မင်္ဂလာသတင်း

လုပ်ဖော် ကိုင်ဖက် ရဲဘော်များ ခင်ဗျား

မင်္ဂလာပါ။

ကျန်းမာကြပါစေလို့ မကဒတ ရဲဘော်များက ဆုတောင်းလိုက်ပါတယ်။

မင်္ဂလာသတင်းပြောချင်ပါတယ် ။ မနေ့က KNU တပ်မဟာ (၇) နှင့် (၅)မှ တပ်များ မာနယ်ပလောကို ပြန်လည်သိမ်းပိုက်လိုက်ပြီဖြစ်

ပါတယ်။ ဒါကြောင့် နယ်စပ်တလျောက်မှာ တိုက်ပွဲအရှိန်ပြန်မြင့်လာနိုင် တယ်လို့ သုံးသပ်ပါတယ်။

တိုက်ပွဲအရှိန်ပိုမြင့်လာလေ ရဲဘော်တွေရဲ့ အကူအညီတွေပိုလိုလေဖြစ်ပါတယ်။ ကျနော်တို့တပ်တွေ နယ်မြေခံများနှင့် ပူးတွဲတိုက်ပွဲဝင်လျက်ရှိပါတယ်။ သိရှိနိုင်အောင်မျှဝေခြင်းဖြစ်ပါတယ်။

ခင်မင်စွာဖြင့် -
ဆလိုင်းယောအောင်

 

ကရင်လူထုအတွက် စာမျက်နှာသစ်ဖွင့်ချိန်

ဆလိုင်းယောအောင်

ဒီဇင်ဘာ ၈၊ ၂၀၁၀

“---ဗိုလ်မှူးချုပ် စောလားပွယ်၏ လုပ်ရပ်ကို ဂုဏ်ပြု ကြိုဆို ကြသည်ကို တွေ့ရသော်လည်း KNU၏ တုန့်ပြန်ချက်နှင့် ပတ်သက်ပြီး အားမရမှုများ ရှိနေသည်---”

နအဖ သည် လမ်းပြမြေပုံ (၇)ချက်ကို ၂၀၀၃ ခုနှစ် သြဂုတ်လတွင် ချမှတ်ခဲ့သည်။ ထိုလမ်းပြမြေပုံပါ အ ချက်များကို ၂၀၀၄ ခုနှစ် မေလမှစတင်ကာ တဆင့်ခြင်း အကောင်အထည် ဖော်ခဲ့ရာ ပဉ္စမအချက်ဖြစ်သည့် ဖွဲ့စည်းပုံ အခြေခံဥပဒေအရ တရားမျှတသော ရွေးကောက်ပွဲကျင်းပခြင်း ဆိုသည့် ရွေးကောက်ပွဲကို ၂၀၁၀ နိုဝင်ဘာလ (၇)ရက်နေ့တွင် ကျင်းပ ပြုလုပ်ခဲ့သည်။ နောက်တနေ့တွင် ၁၉၉၅ ခုနှစ်က အပစ်အခတ် ရပ်စဲထားခဲ့ပြီး နယ်ခြားစောင့်တပ်အဖြစ် လက်မခံသော ဗိုလ်မှူးချုပ် စောလားပွယ် ခေါင်းဆောင်သော တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) နှင့် နအဖတို့ မြ၀တီ၊ ဘုရားသုံးဆူ ဒေသများတွင် တိုက်ပွဲများ ဖြစ်ပွားခဲ့သည်။

          ထိုအခြေအနေသည် သံသယများဖြင့် (၁၅)နှစ်ကြာ တည်ဆောက်ထားသော အပစ်အခတ်ရပ်စဲရေး ပျက်ပြားခြင်း၊ တရားမျှတမှုမရှိသော ရွေးကောက်ပွဲ၏ ပထမဆုံးရလဒ်၊ သွေးခွဲစနစ်ဖြင့် အမျိုးသား အချင်းချင်း ရန်တိုက်ပေးရန် စီစဉ်ထားသော နယ်ခြားစောင့်တပ် အစီအစဉ်အား အာခံခြင်းဖြစ်သည်ဟု ရှုမြင်နိုင်မည် ဖြစ်သည်။

          ယခုဖြစ်စဉ်သည် ဗိုလ်မှူးချုပ် စောလား ပွယ် (ခေါ်) နှုတ်ခမ်းမွှေး ဦးဆောင်သော DKBA နှင့် ဖြစ်ပွားခြင်းမျိုး သက်သက်မဟုတ်ဘဲ DKBA တခုလုံးနှင့် ဖြစ်ပွားခဲ့ခြင်း ဖြစ်သည်ဟု ယူဆနိုင်ပါသည်။ ဆိုလိုသည်မှာ အပစ်အခတ်ရပ်စဲရေးသည် ယုံကြည်မှုပေါ် အခြေခံထားခြင်း မဟုတ်ခြင်း၊ စစ်မှန်သည့် ငြိမ်းချမ်းရေး မဟုတ်ခြင်း၊ သံသယအပေါ် အခြေခံထားခြင်း နှင့် သံသယများ ဆက်လက်ရှိနေသောကြောင့် ဖြစ်ပါသည်။

          ထိုအခြေအနေအောက်မှာ နအဖသည် ကျန်ရှိနေသည့် နယ်ခြားစောင့်တပ်အဖြစ် သဘောတူလက်ခံထားသော တနည်းအားဖြင့် ဗိုလ်ချစ်သူ ဦးဆောင်သော DKBA ၊ ၁၉၉၅ ခုနှစ် က KNU မှ ခွဲထွက်သွားခဲ့သည့် စောသူမူဟဲ ဦးဆောင်သော KPF ၊ ၂၀၀၇ ခုနှစ်က KNU မှ ခွဲထွက် သွားခဲ့သော နယ်ခြားစောင့်တပ်ဖွဲ့စည်းရေး လက်မခံသည့် ဗိုလ်ချုပ် ထိန်မောင်၏ KNU/KNLA ငြိမ်းချမ်းကောင်စီတို့ အား သံသယဖြင့် စောင့်ကြည့်ကာ အခါအခွင့် သင့်သည်နှင့် ချေမှုန်းနှိုင်ရေးပြင်ဆင် ဆောင်ရွက်နေမည် ဆိုသည်မှာ သံသယဖြစ်စရာ မလိုပေ။

           ဗိုလ်ချစ်သူ အပါအ၀င် DKBA ခေါင်းဆောင်များအားလုံး အနေဖြင့်လည်း ယခုဖြစ်ပွားခဲ့သော ဖြစ်စဉ်နှင့် ပတ်သက်ပြီး အသေအချာ ပြန်လည်သုံးသပ် ဆင်ခြင်ရန် လိုအပ်သော အချိန်ဖြစ်သည်။

          မိမိကိုယ် မိမိ ခုခံကာကွယ်နိုင်ရေး နှင့် မိမိတို့ ရည်မှန်းချက်ဖြစ်သော အမျိုးသား ကိုယ်ပိုင် ပြဋ္ဌာန်းခွင့်များအတွက် ပြန်လည် တိုက်ပွဲဝင်ရန် ပြင်ဆင်ချိန်ရောက်ပြီလား၊ မိခင် အဖွဲ့အစည်းဖြစ်သည့် KNU နှင့် အမျိုးသား ပြန်လည်သင့်မြတ်ရေး ဆောင်ရွက်သင့်ပြီလား၊ (၁၅) နှစ်တာ အပစ်အခတ် ရပ်စဲရေးဟာ တကယ်ဘဲ လူထုအတွက် အကျိုးရှိခဲ့သလား၊ DKBA တခုလုံး အတွက် အကျိုး ရှိခဲ့သလား၊ ဘယ်လို ကန့်သတ်ချက်တွေ နှင့် DKBA ကို နအဖ က ကိုင်တွယ်ခဲ့သလဲ စသည့် မေးခွန်းများကို လေးလေးနက်နက် စဉ်းစားရမည့်အချိန် ဖြစ်သလို KNU အနေဖြင့်လည်း ဦးဆောင်ပါတီဖြစ်သည့် အားလျော်စွာ တခုလုံး၏ အကျိုးစီးပွားကို ကြည့်သင့်သော အချိန်အခါကောင်း ဖြစ်သည်ဟု မြင်ပါသည်။

           ရရှိသည့်အခွင့်အရေးကို အပြည့်အ၀အသုံးချကာ KNU ၊ KPF ၊ KNU/KNLA ငြိမ်းချမ်းရေးကောင်စီ နှင့် DKBA သည် ကရင်လူထု အကျိုးအတွက် ခြေလှမ်းသစ် စာမျက်နှာသစ် ဖွင့်လှစ်ကာ သမိုင်းတခေတ် တည်ဆောက်ရမည့် အချိန်ဖြစ်သည်။ ကျနော် တွေ့မိသော ကရင်လူထုကို ယခုဖြစ်စဉ်နှင့် ပတ်သက်ပြီး သဘောထား မေးကြည့်ရာ အတော်များများက ဗိုလ်မှူးချုပ် စောလားပွယ်၏ လုပ်ရပ်ကို ဂုဏ်ပြု ကြိုဆို ကြသည်ကို တွေ့ရသော်လည်း KNU၏ တုန့်ပြန်ချက်နှင့် ပတ်သက်ပြီး အားမရမှုများ ရှိနေသည်ကို တွေ့ရသည်။

          ပွင့်ပွင့်လင်းလင်း ပြောရလျှင် KNU ရဲဘော် အချို့ပင်လျင် KNU ၏သဘောထားကို အားရကျေနပ်ခြင်း မရှိကြချေ။ “ဒီအချိန်ဟာ ငါ့တို့ အတွက် အကောင်းဆုံးအချိန်ဘဲ DKBA နှင့် ပေါင်းပြီး မြ၀တီကို သိမ်းလိုက်ရင် ဘယ်လောက် ကောင်းမလဲ၊ တခါတည်း KNU နှင့် DKBA ပေါင်းပြီးသား ဖြစ်သွားပြီး လူထုအတွက်လည်း အကျိုးရှိ တာပေါ့” ဟု KNU ရဲဘော်တယောက်က သူ့အမြင်ကို ပြောပြပါသည်။

          ဗိုလ်မှူးချုပ် စေားလားပွယ်က သူ့၏ နိုင်ငံရေး အယူ အဆကို မီဒီယာများ နှင့်တွေ့ဆုံရာတွင် “ဒီကနေ့ ကျနော် လုပ်နေတာဟာ ကရင်လူမျိုးအတွက် တခုတည်း မဟုတ်ပါဘူး၊ ဒီမိုကရေစီအတွက်၊ ဒေါ်အောင်ဆန်းစုကြည်အတွက် ဖြစ်တယ်”  လို့ ပြောခဲ့တာကိုတွေ့ရပါတယ်။ ထိုအချက်သည် ကျနော်တို့ အားလုံး ကြိုဆိုလက်ခံ သင့်သော အချက် ဖြစ်ပါသည်။

          ထို့ကြောင့် စောဘဦးကြီး၏ စကားအတိုင်း ပြောရလျှင် “ကရင့်ကံကြမ္မာ ကရင် ဖန်တီးနိုင်ရေး အတွက် KNU ၊ KPF ၊ KNU/KNLA ငြိမ်ချမ်းရေးကောင်စီ ၊ DKBA တို့နှင့် အတူ ကရင်လူထု တရပ်လုံးက ကရင့် စာမျက်နှာသစ် ဖွင့်လှစ်နိုင်ရေး ကြိုးစားကြပါစို့” ဟု တိုက်တွန်း နှိုးဆော်အပ်ပါသည်။

http://moemaka.com/index.php?option=com_content&task=view&id=7797&Itemid=1

 ဒီထက်ပိုပြီး နောက်မကျသင့်တော့ဘူး


ငှက်ကလေး
ပြူတင်းဝနံဘေးတေးသီ
ငေးရီနေတဲ့နှလုံးသား
နရသိန်ထဲက ကာလများကိုတူးဆွ
နာကျင်စူးရှတဲ့ ခံစားမှုများ
အိပ်မက်တခုပဲ ဖြစ်ချင်တယ် …..။

လွပ်လပ်တဲ့ကမ္ဘာ
ငါ့ကိုဝေမျှပေးပါ
ငှက်တို့ က ပျံရင်း သေတယ်
လူကတော့ ကြံရင်း သေမယ်
နှစ်ဘယ်လောက်ကြာမယ်ဆိုတာ
ဘယ်သူမှမပြောနိုင် …..။

အစီရင်ခံစာများအရ
မြန်မာနိုင်ငံတ၀ှမ်း
လူတယောက်ရဲ့ သက်တမ်း
ငါးဆယ်ကျော် ခြောက်ဆယ်တန်း
ခန့် မှန်းကြတယ်ဆိုပဲ …..။

ဒီလိုဆို …
ငါတို့  နောင်တော် အမတော်တွေရဲ့ 
ယုံကြည်ချက်ကြောင့် အကျဉ်းကျနှစ်ကာလများ
လူ့ သက်တမ်းတခုစာမက
အို ….. လူထုကယ်တော်မူပါ …..။

ပျမ်းမျှ လူ့ သက်တမ်းက တခုပါပဲ
တိုင်းပြည် စစ်ဖိနပ်အောက်က
လွတ်မြောက်လိုစိတ်များ
သက်တမ်းပေါင်းများစွာ
မျိုးဆက်ပေါင်းများစွာ ရှင်သန်နေမြဲ
ဒါပေမယ့်
အမှန်တရားဟာ ဒီထက်နောက်မကျသင့်တော့ဘူး …..။


ရဲရင့်သက်ဇွဲ ၂၉ ၁၁ ၂၀၁၀

__._,_.___