“ကွန်ယက်” ဆိုတာ...ဒါပဲ

ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်ပြီးနောက် လူမှုရေး၊ နိုင်ငံရေး၊ အဖွဲ့ အစည်းများအား မြန်မာတစ်နိုင်ငံလုံး “ကွန်ယက်တွေဖွဲ့ကြပါ” လို့ တိုက်တွန်းနှိုးဆော်ခဲ့ပါသည်။ သို့ရာတွင် အချို့သော အသင်းအဖွဲ့များသည် “ကွန်ယက်” ဟူသော စကားလုံးအဓိပ္ပာယ်ကို သဘောမပေါက်သည်ပဲ လား နားမလည်၍လားတော့မသိ။ “ကွန်ယက် … ကွန်ယက်” ဟူ၍သာ ပြောဆိုနေပြီး လက်တွေ့ အကောင်အထည် ဖော်ခဲ့ခြင်းများမရှိချေ။ “ချိတ်ဆက်ဆောင်ရွက်ခြင်း” ဆိုသည့်စကားလုံးကို နားမလည် နိုင်စရာ မရှိသလို .. “ကွန်ယက်” ဆိုသည့်စကားလုံးသည်လည်း အခုမှပေါ်လာသည့် ပေါ်ပင်အသုံးအနှုန်း မဟုတ်။ သို့ပေမယ့် ပေါ်ပေါ်ပင်ပင် ပိုဖြစ်လာပြီး ရှုပ်ထွေးမှုများလည်း မြင်နေ ကြားနေရသည်။ “ကွန်ယက်” ဟူသည် တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့၊ အပေးအယူမျှတ ညီညွတ်စွာဖြင့် မခိုမကပ် စည်းလုံးညီညွတ် တက်ကြွစွာ လူသားအကျိုးပြု၊ နိုင်ငံအကျိုးပြုလုပ်ငန်းရပ်များအား လက်တွေ့အဖြစ် အကောင်အထည် ဖော်ရသော လုပ်ငန်းရပ်ဖြစ်သည်ဟု ကျွန်တော်နားလည်မိသည်။
ကျွန်တော်တို့ နာရေးကူညီမှုအသင်း(ရန်ကုန်)အနေဖြင့် နာရေး၊ ကျန်းမာရေး လူမှုအကျိုးပြု လုပ်ငန်းရပ်များ အခမဲ့ ပေးဆပ်မှုများ ပြုလုပ်နေသည်နှင့်အညီ ပညာရေး၊ သဘာဝဘေးအန္တရာယ်များ အားလည်း ကွန်ယက်သဖွယ်စည်းလုံးညီညွတ်စွာ နယ်ဒေသများရှိ ပရဟိတအသင်းအဖွဲ့များ၊ ပြည်သူလူထု များနှင့် ပူးပေါင်းဆောင်ရွက်ပေးဆပ်ခဲ့သည်။
သဘာဝဘေးအန္တရာယ်များနှင့် ပတ်သက်၍ မီးဘေး၊ လေဘေးတို့အပြင် ထင်ရှားသော နာဂစ် ဆိုက်ကလုန်းမုန်တိုင်း၊ ပခုက္ကူရေဘေး အန္တရာယ်များကို တွေ့ကြုံခဲ့သော ဒေသခံဒုက္ခသည် ပြည်သူလူထု အပေါင်းတို့အား နာရေးကူညီမှုအသင်း(ရန်ကုန်)နှင့် ဒေသခံ အသင်းအဖွဲ့များ၊ ဒေသခံ မိဘပြည်သူများနှင့် ပူးပေါင်း၍ မခိုမကပ် ဒုက္ခဆင်းရဲခံကာ အပိတ်အပင်အတားအဆီးများကြားထဲမှ ကူညီပေးဆပ်မှုများ ပြုလုပ်ခဲ့သလို လူမျိုးရေး ပဋိပက္ခများဖြစ်ပွားခဲ့သော ရခိုင်၊ မိတ္ထီလာ စသည့်မြို့များသို့လည်း သွားရောက် ကူညီလှူဒါန်းမှုများ ပြုလုပ်ခဲ့သည်။ ထိုသို့သော လူမှုဒုက္ခများကို ကူညီပေးခဲ့သလို နာရေးကူညီမှုကိစ္စရပ် တစ်ခုဖြစ်သော နာရေးကူညီမှု “ကွန်ယက်” အားလည်း ၂၆.၇.၂ဝ၁၃ နေ့ရက်က လုပ်ဆောင်ခဲ့သည်။ မလေးရှားနိုင်ငံတွင် ကွယ်လွန်ခဲ့သော ဦးဝေဖြိုး အသက် (၂၈) နှစ်၏ ရုပ်အလောင်းအား ကွယ်လွန်သူ၏ ဇာတိ ချောက်မြို့သို့ ပြန်လည်သယ်ဆောင်မှု ကုသိုလ်ရေးလုပ်ငန်းအားလည်း ရန်ကုန်အပြည်ပြည်ဆိုင်ရာ လေဆိပ်မှ နာရေးကူညီမှုအသင်း(ရန်ကုန်)ရှိ နာရေးနှိဗ္ဗာန်ယာဉ်ဖြင့် သယ်ဆောင်ပေးကာ အမှတ် (၃) လမ်းမကြီးသို့အရောက် ချောက်မြို့ရှိ နာရေးကူညီမှုလုပ်ငန်းများကို လုပ်ဆောင်ပေးဆပ်လျှက်ရှိသော “မနောဖြူ လူမှုကူညီရေးအသင်း(ချောက်)”အဖွဲ့နှင့် ချိတ်ဆက်ကာ ကွယ်လွန်သူ၏ ရုပ်အလောင်းအား လွှဲ ပြောင်းပို့ဆောင်မှုအား လူမှုရေးကွန်ယက်သဖွယ် ပြုလုပ်ပေးခဲ့သည်။ ထို့အပြင် ကျန်းမာရေးနှင့် ပတ်သက် ၍လည်း နာမကျန်းဖြစ်နေသူ ကိုအောင်သန်းဌေးအား သူ၏နေရပ် ပုသိမ်မြို့သို့ သယ်ဆောင်မှုပြုလုပ် ပေးရာတွင်လည်း မြောက်ဒဂုံမြို့နယ်နေအိမ်မှ နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်း မှ အရေးပေါ်လူနာတင်ယာဉ်ဖြင့် ပန်းတနော်မြို့နယ်အဝင်သို့ သယ်ဆောင်ခဲ့ပြီး ပုသိမ်မြို့နယ်မှ လူမှုရေး အသင်းအဖွဲ့ဖြစ်သော “သစ္စာရောင်ခြည်” လူမှုကူညီရေးအသင်းနှင့် ချိတ်ဆက်လွှဲပြောင်း၍ သယ်ဆောင်မှု တို့ကို စည်းလုံးညီညွတ် တက်ကြွစွာဖြင့် ကူညီပံ့ပိုးပေးခဲ့သည်။
လူမှုရေးကွန်ယက်ဟူသည် နာရေးဖြစ်ပေါ်မှု၊ ကျန်းမာရေး ချို့တဲ့မှု၊ သဘာဝဘေးကြုံတွေ့မှု စသည့် အပူမီးများ၊ ဒုက္ခမီးများ ဖြစ်ပေါ်လာပါမှ ချိတ်ဆက်ရသော “ကွန်ယက်” ဟူ၍ သတ်မှတ်၍ မရချေ။ နာရေး ဒုက္ခ၊ ကျန်းမာရေးဒုက္ခ၊ သဘာဝဘေး ဒုက္ခများအပြင် သုခတည်းဟူသော သာရေးကိစ္စရပ်များကိုပါ ကွန်ယက်သဖွယ် ယှက်နွယ်မှ လူမှုရေးကွန်ယက်ဟုသတ်မှတ်ပါမှ ပြီးပြည့်စုံမည်ဖြစ်သည်။ အကြောင်းမှာ ကျွန်တော်တို့ နာရေးကူညီမှုအသင်း(ရန်ကုန်)သို့လာရောက် လှူဒါန်းကြသော အလှူရှင်များ၏ အလှူငွေ များထဲမှ အများအကျိုးရှိမည့် ပညာရေးအလုပ်အကိုင်ရှာဖွေရေးသင်တန်း၊ လူသားအကျိုးပြု သင်တန်းများ အပြင် ကျန်းမာရေး ကူညီစောင့်ရှောက်ရန်အတွက်လည်း ရန်ကုန်မြို့အပြင် ပြည်၊ ကြို့ပင်ကောက်၊ ပဲခူး၊ ပဲနွယ်ကုန်းစသည့်မြို့များတွင် သုခကုသိုလ်ဖြစ်ဆေးခန်းများဖွင့်လှစ်ပေးခြင်းနှင့် မြန်မာပြည်အရပ်ရပ်ရှိ ဧရာဝတီတိုင်းဒေသကြီး၊ ကျုံပျော်မြို့နယ်၊ သောင်ကြီးကျေးရွာနှင့် အမှတ်(၁ဝ)နယ်မြေ၊ ပုသိမ်မြို့များသို့ လုပ်အားပေးကုသိုလ်ဖြစ် ဆရာဝန်များနှင့် အခမဲ့ ကုသပေးနေသော ကိုယ်ထူကိုယ်ထ ကုသိုလ်ဖြစ် ဆေး ခန်းများသို့လည်း လစဉ်ဆေးဝါးများ ထောက်ပံ့ကူညီခြင်းများနှင့် အနာဂတ်ကလေးငယ်များ မကြွေလွင့် ရအောင်၊ သွေးလွန်တုပ်ကွေးအန္တရာယ်မှ ကင်းဝေးရအောင်လည်း နာရေးကူညီမှုအသင်း(ရန်ကုန်)မှ ရန်ကုန်မြို့ရှိ စာသင်ကျောင်းများအပြင် ပြည်မြို့၊ ပဲခူးမြို့များရှိ သုခကုသိုလ်ဖြစ်ဆေးခန်းခွဲများသို့လည်း ခြင်ဆေးဖျန်းမှုတ်စက်များအား တဆင့်လှူဒါန်းကူညီမှုများကို စဉ်ဆက်မပြတ်ပြုလုပ်ခဲ့သည်။ ထို့ကြောင့် အချုပ်ဆိုရသော် “ကွန်ယက်” ဟူသည် ဆိုးကျိုးကိစ္စးရပ်များအား အချင်းချင်း ပူးပေါင်းကာကွယ်ကူညီ ဖေးမမှုများကို ပြုလုပ်ရသလို ကောင်းကျိုးကိစ္စရပ်ဖြစ်သော လာဘ်လာဘ (အလှူငွေနှင့် ကိုယ်ပိုင်ငွေ)တို့ အားလည်း အများအကျိုးအတွက် မျှဝေကူညီ ဖေးမဆောက်တည်ရသော မွန်မြတ်သော လုပ်ရပ်တစ်ခု ဖြစ်ပေသည်ဟု ကျွန်တော်ခံယူမိတော့သည်။
ယခု “ကွန်ယက်ဆိုတာ … ဒါပဲ” ဆောင်းပါးအား ရေးသားသည့်အချိန်တွင် ကျွန်တော်၏ စိတ်အစဉ် တို့သည် လွန်ခဲ့သော ၂ဝ၁၁ ခုနှစ်အတိတ်ကာလသို့ ပြန်လည်ရောက်ရှိသွားခဲ့သည်။ ကျွန်တော်ရေးဆွဲ ခဲ့သော ပန်းချီကားများအား ပြင်ပပန်းချီပြခန်းများတွင် ပြသခွင့်မရရှိသောကြောင့် ကျွန်တော်၏ဇနီး ရွှေဇီးကွက်မွေးနေ့ဖြစ်သော ၂ဝ၁၁ ခုနှစ် ဇန်နဝါရီလ (၁) ရက်နေ့တွင် ကျွန်တော်၏နေအိမ်၌ မိတ်ဆွေ သူငယ်ချင်းများ ရဲဘော်ရဲဘက်များနှင့် လူထုခေါင်းဆောင် ဒေါ်အောင်ဆန်းစုကြည်တို့အား ဖိတ်ကြားခဲ့ရာ ဒေါ်အောင်ဆန်းစုကြည်မှ တက်ရောက်ချီးမြှင့်ခဲ့သည်။ ကျွန်တော်ရေးဆွဲထားသော ပန်းချီကားများနှင့် ကျွန်တော်ရိုက်ကူးထားသော ဓါတ်ပုံများအား ဒေါ်အောင်ဆန်းစုကြည်မှ စိတ်ဝင်တစား ကြည့်ရှုအားပေး ခဲ့ကာ ကျွန်တော်မှ (Canves) ပန်းချီချပ်အသစ်ပေါ်တွင် ဒေါ်အောင်ဆန်းစုကြည်အား ဆီဆေးဖြင့် ပန်းချီ ကားတစ်ကား ရေးဆွဲပေးပါရန် တောင်းဆိုခဲ့သည်။ ဒေါ်အောင်ဆန်းစုကြည်သည် စုတ်တံတစ်ချောင်းအား ယူဆောင်လိုက်ကာ ဆီဆေးအပြာပေါ်သို့ ဆေးတို့၍ ပိတ်ကားပြင်ထက်မှာ ရဲတင်းစွာဖြင့် ရေးဆွဲလိုက် တော့သည်။ ထို့နောက် ကျွန်တော့်အား “သားအဆုံးသတ်ပြီးစီးအောင် ဆက်ဆွဲလိုက်ပါ” ဟုမှာကြားခဲ့ သည်။ သို့သော် အမေစုဆွဲထားသော ထိုပန်းချီကားပြီးစီးအောင် ကျွန်တော်ဆက်၍ မဆွဲဖြစ်ခဲ့၊ မဆွဲရဲခဲ့ပေ။ အမေက လက်နဲ့ရေးသားက ခြေနဲ့ဖျက် ဖြစ်ရပ်မျိုး မဖြစ်စေချင်၊ အဘယ့်ကြောင့်ဆိုသော် အမေစုဆွဲထား သော ပန်းချီကားသည် အလုံးစုံပြီးပြည့်စုံသွားပြီဟု ကျွန်တော်ထင်သည်။ ထိုအဖိုးတန် အမေစု၏ ဆီဆေး ပန်းချီကားကား ယနေ့တိုင် ကျွန်တော့်ရုံးခန်း စားပွဲထက်တွင် ရွှေဘောင်ကွပ်၍ ချိတ်ဆွဲထားမြဲဖြစ်တော့ သည်။
“အပြာနုရောင် လှိုင်းလုံးလေးများ ချိတ်ဆက် … ဒီရေအလား ကွန်ယက်ပမာ တိုးတက်လို့နေတော့သည်။”
ကျော်သူ