ပို့မော်ဒန် ငတက်ပြား

မက္ကဆီကိုနိုင်ငံ မီချောင်ကန် ပြည်နယ် လိုရေးမြို့ကလေးတွင် နေအတော်ပင် မြင့်နေပြီ။ မတ်လ၏ တစ်ခုသော နံနက်ခင်း။ ရဲအရာရှိပေါင်း သုံးရာကျော် စီးနင်းလိုက်ပါလာသည့် မော်တော်ယာဉ်တန်းသည် မြို့ကလေးအနီးသို့ ချဉ်းကပ်လာလျက်။ ထိပ်ဆုံးမှကားသည် တစ်ဘက်က မရိပ်မိစေရန် အရှိန်လျှော့ချ လိုက်သည်။ မူးယစ်ရာဇာဂိုဏ်းဖြစ်သည့် လာဖယ်မယ်လီယာ မီချောင်ကန်နာ La Familia Michoacana သည် သူတို့၏ ပစ်မှတ်ဖြစ်သည်။ ယခုတစ်ကြိမ်တွင် ရဲများသည် မူးယစ်ဆေးဝါး၊ ငွေမည်းနှင့် လက်နက်တို့ ရှာဖွေဖမ်းဆီးရန် မဟုတ်။ မူးယစ်ဂိုဏ်း၏ တစ်နေ့တခြား ကြီးထွားလာသော လက်ခွဲလုပ်ငန်း တစ်ခုဖြစ်သည့် ကွန်ပျူတာ ဆောဖ့်ဝဲ ခိုးကူးခွေ လုပ်ငန်းကို ဖြိုဖျက်ရန်ဖြစ်သည်။ အဆောက်အအုံ အနီးသို့ အဟန့်အတားမရှိ ချဉ်းကပ်လာနိုင်ကြသည်။ တံခါးကို ချိုးဖျက်ဝင်ကြသည်။ အထဲတွင် စီဒီအမြန်ကူးသည့် စက်အလုံးပေါင်း ငါးဆယ်နှင့် ခိုးကူးပြီးသားအခွေ အမြောက်အမြားကို တွေ့ရသည်။ မိုက္ကရိုဆော့ဖ် အော့ဖစ်နှင့် အိတ်စ်ဘောက်စ် ဂိမ်းအချပ်များ ဖြစ်သည်။ အဆောက်အအုံထဲတွင် တွေ့ရသော လူသုံးဦးကို ဖမ်းဆီးလိုက်သည်။ ထိုစစ်ဆင်ရေးတွင် ပါဝင်သည့် အမည်မဖော်လိုသူ ရဲအရာရှိက ''ဒီစစ်ဆင်ရေးက အန္တရာယ် များလှသလို သိပ်လဲရှုပ်ထွေးတယ်''ဟုပြောသည်။ လာဖယ်မီလီယာသည် မူးယစ်ဆေးဝါး ရောင်းဝယ် ဖောက်ကားခြင်း၊ လာဘ်ထိုးခြင်း၊ ပြန်ပေးဆွဲခြင်း စသည့် ဒုစရိုက်မျိုးစုံကို ကျူးလွန်နေသည့် ဂိုဏ်းဖြစ်သည်။ ကွန်ပျူတာ ဆော့ဖ်ဝဲများ ခိုးကူးခြင်းသည် အခြား ဒုစရိုက် လုပ်ငန်းများနှင့် နှိုင်းစာလျင် အန္တရာယ် အနည်းဆုံးနှင့် အကျိုးအမြတ် အများဆုံး လုပ်ငန်း ဖြစ်သည်။ ထို့ကြောင့် ခိုးကူးခွေလုပ်ငန်းသည် နေ့ချင်းညချင်း ကြီးထွားချင်တိုင်း ကြီးထွားလာသည်။ သူတို့၏ ခိုးကူးခွေ ဘူးခွံများသည် မူရင်းနှင့် ချွတ်စွပ်တူနေသဖြင့် အတုအစစ် ခွဲခြားမရနိုင်ပေ။ သို့သော် သူတို့ဂိုဏ်း၏ အမှတ်အသား ဖြစ်သော FMM ဟူသည့် အက္ခရာသုံးလုံးကိုမူ ဂုဏ်ယူဝင့်ကြွား စွာထည့်သွင်းရိုက်နှိပ် ထားသည်အထိ အတင့်ရဲကြသူများ ဖြစ်သည်။ ထိုခိုးကူးခွေများကို မက္ကဆီကို တစ်နိုင်ငံလုံးရှိ စူပါမားကက်ကြီးများမှ အစ စတိုးဆိုင်၊ အိမ်ဆိုင် အသေးအမွှားမကျန် ဖြန့်ဖြူးရောင်းချသည်။ အရောင်းဈေးသည်များကို တစ်ပတ်လျှင် မည်မျှရောင်းချ ပေးရမည်ဟု အရေအတွက်ကိုတာ သတ်မှတ်ပေးထားသည်။ ကိုတာပြည့်အောင် မရောင်းနိုင်လျှင် အပြစ်ဒဏ်ပေးသည်။ ထိုအပြစ်ဒဏ်သည် တစ်ခါတရံ သေဒဏ်အထိ ဖြစ်နေတတ်သည်။ ခြိမ်းခြောက်စေခိုင်းခြင်း ဖြစ်သည်။ ဆိုင်ပိုင်ရှင်များသည် သူတို့၏ အရောင်းစာရေးများက ခိုးကူးခွေများကို ရောင်းချပေးနေကြောင်း သိကြသော်လည်း၊ လက်စားချေခံရမည်ကို ကြောက်ရွံ့သဖြင့် မပြောရဲကြ။ ဆောဖ့်ဝဲ ခိုးကူးသည့်လုပ်ငန်းသို့ ရာဇဝတ်ဂိုဏ်းများ ဝင်ရောက်လုပ်ကိုင်လာခြင်းသည် မိုက္ကရိုဆောဖ့်၊ ဆစ်မန်တက်ခ်နှင့် အဒိုဘီတို့ ကဲ့သို့သော ကုမ္ပဏီကြီးများ အတွက် ရတက်ပွားစရာ ဖြစ်လာသည်။ လူဆိုးဂိုဏ်း များသည် သူတို့၏ ဆော့ဖ်ဝဲခိုးကူးခွေများကို တရုတ်၊ တောင်အမေရိကနှင့် အရှေ့ဥရောပရှိ တရားဝင် ကော်ပိုရေးရှင်းများနှင့် အပြိုင်အဆိုင် ရောင်းချလျက် ရှိသည်။ သူတို့၏ ခိုးကူးခွေများသည် အစစ်အမှန် အခွေများနှင့် ထပ်တူတပ်မျှပင် ဖြစ်သည်။ တစ်ခါတရံတွင် ဆော့ဖ်ဝဲများကို ပြုပြင်ရေးဆွဲ ထည့်သွင်းပေးလိုက်သည်များလည်း ရှိသည်။ ယင်းသို့ ပြုပြင်ထည့်သွင်းပေးလိုက်သော ဆော့ဖ်ဝဲများသည် သူတို့သိလိုသော ပုဂ္ဂိုလ်အချို့၏ ကိုယ်ရေးအချက်အလက်များကို လူဆိုးဂိုဏ်းများဆီသို့ အင်တာနက်မှတစ်ဆင့် လျှို့ဝှက်ပေးပို့ နိုင်သည်။ ထိုဆော့ဖ်ဝဲကို အသုံးပြုနေသူသည် အွန်လိုင်းပေါ်တွင် အကြွေးဝယ်ကတ်ပြားဖြင့် ငွေပေးချေခြင်း၊ ဘဏ်စာရင်း အလွှဲအပြောင်း လုပ်သည့်အခါတိုင်းတွင် မိမိ တစ်ဦးတည်းသာ သိသော လျှို့ဝှက်စာ သို့မဟုတ် ဂဏန်း စသည်တို့ကို ရိုက်သွင်းရသည်။   ထိုသို့ရိုက်သွင်းလိုက်သည့် လျှို့ဝှက် သင်္ကေတကို ဆော့ဖ်ဝဲက မှတ်သားထားပြီး လူဆိုးဂိုဏ်းများဆီသို့ လျှို့ဝှက်စွာ ပေးပို့သည်။ ထိုအခါ လူဆိုးဂိုဏ်းသည် ထိုသူ၏ အကြွေးဝယ်ကတ်ဖြင့် ဈေးဝယ်ခြင်း၊ ဘဏ်စာရင်းမှ ငွေထုတ်ခြင်းတို့ကို လုပ်တော့သည်။ ကာယကံရှင်တို့ များစွာဆုံးရှုံး နစ်နာကြရသည်။ ဆော့ဖ်ဝဲကို ပြုပြင်ရေး သွင်းထားခြင်းသည် သူခိုးလမ်းပြ လုပ်ကာ နောက်ဖေးပေါက်ကို ဖွင့်ပေးလိုက်ခြင်းပင် ဖြစ်သည်။ ထို့ကြောင့် ယင်းကို Backdoor ဟု ခေါ်ကြသည်။ မိုက္ကရိုဆော့ဖ် ခိုးကူးခွေ တိုက်ဖျက်ရေးဌာန အကြီးအကဲ ဒေးဗစ်ဖင်း- David Finn က '' ဥာဏမူပိုင်ပစ္စည်းဟာ ကုမ္ပဏီရဲ့ အသက်သွေးကြော ဖြစ်နေသရွေ့ ကာလပတ်လုံး ခိုးကူးခွေတွေ ပေါ်မလာအောင် ကာကွယ်ရမယ့် တာဝန်ရှိတယ်'' ဟု ပြောသည်။ မိုက္ကရိုဆော့ဖ်သည် သူတို့၏ ဆော့ဖ်ဝဲများအား ခိုးကူးခြင်း၊ အတုအပ လုပ်ခြင်းများကို ပြင်းပြင်းထန်ထန် တုံ့ပြန်ရန် ပေါ်လစီ ချမှတ်ထားသည်။ ခိုးကူးခွေ တိုက်ဖျက်ရေးကို ငွေကြေး ပုံအောကာ ဆောင်ရွက်သည့် နေရာတွင် အခြားကုမ္ပဏီများက မိုက္ကရို ဆော့ဖ်ကို လိုက်မမီပေ။ မိုက္ကရိုဆော့ဖ်သည် ခိုးကူးခွေများကို ထိထိရောက်ရောက် နှိမ်နင်းခြင်းမှလွဲ၍ အခြားရွေးချယ်စရာလမ်း မရှိကြောင်း။ လက်လီဆိုင်များနှင့် စီးပွားဘက်များသည် ခိုးကူးခွေများကို နေရာမပေးသင့်ကြောင်း။ ခိုးကူးခွေများသည် ဆိုးကျိုးကိုသာ ပေးမည်ဖြစ်ကြောင်း။ ခိုးကူးခွေတွင် ပါလာသည့် သူခိုးလမ်းပြက ဒုက္ခပေးလိမ့်မည်ဖြစ်ကြောင်း ဖင်းကပြောသည်။ အမေရိက၊ ဥရောပနှင့် အာရှတို့မှ ထောက်လှမ်းရေး သမားများကို ငှားရမ်းကာ ခေတ်အမီဆုံး နည်းပညာကို အသုံးပြုလျက် ခိုးကူးသူများကို ပြင်းပြင်းထန်ထန် တိုက်ဖျက်လျက်ရှိသည်။ ယင်းသို့ အပြင်းအထန် ဆောင်ရွက်နေသည့်အတွက် မိုက္ကရိုဆော့ဖ်၏ ဂုဏ်သိက္ခာကို ထိခိုက်လာသည်။ ဝင်းဒိုးနှင့် အော့ဖစ် ဆော့ဖ်ဝဲများမှ မိုက္ကရိုဆော့ဖ်က ဝင်ငွေသောက်သောက်လဲ ရနေသည်။ အခြား ကုမ္ပဏီများပင် မနာလိုစရာ။ မိုက္ကရိုဆော့ဖ်၏ ဆော့ဖ်ဝဲများသည် ဈေးကြီးလွန်းသည်ဟု ပြိုင်ဘက်များက စွပ်စွဲကြသည်။ ယင်းသို့ ဈေးကြီးခြင်းကြောင့်ပင် လူအများစု မဝယ်ယူနိုင်ဘဲ ခိုးကူးခွေများဘက်သို့ ခြေဦးလှည့် ကြခြင်းဖြစ်ကြောင်း ပြောကြသည်။ ဖွံ့ဖြိုးဆဲ နိုင်ငံများတွင် မည်မျှ ကြီးမားသော ကုမ္ပဏီပင်ဖြစ်စေ ခိုးကူးဆော့ဖ်ဝဲနှင့် လုံးဝကင်းရှင်းသည်ဟူ၍ မရှိပေ။ အနည်းနှင့် အများ အသုံးပြုကြရသည်သာ ဖြစ်သည်။ မိုက္ကရိုဆောဖ့်၏ ဖိအားပေးမှုဖြင့် ရဲများက ခိုးကူးခွေမှန်သမျှကို တွေ့ရာသင်္ချိုင်း ဓားမဆိုင်း လုပ်ကြသည့်အခါ မိုက္ကရိုဆောဖ့် ပစ္စည်းများကို ရောင်းချပေးနေသည့် စီးပွားဖက် ကုမ္ပဏီများပါ ထိကုန်ရှကုန်တော့သည်။ ထို့အတွက် ငြိုငြင်လာကြသည်။ အထူးသဖြင့် ထိုအဖြစ်အပျက်မျိုးသည် အိန္ဒိယတွင် မကြာခဏ ဖြစ်တတ်သည်။ ''မိုက္ကရိုဆော့ဖ်ကလဲ ရသင့်ရ ထိုက်တဲ့ အကျိုးအမြတ် ရဖို့တစ်ခု တည်းဇောင်းမပေးနဲ့။ အိန္ဒိယ အစိုးရ အနေနဲ့ကလဲ ကလေးတွေကို ပညာပေးဖို့လိုတယ်'' ဟု ကိုလံဘီယာ တက္ကသိုလ် ဥပဒေ ပါမောက္ခအီဘင် မော့ဂလင် Eban Moglen ကပြောသည်။ မော့ဂလင်သည် အခမဲ့ ဆော့ဖ်ဝဲ Free Software ဆိုသည်ကို အားပေး ထောက်ခံသူ ဖြစ်သည်။ ''ဝင်းဒိုးလို အသုံးများတဲ့ ဆော့ဖ်ဝဲတွေမှာ ဈေးနှုန်းနှစ်မျိုးနဲ့ ရှိနေမှာပဲ။ ဒါဟာ ရှောင်လွှဲလို့ မရတဲ့ အမှန်တရားပဲ။ တတ်နိုင်တဲ့ လူတွေအတွက် ဈေးကြီးတဲ့ အမျိုးအစား ရှိမယ်။ သူတို့က မူရင်းဆော့ဖ်ဝဲပေါ့လေ။ သူတို့က ဝယ်နိုင်တဲ့ အခြေအနေလဲ  ရှိတယ်။ နောက်ဈေးနိမ့်တဲ့ အမျိုးအစားလဲ ရှိရမယ်။ မတတ်နိုင်သူတွေ အတွက်ပေါ့။ မတတ်နိုင်သူတွေက မသုံးဘဲ မနေနိုင်တော့ ခိုးကူးဆော့ဖ်ဝဲကို ဝယ်မှာပဲ'' မော့ဂလင်က ပြောသည်။ ခိုးကူးခြင်းသည် ခိုးမှုကျူးလွန်ခြင်း ဖြစ်သည်ကို ကမ္ဘာ့နေရာ အတော်တော်များတွင် သဘောမပေါက်ကြ။ ခိုးယူခြင်းဟူသည် အခိုးခံရသူထံမှ ပါသွား၊ ပျောက်သွားသော ပစ္စည်းရှိရမည်ဟု သမားရိုးကျ အယူအဆအရ ခိုးကူးခြင်းသည် ခိုးမှု မမြောက်ဟု ယူဆကြသည်။ ခိုးကူးခြင်းသည် အလားအလာကို ရယူခြင်းပျက်ပြား စေခြင်းဖြစ်သည်ဟု အဓိပ္ပာယ်ပြောင်း၍ ဖွင့်ဆိုရှင်းပြကြသည်။ ဆော့ဖ်ဝဲခိုးကူးခြင်းတွင် တစ်စုံတစ်ရာ အကောင်အထည်လိုက် ပျောက်ဆုံးသွားခြင်း မရှိသဖြင့် ပို့စ်မော်ဒန်ခိုးမှုဟု ဆိုကြပြန်သည်။ ဆော့ဖ်ဝဲတစ်ခုကို တစ်ကြိမ်ခိုး ကူးလိုက်ခြင်းသည် ဆော့ဖ်ဝဲတစ်ခု ရောင်းရမည့်အလားအလာကို ဖျက်ဆီးလိုက်ခြင်း ဖြစ်သည်။ ထို့ကြောင့် ဆော့ဖ်ဝဲတစ်ခု မရောင်းရဘဲပိုင်ရှင် ဘက်ကနစ်နာရသွားသည်ဟု ရှင်းပြ ကြသည်။ ဆော့ဖ်ဝဲခိုးကူးခြင်းသည် ဖွံ့ဖြိုး ဆဲနိုင်ငံများတွင် အများအပြား ဖြစ်နေသည်။ ဖွံ့ဖြိုးဆဲနိုင်ငံများတွင် လုပ်ခဝင်ငွေနိမ့်သဖြင့် ဆော့ဖ်ဝဲအစစ် ကိုဝယ်မသုံးနိုင်ကြ။ ထို့ကြောင့် ဈေး ပေါပေါရနိုင်သော ခိုးကူးခွေများကို ဝယ်ယူကြသည်။ အခြားအချက် တစ်ချက်မှာ တစ်ဦးချင်း၊ မိသားစုချင်း ရင်းနှီးစွာလက် ပွန်းတတီးနေထိုင်တတ်ကြသော နိုင်ငံများ (အထူးသဖြင့် ဖွံ့ဖြိုးဆဲနိုင်ငံများ)၌ ပိုမိုများပြားသည်။ ဥရောပတွင် အီတလီနှင့် စပိန်တို့၌ ခိုးကူးမှုအများ ဆုံးဖြစ်သည်။ ထိုနိုင်ငံသားများသည် အရှေ့နိုင်ငံသားများကဲ့သို့ပင် တစ်ဦးနှင့် တစ်ဦးရင်းနှီး ကျွမ်းဝင်လွယ်ကြသည်။ တစ်ဦးကိုတစ်ဦး ရိုင်းပင်းကူညီချင်စိတ်လည်း ရှိကြသည်။ ခိုးကူးခြင်းသည် တရားသည် ဆိုသော အယူအဆသည် ကိုလိုနီဖြစ်ခဲ့သော နိုင်ငံများတွင် တွေ့ရသည်။ ကိုလိုနီ အရှင်သခင်များဖြစ်သော အနောက် နိုင်ငံများသည် တစ်ချိန်က မိမိတို့ နိုင်ငံမှ သယံဇာတနှင့် သမိုင်းဝင် ရှေးဟောင်း ပစ္စည်းများကို လုယက်ခိုးယူ သွားခဲ့ကြသည်။ ထို့ကြောင့် ဖွံ့ဖြိုးပြီး နိုင်ငံများမှ ဆော့ဖ်ဝဲများကို ခိုးကူး ခြင်းမှာလည်း တရားမျှတသည်ဟူသော အဆိုလည်း ရှိပြန်သည်။ ခိုးကူးဆော့ဖ်ဝဲများသည် မိုက္ကရိုဆော့ဖ်၏ အမြတ်အစွန်းများကို ဖဲ့ယူနေသည်။ ကျွမ်းကျင်သူများ၏ ခန့်မှန်းချက်အရ ၂ဝဝ၉ ခုနှစ်တစ်နှစ် အတွင်းမှာပင် မိုက္ကရိုဆော့ဖ်သည် ဒေါ်လာ ၅၁.၄ ဘီလီယံ ဆုံးရှုံးမည်ဟု ဆိုသည်။ မိုက္ကရိုဆောဖ့်ကို အပြင်းအထန် ဝေဖန်သူများက ခိုးကူးခွေ နှိမ်နင်းရေး ဆိုသည်မှာ တိုင်ပတ်နေခြင်းသာဖြစ်ကြောင်း၊ မည်သည့်ဆော့ဖ်ဝဲလုပ်ငန်း မဆို ခိုးကူးခွေများအတွက် ဈေးကွက် အသင့်အတင့် ပေးရမည်ဖြစ်ကြောင်း။ လူ၏သဘာဝမှာ ဈေးသက်သာရာကိုသာ အသုံးပြုကြမည်ဖြစ်ကြောင်း ဝေဖန်ကြသည်။ ကမ္ဘာတစ်ဝန်းတွင် ခိုးကူးဆော့ဖ် ဝဲများကိုခြေရာခံသော မိုက္ကရိုဆော့ဖ်၏ ဓာတ်ခွဲခန်းဆယ်ခု ရှိသည်။ ယင်းတို့အနက် တစ်ခုဖြစ်သော ဒဗ္ဗလင်ရှိ ဓာတ်ခွဲခန်းကို ရူပဗေဒပညာရှင် တစ်ဦးဖြစ်သည့် ဒေါ်နယ်လ် ကီတင် - Peter Anaman ကဦးဆောင်သည်။ ထိုဓာတ်ခွဲခန်းတွင် အရွယ်အစား အမျိုးမျိုးရှိ မိုက္ကရိုစကုပ်များ ၊ စီဒီနှင့် ဒီဗီဒီ အချပ်များကို အနုစိတ် ဆန်းစစ်နိုင်သည့် ကိရိယာ အမျိုးမျိုးဖြင့် ပြည့်နှက်နေသည်။ ကွန်ပျူတာ မော်နီတာ မျက်နှာပြင်များပေါ်တွင် ခိုးကူးခွေ ရောင်းချမှု အခြေအနေပြ ဇယားကို မြင်နေရသည်။ အတုအစစ် ခွဲမရနိုင် အောင်တူနေသည့် ခိုးကူးခွေဘူးခွံများကလည်း တောင်ပုံရာပုံ။ ကီတင်၏ ရုံးအဖွဲ့တွင် စုံစမ်း ထောက်လှမ်းရေးမှူးအဖြစ် တာဝန်ထမ်းဆောင်သူမှာ ဂါနာနိုင်ငံဖွား ပီတာ အန်နာမန်- Peter Anaman ဖြစ်သည်။ ဗြိတိန်တွင် ပညာသင်ခဲ့ပြီး ပြင်သစ်စစ်တပ်တွင် တာဝန်ထမ်း ဆောင်ခဲ့စဉ် လက်နက်မဲ့ သတ်ပုတ် နည်းများကိုသင်ယူခဲ့ဖူးသည်။ ဆော့ဖ် ဝဲရေးနည်းကို ဆရာမပါ ကိုယ့်ဘာ သာကိုယ်လေ့လာတတ်မြောက်ခဲ့သူ ဖြစ်သည်။ အန်နာမန်သည် အင်တာနက် ပေါ်တွင် စကားပြောဖော်အများအပြား မွေးထားသည်။ အင်တာနက်ပေါ်တွင် လှည့်လည်ကြည့်ရှုခြင်းဖြင့် ခိုးကူးခွေ ဂိုဏ်းများ၏ သဲလွန်စကိုရှာ သည်။ အွန်လိုင်းပေါ်တွင် ကွန်ပျူ တာကွန်ရက်ထိုးဖောက်သူ ဟက်ကာများ၊ ခိုးရာပါအကြွေးဝယ်ကတ် ကိုတစ်ဆင့်ပြန်ရောင်းစားသူများနှင့် အသိအကျွမ်းဖွဲ့သည်။ သူ့အွန်လိုင်း မိတ်ဆွေများထဲတွင် ရုရှားနှင့် အရှေ့ ဥရောပမှ ဟက်ကာများလည်းပါ သည်။ ခေတ်အမီဆုံး ကွန်ပျူတာနည်း စနစ်များကို အသုံးပြုကာ အင်တာနက်ပေါ်တွင် ဆော့ဖ်ဝဲအတုများ ရောင်းချနေသော အင်တာနက်စာမျက် နှာများကိုခြေရာခံသည်။ သူတို့၏ သံသယမကင်းဖွယ် လှုပ်ရှားမှုများကို စုဆောင်းရယူကာ သူတို့၏စာမျက် နှာများကို ပိတ်သိမ်းပေးရန် အင်တာနက် ဝန်ဆောင်မှုပေးနေသူ Internet Service Provider များအား တိုက်တွန်းသည်။ ''တချို့ ခိုးကူးခွေရောင်းတဲ့ လူတွေဆိုရင်၊ သူတို့ရောင်းလိုက်တဲ့ ဆော့ဖ်ဝဲနဲ့ ပတ်သက်လို့ မေးမြန်းလိုရင် မေးမြန်းနိုင်ဖို့ တယ်လီဖုန်း နံပါတ်တောင် ပေးထားသေးတယ်။ တကယ့်ကို အစစ်လို့ထင်အောင်လုပ် ထားတာ''ဟု အန်နာမန်က ပြောသည်။ ခိုးကူးသမားများသည် ၄င်းတို့အား ခြေရာမခံနိုင်စေရန် ဆက်စပ်ထားသော အချိတ်အဆက် Web Link များကို မကြာခဏပြောင်းပေး သည်။ အလိုအလျောက် ပြောင်းလဲ ပေးသောစနစ်ဖြစ်သည်။ အဆိုပါ အဆက်အစပ်များကို မိုက္ကရိုဆော့ဖ်က လိုက်ဖျက်သည်။ ''အရင်တုန်းကဆိုရင် တစ်လ တစ်လကို Web Link တစ်သောင်း လောက်ဖျက်နေရတယ်။ အခုတော့ တစ်လကိုရှစ်သိန်းလောက် တိုက်ဖျက် နေရတယ်''အန်နာမန်က ပြောသည်။ အဆိုပါ Web Link များသည် မှောင်ရိပ်ခို အင်တာနက်စာမျက်နှာများ ဖြစ်ကြသည်။ ယင်းတို့အထဲတွင် ဗိုင်းရပ်စ်များ၊ အတုအယောင် ကွန်ရက်များဖြင့် ပြည့်နှက်နေသည်။ မိုက္ကရို ဆော့ဖ်၏ စုံးစမ်းချက်အရ ထိုအင် တာနက်စာမျက်နှာများမှ ဆော့ဖ်ဝဲများ၏ ၃၅ ရာနှုန်းတွင် အန္တရာယ် ပေးနိုင်သော Code များထည့်သွင်း ရေးဆွဲထားသည်ဟု သိရသည်။ အန်သော်နီ ဒီလန်နီသည် ခက်ယင်းခွ ဝန်ချီစက်ငယ် မောင်းသမား တစ်ဦးအဖြစ် မိုက္ကရိုဆော့ဖ်တွင် ဘဝကို စတင်ခဲ့သူ ဖြစ်သည်။ ယခုအခါ အန်သော်နီသည် ခိုးကူးခွေသတင်း အချက်အလက်ဆိုင်ရာ ပညာရှင်တစ် ယောက်ဖြစ်နေသည်။ သူ့ရုံးခန်းထဲရှိ ရုပ်မြင်ဖန်သား ပြင်ပေါ်တွင် ကမ္ဘာ့မြေပုံများကို မြင်နေရသည်။ ထိုမြေပုံများတွင် မိုက္ကရိုဆော့ဖ် ကိုယ်စားလှယ်နှင့် စီးပွားဖက် ဆိုင်များ၊ ရုံးများကို ညွှန်ပြထားသည်။ မြို့တစ်မြို့၏ အပေါ်သို့ မောက်စ်မြား ဦးရောက်သွားသည်နှင့် ထိုမြို့ရှိ အရောင်းဆိုင် အမည်များ၊ ထိုဆိုင်များမှ ရောင်းချလိုက်သော ဝင်းဒိုးဆော့ဖ်ဝဲ အရေအတွက်နှင့် ထိုဆော့ဖ်ဝဲများ အနက်မှ ခိုးကူးခွေဟုယူဆရသော အခွေအရေအတွက်တို့ကို ဖော်ပြ သည်။ နယူးယောက်မြို့၏ မိုင်ငါးဆယ် ပတ်ဝန်းကျင်အတွင်းရှိဆိုင်များမှ လွန်ခဲ့ သောနှစ်အတွင်း ခိုးကူးခွေ ၂ဝဝ ကျော် ရောင်းချခဲ့သည်ကို တွေ့ရှိရသဖြင့် သတိပေးစာများ ပေးပို့ခဲ့ရသည်။ } '' ပုံမှန်အားဖြင့်ဆိုရင် ဝင်းဒိုး ဆော့ဖ်ဝဲ စုစုပေါင်း ရောင်းချရမှုရဲ့၊ ငါးရာနှုန်းဟာ မိုက္ကရိုဆော့ဖ်အော့ဖစ် Microsoft Office နဲ့တွဲဖက်ရောင်းချ ရတယ်။ Microsoft Office ရောင်းချ ရမှုနှုန်းဟာ ငါးရာနှုန်းထက် လျော့နည်းမယ်ဆိုရင် အဲဒီဆိုင်ကိုသွား ရောက်ဆွေးနွေးတာတို့၊ အဲဒီဆိုင် ကရောင်းချနေတဲ့ဆော့ဖ်ဝဲကို ပြန်ဝယ် တာ(စစ်ဆေးကြည့်ရန်)တို့ လုပ်ရ တယ်''အန်သော်နီက ရှင်းပြသည်။ အန်သော်နီ၏ လက်အောက်တွင် အခွန်အမှုထမ်းဟောင်း၊ အက်ဖ်ဘီအိုင်နှင့် လျှို့ဝှက်ထောက်လှမ်းရေး ဝန်ထမ်းဟောင်း၊ အပြည်ပြည်ဆိုင်ရာ ရဲတပ်ဖွဲ့ဝင်ဟောင်းနှင့် ရှေ့နေများ ရှိနေကြသည်။ စုစုပေါင်း ၇၅ ဦးရှိသည်။ သူတို့သည် အန်သော်နီ၏ ညွှန်ကြားချက်ဖြင့် လှုပ်ရှားကြရသည်။ ခိုးကူးခွေ နှိမ်နင်းရေးအတွက် မိုက္ကရိုဆော့ဖ်သည် တစ်နှစ်လျှင် ဒေါ်လာ ဆယ်သန်းကျော် သုံးစွဲနေပြီး၊ ခိုးမကူးနိုင်ရန် နည်းလမ်းရှာဖွေရေး သုတေသနတွင် ဒေါ်လာ သန်းနှစ်ရာ သုံးစွဲလျက်ရှိသည်။ ဆော့ဖ်ဝဲကို ခိုးကူးထားသည့် စီဒီချပ် တစ်ချပ်ချင်း၏ ခြားနားမှုကို ဖော်ပြသည့် (လက်ဗွေကဲ့သို့) အမှတ်လက္ခဏာကို ဖော်ထုတ်ခြင်း၊ အင်တာနက်မှ ရယူသော ခိုးကူးဆော့ဖ်ဝဲ၏ ဇာစ်မြစ်ကို ဖော်ထုတ်ခြင်းကဲ့သို့ အဆင့်မြင့်နည်းပညာများကို သုတေသန ပြုလုပ်လျက် ရှိသည်။ အဆိုပါ နည်းလမ်းများဖြင့် ဖော်ထုတ်နိုင်မည် ဆိုပါက ဝယ်ယူထားသော စီဒီသည် အစစ်အမှန် ဟုတ်-မဟုတ်ကို အင် တာနက်မှတစ်ဆင့် စစ်ဆေးနိုင်ကြ မည်ဖြစ်သည်။ သို့သော် သုံးစွဲသူတစ်ဦးချင်းကို ရင်ဆိုင်ရန်ဆိုသည်မှာ အလွန်သိမ်မွေ့ သောအပိုင်းဖြစ်သည်။ မိုက္ကရိုဆော့ဖ်သည် လက်ဝါးကြီးအုပ်လွန်းသည်၊ ပိုင်စိုးပိုင်နင်း လုပ်လွန်းသည်ဟုသော သောညံနေချိန်တွင် အကိုင်အတွယ် မတတ်ပါက အရှုံးကြီးရှုံးသွားနိုင် သည်။ စားသုံးသူ အရွှေ့အပြောင်း ချက်ချင်းဖြစ်သွားနိုင်သည်။ လင်းနတ် Linux ကဲ့သို့သော ဆော့ဖ်ဝဲများဘက် သို့ရောက်သွားနိုင်သည်။ သုံးစွဲသူတစ်ဦးချင်းကို ရင်ဆိုင်ရာတွင် နည်းအမျိုးမျိုးကို အသုံးပြုလျက် ရှိသည်။ အချို့သော နေရာများတွင် ခိုးကူးဆော့ဖ်ဝဲကို သုံးစွဲနေသူအား ဆော့ဖ်ဝဲအစစ်ကို မတန်တဆ လျှော့ဈေးဖြင့် ရောင်းပေးခြင်း၊ တစ်ခါတစ်ရံ ဆော့ဖ်ဝဲအစစ်ဖြင့် အခမဲ့လဲ လှယ်ပေးခြင်းတို့ဖြင့် ညင်ညင်သာ သာကိုင်တွယ်လျက် ရှိသည်။ စီးပွားရေး အဖွဲ့အစည်းများကိုမူ ပြင်းထန်သော နည်းလမ်းများဖြင့် အရေးယူသည်။ စီးပွားရေး လုပ်ငန်းတွင် အသုံးပြုလျက်ရှိသော ကွန်ပျူတာ တစ်လုံးပေါ်တွင် ခိုးကူးဆော့ဖ်ဝဲ တစ်ခုကိုတွေ့ရှိပါက အဖွဲ့အစည်း အတွင်းရှိ ကွန်ပျူတာ စုစုပေါင်း၏ တစ်လုံးချင်းအတွက် ဆော့ဖ်ဝဲတစ်ခု စီတန်ဖိုးကို ဒဏ်ကြေးအဖြစ်ချမှတ် သည်။ ကွန်ပျူတာ အလုံးပေါင်း တစ်ရာရှိပြီး ဆော့ဖ်ဝဲတစ်ခု၏ တန်ဖိုးသည် ဒေါ်လာတစ်ရာဆိုပါက ဒေါ်လာတစ်သောင်း ဒဏ်ချသည်။ ထို့ကြောင့်အဖွဲ့အစည်းပိုင် ကွန်ပျူတာ ပေါ်တွင် ခိုးကူးဆော့ဖ်ဝဲများ တင်မထားရန် အုပ်ချုပ်ရေးပိုင်းက တား မြစ်ကြသည်။ ခိုးကူးခွေများကို အသုံးပြုကြသူ များထဲတွင် တက္ကသိုလ်ကျောင်းသား၊ အဘိုးအို၊ အဘွားအို၊ လမ်းလုပ်သား စသည့် အမျိုးမျိုးအထွေထွေသော လူများကိုတွေ့ရသည်။ ထိုသူများသည် ဆော့ဖ်ဝဲအစစ်ကို ဝယ်ယူရန်မတတ် နိုင်ကြ၍သော်လည်းကောင်း၊ မဝယ်ချင်ကြ၍ သော်လည်းကောင်း၊ လွယ်လွယ်ကူ ရနိုင်သောကြောင့်လည်း ကောင်းဈေးသက်သာသည့် အလ ကားနီးပါးရနိုင်သည့် ခိုးကူးဆော့ဖ်ဝဲ များကို အသုံးပြုကြခြင်းဖြစ်သည်။ မိုက္ကရိုဆော့ဖ်က သူ၏ ဆော့ဖ်ဝဲကို အစုအပြုံလိုက် ကူးယူရောင်းချ သူများအား အဓိက ပစ်မှတ်ထားလိုက် လံရှာဖွေလျက် ရှိသည်။ သို့သော် ခိုးကူးသော လုပ်ငန်းဟူသည် ခေါင်းတိုင်မှ မီးခိုးတလူလူ ထွက်နေသော စက်ရုံမျိုးမဟုတ်။ လှေကားအောက် စတိုခန်း၊ ကားဂိုဒေါင်၊ လူသူမနီးသည့် တောကြီးမျက်မည်းထဲမှ ဓနိတဲတို့တွင် လုပ်ကိုင်နေကြခြင်း ဖြစ်သည်။ အစုလိုက် အပြုံလိုက် ခိုးကူးသည့် လုပ်ငန်းကို လုပ်ကြသူ ငတက်ပြားများသည် ယင်းတို့အား ခြေရာမခံ နိုင်စေရန် နည်းအမျိုးမျိုးဖြင့် ရှောင်ကွင်းကြသည်။ တောနက်ထဲတွင် တဲအိမ် တစ်လုံးဆောက်ကာ အခွေများစွာကို တစ်ပြိုင်နက် ကူးယူနိုင်သော စက်များ၊ ရွှေ့ပြောင်းနိုင်သည့် မီးစက် စသည့်တို့ တပ်ဆင်ပြီး အခြားနိုင်ငံမှ တရားမဝင် အလုပ်သမား ဆယ်ဦးခန့်ကို ခိုင်းစေလျက် ခိုးကူးခြင်းကို စတင်သည်။ ရက်အနည်းငယ်အတွင်း အစစ်နှင့် မခြား အဆင်သင့် ထုပ်ပိုးပြီးသား ခိုးကူးခွေ ဒေါ်လာသန်းသုံးဆယ်၊ လေးဆယ်ဖိုးခန့်ကို ရသည့်အခါ တဲကို မီးတင်ရှို့လိုက်သည်။ တရားမဝင် လုပ်သားများကို နေရင်းဌာနေသို့ ပြန်ခိုင်းလိုက်သည်။ လက်စလက်န အကုန်လုံးကို ဖျောက်ဖျက်လိုက်သည်။ ရက်ပိုင်းအတွင်း ထိုခိုးကူးခွေများသည် ဥရောပနှင့် အမေရိက ဈေးကွက်များသို့ ရောက်သွားတော့သည်။ ခိုးကူးခွေ အများဆုံးဖမ်းမိသည့် အဖြစ်အပျက်မှာ တရုတ်နိုင်ငံ တောင်ပိုင်းတွင် ၂ဝဝ၇ ခုနှစ် ဇူလိုင်လက ဖြစ်ပွားခဲ့သည်။ တရုတ်ပြည်သူ့ လုံခြုံရေး ဗျူရိုနှင့် အက်ဖ်ဘီအိုင်တို့၏ ပူးပေါင်းစစ်ဆင်ရေး တစ်ခုကြောင့် ကုန်လှောင်ရုံ တစ်ရုံအတွင်း ဒေါ်လာ နှစ်ဘီလီယံ တန်ဖိုးရှိ ဆော့ဖ်ဝဲများကို သိမ်းဆည်းရမိလိုက်သည်။ အလုပ်သမားများသည် ဆော့ဖ်ဝဲအစစ်အမှန်များ ဖြစ်ကြောင်း သက်သေခံလက်မှတ်၊ လက်စွဲစာအုပ်တို့ကို ဘူးများအတွင်း ထည့်သွင်းလျက် နိုင်ငံရပ်ခြားသို့ တင်ပို့ရန် စီစဉ်နေခိုက်တွင် ဝင်ရောက်စီး နင်းခဲ့ခြင်း ဖြစ်သည်။ သိမ်းဆည်းရမိသော ဘူးများတွင် မိုက္ကရိုဆော့ဖ်၏ ဆော့ဖ်ဝဲ ၁၉ မျိုး(ဘာသာစကား ၁၁ မျိုးဖြင့်)ပါဝင်သည်ကိုတွေ့ရသည်။ ထိုနေရာမှ ခိုးကူးခွေများကို နိုင်ငံပေါင်း ၃၁ နိုင်ငံသို့ ဖြန့်ဖြူးခဲ့ကြောင်း စစ်ဆေးတွေ့ရှိရသည်။ မိုက္ကရိုဆော့ဖ်က ယင်း၏ ဆော့ဖ်ဝဲဘူးများတွင် အစစ်အမှန်ဖြစ်ကြောင်း လုံခြုံရေးကြိုးမျှင် Security Thread ကို ထည့်သွင်းထားသည်။ တရုတ်-အက်ဖ်ဘီအိုင် ပူးပေါင်းစစ်ဆင်ရေးက သိမ်းဆည်းရမိသော ပစ္စည်းများထဲတွင် ဖြန့်တိုင်းကြည့်လျှင် ၈၁ မိုင်ရှည်လျားသော လုံခြုံရေးကြိုးမျှင် အတုများလည်း ပါဝင်နေသည်။ ဤမျှ ပမာဏကြီးမားသော ခိုးကူးခွေ လုပ်ငန်းကြီးကို နှစ်ရှည်လများ အချိန်ယူကာ တည်ထောင်ခဲ့ခြင်း ဖြစ်သည်။ ကမ္ဘာအရပ်ရပ်ရှိ ဖောက်သည်ဆိုင်များနှင့် ဆက်သွယ်ထားပြီး၊ အထူးလျှော့ဈေးဖြင့် ဆော့ဖ်ဝဲများကို ရောင်းချပေးနေခြင်း ဖြစ်သည်။ လက်လီဆိုင်များက အစစ်အမှန် ဆော့ဖ်ဝဲများဖြစ်သည်ဟု ယုံကြည်လျက် တစ်ဆင့်ပြန်လည် ရောင်းချပေးခြင်းများ ရှိသလို၊ ခိုးကူးဆော့ဖ်ဝဲမှန်း သိလျက်သားနှင့် ငွေကြေးအကျိုး အမြတ်အတွက် ရောင်းချပေးနေသော ဆိုင်များလည်းရှိသည်။ ဆော့ဖ်ဝဲများကို ကွန်ပျူတာပေါ် သို့တင်ပြီးသည့်အခါ အင်တာနက်မှ တစ်ဆင့် မိုက္ကရိုဆော့ဖ်နှင့် ဆက်သွယ်ကာပေးထားသော Code ကို ရိုက်သွင်းလျက် စတင် သက်ဝင်လှုပ်ရှား Activation စေရသည်။ ယင်းသို့ ပြုလုပ်နိုင်ရန် ခိုးကူးသူများသည် တရားဝင် ကုတ်များကို ခိုးယူအသုံးပြုကြသည်။ တစ်ခါတရံတွင် ကိုယ်ပိုင် အင်တာနက် စာမျက်နှာထောင်ကာ ဆောင်ရွက်ပေးကြသည်လည်း ရှိသည်။ ကျွမ်းကျင်မှုများစွာ လိုအပ်ပြီး စရိတ်စက ကြီးမားသည့်အတွက် ယခင်က ခိုးကူးခွေလုပ်ငန်း လုပ်နိုင်သူ အနည်းအကျဉ်းသာ ရှိသည်။ လွန်ခဲ့သည့် ဆယ်နှစ်က အခွေးကူး စက်တစ်လုံးကို ဒေါ်လာဆယ်သန်း ပေးရသော်လည်း ယခုအခါ တစ်ပတ် ရစ်ဝယ်လျှင် ဒေါ်လာ တစ်သိန်းသာ ရှိတော့သည်။ ခိုးကူးရာတွင် အရေးကြီးဆုံး ပစ္စည်းမှာ စီဒီကို မူရင်းအတိုင်း အတိအကျရိုက်ထုတ်ပေးနိုင်သည့် မူရင်းပုံစံခွက် Stamper ဖြစ်သည်။ ထိုပုံစံခွက်သည် အချပ်ရေ သိန်းချီ ရိုက်နှိပ်ထုတ်ပေးနိုင်သည်။ ယင်းပုံစံခွက်သည် အချပ်တိုင်းပေါ်တွင် လက်ဗွေအမှတ်အသားကဲ့သို့ သူမတူသော အမှတ်အသား တစ်ခုခုကို ဖြစ်ပေါ်စေသည်။ ထိုအမှတ်အသားကို အနုကြည့် မှန်ဘီလူး အောက်တွင် မှသာမြင်နိုင်သည်။ ထိုအမှတ်အသာသည် စုံစမ်းထောက်လှမ်း သူများအဖို့ အရေးကြီးသည်။ ထိုအမှတ်အသားကိုကြည့်ကာ စီဒီတစ်ချပ်သည် မည်သည့်ပုံစံခွက်မှ ထွက်လာသည်ကို သိနိုင်သည်။ ပုံစံခွက်တစ်ခုတည်းမှ ထွက်လာသော ခိုးကူးခွေများကို မည်သည့်နေရာ၊ အရောင်းဆိုင်၊ ကောလိပ်များတွင် တွေ့ရှိသည်ကို အခြေခံလျက် အတုလုပ်နေသည့် အလုပ်ရုံကို ခြေရာခံနိုင်သည်။ ခိုးကူးခွေတစ်ချပ်ကို ခြောက်မိနစ်ကြာ စစ်ဆေးကြည့်ခြင်းဖြင့် ထိုအချပ်၏ ထူးခြားသော အမှတ်အသားကို ရှာဖွေနိုင်သည်။ ရရှိလာသော အမှတ်အသားကို စုဆောင်းထားသော အခြားအမှတ်အသားများနှင့် တိုက်ဆိုင်စစ်ဆေးသည်။ မိုက္ကရိုဆော့ဖ်သည် သူ၏အခွေ ထုတ်လုပ်ခွင့်ပြုထားသော ကမ္ဘာအနှံ့ရှိ စက်ရုံများကို တင်းကြပ်စွာ ထိန်းချုပ် ထားသော်လည်း၊ ပုံစံခွက်သည် တစ်နည်းမဟုတ် တစ်နည်း ခိုးကူးသမားများလက်သို့ ရောက်သွားတတ်သည်။ စာရွက်စာတမ်းအတုများကို အသုံးပြုလျက်လည်းကောင်း၊ ပုံစံခွက်ကို ခိုးယူခြင်းဖြင့်လည်းကောင်း ရယူတတ်သည်။ စက်ရုံအလုပ်နားနေသည့် အချိန်တွင် အခွေများကို ထုတ်လုပ်ပြီး မှောင်ခိုဈေးသို့ပို့သည်။ အတုအစစ်ခွဲခြားနိုင်ရန် ဘူးခွံတွင် လုံခြုံရေးကြိုးမျှင်များနှင့် စီဒီပေါ်ရှိ တံဆိပ်တွင် ရုပ်လုံးကြွထည့်သွင်းခြင်း တို့လုပ်ထားသော်လည်း အတုလုပ်သူများက အမီလိုက်လာနိုင်ကြသည်။ လူပြိန်းတစ်ဦး အနေဖြင့် အတုအစစ် ခွဲခြားမရနိုင်သော်လည်း ကျွမ်းကျင်သူများက ဘူးခွံကို မြင်ရုံမျှဖြင့် သိနိုင်ကြသည်။ အတုလုပ်သူများသည် ကျွမ်းကျင်သူများကိုပင် ထင်ယောင်ထင်မှား ဖြစ်အောင် လုပ်နိုင်ကြသည်။ စီဒီပေါ်တွင် ကျန်နေသည့် ခြေရာခံနိုင်သည့် အမှတ်အသားများကို လေဆာရောင်ခြည်သုံးကာ ဖျက်ပစ်သည့်နည်းကို သုံးလာကြသည်။ မိုက္ကရိုဆော့ဖ်၏ မူရင်းကို ဝယ်ရန်မတတ်နိုင်သည့် ဒေသ၊ နိုင်ငံများတွင် ခိုးကူးခွေများ ပလူပျံနေသည်။ မိုက္ကရိုဆော့ဖ်၏ ပြိုင်ဖက် လင်းနပ်က ထိုဒေသများကို လွှမ်းမိုးရန် ကြိုးစားနေသည်။ ဂူးဂဲလ်ကလည်း မိုက္ကရိုဆော့ဖ် အော့ဖစ်နှင့် အလားတူ ဆော့ဖ်ဝဲကို ဈေးမတန်တဆလျှော့ပြီး ရောင်းချလာသည်။ မိုက္ကရိုဆော့ဖ် ထုတ်ကုန်များ၏ ဈေးနှုန်းကြီးမြင့်မှုကြောင့် ခိုးကူးခွေများ ပေါ်လာရသည် ဆိုသောအချက်ကိုတော့ ဒေးဗစ်ဖင်းက ငြင်းဆိုသည်။''ဈေးနှုန်းနဲ့ ခိုးကူးခွေ ပြဿနာ ဆက်စပ်မှု ရှိ-မရှိ ကျွန်တော် သုတေသန လုပ်ကြည့်ပြီးပြီ။ ဆက်စပ်မှုရှိတာ မတွေ့ရဘူး''ဟု ပြောသည်။ ခိုးကူးဆော့ဖ်ဝဲများကို နှိမ်နင်းရာတွင် မကြာခဏ ဆိုသလို မိုက္ကရိုဆော့ဖ်သည် အကျဉ်းအကျပ်ထဲသို့ ရောက်သွားတတ်သည်။ အိန္ဒိယတွင် ခိုးကူးခွေများကို ဖမ်းဆီးရုံးတင်ရာတွင် အစိုးရသည် မိုက္ကရိုဆော့ဖ်၏ နိုင်လိုမင်းထက် အပြုအမူကို ဒူးထောက် အရှုံးပေး နေရသည်ဟု သတင်းစာများက အပြင်းအထန် ဝေဖန်လာသဖြင့် နောက်ဆုတ်ပေးခဲ့ရသည်။ ရုရှားလုံခြုံရေးများက အတိုက်အခံ သတင်းစာတိုက်နှင့် အတိုက်အခံ အုပ်စု ရုံးခန်းများကို ခိုးကူးခွေ အကြောင်းပြ ဝင်ရောက်စီးနင်းခဲ့သည့် အတွက် တစ်ကမ္ဘာလုံးရှိ သတင်း လောကသားများက ဝိုင်းဝန်းဝေဖန် ကန့်ကွက်ကြသဖြင့် အတိုက်အခံ သတင်းစာနှင့် အုပ်စုအားလုံးအတွက် မိုက္ကရိုဆော့ဖ်က သူ့အခွေ အစစ်များကို အခမဲ့ ပေးခဲ့ရသည်။ ခိုးကူးခွေအသုံး ပြုမှုဖြင့် တရားစွဲခံရသော အဖွဲ့အစည်းများအတွက် ဥပဒေကြောင်းအရ အကာအကွယ် ပေးပါမည်၊ ရှေ့နေခ ပေးပါမည်ဟုလည်း ကမ်းလှမ်းခဲ့ရသည်။ ''ဥာဏ မူပိုင်ပစ္စည်းဆိုတာ စီးပွားရေး ဖွံ့ဖြိုးတိုးတက်မှုအတွက် အရေးအကြီးဆုံး အရင်းအနှီးပဲ။ လုပ်ငန်းကြီးတွေ အတွက်သာမကဘဲ လုပ်ငန်းငယ်တွေ အတွက်ပါ ဒါဟာ အရေးကြီးတယ်။ သက်ဆိုင်ရာ အစိုးရတွေကလဲ ဒါကို သဘောပေါက်လာကြလို့ ကျွန်တော်တို့နဲ့ လက်တွဲလုပ်နေပါတယ်'' ဟု ဒေးဗစ်ဖင်းက ပြောသည်။ ayetunmin@gmail.com Ref: Chasing Pirates: Inside Microsoft’s War Room အေးထွန်းမင်း