မိုင်ဂျာယန်၊လွယ်ဂျယ်၊ ပါဂျောင်ဒေသ တ၀ိုက်၊ တရုတ်နယ်စပ် ရွှေလီ ဒေသများရှိ စခန်းများတွင် ဖြစ်ပွားနေကြောင်း၊ အာဟာ ရ မလုံလောက်ခြင်း၊ အနွေးထည်၊ သောက်သုံးရေ မလုံလောက်ခြင်းနှင့် ရာသီဥတု မမျှတခြင်းတို့ကြောင့် ဖြစ်ကြောင်း ကချင် ကူညီ ကယ်ဆယ်ရေး အဖွဲ့များ က ပြောသည်။
၂၀၁၁ ခုနှစ် ဇွန်လ ၃၀ ရက်နေ့တွင် သေဆုံးသွားသော စစ်ပြေးဒုက္ခသည် ကလေးတဦးကို သဂြိုင်္ဟ်ရန် ဇူလိုင် ၁ ရက်နေ့က လိုင်ဇာဒေသတွင် ပြင်ဆင်နေသော မြင်ကွင်းတခု (ဓာတ်ပုံ - ဧရာဝတီ)
“ရှမ်းပြည်နယ်နဲ့နီးစပ်တဲ့ စခန်းတွေမှာ အခြေအနေပိုဆိုးနေပါတယ်၊ အစိုးရ စစ်ကြောင်းတွေ ချထားတော့ ကူညီကယ်ရေး အဖွဲ့တွေ သွားလို့ မရဖြစ်နေတော့ ဒုက္ခသည်တွေရဲ့အရေးပေါ်လိုအပ်နေတဲ့ ကိစ္စတွေ ကူညီမပေးနိုင်ကြဘူး ဖြစ်နေတယ်”ဟု ကို လာရစ် က ဆိုသည်။
စစ်ပြေး ဒုက္ခသည်များသည် ရေအနည်းငယ်သာ ရှိသည့်ချောင်းရေကို အသုံးပြုနေကြရကြောင်း၊ ရေတွင်း၊ ရေကန် တူးဖော်ရန် အခက်အခဲများရှိပြီး ရေရှိရာ အရပ်မှ သွယ်တန်းပေးရန်အတွက်လည်း ငွေကြေး အခက်အခဲကြောင့် အကူအညီမပေးနိုင်
ဖြစ် နေကြောင်း သိရသည်။
ကချင်ပြည် လွတ်လပ်ရေး တပ်မတော်(KIA) ထိန်းချုပ်ရာ လိုင်ဇာဒေသဘက်၌ တိုက်ပွဲများ မရှိသော်လည်း ရှမ်းပြည်နယ်နှင့် ဆက်စပ်နေသည့် မန်စီမြို့နယ် တ၀ိုက်တွင် တိုက်ပွဲငယ်တချို့ဖြစ်ပွားလေ့ရှိသည့်အတွက် အစိုးရ စစ်တပ်၏ စစ်ကြောင်းများ ချထားကြောင်း သိရသည်။
ရန်ကုန်အခြေစိုက် ယူနီဆက် အပါအ၀င် ကမ္ဘာ့ကုလသမဂ္ဂ လက်အောက်ခံ ကူညီကယ်ဆယ်ရေး အဖွဲ့တချို့သည် ပြီးခဲ့သည့် ၂၀၁၁ ခုနှစ် ဒီဇင်ဘာလအတွင်းက လာရောက်ခဲ့ပြီး နောက်ပိုင်းတွင် မည်သည့်ကူညီ ကယ်ဆယ်ရေးအဖွဲ့မှ လာရောက်ခြင်း မရှိတော့ကြောင်း၊ လက်ရှိတွင် ဒေသခံ ကူညီကယ်ဆယ်ရေး အဖွဲ့တချို့က ကူညီရေး လုပ်ငန်းများ လုပ်ကိုင်ပေးနေရကြောင်း ဒုက္ခသည်များ အရေးဆောင်ရွက်ပေးနေသည့် WNP အဖွဲ့၏ ဒါရိုက်တာ ဒေါ်မေလီအောင် က ပြောသည်။
“လတ်တလော သေဆုံးမှုတော့ မရှိသေးပါဘူး၊ ပြီးခဲ့တဲ့ တလကျော်အတွင်းမှာ ကလေး၊ လူကြီး ၅ ဦးလောက် သေဆုံးခဲ့ပါ တယ်၊ လူ ထောင်ချီရှိတဲ့ စခန်းတွေမှာ ရေအိမ်သာက လေး ငါး လုံး ပဲရှိတယ်”ဟု ဒေါ်မေလီအောင် က ဆိုသည်။
တရုတ်နယ်စပ်တ၀ိုက်ရှိ ဒုက္ခသည် စခန်း ၁၀ ခု ၀န်းကျင်၌ ရောဂါ ဖြစ်ပွားနေပြီး အစားအသောက်၊ အ၀တ်အထည်နှင့် ဆေးဝါးများ အရေးပေါ် လိုအပ်နေကြောင်းလည်း သိရသည်။
“ပူရင်လည်း အလွန်ပူပြီး အေးရင်လည်း အရမ်းအေးတော့ ကလေးနဲ့ လူကြီးတွေက ခံနိုင်ရည် မရှိကြတော့ ဖြစ်တာမြန်တယ်၊ လူကြီးတွေဖြစ်ရတဲ့ အဓိက အချက်ထဲမှာ စိတ်ဖိစီးမှု ဒဏ်တွေကြောင့်လည်း ပါတယ်”ဟု ဒေါ်လီမေအောင်က ပြောသည်။
အစိုးရထိန်းချုပ်ရာဒေသ ဗန်းမော်၊ မြစ်ကြီးနား ဒေသဘက်သို့ နာရေးကူညီမှု အသင်း(ရန်ကုန်)၊ ၈၈ မျိုးဆက်ကျောင်းသားများအဖွဲ့နှင့်လူမှုရေး အဖွဲ့တချို့ကလည်း စစ်ပြေးဒုက္ခသည်များအား မကြာသေးခင်က သွားရောက်ကူညီပေးခဲ့ကြသေးသည်။
KIA ထိန်းချုပ်ရာ လိုင်ဇာဒေသ တ၀ိုက်ရှိ ဒုက္ခသည် စခန်းများ၌ စစ်ပြေး ဒုက္ခသည်ဦးရေ ၃ သောင်းကျော်နှင့် မန်စီ၊ ၀ိုင်းမော်၊ ဗန်းမော်၊ မိုးမောက်၊ မိုင်ဂျာယန် စသည်တို့ တွင်လည်း ဒုက္ခသည်များရှိပြီး စုစုပေါင်း ၅ သောင်းဝန်းကျင် ရှိကြောင်း ဒုက္ခသည် ကူညီ ကယ်ဆယ်ရေး အဖွဲ့များ က ပြောသည်။
ကချင်ပြည်နယ်အတွင်း ပြီးခဲ့သည့်နှစ် ဇွန်လမှစတင် ဖြစ်ပွားသော KIA နှင့် အစိုးရတပ်များ၏ တိုက်ပွဲများကြောင့် ဒေသခံ အရပ်သားပြည်သူများ အိုးအိမ် စွန့်ခွာ ထွက်ပြေးခဲ့ရခြင်း ဖြစ်သည်။
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
ကချင်တိုင်းရင်းသူတဦးကို အစိုးရစစ်တပ်က ဖမ်းဆီးခေါ်ဆောင်သွားသည်ဟုဆိုသော အမှုနှင့်ပတ်သက်၍ နေပြည်တော် ပြည် ထောင်စု တရားလွှတ်တော်ချုပ်ရုံးတွင်လာမည့် ဖေဖော်ဝါရီ ၉ ရက်၌ နှစ်ဘက်သက်ဆိုင်သူများ လျှောက်လဲ ကြားနာမည် ဖြစ်သည်။
KIA ကို ထိုးစစ်ဆင်ရန် လာနေသော အစိုးရ စစ်ကြောင်းတခု
ကချင်ပြည်နယ် လွယ်လုံတောင် အခြေစိုက် ခမရ ၃၂၁ မှ တပ်သား ၃ ဦးက ကချင်အမျိုးသမီး မဆွမ်လွတ်ရွယ်ဂျာ ဆိုသူအား ပြီး ခဲ့သည့်နှစ် အောက်တိုဘာ၂၈ ရက်က ဖမ်းဆီးခေါ်ဆောင်သွားပြီးနောက် ယနေ့တိုင် ပျောက်ဆုံးနေ၍ စုံစမ်းစစ်ဆေးပေးရန် ခင်ပွန်း ဖြစ်သူ ဦးမရူလွန်းဒေါင်က ပြည်ထောင်စု တရားလွှတ်တော်ချုပ်သို့ ရှေ့တော်သွင်း စာချွန်လွှာ လျှောက်ထားခဲ့ရာ တရားလွှတ်တော် ချုပ် က နှစ်ဘက်လျှောက်လဲရန် ရက် သတ်မှတ်ပေးခဲ့ခြင်း ဖြစ်သည်။
“တပ်ရင်းဘက်ကလည်း လာရမှာပါ။ တရားလွှတ်တော်ချုပ်က သမ္မန်စာ (ဆင့်ခေါ်စာ) တပ်ကို ပေးပို့ ထားပါတယ်”ဟု ယင်းအမှုကို လိုက်ပါကူညီပေးနေသူ အမျိုးသားဒီမိုကရေစီ အင်အားစု ပါတီဝင် ရှေ့နေ ဦးမာခါးက ဧရာဝတီကို ပြောသည်။
နိုင်ငံသားအခွင့်အရေးနှင့် ပတ်သက်၍ ပြည်သူက တောင်းဆိုလာပါက ပြည်ထောင်စုတရားလွှတ်တော် ချုပ် မှ စာချွန်တော် အမိန့်ဆင့်ထုတ်၍ စုံစမ်းစစ်ဆေးရန် အာဏာရှိကြောင်း၂ဝဝ၈ ဖွဲ့စည်းပုံ အခြေခံဥပဒေ အခန်း(၈) ပုဒ်မ ၃၇၈ တွင် ဖော်ပြထားသည်။
ပြည်ထောင်စု တရားလွှတ်တော်ချုပ် အနေဖြင့် ရှေ့တော်သွင်း၊ အာဏာပေး၊ တားမြစ်စေ၊ အာဏာပိုင်မေးနှင့် အမှု ခေါ် စသည့် စာချွန်တော်အမိန့် ၅ မျိုး ဆင့်ထုတ်နိုင်သည့် အာဏာရှိသည်။
ကချင်ပြည်နယ် မိုးမောက်မြို့နယ် ခိုင်ပန်ကျေးရွာမှ အသက်၂၈ နှစ်အရွယ် မဆွမ်လွတ်ရွယ်ဂျာအပါအ၀င် တောင်ယာ ပြောင်းဖူး ခင်းအတွင်း ခင်ပွန်း ဦးမရူလွန်းဒေါင်၊ ယောက္ခမ ဦးဇဲဒေါင်တို့ အတူအလုပ်လုပ်နေစဉ် ၎င်းတို့သုံးဦးအား ခမရ ၃၂၁ မှ တပ်သားများ က ကချင်ပြည် လွတ်လပ်ရေး တပ်မတော်(KIA) တပ်ဖွဲ့ဝင်များဟု စွပ်စွဲ ဖမ်းဆီး ခေါ်ဆောင်သွားခြင်း ဖြစ်ကြောင်း ဦးမရူလွန်းဒေါင် က ပြောသည်။
ခင်ပွန်းနှင့်ယောက္ခမ ဖြစ်သူတို့က ထိုနေ့တွင် ပြန်လည် ထွက်ပြေးလွတ်မြောက်ခဲ့သော်လည်း ကလေး တယောက်မိခင် မဆွမ်လွတ် ရွယ်ဂျာမှာ အစိုးရတပ်၏ ဖမ်းဆီးခြင်းခံထားရကြောင်း သိရသည်။
“မရွယ်ဂျာရဲ့ ကလေးလေးက အခု အသက် တနှစ်နဲ့ သုံးလ ပဲရှိသေးတယ်။ ကလေးကို သူ့ အဘိုးနဲ့ အဘွားက စောင့်ရှောက် ထား ရတယ်”ဟု ဦးမာခါးက ဆိုသည်။
ကချင်တိုင်းရင်းသား ဦးဘရန်ဆိုင်းနှင့် ဦးဇော်ဆိုင်းတို့သည်လည်း အစိုးရစစ်တပ်၏ ဖမ်းဆီးခြင်းခံနေရသဖြင့် စုံစမ်းစစ်ဆေးပေးရန် မိသားစုဝင်များက ပြည်ထောင်စု တရား လွှတ်တော်ချုပ်သို့ ရှေ့တော်သွင်းစာချွန်လွှာ လျှောက်ထားကြောင်း သိရသည်။
ဦးဘရန်ဆိုင်းမှာ ၂၀၁၁ ခုနှစ် ဒီဇင်ဘာ ၁ ရက်နေ့၊ ဦးဇော်ဆိုင်းမှာ ယခုလ ဇန်န၀ါရီ ၅ ရက်နေ့တို့တွင် အစိုးရ ခြေလျင်တပ်ရင်း (ခလရ-၃၇) တပ်၏ ဖမ်းဆီး ခံထားရခြင်း ဖြစ်သည်ဟု ဦးမာခါးက ပြောပြသည်။
No comments:
Post a Comment