- 27 December 2012 |
- By 7Day News
ရန်ကုန်ပြည်သူ့
ဆေးရုံကြီး အဆင့် မြှင့်တင်ရန် ကျန်းမာရေး ဝန်ကြီး ဌာနမှ တာဝန်ရှိသူများ၊
အသိ ပညာရှင် အတတ်ပညာ ရှင်များ၊ လွှတ်တော် ကိုယ်စားလှယ်များ၊ စေတနာရှင်များ
ပါဝင်သည့် ကော် မတီအဖွဲ့ဖွဲ့မည်ဖြစ်ပြီး ယခုအချိန် တွင် အလှူငွေများ
စတင်ရရှိနေ ပြီဖြစ်ကြောင်း သတင်းရရှိသည်။ရန်ကုန်ပြည်သူ့ဆေးရုံကြီးကို အဆင့်မြင့်တင်ရန် အဆိုတင်သွင်း ပြီးနောက်ပထမဆုံး အကြိမ်အ ဖြစ် ဒေါ်အောင်ဆန်းစုကြည် သည် ရန် ကုန်ပြည်သူ့ဆေးရုံကြီးသို့ ယခုလ ၁၇ ရက်တွင် လာရောက်ခဲ့သည်။ ဆေးရုံကြီး၏ လူနာဆောင် များ၊ လူနာ တက်ရောက်မှု၊ စောင့် ရှောက်ကုသမှု၊ ဝန်ထမ်းအင်အား၊ လျှပ်စစ်မီး၊ရေရရှိသုံးစွဲမှု စသည့် လက်ရှိအခြေအနေများအပြင် လူ နာဆောင် ၁၊ ၂၊ ၇ ၊ ၈ သွား ပြင်ပ လူနာဌာနနှင့် အရေးပေါ်ဌာနများ ပါ လေ့လာခဲ့ကြောင်း ဆေးရုံအုပ် ကြီး ဒေါက်တာကျော်ကျော်က ပြောသည်။
မည်သည့် အချိန်တွင် စတင် ဆောင်ရွက်မည်နှင့် မည်သည့်ပြင် ဆင်မှုများ ဆောင်ရွက်မည်ကို မသိရှိရသေးဘဲ ရုပ်ဝတ္ထုပစ္စည်း ပြုပြင်မွမ်းမံခြင်းနှင့် စောင့်ရှောက် ကုသမှု အရည်အသွေးမြှင့်တင် ခြင်းအပြင် ဆေးပညာသင်ကြား ရေးနှင့် လူသားအရင်းအမြစ် အ ရည်အသွေးမြှင့်တင်လေ့ကျင့် ပေး ခြင်းများကိုပါ ဆောင်ရွက် ရမည် ဖြစ်ကြောင်း ဒေါက်တာကျော် ကျော် က ပြောသည်။
ဆေးရုံ တက်ရောက်နေ သည့် လူနာများ၊ အလုပ်သင် ဆရာဝန်များနှင့်လည်း တွေ့ဆုံခဲ့ ပြီး ဆေးရုံသန့်ရှင်းရေးနှင့်ပတ် သက်၍ “နိုင်ငံခြားဆေးရုံတွေမှာ သန့်ရှင်းရေးလုပ်တဲ့ သူကအမြဲ လှည်းကျင်းနေတယ်။ ဒီမှာ တက် လာတော့ တစ်ယောက်မှ မတွေ့ ဘူး။ ဆေးရုံတို့ ပုဂ္ဂလိက ဝန် ဆောင်မှု လုပ်တဲ့နေရာတွေက ဘယ်လောက်လှဲလှဲပြီးရင် ပြန် ညစ်ပတ်တာ။ ဒီလောက်တော့ လှဲနေမှ ဖြစ်မယ်”ဟု ဒေါ်အောင် ဆန်းစုကြည်က ပြောကြားသွား ကြောင်း လူနာဆောင် ၁၊ ၂ မှ ပါမောက္ခဒေါက်တာချစ်စိုးက ပြောသည်။
နှစ်ပေါင်းတစ်ရာကျော်သက် တမ်းရှိပြီး နေ့စဉ်လူနာ ၁၂၀ဝ ဝန်း ကျင် တက်ရောက်ကုသနေသည့် ရန်ကုန်ပြည်သူ့ဆေးရုံကြီး အ ပါအဝင် တစ်နိုင်ငံလုံး ဆေးရုံများ တွင် နှစ်ကာလများစွာ ရန်ပုံငွေ ရရှိမှု မလုံလောက်ခဲ့သည့်အတွက် လူနာများ ဆေးကုသမှု ဝန်ထုပ် ဝန်ပိုးများ ဖြစ်ခဲ့ကာ ဆေးရုံများ ပေါ်တွင်လည်း အမြင်မကြည်လင် မှုများ ရှိခဲ့သည်။
“ဆေးရုံကြီး အပါအဝင် နိုင်ငံအတွင်းမှာရှိတဲ့ ဆေးရုံ၊ ဆေး ပေးခန်းတွေကို အဆင့်မြှင့်တင် ပေးသင့်တာ မှန်ပါတယ်။ ဒါပေမဲ့ လက်ရှိမှာလည်း မပြည့်စုံမှုတွေ ကြားထဲက ပြည်သူတွေအားကိုး ထားပြုရတဲ့ ဌာနတွေ ဖြစ်နေပါ တယ်။ အခက်အခဲတွေ အများကြီး ကို ရင်ဆိုင်ပြီး ကြိုးပမ်းနေရတာကို နားလည်လက်ခံပြီး အားလုံးပေါင်း ဆောင်ရွက်မည်ဆိုရင် ရလဒ်ကောင်း တွေ ဖြစ်လာမှာပါ” ဟု ဒေါက်တာ ကျော်ကျော်ကပြောသည်။
ဝတ်ရည်အောင်
No comments:
Post a Comment