Wednesday, September 2, 2015

မင်္ဂလာ ...ပါဗျာ။

ဘလော့ ကို ပြန်မလုပ့်ဖြစ်ဘဲ ပစ်ထားတာနှစ်နှင့် ချီပြီး ကြာပြီ။
ပြန်လုပ့်ဖို့ ကို အချိန်ကို မပေးနိုင်အောင် အလုပ့်တွေရှုတ်နေလို့ ။
ဘာဖြစ်ဖြစ် အခုလာမယ့် စင်တင်ဘာ ကနေ စပြီး ရတဲ့အချိန်လေးတွေကနေ နဲနဲခြင်းပြန် စမယ်လို့ စိတ်ကူးနေပါတယ်။
အားလုံးကို မင်္ဂလာပါလို့ နုတ်ခွန်းဆက်သပါတယ်ဗျာ။
ပြန်ဆုံကြဦးမယ်လေ..။

Friday, January 16, 2015

ဗိုလ်ချုပ်အောင်ဆန်းနှင့်စပ်လျဉ်းပြီး စိတ်အထိခိုက်ရဆုံး အကြောင်းအရာလေးနှစ်ခု

ဗိုလ်ချုပ်အောင်ဆန်းနှင့်စပ်လျဉ်းပြီး စိတ်အထိခိုက်ရဆုံး
အကြောင်းအရာလေးနှစ်ခု
______________________________________
ဗိုလ်ချုပ်အကြောင်းရေးထားတဲ့ စာအုပ်တွေကိုအတော်များများ ဖတ်ခဲ့ဘူး
ပါတယ်။အဲဒီစာအုပ်ပါ အကြောင်းအရာတွေထဲမှာမှစိတ်အထိခိုက်ရဆုံး
အကြောင်းအရာလေးနှစ်ခုကိုစွဲစွဲထင်ထင် မှတ်မိနေတယ်။

ပထမတစ်ခုက သခင်အောင်ဆန်းအဖြစ်နဲ့တက္ကသိုလ်ကထွက်၊ တို့ဗမာအစည်း
အရုံးထဲခြေစုံပစ်ဝင်ပြီးတော့ နိုင်ငံရေးလုပ်နေချိန်။လက်ထဲမှာ သုံးစရာပိုက်ဆံက
တစ်ပြားမှမရှိ။ဗိုက်ကလည်း အရမ်းဆာနေချိန်၊မထူးဇာတ်ခင်းတဲ့အနေနဲ့ ရုံးနားက
ထမင်းဆိုင်ကိုသွားပြီး ထမင်းမှာစားတယ်။ စားလို့ ဝပြီဆိုမှ ဆိုင်ရှင်ဆီသွားပြီး
တော့ ပြောတယ်။

" အဒေါ်ကြီး၊ ခင်ဗျားဆိုင်က ထမင်းတော့ကျနော် စားပြီးပြီ။ ပေးစရာပိုက်ဆံတော့
တစ်ပြားမှ မရှိဘူး။ အဲဒီအတွက် ကျနော့်ပါးကိုအဒေါ်ကြီး ကြိုက်သလောက်သာ
ရိုက်ပေတော့ "ဆိုပြီး ပါးထိုးပေးသတဲ့။ထမင်းဆိုင်ပိုင်ရှင် အဒေါ်ကြီးက မရိုက်တဲ့
အပြင်သနားသွားပြီးတော့ နောက်နောင်မှာလည်းပိုက်ဆံမရှိရင် ဒီဆိုင်မှာဘဲ
အလကား လာစားဖို့ဖိတ်ခေါ်ရှာပါတယ်။

ဒုတိယတစ်ခုကတော့ စိတ်ထိခိုက်ရခြင်းဆိုတာထက် အံ့သြဘနန်း ဖြစ်ရတာပါ။
ဂျပန်တော်လှန်ရေးအပြီး အင်္ဂလိပ် ပြန်ဝင်လာချိန်၊၁၉၄၆- ၄၇ ကာလ။ဗိုလ်ချုပ်
အောင်ဆန်းဟာ ပြည်သူတစ်ရပ်လုံးရဲ့ထောက်ခံမှုကို အကြီးအကျယ်ရထားတဲ့
လူထုခေါင်းဆောင် ဖြစ်နေပါပြီ။ဂဠုန်ဦးစော အပါအဝင် စစ်ကြိုခေတ်က နိုင်ငံရေး
သမားဟောင်းကြီးတွေရဲ့အရှိန်အဝါက နိဂုံးချုပ်သွားခဲ့ပြီ။

သို့သော်လည်း လုံးဝလွတ်လပ်ရေးအတွက်ညီညွတ်ရေးကို မဖြစ်မနေတည်
ဆောက်နေတဲ့ဗိုလ်ချုပ်ကတော့ နိုင်ငံရေးသမား လက်ဟောင်း၊လက်သစ်တွေ
အားလုံး ပါဝင်စေချင်တဲ့အတွက်ဂဠုန်ဦးစောအိမ်ကို သူကိုယ်တိုင် သွားပါတယ်။
ဦးစောအိမ်ကို ဗိုလ်ချုပ်ရောက်သွားချိန်မှာဦးစောက ဧည့်ခန်းမှာ အင်္ဂလိပ်အရာရှိကြီး
တွေနဲ့ပါတီပွဲ ဆင်နွှဲနေချိန် ဖြစ်ပါတယ်။

ဗိုလ်ချုပ်က အိမ်အပြင်ဘက်က ခုံလေးမှာ ထိုင်ပြီးဦးစောပါတီပွဲအပြီးကို ထိုင်စောင့်
ရှာတယ်။အပြင်ဘက်မှာ ဗိုလ်ချုပ်ထိုင်စောင့်နေတာကိုဦးစောသိရှိပေမယ့် အိမ်ထဲ
ကို လုံးဝဖိတ်ခေါ်ခြင်း မရှိခဲ့ဘူး။ပါတီပွဲပြီးလို့ အင်္ဂလိပ်အရာရှိ အတော်များများ
ပြန်သွားကြပေမယ့် ကျန်နေတဲ့ အင်္ဂလိပ်အရာရှိအချို့နဲ့ လက်ဘက်ရည်ဆက်
သောက်ရင်းတဝါးဝါး၊ တဟားဟားနဲ့ စကားပြောကာအချိန်ဆွဲ ဧည့်ခံနေခဲ့ပါတယ်။
ဗိုလ်ချုပ်ကတော့ အပြင်ဘက်မှာစိတ်ရှည်လက်ရှည် ထိုင်စောင့်နေရှာတယ်။
အတော်ကြီးကြာလို့ အင်္ဂလိပ်တွေအားလုံးပြန်ကုန်ပြီဆိုမှ ဦးစောကို တွေ့ခွင့်
ရပါတယ်။ဂဠုန်ဦးစောရဲ့လုပ်ပေါက်က ဗိုလ်ချုပ်ကိုနိုင်ငံရေးမှာ မင်းငယ်ပါသေးတယ်
ဆိုတဲ့သဘောနဲ့ ချိုးလိုက်တာပါ။ညီညွတ်ရေးကို လိုချင်လွန်းလှတဲ့ ဗိုလ်ချုပ်ကတော့
ဦးစောရဲ့လုပ်ရပ်အပေါ် အငြိုးထားခဲ့ခြင်းအလျဉ်း မရှိခဲ့ဘူး။နောက်ပိုင်း တာဝါလိန်း
က ဗိုလ်ချုပ်အိမ်ကိုဦးစောလာတော့ ဗိုလ်ချုပ်ကိုယ်တိုင်ဦးစောရဲ့ ကားတံခါးကို
ဖွင့်ပေးပြီး ကြိုဆိုခဲ့တယ်။

ဒီအကြောင်းအရာလေးကို ဖတ်မိရင်းအသက် ( ၃၀ ) ပတ်ဝန်းကျင်အရွယ်လူငယ်
တစ်ယောက်ရဲ့ စိတ်နေသဘောထားကြီးကျယ်မြင့်မြတ်မှု၊လူထုခေါင်းဆောင်
တစ်ယောက်ရဲ့ နိုင်ငံရေးအမြှော်အမြင်ကြီးမားမှုတွေကို တွေ့လိုက်ရတယ်။
အခုချိန်ထိ ပြန်စဉ်းစားကြည့်လိုက်တိုင်းကြက်သီးမွေးညင်းတွေ တဖြန်းဖြန်း
ထသွားအောင် ခံစားနေရတုန်းပါပဲ။

( ကိုဘုန်းဆွေ )

”မဟာဗျူဟာ“

ဆားဗီးယားလူထုလှုပ်ရှားမှု မဟာဗျူဟာများ
”မဟာဗျူဟာ“
စကားလုံးကား (၄)လုံးသာရှိသည်။ သို့ရာတွင် အစွမ်းထက်မှုကား မည်သည့်အရာနှင့်မျှ တုနှိုင်းမယှဉ်နိုင်။ စစ်မှုရေးရာ၊ စီးပွားရေးရာမှသည် နောက်ဆုံးလူတဦးချင်းဆီ၏ ဘ၀တိုးတက်ရေးအထိ ပိုင်စိုးပိုင်နင်း ၀င်ရောက်နေရာ ယူထားသည်။ လက်နက်အားကိုး အနိုင်ကျင့်သော အာဏာရှင် အစိုးရများအား လက်နက်မဲ့ရင်ဆိုင် အနိုင်ယူရသည့် ကာလများတွင် ယင်းစကားလုံး(၄)လုံးသည် ပို၍တန်ဖိုးရှိလာသည်။

အသက်နှင့် ရင်းရသည့် ကစားပွဲ။ ဘ၀နှင့်ရင်းသည့် ကစားပွဲ။ စနစ်ဆိုးတခုကို ဖြိုဖျက်နိုင်ဖို့၊ သန်းပေါင်းများစွာ၏ ဘ၀ဆိုးများကို ကယ်တင်နိုင်ဖို့ ကြိုးစားရသည့်ပွဲ။ မည်သို့ဆိုစေ တနေ့မှာတော့ အာဏာရှင်စနစ်ဆိုသည်မှာ ပြိုလဲရစမြဲ။ လူထုလှုပ်ရှားမှု အောင်ပွဲများကား သမိုင်းသက်သေထူခဲ့ပြီ။ ယင်းအောင်ပွဲဆီသို့ ဦးတည်ရာ ခြေလှမ်းများ ထဲမှ ဆားဗီးယားလူထုလှုပ်ရှားမှု မဟာဗျူဟာများအား လေ့လာကြည့်ကြပါစို့။
အော့ပါ (ခေါ်) ဆားဗီးယားလူထု လှုပ်ရှားမှုသည် ရာများများစွာသော လူငယ်များမှ စတင်ကာ ထောင်ပေါင်းမကတေသာ လူပေါင်းများစွာဆီသို့ ပျံ့နှံ့ရောက်ရှိသွားခဲ့သည်။ ရည်ရွယ်ချက်ကားရှင်းသည်။ အာဏာရှင်အစိုးရအား ဖြုတ်ချရန်။ ကော်ဖီဆိုင်များ၊ ကျောင်းများတွင် လူငယ်များစတင်စုဝေးခဲ့ကြသည်။ လှုံ့ဆော်စာများ၊ ပိုစတာများ၊ ကြွေးကြော်ချက် စာတမ်းများအား နေရာတကာတွင် ကပ်ခဲ့ကြသည်။ လမ်းများပေါ်တွင် စုဝေးဆန္ဒပြခဲ့ကြသည်။
အာဏာရှင်ကလဲဒီအတိုင်းမနေပါ။ အာဏာရှင်ပီသစွာ ဖိနှိပ်ချုပ်ချယ်မှုများ ပြုလုပ်သည်။ ရဲတပ်ဖွဲ့မှ ဆန္ဒပြသူများကို ဖမ်းဆီးရိုက်နှက်သည်။ ထောက်လှမ်းရေးများ၊ သတင်းပေး များအား နေရာအနှံ့ ချထားသည်။ နိုင်ငံပိုင် သတင်းဌာနများ မှတဆင့် ဆန္ဒပြသူများအား အကြမ်းဖက်သမားများအဖြစ် ကြေငြာသည်။ မည်သို့ဆိုစေ အမှန်တရား ဆိုသည်ကား ဒီလိုညစ်ညမ်းသည့် နည်းများဖြင့် ဖုံးဖိ၍ မရစကောင်း။ လူငယ်များ၏ လှုပ်ရှားမှုဆီသို့ အလုပ်သမားနှင့် ပညာရှင်များ ပူးပေါင်းပါဝင်လာခဲ့ကြသည်။ အာဏာရှင်စနစ်အား လူထုလှုပ်ရှားမှုနည်းဖြင့် အနိုင်ယူ တိုက်ဖျက်နိုင်ခဲ့သည်။
ယင်းလူထုလှုပ်ရှားမှုအား လူငယ်များမှ စတင်ခဲ့သည်။ အော့ပါတွင် ခေါင်းဆောင်မရှိ။ လူငယ် တော်လှန်ရေးသမားများ အားလုံးသည် ခေါင်းဆောင်များပင်ဖြစ်သည်။ လှုပ်ရှားမှု တာဝန်များကို ခွဲဝေယူကြသည်။ စည်းကမ်းရှိရှိ ဆောင်ရွက်ကြသည်။ လှုပ်ရှားမှုများ လုပ်ရုံတခုတည်းနှင့် တော်လှန်ရေး အောင်ပွဲ မရနိုင်ကြောင်းကို သူတို့ကောင်းစွာ သဘောပေါက်ခဲ့ကြသည်။ ချိတ်ဆက်လှုပ်ရှားနေကြသော အုပ်စုငယ်များအားလုံး ယုံကြည်စွာ အကောင်အထည်ဖော်ရမည့် မဟာဗျူဟာများ ရှိရမည်ဟု သူတို့နားလည် ခဲ့ကြသည်။
အော့ပါ၏ မဟာဗျူဟာများမှာ ပါဝါပေါ်တွင် အခြေခံသည်။ လူထုအဆောက်အအုံအား ပိရမစ်ပုံစံဖြင့် ဖော်ပြသည်။ ထိပ်ပိုင်းတွင်ကား အာဏာရှင်များ၊ စစ်ဗိုလ်ချုပ်များနှင့် စီးပွားရေး သမားများ၊ ယင်းမှသည် ဖိနှိပ်ချုပ်ချယ်မှု ပြင်းထန်စွာ ပြုလုပ်နေသူများ (စစ်တပ်၊ရဲ၊ထောက်လှမ်းရေး)။ ယင်းမှသည် ဖိနှိပ်မှုတွင် ပါဝင်ပတ်သက်သူများ (သတင်းမီဒီယာ) စသည်ဖြင့် ပါဝါသွားရာ လမ်းကြောင်းများကို အဆင့်ဆင့် ရေးဆွဲခဲ့ကြသည်။ ထိုသို့ရေးဆွဲရင်းဖြင့် အာဏာရှင်စနစ်ကို ထောက်မပေးနေသော ဒေါက်တိုင်များ ပီပြင်စွာ ထွက်ပေါ်လာသည်။ ယင်းဒေါက်တိုင်များ ပြိုလဲမှ အာဏာရှင်စနစ်ပြိုလဲမည်။ အာဏာရှင်စနစ်ကို ဆန္ဒပြနေရုံတခုတည်းနှင့် ပြီးမည် မဟုတ်ကြောင်း သူတို့ သုံးသပ်ခဲ့ကြသည်။
အခြားထူးခြားချက်တခုမှာ အဖွဲ့ဝင်သစ်များ ၀င်လာတိုင်း လက်ဆင့်ကမ်း သင်တန်းပေးခြင်းဖြစ်သည်။ တော်လှန်ရေးဟူသည် စည်းရုံးလှုပ်ရှားမှု၊ လက်တွဲခေါ်ယူမှု၊ လက်ဆင့်ကမ်းပညာပေးမှုများရှိမှ အားကောင်းလာမည်ဖြစ်ကြောင်း သူတို့ကောင်းစွာ သဘောပေါက်ခဲ့ကြသည်။ အော့ပါ၏ မဟာဗျူဟာများတွင် မေးခွန်း(၂)ခုမှာ အဓိကကျသည်။
(၁) မည်သည့်ဒေါက်တိုင်များသည် အာဏာရှင်စနစ်အားထောက်မထားသနည်း။
(၂) ယင်းဒေါက်တိုင်များ အားနည်းပြိုလဲလာစေရန် မည်သည့်နည်းဗျူဟာများဖြင့် အကောင်အထည် ဖော်မည်နည်း။

ထင်ရှားသော ဥပမာတခုမှာ အာဏာရှင်စနစ်၏ အရေးပါသော ဒေါက်တိုင်တခုဖြစ်သည့် ရဲတပ်ဖွဲ့ဖြစ်သည်။ ရဲတပ်ဖွဲ့အား တိုက်ခိုက်ပြောဆိုခြင်းဖြင့် အာဏာရှင်စနစ်အား ပိုမို သစ္စာရှိစွာ ကာကွယ်သွားနိုင်သည့်အပြင် မီဒီယာများမှ အကြမ်းဖက်သမားများအဖြစ် ကြေငြာထားခြင်းအား သက်သေထူလိုက်သကဲ့သို့ ဖြစ်သွားနိုင်ကြောင်း လူငယ် တော်လှန်ရေးသမားများက စဉ်းစားခဲ့ကြသည်။ သူတို့ဘာလုပ်ခဲ့ကြသနည်း။
ရဲတပ်ဖွဲ့၏ အကြမ်းဖက်မှုများအား အကြမ်းမဖက်သော နည်းများဖြင့် ရင်ဆိုင်ခဲ့ကြသည်။ ရဲတပ်ဖွဲ့၏ ရိုက်နှက်မှုကြောင့် ဒဏ်ရာရသူများ၏ ဓာတ်ပုံများအား ရိုက်ယူကာ ပုံကြီးချဲ့ပြီး ဆိုင်းဘုတ်များ ပြုလုပ်ကြသည်။ ယင်းဆိုင်းဘုတ်များဖြင့် ရဲတပ်ဖွဲ့ဝင်များ၏ အိမ်များသို့ ချီတက်ကာ အဖြစ်အပျက်များအား ပြောပြကြသည်။ ရဲတပ်ဖွဲ့ဝင်များ၏ သားသမီးများရှိရာ ကျောင်းများသို့ သွား၍ အဖြစ်အပျက်များကို ပြောပြကြသည်။ တစ်နှစ်ခန့်ကြာသောအခါ တော်လှန်ရေးသမားများအား ရဲများမှ ရိုက်နှက်မှု လျော့ပါးလာသည်။ မိတ်ဆွေများ၊ အိမ်နားနီးချင်းများ၊ မိသားစုဝင်များ၏ အထင်သေးရွံရှာ စက်ဆုပ်မှုများဒဏ်ကို သူတို့ မခံနိုင်တော့။ ထို့အပြင် လူငယ်များသည် သူတို့အားဖြိုခွဲရန် တာဝန်ချထားသော အရပ်ဝတ်ရဲများအားလဲ ခင်မင်ရင်းနှီးစွာ ဆက်ဆံကြည်။ ဒီမိုကရေစီအခွင့်အရေးများအား အတင့်ရဲစွာ ပြောပြကြသည်။ ယင်းနည်းဖြင့် အဆင့်မြင့်ပိုင်းအရာရှိများအထိ အောင်မြင်စွာ စည်းရုံးနိုင် ခဲ့ကြသည်။
နောက်ဆုံး တော်လှန်ရေးတစတစ ကြီးထွားလာပြီး ဘယ်လဂိတ်မြို့တော် ပါလီမန်အား လူထုတက်သိမ်းချိန်၌ လူထုအား ဖြိုခွဲရန် စေလွှတ်ခြင်းခံရသော ရဲတပ်ဖွဲ့ဝင်များသည် တာဝန်ထမ်းဆောင်ရမည့်အစား ဒီအတိုင်းပင် ထိုင်ကြည့်နေ ခဲ့ကြသည်။ ဒေါက်တိုင်ပြိုလဲ မှုသည် အလွန်ပင် အရေးပါအရာရောက်ပါသည်။ အော့ပါလှုပ်ရှားမှု အောင်မြင်ခဲ့ရသည့် အဓိကအကြောင်းရင်းတခုမှ ပါဝါ၏ သဘောတရားများကို ကြေညက်စွာ နားလည်ခြင်းပင်ဖြစ်သည်။ ဘားနတ်လာဖယ်ရက်တိ ဆိုသူက အာဏာရှင်စနစ် အဆောက်အအုံအား အိမ်တလုံးနှင့် ယှဉ်၍ ဥပမာပြထားသည်။ အိမ်၏ခေါင်မိုးမှာ အာဏာရှင်နှင့် သူ၏ဖိနှိပ်မှု ယန္တရားများဖြစ်ပြီး၊ အုတ်မြစ်မှာမူ လူထု၏ ပူးပေါင်းဆောင်ရွက်မှုဖြစ်သည်။ ခေါင်မိုးပေါ်တွင် လက်နက်များ၊ အမြောက်များ မည်မျှ တင်ထားစေကာမူ အုတ်မြစ်အားဖြိုလိုက်သည်နှင့်အိမ်ပြိုသွားမည်ဟု သူကဆိုသည်။
လူထု၏ပါဝါအား Non-cooperation နည်းဖြင့် ပြန်လည်ရယူသင့်ကြောင်း အော့ပါ လူငယ်တို့ သုံးသပ်ခဲ့ကြသည်။ ယင်းအပြင် အာဏာရှင်စနစ်ကို ဖြိုချရုံတခုတည်းနှင့် ဒီမိုကရေစီစနစ်ကို အပြည့်အ၀တည်ဆောက်ခြင်း၊ ကွဲပြားခြားနားမှုများအား လက်ခံ သဘောပေါက်ခြင်း၊ စီးပွားရေးဖွံ့ဖြိုး တိုးတက်အောင် တည်ဆောက်ခြင်း မပြုလုပ် နိုင်ကြောင်း သူတို့နားလည်ခဲ့ကြသည်။ သို့ဖြစ်၍ တော်လှန်ရေးမဟာဗျူဟာသည် အာဏာရှင်စနစ်ကို ဖြိုဖျက်ခြင်းနှင့်အတူ ဒီမိုကရေစီစနစ် တည်ဆောက်ခြင်း အပေါ်တွင်ပါ တပြိုင်နက်တည်း အခြေခံရမည် ဟု သူတို့ဆုံးဖြတ်ခဲ့ကြသည်။
အော့ပါလှုပ်ရှားမှု မဟာဗျူဟာတွင် အဆင့်(၅)ဆင့်ရှိပါသည်။ ယင်းတို့မှာ-
(၁)တော်လှန်ရေးယဉ်ကျေးမှုတရပ်ဖန်တီးပြင်ဆင်ခြင်း
တော်လှန်ရေး ပြုပြင်ပြောင်းလဲမှုတရပ် ပေါ်ပေါက်လာစေရန် ယဉ်ကျေးမှု တရပ်လိုအပ်သည်။ မည်သို့သော ယဉ်ကျေးမှု မျိုးနည်း။ ပုန်ကန်တော်လှန်သော ယဉ်ကျေးမှု။ ယင်းအဆင့်တွင် အရေးကြီးဆုံးမှာ တော်လှန်ရေး အမြင်ရှိရန်ဖြစ်သည်။ တော်လှန်ရေး အမြင်ရှင်သန်နေမှသာ နေရာယူလိုစိတ်များ၊ အမြင်ကွဲပြားမှုများနှင့် တော်လှန်ရေး သမားများ အကြားတွင် တခါတရံရှိတတ်သော အာဃာတများ ပျောက်ကွယ်ပြီး ညီညွတ်မှုကို တည်ဆောက်နိုင်မည်ဖြစ်သည်။ အော့ပါတွင် ရှင်းလင်း ပြတ်သားသော တော်လှန်ရေးအမြင်ရှိခဲ့သည်။ နိုင်ငံအ၀ှမ်း ချိတ်ဆွဲသော ပိုစတာများတွင် “He’s Finished ” ဟု ရေးသားကြသည်၊ အားလုံး၏ အဓိကရန်သူသည် အာဏာရှင်ဖြစ်ကြောင်း လူတိုင်းနားလည်သည်၊ မည်သည်ကို တော်လှန်ရမည် ဖြစ်ကြောင်း သဘောပေါက် ခဲ့ကြသည်။

(၂) ခိုင်မာသော အဖွဲ့အစည်းတရပ် တည်ဆောက်ခြင်း
တော်လှန်ရေး မာန်ဟုန်ကို မြှင့်တင်စေရန် အဖွဲ့အစည်းတရပ်လိုအပ်သည်။ ပြုပြင် ပြောင်းလဲမှု တရပ်ကို ဟိုတစု၊ ဒီတစု လုပ်ယူ၍မရ။ နိုင်ငံရေးဦးဆောင် အဖွဲ့လိုအပ်သည်။ ဤအဆင့်တွင် အရေးကြီးဆုံးမှာ အဖွဲ့ဝင်များ အကြားယုံကြည်မှု လျော့နည်းခြင်း မဖြစ်လာစေရန် သတိပြုရမည်။ တဦးနှင့်တဦး ယုံကြည်မှု လျော့နည်း လာခြင်းသည် တော်လှန်ရေးအင်အားကို လျော့ကျစေသည်၊ တော်လှန်ရေး လှုပ်ရှားမှုများသည် လှုပ်ရှားနေသူ အသိုင်းအ၀ိုင်းကြားတွင်သာ ပျံ့နှံ့နေပြီး ယင်းအသိုင်းအ၀ိုင်းပြင်ပမှ လူသစ်များ ထပ်မံ ၀င်ရောက်လာခြင်းကို ကန့်သတ်လိုက်သကဲ့သို့ ဖြစ်သွားစေသည်။

(၃) ထိပ်တိုက်ရင်ဆိုင်ခြင်း
ယင်းအဆင့်၌ လူထုများ ပူးပေါင်းပါဝင်လာရန်လိုအပ်သည်။ အော့ပါထိပ်တိုက်ရင်ဆိုင်ခြင်း အဆင့်သည် သေးငယ်သော ဆန္ဒပြပွဲများမှ စတင်ခဲ့သည်။ ပြုလုပ်သော နေရာများမှာလဲ လူသွားလူလာ အများဆုံး နေရာများတွင်ဖြစ်ပြီး လူထုကြားသို့ အမြန်ဆုံးသတင်း ပျံ့နှံ့စေသည့် နေရာများဖြစ်သည်။

(၄) နိုင်ငံရေး၊ စီးပွားရေးအရ ဆက်ဆံမှု မပြုလုပ်ခြင်း (၀ါ) ပူးပေါင်းဆောင်ရွက်မှု မရှိခြင်း
ယင်းအဆင့်သည် လူထုများအကြား တော်လှန်ရေးအမြင်၊ တော်လှန်ရေးအသံများ နှိုးကြားလာချိန်တွင် ဖြစ်ပေါ်ရမည်။ သပိတ်မှောက်မှုများ၊ ဆန္ဒပြမှုများဖြင့် အာဏာရှင် စနစ် ပျက်သုဉ်းရေးကို ဦးတည်လုပ်ဆောင်ခြင်းဖြစ်သည်။

(၅) စင်ပြိုင်အဖွဲ့အစည်းများ တည်ထောင်ခြင်း
ယင်းအဆင့်ဖြစ်ပေါ်လာစေရန် တော်လှန်ရေးစတင်စဉ်ကပင် ခြေကုပ်ယူရမည်။ ထိပ်တိုက် ရင်ဆိုင်စဉ် ကာလတွင် စင်ပြိုင်အဖွဲ့များ ကြီးထွားနေရန် လိုအပ်ပြီး လူထုလှုပ်ရှားမှု အရှိန်ရလာသည်နှင့်အမျှ လူ့ဘောင်သစ် တည်ဆောက်ရေး ၏ အခြေခံအဆောက်အအုံများ ဖြစ်လာရန် လိုအပ်ပေသည်။

ဤဆောင်းပါးလေးအား အော့ပါလူငယ်များ၏ ကြွေးကြော်သံဖြင့် နိဂုံးချုပ်ပါမည်။
”အာဏာရှင်စနစ်သည် သေဆုံးမည့် အရာဖြစ်၍ တော်လှန်ရေးဆိုသည်ကား ဘ၀အသစ် စတင်ခြင်း ဖြစ်သည်”

ခင်မမမျိုး

Thursday, January 15, 2015

“လေထဲဆောက်သော တိုက်အိမ်များ”

          ကိုယ့်တိုင်းပြည်က ပညာတတ်တွေ သူများနိုင်ငံမှာ ထွက်အလုပ်လုပ်ကုန်ကြတာကိုသူတို့အနောက်နိုင်ငံကလူတွေက ဦးနှောက်ယိုစီးမှု လို့ ခေါ်ပါသတဲ့။ ဘွဲ့ရပညာတတ်ဖြစ်လျက်သားနဲ့ကိုယ်တတ်တဲ့ပညာကို အသုံးမချတဲ့သူတွေကိုတော့ ဦးနှောက်ပြုန်းတီးမှု လို့ ခေါ်ပြန်သတဲ့။လက်ရှိ ကိုယ်တို့တိုင်းပြည်မှာ ဖြစ်ပျက်နေသမျှကတော့ ဦးနှောက်ယိုစီးတာထက်လည်း ပိုတယ်။ဦးနှောက်ပြုန်းတီးတာထက်လည်း ပိုတယ်။ ဆေးပညာသဘောအရဆိုရင်တော့ ဦးခေါင်းခွံထဲမှာ ဦးနှောက်မှအပဖြစ်သောအရာတွေပြွတ်သိပ်တိုးပွားလာတဲ့အတွက် ဦးနှောက်အပေါ်ဖိအားတွေ မတန်တဆဖြစ်လာပြီး ဦးခွံဒွာရတွေကနေအပြင်ကိုတွန်းကန်ထွက်ကုန်တာ။ အဲ့ဒါ သေတတ်တယ်။ ဦးခေါင်းကို ဒဏ်ရာရတဲ့လူတွေ သေရင်၊ ဦးနှောက်သွေးကြောပေါက်တဲ့သူတွေသေရင် အဲ့ဒါနဲ့ပဲ သေတာ။ အခုလည်း ကိုယ်တို့မြန်မာပြည်ကြီးဟာ သင်းသတ်ထားတဲ့ သစ်ပင်ကြီးလိုပဲ။ကြည့်ရင်းကြည့်ရင်း မကြာခင် အသက်ကုန်တော့မယ်။ ကိုယ့်တိုင်းပြည်မှာ ပညာတတ်တွေအတွက် နေရာမပေးနိုင်ဘူး။ပညာတတ်တွေခမျာ ကိုယ့်တိုင်းပြည်တွင်းမှာ ပညာနဲ့ အသက်မွေးဝမ်းကြောင်းလို့ မရဘူး။ ပညာတတ်တွေအပေါ်မှာပညာတတ်မဟုတ်သောသူများရဲ့ ဆင်ခြင်စာနာမဲ့ ဖိစီးမှုတွေကြောင့် ကိုယ့်ပြည်တွင်းမှာ အနှစ်နှစ်အလလပျိုးထောင်ထားတဲ့ ပညာတတ်အသီးအပွင့်တွေဟာ မျိုးစေ့လည်းမှန် ပင်လည်းသန်ပါလျက် ပေါင်းမြက်ခြုံရိုင်းတွေကိုမတိုးနိုင်လို့ သူများရပ်ရွာက မြေတောင်မြှောက်ပေးမယ့်သူတွေ လက်ကို ပါကုန်ပြီ။

          တကယ်တမ်းစဉ်းစားကြည့်တော့ ကိုယ့်တိုင်းပြည်က သူများဆီထွက်ကုန်တာပညာတတ်တွေချည့်ပဲ မဟုတ်ပါဘူး။ လုပ်နိုင်ကိုင်နိုင်တဲ့ လူငယ် အရွယ်ကောင်းကလေးတွေမှန်သမျှ
တောရောမြို့ပါမကျန် နိုင်ငံခြားကို ထွက်ကုန်တယ်။ ထင်ကြေးနဲ့ ရမ်းပြောနေတာ မဟုတ်။ ကိုယ်ကိုယ်တိုင်လည်းတောကရွာကလာတာ။ သားချင်းဆွေမျိုး ညီငယ်ညီမငယ်တွေ သန်သန်စွမ်းစွမ်းဆို ရွာမှာ တစ်ယောက်မှမရှိတော့ဘူး။ ဘီးလင်း၊ ကျိုက်ထို၊ သထုံ၊ သွားတုန်းကလည်း ကျီးနဲ့ဖုတ်ဖုတ်ဖြစ်နေတဲ့ရွာတွေကိုယ်တိုင်တွေ့ခဲ့ရတယ်။ မြစ်ဝကျွန်းပေါ်မှာ အလုပ်လုပ်နေတဲ့ ကလေးဆရာဝန်မမကလည်း စာလေးပေလေးရေးပါဦးတဲ့။ ကုန်ကြမ်းတွေ လှမ်းပေးရှာတယ်။ ရွာတွေမှာ ဆယ်နှစ်လောက်ဆို ကလေးတွေ ပျောက်ပျောက်ကုန်ပြီ။ရန်ကုန်တက် အိမ်ဖော်လုပ်၊ စားပွဲထိုးလုပ်၊ ပွဲစားခတတ်နိုင်ရင် နိုင်ငံခြားထွက် ကျွန်ခံရလို့အထက်တန်းကျောင်းတွေမှာ ကျောင်းသားမရှိတော့ဘူးတဲ့။ အလကားပဲလေ။ အချိန်ကုန်၊ ငွေကုန်၊အလုပ်မရ၊ အကျိုးမရှိ၊ ကျောင်းဆရာမတွေတောင် ရွာက တင်ကျွေးထားရတဲ့ ဥစ္စာ။ ပညာတတ်မျိုးဆက်တောင်ပြတ်တော့မယ့်ပုံပဲ။ ပညာဆိုတာကြီးက စားဝတ်နေရေးအတွက်မှ သုံးမရရင် ဘယ်နေရာ သွားသုံးဖို့လဲ။ကိုယ့်တစ်ကိုယ်တည်း ကောင်းဖို့ စဉ်းစားတာ မဟုတ်ဘူး။ ပြည်တွင်းမှာ ဟိုအသိုင်းအဝိုင်းကျောထောက်နောက်ခံမရှိရင် ရပ်တည်ရှင်သန်ဖို့ အခွင့်အလမ်းက မဖြစ်နိုင်သလောက်ပဲ။

          နောက်ဆုံးတော့ကိုယ်တို့ဆီကနေ ယိုစီးပြုန်းတီးပြီး အပြင်ထွက်သွားတာတွေဟာ လူငယ်လူရွယ်အများစု ဖြစ်တဲ့အတွက်အနာဂတ်တွေဆုံးရှုံးသွားတာလို့ ပြောရင် ပိုမှန်လိမ့်မယ်။ ကိုယ်တို့ရှေ့က မျိုးဆက်တွေဟာတိုင်းပြည်ရဲ့ သယံဇာတနဲ့ ကုန်ထုတ်လုပ်ငန်း အသီးအပွင့်တွေကို ကိုယ်တို့အတွက် အမွေမပေးခဲ့နိုင်ရုံတင်မကဘူး။ကိုယ်တို့လက်ထက်ရောက်မှ သီးပွင့်ဖွံ့ဖြိုးလာမယ့် အညွန့်အဖူးကလေးတွေကိုပါ ဘာမှမကျန်အောင်ခူးဆွတ်စားသုံးသွားပြီ။ ဒါကြောင့် ကိုယ်တို့မျိုးဆက် သူများတိုင်းပြည်မှာ ထွက်ရှာရတာဟာကိုယ်တို့စားသုံးဖို့မဟုတ်ဘူး။ ကိုယ်တို့ သားသမီးတွေ စားသုံးဖို့လည်း မဟုတ်ဘူး။ အဲ့ဒါတွေလည်းပါတော့ ပါတာပေါ့။ မပါမဖြစ် ထည့်တွက်ထားရမှာက ကိုယ်တို့ရှေ့က သွားနှင့်ပြီးသော ဘိုးတော်ဘတော်များမြိန်ရည်ယှက်ရည် စားသုံးနိုင်ပါစေကြောင်းက အဓိကပါတယ်။ မဟုတ်ဘူးလို့ထင်ရင် သက်သေပြရသေးတာပ။ကချင်ပြည်နယ်က ကျောက်စိမ်းအထွက်ဆုံးဒေသ မဟုတ်ဘူးလား။ အဲ့သည်ကျောက်စိမ်းတွေ ရောင်းတဲ့ငွေတွေကို စစ်ပြေးဒုက္ခသည်စခန်းက ကျောင်းမတက်နိုင်တဲ့ ကလေးလေးတွေ ထမင်းစားဖို့ရသလား။ မနောပွဲမှာကချင်လွယ်အိပ်ကလေးလွယ်ပြီး ဓါးကလေးလှည့်ကာလှည့်ကာ ကပြတဲ့ လခသိန်းငါးဆယ်တန် ဘဘကြီးကရသလား။ ရှင်းရှင်းလေးရယ်။

        ကိုယ်တို့လို အဖြစ်အပျက်မျိုးဆိုတာ တံခါးဖွင့်ပေးလိုက်တဲ့ နိုင်ငံတိုင်းမှာတွေ့ရပါတယ်တဲ့။
ဝေးဝေးသွားကြည့်စရာမလိုဘူး ကိုယ့်ဘေးမှာတင် တရုတ်နဲ့ အိန္ဒိယရှိတယ်။သူတို့ဆီကလည်း ပညာတတ်လူသန်းပေါင်းများစွာ တိုင်းပြည်ပြင်ပမှာ ထွက်ပြီး ကျင်လည်ကျက်စားကြရတယ်။ဒါပေမယ့် ရေရှည်ကို မျှော်တွေးကြည့်တော့ အဲ့ဒါ Brain drain မဟုတ်ပါဘူး။ Brain gainပါတဲ့။ အချိန်တန်တော့ သူတို့လူမျိုးတွေဟာ တသက်လုံးရှာဖွေ စုဆောင်းထားတဲ့ အရင်းအနှီးများရောအတတ်ပညာများပါသယ်ဆောင်ပြီး သားရွှေအိုးထမ်းလာတာမို့ ကိုယ့်တိုင်းပြည်အတွက် မနစ်နာပါဘူးတဲ့။ဒါကြောင့်လည်း “ပေတစ်သောင်းမြင့်တဲ့ အပင်ဖြစ်ပစေ။ အရွက်ကြွေရင်တော့ အမြစ်ရှိရာ ပြန်လာကြ။”လို့ ပညာရှိမှာတမ်းချွေတာ ဖြစ်မယ်။ သည်လိုဆိုရင် ကိုယ်တို့လည်း ရေခြားမြေခြား စွန့်စွန့်စားစားအလုပ်ထွက်လုပ်နေသူတွေ ကိုယ့်တိုင်းပြည်ကိုယ် ပြန်လာရင် လုပ်ငန်းအတွေ့အကြုံ ကျွမ်းကျင်ပြီးသေားရောစုမိဆောင်းမိ ငွေကြေးအရင်းအနှီးများပါ သပိတ်ဝင်အိပ်ဝင် ပြန်ဝင်ရချည်သေးရဲ့ လို့ အားတက်ရတော့မှာပေါ့နော်။ကိုယ့်ညီများ ညီမများ နိုင်ငံရပ်ခြားမှာ ကြိုးစားရုန်းကန်ရင်း အထုပ်နဲ့အထည်နဲ့ လောက်လောက်လားလားရှိလာရင် မြန်မာပြည် ပြန်လာခဲ့ကြလကွဲ့။ တို့ပြည်မှာ ရေလည်း ပိုချိုသကွဲ့။ မြက်လည်းပိုစိမ်းသကွဲ့။အပျိုစင်အလန်းဇယားကလေးများလည်း အဘလက်၊ အဘတပည့်လက်၊ အဘသားမြေးတွေလက်က လွတ်အောင်ရှောင်နိုင်ရင်၊သူတို့ကဆွဲစားပြီး ပြန်စွန့်လိုက်ရင်၊ သူတို့စိတ်ထဲ မပြစ်မှားလောက်ဘူး လို့ထင်ရင်၊ရွေးစမ်းပါလေ့ ကိုယ့်လူရာ။ အဲ့လိုအဲ့လို မက်လုံးကလေးတွေပေးလို့ ပြန်မလာပဲ မနေဖြစ်အောင်ပေါ်လစီလော်ဘီစာကလေးများ ရေးရကောင်းမလား စဉ်းစားမိတယ်။

         ကိုယ့်မွေးရပ်မြေနဲ့ နှစ်ရှည်လများ ခွဲခွာနေရတဲ့သူဆိုတာ ကိုယ်ကတစ်ခွန်းမှမဆွယ်လည်းပဲ သူ့ဟာသူတော့ ပြန်ချင်တဲ့စိတ် ရှိတာပဲ။ သူများရပ်ရွာမှာ ရေဘယ်လောက်ကြည်ကြည်၊မြက်ဘယ်လောက်နုနု၊ ကိုယ့်ဇာတိမွေးမြေကို မေ့သွားမှာတော့ မဟုတ်ဘူး။ အလုပ်အကိုင် အဆင်ပြေ၊စုစုဆောင်းဆောင်း အဖတ်တင်လာပြီဆိုရင် ဒါလေးနဲ့ ကိုယ့်တိုင်းပြည်ကိုယ်ပြန်ပြီး ရင်းနှီးလုပ်ကိုင်စားရရင်လူမချမ်းသာဦးတော့ စိတ်တော့ ချမ်းသာရမှာ အမှန်ပဲ လို့ တွေးမိတတ်တယ်။ ကိုယ်နဲ့သိတဲ့လူတချို့ဟာလည်းအဲသည်ကိစ္စ ပွင့်ပွင့်လင်းလင်း ဖွင့်ဟတိုင်ပင်ကြတယ်။ ဟိုမှာ သူတို့ရနေတဲ့ လစာငွေကြေး၊ခံစားခွင့်မျိုးကို ပြည်တွင်းမှာရဖို့ဆိုတာ လွယ်တဲ့ကိစ္စတော့ မဟုတ်ဘူး။ ဒါပေမယ့် တော်တော်များများကလခစားဆက်လုပ်ရမှာကို စိတ်ကုန်နေပြီ။ ကိုယ်ပိုင်စီးပွားရေးသာ လုပ်ချင်ကြတယ်။ ရုပ်ရှင်ထဲမလည်းတွေ့ဖူးတယ်လေ။ မင်းသားဖြစ်ဖြစ် မင်းသမီးဖြစ်ဖြစ်၊ နိုင်ငံခြားကပြန်လာရင် နံကထိုင်ကြီးနဲ့ချီးပုံးကြီးနဲ့ ကုမ္ပဏီထောင်ပြီး ပေါတောတောတပည့်တွေမွေး၊ ဖူးစာရှင်လှည့်ရှာတော့တာပဲ။(ဟွန့် လူများ ငပေါကြီးမှတ်လို့။ သူ့တပည့်လုပ်စရာလား။) ကိုယ့်စိတ်ထဲမှာတော့ အဲ့လိုအခါမျိုးကျရင်လေထဲဆောက်တဲ့ တိုက်အိမ်ကြီးတွေကို ပြေးပြေးမြင်မိတော့တာပဲ။ ဟုတ်တယ်။ ကိုယ်တို့မြန်မာပြည်စီးပွားရေးရင်းနှီးမြှုတ်နှံမှုအပိုင်းက လေထဲတိုက်အိမ်ဆောက်တတ်မှရတယ်။

          ဥပမာ ဆိုကြပါစို့။ ခေတ်မီဖွံ့ဖြိုးတိုးတက်သော နိုင်ငံတော်သစ်ကြီးတည်ဆောက်ရာမှာမရှိမဖြစ်လိုအပ်တဲ့ ပညာရေးကျန်းမာရေး အသုံးစားရိတ်တွေကို နိုင်ငံတော်က အားပါးတရကြီးကူးတို့ဆိပ်မှာ မှို့အိပ်ဖွင့်သလို ဖွင့်ချ သွန်ချလိုက်တယ် ဆိုပါစို့။ နဂိုက ကုတင် ၁၀၀၀ဆန့်ဆေးရုံကြီးကို ဖွဲ့စည်းပုံတိုးချဲ့ပြီး ကုတင် ၃၀၀၀ လို့ အဆင့်မြှင့်ပေးလိုက်တယ်ထား။  လူနာဆောင် အသစ်ကြီးတွေ၊
ခေတ်မီစက်ကိရိယာပစ္စည်းတွေကိုခဏအသာထားလိုက်စမ်းပါဦးလေ။ လောလောဆယ် မရှိမဖြစ် လိုအပ်တာက နောက်ထပ် ကုတင် အလုံး ၂၀၀၀ဝယ်ရတော့မယ်။ ဘယ်စတိုးဆိုင်မှာမှ ကုတင်အလုံး ၂၀၀၀ လက်ညှိုးထိုးပြစရာ အဆင်သင့်မရှိဘူး။ဒါပေမယ့် လိုအပ်တဲ့ ကုတင်အလုံး ၂၀၀၀ ကို သတ်မှတ်ရက်အတွင်း ဆေးရုံကိုအရောက်ပို့ပေးနိုင်မယ့်အထဲကချိတ်ပိတ်တင်ဒါခေါ်ပြီး ပစ္စည်းလည်းအကောင်းဆုံး၊ ဈေးလည်းအသက်သာဆုံးဆိုတဲ့လူဆီက စာချုပ်ချုပ်ပြီးအစည်းအဝေးဆုံးဖြတ်ချက်အရဆို ဝယ်ကြတယ်။ အဲ့ဒီတော့ ရောင်းမယ့်လူဟာ သူ့လက်ထဲ ကုတင် ၂၀၀၀ပြစရာမလိုဘူး။ စာရွက်ကလေးပေါ် ပစ္စည်းနမူနာကလေး ပြလို့ အရုပ်ရေးရောင်းတာ။ အရင်းဘယ်လောက်၊အမြတ်ဘယ်လောက်၊ သယ်ယူပို့ဆောင်ခဘယ်လောက်။ ဘာမှ တွက်စရာမလိုဘူး။ ဈေးပြိုင်တင်ဒါမှာ ဘယ်လောက်နဲ့ဝင်ရမလဲပဲ သိစရာလိုတယ်။ ဒီနေရာ ဒီလေလံပွဲဟာ သူ့အတွက်လုပ်တာမဟုတ်ဘူး။ ရည်စူးပြီးသားလူရှိမရှိဆိုတာလည်း သိမှရတယ်။ သူများနိုင်ငံတွေမှာလုပ်သလို “ကျွန်တော်တို့ကုမ္ပဏီက ကုန်ပစ္စည်းများဟာအရည်အသွေးကဘယ်လို၊ ဝါရန်တီကဘယ်လို၊ မိန်တိန်းနန့်က ဘယ့်နှယ်” တွေ လာမပြောနဲ့။ အဲ့ဒါတွေသည်မှာ မလိုဘူး။ ကိုယ့်ဆီက ကြိုက်ရောင်းကြိုက်ဝယ်။ “ငါ့လက်ကလွတ် ဗြွတ်” စံနစ်။ သည်နေ့ဝယ်ပြီးနောက်နေ့ပျက်သွားရင် လွှင့်သာပစ်လိုက်။ ကွန်ပလိန့်တက်စရာ ကုမ္ပဏီက ရုံးခန်းတောင် မရှိဘူး။ခါတော်မှီ။

         ဒါက ဝယ်တဲ့လူအပိုင်းပဲ ရှိသေးတာ။ ရောင်းတဲ့လူအပိုင်းကို သွားကြည့်ကြဦးစို့။ဒါမျိုးကို ကိုယ်တို့ဆီမှာ ခွင် လို့ခေါ်တယ်။ ခွင်မရှိပဲ ခွင်မဖန်ပဲ ဘာကိုမှ လုပ်စားလို့မရဘူး။ဟောအခု စိုင်ကော်လို့ ခြုံပေါ်ရောက်။ လူကြီးနဲ့ နီးစပ်ပြီး ခွင်ကောင်းကောင်းတစ်ခု မိသွားပြီ။(ဆေးခွင် ဆေးခွင်) တင်ဒါအောင်ထားတာ ကုတင်အလုံး ၂၀၀၀။ ကိုယ့်ဆီမှာရှိတာ နှစ်ဒါဇင်တောင်မပြည့်။ ဆိုင်တကာလှည့် ရှိသမျှကုတင်တွေ အကုန်လိုက်သိမ်း။ နိုင်ငံခြားကလှမ်းမှာ။ သင်္ဘောကြီးနဲ့ပါလာမယ်ပြောထား။ ရှိရှိသမျှ တံခါးမှူးဒတ္တတွေအကုန် လမ်းကြောင်းနဲ့ဝေထား။ ဒါ လူကြီးပစ္စည်းတွေ။မကြာစေရန် ရတနာချွေရန် ရာကုဋေအမြန်ဆိုတဲ့အတိုင်းပေါ့။ သူတို့တတ်ပါတယ်။ စာချုပ်ချုပ်လိုက်တဲ့အချိန်ကနေပစ္စည်းတွေအပ်ပြီးတဲ့အထိ အားလုံးချောချောမောမော ဖြစ်ပြီဆိုမှ လက်ဝါးချင်းရိုက်လိုက်တော့။အောင်ပြီ သား အောင်ပြီ။ ဒါ ဥပမာပေးတာနော်။ အချိန်တိုင်း နေရာတိုင်းမှာ အဲသည်သဘောအတိုင်းပဲစီးပွားရေး လုပ်ကြရတယ်။ ဂိမ်းကစားသလိုပေါ့။ တစ်ပွဲသိမ်းလို့ တစ်ချီပွရင် နောက်တစ်ပွဲဆက်တက်ကြမယ်။အဲ့သလို အရာခပ်သိမ်း ကြံတိုင်းအောင် ဆောင်တိုင်းမြောက်နေဖို့ဆိုတာ ကိုယ်တို့ရွှေပြည်ကြီးမှာ ဘယ်အရပ်သားတတ်နိုင်သလဲ ပြောစမ်းပါ။ တကယ်လို့များ တနေရာရာမှာ အကြောင်းတစ်ခုခုနဲ့ ကြန့်ကြာတစ်ဆို့သွားမယ်ဆိုရင် ကိုယ့်အစွမ်းအစနဲ့ ရှင်းနိုင်ရှင်း၊ မရှင်းနိုင် ပတ်ရှုတ်ကုန်ကြရော။

          အရာရာ မတည်မြဲတဲ့ သင်္ခါရလောကကြီးထဲမှာ ကိုယ်တို့ဆီက စီးပွားရေးရင်းနှီးမြှုတ်နှံမှုများဟာအကောင်အထည် မမြင်ရသော လုပ်ပိုင်ခွင့်အာဏာဆိုတဲ့ လေဟာနယ်ထဲမှာ တိုက်အိမ်ကြီးလည်းဆောက်ကြတယ်။တံတားကြီးလည်းခင်းကြတယ်။ နန်းတော်ကြီးလည်း တည်ကြတယ်။ ဒါပေမယ့် ပြောင်းလဲသော သင်္ခါရတရားအရသူတို့ရဲ့တည်မှီရာ အာဏာပိုင်ကြီး ယိမ်းယိုင်သွားတဲ့အခါ ဘယ်လောက်ပဲ စံနစ်တကျ အခိုင်အမာတည်ဆောက်ပြီးသားဘုံဗိမ္မာန်ကြီးပဲ ဖြစ်ဖြစ်
လေထဲဆောက်တဲ့တိုက်အိမ်မှန်း သိသာသွားတော့တယ်။ သတင်းစာထဲမှာဟိုးလေးတကျော်ဖြစ်နေတဲ့ ဆောက်လုပ်ရေးလုပ်ငန်းစုကြီးက ထင်ရှားတဲ့ ဥပမာတစ်ခုပါပဲ။ သူရောက်ခဲ့တဲ့နေရာဟာရန်ကုန်မြို့မှာ ပါချီပါချဲ့ လိမ်စားညာစား အာဝါဒါးကန်ထရိုက်အဆင့်အတန်းမျိုးတော့ မဟုတ်ခဲ့ပါဘူး။ ဒါကြောင့်လည်း လူတွေအများကြီး ယုံကြည်အပ်နှံပြီး ခွင်ပေါင်းများစွာ ဆင်ထားနိုင်ခဲ့တာ။ ဒါပေမယ့် သူလေထဲဆောက်တဲ့ တိုက်တွေပြိုတဲ့အခါ ရှိသမျှစည်းစိမ်တွေ ပြုတ်ပြုတ်ပြုန်းရုံတင်မကဘူး။ လူလိမ်လူညာ၊ ကတိမတည်တဲ့သူ၊ ငါးပြားဖိုးမှ ယုံစားဖို့ မကောင်းတဲ့သူ၊ အမှုတစ်သန်းနဲ့ မသေမချင်းထောင်ထဲကိုသွားစေသတည်း ဆိုတာမျိုး ဖြစ်သွားတယ်။

          အဲဒီလူကြီးနဲ့ကိုယ်နဲ့က နံမယ်တောင် မမှတ်မိတာမို့ ဘုမသိဘမသိ သူ့ဘက်ကရှေ့နေလိုက်စရာ အကြောင်း မရှိပါဘူး။ ပိုက်ဆံတွေ ဆုံးတဲ့သူတွေအတွက်တော့ သူဟာ လူလိမ်ပေါ့။ဒါပေမယ့် အဲသည်ပိုက်ဆံတွေမဆုံးပဲ ကတိအတိုင်း ပြီးအောင်ဆောက်သွားနိုင်ရင်တော့
လေးစားလောက်သောလုပ်ငန်းရှင်ကြီးပေါ့။ အဲသည်ပုံရိပ်နှစ်ခုအကြားမှာ ကာယကံရှင်က တစ်ယောက်တည်းပဲ။ သူလော်မာပြီးလူတကာကိုလိမ်စားလိုက်မယ်ဟဲ့လို့ လုပ်ခဲ့တာ မဟုတ်ဘူး။ မလိမ်မဖြစ် လိမ်ရတဲ့ဘဝရောက်အောင်အကြောင်းတစ်ခုက တွန်းပို့သွားတာ။ သူ့လိုမျိုးလူတွေ ကိုယ်တို့တိုင်းပြည်ရဲ့ စီးပွားရေးလောကထဲမှာတပုံကြီးပဲ။ အချီကြီးကြံလာခဲ့ပြီးမှ ဘဝပါပျက်သွားရတာ။ သူဌေးဖြစ်မလား ခွေးဖြစ်မလားဆိုတာကိုယ့်စွမ်းဆောင်ရည် ကံ၊ ဥာဏ်၊ ဝီရိယ သက်သက်ထက် သူတပါးဘုန်းရိပ်ကံရိပ်ကို မှီထားရတာကြောင့်ဖြစ်ရလေတယ် လို့ ထင်မိတာပဲ။ ကိုယ်နဲ့အင်မတန် ရင်းနှီးတဲ့သူတွေထဲမှာ မြန်မာပြည်စီးပွားရေးလောကထဲမှာမသိသူမရှိ၊ သိက္ခာရှိရှိ၊ နံမယ်ကောင်းတစ်လုံးနဲ့ နေလာသူတစ်ယောက်ရှိတယ်။ အောင်မြင်လာတာလည်းကြောက်ခမန်းလိလိ။ စီးပွားရေးအကွက်မြင်တဲ့နေရာမှာလည်း သူ့ကို ဘယ်သူမှမမီဘူး။ သူလည်းလေထဲမှာ တိုက်အိမ်အကြီးကြီးဆောက်တယ်။ နည်းနည်းနောနောတိုက်အိမ်ကြီး မဟုတ်ဘူး။ မြန်မာပြည်မှာကွန်ဒိုမီနီယမ် မမြင်ဖူးခင်ကတည်းက သူဆောက်နေပြီ။ သူ့လက်နဲ့ထိသမျှ ရွှေဖြစ်နေတဲ့အချိန်မှာစီးပွားဥစ္စာတွေဟာ ဆူနာမီအလားကို တရိပ်ရိပ်တက်လာခဲ့တာ။ ဒါပေမယ့် သူ့တိုက်အိမ်ကြီး ပြိုသွားတယ်။အပြင်ရန်၊ အတွင်းရန်၊ အထက်ရန်၊ အောက်ရန်တွေ ဆုံလာတဲ့အခိုက် သူ့ရှေ့လူတွေ ဖြစ်တဲ့အတိုင်းသူလည်းအမြစ်ကနေအလှဲခံလိုက်ရတယ်။ လူလိမ်လူညာအဖြစ် တရားစွဲအမဲဖျက်နေကြတဲ့အချိန်မှာ သူ ဘယ်သူ့ကိုမှမလိမ်ဘူးဆိုတာ ကိုယ့်လောက်သိတဲ့သူ မရှိဘူး။ ဒါပေမယ့်လည်း မပြေးသော် ကန်ရာရှိခဲ့ပြီ။မကန်သော် ပြေးရုံသာရှိပြီ။ ပေါ်လစီအပြောင်းအလဲနဲ့ ကားဈေးကွက် ကမောက်ကမဖြစ်ချိန်မှာ ရှိုးရွမ်းပိတ်ပြီးဝါးရမ်းပြေးလုပ်ရတဲ့သူတွေလည်း တပုံကြီး။ သူတို့လည်း ကိုယ်နဲ့သိတဲ့လူတွေပါတာပဲ။ လူလိမ်တွေမဟုတ်ဘူး။ ကောင်းရောင်းကောင်းဝယ် စီးပွားရေး လုပ်စားသူတွေ။ ဒါပေမယ့် ကတိမတည်ပဲ ပိုက်ဆံတွေဆုံးကုန်မှတော့လိမ်တာမဟုတ်လို့ ဘာတုန်း။ ချေးထားတဲ့ ပိုက်ဆံပြန်မပေးတာကရော ကလိမ်ကျစ်မဟုတ်လို့ ဘာတုန်း။တကယ်လို့များ မြန်မာပြည်မှာ စီးပွားရေးလုပ်တော့မယ်လို့ အထုပ်ကြီးအထည်ကြီးနဲ့ နိုင်ငံခြားကပြန်လာမယ့်သူတွေဟာ ကိုယ်တို့ဆီမှာ သည်လိုဖြစ်တတ်တဲ့သဘောကလေးတွေကို တွေးမှ တွေးထားမိပါလေစလို့ သတိပေးချင်တာပါ။ သည်ဘက်အရပ်မှာ စီးပွားရေးလုပ်ချင် လေထဲတိုက်အိမ်ဆောက်တတ်မှရမယ်။အခန့်မသင့်လို့ ပြိုလဲသွားခဲ့သည်ရှိသော် လေထဲမှာမို့လို့ အကျမနာဘူးလို့ မထင်နဲ့။ ဘဝပါပျက်သွားတာခဏခဏ မြင်ဖူးတယ် လို့ ပြောချင်တာ။

          ကိုယ့်တိုင်းပြည်ကိုယ်ပြန်လာပြီး ရင်းနှီးမြှုတ်နှံအခြေချလို့ကိုယ့်အတွက်ရော တိုင်းပြည်အတွက်ပါ Brain Gain ဖြစ်စေချင်ရင်၊ Financial Gain ဖြစ်ချင်ရင်လေထဲမှာတော့ တိုက်အိမ်ဆောက်ဖို့ မစဉ်းစားပါနဲ့။ ဖောင်ဒေးရှင်းကောင်းကောင်းတစ်ခုတော့ခိုင်ခိုင်မာမာ ရှိမှ ဖြစ်မှာပါ။ အဲ့ဒီဖောင်ဒေးရှင်းက “ငါးနှစ်လောက် ဆက်ပေးလုပ်ပါဦး။စင်္ကာပူလို ဖြစ်သွားစေရမယ်။” လို့ မရှက်မကြောက် အာမခံရဲသူကြီး မဟုတ်ဘူး။ (မြေနီကုန်းလှည်းတန်း တံတားနှစ်ခုနဲ့တင် ငါးနှစ်ကုန်ခဲ့တာ သူမဟုတ်သလိုပဲ) ဆွယ်တာကလေးထိုးပြီး သိန်းရာထောင်ချီရောင်းလို့ရတဲ့ဘွားတော်လည်း မဟုတ်ဘူး။ (အခုလောလောဆယ် သူနဲ့ စကားမပြောဘူး၊ သူတက်တဲ့ပွဲတွေ လုံးဝမတက်ဘူးလို့ဘူးခံနေတဲ့ ခရိုနီကြီးတွေဟာ ဘွားတော်ကြီး အာဏာရကြည့်။ နေ့မကူးဘူး။ ပြေးကပ်ကြမှာ။) ဘယ်အစိုးရတက်တက်အဂတိလိုက်စားခြင်းကင်းသော ဌာနဆိုင်ရာနဲ့ တပ်ဘက်အရပ်ဘက် အဖွဲ့အစည်းတွေ အားကောင်းလာမှဖြစ်မှာ။ တရားမဝင်ငွေကြေးများ ခဝါချခြင်းကင်းသော၊ အာဏာရှင်အပေါ် မှီခိုခြင်းကင်းသောဘဏ်စံနစ်လည်း ရှိမှ ဖြစ်မှာ။ ဆုတောင်းလေ ဆုတောင်း။ ဆုတောင်းပြည့်တော့ ပြန်လာခဲ့။ ဟုတ်ပြီလား။

ပြန်ပြီး အသက်သွင်းကြည့်တာ..။