“ အရှုံးမပေးနဲ့ မိငယ်ရေ . . ရဲရင့်မှ ကျော်ဖြတ်သွား ”

သက်တန့်ချို

“ အရှုံးမပေးနဲ့ မိငယ်ရေ . . ရဲရင့်မှ ကျော်ဖြတ်သွား ”

ယမုံရေ . . နံနက်ခင်းရဲ့ နေခြည်အောက်မှာ
မင်းအိပ်မက်တွေများ ကျပျောက်နေခဲ့မလား
ဘ၀နဲ့ အခြေအနေကြား

မင်းသွားနေခဲ့တဲ့ခရီးဟာ တစ်ကမ္ဘာမကခဲ့
နေရာတကာမှာ မြန်မာဟဲ့ လို့ ကြွေးကျော်
မင်းအတွေးအခေါ်တွေ .. ငါ ချီးကျူးတယ်

တကယ်ပဲ မင်းဟာ ရုပ်ဆိုးသတဲ့လား
တကယ်ပဲ မင်းဟာ အကျည်းတန်သတဲ့လား
ဒါဆို မင်းကို ဘယ်သူတွေကများ Miss ဘွဲ့ပေးခဲ့သလဲ
ဒါဆို မင်းကို တလေးတစား နဲ့ ၀င်ပြိုင်ဖို့ ဘယ်သူတွေက ဖိတ်ခဲ့သလဲ
မှားယွင်းနေတဲ့ ကျိုးကြောင်းဆက်စပ်မှုတွေကြား
မင်းဟာ မြေစာပင်ဖြစ်ခဲ့ရ
ငါသနားလိုက်တာ . . . ညီမငယ် ရဲ့ ။

အလှအပဆိုတာ ဘ၀ပေးကုသိုလ်ကံပါသူငယ်ချင်းတို့ရဲ့
ငါတို့ဟာ အရာရာကိုခြုံငုံသုံးသပ်
အဖက်ဖက်က တွေးတတ်ရမယ်
သူတစ်ပါးကို လည်းဝိုင်းမနှိမ်နဲ့
သူတစ်ပါးကိုလည်း ၀ိုင်းမတိုက်ခိုက်နဲ့
သူတစ်ပါးကိုလည်း မစော်ကားမိစေနဲ့
မင်းအစား . . ငါ စိတ်မကောင်းမိဘူး ညီမငယ်ရဲ့ ။

အားပေးမှုအနည်းငယ်ကိုပဲ မင်းကိုင်ဆုပ်
အလုပ်တွေ လုပ်ပြနေလိုက်တာ တကယ့်ကို ပရိုဆန်ခဲ့
ပို့သမျှ မက်ဆေ့တိုင်းကို တလေးတစားပြန်ဖြေ
မင်းအမေက မန္တလေး သူ
ကဲ ဘယ်သူက မြန်မာမဟုတ်ဘူးပြောခဲ့သလဲ
ဘ၀ရဲ့ ဇတ်ဆရာ စေညွှန်ရာနောက်
ငါတို့ကောက်ကောက်ပါအောင်လိုက်ခဲ့ရ
ဆေးစက်ကျရာ အရုပ်ထင် .. မင်းခင်တွယ်တဲ့ အမျိုး
တို့ဟာ “ မြန်မာကွဲ့ . . မြန်မာ ”

ယမုံရေ
မုန်တိုင်းသင့်ဒေသမှာ မင်းကူညီနေတာတွေ
ငါမြင်နေရတယ်
ငါကြားနေရတယ်
ပရနဲ့ဟိတကို ညီညွှတ်စွာ ဆောင်ရွက်လို့
အားငယ်မှု အလျဉ်းမရှိ . . ဒါဏ်ရာတွေမှန်သမျှ
ပြန်လည်ချေပမှု အလျဉ်းမရှိ
မင်းကို ငါလေးစားမိတယ်

ငါတို့ပေးတဲ့ ၁၀ % ဟာ မင်းအတွက် တကယ် အဖိုးတန်မှန်း
မင်းသိတယ် . . ရိုးသား ကြိုးစားညီမငယ်
ဘယ်နေရာမှာ နေနေ ဒီမြေဒီရေ ကို မမေ့စေနဲ့
မြန်မာ့မူ မြန်မာ့ဟန် မပျောက်စေနဲ့
အမျိုးကို ခင်တွယ် တရားကို ကိုးကွယ်
အရာရာကို မင်း ခပ်လွယ်လွယ်မတွေးမှန်းငါသိတယ်
ယမုံရေ . . .
နေခြည်ဖျန်းတဲ့ ပန်းကလေးတွေ ပွင့်တော့မယ် . .

အရှုံးမပေးနဲ့ မိငယ်ရယ် . . ရဲရင့်မှ ကျော်ဖြတ်သွား . .

သက်တန့်ချို
1st Nov 2012