သူတို့ခေါ်တော့ဒုက္ခသည်၊ကိုယ့်ကိုယ်ကိုတော့တော်လှန်ရေးသမား။ အပိုင်း(၈)

သူတို့ခေါ်တော့ဒုက္ခသည်၊ကိုယ့်ကိုယ်ကိုတော့တော်လှန်ရေးသမား။

by Ko Nyo on Wednesday, January 23, 2013 at 5:16pm ·

“ကျနော်ဟာခင်ဗျားတို့လိုတက္ကသိုလ်ပညာလည်းမသင်ဘူးဖူး၊ဆင်းရဲတယ်။
လေးတန်းအထိဘဲကျောင်းတက်ဖူးတယ်၊သူများအိမ်ကကျွဲနွား၊ဆိတ်တွေကျောင်းပြီး အိမ်အတွက်ဝင်ငွေရှာခဲ့ရတယ်။ငယ်ငယ်ကထဲကသူများလို၊အ၀တ်အစားကောင်းကောင်းမ၀တ်ခဲ့
ရဖူး. ဟင်းကောင်းကောင်းမစားရဖူး..အမိုးလုံတဲ့အိမ်နဲ့မနေဘူးဖူး”
ကျနော်တို့အားလုံး..ခွတ်ဒေါင်းအလံကြီးနောက်ခံထားပြီး၊ခံစားချက်အပြည့်နဲ့ပြောနေတဲ့
ဗလတောင့်တောင့်၊တုတ်တုတ်ခိုင်ခိုင်၊အရပ်ပြတ်ပြတ်နဲ့ဇော်မြင့်ရဲ့မျက်နှာကိုငေးကြည့်နေတယ်။
ခမ်းမအလည်မျက်နှာကျက်ကနေ၊ချိတ်နဲ့ဆွဲထားတဲ့လသာမှန်အိမ်ကြီးရဲ့အလင်းရောင်
အောက်မှာ၊ဇော်မြင့်မျက်ရည်ဝေနေတာကိုမြင်ရတယ်။
“ကျနော်တမူးနယ်စပ်မှာ၊ကုန်ထမ်းပြီးထမင်းရှာစားနေတာ၊တက္ကသိုလ်ကျောင်းသားတွေဆန္ဒပြလို့
စစ်တပ်ကသေနပ်နဲ့ပစ်သတ်တယ်ကြားတော့၊ကျနော်အံ့သြတယ်၊ဒီနယ်စပ်မှာစစ်သားတွေနဲ့
ဓားပြတွေ၊ကသဲသူပုန်တွေပဲတိုက်ပွဲဖြစ်တာကြားဖူးတာ၊တက္ကသိုလ်မှာတိုက်ပွဲဖြစ်တာအံ့သြတယ်”
အားလုံးပြုံးစိစိဖြစ်သွားတယ်။
“ကျောင်းသားတွေ..စစ်သင်တန်းတက်မယ်ကြားလို့မိုးရေးဘက်ကို
လာကြည့်တော့၊အသက်ငယ်ငယ်လေးတွေဖြစ်နေတယ်။သူတို့ကိုကြည့်ပြီးကျနော်သနားတယ်။
ကျနော်လည်းတခုခုလုပ်ချင်နေတယ်”ဗလုံးဗထွေးလေသံနဲ့ဇော်မြင့်ရဲ့စိတ်အားထက်ထက်သန်သန်
ပြောနေတာကိုအားလုံးကသဘောကျနေတယ်။
“ကျနော့်အထမ်းသမားဘ၀ကိုကျနော်မကြေနပ်ဖူး။
ဒါကြောင့်ခင်ဗျားတို့နဲ့အတူ၊ထမင်းပဲချက်ရချက်ရ၊ရေပဲခတ်ရခတ်ရ၊ထင်းပဲခွဲရခွဲရဆိုပြီးလိုက်ခဲ့တာပါ။
ကျနော့်ကိုခိုင်းချင်တာခိုင်းပါ။တော်လှန်ရေးအတွက်ဘာလုပ်ရလုပ်ရ
နောက်ကနေလိုက်လုပ်ပါ့မယ်၊ ကျနော်အထမ်းသမားပါ။ကျန်းမာရေးကောင်းပါတယ်”
ပြောပြီးပြီးချင်း ဦးညွှတ်အလေးပြုလိုက်တဲ့ဇော်မြင့်ရဲ့ ဟောပြောမှုအဆုံးမှာ
တခြားနေ့တွေထက် လက်ခုတ်သံကသိသိသာသာကြီးကျယ်လောင်နေတာကို သတိထားမိတယ်။
ဒါကညဦးပိုင်းမအိပ်ခင်
ရဲဘော်အားလုံး၊အလှည့်ကျမိမိအတွေ့အကြုံနဲ့အတွေးအမြင်တွေပြောရတဲ့အချိန်၊
မပြောမနေရမို့မရဲတရဲထွက်ပြောလိုက်ရတဲ့ဇော်မြင့်ရဲ့အရိုးသားဆုံးရင်ဖွင့်သံပါ။
ကျနော်တို့ဒုက္ခသည်စခန်းမှာလူအတန်းအစားအစုံပါသလို စရိုက်အမျိုးမျိုး၊အလုပ်အမျိုးမျိုးနဲ့ပါ။
ကျောင်းဆရာ၊ဆရာဝန်၊စာရေးဆရာ၊ကဗျာဆရာ၊အင်ဂျင်နီယာ၊ရုံးဝန်ထမ်း၊လက်နှိပ်စက်သမား၊
စစ်ထွက်၊ဈေးသည်၊ပန်းချီဆရာ၊ပန်းရံဆရာ…အစုံအစုံ။
အစောပိုင်းကာလ၊တက်တက်ကြွကြွနဲ့ဆိုတော့၊ ကျနော်တို့နေ့စဉ်အလုပ်တွေကလည်း..အချိန်ပြည့်။မနက်အိပ်ရာထမျက်နှာသစ်ပြီးရင်၊
တန်းစီပြီးခွတ်ဒေါင်းအလံနဲ့နိုင်ငံတော်ကိုအလေးပြုတယ်။ ကျောင်းသားသမဂ္ဂသီချင်း
၊ကျောင်းသားတပ်ဦးသီချင်းတွေဆိုတယ်။
နောက်..ဦးစီးအဖွဲ့ကဆရာထူးဖြစ်စေ၊ဒေါက်တာအောင်ကျော်ဦးဖြစ်စေလိုအပ်
ရင်လိုအပ်သလိုစကားပြောတယ်။တပ်စုခေါင်းဆောင်တွေကလည်း
စည်းကမ်းတချို့ပြောတတ်တယ်အဲဒီနောက်မှာ
ကသဲအရာရှိနဲ့စစ်သားတချို့လူလာစစ်တယ်၊သတင်းဖြစ်ဖြစ်၊ထူးခြားမှုဖြစ်ဖြစ်
စည်းကမ်းချက် တခုခုဖြစ်ဖြစ်၊ပြောစရာရှိရင်ပြောတယ်။ပြီးတော့မှ
“ကျငမ်း”လေးသောက်ပြီးရင်၊
သင်တန်းဆရာညီညီလွင်ရဲ့ကျန်းမာရေးလေ့ကျင့်ခန်းလုပ်တယ်။
ဘယ်ညာ၊ဘယ်ညာလျှောက်၊ တောင်ကုန်းအထက်နဲ့အောက်ပြေး၊ကိုယ်ကာယလေ့ကျင့်ပေါ့။
ပြီးရင်သာလွန်ဂျု(စ်)သောက်။
ပြီးရင်ဘုန်းကြီးဦးအာလောကရဲ့၊ကိုယ်ခံပညာမြန်မာ့သိုင်းသင်တန်းမှာ ၀ါးရင်းတုတ်အတို၊အရှည်တွေနဲ့..ယီး.ယား၊ဖြောင်း..ဖြောင်း၊အသံတွေလာမယ်။
ဦးအာလောသင်တန်းပြီးရင်ဆရာထူးက၊
နိုင်ငံရေးသင်တန်းနဲ့သမိုင်းကိုပို့ချတယ်။ပြီးရင်စခန်းပတ်ဝန်းကျင်သန့်ရှင်းရေး လုပ်။နေ့လည်စာထမင်းစား။
ခနတဖြုတ်နားပြီး၊
နေ့လည်တနာရီကျတော့၊ဒေါက်တာအောင်ကျော်ဦးရဲ့ရှေးဦးသူနာပြုသင်တန်း၊
ကိုဘရန်ရဲ့အင်္ဂလိပ်စာသင်တန်းတွေကရှိပြန်သေးတယ်။
ပန်းချီဆရာစစ်ငြိမ်းအေးရဲ့ပန်းချီသင်တန်းကလည်းလူအင်မတန်စီပါ့။
ကျနော်လည်းအစပိုင်းတော့သွားတက်လိုက်သေးတယ်။
တရက်လာလည်းမျဉ်းကြောင်းပဲဆွဲခိုင်း၊နောက်တရက်လည်းမျဉ်းကြောင်းပဲဆွဲ၊
နောက်တပတ်လည်းမျဉ်းကြောင်းဆွဲနည်းကမတက်တော့၊
စိတ်လေပြီးပန်းချီသင်တန်းမတက်တော့ဖူး။
ဇွဲကောင်းတဲ့သင်တန်းသား၊လေးယောက်၊ငါးယောက်လောက်တော့၊
မျဉ်းတွေဆွဲပြီးကျန်ခဲ့တယ်။
အဲဒီထဲမှာပန်းချီထိန်လင်းပါတာပေါ့။အဲဒီဇွဲကပဲသူ့ကိုပန်းချီဆရာဘ၀ကိုပြောင်းပေးလိုက်တာ။
နောက်ထပ်ဇွဲကောင်းတဲ့ဇော်ကြီးဆိုတာရှိသေးတယ်။နောက်ပိုင်း၊
နယူးဒေလီကဆန္ဒပြပွဲတွေ၊အခမ်းအနားတွေဆိုသူ့လက်ရာတွေပေါ့။
ဗိုလ်ချုပ်အောင်ဆန်း၊ဗိုလ်ချုပ်သန်းရွှေု၊ထောက်လှမ်းရေး
ခင်ညွန့်ုပုံတွေအလွတ်ရတယ်။ဇော်ကြီးအရင်ဆုံးအလွတ်ဆွဲတတ်တဲ့ပုံက
“ကယ်တင်ရှင်ခရစ်တော်ယေရှု”ပုံဖြစ်တယ်။လက်ဝါးကားတိုင်နဲ့ပုံ၊
ရှေ့တည့်တည့်မျက်နှာ၊ဘေးတိုက်မျက်နှာနဲ့ယေရှုပုံအမျိုးမျိုးဆွဲပြီး၊
မဏိပူရပြည်သားခရစ်ယာန်ဘာသာဝင်အသိတွေကိုလက်ဆောင်ပေးတယ်။
ဟိုကလည်းသူ့ကိုလဘက်ရည်ဘိုးလေးဘာလေးပေးတယ်။
တခါကျတော…့ခတ်နောက်နောက်..နာဂစစ်သားတယောက်က၊
ဇော်ကြီးဆွဲတဲ့ယေရှုပုံအောက်မှာ “ယေရှုခရစ်တော်၏ပုံ”လို့စာရေးခိုင်းတယ်။
ပန်းချီဇော်ကြီးကလည်း
အူကြောင်ကြောင်နဲ့ရေးပေး
လိုက်တယ်။ပြီးတော့မှနာဂစစ်သားကဇော်ကြီးကို
“အင်းအခုမှ.ယေရှုပုံမှန်း၊လူတွေသိကြမှာ”လို့ပြောလိုက်တယ်။
ဇော်ကြီးပုံတူဆွဲရင်အဲလို။ပုံအောက်ကနေဘယ်သူဘယ်ဝါဆိုတာ
နာမည်ရေးပေးရတယ်။
ကျနော်တို့ပြောက်ကျားရဲဘော်တွေရဲ့သင်တန်းတွေကအဲဒါတင်ဘယ်ကမလဲ..
နောက်ပိုင်း..လူပညာရှိ်၊ရဟန်းပညာရှိတွေရောက်လာတော့..
သင်တန်းချိန်တွေတိုးလာတော့တာပဲ။
ဘုန်းကြီးဦးရေ၀တရဲ့လက္ခဏာ၊ဗေဒင်သင်တန်း၊ရဲမြင့်စိုးရဲ့မြန်မာ့လက်ဝှေ့၊ကရာတေးသင်တန်း၊
အောင်သန့်မင်းရဲ့တိုက်ကွမ်ဒိုသင်တန်း၊ဇော်ဝင်းဆက်ရဲ့..မျက်လှည့်သင်တန်းတွေပါတိုးလာတယ်။
လက္ခဏာဆိုလို့ပြောရအုံးမယ်။ဦးဇင်းဦးရေ၀ရဆီ၊နေ့လည်နေခင်းအားတာနဲ့
လူတိုင်းလူတိုင်းမယောင်မလည်နဲ့လက္ခဏာသွားမေးလေ့ရှိတယ်။
အဲဒီထဲမှာဗေဒင်လက္ခဏာမယုံဖူးဆိုတဲ့
လူတွေတောင်ပါလိုက်သေး။စခန်းကလူတော်တော်များများရဲ့လက္ခ္ခဏာတွေဦးဇင်းကြည့်ဖူးတယ်။
တခါတော့ဦးဇင်းကစိတ်ပျက်လက်ပျက်နဲ့ကျနော့ကိုပြောတယ်။
“ကျုပ်တို့အဖွဲ့တော့လက်နက်ကိုင်ရမယ်မထင်ဘူးဗျ”..“ဘာဖြစ်လို့လဲဦးဇင်း”
ဦးဇင်းကစိတ်ပျက်လက်ပျက်လေသံနဲ့ဆက်ပြောတယ်။
“ကျုပ်ကြည့်ခဲ့တဲ့လက္ခဏာတွေထဲမှာ၊အားလုံးကဥပစ္စေယကံနဲ့လွတ်နေတယ်”.
.ဥပစ္စေယကံဆိုတာသူတပါးလုပ်ကြံမှုနဲ့အနိစ္စရောက်နိုင်တဲ့ကံကိုဆိုလိုတာပါ။
ဒီတော့ဒီအရပ်မှာလက်နက်ကိုင်
တော်လှန်ရေးမဖြစ်တော့ဖူးဆိုတဲ့သဘော၊အားလုံးကမျော်လင့်ထားသလို၊ရန်သူနဲ့ရင်ဆိုင်
တိုက်ပွဲဝင်ရမဲ့အခြေအနေမျိုးမရှိဖူးလို့ဆိုလိုတာပါပဲ။
       ကျနော်တို့နေတဲ့စခန်းရဲ့(ဆေးရုံအဆောက်အဦး)အောက်မှာ
ဘော်လုံးကွင်းအကျယ်ကြီးရှိတယ်။ဘော်လုံးကွင်းက၊တောင်ကုန်းကျယ်ကြီးတခုကို
မြေညီညှိထားပုံရတယ်။ဘော်လုံးကွင်းအောက်မှာ မဏိပူရအမှတ်(၈)ရိုင်ဖယ်တပ်စခန်း၊ကင်န်တင်း၊လူပျိုရိပ်သာ။တပ်စခန်းရဲ့ညာဘက်ခြမ်းမှာ အလုပ်သမားအိမ်ထောင်သည်တန်းလျား၊ဘယ်ဘက်ခြမ်းတောင်ကုန်းမြင့်လေးမှာလည်း
သွပ်မိုးပျဉ်ကာနဲ့စစ်သားတန်းလျားတွေရှိတယ်။ချန်ဒယ်သွားတဲ့ကားလမ်းဘေးကနေ၊
အမှတ်(၈)ရိုင်ဖယ်တပ်ရင်း၊တောင်ကြောလမ်းလေးအတိုင်းတက်သွားရင်၊တောင်ကုန်းထိတ်မှာ ကျနော်တို့စခန်း၊စခန်းအနောက်ဖက်မှာခြေသလုံးလောက်၊ပေါင်ရင်းလောက်တုတ်တဲ့
စကပ်ပင်တွေတောထနေတာကိုနေ့စဉ်ခုတ်ထွင်မြေညှိလိုက်တော့
ကျနော်တို့အတွက်သံဆူးကြိုးခတ်ထားတဲ့ဝန်းအပြင်မှာ၊ကစားကွင်းတခုဖြစ်လာတယ်။
အဲဒီကစားကွင်းအရှေ့ဘက်မှာအရာရှိရိပ်သာ
တိုက်ပုလေးတွေ၃လုံးလောက်ရှိတယ်။
ကျနော်တို့စခန်းညာဘက်တောင်ကုန်းဆင်ခြေလျော အဆင်းမှာတော့တပ်ရင်းမှုးရဲ့အိမ်။
၀၀တောင့်တောင့်မီဇိုချင်းလူမျိုး။ပါးရွဲ့ရွဲ့နဲ့။ကျနော်တို့ထဲက
လုရှိုင်းလူမျိုးမစန်းပွီးနဲ့စကားတူ၊လူမျိူးတူတယ်။မကြာခနမစန်းပွီးကအရာရှိမှာတာတွေကို
ဘာသာပြန်ပေးတတ်တယ်။
တနေ့တပ်ရင်းမှုးနဲ့အတူအိန္ဒိယထောက်လှမ်းရေး(သုသေသနနဲ့မှတ်တမ်းဌာန)က
လူတချို့ရောက်လာတယ်။သူတို့နဲ့ဦးစီးအဖွဲ့(ဆရာထူး၊ကောလ်ထန်မောရိယယ်လ်၊
ဒေါက်တာအောင်ကျော်ဦး၊ကိုစစ်ငြိမ်းအေးတို့အပြင်၊ကိုဘရမ်၊
ကိုကျော်ကျော်ထွဋ်တို့ရုံးခမ်းထဲသီးခြားဆွေးနွေးတယ်။
မကြာခင်ကိုဘရမ်နဲ့၊ကိုကျော်ကျော်ထွဋ်တို့ထောက်လှမ်းရေးအဖွဲ့နဲ့ပါသွားတယ်။
ကျနော်တို့အားလုံးကတော့
သူတို့နှစ်ယောက်ကသူများထက်စာရင်အင်္ဂလိပ်လိုပိုပြီးရေးတတ်ပြောတတ်လို့
အဖွဲ့ကိုယ်စားတခုခု
သွားဆွေးနွေးတယ်ထင်တာပေါ့။ဦးစီးအဖွဲ့ကလည်းရေရေရာရာမပြောပြဖူး။
ထောက်လှမ်းရေးနဲ့ပူးတွဲလုပ်စရာရှိလို့ခေါ်သွားတယ်ပဲပြောတယ်။
သူတို့သွားတာသီတင်းပတ်တော်တော်ကြတယ်။နောက်မှာပြန်သိရတာက
သူတို့က(့Liemakhun)လိုင်မခွန်းလို့ခေါ်တဲ့ အိန္ဒိယစစ်တပ်အရှေ့မြောက်ပြည်နယ်နဲ့
မြန်မာပြည်ဆိုင်ရာ၊နယ်စပ်ရေးရာစစ်တပ်သုသေသနမှတ်တမ်းအဖွဲ့၊အခြေစိုက်တဲ့ဌာန
(RAW)ကို ခေါ်သွားပြီးမြန်မာပြည်နဲ့ပတ်သက်တဲ့၊စာရွက်စာတမ်းတွေ၊လမ်းတံတားမြေပုံတွေကို၊
ဘာသာပြန်ခိုင်းတာဖြစ်တယ်။
အဲဒီထဲမှာမြန်မာစစ်အစိုးရထုတ်သတင်းစာ၊ ထုတ်ပြန်ကြေငြာချက်တွေနဲ့ အတိုက်အခံအဖွဲ့အစည်းတွေရဲ့ထုတ်ပြန်ချက်တွေ၊စာရွက်စာတမ်းတွေလည်းပါတယ်။ တကယ်တမ်းဆို၊အဲဒီလိုဌာနတွေမှာမြန်မာစာ၊မြန်မာစကားကျွမ်းကျင်သူတွေခန့်
ထားပြီးသား။ကျနော်တို့တို့စခန်းကလူတွေကိုခေါ်ပြီးသက်သက်အမြတ်ထုတ်တယ်ဆိုတာ ကျနော်တို့နောက်ပိုင်းမှသဘောပေါက်သွားတယ်။ကျနော်တို့ကလည်း စစ်ထောက်လှမ်းရေးဆိုရင်၊
အကောင်အကြီးကြီးထင်နေတာ။ဗမာပြည်မှာက စစ်ထောက်လှမ်းရေးဆိုရင်၊အဲဒီကာလတွေက
စစ်တပ်အရာကြီးတွေထက်တန်ခိုးထွားတာကိုး။ချယ်လှယ်နိုင်တာကိုး။ ဒီမိုကရေစီနိုင်ငံတွေမှာကသူ့ကဏ္ဍနဲ့သူတသီးတခြားပဲ။သာမန်ပြည်သူတယောက်ကတောင် ဗိုလ်မှုးပဲဖြစ်ဖြစ်၊ဗိုလ်ချုပ်ပဲဖြစ်ဖြစ်ကြောက်စရာမလိုဖူး။ကိုယ့်အလုပ်ကိုယ်လုပ်ကြတာ။ ကြုံတုံးပြောအုံးမယ်။
တခါတုံးက… နယူးဒေလီသွားတဲ့ရထားပေါ်မှာ အိန္ဒိယစစ်တပ်ဗိုလ်မှုးတယောက်၊ယူနီဖောင်းအပြည့်နဲ့ပါလာတယ်။
အဲဒီအချိန်၊အအေးရောင်းတဲ့အသက်၁၀နှစ်အရွယ်၊ကုလားလေးတယောက်က “ကိုကာကိုလာရမယ်၊ပက်ပ်စီရမယ်”ဆိုပြီးသူ့အအေးပုလင်းတွေကို သံနဲ့လုပ်ထားတဲ့အဖုံးဖွင့်တဲ့အရာနဲ့တချွင်ချွင်ခေါက်ပြီးရောင်းတယ်။ ကုလားလေးအသံကစူးစူး၊ပုလင်းခေါက်သံကတညံညံဆိုတော့ဘယ်သူမှမခံသာဖူး၊ အတော့ကိုနားငြီးတာ။အနားကယူနီဖောင်းဝတ်ကြီးကအိပ်ရေးပျက်ပြီးပင်ပမ်းလာဟန်တူတယ်။
နည်းနည်းကြာတော့စိတ်မရှည်တော့ဖူး။ခတ်မာမာအသံနဲ့ဟောက်ပြီးမောင်းထုတ်တယ်။
ဟိုဘက်သွားအော်ရောင်း..ဆိုပြီး။ဒီတော့ဈေးသည်လေးက၊
ကိုယ့်ဖာသာဈေးရောင်းတာဘာဖြစ်လဲဆိုပြီးပြန်ခံပြောတယ်။ပြီးတော့အဲဒီနေရာကမရွှေ့တော့ပဲ၊
နဂိုထက်ပိုကျယ်အောင်အော်လိုက်၊ပုလင်းခေါက်လိုက်လုပ်နေရော
။နောက်တော့စစ်ဗိုလ်ကြီးလက်မြှောက်ပြီးလေသံအေးအေးနဲ့စကားပြန်ပြင်ပြောမှကုလားလေးကျေနပ်ပြီးပြန်ထွက်သွားတယ်။
ဆိုလိုတာကသူများတွေဆီမှာအာဏာပါဝါပြလို့မရဖူး။ကိုယ့်တာဝန်နဲ့ကိုယ်ပဲ။
မရှိတာထက်၊မသိတာခက်တာကပိုဆိုးတယ်။
ကျနော်တို့တတွေအမြင်မကျယ်၊ဗဟုသုတမရှိတော၊့မတရားခိုင်းတာခံလိုက်ရတာပါ။
ပြီးတော့ကိုယ့်နိုင်ငံကလမ်းတံတားမြေပုံတွေကိုတပါးလက်ထဲ
ဘာသာပြန်ထိုးအပ်လိုက်ရတာ..သိတ်ကိုရင်နာစရာကောင်းတယ်။ အသုံးချခံလိုက်ရတာ။
ဒီလိုလုပ်ပေးလိုက်လို့..သူတို့ဆီက ကျနော်တို့လိုချင်တဲ့သင်တန်းတွေလည်းမရ၊
လက်နက်လည်းမရ၊ရုတ်စွအဆုံးငွေကြေးအထောက်အပံ့တောင်ရခဲ့တာမှုတ်ဖူး။
ဒုက္ခသည်စခန်းထဲက.. ကျနော်တို့တတွေကတော့၊ကိုဘရမ်တို့၊ကျော်ကျော်ထွဋ်တို့ တော်လှန်ရေးအတွက်
လူကြီးတွေနဲ့အပြတ်ဒူးတိုက်ဆွေးနွေးနေပြီ၊ လွတ်မြောက်နယ်မြေအတွက်လား၊လက်နက်ကိုင်သင်တန်းအတွက်လားပေါ့..။ အဟာရမရှိတာတွေစား၊စစ်တိုက်ဖို့ခံနိုင်ရည်ရှိအောင်
လေ့ကျင့်ခန်းတွေလုပ်၊နေ့နေ့ညညမငြီးမငြူဒုက္ခခံခဲ့တာ..ကိုယ့်အတွက်သာဆို၊လူတိုင်းဟာ
အဲလောက်သီးခံကြမှာမဟုတ်။တိုင်းပြည်အတွက်၊ပြည်သူအတွက်..ပြီးတော့
တော်လှန်ရေးဂုဏ်သိက္ခာ၊ကျောင်းသားဂုဏ်သိက္ခာ..ခွတ်ဒေါင်းဂုဏ်သိက္ခာ…။
အဲဒီဂုဏ်သိက္ခာတွေအတွက်.. ကျနော်တို့အားလုံး၊ အများအမြင်မှာ၊ သနားစရာကောင်းအောင်၊
လှုပ်ရှားရပ်တည်ခဲ့ကြတယ်။ ဘယ်လောက်အထိသနားစရာကောင်းနေသလဲဆို၊
အိန္ဒိယဆီကဘယ်တော့မှမရနိုင်တဲ့.. သေနပ်..သေနပ်ဆိုတာကိုရလိမ့်မယ်လို့မျော်လင့်ပြီးရူးသွပ်ခဲ့ကြတယ်။
 ၂နှစ်လောက်ကြာအောင် သစ်သားသေနပ်တွေနဲ့ ကိုယ့်ဖာသာ၊
စစ်ရေးတွေလေ့ကျင့်ခဲ့ကြတဲ့အရူးတပိုင်းလို၊ဘ၀တွေပဲဖြစ်တယ်။

ကိုညို။