ဆီးရီးယားနိုင်ငံ လူဦးရေရဲ့ တဝက် လူ ၉ သန်းကျော်လောက်ဟာ လူသားချင်း စာနာတဲ့ ကယ်ဆယ်ရေး အကူအညီတွေ အမြန်ဆုံး လိုအပ်နေတယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောကြားလိုက်ပါတယ်။
ကမ္ဘာ့နိုင်ငံကြီးတွေဆီက အလှူငွေတွေ တောင်းခံဖို့ အာရပ် စော်ဘွားများနိုင်ငံရဲ့ စီစဉ်မှုနဲ့ ကူဝိတ်နိုင်ငံမှာ ကျင်းပတဲ့ အလှူရှင်များ ညီလာခံမှာ မစ္စတာ ဘန်ကီမွန်းက အခုလို ပြောကြားလိုက်တာ ဖြစ်ပြီး ဆီးရီးယား စစ်ဘေးသင့် ဒုက္ခသည်တွေအတွက် ဒေါ်လာ ၆ ဘီလျံခွဲ အကူအညီ ပေးကြဖို့ ကုလသမဂ္ဂ အဖွဲ့ကြီးက ပန်ကြားထားပါတယ်။
ဒီပန်ကြားချက်ဟာ ကုလသမဂ္ဂ သမိုင်းမှာ လူသားချင်းစာနာတဲ့ ကယ်ဆယ်ရေး အရေးပေါ် အကူအညီအတွက် အကြီးမားဆုံး တောင်းခံမှုကြီး ဖြစ်ပါတယ်။
နေအိမ် စွန့်ခွာထွက်ပြေးခဲ့ကြတဲ့ ဆီးရီးယား နိုင်ငံတွင်းက ဒုက္ခသည်တွေရော၊ ပြည်ပကို ထွက်ပြေးခဲ့ကြရတဲ့ ဒုက္ခသည်တွေကိုပါ အကူအညီပေးနိုင်ဖို့ အခု ၂၀၁၄ ခုနှစ်အတွင်း ဒေါ်လာ ၆ ဘီလျံခွဲ လိုအပ်မယ်လို့ ခန့်မှန်းထားကြောင်း ဒုက္ခသည်များ ဆိုင်ရာ ကုလသမဂ္ဂ မဟာမင်းကြီးရဲ့ ပြောခွင့်ရ ပုဂ္ဂိုလ် Melissa Fleming က ပြောပါတယ်။
ကူဝိတ်နိုင်ငံက ဒေါ်လာ သန်း ၅၀၀ ပေးမယ်လို့ ကတိပြုထားပြီး အမေရိကန်နိုင်ငံကလည်း ဒေါ်လာ သန်း ၃၈၀ ပေးမယ်လို့ ဆိုပါတယ်။
ဆီးရီးယားမှာ တိုက်ပွဲတွေကြောင့် အဆက်အသွယ် ပြတ်နေတဲ့နေရာတွေမှာ စားနပ်ရိက္ခာ ငတ်မွတ် ပြတ်လပ်နေတယ် ဆိုတဲ့ သတင်းတွေ ပေါ်ထွက်လာနေချိန်မှာပဲ အခု ဒီ အလှူရှင်များ ညီလာခံ ကျင်းပနေတာ ဖြစ်ပါတယ်။
No comments:
Post a Comment