“အမေ့သား စကားတိုးတိုးပြောလှည့်ပါ ”

ကာရံချိုမြ
သွေးစစွန်းထင်းနေတယ်
တယောကြိုးလည်း
တီးတိုးငိုကြွေးနေတယ်
ဂစ်တာတလက်
အုတ်ခုံထက်မှာ
အသက်မရှိရှာတော့ဘူး။

အမေ့အိမ်နား
ဒီညများမှာ
စစ်သားဖိနပ်
တခွပ်ခွပ်နဲ့
ရပ်လို့စောင့်နေတယ်။

အိမ်လည်ကြူးတဲ့သား
မိုးစက်တွေကြားမှာ
ငှက်ဖျား မိနေရော့သလား။

အမေ့နားမှာ
သားခေါ်သံများ
တိုးတိုး ကြားလျင်
နားကိုလှည့်စား
ဒီညများ
ဘယ်သွားနေလဲ လူကလေးရယ်။

သားတို့ကျောင်းက
ခွပ်ဒေါင်းလံကလေး
ရေမြောင်းဘေးမှာ
သွေးတွေစွန်းလျက်
ညနေဘက်က
အရပ်ထဲကလူတွေတွေ့ခဲ့သတဲ့။

အမေ့သား
စကားတိုးတိုးပြောလှည့်ပါ ။ ။

တင်မိုး
(ဒေါင်းအိုးဝေ အတွဲ (၁) ၊ အမှတ် (၇) အောက်တိုဘာလ၊၁၉၈၉ မှ)