ABSDF ပြန်လည်ပေါင်းစည်း ရေးဆွေးနွေးပွဲတွေထဲမှ ဒေါင်းဂွင်စခန်းမှာ ကျင်းပတဲ့ ဆွေးနွေးပွဲကို မြင်ရစဉ်
ABSDF ဌာနချုပ်ရုံးဟောင်းရှိရာ လောကွားလူကုန်းမှာ တရက်၊ နှစ်ရက် ကြာပြီးနောက်မှာတော့ ပထမဆုံးအကြိမ် ABSDF ပြန်လည်ပေါင်းစည်းရေး ဆွေးနွေးပွဲကို မာနယ်ပလောဌာနချုပ် ကုက္ကိူပင်တန်းအောက်က တပ်ပေါင်းစု အစည်းဝေးခန်းမကြီးထဲမှာ စတင်ခဲ့ပါတယ်။
ကျနော်တို့ ဘက်မလိုက်အဖွဲ့က ကြားဝင်အဆိုပြုသူဆိုတော့ သဘာပတိအဖြစ်ရော၊ အခန်းနားမှူး အဖြစ်ပါ တာဝန်ယူရပါတယ်။ ထိုင်ခုံနဲ့ စားပွဲတွဲထားတဲ့ ခုံတွေကို ဂငယ်ပုံစံစီ၊ ကျနော်တို့က အလယ်မှာ ဗဟိုကိုယ်စားလှယ် နှစ်ဖက် ကဘေးမှာထိုင်ပြီး စားပွဲဝိုင်းပုံစံနဲ့ ဆွေးနွေးမှုလုပ်ခဲ့တာပါ။
ဒီဆွေးနွေးပွဲတွေအားလုံးကို ကိုနိုင်အောင်တို့ ဗဟိုဘက်ကနေ ဓာတ်ပုံ၊ ဗီဒီယို မှတ်တမ်းနဲ့ အသေချာလုပ်ထားပြီး ကျနော်တို့ ဘက်မလိုက်အဖွဲ့ဆီ မိတ်တ္တူတခုပေးထားပေမယ့် မင်းသမီးစခန်းကနေ အဆုတ်မှာ အဲဒီဗီဒီယို မှတ်တန်း ၆ ခွေစလုံး ပျောက်ဆုံးသွားခဲ့ပါတယ်။ ကိုနိုင်အောင်တို့ ဗဟိုမှာရှိတဲ့ အခွေတွေအားလုံးကိုတော့ ဥရောပနိုင်ငံတခုက Archive သိမ်းတဲ့ဌာနတခုဆီမှာ အပ်နှံထားတဲ့အတွက် လောလောဆယ် ပြန်ယူကြည့်ရှုလို့ မရနိုင်သေးဘဲဖြစ်နေပါတယ်။ ဆွေးနွေးပွဲမှာ ပါခဲ့သူတွေကို မေးမြန်းတဲ့ အခါမှာလည်း ကောင်းကောင်းမှတ်မိသူ မရှိသလောက် ဖြစ်နေတဲ့အတွက် ကျနော် မှတ်မိသမျှကိုသာ အားကိုးပြီး ဒီဆောင်းပါးကို ရေးသားတင်ပြနိုင်မှာ ဖြစ်ပါတယ်။
ကျနော်မှတ်မိသလောက် အဲဒီလို ပေါင်းစည်းရေးဆွေးနွေးပွဲ လုပ်တဲ့အချိန်ဟာ ၁၉၉၃ မေလ လောက်ဖြစ်မယ်လို့ ထင်ပါတယ်။ ပထမအကြိမ်ဆွေးနွေးပွဲ တက်ရောက်သူ စာရင်းထဲမှာ ဒေါက်တာ နိုင်အောင်တို့ဘက်က ဥက္ကဋ္ဌ ကိုနိုင်အောင်၊ ဒုဥက္ကဋ္ဌ ကိုကျော်ကျော်၊ အထွေထွေအတွင်းရေးမှူး ကိုမျိုးဝင်း၊ အတွင်းရေးမှူး ၂ ကိုဌေးအောင်၊ စိုင်းမြင့်သူနဲ့ ထိပ်တန်းခေါင်း ဆောင် ၅ ဦးခန့် တက်ရောက်ပါတယ်။ ကိုမိုးသီးဇွန်တို့ဘက်က ဒု ဥက္ကဋ္ဌ ကိုအောင်သူငြိမ်း၊ အတွင်းရေးမှုး ၂ ကိုဌေးနိုင်၊ ကိုကျော်ကို၊ ကိုမင်းမင်းနဲ့ ထိပ်တန်း ခေါင်းဆောင် ၅ ဦးခန့် တက်ရောက်ခဲ့ပါတယ်။ ကျနော်တို့ ဘက်မလိုက်အဖွဲ့မှ ပါဝင်သူ ၃ ဦးကတော့ ကျနော်၊ ကိုအောင်မော်နဲ့ ကိုအောင်သန့်တို့ ဖြစ်ပါတယ်။
စာမျက်နှာ ၂ မျက်နှာပါ ကျနော်တို့တင်ပြတဲ့ ပြန်လည်ပေါင်းစည်းရေး အဆိုပြုချက်တွေကို ၂ ဖက်စလုံးက မူအရ လက်ခံတယ်လို့ ပြောတာကို ကျနော်အမှတ်ရနေပေမယ့် အဲဒီ ၂ မျက်နှာမှာ ပါဝင်တဲ့ အချက်လက်နဲ့ စာသားတွေကို မမှတ်မိဘဲဖြစ်နေပါတယ်။ ညနေပိုင်းရောက်တဲ့အထိ တိကျတဲ့ဆုံးဖြတ်ချက် မရတဲ့အတွက် အလားတူ ဆွေးနွေးပွဲတွေကို ရှေ့သီတင်းပတ်ကျရင် ၂ ဖက် ဗဟိုဌာနချုပ်တွေဆီမှာ ဆက်လုပ်မယ်လို့ သဘောတူပြီး မာနယ်ပလော ဆွေးနွေးပွဲကို ရပ်နားလိုက်ပါတယ်။
ဒီဆွေးနွေးပွဲ ပြီးတဲ့အခါမှာတော့ သဘာပတိအဖြစ် တာဝန်ယူရတဲ့ ကျနော်တို့ ဘက်မလိုက်အဖွဲ့ဟာ ကိုနိုင်အောင်တို့ ဗဟိုရုံးခွဲမှာ ဆက်တည်းဖို့ မသင့်တော်တဲ့အတွက် ကြားနေရာဖြစ်တဲ့ စောလဲထာရွာ ဆီပြန်လာပြီး ကိုမြင့်အောင်တို့အိမ်မှာ တည်းလိုက်၊ မဲစရိယန်းမြို့ပေါ်ကို တက်ပြီး River Side Guest House မှာတည်းရင်း တပ်ရင်းနဲ့ ရနောင်းမြို့ဘက်ဆီ ဆက်သွယ်လိုက်နဲ့ နေခဲ့ပါတယ်။ ၄ ရက်လောက်ကြာတဲ့အခါမှာတော့ စောလဲထာ အောက်ဖက်နားက သံလွင်မြစ်ဘေးရှိ ကိုမိုးသီးဇွန်တို့ ဗဟို ဌာနချုပ်ရှိရာ သေလောထာစခန်းဆီ ကျနော်တို့ဆင်းလာခဲ့ပါတယ်။
၁၉၈၉ ခုနှစ် မာနယ်ပလောနဲ့ ဥသုထာခရီးစဉ်တုန်းက သေလောထာဝန်းကျင်မှာ ကျောင်းသားစခန်းတွေကို မတွေ့ရသေးပေမယ့် အခု ၁၉၉၃ မှာတော့ သောင်ရင်းနဲ့ သံလွင်မြစ်တို့ဆုံတဲ့ မြစ်ဆုံကနေ သေလောထရွာ အပေါ်နားအထိ သံလွင်မြစ်ကမ်းတလျှောက် ခွပ်ဒေါင်းအလံတလူလူနဲ့ ကျောင်းသားစခန်းတွေ တန်းစီနေရာယူ ထားတာကိုတွေ့ရပါတယ်။
မြစ်ဆုံရဲ့အထက်နားကနေ သေလောထာရွာ အနီးထိ ကိုမိုးသီးဇွန် ဗဟိုကို ထောက်ခံတဲ့ တပ်ရင်းတွေဖြစ်တဲ့ ၂၀၈၊ ၂၁၄၊ ၂၁၂ နဲ့ ၂၀၄ တပ်ရင်း စခန်းတွေကို တွေ့ရပါတယ်။ ကိုမိုးသီးဇွန်တို့ဗဟို အပေါ်ဖက် သေလောထာရွာ အနီးမှာတော့ ဒေါက်တာ နိုင်အောင်ကို ထောက်ခံတဲ့ ၂၁၀ တပ်ရင်းနဲ့ သေလော့ထာရွာ အပေါ်ဖက်နားမှာတော့ ၂၀၉ တပ်ရင်း နေရာယူထားပါတယ်။ နောက်ပိုင်းမှာတော့ ၂၀၉ နဲ့ ၂၁၀ တို့ ဒေါင်းဂွင်ဖက်ပြောင်းသွားတယ်လို့ သိရပါတယ်။
ဒီစခန်းတွေ အားလုံးနီးပါးကို သံလွင်မြစ်ထဲက ဖြတ်သွားရင်း မြင်ဖူးရုံသာရှိပြီး တပ်ရင်းမှုး ကိုနေမျိုးရဲ့ ၂၁၂ တပ်ရင်းတခုကိုသာ ကျနော်ရောက်ခဲ့ဖူးပါတယ်။ စောလဲထာကနေ ကိုမိုးသီးဇွန်တို့ ဗဟို ဌာနချုပ်စခန်းကို မိနစ် ၄၀ ခန့် လှေစီးရပါတယ်။ သေလောထာ ဗဟိုဌာနချုပ်စခန်းဟာ အယင် မာနယ်ပလောတောင်ကုန်းပေါ်က စခန်းနဲ့စာရင်တော့ ပထ၀ီအနေထား မကောင်းလှဘူးလို့ ထင်ပါတယ်။ ဆွေးနွေးပွဲအတွက် တညအိပ် တရက်ခရီးစဉ် အဖြစ်သာ ရောက်ဖူးတဲ့အတွက် အခင်းအကျင်းကို ကောင်းကောင်း မမှတ်မိတော့ပါ။
နောက်တနေ့မနက် ကိုနိုင်အောင်တို့ ဗဟိုဘက်က ကိုယ်စားလှယ်တွေ ရောက်လာတဲ့အခါမှာတော့ ပေါင်းစည်းရေးဆွေးနွေးပွဲ ဒုတိယအကြိမ်အဖြစ် သေလောထာစခန်းမှာ စတင်ခဲ့ပါတယ်။ ဒီအစည်းဝေးကိုတော့ ဥက္ကဋ္ဌ ကိုမိုးသီးဇွန်ကိုယ်တိုင် တက်ရောက်ခဲ့ပြီး ကျန်တဲ့ ကိုယ်စားလှယ်တွေကတော့ အရင် မာနယ်ပလော အစည်းဝေးအတိုင်း အပြောင်းလဲမရှိဘူးလို့ ကျနော် ထင်ပါတယ်။ ဆွေးနွေးတဲ့ အကြောင်းရာတွေကတော့ မာနယ်ပလော အစည်းဝေးခန်းမမှာ တင်ပြတဲ့အချက်တွေကိုပဲ ဆက်လက် ဆွေးနွေးတာဖြစ်ပါတယ်။ အားလုံး အပြန်အလှန် ငြင်းခုံဆွေးနွေးပြီး နောက်မှာတော့ နောက်ဆုံး အကြိမ်ဆွေးနွေးပွဲကို ကိုနိုင်အောင်တို့ ဌာနချုပ်ရှိရာ ဒါးကွင်း (ဒေါင်းဂွင်လို့ ကျောင်းသားတွေက အမည်ပြောင်း) မှာ လုပ်ဖို့ သဘောတူပြီး ညနေပိုင်းမှာ ဆွေးနွေးပွဲကို ရပ်နားလိုက် ပြန်ပါတယ်။
သောင်ရင်းမြစ်ကမ်းရှိ ABSDF ဗဟိုဌာနချုပ်ရုံးဟောင်း တည်ရှိရာ လောကွာလူကုန်းမှာ တပ်ဖွဲ့ဝင်များ ခွပ်ဒေါင်းအလံတော်ကို အလေးပြုနေစဉ်
သေလောထာ ဆွေးနွေးပွဲအပြီးမှာတော့ ထုံးစံအတိုင်း စောလဲထာကို ပြန်လာပြီး ကိုမြင့်အောင် တို့အိမ်မှာပဲ ခဏတာ စခန်းချပြန်ပါတယ်။ နောက် ၂ ရက်လောက် ကြာတဲ့အခါမှာတော့ စောလဲထာ အပေါ်ဘက်ကို တနာရီလောက် စက်လှေမောင်းရတဲ့ ကိုနိုင်အောင်တို့ ဗဟိုရှိရာ ဒေါင်းဂွင်စခန်းဆီ ကျနော်တို့သွားပါတယ်။
၁၉၈၉ တုန်းက ကျနော်ရောက်ခဲ့ဖူးတဲ့ စောထာစခန်း၊ သံလွင်စခန်းတို့ရှိရာ ဥသုထာအရပ်ဆီ မရောက်ခင် သံလွင်မြစ်ဘေးတနေရာမှာ ကျွန်းသစ်တွေ၊ သစ်မာတွေနဲ့ အခိုင်မာ ဆောက်ထားတဲ့ စခန်းတခုကို ကျနော်တို့တွေ့ရပါတယ်။ လှေစဆိုက်ဆိုက်ချင်း ပထမဆုံးတွေ့ရတဲ့နေရာက ဒေါက်တာမြင့်ချို တာဝန်ယူထားတဲ့ ဗဟိုဆေးခန်းနဲ့ ဆေးတပ်ဆွယ်၊ ပြီးတော့ မိသားစု အိမ်တန်းတစု၊ အဲဒီတဲတန်း အလွန်မှာတော့ ကရင်မလင်မယားလို့ လူသိများတဲ့ ကိုအောင်သန်းတို့ မိသားစုနေထိုင်တဲ့ သစ်စက်တလုံး၊ သစ်စက်ဘေးရှိ ချောင်းလက်တက် သေးသေးလေးကို ကျော်လိုက်တဲ့အခါမှာတော့ ပြန်ကြားရေးဌာနပိုင် တဲတလုံးနဲ့ အဲဒီတဲရဲ့ နောက်ကျောမှာတော့ သားနားလှတဲ့ တောတွင်း စတူဒီယိုတခု။
သားနားတယ်ဆိုတာဟာ တောထဲမှာမြင်နေရတဲ့ အဆောက်ဦတွေကြားမှာ နှိုင်းယှဉ်ပြောဆို ခြင်းသာဖြစ်ပြီး မြို့ပေါ်ကစတူဒီယိုတွေနဲ့တော့ မနှိုင်းယှဉ်စေလိုပါ။ ၁၈ ပေ၊ ၁၀ ပေ ပတ်လည်လောက်ရှိတဲ့ တဲတလုံးသာဖြစ်ပြီး ထူးခြားတာကတော့ ကျွန်းသစ်ခင်း၊ ကျွန်းသစ်ကာထားတဲ့အပြင် ၃ ပေ လောက်ရှိတဲ့ မှန်ချပ်ကြီးကိုပါ တပ်ဆင်ထားတဲ့ စတူဒီယိုအသေးစားတခု ပါဝင်နေခြင်းပါ။
၈ ပေလောက်ရှိတဲ့ အဲဒီစတူဒီယိုဘေးက ၁၀ ပေလောက်ပိုနေတဲ့ နေရာကတော့ ဧည့်ရိပ်သာဖြစ်ပါတယ်။
ဆုိုလိုတာကတော့ ဧည်သည်တွေဖြစ်တဲ့ ကျနော်တို့အဖွဲ့ အဲဒီစတူဒီယိုရှေ့မှာ ၂ ရက် ၃ ရက်ခန့် စခန်းချခဲ့တယ်ဆိုပါတော့။ ထပ်ဖြည့်ပြောရမယ်ဆိုရင် ဒီစတူဒီယိုဟာ DVB ရေဒီယိုကရတဲ့ ဘတ်ဂျက်ငွေနဲ့ ဆောက်ထား တယ်လို့သိရပြီး DVB အတွက် ဇာတ်လမ်းတွေ၊ သီးချင်းတွေ၊ သတင်းဆောင်းပါးတွေ ထုတ်လုပ်ပေးနေတဲ့နေရာ ဖြစ်ပါတယ်။ ကျနော်တို့ အဲဒီမှာ တည်းခိုနေစဉ်မှာတောင် ရေဒီယိုဇာတ်လမ်း အသံသွင်းနေကြတဲ့ ဒေါင်းဂွင်စတူဒီယို ၀ိုင်းတော်သားတွေနဲ့ တွေ့ခွင့်ရလိုက်ပါသေးတယ်။
အကွဲအပြဲကာလအတွင်း DVB ရေဒီယိုအတွက် ပရောဂျက်အားလုံးနီးပါးကို ကိုနိုင်အောင်တို့ ဗဟိုဖက်က ရရှိထားပြီး ဗဟို ပြန်ကြားရေးတာဝန်ခံ ကိုခင်မောင်ဝင်း (အခု DVB ဒုညွန်မှူး) က တာဝန်ယူ ဆောင်ရွက်နေတာလို့ သိရပါတယ်။
အဲဒီ စတူဒီယိုကို ကျော်ပြီး တောအုပ်တွေရှိရာ တောင်ကုန်းဘက် နည်းနည်းဆက်ဝင်လာတော့ ပေ ၅၀၊ ပေ ၂၀ ပတ်လည်လောက်ရှိတဲ့ သားနားလှတဲ့ မြေစိုက်ဗဟိုရုံးခန်းကို တွေ့ရပါတယ်။ ဒီရုံးခန်းထဲမှာ စားပွဲတင် တင်းနစ်ကစားတဲ့ ခုံတန်းကို တွေ့ရပြီး ရုံးချိန်လွန်ရင်တော့ ဒီအဆောင်ဟာ ရုံးခန်းအဖြစ်ကနေ မိုးလုံလေလုံ အားကစားရုံအဖြစ် အသွင်ပြောင်းသွားလေ့ ရှိပါတယ်။ အဲဒီရုံးခန်းရဲ့နောက်ကျောမှာတော့ ဗဟိုကော်မီတီဝင်တွေနေတဲ့ တန်းလျားတခုကိုတွေ့ရပြီး ကျွန်းသစ် အတိုအစတွေနဲ့ အသေချာဆောက်၊ အသေချာ အခန်းဖွဲ့ထားတာကို တွေ့ရပါတယ်။ အဲဒီအဆောင်ရဲ့ဘေးမှာတော့ စားဖိုဆောင်၊ တခါ ဗဟိုရုံးကိုကျော်ပြီး သစ်တောထဲ ထပ်ဝင်သွားမယ်ဆိုရင် စစ်ရုံးချုပ်နဲ့ ရဲဘော်တွေရဲ့ ဘားတိုက်တွေ ရှိတယ်လို့ ဆိုပါတယ်။ အဲဒီဘက်ကိုတော့ ကျနော်မသွားဖြစ်လိုက်ပါ။
ဒေါင်းဂွင်မှာ တရက်တာ လေ့လာရေးအပြီး နောက်တရက်မှာတော့ ကုိုမိုးသီးဇွန်တို့ဗဟိုမှ ကိုအောင်သူငြိမ်းတို့အဖွဲ့ ရောက်လာပြီး ပေါင်းစည်းရေး ဆွေးနွေးပွဲ တတိယအကြိမ်ကို ကျနော်တို့စတင်ခဲ့ပါတယ်။ ထုံးစံအတိုင်း ဆွေးနွေးတဲ့အကြောင်းအရာတွေကို ကျနော်မမှတ်မိတော့ပါ။ ဒါပေမယ့် အဲဒီနေ့နဲ့ပတ်သက်ပြီး အခုချိန်ထိ ထူးထူးခြားခြား မှတ်မိနေတာကတော့ နှစ်ဖက်ကိုယ်စားလှယ်တွေကို သဘာပတိ တာဝန်ယူတဲ့ ကျနော်တို့ဘက်မလိုက်အဖွဲ့က ခေါက်ဆွဲကြွေးမိတဲ့အဖြစ်ပါ။ “နှစ်ဖက် ဘောလုံးသမားတွေကို ဒိုင်လူကြီးက ခေါက်ဆွဲကြွေးတယ်နေဟေ့” ဆိုပြီး အစခံရတဲ့ အဲဒီနေ့က နေ့လည်စာ ထမင်းဝိုင်းပါ။
မာနယ်ပလောမှာကျင်းပတဲ့ အစည်းဝေးအတွက် နေ့လည်စာကို ကိုနိုင်အောင်တို့က တာဝန်ယူပြီး သေလောထာက အစည်းဝေးနေ့လည်စာကို ကိုမိုးသီးဇွန်တို့က တာဝန်ယူခဲ့တဲ့အတွက် ဒီတကြိမ် အစည်းဝေး နေ့လည်စာကို ကျနော်တို့ ဘက်မလိုက်အဖွဲ့က တာဝန်ယူမယ်ဆိုပြီး ကတိပေးထားပါတယ်။ ဒီလိုနဲ့အစည်းဝေးမလုပ်ခင် တရက်မှာ စားဖိုမှူး ကိုကင်းရှင်ကို ဘာကြွေးရင်ကောင်းမလဲဆိုပြီး ညှိတော့ “ထမင်းက နေ့စဉ်စားနေရတာ ရိုးနေပြီ။
ထူးထူးခြားခြား ခေါက်ဆွဲကြွေးပါလား။ ကျနော်စီစဉ်ပေးမယ်” လို့ ပြောပါတယ်။ ကိုကင်းရှင်ဆိုတာ အရင်ကျနော်တို့ မင်းသမီးခစန်းမှာကတည်းက အချက်အပြုတ် နာမည်ကြီးခဲ့သူဖြစ်တဲ့အတွက် သူရဲ့အကြံပေးချက်အတိုင်း လုပ်ဖို့သဘောတူလိုက်ရာကနေ ဒီ နာမည်ကြီး ခေါက်ဆွဲကြော် နေ့လည်စာဖြစ်လာတာပါ။
နေ့လည်ပိုင်းမှာတော့ ဆွေးနွေးပွဲတွေကို ရပ်နားလိုက်ပြီး ဒီဆွေးနွေးချက်တွေကို သက်ဆိုင်ရာ ဗဟိုတွေအလိုက် ပြန်လည်ဆွေးနွေးတင်ပြကြဖို့၊ ပြီးတော့မှ နောက်တခါ ပြန်လည်တွေဆုံ ထပ်မံဆွေးနွေးကြဖို့ သဘောတူပြီး ကိုမိုးသီးဇွန်တို့အဖွဲ့နဲ့ ကျနော်တို့အဖွဲ့တွေ ကိုနိုင်အောင်တို့ရဲ့ ဒေါင်းဂွင်ဌာနချုပ်ကနေ ထွက်ခွာလာခဲ့ပါတယ်။
ဘက်မလိုက် ၂၀၁ တပ်ရင်းမှာ ကျင်းပတဲ့ ၈ လေးလုံး နှစ်ပတ်လည်နေ့ အခမ်းနားတခုကို တွေ့ရစဉ်
တကယ်တမ်း ပြောမယ်ဆိုရင်တော့ ကျနော်တို့ဘက်မလိုက်အဖွဲ့ဟာ နှစ်ဖက်ဗဟို ပြန်လည် ပေါင်းစည်းရေးအတွက် ကြားဝင်ညှိနိင်းပေးတယ်ဆိုပေမယ့် နိုင်ငံရေးညှိနှိုင်းမှု အတတ်ပညာနဲ့ပတ်သက်ပြီး ကျနော်တို့ ဘာမှမတတ်၊ ဘာမှ မသိပါ။ ကြားဝင်ညှိနှိုင်းရေးအကြောင်းလည်း တခါမှ အသေချာ မလေ့လာဖူးခဲ့ပါ။ “ABSDF မကွဲဘဲ တစုတစည်းတည်း ဖြစ်နေစေချင်တယ်” ဆိုတဲ့ စေတနာထက်ပိုပြီး ကျနော်တို့ ဘာမှမသိသလို ကျနော်တို့ရဲ့တင်ပြချက်ကို နှစ်ဖက်ဗဟိုက လက်ခံလိမ့်မယ်၊ ပေါင်းစည်းရေးညီလာခံ မကြာခင်လုပ်ဖြစ်ပြီး ABSDF တခုတည်း ပြန်ဖြစ်သွားလိမ့်မယ်၊ အဲဒီအချိန်ရောက်ရင် ကျနော်တို့ ဘက်မလိုက်အဖွဲ့ တာဝန်ကြေပြီလို့ စိတ်ကူးယဉ်ဆန်ဆန် မျက်စိမှိတ်ယုံကြည်ထားသလို ဖြစ်နေခဲ့ပါတယ်။
တနည်းအားဖြင့်ပြောမယ်ဆိုရင် ကျနော်တို့ရဲ့တင်ပြချက်ကို နှစ်ဖက်ဗဟိုက လက်မခံဘူးဆိုရင်၊ ဒါမှမဟုတ် နှစ်ဖက်မှာ တဖက်ကပဲ လက်ခံတယ်ဆိုရင် ကျနော်တို့ ဘာဆက်လုပ်မလဲဆိုတဲ့ Plan B အဆင့် စဉ်းစားထားချက်မျိုး ကျနော်တို့မှာ မရှိပါ။ ဒီလိုနဲ့ ကျနော်တို့အဖွဲ့ မင်းသမီးစခန်းဆီ ပြန်ရောက်တော့ ဒီကိစ္စတွေကို ဆွေးနွေးဖို့ စုံညီအစည်းဝေး ခေါ်ရပါတယ်။ ဒီအချိန်မှာ ရန်ပုံငွေရတဲ့ ပင်လယ်ပြင် စစ်ကြောင်းကို ဦးစားပေး ဆောင်ရွက်နေတာကြောင့် တပ်ရင်းမှူး၊ ဒုရင်းမှူး၊ ပင်လယ်ပြင် စစ်ကြောင်းမှူးတွေအားလုံး ရနောင်းနဲ့ ပင်လယ်ပြင်ထဲ ခရီးလွန်နေကြပါတယ်။
ကျနော်တို့ မင်းသမီးစခန်းဆီ ပြန်ရောက်ပြီး သတင်း ၃ ပတ်လောက်ကြာမှ လူစုံတဲ့အတွက် တပ်ရင်းညီလာခံကို စတင်ပါတယ်။ ဒီတခါ ညီလာခံက အရင်က ညီလာခံတွေလို နောက်လိုက်ပြောင်လိုက် စလိုက်ပုံစံမျိုး မဟုတ်တော့ဘဲ အားလုံးက တခုခုကို စိုးရိမ်သလို ဖြစ်နေကြပါတယ်။ ဆိုလိုတာကတော့ ဘက်မလိုက်အဖွဲ့ရဲ့ တင်ပြချက်တွေကို နှစ်ဖက်ဗဟိုက မူအရလက်ခံတယ်ဆိုပေမယ့် တိကျတဲ့ လုပ်ငန်းစဉ် ဘာမှရမလာဘူး။ နောက်ထပ် ဘယ်လောက်ကြာမှ ဗဟို နှစ်ခုပြန်ပေါင်းမလဲဆိုတာကို ခန့်မှန်းလို့ မရနိုင်တဲ့အခြေနေမျိုးပါ။ ဒီလိုအခြေနေမှာ ကျနော်တို့တပ်ရင်း ဘယ်မလိုက်အဖြစ် ဘယ်လောက်ကြာကြာ ဆက်ရပ်နိုင်မလဲ၊ ဗဟို နှစ်ခုမပေါင်းမချင်း ဘက်မလိုက်အဖြစ် ဆက်ရပ်နိုင်ပါ့မလား၊ နေ့စဉ်ကြုံနေရတဲ့ အခက်ခဲတွေကို ရက်အကန့်အသတ်မရှိ ကျနော်တို့တောင့်ခံနိုင်ပါ့မလား။ ဘက်မလိုက်အဖွဲ့ ဗဟိုတခုခုနဲ့ ပေါင်းပြီး ဘက်လိုက်တဲ့ဘ၀ ရောက်တော့မလားလို့ အားလုံးက စိုးရိမ်ထိတ်လန့်နေကြပါတယ်။
အနှစ်ပြန်ချုပ်ရရင်တော့ ဗဟို နှစ်ခုပြန်ပေါင်းအောင်ဆိုပြီး ကိုယ်စရိတ်ကိုယ်စိုက်၊ ဌာနချုပ်တွေဆီအထိသွားပြီး ကြားဝင်ညှိနှိုင်းခဲ့တဲ့ ကျနော်တို့ဟာ တကယ်လက်တွေ့မှာတော့ ဗဟို နှစ်ခုကို ပြန်ပေါင်းအောင် မလုပ်နိုင်တဲ့အပြင် ဘက်မလိုက်အဖွဲ့တောင် နှစ်ခြမ်းပြန်ကွဲသွားနိုင်တဲ့ ကြိုတင်မှန်းဆမထားတဲ့ ပြောင်းပြန်အခြေနေနဲ့ ရင်ဆိုင်လိုက်ရတယ်ဆိုပါတော့။
နိုင်ငံတကာသတင်းတွေ၊ စာအုပ်စာတမ်းတွေထဲမှာ ဖတ်ဖူးသလောက် ကြားဝင်ညှိနှိုင်းမှုဆိုတာဟာ ပြဿနာဖြစ်နေတဲ့ နှစ်ဖက်အုပ်စုနဲ့ မဆိုင်တဲ့ သီးခြားလွတ်လပ်တဲ့ စေ့စပ်ရေးပညာရှင်အဖွဲ့၊ ဘာသာရေးအဖွဲ့ သို့မဟုတ် နိုင်ငံခြားအစိုးရ တခုခုကနေ ကြားဝင် စေ့စပ်ပေးကြတာကိုသာ တွေ့ရပြီး ကျနော်တို့လို့ ကွဲနေတဲ့ နှစ်ဖွဲ့ (တချို့ကတော့ ကျနော်တို့ကိုပါ စာရင်းထည့်ပြီး သုံးဖွဲ့လို့ ဆိုကြပါတယ်) ကြားမှာ အင်အားအနည်းဆုံး ဘက်မလိုက်အဖွဲ့က ၀င်စေ့စပ်ပေးတယ်ဆိုတာမျိုး မတွေ့ဖူးသေးပါဘူး။
တကယ်တမ်း ပြန်စဉ်းစားကြည့်မယ်ဆိုရင်တော့ အင်အား ၁၀၀၀ ကျော်စီရှိနေတဲ့ ဗဟို နှစ်ခုဟာ သူဟာနဲ့ သူရပ်တည်ပြီး အဆင်ပြေနေချိန်မှာ အင်အား ၁၀၀ ကျော်သာရှိတဲ့ ကျနော်တို့ ဘက်မလိုက်အဖွဲ့ရဲ့ တင်ပြချက်ကို ဘာကြောင့်များ သူတို့က နားထောင်ဖို့ လိုလိမ့်မလဲဆိုတာကို အဲဒီအချိန်က ကျနော်တို့ အသေအချာ မစဉ်းစားဖြစ်လိုက်ပါဘူး။ အမှန်တရားအပေါ် အခြေခံထားတဲ့ သဘောတရားနဲ့ အင်အားအပေါ် အခြေခံထားတဲ့ လက်တွေ့နိုင်ငံရေးအခြေနေ နှစ်ခုကွာဟချက်ကို အသေအချာ ခွဲခြားစိပ်ဖြာနိုင်စွမ်း အဲဒီကာလက ကျနော်တို့မှာ တကယ်မရှိခဲ့ပါ။
ဒီလိုနဲ့ ဘက်မလိုက်အဖြစ် ဆက်ရပ်မလား၊ ဘယ်အချိန်အထိ ရပ်မလဲ၊ ဗဟို နှစ်ခု ဘယ်အချိန် ပြန်ပေါင်းမယ်လို့ ဘယ်သူသိမလဲ၊ ပေါင်းကောပေါင်းကြဦးမှာလား၊ နေ့စဉ်ကြုံတွေနေရတဲ့ ရပ်တည်ရေး အခက်ခဲတွေကို ဘယ်လိုကျော်ဖြတ်မလဲ စသည်ဖြင့် သတင်းတပတ်ကြာ ဆွေးနွေးငြင်းခုံခဲ့ကြပါတယ်။ နောက်ဆုံးမှာတော့ ဘက်မလိုက်အဖြစ် ဆက်ရပ်မလား၊ ကျနော်တို့ရဲ့ တင်ပြချက်တွေကို လက်ခံတဲ့သဘောရှိသူ၊ ဒါမှမဟုတ် နည်းနည်းနီးစပ်သူ ဒေါက်တာနိုင်အောင်တို့ ဗဟိုနဲ့ ပေါင်းမလားဆိုပြီး မဲခွဲဆုံးဖြတ်မယ်ဆိုတဲ့ အဆင့်အထိ ရောက်လာပါတယ်။
ကိုယ်စားလှယ်အများစုက ဒေါက်တာနိုင်အောင်တို့ ဗဟိုနဲ့ပေါင်းဖို့ မဲပေးလိုက်တဲ့အတွက် ၁၉၉၃ သြဂုတ်လ ၈ ရက်နေ့ ၈ လေးလုံး နှစ်ပတ်လည် ၅ နှစ်ပြည့်နေ့မှာ အဲဒီ ဆုံးဖြတ်ချက်ကို တရားဝင်ကြေညာပြီး ဘက်မလိုက်အဖွဲ့ဟာ ဒေါက်တာနိုင်အောင် ဗဟိုနဲ့ ပေါင်းစည်း လိုက်ပြီဖြစ်ကြောင်း ကြေညာချက် ထုတ်ပြန်လိုက်ပါတော့တယ်။
(ဆက်လက်ဖော်ပြပါမည်)
ကွဲလိုက် ပေါင်းလိုက်ရဲ့ အကျိုးဆက်အဖြစ် အင်အားတချို့ဆုံးရှုံးသွားခြင်း
၂၀၁ တပ်ရင်း ၂ ခု ပြန်လည်ပေါင်းစည်းချိန် မြင်ရတဲ့ ၂ ဖက် ကိုယ်စားလှယ်များ
“ဒီလိုပေါင်းမယ်ဆိုရင် အစကတည်းက ဘာလို့ ဘက်မလိုက်ရပ်သေးလဲ” လို့ ပြင်းပြင်းထန်ထန်ဝေဖန်ပြီး ဒါဇင်နဲ့ချီတဲ့ ရဲဘော်တွေ တပ်ကနေ နှုတ်ထွက်ကုန်ကြပါတယ်။ ကျနော်မှတ်မိသလောက်ဆိုရင် ကျနော်တို့ ဘက်မလိုက် တပ်အင်အား ၁၅၀ ကျော်ထဲက ၃၀ လောက်အထိ ချက်ချင်းထွက်သွားကြတဲ့အတွက် ထိုင်းထဲ ဂိတ်အ၀င်အထွက်တွေကို KNU ဘက်က တင်းကျပ်လိုက်တဲ့ အထိဖြစ်ခဲ့ပါတယ်။
ဆိုလိုတာကတော့ အရင်ကဆိုရင် လက်နက်ကိုင် တော်လှန်ရေးကို စိတ်ကုန်လို့ဖြစ်စေ၊ တောတွင်းဘ၀ ကြမ်းတမ်းမှုကို မခံနိုင်လို့ဖြစ်စေ၊ တခြား အကြောင်းအမျိုးမျိုးကြောင့်ဖြစ်စေ တပ်ကနေ နုတ်ထွက်သွားတဲ့ ရဲဘော်တဦးစ နှစ်ဦးစ KNU ဂိတ်တွေကိုဖြတ်ပြီး ထိုင်းထဲဝင်သွားတာ သိပ်မသိသာပေမယ့် အခုလို လူဒါဇင်နဲ့ချီပြီး တကြိမ်တည်း ထထွက်သွားတဲ့ အခါမှာတော့ KNU ဘက်က စိတ်ပူသွားတာလို့ ယူဆရပါတယ်။ ဒီအတွက် KNU ကျောင်းသားရေးရာ တာဝန်ခံအပေါ် ထွက်သွားတဲ့ရဲဘော်တွေက အမြင်စောင်းမှုတွေ ဖြစ်ခဲ့သေးတယ်လို့ နောက်ပိုင်းကျမှ ပြန်သိခဲ့ရပါတယ်။
နောက်တချက်ကတော့ ဘက်မလိုက်အဖွဲ့ ညီလာခံလုပ်တဲ့အချိန်အထိ ပင်လယ်ပြင်ထဲ ခရီးလွန်နေတဲ့ စစ်ကြောင်းမှူး ကိုဇော်မင်းနဲ့ တပ်ဖွဲ့ဝင်တချို့ဟာ ညီလာခံရဲ့ ဆုံးဖြတ်ချက်ကို လက်မခံဘူးလို့ သိရပါတယ်။ တခါ ဒုရင်းမှူး ကိုမင်းဇော်သူကလည်း ပင်လယ်ပြင်စစ်ကြောင်းအတွက် အရေးပေါ်ကိစ္စရှိလို့ဆိုပြီး ညီလာခံမပြီးခင်မှာ မင်းသမီးစခန်းကနေ ရနောင်းကို ဆင်းသွားပါတယ်။ တလလောက် ကြာတဲ့အခါမှာတော့ တပ်ရင်းမှူး ကိုသောင်းညွန့် ကိုယ်တိုင်လည်း ရနောင်းဖက်ဆင်းပြီး ဒုရင်းမှူးနဲ့အတူ ပင်လယ်ပြင် စစ်ကြောင်းကိစ္စ ဆက်လုပ်ခဲ့တယ်လို့ သိရပါတယ်။
ဒီလိုနဲ့ ၁၉၉၃ အောက်တိုဘာ လလယ်လောက်မှာတော့ ဒုရင်းမှူး ကိုမင်းဇော်သူနဲ့ ပင်လယ်ပြင်စစ်ကြောင်းမှူး ကိုဇော်မင်းတို့ ၂ ဦး ရနောင်းမှာ ပျောက်ဆုံးသွားတယ်လို့သတင်းထွက်လာပါတယ်။ သူတို့အဖွဲ့ဟာ ထိုင်းငါးဖမ်းလှေတွေ၊ မြန်မာဖက်က သစ်မှောင်ခိုလှေတွေမှာ အခွန်တွေကောက်ပြီး အဲဒီငွေတွေနဲ့ ရနောင်းဘက်မှာ လက်နက်ဝယ်ကာ ပင်လယ်ထဲ ပြန်မဆင်းခင်လေးမှာ အခုလိုဖြစ်သွားတာလို့ ဆိုပါတယ်။ ရနောင်းမှာနေထိုင်တဲ့ ဘုတ်ပြင်းမြို့နယ် အခြေစိုက် သစ်လုပ်ငန်းပိုင်ရှင်တဦးက ဖိတ်ကြားတဲ့ ညစာစားပွဲကိုအသွားမှာ အခုလို ပျောက်ဆုံးသွားတာ ဖြစ်တယ်လို့ အဲဒီကာလက သူတို့အဖွဲ့နဲ့အတူ တာဝန်ထမ်းဆောင်နေသူတဦးက ပြောပါတယ်။ ကိုမင်းဇော်သူနဲ့ ကိုဇော်မင်းတို့ ပျောက်ဆုံးတဲ့သတင်းကြားရတာ အခုဆိုရင် ၁၉ နှစ်ရှိသွားပြီဖြစ်ပေမယ့် ဘယ်အဖွဲ့စည်းကမှ အတိအကျ စုံစမ်းဖော်နိုင်ခြင်း မရှိသေးပါဘူး။
အကွဲအပြဲရဲ့ ဒဏ်ရာဒဏ်ချက်တွေအဖြစ် နုတ်ထွက်သူ၊ ကျဆုံးဆုံးသူတွေ ရှိခဲ့ပေမယ့်လည်း မပြီးဆုံးသေးတဲ့ တော်လှန်ရေးတာဝန်တွေကို ဆက်လုပ်နိုင်ဖို့ ၂၀၁ တပ်ရင်း ၂ ခု ပြန်လည်ပေါင်းစည်းရေးကို ကျနော်တို့ ဆက်လက်ဆောင်ရွက်ခဲ့ပါတယ်။ ဒီလိုတပ်ရင်း ၂ ခု ပြန်ပေါင်းစည်းမှုမှာ အဓိက တာဝန်ယူ ဆောင်ရွက်သူတွေကတော့ ဘက်မလိုက်အဖွဲ့ဘက်မှ အတွင်းရေးမှုး ကိုအောင်မော်၊ စည်းရုံး-ပြန်ကြားတာဝန်ခံ ဆရာ ဦးဟန်လင်း၊ တပ်ရေး တပ်ထောက်အရာရှိ ကိုမင်းဇော်ရွှေ၊ တပ်ခွဲမှူးတွေဖြစ်တဲ့ ကိုသိန်းမြင့်ကျော်၊ ကိုခင်မောင်ချိုနဲ့ ကိုအောင်သန့်တို့ ၆ ဦး ဖြစ်ပါတယ်။ ကိုနိုင်အောင်တို့ ၂၀၁ ဘက်မှာ တာဝန်ယူ ဆောင်ရွက်သူတွေကတော့ တပ်ရင်းမှူး ကိုဇော်သန်း၊ ဒုရင်းမှူး ဆရာဦးအောင်မြင့်၊ ရေး-ထောက်အရာရှိ ကိုဝင်းအောင်၊ တပ်ခွဲမှူးတွေဖြစ်တဲ့ ကိုဘုန်းကျော်နဲ့ ကိုမြင့်လွင်တို့ ဖြစ်ပါတယ်။
ကျနော်ကတော့ တပ်ရင်း ၂ ခု ပြန်ပေါင်းစည်းချိန်မှာ မင်းသမီးဒေသမှာ မရှိတော့ဘဲ ပရာကျွတ်၊ ထပ်စကဲဘက်ရှိ မွန်ပြည်သစ်ပါတီ မြိတ်ခရိုင်မှာ ပင်လယ်ပြင်ကိစ္စ တာဝန်ယူနေရပါတယ်။ ကျနော်တို့ ဘက်မလိုက်အဖွဲ့က ဒေါက်တာ နိုင်အောင် ဗဟိုနဲ့ ပေါင်းစည်းကြောင်း ကြေညာချက်ထုတ်ပြီး ရက်ပိုင်းအတွင်းမှာတင် ဒေါက်တာ နိုင်အောင် ဗဟိုရဲ့ တောင်းပိုင်းစစ်ဒေသ၊ သို့မဟုတ် အဲဒီကာလအခေါ် တောင်ပိုင်းဒေသ ဗဟိုအလုပ်ဖွဲ့ (ဗလဖ) အဖွဲ့ခေါင်းဆောင်နဲ့ ဗဟိုအတွင်းရေးမှူး (၁) ကိုအောင်ထူး (အခု မြန်မာနိုင်ငံ ရှေ့နေများကောင်စီ) က ကျနော်ကို ဗလဖအဖွဲ့ဝင်အဖြစ် တာဝန်ပေးလိုက်လို့ ဖြစ်ပါတယ်။
ပင်လယ်ပြင်မှာ ရန်ပုံငွေရှာသူများ
ပင်လယ်ပြင်အတွင်း တာဝန်ယူနေတဲ့ ABSDF တပ်ဖွဲ့ဝင်တချို့
ပင်လယ်ပြင်စစ်ကြောင်းတွေနဲ့ ပတ်သက်ပြီး ရှေ့ပိုင်းအခန်းတွေမှာ အတော်များများ တင်ပြခဲ့ပြီး ဖြစ်တဲ့အတွက် ပင်လယ်ပြင်အပေါ် တော်လှန်ရေးတပ်တွေ ဘယ်လောက် စိတ်ဝင်စားမှုပြင်းပြနေသလဲ ဆိုတာကို စာဖတ်ပရိသတ် ခန့်မှန်းမိမှာပါ။ ဒီလိုနဲ့ တောင်ပိုင်းဒေသ ဖလဖအဖွဲ့ဝင်ဖြစ်လာတဲ့ ကျနော်ဟာ အဖွဲ့ဝင်ဖြစ်ပြီး သတင်းတပတ်လောက် အတွင်းမှာတင် “ပူးတွဲပင်လယ်ပြင်ရန်ပုံငွေ ရှာဖွေရေး” ရုံးမှာ တာဝန်ပေးခံလိုက်ရပြန်ပါတယ်။
ပူးတွဲဆိုတာဟာ ကျနော်တို့ ABSDF တပ်တွေအချင်းချင်း ပူးတွဲတာတင်မကပါဘူး။ ပင်လယ်ပြင်အတွင်း လှုပ်ရှားနေတဲ့ တော်လှန်ရေးတပ်တွေအားလုံး ပူးတွဲဆောင်ရွက်မယ်ဆိုတဲ့ သဘောလို့ ကျနော်နားလည်ပါတယ်။ ဒါပေမယ့် တကယ်တမ်း ဆောင်ရွက်တဲ့အခါမှာတော့ အဓိကတပ်ကြီးဖြစ်တဲ့ KNU မပါဘဲ မွန်ပြည်သစ်ပါတီ – မြိတ်ခရိုင်ရယ်၊ ဗကပ – မြိတ်ခရိုင်နဲ့ ကျနော်တို့ ABSDF ဒေါက်တာ နိုင်အောင် ဗဟိုဘက်က အင်အားစု ၃ ခုသာ ဖြစ်နေတာကို ကျနော်တွေ့ရပါတယ်။ အဲဒီအချိန် ဗကပ တနသာင်္ရီတိုင်းကနေ မြိတ်ထားဝယ်-ညီညွတ်ရေးတပ်ဦးအဖြစ် အမည်ပြောင်းထားပြီးပြီလို့ ထင်ပါတယ်။ ဒါပေမယ့် မူလအမည်ဖြစ်တဲ့ ဗကပအဖြစ်ပဲ ခေါ်နေကြဆဲဖြစ်ပါတယ်။
ပူးတွဲပင်လယ်ပြင်အဖွဲ့အကြောင်း မပြောခင် တောင်ပိုင်း ဗလဖ အကြောင်း အကျဉ်းတင်ပြရမယ်ဆိုရင် ကိုနိုင်အောင်တို့ ဗဟိုလက်အောက်ခံ တောင်ပိုင်းတပ်ရင်း ၃ ခု ဖြစ်တဲ့ ၁၀၁၊ ၂၀၁ နဲ့ ၂၀၃ တပ်ရင်းကိုယ်စား ဦးစီးဆောင်ရွက်နိုင်ဖို့ အတွင်းရေးမှုး ၁ ကိုအောင်ထူး ကိုယ်တိုင်ဦးစီးတဲ့ ဗဟိုအလုပ်ဖွဲ့တခု မင်းသမီးဒေသမှာ လာရောက် အခြေစိုက်ထားပါတယ်။ တပ်ရင်းအသီးသီးက ကိုယ်စားလှယ်တွေ ဖြစ်တဲ့ ၁၀၁ မှ ကိုတင်စိုးနောင်၊ ၂၀၁ မှ ကျနော်နဲ့ ကိုကျော်ထင်၊ ၂၀၃ မှ ကိုသောင်းထွန်းတို့အပြင် ဗဟိုကော်မီတီတွေထဲမှာ ကိုဝေလင်းဇင်၊ ကိုဝင်းနိုင်၊ ကိုကျော်မိုး အပါအ၀င် ဗဟိုဆက်သွယ်ရေး၊ ဆေးနဲ့ စည်းရုံးရေးဌာနက အဖွဲ့ဝင်တွေလည်း ဒီအဖွဲ့မှာ ပါဝင်နေတာကို တွေ့ရပါတယ်။ အလယ်ပိုင်း ဒေသအပါဝင် တခြားဒေသတွေမှာလည်း အလားတူ အလုပ်ဖွဲ့ ဗလဖ တွေနဲ့ ဆောင်ရွက်နေတယ်လို့ သိရပါတယ်။
ပူးတွဲပင်လယ်ပြင်အဖွဲ့အတွက် ဗလဖ ကိုယ်စား တာဝန်ပေးခြင်း ခံရသူတွေကတော့ အဖွဲ့ခေါင်းဆောင်အဖြစ် ဗဟိုမှ ကိုဝေလင်းဇင်၊ အဖွဲ့ဝင်တွေအဖြစ် ၂၀၁ မှ ကျနော်နဲ့ ၁၀၁ မှ ကိုသန်းနိုင်တို့ ဖြစ်ပါတယ်။ ကျနော်တို့ ၃ ဦးဟာ မင်းသမီးကနေ ကန်ချနပူရီ၊ ဘန်ကောက်၊ ပရာကျွတ်ကတဆင့် ပင်လယ်ကမ်းခြေမြို့လေးတခုဖြစ်တဲ့ ထပ်စကဲမြို့ဆီ ရောက်လာပါတယ်။ အဲဒီမြို့က မွန်ပြည်သစ်ပါတီ မြိတ်ခရိုင်ရုံးမှာ ခေတ္တတည်းပြီး နောက်တရက်မှာတော့ ထပ်စကဲမြို့နဲ့ မြန်မာနိုင်ငံ မြိတ်ခရိုင်နယ်စပ်ရှိ မွန်ပြည်သစ်ပါတီ မြိတ်ခရိုင်ဌာနချုပ်ရုံးရှိရာ “ဟွေးဖတ်စခန်း” ဆီရောက်လာပါတယ်။ အချိန်ကာလအားဖြင့် ၁၉၉၃ စက်တင်ဘာနှောင်းပိုင်း သို့မဟုတ် အောက်တိုဘာလ အစောပိုင်းလို့ ထင်ပါတယ်။
ထပ်စကဲမြို့အစွန် ထိုင်းရွာတွေကနေ မြေနီလမ်းအတိုင်း တောင်ပေါ်ကိုတက်လာရတဲ့ ကားလမ်းဟာ မိုးရွာထားတဲ့အတွက် ချောနေပြီး ဖိုးဝှီးကားနဲ့တောင် မနည်းကြိုးစား တက်ခဲ့ရပါတယ်။ တောင်ထိပ်ရောက်တဲ့ အခါမှာတော့ KNU မြိတ်-ထားဝယ်ခရိုင် ရုံးနီးပါး သားသားနားနား ဆောက်လုပ်ထားတဲ့ မွန်ပြည်သစ်ပါတီ မြိတ်ခရိုင်ရုံးနဲ့ တခြားအဆောက်ဦတွေကို တွေ့ရပါတယ်။ ခရိုင်ရုံးဘေးက စည်းရုံးရေးမှူးတဦးရဲ့ နေအိမ်မှာ ကျနော်တို့စခန်းချပြီး နောက်တရက်မှာကျင်းပမယ့် ဆွေးနွေးပွဲအတွက် ကြိုတင်ပြင် ဆင်မှုတွေလုပ်ခဲ့ပါတယ်။ မူလအစီစဉ်တိုင်းဆိုရင် ကျနော်တို့ ABSDF ဗဟို ၂ ဖွဲ့ရယ်၊ မွန်ပြည်သစ် ပါတီ-မြိတ်ခရိုင်ရယ်၊ ဗကပ မြိတ်-ခရိုင်ရယ် ပေါင်းပြီး ၄ ဖွဲ့ပါတဲ့ ပင်လယ်ပြင် ပူးတွဲစစ်ကြောင်း လုပ်ဖို့ပါ။ ဒါပေမယ့် ဘာတွေ အဆင်မပြေဖြစ်ခဲ့သလဲတော့ မသိပါ။ ကျနော်တို့ ဟွေးဖတ်ကို ရောက်တဲ့ ရက်မှာပဲ အထွေထွေအတွင်းရေးမှုး ဆလိုင်းကိုကိုဦး အပါအ၀င် ကိုမိုးသီးဇွန်တို့ဗဟိုက ကိုယ်စားလှယ်အဖွဲ့တခုလုံး ဟွေးဖတ်ကနေ ထွက်သွားတာကို ကျနော်မြင်လိုက်ရပါတယ်။ ဒီလိုနဲ့ ပူးတွဲပင်လယ်ပြင် ရန်ပုံငွေရှာဖွေ ရေးအဖွဲ့ဟာ ၃ ဖွဲ့တည်းနဲ့ ဆက်လက် ခရီးနှင်ခဲ့ရပါတယ်။
ဒီအဖွဲမှာပါဝင်သူတွေကတော့ မွန်ပြည်သစ်ပါတီ မြိတ်ခရိုင်မှ ခရိုင်တပ်မှူး ဗိုလ်မှုးဝင်းအောင် (ကွယ်လွန်)၊ ခရိုင်ကော်မီတီ နိုင်ကလင်ထန်နဲ့ နိုင်သိန်းတင်၊ ဗကပ-မြိတ်ခရိုင်မှ ခရိုင်တပ်မှူး ဗိုလ်မှုး စိုးလွင် (ကွယ်လွန်)၊ သူ့သမက်လည်းဖြစ် တပ်မှုးတဦးလည်းဖြစ်တဲ့ ကိုဖေကြည် (ပြန်ဝင်) နဲ့ ကိုအေးထွန်း (ပြန်ဝင်)၊ ကျနော်တို့ ABSDF မှ ကိုဝေလင်းဇင် (အခုထိ ABSDF ဗဟိုမှာ တာဝန်ထမ်းနေဆဲ)၊ ကိုသန်းနိုင် (အခုအမေရိကန်) နဲ့ ကျနော်တို့ ပါဝင်တဲ့ ၉ ဦးကော်မတီဖြစ်ပါတယ်။
ကျနော်မှတ်မိသလောက်ကတော့ မြန်မာ့ပင်လယ်ပြင်အတွင်း ငါးဖမ်းမယ့် ထိုင်းလှေတွေအားလုံး ကျနော်တို့ကော်မတီမှာ အခွန် လာဆောင်ရမှာဖြစ်ပါတယ်။ အဲဒီအခွန်ဆောင်ထားတဲ့ လက်မှတ်ရှိ မရှိကို ပင်လယ်ပြင်ထဲရှိ ကျနော် တို့တပ်တွေက စစ်ဆေးမှာဖြစ်ပြီး မရှိတဲ့လှေကို ဖမ်းဆီးကာ ၃၊ ၄ ဆမက ထပ်မံဒဏ်တပ်မှာ ဖြစ်ပါတယ်။
အခွန်ကောက်ခံတဲ့ နှုန်းထားတွေကတော့ လှေအမျိုးအစား၊ အရွယ်အစား၊ ရေခဲတုံးအရေတွက်ပေါ် မူတည် ကွဲပြားခြားနားပြီး အနည်ဒဆုံး လှေတစီးကို ဘတ် ၅၀၀၀ ကနေ ၃ သောင်းလောက်အထိ ရှိပါတယ်။ ရေခဲတုံး ၁၀၀ ကျော်ပါတဲ့ ၀ါလတ်လှေဆိုရင် ဘယ်လောက်၊ ၀ါတန်းလှေက ဘယ်လို၊ ကင်းမွန်မီးထွန်းလှေက ဘယ်ပုံ စသဖြင့် အတိအကျသတ်မှတ်ထားပါတယ်။
ဒီလိုသတ်မှတ်ပြီးတာနဲ့ ကြေညာချက်ထုတ်ပြီး ရနောင်းက ငါးဖမ်းလှေပိုင်ရှင်တွေ၊ လှေကိုယ်စားလှယ်တွေနဲ့ ပင်လယ်ပြင်ထဲက ကျနော်တို့တပ်တွေ အားလုံးဆီ ညွန်ကြားချက် ထုတ်ပြန်လိုက်ပါတယ်။ ဒီလို ထုတ်ပြန်ပြီး ရက်ပိုင်းအတွင်းမှာပဲ ရနောင်းရှိ ထိုင်းငါးဖမ်းလှေကိုယ်စားလှယ်တွေ ထပ်စကဲမြို့ဆီ ရောက်လာပြီး ကျနော်တို့ ပူးတွဲကော်မတီ ယာယီရုံးထိုင်တဲ့ မွန်ပြည်သစ်ပါတီ ထပ်စကဲရုံးဆီ အခွန်လာဆောင်ကြပါတယ်။
ထိုင်းလှေပိုင်ရှင်တွေ။ လှေကိုယ်စားလှယ်တွေ ဆိုပေမယ့် ဒီလူတွေအားလုံးဟာ မြန်မာစကား ကောင်းကောင်းပြောတတ်ပြီး ရနောင်းမှာ အနေကြာလို့ ထိုင်းနိုင်ငံသားဖြစ်သွားတဲ့ တနင်္သာရီတိုင်းသားတွေသာ ဖြစ်ပါတယ်။
သူတို့စကားပြောတဲ့လေသံဟာ မြိတ်လေသံပေါက်နေပြီး ထားဝယ်လေသံပေါက်တဲ့ကျနော့်ကို အတော်လေး ပွင့်ပွင့်လင်းလင်း ပြောကြပါတယ်။ သူတို့အဓိကပြောတဲ့အထဲမှာ အခွန်နှုန်းထား လျှော့ပေးဖို့၊ လှေတစီးမက ပိုင်ဆိုင်သူတွေကို အထူးနှုန်းနဲ့လျှော့ပေးဖို့၊ ပိုင်ရှင်တဦးတည်းဆိုရင် လက်မှတ်တစောင်တည်းနဲ့ လှေ ၃၊ ၄ စီး သုံးခွင့်ပေးဖို့ စသဖြင့်ပါဝင်ပါတယ်။ ဒီလို ငွေကြေးကိစ္စအပြင် ထူးထူးခြားခြား ကျနော်မှတ်မိနေတဲ့ ကိစ္စတခုကတော့ တော်လှန်ရေးတပ်တွေရဲ့ ညီညွတ်မှုကို ဝေဖန်မှု ဒါမှမဟုတ် သူတို့အခွန်ပေးရ သက်သာအောင် အကြံပေးတာလို့လည်း ပြောနိုင်တဲ့ ဝေဖန်မှုတခု ဖြစ်ပါတယ်။
“ခင်ဗျားတို့ ပူးတွဲအဖွဲ့မှာ တော်လှန်ရေးတပ်တွေ အားလုံးပါရင် ပိုကောင်းတာပေါ့။ အခုဟာက ဘယ်ဘယ်နှမျိုးကြီးလဲ” လို့ အဲဒီပုဂ္ဂိုလ်တွေက တီးတိုးပြောပါတယ်။ ဆိုလိုတာကတော့ ကျနော်တို့ ပူးတွဲအဖွဲ့မှာ တော်လှန်ရေးတပ်တွေ အားလုံးပါမယ်ဆိုရင် ကျနော်တို့ရုံးမှာ အခွန်လာဆောင်လိုက်တာနဲ့ ပင်လယ်ပြင်ထဲမှာ အားလုံး အိုကေ သွားမယ်ဆိုတဲ့ သဘောပါ။ ဒါပေမယ့် အခုက အားလုံးတစုတည်း မလုပ်နိုင်သေးတဲ့အတွက် ကျနော်တို့ဆီမှာ အခွန်ဆောင်လိုက်ရုံနဲ့ ကိစ္စကမပြီး။ ကိုမိုးသီးဇွန်တို့တပ်တွေ၊ KNU တပ်တွေ၊ ရခိုင်တပ်တွေ၊ တခြားတပ်တွေနဲ့တွေ့ရင် တွေ့တဲ့အဖွဲ့တိုင်းကို သူတို့အခွန်ထပ်ဆောင်ကြရဦးမှာပါ။ အဲဒီကာလကတော့ ကိုယ်က အခွန်ကောက်တဲ့အရာရှိဘ၀ဆိုတော့ သူတို့ဘက်က တင်ပြချက်ကို သိပ်အလေးမထားခဲ့ပါဘူး။ ဒါပေမယ့် အခုချိန် ပြန်စဉ်းစားကြည့်တဲ့အခါမှာတော့ ဦးတည်ချက် တူပါတယ်ဆိုတဲ့ တော်လှန်ရေးတပ်တွေ တဖွဲ့တည်းပေါင်းပြီး မလုပ်နိုင်တာ ဘာကြောင့်လဲ။ သဘောတရားထက် အကျိုးစီးပွားကို ပိုဦးစားပေးခဲ့မိလို့လား။ “တူတာတွဲလုပ်။ မတူတာခွဲလုပ်” ဆိုတဲ့ တပ်ပေါင်းစုမူတောင် အဓိပ္ပာယ်တမျိုး ထွက်ခဲ့လေသလားလို့ စဉ်းစားနေမိပါတယ်။
လှေသူဌေး “ထောင်ကဲ” တွေဘက်ကို ပြန်လှည့်ရမယ်ဆိုရင်တော့ မည်သို့ပင်ဆိုစေကာမူ လောလောဆယ် ပင်လယ်ပြင်မှာ ငါးဖမ်းနိုင်ဖို့၊ အမြတ်အစွန်းများစွာရမယ့် ငါးဖမ်းလုပ်ငန်းစီမံကိန်းကို မစွန့်လွှတ် နိုင်သေးတော့ ကျနော်တို့ဆီမှာ အခွန်ဆောင်ရတဲ့အလုပ်ကို သူတို့ပျက်ကွက်လို့မဖြစ်။ ဒီလိုနဲ့ ကားတစီးပြီးတစီး အဆက်မပြတ် ကျနော်တို့ရုံးမှာ အခွန်လာဆောင်နေကြပါတယ်။ နောက်ပိုင်းမှာတော့ ငွေသားတွေကို သိန်းနဲ့ချီပြီး ရနောင်းကနေ ထပ်စကဲအထိ သယ်လာရတာ လုံခြုံရေး စိတ်မချလို့ဆိုပြီး ငွေကို ဘဏ်နဲ့အရင်လွှဲပြီးမှ ကျနော်တို့ရုံးမှာ လက်မှတ်လာယူကြတာကို တွေ့ရပါတယ်။
သူတို့ဘက်က ငွေသယ်ရတဲ့အပေါ် လုံခြုံရေိးတ်မချသလို ကျနော်တို့ဘက်ကလည်း ထိုင်းနယ်မြေထဲမှာနေပြီး ထိုင်းတွေကို အခွန်ကောက်နေတဲ့အပေါ် စိတ်မချဖြစ်လာတဲ့အတွက် ထပ်စကဲကနေ မွန်ပြည်သစ်ပါတီ-မြိတ်ခရိုင် စီးပွားရေးဌာနရှိရာ “ချုံချီစခန်း” ဆီ ရုံးခန်းပြောင်းလိုက်ပါတယ်။ ချုံချီစခန်းဟာ ဟွေးဖတ်စခန်းရဲ့ အောက်ဖက် ကီလိုမီတာ ၆၀၊ ၇၀ ခန့်အကွာမှာ ရှိတယ်လို့ခန့်မှန်းရပြီး ထပ်စကဲနဲ့ ဘန်းစဖန်မြို့ ၂ ခုကြား အဝေးပြေးကားလမ်းနဲ့ မိနစ် ၃၀ ခန့် ကားမောင်းလိုက်ရုံနဲ့ရောက်နိုင်တဲ့ ဆက်သွယ်ရေး အလွယ်ကူဆုံးနေရာဖြစ်ပါတယ်။ ကားမရှိတဲ့ ကျနော်တို့လည်း အငှားဆိုင်ကယ်စီးနိုင်ပြီး ဘန်ကောက်-ဖူးခက် အဝေးပြေးကားလမ်းဘေးကနေ ချုံချီစခန်းအထိ ဆိုင်ကယ်တခေါက်မှ ဘတ် ၅၀ ပဲပေးရပါတယ်။
ချုံချီစခန်း တောင်ထိပ်တည့်တည့် ထိုင်းဖက်ကမ်းမှာ ထိုင်း တောချတော (နယ်ခြားစောင့်တပ်) ဂိတ်တခုရှိပါတယ်။ အဲဒီဂိတ်ကိုကျော်ပြီး ၅ မိနစ်လောက် လမ်းလျှောက်လိုက်တာနဲ့ မွန်ပြည်သစ်ပါတီ စီးပွားရေးဌာနရဲ့ ပရိဘောဂ ထုတ်လုပ်ရေးရုံးခန်းကို ရောက်ပါတယ်။ အဲဒီမှာ အဓိကထုတ်လုပ်နေတဲ့ ပစ္စည်းတွေကတော့ တောပိတောက်သားတွေနဲ့ (တချို့ကတော့ မဟော်ဂနီလို့ခေါ်ပါတယ်) လုပ်ထားတဲ့ ကုလားထိုင်မျိုစုံနဲ့ စားပွဲတွေဖြစ်ပါတယ်။ ဒီရုံးဟာလည်း ရှေ့မှာတင်ပြခဲ့တဲ့ ထီးခီးက ကေအန်ယူခရိုင်ရုံးနီးပါး ကျယ်ဝန်ပြီး သစ်မာတွေနဲ့ အခိုင်အမာဆောက်ထားတာ ဖြစ်ပါတယ်။
ဒီရုံးမှာ ကျနော်တို့အုပ်စု တပတ်လောက်တည်းပြီးတဲ့ အခါမှာတော့ ကျနော်တို့ ပင်လယ်ပြင်စစ်ကြောင်းအတွက် သီးခြား ရုံးခန်းတခုကို ဒီရုံးနဲ့ ၁၀ မိနစ်လောက် လမ်းလျှောက်ရတဲ့ မွန်ပြည်သစ်ပါတီ ချုံချီဒေသ တပ်ခွဲရုံးရှိရာ အခြား တောင်ထိပ်လေးတခုမှာ ဆောက်ခွင့်ရခဲ့ပါတယ်။ အဲဒီကာလ ချုံချီဒေသတပ်ခွဲမှူးကတော့ ဗိုလ်ဉာဏ်ထွန်းဖြစ်ပြီး နောက်ပိုင်းမှာတော့ ဗိုလ်အောင်မိန် တာဝန်ယူတယ်လို့ ကျနော် အမှတ်ရနေပါတယ်။ တပ်ခွဲရုံးနဲ့ မျက်နှာချင်းဆိုင်ရှိ ကျနော်တို့ရုံးဟာ ထိုင်းစီးပွားရေးသမားတွေနဲ့ ဆက်ဆံရမှာမို့ စားပွဲ၊ ကုလား ထိုင်တွေနဲ့ အသေချာပြင်ထားတဲ့အပြင် စားဖိုဆောင်တခု၊ မီးစက်တလုံးပါ ပါဝင်တဲ့အတွက် တော်လှန်ရေးကာလ တောတွင်းရုံးခန်းတွေထဲမှာတော့ အသားနားဆုံးထဲ တခုပါဝင်တယ်လို့ ပြောနိုင်မယ် ထင်ပါတယ်။
ကားနဲ့ဆင် ဗွက်ပြင်မှာတွေ့တဲ့နေရာ
ဗကပ မြိတ်ခရိုင်တပ်မှုး ဗိုလ်မှုးစိုးလွင်
အဲဒီနေရာမှာ ဆန်အိတ်တွေကို ထိုင်းကားပေါ်ကနေချ၊ အင်ဂျင်ပျက်နေတဲ့ ဒေါ့ဂျစ်ကားအဟောင်းပေါ်တင်၊ ပြီးမှ သူတို့ တပ်ရင်းပိုင် ဆင်ကြီးတကောင်နဲ့ အဲဒီဒေါ့ဂျစ်ကားပျက်ကို ကြိုးနဲ့ဆွဲ။ ရဲဘော်တချို့က ကားပေါ်ထိုင်ပြီး အော်ဟစ်ဆူညံစွာနဲ့ လိုက်ပါသွားကြပါတယ်။ သူတို့ရဲ့ ထူးဆန်းတဲ့ ဆင်ဆွဲဆန်ကားကြီးဟာ စီးပွားရေးဌာနကနေ ကျနော်တို့ရဲ့ ပင်လယ်ပြင်ရုံးကိုဖြတ်၊ အဲဒီကနေ ကုန်းဆင်းတခုကို ခဲရာခဲဆစ်ဆင်းပြီးတဲ့ အခါမှာတော့ မွန်ပြည်သစ်ပါတီ ထိန်းချုပ်မှုအောက်ရှိ အိမ်ခြေ ၁၀၀ ၀န်းကျင် မွန်ဒုက္ခသည်ရွာလေး တရွာကို ရောက်ပါတယ်။
အဲဒီရွာက မွန်ဘုန်းကြီးကျောင်းမှာ သတင်းတပတ်ကြာ ထိုင်းစာသင်ဖူးခဲ့ပေမယ့် ရွာအမည်ကို ကျနော်မမှတ်မိတော့ပါ။ ဒီရွာကအိမ်တွေဟာ ထီးထာကအိမ်တွေလို ကျွန်းသစ်တွေနဲ့ အခိုင်အမာ ဆောက်ထားတာမျိုး မဟုတ်ပေမယ့် သစ်တို ၀ါးစတွေနဲ့ အတော်လေး သေသေသပ်သပ် ဆောက်ထားတာ ဖြစ်ပြီး သားနားတဲ့ ဘုန်းကြီးကျောင်းကြီးတခုနဲ့ စာသင်ကျောင်းတခုကိုလည်း တွေ့ရပါတယ်။ အဲဒီရွာကနေ တောတန်းလေးကိုကျော်ပြီး သစ်မှောင်ခိုကားလမ်းအတိုင်း မိနစ် ၂၀ ခန့် ဆက်လျှောက်သွားမယ်ဆိုရင် စမ်းချောင်းငယ်တခုကို တွေ့ရမှာဖြစ်ပါတယ်။
အဲဒီစမ်းချောင်းဘေးက တောင်ကုန်းလေးပေါ်မှာတော့ ဗိုလ်မှူး စိုးလွင် စခန်းထိုင်တဲ့ ဗကပ မြိတ်ခရိုင်တပ်ရင်း ဌာနချုပ်စခန်းကို တွေ့ရပါတယ်။ ဗကပစခန်းကတော့ ကရင်နဲ့ မွန်ခရိုင်စခန်းတွေလို အခိုင်အမာ ဆောက်ထားတာမျိုး မဟုတ်ပါ။ ယာယီတဲအိမ် ၂၀၊ ၃၀ ခန့်ကိုသာ တွေ့ရပြီး ဒီစခန်းဆီ သူတို့အဖွဲ့ရောက်လာတာကလည်း သိပ်ကြာပုံမရ သေးပါဘူး။ ဒီစခန်းကနေ ရှေ့တန်းစစ်ဆင်ရေး ကိစ္စတွေကိုဆောင်ရွက်နေပြီး နောက်ထပ် မြိတ်ခရိုင် စခန်းခွဲတခုလည်း တောထဲမှာ သီးခြားရှိသေးတယ်လို့ ဗိုလ်မှူးစိုးလွင်နဲ့ ကိုဖေကြည်တို့က ပြောပါတယ်။ မြိတ်ခရိုင်ဆိုပေမယ့်လည်း ကိုဖေကြည်နဲ့ ကိုအေးထွန်း အပါဝင် ရဲဘော်အများစုဟာ ထားဝယ်သားတွေ ဖြစ်တဲ့အတွက် ကျနော်နဲ့ စကားပြောဖော်ရလို့ မကြာခဏ သူတို့စခန်းဆီ သွားလည်ဖြစ်ပါတယ်။
No comments:
Post a Comment