ဦးချန်ထွန်း သို့မဟုတ် ရန်ကုန်မြို့ရှိ ဆူးလေးစေတီတော်မြတ်အား ကာကွယ်ခဲ့သူ......

ဦးချန်ထွန်း သို့မဟုတ် ရန်ကုန်မြို့ရှိ ဆူးလေးစေတီတော်မြတ်အား ကာကွယ်ခဲ့သူ......
ဦးချန်ထွန်း ( ၁၈၅၉-၁၈၉၄) စစ်တွေမြို့မှ ရွှေစလွယ်ရ သူဌေးကြီးဦးရဲကျော်သူ ဆိုလျှင် ရခိုင်သားများ လောကတွင်မသိသူမရှိသလောက် ပင် ထင်ပေါ်ကျော်ဇောသည်။ သူ့သားဦးချန်ထွန်း အဖေခြေရာကိုနင်း၍ထိုခောတ်ထိုချိန်က မြန်မာနိုင်ငံမက ဥရောပနိူင်ငံများ အထိပင် သူ့အရှိန်အ၀ါ လွှမ်းမိုးခဲ့သော နာမည်ကြီး ဥပဒေ ပါရဂူတစ်ဦးဖြစ်သည်။ ဦးရဲကျော် သူ၊ ဒေါ်သံဒါဖြူတို့ မိဘနှစ်ပါးတွင် သားသမီး(၁၀)ဦး ထွန်းကားခဲ့ရာ ဦးချန်ထွန်း အပါအ၀င် သား(၆)ယောက်စလုံးသည် ထိုခောတ်က အင်္ဂလန် ကျောင်းတွင် ကျောင်းနေခဲ့ကြ၍ စာတတ်ပေတတ် ပုဂ္ဂိုလ်များ ဖြစ်ကြသည်။

ဦးချန်ထွန်းသည် ဥပဒေဘွဲ့ နောက်ဆုံးနှစ် ဖြစ်သော ၁၈၈၁ခုနှစ်တွင် ရောမ ဥပဒေဘာသာရပ်၊ ဥပဒေ အတတ်ပညာ ဘာသာရပ်၊ အင်္ဂလိပ် လူမျိုးတို့၏ ရှေ့ ဟောင်းထုံးတမ်းစဉ်လာ ဘာသာရပ် အားလုံးကို အမှတ်အများဆုံး ဂုဏ်ထူးနှင့် အောင်မြင်ခဲ့သည်။ ၀ိတိုရိယ ဘုရင်မကြီးက သူပိုင်စိုးသော ကိုလိုနီနိူင်ငံများထဲမှ ဤမျှလောက် ပညာတော်သော ကလေးမျိုး ရှိသည်ကို တအံတသြ ဖြစ်ခဲ့ရသည်ဟု သိရှိရသည်။တွေ့ချင်လွန်း၍ အခေါ်ခံရသောအခါ တောသားလေးက ရခိုင်ရိုးရာဝတ်စုံဖြစ်သည့် တောင်ရှည်ပုဆိုး၊ ရင်ဖုံးအင်္ကျီဝတ်ဆင်၍ ရခိုင်ရိုးရာ ဖော့လုံးခေါင်းပေါင်း ၀တ်ပြီး သွားရောက်ခဲ့သည်။ ဘုရင်မကြီးက လက်ဆွဲ နှုတ်ဆက်ပြီး လက်ဖက်ရည်ပွဲနှင့် မောင်ချန်ထွန်းကို ဧည့်ခံခဲ့ သည်။ ၀ိတိုရိယ ဘုရင်မကြီးဆုကို သူကိုယ်တိုင် ချီးမြှင့်ပြီး ဘုရင်မကြီး၊ သားတော်နှင့် တော်ဝင် မြင်းရထား ကိုစီးခွင့်ရသော ဆုလည်းပါဝင်သည့်အပြင် နန်းတော်ထဲသို့ အချိန်မရွေး သွားလာနိုင်ခွင့် အခွင့်အရေးကိုပင် ဘုရင်မကြီးက ပေးအပ်ခဲ့သည်။
ဘာသာရပ်တိုင်းတွင် ထူးချွန်ဆု ရရှိခဲ့၍ ဘာသာ ရပ်တခုလျှင် ထိုခောတ်က စတာလင်ပေါင် (၁၀၀)စီ ချီးမြှင့်ခံခဲ့သူဖြစ်သည်။ ဦးချန်ထွန်းရရှိခဲ့သော ဂုဏ်ထူးဆောင် အမှတ်မျိုးကို ဒုတိယကမ္ဘာစစ်ဖြစ်သော အချိန်အထိ နောက်ထပ် ထို ဆုမျိုးရရှိသူ လုံးဝမရှိကြောင်း သိရှိရသည်။ ရန်ကုန်ပြန်လာ၍ ၀ိတိုရိယ ဘုရင်မဆုကို ဆွဲ၍သွားလျှင် ဦးချန် ထွန်းနှင့် မျက်နှာချင်းဆိုင် ဆုံမိသော လူတိုင်းသူ့ကို အလေးပြုရသည်။ စက်ဘီးစီးလာသူ ဖြစ်နေလျှင် စက် ဘီးမှ ဆင်းရပ်၍ အလေးပြုရသည်။
၁၈၅၄ ခုနှစ်တွင် ဗြိတိသျှ အစိုးရသည် စီမံကိန်းချ၍ ရန်ကုန်မြို့ကို ခောတ်မီမြို့တော် ပြုလုပ်ခဲ့ရာ လမ်းများ တိုးချဲ့ရာတွင် လမ်းမလွတ်ဟု ဆိုပြီး ဆူးလေဘုရားကို ယခုနေရာမှအခြားတနေရာ သို့ ရွှေ့ပြောင်းရန် ဆွေးနွေးခဲ့ကြသည်။ ဗြိတိသျှ အရာရှိများ တင်ပြချက်တွင် နောက်အနှစ် ၅၀- ၁၀၀ အတွင်း ရန်ကုန်မြို့သည် ကမ္ဘာ့အဆင့်မှီ မြို့တော်ကြီး တမြို့ ဖြစ်လာမည်ဖြစ်ရာ ဆူးလေဘုရားသည် မိုးထိအောင် မြင့်မားသည့် အဆောက် အအုံများအောက် ရောက်နေမည်ဖြစ်၍ မသင့်တော်။ ထို့ကြောင့်သင့်တော်သည့် နေရာ ရွှေ့၍ ပုံတူဆောက်ပေးရန် အ ကြောင်းပြခဲ့သည်။ ယင်းကိစ္စကို အင်္ဂလိပ် အရာရှိများ အပါအ၀င် မြန်မာအရာရှိများက ကန့်ကွက်သူမရှိ သဘောတူကြသည်။
သို့သော်ဦးချန်ထွန်းကလက်မခံဘဲ မြန်မာ လူမျိုးများ၏ ထုံးတမ်းစဉ်လာတွင် ဘုရားတည်ပြီးလျှင် ရွှေ့ပြောင်းခြင်း၊ ဖျက်ခြင်း ပြုလုပ်ရိုး ထုံးစဉ်မရှိကြောင်း၊ လန်ဒန်ကို ခောတ်မီမြို့တော် ဆောက်လုပ်စဉ်က Square Building အ၀ိုင်းကို ရှေ့ဟောင်း အဆောက်အအုံတစ်ခုအဖြစ် အနေဖြင့် ဘာကြောင့် ချန်ထားခဲ့သလဲဟု အရေးဆိုခဲ့သည်။ဦးချန် ထွန်း၏ ကန့်ကွက်ချက်များ လုံးဝ အရာမရောက်ခဲ့၍ စနေဒေါင့်မှစ၍ ဆူးလေဘုရားကို ဖျက်ပါတော့သည်။
ဦးချန်ထွန်းသည် အာဂသတ္တိရှင်တစ်ဦး ဖြစ်သည်။ လုပ်ရဲသည်။ လုပ်ရဲသောသတ္တိ ရှိသည်။ အလုပ်ပြုတ်ချင် ပြုတ်ပါစေ လုံးဝ နောက်မဆုတ်ခဲ့ပါ။ သူ့ကိုရွှေတံဆိပ်ဆု ပေးထားသောဝိတိုရိယ ဘုရင်မကို ချက်ချင်း သတိ ရလာခဲ့သည်။ ကြေးနန်းရိုက်ပြီး စာတစ်စောင်ကိုလည်း ဘုရင်မကြီးထံ အကျိုးအကြောင်း ရေးးသားပေးပို့ လိုက်သည်။ ၀ီတို၇ိယဘု၇င်မကြီးကဆူးလေစေတီတော်ကြီးကိုမဖျက်၇န်အမိန့်ထုတ်လိုက်သည်။
ဦးချန်ထွန်၏ ကျေးဇူး၊ ၀ိတိုရိယ ဘုရင်မကြီး၏အမိန့်ကြောင့် ယနေ့မြန်မာလူမျိုးတို့ ဆူးလေစေ တီကို ရန်ကုန်မြို့လည်တွင် တွေ့နေရခြင်း ဖြစ်သည်။ ဦးချန်ထွန်းကျေးဇူးကား အလွန် ကြီးမားပါသည်။ ဆပ် ၍ ကုန်နိုင်မည် မဟုတ်ပါ။ ဆူးလေစေတီကို ဖူးတွေ့ရတိုင်း ဦးချန်ထွန်းကို သတိရသင့်ပေသည်။
ဤမျှလောက် နိုင်ငံအတွက် အဖိုးတန် ရတနာသားကောင်း တစ်ဦးသည် အသက်(၃၅)နှစ်တွင် ကွယ်လွန်ခဲ့ရသည်။ ရေတိမ်နစ်ခဲ့ရသည်။ နိူင်ငံအတွက်ဆုံးရှုံးမှု တစ်ရပ်အဖြစ် ၀မ်းနည်းစွာဖြင့် မှတ်တမ်းတင်ပါသည်။
ဦးချန်ထွန်းပုံကို၇ုပ်ထုလုပ်ပြီး ဆူးလေဘုရားတွင်ထား၇ှိသင့်ပါသည်။ နိုင်ငံတော်အတွက်အစွမ်းကုန်အကျိုးပြုခဲ့သော ရခိုင်ပညာရှင်တစ်ယောက် အသိအမှတ်ပြုခြင်းမခံ၇သည်မှာ ၀မ်းနည်းစရာကောင်းပါသည်။
အာရကန် အ၇ှင်ဣန္ဒောဘာသရေးသားသော ဦးချန်ထွန်းအကြောင်းကို ဆီလျော်အောင်ပြုပြင်ေ၇းသားပါသည်။ ဦးချန်ထွန်းပုံရှာမရသောကြောင့် ပုံမထည့်လိုက်၇သည်ကိုနားလည်ပေးရန်တောင်းပန်အပ်ပါသည်။
ပုံရှိသူများအများသူငှာသိရှိအောင်မျှဝေပေးရန်တောင်းဆိုပါသည်။
အာရကန်အောင်အောင်