ကရင်ပြည်နယ် လှိုင်းဘွဲမြို့တွင် မြစ်ရေကြီးမှုကြောင့် ကယ်ဆယ်ရေး စခန်းများ ဖွင့်လှစ်

Tuesday, July 30, 2013

ကရင်ပြည်နယ်အတွင်း မိုးဆက်တိုက် ရွာသွန်းနေမှုကြောင့် ဒေါနတောင်ကျရေ အရှိန်ဖြင့် လှိုင်းဘွဲချောင်းရေ မြင့်တက်လာကာ လှိုင်းဘွဲ့မြို့ပေါ် ရပ်ကွက်များ၌ ဇူလိုင် ၂၈ ရက် မွန်းလွဲပိုင်းမှ စတင်ကာ ရေကြီးရေလွှမ်းမှုများ ဖြစ်ပေါ်နေကြောင်း သိရသည်။

''ကယ်ဆယ်ရေး စခန်းတွေကို အချိန်နဲ့ တစ်ပြေးညီ ဖွင့်လှစ်ပေးထားတယ်။ လိုအပ်တဲ့ ဆန်၊ ဆီ၊ ဆား အပါအ၀င် စောင်၊ ခြင်ထောင်၊ အ၀တ်အထည် တွေကိုလည်း ထောက်ပံ့ပေးပြီး ဆေးခန်းတွေလည်း ဖွင့်လှစ်ပေးထားတယ်။ ရေဘေးဒုက္ခသည်တွေ ရွှေ့ပြောင်းစ အနေအထားမို့ အိမ်ထောင်စုစာရင်း အတိအကျ မသိရသေးဘူး'' ဟု လှိုင်းဘွဲမြို့ ရေဘေးကယ်ဆယ်ရေး တစ်ခုမှ တာဝန်ရှိသူ တစ်ဦးက Daily Eleven သို့ ပြောကြားသည်။

လှိုင်းဘွဲချောင်း၏ စိုးရိမ်ရေမှတ်မှာ စင်တီမီတာ ၇၀၀ ရှိပြီး ဒေါနတောင်ကျရေ အရှိန်ဖြင့် ချောင်းရေ မြင့်တက်လာကာ လှိုင်းဘွဲမြို့ပေါ်ရှိ စည်ပင်သာယာရေးဈေး အပါအ၀င် က၊ ခ ၊ ဂ ၊ ဃ ရပ်ကွက်များ ရေကြီးရေလျံမှုများ ဖြစ်ပေါ်နေခြင်းကြောင့် ပြည်နယ်ဝန်ကြီးချုပ် ဦးဇော်မင်း အပါအ၀င် ရေဘေးကယ်ဆယ်ရေး အဖွဲ့ဝင်များ၊ လူမှုကူညီရေး အဖွဲ့ဝင်များက လှိုင်းဘွဲမြို့သို့ သွားရောက်ကာ လိုအပ်သော အကူအညီများကို သွားရောက် ကူညီဖြည့်ဆည်း ဆောင်ရွက်ခဲ့ကြောင်း သိရသည်။

Eleven Media Group

လှိုင်းဘွဲမြို့ရှိ ရပ်ကွက်တစ်ခုအတွင်း ရေနစ်မြုပ်နေစဉ်