ကိုနိုင်အောင် ABSDF ဥက္ကဌဟောင်း၏ရှင်းလင်းချက်အပေါ်တွေ့ရှိချက်များ၊

ABSDF ကောက်ကြောင်းများ(2)

ဆလိုင်းကိုကိုဦး

25^th March, 2012

ကျနော်အနေဖြင့်ပထမဦးစွာ ရှင်းလင်းချက်လူသိရှင်ကြားထွက်လာသည့်အပေါ်တွင်ကြိုဆိုပါ

သည်၊ ထို့အပြင်ဤရှင်းလင်းချက်နဲ့ပတ်သက်ပြီး တာဝန်ရှိမှု၊ တာဝန်ခံမှုအတိမ်အနက်များကို

လည်း ကျနော်တို့အနေဖြင့်မယိမ်းမယိုင်ဝေဖန်ဆန်းစစ်မှုပြုရမည်ဟုလည်းနားလည်သဘော

ပေါက်မိပါသည်၊ ကျနော်အနေဖြင့် ဖြစ်စဉ်တခုအပေါ်လူပုဂ္ဂိုလ်တဦး၏ ရှင်းလင်းအပေါ်တွင်

ဝေဖန်ထောက်ပြသည်မှာလည်း အမှန်တရားပေါ်ထွန်းရေးကိုဦးတည်ခြင်းသာဖြစ်ပြီး မည်သူ

တဦးတယောက်ကိုမှ ထိခိုက်နစ်နာစေခြင်း၊ ဦးစားပေးခြင်း(favour)ပေးခြင်းမျိုးမရှိပဲ ပြဿနာ

ကိုဝိုင်းဝန်းဖြေရှင်းသည်ကို ပါဝင်ပတ်သက်နေသူများအားလုံးကိုနားလည်ပေးစေချင်ပါသည်၊

မကဒတမြောက်ပိုင်းတွင်ဖြစ်ပွါးခဲ့သောကိစ္စဖြစ်သည်မို့ မတရားအညှင်းဆဲခံခဲ့ရပြီးမှအသတ်ခံခဲ့

ရသောကျနော်တို့၏ရဲဘော်ရဲဘက်၊ နောင်တော်ညီတော်များနှင့်သက်ဆိုင်သည့်ကိစ္စများကိုဦး

စားပေးသွားမည်ဖြစ်ပြီး မကဒတ၏အတွင်းကောက်ကြောင်းများကိုပါလိုအပ်ရင်လိုအပ်သလို

ထည့်သွင်းရေးသားသွားမည်ဖြစ်ပါသည်၊

ကိုနိုင်အောင်စာပါရေးသားချက်များကို ကိုးကားရန်အပြာရောင်ဖြင့်ဖေါ်ပြထားပါသည်၊

(၁)မြောက်ပိုင်းကိုယ်စားလှယ်တစ်ဦးဖြစ်သော ကျော်ကျော်(ကချင်)ကို ၁၉၉၂ ခုနှစ် ဇန္နာ ဝါရီလတွင် `မကဒတ´မြောက်ပိုင်းသို့ပြန်လည်စေလွှတ်လိုက်ပါသည်။ ၎င်းနှင့်အတူ မိမိတို့ ထံသို့စစ်ဆေးတွေ့ရှိချက်များ အမြန်ဆုံးပေးပို့ပါရန်နှင့် မိမိတို့ဗဟိုကော်မတီ၏ ဗဟိုဆုံးဖြတ် ချက်မပါဘဲ မည်သည့်အရေးယူမှုကိုမျှ မလုပ်ရန်၊ ဗဟိုနှင့် ဆက်သွယ်ရေးစနစ်ကို တိုက်ရိုက် ထူထောင်ရန် ညွှန်ကြားချက်များ ပေးလိုက်ပါသည်။

(၂)အောက်တိုဘာလ (၁၁) ရက်နေ့တွင်မြောက်ပိုင်းမှ စပိုင်ဟုစွပ်စွဲဖမ်းဆီးခံရပြီး ထွက်ပြေး လွတ် မြောက်လာသူ ၃ ဦးနှင့် ပြုလုပ်သော နဝတ၏သတင်းစာရှင်းလင်းပွဲကိုကြားသိရပါ သည်။ မကဒတ(မြောက်ပိုင်း)တွင် စပိုင်ဟု စွပ်စွဲပြီး ဖမ်းဆီးထားသူ(၄၀)ကျော်ရှိကြောင်း၊ ဥက္ကဌ ထွန်းအောင်ကျော်အပါအ၀င် ဗဟိုကော်မတီဝင်(၅)ဦး ပါဝင်ကြောင်း၊ ရက်ရက်စက်စက် နှိပ်စက်စစ်ဆေးခံရတဲ့အတွက် ယခုအခါ (၅)ဦး ခန်.သေဆုံးသွားပြီဖြစ်ကြောင်း၊ အဆိုပါထွက် ပြေးလာသူ(၃)ဦးက ပြောဆိုခဲ့သည်ကို စစ်အစိုးရေဒီယိုမှတဆင့်ညီလာခံကိုယ်စားလှယ်တချို. ကြားသိခဲ့ရပါသည်။

ကိုနိုင်အောင်ရေးထားသည့် အပိုဒ်(၂)အရဆိုလျှင် စပိုင်ဟုအစွပ်စွဲခံရပြီး(၅)ဦးအသတ်ခံခဲ့

ရသည့်ကိစ္စကို အောက်တိုဘာလ(၁၁)ရက်နေ့ကပင်သိရှိနေပြီးဖြစ်သော်လည်းကိုနိုင်အောင်ဦး

ဆောင်သောဗဟိုအနေနဲ့ ကချင်ကျော်ကျော်ကိုမကဒတမြောက်ပိုင်းကိုညွန်ကြားချက်များအတူ စေလွတ်ခဲ့သည်မှာဇန္နဝါရီလ

တွင်ဖြစ်ခဲ့သည့်အတွက် ဥက္ကဌတဦးအနေနဲ့အလေးထားဆောင်

ရွက်မှုကိုမေးခွန်းထုတ်စရာဖြစ်လာပါသည်၊ အဖွဲ့အစည်းတခုလုံး၏ဂုဏ်သိက္ခာကိုလုံးဝထိခိုက်

နစ်နာစေနိုင်သောကိစ္စကို အချိန်တိုတိုအတွင်းမှာဘာကြောင့်မစွမ်းဆောင်ခဲ့ပါသလဲ၊

(၃) ၁၉၉၂ ခုနှစ် ဖေဖေါ်ဝါရီလ ၂၉ ရက်နေ့ထုတ် The Nation သတင်းစာတွင် မကဒတ မြောက်ပိုင်း၌စပိုင်များကို သတ်ဖြတ်အရေးယူလိုက်သည်ဆိုသောကိစ္စပါလာကြောင်း မိမိ တို့ဘန်ကောက်ရုံးမှ ပေးပို့သည့်ကြေးနန်း မိမိတို့တောတွင်းဌာနချုပ်သို့ ရောက်ရှိလာချိန်မှ ဤကိစ္စကို မိမိတို့သိရှိရခြင်းဖြစ်သည်။ ထိုကိစ္စနှင့်ပတ်သက်၍ ၁၉၉၂ခုနှစ် မတ်လ(၁)ရက်နေ့ ရက်စွဲဖြင့် ဘန်ကောက်နိုင်ငံခြားရေးရုံးမှ ကြေငြာချက်တစ်စောင်ထုတ်ပြန်ခဲ့ပါသည်။

အပိုဒ်(၃)အရဆိုလျှင် ဖေဖေါ်ဝါရီလ ၂၉ ရက်နေ့ထုတ် The Nation သတင်းစာမှတဆင့်သိခဲ့

ရသော အလွန်တရာကြီးမားသောသတ်ဖြတ်မှုများအတွက် အလိုတိုတောင်းသောတစ်ရက်တာ

မျှအတွင်း ကိုအောင်ထူး၏မတ်လ(၁)ရက်နေ့ထုတ်ပြန်ကြေငြာချက်ထွက်လာရသည့်အပေါ်

အလွန်မှဘ၀င်မကျဖြစ်ရပါသည်၊

အဆိုပါထုတ်ပြန်ကြေငြာချက်သည် ဗဟိုကော်မီတီ၏ဆုံးဖြတ်ချက်အရထုတ်ပြန်သောထုတ်

ပြန်ကျေငြာချက်မှဟုတ်ပါရဲ့လားဟု အမှန်ပင်သံသယရှိပင်ဖြစ်ပါသည်၊အကယ်၍ဤထုတ်ပြန်

ချက်သည် ဗဟိုကော်မီတီ၏ဆုံးဖြတ်ချက်မပါခဲ့ပါကအလွန်တရာမှားယွင်းနေသောလုပ်ဆောင်

မှုတခုဖြစ်ပြီး မကဒတ၏ဖွဲ့စည်းပုံအခြေခံဥပဒေပါစည်းမျည်းစည်းကမ်းများကို တာဝန်ရှိခေါင်း

ဆောင်များက ဖေါက်ဖျက်ကျူးလွန်ခဲ့သည်ဟုယူဆရမည်သာဖြစ်သည်၊

၎င်းအပြင် အဆိုပါလူသတ်မှုကို ဂဃဏနမသိရှိပဲ ဘန်ကောက်နိုင်ငံခြားရေးရုံးအနေနဲ့

တာဝန်ခံခဲ့သည့်အမှားသည် ကျနော်တို့အားလုံးချစ်မြတ်နိူးကြသော ကျောင်းသားတပ်မ တော်၏ဂုဏ်သိက္ခာကိုထိခိုက်စေယုံမျှမက ဤခွပ်ဒေါင်းအလံတော်အောက်တွင်ပေးဆပ်ခဲ့

ကြပြီးဖြစ်သောကျဆုံးရဲဘော်ရဲဘက်များ၊ ပေးဆပ်နေဆဲဖြစ်သောရဲဘော်ရဲဘက်များ၏ ပေးဆပ်မှုများအား

လုံးအပြင် မကဒတ၏သမိုင်းကြောင်းကိုလည်းမှေးမှိန်စေခဲ့ပါသည်၊

ဒါကြောင့်ဒီလိုမှားယွင်းစွာအလျှင်စလိုလုပ်ဆောင်မှုအတွက် မည်သူတွေမှာတာဝန်ရှိခဲ့ပါသလဲ၊

ဘယ်လိုတာဝန်ယူပေးမှာလဲ၊

(၄) မိမိပြန်လည်ထွက်ခွာပြီး(၃/၄)ရက်အကြာမေလ၂၁ရက်နေ့တွင် ဖမ်းဆီးခံနေရသူအားလုံး ထွက်ပြေးလွတ်မြောက်သွားပြီဖြစ်ကြောင်းကြားသိရပါသည်။သို့ဖြစ်၍ ထိုင်းနိုင်ငံသို့ ရောက်

လျှင်ရောက်ချင်း ၁၉၉၂ ခုနှစ် မေလ ၃၁ ရက် နေ့စွဲဖြင့် မိမိကြုံတွေ့ခဲ့ရသော အခြေအနေကို သဘောထားထုတ်ပြန်ခဲ့ပါသည်။ ထို့နောက် ဗဟိုအလုပ်အမှုဆောင်ကော်မတီသို့ အခြေအနေ များကိုဆက်လက်တင်ပြအစီရင်ခံခဲ့ပါသည်။

အဖမ်းခံရသူတွေထွက်ပြေးလွတ်မြောက်ပြီးမှ ကိုနိုင်အောင်ထုတ်တဲ့ထုတ်ပြန်ကြေငြာချက်ဟာ

နည်းနည်းတော့ထူးဆန်းနေပါသည်၊ မကဒတဥက္ကဌတဦးအနေနဲ့ဗဟိုကော်မီတီ၏တာဝန်ခံမှုမ

ရှိပဲ မြောက်ပိုင်းကော်မီတီ၏လုပ်ရပ်ကိုတာဝန်ခံခြင်းမှာ ဖွဲ့စည်းပုံစည်းမျဉ်းပါတာဝန်နဲ့လုပ်ပိုင်

ခွင့်ကိုကျော်လွန်သွားခဲ့ပြီဖြစ်ပါသည်၊ ထို့အပြင်သေဒဏ်အပြစ်ပေးခဲ့ခြင်းကိုတာဝန်ရှိဥက္ကဌတ

ဦးအနေနဲ့ ထောက်ခံမှုပေးခဲ့ခြင်းမှာ လုံးဝလက်ခံဘွယ်ရာမရှိသောတသီးပုဂ္ဂိလကဆုံးဖြတ်ချက်

အမှားပင်ဖြစ်ပါသည်၊

I have no more disputes about the righteousness to execute 15 spies. However, I myself, on behalf of the central committee, have the responsibilities for that even though there was no participation by central committee on decision process.

ကိုနိုင်အောင်အနေနဲ့ မည်သည့်အတွက်ကြောင့်အဆိုပါ(၁၅)ဦးကိုတပြိုင်တည်းသတ်ဖြတ်ခဲ့

သည်ကိုမှန်ကန်ပါသည်လို့ဆုံးဖြတ်ခဲ့ပါသလဲ၊ ကျနော်တို့အားလုံးလက်မခံနိုင်ပါ၊ တခါတရံမှာ

တာဝန်ရှိသောဥက္ကဌတဦးအနေနဲ့ ဦးနှောက်တကယ်သုံးပြီးဆုံးဖြတ်ခဲ့တာမှဟုတ်ရဲ့လားလို့

တောင်သံသယရှိလှပါသည်၊ ဒါဟာမကဒတသမိုင်းကြောင်းတခုလုံးကိုရိုက်ချိုးခံခဲ့ရတာနော်

ဒီအတွက်ရောကိုနိုင်အောင်ဘယ်လိုတာဝန်ယူပေးမှာလဲ၊

(၅)မြောက်ပိုင်းကိုယ်စားလှယ်များ တောင်ပိုင်းဗဟိုသို့ရောက်ရှိလာခြင်းများရှိသော်လည်း

တောင်ပိုင်းဗဟိုကော်မတီဝင်တွင်ပါဝင်ခြင်းမရှိပါ။

အပိုဒ်(၅)ဆိုလျှင် တောင်ပိုင်းဗဟိုဋ္ဌါနချုပ်တွင် အထင်ကရဖြစ်သောဗဟိုကော်မီတီဝင်များ

ဖြစ်ကြသော ကချင်ကျော်ကျော်၊ကိုလှဋ္ဌေး၊ကိုစိုးလင်း၊တို့ရှိနေသည်မှာလူသိရှင်ကြားဖြစ်သည်၊

(၆)မိမိ ဧပြီလပထမဆုံးအကြိမ် ရောက်ရှိစဉ်က ဖမ်းဆီးခံထားရသူများရော၊ ကျန်ရဲဘော်များပါ မည်သည့် နှိပ်စက်မှုကိုမှထုတ်ဖေါ်မပြောခဲ့ကြပါ။ မိမိအနေဖြင့် နဝတ သတင်းစာရှင်းလင်းပွဲမှ ကြားသိရမှုများကိုယုံတချက်၊ မယုံတချက်ဖြစ်ရပါသည်။ နောက်ပိုင်းတွင်မှတစစဖြင့်စိတ်မ

ကောင်း ဖွယ်ရာများ သိလာကြရခြင်းဖြစ်ပါသည်။မိမိအနေဖြင့် ရှင်းပြလိုသည်မှာ အခင်းဖြစ်ပွား ချိန်က ဤမျှအထိ ဖြစ်ခြင်းကိုမသိခဲ့ကြပါ။ ၎င်းအပြင် မိမိတို့ဗဟိုအနေဖြင့်မြောက်ပိုင်းကော်မ

တီမှ ထုတ်ဖေါ်တွေ့ရှိမှုများ မှန်မမှန်၊ ၎င်းတို့လုပ်နည်း မှန်မမှန် ဆိုသည်ကိုစစ်ဆေးနိုင်သည့် အနေအထားမရှိခဲ့ဘဲ၊ ဖြစ်ပြီးခဲ့သည်များကိုသာ နိုင်ငံရေးအရ ၀င်ရောက် တာဝန်ယူထိန်းသိမ်း ခဲ့ရခြင်းဖြစ်သည်။ မိမိတို့အကောင်းဆုံး လုပ်နိုင်ရန်ကြိုးစားသည်မှာ ဖမ်းဆီးခံများ ထပ်မံ

အသတ်မခံရရေး၊ ဖမ်းဆီးမှုများ ရပ်တန့်ရေး၊ ဖမ်းဆီးခံထားရသူများ လွှတ်ပေးရေးနှင့်

`မကဒတ´မြောက်ပိုင်းကို တောင်ပိုင်းဗဟိုအောက်တွင်ပါဝင်၍ ဗဟို၏ လမ်းညွှန်မှုကို ခံယူ နိုင်ရေးကိုသာအဓိကကြိုးစားခဲ့ပါသည်။

ဤအပိုဒ်တွင် “အခင်းဖြစ်ပွားချိန်က ဤမျှအထိဖြစ်ခြင်းကိုမသိခဲ့ကြပါ။” ဆိုသည့်အချက်ကို

လက်ခံပြီးစဉ်းစားကြည့်ပါသည်၊ ဥက္ကဌတဦးအနေနဲ့အဖြစ်အပျက်ကိုအသေအချာမသိရှိပဲ

အန္တရယ်အလွန်များသော နိုင်ငံရေးအရတပ်ဦး၏ဂုဏ်သိက္ခာကိုအကြီးအကျယ်ထိခိုက်စေနိုင်

သောကိစ္စကို မည့်သည့်အတွက်ဗဟိုကော်မီတီအများစုနဲ့တိုင်ပင်ဆွေးနွေးခြင်းမပြုပါသလဲ၊

“မြောက်ပိုင်းကို တောင်ပိုင်းဗဟိုအောက်တွင်ပါဝင်၍ ဗဟို၏လမ်းညွှန်မှုကိုခံယူနိုင်ရေးကိုသာ အဓိကကြိုးစားခဲ့ပါသည်။” လို့ဆိုထားတဲ့အတွက် ဗဟိုနှစ်ခုကွဲနေသည့်အပေါ် မိမိဦးဆောင်မှု

ဘက်ပါလာရေးကိုအဓိထားဆောင်ရွက်ရင်း၊ တပ်ဦး၏ဦးတည်ချက်ပါလူ့အခွင့်အရေးချိုးဖေါက်

မှုကိုသိသိကြီးနဲ့လစ်လျှူရှု့လေခဲ့သလား မေးစရာများပေါ်လာနေပါသည်၊

(ရ)ရန်သူစပိုင်ဖြစ်စေကာမူ အတွေးအခေါ် မတူသူသာဖြစ်၍ ခန္ဓာကိုယ် နာကျင်စေသည့်

နည်းဖြင့် ဖြေရှင်းအဆုံးသတ်ရမည်ဟု မိမိတစ်ယောက်တည်းအနေဖြင့် မယုံကြည်ပါ။

http://www.scribd.com/doc/86685600/D3Conf

ကျနော်အနေဖြင့်ကိုနိုင်အောင်၏အထက်ပါမြွက်ဆိုချက်ကိုလုံးဝနားလည်ပေးရန်သော်လည်း

ကောင်း၊ ယုံကြည်ရန်သော်လည်းကောင်းလုံးဝမဖြစ်နိုင်သည့်အကြောင်းတရားများအခိုင်အမာ

ရှိနေခဲ့ပါသည်၊ဗဟိုနဲ့နှစ်နာရီမျှသာခရီးဝေးသောသံလွင်စခန်းတွင်ဖြစ်ခဲ့သော တပ်ဖွဲ့ဝင်တဦးကို

စခန်းကော်မီတီမှဗဟိုအားလုံးဝအသိပေးအကြောင်းခြင်းမရှိပဲဆုံးဖြတ်ကာသေဒဏ်ပေးခဲ့သည့်

အမှုနှင့် ဘုရားသုံးဆူတပ်ရင်း(၁၀၁)တွင်အလားတူဖြစ်ခဲ့သော လုပ်ရပ်များအတွက် ဗဟိုကော်

မီတီအစည်းအဝေးနှင့်တတိယအကြိမ်ညီလာခံတွင် မည်သူတွေကိုမည်သို့ရပ်တည်ခဲ့ကြပြီး၊ အ

ပြစ်ရှိသူများကိုအကာအကွယ်ပေးခဲ့သည်ကို ကျနော်သိရှိနေသည့်အတွက်ကြောင့်ဖြစ်သည်၊

http://www.scribd.com/doc/86677742/ABSDF-MTZ-Third-Conference-Clarification

 (၈)သို့သော်လည်း အမှားများကိုပုံဖေါ်ရင်း အမှန်ကိုမေ့သွား ဖုန်းကွယ်သွားသည်များလည်းမ

ဖြစ်သင့်ပါ။ ယုံကြည်မှုဖြင့် အသက်စွန့်လွှတ်၍ တိုက်ပွဲဝင်ခဲ့ကြသော မကဒတနှင့်ကျောင်းသား တပ်မတော်ဟူသော အဖွဲ့အစည်းများ၏ ဂုဏ်သိက္ခာနှင့် စွမ်းဆောင်မှုကိုမှေးမှိန်ပပျောက်ရန် အထိမတိုက်ခိုက်သင့်ပါ။

ကိုနိုင်အောင်အနေဖြင့်မိမိ၏မှားယွင်းသောဆုံးဖြတ်ချက်ကြောင့် မကဒတအဖွဲ့ဂုဏ်သိက္ခာထိ

ခိုက်ခဲ့ရပါသည်ကိုလုံး၀၀န်ခံခြင်းမရှိပဲ၊ ဝေဖန်ပြောဆိုနေကြသောသူများကိုအပြစ်မြင်နေခြင်း

များကလည်းခေါင်းဆောင်မပီသသည့် တာဝန်ကိုရှောင်လွှဲလိုသောစိတ်ဓါတ်ကိုအပီအပြင်ဖေါ်

ပြလျှက်ရှိနေပါသည်၊ တကယ်ဆိုလျှင်မိမိ၏ချို့ယွင်းချက်များကြောင့် မကဒတဂုဏ်သိက္ခာကျခဲ့

ရပါသည်၊ မိမိတွင်လည်းတာဝန်ရှိခဲ့ပါသည်၊ မကဒတ၏တည်ရှိပြီးဖွဲ့စည်းပုံစည်းမျည်းများအ

တိုင်းဆောင်ရွက်နိုင်ခဲ့ခြင်းမရှိသည်ကိုဝန်ခံပြီး မကဒတတွင်တာဝန်ထမ်းဆောင်ခဲ့ကြသည့် ပေးဆပ်ခဲ့ပြီးပေးဆပ်ဆဲရဲဘော်ရဲဘက်များကိုလည်း လူသိရှင်ကြားတောင်းပန်စကားဆိုသင့်

အပ်ပါသည်၊

(၉) ဆုံးရှုံးနစ်နာမှုများတွေ့ရှိပါက တာဝန်ရှိသူများကို နစ်နာသူများ၏ဆန္ဒအရသော်၎င်း၊ ဥပဒေအရသော်၎င်း အရေးယူဆောင်ရွက်မှုများ ပြုလုပ်သင့်ပါသည်။မြောက်ပိုင်းသူလျိုများ

အား ဖမ်းဆီးအရေးယူသည့်ကိစ္စရပ်တွင် မှားယွင်းစွာဖမ်းဆီးနှိပ်စက်ခံခဲ့ ရသော ရဲဘော်၊

ရဲမေများအားလုံးကို မကဒတဥက္ကဋ္ဌဟောင်းတစ်ယောက်အနေဖြင့် အနူးအညွတ်တောင်းပန်

အပ်ပါသည်။

မှားယွင်းစွာဖမ်းဆီးနှိပ်စက်သတ်ဖြတ်ခံခဲ့ရသော ရဲဘော်၊ရဲမေများအားလုံးကို မကဒတ ဥက္ကဋ္ဌဟောင်းတစ်ယောက်အနေဖြင့် အနူးအညွတ်တောင်းပန်ခဲ့သည်အပေါ် ကျနော်အနေ

ဖြင့်ကျေနပ်မိပါသည်၊ “တာဝန်ရှိသူများကို နစ်နာသူများ၏ဆန္ဒအရသော်၎င်း၊ ဥပဒေအရသော်

၎င်းအရေးယူ ဆောင်ရွက်မှုများပြုလုပ်သင့်ပါသည်။”ဆိုသည့်အချက်အတွက်ပိုပြီးရှင်းလင်းသွား

ရန်လိုအပ်နေပါသည်၊ ကိုနိုင်အောင်အနေနဲ့လက်တွေ့ဆုံးဖြတ်ပြီးသတ်ဖြတ်မှုကျူးလွန်သူများ

ကိုသာ“တာဝန်ရှိသူများ”အဖြစ်ရည်ညွှန်းပုံရသည်၊

အဆိုပါရည်ညွှန်းချက်ဖြစ်သည်“တာဝန်ရှိသူများ”ကိုအပြန်အလှန်ရှင်းချက်ထုတ်ရမည့်ကိစ္စက

တော့ သတ်ဖြတ်မှုတွင်အဓိကတာဝန်ရှိသူဟုအများကယူဆနေကြသည့်ရော်နယ်အောင်နိုင်နှင့်

မြောက်ပိုင်းဗဟိုကော်မီတီများသာလျှင်ဖြစ်ပေသည်၊

(၁၀)(မှတ်ချက် ။ ။ မြောက်ပိုင်းကော်မတီမှပေးပို့သော စစ်ချက်များ၊ ကိုနေ၀င်းအောင်နှင့် ကိုစိုးလင်းတို့၏ ထွက်ဆိုချက်များကို သင့်တော်သော အခြေအနေတွင် အများပြည်သူသိ ရှိအောင်ထုတ်ပြနိုင်ရန်အတွက် လုံခြုံစွာသိမ်းဆည်းထားပါသည်။၎င်းတို့ ထုတ်ဖေါ်ပြောဆို

ခဲ့သော နာမည်များသည် ယနေ့တိုင် စစ်အာဏာရှင်ဆန့်ကျင်ရေးလှုပ်ရှားမှုများတွင် တက်ကြွစွာပါဝင်နေဆဲဖြစ်သောကြောင့် မသင့်တော်ဟု ယူဆသဖြင့် မထုတ်ပြန်ပေးခြင်း ဖြစ်ပါသည်။)

ဤအပိုဒ်ကိုကြည့်ခြင်းအားဖြင့် ကိုနိုင်အောင်အနေဖြင့်မြောက်ပိုင်းသတ်ဖြတ်မှုများအတွက်

နောင်တတရားမရသေးသည်ကိုဖေါ်ပြနေသည့်အပြင် မိမိ၏ဗဟိုကော်မီတီမှလူမဆန်စွာ

ညှင်းပန်းနှိပ်စက်ပြီးရယူထားသော မရေရာသောထွက်ဆိုချက်များနဲ့ပင် နောက်ထပ်လူများ

ကိုခြိမ်းချောက်ပြနေသကဲ့သို့ပင်ဖြစ်သည်၊ ဒါကြောင့်ကျနော်အနေဖြင့်ကိုနိုင်အောင်၏နစ်

နာခဲ့ရသောမိသားစုများနှင့်ရဲဘော်ရဲမေများကို တောင်းပန်ခဲ့သည်မှာအမှန်တကယ်ရင်ထဲ

မှလာသောစကားမှဟုတ်ပါလေစဟု ကျနော်အနေဖြင့်သံသယ၀င်မိပါသည်၊

ကျနော်အနေဖြင့် ကိုနိုင်အောင်မြောက်ပိုင်းကို ဖေဖေါ်ဝါရီလ(၁၂)ရက်မတိုင်မှီရောက်ခဲ့

သည်ဖြစ်စေ၊ မရောက်ခဲ့သည်ဖြစ်စေ၊ ကိုယ်တိုင်မမြင်မတွေ့ခဲ့ရသည့်အတွက် အငြင်းပွါး စရာမရှိပေမဲ့ ဥက္ကဌတဦးအနေဖြင့် မကဒတ၏ဖွဲ့စည်းပုံဆိုင်ရာစည်းမျည်းစည်းကမ်းအရ

လိုက်နာဆောင်ရွက်မှုမရှိခဲ့သည်ကိုတော့ အခိုင်အမာပြောဆိုချင်ပါသည်၊ မကဒတဥက္ကဌ

တဦးအနေနဲ့ စီမံခန့်ခွဲမှုဆိုင်ရာမှားယွင်းခဲ့သည့်အတွက် မကဒတသာမကရှစ်လေးလုံးတော် လှန်ရေးသမိုင်းကြောင်းတခုလုံး ထိခိုက်ခဲ့ရသည့်ကိစ္စကိုတော့ မုချမသွေတာဝန်ယူရလိမ့်

မည်ဖြစ်ကြောင်းပြောကြားလိုပါသည်၊

ကျနော်အနေနဲ့ခံယူထားသည်မှာ ကျနော်တို့အားလုံးသည် မှားယွင်းစွာဖမ်းဆီးနှိပ်စက်သတ်

ဖြတ်ခံခဲ့ရသော ရဲဘော်၊ရဲမေများအားလုံး၏ နိုင်ငံရေးဂုဏ်သိက္ခာကိုပြန်လည်ဖေါ်ထုတ်ပေးရ

မည့်အပြင် မကဒတ၏သမိုင်းကြောင်းဆိုင်ရာ နိုင်ငံရေးဂုဏ်သိက္ခာကိုလည်း ပြန်လည်တည်

ဆောက်ရမည်ဟုအပြည့်အ၀ယုံကြည်မိပါသည်၊ ဤယုံကြည့်ချက်နဲ့အတူ အမှန်တရားနှင့်အ

မှုမှန်သမိုင်းမှန်ဖေါ်ထုတ်ရေးကို ဘက်ပေါင်းစုံမှပူးပေါင်းဆောင်ရွက်သွားမည်ဖြစ်ကြောင်းပြော

ကြားလိုက်ပါရစေခင်ဗျာ၊

အမှန်တရားနှင့်အမှုမှန်သမိုင်းမှန်ဖေါ်ထုတ်ရေးကိုဦးတည်လျှက်

(ကိုကိုဦး)

ကျောင်းသားတပ်မတော်အဖွဲ့ဝင်ဟောင်း၊