အညတြ သူရဲကောင်း ကိုဇော်လင်းထွန်း

နိုင်ငံရေး အကျဉ်းသားဟောင်း ကိုဇော်လင်းထွန်း ကွယ်လွန်

ရန်ကုန်၊ ဒီဇင်ဘာ ၁၊ ၂၀၁၁

တည်ဆဲအစိုးရရဲ့ အောက်တိုဘာ ၁၂ ရက်နေ့ကထုတ်ပြန်ခဲ့တဲ့ လွတ်ငြိမ်းချမ်းသာခွင့် အမိန့်အရ အင်းစိန်ဆေးရုံမှ လွတ်မြောက်လာခဲ့တဲ့ နိုင်ငံရေးအကျဉ်းသား ကိုဇော်လင်းထွန်း၊ ၃၈ နှစ်ဟာ သူ့ရဲ့ ဇာတိမြေ ကျောက်တံခါးမြို့၊ နှင်းဆီလမ်း နေအိမ်မှာ ဒီနေ့ နေ့လည် (၁) နာရီက အသည်းကင်ဆာရောဂါနဲ့ ကွယ်လွန်သွားကြောင်း ဒေသခံများရဲ့ ပြောပြချက်အရ သိရပါတယ်။
“သူက ၁၉၉၀ ခုနှစ်လောက်ကတည်းက နိုင်ငံရေးတွေလုပ်ရင်း ဒီမြို့ကပျောက်သွားတာ အခုမှ ပြန်ရောက်လာတာလေ။ အနှစ် ၂၀ ကျော်လောက် ထောင်ထဲနေလိုက်၊ တောထဲနေလိုက် နိုင်ငံရေးလုပ်ခဲ့တာ။ အဲဒီဒဏ်ရာတွေနဲ့ အခု ဆုံးသွားတာပေါ့”
ကျောက်တံခါးမြို့မှ ကိုဇော်လင်းထွန်းရဲ့ မ်ိတ်ဆွေတဦးက ကိုဇော်လင်းထွန်းရဲ့ နိုင်ငံရေးဖြတ်သန်းမှုကို ပြောပြပါတယ်။ သူက ဆက်ပြီးတော့ ကိုဇော်လင်းထွန်း ဈာပန ဆောင်ရွက်ခဲ့ပုံကို အခုလိုပြောပြပါတယ်။
“ကိုဇော်လင်းထွန်းက ဒီနေ့ နေ့လည် (၁) နာရီမှာ ဆုံးသွားတယ်။ နေ့လည် ၃ နာရီမှာ အသုဘ ချပါတယ်။ မြို့ခံ နိုင်ငံရေးသမားတွေနဲ့ သူ့မိတ်ဆွေ အပေါင်းအသင်းတွေ လိုက်ပို့ကြပါတယ်။ ကျောက်တံခါးမြို့ မစိုးရိမ်ကျောင်းဆရာတော်က ရေစက်ချ တရားဟောတယ်။ လူတိုင်းဟာ နိုင်ငံရေးလုပ်သင့်တယ်။ ကိုဇော်လင်းထွန်းဟာ နိုင်ငံ့အတွက် ကိုယ်ကျိုးကို မငဲ့ကွက်ဘဲ အသက်ပါစွန့်သွားတဲ့ အညတြ သူရဲကောင်းတဦးဖြစ်တယ်လို့ ဆရာတော်က မိန့်ကြားသွားပါတယ်။”
ဖိုးဇော် (ခ) ကိုဇော်လင်းထွန်း (ဘ) ဦးတင်ညွှန့်ဟာ ကျောက်တံခါးမြို့ဇာတိဖြစ်ပါတယ်။ ၁၉၉၁ ခုနှစ်က ၅ (ည)၊ ၁၇/၁ ပုဒ်မများနဲ့ ထောင်ဒဏ် ၇ နှစ်ကျခံခဲ့ရပြီး ၁၉၉၇ ခုနှစ်မှာ လွတ်မြောက်ခဲ့ပါတယ်။ လွတ်မြောက်ပြီး မကြာခင်မှာဘဲ နယ်စပ်ဒေသရှိ ဗမာနိုင်ငံလုံးဆိုင်ရာ ကျောင်းသားများသမဂ္ဂ၊ နိုင်ငံခြားရေးရာကော်မီတီရဲ့ ပြည်တွင်းလှုပ်ရှားမှုဖြစ်တဲ့ နအဖ စစ်အစိုးရရဲ့ Road Map လမ်းပြမြေပုံ ၇ ချက်ကို ဆန့်ကျင်ခဲ့တဲ့အတွက် ၂၀၀၃ ခုနှစ် စက်တင်ဘာ ၂၆ ရက်နေ့မှာ ဖမ်းဆီးခံရပြီး ၂၀၀၄ ခုနှစ် ဖေဖော်ဝါရီလ ၂၀ ရက်နေ့မှာ ၅ (ည)၊ ၁၇ (၁/၂)၊ ပုဒ်မ ၆၊ ၁၃ (၁) များနဲ့ ထောင်ဒဏ် ၂၀ နှစ် ကျခံခဲ့ရတာဖြစ်ပါတယ်။ ထောင်ဒဏ် ကျခံနေရတဲ့ ကာလအတွင်း အသည်းကင်ဆာ ဝေဒနာခံစားနေရတဲ့ ကိုဇော်လင်းထွန်းကို လွှတ်ပေးဖို့ သူ့မိသားစုများက သက်ဆိုင်ရာကို တင်ပြခဲ့ပေမယ့် လွှတ်မပေးခဲ့ဘဲ လွှတ်ငြိမ်းချမ်းသား ခွင့်အမိန့်နဲ့သာ လွှတ်ပေးခဲ့တာဖြစ်ကြောင်း သတင်းရရှိပါတယ်။

Tu Tu on December 1, 2011 at 10:49 pm

နိုင်ငံရေးကို အသက်နဲ့ရင်းပြီး လုပ်ဆောင်သွားတဲ့ ကိုဇော်လင်းထွန်း ကို လေးစား ဂုဏ်ယူပါတယ်။
ကိုဇော်လင်းထွန်းကောင်းရာသုဂတိလားပါစေ။
ဘ၀ဆက်တိုင်း ဒီလိုရုတ်မာ ရက်စက်တဲ့ စစ်ခွေးဘီးလူးတွေနဲ့ ကင်းဝေးပါစေ။

ထွန်းထွန်းဦး (nld ) on December 2, 2011 at 4:55 pm

ဖိုးဇော် မင်းမှန်းအကိုမသိခဲ့ဘူး
သေသေချာချာနာမည်နဲ့လူ နေရပ်ကိုကြည့်မှ အကိုမင်းမှန်းသိခဲ့ရတယ်
အကိုပြည်တွင်းလုပ်ငန်းကို ၁၉၉၁ စလုပ်ခဲ့စဉ် ညီလေးရဲ့ကူညီမူတွေ
ညီလေးရဲ့ ရဲစွမ်းသတိတွေကို အကိုဘယ်တော့မှမေ့ပျောက်လို့ ရမှာမဟုတ်ပါဘူး
အကိုကိုကူညီခဲ့မူတွေကြောင့် ညီလေး ထောင်ကျခဲ့တာတွေ အကိုနောက်ပိုင်းမှသိခဲ့ရတယ်
ညီလေးရဲ့စွန့်လွတ်အနစ်နာခံမူတွေကို အကိုအမှတ်ရနေမှာပါ
အကိုညီလေးကို အမြဲသတိယနေမှာပါ
ညီလေးကောင်းရာမွန်ရာရောက်ပါစေ အကိုဆုတောင်းပေးပါတယ်
ထွန်းထွန်းဦး (nld)