MOETHIHAAUNG: ဂုဏ်ရောင်ပြောင်တဲ့ ကျော်ကျော်မင်း (သို့မဟုတ်) အကြွေစောခဲ့ရတဲ့ ပန်းကောင်းတစ်ပွင့်

Thursday, May 3, 2012

ဂုဏ်ရောင်ပြောင်တဲ့ ကျော်ကျော်မင်း (သို့မဟုတ်) အကြွေစောခဲ့ရတဲ့ ပန်းကောင်းတစ်ပွင့်

ကျောင်းသားချင်းသတ်ဖြတ်မှုမှာ ကျဆုံးခဲ့တဲ့(၃၅)ဦးထဲမှာ မောင်မောင်ကြွယ်ပြီးရင်

ဒုတိယအသက် အငယ်ဆုံးဖြစ်တဲ့ ကျော်ကျော်မင်း(ကန့်ဘလူ)-

အားလုံးက ဘာကြောင့် ၊ သူလိုငယ်ရွယ်သူတစ်ယောက်ကိုဘာအညှိုးကြောင့် ဆို တာ ခန့်မှန်းရ ခက်လောက်အောင်ကိုထွန်းအောင်ကျော် တို့ နဲ့ တန်းတူဖေဖေါ်ဝါရီ (၁၂)ရက်နေ့မှာ (၁၅)ယောက် ထဲက အပါအဝင် ခေါင်းဖြတ်ခံခဲ့ရသူ –

တောတွင်းကိုရောက်ကထဲက ငှက်ဖျားရဲ့ဒဏ်နဲ့ ကျန်းမာရေးချို့တဲ့လို့နောက်ဆုံးမှ ရင်း(၅)မှာပေး တဲ့ အခြေခံသင်တန်းကို တက်ရောက်ပြီးခဲ့သူ –

စိတ်ဓါတ်ပြင်းထန်ပေမယ့် ငှက်ဖျားနှိပ်စက်မှုကမလွတ်သေးချိန်(၁၅)ယောက်ထဲမှာ သူတစ်ယောက် ပဲသေဒဏ်ဖတ်ချိန်မှာ ပျော့ကျသွားတယ် ၊ တွဲခေါ်ခံခဲ့ရသူလို့ထင်ခံခဲ့ရသူ –

အသက်ငယ်ပေမယ့် အစောဆုံး အဖမ်းခံခဲ့ရပြီး ခန္ဓာကိုယ်ထွားကြိုင်းမှုအရ ခဏခဏအရိုက်ခံ အနှိပ်ခံရသူ –

သူ့အကြောင်းကို သူ့ရဲ့လုပ်ဖော်တို့ရဲ့ပြောပြချက်ပါ။

ဂုဏ်ရောင်ပြောင်တဲ့ ကျော်ကျော်မင်း (သို့မဟုတ်) အကြွေစောခဲ့ရတဲ့ ပန်းကောင်းတစ်ပွင့်

၎-၈-၁၉၈၈ ရက်နေ့ မနက် ကျောင်းမတက်ခင်အချိန်မှာပေါ့ မန္တလေးကနေ ပြန်လာကာစ သူငယ်ချင်းဖြစ်သူ ကျော်ကျော်မင်းနဲ့ အခန်းထဲမှာ ဆုံဖြစ်ကြတယ်။ ဒသမတန်း(အေ)အခန်းမှာ သူနဲ့ ကျွန်တော်က တစ်ခုံတည်း ထိုင်တဲ့သူငယ်ချင်းတွေလေ။ကျွန်တော့်ပခုံးကိုဖက်ပြီး အားမာန်အပြည့် ခံစားချက်အပြည့်ပါတဲ့ မျက်နှာထားနဲ့ပြောလာတယ်။

သူငယ်ချင်း အောင်ကျော်မိုး သူများတွေဆီမှာ အကုန်လုံး သပိတ်မှောက်နေကြပြီ မင်းတို့ ငါတို့ကဒီကျောင်းမှာအကြီးဆုံးကျောင်းသားတွေဆိုတော့တို့က ဦးဆောင်ပြီးနှိုးဆော်ပြီး လုပ်ကြမှဖြစ် မယ်။ တို့မြို့ တို့ကျောင်းရဲ့သမိုင်းကိုတော့ အရိုင်းခံလို့မဖြစ်ဘူး

သူငယ်ချင်းဖြစ်သူရဲ့ ရင်ဖွင့်ပြောသံကို ကြားရတော့ ကျွန်တော့စိတ်ထဲမှာ ရှိနေတာတွေနဲ့ တစ်စိတ်တစ်ဝမ်းထဲဖြစ်နေလို့ လက်တွဲဖော် ရဲဘော်ရဲဘက်တစ်ယောက် ရပြီဆိုပြီး ကျွန်တော် ၀မ်းသာ ပီတိဖြစ်သွားမိတယ်။

အေး ငါလည်းအဲဒါကို စိတ်ကူးနေတာဘဲ ဘယ်သူတွေနဲ့ တိုင်ပင်လုပ်ကိုင်ရမယ်ဆိုတာ စဉ်းစား နေတာမင်းနဲ့ငါနဲ့ တစ်ခန်းချင်းလှည့်ပြီး လှုံ့ဆော်ကြတာပေါ့။ စောစောကတောင်မှ ကိုးတန်းက သန်းတင့်၊ မြတ်သူနှင့် နိုင်နိုင် တို့နဲ့ တိုင်ပင်ဖြစ်သေးတယ်။ သူတို့လည်းစိတ်ဓာတ်တက်ကြွနေကြတယ်။ရှစ်တန်းကအောင်သန်းဝင်းတို့ညီအစ်ကိုရယ်ထွန်းထွန်းထိုက်တို့မျိုးထွန်းတို့အုပ်စုတွေကလည်း တက်ကြွနေကြတယ်။ ခုနှစ်တန်းကကလေးတွေလဲ ဆန္ဒစောနေကြတယ်။ ညနေကျောင်းဆင်းရင်စုရုံး ဆွေးနွေးကြဖို့ ခုဘဲလှည့်ပြောရအောင်

အေး ကောင်းတယ် အခုချက်ချင်း လှည့်ပြောတာကောင်းမယ်

ကျွန်တော်တို့နှစ်ယောက် တစ်ခန်းချင်းလှည့်လည်ပြီး ညနေကျောင်းဆင်းချိန် တောင်ဆည်မှာ စုဝေးကြဖို့ လိုက်လံနှိုးဆော်ခဲ့

ကြတယ်။ အားလုံးပဲစိတ်ဓာတ်တက်ကြွနေကြတော့ ၀မ်းသာအားရစွာနဲ့ အခန်းကိုပြန်လာခဲ့ကြတယ်။

ညနေ ကျောင်းဆင်းတော့ နှစ်ယောက်တစ်တွဲ၊သုံးယောက်တစ်တွဲအုပ်စုလေးတွေခွဲပြီး

တောင်ဆည်နဘေးကပေါက်ပင်တွေအုပ်ဆိုင်းနေတဲ့နေရာလေးမှာစုဝေးမိကြတယ်။ ဘယ်လို လုပ်ဆောင် ကြမယ်ဆိုတာခေါင်းချင်းဆိုင်ပြီးဆုံးဖြတ်ချက်တွေချနိုင်ခဲ့ကြတယ်။ ကန့်ဘလူမြို့နယ်အခြေခံ ကျောင်းသား များသမဂ္ဂကိုလည်းဖွဲ့စည်းနိုင်ခဲ့ကြတယ်။ အမှုဆောင်အဖွဲ့ဝင်တွေကတော့—

ဥက္ကဋ္ဌ ကျော်ကျော်မင်း

ဒုဥက္ကဋ္ဌ သန်းတင့်

အထွေထွေအတွင်းရေးမှုး အောင်ကျော်မိုး

တွဲဘက်အထွေထွေအတွင်းရေးမှုး အောင်သန်းဝင်း တို့ဖြစ်ပြီး

အလုပ်အမှု့ဆောင်တွေကတော့

(၁) မြတ်သူ (၂) နိုင်နိုင် (၃) ဇော်မင်းထွန်း (၄) ထွန်းထွန်းထိုက် (၅) သန်းခိုင် (၆) သက်နိုင်ထွန်း

(၇) ၀င်းခိုင်ထူး (၈) မင်းနိုင် (၉) ၀င်းနိုင်ဦး (၁၀) မျိုးဇော်အောင်တို့ပါဝင်ခဲ့ကြတယ်။

ပထမဆုံးခြေလှမ်းအနေနဲ့ ကျောင်သားများသို့ နှိုးဆော်ပန်ကြားလွှာကို ကိုတင်မိုးလွင် အကူအညီနဲ့ ဖယောင်းဖောက်လှိမ့်ထုတ်ပြီး (၅)ရက်နဲ့ (၆)ရက်နေ့တွေမှာ ကျောင်ဝင်းအနှံ့ကပ်ကြဖို့ သဘောတူခဲ့ကြ တယ်။ တစ်ဆက်တည်း (၇)ရက်နေ့မှာ မြို့သူမြို့သားများသို့ နှိုးဆော်ပန်ကြားလွှာကို လူစည်ကားတဲ့ နေရာတွေနဲ့ ဈေးထဲမှာဖြန့်ဝေကြဖို့ (၈-၈-၈၈)ရက်နေ့မှာ သပိတ်စတင်ဖို့ သဘောတူ ဆုံးဖြတ်ခဲ့ကြတယ်။

(၈-၈-၈၈)နေ့မှာ မနက် ကျောင်းတက်ခေါင်းလောင်းထိုးချိန် စတင်စုဝေးချီတက်ကြဖို့ စီစဉ်ခဲ့ ပေမယ့်ဆရာတစ်ချို့ရဲ့ ခြောက်လှန့်ပိတ်ပင်မှုတွေကြောင့် လူစုကွဲသွားခဲ့ပြီး ညနေကျောင်းတက်ချိန်မှ စတင်ဖို့အစီအစဉ်ပြောင်းလိုက်ရတယ်။ မနက်ကျောင်းဆင်းလို့ထမင်းစားချိန်မှာတော့ ရေဒီယိုတစ်နာရီသတင်းမှတစ်နိုင်ငံလုံးရှိကျောင်းသားများအားလုံးကိုပိတ်လိုက်ပြီ

ဖြစ်ကြောင်းကြေညာချက်ထွက်လာတယ်။

အလုပ်အမှုဆောင်အဖွဲ့တွေ ကျောင်းဝင်းထဲ စုဝေးခဲ့ကြပေမဲ့ ဆရာ ဆရာမတွေ က ကျောင်း ပိတ်ပြီဖြစ်လို့ကျောင်ဝင်းထဲမ၀င်ဖို့နဲ့မိမိအိမ်မိမိပြန်ကြဖို့တိုက်တွန်းခဲ့ကြတယ်။ကျွန်တော်တို့အဖွဲ့တွေကအိမ် မပြန်ဘဲကျောင်းသားတွေကိုလှည့်လည်စုစည်းဖို့လူစုခွဲပြီးကြိုးစားခဲ့ကြတယ်။

အစိုးရိမ်ကြီးတဲ့မိဘတွေက မိမိသားသမီးတွေကို ထွက်ခွင့်မပေးတဲ့အတွက် အင်အားကစုစည်းမရ ဘဲဖြစ်နေတယ်။ ဆယ်ယောက်ကျော်ကျော်လေးနဲ့ စတင်ဖို့ကမသင့်တော်တာကြောင့် ညနေ(၆)နာရီ ခွဲမှာ ပြန်လည်စုဝေးကြဖို့ သဘောတူလိုက်ပြီး လိုက်လံနှိုးဆော်ခဲ့ရပြန်တယ်။ (၆)နာရီခွဲတော့ ကုက္ကိုရိပ် လက်ဘက်ရည်ဆိုင်ရှေ့မှာကျောင်းသားသုံးဆယ်လောက်စုစည်းမိတယ်။ ရှိတဲ့အင်အားနဲ့ဘဲ စတင်ချီ တက် ကြွေးကြော်ဖို့ဆုံးဖြတ်လိုက်ကြတယ်။

ကုက္ကိုရိပ်ရှေ့မှာစုပြီးဘောလုံးကွင်းနဲ့ဈေးရှေ့ကိုပတ်ပြီးလှည့်လိုက်တော့တဖြည်းဖြည်းလူထုအင်အား ပူးပေါင်းလာမှုနဲ့ လူ(၂၀၀)ကျော်လောက်ဖြစ်လာတယ်။ ဈေးနားကနေ မြို့ပေါ်ငါးရပ်ကွက်အကုန်လှည့် လိုက်တော့ည(၈)နာရီကျော်လောက်မှာအင်အားတစ်ထောင်ကျော်လောက်ဖြစ်လာတယ်။ ရှေ့ကနေ
ကြွေးကြော်သံတွေကို အားမာန်အပြည့်နဲ့တိုင်ပေးတာကတော့ ကျော်ကျော်မင်းနဲ့သန်းတင့်တို့ ပေါ့။

အင်အားများလာတော့မြို့နယ်ကောင်စီဥက္ကဌအိမ်ရှေ့ကိုသွားပြီး ကြွေးကြော်ကြတယ်။ပရိတ်သတ် နဲ့ တက်ကြွခံစားမှု့နဲ့ဟိန်းထနေတဲ့ ကြွေးကြော်သံတွေကြောင့် လူထုကြီးကြောက်လန့်သွားအောင် ဥက္ကဌကြီး အိမ်ထဲကလုံခြုံရေးတာဝန်ကျနေတဲ့ရဲဘော်တစ်ယောက်က သေနတ်ပစ်ဖောက်ပြီးခြောက်လှန့်ခဲ့တယ်။

ပရိတ်သတ်ရဲ့ဒေါသပေါက်ကွဲမှုတွေကြောင့်ထိပ်တိုက်တွေ့ ပြဿနာဖြစ်မှာစိုးရိမ်ရတဲ့အတွက် ကျွန်တော်တို့အဖွဲ့ကဘဲ သပိတ်ကိုရပ်နားပြီးနောက်နေ့နံနက်(၇)နာရီမြို့မဘောလုံးကွင်း ထဲမှာညီညီညာ ညာစုဝေးကြဖို့မိမိတို့နှင့်နီးစပ်ရာကိုလည်း နှိုးဆော်တိုက်တွန်းကြဖို့ မှာကြားလိုက်ရတယ်။ ၉-၈-၈၈ ရက်နေ့ နံနက်(၇း၀၀)နာရီ ဘောလုံးကွင်းမှာပရိသတ်လေးထောင်ကျော်လောက်စုဝေးမိတယ်။ကြွေးကြော်သံတွေ တိုင်ပြီးတစ်မြို့လုံးအနှံ့လှည့်လည်ခဲ့ကြတယ်။နေ့လည်(၁၂)နာရီမှာတော့ထမင်းစားနားဖို့ လူစုခွဲပြီး နေ့ လည် (၂)နာရီမှာ ပြန်စုကြဖို့ ဖြောင့်ဖြတိုက်တွန်းလိုက်ရတယ်။ ပရိတ်သတ်ကြီး က တော့ထမင်းမစား ဘဲ တစ်နေ ကုန် လှည့်ဖို့စိတ်အားထက်သန်နေကြတာပေါ့။

ကျွန်တော်တို့အဖွဲ့ကဘဲ လုပ်ရမယ့်အလုပ်က ဒီတစ်ရက်တည်းမဟုတ်ကြောင်း တစ်ပါတီအာဏာရှင် မပြုတ် မချင်း လုပ်ဆောင်ကြရ မှာဖြစ်ကြောင်း နှစ်သိမ့်ပြောဆိုကြရတယ်။

နေ့လည်(၂)နာရီမှာတော့ငြိမ်သက်နေတဲ့မြို့ပေါ်ကတက္ကသိုလ်ကျောင်းသားတွေစုစည်းပြီးကျွန်တော်တို့ အဖွဲ့နဲ့ အားဖြည့်ပူးပေါင်းပေးခဲ့တယ်။ညနေပိုင်းသပိတ်သိမ်းပြီးချိန် တက္ကသိုလ်ကျောင်းသားကြီးတွေ က ကျောင်းသားသမဂ္ဂဖွဲ့ပြီး နေရာဝင်ယူကြတော့ စိတ်တိုကာ လှံဆွဲပြီး ထိုးမယ်လုပ်တဲ့ ကျော်ကျော်မင်း ကို မနည်းချော့မော့ဖျောင်းဖျခဲ့ရတယ်လေ။ အစကတော့ဦးဆောင်ရကောင်းမှန်းမသိဘဲအရှိန်ရလာတော့ မှ နေရာဝင်ယူချင်တဲ့သူတွေအပေါ်ထားတဲ့ ကျော်ကျော်မင်း ရဲ့ မဟုတ်မခံစိတ်ဓါတ်ပေါ့။

စစ်တပ်ကအာဏာသိမ်းပြီးနောက် ကျွန်တော်တို့သပိတ်အဖွဲ့တွေ မြို့ပေါ်မှာဆက်နေလို့မဖြစ်တော့ ဘူးဆိုပြီးနီးစပ်ရာ ရွာလေးတွေမှာ လူစုခွဲပြီးခေတ္တရှောင်တိမ်းခိုလှုံခဲ့ကြတယ်။ အဲဒီအချိန်ကျွန်တော်တို့နဲ့ အတူတူသင်ပန်းတောရွာမှာတစ်အုပ်စုတည်းကျတဲ့ ကျော်ကျော်မင်းက အဖွဲ့ကို အကြံတစ်ခုတင်ပြတယ်။

သူ့တင်ပြချက်ကတော့ –

ကျွန်တော်တို့ဒီရွာမှာအကြာကြီးနေလို့လည်းမဖြစ်ဘူး။မြို့ပေါ်ကိုပြန်လို့လည်းမဖြစ်သေးဘူး။ ပြန်ရင်အဖမ်းခံရ မှာဘဲ၊ ဒီတော့ကျွန်တော်ပြောချင်တာက နယ်စပ်ကိုဘဲဖြစ်ဖြစ် KIA နယ်မြေကိုဘဲဖြစ်ဖြစ် ရောက်အောင် သွားပြီးခိုလှုံ ဖို့ ကျွန်တော်အကြံပြုချင်ပါတယ်။

ဒါကABSDF မြောက်ပိုင်းဆိုတာဖြစ်လာဖို့အကြံပြုထုတ်ဖော်ခဲ့တဲ့ ကျော်ကျော်မင်းရဲ့စိတ်ကူးကို ဖော်ပြနေ တာပါဘဲ။

နောက်နှစ်ပတ်လောက်ကြတော့မ၀တ ဥက္ကဌက ကျောင်းသားမိဘတွေကိုခေါ်တွေ့ပြီး မိမိတို့သား သမီးတွေ ကို နိုင်ငံရေးမလုပ်တော့ဘူးဆိုတာခံဝန်ချုပ် လက်မှတ်ထိုးပေးမယ်ဆိုရင်ပြန်လာလို့ ရတဲ့အကြောင်းပြော ပါလေရော။ မိဘတွေရဲ့ဖျောင်းဖျခေါ်ဆောင်မှုကြောင့် ကျွန်တော်တို့တစ်တွေအိမ်ပြန် ရောက်ခဲ့ကြ တယ်။ နိုင်ငံရေးနဲ့ ပတ် သက်ပြီး ကင်းကင်းရှင်းရှင်းနေပါမယ်ဆိုတဲ ခံဝန်ချုပ်လက်မှတ်တွေ အစီအရီထိုးခဲ့ကြရတယ်။

၁၉၈၉ခုနှစ်မှာကျောင်းတွေပြန်ဖွင့်တော့ကျွန်တော်တို့ကျောင်းပြန်တက်ခဲ့ကြတယ်။ကျောင်းအပ်ရင်း ကျောင်း အုပ်ကြီးရုံးခန်းထဲမှာ ဗိုလ်ချုပ်နေ၀င်းဓါတ်ပုံချိတ်ဆွဲထားတာကို မြင်ကြရတော့ကျွန်တော်တို့တွေ စိတ် မကြည် မသာဖြစ်ကြရတော့တယ်။ ကျော်ကျော်မင်းကတို့တစ်တွေ ဒီပုံကိုဖြုတ်ခိုင်းကြရမယ် လို့ အကြံပြုလာလို့ ကျွန်တော်တို့အဖွဲ့တွေစုပြီးသားငှက်ခြံထဲကအပင်တွေအုပ်ဆိုင်းနေတဲ့ကြားက မြေကွက်လေးမှာလျှို့ဝှက် တိုင်ပင်ခဲ့ကြတယ်။အားလုံးရဲ့ဆန္ဒနဲ့အချက်လေးချက်ကို ကျောင်းအုပ်ဆရာမကြီး ဆီတက်ရောက် တောင်း ဆိုဖို့သဘောတူခဲ့ကြတယ်။ အဲဒီအချက်လေးချက်ကတော့ –

(၁) ကျောင်းစာကြည့်တိုက်ဖွင့်ပေးရန်

(၂) စာအုပ်နှင့်စာရေးကိရိယာလုံလောက်စွာဝယ်ယူရရှိနိုင်အောင်စီစဉ်ပေးရန်

(၃) ကျောင်းသား/သူများအတွက်အိမ်သာနှင့်သေးပေါက်ခြံလုံလောက်မျှတအောင်စီစဉ်ပေးရန်

(၄) ရုံးခန်းတွင်းမှ ဗိုလ်ချုပ်နေ၀င်းဓါတ်ပုံကို ဖြုတ်ချပေးရန်ဆိုပြီး

ကျောင်းသား(၄၀)လောက် ကျောင်းအုပ်ဆရာမကြီး ဒေါ်မိမိလေးနဲ့ တွေ့ဆုံတောင်းဆိုခဲ့ကြတယ်။ ဆရာကြီးဦးအေးနှင့်ဦးတင်မြင့် တို့က ကျောင်းသားများမှ ဓါတ်ပုံကို ဇွတ်ဖြုတ်ချလျှင် ဒုက္ခရောက်မည် စိုးရိမ်၍ ကျောင်းအုပ်ဆရာမကြီးသဘောမတူဘဲဖြုတ်ချလိုက်တယ်။ အဲဒီလုပ်ရပ်ကြောင့်ကျွန်တော်တို့ချစ်တဲ့ဆရာကြီးနှစ်ယောက်အဝေးကိုစေလွှတ်ခြင်းခံရလိုက်ရတာပေါ့။
ကျောင်းအုပ်ဆရာမကြီးကမျက်နှာလိုမျက်နှာရလုပ်ပြီး မ၀တနှင့် အထက်အာဏာပိုင် အဖွဲ့အစည်း အဆင့်ဆင့်ကို အကြောင်းကြားတိုင်တန်း ခဲ့တယ်။ညနေကျောင်းဆင်းလို့ ကျွန်တော်တို့ လက်ဘက်ရည် ဆိုင်ထိုင်နေတဲ့အချိန် ကိုထွန်းကြည်ဆိုတဲ့ ရဲတစ်ယောက်ရောက် လာပြီး -

မင်းတို့ကိုအရေးတကြီးပြောစရာလေးရှိလို့ငါပြောတယ်ဆိုမပေါက်ကြားစေနဲ့စခန်းကိုခယကဥက္ကကြီးဆီ ကကြေးနန်းဝင်လာတယ်။ ခယကဥက္ကကြီးနဲ့ ခရိုင်ရဲမင်းကြီး EMC နဲ့ရွှေဘိုကထွက်လာခဲ့ပြီးတဲ့ မင်းတို့ အရေးမှာဦးဆောင်ခဲ့တဲ့ကျောင်းသားတွေကို ဒီနေ့ညဘဲဖမ်းဖို့အမိန့်ပေးထားတယ် ဆိုတာပြောပြီး ကုတ် ကုတ်လေးပြန်ထွက်သွားတယ်။

ကျွန်တော်တို့လည်းချက်ချင်းဘဲအဖွဲ့တွေကိုအစည်းအဝေးခေါ်ဖို့ဆုံးဖြတ်ခဲ့ကြတယ်။ ဈေးဟောင်း တောင် ဘက်ကသူငယ်ချင်းသန်းခိုင်ရဲ့ဦးလေးပိုင်တဲကပျဉ်ထောင်အိမ်ကြီးမှာအစည်းအဝေးထိုင်ခဲ့ကြတယ်။
ကျော်ကျော်မင်း နဲ့ ကျွန်တော်ကဘဲ

ဒီနေ့ညဘဲငါတို့အဖမ်းခံကြမယ်ဆိုတာပြောကြားပြီးကျန်ရစ်သူတွေ ဆက်လက်ဆောင်ရွက်ရမယ့် လုပ်ငန်းစဉ်နဲ့ဆက်သွယ်ဆောင်ရွက်ရမယ့် ပုဂ္ဂိုလ်တွေရဲ့လိပ်စာတွေကိုပေးပြီးအိမ်ပြန်ခဲ့ကြတယ်။

ည(၁၂)နာရီလောက်ကျတော့ကျွန်တော်တို့အဖွဲ့က ကျောင်းသားငါးယောက်နဲ့ NLD က ဦးဘရွှေ ကိုပါဖမ်းဆီးချုပ်နှောင်ခံလိုက်တယ်။

အဖမ်းခံရတဲ့ကျောင်းသားတွေကတော့ –

(၁) ကျော်ကျော်မင်း

(၂) မြတ်သူ

(၃) နိုင်နိုင်

(၄) အောင်သန်းဝင်း

(၅) အောင်နိုင်ဦး တို့ဖြစ်ပြီး

အောင်သန်းဝင်းတို့ဖခင်ဦးဘရွှေကိုတော့ကလေးတွေကို မြှောက်ပင့်ပေးတယ်ဆိုတဲ့စွပ်စွဲချက်နဲ့မတ ရားဖမ်းဆီးခဲ့တာပါ။ကျွန်တော်ကတော့ကံကောင်းလို့အဖမ်းခံရတဲ့ထဲမပါပေမယ့်(၈၉^၉၀)စာသင်နှစ် အ တွက် ကျောင်းတက်ခွင့်ကနေရပ်နားခံလိုက်တယ်။ ကျန်တဲ့ကျောင်းသားငယ်တွေကိုလည်း ခံဝန်ချုပ် လက် မှတ် အလီလီအထိုးခိုင်းပြီး သြ၀ါဒအမျိုးမျိုးပေးကာ ကျောင်းနှစ်ပတ်ဆီနားခိုင်း လိုက် တယ်။ကျွန်တော် တို့နဲ့ဇီးကုန်းကျောင်းသားတွေရဲ့ ကြေညာချက်များထုတ်ပြန်ဖြန့်ဝေမှုစုပေါင်းလှုပ်ရှားမှု တွေကြောင့် ကျောင်း သားငါးယောက်ကို တစ်အကြာမှာလွှတ်ပေးလိုက်ပေမယ့် ဦးဘရွှေကိုတော့ သုံးလ ကျော်ကျော်လောက် ချုပ်နှောင်ထားခဲ့တယ်။ အဲဒီစိတ်ဒဏ်ရာနဲ့ပဲ ဦးဘရွှေခင်ဗျာ စိတ်ဖောက်ပြီး ကျန်းမာရေးဆိုးဝါးတဲ့ဒဏ်ကို ဘ၀တစ်လျှောက်လုံး ရင်စည်းခံခဲ့ရတာပါ။

ကျော်ကျော်မင်း အချုပ်ကလွတ်ပြီး အပြင်ရောက်တော့ –

ငါဒီအတိုင်းတော့ ငြိမ်ခံမနေနိုင်ဘူးကွာ ဒီမှာဘာမှမလုပ်ရတာနဲ့စာရင်တောခိုပြီး လက်နက် ကိုင် တော်လှန်ရေးဘဲ လုပ်တော့မယ် လို့ဆိုလာတယ်။

ကျွန်တော်တို့တတွေ ၀ိုင်းဝန်းတားမြစ်ပေမယ့်နားမယောင်ခဲ့ဘူး။ မိုးညှင်းကကျောင်းသားတွေရဲ့ အဆက်အသွယ်နဲ့ KIA နယ်မြေက ABSDF ကျောင်းသားတပ်မတော်ကိုထွက်ခွာသွား ကြတယ်။

ကန့်ဘလူမြို့ပေါ်မှ လိုက်ပါသွားသူတွေကတော့ –

(၁) ကျော်ကျော်မင်း ဒဿမတန်း

(၂) မြတ်သူ န၀မတန်း

(၃) ၀င်းနိုင်ဦး န၀မတန်း

(၄) ၀င်းခိုင်ထူး သတ္တမတန်း

(၅) မျိုးဇော်အောင် သတ္တမတန်း တို့ပါဘဲ။

နောက်ပိုင်းမှာတော့ကျွန်တော်တို့သူငယ်ချင်း ကျော်ကျော်မင်းကို ထောက်လှမ်းရေးလို့အစွပ်စွဲခံ ရပြီးအသတ်ခံလိုက်ရတဲ့အကြောင်းကြားသိခဲ့ရတယ်။ ကျန်တဲ့လေးယောက်မှာတော့အသက်မသေဘဲ ပြန်လာ နိုင်ခဲ့လို့ ၀မ်းသာရပေမယ့် သူတို့ကိုမြင်ရ တိုင်း ကျော်ကျော်မင်း အတွက် စိတ်မကောင်းဖြစ်ခဲ့ရတယ်။

မဟုတ်မခံစိတ်နဲ့ တော်လှန်ရေးအတွက်ရဲရဲဝံ့ဝံ့ ဆောင်ရွက်ခဲ့တဲ့ကျွန်တော်တို့သူငယ်ချင်းအတွက်ဝမ်းနည်း ပက်လက်ဖြစ်ကြရတယ်။ သူငယ်ချင်းတစ်ယောက် ကောင်းရာသုဂတိရောက်ပါစေလို့ ဆုတောင်း ရင်း အကြွေစောခဲ့ရတဲ့ တစ်ပွင့်ပန်းသူရဲကောင်းအဖြစ် အမှတ်တရဂုဏ်ပြု ဖော်ထုတ်လိုက်ရပါတယ်။

အောင်ကျော်မိုး

မြတ်သူ တိုက်ပွဲဖမ်းမိ (ဗန်းမော်ထောင်)ကျခဲ့ပါတယ်။

မျိုးဇော်အောင် ပါဂျောင်မှာပဲ ထောက်လှမ်းရေးဆိုပြီး အဖမ်းခံခဲ့ရပေမယ့် အသတ်မခံခဲ့ရပါဘူး