ဒုချီးရာတန်းကျေးရွာကို EU သံတမန်များ သွားကြည့်မည်

မြန်မာနိုင်ငံဆိုင်ရာ ဥရောပသမဂ္ဂအဖွဲ့ရုံးက သံအမတ်ကြီး Mr. Roland Kobia နဲ့ ဒိန်းမတ်၊ ပြင်သစ်၊ အီတလီ၊ ဂျာမနီစတဲ့ အီးယူအဖွဲ့ဝင်နိုင်ငံတွေက သံအရာရှိ ၁၀ ဦးလောက်ဟာ ရခိုင်ပြည်နယ် မောင်တောမြို့နယ် ဒုချီးရာတန်းကျေးရွာကို လာမယ့်ဇန်န၀ါရီ ၃၀ ရက်နေ့မှာ သွားရောက်လေ့လာမယ်လို့ သိရပါတယ်။
အဲဒီ သံတမန်အရာရှိတွေဟာ ရခိုင်ပြည်နယ် အစိုးရအဖွဲ့ရုံးမှာ အစိုးရတာဝန်ရှိသူတွေ၊ ကုလသမဂ္ဂ လက်အောက်ခံ အဖွဲ့အစည်းတွေအပြင် နိုင်ငံတကာ လူမှုအဖွဲ့အစည်းတွေနဲ့ ဇန်န၀ါရီလ ၂၉ ရက်မှာ တွေ့ဆုံမှာဖြစ်ပြီး ညနေပိုင်းမှာ ရခိုင်နဲ့ မွတ်စလင် နှစ်ဘက်စလုံးက ရပ်မိရပ်ဖတွေ၊ ဘာသာရေးခေါင်းဆောင်တွေ၊ နိုင်ငံရေးပါတီ ခေါင်းဆောင်တွေနဲ့ စစ်တွေဟိုတယ်မှာ သီးခြားတွေ့ဆုံဆွေးနွေးသွားမယ်လို့ သိရပါတယ်။

ဇန်နဝါရီလ ၃၀ ရက်နေ့မှာတော့ မောင်တောမြို့နယ် ဒုချီးရာတန်းကျေးရွာကို သွားရောက်ပြီး ရခိုင်တိုင်းရင်းသားတွေနဲ့ မွတ်စလင် နှစ်ဘက်ခေါင်းဆောင်တွေ၊ နိုင်ငံတကာလူမှုအဖွဲ့အစည်းတွေနဲ့ တွေ့ဆုံမှာဖြစ်တယ်လို့သိရပါတယ်။

ဥရောပသမဂ္ဂအဖွဲ့ဝင် သံအမတ်ကြီးတွေရဲ့ ရခိုင်ခရီးစဉ်ဟာ ၄ ရက်ကြာမြင့်မှာဖြစ်ပြီး ရခိုင်ပြည်နယ်ခရီးစဉ်နဲ့ ပတ်သက်တဲ့ ဆွေးနွေးပွဲကို ဖေဖော်ဝါရီလ ၁ ရက်နေ့ ရခိုင်ပြည်နယ် အစိုးရအဖွဲ့ရုံးမှာ ကျင်းပသွားမယ်လို့ သိရပါတယ်။

Source : RFA Burmese