အဆိုပါ သတင်းစာရှင်းလင်းပွဲ အပြီး ၃နာရီခန့်အကြာမှာတော့ ကချင်ပြည်နယ်အတွင်း စည်းရုံးရေးခရီးစဉ်များ ဖြစ်တဲ့ မိုးကောင်း၊ ဗန်းမော်၊ မြစ်ကြီးနား ခရီးစဉ်များအား လွတ်လပ်စွာ သွားရောက် မဲဆွယ်ခွင့်ပြုခဲ့ကြောင်း မြစ်ကြီးနားအဖွဲ့ချုပ်မှ အကြောင်းကြားလာခဲ့တယ်လို့ အဖွဲ့ချုပ်မှ ရွေးကောက်ပွဲ အောင်နိုင်ရေး မာန်နေဂျာ ဦးဥာဏ်ဝင်းမှ ပြောဆိုပါတယ်..။
ကော့မှူးစည်းရုံးရေးခရီးစဉ်အတွင် ကြည်စုရွာမှ တိုင်းရင်းသား ကရင်လူမျိုးများရဲ့ ကြိုဆိုနေတဲ့ မြင်ကွင်း
(Getty Images)
အန်ကယ်တို့
သတင်းစာရှင်းလင်းပွဲလုပ်ပြီး ၃နာရီလောက်အကြာ ညနေ၃နာရီခွဲလောက်မှာ
မြစ်ကြီးနားအဖွဲ့ချုပ်က ဖုန်းဆက်လာတယ်လေ.. မြစ်ကြီးနားရွေးကောက်ပွဲ
ကော်မရှင်က လွတ်လပ်စွာ စည်းရုံးမဲဆွယ်ခွင့် ပြုတယ်ပေါ့ နောက်လိုအပ်တဲ့
အကူအညီတွေ ပံ့ပိုးပေးမယ်လို့ ဆက်သွယ် ပြောဆိုလာတယ်လေ။ နောက်မိုးကောင်း၊
ဗန်းမော် ခရီးစဉ်တွေလည်း အကုန်ခွင့်ပြုလိုက်ပြီလေ.. မိုးလေဝသ အခြေအနေ
ချက်ခြင်းပြောင်းလဲသွားတဲ့ အတွက် ဝမ်းသာစရာ သတင်းပေါ့...ဟု
ပြောဆိုသွားပါတယ်...။ အလားတူ လာမယ့် မတ်လ
၃ ရက်နေ့ ၄ ရက်နေ့များ တွင် မန္တလေးမြို့မှာ ဟောပြောဖို့ တောင်းခံထားတဲ့
ရာပြည့်ကွင်းအားလည်း ငှားရမ်းသုံးစွဲခွင့် ရရှိတော့မယ်လို့
မျှော်လင့်ကြောင်း ဆက်လက် ပြောဆိုသွားပါတယ်..။အဖွဲ့ချုပ်ဥက္ကဋ္ဌ လူထုခေါင်းဆောင် ဒေါ်အောင်ဆန်းစုကြည်ဟာ လာမယ့် ဖေဖော်ဝါရီလ ၂၃ ရက်နှင့် ၂၄ ရက်နေ့ တွင်မြစ်ကြီးနား၊ မတ်လ ၃ ရက်နေ့ ၄ ရက်နေ့များ တွင် မန္တလေးမြို့၊ မတ်လ ၅ ရက်နှင့် ၆ ရက်တွင် နေပြည်တော်၊ မတ်လ ၁၀ ရက်နှင့် ၁၁ ရက်နေ့ မွန်ပြည်နယ် မော်လမြိုင်မြို့များသို့ စည်းရုံးရေး ခရီးစဉ်များ သွားရောက်မှာ ဖြစ်ပါတယ်..။ လူထုခေါင်းဆောင် ဒေါ်အောင်ဆန်းစုကြည်ရဲ့ စည်းရုံးရေး ခရီးစဉ်များမှာ ယခင်လွန်ခဲ့တဲ့ ၂၃နှစ်ကအတိုင်း မပြောင်းမလဲ အစဉ်အလာ မပြတ် လူထုထောက်ခံ အားပေးမှုများ ဆထက်တပိုး ရရှိနေခြင်းအပေါ် အစိုးရ အဖွဲ့အတွင်း သဘောထား တင်းမာသူများမှ စိုးရိမ်မကင်း ဖြစ်ပေါ်နေကြောင်း သတင်းများ ထွက်ပေါ်နေပါတယ်...။
သတင်း.. ဒီမိုဝေယံ
No comments:
Post a Comment