သူရိယအလင်း ဂျာနယ်၏ ရေးသားမှုများသည် စာနယ်ဇင်း ကျင့်ဝတ်နှင့် မကိုက်ညီဟု အငြင်းပွားဖွယ် ကြေညာချက် မြန်မာဂျာနယ်လစ်ကွန်ရက် ထုတ်ပြန်

မကြာသေးမီက ညဥ့်နက်အချိန်တွင် လူတစ်စုမှ ၀င်ရောက်ပြီး ကွန်ပျူတာများနှင့် လုံခြုံရေးကင်မရာ မှတ်တမ်းများ ယူဆောင်သွားခဲ့သည်ဟု သတင်းများ ထွက်ပေါ်ပြီး စာဖတ်ပရိသတ်အကြား ရေပန်းစားခဲ့သည့် သူရိယအလင်း သတင်းဂျာနယ်၏ ရေးသား ဖော်ပြချက်များသည် စာနယ်ဇင်း ကျင့်ဝတ်နှင့် မကိုက်ညီဘဲ ပုဂ္ဂိုလ်ရေးဆန်ဆန် တိုက်ခိုက်မှုများ၊ အလွန်အကျွံ ရေးသားပြောဆို မှုများဖြစ်ပြီး မြန်မာနိုင်ငံ စာနယ်ဇင်းကောင်စီ (ယာယီ)မှ ထုတ်ပြန်ထားသည့် စာနယ်ဇင်း ကျင့်ဝတ်များနှင့် ကိုက်ညီခြင်းမရှိဘဲ သတင်းမီဒီယာ လောက၏ ဂုဏ်သတင်းကို ထိခိုက်စေနိုင်သည့် ဖော်ပြမှုများဖြစ်ကြောင်း အငြင်းပွားဖွယ် ကြေညာချက် တစ်ရပ်ကို မြန်မာဂျာနယ်လစ် ကွန်ရက်က အောက်တိုဘာ ၃၀ ရက်တွင် ထုတ်ပြန် ကြေညာခဲ့သည်။

မည်သည့် အချက်များကြောင့် သူရိယအလင်း၏ ဖော်ပြချက်များမှာ စာနယ်ဇင်း ကျင့်ဝတ်များနှင့် မကိုက်ညီဟု ကြေညာခဲ့ခြင်းအပေါ် မြန်မာဂျာနယ်လစ် ကွန်ရက်မှ အထွေထွေ အတွင်းရေးမှူး ကိုမြင့်ကျော်အား ဆက်သွယ် မေးမြန်းခဲ့ရာတွင် ၎င်းက ''အဓိက ပြောရမယ်ဆိုရင် သူတို့က အချက်အလက် မှားတာလည်း တစ်ခုပါတယ်။ သတင်းစာ ရှင်းလင်းပွဲလုပ်တယ်။ ကွန်ပျူတာတွေကို ဘယ်သူကသိမ်းတယ်၊ ဘယ်ဝါက သိမ်းတယ်ဆိုပြီး မှားတာတွေပါတယ်။ တကယ်တမ်းလိုက် စုံစမ်းကြည့်တော့ အဲဒီအကြောင်း အရာတွေက မှားတယ်။ ဒါကတစ်ပိုင်းပေါ့။ နောက်တစ်ခုက ဖော်ပြချက်တွေမှာ ဆိုလိုတာက Opinion ဆိုရင်လည်း Opinion ပေါ့။ နိုင်ငံရေး အယူအဆတွေ ရေးလို့ရပါတယ်။ ကျွန်တော်တို့လည်း နားလည်ပါတယ်။ သတင်းမဟုတ်ရင် Opinion ဆိုပြီး ရေးလို့ရပါတယ်။ ဒါပေမဲ့ သူတို့က Opinion မျိုးလည်း မဟုတ်ဘဲနဲ့ ပုဂ္ဂိုလ်ရေး တိုက်ခိုက်တာမျိုးတွေ၊ အရင်စစ်အာဏာရှင် ဆိုပါတော့ဗျာ။ အဲဒီဟာကို မကြိုက်ဘူး။ မကြိုက်တော့ တိုက်ခိုက်ပြောဆိုတဲ့ နေရာမှာလည်း ဘာအချက်အလက်မှ မပါဘူး။ ဒါကြောင့် သူတို့ရဲ့ ဖော်ပြမှုဟာ အများလက်ခုပ်သံကို လိုချင်လို့ ဖော်ပြတဲ့ ဖော်ပြမှုတွေ။ မီဒီယာကို အလွဲသုံးတဲ့ သဘောဖြစ်နေတယ်'' ဟု ပြန်လည် ဖြေကြားသည်။

စာဖတ်ပရိသတ်များ အကြားတွင် သူရိယအလင်း သတင်းဂျာနယ်မှာ စစ်အာဏာရှင် လက်ထက်၌ တိုင်းပြည်၏ သယံဇာတများကို ကိုယ်ကျိုးအတွက် အသုံးပြုခဲ့ကြသည့် အာဏာရှင်များ အကြောင်းနှင့် အုပ်ချုပ်သူများနှင့် ပေါင်းကာ မတရား အခွင့်အရေး ရယူခဲ့ကြသော စီးပွားရေး လုပ်ငန်းရှင် ခရိုနီများ အကြောင်းကို ရေးသားထားသည့် ဆောင်းပါးများမှာ အထူးရေပန်း စားခဲ့ကြောင်း သိရသည်။

သူရိယအလင်း အနေဖြင့် အာဏာရှင်များနှင့် ခရိုနီကြီးများအကြောင်း ရေးသားမှုများမှာ စာနယ်ဇင်း ကျင့်ဝတ်နှင့် ကိုက်ညီမှု ရှိ၊ မရှိ ဆိုသည်ကို သတင်းစာဆရာကြီး ဦးဝင်းတင် (Golden Pen of Freedom 2001 ဆုရရှိခဲ့သူ) အား မေးမြန်းခဲ့ရာတွင် ''ခရိုနီတွေဘက်က လိုက်ပြီးပြောတာလည်း မလုပ်ချင်ဘူး။ ခရိုနီတွေကို ဆော်တဲ့အတွက် လက်ခုပ်တီးတာမျိုးလည်း မလုပ်ချင်ဘူး။ သို့သော် ခရိုနီတွေကို တိုက်ခိုက်တာ မျိုးကတော့ ပုဂ္ဂိုလ်ရေး တိုက်ခိုက်တယ်လို့တော့ မယူဆဘူး။ ခရိုနီတွေ ဖြစ်နေတာ တွေကိုတော့ ပြောရမှာပဲလေ။ သူတို့က Public Figure တွေပဲ။ စီးပွားရေး လုပ်ငန်းတွေ လုပ်နေကြတာပဲ။ ပုဂ္ဂိုလ်ရေး တိုက်ခိုက်တယ် ဆိုတာက ဘယ်လို တိုက်ခိုက်တာလဲ။ သူတို့က ခိုးဝှက်ပြီး လက်ဝါးကြီးအုပ်ပြီး တိုင်းပြည်ရဲ့ ငွေတွေကို စားကြသောက်ကြ အမြတ်ကြီးထုတ်ကြ၊ လက်ဝါးကြီးအုပ်ကြ ပြောတာမျိုးတွေ။ အဲဒါမျိုးတွေကို ပြောတာဟာ ပုဂ္ဂိုလ်ရေး တိုက်ခိုက်တာ မဟုတ်ဘူး။ သူတို့ရဲ့ အိမ်တွင်းရေး ကိစ္စတွေ၊ မယားငယ်တွေ ထားတာမျိုးတွေကို ပြောတာဆိုရင်တော့ ဟုတ်တာပေါ့။ သူတို့ အရက်သောက်တာ မျိုးတွေကိုရေးမယ် ဆိုရင်တော့ ပုဂ္ဂိုလ်ရေးလို့ ပြောလို့ရတာပေါ့။ အခုလုပ်နေတာက စီးပွားရေး လုပ်ငန်းတွေ လုပ်နေကြတာပဲ။ ဘိန်းတွေ လုပ်တာတွေ ရှိတယ်။ သစ်တွေ လုပ်တာတွေ ရှိတယ်။ စီးပွားရေး လုပ်ငန်းတွေမှာ လက်ဝါးကြီး အုပ်နေတာတွေ၊ အမြတ်ကြီးစား နေတာတွေရှိတယ်။ အစိုးရတွေနဲ့ ပေါင်းပြီး၊ စစ်အာဏာရှင်တွေနဲ့ ပေါင်းပြီးတော့ တိုင်းပြည်ရဲ့ စီးပွားရေး လုပ်ငန်းတွေကို လက်ဝါးကြီး အုပ်နေတာ။ အဲဒါတွေ ဖော်ထုတ်တာကတော့ ပုဂ္ဂိုလ်ရေးလို့ မယူဆဘူး။ တိုက်ခိုက်တယ်လို့ မယူဆဘူး'' ဟု ပြန်လည် ဖြေကြားသည်။

မြန်မာနိုင်ငံ စာနယ်ဇင်းကောင်စီ (ယာယီ)မှ သတင်းသမားများ လိုက်နာရန် စာနယ်ဇင်းကျင့်ဝတ် (၁၅) ချက်တွင် နံပါတ် (၈)အချက်၌ အများပြည်သူ အကျိုးစီးပွား အတွက် ရေးသင့်ရေးထိုက် သည်မှအပ လူပုဂ္ဂိုလ်တစ်ဦး တစ်ယောက် သို့မဟုတ် အဖွဲ့အစည်းတစ်ခု၏ ဂုဏ်သိက္ခာကို ထိခိုက်စေသော အရေးအသား၊ နိုင်ငံသား တစ်ဦး၏ အခွင့်အရေးကို ထိပါးစေသော အရေးအသားများကို ရှောင်ကြဉ်ရမည်ဟု ဖော်ပြထားရာ မြန်မာဂျာနယ်လစ် ကွန်ရက်အနေဖြင့် သူရိယအလင်း၏ ရေးသားဖော်ပြချက်များအား အဆိုပါ အချက်နှင့် မည်သည့်နေရာတွင် ကွဲလွဲသည်ကို ထောက်ပြပေးရန် မေးမြန်းရာတွင် ကိုမြင့်ကျော်က ''သူတို့ရေးသား ချက်တွေမှာ အချက်အလက် အထောက်အထား ဘာမှမပါဘူး။ အယူအဆ တစ်ခုက အများအကျိုးစီးပွား ဖြစ်ရမယ်၊ အများအယူအဆကို သော်လည်းကောင်း၊ အများ၏ နိုင်ငံရေး လှုပ်ရှားမှုကို သော်လည်းကောင်း၊ အများကို ဦးဆောင်နိုင်တဲ့ အရေးအသားမျိုး ဖြစ်ရပါမယ်။ ပုဂ္ဂိုလ်ရေးဆန်ဆန် တိုက်ခိုက်မှုကတော့ မီဒီယာလောကကို ယုံကြည်မှု ကျဆင်းစေတယ်။ နောက်တစ်ခုက မီဒီယာကို ထိန်းချုပ်ဖို့ လိုတယ်ဆိုတဲ့ အယူအဆက ပြန်ပြီး ခေါင်းထောင်လာ စေနိုင်တယ်။ ကျွန်တော်တို့က အခုမှ အထိုက်အလျောက် လွတ်လပ်စပဲ ရှိသေးတယ်။ ကိုယ့်ဟာကိုယ်ပဲ ထိန်းချုပ်ရမယ်။ လွတ်လပ်စွာ ပြောဆိုပိုင်ခွင့်ကို လေးစားတယ်။ ဒါပေမဲ့ လွတ်လပ်စွာ ဆဲဆိုပိုင်ခွင့်ကိုတော့ ကန့်ကွက်ပါတယ်'' ဟု ပြောကြားသည်။

MJN အနေဖြင့် ယခုကြေညာချက်မှာ မြန်မာစာနယ်ဇင်းလောက တစ်ခုလုံးကို ကိုယ်စားပြု ကြေညာခြင်း မဟုတ်ဘဲ အဖွဲ့ဝင်များ၏ သဘောထားဖြင့်သာ ကြေညာခြင်း ဖြစ်သည်ဟုလည်း ကိုမြင့်ကျော်က ဆိုသည်။

မြန်မာဂျာနယ်လစ် ကွန်ရက်၏ ကြေညာချက်နှင့် ပတ်သက်ပြီး သူရိယအလင်း၏ အမှုဆောင် အရာရှိချုပ်အဖြစ် တာဝန်ယူခဲ့သူ ဦးမိုးဟိန်းအား ဆက်သွယ်ခဲ့သော်လည်း ဆက်သွယ်၍ မရရှိခဲ့ပေ။

သူရိယအလင်း ဂျာနယ်ကို ရပ်ဆိုင်းလိုက်ရပြီးနောက် သူရိယနေ၀န်း အမည်ဖြင့် ဆက်လက် ထုတ်ဝေမည်ဖြစ်ကြောင်း ဦးမိုးဟိန်းက ပြောဆိုသော်လည်း ၀န်ထမ်းများမှာ ဆက်လက် လုပ်ကိုင်လိုခြင်း မရှိသဖြင့် နစ်နာကြေး တောင်းခံကာ အလုပ်မှ ထွက်လိုက်ကြောင်း သူရိယအလင်း အယ်ဒီတာအဖွဲ့ဝင် တစ်ဦးက ပြောဆိုသည်ဟု နိုဝင်ဘာ ၁ ရက် ထုတ် The Voice Daily သတင်းစာတွင် မြန်မာဂျာနယ်လစ် ကွန်ရက်၏ ကြေညာချက်နှင့် ဆက်စပ်ပြီး ဖော်ပြပါရှိသည်။

''တကယ်ကျတော့ သူရိယအလင်း ဂျာနယ်ရဲ့ ဖော်ပြမှုဟာ ပုဂ္ဂိုလ်ရေးဖော်ပြမှု များတယ်ဆိုတဲ့ နေရာမှာ ကျင့်ဝတ်ပိုင်း စံနှုန်းထက် တရားဥပဒေ စံနှုန်းနဲ့ပဲ ဆွေးနွေးရမယ်။ ဒီပုဂ္ဂိုလ်ရေး အချက်အလက် တွေမှားရင် အသရေ ဖျက်သလိုဖြစ်ရင် တရားစွဲပေါ့။ MJN လို ဂျာနယ်လစ် အဖွဲ့အစည်းတစ်ခုက ကျင့်ဝတ်နဲ့ မညီဘူးဆိုပြီး ၀င်ရောက်ရှုတ်ချ တာဟာလည်း အဲဒီဂျာနယ်ကို အသရေ ဖျက်သလို ဖြစ်နေတယ်။ အဲဒီဂျာနယ်က တရားစွဲလို့ ရပါတယ်။ မြန်မာနိုင်ငံမှာ စာနယ်ဇင်း ကောင်စီကအစ ဂျာနယ်လစ် အဖွဲ့အစည်းတွေရဲ့ လူအများ ယုံကြည်မှုနဲ့ ကျယ်ပြန့်မှုမှာ အကန့်အသတ် ရှိနေတယ်။ အစိုးရရဲ့ proxy journalist တွေပါဝင်မှု၊ သြဇာလွှမ်းမိုးမှုတွေ ရှိနေတယ်။ စာနယ်ဇင်း လွတ်လပ်ခွင့်ကြောင့် သူတို့မဟုတ်တာ လုပ်ခဲ့တာတွေ၊ မတရား လုပ်ခဲ့တာတွေ ပေါ်မှာစိုးတဲ့ လူတွေက ကျင့်ဝတ်ဆိုတဲ့ အကာအကွယ်ယူပြီး ကျင့်ဝတ်တို့၊ တာဝန်ယူဖို့တို့ တွင်တွင်ကြီး ၀ါဒဖြန့်နေတယ်။ မြန်မာစာနယ်ဇင်း ဖွံ့ဖြိုးမှုဟာ စာနယ်ဇင်း လွတ်လပ်ခွင့်နဲ့ ကျင့်ဝတ်ပိုင်း မျှခြေတစ်ခု အပေါ်ကနေ သွားရမယ်။ ဒါတွေကို ဆုံးဖြတ်ဖို့ ပရိသတ် ပြည်သူရှိတယ်၊ ဥပဒေရှိတယ်'' ဟု Eleven Media Group ၏ CEO ဒေါက်တာသန်းထွဋ်အောင် (Golden Pen of Freedom 2013 ဆုရရှိခဲ့သူ) က ပြောကြားသည်။