ကိုမောင်မောင်စိုးအမှတ်တရ ဂုဏ်ပြုမှတ်တမ်း

http://hittai.net/?show=rm&fileid=91&t=home7&id=7

ကိုမောင်မောင်စိုး (၁၉၆၃-၂၀၁၁)

အမေရိကန်နိုင်ငံ၊အင်ဒီယားနားပြည်နယ်၊ဖို့ဝေးမြို့က ၁၉၈၈ တောခိုကျောင်းသား ကိုမောင်မောင်စိုးတယောက် အဆုတ်အအေးပတ်ပြီး၊၂၀၁၁ နိုဝင်ဘာ၂၈ တနင်္လာနေ့ ည၁၀နာရီကျော်မှာ ဆုံးသွားကြောင်း ကြားသိရသဖြင့် ဟစ်တိုင်ဝိုင်းတော်သားများက ကျန်ရစ်သူ မိသားစုနဲ့ထပ်တူ ၀မ်းနည်းကြေကွဲရပါတယ်။

ကိုမောင်မောင်စိုးဟာ ဟစ်တိုင်မှာလည်း "၈လေးလုံးစိတ်ဓါတ်" အခန်းဆက်ဆောင်းပါး အပါအ၀င် နိုင်ငံရေးဆောင်းပါးတွေ ရေးခဲ့ပါသဖြင့်- ဟစ်တိုင်မှ အမှတ်တရဖြစ်စွာ ၊ လေးစားစွာ ဂုဏ်ပြုမှတ်တမ်းတင်အပ်ပါတယ်။

"၈လေးလုံးစိတ်ဓါတ်" အခန်းဆက် ဆောင်းပါးများ ဖတ်ရန် လင့်ခ်များ-
http://hittai.net/?show=rm&fileid=22&t=home5&id=5
http://hittai.net/?show=rm&fileid=24&t=home5&id=5
http://hittai.net/?show=rm&fileid=25&t=home5&id=5
http://hittai.net/?show=rm&fileid=26&t=home5&id=5

(နိုင်ငံတကာရောက် ဟစ်တိုင်ဝိုင်းတော်သားများ)
-----------------------------------------------------

”ရဲဘော် မောင်မောင်စိုး ၏ ကိုယ်ရေးအကျဉ်း”

ရဲဘော် မောင်မောင်စိုးကို မြန်မာနိုင်ငံ။ပဲခူးတိုင်း။ဖြူးမြို့ နယ်။ဇေယျဝတီမြို နေ အဖဦးအောင်ခင်နှင့် အမိဒေါ်မြခင်တို့ မှ ၁၉၆၃ ခုနှစ် ဇန္န၀ါရီ ၈ ရက်နေ့ တွင် မွေးဖွားခဲ့ပြီး၊ မွေးချင်း ( ၆ ) ယောက် အနက် -( ၅ )ယောက်မြောက် သားဖြစ်သည်။
ရဲဘော်မောင်မောင်စိုးသည် ၁၉၈၅ ခုနှစ်တွင် ရန်ကုန်တက္ကသိုလ်မှ မြန်မာစာဘွဲ့ ရရှိခဲ့ပြီး ၊ ၁၉၈၇ ခုနှစ်တွင် ဖြူးမြို့ နယ်။ကျူအင်းကျေးရွာ၊အလယ်တန်းပြ ကျောင်းဆရာ အဖြစ် တာဝန် ထမ်းဆောင်ခဲ့သည်။
၁၉၈၈ ခုနှစ် နိုင်ငံလုံးကျွတ် လူထုအရေးတော်ပုံကြီးတွင် ဖြူးမြို့နယ် ဇေယျဝတီဒေသ၊ သပိတ်စခန်း အထွေထွေ အတွင်းရေးမှူးတစ်ဦးအဖြစ် တက်ကြွ ရဲရင့်စွာ ပါဝင် လှုပ်ရှားခဲ့သည်။
၁၉၈၈ ခုနှစ် စက်တင်ဘာလ ၁၈ ရက်နေ့ တွင် စစ်တပ်မှ နိုင်ငံတော် အာဏာသိမ်းပြီးနောက်- အောက်တိုဘာလတွင် ကရင်အမျိုးသားအစည်းအရုံး ထိန်းချုပ်နယ်မြေ တပ်မဟာ( ၃ )၊ တပ်ရင်း( ၈ ) မှ တဆင့်- စောထာကျေးရွာကို ညီအကိုတော် လုပ်ဖော်ကိုင်ဘက်များနှင့်အတူ ရောက်ရှိခဲ့ပြီး စောထာစခန်းကို တည်ထောင်ခဲ့သောသူဖြစ်သည်။
၁၉၈၈ ခုနှစ်တွင် ကရင်နယ်မြေ ကျောင်းသားများကော်မတီတွင် တွဲဘက်အတွင်းရေးမှူး (၂) အဖြစ် တာဝန်ယူခဲ့ပြီး၊ ပထမအကြိမ် မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ် တပ်ဦးတွင် ကျန်းမာရေးဌာန တွဲဘက် အတွင်းရေးမှူး အဖြစ် တာဝန်ထမ်းဆောင်ခဲ့သည်။
၁၉၈၉ ခုနှစ် နိုဝင်ဘာလတွင် တတိယအကြိမ် စခန်းကော်မတီ ဖွဲ့ စည်းရာတွင် တပ်ရင်း ၂၁၀။စောထာစခန်း ကော်မတီ ဥက္ကဌ အဖြစ် တာဝန်ယူခဲ့သည်။တချိန်ထဲမှာပင် မ က ဒ တ ဗဟိုကော်မတီဝင် အဖြစ်လည်း တာဝန် ယူခဲ့သည်။
၁၉၈၉ ခုနှစ်တွင် ပါရမီဖြည့်ဘက် မအဲမိုင်စိုးနှင့် နှစ်ဦး သဘောတူ လက်မှတ်ရေးထိုး လက်ထပ်ခဲ့ကြသည်။
၁၉၉၃ ခုနှစ်အထိ မ က ဒ တ တာဝန်များကို ထမ်းဆောင်ခဲ့သည်။
၁၉၉၄ ခုနှစ်တွင် မြန်မာနိုင်ငံလုံးဆိုင်ရာ ကျောင်းသားများ အဖွဲ့ ချုပ်တွင် တာဝန်များကို ထမ်းဆောင်ခဲ့သည်။
၁၉၉၅ ခုနှစ်တွင် အမေရိကန်သံရုံးနှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး။ ထိုင်းနိုင်ငံ။ဘန်ကောက်မြို့ တွင် နိုင်ငံရေး ခိုလှုံခွင့်တောင်းသော ကျောင်းသားများအတွက် ဘာသာပြန်တာဝန်ကို ထမ်းဆောင်ခဲ့သည် ။
၁၉၉၆ ခုနှစ်တွင် ကနေဒါ သံရုံးတွင်လည်း ဘာသာပြန် တာဝန်ကို ထမ်းဆောင်ခဲ့သည်။
၁၉၉၇ ခုနှစ်အထိ ထိုင်းအစိုးရမှ ဖွင့်ထားသော တတိယ ကမ္ဘာ့နိုင်ငံများသို့  ထွက်ခွာမည့်သူများအား ခေတ္တ နေထိုင်ရာ လပ်ပူရီခရိုင်။မနီလွိုင်ကျေးရွာရှိ ၊ ခိုလှုံရေး စခန်းတွင် နေထိုင်စဉ်အတွင်း မြန်မာကျောင်းသားများ အစည်းအရုံး နှင့် အခြား ကျန်းမာရေး။လူမှုရေး ကိစ္စများ။ နိုင်ငံခြားသို့ ထွက်ခွာ မည့်သူများအား ပြင်ဆင်ပေးမှုများကို တက်ကြွစွာ ကူညီပေးခဲ့သည်။
၁၉၉၇ ခုနှစ်တွင် အမေရိကန်ပြည်ထောင်စုသို့  ရောက်ရှိခဲ့ပြီး၊ အင်ဒီယားနာပြည်နယ်။ဖို့ ဝိန်းမြို့ တွင် လူမှုရေးရာ၊ နိုင်ငံရေးဆိုင်ရာများကို စတင်ဆောင်ရွက်ခဲ့သည်။
ဖို့ ဝိန်းမြို့့တွင် ၁၉၉၉ခုနှစ်။စက်တင်ဘာလ ၉ ရက်နေ့ တွင် ကျင်းပသော ( ၉ ) လေးလုံး ညီလာခံကြီးတွင် ဦးဆောင်ခေါင်းဆောင်အဖြစ် တာဝန်ယူခဲ့သည်။
၁၉၉၉ ခုနှစ်တွင် ဖွဲ့ စည်းခဲ့သော Burmese Democratic Society အဖွဲ့ တွင် ဥက္ကဌ အဖြစ် ဘ၀ နောက်ဆုံးအချိန်အထိ တာဝန်ထမ်းဆောင်ခဲ့သည်။


(၂၀၀၃ခုနှစ် ၊ မြန်မာ့ ဒီမိုကရေစီ အင်အားစုများ ညီလာခံ(ဖို့ ဒ်ဝိန်း)တွင် တိုင်းရင်းသားခေါင်းဆောင်များ နှင့်အတူ ကိုမောင်မောင်စိုးကို တွေ့ရစဉ်။)

၂၀၀၃ ခုနှစ်။၂၀၀၅ ခုနှစ်။၂၀၀၇ ခုနှစ်။၂၀၁၀ ခုနှစ်တွင် ဖို့ ဝိန်းမြို့့တွင် ကျင်းပသော ဒီမိုကရေစီ ညီလာခံကြီးတွင် ဦးဆောင်ခေါင်းဆောင်တစ်ဦးအဖြစ် တာဝန်များ ထမ်းဆောင်ခဲ့သည်၊။
၂၀၀၇ခုနှစ်တွင် အမေရိကန်ပြည်ထောင်စု အင်ဒီးယားနားပြည်နယ် ဖို့ ဝိန်းမြို့ ရှိ Ivy Tecch Collage ကောလိပ်တွင် Electrical Engineering ဘာသာရပ်ဖြင့် ဘွဲ့ ရရှိခဲ့သည်။
၂၀၀၈ ခုနှစ်တွင် အမေရိကန်ပြည်ထောင်စု အင်ဒီးယားနားပြည်နယ် ဖို့ဝိန်းမြို -့ N C U B တာဝန်ခံအဖြစ် နောက်ဆုံးအချိန် အထိ တာဝန်များကို ထမ်းဆောင်ခဲ့သည်။
၂၀၁၁ ခုနှစ်တွင် ပြည်သူ့ လွှတ်တော် ဖက်ဒရယ်ပြည်ထောင်စု (မြန်မာနိုင်ငံ)တွင် လွှတ်တော် ဥက္ကဌ၏ အတွင်းရေးမှုးအဖွဲ့ ဝင် အဖြစ် နောက်ဆုံးကာလ အထိ တာဝန် ထမ်းဆောင်ခဲ့သည်။
တိုင်းရင်းသား ကရင်အမျိုးသား တော်လှန်ရေးအင်အားစုများ တည်ရှိရာ (စောထာ) ဒေသသို့ စတင် ရောက်ရှိခဲ့သည့် သမိုင်းဖြစ်စဉ်နှင့် ကျဆုံးသွားသော အာဇာနည် သူရဲကောင်း ရဲဘော်အပေါင်းတို့ ကို အလေးအနက် ဂုဏ်ပြုလျှက် (စောထာဖေါင်ဒေးရှင်း) ကို တည်ထောင်ခဲ့သည်၊။

တေးရေး+အဆိုရှင် (ငြိမ်းစေ) အမည်ဖြင့် ”စောထာ ဒဏ္ဍာရီ ”သီချင်းခွေကို ထုတ်ဝေခဲ့သည်။

ကိုမောင်မောင်စိုးသည် အမေရိကန်ပြည်ထောင်စု။ အင်ဒီးယားနားပြည်နယ် ၊ဖို့ဝိန်းမြို့တွင် ဇနီးဖြစ်သူ (မအဲမိုင်စိုး)၊သားကြီး(မောင်ဗစ်တာစိုး) ၊ သားလတ်(မောင်ဂျွန်စိုး) ၊ သားငယ် (လီယိုစိုး) တို့နှင့် ပျော်ရွှင်ချမ်းမြေ့စွာ နေထိုင်ရင်း သက္ကရာဇ် ၂၀၁၁ ခုနှစ် နိုဝင်ဘာလ (၂၈) ရက်နေ့ ။ ၁၀နာရီ ၂၀ မိနစ် တွင် အဆုတ်ရောဂါဖြင့် ရုတ်တရက် ကွယ်လွန်သွားခဲ့ပါသည်၊။

ရဲဘော်ကိုမောင်မောင်စိုးသည်  နောက်ဆုံးအချိန်အထိ ပေးအပ်သည့် တော်လှန်ရေး။ နိုင်ငံရေး။လူမှုရေး တာဝန်များကို အသက်စွန့် သွားသည့် တိုင်အောင် တာဝန်ကျေပွန်စွာ ဦးလည်မသုန် စွမ်းစွမ်းတမံ ထမ်းဆောင်ခဲ့သော ရဲဘော် ခေါင်းဆောင်ကောင်း တစ်ဦးဖြစ်ခဲ့ပါသည်၊။

(ကိုဒေါင်းနီ ပေးပို့သည်။)

-------------------------------------

”ရဲဘော် မောင်မောင်စိုး ၏ ဈာပန အခမ်းအနား အစီအစဉ်”

၂၀၁၁ ဒီဇင်ဘာ ၃ ရက် စနေနေ့ ၊
နေ့လည် ၁ နာရီ ၂၀ မိနစ်။

အခန်းအနားမှုး ။ ။ (ကိုဒေါင်းနီ)

အစီအစဉ် ၁ - ပင့်သံဃာတော်များမှ အသုဘ တရားဟောကြားခြင်း။
၂ - အလေးပြုခြင်း ( ၃ )ရပ် -(ကိုကျော်စွာမြင့်)
၃ - မိသားစုကိုယ်စား သားကြီး (မောင်ဗစ်တာစိုး) မှ ကျေးဇူးတင် စကားပြောကြားခြင်း။
၎ - ကိုယ်ရေးရာဇ၀င် အကျဉ်း ဖတ်ကြားခြင်း။ (မောင်မောင်တိုး)
၅ - အမှတ်တရ စကားပြောကြားခြင်း။
- ဆရာတော် အရှင်ခေမာစာရ
- ကိုထွန်းအောင်ကျော်
- ဆလိုင်းကိုကိုဦး
- ကိုသန်းဝင်း
- ကိုဝင်းရွှေမောင်
- ကိုရာဇာ
- ကိုသန်းဦးစိုး
- ကိုမြင့်သိဏ်း ( မာမာဦး မှ ဖတ်ပေးရန် )
- ကိုပြည်ကြီး
၆ - အဖွဲ့ အစည်းအသီးသီးမှ ပေးပို့ သော သ၀ဏ်လွှာများ ဖတ်ကြားခြင်း။
A B S D F သ၀ဏ်လွှာ ဖတ်ကြားခြင်း - (ကိုဒေါင်းနီ)
N C U B သ၀ဏ်လွှာ ဖတ်ကြားခြင်း - (ကိုမိုးချမ်း)
၇ - အမိန့် ပြန်တမ်း ဖတ်ကြားခြင်း -ဆလိုင်းကိုကိုဦး

အစီအစဉ်ပြီးဆုံးချိန်။ ။ နေ့လည် ၂ နာရီ ၄၀ မိနစ်

ဓာတ်ပုံမှတ်တမ်း - ခင်မောင်လေး
ဗွီဒီယိုမှတ်တမ်း - ကိုစိုးခိုင်
--------------------------------------------

”သင်္ဂြိုဟ်မည့် အစီအစဉ်”

နေ့ရက်၊ အချိန်။ ။ဒီဇင်ဘာလ(၃)ရက်နေ့၊စနေနေ့၊နေ့ခင်း(၁)နာရီ၊
နေရာ။ ။D O McComb & Sons Funeral Homes
1140 Lake Avenue Fort Wayne, IN 46805

ဖုန်းနံပါတ်။ ။ (260) 426-9494

-----------------------------------------------------------

”ဆွမ်းကျွေးမည့်အစီအစဉ်”

ဒီဇင်ဘာလ(၄)ရက်နေ့ နေ့လည်(၁၁)နာရီ တွင် ကိုမောင်မောင်စိုး၏နေအိမ်တွင် သံဃာများအား နေ့ဆွမ်း ဆက်ကပ်မည် ဖြစ်ပါသည်၊။

လိပ်စာကတော့ ---

1009 Inwood Ave Fort Wayne, IN 46818
-------------------------
”ဆက်သွယ်ရန်”

Pyi Gyi (260-385-8900)

Mg Mg Win ( 260-415-7377)

Ko Ko Oo ( 260-755-3450) ( 260-246-3442)

---------------------------------------------

”၀မ်းနည်းမှတ်တမ်းများ”

----------------------------------------------------------------------
ကိုမောင်မောင်စိုး ကွန်လွန်သွားခြင်းအပေါ် မကဒတ အဖွဲ့ဝင်များ(အမေရိကန်ပြည်ထောင်စု)၏ ၀မ်းနည်းကြောင်း သ၀ဏ်လွှာအား ကျန်ရစ်သော မိသားစု ၊ မကဒတ ရဲဘော်ဟောင်းများ ၊ မကဒတ အဖွဲ့ဝင်များနှင့် ဈာပန အခမ်းအနား ဦးဆောင်ကျင်းပသူများထံ ပေးပို့လိုက်ပါသည်။

ကျဆုံးသွားသော ရဲဘော်မောင်မောင်စိုးအား ဦးညွှတ်အလေးပြုပါသည်။

မကဒတ အဖွဲ့ဝင်များ (အမေရိကန်ပြည်ထောင်စု)
( ကိုယ်စား ) ရဲဘော်ဇော်ကိုနိုင် ( မကဒတ အဖွဲ့ဝင် - အမေရိကန်ပြည်ထောင်စု )

-----------------------------------------------

မောင်မောင်စိုး - ကွယ်လွန်သွားခြင်းအတွက် နှမျောတသ ၀မ်းနည်းပါကြောင်း။

ဦးအေးဆောင်
အတွင်းရေးမှူးချုပ်
ပြည်သူ့လွတ်မြောက်ရေးတပ်ဦး။

----------------------------------------------------

ရဲဘော်မောင်မောင်စိုး၏ ရည်ရွယ်ချက်ဦးတည်ချက် ဒီမိုကရေစီလမ်း တ၀က်တွင် ဘ၀ကိုယ်စွန့်လွှတ်သွားခြင်းကြောင့် ၀မ်းနည်းကြေကွဲရပါတယ်။

မြောက်များလှသော အနာဂါတ် ရှစ်လေးလုံးကျောင်းသားများအား ချီးကျူးဂုဏ်ပြု ခြင်းနှင့်အတူ - ပြုပြင်ဖေးမ ပေးလိုသော ဆန္ဒဖြင့် ပြောကြားလိုသည်မှာ- ကျောင်းသားများသည်- သန့်ရှင်းစင်ကြယ်သော ရေကြည်နှင့်တူပါသည်။ နိုင်ငံရေးရာသည် ၀ါဒယုံကြည်ချက်ပေါင်းများစွာ ပါဝင်ကြသဖြင့် -အရောင်ပေါင်းများစွာနှင့် ဆိုးထားလျှက်ရှိသည်။ ဖြူစင်သော ရေကြည်ထဲတွင် ၀ါဒ ရေးရာ အုပ်ချုပ်ရေးရာ ဆန္ဒလောဘသည် အမြင်အားဖြင့် ပရိယာယ်-ဆောင်သည့် -ပကာသန -သဘောသာများကြသည်။

အနာဂါတ်ကာလ အတွက် ရေကြည်နှင့်တူသော လူငယ် ကျောင်းသား များက- ဒဿန- အထူးများကို ရှာဖွေ ရယူပြီး -အမှန်တ၇ားအစစ်ကိုသာ လက်ခံယူသင့်ပါသည်။ အမြင့်ဆုံးမှန်းထားပြီး -အကောင်းရလာဒ်အတွက် အဆိုးဝါဒ ယုံကြည်ချက်များကို စွန့်ပစ်ပြီး၊ နှစ်ပေါင်းများစွာဆင်းရဲဒုက္ခ ရောက်နေမှုကို -ညီညာစုပေါင်း အဖြေရှာနိုင်ကြပါစေဟု -မောင်မောင်စိုး အတွက်-အမျှဝေ -ဂုဏ်ပြုပေးပါသည်။

ပီဒီပီ (ပြည်ချစ်)

------------------------------------------

နိုဝင်ဘာ ၂၈ရက်ည ၁၀နာရီကျော်မှာ ဒကာ မောင်မောင်စိုး ဆုံးပြီးပြီးချင်း- သူ့ ဒကာမ က ငိုရင်း ဦးဇင်းဆီကို ဖုန်းဆက်ပြီး အကြောင်းကြားတယ်။
ဦးဇင်းလည်း ချက်ချင်းပဲ နီးစပ်ရာ သူ့ရဲဘော်ရဲဘက်တွေဆီ ဆက်လက် ဖုန်းဆက် အကြောင်းကြားခဲ့တယ်။တညလုံးပဲ။

ဒကာတော် ဆုံးပါးသွားတာ သိရလို့ ဦးဇင်း အပါအ၀င် တော်လှန်ရေးအသိုင်းအ၀ိုင်းက မိသားစုနဲ့ထပ်တူဝမ်းနည်းကြောင်း မှတ်တမ်းတင်အပ်ပါတယ်။

ဒကာနဲ့ဦးဇင်းတို့ဟာ နယ်စပ်တော်လှန်ရေးကာလတလျှောက် လက်တွဲဆောင်ရွက်ခဲ့တယ်။ အမေရိကန်လာဖို့အတွက်လည်း သူ့ စပွန်ဆာတွေ ပါခဲ့တယ်။သူ့ဆီရောက်တော့လည်း စားဝတ်နေရေး လိုလေသေးမရှိ ပြုစုစောင့်ေ၇ှာက်ခဲ့တယ်။အခုထိလည်း ဦးဇင်းဘယ်နေရာရောက်ရောက် သူတို့မိသားစုဟာ ထောက်ပံ့လှုဒါန်းနေကြတယ်။

သူဟာ အမေရိကမှာ စက်မှုကောလိပ် ပြီးအောင်လည်း ကျောင်းတက်ခဲ့တဲ့ ဘက်စုံတော်တဲ့ ဒကာတယောက်ပါ။မသေဆုံးခင်အထိ မပြီးသေးတဲ့ တော်လှန်ရေးအပေါ်မှာ တစိုက်မတ်မတ် ကြိုးပမ်းလုပ်ဆောင်နေတဲ့ တော်လှန်ရေးသမား ဒကာလည်းဖြစ်တယ်။

မသေခင် ၂ပတ်လောက်က ဦးဇင်းဆီကို ဖုန်းဆက်သေးတယ်။သူ သိနေလား မသိဘူး။ ဦးဇင်းကို ပြောတယ်။

“ဦးဇင်း ကျန်းမာရေး၊နေရေးထိုင်ရေး အဆင်ပြေရဲ့လား..”တဲ့။”တပည့်တော် အရေးကြီးတာ ပြောစရာလေးတွေလည်း ရှိတယ်ဘုရား..”တဲ့။”အားတဲ့နေ့ ပြောပြမယ်”..တဲ့။

အခု မထင်မှတ်ဘဲ ဆုံးပါးသွားတာ သိရလို့ ၀မ်းနည်းစိတ်မကောင်းဖြစ်ရပါတယ်။

သူ့ဈာပနကို အမှီရောက်အောင် သွားမယ်။နာရေးအတွက် စုပေါင်းပြီး ကူကြစေချင်တယ်။

(ဦးခေမာစာရ)
မြန်မာနိုင်ငံလုံးဆိုင်ရာ ရဟန်းပျိုသမဂ္ဂ
ခေတ္တ-ဖီးနစ်မြို့-အာရီဇိုးနားပြည်နယ်။

------------------------------------------

We heard that one of the comrade Ko Mg Mg Soe passed away.He was a very respectable activist for our democratic revolution since 1988.

We are very sorrow for him same as his family.We believe that his spirit will stay with who, served their life for our motherland freedom.

Zar Ni (ABFSU).

Zaw Khin (Bettalion 210,Saw Hta Camp)

---------------------------------------------------

ဆောင်းတွင်းကြီး ချမ်းအေးလွန်းတဲ့ အမေရိကန်၊အင်ဒီယားနားပြည်နယ်၊ဖို့ဝေးမြို့က ၁၉၈၈ တောခိုကျောင်းသား ကိုမောင်မောင်စိုးတယောက်- အဆုတ်အအေးပတ်ပြီး၊ နိုဝင်ဘာ၂၈ တနင်္လာနေ့ည၁၀နာရီကျော်မှာ ဆုံးသွားတယ် ကြားတယ်။ လုပ်ဖော်ကိုင်ဖက်ဟောင်းရဲဘော် ရဲမေတွေ မိသားစုဝင်တွေနဲ့အတူ ၀မ်းနည်းကြေကွဲရပါတယ်။

(အိုးဝေအောင်)
ဖီးနစ်မြို့၊အာရီဇိုးနားပြည်နယ်။

--------------------------

ကိုမောင်မောင်စိုး

ရုတ်တ၇က် ကွယ်လွန်သွားတဲ့အတွက် မိသားစုနဲ့ထပ်တူ ၀မ်းနဲရပါတယ်။ ကိုမောင်မောင်စိုးနဲ့ သွားခဲ့ နေခဲ့ စားခဲ့တဲ့ တော်လှန်ရေးနယ်မြေများကို အမြဲအမှတ်ရနေမှာပါ။ ကိုမောင်မောင်စိုး ကောင်းရာသုဂတိလားပါစေ။

ထွန်းထွန်းဦး (NLD_LA) Australia

-----------------------------------------------

ကိုမောင်စိုး

စိတ်မကောင်း ၀မ်းနည်းရပါတယ်။ ကောင်းရာသုဂတိလားပါစေဗျာ ...။ ခင်ဗျားနဲ. အတူ ဖြတ်သန်းခဲ့တဲ့ အချိန်တွေကို ခင်ဗျား သီချင်းသံတွေကို သတိရနေပါတယ် ....။

တော်လှန်ရေးရဲဘော်ကြီးရေ ... ကောင်းရာသုဂတိလားပါစေဗျာ ...

TSL

--------------------------------

ကိုမောင်မောင်စိုး မမျှော့်လင့်ပဲ သေဆုံးသွားတဲ့ အတွက် ကျွန်တော့် အနေနဲ့ အထူး ဝမ်းနည်း တမ်းတ ကြေကွဲမိကြောင်း မှတ်တမ်းတင်အပ်ပါသည်။

ကိုမောင်မောင်စိုးနှင့်ပူးတွဲ လုပ်ဆောင်မှုမှန်သမျှသည် အောင်မြင်တိုးတက်မှုရရှိခဲ့ကြောင်း မှတ်တမ်းတင်အပ်ပါသည်။

ကိုမောင်မောင်စိုး မိသားစုအား အထူးကြေကွဲကြောင်း ဝမ်းနည်းသဝဏ်လွှာ ပေးပို့အပ်ပါသည်။

( ဦးပီတာလင်ပင်း )

--------------------------------

ကြေကွဲလွမ်းဆွတ် နှမျောတမ်းတ မိသည်မှအပ ဘာမှမတတ်နိုင်ပါ၊
မသေခင်တရက်က ပြောခဲ့တဲ့စကား နားက မထွက်ပါ။
“ခင်ဗျားနဲ့အတူတူ နယ်စပ်မှာလာနေမယ်...တဲ့” ။
အခု ကျွန်တော်ခင်ဗျားအတွက် သက်ပျောက်ဆွမ်းချက်နေတယ်၊
သင်္ခါရတရားအတွက် မျက်ရည်မှတပါး အခြားမရှိပြီ။

ကျော်သက်
(ညောင်တုန်း}

---------------

ကျွန်တော်အနေဖြင့် ကိုမောင်မောင်စိုးကွယ်လွန်ကြောင်း ကြားသိရတဲ့အတွက် စိတ်မကောင်းဖြစ်ရပါတယ်။

(ရဲဘော်သံဒုတ်)

---------------------

ကိုမောင်မောင်စိုးရေ

ဘယ်အချိန် ဘယ်နေရာမှာဘဲ တွေ့တွေ့- မြန်မာပြည်မှာ စစ်အာဏာရှင် ချုပ်ငြိမ်းရေးနှင့် ဒီမိုကရေစီ ရရှိရေးကိုသာ အမြဲဆွေးနွေးလေ့ရှိတဲ့ ခင်ဗျားကို ကျနော်ဘယ်တော့မှ မေ့လို့ရမှာ မဟုတ်ပါဘူး။ အခုလို လမ်းခုလတ်မှာ ရုတ်တရက်ကြီး ထွက်ခွါသွားတဲ့အတွက် ကျန်ရစ်သူ မိသားစုနှင့် ထပ်တူ ထပ်မျှ ဝမ်းနည်းမိပါတယ်။

ချစ်မိတ်ဆွေကြီး ကောင်းရာသုဂတိ လားပါစေ။

အောင်တင်
ကနေဒါ

-------------------------------------------------

”စံရိပ်ငြိမ်”

နှလုံးမခုန်
မျက်စုံလဲ မှိတ်
ဝိဉာဉ် အိပ်တဲ့
အပူမဲ့ အိမ်။

အေးချမ်းမြေ့
ပြောင်းလဲ မရွေ့
လမ်းမကွေ့ပဲ
ရောက်ရမယ့် အိမ်။

ထာဝရ ရိပ်ငြိမ်။

(လွတ်လပ်မယ့် တနေ့မှာ မြန်မာပြည်မှာ ဆုံဖြစ်မယ်လို့ ယုံခဲ့ပေမယ့် အခုတော့ မမျှော်လင့်ပဲ အရင်သွားနှင့်တာပေါ့။)

မစ္စတာ ဘားမား
ဝထ

---------------------

ABSDF ရဲ့  ရဲဘော် ကိုမောင်မောင်စိုး ကွယ်လွန်ကြောင်းကြားသိရသည့်အတွက် ကျနော်တို့ ဂျပန်ရောက် ABSDF ရဲဘော်ဟောင်းများမှလည်း အထူး ကြေကွဲ ၀မ်းနည်းခြင်း ဖြစ်ရပါကြောင်း နှင့် တော်လှန်ရေးစိတ်ဓါတ်ပြည့်ဝစွာဖြင့် တာဝန်ထမ်းဆောင်ခဲ့သော ဒေါင်းတကောင်ဆုံးရှံးရခြင်း အတွက် မိသားစုနှင့်ထပ်တူဝမ်နည်းရပါကြောင်း။

သောင်းလှိုင်(၂၀၇)

---------------------------------------------

ရဲဘော်(ကို)မောင်မောင်စိုး ဟာ ၁၉၈၈ ခုနှစ် ကျောင်းသားလှုပ်ရှားမှု မှ စကာ စစ်အာဏာရှင်စနစ် အကုန်အစင် ဖျက်သိမ်းရေး ၊ ဒီမိုကရေစီရေး ၊ငြိမ်းချမ်းရေး ၊ အမျိုးသားညီညွတ်ရေး တိုက်ပွဲများ အထိ ရှေ့ တန်းမှ မနားတမ်း တိုက်ပွဲဆင်ခဲ့သော ၈၈၈၈ သူရဲကောင်းဖြစ်တယ်၊

၈၈၈၈ ပြည်သူ့ နေ့ စဉ်

http://www.8888peopletoday.net/

ဆရာကြီး ဦးဝင်းတင် နှင့်ကိုမောင်မောင်စိုး တို့  တယ်လီဖုန်းလိုင်းပေါ်က စကားပြောခြင်း
လွတ်လပ်သောအာရှအသံ (RFA) မှ တင်ဆက်ထားတာ ဖြစ်ပါတယ်။
ကျေးလက်ဒေသ လူထုအသံဖိုင် နားထောင်ရန်-
http://www.8888peopletoday.net/

-----------------------------------------------

ရည်ရွယ်ချက်ပန်းတိုင်ကို မရောက်ခင် တမလွန်ဘ၀ကို ပြောင်းသွားတာ စောလွန်းတယ်လို့  ၀မ်းနည်းကြေကွဲစွာ ခံစားရတယ်ကွာ၊

ဒါပေမဲ့လည်း နောက်ဆုံးထွက်သက်အထိ ဒူးမထောက် လက်မမြောက်ပဲ တိုက်ပွဲဝင်သွားတဲ့ သူငယ်ချင်း၇ဲ့ သမိုင်းကို မျက်ရည်တွေကြားထဲက ဂုဏ်ယူနေလျက်ပါ။

လွတ်လပ်မှအမျှဝေမယ့်သူစာရင်းထဲမှာ ရဲဘော် မောင်မောင်စိုးဟာ ပထမစာမျက်နှာမှာရှိနေမှာပါ၊

ကျန်၇စ်သူမိသားစုနဲ့ အတူ ထပ်တူထပ်မျှ ၀မ်းနည်းကြေကွဲလျက်---

(ကိုကိုလေး)

------------------

မောင်မောင်စီုး ကွယ်လွန်သွားသည့်အတွက် အံ့သြခြင်းနှင့်အတူ အထူးစိတ်ထိခိုက်ကြေကွဲမိပါသည်။ ရဲဘော်မောင်မောင်စိုးဟာ တော်လှန်ရေးသမားလည်းဖြစ်၊ အနုပညာသမားလည်းဖြစ်တဲ့ အရည်အချင်း ရှိသူတဦးပါ၊

ABSDF ဗဟိုကော်မီတီဝင်ဘဝကနေ ဖို့ဝိန်းရောက်တဲ့အထိ ဆက်တိုက် တော်လှန်ရေးနဲ့ မျက်ခြေမပြတ်ဘဲဇွဲရှိရှိ တိုက်ပွဲဝင်ခဲ့သူတဦးအဖြစ် ရင်ထဲက မှတ်တမ်းတင်ထားပါတယ်၊

ညီတယောက်၊ တော်လှန်ရေးကို ယုံကြည်သူတဦး ဆုံးရှုံးသွားခဲ့ပါပြီ၊

မပြီးဆုံးသေးတဲ့ တော်လှန်ရေးကို ဆက်လက်ပြီး သူ့ကို လေးစားသောအားဖြင့် ကျန်ရစ်သူအားလုံးက မဆုတ် မနစ် တိုက်ပွဲဝင်ကြလိမ့်မယ်လို့ မျှော်လင့်ပါသည်။

ရဲဘော်မောင်မောင်စိုးကောင်းရာသုဂတိလားပါစေ။

(ထွန်းအောင်ကျော်)

---------------------------

စောထဖောင်ဒေးရှင်းကို စတင်တည်ထောင်သူ။ စောထဒိုင်ယာ၇ီစီးရီးကိုထုတ်လုပ်သူ-ရဲဘော်မောင်မောင်စိုး၊တပ်ရင်း၂၁၀ စောထစခန်းသည် တနင်္လာနေ့ ည၁၀နာ၇ီ မိနစ်၂၀ခန့်တွင် အဆုတ်ရောဂါဖြင့် ကွယ်လွန်သွားကြောင်း သိရသည့်အတွက်မိသားစုနှင့်ထပ်တူထပ်မျှကြေကွဲရပါကြောင်း ။

ရဲဘော်မောင်မောင်စိုး ကောင်းရာသုဂတိလားပါစေကြောင်း ဆုတောင်းလိုက်ပါသည်။

စစ်အာဏာရှင်စနစ်ကိုတော်လှန်တိုက်ပွဲဝင်ခဲ့သည့် ရဲဘော်၏ပေးဆပ်မှုကိုလည်း ရင်ထဲ၊အသဲထဲမှ အသိအမှတ်ပြုလေးစားပါသည်။

ရဲဘော်၏ဈာပနကိုလည်း တိုက်ပွဲဝင် ခွပ်ဒေါင်းအလံအုပ်၍ သဂြိုလ်စေချင်ပါကြောင်း။

မပြီးဆုံးသေးသည့် ဒီမိုကရေစီနှင့်လူ့အခွင့်အရေး၇ရှိရေးတို့အတွက် ဆက်လက်တော်လှန်တိုက်ပွဲဝင်သွားမည်ဆိုသည်ကိုလည်း အလေးအနက်သစ္စာပြုဦးညွှတ်လိုက်ပါသည်။

ရဲဘော်ဂျာကြီး။
တပ်ရင်း=၂၁၀
စောထစခန်း

-------------------------

ကိုမောင်မောင်စိုး ဆုံးသွားကြောင်း ကြားသိရလို့များစွာ စိတ်မကောင်းဖြစ်မိပါတယ်။ မိသားစုနဲ့ထပ်တူထပ်မျှဝမ်းနည်းမိပါတယ်။

ဤ သတင်းပေးပို့ သူ ကိုကိုဦး ကိုလည်း ကျေးဇူးပါ။

(ဝင်းမောင်)

---------------------

စိတ်မကောင်းဖြစ်ရပါတယ်။ "May he be in peace."

CKK

----------------------------

အထူးပဲ ယူကြုံးမရ ၀မ်းနည်းမှုဖြစ်မိပါတယ်။ ကြယ်တပွင့် ကြွေလွှင့် သွားသလိုပါပဲ။ ထာဝစဉ် ဦးညွတ်နေမှာပါ။

ကိုမောင်မောင်စိုး ကောင်းရာသုဂတိလားပါစေလို့ ဆုတောင်းလိုက်ပါတယ်။

(လင်းအောင်)

--------------------------------

ဒို့အတွက်ကောင်းတဲ့ သတင်း မဟုတ်တဲ့ အတွက် စိတ်ထိခိုက်ရတယ် ။စိတ်မကောင်းဖြစ်မိတယ်။ မောင်မောင်စိုးရဲ့ မိသားစုကို ဆက်သွယ်ရန် ဖုန်းနံပါတ်ထည့်ပေးလိုက်တဲ့အတွက်လဲ ကိုကိုဦးကို ကျေးဇူးတင်ပါတယ် ။

သူ့မိသားစုနဲ့ ဆက်သွယ်ပြီး ဒို့ရဲ့လုပ်ဖေါ်ကိုင်ဘက် သူငယ်ချင်း မောင်မောင်စိုးကို ကူညီနိုင်တာ လိုအပ်တာ ကူညီကြတာပေါ့။

ကျုပ်တို့လဲ အသက်တွေလဲကြီးလာပြီ ။ တိုက်ပွဲက မပြီးသေးဘူး။ ကျန်တဲ့ကျုပ်တို့သူငယ်ချင်းတွေလဲ ကျမ်းမာရေးကို ဂရုစိုက်ကြပါလို့ မေတ္တာနဲ့ပြောပါရစေ။

မောင်မောင်စိုးရေ

မင်းတို့နဲ့ခွဲခွါသွားပေမဲ့ ရောက်ရာအရပ်ကနေ တိုက်ပွဲပြီးဆုံးထိ ကျုပ်တို့နဲ့အတူ ရှိနေမယ်လို့ ကျုပ်ယုံကြည်တယ် ။

သူငယ်ချင်းမောင်မောင်စိုး

ငါအနေနဲ့ကတော့ ယ္ခုချိန်မှာ အမျှမဝေလိုဘူး။ လွတ်လပ်မှာပဲ သူရဲကောင်း ဗိမ္မာန်ရှေ့မှာ စစ်အာဏာရှင်တွေ ကျဆုံးရေးအတွက် တိုက်ပွဲဝင်ခဲ့သူတွေနဲ့ အတူ အမျှဝေပေးမယ်။

ရွှေထီး(၈၈၈၈)
ခေတ္တ -မာရာမီး, ဖလော်ရီတာ

--------------------------------------------------

ကိုမောင်မောင်စိုး ကွယ်လွန်သွားခြင်း အပေါ် မိသားစုများ၊ သူ့ လုပ်ဖေါ် ကိုင်ဘက်များနှင့် အတူ ထပ်တူ ၀မ်းနည်းကြောင်း ဖေါ်ပြအပ်ပါသည်။

ခိုင်မြတ်ကျော်
ABSDF ရဲဘော်ဟောင်း
(၉၀၉) တပ်ရင်း
ဘင်္ဂလားဒေခ်ျ့

----------------------------------------

ကျွန်တော်တို့ ၏ ဒီမိုကရေစီေ၇း လှုပ်ရှားမှုတွင်လည်း အင်အားတရပ် ဆုံးရှုံးရခြင်း ဖြစ်သဖြင့် အထူးတလည် ၀မ်းနည်းစိတ်ထိခိုက်ရပါကြောင်း။

၈၈၈၈ ရဲဘော်များ

-------------------------------

ရှေ့ တန်းမှ မနားတမ်း တိုက်ပွဲဆင်ခဲ့သော ၈၈၈၈ သူရဲကောင်း ရဲဘော်မောင်မောင်စိုး။

ရဲဘော်(ကို)မောင်မောင်စိုး ဟာ ၁၉၈၈ ခုနှစ် ကျောင်းသားလှုပ်ရှားမှုမှစကာ စစ်အာဏာရှင်စနစ် အကုန်အစင် ဖျက်သိမ်းရေး ၊ ဒီမိုကရေစီရေး ၊ငြိမ်းချမ်းရေး ၊ အမျိုးသားညီညွတ်ရေး တိုက်ပွဲများ အထိ ရှေ့ တန်းမှ မနားတမ်းတိုက်ပွဲဆင်ခဲ့သော ၈၈၈၈ သူရဲကောင်းဖြစ်တယ်၊

ဒီလိုအချိန်ဒီလိုအခါမှာ ကျန်ရစ်သူ မိသားစုနည်းတူ ကျနော်တို့ လည်း လွန်စွာမှ ၀မ်းနည်းပူဆွေး ကြရပါကြောင်း အသိပေးလိုပါတယ်။

ရဲဘော်မောင်မောင်စိုး အား ဦးညွတ်အလေးပြုရင်း.....

ရဲဘော်ကျော်မြထူး

-------------------------------------------

”ခွပ်ဒေါင်းမျိုး သေရိုးမရှိ”

ပန်းတိုင်မရောက် ခရီးမပေါက်ခင်
ဘ၀တစ်ပါး ရောက်သွားတဲ့
ရဲရဲတောက် ဇာနည်မျိုး
ဒေါင်းမာန်မညှိုးတဲ့ ကိုမောင်မောင်စိုး။

အာဏာရှင်စနစ်ဆိုး
ရိုက်ချိုးဖို့မာန်တင်း
ရန်မျိုးစုံခွင်းတဲ့ သင့်လုပ်ရပ်
သမိုင်းမှတ်တိုင်မှာ ခတ်ခိုင်ခိုင်
ရပ်နိုင်ပြီး မော်ကွန်းရေး
ဖေါ်ညွှန်းပေးကြမှာ မလွဲပါ။

သင့်ဘ၀စခန်း လျှောက်ရာလမ်းမှာ
ကြမ်းတမ်းကွေ့ကောက် ဆူးညှောက်အသွယ်သွယ်
အန္တရာယ် ရန်စွယ်အမျိုးမျိုးကို
မစိုးမရွံ့ နောက်မတွန့်ဘဲ
သက်စွန့်ကြိုးပမ်း လျှောက်ခဲ့တဲ့လမ်းကို
ဆက်လှမ်းမယ့် ခွပ်ဒေါင်း
ထောင်သောင်းမက
အတောင်မညောင်းကြသေး။

တော်လှန်ရေး မအောင်မချင်း
အမှောင်ခွင်းပြီး အလင်းဆောင်
အလင်းရောင်မြင်လာတဲ့အထိ
သတ္တိဇွဲ ရဲရဲဆောင်
တောင်ပံဆန့်
မြန်ပြည်အနှံ့ခွပ်သွားမယ့်
လွတ်ကြောင်းအမှန်ကြံတဲ့
ခွပ်ဒေါင်းမာန်။

အာဏာရှင် စစ်ဖိနပ်အောက်
လက်မမြှောက် ဒူးမထောက်
ပန်းတိုင်ပိုင်ပိုင် ရောက်တဲ့ထိ
သတ္တိရှိရှိ တာဝန်သိသိနဲ့
တုံးဖိတဲ့ဖါး မြုံးမိတဲ့ငါးလို
မပိမပြား သတိထားပြီး
ကြိုးစားသွားမဲ့စိတ်ဓါတ်
ဘယ်တော့မှ ရပ်မသွားဘူး။

ရဲဘော်ကိုမောင်မောင်စိုး
အကြောင်းအကျိုး မခေတဲ့
ဒေါင်းအိုးဝေ သေရိုးမရှိ။

သင့်ခန္ဓာကိုယ် သေပေသော်ငြား
သင်ထားခဲ့တဲ့စိတ်ဓါတ်
သင်မှတ်ခဲ့တဲ့ဖြစ်ရပ်တွေဟာ
ဇာတ်ကြောင်းအဖန်ဖန်တပ်

ရဟတ်ပေါင်း အတန်တန်ခတ်သလို
မရပ်မနား တသွားထဲသွား
တကြွားထဲကြွားနေရအုံးမှာပါ။

သင့်ကို ဆုံးရှုံးရတဲ့အတွက်
မျက်ရည်စက်လက်နဲ့
စိတ်မှာတသက်သက်ဖြစ်နေတဲ့ကြားက
သင့်လုပ်ကွက်တွေကို ကျုံးပြီး
အပြုံးနဲ့ ဂုဏ်ယူနေမယ့်အကြောင်း
ရဲဘော်ဟောင်း ဘ၀အပြောင်း
ကောင်းပါစေ အကြောင်းသာပါစေဗျာ။

သင့်ကိုရှေးရှု အလေးပြုလိုက်ပါတယ်။

သင့်ရဲဘော်
ကိုကိုအောင်(ဆန်ဖရန်စစ္စကို) 11-29-11

------------------------------------------------

ABSDF ရဲ့ ရဲဘော် ကိုမောင်မောင်စိုး ကွယ်လွန်ကြောင်း ကြားသိရသည့်အတွက်...

မောင်မောင်စိုးဟာ တော်လှန် ရေးသမားလည်းဖြစ်၊ အနုပညာသမားလည်းဖြစ်တဲ့အရည်အချင်း ရှိသူတဦးဖြစ်ပါတယ်။။ ကျွန်တော်နှင့် အနုပညာ အကြောင်းများ ဂျီတော့ပေါ်တွင် မကြာခဏ ပြောလေ့ရှိပါတယ်။

အရမ်းမြန်လွန်းတယ်။ မထင်ထားဘူး၊၊မဲဆောက်က ဗိုလ်ကျောက် ပြောမှဘဲ သိရတာပါ၊၊

ကျနော်တို့ ဂျပန်ကABSDF ရဲဘော်ဟောင်းများမှလည်း အထူးကြေကွဲ ၀မ်းနည်း နှမြောမိပါတယ်၊၊

တော်လှန်ရေးစိတ်ဓါတ်ပြည့်ဝစွာဖြင့် တာဝန်ထမ်းဆောင်ခဲ့သော ခွပ်ဒေါင်းတကောင် ဆုံးရှံးရခြင်း အတွက် မိသားစုနှင့်ထပ်တူဝမ်နည်းရပါကြောင်း။

အစ်ကို ကိုစိုး ...ကောင်းရာသုဂတိ ရောက်ပါစေဗျာ။

ထွန်းဝေ (ဂျပန်)

-------------------------------------------------------------

ရဲဘော် မောင်မောင်စိုး( ဖို့ဝိန်း) ကွယ်လွန်ကြောင်းကြားသိရသည့်အတွက် ကျန်၇စ်သူမိသားစုနဲ့ အတူ ထပ်တူထပ်မျှ ၀မ်းနည်းကြေကွဲ ရပါကြောင်း....။

နေတင်မြင့်( နယူးယောက်)

------------------------------------------------------

သူ bronchitic ဖြစ်နေတာတော့ကြာပြီသိထားတယ်၊ဆေးပြင်းတွေသောက်နေရတယ်၊ ဒီလောက်မြန်သွားမယ်လို့တော့ ဘယ်သူမှ မထင်ထားဘူး၊မနေ့ညက ဆုံးတယ်၊သတင်းမေး အားပေးချင်ရင်တော့ သူမိသားစု ဖုံးနံပါတ်က ၂၆၀-၄၂၂-၁၃၂၄ ကို ဆက်လို့ရပါတယ်။

(ကိုကိုဦး)










စိတ်မကောင်းဝမ်းနည်းမှုဖြစ်မိပါတယ်။   ကိုမောင်မောင်စိုး ကောင်းရာသုဂတိ ရောက်ပါစေဗျာ။
Aung Moe (aka) Myo Lwin Aung    ( Canada, Toronto)