ပျောက်ဆုံးမလေးရှားလေယာဉ် ရှာတွေ့ဖို့ အလားအလာကောင်း

Thursday, April 10, 2014
ဗွီအိုအေ (မြန်မာပိုင်း)

အိန္ဒိယသမုဒ္ဒရာထဲမှာ ရှာဖွေနေကြတဲ့ ပျောက်ဆုံးမလေးလေယာဉ်ကနေ ထုတ်လွှတ်တဲ့ အသံလို့ ယူဆရတဲ့ အချက်ပေးမှုကို သမုဒ္ဒရာကြမ်းပြင်အောက် အတော်နက်နက်ကနေ ထပ်ပြီး ကြားနေရတာမို့ လေယာဉ်ကို မကြာ ခင်မှာပဲ တွေ့နိုင်တဲ့ အလားအလာ ရှိလာနေပြီလို့ ရှာဖွေရေးအဖွဲ့ အကြီးအကဲ Angus Houston က ပြောကြားလိုက်ပါတယ်။
ဗုဒ္ဓဟူးနေ့အစောပိုင်းမှာ အမေရိကန်ရေတပ်ရဲ့ ရှာဖွေစက် pinger locator က လေယာဉ်ရဲ့ black box က ထုတ်လွှတ်တဲ့ အချက်ပေးသံ ၂ ခုကို ကြားခဲ့ရတာမို့ လေယာဉ်ပျက်ရဲ့ အပိုင်းအစတွေ တွေ့လာနိုင်မယ်လို့ မျှော်လင့်ကြောင်း သြစတြေးလျ ရှာဖွေရေးအဖွဲ့ ခေါင်းဆောင် မစ္စတာ Huston ကပြောပါတယ်။
အခုနောက်ဆုံး ရရှိတဲ့ အချက်ပေးသံတွေကြောင့် တွေ့နိုင်တဲ့ အလားအလာ ပိုကောင်းလာတဲ့အပြင် အခု သြစတြေးလျနိုင်ငံ အနောက် ပိုင်းမှာ ရှာဖွေနေတဲ့ ကျယ်ပြောတဲ့ နယ်ပယ်ကို *နိုင်နိုင်နင်းနင်း အနေအထားအထိ ခြုံ့ပြီး စနစ်တကျ ရှာဖွေနိုင်တော့မယ် လို့ ဆိုပါတယ်။
ဒါပေမဲ့လည်း ဒါဟာ မလေးရှားက ပျောက်ဆုံးနေတဲ့ MH370 လေယာဉ် ဟုတ် မဟုတ် သေချာအောင် *နိုင်ငံအများအပြားက ဝိုင်းဝန်းပြီး လေယာဉ်ပျက် အပိုင်းအစတွေကို မျက်မြင်ခွဲခြားပေးဖို့ လိုအပ်တယ်လို့ ဆိုပါတယ်။
ဒါ့အပြင် နောက်ထပ် အချက်ပေးသံတွေ ထပ်ပြီးရဖို့ လိုအပ်နေသလို၊ သမုဒ္ဒရာကြမ်းပြင်ကို စက်ရုပ်ရေငုတ်သင်္ဘောတွေ လွှတ်ပြီးရှာဖို့ အာဏာပိုင်တွေ မစီစဉ်ခင်မှာ ရှာဖွေရမယ့်နေရာ အတိအကျ သတ်မှတ်ပေးဖို့လည်း လိုအပ်နေတယ်လို့ ပြောပါတယ်။
လေယာဉ်ပျံသန်းမှု မှတ်တမ်း Black Box က အချက်ပေးသံ ထုတ်လွှတ်ပေးဖို့ သုံးတဲ့ ဘက္ထရီဟာ ရက်ပေါင်း ၃၀ လောက်အထိပဲ ခံပေမယ့် ရှိသလောက်အားနဲ့ ဆက်ထုတ်ပေးနေသေးတဲ့ ဘက္ထရီ လုံးဝ မရပ်ခင် အမြန်တွေ့နိုင်ဖို့ ဝိုင်းပြီး ကြိုးစားနေကြတာပါ။
လူပေါင်း ၂၃၉ ဦး လိုက်ပါသွားတဲ့ ဘိုးရင်း 777 လေယာဉ်ဟာ ပြီးခဲ့တဲ့လ မတ်လ ၈ ရက်နေ့မှာ ကွာလာလမ်ပူကနေ ဘေဂျင်းကိုအသွား လမ်းမှာ ပျောက်ဆုံးသွားခဲ့တာ ဖြစ်ပါတယ်။