by Nyein Chan Aye on Sunday, May 27, 2012 at 11:57am ·
ခရစ်စမား နှင့် ခေါင်းဆောင်မှု ပုံစံများ
ငြိမ်းချမ်းအေး
ခေတ်မောင်း လစဉ်ထုတ်စာစောင်
အတွဲ (၁) ၊ အမှတ် (၁) ၊
မေလ ၊ ၂၇ ၊ ၂၀၁၂ ခှနှစ်
ကမ္ဘာမှာ ထင်ရှားအောင်မြင်တဲ့ ခေါင်းဆောင်တွေရဲ့ ခေါင်းဆောင်မှု အရည်အသွေးများထဲက လူမမြင်သာတဲ့ ၊ ရှင်းပြလို့ ခက်ခဲတဲ့ အရည်အသွေး (X-factor) တစ်ခုက ခရစ်စမား (Charisma) ပါဆိုရင် အားလုံးလက်ခံမယ်လို့ ယူဆတယ်။ ခရစ်စမား ရှိသူတွေကို အကြမ်းဖျင်း အဓိပ္ပာယ်ဖွင့်ရင် သူတို့ဟာ သူများကို သြဇာစူးတယ်။ လူအများကို ဆွဲဆောင်နိုင်တယ်။ လူအများက အတုယူ လေးစားအားကျလာစေတယ်။ ဒါတွေကို ဖြစ်စေတဲ့ ထူးခြားတဲ့ စွမ်းပကားမျိုး သူတို့မှာ မွေးရာပါ (ဝါ) သဘာဝအရကို ရှိနေတယ်။
ဂျာမန် လူမှုဗေဒပညာရှင် မက်စ်ဝက်ဘ်ဘာ (၁၈၆၄-၁၉၂၀) က ခရစ်စမားရှိတဲ့ ခေါင်းဆောင်ကို "လူသာမန်တွေနဲ့ မတူကွဲပြားတဲ့ ကောင်းမြတ်မှု၊ ပုဂ္ဂလိက တကိုယ်ရည် အရည်အသွေး တွေရှိတယ်၊ ထူးခြားတဲ့၊ သီးခြား သဘောဆောင်တဲ့ အနှိုင်းမဲ့ အံ့မခန်း စွမ်းအား၊ အရည်အသွးတွေကြောင့် လူတွေက သဘဝလွန်၊ မဟာလူသားဆန်ဆန် အလေးထား၊ ဂုဏ်ပြုဆက်ဆံခြင်း ခံရတယ်" လို့ အဓိပ္ပာယ် ဖွင့်တယ်။ ခရစ်စမားကို အခြေပြုတဲ့ ခေါင်းဆောင်မှု၊ အုပ်ချုပ်မှု ပုံစံကိုလည်း "လူပုဂ္ဂိုလ် တစ်ဦးတည်းကို စံနမူနာပြု၊ သူရဲကောင်း ကိုးကွယ်မှုဝါဒ ပုံစံ အလေးထား ဦးညွတ် ဆည်းကပ်တယ်၊ အလုံးစုံ သစ္စာရှိမှု၊ အမိန့်နာခံမှုကို ဖြစ်စေတာကြောင့် ခေါင်းဆောင်ရဲ့ အမိန့် (သို့) ချမှတ်လိုက်တဲ့ စံနှုန်း၊ လမ်းစဉ်တွေ အတိုင်း လိုက်လံဆောက်ရွက်တယ်" လို့ဆိုတယ်။
ဘာသာရေးမှာ ဆိုရင် ဗုဒ္ဓ၊ ယေရှု၊ မိုဟာမဒ် တို့လို့ ဆိုနိုင်မယ်။ နိုင်ငံရေး၊ လူမှုတော်လှန်ရေးတွေမှာဆိုရင် မဟတ္တမဂန္ဓီ၊ မာတင်လူသာကင်း၊ တို့လို မျိုးကို ဆိုတယ်။ နိုင်ငံ့ခေါင်းဆောင်တွေမှာ ဆိုရင် ဂျော့ဝါရှင်တန်၊ သောမတ်စ် ဂျက်ဖာန်၊ ဘင်ဂျမင် ဖရင်ကလင်၊ လင်ကွန်း၊ ဖရန်ကလင်း ရူစဗဲ့၊ ချာချီ၊ ဒီဂေါလ်၊ ကနေဒီ၊ ကလင်တန်၊ အိုဘားမား စတဲ့ အောင်မြင်ထင်ရှားတဲ့ ပုဂ္ဂိုလ်မျိုးတွေ ဖြစ်တယ်။ ဗမာပြည်ဆိုရင်လည်း အရင်တုန်းက သခင်နုလို၊ ခုခေတ်အနေနဲ့ ဒေါ်အောင်ဆန်းစုကြည်လို မျက်နှာပွင့်၊ လူကြည်ညို၊ လေးစားခံရတဲ့ သူမျိုးတွေဖြစ်တယ်။
ဒီလို ခေါင်းဆောင်မျိုး ရှိဖို့ လိုမလို ဆိုတာဟာ အငြင်းပွားစရာ၊ အဖြေရှာစရာ မလိုတဲ့ ကိစ္စဖြစ်တယ်။ "ပုဂ္ဂိုလ်ခင်မှ တရားမင်" ဆိုသလို ဒီလိုခေါင်းဆောင်မျိုးရှိမှ စည်းရုံးရတာ လွယ်ကူပေါက်မြောက်ပြီး အကြောင်းကိစ္စ အောင်မြင်နိုင်မှာ ဖြစ်တယ်။ အထူးသဖြင့် ဗမာပြည်လို ပိတ်ဆို့ခံထားရတဲ့ လူ့အဖွဲ့အစည်းမှာ ပင်ကိုယ်အရည်အသွေးမြင့်ပြီး လူကြိုက်လည်းများတဲ့ ခေါင်းဆောင်မျိုးရှိမှ နောက်လိုက် (သို့) ပြည်သူကို ဦးဆောင်ဦးရွက်ပြုနိုင်မှာ ဖြစ်တယ်။ သို့သော် ဒီလို ခေါင်းဆောင်မှု ပုံစံမျိုးကို ဘာသာရေး မဟုတ်တဲ့ လောကီရေးရာ နိုင်ငံရေး၊ လူမှုရေး၊ စီးပွားရေး နဲ့ ဆိုင်တဲ့ အဖွဲ့အစည်းတွေမှာ အမြဲတမ်း အသုံးတည့်မှန်ကန်၊ အကျိုးများဖို့ဆိုရင် ခရစ်စမားရှိတဲ့ ခေါင်းဆောင် နဲ့ အုပ်ချုပ်မှုပုံစံတစ်မျိုးတည်း တင်မကဘဲ အခြား ခေါင်းဆောင်မှုပုံစံတွေကိုလည်း နားလည် သဘောပေါက်ထားပြီး ကိုယ့်အဖွဲ့အစည်း (သို့) နိုင်ငံရဲ့ ပြောင်းလဲလာတဲ့ အခြေအနေနဲ့ လိုက်လျော ညီထွေတဲ့ ခေါင်းဆောင်မှုပုံစံ၊ အုပ်ချုပ်မှုပုံစံကို ပြုပြင်ပြောင်းလဲ ကျင့်ကြံ အုပ်ချုပ်နိုင်မှ ဖြစ်ပါမယ်။
ဒါကြောင့် ခေါင်းဆောင်မှုပုံစံတွေကို အကြမ်းဖျင်း ခွဲခြမ်းစိတ်ဖြာ လေ့လာရင်း အောက်မှာ အကျဉ်းသဘော ဆွေးနွေးပါမယ်။
၁) အပြောင်းအလဲအတွက် လိုအပ်တဲ့ ခေါင်းဆောင်မှုပုံစံ
ပြုပြင်ပြောင်းလဲမှုတစ်ခု အောင်မြင်ဖို့ အတွက် မရှိမဖြစ်လိုအပ်တဲ့ ခေါင်းဆောင်မျိုးဖြစ်တယ်။ သူ့ မှာ ဖြောင့်မှတ် မှန်ကန် ရိုးသားမှု၊ လူအများ (နောက်လိုက်) ရဲ့ မျှော်လင့်ချက်ကို နားလည်ခံစားနိုင်စွမ်းရှိတဲ့ အနာဂတ်အမြင်မျိုးရှိရမယ်။ လူအများ ဆန္ဒကို ဖြည့်စွက်နိုင်စွမ်းရှိတဲ့ လမ်းစဉ်မျိုးချမှတ် နိုင်ရမယ်။ အောင်မြင်အောင်လည်း ဆောင်ရွက်နိုင်ရမယ်။ ချမှတ်တဲ့ လမ်းစဉ်ကို လုပ်ဆောင်စေဖို့ လည်း နောက်လိုက်ကို လှုံ့ဆော်နိုင်ရမယ်။ ဒီလို ခေါင်းဆောင်မျိုးကို လူအများကို လွှမ်းမိုးနိုင်တယ်။ ဒါပေမယ့် ဒီလို ခေါင်းဆောင်မှုပုံစံ အောင်မြင်နိုင်ဖို့ က ခေါင်းဆောင်ကို ပြန်လည်ပံ့ပိုးနိုင်တဲ့ အကောင်းဆုံးရလဒ်တွေကို ယူဆောင်ပေးနိုင်စွမ်းရှိတဲ့၊ အသေးအဖွဲကအစ အလေးထား ဂရုပြု ဆောင်ရွက်ပေးတဲ့၊ အကျိုးအကြောင်းညီ တွေးခေါ်စဉ်းစား မျှော်မြင်နိုင်တဲ့ နောက်လိုက်မျိုးရှိမှ ဖြစ်မယ်။ ခေါင်းဆောင်ကလည်း လိုအပ်တဲ့ အရည်အချင်းရှိတဲ့ နောက်လိုက်မျိုးဖန်တီးနိုင်မှ အပြောင်းအလဲက အလုံးစုံ အထမြောက် အောင်မြင်နိုင်မှာ ဖြစ်ပါတယ်။
၂) အပြောင်းအလဲကာလ ခေါင်းဆောင်မှုပုံစံ
ပြောင်းလဲလာတဲ့ အကြောင်းအရာ၊ အခြေအနေတစ်ခု တည်မြဲဖို့ကြိုးစား နေတဲ့ အကူးအပြောင်းကာလမှာ အသုံးဝင်တဲ့ ခေါင်းဆောင်မှုမျိုး ဖြစ်တယ်။ နောက်လိုက် အနေနဲ့ ရည်မှန်းချက် ထမြောက်အောင်မြင်ဖို့အတွက် ခေါင်းဆောင်ရဲ့ အမိန့်ကို တသွေမတိမ်း နာခံဖို့ သဘောတူထားရမယ်။ အမိန့်ကို လိုက်နာဖို့ ပျက်ကွက်ရင် ခေါင်းဆောင်က အပြစ်ပေးပိုင်ခွင့် ရှိတယ်။ ဒီခေါင်းဆောင်မှုပုံစံမှာ ခေါင်းဆောင်က နောက်လိုက်တွေကို သင့်လျော်တဲ့ အလုပ်တာဝန်နဲ့ လုပ်ပိုင်ခွင့်တွေ ခွဲဝေပေးထားပေမယ့် ယေဘုယျအားဖြင့် အလုံးစုံနီးပါး ထိန်းချုပ်ထားပြီး မိဘသဖွယ် အရာရာကို လိုက်လံဆောင်ရွက်၊ ဝင်ရောက် ဆုံးဖြတ်ပေးလေ့ရှိတယ်။ နောက်လိုက်ရဲ့ လုပ်ရည်ကိုင်ရည်၊ အရည်အချင်းအလိုက် ပိုအရေးပါတဲ့၊ ဆုံးဖြတ်ချက်တွေမှာ ဝင်ရောက်ပါဝင် ဆုံးဖြတ်နိုင်တာမျိုးတွေတော့ ရှိတယ်။ ဒါပေမယ့် အများစုကတော့ ခေါင်းဆောင်ရဲ့ လမ်းကြောင်းမှုကိုသာ မျှော်ကိုးပြီး ကိုယ်ပိုင် ဆင်ခြင်သုံးသပ်၊ ဆုံးဖြတ်နိုင်စွမ်းနည်းတယ်။ ထက်မြက်တဲ့ နောက်လိုက်တချို့ရှိနိုင်ပေမယ့် အမြဲတမ်းရှေ့တန်းမရောက်၊ နေရာမရနိုင်တော့ ဒီလို အုပ်ချုပ်မှုပုံစံရှိတဲ့ အဖွဲ့အစည်းမှာ ပျော်ပိုက်လေ့မရှိဘဲ နောက်တော့ ထွက်သွားရလေ့ရှိတယ်။ ဒီပုံစံကို ခေါင်းဆောင်မှု သဘောတရားအရ ခေါင်းဆောင်မှု ပုံစံလို့တောင် ပီပီပြင်ပြင်မခေါ်နိုင်ဘဲ အုပ်ချုပ်မှုပုံစံတစ်မျိုးသာ ဖြစ်တယ်။ ဒီပုံစံဟာ ရည်မှန်းချက် တစ်ရပ်၊ အကြောင်းအရာ တစ်ခုကို ထမြောက်အောင်မြင်ဖို့ ရေတို စီမံကိန်းချ ဆောင်ရွက်ရတဲ့ အခြေအနေမျိုးတွေမှာ အသုံးတည့်ပြီး အလုပ်တွင်ကျယ် ပိုမို အောင်မြင်စေတဲ့ အကျိုးရှိတယ်။ ဒီပုံစံမှာ အကြီမားဆုံး မကောင်းတဲ့အချက်ကတော့ ကိုယ်ပိုင် ဦးနှောက်နဲ့ ထိုးထွင်း ဆင်ခြင် ဝေဖန် သုံးသပ်နိုင်မှုမဲ့တဲ့ နောက်လိုက်အများစုကို မွေးထုတ်ပေးခြင်း ဖြစ်တယ်။ ဒါပေမယ့် အပြောင်းအလဲကို ကနဦး ဖော်ဆောင်စဉ်ကတည်းက အရည်အချင်းရှိတဲ့ နောက်လိုက်ကောင်းတွေ မွေးထုတ်လာနိုင်ရင် ဒီခေါင်းဆောင်မှုပုံစံလိုအပ်တဲ့ စပ်ကူးမတ်ကူးကာလမှာ အထိုက်အလျာက် ရေရှည်အကျိုးရှိတဲ့ ခေါင်းဆောင်မှုပုံစံကို ဖော်ဆောင် လာနိုင်စေတယ်။
၃) လူပုဂ္ဂိုလ်တစ်ဦး တစ်ယောက်ရဲ့ ထင်ရှား ကျော်ဇော်မှုကို ဗဟိုပြုတဲ့ ခေါင်းဆောင်မှုပုံစံ
ဒီခေါင်းဆောင်မှုပုံစံဟာ ခရစ်စမားရှိတဲ့ ခေါင်းဆောင်ကို အခြေပြုတဲ့ သဘောဖြစ်တယ်။ နောက်လိုက်ကို လှုံ့ဆော် တိုက်တွန်း ရှေ့ရောက် အောင်ပြုလုပ်နိုင်စေတဲ့ အတွက် အပြောင်းအလဲ အတွက် လိုအပ်တဲ့ ခေါင်းဆောင်မှု ပုံစံဖြစ်တယ်။ ဒါပေမယ့် ခရစ်စမားကို အခြေပြုတဲ့ ခေါင်းဆောင်မှုပုံစံဟာ ခေါင်းဆောင်ကိုပဲ ဗဟိုပြုလေ့ရှိတယ်။ ခေါင်းဆောင်က အခြေအနေအလိုက် အကောင်းဘက်ကို (သို့) မှန်ကန်တဲ့ လိုက်လျောညီထွေ ပြောင်းလဲမှု မျိုး လုပ်ကောင်း လုပ်နိုင်ပေမယ့် အဖွဲ့အစည်း တစ်ခုလုံး၊ နောက်လိုက်အားလုံးကို ပြောင်းလဲမှုနဲ့ အညီ ဖြစ်ပေါ်တိုးတက်ရမယ့် အရည်အချင်းမြှင့်တင်မှုမျိုးကို လုပ်ဖို့ ပျက်ကွက်လေ့ရှိတယ်။ ခေါင်းဆောင်ကိုယ်တိုင်က နောက်လိုက်ထက် မိမိဘာသာ အားကိုးယုံကြည် စိတ်ချမှု ပိုရှိလေ့ရှိတယ်။ အကောင်းအဆိုး၊ အကျိုးအပြစ် အားလုံးက ခေါင်းဆောင်တစ်ဦးတည်းနဲ့ပဲ သက်ဆိုင်သလို ဖြစ်လေ့ရှိတယ်။ ခေါင်းဆောင်မရှိရင် ပြောင်းလဲမှု၊ ဖြစ်ပေါ်တိုးတက်မှု၊ ကောင်းကျိုးရလဒ် အစရှိတဲ့ အကျိုးရလဒ်တွေ အားလုံးဟာ အဟောသိကံ ဖြစ်သွားလေ့ရှိတယ်။ နောက်လိုက် အမြင်မှာ အောင်မြင်မှု နဲ့ ခေါင်းဆောင်က တိုက်ရိုက်ဆက်သွယ်နေလေ့ရှိတယ်။ ခေါင်းဆောင်က တာဝန်ကြီးကြီး ယူရလေ့ရှိပြီး ရေရှည်ခံတဲ့ အားစိုက်မှုမျိုးလိုတယ်။ ခေါင်းဆောင် ချမှတ်တဲ့ လမ်းစဉ်ကိုသာ လိုက်နာဆောင်ရွက်တတ်တဲ့ နောက်လိုက်မျိုးသာအများစုဖြစ်တဲ့အတွက် ခေါင်းဆောင်လို အမြင်မျိုး တွေးခေါ် စဉ်းစား၊ ဆင်ခြင် သုံးသပ် နိုင်တဲ့ ခေါင်းဆောက်နေရာ ဆက်ခံနိုင်ဖို့ အရည်အချင်း ပြည့်စုံတဲ့ နောက်လိုက်တွေ မွေးထုတ်ပေးနိုင်မှုမဲ့စေတယ်။
ဒီပုံစံရဲ့ အဆိုးဆုံး အချက်ကတော့ ခေါင်းဆောက်ကိုယ်တိုင်က "ငါကတော့ မမှားနိုင်ဘူး" ဆိုတဲ့ စိတ်ကြီးဝင်မှုမျိုး ဖြစ်စေတာပါ။ ဒီပုံစံမှာ အောက်မှာ ဆက်လက်ဆွေးနွေးမယ့် အာဏာရှင်ပုံစံလို လုံးလုံး တစ်ဦးတည်း သဘောဆန္ဒနဲ့ အကြောင်းအရာ ကိစ္စတိုင်းကို ဆုံးဖြတ်တာမျိုး လုံးလုံးမဟုတ်ပေမယ့် ခေါင်းဆောင်ရဲ့ ဆုံးဖြတ်မှု၊ ဆန္ဒသာ အတည်ဖြစ်လေ့ရှိပြီး ဝေဖန် အကြံပေး ထောက်ပြမှုတွေကို အများအားဖြင့် လျစ်လျူရှိလေ့ရှိတယ်။ "ငါလုပ်ရင် မမှားနိုင်ပါဘူး" ဆိုတဲ့ အတွေးအခေါ်က အဖွဲ့အစည်း နဲ့ လုပ်ဆောင်မှု၊ အားလုံးပါဝင်ဆောင်ရွက်နိုင်မှု ဓလေ့၊ စိတ်ဓတ်၊ အကျင့် ကို ပျက်စီးသွားစေတယ်။ ဒီပုံစံဟာ လူပုဂ္ဂိုလ်ရဲ့ ခရစ်စမားကို အခြေတည်တာဖြစ်တဲ့ အတွက် အာဏာရှင်ခေါင်းဆောင်မှုပုံစံလို လူအကြည်အညို လျော့သွားတာမျိုး ဖြစ်လေ့ဖြစ်ထနည်းတယ်။ သို့သော် နောက်လိုက်တွေကပါ "ခေါင်းဆောင် မမှားနိုင်ပါဘူး" လို့ စဉ်းစားလာတဲ့အတွက် ခေါင်းဆောင် စီစဉ်ဆောင်ရွက်တာမှန်သမျှ အကျိုး၊ အကြောင်းအညီ စဉ်းစားဆင်ခြင်မှု မပါဘဲ လက်ခံလေ့ရှိကြတယ်။ ဒါဟာ အာဏာရှင်စနစ်လို ကြောက်လို့မဟုတ်ဘဲ၊ ချစ်လို့ လက်ခံတာ ဖြစ်တယ်။ ဒီလိုနဲ့ ခေါင်းဆောင်နဲ့ နောက်လိုက် အပြန်အလှန် ဖျက်စီးနေတဲ့ သဘောမျိုးဖြစ်သွားလေ့ရှိတယ်။
၎) အကြွင်းမဲ့ အာဏာရှင် ခေါင်းဆောင်မှုပုံစံ
ဒီပုံစံဟာ အပြောင်းအလဲကာလ ခေါင်းဆောင်မှုပုံစံနဲ့ သဘာတရားတူပြီး ပိုမိုပြင်းထန်တဲ့ သဘောရှိတယ်။ ခေါင်းဆောင်က ဆုံးဖြတ်နိုင်မှု၊ သြာဇာ အာဏာကို အလုံးစုံ ချုပ်ကိုင်တယ်။ တစ်ချို့ ကိစ္စတွေမှာ အဖွဲ့အစည်း (သို့) နိုင်ငံ၊ နောက်လိုက် (သို့) ပြည်သူ အတွက် အကျိုးကျေးဇူးရှိတာ ဖြစ်ကောင်းဖြစ်နိုင်ပေမယ့် အများစုကတော့ ပုဂ္ဂိုလ်တစ်ဦးတည်းရဲ့ ပုဂ္ဂိလိက သဘော၊ ဆန္ဒ တစ်ခုတည်းအပေါ် အမှီပြုတာဖြစ်တဲ့အပြင်၊ ဘက်ပေါင်းစုံ၊ အမြင်ပေါင်းစုံကို လက်ခံဆွေးနွေး တိုင်ပင် သုံးသပ်မှုမပါတဲ့တွက် အကျိုးထက် အပြစ်က များတယ်။ အုပ်ချုပ်ခံ လက်အောက်ငယ်သား (သို့) ပြည်သူကလည်း ဘယ်ကိစ္စမျိုးမဆို ကိုယ်တိုင်ပါဝင် ဆုံးဖြတ် လုပ်ကိုင်ခွင့်မရတဲ့အတွက် စိတ်ဒုက္ခ ဆင်းရဲကြီးစွာ ခံစားရလေ့ရှိတယ်။ ဒီပုံစံဟာ ရေတိုအတွက်သာ အခိုက်အတန့် ကောင်းပြီး ရေရှည်မှာ နောက်လိုက် (သို့) ပြည်သူက အဖွဲ့အစည်း (သို့) နိုင်ငံရဲ့ အကျိုးစီးပွားကို ဂရုမစိုက် အလေးမထားဖြစ်လေ့ရှိတယ်။ အများစုက ခေါင်းဆောင်လုပ်တာကို မဆိုင်သလို လစ်လျူရှုနေတတ်လာပြီး၊ မဖြစ်မနေ ခိုင်းလို့ လုပ်ရရင်တောင် အလုပ်ဖြစ်သဘောမျိုးသာ လုပ်လေ့ရှိတယ်။ ထက်မြက်သူတွေကတော့ ဒီလို အခြေအနေမျိုးမှာ ကြာရှည်မနေနိုင်တဲ့အတွက် ဒီလို အဖွဲ့အစည်း (သို့) နိုင်ငံမျိုး ကနေ ထွက်ခွာလေ့ရှိတယ်။ ဒါကြောင့် ကမ္ဘာမှာ အာဏာရှင် နိုင်ငံတွေက ထက်မြက်တဲ့ ဦးနှောက်တွေကို အများဆုံး ဆုံးရှုံးရလေ့ရှိတယ်။ ဒီခေါင်းဆောင်မှုပုံစံဟာ အရေးပေါ်အခြေအနေ ကာလတို (သို့) စစ်ပွဲတစ်ခုလို အဆုံးအဖြတ်တွေကို အလျင်အမြန် ချမှတ်ပြီး တစ်သွေး တစ်သံ တစ်မိန့် လိုက်နာမှ အောင်မြင်နိုင်မယ့် အခြေအနေမျိုးအတွက်သာ သင့်လျော်တယ်။
၅) ကြိုးနီစနစ်၊ စာအုပ်ကြီးအတိုင်း ခေါင်းဆောင်မှုပုံစံ
ဒီပုံစံမှာ အုပ်ချုပ်မှု၊ ခေါင်းဆောင်မှုက အဆင့်ဆင့် ရှည်လျားလေ့ရှိပြီး နောက်ဆုံး ဆုံးဖြတ်နိုင်မှုဟာ အပေါ်ပိုင်းအဆင့်တွေမှာသာ ရှိတယ်။ ဒါကြောင့် အကြောင်းအရာတစ်ခု၊ ကိစ္စ တစ်ခုကို ထမြောက်အောင်မြင်ဖို့ ဆုံးဖြတ်ချက်တွေ ချဖို့ လိုအပ်လာရင် အဆင့်ပေါင်းများစွာကို မလိုလားအပ်ဘဲ အချိန်ကုန်ခံ ကျော်ဖြတ်ရလေ့ရှိတယ်။ ဒီခေါင်းဆောင်မှုပုံစံမှာ ခေါင်းဆောင်ဟာ ထုတ်ပြန်ထားတဲ့ ဥပဒေ စည်းကမ်းတွေ၊ တနည်းအားဖြင့် စာအုပ်ကြီးအတိုင်း အလုပ် လုပ်လေ့ရှိပြီး သူ့ အောက်က အဆင့်ဆင့် ခေါင်းဆောင်မှု အလွှာတွေကိုလည်း သူ့ နည်းတူ လုပ်စေတယ်၊ စည်းမျဉ်း၊ စည်းကမ်း၊ လုပ်ထုံး လုပ်နည်း အဆင့်ဆင့်ကို တသွေမတိမ်း လိုက်နာ ဆောင်ရွက်စေတယ်။ ဒီခေါင်းဆောင်မှုမှာ ခေါင်းဆောင်မှု ကောင်းမကောင်းက ထုတ်ပြန်တဲ့ စည်းကမ်း၊ ဥပဒေ အပေါ်မူတည်တယ်။ ဒီလို ပုံစံဟာ လုံခြုံရေးအရ အရေးပါတဲ့၊ အန္တရာယ်ဖြစ်စေမှုကို ရှောင်ရှားနိုင်ဖို့ မဖြစ်မနေလိုအပ်တဲ့ အဖွဲ့ အစည်း (သို့ ) နိုင်ငံရဲ့ အစိတ်အပိုင်း သီးသန့် အတွက်သာ အသုံးဝင်တယ်။ နေရာတိုင်းမှာ အသုံးချရင် အထက် အဆင့်ပေါင်းများစွာကို ဆုံးဖြတ်ချက် ချမှတ်ဖို့ တောင်းခံနေရတဲ့ အတွက် လုပ်ငန်းပိုင်းဆိုင်ရာ ချောမွေ့ ပြေပြစ် ပြုပြင် ပြောင်းလဲနိုင်မှု ကင်းမဲ့ပြီး ဖန်တီးနိုင်မှု စွမ်းရည်၊ စွန့် ဦးတည်ထွင်လိုမှုကို လျော့နည်းစေလေ့ရှိတယ်။
၆) အားလုံးပူပေါင်းပါဝင် ဆုံးဖြတ်စေတဲ့ ခေါင်းဆောင်မှုပုံစံ
ဒီမိုကရေစီ နည်းလမ်းတကျ ခေါင်းဆောင်မှုပုံစံ လို့ ဆိုနိုင်တယ်။ အစုအဖွဲ့ အသီးသီးကို ကိုယ်စားပြုတဲ့ ပုဂ္ဂိုလ်တွေ စုပေါင်း ညှိနှိုင်း ဆွေးနွေး အဖြေရှာပြီး ထွက်ပေါ်လာတဲ့ ရလဒ်ကို နောက်ဆုံး ခေါင်းဆောင်က အတည်ပြု ဆုံးဖြတ်တဲ့ သဘောဖြစ်တယ်။ နောက်လိုက် တွေရဲ့ ထိုးထွင်း တည်ထွင် ကြံဆလိုမှုကို အားပေးတယ်။ လုပ်ငန်း ဖော်ဆောင်မှု အဆင့်ဆင့်၊ ဆုံးဖြတ်မှု အဆင့်ဆင်မှာ နောက်လိုက်တွေ ကိုယ်တိုင်ပါဝင် ဆောင်ရွက်ရတဲ့ အတွက် စိတ်ပိုင်းဆိုင်ရာ ချမ်းသာမှု ဖြစ်စေပြီး အလုပ်ပိုမိုတွင်ကျယ်ဖို့ တွန်းအားဖြစ်စေတယ်။ လုပ်ငန်းသဘောအရ အရေးပါ အရာရောက်၊ အသိမှတ်ပြုခံရမှုကို ရရှိပြီး ဖြစ်တဲ့အတွက် ပုဂ္ဂလိက အကျိုးခံစားခွင့်ကို မမျှော်ကိုးဘဲ လုပ်ငန်းစဉ်တလျောက် အားသွန်ခွန်စိုက် ကြိုးစားလုပ်ဆောင်လာစေတယ်။ နောက်ဆုံးထွက်လာတဲ့ အကျိုးရလဒ်က ကောင်းကျိုးကြီးပေမယ့် လုပ်ငန်းစဉ်တလျောက် အားလုံးပါဝင် ဆွေးနွေးဆုံးဖြတ်မှုတွေ လုပ်ရတဲ့ အတွက် အချိန်ကာလအားဖြင့်တော့ ကြာစေတယ်။ အဖွဲ့ အစည်း ပုံစံ၊ အုပ်စု အဖွဲ့ အသီးသီးအများကြီးရှိတဲ့ အခြေအနေမျိုးအတွက် မရှိမဖြစ်လိုအပ်တဲ့ အုပ်ချုပ်မှု ပုံစံဖြစ်တယ်။ အရေအတွက်ထက် အရည်အချင်းကို ပိုမိုအလေးထားတဲ့၊ စစ်မှန်တဲ့ တန်ဖိုးရှိတဲ့ အကျိုးရလဒ်မျိုးတွေဖြစ်စေတယ်။ ဒါပေမယ့် ဒီလို ပုံစံဟာ အလျင်အမြန် အရေးယူ ဆောင်ရွက်ဖို့ လိုအပ်တဲ့ အရေးပေါ် အခြေအနေမျိုးတွေမှာ အသုံးဝင်လေ့မရှိဘူး။ နောက်လိုက်တွေ အရည်အသွေး ညံ့ဖျင်းရင်လည်း အားလုံးပါဝင်နိုင်မှုက အလကားဖြစ်ရပြီး ကောင်းမွန်တဲ့ အကျိုးရလဒ်ကို မဖော်ဆောင်နိုင်ဘဲ ဖြစ်ရလေ့ရှိတယ်။
၇) အလုပ်ဗဟိုပြု ခေါင်းဆောင်မှုပုံစံ
ဒီခေါင်းဆောင်မှုမှာ အလုပ်ပြီးပြောက်မှုကိုသာ အလေးထားတဲ့အတွက် ဗဟိုချုပ်ကိုင်မှုပုံစံ၊ အာဏာရှင် သဘောဆောင်တယ်။ ခေါင်းဆောင်က အဓိက အလုပ်တွေ၊ ဆုံးဖြတ်မှုတွေကို တာဝန်ယူပြီး နောက်လိုက်ကို အလုပ်ပြီးမြောက်ဖို့ လိုအပ်တဲ့ တာဝန်ခွဲပေးမှုတွေ ပြုလုပ်ပေးလေ့ရှိတယ်။ အချိန်နဲ့ အလျင်မှီ ဆောက်ရွက်ရတဲ့ ကိစ္စမျိုးတွေအတွက် သင့်လျော်တယ်။ ဒါပေမယ့် အလုပ်ပြီးမြောက်မှုကိုသာ ဦးတည်တဲ့ အတွက် အရည်အချင်းကို အာမ မခံနိုင်ဘူး။ နောက်လိုက်တွေရဲ့ စိတ်ပိုင်း၊ ရုပ်ပိုင်း ဆိုင်ရာ သာယာဝပြောမှုကို အလေးမပြုတဲ့ အတွက် အားသွန်ခွန်စိုက် လုပ်ဆောင်လာစေမှု အားနည်းတယ်။ အာဏာရှင်စနစ် အုပ်ချုပ်မှုရဲ့ အပြစ်အနာအဆာတွေဟာ အလုပ်ဗဟိုပြု ခေါင်းဆောင်မှုပုံစံကြောင့် ဖြစ်လေ့ရှိတယ်။
၈) လူ ဗဟိုပြု (သို့) လူမှု ဆက်ဆံမှုကို အလေးထားတဲ့ ခေါင်းဆောင်မှုပုံစံ
ဒီ ခေါင်းဆောင်မှုပုံစံမှာ ဒီမိုကရေစီ ခေါင်းဆောင်ပုံစံအတိုင်း ခေါင်းဆောင်က အားလုံး ပူးပေါင်း စုစည်း ပါဝင်နိုင်မှုကို အလေးထားတယ်။ အားလုံး ပါဝင် ဆောင်ရွက်တဲ့ အသင်းအဖွဲ့ ပုံစံ၊ ပူးပေါင်း ဖန်တီး တည်ထွင်နိုင်မှုကို အားပေးတယ်။ ခေါင်းဆောင်က လက်အောက်ငယ်သားအားလုံးကို ရိုင်းပင်း ကူညီ၊ အလေးဂရုပြုပြီး ဖော်ရွေနွေးထွေး တပြေးညီ ဆက်ဆံလေ့ရှိတယ်။ ခေါင်းဆောင်က ဒီမိုကရေစီ နည်းလမ်းတကျ ပြုမှုဆောင်ရွက် ဆက်ဆံပြီး လိုအပ်တာတွေ ပံ့ပိုးကူညီ ဖြည့်ဆည်းပေးတဲ့ အတွက် နောက်လိုက်အားလုံး ကာယ၊ စိတ္တ သုခ ချမ်းသာရပြီး အလုပ်တွင်ကျယ်၊ ပိုမို အလုပ် လုပ်လာစေတယ်။
အထက်မှာ တင်ပြဆွေးနွေးတဲ့ ခေါင်းဆာင်မှုပုံစံတစ်ခုချင်းစီရဲ့ အကျိုးအပြစ်တွေကို ခြုံငုံသုံးသပ်ရင် မတူညီတဲ့ အခြေအနေတွေ ပေါ်မူတည်ပြီး ခေါင်းဆောင်မှုပုံစံ ပြောင်းလဲကျင့်သုံးရမယ်ဆိုတာ နားလည်သဘောပေါက် စေတယ်။ အမှတ်စဉ် (၄၊ ၅၊ ရ) ပါ အကျိုးထက်၊ အပြစ်ကို များစေတဲ့ အုပ်ချုပ်မှုပုံစံတွေဟာ လိုအပ်တဲ့ အခြေအနေရှိတဲ့ အဖွဲ့အစည်းသီးသန့်အတွက်သာ အသုံးပြုရမယ်ဆိုတာကိုလည်း နားလည်သဘောပေါက်နိုင်မယ်လို့ ယူဆတယ်။ ထို့အတူ ခရစ်စမားကို အခြေပြုတဲ့ ခေါင်းဆောင်မှုပုံစံ (အမှတ်စဉ်-၃) အပါအဝင် အပြောင်းအလဲနဲ့ ဆက်စပ်တဲ့ ကာလတိုအတွင်းမှာသာ အကျိုးရှိစေတဲ့ ပုံစံ (အမှတ်စဉ် ၁၊ ၂)ေ တွ ဟာ အခြေအနေတစ်ခု၊ ဖြစ်ပေါ်တိုးတက်မှု တစ်ခုအတွက်သာ အသုံးဝင်ပြီး ရေရှည် အကျိုးစီးပွားဖြစ်ထွန်းမှုကို အဖွဲ့အစည်း (သို့) နိုင်ငံမှာ အုတ်မြစ်ချ အခြေတည်စေချင်ရင် နောက်လိုက်တွေကိုပါ အရည်အချင်းမြှင့်တင်ပေးရင်း ပါဝင်ပူးပေါင်းလုပ်ကိုင်ဆောင်ရွက် ဆုံးဖြတ်စေမှုကို အားပေးတဲ့ အမှတ်စဉ် (၆၊ ၈) ပါ ဒီမိုကရေစီနည်းလမ်းတကျ ခေါင်းဆောင်မှုပုံစံမျိုး ဖော်ဆောင်နိုင်မှ၊ နောက်လိုက် (သို့) ပြည်သူတွေပါ ပါဝင် တာဝန်ယူ၊ တာဝန်ရှိ၊ တာဝန်သိ နဲ့ အကြောင်းအရာတွေ၊ ဖြစ်စဉ်တွေ၊ အဆုံးအဖြတ်တွေမှာ ထောက်ပြ၊ ဝေဖန်၊ ဆွေးနွေး၊ ဆင်ခြင်၊ သုံသပ်နိုင်မှ၊ ခေါင်းဆောင်-နောက်လိုက် အပြန်အလှန် မှီခို အကျိုးရှိတဲ့ ဆက်ဆံမှုမျိုးတည်ဆောာက်နိုင်မှ ဖြစ်ပါမယ်ဆိုတာ အကြံပြုဆွေးနွေး တင်ပြလိုက်ပါတယ်။
ငြိမ်းချမ်းအေး
Ref: Encyclopedia of Leadership, George R. Goethals, Georgia J. Sorenson, James MacGreogr Burns; 2004
မူရင်း ခေတ်မောင်း လစဉ်ထုတ်စာစောင်
Leadership Cartoon by Mark Hill and Russ Volckmann
Integral Leadership Review
Volume IX, No. 1 - January 2009
ငြိမ်းချမ်းအေး
ခေတ်မောင်း လစဉ်ထုတ်စာစောင်
အတွဲ (၁) ၊ အမှတ် (၁) ၊
မေလ ၊ ၂၇ ၊ ၂၀၁၂ ခှနှစ်
ကမ္ဘာမှာ ထင်ရှားအောင်မြင်တဲ့ ခေါင်းဆောင်တွေရဲ့ ခေါင်းဆောင်မှု အရည်အသွေးများထဲက လူမမြင်သာတဲ့ ၊ ရှင်းပြလို့ ခက်ခဲတဲ့ အရည်အသွေး (X-factor) တစ်ခုက ခရစ်စမား (Charisma) ပါဆိုရင် အားလုံးလက်ခံမယ်လို့ ယူဆတယ်။ ခရစ်စမား ရှိသူတွေကို အကြမ်းဖျင်း အဓိပ္ပာယ်ဖွင့်ရင် သူတို့ဟာ သူများကို သြဇာစူးတယ်။ လူအများကို ဆွဲဆောင်နိုင်တယ်။ လူအများက အတုယူ လေးစားအားကျလာစေတယ်။ ဒါတွေကို ဖြစ်စေတဲ့ ထူးခြားတဲ့ စွမ်းပကားမျိုး သူတို့မှာ မွေးရာပါ (ဝါ) သဘာဝအရကို ရှိနေတယ်။
ဂျာမန် လူမှုဗေဒပညာရှင် မက်စ်ဝက်ဘ်ဘာ (၁၈၆၄-၁၉၂၀) က ခရစ်စမားရှိတဲ့ ခေါင်းဆောင်ကို "လူသာမန်တွေနဲ့ မတူကွဲပြားတဲ့ ကောင်းမြတ်မှု၊ ပုဂ္ဂလိက တကိုယ်ရည် အရည်အသွေး တွေရှိတယ်၊ ထူးခြားတဲ့၊ သီးခြား သဘောဆောင်တဲ့ အနှိုင်းမဲ့ အံ့မခန်း စွမ်းအား၊ အရည်အသွးတွေကြောင့် လူတွေက သဘဝလွန်၊ မဟာလူသားဆန်ဆန် အလေးထား၊ ဂုဏ်ပြုဆက်ဆံခြင်း ခံရတယ်" လို့ အဓိပ္ပာယ် ဖွင့်တယ်။ ခရစ်စမားကို အခြေပြုတဲ့ ခေါင်းဆောင်မှု၊ အုပ်ချုပ်မှု ပုံစံကိုလည်း "လူပုဂ္ဂိုလ် တစ်ဦးတည်းကို စံနမူနာပြု၊ သူရဲကောင်း ကိုးကွယ်မှုဝါဒ ပုံစံ အလေးထား ဦးညွတ် ဆည်းကပ်တယ်၊ အလုံးစုံ သစ္စာရှိမှု၊ အမိန့်နာခံမှုကို ဖြစ်စေတာကြောင့် ခေါင်းဆောင်ရဲ့ အမိန့် (သို့) ချမှတ်လိုက်တဲ့ စံနှုန်း၊ လမ်းစဉ်တွေ အတိုင်း လိုက်လံဆောက်ရွက်တယ်" လို့ဆိုတယ်။
ဘာသာရေးမှာ ဆိုရင် ဗုဒ္ဓ၊ ယေရှု၊ မိုဟာမဒ် တို့လို့ ဆိုနိုင်မယ်။ နိုင်ငံရေး၊ လူမှုတော်လှန်ရေးတွေမှာဆိုရင် မဟတ္တမဂန္ဓီ၊ မာတင်လူသာကင်း၊ တို့လို မျိုးကို ဆိုတယ်။ နိုင်ငံ့ခေါင်းဆောင်တွေမှာ ဆိုရင် ဂျော့ဝါရှင်တန်၊ သောမတ်စ် ဂျက်ဖာန်၊ ဘင်ဂျမင် ဖရင်ကလင်၊ လင်ကွန်း၊ ဖရန်ကလင်း ရူစဗဲ့၊ ချာချီ၊ ဒီဂေါလ်၊ ကနေဒီ၊ ကလင်တန်၊ အိုဘားမား စတဲ့ အောင်မြင်ထင်ရှားတဲ့ ပုဂ္ဂိုလ်မျိုးတွေ ဖြစ်တယ်။ ဗမာပြည်ဆိုရင်လည်း အရင်တုန်းက သခင်နုလို၊ ခုခေတ်အနေနဲ့ ဒေါ်အောင်ဆန်းစုကြည်လို မျက်နှာပွင့်၊ လူကြည်ညို၊ လေးစားခံရတဲ့ သူမျိုးတွေဖြစ်တယ်။
ဒီလို ခေါင်းဆောင်မျိုး ရှိဖို့ လိုမလို ဆိုတာဟာ အငြင်းပွားစရာ၊ အဖြေရှာစရာ မလိုတဲ့ ကိစ္စဖြစ်တယ်။ "ပုဂ္ဂိုလ်ခင်မှ တရားမင်" ဆိုသလို ဒီလိုခေါင်းဆောင်မျိုးရှိမှ စည်းရုံးရတာ လွယ်ကူပေါက်မြောက်ပြီး အကြောင်းကိစ္စ အောင်မြင်နိုင်မှာ ဖြစ်တယ်။ အထူးသဖြင့် ဗမာပြည်လို ပိတ်ဆို့ခံထားရတဲ့ လူ့အဖွဲ့အစည်းမှာ ပင်ကိုယ်အရည်အသွေးမြင့်ပြီး လူကြိုက်လည်းများတဲ့ ခေါင်းဆောင်မျိုးရှိမှ နောက်လိုက် (သို့) ပြည်သူကို ဦးဆောင်ဦးရွက်ပြုနိုင်မှာ ဖြစ်တယ်။ သို့သော် ဒီလို ခေါင်းဆောင်မှု ပုံစံမျိုးကို ဘာသာရေး မဟုတ်တဲ့ လောကီရေးရာ နိုင်ငံရေး၊ လူမှုရေး၊ စီးပွားရေး နဲ့ ဆိုင်တဲ့ အဖွဲ့အစည်းတွေမှာ အမြဲတမ်း အသုံးတည့်မှန်ကန်၊ အကျိုးများဖို့ဆိုရင် ခရစ်စမားရှိတဲ့ ခေါင်းဆောင် နဲ့ အုပ်ချုပ်မှုပုံစံတစ်မျိုးတည်း တင်မကဘဲ အခြား ခေါင်းဆောင်မှုပုံစံတွေကိုလည်း နားလည် သဘောပေါက်ထားပြီး ကိုယ့်အဖွဲ့အစည်း (သို့) နိုင်ငံရဲ့ ပြောင်းလဲလာတဲ့ အခြေအနေနဲ့ လိုက်လျော ညီထွေတဲ့ ခေါင်းဆောင်မှုပုံစံ၊ အုပ်ချုပ်မှုပုံစံကို ပြုပြင်ပြောင်းလဲ ကျင့်ကြံ အုပ်ချုပ်နိုင်မှ ဖြစ်ပါမယ်။
ဒါကြောင့် ခေါင်းဆောင်မှုပုံစံတွေကို အကြမ်းဖျင်း ခွဲခြမ်းစိတ်ဖြာ လေ့လာရင်း အောက်မှာ အကျဉ်းသဘော ဆွေးနွေးပါမယ်။
၁) အပြောင်းအလဲအတွက် လိုအပ်တဲ့ ခေါင်းဆောင်မှုပုံစံ
ပြုပြင်ပြောင်းလဲမှုတစ်ခု အောင်မြင်ဖို့ အတွက် မရှိမဖြစ်လိုအပ်တဲ့ ခေါင်းဆောင်မျိုးဖြစ်တယ်။ သူ့ မှာ ဖြောင့်မှတ် မှန်ကန် ရိုးသားမှု၊ လူအများ (နောက်လိုက်) ရဲ့ မျှော်လင့်ချက်ကို နားလည်ခံစားနိုင်စွမ်းရှိတဲ့ အနာဂတ်အမြင်မျိုးရှိရမယ်။ လူအများ ဆန္ဒကို ဖြည့်စွက်နိုင်စွမ်းရှိတဲ့ လမ်းစဉ်မျိုးချမှတ် နိုင်ရမယ်။ အောင်မြင်အောင်လည်း ဆောင်ရွက်နိုင်ရမယ်။ ချမှတ်တဲ့ လမ်းစဉ်ကို လုပ်ဆောင်စေဖို့ လည်း နောက်လိုက်ကို လှုံ့ဆော်နိုင်ရမယ်။ ဒီလို ခေါင်းဆောင်မျိုးကို လူအများကို လွှမ်းမိုးနိုင်တယ်။ ဒါပေမယ့် ဒီလို ခေါင်းဆောင်မှုပုံစံ အောင်မြင်နိုင်ဖို့ က ခေါင်းဆောင်ကို ပြန်လည်ပံ့ပိုးနိုင်တဲ့ အကောင်းဆုံးရလဒ်တွေကို ယူဆောင်ပေးနိုင်စွမ်းရှိတဲ့၊ အသေးအဖွဲကအစ အလေးထား ဂရုပြု ဆောင်ရွက်ပေးတဲ့၊ အကျိုးအကြောင်းညီ တွေးခေါ်စဉ်းစား မျှော်မြင်နိုင်တဲ့ နောက်လိုက်မျိုးရှိမှ ဖြစ်မယ်။ ခေါင်းဆောင်ကလည်း လိုအပ်တဲ့ အရည်အချင်းရှိတဲ့ နောက်လိုက်မျိုးဖန်တီးနိုင်မှ အပြောင်းအလဲက အလုံးစုံ အထမြောက် အောင်မြင်နိုင်မှာ ဖြစ်ပါတယ်။
၂) အပြောင်းအလဲကာလ ခေါင်းဆောင်မှုပုံစံ
ပြောင်းလဲလာတဲ့ အကြောင်းအရာ၊ အခြေအနေတစ်ခု တည်မြဲဖို့ကြိုးစား နေတဲ့ အကူးအပြောင်းကာလမှာ အသုံးဝင်တဲ့ ခေါင်းဆောင်မှုမျိုး ဖြစ်တယ်။ နောက်လိုက် အနေနဲ့ ရည်မှန်းချက် ထမြောက်အောင်မြင်ဖို့အတွက် ခေါင်းဆောင်ရဲ့ အမိန့်ကို တသွေမတိမ်း နာခံဖို့ သဘောတူထားရမယ်။ အမိန့်ကို လိုက်နာဖို့ ပျက်ကွက်ရင် ခေါင်းဆောင်က အပြစ်ပေးပိုင်ခွင့် ရှိတယ်။ ဒီခေါင်းဆောင်မှုပုံစံမှာ ခေါင်းဆောင်က နောက်လိုက်တွေကို သင့်လျော်တဲ့ အလုပ်တာဝန်နဲ့ လုပ်ပိုင်ခွင့်တွေ ခွဲဝေပေးထားပေမယ့် ယေဘုယျအားဖြင့် အလုံးစုံနီးပါး ထိန်းချုပ်ထားပြီး မိဘသဖွယ် အရာရာကို လိုက်လံဆောင်ရွက်၊ ဝင်ရောက် ဆုံးဖြတ်ပေးလေ့ရှိတယ်။ နောက်လိုက်ရဲ့ လုပ်ရည်ကိုင်ရည်၊ အရည်အချင်းအလိုက် ပိုအရေးပါတဲ့၊ ဆုံးဖြတ်ချက်တွေမှာ ဝင်ရောက်ပါဝင် ဆုံးဖြတ်နိုင်တာမျိုးတွေတော့ ရှိတယ်။ ဒါပေမယ့် အများစုကတော့ ခေါင်းဆောင်ရဲ့ လမ်းကြောင်းမှုကိုသာ မျှော်ကိုးပြီး ကိုယ်ပိုင် ဆင်ခြင်သုံးသပ်၊ ဆုံးဖြတ်နိုင်စွမ်းနည်းတယ်။ ထက်မြက်တဲ့ နောက်လိုက်တချို့ရှိနိုင်ပေမယ့် အမြဲတမ်းရှေ့တန်းမရောက်၊ နေရာမရနိုင်တော့ ဒီလို အုပ်ချုပ်မှုပုံစံရှိတဲ့ အဖွဲ့အစည်းမှာ ပျော်ပိုက်လေ့မရှိဘဲ နောက်တော့ ထွက်သွားရလေ့ရှိတယ်။ ဒီပုံစံကို ခေါင်းဆောင်မှု သဘောတရားအရ ခေါင်းဆောင်မှု ပုံစံလို့တောင် ပီပီပြင်ပြင်မခေါ်နိုင်ဘဲ အုပ်ချုပ်မှုပုံစံတစ်မျိုးသာ ဖြစ်တယ်။ ဒီပုံစံဟာ ရည်မှန်းချက် တစ်ရပ်၊ အကြောင်းအရာ တစ်ခုကို ထမြောက်အောင်မြင်ဖို့ ရေတို စီမံကိန်းချ ဆောင်ရွက်ရတဲ့ အခြေအနေမျိုးတွေမှာ အသုံးတည့်ပြီး အလုပ်တွင်ကျယ် ပိုမို အောင်မြင်စေတဲ့ အကျိုးရှိတယ်။ ဒီပုံစံမှာ အကြီမားဆုံး မကောင်းတဲ့အချက်ကတော့ ကိုယ်ပိုင် ဦးနှောက်နဲ့ ထိုးထွင်း ဆင်ခြင် ဝေဖန် သုံးသပ်နိုင်မှုမဲ့တဲ့ နောက်လိုက်အများစုကို မွေးထုတ်ပေးခြင်း ဖြစ်တယ်။ ဒါပေမယ့် အပြောင်းအလဲကို ကနဦး ဖော်ဆောင်စဉ်ကတည်းက အရည်အချင်းရှိတဲ့ နောက်လိုက်ကောင်းတွေ မွေးထုတ်လာနိုင်ရင် ဒီခေါင်းဆောင်မှုပုံစံလိုအပ်တဲ့ စပ်ကူးမတ်ကူးကာလမှာ အထိုက်အလျာက် ရေရှည်အကျိုးရှိတဲ့ ခေါင်းဆောင်မှုပုံစံကို ဖော်ဆောင် လာနိုင်စေတယ်။
၃) လူပုဂ္ဂိုလ်တစ်ဦး တစ်ယောက်ရဲ့ ထင်ရှား ကျော်ဇော်မှုကို ဗဟိုပြုတဲ့ ခေါင်းဆောင်မှုပုံစံ
ဒီခေါင်းဆောင်မှုပုံစံဟာ ခရစ်စမားရှိတဲ့ ခေါင်းဆောင်ကို အခြေပြုတဲ့ သဘောဖြစ်တယ်။ နောက်လိုက်ကို လှုံ့ဆော် တိုက်တွန်း ရှေ့ရောက် အောင်ပြုလုပ်နိုင်စေတဲ့ အတွက် အပြောင်းအလဲ အတွက် လိုအပ်တဲ့ ခေါင်းဆောင်မှု ပုံစံဖြစ်တယ်။ ဒါပေမယ့် ခရစ်စမားကို အခြေပြုတဲ့ ခေါင်းဆောင်မှုပုံစံဟာ ခေါင်းဆောင်ကိုပဲ ဗဟိုပြုလေ့ရှိတယ်။ ခေါင်းဆောင်က အခြေအနေအလိုက် အကောင်းဘက်ကို (သို့) မှန်ကန်တဲ့ လိုက်လျောညီထွေ ပြောင်းလဲမှု မျိုး လုပ်ကောင်း လုပ်နိုင်ပေမယ့် အဖွဲ့အစည်း တစ်ခုလုံး၊ နောက်လိုက်အားလုံးကို ပြောင်းလဲမှုနဲ့ အညီ ဖြစ်ပေါ်တိုးတက်ရမယ့် အရည်အချင်းမြှင့်တင်မှုမျိုးကို လုပ်ဖို့ ပျက်ကွက်လေ့ရှိတယ်။ ခေါင်းဆောင်ကိုယ်တိုင်က နောက်လိုက်ထက် မိမိဘာသာ အားကိုးယုံကြည် စိတ်ချမှု ပိုရှိလေ့ရှိတယ်။ အကောင်းအဆိုး၊ အကျိုးအပြစ် အားလုံးက ခေါင်းဆောင်တစ်ဦးတည်းနဲ့ပဲ သက်ဆိုင်သလို ဖြစ်လေ့ရှိတယ်။ ခေါင်းဆောင်မရှိရင် ပြောင်းလဲမှု၊ ဖြစ်ပေါ်တိုးတက်မှု၊ ကောင်းကျိုးရလဒ် အစရှိတဲ့ အကျိုးရလဒ်တွေ အားလုံးဟာ အဟောသိကံ ဖြစ်သွားလေ့ရှိတယ်။ နောက်လိုက် အမြင်မှာ အောင်မြင်မှု နဲ့ ခေါင်းဆောင်က တိုက်ရိုက်ဆက်သွယ်နေလေ့ရှိတယ်။ ခေါင်းဆောင်က တာဝန်ကြီးကြီး ယူရလေ့ရှိပြီး ရေရှည်ခံတဲ့ အားစိုက်မှုမျိုးလိုတယ်။ ခေါင်းဆောင် ချမှတ်တဲ့ လမ်းစဉ်ကိုသာ လိုက်နာဆောင်ရွက်တတ်တဲ့ နောက်လိုက်မျိုးသာအများစုဖြစ်တဲ့အတွက် ခေါင်းဆောင်လို အမြင်မျိုး တွေးခေါ် စဉ်းစား၊ ဆင်ခြင် သုံးသပ် နိုင်တဲ့ ခေါင်းဆောက်နေရာ ဆက်ခံနိုင်ဖို့ အရည်အချင်း ပြည့်စုံတဲ့ နောက်လိုက်တွေ မွေးထုတ်ပေးနိုင်မှုမဲ့စေတယ်။
ဒီပုံစံရဲ့ အဆိုးဆုံး အချက်ကတော့ ခေါင်းဆောက်ကိုယ်တိုင်က "ငါကတော့ မမှားနိုင်ဘူး" ဆိုတဲ့ စိတ်ကြီးဝင်မှုမျိုး ဖြစ်စေတာပါ။ ဒီပုံစံမှာ အောက်မှာ ဆက်လက်ဆွေးနွေးမယ့် အာဏာရှင်ပုံစံလို လုံးလုံး တစ်ဦးတည်း သဘောဆန္ဒနဲ့ အကြောင်းအရာ ကိစ္စတိုင်းကို ဆုံးဖြတ်တာမျိုး လုံးလုံးမဟုတ်ပေမယ့် ခေါင်းဆောင်ရဲ့ ဆုံးဖြတ်မှု၊ ဆန္ဒသာ အတည်ဖြစ်လေ့ရှိပြီး ဝေဖန် အကြံပေး ထောက်ပြမှုတွေကို အများအားဖြင့် လျစ်လျူရှိလေ့ရှိတယ်။ "ငါလုပ်ရင် မမှားနိုင်ပါဘူး" ဆိုတဲ့ အတွေးအခေါ်က အဖွဲ့အစည်း နဲ့ လုပ်ဆောင်မှု၊ အားလုံးပါဝင်ဆောင်ရွက်နိုင်မှု ဓလေ့၊ စိတ်ဓတ်၊ အကျင့် ကို ပျက်စီးသွားစေတယ်။ ဒီပုံစံဟာ လူပုဂ္ဂိုလ်ရဲ့ ခရစ်စမားကို အခြေတည်တာဖြစ်တဲ့ အတွက် အာဏာရှင်ခေါင်းဆောင်မှုပုံစံလို လူအကြည်အညို လျော့သွားတာမျိုး ဖြစ်လေ့ဖြစ်ထနည်းတယ်။ သို့သော် နောက်လိုက်တွေကပါ "ခေါင်းဆောင် မမှားနိုင်ပါဘူး" လို့ စဉ်းစားလာတဲ့အတွက် ခေါင်းဆောင် စီစဉ်ဆောင်ရွက်တာမှန်သမျှ အကျိုး၊ အကြောင်းအညီ စဉ်းစားဆင်ခြင်မှု မပါဘဲ လက်ခံလေ့ရှိကြတယ်။ ဒါဟာ အာဏာရှင်စနစ်လို ကြောက်လို့မဟုတ်ဘဲ၊ ချစ်လို့ လက်ခံတာ ဖြစ်တယ်။ ဒီလိုနဲ့ ခေါင်းဆောင်နဲ့ နောက်လိုက် အပြန်အလှန် ဖျက်စီးနေတဲ့ သဘောမျိုးဖြစ်သွားလေ့ရှိတယ်။
၎) အကြွင်းမဲ့ အာဏာရှင် ခေါင်းဆောင်မှုပုံစံ
ဒီပုံစံဟာ အပြောင်းအလဲကာလ ခေါင်းဆောင်မှုပုံစံနဲ့ သဘာတရားတူပြီး ပိုမိုပြင်းထန်တဲ့ သဘောရှိတယ်။ ခေါင်းဆောင်က ဆုံးဖြတ်နိုင်မှု၊ သြာဇာ အာဏာကို အလုံးစုံ ချုပ်ကိုင်တယ်။ တစ်ချို့ ကိစ္စတွေမှာ အဖွဲ့အစည်း (သို့) နိုင်ငံ၊ နောက်လိုက် (သို့) ပြည်သူ အတွက် အကျိုးကျေးဇူးရှိတာ ဖြစ်ကောင်းဖြစ်နိုင်ပေမယ့် အများစုကတော့ ပုဂ္ဂိုလ်တစ်ဦးတည်းရဲ့ ပုဂ္ဂိလိက သဘော၊ ဆန္ဒ တစ်ခုတည်းအပေါ် အမှီပြုတာဖြစ်တဲ့အပြင်၊ ဘက်ပေါင်းစုံ၊ အမြင်ပေါင်းစုံကို လက်ခံဆွေးနွေး တိုင်ပင် သုံးသပ်မှုမပါတဲ့တွက် အကျိုးထက် အပြစ်က များတယ်။ အုပ်ချုပ်ခံ လက်အောက်ငယ်သား (သို့) ပြည်သူကလည်း ဘယ်ကိစ္စမျိုးမဆို ကိုယ်တိုင်ပါဝင် ဆုံးဖြတ် လုပ်ကိုင်ခွင့်မရတဲ့အတွက် စိတ်ဒုက္ခ ဆင်းရဲကြီးစွာ ခံစားရလေ့ရှိတယ်။ ဒီပုံစံဟာ ရေတိုအတွက်သာ အခိုက်အတန့် ကောင်းပြီး ရေရှည်မှာ နောက်လိုက် (သို့) ပြည်သူက အဖွဲ့အစည်း (သို့) နိုင်ငံရဲ့ အကျိုးစီးပွားကို ဂရုမစိုက် အလေးမထားဖြစ်လေ့ရှိတယ်။ အများစုက ခေါင်းဆောင်လုပ်တာကို မဆိုင်သလို လစ်လျူရှုနေတတ်လာပြီး၊ မဖြစ်မနေ ခိုင်းလို့ လုပ်ရရင်တောင် အလုပ်ဖြစ်သဘောမျိုးသာ လုပ်လေ့ရှိတယ်။ ထက်မြက်သူတွေကတော့ ဒီလို အခြေအနေမျိုးမှာ ကြာရှည်မနေနိုင်တဲ့အတွက် ဒီလို အဖွဲ့အစည်း (သို့) နိုင်ငံမျိုး ကနေ ထွက်ခွာလေ့ရှိတယ်။ ဒါကြောင့် ကမ္ဘာမှာ အာဏာရှင် နိုင်ငံတွေက ထက်မြက်တဲ့ ဦးနှောက်တွေကို အများဆုံး ဆုံးရှုံးရလေ့ရှိတယ်။ ဒီခေါင်းဆောင်မှုပုံစံဟာ အရေးပေါ်အခြေအနေ ကာလတို (သို့) စစ်ပွဲတစ်ခုလို အဆုံးအဖြတ်တွေကို အလျင်အမြန် ချမှတ်ပြီး တစ်သွေး တစ်သံ တစ်မိန့် လိုက်နာမှ အောင်မြင်နိုင်မယ့် အခြေအနေမျိုးအတွက်သာ သင့်လျော်တယ်။
၅) ကြိုးနီစနစ်၊ စာအုပ်ကြီးအတိုင်း ခေါင်းဆောင်မှုပုံစံ
ဒီပုံစံမှာ အုပ်ချုပ်မှု၊ ခေါင်းဆောင်မှုက အဆင့်ဆင့် ရှည်လျားလေ့ရှိပြီး နောက်ဆုံး ဆုံးဖြတ်နိုင်မှုဟာ အပေါ်ပိုင်းအဆင့်တွေမှာသာ ရှိတယ်။ ဒါကြောင့် အကြောင်းအရာတစ်ခု၊ ကိစ္စ တစ်ခုကို ထမြောက်အောင်မြင်ဖို့ ဆုံးဖြတ်ချက်တွေ ချဖို့ လိုအပ်လာရင် အဆင့်ပေါင်းများစွာကို မလိုလားအပ်ဘဲ အချိန်ကုန်ခံ ကျော်ဖြတ်ရလေ့ရှိတယ်။ ဒီခေါင်းဆောင်မှုပုံစံမှာ ခေါင်းဆောင်ဟာ ထုတ်ပြန်ထားတဲ့ ဥပဒေ စည်းကမ်းတွေ၊ တနည်းအားဖြင့် စာအုပ်ကြီးအတိုင်း အလုပ် လုပ်လေ့ရှိပြီး သူ့ အောက်က အဆင့်ဆင့် ခေါင်းဆောင်မှု အလွှာတွေကိုလည်း သူ့ နည်းတူ လုပ်စေတယ်၊ စည်းမျဉ်း၊ စည်းကမ်း၊ လုပ်ထုံး လုပ်နည်း အဆင့်ဆင့်ကို တသွေမတိမ်း လိုက်နာ ဆောင်ရွက်စေတယ်။ ဒီခေါင်းဆောင်မှုမှာ ခေါင်းဆောင်မှု ကောင်းမကောင်းက ထုတ်ပြန်တဲ့ စည်းကမ်း၊ ဥပဒေ အပေါ်မူတည်တယ်။ ဒီလို ပုံစံဟာ လုံခြုံရေးအရ အရေးပါတဲ့၊ အန္တရာယ်ဖြစ်စေမှုကို ရှောင်ရှားနိုင်ဖို့ မဖြစ်မနေလိုအပ်တဲ့ အဖွဲ့ အစည်း (သို့ ) နိုင်ငံရဲ့ အစိတ်အပိုင်း သီးသန့် အတွက်သာ အသုံးဝင်တယ်။ နေရာတိုင်းမှာ အသုံးချရင် အထက် အဆင့်ပေါင်းများစွာကို ဆုံးဖြတ်ချက် ချမှတ်ဖို့ တောင်းခံနေရတဲ့ အတွက် လုပ်ငန်းပိုင်းဆိုင်ရာ ချောမွေ့ ပြေပြစ် ပြုပြင် ပြောင်းလဲနိုင်မှု ကင်းမဲ့ပြီး ဖန်တီးနိုင်မှု စွမ်းရည်၊ စွန့် ဦးတည်ထွင်လိုမှုကို လျော့နည်းစေလေ့ရှိတယ်။
၆) အားလုံးပူပေါင်းပါဝင် ဆုံးဖြတ်စေတဲ့ ခေါင်းဆောင်မှုပုံစံ
ဒီမိုကရေစီ နည်းလမ်းတကျ ခေါင်းဆောင်မှုပုံစံ လို့ ဆိုနိုင်တယ်။ အစုအဖွဲ့ အသီးသီးကို ကိုယ်စားပြုတဲ့ ပုဂ္ဂိုလ်တွေ စုပေါင်း ညှိနှိုင်း ဆွေးနွေး အဖြေရှာပြီး ထွက်ပေါ်လာတဲ့ ရလဒ်ကို နောက်ဆုံး ခေါင်းဆောင်က အတည်ပြု ဆုံးဖြတ်တဲ့ သဘောဖြစ်တယ်။ နောက်လိုက် တွေရဲ့ ထိုးထွင်း တည်ထွင် ကြံဆလိုမှုကို အားပေးတယ်။ လုပ်ငန်း ဖော်ဆောင်မှု အဆင့်ဆင့်၊ ဆုံးဖြတ်မှု အဆင့်ဆင်မှာ နောက်လိုက်တွေ ကိုယ်တိုင်ပါဝင် ဆောင်ရွက်ရတဲ့ အတွက် စိတ်ပိုင်းဆိုင်ရာ ချမ်းသာမှု ဖြစ်စေပြီး အလုပ်ပိုမိုတွင်ကျယ်ဖို့ တွန်းအားဖြစ်စေတယ်။ လုပ်ငန်းသဘောအရ အရေးပါ အရာရောက်၊ အသိမှတ်ပြုခံရမှုကို ရရှိပြီး ဖြစ်တဲ့အတွက် ပုဂ္ဂလိက အကျိုးခံစားခွင့်ကို မမျှော်ကိုးဘဲ လုပ်ငန်းစဉ်တလျောက် အားသွန်ခွန်စိုက် ကြိုးစားလုပ်ဆောင်လာစေတယ်။ နောက်ဆုံးထွက်လာတဲ့ အကျိုးရလဒ်က ကောင်းကျိုးကြီးပေမယ့် လုပ်ငန်းစဉ်တလျောက် အားလုံးပါဝင် ဆွေးနွေးဆုံးဖြတ်မှုတွေ လုပ်ရတဲ့ အတွက် အချိန်ကာလအားဖြင့်တော့ ကြာစေတယ်။ အဖွဲ့ အစည်း ပုံစံ၊ အုပ်စု အဖွဲ့ အသီးသီးအများကြီးရှိတဲ့ အခြေအနေမျိုးအတွက် မရှိမဖြစ်လိုအပ်တဲ့ အုပ်ချုပ်မှု ပုံစံဖြစ်တယ်။ အရေအတွက်ထက် အရည်အချင်းကို ပိုမိုအလေးထားတဲ့၊ စစ်မှန်တဲ့ တန်ဖိုးရှိတဲ့ အကျိုးရလဒ်မျိုးတွေဖြစ်စေတယ်။ ဒါပေမယ့် ဒီလို ပုံစံဟာ အလျင်အမြန် အရေးယူ ဆောင်ရွက်ဖို့ လိုအပ်တဲ့ အရေးပေါ် အခြေအနေမျိုးတွေမှာ အသုံးဝင်လေ့မရှိဘူး။ နောက်လိုက်တွေ အရည်အသွေး ညံ့ဖျင်းရင်လည်း အားလုံးပါဝင်နိုင်မှုက အလကားဖြစ်ရပြီး ကောင်းမွန်တဲ့ အကျိုးရလဒ်ကို မဖော်ဆောင်နိုင်ဘဲ ဖြစ်ရလေ့ရှိတယ်။
၇) အလုပ်ဗဟိုပြု ခေါင်းဆောင်မှုပုံစံ
ဒီခေါင်းဆောင်မှုမှာ အလုပ်ပြီးပြောက်မှုကိုသာ အလေးထားတဲ့အတွက် ဗဟိုချုပ်ကိုင်မှုပုံစံ၊ အာဏာရှင် သဘောဆောင်တယ်။ ခေါင်းဆောင်က အဓိက အလုပ်တွေ၊ ဆုံးဖြတ်မှုတွေကို တာဝန်ယူပြီး နောက်လိုက်ကို အလုပ်ပြီးမြောက်ဖို့ လိုအပ်တဲ့ တာဝန်ခွဲပေးမှုတွေ ပြုလုပ်ပေးလေ့ရှိတယ်။ အချိန်နဲ့ အလျင်မှီ ဆောက်ရွက်ရတဲ့ ကိစ္စမျိုးတွေအတွက် သင့်လျော်တယ်။ ဒါပေမယ့် အလုပ်ပြီးမြောက်မှုကိုသာ ဦးတည်တဲ့ အတွက် အရည်အချင်းကို အာမ မခံနိုင်ဘူး။ နောက်လိုက်တွေရဲ့ စိတ်ပိုင်း၊ ရုပ်ပိုင်း ဆိုင်ရာ သာယာဝပြောမှုကို အလေးမပြုတဲ့ အတွက် အားသွန်ခွန်စိုက် လုပ်ဆောင်လာစေမှု အားနည်းတယ်။ အာဏာရှင်စနစ် အုပ်ချုပ်မှုရဲ့ အပြစ်အနာအဆာတွေဟာ အလုပ်ဗဟိုပြု ခေါင်းဆောင်မှုပုံစံကြောင့် ဖြစ်လေ့ရှိတယ်။
၈) လူ ဗဟိုပြု (သို့) လူမှု ဆက်ဆံမှုကို အလေးထားတဲ့ ခေါင်းဆောင်မှုပုံစံ
ဒီ ခေါင်းဆောင်မှုပုံစံမှာ ဒီမိုကရေစီ ခေါင်းဆောင်ပုံစံအတိုင်း ခေါင်းဆောင်က အားလုံး ပူးပေါင်း စုစည်း ပါဝင်နိုင်မှုကို အလေးထားတယ်။ အားလုံး ပါဝင် ဆောင်ရွက်တဲ့ အသင်းအဖွဲ့ ပုံစံ၊ ပူးပေါင်း ဖန်တီး တည်ထွင်နိုင်မှုကို အားပေးတယ်။ ခေါင်းဆောင်က လက်အောက်ငယ်သားအားလုံးကို ရိုင်းပင်း ကူညီ၊ အလေးဂရုပြုပြီး ဖော်ရွေနွေးထွေး တပြေးညီ ဆက်ဆံလေ့ရှိတယ်။ ခေါင်းဆောင်က ဒီမိုကရေစီ နည်းလမ်းတကျ ပြုမှုဆောင်ရွက် ဆက်ဆံပြီး လိုအပ်တာတွေ ပံ့ပိုးကူညီ ဖြည့်ဆည်းပေးတဲ့ အတွက် နောက်လိုက်အားလုံး ကာယ၊ စိတ္တ သုခ ချမ်းသာရပြီး အလုပ်တွင်ကျယ်၊ ပိုမို အလုပ် လုပ်လာစေတယ်။
အထက်မှာ တင်ပြဆွေးနွေးတဲ့ ခေါင်းဆာင်မှုပုံစံတစ်ခုချင်းစီရဲ့ အကျိုးအပြစ်တွေကို ခြုံငုံသုံးသပ်ရင် မတူညီတဲ့ အခြေအနေတွေ ပေါ်မူတည်ပြီး ခေါင်းဆောင်မှုပုံစံ ပြောင်းလဲကျင့်သုံးရမယ်ဆိုတာ နားလည်သဘောပေါက် စေတယ်။ အမှတ်စဉ် (၄၊ ၅၊ ရ) ပါ အကျိုးထက်၊ အပြစ်ကို များစေတဲ့ အုပ်ချုပ်မှုပုံစံတွေဟာ လိုအပ်တဲ့ အခြေအနေရှိတဲ့ အဖွဲ့အစည်းသီးသန့်အတွက်သာ အသုံးပြုရမယ်ဆိုတာကိုလည်း နားလည်သဘောပေါက်နိုင်မယ်လို့ ယူဆတယ်။ ထို့အတူ ခရစ်စမားကို အခြေပြုတဲ့ ခေါင်းဆောင်မှုပုံစံ (အမှတ်စဉ်-၃) အပါအဝင် အပြောင်းအလဲနဲ့ ဆက်စပ်တဲ့ ကာလတိုအတွင်းမှာသာ အကျိုးရှိစေတဲ့ ပုံစံ (အမှတ်စဉ် ၁၊ ၂)ေ တွ ဟာ အခြေအနေတစ်ခု၊ ဖြစ်ပေါ်တိုးတက်မှု တစ်ခုအတွက်သာ အသုံးဝင်ပြီး ရေရှည် အကျိုးစီးပွားဖြစ်ထွန်းမှုကို အဖွဲ့အစည်း (သို့) နိုင်ငံမှာ အုတ်မြစ်ချ အခြေတည်စေချင်ရင် နောက်လိုက်တွေကိုပါ အရည်အချင်းမြှင့်တင်ပေးရင်း ပါဝင်ပူးပေါင်းလုပ်ကိုင်ဆောင်ရွက် ဆုံးဖြတ်စေမှုကို အားပေးတဲ့ အမှတ်စဉ် (၆၊ ၈) ပါ ဒီမိုကရေစီနည်းလမ်းတကျ ခေါင်းဆောင်မှုပုံစံမျိုး ဖော်ဆောင်နိုင်မှ၊ နောက်လိုက် (သို့) ပြည်သူတွေပါ ပါဝင် တာဝန်ယူ၊ တာဝန်ရှိ၊ တာဝန်သိ နဲ့ အကြောင်းအရာတွေ၊ ဖြစ်စဉ်တွေ၊ အဆုံးအဖြတ်တွေမှာ ထောက်ပြ၊ ဝေဖန်၊ ဆွေးနွေး၊ ဆင်ခြင်၊ သုံသပ်နိုင်မှ၊ ခေါင်းဆောင်-နောက်လိုက် အပြန်အလှန် မှီခို အကျိုးရှိတဲ့ ဆက်ဆံမှုမျိုးတည်ဆောာက်နိုင်မှ ဖြစ်ပါမယ်ဆိုတာ အကြံပြုဆွေးနွေး တင်ပြလိုက်ပါတယ်။
ငြိမ်းချမ်းအေး
Ref: Encyclopedia of Leadership, George R. Goethals, Georgia J. Sorenson, James MacGreogr Burns; 2004
မူရင်း ခေတ်မောင်း လစဉ်ထုတ်စာစောင်
Leadership Cartoon by Mark Hill and Russ Volckmann
Integral Leadership Review
Volume IX, No. 1 - January 2009
No comments:
Post a Comment