၆၄ မိနစ်ကြာ စီဒီခွေကို ၂ဝ၁၂ ခုနှစ် မြန်မာ့ရိုးရာ အတာသင်္ကြန်ကာလအတွင်း ပြည်သူအများ နားဆင်နိုင်ရန်အတွက်
ဖြန့်ချိလိုက်ခြင်းဖြစ်သည်ဟု သံချပ်တာဝန်ခံ ကျောက်မဲကျော်ကြီး က ပြောသည်။
ယခုနှစ် သံချပ်များအတွက် ‘စနစ်ဆိုးနဲ့ စစ်ဂျိုးခွါစို့’ဟု ခေါင်းစဉ် ရွေးချယ်ပေးရခြင်းမှာ လက်ရှိမြန်မာပြည် နိုင်ငံရေး စနစ်အား ဝေဖန်ထောက်ပြ သရော်လိုက်သည့် သဘောဖြစ်ကြောင်း ဟင်းအိုးတခု ဥပမာပြု၍ သံချပ်တာဝန်ခံက မဇ္ဈိမကို ရှင်းပြသည်။
“သမ္မတ ဦးသိန်းစိန်က ဒီမိုကရေစီလမ်းကြောင်းပေါ် ပြောင်းလဲနေပါပြီဆိုပေမယ့် ၂ဝဝ၈ အခြေခံဥပဒေ အတိုင်းပဲ
ဖြစ်နေတဲ့အတွက် စစ်အာဏာရှင်စနစ် ရှိနေဆဲဆိုတာ ထောက်ပြချင်တာပါ။ ဒါကြီးက နှစ် ၅ဝ ကြာပြီ။ ဥပမာ ဟင်းအိုး တအိုးဟာ ဂျိုးတူးနေပြီးသားကြီးဆိုရင် အဲဒီဂျိုးအတူးကြီးကို မခွါဘဲနဲ့ နောက်ထပ် ဟင်းအသစ်တွေ ဘယ်လိုပဲချက် ချက် ဒီ တူးစော်နံကြီးကတော့ ပျောက်သွားမှာမဟုတ်ဘဲ ဟင်းသစ်ကို ဖျက်နေမှာပါပဲ။ ဒီဂျိုးတွေကို ခြစ်ထုတ်ခွါချပြီး အိုးအသစ်ကြီးမှာ ဟင်းအသစ်တွေ ချက်နိုင်မှသာ ရနံ့လည်းမွှေး၊ အရသာလည်းရှိတဲ့ဟင်းတွေ ရနိုင်မှာပါ” ဟု
ကျောက်မဲကျော်ကြီး က ပြောသည်။
အိန္ဒိယရှိ သံချပ်ဝါသနာရှိသူများက ၁၉၉၆ ခုနှစ်ကတည်းက သံချပ်များ ရေးထိုး တိုင်တည်လာကြသည်မှာ ၁၅ နှစ် အတွင်း ၁၄ ခွေ ထုတ်ဝေနိုင်ခဲ့ပြီးဖြစ်သည်။
‘ခြောက်စား ဟောက်စား ခေါက်ထားစမ်းပါ’ မှ စ၍ ‘ထားပချေမိ ငါ့ဝန်ရှိလိမ့်’၊ ‘မိုးကိုဒူးနဲ့ တက်တိုက်စို့’၊ ‘သစ္စာ
ကျောက်တုံး မြှောက်လိုက်ပြီ’၊ ‘အိပ်ငိုက်ခြင်းမှ ချက်ခြင်းထလော့’၊ ‘ရပ်ကြည့်လို့ အမြတ်မရှိ’၊ ‘ဗမာပြည်ကို တံတိုင်းခတ်လိုက်’၊ ‘ဘယ်ပုရပိုဒ် မင်းကြိုက်သလဲ”၊ ‘ထုလေမာလေ ဒို့လူတွေ’၊ ‘အောင်ပွဲဆင်ဖို့ ထောင်ထဲဝင်စို့’နှင့် ‘ဘုန်းဘုန်းချမှ လုံးလုံးရမယ်’ အခွေများအထိ သံချပ်များကို ကဗျာဆရာ မြတ်ထက် က တဦးတည်း ပင်တိုင်ရေးသား လာခဲ့ရာမှ ဆရာမြတ်ထက် ကျန်းမာရေးချို့ယွင်းလာ၍ ‘သူသေကိုယ်ရှင် တိုက်ပွဲဝင်’၊ ‘ငုံ့မခံရဖို့ တုန့်ပြန်ကြစို့’ နှင့် ‘စနစ်ဆိုးနဲ့ စစ်ဂျိုးခွါစို့’ တို့ကို အခြားသူများက ဝိုင်းဝန်းဟူ၍ ရေးသားခဲ့ကြရသည်။
“ဒီနှစ်အတွက် အသစ်ရေးထားကြတာကတော့ လာမယ့် ကြားဖြတ်ရွေးကောက်ပွဲကိစ္စရယ်၊ အထူးသဖြင့်တော့ ဘယ်နှစ်ကမှ မပါဖူးတဲ့ ‘ပြည်တော်ပြန်’တွေရဲ့အကြောင်းလည်း ထည့်ရေးထားပါတယ်” ဟု ကဏ္ဍသစ်များကို
ကျောက်မဲကျော်ကြီးက ပြောပြသည်။
နှစ်စဉ်နှစ်တိုင်း ပင်တိုင်ကဏ္ဍတခုဖြစ်သည့် လူထုဘဝ အခြေအနေကဏ္ဍတွင် ပါဝင်ရေးသားခဲ့သူလည်းဖြစ်၊ ဒိုးပတ်ဝိုင်း
ခေါင်းဆောင်လည်းဖြစ်သည့် မုတ်သုန် (ယောရပ်ရွာ)ကလည်း “ပြည်သူလူထု တကယ်ကြုံတွေ့နေရတဲ့ အခက်အခဲ
တွေကို အခြေခံပြီးတော့မှ ရေးရတာပါ။ ရေးတာတွေကတော့ အများကြီးပဲဗျ။ အသံ သွင်းဖြစ်တာကတော့ ပညာရေး၊ ကျန်းမာရေး၊ ရေမီး မလာတာ၊ လမ်းပန်းဆက်သွယ်ရေး အခက်အခဲတွေ အကုန်ထည့်ရေးထားတာပဲ။ ရေးထားတာ
ခြောက်မျက်နှာလောက် ရှိတာကိုး။ ရှည်လွန်းတယ်ဆိုပြီး ဖြတ်ပစ်လိုက်တာ” ဟု မဇ္ဈိမကို ပြောသည်။
“ဆင်းရဲခြင်းပဲ ချမ်းသာတယ် --- တို့များ ဘဝမယ်၊ အလှူခံပုဂ္ဂိုလ် ရှောင်ရတယ် --- ကန်တော့ပါသေးရဲ့ကွယ်၊ ညအိပ် ဧည့်သည် ရှောင်ရတယ် --- So Sorry ပါဟယ် မနက်ညစာ ပေါင်းစားတယ် --- ဝေရာမဏိပါကွယ်၊ အလုပ်အကိုင်
တွေ ရှားပါးတယ် --- ဒီခေတ်စုတ်ကြီးမယ်” ဟူ၍ လူထုဘဝအခြေအနေအား သံချပ်တွင် တစိတ်တပိုင်း တင်ပြထား သည်။
လက်ရှိ နိုင်ငံရေး အဖြစ်အပျက်များအား စောင့်ကြည့်ရေးသားနေရသဖြင့် ၂ဝ၁၂ သံချပ်များ ထုတ်ဝေနိုင်ရေးအတွက်
နှောင့်နှေးကြန့်ကြာခဲ့ရကြောင်းလည်း ကျောက်မဲကျော်ကြီးက ပြောသည်။
“ဝိုင်းပြီး ရေးပေးကြပါတယ်။ ဒီနှစ်က နိုင်ငံရေး အပြောင်းအလဲတွေ ရှိနေတဲ့အတွက် အကြောင်းအရာတွေ အပေါ် လိုက်ပြီး သံချပ်ရေးသားရတာ နောက်ကျပါတယ်။ အဲဒါတော့ ကသီလင်တ ဖြစ်ပါတယ်” ဟု ပြောသည်။
အခက်အခဲများ ကြုံတွေ့ခဲ့ရသော်လည်း တာဝန်မပျက်စေဖို့ ကြိုးစားတီးခတ်ပေးခဲ့ကြောင်း ဒိုးဆရာ က ပြောသည်။
“ကျနော်က ၂ဝဝ၉ လောက်က စပါခဲ့။ ပျော်ပါတယ်။ စိတ် တက်တက်ကြွကြွရှိပါတယ်။ ဒိုးတိုက်ရတာ ရက်နည်းတော့ ကမောက်ကမလေးတွေတော့ ကြုံရတာပေါ့။ ဒါပေမယ့် ကိုယ် တတ်နိုင်သလောက် ရေးပေး၊ ဆိုပေး၊ တီးပေးရတာ
ပျော်စရာလည်း ကောင်းပါတယ်။ နှစ်စဉ် အိန္ဒိယဘက်က ထွက်နေကျဆိုတော့ ပြည်သူတွေက ဒီနှစ်လည်း မျှော်နေမှာ မို့ တီးပေးရတာ ပျော်တယ်” ဟု မုတ်သုန် (ယောရပ်ရွာ)က မဇ္ဈိမကို ပြောသည်။
ယခုနှစ်သံချပ်များအား အသံသွင်း စီဒီခွေအပြင် ရုပ်သံ ဗီစီဒီခွေအဖြစ်လည်း ထုတ်ဝေဖြန့်ချိသွားမည်ဟု သိရသည်
အိန္ဒိယနိုင်ငံရောက် မြန်မာ့ဒီမိုကရေစီ အင်အားစုတွေရဲ့ ၂၀၁၂ သင်္ကြန်အတွက် သံချပ် သီချင်းတွေပါ။
နယူးဒေလီက သံချပ်ဝိုင်းတော်သားများ
ဘာကြောင့် ဒီခေါင်းစဉ်ကို ပေးရသလဲလို့ မေးကြည့်တော့ သံချပ် စီစဉ်သူ ကျောက်မဲ ကျော်ကြီးက …
စီစဉ်သူ ကျောက်မဲ ကျော်ကြီး
“ဟင်းတွေဘာတွေချက်ရင် အိုးတူးသွားလို့ ချိုးကပ်သွားတာကို သေချာမခွာ၊ မဆေးကြောရင် နောက်ဟင်းတွေချက်တဲ့အခါကျတော့ တောက်လျှောက်ကပ်ကုန်တဲ့အပြင် ဟင်းအရသာလည်း မကောင်းနိုင်တော့ဘူး။ ဒီလိုပဲ သမတ သိန်းစိန်အစိုးရက သူတို့ကိုယ်သူတို့ အရပ်သားအစိုးရပါလို့ ပြောနေပေမယ့် စစ်အစိုးရလက်ကျန်စနစ်ချိုးတွေကို သေချာမခွာဘူး၊ မဆေးကြောဘူးဆိုရင် ဘယ်လိုပဲ သန့်ရှင်းတဲ့အစိုးရပါလို့ပြောပြော သန့်ရှင်းတဲ့အစိုးရဖြစ်မှာမဟုတ်ဘူးတဲ့အတွက် စနစ်ဆိုးတွေ၊ စစ်ချိုးတွေကို သေချာခွာပါလို့ ပြောချင်တာပါ” လို့ ပြောပါတယ်။
ပါဝင်တဲ့ သံချပ်သီချင်းတွေကတော့ မကြာခင်ရက်ပိုင်းအတွင်း ကျင်းပတော့မယ့် ကြားဖြတ်ရွေးကောက်ပွဲ အကြောင်း၊ သမတသိန်းစိန်ရဲ့ ဖိတ်ခေါ်ချက်နဲ့ ပြည်တော်ပြန်ကြတဲ့သူတွေအကြောင်း၊ ပြည်တွင်းပြည်ပ မီဒီယာတွေအကြောင်း၊ မြန်မာ့သဘာဝ ပတ်ဝန်းကျင်တွေ ပျက်စီးယိုယွင်းလာနေတဲ့အကြောင်း စတာတွေဖြစ်ပါတယ်။
No comments:
Post a Comment