ဒီဇင်ဘာ ၃၀၊ ၂၀၁၁
နာရေးကူညီမှုအသင်း (ရန်ကုန်) ရှိ ပြန်ကြားရေးအဖွဲ့ဝင်များသည် ၁.၁.၂၀၁၂ ရက်နေ့တွင် ကျင်းပ မည်ဖြစ်သော (၁၁) နှစ်ပြည့် အခမ်း အနားအတွက် လုပ်ငန်းဆောင်တာများကို ၂၉.၁၂.၂၀၁၁ ရက်နေ့ နံနက် (၀၁း၃၀) နာရီအချိန်ခန့်အထိ လုပ်ဆောင်ကြပြီး မြောက်ဒဂုံမြို့နယ် ရှိ နာရေးကူညီမှုအသင်း (ရန်ကုန်) ရုံးချုပ်တွင် အိပ်စက်အနားယူရန် ပြင်ဆင်နေစဉ် “အုန်း” ကနဲဟူသော ကျယ်လောင်သော မြည် ဟိန်း သံကြီးနှင့်အတူ အဆောက်အဦးတစ်ခုလုံးတုန်ခါသွားတော့သည်။ ထို့ကြောင့် ပြန်ကြားရေးအဖွဲ့ဝင်များသည် ရုံးအဆောက်အဦး တစ်ခုလုံး ကို အထက်အောက်လိုက်လံစစ်ဆေးကြရာ ထူးခြားမှုတစ်စုံတစ်ရာမရှိသည့်အတွက် အနားယူအိပ်စက်ခဲ့သည်။
နံနက် (၅း၃၀) နာရီအချိန်ခန့်တွင် ပုဇွန်တောင်မြို့နယ်နေ အသင်းသား/သူများထံမှ မင်္ဂလာ တောင်ညွန့်မြို့နယ်၊ ကူးတို့ဆိပ်ရပ်ကွက်၊ ကူးတို့ဆိပ်လမ်းရှိ ဂိုဒေါင်များ မီးလောင်ပေါက်ကွဲမှု သတင်းဆိုးကြီးအား ကြားသိရတော့သည်။ သတင်းကြားလျှင်ကြားချင်း၌ ဥက္ကဋ္ဌ ဦး ကျော်သူမှ ကူညီကယ်ဆယ်ရေးအတွက် စုံစမ်းစစ်ဆေးရေးအဖွဲ့အား တွဲဖက်အတွင်းရေးမှူး (၂) ဦးစန်းအေးဦးဆောင်၍ သွားရောက် စုံစမ်းမှုကို ပြုလုပ်ခဲ့သည်။ ပေါက်ကွဲမှု၊ မီးလောင်မှုတို့ကြောင့် ထိခိုက်ဒဏ်ရာရသူများ ရန်ကုန်ပြည်သူ့ဆေးရုံကြီးသို့ ရောက်ရှိနေကြောင်း အတွင်းရေးမှူး ဒေါ်ရွှေဇီးကွက်မှသိရှိကာ ဒု-ဥက္ကဋ္ဌ ဒေါ်သန်းမြင့်အောင်နှင့် အသင်းသား/သူအချို့တို့မှ ရန်ကုန်ပြည်သူ့ဆေးရုံကြီးသို့ သွား ရောက်၍ လူနာများအား ဆေးဝါးနှင့် အလှူငွေများ ပေးအပ်လှူဒါန်းခဲ့ရာ ဆေးဝါး တန်ဖိုး (၅) သိန်း၊ လူနာတစ်ဦးလျှင် (၁) သောင်းကျပ်နှင့် လူနာဦးရေ (၈၀) ဦးခန့်ကို ကိုယ်တိုင်ကိုယ်ကျ လူနာများလက်ထဲသို့ ပေးအပ်လှူဒါန်းခဲ့ပါသည်။ ရုံးချုပ်တွင် လည်း စုံစမ်းရေးအဖွဲ့ ပြန်လည် ရောက်ရှိသည်နှင့် မီးဘေးဒုက္ခသည်များအတွက် လိုအပ်လျှက်ရှိသော စောင်၊ ဒန်အိုး၊ ဒန်ခွက်၊ စတီးဇလုံ၊ စတီးမတ်ခွက်၊ စတီးဇွန်းကြီး၊ ဆပ်ပြာတို့အား မင်္ဂလာဈေးနှင့် သံသုမာလမ်းရှိဆိုင်ခန်းများတွင်သွားရောက်ဝယ်ယူကာ ခေါင်းလျှော်ရည်၊ အ၀တ်အထည် (ကျား/မ/ကလေး) များကို၎င်း၊ မီးဘေးဒုက္ခသည်များထဲတွင် ပါဝင်ခဲ့သော သံဃာတော်(၇)ပါး အတွက် သင်္ကန်းများနှင့် စုစုပေါင်းတန်ဖိုး သိန်း (၄၀) ကျပ်ခန့် လှူဒါန်းမှုကို ဦးကျော်သူနှင့် အသင်းသား/သူများမှ သွားရောက် လှူဒါန်းမှုများပြုခဲ့သည်။ လှူဒါန်းမှုခရီးစဉ်မထွက်ခွာမှီ အလှူရှင် တစ်ဦးမှ ခေါင်းအုံး အလုံး (၂၀၀) ကျော် လာရောက်လှူဒါန်းမှုပြုခဲ့ပါ၍ ယင်းခေါင်းအုံးများကိုပါ တစ်ပါးတည်း မီးဘေးဒုက္ခသည် စခန်းရှိရာသို့ သယ်ဆောင်လှူဒါန်းနိုင်ခဲ့သည်။
ထိုသို့ လှူဒါန်းမှုပြုလုပ်ရာတွင် ရန်ကုန်ပြည်သူ့ဆေးရုံကြီးမှ ဆေးဝါးအလှူငွေ လှူဒါန်းပြီး၍ ပြန်လာ ကြသော ဒေါ်သန်းမြင့်အောင်၊ ဒေါ်ရွှေ ဇီးကွက်နှင့် အသင်းသူ/သားများနှင့် ချိတ်ဆက်ပူးပေါင်းကာ မင်္ဂလာတောင်ညွှန့်မြို့နယ်ရှိ “မဟာဝိဇယာရာမတိုက် ပုသိမ်ညွှန့်ရာကျော် ကျောင်းကြီး”ရှိ ကျောင်းထိုင်ဆရာ တော်ကြီးထံတွင် ကိုယ်တိုင်ကိုယ်ကျစုပေါင်း၍ လှူဒါန်းမှုကို ပြုလုပ်နိုင်ခဲ့သည်။ ပုသိမ်ညွှန့်ရာကျော် ကျောင်း ကြီးအတွင်းရှိ “အောင်သြဘာသိဒ္ဓိဓမ္မာရုံ” ၌ နေထိုင်နေရကြသော မီးဘေးဒုက္ခသည်များအား ၀င်ရောက်၍ အားပေးစကားများ ပြော ကြားခဲ့ပါသည်။
နာရေးကူညီမှုအသင်း (ရန်ကုန်) သည် နာရေးကိစ္စများ၊ ကျန်းမာရေးကိစ္စများ၊ ပညာရေးကိစ္စများကို (အခမဲ့) ကူညီဖေးမ ပေးလျှက်ရှိသလို ရန်သူမျိုးငါးပါးဖြစ်သော ရေဘေးဒုက္ခ၊ လေဘေးဒုက္ခ၊ စစ်ဘေးဒုက္ခ၊ မီးဘေးဒုက္ခစသည့် ဒုက္ခမျိုးစုံတို့ကိုလည်း ကူညီဖေးမလှူဒါန်းမှုများကို အသင်းသူ/သားများ၊ ၀န်ထမ်းများနှင့် လက်ချင်းယှက်ကာ စည်းလုံးညီညွှတ်စွာဖြင့် ဗြဟ္မစိုရ်တရားလေးပါး လက်ကိုင်ထားကာ မင်္ဂလာ တောင် ညွှန့်မြို့နယ် ကူးတို့ဆိပ်ရှိ မီးဘေးဒုက္ခသည်များအား အများပြည်သူတို့မှ လှူဒါန်းမှုတို့ကို နာရေးကူညီမှုအသင်း (ရန်ကုန်) မှ နိဗ္ဗာန် ကူးတို့အဖြစ် ကူညီဖေးမပေးဆပ်မှုပင်ဖြစ်တော့သည်။
share
shareshareshare
No comments:
Post a Comment