လျှော့ချနိုင်ရေးအတွက် အင်တာနက်မြန်နှုန်းများ မြှင့်မပေးနိုင်လျှင်သော်မှ အသုံးပြုနေစဉ် ကွန်နက်ရှင်ပြတ်တောက်မသွားစေရေး ကူညီပေးပါရန် မေတ္တာရပ်ခံအပ်ပါသည် ခင်ဗျား။
ကျွန်တော်၏တင်ပြချက်များနှင့် ပတ်သက်၍ အရေးယူဆောင်ရွက်ပေးမည်ဆိုပါက လူကြီးမင်းတို့အပေါ် ကျွန်တော် သာမက တစ်ပြည်လုံးရှိ အင်တာနက် သုံးစွဲသူများ၊ တယ်လီဖုန်းသုံးစွဲသူများက အထူးကျေးဇူးတင်ရှိမည်မှာ အမှန်ပင် ဖြစ်ကြောင်း ဖြည့်စွက်ဖော်ပြအပ်ပါသည်။
(စာကြွင်း၊ ကျေးဇူးတင်ပါတယ်ဆိုသောစကားမှာ ဈေးအလွန်ပေါသော၊ ကုန်ကျစရိတ် အသက်သာဆုံးသော စကားဖြစ်သည်ဟု အစိုးရအရာရှိတစ်ဦးက ကျွန်တော့အား အငေါ်တူးပြီး ပြောဖူးသော်လည်း ကျွန်တော်တို့အနေဖြင့် ထိုစကားမှလွဲပြီး တခြားပြောစရာ စကား မရှိ သေးသဖြင့် သည်းခံပေးပါခင်ဗျား)။



ဏ္ဍ

အရောင်ချွတ်ဆေး

မာဂျေ
အတွဲ ၂၈ ၊ အမှတ် ၅၄၄ ( ၁၈ - ၂၄ ၊ ၁၁ ၊ ၂၀၁၁)

"ဗျို့..အစ်ကိုကြီး ပုံးကြီးတွေရှေ့ချပြီး ဘာလုပ်နေတာလဲ" ဆိုသံနဲ့အတူ ရောက် လာသူကတော့ တပည့်ကျော် မောင်ဆိတ်သိုး ပေါ့ခင်ဗျာ။ "ရှူး တိုးတိုး၊ ဘယ်သူမှစိတ်မ၀င်စား ပေမယ့် အရောင်းသွက်နေတဲ့ပစ္စည်း တစ်ခုရောင်းမလို့ လုပ်နေတာ" "အလို ပုံးထဲမှာလည်း အဖြူရောင် အရည်တွေပါလား။ ဘာလဲ မူးယစ်ဆေးတွေ အရည်ဖျော်၊ ပုလင်းသွတ်ပြီး ရောင်းမလို့လား"
"မင်းပြောမှ ငါလည်း ထောင်ထဲ ရောက်မယ့်ကိန်းဆိုက်နေပြီ။ ဒါမူးယစ် ဆေး မဟုတ်ဘူး၊ အရောင်ချွတ်ဆေးတွေ ကွ" "ဘယ်သူတွေရဲ့အင်္ကျီတွေမှာ ဘာ တွေစွန်းနေလို့ ဒီအရောင်ချွတ်ဆေး တွေ ရောင်းဖို့ ကြံရတာလဲ၊ ရှင်းရှင်းပြော စမ်းပါဗျ"
"မင်းကလည်း အခု တို့နိုင်ငံမှာ နိုင်ငံ ရေးစနစ်က စပြောင်းတော့ စီးပွားရေး စနစ်တွေ၊ ကျန်တဲ့အုပ်ချုပ်ရေး၊ တရား စီရင်ရေး၊ ဥပဒေပြုရေးစနစ်တွေပါ အကုန်ပြောင်းကုန်ပြီလေ။ အဲဒီစနစ် တွေနဲ့ လိုက်ဖက်ညီအောင် အရောင် ပြောင်းချင်သူတွေအတွက် ချွတ်ဆေး ရောင်းမလို့"
"အော် အရင်တုန်းက တခြားအရောင် စွဲနေတဲ့သူတွေက အခု အရောင်ပြောင်း ကြမလို့လား"
"ဟာဟာဟ၊ မင်းတော်တော် သဘော ပေါက်လွယ်သားပဲ။ အေး အဲဒီလူတွေက အခုဆိုရင် တရားဝင် အရောင်ပြောင်းပွဲ တွေ ဘာတွေလုပ်ဖို့ စီစဉ်နေကြတယ်။ ဒါကြောင့် ငါ သူတို့အတွက် အရောင် ချွတ်ဆေးရောင်းပြီး အပွကြံမလို့၊ ပြီးရင် ဆိုးဆေး ထပ် ရောင်းရဦးမယ်" "ခင်ဗျားကတော့ဗျာ၊ ငွေရှာတဲ့နေရာမှာ အတော် ခေတ်ရှေ့ပြေးတာပဲ။ လက်ဝှေ့ပွဲသွင်းတာလေးပဲ ခွက်ခွက် လန်အောင် ရှုံးတာ"
"အဲဒါကြီး ထည့်မပြောစမ်းပါနဲ့ကွာ။ စိတ်နာလွန်းလို့၊ လက်ဝှေ့ထိုးမယ့် နိုင်ငံ ခြားသားတွေက မန္တလေးရောက်နေပြီ။ ခွင့်ပြုမိန့်က မကျသေးဘူး။ တော်သေး တာပေါ့၊ အပေါင်းအသင်းတွေကောင်း လို့ အချိန်မီသွားတာ" "အဲဒါ သမ္မာဒေ၀ နတ်မြတ် နတ် ကောင်း တွေက ခင်ဗျား လက်ဝှေ့ပွဲသွင်း ဖြစ်ရင် ရှုံးမှာစိုးလို့ တားတာ။ ခင်ဗျားကိုယ် တိုင်က ခေါင်းပေါ်မှာ ဓားစက်လည်ပြီး လှီးမှာကို ပန်းကုံးကြီးထင်နေတော့ သေပေါ့"
"အလဲ့၊ မင်းကပါ ငါ့ကို အားပေးနေပြန် ပြီ။ လက်ဝှေ့ပွဲကိစ္စပြောမယ်ဆိုရင် တော့ နောက်မှလာ။ အခုတောင် အဖွဲ့ တစ်ခုက အော်ဒါ မှာထားလို့ ဒီချွတ်ဆေး တွေနဲ့ ဆိုးဆေးတွေ သွားပို့ရဦးမယ်။ သူတို့တစ်ဖွဲ့လုံး ခေတ်နဲ့အညီ အရောင် ပြောင်းချင်လို့တဲ့" "အော် လူတွေ လူတွေ၊ ဟိုခေတ်ဆို လည်း ဟိုအရောင်နဲ့လုပ်စားလိုက်၊ ဒီ ခေတ်ဆိုလည်း ဒီအရောင်နဲ့လုပ်စား လိုက် အဆင်ကိုပြေလို့"
"အဲဒါ လူနပ်ချမ်းသာလို့ ခေါ်သကွ။လောကမှာ ဘာအရောင်စွဲနေနေ ချွတ် ဖို့ ပိုက်ဆံရှိရင် ဘာအရောင်မဆို ချွတ်လို့ ရတယ်။ လိုချင်တဲ့အရောင်လည်း ပြန်ဆိုး လို့ရတယ်။ ဒီခေတ်မှာ ခေတ်စားတဲ့ အရောင်ကို ခုမှကောက်ဆိုးလိုက်တော့ အရင်ကတည်းက ဒီအရောင်နဲ့ ရှိနေသူ တွေထက်တောင် တောက်ပြောင်နေ သေးတယ်" "ပုတ်သင်ညိုတွေ များလာတယ် ဆိုတဲ့သဘောလား"
"ဒါတော့မသိဘူးငါ့လူ၊ တောက်တဲ့က တော့ ရောင်းစားလို့ရတယ် ကြားတယ်။ သူတို့က အရောင်ပြောင်းပြီး စီးပွားရှာ မယ်။ ငါက သူတို့ အရောင်ပြောင်းလို့ရ အောင် မူလအရောင်ချွတ်ပေးပြီး စီးပွားရှာတယ်။ တူတာကတော့ နှစ်ဦးစလုံး ငွေရအောင်ရှာတာပဲ။ တကယ်လို့ တခြားအရောင်တစ်ခုခု ခေတ်စားလာ ရင်လည်း ဒီလူတွေက အဲဒီအရောင် လိုက်ဆိုးဦးမှာပဲ"
"ဟုတ်တယ်ဗျ။ တစ်ချိန်တုန်းက ဒီမိုကရေစီဆိုတဲ့စကား ကြားတောင် မကြားချင်ပါဘူးဆိုတဲ့သူတွေက ဒီမို ကရေစီနဲ့ပတ်သက်တဲ့ စာအုပ်တွေ ဘာတွေ ထုတ်ပြီး ပွနေလိုက်ကြတာ" "အဲဒါပြောတာပေါ့။ အဲဒီလူတွေကို အတုယူတတ်ရမယ်။ အခု ခေတ်စား လာတဲ့ စကားလုံးတွေကို ပြောတတ်ရ မယ်။ အဓိကကတော့ကွာ၊ ဘာပဲ ပြောပြော ထမင်း၀၀စားရဖို့လိုတယ် တပည့်ကြီးရ။ အဲဒီလူတွေကို အရင် အစိုးရကလည်း ကြိုက်တာပဲ။ အခု ဒီမို ကရေစီခေတ်မှာလည်း သူတို့လောက် ဒီမိုကရေစီမြတ်နိုးတဲ့သူမရှိဘူး။ အဲလိုနဲ့ နေရာ တွေကရပြန်ရော။ အဲဒီလူတွေရဲ့ အင်တာနက်စာမျက်နှာတွေ ၀င်ကြည့်ရင် ဒီဘက်ခေတ်နာမည်ကြီးတွေနဲ့ တွဲရိုက်ထားတဲ့ပုံတွေ တင်ထားလိုက်တာ ..ဟာဟာဟ" "သူတို့က ပုတ်သင်ညိုတောင် ငိုရ လောက်အောင် အရောင် ချက်ချင်း ပြောင်းနေတာကိုးဗျ"
"အဲဒါကိုက ပညာပေါ့ကွာ။ စာရေး တာတောင် အခု လူကြိုက်များတဲ့ အရောင်လေး ရေးလိုက်ရင် မင်း တစ်သက်စာ လာထားစမ်းပဲ။ ဘယ်သူနဲ့ အင်တာဗျူးတို့၊ ဘယ်သူ့ဘ၀ဇာတ် ကြောင်းတို့ဆိုပြီး အဲဒါမျိုးရေးပါလား၊ ပြီး ရင် မျက်နှာဖုံးမှာ ကိုယ့်ရဲ့ရုပ်ဆိုးကြီးကို လည်း မရှက်မကြောက်တင်ပေါ့ကွာ" "ဒါကတော့ မရတော့ဘူး။ ကိုယ့်ထက် လည်တဲ့သူတွေ၊ အထူးသဖြင့် ချက်ချင်း အရောင်ချွတ် ဆေးနဲ့ အရောင်ပြောင်း ထားသူတွေ လုပ်စားသွားကြပြီ" "အချိန်မီပါသေးတယ်ကွ၊ ခုမှ ပွဲက မလို့ ပတ်မကြီးထုနေတုန်းရှိပါသေး တယ်။ မင်းကြိုက်တဲ့အရောင် လေ့လာ ပြီးရင် အရောင်ချွတ်ဆေးရော၊ ဆိုးဆေး ရော ငါ့ဆီမှာ အလကားလာယူလို့ ရတယ်"
"တော်ပါပြီဗျာ၊ တစ်နေ့ ထမင်း နှစ်နှပ် ပဲ စားနေရတာ။ သေလဲ ဘာမှပါသွားမှာ မဟုတ်ဘူး။ ခုမှ အရောင်ချွတ်လည်း မမီတော့ပါဘူး။ အနိစ္စ အမြဲမရှိ" ဆိုပြီး ပြန်သွားလေရဲ့။ အလွန်တက်ကြွတဲ့ မောင်ဆိတ်သိုး တစ်ယောက် ဒီတစ်ပွဲမှာ သူများတွေလို လက်သွက်ခြေသွက် အရောင်မပြောင်း လိုက်ရတာကို ၀မ်းနည်းနေပုံရတယ်..ဟာဟာဟ။