" လေဆန် "

____________. ရဲကျော်သူရ
အားတင်းထား အမေ
ရုပ်ကိုအကျ ဉ်းချ
နာမ်တွေကို ချေမွ
တရားမျှတမှုဆိုလို့
ထောင်နဲ့ကျည်ဆန်ပဲရှိတဲ့
အချိန်မှာတောင်
အကြောက်တရား
ကင်းမဲ့တဲ့စိတ်နဲ့
မီးလျှံတွေဖြတ်ကျော်
အမေ စိန်ခေါ်နိုင်ခဲ့တယ်လေ ... ။

အားတင်းထား အမေ
ကြွေသွားတဲ့ သစ်ရွက်
ပြန်ဆက်လို့ မရပေမယ့်
အမေကျဲပက်ခဲ့တဲ့ မျိုးစေ့တွေ
မြေကို တိုးထွက်ထိုးဖေါက်
လူလား ​မြောက်ခဲ့ကြပြီလေ ... ။
အားတင်းထား အမေ
တခါလေ
ကိုယ်မစိုက်ဘဲ
ဖုန်းဆိုးတောတွေရှင်းရ
ချွေးဒီးဒီးကျတဲ့အခါ
အမေပျိုးလို့ ရှင်သန်ခဲ့တဲ့အပင်
မျက်စိထဲမြင်ယောင်လိုက်ပေါ့ ... ။
အားတင်းထား အမေ
ဇာတ်သိမ်းခန်းလှဖို့
ဇာတ်နာအောင်
ကတာမဟုတ်ပေမယ့်
ဒဏ်ရာတွေ ​ထောင်းလမောင်းကြေ
နှလုံးသားတွေနွမ်း
အမေ ​မောပန်းနေတာသိရဲ့ ... ။
အားတင်းထား အမေ
သင်္ဘောက အိုအို
ဆိပ်ကမ်းက အိုအို
သင်္ဘောသားတွေက မူးယစ်
ခရီးသည်တွေက ရန်ဖြစ်
သင်္ဘောအနစ်မှာ
လျော်ကြေးတောင်းဖို့
ဝန်ပိုတွေ လက်မှတ်ထိုးတင်
ဝမ်းဗိုက်ဖေါက်ဖို့ပြင်နေတဲ့
ပင်လယ်ဓားပြဆန်ဆန်
ဒေဝဒတ်ဥာဏ်နဲ့
အိမ်နီးချင်းကုန်သည်မျိုးလည်းရှိရဲ့ ... ။
အားတင်းထား အမေ
အမေ့ကိုချစ်သူတွေ
အမေ့ရှေ့မှာ
အမေ့နောက်မှာ
အမေ့ဘေးမှာ
အမေ့ကိုဝန်းရံ
လေဆန်ကိုပျံမယ့်
တေးသီငှက်တွေပေါ့ ... ။
အားတင်းထား အမေ
အရုဏ်တက်လေ
ညည့်နက်လေတဲ့
မုန်တိုင်းဘယ်လောက်ကြမ်းကြမ်း
ကမ်းဆိုတာ ရှိစမြဲပါ အမေ .... ။
#ရဲကျော်သူရ
https://m.facebook.com/story.php…