လိမ်ညာမှုနန်းတော်

Khin Ma Ma Myo

လိမ်ညာမှုနန်းတော်

တချိန်တုန်းက နန်းတော်ကြီးနှစ်ခု တည်ဆောက်ဖို့
spirits တွေက စဉ်းစားဆုံးဖြတ်ခဲ့ကြပါတယ်။ နန်းတော်ကြီးတခုကတော့ အမှန်တရား နန်းတော်ကြီးဖြစ်ပြီး၊
နောက်ထပ်နန်းတော်ကြီးတခုကတော့ လိမ်ညာမှု နန်းတော်ကြီး ဖြစ်ပါတယ်။ ကလေးငယ်တယောက်က အမှန်ပြောတဲ့အခါ
အမှန်တရားနန်းတော်အတွက် အုတ်ခဲတခု ဖြစ်ထွန်းလာပါတယ်။ အမှန်တရားနတ်တွေက ဒီအုတ်ခဲကို
ယူပြီး၊ အုတ်နံရံမှာ ထပ်မံဖြည့်သွင်းမှာ ဖြစ်ပါတယ်။ လိမ်ညာမှု နန်းတော်ကြီးကိုလဲ ဒီနည်းအတိုင်း
တည်ဆောက်ခဲ့ကြပါတယ်။ ကလေးငယ်လေးက လိမ်ညာပြောတဲ့အခါတိုင်းမှာလဲ လိမ်ညာမှုနန်းတော်ကြီးအတွက်
အုတ်မြစ်တခုပေါ်ထွက်လာမှာ ဖြစ်ပါတယ်။

နန်းတော်ကြီးနှစ်ခုလုံးက ထူးခြားဆန်းကျယ်ပြီး၊
ကမ္ဘာပေါ်မှာ အကောင်းဆုံးနန်းတော်တွေ ဖြစ်ပါတယ်။ အမှန်တရားနတ်တွေကော၊ လိမ်ညာမှုအားပေးတဲ့
နတ်ဆိုးတွေကောက သူတို့နန်းတော်ကြီးတွေကို ပိုပြီး ကောင်းအောင် တည်ဆောက်ကြပါတယ်။



နတ်ဆိုးတွေက ပိုပြီး ကောက်ကျစ်လှည့်စားမှုတွေ
ရှိကြပါတယ်။ ကမ္ဘာမြေပေါ်မှာ ကလေးတွေ ပိုပြီး လိမ်ညာမှုတွေ ရှိလာစေဖို့ နတ်ဆိုးတွေကို
စေလွှတ်ခဲ့ပါတယ်။ ဒီနတ်ဆိုးတွေရဲ့ လုပ်ဆောင်မှုကလဲ အောင်မြင်ခဲ့ကြပါတယ်။ တစထက်တစ အုတ်ခဲတွေ
အများကြီး ပိုများလာပြီး၊ လိမ်ညာမှုနန်းတော်ကြီးကလဲ ပိုမိုကြီးမားလာပါတယ်။



ဒါပေမယ့် တနေ့မှာတော့ လိမ်ညာမှုနန်းတော်ကြီးထဲမှာ
ထူးခြားတဲ့ ဆန်းကျယ်မှုတခုဖြစ်လာပါတယ်။ အုတ်ခဲတခုက အလိုလိုနေရင်း စက္ကူပုံးခွံ ဖြစ်သွားပါတယ်။
မကြာခင်မှာလဲ တခြားအုတ်ခဲတခုက သဲ ဖြစ်သွားပါတယ်။ နောက်တခုကတော့ ဖန်ဖြစ်သွားပြီး၊ ကွဲကြေသွားပါတယ်။



တစတစနဲ့ ထင်ရှားလာတာကတော့ လိမ်ညာမှုတွေ
ပေါ်လာချိန်မှာ အုတ်ခဲတွေက အသွင်ပြောင်းပြီး ကွဲကြေမွ၊ ပျောက်ကွယ်သွားတယ် ဆိုတာပါပဲ။
ဒီနည်းနဲ့ လိမ်ညာမှု နန်းတော်ကြီးက အင်အား တစထက်တစ ပျော့သွားပါတယ်။ အဆုံးမှာတော့ အစိတ်စိတ်အမြွာမြွာ
ကွဲကြေပျက်စီးသွားပါတယ်။



နောက်ဆုံးမှာတော့ လိမ်ညာမှုနတ်ဆိုးတွေအပြင်
အားလုံးနားလည်သွားကြတာက အရာရာအတွက် လိမ်ညာမှုကို အသုံးပြုလို့ မရဘူး ဆိုတာပါပဲ။  လိမ်ညာမှုဆိုတာ လိမ်ညာပုံဖော်ထားသလို ဘယ်တော့မှ
မဖြစ်တတ်ပါဘူး။ တနေ့မှာ ဘယ်လိုပုံကြီး ပြောင်းသွားမလဲ ဆိုတာကိုလဲ ဘယ်သူမှ မသိနိုင်ပါဘူး။



ရေးသားသူ-
Pedro Pablo Sacristán

ဘာသာပြန်သူ-
ခင်မမမျိုး (၂၀၁၄)