အိုဘားမား၏ ဒုတိယမြောက် မြန်မာခရီးစဉ်၌ ထိပ်ပိုင်းခေါင်းဆောင်များနှင့် တွေ့ဆုံမည်
- Post 10 April 2014
- By ၀င့်သဉ္ဇာကျော် (မြစ်မခ)
နိုဝင်ဘာ(၉)နှင့်(၁၀)ရက်တွင် နေပြည်တော်၌ ကျင်းပမည့် အာဆီယံထိပ်သီးညီလာခံကို သမ္မတအိုဘားမား တက်ရောက်မည်ဖြစ်ကြောင်းနယူးယောက်မြို့၌ ကျင်းပခဲ့သည့် အာရှလူ့ဘောင်မူဝါဒသိပ္ပံကို တရားဝင်ဖွင့်လှစ်တဲ့ အခမ်းအနားတွင် အမေရိကန် ဒုတိယနိုင်ငံခြားရေးဝန်ကြီးWilliam Burns က ပြောကြားခဲ့ခြင်းဖြစ်သည်။
အာရှပစိဖိတ်ဒေသ စီးပွားရေးပူးပေါင်းဆောင်ရွက်ရေးဆိုင်ရာ ထိပ်သီးညီလာခံနှင့် ဒေသဆိုင်ရာ ညီလာခံများကို တက်ရောက်ရန် သြစတေးလျ ၊ တရုတ်နှင့်မြန်မာနိုင်ငံသို့ သွားရောက်ည်ဖြစ်ကြောင်း ၄င်းက ဆက်လက်ပြောကြား ခဲ့သည်။
အိုဘားမား၏ မြန်မာပြည်ခရီးစဉ်၌ အမျိုးသားဒီမိုကရေစီအဖွဲ့ချုပ်ဥက္ကဋ္ဌဒေါ်အောင်ဆန်းစုကြည်နှင့် တွေ့ဆုံခြင်း ရှိမရှိကိုမူ အတည်မပြုနိုင်သေးကြောင်း အဆိုပါပါတီမှ ပြောရေးဆိုခွင့်ရှိသူဦးဥာဏ်ဝင်းက ဆိုသည်။
လက်ရှိတွင် အမျိုးသားဒီမိုကရေစီအဖွဲ့ချုပ်ဥက္ကဋ္ဌဒေါ်အောင်ဆန်းစုကြည်မှာဧပြီလ(၉)ရက်နေ့က ဂျာမဏီနိုင်ငံသို့ သွားရောက်၍ ဂျာမန်သမ္မတယွာခင်မ်ဂေါက်ခ် ၊ နိုင်ငံခြားရေးဝန်ကြီး ဖှရန့်ခ်ဝေါလ်တာ
စတိုင်းန်မိုင်းယာ ၊ လွှတ်တော် ဥက္ကဌတို့နှင့်လည်း တွေ့ဆုံမည်ဖြစ်ပြီးနိုင်ငံတကာ ၀ီလီဘရန်.ဒ်ဆုကို လက်ခံမည်ဖြစ်သည်။
ဧပြီ(၁၄)ရက်နေ့တွင် ပြင်သစ်နိုင်ငံပါရီမြို့၌ သမ္မတဖရန်ဆွောစ်ဟိုလန်ဒေး ၊နိုင်ငံခြားရေးဝန်ကြီးနှင့် တွေ့ဆုံမည် ဖြစ်ပြီးဖွဲ့ပုံစည်းပုံအခြေခံဥပဒေကောင်စီ ဥက္ကဌနှင့်တွေ့ဆုံကာလွှတ်တော်အရေးကိစ္စများကို ဆွေးနွေးမည် ဖြစ် ကြောင်းနှင့်ပြင်သစ်နိုင်ငံရှိ စစ်ရေးတက္ကသိုလ် ၊ လွှတ်တော်၊ စီးပွားရေး ၊ လူမှုရေးနှင့်သဘာဝပတ်ဝန်းကျင် ဆိုင်ရာ ကောင်စီကိုလည်း လေ့လာမည်ဖြစ်ပြီးဧပြီ(၁၇)ရက်တွင် မြန်မာနိုင်ငံသို့ ပြန်လည်ရောက်ရှိမည်ဖြစ်သည်။
သမ္မတအိုဘားမားသည် မြန်မာနိုင်ငံသို့ ၂၀၁၂ခုနှစ် နိုဝင်ဘာလက ပထမဆုံးအကြိမ်လာရောက်ခဲ့ဖူးပြီး သမ္မတ ဦးသိန်းစိန် နှင့်အမျိုးသားဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်တို့ဖြင့်တွေ့ဆုံခဲ့သည်။
သမ္မတအိုဘားမား ပထမဆုံးအကြိမ်လာရောက်ခဲ့စဉ်က မြန်မာအစိုးရနှင့်တွေ့ဆုံမှုပြုလုပ်ခဲ့သော်လည်း ရခိုင် အရေးနှင့် ပတ်သက်ပြီး ဆွေးနွေးမှုကိုအားရကျေနပ်မှု မရှိသောကြောင့် ဒုတိယအကြိမ် လာရောက်၍ မြန်မာအစိုးရခေါင်းဆောင်အချို့နှင့် တွေ့ဆုံချိန်တွင် တိကျသည့်ဆွေးနွေးမှုရလဒ်ကို မျှော်လင့်မိကြောင်း နိုင်ငံရေး လှုပ်ရှားသူ အချို့ကသုံးသပ်ပြောဆိုသည်။
လက်ရှိအချိန်တွင် မြန်မာပြည်သူအချို့မှာလည်း ဒေါ်အောင်ဆန်းစုကြည်နှင့်သမ္မတဦးသိန်းစိန် အပါအ၀င် ကာကွယ်ရေးဦးစီးချုပ် မင်းအောင်လှိုင်၊ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့ ထိပ်တိုက်တွေ့ဆုံနိုင်ရေးအတွက်အခြေခံဥပေဒေပြင်ဆင်ရေးဆန္ဒထုတ်ဖော်ပွဲများ၌ ထည့်သွင်းတောင်းဆိုနေကြသည်။
No comments:
Post a Comment