ရခိုင်ပြည်နယ် ပဋိပက္ခ နောက်ဆက်တွဲ

ရခိုင်ပြည်နယ် ပဋိပက္ခအတွင်း သေဆုံးသူ ၆၂ ဦးရှိကြောင်း အာဏာပိုင်တွေ အတည်ပြု

2012-06-21

ပြီးခဲ့တဲ့ အပတ်တွင်းက စပြီး ရခိုင်ပြည်နယ်အတွင်း ဖြစ်ပျက်ခဲ့တဲ့ ပဋိပက္ခတွေအတွင်း သေဆုံးသူ စုစုပေါင်း ၆၂ ဦး ရှိတယ်လို့ ရခိုင်ပြည်နယ် အစိုးရအဖွဲ့ရုံး ပြောရေးဆိုခွင့်ရှိသူက ပြောပါတယ်။

AFP

စစ်တွေမြို့တွင် ဖြစ်ပွားသော ပဋိပက္ခကြောင့် ပျက်ဆီးသွားသော အဆောက်အဦးများကို ၂၀၁၂ ခုနှစ် ဇွန်လ ၁၆ ရက်နေ့တွင် တွေ့ရစဉ်။

ပြီးခဲ့တဲ့ ဇွန်လ ၃ရက်နေ့ကစပြီး ပဋိပက္ခတွေအတွင်း သေဆုံးသူ ၅၀ ရှိခဲ့ပြီး ဇွန်လ ၁၉ ရက်နေ့က ဖြစ်ပျက်ခဲ့တဲ့ ရသေ့တောင်မြို့နယ်က အကြမ်းဖက်မှုကြောင့် သေဆုံးသူ ၁၂ ဦး ထပ်တိုးလာတယ်လို့ သိရပါတယ်။ သတင်းတွေအရ သေဆုံးသူ စုစုပေါင်း ၈၀ ရှိတယ်လို့ ပြောဆိုမှုတွေ ရှိပါတယ်။
ဒီကိစ္စနဲ့ ပတ်သက်ပြီး ပြည်နယ်အစိုးရ အဖွဲ့ရုံး ပြောခွင့်ရသူ ဦးဝင်းမြိုင်က အခုလို ပြောပါတယ်။

“ ၆၂ ယောက်ပေါ့။ ကျွန်တော်တို့ ဒီမှာသတင်းက တချို့ကလည်း အဲဒီလိုပေါ့။ ဆေးရုံတက်တာ တချို့ကလည်း မဆုံးပဲနဲ့၊ အခုဆိုရင်ဗျာ စဖြစ်တုန်းက မောင်တော က ဒေါက်တာ ဦးခင်မောင်လတ်တို့ ဆုံးတယ်ဆိုပြီး သတင်းတက်တယ်။ ဒါပေမဲ့ အဲတာတွေက မဟုတ်ဘူးခင်ဗျ။ ဆိုတော့ အဲတာမျိုးလေးတွေပေါ့”

ဦးဝင်းမြိုင်ရဲ့ အဆိုအရ အခြေအနေများ တည်ငြိမ်မှု ရှိနေပြီး ပြည်နယ်အတွင်း မြို့ကြီးတွေက ပိတ်ထားတဲ့ ဈေးများကို ပြန်လည်ဖွင့်လှစ်ဖို့ စီစဉ်နေပြီလို့ သိရပါတယ်။ အလားတူ မီးလောင်ကြွမ်းမှု ဖြစ်ပွားခဲ့တဲ့ နေရာများက အိုးမဲ့အိမ်မဲ့များအတွက် ပြန်လည် နေရာချထားရေး ကိစ္စတွေကို ပြည်နယ်အစိုးရ အနေနဲ့ အစီအစဉ်များ ပြုလုပ်နေ တယ်လို့ ပြောပါတယ်။
ဒီအတောအတွင်း မြန်မာနိုင်ငံကနေ နောက်ထပ်ထွက်ပြေးသွားတဲ့ ရိုဟင်ဂျာ မွတ်စလင် ၁၆ ယောက်ကို ဘင်္ဂလားဒေ့ရှ် လုံခြုံရေးတပ်ဖွဲ့တွေက ဖမ်းဆီးလိုက်ပါတယ်။ သူတို့ကို စစ်ဆေးမေးမြန်းပြီး စားနပ်ရိက္ခာ ဆေးဝါးတွေနဲ့အတူ မြန်မာနိုင်ငံကို ပြန်ပို့မယ်လို့ ဘင်္ဂလားဒေ့ရှ် နယ်ခြားစောင့်တပ်မှူးက ပြောပါတယ်။
ဘင်္ဂလားဒေ့ရ်ှဟာ ပြီးခဲ့တဲ့ နှစ်ပတ်အတွင်း ထွက်ပြေးလာတဲ့ ရိုဟင်ဂျာ မွတ်စလင် နှစ်ထောင်ကျော်ကို ပြန်ပို့ခဲ့ပါတယ်။ ဒါကြောင့် ထွက်ပြေးလာသူတွေကို လက်ခံဖို့ လူ့အခွင့်အရေးအဖွဲ့တွေက ဘင်္ဂလားဒေ့ရ်ှကို တိုက်တွန်းနေပြီး ဘင်္ဂလားဒေ့ရ်ှကလည်း သူတို့ဟာ ဆင်းရဲတဲ့ နိုင်ငံဖြစ်လို့ လက်မခံနိုင်ဘူးလို့ ပြောဆိုထားပါတယ်။

ရသေ့တောင် ပဋိပက္ခ နောက်ဆက်တွဲ အဖမ်းအဆီးများပြုလုပ်

2012-06-21

ရခိုင်ပြည်နယ် ရသေ့တောင်မြို့နယ် ကူတောင်ကျေးရွာနဲ့ အနောက်ပြင်ကျေးရွာ အချင်းများပြီး လူသတ်မှု ဖြစ်ပွားရတဲ့ကိစ္စနဲ့ အနောက်ပြင်ရွာသား ၆၀ ကျော်ကို သက်ဆိုင်ရာက ဖမ်းဆီးပြီး စစ်တွေမြို့ကို ပို့လိုက်တယ်လို့ ဒေသ ခံတွေက ပြောပါတယ်။

RFA

ရခိုင်ပြည်နယ်အတွင်း ဖြစ်ပွားနေသော ပဋိပက္ခများ ထိန်းသိမ်းနေသည့် လုံခြုံရေးတပ်ဖွဲ့ဝင်များကို ၂၀၁၂ ခုနှစ် ဇွန်လ ၁၂ ရက်တွင် တွေ့ရစဉ်။

ဇွန် ၁၉ ရက်နေ့က အခင်းဖြစ်ပွားခဲ့တာဖြစ်ပြီး ကူတောင်ရွာက ပြန်တောင်းတာ မရဘဲ ပျောက်ဆုံးနေတဲ့ အလောင်းတွေ ဒီမနက်ပိုင်းက ဖော်ထုတ်ရရှိပြီလို့ ရခိုင်ပြည်နယ်အစိုးရ အဖွဲ့ရုံး ပြန်ကြားရေးဌာနက စစ်တွေမြို့မှာလုပ်တဲ့ သတင်းစာ ရှင်းလင်းပွဲမှာ ပြောခွင့်ရသူ ဦးဝင်းမြိုင်က အတည်ပြု ပြောကြားပါတယ်။

"မနေ့ကတော့ ပျောက်တာပေါ့နော်။ ပျောက်နေတဲ့လူတွေ ရှိတာကိုး။ ဒါကြောင့် ကျွန်တော်က ၅ ဦးလို့ပဲ အတည်ပြုတာ။ ဒီနေ့ကျတော့ လုံခြုံရေးတပ်ဖွဲ့တွေသွားလို့  ပြန်ရလို့ အဲလို အတိအကျသိရ တာ။ အဲဒီဟာတွေအားလုံး ပြန်တွေ့တဲ့အခါကျတော့ ရခိုင်က ၁၀ ဦး၊ မွတ်ဆလင်က ၂ ဦးဆိုတော့ အားလုံး ၁၂ ဦးဖြစ်သွားတယ်"

ဒေသခံတွေရဲ့အဆိုအရ မသင်္ကာတဲ့လူတွေကို ဖမ်းဆီးစစ်ဆေးမေးမြန်းပြီးမှ ရဲနဲ့တပ်တို့က အလောင်းတွေကို ဖော်ထုတ်နိုင်တာလို့ ပြောပါတယ်။
ကူတောင်ကျေးရွာသားတွေနဲ့ အနောက်ပြင်ကျေးရွာသားတွေ အခင်းဖြစ်ပွားပြီး အခုလို သေဆုံးမှု ဖြစ်ပွားခဲ့တာပါ။ အနောက်ပြင်ရွာသားတွေက ကူတောင်ရွာကို ဇွန် ၁၉ ရက်နေ့က မီးရှို့တဲ့အတွက် ကူတောင်ရွာသားတွေက တုတ်တွေ၊ ဓားတွေနဲ့ လိုက်တဲ့အခါ အနောက်ပြင် ရွာသားတွေကလည်း ပြန်တိုက်ခိုက်ရာက ကူတောင်ရွာသား ၁၀ ဦး သေဆုံးသွားတယ်လို့ ကူတောင်ရွာသားတွေက ပြောပါတယ်။
သေဆုံးသူတွေထဲ ဦးသိန်းဟန်အလောင်းကိုပဲ အနောက်ပြင်ရွာက ပြန်ထုတ်ပေးပြီး ကျန်အလောင်းတွေ ပြန်မပေးလို့ နှစ်ဘက် အခြေအနေ တင်းမာနေရာက အလောင်းတွေ ဒီနေ့ ဖော်ထုတ်နိုင်တဲ့ အမှုလည်းဖြစ်ပါတယ်။
ရသေ့တောင်မြို့နယ်က ပဋိပက္ခနဲ့ပတ်သက်ပြီး ဒေါ်စမ်းစမ်းတင်က တင်ပြပါမယ်။

	တင်ပြချက်။
	အသံဖိုင်ယူရန်။

ရခိုင်ပြည်နယ် အကြမ်းဖက်မှု ဒုက္ခသည်တချို့ နေရပ်ပြန်

By စုမြတ်မွန်

• 
• 
• More Sharing Services

• 
  

ရခိုင်ပြည်နယ်အတွင်း အစိုးရရဲ့ အကူအညီတချို့။

ရခိုင်ပြည်နယ်ဘက်မှာ အကြမ်းဖက် အဓိကရုဏ်ကြောင့် ဘေးလွတ်ရာ တိမ်းရှောင် ခဲ့ကြ သူတွေကို နေရပ် ပြန်နေနိုင်ဖို့ ပြည်နယ်အစိုးရက စီစဉ်ပေးနေပါတယ်လို့ တာဝန်ရှိသူက ဗွီအိုအေကို ပြောပါတယ်။ ရခိုင်ပြည်နယ်တဝန်းမှာ တော်တော်လေး တည်ငြိမ်နေပြီဖို့ အခြေအနေ ပုံမှန် ပြန်ဖြစ်အောင်လဲ ဆောင်ရွက်နေတယ်လို့ ဆိုပါတယ်။ တချိန်ထဲမှာပဲ ပြန့်နေတဲ့ ဒုက္ခသည် အားလုံးကို အကူအညီ ပေးနိုင်ဖို့ အခက်အလဲ ရှိတယ်လို့ ပရဟိတ အလှုရှင်တွေက ပြောနေပါတယ်။ ဒီတော့ ပြည်နယ်အစိုးရ အနေနဲ့ အကူအညီတွေ လိုနေတဲ့သူတွေ လက်ထဲရောက်ဖို့ ဘယ်လို စီစဉ်ပေးနေပါသလဲ။ မစုမြတ်မွန်က တင်ပြ ပေးပါထားပါတယ်။

ရခိုင်ပြည်နယ်မှာ အခြေအနေတွေ တည်ငြိမ်နေပြီဖြစ်လို့ နေရပ်ပြန်ချင်သူတွေ ပြန်နိုင်အောင် စီစဉ် ကူညီပေးနေတာလို့ ရခိုင်ပြည်နယ်အစိုးရရဲ့ ကယ်ဆယ် အကူအညီပေးရေး တာဝန်ရှိသူ
ဦးဝင်းမြိုင်က အခုလို ပြောပါတယ်။

"လုံးဝ ငြိမ်သွားပါပြီ ခင်ဗျား။ အဲဒီ ရသေ့တောင်လေးတခု ၁၉ ရက်နေ့က ဖောက်သွားတာပဲ ရှိပါတယ်။ ကျန်တဲ့နေရာတွေ အကုန်လုံးက အေးချမ်းသွားပါပြီ ခင်ဗျ။ စိုက်ပျိုးချိန် ဖြစ်နေတဲ့အတွက် လယ်သမားတွေပါ လယ်ထွန်လို့ရအောင် စီစဉ် ဆောင်ရွက်ပေးနေပါတယ် ခင်ဗျ။ တချို့ကကျတော့လည်း ခက်တာပေါ့။
ကျနော်တို့အနေနဲ့ကတော့လေ လုံခြုံရေးပိုင်းကို လုံခြုံရေး ၀န်ကြီးကနေ တာဝန်ယူပြီးတော့ အကုန်လုံး သက်ဆိုင်ရာ ဒေသတွေမှာ စိတ်ချ လက်ချ ပြန်နေရအောင် အကုန်လုံး စီစဉ်ပေးနေပါတယ်။ နောက် ဘူးသီးတောင်၊ မောင်းတောဆိုရင် မနေ့က တီဗွီမှာလည်း ပြထားပါတယ်၊ တချို့   တို့ဒေသကို ပြန်တယ်။ ပြန်တဲ့အခါမှာ ကျနော်တို့က ဆန်တို့၊ ဆီတို့ပေါ့လေ၊ တချို့ ဝေးတဲ့နေရာဆိုရင် ၅ ရက်စာ၊ နီးတဲ့ ကျေးရွာတွေဆိုရင် ၃ ရက်စာပေးပြီး ကျနော်တို့ ပြန်ပို့ပေးနေပါတယ်။"

နေရပ်မပြန်ရဲသေးလို့ ဘေးကင်းရာမှာ ခိုလှုံ နေကြရသူတွေ အတွက်ကိုလဲ ကူညီထောက်ပံ့ရေးတွေ ပို့ပေးနေကြပါတယ်။

"စခန်းတွေ အားလုံးကိုတော့ ဆန်ကတော့ ကျနော်တို့ အလုံအလောက် ဖြန့်ထားတယ် ခင်ဗျ။ ဆန်ရယ်၊ ဆီရယ်၊ ပဲရယ်ပေါ့။ WFP ရယ်၊ ကျနော်တို့ ဒီ ရခိုင်ပြည်နယ် အစိုးရရယ်က လှုဒါန်းတဲ့ နေရာတွေကနေ အကုန်လုံး ဖြန့်ထားပါတယ် ခင်ဗျ။ အကုန်လုံး တပြည်နယ်လုံး ဖြန့်တယ်ခင်ဗျ။ အခု ဖြစ်ပွားတဲ့ နေရာတွေအားလုံးရော၊ နောက် ဖြစ်ပွားမှု မရှိပဲနဲ့ ကြောက်လန့်ပြီးတော့ ရှောင်တိမ်းနေတဲ့ နေရာတွေ အားလုံးကို ဖြန့်ထားပါတယ် ခင်ဗျ။ ဆန်ရယ်၊ ခေါက်ဆွဲခြောက်၊ ဆီ၊ ပဲ၊ အကုန်လုံး ဖြန့်ပေးထားပါတယ် ခင်ဗျ။ ရခိုင်ဖက်ကတော့ ဘုန်းကြီးကျောင်းတွေမှာ နေတဲ့အခါကျတော့ သူက အမိုးအကာတွေ ရှိပြီးသားဗျာ။ ကျနော်တို့ ဘုန်းကြီးကျောင်းတွေဆိုတာ သိတဲ့အတိုင်းပေါ့၊ အများကြီး နေလို့ ရတာကိုး။ ဒီ မူဆလင်တွေ ဘက်တွေကျတော့ သူတို့ အိမ်လေးတွေက သေးတော့၊ ကျနော်တို့က တဲတွေ ထိုးထား ပေးတယ်လေ၊ လောလောဆယ် ယာယီ နေလို့ရအောင်။ ကျနော်တို့ ပြည်နယ်အစိုးရက လူသားချင်း စာနာ ထောက်ထားတဲ့အတွက် နှစ်ဖက်စလုံးကို ပေးတာပါခင်ဗျ။"

ဒုက္ခသည်အများစုက ဘုန်းကြီးကျောင်းတွေ ဓမ္မာရုံတွေမှာ ခိုလှုံ နေကြရတာဖြစ်လို့ ရေနဲ့ မိလ္လာ သန့်ရှင်းမှုပိုင်းမှာ အဓိက ပြဿနာ ရှိနေကြပါတယ်။ အဲဒီအတွက်ရော
ဘယ်လိုအစီအစဉ်တွေ လုပ်ပေးနေပါသလဲဆိုတော့ -

"တနေ့က ကတည်းကစပြီးတော့ ကျနော်တို့ နှစ်ဖက်စလုံးပေါ့၊ ဒီလူစုတဲ့နေရာတွေ မှန်သမျှ အိမ်သာကို ပထမတော့ ကျနော်တို့က ၁၅ အချိုး ၁ လုပ်ဖို့ ကျနော်တို့ စီစဉ်တယ်။ လူဦးများပြီး နေရာ ကျဉ်းတဲ့ အတွက်ကြောင့် ကျနော်တို့က ပုံစံ အချိုးပြောင်းပြီးတော့ မနေ့ကတည်းက စပြီးတော့ လုပ်နေပါပြီ ခင်ဗျ။"

ပြီးခဲ့တဲ့ရက်ပိုင်းကပဲ ရခိုင်ပြည်နယ်ဘက် သွားရောက်လှုဒါန်းခဲ့တဲ့ Handy Myanmar Youth အဖွဲ့က ကိုညီလင်းဆက်ကတော့ အကူအညီပေးရေးနဲ့ ပါတ်သက်လို့ သူတွေ့ခဲ့ရတဲ့ အခက်အခဲကို ခုလို ပြောပါတယ်။

"စစ်တွေလောက် အထိက နဲနဲလေး လက်လှမ်းမှီတယ်ပေါ့ အစ်မရယ်။ ဘူးသီးတောင်၊ မောင်းတောတို့၊ ရသေ့တောင်တို့ဘက်ကကျတော့ သွားရေး လာရေးရော၊ လုံခြုံရေး အရရော နဲနဲလေး အခက်အခဲ ရှိတဲ့ အခါကျတော့ အဲဒီဘက်ကတော့ သိပ်မရောက်ဘူး။ ဒါပေမယ့် အဲဒီဘက်ပိုင်းကို ကျတော့ UN တို့၊ ဒီဘက်က အစိုးရတို့ ဘာတို့ဘက်က လုပ်ပေးနေတယ်လို့တော့ ကျနော်တို့ ကြားတယ် ခင်ဗျ။ ဒါပေမဲ့ ကိုယ်တိုင် မတွေ့ရတဲ့အခါ ကျတော့လည်း ပြောဖို့ကတော့ ခက်တာပေါ့နော်။"

ဒါနဲ့ ပတ်သက်လို့ ပြည်နယ်အစိုးရ တာဝန်ရှိသူ တယောက်ဖြစ်တဲ့ ဦးဝင်းမြိုင်ကတော့ အခုလို ပြောပါတယ်။

"သူတို့ လာဆက်သွယ်ရင်တော့ ကျနော်တို့ ဒီက စီစဉ်ပေးပါတယ်။ သူတို့ ဘယ်သွားချင်လည်း၊ လာပြီးတော့ သတင်းပို့ရင် ကျနော်တို့က သူတို့ သွားချင်တဲ့နေရာ၊ ဘာလှုမလဲ၊ ဘယ်လောက် အင်အားရှိလဲ၊ သူတို့ဖက်က အတိအကျ သိရင်တော့ ၀န်ကြီးချုပ်ကို တင်ပြပါတယ်။ ၀န်ကြီးချုပ်က သွားလို့ လွယ်ကူတဲ့ နေရာဆိုရင်လည်း
သူ့နည်း သူ့ဟန်နဲ့ သွားလို့ရပါတယ်။ လုံခြုံရေး လိုအပ်မှ ဆိုရင်လည်း ကျနော်တို့က ဒီ ပို့နေတဲ့ဟာတွေ ရှိတယ်လေ။ အဲဒါတွေနဲ့ ကျနော်တို့ ပေါင်းပြီး ပို့ပါတယ်။လာလှုတဲ့သူတွေနဲ့ ပတ်သက်လို့ ကြိုက်တဲ့နေရာမှာ သူတို့သဘောနဲ့ သူတို့ လှုခွင့် ရှိပါတယ် ခင်ဗျ။ ကျနော်တို့က ပိတ်ပင်တာမျိုး မရှိပါဘူး။"

ဒုက္ခသည်တွေကို အကူအညီ ပေးနိုင်ရေးမှာ လိုအပ်တဲ့ နောက်တချက်ကိုလံ ကိုညီလင်းဆက်က ခုလို အကြံပြု ပါတယ်။

"ပြဿနာက အမရယ်၊ တချို့တွေက ဒုက္ခသည်စခန်းမှာ မနေကြဘူး။ ကျနော်တို့ တွေ့ရတဲ့ ပြဿနာက ဒုက္ခသည် စခန်းမှာ မနေကြဘူး။ ဒါပေမယ့် မီးလောင်တဲ့ အထဲမှာ သူတို့ ပါတယ်။ ဒါပေမယ့် သူတို့ ဒုက္ခသည်စခန်းကို ၀င်မနေတဲ့ အခါကျတော့ လှုမယ် ဆိုလို့ရှိရင် သူတို့ကို လိုက်ရှာပြီး လှုဖို့က ခက်တယ်။ စာရင်းအရ မရှိဘူး ဖြစ်နေတာပေါ့။ ဆိုတော့ ကျနော်တို့ကတော့ တတ်နိုင်သမျှ ကယ်ဆယ်ရေး စခန်းတွေမှာ စာရင်းတွေ ဘာတွေ သွင်းထားဖို့ပေါ့လေ၊ အဲဒါမျိုးကို ကျနော်တို့လည်း တတ်နိုင်သမျှတော့ ရခိုင် အခြေစိုက် အဖွဲ့တွေနဲ့ ပူးပေါင်းပြီးတော့ အကြံဉာဏ် ပေးတာပေါ့။ ဘာဖြစ်လို့လည်း ဆိုတော့ အခုဆိုရင် ကျနော်တို့ သွားခဲ့ရတဲ့ ဥစ္စာထဲမှာ ကျနော်တို့ တွေ့တယ်၊ တချို့တွေက ဒီရပ်ကွက်ထဲမှာ နေတယ်၊ မီးပြာကျသွားတယ်၊ ဒါပမေယ့် သူတို့က အဲဒီမှာ မရှိတဲ့ အခါကျတော့ စာရင်းထဲမှာလည်း မပါဘူး။ ဘေးကလူတွေကတော့ ၀ိုင်းပြောတယ် ဆိုတဲ့အခါကျတော့ လှုရတဲ့နေရာမှာ နဲနဲလေးတော့ အခက်အခဲ ရှိတာပေါ့နော်။ ဆိုတော့ ဒီလူတွေဘက်ကလည်း စာရင်းတွေ ဘာတွေသွင်းဖို့ပေါ့လေ၊ အဲဒါမျိုးလေးကို နဲနဲလေး ဆော်သြပေးဖို့တော့ လိုမယ်နဲ့ တူပါတယ် ခင်ဗျ။ စံနစ်တကျ စာရင်းလေးတွေ ထွက်လာဖို့ပေါ့လေ။"

ဘေးလွတ်ရာ ခိုလှုံနေကြသူတွေဖက်ကတော့  အဓိက နေရပ် ပြန်နေချင်ကြပြီးတော့ ကူညီ ထောက်ပံ့ကြ သူတွေ အနေနဲ့ အကူအညီတွေကို သူတို့လက်ထဲကို တိုက်ရိုက်ပေးဖို့ လိုလားတယ်လို့လဲ ပြောကြပါတယ်။

ရိုဟင်ဂျာတွေလက်ခံဖို့ ဘင်္ဂလားဒေ့ရ်ှကို HRW ဖိအားပေး

By မခင်ဖြူထွေး

မြန်မာနိုင်ငံတွင်း အကြမ်းဖက်မှုတွေကြောင့် ထွက်ပြေးလာကြတဲ့ ရိုဟင်ဂျာ ဒုက္ခသည်တွေကို ဘင်္ဂလားဒေ့ရ်ှနိုင်ငံက ပြန်မောင်းထုတ်နေတာတွေ ရပ်တန့်ဖို့ လူ့အခွင့်အရေးလှုပ်ရှားသူတွေက ဘင်္ဂလားဒေ့ရ်ှအစိုးရကို ထပ်မံ တိုက်တွန်း နေပါတယ်။ မြန်မာနိုင်ငံတွင်း နိုင်ငံရေး ပြုပြင်ပြောင်းလဲမှုတွေ လုပ်နေတာမှာ နိုင်ငံမဲ့ဖြစ်နေတဲ့ ရိုဟင်ဂျာကိစ္စနဲ့ ပတ်သက်လို့တော့ ကိုင်တွယ်တာမရှိသေးတဲ့အကြောင်း ဘန်ကောက်မြို့ကနေ သတင်းထောက် Danielle Bernstein က သတင်းပေးပို့ထားပါတယ်။ မခင်ဖြူထွေးက အပြည့်စုံ ပြောပြပါမယ်ရှင်။
ရခိုင်ပြည်နယ်တွင်း ပဋိပက္ခတွေကြောင့် ထွက်ပြေးလာတဲ့ ဒုက္ခသည်တွေကို ဘင်္ဂလားဒေ့ရ်ှအစိုးရအနေနဲ့ နယ်စပ်ဂိတ် တွေ ဖွင့်ပေးပြီး အကူအညီတွေပေးဖို့ နယူးယောက်အခြေစိုက် လူ့အခွင့်အရေး စောင့်ကြည့်မှုအဖွဲ့ Human Rights Watch က မနေ့က ကျရောက်တဲ့ ကမ္ဘာ့ဒုက္ခသည်များနေ့မှာ ထုတ်ပြန်တဲ့ ကြေညာချက် မှာ ဖော်ပြ တောင်းဆိုလိုက်တာ ဖြစ်ပါတယ်။ ဘင်္ဂလားဒေ့ရ်ှနိုင်ငံဘက်ကို လှေတွေနဲ့ ထွက်ပြေးလာကြတဲ့ ရိုဟင်ဂျာတွေကို ဘင်္ဂလားဒေ့ရှ် အာဏာပိုင် တွေက တားမြစ်ပြီး ပြန်လည်နှင်ထုတ်တာတွေ အကြိမ်ကြိမ် လုပ်ခဲ့တဲ့အကြောင်း လူ့အခွင့်အရေး စောင့်ကြည့်မှုအဖွဲ့က ပြောပါတယ်။

ခုလို လုပ်ရပ်တွေကို သူတို့အဖွဲ့က ကိုယ်စားလှယ်တွေက စောင့်ကြည့်လေ့လာမှုတွေ လုပ်နေတယ်လို့ လူ့အခွင့်အရေး စောင့်ကြည့်မှု အဖွဲ့ရဲ့ အာရှရေးရာ လက်ထောက်ညွန်ကြားရေးမှူး Phil Robertson က ပြောပါတယ်။
“ဘင်္ဂလားဒေ့ရှ် ကမ်းရိုးတန်းစောင့်တပ်တွေဟာ သတင်းထောက်တွေနဲ့ တခြားသူတွေကို ရိုဟင်ဂျာတွေနဲ့ တွေ့လို့ မရအောင် ဟန့်တားထားတယ်။ ဒုက္ခသည်တွေကို ပြန်ပြီး နှင်ထုတ်တဲ့အထဲမှာ ကလေးငယ်တွေ၊ အမျိုးသမီးတွေ ပါပါတယ်။ သူတို့ကို ပြန်နှင်ထုတ်လိုက်ပြီးတဲ့နောက် ဒီလူတွေ ဘယ်ကိုရောက်သွားပြီး ဘာဖြစ်သွားလဲဆိုတာ သေချာ မသိရပါဘူး။ ဒါက တကယ့်မေးခွန်းပါ။ ဘင်္ဂလားဒေ့ရှ် အာဏာပိုင်တွေ အနေနဲ့ ဖြေရမယ့်ကိစ္စပါ။”
မြန်မာနိုင်ငံဘက်ခြမ်းကို ပြန်လာနေတဲ့ ရိုဟင်ဂျာတွေကို မြန်မာအစိုးရအနေနဲ့ အကာအကွယ်ပေးဖို့နဲ့ ပဋိပက္ခတွေ ဖြစ်နေတဲ့ဒေသကို လူ့အခွင့်အရေး စောင့်ကြည့်မှုအဖွဲ့ လာရောက် လေ့လာခွင့်ပြုဖို့ကိုလည်း Phil Robertson က တောင်းဆိုပါတယ်။ ရခိုင်ပြည်နယ်တွင်း အကြမ်းဖက်မှုတွေကြောင့် အိုးအိမ်ပစ် ထွက်ပြေးနေရတဲ့ ဒုက္ခသည် ၉ သောင်း လောက် ရှိမယ်လို့ ကမ္ဘာ့စားနပ်ရိက္ခာအဖွဲ့ WFP က ခန့်မှန်းထားသလို ပြီးခဲ့တဲ့သီတင်းပတ်အတွင်း ဒီအထဲက ဒုက္ခသည် ၆ သောင်း ၆ ထောင်ကျော်ထံကို WFP က အကူအညီတွေ ပေးပို့ခဲ့ပါတယ်။
ဒီလအစောပိုင်းက ဖြစ်ခဲ့တဲ့ အကြမ်းဖက်မှုတွေဟာ ရခိုင် ဗုဒ္ဓဘာသာ အမျိုးသမီးငယ်တဦးကို ရိုဟင်ဂျာ မူဆလင် ၃ ယောက်က အဓမ္မပြုကျင့် သတ်ဖြတ်ခဲ့တဲ့ဖြစ်ရပ်အပြီး ဖြစ်လာခဲ့တာဖြစ်ပါတယ်။ ဒီ အကြမ်းဖက် သတ်ဖြတ်ခဲ့ကြတဲ့ မူစလင်သုံးယောက်ထဲက နှစ်ယောက်ကို ရုံးတင်စစ်ဆေးခဲ့ပြီး သေဒဏ်ချမှတ်လိုက်ပြီဖြစ်ပါတယ်။ ကျန်တစ်ယောက် ကတော့ ထောင်ထဲမှာ ကိုယ့်ကိုယ်ကို သတ်သေခဲ့တာဖြစ်ပါတယ်။
ရခိုင်ပြည်နယ်တွင်း အကြမ်းဖက်မှုတွေကြောင့် သေဆုံးသူ ၅၀ လောက်ရှိပြီး ဒဏ်ရာရသူတွေလည်း အများ အပြား ရှိတဲ့ အကြောင်း မြန်မာအစိုးရ သတင်းတွေက ဆိုပါတယ်။ အခုလို ဖြစ်ရပ်တွေနဲ့ ပတ်သက်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း ဒီသီတင်းပတ် သူ့ရဲ့ ဥရောပခရီးစဉ်အတွင်းမှာ ထည့်သွင်း ပြောဆိုသွားပါတယ်။ နိုင်ငံမဲ့ဖြစ်နေသူတွေ၊ ခန့်မှန်းချေ လူဦးရေ ၈ သိန်းလောက်ရှိတဲ့ ရိုဟင်ဂျာတွေနဲ့ ပတ်သက်ပြီး ခုကိစ္စမှာ နိုင်ငံသားအဖြစ် စိစစ်မှုတွေ လုပ်ဖို့ အရေးကြီးတဲ့အကြောင်းကို ထောက်ပြ ပြောဆိုသွားခဲ့တာပါ။
“ဘင်္ဂလားဒေ့ရ်ှကလည်း သူတို့ဆီက လူတွေ မဟုတ်ဘူးလို့ပြောတယ်၊ မြန်မာဘက်ကလည်း ဒီလိုပဲ သူတို့ဆီက မဟုတ်ဘူးလို့ ပြောတယ်။ သနားစရာကောင်းတဲ့ ဒုက္ခသည်တွေက ကြားမှာ ခံနေရတယ်။ ဆိုတော့ ကျမတို့မှာ ဥပဒေ စိုးမိုးမှု ရှိဖို့လိုနေတယ်။ ဥပဒေကို နားလည်ရမယ်၊ ဥပဒေအတိုင်း မှန်မှန်ကန်ကန် အကောင်အထည် ဖော်တာမျိုးဖြစ်အောင် လုပ်ရမှာဖြစ်ပါတယ်။”

မြန်မာနိုင်ငံရဲ့ ၁၉၈၂ ခုနှစ် နိုင်ငံသားဥပဒေအရ ရိုဟင်ဂျာတွေဟာ နိုင်ငံသားဖြစ်ခွင့် ငြင်းပယ်ခံထားရပါ တယ်။ မြန်မာ နိုင်ငံမှာ တရားဝင်အသိအမှတ်ပြုထားတဲ့ တိုင်းရင်းသားလူမျိုး ၁၃၅ မျိုး ရှိတဲ့အထဲမှာ ရိုဟင်ဂျာ ဆိုတာ မပါပါဘူး။ ၁၉၈၃ ခုနှစ်က ကောက်ယူခဲ့တဲ့ သန်းကောင်စာရင်းမှာလည်း ရိုဟင်ဂျာတွေကို နိုင်ငံခြား သားတွေအဖြစ် သတ်မှတ် ထားတာပါ။ နောက်တကြိမ် သန်းကောင်းစာရင်း ပြုစုဖို့ ရှိတာမှာလည်း ဒီအတိုင်း ပဲ ပြောင်းလဲမှာမဟုတ်ဘူးလို့ ၂၀၁၃ ခုနှစ် သန်းခေါင်စာရင်း ကောက်ယူမှုတွေကို အဓိက ကြီးကြပ်မယ့် မြန် မာနိုင်ငံ လူဝင်မှုကြီးကြပ်ရေး အကြီးတန်းအရာရှိ ဦးမြင့်ကြိုင်က ပြောပါတယ်။

“နိုင်ငံထဲမှာရှိတဲ့သူ ဘယ်သူမဆို နိုင်ငံသားပဲဖြစ်ဖြစ် နိုင်ငံခြားသားပဲဖြစ်ဖြစ် ကျနော်တို့ စာရင်းကောက်မှာပါ။ ရိုဟင်ဂျာ အနေနဲ့တော့ ဟုတ်ချင်မှဟုတ်ပါလိမ့်မယ်။ သူတို့ကို နိုင်ငံခြားသား၊ ဒါမှမဟုတ် တခြား လူမျိုး စသဖြင့် သတ်မှတ်နိုင်ပါ တယ်။”
လေ့လာသုံးသပ်သူတွေကတော့ ရိုဟင်ဂျာကိစ္စလိုမျိုး လူမျိုးရေး ပဋိပက္ခတွေကို ဘယ်လို ဖြေရှင်းမလဲ ဆိုတာက မြန်မာ အစိုးရအတွက် အဓိက စမ်းသပ်မှုတခု ဖြစ်တယ်လို့ ပြောနေကြတာပါ။ ရိုဟင်ဂျာတွေ မြန်မာနိုင်ငံသားအဖြစ် အသိအမှတ် ပြုခံရတဲ့ နိုင်ငံရေးဖြေရှင်းမှုမျိုးကို သူတို့အဖွဲ့ ထောက်ခံတယ်လို့ နိုင်ငံတကာ လူ့အခွင့်အရေးအဖွဲ့ Amnesty International က မြန်မာ့အရေး သုံးသပ်သူ Benjamin Zawacki က ပြောပါတယ်။
“လွန်ခဲ့တဲ့တနှစ်လောက်က ပြုပြင် ပြောင်းလဲမှုတွေ စလုပ်လာတဲ့ အချိန်ကတည်းက လူ့အခွင့်အရေးနဲ့ ပတ်သက်လို့တော့ ချီးကျူးလောက်စရာ တိုးတက်မှုတွေနဲ့ မြန်မာနိုင်ငံသားတွေ မတွေ့ကြုံရသေးပါဘူး။ လူတစ်ယောက်က ကျနော်တို့ကို ပြောဖူးတယ်၊ အခု ပြုပြင် ပြောင်းလဲမှုတွေက တခြား သူတွေအတွက်ပဲလိုပါပဲတဲ့။ သူတို့အတွက်တော့ မဟုတ်ပါဘူးတဲ့။ ဆိုတော့ ကျနော် ထပ်ပြောချင်တာက ရိုဟင်ဂျာတွေကို နိုင်ငံသားအဖြစ် လက်ခံဖို့အတွက် ၁၉၈၂ ခုနှစ် နိုင်ငံသား ဥပဒေကို ပြင်ဆင်သင့်တယ် ဆိုတာပါပဲ။”
မြန်မာနိုင်ငံမှာ အများစုဖြစ်တဲ့ ဗုဒ္ဓဘာသာဝင်တွေက ရိုဟင်ဂျာ မူစလင်တွေကို နိုင်ငံသားအဖြစ် လက်မခံတဲ့အတွက် ကြောင့် တိုင်းရင်းသားအဖွဲ့တွေ မျှော်လင့်အားကိုးရတဲ့ ဒေါ်အောင်ဆန်းစုကြည်နဲ့ တခြား အတိုက်အခံ လွှတ်တော် အမတ်တွေအကြားမှာလည်း အခုကိစ္စက နိုင်ငံရေးအရ သဘောထားကွဲလွဲမှုတွေ ဆက်ပြီးဖြစ်လာစေတယ်လို့ လေ့လာ သုံးသပ်သူတွေက ပြောနေကြပါတယ်ရှင်။