ကလေးငယ်များအပြင် မသန်စွမ်းအမျိုးသမီးများကို ပစ်မှတ်ထား အဓမ္မပြုကျင့်မှုများပြားလာ

ဇော်ဇော်ထွေး

အသက်မပြည့်သေးသော ကလေးငယ်များအပြင် မသန်စွမ်းသူ အမျိုးသမီးများကိုပါ ပစ်မှတ်ထား အဓမ္မပြုကျင့်မှုများ ဖြစ်နေပြီး ယခုအချိန်ထိထိရောက် ဟန့်တားနိုင်သော ကာကွယ်ပေးမှုမျိုးမရှိသေးဘဲ အမှုများမှာ ပိုမိုများပြားလာနေပြီဖြစ်သည်။

ယင်းသို့သော မသန်စွမ်းအမျိုးသမီးငယ်များအား အဓမ္မပြုကျင့်မှုနှင့် ပတ်သက်၍ ရန်ကုန်တိုင်းလွှတ် တော် ကိုယ်စားလှယ် ဒေါက်တာညိုညိုသင်းက “မသန်စွမ်း အမျိုးသမီးတွေ အပေါ်ကို အဓမ္မကျင့်တာဟာ တော်တော်လေးကို လူမဆန်တဲ့ အပြုအမှုတစ်ခုပါ၊ ဒီလိုလူမျိုးတွေကို လူလို့တောင် မသတ်မှတ် သင့်တော့ဘူး၊ မသန်စွမ်းသူတွေကို စောင့်ရှောက်မယ့်အစား အမြတ်ထုတ်တာဟာ အရိုင်းစိုင်းဆုံးသော လူတန်းစားတစ်ရပ်ပါပဲ” ဟု သူမက ရှုံ့ချ ပြောဆိုခဲ့သည်။

လွန်ခဲ့သော ဇူလိုင်လကအသက် ၁၃ နှစ်အရွယ် မွေးရာပါ စကားမပီ မသန်စွမ်းအမျိုးသမီးငယ်လေး တစ်ဦးအား နေအိမ်၌ တစ်ဦးတည်း ရှိနေချိန်များတွင် အသက် ၄၈ နှစ်ရှိ တစ်ရွာတည်းနေ အမျိုးသားတစ်ဦးက မကြာခဏ သားမယားပြုကျင့်ခဲ့မှု ကွမ်းခြံကုန်းမြို့နယ်တွင် ဖြစ်ပွားခဲ့သည်။

ယင်းဖြစ်စဉ်တွင် အဓမ္မအကြိမ်ကြိမ် ပြုကျင့်ခံနေရကြောင်း သမီးငယ်၏ ခြေဟန်လက်ဟန်ဖြင့် ပြောပြမှုကို မင်္သကာသဖြင့် မိခင်ကိုယ်တိုင် ဈေးမသွားဘဲ နေအိမ်ရှေ့ သစ်ပင်ပေါ်တက်၍ ချောင်းကြည့်ခဲ့ရာမှ ကိုယ်တိုင်တွေ့ရှိခဲ့သည်ဟု တိုင်တန်းခဲ့ခြင်းလည်းဖြစ်သည်။

မသန်စွမ်းသူများ အခွင့်အရေးများ နှင့် ပတ်သက်ပြီး လုပ်ဆောင်နေသူ တစ်ဦးဖြစ်သည့် ရွှေမင်းသားဖောင်ဒေးရှင်းမှ ဥက္ကဋ္ဌဖြစ်သူ ဦးမြတ်သူဝင်းကလည်း “အာဏာပိုင် အဖွဲ့အစည်းတွေက ကိုယ်ဖိရင်ဖိ ဆောင်ရွက်ပေးတာ မတွေ့ရဘူး၊ သာမာန်မုဒိမ်းမှုလောက်နဲ့ အရေးယူနေတော၊ ဒါကြောင့် ထိထိရောက် ရောက်ကို ဖြစ်စေချင်တာပါ” ဟု ၎င်းအမြင်ကို ပြောပြခဲ့သည်။

ဖြစ်ပြီး အမှုအခင်းများအား ထိရောက်ပြင်းထန်သော ပြစ်မှုများချမှတ်ပါက နောင်အတွက် အလားတူအဓမ္မမှုများ လျော့ကျနိုင်သည်ဟု ဆိုသည်။ ထို့ပြင် ကြိုတင်ကာကွယ်မှု အပိုင်းအနေဖြင့်လည်း လူ့အဖွဲ့ အစည်းတစ်ခုလုံးကို လိင်ပိုင်းဆိုင်ရာ အကြမ်းဖက်မှုများနှင့် ပတ်သက်ပြီး ပညာပေးမှုများ လုပ်ဆောင် သင့်ကြောင်းနှင့် အမျိုးသမီးများ၊ မသန်စွမ်းသူများအနေဖြင့်လည်း ပြစ်မှုကျူးလွန်ခံရဖွယ်ရှိသော အခြေ အနေများတွင် ရှိမနေစေရန် ပြုမှုနေထိုင်မှုများ လိုအပ်နေသည်။

“ တကယ်တော့ အဓမ္မပြုကျင့်မှုတွေအတွက် ဆိုင်ရာဥပေဒတွေကို အတိအလင်းပြဋ္ဌာန်းပေးပြီးသားပါ၊ ဒါပေမယ့် အဲဒီဥပဒေကို အသက်ဝင်အောင် အကောင်အထည်ဖော်မှုတွေ အားနည်းနေတဲ့အတွက် ဒီလို အမှုတွေများနေရတာပါ” ဟု စီးပွားရေးနှင့် ဥပဒေလမ်းညွှန် ဦးတင်သန်းဦးက ထောက်ပြသည်။

ထို့ပြင် မြန်မာနိုင်ငံအနေဖြင့် လွှမ်းမိုးလာသော နိုင်ငံခြားယဉ်ကျေးမှုများတွင် ပါဝင်သည့် လိင်ပိုင်းဆိုင်ရာ ကိစ္စများ၊ ညစ်ညမ်းဗီဒီယိုများ၊ ညစ်ညမ်းစာအုပ်များ စသော လိင်စိတ်ကို နိုးကြွစေသည့် ကိစ္စများကို စနစ် တကျ ထိန်းချုပ်ကန့်သတ်နိုင်မှု အားနည်းနေသည်ဟု ဆိုသည်။ ထို့ပြင် လူမှုပတ်ဝန်းကျင်တွင်လည်း လုံ ခြုံရေးဆိုင်ရာများ အားနည်နေသည့်အပြင် အမျိုးသမီးတို့ ဘ၀လုံခြုံစေနိုင်သော အသိပညာပေးမှုများ အားနည်နေသည်ဟု ၎င်းကထောက်ပြသည်။

မြန်မာနိုင်ငံတွင် ပြဋ္ဌာန်းပေးထားသော အမျိုးသမီးများအား ကာကွယ်ပေးခြင်း ဥပဒေများမှာ နိုင်ငံတကာ စံနှုန်းသတ်မှတ်ထားသည့် Zero Tolerance ပေါ်လစီဖြင့် ကိုက်ညီမှု မရှိသည့်အတွက် အမျိုးသမီးများ ကာကွယ်ပေးခြင်းဆိုင်ရာ အထူးဥပဒေများကို ပြဋ္ဌာန်းပေးသင့်သည်ဟု ရန်ကုန်တိုင်း လွှတ်တော်ကိုယ် စားလှယ် ဒေါက်တာ ဒေါ်ညိုညိုသင်းက အကြံပြုသည်။

ထို့ပြင် မြန်မာနိုင်ငံတွင် ပြဋ္ဌာန်းပေးထားသော ဥပဒေများ အမျိုးသမီးများ အကြမ်းဖက်မှု ကျူးလွန်သူများကို ထောင်ဒဏ် ၁၀ နှစ်၊ ၂၀၊ တစ်သက်တစ်ကျွန်းဟု ပြဋ္ဌာန်းပေးထားသော်လည်း မဖြစ်မနေ ချမှတ်ရမည် ဟု ပြဋ္ဌာန်းထားခြင်းမရှိကြောင်း သိရသည်။ ထုိ့ကြောင့် ပြစ်မှုကျူးလွန်သူများအား ပြင်းထန်ထိရောက် သည့် ပြစ်ဒဏ်များဖြင့် စံပြအဖြစ် အရေးယူပေးရန် လိုအပ်ပြီး အများပြည်သူ သိရှိနိုင်ရန် လုပ်ဆောင်ပေး ရန် လိုအပ်သည်ဟု သူမက ဆက်လက်ပြောပြသည်။ သို့မှသာ အလားတူပြစ်မှုကျူးလွန်ခြင်းများ လျော့ပါးသွားမည်ဟုလည်း ဆိုခဲ့သည်။

ရန်ကုန်တိုင်းအတွင်းတွင် ၂၀၁၃ ခုနှစ် ဇန်န၀ါရီလမှ ဇူလိုင်လအထိ အဓမ္မပြုကျင့်မှုပေါင်း ၆၀ မှုထိ ဖြစ်ခဲ့ သည်။ ယင်းထဲတွင် ကလေးသူငယ် အဓမ္မပြုကျင့်ခံရမှုပေါင်း ၃၀ မှုရှိခဲ့သည့်အနက် ၁၀နှစ်အောက် ကလေးငယ်များ အဓမ္မပြုကျင့်ခံရမှု ၁၂ မှုထိ ပါဝင်ခဲ့သည်ဟု ရန်ကုန်တိုင်း ရဲတပ်ဖွဲ့မှူးရုံးမှ ရဲမှူးမြင့်ထွေး က မဇ္ဈိမကို ဖြေကြားထားသည်။

ရန်ကုန်တိုင်း၌ ၂၀၁၁ ခုတွင် အဓမ္မပြုကျင့်မှု ၁၀၅ မှုနှင့် ၂၀၁၂ တွင် အဓမ္မပြုကျင့်မှု ၁၀၁၂ မှုထိ ဖြစ်ပွားခဲ့သည်။

မြန်မာ တစ်နိုင်ငံလုံးတွင်၂၀၀၃ ခုနှစ် မှ ၂၀၁၃ ခုနှစ်အထိ ၁၀ နှစ်တာကာလအတွင်း မုဒိမ်းမှု ၄၆၉၈ မှု ဖြစ်ပွားခဲ့ရာ သက်ငယ်မုဒိမ်းပြုကျင့်ခံရမှု ၂၃၀၂ မှုရှိပြီး ၄၈ ဒသမ ၉၉ ရာခိုင်နှုန်း ဖြစ်ပွားခဲ့ကြောင်း မြန်မာနိုင်ငံရဲတပ်ဖွဲ့၏ သက်ငယ်မုဒိမ်းမှုများ ဖြစ်ပွားမှု သုံးသပ်ချက်များအရ သိရသည်ဟု The Voice Weekly တွင်ဖော်ပြထားသည်။