Sunday, May 22, 2011

တော်လှန်စစ်, အမျိုးသမီးနှင့် အာဏာရှင်စနစ်တိုက်ဖျက်ရေး


အမျိုးသမီးနှင့် အာဏာရှင်စနစ်တိုက်ဖျက်ရေး


အာဏာရှင်စနစ် တိုက်ဖျက်ရေးနဲ့ ပတ်သက်ပြီး အမျိုးသမီးတွေရဲ့ အခန်းကဏ္ဍကို တင်ပြမှာ ဖြစ်ပါတယ်။ အာဏာရှင်စနစ်ဆိုတာမှာ တပါတီအာဏာရှင်စနစ်၊ လူတဦးတယောက်တည်းက အာဏာကို ချုပ်ကိုင်ထားတဲ့ အာဏာရှင်စနစ်နဲ့ စစ်အာဏာရှင်စနစ် ဆိုပြီး အမျိုးအမည်တွေ ကွဲပြားပါတယ်။ ဘယ်လိုပဲကွဲပြား၊ ကွဲပြား အာဏာရှင်စနစ်တွေအားလုံးမှာ တူနေတဲ့ သွင်ပြင်လက္ခဏာကတော့ လူထု၊ လူတန်းစားတွေကို ဖိနှိပ်ချုပ်ချယ်တာပဲ ဖြစ်ပါတယ်။ လူထုရဲ့ နိုင်ငံရေးတက်ကြွလှုပ်ရှားခွင့်၊ လွတ်လပ်စွာ ပြောဆိုဟောပြောခွင့်၊ စုဝေးပြီး ဆန္ဒထုတ်ဖော်ခွင့် တွေကို ပိတ်ပင်တားဆီးထားတဲ့ အစိုးရဆိုရင် ဒါဟာ ရွေးကောက်ပွဲနဲ့ တက်လာတဲ့ အစိုးရပဲဖြစ်ဖြစ်၊ အာဏာသိမ်းပြီး တက်လာတဲ့ အစိုးရပဲဖြစ်ဖြစ် အာဏာရှင် အစိုးရပဲ ဖြစ်ပါတယ်။

ဒုတိယကမ္ဘာစစ်ပြီး နောက်ပိုင်းမှာ စစ်အာဏာသိမ်းမှုတွေ ကမ္ဘာအနှံ့အပြားမှာ ဖြစ်ပွားခဲ့ပါတယ်။ လက်တင်အမေရိက နိုင်ငံတွေရဲ့ လေးပုံသုံးပုံ၊ အာရှတိုက်နဲ့ အာဖရိကတိုက်နိုင်ငံတွေရဲ့ တ၀က်ကျော်က ပြည်သူလူထုဟာ စစ်အာဏာရှင်လက်အောက်ကို ကျရောက်ခဲ့ရဖူးပါတယ်။ နိုင်ငံရေးပညာရှင်တွေက စစ်အာဏာသိမ်းမှု ဖြစ်ပွားရတဲ့ အကြောင်းရင်းတွေကို ဖော်ထုတ်ခဲ့ကြပါတယ်။ အဓိက အကြောင်းရင်းကတော့ တပ်မတော်ဆိုတာ ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ပေးဖို့ ဆိုတဲ့ မူရင်းရည်ရွယ်ချက်ပျောက်သွားပြီး၊ တိုင်းပြည်အုပ်ချုပ်ရေး အခန်းကဏ္ဍမှာပါ ၀င်ရောက် စွက်ဖက်ဖို့လိုအပ်တယ်လို့ ထင်မြင်ယူဆလာတာဖြစ်ပါတယ်။ ဒီလိုထင်မြင်ယူဆချက်တွေနဲ့ တိုင်းပြည် အုပ်ချုပ်ရေး အခန်းကဏ္ဍမှာ ပါဝင်စွက်ဖက်တာ အချိန်ကြာလာတော့ ထိပ်တန်းခေါင်းဆောင်များက အာဏာကို တပ်မက်စွဲလန်းလာပါတယ်။ အထူးသဖြင့် စစ်ဘက်ထိပ်တန်း အရာရှိများရဲ့ စီးပွားရေး အခွင့်အလမ်းတွေကို ကာကွယ်ဖို့၊ အာဏာတည်မြဲဖို့က တပ်မတော်ရဲ့ ဦးစားပေးရည်မှန်းချက် ဖြစ်လာပါတယ်။ ပြည်သူလူထုရဲ့ အသက်အိုးအိမ် စည်းစိမ် ကာကွယ် စောင့်ရှောက်ရေး ရည်မှန်းချက်ဟာ ပျောက်ကွယ်သွားပါတယ်။

ဒါပေမယ့် ၁၉၈၀ နောက်ပိုင်းကာလမှာကျတော့ တတိယလှိုင်း ဒီမိုကရေစီလှိုင်းလုံးကြီးနဲ့အတူ နိုင်ငံတော်တော်များများဟာ စစ်အာဏာရှင် လက်အောက်ကနေ လွတ်မြောက်ခဲ့ကြပါတယ်။ အာဏာရှင်စနစ် တိုက်ဖျက်ရေး လူထုလှုပ်ရှားမှုတွေ အများအပြားပေါ်ပေါက်လာခဲ့ပါတယ်။ တပ်မတော်ဆိုတာ ထိပ်သီး စစ်ခေါင်းဆောင်တွေရဲ့ အသက်အိုးအိမ်စည်းစိမ်ကို ကာကွယ်ဖို့ မဟုတ်ပဲ၊ ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ဖို့ ဆိုတဲ့ မူလရည်မှန်းချက်ကို သဘောပေါက် နားလည်ထားကြတဲ့ မျိုးချစ်တပ်မတော်သားတွေကလဲ လူထုနဲ့ ပူးပေါင်းလာကြပါတယ်။ လူထုရဲ့ ကိုယ့်ကြမ္မာ ကိုယ်ဖန်တီးခွင့် အခွင့်အလမ်းတွေ ရလာခဲ့ကြပါတယ်။ အခုဆိုရင် စစ်အာဏာရှင် လက်အောက်မှာ ကျရောက်နေရတဲ့ နိုင်ငံအရေအတွက်ဟာ အနည်းငယ်ပဲ ကျန်ပါတော့တယ်။

အခုဆက်လက်ပြီး အာဏာရှင်စနစ် တိုက်ဖျက်ရေးမှာ အမျိုးသမီးများရဲ့ အခန်းကဏ္ဍကို ဆက်လက်တင်ပြပါတယ်။ အမျိုးသမီးများရဲ့ အာဏာရှင်တိုက်ဖျက်ရေး၊ အစိုးရဖြုတ်ချရေး လှုပ်ရှားမှုတွေထဲမှာ ထင်ရှားတဲ့ လှုပ်ရှားမှုကတော့ ချီလီနိုင်ငံအမျိုးသမီးများရဲ့ အိုးလွတ်ခွက်လွတ်များ ချီတက်ပွဲပဲ ဖြစ်ပါတယ်။ ၁၉၇၁ ခုနှစ်မှာ ချီလီနိုင်ငံမှာ ဖြစ်ပွားနေခဲ့တဲ့ ကုန်ဈေးနှုန်းကြီးမြင့်မှု၊ အစားအစာရှားပါးမှုကို ဆန့်ကျင်တဲ့ ဒီလှုပ်ရှားမှုကြီးကို အမျိုးသမီးတွေက ဦးဆောင်ခဲ့ကြပါတယ်။ ထောင်ပေါင်းများစွာသော အမျိုးသမီးတွေဟာ ကုန်ဈေးနှုန်း ကျဆင်းအောင် မလုပ်ပေးနိုင်တဲ့ အစိုးရကို ဆန့်ကျင်တဲ့ အနေနဲ့ ဒန်အိုးဒန်ခွက်လွတ်တွေကို တီးခေါက်ပြီး လမ်းပေါ်ထွက် ဆန္ဓပြခဲ့ကြပါတယ်။ တချို့သော အမျိုးသမီးတွေဟာ ဆိုရင် စစ်သားတွေကို ကြက်စာတွေနဲ့ ပစ်ပေါက်ပြီး၊ လူထုအတွက် မားမားမတ်မတ်မရပ်တည်ရဲပဲ အာဏာရှင်ခိုင်းသမျှ လိုက်လုပ်နေတာကို မီးမောင်းထိုးပြခဲ့ကြပါတယ်။

ဒီလှုပ်ရှားမှုတွေရဲ့ အကျိုးရလာဒ်အနေနဲ့ ချီလီနိုင်ငံက အစိုးရပြုတ်ကျသွားပေမယ့် အာဏာသိမ်းလိုက်တဲ့ စစ်တပ်က စစ်အာဏာရှင်စနစ်ကို ဆက်လက်ကျင့်သုံးပါတော့တယ်။ ဒါပေမယ့် ချီလီနိုင်ငံက အမျိုးသမီးတွေဟာ ရဲရဲဝံ့ဝံ့ပဲ စစ်အာဏာရှင်စနစ်ကို နည်းမျိုးစုံနဲ့ ဆန့်ကျင်ခဲ့ကြပါတယ်။ ချီလီနိုင်ငံတခုတည်းမှာတင် မဟုတ်ပါဘူး။ လက်တင်အမေရိကက စစ်အာဏာရှင်စနစ် နိုင်ငံပေါင်းစုံမှာ အမျိုးသမီးနိုင်ငံရေးကွန်ယက်တွေ ပေါ်ထွက်လာပါတယ်။ အမျိုးသမီးတွေရဲ့ နိုင်ငံရေးတက်ကြွမှုကို စစ်အာဏာရှင်တွေက မိသားစုရေးရာ၊ အိမ်မှုကိစ္စရေးရာ၊ နိုင်ငံရေးမဟုတ်တဲ့ လူမှုဝန်ထမ်း လုပ်ငန်းဆောင်တာတွေနဲ့ အသွင်ပြောင်းလဲဖို့ ကြိုးစားခဲ့ပါတယ်။ ဒါပေမယ့်နိုင်ငံတော်ရဲ့ နိုင်ငံရေးစနစ်၊ စီးပွားရေးစနစ်နဲ့ မူဝါဒတွေဟာ နိုင်ငံတော်ရဲ့ ရေရှည် ဖွံ့ဖြိုးတိုးတက်ရေး၊ လူထုလူတန်းစားအားလုံးရဲ့ လူနေမှုဘ၀ သာယာဝပြောရေးအတွက် အလွန်ပဲ အရေးကြီးပါတယ်ဆိုတဲ့ အချက်ကို လက်တင်အမေရိက အမျိုးသမီးများက ကောင်းကောင်း သဘောပေါက်ခဲ့ကြပါတယ်။

၁၉၇၀ နှောင်းပိုင်းကာလတွေနဲ့ ၁၉၈၀ ဆယ်စုနှစ်ကာလများတလျှောက် လက်တင်အမေရိကမှာ အမျိုးသမီးလှုပ်ရှားမှုတွေ မြေပေါ်မြေအောက် အသွင်သဏ္ဍာန်အမျိုးမျိုးနဲ့ ပေါ်ပေါက်လာခဲ့ပါတယ်။ ထင်ရှားတာတွေကတော့ လူ့အခွင့်အရေးအဖွဲ့အစည်းများနဲ့ လူထုလူတန်းစား အဖွဲ့အစည်းများ ဖြစ်ပါတယ်။ အမျိုးသမီးတွေဟာ ပင်ကိုယ်သဘာဝက မိခင်စိတ်ရှိသူတွေ၊ တဦးနဲ့တဦး ဒုက္ခရောက်ရင် ကူညီဖေးမချင်တဲ့ အခြေခံစိတ်ရှိသူတွေ ဖြစ်တာကြောင့် အလွယ်တကူ စုဖွဲ့လှုပ်ရှားလို့ လွယ်ကူ ပါတယ်။ ဒီလိုနဲ့ ချီလီက အမျိုးသမီးလှုပ်ရှားမှုတွေဟာ တစတစ ကျယ်ပျံ့လာခဲ့ပါတယ်။ လူတန်းစား အလွှာမျိုးစုံက အမျိုးသမီးတွေ ပါဝင်တာကြောင့် အာဏာရှင်စနစ်ကြောင့် ဖြစ်ရတဲ့ လူမှုရေး၊ စီးပွားရေး ချို့ယွင်းအားနည်းချက်တွေကို ထောက်ပြပြောဆိုနိုင်ခဲ့ကြပါတယ်။ လူထုလူတန်းစားတွေ စုဖွဲ့လှုပ်ရှား လာတဲ့ အဖွဲ့အစည်းတွေဟာ အိမ်နီးနားချင်း၊ မိတ်ဆွေ၊ သူငယ်ချင်းတွေပေါ်မှာ အခြေခံစည်းရုံးပြီး၊ ကွန်ယက်ချိတ်ဆက်လှုပ်ရှားလာကြပါတယ်။


ဒါတင်မကသေးပါဘူး။ ချီလီ၊ အယ်ဆာလ်ဗေတာ၊ အာဂျင်တီးနား အပါအ၀င် လက်တင်အမေရိက နိုင်ငံများနဲ့ အာရှတိုက်က သီရိလင်္ကာနိုင်ငံတို့မှာ ပေါ်ပေါက်လာခဲ့တဲ့ အမျိုးသမီး လူ့အခွင့်အရေး အဖွဲ့များရဲ့ အခန်းကဏ္ဍကလဲ အာဏာရှင်စနစ် တိုက်ဖျက်ရေးမှာ အလွန်ပဲ အရေးပါလှပါတယ်။ ဒီအဖွဲ့အစည်းတွေဟာ အာဏာရှင်စနစ်ရဲ့ ဖိနှိပ်မှုကို ခံရတဲ့ မိသားစုဝင်တွေက တရားရုံးတွေ၊ ရဲစခန်းတွေမှာ သူတို့ သားတွေ၊ လင်ယောက်ျားတွေ၊ ဖခင်တွေကို သွားရောက်ရှာဖွေတွေ့ဆုံဖို့ ကြိုးစားမှုတွေကနေ အစပြုလာခဲ့တာပါ။ တဖြည်းဖြည်း ကွန်ယက်တွေ ကျယ်ပြန့်လာပြီး ဆန္ဒပြပွဲတွေ ပေါ်ပေါက်လာပါတော့တယ်။ သူတို့တွေဟာ ပျောက်ဆုံးနေတဲ့ သူတို့ မိသားစုဝင်တွေ၊ အကျဉ်းကျခံထားရတဲ့ မိသားစုဝင်တွေရဲ့ ဓာတ်ပုံတွေကို ကိုင်ဆောင်ပြီး လှည့်လည်ဆန္ဒပြခဲ့ကြပါတယ်။ ဒီလို မိခင်တွေ၊ အဖွားတွေ ဦးဆောင်တဲ့ ဆန္ဒပြပွဲတွေဟာ စစ်အာဏာရှင် အစိုးရတွေကို ထိတ်လန့်တကြား ဖြစ်စေခဲ့ပါတယ်။

အာဏာရှင်စနစ်ဆိုတာ လူသားတွေရဲ့ အနာဂတ်ဘ၀ပန်းတိုင်ကို စနစ်တကျ စီမံဖျက်ဆီးတဲ့ စနစ်ဖြစ်ပါတယ်။ လူတွေကို အကြောက်တရားတွေသွင်းပြီး၊ လူတွေရဲ့ အောင်စိတ်ကို အညွန့်ချိုးတဲ့ စနစ်ဖြစ်ပါတယ်။ တိုင်းပြည်တခုရဲ့ စီးပွားရေး၊ လူမှုရေး၊ ပညာရေး၊ ကျန်းမာရေး အစစအရာရာ ချွတ်ချုံကျစေတဲ့ စနစ်ဖြစ်ပါတယ်။ အာဏာရှင်လူတန်းစားနဲ့ သူတို့ အမျိုးအဆွေ၊ နီးစပ်သူတွေကလွဲရင် လူထုတရပ်လုံးကို ဆင်းရဲတွင်းထဲ တွန်းပို့စေတဲ့ စနစ်ဖြစ်ပါတယ်။ ဒါကြောင့် အာဏာရှင်စနစ်ကို ဆန့်ကျင်တော်လှန်ကြရမှာပဲဖြစ်ပါတယ်။ ဒါဟာ သမိုင်းပေးတာဝန်ပါပဲ။ ဒီလို အာဏာရှင်စနစ် တိုက်ဖျက်ရေးမှာ အမျိုးသားများကပဲ တိုက်ပွဲဝင်ရုံနဲ့လဲ အောင်မြင်မှာ မဟုတ်ပါဘူး။ လူ့အဖွဲ့အစည်းတခုလုံးအပေါ် ကျရောက်နေတဲ့ အရိပ်ဆိုးကို လူ့အဖွဲ့အစည်းမှာ နေထိုင်ကြတဲ့ အမျိုးသားများရော၊ အမျိုးသမီးများပါ စုပေါင်းတိုက်ပွဲဝင်ကြမှ အောင်မြင်မှာ ဖြစ်ပါတယ်။ ဒါကြောင့် အာဏာရှင်စနစ်တိုက်ဖျက်ရေးမှာ အမျိုးသမီးများရဲ့ အခန်းကဏ္ဍဟာလဲ အရေးကြီးလှပါကြောင်း တင်ပြလိုက်ရပါတယ်ရှင်။


ခင်မမမျိုး (၂၀၀၉)

(၂၀၀၉) ခုနှစ်တွင် ဒီမိုကရက်တစ် မြန်မာ့အသံမှ ထုတ်လွှင့်ခဲ့သော အသံလွှင့်ဆောင်းပါး ဖြစ်ပါသည်။

တော်လှန်စစ်


နိဒါန်း

တော်လှန်စစ်တွေဟာ ပြည်တွင်းပဋိပက္ခတွေအပေါ်မှာ အဓိက အခြေခံပါတယ်။ လူမျိုးရေး တန်းတူညီမျှမှုမရှိတာတွေ၊ ၀ါဒကွဲပြားမှု ညှိနှိုင်းလို့ မရတာတွေနဲ့ အာဏာရှင်စနစ် ကျင့်သုံးမှုတွေကြောင့် တော်လှန်စစ်တွေ ဖြစ်ပွားလာရပါတယ်။ တော်လှန်ရေးတွေမှာ တူနီးရှား၊ အန်ဂိုလန်၊ ကွန်ဂို၊ ဗီယက်နမ်၊ အင်ဒိုနီးရှားဆိုပြီး၊ သက်ဆိုင်ရာ လူမျိုးအလိုက်၊ ၀ါဒအလိုက် ကွဲပြားမှုတွေရှိပေမယ့်၊ မပြောင်းလဲတဲ့ မဟာဗျူဟာအခြေခံအချက်ကတော့ တော်လှန်စစ်ဆိုတာ သက်ဆိုင်ရာ နိုင်ငံမှာရှိတဲ့ အုပ်ချုပ်ရေးအာဏာကို စိန်ခေါ်ခြင်း ဖြစ်ပါတယ်။ အုပ်ချုပ်သူတွေက စစ်တပ်၊ ရဲနဲ့ နိုင်ငံတော်အုပ်ချုပ်ရေးယန္တရားကို ထိန်းချုပ်ထားတာ ဖြစ်တဲ့အတွက် တော်လှန်စစ်မှာ စစ်တပ်နဲ့ ရဲအဖွဲ့တွေနဲ့ ရင်ဆိုင်တိုက်ခိုက်ရတာတွေ ရှိသလို၊ စစ်တပ်နဲ့ ရဲအဖွဲ့ကို တော်လှန်ရေးသမားတွေနဲ့ ပူးပေါင်းလာအောင် စည်းရုံးလှုံ့ဆော်ရတာတွေလဲ ရှိပါတယ်။ အာဏာရှင်တွေ ကြိုးကိုင်ထားတဲ့ နိုင်ငံတော်အုပ်ချုပ်ရေး ယန္တရားကို ယိုင်လဲအောင် ပြုလုပ်ပြီး၊ တိုင်းပြည်အတွက် သင့်လျော်မယ့် အုပ်ချုပ်ရေးယန္တရားနဲ့ အစားထိုးနိုင်ရေးဟာ တော်လှန်စစ်ရဲ့ အဆုံးသတ်ပန်းတိုင်ပဲ ဖြစ်ပါတယ်။

တော်လှန်ရေး၊ အာဏာသိမ်းခြင်းနှင့် သူပုန်ထခြင်း

နိုင်ငံတနိုင်ငံရဲ့ အုပ်ချုပ်ရေးအာဏာကို ယာယီရည်မှန်းချက်ဖြင့်ဖြစ်စေ၊ ရေရှည်ရည်မှန်းချက်ဖြင့် ဖြစ်စေ ရယူရာမှာ နည်းလမ်းသုံးခုရှိပါတယ်။ ပထမတခုကတော့ တော်လှန်ရေး (Revolution) နည်းလမ်းနဲ့ ဖြစ်ပါတယ်။ တော်လှန်ရေးဆိုတာက ပေါက်ကွဲမှု အရှိန်ပြင်းပြင်းနဲ့ အုပ်ချုပ်ရေးအာဏာကို ပြည်သူလူထုက စိန်ခေါ်ခြင်းဖြစ်ပါတယ်။ တခါတရံမှာ ရုတ်ခြည်းဖြစ်ပေါ်လာတတ်ပြီး အရှိန်အဟုန်လည်း ပြင်းထန်တတ်ပါတယ်။ တော်လှန်ရေးတိုင်းဟာ ကြိုတင်ပြင်ဆင်ပြီးမှ စီမံချက်နဲ့ ပေါ်ထွက်လာမယ်ဆိုတော့ မသတ်မှတ်နိုင်ပါဘူး။ တခါတရံမှာ ဘယ်သူမှ မထင်မှတ်ထားတဲ့ အချိန်မှာလဲ ရုတ်ခြည်း ထဖြစ်သွားတတ်ပါတယ်။ တော်လှန်ရေး မပေါ်ပေါက်ခင်မှာ တော်လှန်ရေးပေါ်ပေါက်နိုင်သော အခြေအနေ (Revolutionary situation) ရှိနေတတ်ပေမယ့် တော်လှန်ရေးတရပ်ဟာ ဘယ်အချိန်မှာ၊ ဘယ်လိုအခြေအနေမျိုးနဲ့ ဖြစ်ပေါ်လာမယ် ဆိုတာကိုတော့ ဘယ်သူမှ သေချာတပ်အပ် မပြောနိုင်ကြပါဘူး။

၁၇၈၉ ခုနှစ် ပြင်သစ်တော်လှန်ရေး၊ ၁၉၁၁ ခုနှစ် တရုတ်တော်လှန်ရေး၊ ၁၉၁၇ ခုနှစ် ရုရှားတော်လှန်ရေးနဲ့ ၁၉၅၆ ခုနှစ် ဟန်ဂေရီ တော်လှန်ရေးတွေဟာ အရှိန်အဟုန်ပြင်းပြင်းနဲ့ လူထုက စတင်လိုက်တဲ့ တော်လှန်ရေးတွေ ဖြစ်ပါတယ်။ တော်လှန်ရေးဆိုတာကို ခေါင်းဆောင်က စတင်ရမယ်လို့ အချို့က ယူဆပြီး၊ ယခင်တော်လှန်ရေးအဆက်ဆက်က ခေါင်းဆောင်တွေကို တော်လှန်ရေးခေါ်ဖို့ တောင်းဆိုတတ်ကြပါတယ်။ လူထုနဲ့ တော်လှန်ရေး တသားတည်း ဆက်တိုက်ဖြစ်နေချိန်တွေမှာသာ ဒီလို လုပ်ဆောင်လို့ ရနိုင်ပေမယ့်၊ လူထုနဲ့ တော်လှန်ရေး ရေချိန်မညီချိန်တွေမှာ ဒီလို တော်လှန်ရေး Timing ပေးမှုတွေ လုပ်ရင် တော်လှန်ရေး ကျွံသွားတတ်ပါတယ်။ နောက်ဆက်တွဲတော်လှန်ရေးတွေ ပြတ်တောက်သွားတတ်ပါတယ်။

တော်လှန်ရေးရဲ့ အခြေခံသဘောတရားအရ လူထုတော်လှန်ရေးတွေ စတင်လာချိန်မှာ တိုက်ပွဲထဲက ခေါင်းဆောင်တွေ ပေါ်ထွက်လာလေ့ရှိပါတယ်။ ဒီခေါင်းဆောင်တွေဟာ ရှေ့ပိုင်းတော်လှန်ရေး အဆက်ဆက်က ခေါင်းဆောင်တွေလဲ ဖြစ်နိုင်သလို၊ ခေါင်းဆောင်သစ်တွေလဲ ဖြစ်နိုင်ပါတယ်။ မန်ချူးမျိုးဆက်ကို တော်လှန်ရေးနဲ့ အဆုံးသတ်ခဲ့စဉ်တုန်းက ဒေါက်တာဆွန်ယက်ဆင်က အင်္ဂလန်မှာ ရှိနေခဲ့ပါတယ်။ Romanovs ကျရှုံးချိန်တုန်းက လီနင်က ဆွစ်ဇာလန်မှာ ရှိနေခဲ့ပါတယ်။ ဒါကြောင့် ခေါင်းဆောင်မှုဆိုတာကို ပြည်တွင်းခေါင်းဆောင်၊ ပြည်ပရောက်ခေါင်းဆောင်၊ ၀ါရင့်ခေါင်းဆောင်၊ ၀ါနု ခေါင်းဆောင် စသဖြင့် ကြိုတင်ခွဲခြားသတ်မှတ်လို့ မရနိုင်ပါဘူး။ ရုတ်ခြည်းပေါ်ထွက်လာတဲ့ တော်လှန်ရေးတွေက ခေါင်းဆောင်တွေကို ရွေးချယ်သတ်မှတ်သွားစမြဲပါ။

နိုင်ငံတော်အုပ်ချုပ်ရေးအာဏာကို ရယူတဲ့ ဒုတိယနည်းလမ်းကတော့ အာဏာသိမ်းခြင်း (plot) ဖြစ်ပါတယ်။ နိုင်ငံကို အုပ်ချုပ်နေတဲ့ အစိုးရအဖွဲ့ခေါင်းဆောင်များကိုပဲ ပစ်မှတ်ထားတာ ဖြစ်တဲ့အတွက် ဒီနည်းလမ်းမှာ အများပြည်သူ ပါဝင်မှု မလိုအပ်ပါဘူး။ ကြိုတင်ပြင်ဆင်မှုတွေအများအပြား လိုအပ်ပေမယ့်၊ လက်တွေ့လှုပ်ရှားမှုမှာတော့ မြန်ဆန်တိကျဖို့ လိုအပ်ပါတယ်။ အာဏာသိမ်းပွဲဟာ လောင်းကစားပွဲလို သဘောသဘာဝရှိတာကြောင့် အရှုံး၊ အနိုင်ကို တိတိကျကျ ခန့်မှန်းဖို့ ခဲယဉ်းပါတယ်။ အာဏာသိမ်းမှုမှာ အာဏာရှင်စနစ် ယန္တရားအတွင်းက ခေါင်းဆောင်အချင်းချင်း အာဏာသိမ်းမှု၊ လုပ်ကြံသတ်ဖြတ်မှုတွေ ရှိသလို၊ သူပုန်တွေက အစိုးရအဖွဲ့ခေါင်းဆောင်တွေကို လုပ်ကြံသတ်ဖြတ်ပြီး အာဏာသိမ်းမှုတွေလဲ ရှိနိုင်ပါတယ်။

နိုင်ငံတော်အုပ်ချုပ်ရေးအာဏာကို ရယူတဲ့ တတိယနည်းလမ်းကတော့ သူပုန်ထခြင်း (insurgency) ဖြစ်ပါတယ်။ မတရားတဲ့ အုပ်ချုပ်ရေးယန္တရားကို ဖြိုချနိုင်ဖို့ အဆုံးသတ်ပန်းတိုင် ချမှတ်ပြီး၊ ရည်မှန်းချက်အဆင့်ဆင့်နဲ့ လက်နက်ကိုင်ပြီး တော်လှန်ပုန်ကန်ရတာ ဖြစ်တဲ့အတွက် သူပုန်ထ တော်လှန်ခြင်းဟာ အချိန်အတိုင်းအတာ တခုအထိ ကြာတတ်ပါတယ်။ တရုတ်ပြည်မှာ (၁၉၂၇) ခုနှစ်ကနေ (၁၉၄၉) ခုနှစ်အထိ ၂၂ နှစ်ကြာခဲ့ပြီး၊ ဂရိ မှာ ငါးနှစ်၊ အင်ဒိုချိုင်နားမှာ ကိုးနှစ်၊ အယ်ဂျီးရီးယားမှာ ရှစ်နှစ်ခန့် ကြာခဲ့ပါတယ်။ သူပုန်ထခြင်းကတော့ တော်လှန်ရေးလို ရုတ်ခြည်း ပေါ်ထွက်လာတာ မဟုတ်ပါဘူး။ ကနဦး ခေါင်းဆောင်တွေ ပေါ်ထွက်လာပြီးမှ လူထုက လှုပ်ရှားလာတာ ဖြစ်ပါတယ်။ လူထုက လှုပ်ရှားပြီးမှ ခေါင်းဆောင် ပေါ်ထွက်လာတာ မဟုတ်ပါဘူး။ ဒါကြောင့် သူပုန်ထပြီး ပုန်ကန်တော်လှန်တဲ့အခါ ခေါင်းဆောင်တွေရဲ့ အခန်းကဏ္ဍက အလွန်အရေးကြီးပါတယ်။


အတွေးအခေါ်နှင့် ယုံကြည်ချက်

နိုင်ငံတော်အုပ်ချုပ်ရေးယန္တရားကို ဖြိုချဖယ်ရှားနိုင်ရေးကို ဦးတည်ပြီး၊ တော်လှန်စစ်ကို တော်လှန်ရေးသမားတွေက စတင်ရတာ ဖြစ်ပါတယ်။ ဘယ်အချိန်မှာ ဘယ်နေရာကနေ စတင်တော်လှန်မယ်ဆိုတာကို တော်လှန်ရေးသမားတွေက စီမံချက်တွေ ချမှတ်ပြီး၊ အကောင်အထည်ဖော်ဆောင်ကြပါတယ်။ တော်လှန်စစ် စတင်ချိန်မှာ အုပ်ချုပ်ရေးအာဏာကို တရားသောနည်းဖြင့် ဖြစ်စေ၊ မတရားသော နည်းဖြင့် ဖြစ်စေ ရယူထားတဲ့ အစိုးရတရပ်မှာ သံတမန်ရေးရာ အသိအမှတ်ပြုမှု၊ အုပ်ချုပ်ရေး၊ တရားဥပဒေပြုရေးနဲ့ တရားစီရင်ရေး အာဏာသုံးရပ် ရှိမှု၊ အုပ်ချုပ်ရေးယန္တရားများကို ထိန်းချုပ်ထားနိုင်မှု၊ စစ်တပ်နဲ့ ရဲကို အမိန့်ပေးစေခိုင်းနိုင်မှု၊ နိုင်ငံတော်ဘဏ္ဍာများကို ခွဲဝေအသုံးပြုနိုင်မှု၊ လမ်းပန်းဆက်သွယ်ရေးကို ထိန်းချုပ်နိုင်မှု၊ ကုန်ထုတ်လုပ်ရေးကို အသုံးပြုနိုင်မှု၊ သတင်းနဲ့ စာနယ်ဇင်းကို ထိန်းကျောင်းအသုံးပြုနိုင်မှု စတဲ့ အားသာချက်တွေ ရှိနေတတ်ပါတယ်။ တော်လှန်ရေးသမားတွေဘက်မှာတော့ ဒီလို သိသာထင်ရှားတဲ့ အားသာချက်တွေ မရှိပါဘူး။

သို့ပေမယ့် တော်လှန်ရေးသမားတွေ ဘက်မှာတော့ ဒီလို သိသာထင်ရှားတဲ့ အားသာချက်တွေ မရှိပါဘူး။ တော်လှန်ရေးအတွေးအခေါ်နဲ့ တော်လှန်ရေး ယုံကြည်ချက်ဆိုတဲ့ အားသာချက် နှစ်ရပ်ကိုပဲ တော်လှန်ရေးသမားတွေဘက်က ပိုင်ဆိုင်ထားပါတယ်။ ဒါကြောင့် တော်လှန်စစ်မှာ အတွေးအခေါ် တိုက်ပွဲက အလွန်ပဲ အရေးကြီးပါတယ်။ အတွေးအခေါ်တွေ ရှုပ်ထွေးေ၀၀ါးနေရင် တော်လှန်စစ် အောင်နိုင်ဖို့ ခဲယဉ်းတတ်ပါတယ်။ ဒါကို ရန်သူကလဲ တွေ့မြင်ပြီး အတွေးအခေါ် စစ်မျက်နှာကို ထိုးနှက်လေ့ရှိပါတယ်။ ဒါကြောင့် တော်လှန်ရေး ခေါင်းဆောင်တွေဟာ အတွေးအခေါ် ရှုပ်ထွေးတဲ့ ကာလတွေမှာ အင်အားပြိုလဲမှု မဖြစ်အောင် စနစ်တကျ စည်းရုံးထိန်းသိမ်းတတ်ဖို့ လိုအပ်ပါတယ်။

တော်လှန်စစ်မှာ ယုံကြည်ချက်ကလဲ အရေးကြီးပါတယ်။ တော်လှန်ရေး အခြေခံ ရည်မှန်းချက်တွေ အပေါ်မှာ စွဲစွဲမြဲမြဲ ယုံကြည်ချက်ရှိပါမှ၊ ရည်မှန်းချက် မပြည့်ခင် အချိန်အထိ ယုံကြည်ချက်ကို ခိုင်ခိုင်မာမာ လက်ဆုပ်လက်ကိုင် ထားနိုင်မှာ ဖြစ်ပါတယ်။ တော်လှန်ရေးသမားဆိုတိုင်း၊ တော်လှန်ရေးဖြတ်သန်းမှု ရှိတိုင်း ယုံကြည်ချက်ကို ခိုင်ခိုင်မာမာ ဆုပ်ကိုင်ထားမည့်သူလို့ ဘယ်သူမှ တပ်အပ်သေချာ မပြောနိုင်ပါဘူး။ တော်လှန်ရေး ရထားကြီး ဖြတ်သန်းခဲ့တဲ့ ဘူတာစဉ်တလျှောက်မှာ ရထားပေါ်က ခုန်ချသွားသူတွေ ရှိသလို၊ ကြားဘူတာတွေကနေမှ တက်လာသူတွေလဲ ရှိနိုင်ပါတယ်။ အဓိကကတော့ ယုံကြည်ချက် ခိုင်မာဖို့ပါပဲ။ တုတ်၊ ဓား၊ သေနတ်တွေကို အားမတန်လို့ ချချင် ချထားရမယ်၊ လက်ခြေတွေကို တုပ်နှောင်ထားလို့ မလှုပ်နိုင်ပဲ ဖြစ်ချင်ဖြစ်မယ်၊ ရင်ထဲက ယုံကြည်ချက်ကို ဆုပ်ကိုင်ထားသရွေ့ ရန်သူကို မရှုံးသေးပါဘူး။ တော်လှန်စစ်မှာ တော်လှန်ရေးအတွေးအခေါ်နဲ့ ယုံကြည်ချက် ခိုင်မာပြတ်သားသူ ဆယ်ယောက်ဟာ တော်လှန်ရေးကို ပုဂ္ဂလိက အခွင့်အလမ်း၊ ခံစားချက်တွေနဲ့ လုပ်ဆောင်သူ အယောက် တထောင်ထက် ပိုပြီး တန်ဖိုးရှိပါတယ်။


ပြည်သူသာ အခရာ

တော်လှန်စစ်ရဲ့ အရှုံးအနိုင်ကို ပြည်သူလူထုက အဆုံးအဖြတ်ပေးမှာ ဖြစ်တဲ့အတွက် လူထုစည်းရုံးရေး လုပ်ငန်းစဉ်တွေကို စနစ်တကျ အကောင်အထည်ဖော်ဆောင်ဖို့ လိုအပ်ပါတယ်။ လူထုက တော်လှန်စစ်ကို ထောက်ခံမှသာ အောင်ပွဲရမှာ ဖြစ်ပါတယ်။ နိုင်ငံရေးအာဏာကို လက်တွေ့ကျကျ အသုံးချနိုင်ဖို့ လူထုထောက်ခံမှု ရှိဖို့ လိုအပ်ပါတယ်။ ပြည်သူ့အာဏာ မဖြစ်သရွေ့ နိုင်ငံတော်ရဲ့ နိုင်ငံရေး၊ စီးပွားရေး၊ လူမှုရေး ဦးတည်ချက်တွေမှာ ပြည်သူလူထုနဲ့ အစိုးရ ဟန်ချက်ညီ ပူးပေါင်းဆောင်ရွက်မှု အရှိန်အဟုန်ကို မြှင့်တင်နိုင်မှာ မဟုတ်ပါဘူး။ ဒါကြောင့် နိုင်ငံရေးအာဏာအတွက် တရားမျှတစွာ ယှဉ်ပြိုင်နိုင်တဲ့ ပါတီစုံဒီမိုကရေစီစနစ် ပေါ်ပေါက်ရေးမှာ အနှောင့်အယှက်အတားအဆီးဖြစ်တဲ့ အာဏာရှင်စနစ်နဲ့ ရွေးကောက်ပွဲအယောင်ပြ ရွှေရည်စိမ် ဒီမိုကရေစီ စနစ်တွေကို တော်လှန်စစ်နဲ့ တိုက်ဖျက်ကြတဲ့အခါမှာ လူထုထောက်ခံမှု ရရှိဖို့ လိုအပ်ပါတယ်။

လူထုစည်းရုံးရေး လုပ်ငန်းစဉ်တွေကို အကောင်အထည် ဖော်ဆောင်တဲ့အခါမှာ ပြည်သူ့အကျိုးပြု လုပ်ငန်းတွေကို အကောင်အထည်ဖော်ဆောင်ခြင်းဖြင့် လူထုနဲ့ တော်လှန်ရေး တသားတည်းဖြစ်အောင် ပြုလုပ်လေ့ရှိကြပါတယ်။ ဒါကို သိမြင်တဲ့ အာဏာရှင်အစိုးရတွေကလဲ သက်ဆိုင်ရာကဏ္ဍအလိုက် အရပ်ဘက်လူ့အဖွဲ့အစည်း အဖွဲ့တွေ (Civil Society Organizations) တွေ ဖွဲ့စည်းပြီး၊ အာဏာရှင်စနစ်ကို ထောက်ခံသူတွေ များပြားလာအောင် လုပ်ယူလေ့ရှိတတ်ပါတယ်။

ဒါကြောင့် စစ်ရေး၊ နိုင်ငံရေး လေ့လာသူများကတော့ အရပ်ဘက် လူ့အဖွဲ့အစည်း (Civil Society) ဆိုတာကို လူထုထောက်ခံမှု ရယူရေး စစ်မြေပြင် (battleground for population support) လို့ သတ်မှတ်ထားကြပါတယ်။ တော်လှန်စစ်ရဲ့ ရေခံမြေခံကို Civil Society စစ်မြေပြင်ကနေတဆင့် တည်ဆောက်ယူလို့ ရနိုင်ပါတယ်။ ၂၀၁၁ ခုနှစ်မှာ အာရပ်ကမ္ဘာရဲ့ တော်လှန်ရေးဖြစ်ပွားရာ မှာ နိုင်ငံတိုင်းမှာ Civil Society အားကောင်းခြင်းဆိုတဲ့ တော်လှန်စစ် ရေခံမြေခံ ရှိထားကြောင်း ပညာရှင်တွေက လေ့လာတွေ့ရှိခဲ့ကြပါတယ်။

နိုင်ငံရေးစစ်

တော်လှန်စစ်ရဲ့ instrument of war က နိုင်ငံရေး ဖြစ်တဲ့အတွက် တော်လှန်စစ်တိုင်းဟာ နိုင်ငံရေးစစ် (political war) ပဲ ဖြစ်ပါတယ်။ တော်လှန်စစ်မှာ လက်နက်ကိုင်တော်လှန်ရေး အင်အားစုပဲ ရှိလို့ မရနိုင်ပါဘူး။ ပါတီတခု (သို့မဟုတ်) ပါတီပေါင်းစုံ စုဖွဲ့ထားတဲ့ ညွန့်ပေါင်းအဖွဲ့အစည်း (သို့မဟုတ်) ညွန့်ပေါင်း အစိုးရ တရပ်ဆိုတဲ့ political establishment တရပ် ရှိဖို့ လိုအပ်ပါတယ်။ လက်နက်ကိုင်တော်လှန်ရေး အင်အားစုတွေက အဆိုပါ political establishment ရဲ့ military wing (သို့မဟုတ်) တပ်ပေါင်းစုတွေ အနေနဲ့ တိုက်ပွဲဝင်ရမှာ ဖြစ်ပါတယ်။ ဒီလိုမဟုတ်ပဲ political establishment မရှိပဲ လက်နက်ကိုင်တော်လှန်ရေး အင်အားစုပဲ ရှိနေရင် (သို့မဟုတ်) political establishment နဲ့ လက်နက်ကိုင် တော်လှန်ရေးအင်အားစုတွေ အောင်ပွဲရဖို့ ခဲယဉ်းပါတယ်။

political establishment ဆိုရာမှာလဲ တရုတ်ပြည်မှာကဲ့သို့ တပါတီတည်းက ဦးဆောင်တိုက်ပွဲဝင်တာမျိုး မဟုတ်ပဲ၊ မဟာမိတ်တပ်ပေါင်းစုတွေ အနေနဲ့ စုစည်းမှု ရှိနေရင်၊ တိုက်ပွဲကာလ နိုင်ငံရေး ဘုံရည်မှန်းချက် ရှိမှသာ အင်အား ဖြစ်နိုင် ပါတယ်။ ရန်သူရဲ့ စေ့စပ်မှုကို ဘယ်လို အခြေခံ အကြောင်းတရားတွေ အောင်နိုင်ပြီးမှ လက်ခံမယ်ဆိုတဲ့ အချက်ကို ကြိုတင်သဘောတူ ညှိနှိုင်းထားနိုင်မှသာ တော်လှန်စစ်ကို အင်အားဖြစ်စေမယ့် မဟာမိတ်တပ်ပေါင်းစု ဖြစ်လာမှာပါ။ တဖွဲ့က တိုက်လိုက်၊ တဖွဲ့က စေ့စပ်ဆွေးနွေးဖို့ ကမ်းလှမ်းလိုက်၊ တဖွဲ့က လက်နက်ချလိုက် ဖြစ်နေတဲ့ တပ်ပေါင်းစု တော်လှန်စစ်ဟာ ဘယ်သောအခါမှ အောင်မြင်မှာ မဟုတ်ပါ။ တော်လှန်စစ်ဟာ နိုင်ငံရေးစစ် ဖြစ်တဲ့အတွက်၊ တိုက်ပွဲကာလ နိုင်ငံရေးဘုံရည်မှန်းချက်ကို ညှိနှိုင်းချမှတ်နိုင်မှသာ တပ်ပေါင်းစုတွေ ဦးဆောင်တဲ့ တော်လှန်စစ် အောင်မြင်မှာ ဖြစ်ပါတယ်။

တော်လှန်စစ် သဏ္ဍာန်

နိုင်ငံရေးအတွေးအခေါ်နဲ့ တော်လှန်ရေးသဘောတရားတွေပေါ်မှာ အခြေခံပြီး တော်လှန်စစ်ရဲ့ မဟာဗျူဟာ သဏ္ဍာန် (strategic pattern) တွေ ကွဲပြားခြားနားပါတယ်။ ကမ္ဘာတ၀ှမ်းက တော်လှန်ရေးအများစုမှာတော့ တော်လှန်စစ်သဏ္ဍာန်က ပါတီထောင်ခြင်းနဲ့ အစပြုပါတယ်။ နိုင်ငံရေးအခြေအနေပေါ်မူတည်ပြီး မြေပေါ် (သို့မဟုတ်) မြေအောက်ပါတီတရပ်ကို ခိုင်ခိုင်မာမာ စုဖွဲ့တည်ထောင်ဖို့ လိုအပ်ပါတယ်။ ဒီပါတီမှာ လူထုလူတန်းစား အလွှာပေါင်းစုံ ပါဝင်လာအောင် စည်းရုံးလှုံ့ဆော်ဖို့ လိုအပ်ပါတယ်။ တတ်သိပညာရှင်များနဲ့ တက္ကသိုလ်ကျောင်းသားများဟာ ပါတီတရပ်ရဲ့ ardour လဲဖြစ်၊ brain လဲ ဖြစ်တဲ့အတွက် ပညာတတ်တွေ ပေါင်းစည်းပါဝင်လာအောင် ပါတီခေါင်းဆောင်များက ကြိုးပမ်းကြရမှာ ဖြစ်ပါတယ်။

ကျစ်လျစ်ခိုင်မာတဲ့ ပါတီတရပ်က ပေါ်ပေါက်လာပြီးချိန်မှာ တပ်ပေါင်းစု (United Front) ပေါ်ထွက်လာရေးအတွက် မဟာမိတ်ဆက်ဆံရေး တည်ထောင်ဖို့ လိုပါတယ်။ တပ်ပေါင်းစုဆိုတာ ခေါင်မိုးချင်း ထိစပ်တာ ဖြစ်ပါတယ်။ ခိုင်ခိုင်မာမာ အုတ်မြစ်ချထားတဲ့ အကာအရံ ရှိတဲ့ အဆောက်အအုံတွေရဲ့ ခေါင်မိုးချင်း ထိစပ်မှသာ အကျိုးရှိပါတယ်။ အုတ်မြစ်မရှိ၊ အကာအရံမရှိပဲ ခေါင်းမိုးတွေပဲ လိုက်ထိစပ်နေလို့ကတော့ ခေါင်မိုးရောင်စုံ မြေမှာ ဖြန့်ခင်းထားသလိုပဲ ဖြစ်ပြီး၊ တော်လှန်စစ်အတွက် အကျိုးရှိမယ့် အင်အားကို ဖြစ်ထွန်းစေနိုင်မှာ မဟုတ်ပါဘူး။ တပ်ပေါင်းစု ပေါ်ထွက်လာရေးဟာ အရေးကြီးပေမယ့် တပ်ပေါင်းစု ပေါ်ထွက်ရုံနဲ့ အောင်ပွဲကို မဆောင်ကျဉ်းနိုင်ပါဘူး။ Minimum Common Programme ကို တပ်ပေါင်းစုအကြား ကြေလည်အောင် ချမှတ်နိုင်မှာသာ အောင်ပွဲရရေးအတွက် အထောက်အကူ ဖြစ်ပါတယ်။

တပ်ပေါင်းစုတွေ ရှိလာတဲ့အခါမှာတော့ လူထုတိုက်ပွဲ၊ လက်နက်ကိုင်တော်လှန်ရေး၊ မြို့ပြပြောက်ကျား နဲ့ Movement Warfare တွေကို အဆုံးသတ်အောင်ပွဲ ရရှိချိန်အထိ အကောင်အထည် ဆက်လက်ဖော်ဆောင်ရမှာဖြစ်ပါတယ်။ တော်လှန်စစ်မှာ အဆုံးသတ်အောင်ပွဲရရှိဖို့အတွက် အရေးကြီးဆုံး နောက်ဆုံး အချက်ကတော့ psychological superiority ပဲ ဖြစ်ပါတယ်။ ပန်းတိုင်မရောက်ခင် တက်မ ထောင်တတ်တဲ့ ဓလေ့တွေကို ဖျောက်ဖျက်နိုင်ဖို့ လိုအပ်ပါတယ်။ အဆုံးသတ်အောင်ပွဲဟာ အာဏာရှင် (သို့မဟုတ်) အာဏာရှင်ကြိုးကိုင် အစိုးရရဲ့ အုပ်ချုပ်ရေးယန္တရားကို ဖြိုဖျက်ပြီး၊ သင့်လျော်မယ့် အုပ်ချုပ်ရေးယန္တရားကို ယာယီဖြစ်စေ အစားထိုးနိုင်မှ ရရှိမှာ ဖြစ်ပါတယ်။

အုပ်ချုပ်ရေးယန္တရား မပြိုခင်နဲ့ ပြိုကျပြီး အချိန်တွေမှာ အာဏာရှင်တွေဘက်က စေ့စပ်ဆွေးနွေးရေးနှင့် ငြိမ်းချမ်းရေး ကမ်းလှမ်းမှု (negotiation and peace offers) တွေ ပေါ်ထွက်လာတတ်ပါတယ်။ တဘက်ရန်သူရဲ့ time buying မဖြစ်စေဖို့ ဂရုစိုက်ရန် အလွန်အရေးကြီးပါတယ်။ တူနဲ့ ရိုက်ခွဲရတဲ့ ရေခဲတုန်းတခုကို နေပူပူမှာ အချိန်အတိုင်းအတာတခုအထိ ချထားလိုက်ရင် ရိုက်ခွဲဖို့မလိုပဲ အလိုလို အရည်ပျော်ကျသွားတတ်ပါတယ်။ တော်လှန်စစ်မှာလဲ ရန်သူက time buying မလုပ်သွားအောင် သတိပြုဖို့ လိုပါတယ်။

နိဂုံး

နိုင်ငံတနိုင်ငံမှာ အုပ်ချုပ်ရေးအာဏာ၊ တရားဥပဒေပြုရေးအာဏာနဲ့ တရားစီရင်ရေးအာဏာတွေ ရောထွေးပြီး (separation of powers) အားနည်းနေချိန် (သို့မဟုတ်) မတရားမှုဟာ ဥပဒေဖြစ်ချိန် (သို့မဟုတ်) လွတ်လပ်ပြီး တရားမျှတသော ရွေးကောက်ပွဲတွေ မရှိချိန် (သို့မဟုတ်) လူမျိုးရေး တန်းတူညီမျှမှု မရှိချိန် (သို့မဟုတ်) ပြည်သူ့အာဏာကို မတရား ရယူခံထားရချိန်တွေမှာ တော်လှန်စစ်တွေ ပေါ်ထွက်လာတတ်ပါတယ်။ တော်လှန်ရေးရဲ့ အဆုံးသတ်ပန်းတိုင်က အုပ်ချုပ်ရေး ယန္တရားကို ဖြိုချပြီး၊ သင့်လျော်မယ့် ယန္တရားတခုကို ယာယီဖြစ်စေ၊ ရေရှည်ဖြစ်စေ အစားထိုးနိုင်ရေးဖြစ်ပြီး၊ တော်လှန်စစ် အောင်မြင်ရေးဟာ အတွေးအခေါ်နှင့် ယုံကြည်ချက် ခိုင်မာမှု၊ ပြည်သူလူထုကို စည်းရုံးနိုင်မှုနဲ့ political establishment တည်ရှိမှုတို့အပေါ်မှာ မူတည်ပါကြောင်း ရေးသားတင်ပြအပ်ပါတယ်။
 
ခင်မမမျိုး (၂၂၊ ၅၊ ၂၀၁၁)

မြန်မာကို အင်ဒိုနီးရှား စစ်လက်နက်များ ရောင်းချမည်








 
မြန်မာကို အင်ဒိုနီးရှား စစ်လက်နက်များ ရောင်းချမည်         By ဦးစံမိုးဝေ  သောကြာ, 20 မေ 2011 
အင်ဒိုနီးရှား ကာကွယ်ရေးဝန်ကြီး ပူနိုမို ယူရှန်တိုရို။
ဓာတ်ပုံ AP
အင်ဒိုနီးရှား ကာကွယ်ရေးဝန်ကြီး ပူနိုမို ယူရှန်တိုရို။ ဇူလိုင် ၂၂၊ ၂၀၁၁                                                                           
အင်ဒိုနီးရှားနိုင်ငံက မြန်မာပြည်ကို လက်နက်တွေ ရောင်းချဖို့ ပြင်ဆင်နေတယ်ဆိုတဲ့ သတင်းတွေ ထွက်ပေါ်လာပါတယ်။ မြန်မာ့ဒီမိုကရေစီရေး လှုပ်ရှားသူ အဖွဲ့အစည်းတွေကတော့ ဒီကိစ္စနဲ့ ပတ်သက်ပြီး ရတက်မအေး ဖြစ်နေကြရပါတယ်။ အပြည့်အစုံကို ဦးစံမိုးဝေက တင်ပြပေးထားပါတယ်။
အင်ဒိုနီးရှားနိုင်ငံက ထုတ်လုပ်တဲ့ SS-2 အမျိုးအစား တိုက်ခိုက်ရေး ရိုင်ဖယ်သေနတ်တွေကို မြန်မာနိုင်ငံကို ရောင်းချဖို့ ကမ်းလှမ်းထားတယ်ဆိုပြီး အင်ဒိုနီးရှား ကာကွယ်ရေးဝန်ကြီး ပူနိုမို ယူရှန်တိုရို (Purnomo Yusgiantoro) က ထုတ်ဖော် ပြောဆိုလိုက်ပါတယ်။ ဂျကာတာမြို့တော်မှာ ကျင်းပခဲ့တဲ့ အာဆီယံ ကာကွယ်ရေးဝန်ကြီးများ အစည်းအဝေးအပြီး ကြာသပတေးနေ့မှာ အခုလို ပြောလိုက်တာ ဖြစ်တယ်လို့ ဂျကာတာပို့စ် (The Jakarta Post) သတင်းစာက ရေးသားလိုက်တာပါ။
အင်ဒိုနီးရှားရဲ့ လက်နက်ရောင်းဝယ်မှု ကိစ္စကို နိုင်ငံပိုင် လက်နက်ထုတ်လုပ်တဲ့ ပီတီ ပင်းဒက် (PT Pindad)၊ ကာကွယ်ရေး ၀န်ကြီးဌာနနဲ့ ကာကွယ်ရေးပစ္စည်း မူဝါဒ ကော်မတီတို့ ပူးပေါင်းပြီး လုပ်ကိုင်နေတာ ဖြစ်ပါတယ်။ အင်ဒိုနီးရှားနိုင်ငံရဲ့ ဥပဒေ အနေနဲ့ အာဆီယံတိုင်းပြည်တွေ အပါအ၀င် ဘယ်နိုင်ငံကိုမဆို လက်နက်ရောင်းချလို့ ရပါတယ်၊ ကန့်သတ်ထားတာ မရှိပါဘူးလို့လည်း ကာကွယ်ရေးဝန်ကြီးရဲ့ အထူး လက်ထောက်အရာရှိ ဗိုလ်မှူးကြီး ဂျန် ပီယက်တာ အိတ် (Jan Pieter Ate) က ပြောတဲ့အကြောင်း ဂျကာတာပို့စ် သတင်းစာမှာ ရေးသားထားပါတယ်။
အဲဒီလက်နက်နဲ့ တခြားတိုင်းပြည် တခုကို ရန်မရှာဘူးလို့ ယုံကြည်ရတယ်ဆိုရင် အင်ဒိုနီးရှား အနေနဲ့ လာအိုပဲဖြစ်ဖြစ်၊ မလေးရှားပဲဖြစ်ဖြစ်၊ ဗီယက်နမ် ဘယ်သူ့ကိုမဆို ရောင်းချနိုင်ပါတယ်လို့ ဗိုလ်မှူးကြီး ဂျန်က ဆိုပါတယ်။ အဲဒီအဆိုကို Burma Campaign UK အဖွဲ့ရဲ့ ဒါရိုက်တာ မာ့ခ် ဖာမနာ (Mark Farminer) ကတော့ လက်မခံပါဘူး။
“မြန်မာပြည်က အာဏာရှင်တွေဟာ စစ်ဘက်ဆိုင်ရာ ရာဇ၀တ်မှုတွေ၊ လူသားမျိုးနွယ်တွေ အပေါ်မှာ ကျူးလွန်တဲ့ ပြစ်မှုတွေကို လုပ်ဆောင်နေကြသူတွေ ဖြစ်ပါတယ်။ နိုင်ငံတကာ ဥပဒေတွေကို ချိုးဖောက်နေကြသူတွေ ဖြစ်ပါတယ်။ ကုလသမဂ္ဂရဲ့ မြန်မာနိုင်ငံက လူ့အခွင့်အရေး စောင့်ကြည့်သူ ကိုယ်တိုင်က ဒီလိုပြစ်မှုတွေကို စုံစမ်းစစ်ဆေးဖို့ လိုအပ်နေပြီ ဆိုပြီး အကြံပြုထားတာပါ။
“အဲဒီတော့ ဘယ်တိုင်းပြည်ပဲဖြစ်ဖြစ် မြန်မာပြည်က အာဏာရှင်ကို လက်နက်ရောင်းချသူဟာ အာဏာရှင်တွေရဲ့ စစ်ဘက်ဆိုင်ရာ ရာဇ၀တ်မှု၊ လူသားမျိုးနွယ်တွေ အပေါ်မှာ ကျူးလွန်နေတဲ့ ပြစ်မှုတွေကို ကူညီ ပံ့ပိုးနေတာပဲ ဖြစ်ပါလိမ့်မယ်။”
အင်ဒိုနီးရှား ကာကွယ်ရေးဝန်ကြီး ပူနိုမိုကတော့ မြန်မာနိုင်ငံဟာ အပြောင်းအလဲတွေ ဖြစ်နေပါပြီ၊ ရွေးကောက်ပွဲလည်း ပြုလုပ်ပြီး ဖြစ်ပါတယ်လို့ ပြောဆိုနေပါတယ်။ Burma Campaign ရဲ့ ဒါရိုက်တာ မာ့ခ် ဖာမနာကတော့ ဘယ်တိုင်းပြည်ဖြစ်ဖြစ် မြန်မာအစိုးရကို လက်နက်ရောင်းချသူ မှန်သမျှ အရှက်တကွဲ အဖြစ်နဲ့ ကြုံရမှာပဲလို့ ဆိုပါတယ်။
“Burma Campaign UK အနေနဲ့ကတော့ မြန်မာစစ်အစိုးရကို နိုင်ငံတကာ အတိုင်းအတာနဲ့ လက်နက် မရောင်းချဖို့၊ လက်နက် ရောင်းချနေမှုကို ပိတ်ဆို့ဖို့ တောင်းဆိုနေတာ ကြာပါပြီ။ ဘာကြောင့်လဲဆိုတော့ ဒီလက်နက်တွေကို အသုံးပြုပြီး အရပ်သားတွေကို တိုက်ခိုက်နေတာ ဖြစ်လို့ပါ။ အင်ဒိုနီးရှားပဲဖြစ်ဖြစ်၊ တခြား ဘယ် အာဆီယံ တိုင်းပြည်ကပဲဖြစ်ဖြစ် ဒီလို အာဏာရှင်ကို လက်နက် ရောင်းချတာဟာ လုံးဝ မျက်နှာပျက်စရာ အရှက်တကွဲ ဖြစ်ရမှာပါ။ ဘာကြောင့်လဲဆိုတော့ သူတို့လက်မှာ မြန်မာနိုင်ငံသားတွေရဲ့ သွေးတွေ စွန်းပေသွားမှာကြောင့် ဖြစ်ပါတယ်။”
အင်ဒိုနီးရှား ကာကွယ်ရေးဝန်ကြီးရဲ့ အထူးလက်ထောက် ဗိုလ်မှူးကြီး ဂျန်ကတော့ ဒီလက်နက် ရောင်းချမှုကနေ မြန်မာ့ဒီမိုကရေစီရေး ဖြစ်စဉ်ကို အားပေးရာ ရောက်ပါတယ်လို့ ပြောဆိုသွားပါတယ်။

Friday, May 20, 2011

Generations of the Revolution


 

    ထွန်းအောင်ကျော် နှင့် တင်မောင်ဦး

တော်လှန်ရေးမျိုးဆက်များ။

(Generations of the Revolution)

နိဒါန်း

"တော်လှန်ရေးမျိုးဆက်များ (Generations of the Revolution)" ဆိုသည့်ခေါင်းစဉ်ဖြင့်မြန်မာ အင်္ဂလိပ်နှစ်ဘာသာနှင့်ရေး သားရန်ကြံစည်ခဲ့သည်မှာ၁၉၉၁ ခုနှစ်ကတည်းကဖြစ်သည်။ အကြောင်းအမျိုးမျိုးကြောင့်အကောင်အထည်မဖေါ်နိုင်ခဲ့၊ကိုယ့်ကိုယ်ကိုလည်းမလုပ်နိုင်သည့်အတွက် ဒေါသ ဖြစ်ယုံမှလွဲ၍မတတ်နိုင်ခဲ့၊ နေ့ရွှေ့ညရွှေ့နှင့်အချိန်တရွှေ့ရွေ့ကုန်ဆုံးလာခဲ့ရသည်။ နောက်ဆုံးအသက်အရွယ်ကထောက်လာသည်ကျန်းမာရေးကချို့တဲ့လာသည့်အခါသေရမှာထက်စာအုပ်မပြီးဘဲနေတော့မည်ကိုစိုးကြောက်လာမိသည်၊ ထို့ကြောင့် "မင်းအရှည်ကြီးတွေးမနေနှင့်တော့ဦးသန့်အရေးအခင်းကနေစပြီးရေးကွာ" ဟုမိမိကိုယ်ကိုပြောပြီးစရေုးဖြစ်သည်၊ ဒီလိုနဲ့အနှစ် ၂၀ အကြာ ၂၀၁၁ ကျ မှဆုံးဖြတ်ချက်ချနိုင်ခဲ့သည်၊ ဦးသန့်ပြီးလျှင်ဂျွန်အရေးအခင်း၊ ပြီးလျှင်မှိုင်းဆက်ရေးမည်။ထို့နောက်ထောင်တွင်းအတွေ့အ ကြုံ အ ကြောင်းပြီးလျှင်တောတွင်းအတွေ့အကြုံရေးပြီးအဆုံးသတ်မည်ဟုစဉ်းစားထားသည်။တွေးသည့်အ တိုင်းဖြစ်မဖြစ်တော့မသိအဘယ့်ကြောင့်ဆိုသော်လုပ်ချင်သည့်အလုပ်ကများနေသည့်အပြင် ရဲဘော် များ၏ ကြို ကြား ကြို ကြားအကူအညီတောင်းသည့်အတွက်လုပ်ပေးရသောအလုပ်နှင့် လတ်တလောဖြစ်ပေါ်လာတတ်သောနိုင်ငံရေးလှုပ်ရှားအပေါ်ဆောင်းပါး လေးများရေးရသည့်အတွက်ကြောင့်မူ လရည်ရွယ်ချက်ကိုရပ်ထားရတတ်သည်။ စာဖတ်ပရိသတ်အနေနှင့်မပြီးသေးဘူးလားဟုခဏခဏမီးထိုးပေးပါကမြန်မြန်ပြီးမည်လားမပြောတတ်။

စာရေးသူ


 


 


 


 


 


 

        မဲနယ်ပလောတွင်စာရေးသူကိုယ်တိုင်ရိုက်ယူခဲ့သောကိုစိုးညွန့်ပုံ။

ကိုစိုးညွန့်အမှာစာ

ကိုမောင် မောင် တိတ် နှင့် ကိုထွန်း အောင် ကျော် တို့ကဦးသန့် အရေး ခင်းတွင် ပါဝင် ခဲ့သူများစာရင်း လိုချင်တယ် ပို့ပေး ပါ ဆိုလို့ မှတ်မိသမျှ ရေးပို့ပေးလိုက်ပါသည်။

ဒီနောက် တာဝန် ယူခဲ့သည် အပိုင်း ကို ရေးပို့ပေးပါ ဆိုသောကြောင့် ကျနော် တာဝန်ယူခဲ့သည့် အပိုင်း ကိုရေးပို့ခဲ့ရပြန်ပါသည်။ တိမ်မြုပ်နေသောသမိုင်းကြောင်း ကိုအဖြစ် မှန်အတိုင်း တာဝန်သိသိ ကြိုးစားရေး သား ခဲ့သော ကိုထွန်းအောင်ကျော်ကိုအထူးကျေးဇူးတင်မိပါသည်။ ကိုထွန်းအောင်ကျော် ရေးသား သော စာကို ဖတ်ပြီးဦးသန့်အရေးအခင်းဆီသို့ပြန်လည်ရောက်ရှိသွားသလိုခံစားမိပါသည်။ သမိုင်း
ကြောင်း ကို
အဖြစ် မှန်အတိုင်း ပိုမိုပြည့် စုံလာစေရန်ပါဝင်ခဲ့သူများကကူညီကြပါ ရန် နှိုးဆော်ပါရစေ။ နိုင်ငံအကျိုးဆောင်ရွက်လုပ်
ဆောင်သူ
သည် ရိုးသားရပါမည်၊ စေတနာလည်းပါရမည်၊ ကျွမ်းကျင်မှု
လည်းရှိ ရပါမည်။
ရိုးသား၍ ကျွမ်းကျင်သူများတနေ့ ထက်တနေ့ တိုးပွါး နေလျှင် ဒီမိုကရေစီ နိုင်ငံ
ကိုမလွဲမသွေ ရ ရ မည် ဟုယုံကြည်သည်။
နိုးကြားသော စိတ်ဓါတ် နှင့်ဘက်ပေါင်းစုံမှပါဝင်
နေကြသူ
များ ကိုလေးစားစွာ ဂုဏပြုပါသည်။

 
 

ကိုစိုးညွန့် ခေါ် ပြောင်ကြီး ၇၄

ဘောဂဗေဒအသင်း အထွေ ထွေအတွင်းရေး မှုး (၁၉၇၃-၇၄)

ဦးသန့် အရေးခင်း ဗဟိုကော်မတီ ဒု ဥက္ကဌ


 


 


 


 


 

ဦးသန့်အရေးအခင်းနဲ့ ကျွန်တော်တို့တသိုက်

နိဒါန်း

ဦးသန့်အရေးအခင်းမှာပါဝင်နေခဲ့တဲ့သူတွေရေးကြသားကြတာတွေဖတ်ရတဲ့အခါအတိတ်က အကြောင်းတွေ တရေးရေးပေါ်လာတတ်သလို တချို့က ကိုယ်မပါဝင်ဘဲတဆင့်စကားတွေနဲ့ ရေးလာတဲ့ အခါသမိုင်းမှန်ကိုရေးသားဘို့တာဝန်ရှိတယ်လို့ယူဆလာမိပါသည်။ ကိုယ့်ကိုယ်လဲတာဝန်မ ကြေဘူးလို့ခံစား မိ တဲ့အတွက် ကျွန်တော်တို့မှတ်မိသလောက် ကိုသမိုင်းလေ့လာသူ မြန်မာပြည်သား များ သိရှိနိုင်ရန်ရေးသား လိုက်ရပါသည် ။

ဦးသန့်အရေးခင်း
ဖြစ်ပျက်ခဲ့သည်မှာ ၁၉၇၄နှစ် ဒီဇင်ဘာလ (၅)ရက်နေ့တွင် ဖြစ်သည်။
လွန်ခဲ့သော ၃၇ နှစ်ခန့်
ကပင်ဖြစ်ပါသည်။ဦးသန့်အရေး အခင်းအကြောင်းကိုရေး သား သည့်စာ
များရှိခဲ့သော်လည်း ပြည့်ပြည့်စုံစုံ
မရှိသလို၊ကိုယ့်အတွေ့
ကြုံကိုသာ
ကိုယ်ရေးထားသည့် တဖက်မြင် တင်ပြချက်များ ဖြစ်ခဲ့သည်။
ထို့ကြောင့်ထိုအရေးခင်းတွင်
ကိုယ်တိုင် ပါဝင်ခဲ့သူများ မတိမ်း ပါးခင်၊
အသိချွတ်ချော်မသွား ခင် ပါဝင်ခဲ့
သည့်သူများကို
မေးမြန်း၍ ရေးသားသင့်သည်ဟု ယူဆမိ၍ ဤစာကို
ရေးသားလိုက်ပါသည်။
၁၉၈၀ခုနှစ်
ကျနော်ထောင်မှလွတ်လာသောအခါ
လိုလိုလားလား မိမိ မှတ်မိသလောက်တင်ပြ ပြော
ဆိုပေးခဲ့သော
ကိုစိုးညွန့်(ပြောင်ကြီး)
ကိုဟန်ရှင်ဝင်း၊
ကိုမောင်မောင်တိတ်၊ ကိုရာဇာ(ဂိုရှယ်)နှင့်
ရောဘတ်စန်းအောင်တို့အား အထူးကျေးဇူး
တင်ရှိ
ကြောင်း
မှတ်တမ်းတင်အပ်ပါ
သည်ထိုမှတ်စုများကိုမြန်မာ
ပြည်မှလျှို့ဝှက်ယူလာပေး
သော
ချစ်ဇနီး ဆွေဆွေမြင့်အား လည်းကျေးဇူး တင်ရှိကြောင်း
မှတ်တမ်း တင်အပ်ပါသည်။ နယူးယောက်မြို့တွင်ရောက်နေသောကိုစိုးညွန့်(ပြောင်ကြီး) ကမေးသမျှကို ထပ်မံ၍စိတ်ရှည်လက် ရှည်ရှင်းပြ သည့်အတွက်အထူးကျေးဇူးတင်ရှိကြောင်းမှတ်တမ်းတင်ရှိပါသည်။ ကိုစိုးညွန့် နှင့်ကိုတိတ် တို့၏် ကူညီပန့်ပိုး မှုကြောင့်သာပျောက်ဆုံးနေသော ကွင်းဆက်များကိုဆက်နိုင်ခဲ့ခြင်းဖြစ်ပါသည်။

ကျွန်တော်တို့၏သမိုင်းဖြစ်ရပ်မှန်
အထုပတ္တိသည် နောင်သမိုင်း
လေ့လာသူများ အတွက် မှတ်တမ်း တခုအဖြစ်လည်းကောင်း၊နောင်မျိုးဆက်သစ်များအတွက်
အား
ဆေး
တခွက်၊ အတုယူစရာ လုပ်ရပ်
အဖြစ်
လည်းကောင်း၊ကျွန်တော်တို့၏အားသာချက်၊ အားနဲချက်များကိုဆင်ခြင်ပြီးမြန်မာပြည် လွတ်လပ်ရေးအတွကအသုံးချနိုင်ရန်အထောက်အကူပြုဘို့အကျိုးသက်ရောက်ခဲ့ပါကကျွန်တော်ကြိုး စားရေးရကျိုးနပ်သည်ဟုယူဆပါသည်။
ဦးသန့်အရေးအခင်းတွင်ပါဝင်ခဲ့သူများဤစာကိုဖတ်ပြီး၎င်းတို့
အမြင်ကို ဖြည့်စွက်ရေး သား
ပေး
ပို့နိုင်ကြလျှင် ဤ အတ္ထုပ္ပတ္တိ စာတမ်းသည် ပိုမိုပြီးရုပ်လုံးပေါ် လာလိမ့်မည်ဟု မျှော်လင့်မိပါသည်။
အားလုံးရွှင်လန်းချမ်းမြေ့ကြပြီး မိမိတိုင်းပြည်အကျိုးကို
ကိုယ်ကျိုးစွန့်လုပ်ဆောင် နိုင်
ကြပါစေ၊ မြန်မာပြည်၏ မပြီးဆုံးသေးသော ဒုတိယအကြိမ် လွတ်လပ်ရေးတိုက်ပွဲကို
ဤစာဖတ်ပြီး ဆထက်တံပိုး ကြိုးစားလိုစိတ်များ ပေါ်ပေါက်လာနိုင် ကြပါ စေ ဟု ဆန္ဒပြု
လိုက်ပါသည်။

လေးစားလျှက်

ထွန်းအောင်ကျော် (၇၄)


 

ဘယ်လို လုပ်ကြမလဲ ?


 

"ဦးသန့်တယောက် နယူးယောက်ဆေးရုံမှာ ကင်ဆာရောဂါနဲ့ ဆုံးပြီ ၊ သူ့ဆန္ဒအရ သူ့အခေါင်းကို ကုလသမဂ္ဂအလံ လွှမ်းခြုံပြီး မြန်မာပြည်ကို အထူးလေယဉ်နဲ့ နိုဝင်ဘာလ ကုန်လောက်မှာ သယ်လာတယ် ဒါပေမဲ့ သူ့ကို မဆလအစိုးရ တာဝန်ခံ ဘယ်သူကမှ လာရောက် ကြိုဆိုတာ မရှိဘူး၊ ပညာရေး ဒုဝန်ကြီးဆိုလား တယောက်ကတော့ သွားကြိုတဲ့အတွက် ဗိုလ်နေ၀င်းက အလုပ်ကထုတ်လိုက်တယ်" စသည်ဖြင့် သတင်းစကား တွေ ရန်ကုန်မြို့ တမြို့လုံးမှာ ပြန့်နှံ့လို့ လာခဲ့ပါသည်။


 

ဦးသန့်သည် ကုလသမဂ္ဂ၏ အထွေထွေအတွင်းရေးမှူးးနှစ်ကြိမ်တိတိ ရွေးချယ်ခံရတဲ့ ပုဂ္ဂိုလ်ဖြစ် သည့်အပြင် ရုရှားနဲ့ အမေရိကန်နိုင်ငံတို့ ကျူးဘား အရေးအခင်းမှာ စစ်ဖြစ်မယ့် အနေအထားကနေ ကာကွယ်မှု ပေးခဲ့တဲ့ပုဂ္ဂိုလ်ကြီးလဲဖြစ်ပါသည် ။

ထို့ကြောင့်တက္ကသိုလ်ကျောင်းသားများနဲ့ ရဟန်းသံယာတွေကဗမာကိုကမ္ဘာကသိအောင်စွမ်း ဆောင်ခဲ့တဲ့ပုဂ္ဂိုလ် ကြီး ငါတို့ နိုင်ငံကို ဂုဏ်တက်အောင် လုပ်ဆောင်ပေးတဲ့ ပုဂ္ဂိုလ်ကြီးအဖြစ် လေးစား ဂုဏ်ယူကြတဲ့အပြင် ကျေးဇူးလဲ အထူးတင်ရှိခဲ့ပါသည်။ ဦးသန့်လို ပုဂ္ဂိုလ်မျိုးကို ဖုတ်လေတဲ့ ငပိ ရှိတယ်လို့တောင် မထင်တဲ့ နေ၀င်းစစ်အစိုးရရဲ့ ရိုင်းစိုင်းတဲ့ အပြုအမူကို ဘယ်လိုမှ လက်ခံလို့ မရအောင် အိမ်မှာနေရင်း ထွန်းအောင်ကျော်တယောက်ထဲ ကြိတ်ဒေါသူပုန် ထနေမိပါသည်။

"ရိုင်းလိုက်တာကွာ ၊ ကမ္ဘာ့ခေါင်းဆောင်အဖြစ် အသိအမှတ်ပြုခံထားရတဲ့ ငါတို့ မြန်မာလူမျိုးတွေရဲ့ ဂုဏ်သတင်းကို ဆောင်ကြဉ်းပေးတဲ့ ပုဂ္ဂိုလ်မျိုးကို၊ နေ၀င်းလို
တိုင်းပြည်အာဏာကို ဓားပြတိုက်ယူထားတဲ့ သူခိုးဓားပြက နိုင်ငံတော်အခမ်းအနားနဲ့ ကြိုဆိုရမှာကို မလုပ်တာ ငါတို့ ဗမာလူထုကြီး တရပ်လုံးကို စော်ကားထာဘဲ" ဟု စိတ်ထဲမှ ရေရွတ်နေမိတော့သည် ။


 

ဒီလိုနဲ့ဒီဇင်ဘာလ(၂)ရက်နေ့ညရောက်လာသည်။ ထွန်းအောင်ကျော်ဆင်ဝင်ခန်းတွင်ထိုင်ရင်း စဉ်းစားခန်း ၀င်နေမိသည်ရေဒီယိုကသတင်းကမကြားတချက်ကြားတချက် တိုက်ပေါက်ဝရှေ့ရှိ ညောင်ပင်ကြီးမှ လေအသုတ်တွင် တရှဲရှဲမြည်သံက တချီချီတွင် ပေါ်ထွက်လာတတ်သည်။

``တီတီ... တီတီ´´ အိမ်ရှေ့ဝင်း တခါးဝမှ ကားဟွန်းသံကထွက်လာသည်။ထိုင်ရာမှထပြီး ဆင်ဝင်ခန်း ပြူတင်းတံခါးကိုဂျက်ဖြုတ်၍ဖွင့်ကြည့်လိုက်သည် ။


 

အချိန်ကည(၉)နာရီခန့်ဇော်ကြီး၏လေးဘီးကားပြာလေးဝင်းတံခါးထိပ်မှာရပ်ထားတာတွေ့လိုက်ရ သည်

``ထွန်းအောင်ကျော် !! ထွန်းအောင်ကျော် !! ´´ ဇော်ကြီးကလှမ်းခေါ်သည် ။

``ဟေ့ကောင်ကြားတယ်ကွ၊ ငါဆင်းလာခဲ့မယ်၊ ငါနားပင်းမနေဘူးကြုံးအော်မနေနဲ့´´ဟု လှမ်းပြောရင်း အိမ်ရှေ့လှေကားမှ အောက်ထပ်သို့ ပြေး
ဆင်းလာခဲ့သည်။ ခြံတံခါး ဖွင့်နေတုံး ဇော်ကြီးက ``ကားထဲမှာ ပြောကြရအောင်ကွာ´´ ဟု ဆိုသည်။ ထွန်းအောင်ကျော်ဘာမှမပြောဘဲ ၀င်းတံခါးကို ဖွင့်ပြီးထွက်လိုက်သည်။ တံခါးကို ပြန်ပိတ်ပြီးနောက် ကားထဲ ၀င်ထိုင်လိုက်တော့ ကုလားမ ( ရဲမြင့်သိန်း ) နဲ့ ခွေးနက် (Kenneth) တို့ကိုပါ တွေ့လိုက်ရသည် ။ ကားပေါ် ရောက်ရောက်ခြင်း ထွန်းအောင်ကျော်က ``ဟေ့ကောင်တွေ မင်းတို့လာတာနဲ့ အတော်ဘဲ ၊ ဦးသန့်ဈာပနကိစ္စဟာ အတော် အရုပ်ဆိုးတယ် ငါတို့ တခုခုလုပ်မှ ဖြစ်မယ်´´ လို့ ဆိုလိုက်တော့ ၊ ဇော်ကြီးက`` သိပ်မှန်တာပေါ့ကွာ၊ဒါကြောင့် မင်းဆီကိုငါ တို့လာခဲ့ဘဲ´´ ဟု ၀မ်းသာအားရပြောသည်။ ထွန်းအောင်ကျော်တို့တတွေသည်အလယ်တန်းကျောင်းသားများဘ၀မှစတင်ရင်းနှီးလာကြသည့် ငယ်သူငယ်ချင်းများဖြစ်သည်။ တဦးကိုတဦးအူချေးကအစသိကြသည်၊ အသက်ပေး ယုံကြည်ကြသည့် သူငယ်ချင်းများဖြစ်သည်။ ထို့ကြောင့်ထောက်လှန်းရေး၊သတင်းပေးများ ပေါကြွယ်နေသောရန်ကုန်မြို့ တွင် ယ္ခုလိုပြောဆိုရဲကြခြင်းဖြစ်သည် ။

ထိုညတွင်ပင် သူငယ်ချင်းတသိုက် နောက်တနေ့တွင် ဦးသန့်ရုပ်အလောင်းရှိရာ ကျိုက္ကဆံကွင်းသို့ လွမ်းသူ့ပန်း ခွေချရန် ကုလားမ (ရဲမြင့်သိန်း) အိမ်တွင် ညနေပိုင်းတွင် ဆုံကြရန် ပြောပြီး လမ်းခွဲခဲ့ကြသည် ။


 


 

၁၉၈၄ခုနှစ်တွင်အင်းယားလိပ်ဟော်တယ်၌်ထွန်းအောင်ကျော်မင်္ဂလာမဆောင်ခင်သူငယ်ချင်းရဲမြင့်သိန်းနှင့်အ မှတ်တရ။


 


 


 

ဒီဇင်ဘာလ (၃) ရက်နေ့- ၁၉၇၄ ခုနှစ်


 

ထွန်းအောင်ကျော်ရဲမြင့်အိမ်သို့မနက်စာစားပြီးကထဲကရောက်နေသည်။ ရဲမြင့်အိမ်အောက်တွင် Hostelအဆောင်ငှားထားသဖြင့်တက္ကသိုလ်ကျောင်းသူများကလည်းထွန်းအောင်ကျော်တို့နှင့်ခင်မင်နေ ကြသည်။ ထွန်းအောင်ကျော်တို့ကဘွဲ့ရပြီးကျောင်းသားများဖြစ်သဖြင့်အစ်ကိုကြီးများသဖွယ်ကျောင်း

သူလေးများကလို အပ်သောအကူအညီများကို တောင်းတတ်ကြသည် ။

ရွှေတိဂုံဘုရား သွားချင်တာမျိုး၊ အကူအညီတောင်းသည့်အခါ သူတို့ တအုပ်လုံးကို ထွန်းအောင်ကျော့်ကားဖြင့်လိုက်ပို့ရသလို၊ပညာရေးနှင့်ပတ်သက်၍လည်းလိုအပ်သည်ကိုမေးလာလျှင်ကူညီပြသပေးရသည်။ ဦးသန့်အရေးကိစ္စကို ထိုညီမငယ်များကလည်း မကြေနပ်ကြချေသူတို့ကလည်း ထွန်းအောင်ကျော်တို့ကလွမ်းသူ့ပန်းခွေချမည်ဆိုသဖြင့်အပေါ်ထပ်သို့စုပြုံတက်လာကြသည်။သူတို့အ နေနှင့်အကိုကြီးတို့လုပ်ရပ်ကိုထောက်ခံကြောင်း အသုဘချသည့်နေ့တွင်လည်းသူတို့ကိုယ်တိုင်လိုက် ပို့မည်ဖြစ်ကြောင်းအားတက်သရော ပြောကြသည် ။


 

ရဲမြင့်၏ ခြံသည် စီးပွားရေးတက္ကသိုလ် ရှေ့တည့်တည့် လမ်းမကြီးမှ ၀င်သွားရသည့်ခြံဖြစ်သည် ရိုးမရိပ်သာဟု ခေါ်သည်။ ညနေပိုင်းတွင် ခေါ်တောညွန့်အေးက သူ့လေးဘီးနှင့် ပေါက်ချလာသည်။ ထိုနောက် ဇော်ကြီး၊ ခွေးနက်၊ ဇော်ဝင်း၊ အောင်ဒင်၊ မြင့်သိန်း စသည်ဖြင့် စုစုပေါင်း သူငယ်ချင်း ၇ ယောက် စုမိကြသည်။


 

ထွန်းအောင်ကျော်တို့အားလုံး အနက်ရောင် တိုက်ပုံအင်္ကျီ အနက်ရောင် ယောလုံချည်တို့ကို ၀တ်ဆင်ကြပြီး ပန်းခြင်းကို ညွန့်အေးက သွားဝယ်သည်။ ၎င်းပန်းခြင်းတွင် စာတမ်းကို ထွန်းအောင်ကျော်ကရေးသည် ။

``၀မ်းနည်းထိုက်သည်ထက်ပို၍၀မ်းနည်းစွာဖြင့်´´ကျောင်းသားတစု ဟု အမည်ထိုးသည် ။

ထို့နောက် ကားနှစ်စီးဖြင့် ကျိုက္ကဆံကွင်းသို့ ချီတက်သွားကြသည်။ ညွန့်အေးနှင့် ထွန်းအောင်ကျော်က ပန်းခြင်းကိုကိုင်ပြီးရှေ့မှထွက်သည်။ကြက်ခြေနီလူငယ်များကအနက်ရောင်ဝတ်စုံဖြင့်ကျောင်းသားတစုပန်းခြင်းကိုင်၍ချီတက်လာသည် ကို မြင်သဖြင့်

``ပန်းခြင်းလာတယ် ဘေးကိုဖယ်၊ ဘေးကိုဖယ်´´ ဟု အော်ဟစ်၍ လမ်းရှင်းပေးသည်။ ထွန်းအောင်ကျော်တို့တစုမျက်နှာထားတင်းတင်းနှင့်ရှင်းထားသောလမ်းအတိုင်းလျှောက်သွားကြသည၊်အားလုံးမျက်နှာထားများ တင်းနေပြီး မျက်လုံးများက အရောင်တဖိတ်ဖိတ်တောက်နေကြသည်။ ထွန်းအောင်ကျော်ရေးသော စာတမ်း၏ အဓိပ္ပါယ်မှာ ဦးသန့်လို ပုဂ္ဂိုလ်မျိုး ဆုံးပါးသွားရ၍ အလွန်ဝမ်းနည်းမိသည် သို့ သော် ထိုပုဂ္ဂိုလ်မျိုးကို အစိုးရမှ ဂုဏ်မပြုဘဲ လစ်လျှူရှုခြင်းသည် ကျွန်ုပ်တို့အားလုံးကို ပိုမို၍ ၀မ်းနည်းကြေကွဲမှုကို ဖြစ်စေသည်ဆိုသည့် မကြေနပ်ချက်ကို ဖေါ်ပြထားခြင်းဖြစ်သည်။

ထို့နောက် ဦးသန့်အခေါင်းရှေ့တွင် ပန်းခြင်းကို ချပြီး ဦးညွှတ်အလေးပြုပြီးနောက် ခပ်သွက်သွက် ပြန်လည် ထွက်ခွာလာခဲ့ကြသည်။ ပန်းခြင်းချနေစဉ် ဖမ်းမလား၊ ပြန်အထွက်တွင် ဖမ်းမလားဟု စိုးရိမ်နေကြသော်လည်း ချောချောမောမော အိမ်သို့ ပြန်ရောက်လာခဲ့ကြသည်။ ထိုကဲ့သို့ အဖိနှိပ်ခံနေရသော တက္ကသိုလ်ကျောင်းသားများအတွက် ဤလိုကိစ္စမျိုးသည် ရင်ခုန်စရာ စွန့်စားခန်းတခု၊ ကိုယ်ယုံကြည်သည်ကို လုပ်လိုက်ရ၍ ဂုဏ်ယူပီတိဖြစ်မှုတို့ကို တပြိုင်တည်း ခံစားနိုင်ခဲ့ကြသည်။ အားလုံး ရဲမြင့် အိမ်ပြန်ရောက်တော့ ည ၁၁ နာရီခန့် ရှိပြီ။


 

ဒီဇင်ဘာလ (၅) ရက်နေ့ ၁၉၇၄ ခုနှစ်


 


 

ထွန်းအောင်ကျော် ၊ ဆရာမ အီကုရာနီရှီဒေး ၊ ဒါရိုက်တာဦးတင်ယု တို့အမှတ်တရ။

ထွန်းအောင်ကျော်သည် ဘူမိဗေဒအဓိကဖြင့် ၁၉၇၄ ခုနှစ်တွင် ဘွဲ့ရပြီးနောက် ဘွဲ့လွန်တက်နေပြီး တဖက်မှလည်း နိုင်ငံခြားဘာသာ စာသင်သိပ္ပံတွင် ဂျပန်ဘာသာကို သင်ယူနေဆဲ ဖြစ်ပါသည်။ ဂျပန်ဆရာမ အီကုရာနီရှိဒေး (Ikura Neshide) သည် အလွန်ချစ်ဖွယ်ကောင်းပြီး သီချင်းဆိုလည်း အလွန်ကောင်းပါသည်။ ထို့ကြောင့် ဂျပန်ဘာသာ ကျောင်းသားကျောင်း သူများ အားလုံး သူ့ကိုချစ်ကြပါသည်။

ဒီဇင်ဘာလ (၅) ရက်နေ့ မနက် ၉ နာရီခန့် ထွန်းအောင်ကျော်၊ရဲမြင့်သိန်းတို့တအုပ် ၀ိဇ္ဇာသိပ္ပံတက္ကသိုလ်သို့ ရောက်ပါသည်။ တက္ကသိုလ်ဝင်းထဲတွင် ကျောင်းသားများ ဟိုတစု ဒီတစုနှင့် ရှိနေကြပါသည်။ ကျောင်းနေဖက် သူငယ်ချင်း ရန်ကုန်တိုင်း တာတိုချန်ပီယံ ဖိုးပိန် (ကျော်စွာ) မိတ်ဆက်ပေးသဖြင့် ရန်ကင်းကျောင်းသား တဦးဖြစ်သူကိုပေါက် နှင့် သိခွင့်ရခဲ့ဘူးပါသည်။ ၎င်းပုဂ္ဂိုလ်က ကျွန်တော့်အား မှတ်မှတ်ရရ တင်မောင်ဦးနှင့် အဓိပတိလမ်းမပေါ်တွင် မိတ်ဆက်ပေးခဲ့ဘူးပါသည်။ ဒါက `` ရာဘကြီး ကိုတင်မောင်ဦး´´ ဟု မိတ်ဆက်ပေးပါသည်။ သူက ``ကိုထွန်း´´ ``ကိုထွန်းအောင်ကျော်´´က နံမည် အပြည့်အစုံပေါ့ဟု ဆိုပါသည်။ ယခုလည်း အဓိပတိလမ်းမပေါ်တွင်တင်မောင်ဦးနှင့်မချိန်းထားဘဲဆုံတွေ့ကြပြန်သည်။ တင်မောင်ဦး က "ကိုထွန်းနဲ့ ကိုရဲတို့ပါလါး ဒီအတိုင်းလွှတ်ထားလို့မရဘူးနော်" ဟုဆိုသည်။ ကိုထွန်းအောင်ကျော်က RASU မှ ကျောင်းသားများ တစုတစည်းတည်း ချီတက်ဘို့လိုကြောင်း၊ လူများလေကောင်းလေ ဖြစ်မည်ဟု ပြောသည်ကို ကိုတင်မောင်ဦးက သဘောတူပြီး ကျိုက္ကဆံကွင်း ဦးသန့်ရုပ်အလောင်းထားရာ အရှေ့ဖက်တွင် ပြန်လည် ဆုံစည်းကြမည်ဟုပြောပါသည်။ ကိုတင်မောင်ဦးမှာကိုထွန်းအောင်ကျော်နှင့်အရပ်မတိမ်းမယိမ်းရှိပြီးကိုယ်လုံးကိုယ်ထည်တုတ်ခိုင် တောင့်တင်းသူတဦးဖြစ်ပါသည်။ သူ၏အေးစက်သော မျက်လုံးများကမိမိယုံကြည်ရာကို နောက်မဆုတ် တမ်း လုပ်မည့်သူ တဦးဟု ဖေါ်ပြနေခဲ့ပါသည် ။

သူ၏ တုတ်ခိုင်သောလည်ပင်းနှင့်တင်းတင်းစေ့ထားသောနှုတ်ခမ်းများက ပြတ်သား သူတဦး ဖြစ်ကြောင်း ထပ်ဆင့်ပြောကြားနေသကဲ့သို့ ရှိပါသည်။ ရဲမြင့်နှင့် ကိုထွန်းအောင်ကျော်တို့ ကျောင်းဝင်းအတွင်း အခြေအနေစောင့်ကြည့်၍ ကျောင်းသားများ အဓိပတိလမ်းမပေါ်တွင် တစတစများပြားလာမှုကို တွေ့ရသည့်အခါ အားတက်လာကြပြီး၊ တင်မောင်ဦးအား အခြေအနေကောင်းကြောင်း ပြောကြားသည့်အခါ သူက ``ကျွန်တော်လဲ အဆောင်နေကျောင်းသားတွေကို မနေ့ထဲက လာဆွေးနွေးထားတယ်၊ အားလုံးနီးပါး လိုက်ကြလိမ့်မယ်ဟု ဆိုပါသည်။ ရဲမြင့်အဆောင်မှ ကောင်မလေးများကလည်း ``အစ်ကို ညီမတို့ သူငယ်ချင်းတွေကို ပြောပြီးပြီ သူတို့အဆောင်တွေကလည်း လိုက်ကြမယ်´´ ဟု လာရောက် သတင်းပေးသဖြင့် ကိုထွန်းအောင်ကျော်တို့တတွေ စိတ်လှုပ်ရှားတက်ကြွလာခဲ့ကြပါသည်။


 

အဆောင်နေ ကျောင်းသားများ အခန်းကဏ္ဍ (၁)

ကိုဟန်ရှင်ဝင်း

ဦးသန့်
အရေးအခင်းတွင် ပါဝင်ပတ် သက်သူများ အကြောင်းပြောလျှင် အဆောင်နေ
ကျောင်းသားများ အခန်းကဏ္ဍကို ချန်လှပ်ထား၍ မရချေ။ ရန်ကုန်တက္ကသိုလ်
ဗုဒ္ဓဘာသာအသင်း အထွေထွေအတွင်းရေးမှူး ကိုဟန်ရှင်ဝင်းသည် လူချစ်လူခင်ပေါသည်။
ရေစကြိုမြို့ သိပ္ပံထူးချွန်ဆု ရပြီး သင်္ချာအဓိကဖြင့်
ကျောင်း
လာတက်နေသူဖြစ်သည်။
ဦးသန့် အရေးအခင်းဖြစ်သည့် အချိန်တွင် ကိုဟန်ရှင်ဝင်းသည် သင်္ချာအဓိက နောက်ဆုံးနှစ် ကျောင်းသားဖြစ်သည်။ပင်းယဆောင် အပေါ်ဆုံးထပ် အခန်း (၁၁၄) တွင် နေသည်။
ဟန်ရှင်ဝင်းသည် အရပ်ပုပု ၅ ပေ ၃ လက်မခန့်ရှိသည်။ မျက်လုံးမှေးမှေးနှင့် သွားအနည်းငယ်ခေါသည်၊ ပွင့်လင်းဖော်ရွေသောသူ့အပြုံးကလူအများ ကို ဆွဲဆောင် နိုင်စွမ်းရှိသည်၊ သူ့မျက်လုံးများက သူယုံကြည်ရာ ကို လုပ်မည့်သူတဦးဟု
ဖော်ပြ နေကြသည်။အရပ်ပုသလောက် သွက်လက်
ဖျတ်လတ်သူတဦးလည်း ဖြစ်သည်။

ဟန်ရှင်ဝင်း၏
ပွင့်လင်းဖေါ်ရွေမှု၊ ကျောင်းသားအဖွဲ့အစည်းများဖြစ်သည့် ၀ိဇ္ဇာသိပ္ပံမဂ္ဂဇင်း၊
သင်္ချာအသင်း၊ အသုံးလုံးကော်မီတီစသည်တို့တွင် တက်ကြွစွာပါဝင်ခဲ့သူ
ဖြစ်သဖြင့် အပေါင်း အသင်းများသည်၊ လူဝင်ဆန့်သည်။ အောက်တိုဘာ
သီတင်းကျွတ်ကထိန်ပွဲအတွက် မုန်ဟင်းခါးချက်လျှင် ကိုဟန်ရှင်ဝင်းကို
အားကိုးရသည်၊ သူဦးစီးလုပ်လျှင် အစစအရာရာ အဆင်ပြေသည်။

 ဗုဒ္ဓဘာသာအသင်းတွင် ယခင်အထွေထွေ အတွင်းရေးမှူး ကိုကျော်ဝင်းကို
ဆရာများ သဘောကျ ရွေးချယ်ပေးခဲ့သည်။ သို့ရာတွင် ကိုကျော်ဝင်းက လူအပေါင်းအသင်းနည်းသည်၊
အသင်းကို ဦးမဆောင်နိုင်၊ ဗုဒ္ဓဘာသာအသင်း ပြက္ခဒိန်ထုတ်ဝေသင့် မသင့်ကို
ဆွေးနွေးကြသည့်အခါ ဒေါက်တာခင်မောင်ကြည် (စီးပွားရေးတက္ကသိုလ်) က
ထုတ်ဝေသင့်ကြောင်း၊ ထုတ်ခြင်းဖြင့် အသင်းကို လူသိပိုများလာမည်ဖြစ်ကြောင်း
ထောက်ခံချက်ပေးသည်၊ ထိုကိစ္စကို ကိုကျော်ဝင်းမလုပ်နိုင် ဟန်ရှင်ဝင်းဦးစီးလျှင် ဖြစ်နိုင်သည်ဟုအများကမြင်သည်။ ထို့ကြောင့် အရေးပေါ်အစည်းအဝေးလုပ်ပြီး အထွေထွေအတွင်းရေးမှူးအဖြစ် ဟန်ရှင်ဝင်းကိုရွေးကောက်တင်မြှောက်ပြီး အကောင်အထည်ဖေါ် စေသည်။
ဟန်ရှင်ဝင်းက ပြက္ခဒိန်အတွက် ကမ္ဘာအေး ပိဋကတ်ပုံနှိပ်စက်သို့ သွားချီ ပြန်ချီ
ကျိုးစားလုပ်သည်။

            ကိုဟန်ရှင်ဝင်းသည် အပေါင်းအသင်း ဆက်ဆံရေး ကောင်းရုံမဟုတ်
ဉာဏ်လည်း အလွန်ကောင်းသည်၊ တက္ကသိုလ်ပထမနှစ်မှစ၍ သိပ္ပံထူးချွန်ဆုရပြီး
သင်္ချာအဓိကဖြင့် ပထမနှစ်မှ နောက်ဆုံးနှစ် အထိ နံပါတ်တစ်စွဲသူ
(Roll
No.1)
အဖြစ်လူသိများသူဖြစ်သည်။
ဦးသန့်ကွယ်လွန်၍ သူ့အလောင်းကို ရန်ကုန်သယ်လာသည့်အခါ
အဆောင်နေ
ကျောင်းသားများကြားတွင် ဦးသန့်ဈာပနပို့ဆောင်ရေးသည်
လုပ်သင့်သည့်အလုပ်၊
ဂုဏ်ပြုသင့်သည့်
အလုပ်
ဟူ၍ ဆွေးနွေး လာကြသည်။ အရာရာတွင်
စပ်စပ်၊ စပ်စပ်ပါဝင်တတ်သော ကိုဟန်ရှင်ဝင်းကလည်း လုပ်သင့်သည်ဟုထင်သည်။

             ထိုကြောင့် ထိုကိစ္စကို ဆွေးနွေးကြရန် စိတ်ပညာကျောင်းသားများ
ရှိရာ ရန်ကုန်တက္ကသိုလ်ရှိ တောင်ငူဆောင်တိုချဲ့ အဆောက်အဦတွင် ဆွေးနွေးပွဲ
ကျင်းပခဲ့ကြသည်။ ကိုစိန်မြင့်မောင်တို့ အဆောင်နေ ကျောင်းသားများနှင့် နေ့ကျောင်းသားများ
တက်ရောက်ဆွေး နွေးကြသည်။

             နေ့ကျောင်းသားထဲမှ ကိုတင်မောင်ဦးက "ဦးသန့်ဈာပနကို
ကျောင်းသားများမှ
ဂုဏ်ပြု
သောအားဖြင့် သိုက်မြိုက်စွာ
ပို့ဆောင်ပေးသင့်ကြောင်း၊ တဆက်တည်း ပျောက်ကွယ်နေသည် ကျောင်းသားသမဂ္ဂကို
ပြည်လည်ဖေါ်ထုတ်ရမယ်" လို့ တင်ပြခဲ့သည်။

             ထိုအခါ ဟန်ရှင်ဝင်းက "ဒါဖြင့် အဲဒါဆို နိုင်ငံရေးတွေ
ပါနေမှာပေါ့၊ ဒီလိုဆိုရင် ကျုပ်တို့ နှိပ်ကွပ်ခံရလိမ့်မယ်" ဆိုပြီး
ကန့်ကွက်ခဲ့သည်။ ကိုစိန်မြင့်မောင်က "ကျွန်တော်တို့ ကျောင်းသားတွေ ပါရမယ်၊
အစိုးရကလဲ လက်ခံရမယ်၊ ကျောင်းသားတွေမပါရင် စည်ကားမှာ မဟုတ်ဘူး၊
စည်စည်ကားကား
ပို့ဆောင် ဘို့ နိုင်ငံရေးမပါဘဲ ပို့
ရင် ပိုကောင်းမယ်" ဟု
ဆွေးနွေးသည်။ ဟန်ရှင်ဝင်းတို့အုပ်စုတွင်ဗုဒ္ဓဘာသာအသင်းမှဘာသာရပ်အလိုက်နှင့်တက္ကသိုလ်အလိုက် တာဝန်ခံများ လည်း တက်ရောက်ကြသည်။

            နိုင်ငံရေးနဲ့ မပတ်သက်ဘဲ ဦးသန့်ဈာပနကို သိုက်သိုက်ဝန်းဝန်း
လိုက်ပို့သင့်သည်ဟု တင်ပြသော ကိုစိန်မြင့်မောင်၏ တင်ပြချက်ကို
ဟန်ရှင်ဝင်းတို့ အုပ်စုက ကြိုက်သည်၊ ထောက်ခံသည်၊ သို့ရာတွင် ဆိုက်ကို (စိတ်ပညာ) ကျောင်းသားများနှင့် ကိုတင်မောင်ဦးတို့ကလည်း
ကျောင်းသား သမဂ္ဂပြန်လည်ဖွဲ့စည်းရေးကို မလျှော့တမ်းတင်ပြလာနေသည့်အတွက်
ဟန်ရှင်ဝင်းတို့အုပ်စု (ပင်းယ၊အင်းဝ၊ပဲခူး၊သထုံအုပ်စု) အစည်းအဝေးမှ လစ်ထွက်လာခဲ့ကြသည်။ နိုင်ငံရေး
မလုပ်သင့်၊ လုပ်လျှင်လည်း မအောင်မြင်နိုင်ဟု ထင်၍ဖြစ်သည်။

        ထိုဆွေးနွေးပွဲကိစ္စကို နောက်တနေ့တွင်
ကိုဟန်ရှင်ဝင်းကို
ကျောင်းသားရေးရာဌာန အရာရှိ
ဦးဋ္ဌေးမြင့်က ခေါ်ယူမေးမြန်းလာခဲ့သည်။ ကျောင်းသားသမဂ္ဂ
ကိစ္စပါသလား၊ ဟုတ်သလားဟု ဖြစ်သည်။ဟန်ရှင်ဝင်းကဟုတ်တယ်၊ကြားတယ်။ဒါပေမဲ့ကျွန်တော် တို့ကတော့နိုင်ငံရေးမပါ ချင် လို့
ပြန လာခဲ့တယ်။ဘယ်ကလူတွေလဲမသိဘူးဟု ဖြောင့်ကွယ်၊မယုတ်မလွန်ဖြေသည်၊ ဦးဋ္ဌေးမြင့်က သူတို့ နဲ့မရောနဲ့သတိထား၊
ထောက်လှမ်းရေး
ကလိုက်နေပီ မင်းတို့ပါ
ပြဿနာတက်လိမ့်မယ်ဟု သတိ ပေးသည်။

             ဟန်ရှင်ဝင်းက "ကျွန်တော်တို့ နိုင်ငံရေးကို
စိတ်မ၀င်စားပါဘူး၊ ဦးသန့်ဈာပနကို စည်စည် ကားကားဖြစ်ချင်တာတခုပါဘဲ" ပြောရာ၊ဦးမင်းဆွေ
(ပြည်ချစ်ဗိုလ်မှူးထွန်းရွှေ၏ယောက္ဖနှင့်ငွေ
စာရင်းဌာနမှူး)ကဘာလိုချင်သလဲဟုမေးပေးလိုက်သောပစ္စည်းမှာ၊လက်ကိုင်မိုက်ခွက်တစ်လုံးဖြစ် သည်။ကျောင်းသားရေးရာဌာနပိုင်ဖြစ်ပြီး၊အသုံးလုံး၊သန်းခေါင်စာရင်းကောက်စသဖြင့်လုပ်စဉ်က အသုံးပြု သော လက်
ကျန်ပစ္စည်းဖြစ်သည်။ မိုိက်ကိုကိုင်သောသူကသာလူအုပ်ကိုခေါင်းဆောင်နိုင်သည် ထို့ကြောင့်လက်မလွှတ်ရန်သတိပေးသေး သည်။ ဟန်ရှင်ဝင်းတို့ အနေနှင့် ဦးသန့်ကို အလွန်ကြည်ညိုသည်၊
စည်စည်ကားကားလိုက်ပို့ရန်ဆန္ဒ တခုတည်းသာရှိသည်။ ထိုအချိန်က၊ ဖိန့်ဖိန့်တုန်အောင်ကြောက်ရသောကျောင်းသားရေးရာကဲ့သို့ ၀န်ထမ်းများနှင့်ဝန်ထမ်းကြီး များကပါမီးစိမ်းပြသလိုအလိုိတူအလိုပါအားပေးလာသည့်အခါ ပိုမိုရဲတင်း
လာသည်၊
ကျောင်းစာသင်ခန်း
များအတွင်းရဲတင်းစွာလိုက်လံစည်းရုံးသည်။
အတန်းယူသောဆရာများကလည်းလိုလားစွာခွင့်ပြုသည်၊
ခါတိုင်း
လည်းဗုဒ္ဒဘာသာအသင်း၊
သင်္ချာအသင်းကိစ္စများကိုလုပ်နေကြကျောင်းသားကြီး များ ဖြစ်လေ၍
လားမသိ။
လိုလားဟန်ပြသသည်ကို ၄င်းတို့မျက်နှာများတွင်အထင်းသားမြင်နေရသည်။
သင်္ချာအသင်း၊ EC များပါ
ပါဝင်ပြီး အသင်းလိုက်လှုပ်ရှားမှုကြီးအသွင်အလိုလိုဖြစ်လာသည်။ ငွေစုသည်၊ စာရင်းစုသည်၊ ကားစီစဉ်သည်၊ကျွေးမွေးရေးကိုစီစဉ်သည်။အစုလိုက်လူမကွဲရန်၊အမှတ်အသားများဝေငှခြင်း၊အတန်းလိုက်အခန်းလိုက်လိုက်ပါရမည့်ကားများကိုနံပါတ်သတ်မှတ်ခြင်း၊စသဖြင့်အုပ်စုလိုက်ရော၊အသင်း လိုက်ရော၊စုစုဝေးဝေး ဈာပန ကိစ္စကို
လိုက်ပို့ကြ ဘို့ နှိုးဆော်သည်၊ ဦးသန့်လိုဂုဏ်ပြုထိုက်သည့်
ပုဂ္ဂိုလ်မျိုးကို ယခုကဲ့ သို့ကွင်းလယ်ခေါင် ကျိုက္ကဆံမှာ
အခမ်းအနားမဲ့စွာခွေးသေလိုထားခြင်းကို ငါတို့ဘာလုပ်သင့်သနည်းဆိုသောအမေးများမှာကျောင်းသား များကိုမေးရိုးကြော များ
ထောင်ထ
လာအောင်ဒေါသထွက်ခံပြင်း စေသောအမေးများဖြစ်သည်။


 

မီးသွေးခဲလဲမဲသလို၊ကျောင်းတော် သားလဲရဲ
တယ်မို့လား?

ကြောက်သလားဟေ့မောင်တို့ရေ့ ! ပို့ မှာလားဟေ့မောင်တို့ရေ့!

ကမ္ဘာကသိတဲ့ဒုိ့ ဦးသန့် ကိုခွေးလို၊ကြမ်းပိုးလိုအဖြစ်ခံမှာ
လားဟေ့?

ကြောက်တဲ့သူနေခဲ့ကြ၊ ပို့ မယ့်သူလိုက်ခဲ့ ကြ"


 

ဆိုသောသွေးဆူစေသည့် အမေးကိုရောက်သောအခါ၊အားလုံး ပို့မယ့်သူ ချည်း ဖြစ်ကုန်ကြတော့ သည်။ ပွားနှုန်းကဟန်ရှင်ဝင်းတို့တနံနက်ဘဲစည်းရုံးရသည်။နေ့လည်၁၂နာရီကျော်တော့၊အဓိပတိလမ်း အပြည့်၊ အဆောင်ရှေ့မှာအပြည့်၊ရင်ပြင်နီ(တက္ကသိုလ်စာတိုက်ရှေ)့အပြည့၊်အဆောင်နေ ဟောကျူတာ ဆရာ ဦးမျိုးမြင့်(နောင်ကမာရွတ်မြို့နယ် NLD ဥက္ကဌဖြစ်မည့်သူ)နှင့်ဆရာဦးသင်းလှိုင်တို့သည် လည်း အုပ်ထိန်းရသော ဆရာအဖြစ်မှမေ့လျေ့ာပြီး၊ "၁၉၇၀ရွှေရတုပြီးလျှင်ဒါအစည်ဆုံးဘဲဟ" ဟုကျောင်း သား ကြားမှာလိုက်ပြောနေ သည်ကိုဝမ်းမြောက်စွာတွေ့ရသည်။ ဆိုရလျှင်၊ဆရာများရော၊ ကျောင်း သား များပါ မတိုင်ပင်ဘဲညီညွတ်ကြသည်ဆိုကမမှားချေ။


 

နိုင်ငံတော်ဈာပနအဖြစ်အစိုးရကမသတ်မှတ်သော်လည်းပြည်သူကကိုယ့်အသိစိတ်ဖြင့်ကိုယ်ညီညွတ်
စွာသတ်မှတ်လာခဲ့သည်။ လမ်းစဉ်လူငယ် ခေါင်း ဆောင်တွေ ကလဲ
သူ့အုပ်စုနှင့်သူ ပါလာတာ ကိုဟန်ရှင်ဝင်းမြင်တွေ့ရသည်။
ုစဉ်က ကိုဇော်ငြိမ်းလတ်သည်
(ယခုနိုင်ငံရေးကျဉ်းသားဟောင်း များအသင်းဥက္ကဋ္ဌ၊မဲဆောက်)
ရန်ကုန်ဝိဇ္ဇာသိပ္ပံ တက္ကသိုလ် ၏လမ်းစဉ်လူငယ်အတွင်းရေး
မှူးဖြစ် သည်။ သူတို့ကလဲ ကားတစီးနှင့်
မိုက်ခရိုဖုံး နှင့်ဖြစ်သည်။

စီးပွားရေးတက္ကသိုလ်

ကိုစိုးညွန့် (ပြောင်ကြီး)

ဦးသန့်အရေးအခင်းကို
ရေးလျှင် စီးပွားရေး တက္ကသိုလ်မှ  ဘောဂဗေဒအသင်းရဲ့ အထွေထွေ အတွင်း ရေးမှူး
ကိုစိုးညွန့် (ပြောင်ကြီး- ယခုနယူးယောက်မြို့)    ကိုလည်း ချန်လှပ်ထား၍ မရပါ။

ကိုစိုးညွန့်အမေ ၏မိဘများသည်
အညာ မုံရွာမှဖြစ်ပြီး အဖေကတော့ ဖျာပုံဇာတိ။. အသားညိုညို
ကိုယ်လုံးကိုယ်ထည်ကောင်းကောင်း မျက်နှာထား တည်တည်နှင့် ကိုစိုးညွန့်သည်
လုပ်မည်ဆိုလျှင် ဖြစ်အောင် လုပ်တတ်သူဖြစ်သည်။ စကားများများမပြော၊ ကြင်နာသော
မျက်လုံး၊ နှုတ်ခမ်းထူထူနှင့် စကားပြောလျှင် ပြတ်ပြတ်ပြောတတ်သူဖြစ်သည်။
မျက်နှာထားကြည့်ရုံနှင့် ယုံကြည်ထိုက်သူတဦး အဖြစ် ခံစားမိနိုင်သည်။
ထို့ကြောင့် ဘောဂဗေဒအသင်း၏ အထွေထွေ အတွင်းရေးမှူးအဖြစ်
လုပ်ရည်ကိုင်ရည်ကိုကြည့်ပြီး ကျောင်းသားများက ရွေးချယ်ခဲ့ခြင်းဖြစ်သည်။

ဒီဇင်ဘာလ (၁) ရက်နေ့ ဦးသန့်အလောင်း ရန်ကုန်မြို့ရောက်လာပြီးနောက်
သွားရောက် ကြိုဆိုခဲ့သူ ပညာရေးဒုဝန်ကြီး ဦးအောင်ထွန်းကို ရာထူးမှ
ထုတ်ပယ်လိုက်သည့်သတင်း ပြန့်နှံ့ နေချိန်ဖြစ်သည်။

ကိုစိုးညွန့်သည်
ဒေး (နေ့) ကျောင်းသားဖြစ်သည်။ စာမေးပွဲရက် နီးနေသဖြင့်  အုန်းတော
ဆောင်တွင် သူငယ်ချင်း
များနှင့် စာလာကျက်နေသည်။ ကိုစိုးညွန့်၏
အလွန်ရင်းနှီးသော သူငယ်ချင်း တဦးဖြစ်သူ

ဝါဏိဇ္ဇ
ဗေဒမှ ကိုဇော်မင်း
ကိုစိုးညွန့်စာကျက်ရာသို့ ပေါက်ချလာသည်။ "ဟေ့ စိုးညွန့် ဦးသန့်အလောင်း
ရန်ကုန်ရောက်လာပြီကွ၊ အဲဒါငါတို့ စီးပွားရေးတက္ကသိုလ်အနေနဲ့
လွမ်းသူ့ပန်းခွေချချင်တယ်၊ မင်းဘယ်လို သဘောရသလဲ" ဟု မေးသည်။ စိုးညွန့်က "အေး ငါမနက်ဖြန် အကြောင်းပြန်မယ်၊ အီကို ရှေ့မှာ တွေ့မယ်" ဟု
ပြောလွှတ်လိုက်သည်။ ကိုဇော်မင်းက မိုးညှင်းသား ဇွဲကပင်ဆောင်တွင် နေသည်။ "အေး
ကောင်းပြီး မနက်ဖြန်မှာ တွေ့မယ်" ဟု ပြောပြီး ဇော်မင်းပြန်သွားသည်။

နောက်တနေ့
ဒီဇင်ဘာလ (၃) ရက်နေ့တွင် စိုးညွန့်ကျောင်းသို့ ထွက်လာခဲ့သည်။ အတန်းက
နေ့လည် (၁၂) နာရီမှ စမည်၊ ကျောင်းရောက်တော့ ၉ နာရီခန့်ရှိပြီ၊
ဇော်မင်းအတန်းက မနက် ၇ နာရီခန့်စသည်။ သို့ရာတွင် စိုးညွန့်နှင့်
လွဲမည်စိုး၍ မတန်းမတက်ဘဲ အီကိုရှေ့
မှ
စောင့်နေသည်။ တွေ့သည်နှင့် ဇော်မင်းက
ဘယ်လိုလဲဟု မေးငေါ့ပြီး မေးသည်။ စိုးညွန့်က "အေး လုပ်ကြတာပေါ့ကွာ" ဟု
ပြောလိုက်သည်။ စိုးညွန့်က "ငါလုပ်နိုင်တာက ပန်းခွေပို့ပေးမယ်၊ ငွေကောက်မယ်၊
ဒါပေမဲ့ ဒီ့ပြင်အသင်းတွေကိုတော့ ငါမကောက်ရဲဘူးကွ၊ ငါ့အသင်း မဟုတ်ဘူး၊
စာရင်းအင်းတို့ ၀ါဏိဇ္ဇတို့က ငါနဲ့ မဆိုင်ဘူး" ဇော်မင်းက "အေးပါကွာ၊
မင်းတတ်နိုင်သလောက် လုပ်စမ်းပါ" ဟု ဆိုသည်။

စိုးညွန့်တို့
အုပ်စု
ပထမ စစချင်း
ဒုတိယနှစ်ကျောင်းသားများ အတန်းသို့ သွားရောက်ပြီး
ပိုက်ဆံကောက်သည်။
ဒုတိယနှစ်
ပြီးတော့ တတိယနှစ်၊ ပြီးတော့ မိမိ
တို့နောက်ဆုံးနှစ်ဘောဂဗေဒ
အတန်းသို့ သွားပြီးကောက်သည်။
အံသြစရာကောင်းလောက်အောင် ကျောင်းသားများက အားတက်သရော ငွေထည့်ဝင်ကြသည်။
လေးစားထိုက်သူကို လေးစားရမှန်း အသိတရား ရှိကြသည်။ ပညာတတ်များ ဖြစ်ပေသကိုး၊
စစ်အာဏာရူးတွေနဲ့ ဘယ်တူနိုင်ပါ့မလဲ။ ပိုက်ဆံရေကြည့်တော့ ငွေထောင့်ငါးရာခန့်
ရသည်။ ထိုခေတ်က ငွေတန်ဖိုးနှင့် ကြည့်လျှင် အတော်များသည်ဟု ပြောနိုင်သည်။
အီကိုကင်တင်းတွင် ဦးလှမောင်ထမင်းဆိုင်
မင်းအ၀စား ၆၅ ပြားဘဲ ပေးရသည်။ မုန့်ဟင်းခါး
အကြော်နဲ့တပွဲကို ၂၅ ပြားဆိုတော့ ငွေထောင့်ငါးရာသည် အတော်များသည်ဟု
ဆိုရမည်ဖြစ်သည်။

စိုးညွန့်
မြို့မခင်သို့သွားပြီး ယပ်တောင် (၁၀၀၀) တထောင်မှာသည်။ မြို့ထဲသို့
သွားပြီး ၂၈ လမ်းမှာပန်းခွေမှာသည်။ ဘတ်စ်ကား (၁၁) စီး စရံပေးပြီး ငှါးသည်။
ထိုအတောတွင်း ဒီဇင်ဘာ ၂ ရက်နှင့် ၃ ရက်နေ့များတွင် ကျောင်းသားများ
ကိုယ့်အစုနှင့်
ကိုယ် နီးစပ်ရာ ဖိတ်ကြားပြီး ဦးသန့်ဈာပနကိစ္စကို
ဆွေးနွေးကြသည်။


 


 

မောင်မောင်တိတ်


 

    မောင်မောင်တိတ် (ယခု ABSDF Judge) သည်
တက်ကြွသော စိတ်ပညာအဓိက
နောက်ဆုံးနှစ်ကျောင်းသားဖြစ်သည်။ တရုတ်ကပြားဖြစ်သော ကိုတိတ်သည် အသားဖြူဖြူ၊ မျက်လုံးကျဉ်းကျဉ်း အရပ် ၅ ပေ ၅ လက်မခန့် ရှိပြီး
စကားပြောသွက်လက်သူဖြစ်သည်။
ဒဂုံဆောင်အခန်း (၁၀၀) သည်၊ မောင်မောင်တိတ်၏ အခန်းဖြစ်သည်။ တိုက်တိုက် ဆိုင်ဆိုင် ဗိုလ်အောင်ကျော်နေခဲ့သည့် အခန်းဖြစ်သဖြင့် မောင်မောင်တိတ် ဂုဏ်ယူသည်။ ဦးသန့်အလောင်း ရန်ကုန်ရောက်လာမည်ကို သိသည့်အခါ စိတ်ပညာမှ သူငယ်ချင်း အဆောင် ကျောင်းသားဖြစ်သည့် နောက်ဆုံးနှစ် စိတ်ပညာမှသူငယ်ချင်းများဖြစ်သော စောလှငွေ (ယခု KNU အထွေ ထွေ အတွင်းရေးမှူး) ကို မြင့်ဟန်၊ ရခိုင်ကိုတင်စိုးနှင့် တတိယနှစ်ကျောင်းသား ကိုသောင်းအေး တို့နှင့် ချိန်း၍ မာလာဆောင်ရှေ့ မြက်ခင်းပြင်တွင် ကျောင်းသူများကို လာပိုးပန်းပြီး သီချင်း ဆိုသလို လုပ်ရင်း ဆွေးနွေးဖြစ်ကြသည်။ အကြောင်းမှာ ထောက်လှန်းရေးများ မရိပ်မိစေရန် ဖြစ်သည်။ အားလုံးက ဦးသန့်ကို နိုင်ငံတော်ဈာပနအနေနှင့် ချသင့်ကြောင်း သဘောတူသည်။ အကယ်၍ အစိုးရက မလုပ်ပါက လုပ်လာရန် ကျောင်းသားများတွင် တာဝန်ရှိသည်ဟု ဆုံးဖြတ် သည်။ မောင်မောင်တိတ် ဦးသန့်ကို ကုလသမဂ္ဂအထွေထွေ အတွင်းရေးမှူးအဖြစ် နောက်တိုင်း ဝတ်စုံဝတ်ထားသော်လည်း မိမိ၏ မိခင် ဒေါ်နန်းသောင်ကို ပဆစ်တုတ်ထိုင်ပြီး ရိုသေစွာ ရှိခိုး သော ပုံကိုတွေ့သည်တွက် လေးစားမိသည်။ မနက်ပိုင်း တရားထိုင်သည်ကြားတော့ ပိုမို၍ လေးစားလာမိသည်။ ကျူးဘားအရေးအခင်းတွင် တတိယ ကမ္ဘာစစ် အနုမြူစစ်ပွဲ အမေရိကန် နှင့် ရုရှားတို့ ထိပ်တိုက်ရင်ဆိုင်နေမှုကို ဖြန်ဖြေပေးနိုင်ခဲ့သဖြင့်လည်း ဂုဏ်ယူသည်။


 

ဂျွန်လ (၆) ရက် ၁၉၇၄ ခုနှစ် အလုပ်သမားအရေးအခင်းကို မဆလအစိုးရက စက်ရုံ များကို သူပုန်စခန်းစီးနင်းသလို ရက်ရက်စက်စက် ပစ်ခတ်သတ်ဖြတ် စီးနင်းခဲ့စဉ်က မောင် မောင်တိတ်တို့ ဒဂုံဆောင်မှနေ၍ သေနတ်သံများ မြည်ဟိန်းနေသံ၊ အလုပ်သမားတို့ ကြွေးကြော်သံ များကို အတိုင်းသားကြားနေခဲ့ရပြီး အလွန်စိတ်ထိခိုက်မိသည်။ ဗိုလ်နေဝင်း အစိုးရက ဆိုရှယ် လစ်ဟု ကြွေးကြော်ပြီး အလုပ်သမား လယ်သမား လူတန်းစားများ အကျိုးကို ဆောင်ရွက်မည်။ အလုပ်သမားများ အကျိုးခံစားခွင့်များကို ကာကွယ်စောင့်ရှောက်မည်ဟု ပြောကြားခဲ့မှုကို ကြားသည့်အချိန်တုံးက မောင်မောင်တိတ်က ကြိုက်သည်။ လက်တွေ့တွင် အလုပ်သမားများ၏ နစ်နာချက်များ၊ စားဝတ်နေရေး မပြေလည်၍ လခတိုးပေး ရန် ဆန္ဒပြမှုများကို အကြမ်းဖက်ရက်စက်စွာ နှိမ်နင်းခဲ့ပြီး အလုပ်သမား ခေါင်းဆောင်များကို နှစ်ရှည် အငြှိုးကြီးစွာ ထောင်ချခဲ့သည်ကို မြင်လာသည့်အခါ အစိုးရကို အော့နှလုံး နာလာခဲ့ သည်။ ယုံကြည်မှု ကင်းမဲ့လာခဲ့ရသည်။ ဦးသန့်ဈာပနကို နိုင်ငံတော် အခမ်းအနားမလုပ်ရင် ငါတို့ကျောင်းသားတွေမှာ တာဝန်ရှိတယ်။ ဘယ်ပါတီ ဘယ်နိုင်ငံရေးအဖွဲ့အစည်းမှ လွှမ်းမိုးမှု မခံဘဲ ကျောင်းသားအရေးအတွက် သန့်သန့်လုပ်ကြမယ်လို့ ဆုံးဖြတ်ခဲ့ကြသည်။

ဒီဇင်ဘာလ (၂) ရက်နေ့ရောက်တော့ မထူးတော့ဘူးဆိုပြီး မောင်မောင်တိတ်ရဲ့ အခန်း (၁၀၀) မှာ တက်ကြွတဲ့ ကျောင်းသားတွေ နီးစပ်သူတွေကို ဖိတ်ခေါ်ပြီး ဗြောင်ဆွေးနွေး ခဲ့ကြသည်။ မောင်မောင်တိတ်တို့ ၅ ဦးကတော့ အမာခံတွေပေါ့။ ဦးသန့်ဈာပနကို နိုင်ငံတော် ဈာပနအဖြစ်လုပ်မယ်လို့ ချပြီး ဆွေးနွေးလိုက်သည့်အခါ အခန်း ၁၀၀ တွင် လူတွေ ပြည့်လျှံလို့ သွားခဲ့သည်။ သတင်းကြား၍ ဆေး (၁)၊ စက်မှု၊ စီးပွားရေး၊ တိ-မွေး-ကု၊ ဂျီတီအိုင်၊ ပညာရေး တို့မှ ကျောင်းသားကိုယ်စားလှယ်များလည်း တယောက်စကားတယောက်ကြားပြီးတက် ရောက် လာကြသည့်အခါ မောင်မောင်တိတ်ရဲ့ အခန်း ၁၀၀ သည် လှုပ်ရှားသူတွေရဲ့ ဗဟိုချက်တခု ဖြစ်လို့ လာခဲ့ပါသည်။  အီကိုမှ ကိုစိုးညွန့်က
သူ့ကိုယ်စားလှယ်အဖြစ် ဂျော်နီကို လွှတ်၍ အစည်းဝေး
တက်စေသည်။        စည်းဝေးပွဲမှာ ရလာသမျှ သတင်း အချက်အလက်များကို
ဝိုင်းလုပ်ကြမည်ဟု တိုင်ပင်ကြသည်။

တက်ရောက်လာသူအားလုံးက နိုင်ငံရေး လွှမ်းမိုးမှု အယူဝါဒ ရေးရာ မပါဘဲ ဦးသန့်ဈာပနကို နိုင်ငံတော် ဈာပနအဖြစ် ကျိုးစားလုပ်ဆောင်ကြရန် သဘော ထား ကြိုက်ညီကြသည်။ နောက်ရက်တွေများမှာ ထပ်တိုးလာတဲ့ ကိုယ်စားလှယ်တွေ များလာသည့်အတွက် အီကို (စီးပွားရေးတက္ကသိုလ်) က စာသင်ဆောင် AE10 မှ ပြောင်းရွေ့ပြီး ဆွေးနွေးခဲ့ကြသည်။ ဆွေးနွေးမှုတွင် လမ်းစဉ်လူငယ် မှ လူတချို့က ခြေလျှင်ချီတက်မည့် အကြောင်း တင်ပြသည်။ မောင်မောင်တိတ်တို့က ခြေလျှင်ချီတက်သည် ကို် လက်မခံ။ မောင်မောင်တိတ် စိုးရိမ်သည်က ခြေလျှင် ချီတက်လျှင် လမ်းတွင် ကျောင်းသူလေးများကို ထိကပါး ယိကပါး လုပ်လျှင် ကျောင်းသားများနှင့် ရန်ဖြစ်မည်။ ပွဲပျက်မည်။ သို့မဟုတ် အရက်တိုက်ပြီး လူမိုက်များနှင့် လမ်းခရီးတွင် ရန်ပွဲဖန်တီးမည်ဆိုလျှင် ပွဲပျက်မည်။ အကောင်း ဆုံးက ဘတ်စကားများနှင့် ချီတက်ခြင်းပင် ဖြစ်သည်ဟု အကြံပြုသည်။


 

ကျောင်းသားအားလုံး၏ စိတ်တွင် ဈာပနကို သွားပြီး ဂါရဝပြုတာဘဲဖြစ်သည်။ ဖမ်းချင် ဖမ်း ဖမ်းပလေ့စေဆိုသည့် စိတ်ဓာတ်များက ကိန်းဝပ်လို့ နေကြသည်။ မောင်မောင်တိတ်တို့ ၅ ယောက်ရဲ့ အပြောအကောင်းမှုကြောင့် ဘတ်စကားများဖြင့် သွားရေးက အတည်ဖြစ်လို့ သွားသည်။


 

    ဒီလိုနဲ့ ၃ ရက် ၄ ရက်နေ့တွေမှာလည်း အစည်းအဝေးတွေလုပ် အဆောင်တွေမှာ စည်းရုံး၊ စာသင်ခန်းတွေမှာ ဝင်ပြောနှင့် မောင်မောင်တိတ်တို့ စောလှငွေတို့အား အားတက် သရော နေ့မအားညမအား ဝိုင်းလုပ်ကြသည်။ စိတ်ဓါတ်တွေလည်း တက်ကြွလို့ နေကြသည်။ စာသင်ခန်းထဲသို့ ဝင်ပြီး ဆွေးနွေးလျှင် ဆရာ၊ ဆရာမများက စာသင်ခန်းထဲမှ လိုလိုလားလား ထွက်ပေးပြီး ဆွေးနွေးခွင့်ပြုသဖြင့် အားလုံးအားတက်လာခဲ့ကြသည်။ အစည်းအဝေးတွင် ပါဝင် ခဲ့သော ကျောင်းသားများ ကိုယ်စားလှယ်များကလည်း မောင်မောင်တိတ်တို့ ၎င်းတို့ စာသင် ခန်းထဲ ဝင်လာလျှင် ချိတ်ဆက်ရှိသူများပီပီ လိုလိုလားလား ဝင်ရောက်ဆွေးနွေးပြီး အတန်း သားများကို စည်းရုံးသဖြင့် လူတိုင်းလိုလို ပါဝင်လာခဲ့သည်။ မောင်မောင်တိတ်တို့က အစည်း အဝေးလုပ်လျှင် အဆောင်နေ ကျောင်းသားများကိုသာ လက်ခံသည်၊ နေ့ကျောင်းသားများကို သိပ်လက်မခံချင်။ အစိုးရသူလျှိုများ၊ ဒေးကျောင်းသားများအနေနှင့် ဝင်ရောက်လာမည်စိုး၍ ဖြစ်သည်။ အဆောင်နေကျောင်းသား အချင်းချင်းတော့ ပြဿနာမရှိ။ စာသင်ခန်းတွင်း ဝင်ရောက်ဆွေးနွေးရင်း ဘတ်စကားငှါးရန် အလှူငွေကောက်သည့်အခါ ကျောင်းသားကျောင်း သူများက ရက်ရက်ရောရောလှူကြသည့်အတွက် အားလုံးဝမ်းသာ ကြည်နူးခဲ့ကြသည်။ တယောက်နှစ်ကျပ်နှူန်း ဖြင့်ငွေကောက်ခံရာဘတ်စကားအစီး ၃၀ စာရသည်။

ဒီဇင်ဘာလ (၄) ရက်နေ့များတွင် အီကိုမှာရှိသော အခန်း (၄)၊ ဒဿနိကဗေဒက လူတွေနဲ့
သီရိဆောင် နောက်ဖက် AE4 နှင့် AE 10 မှာ အစည်းအဝေးလုပ်ကြသည်။ ဒဿနိကအဖွဲ့က RASU (ရန်ကုန်ဝိဇ္ဇာသိပ္ပံ တက္ကသိုလ်) ဆိုပြီးလုပ်သည်။ ဦးသန့်ဈာပနအတွက်
အစည်းအဝေးလုပ်ကြသော အုပ်စု (၃) စု ဖြစ်သည်။ တောင်ငူတိုးချဲ့ဆောင်မှ တဖွဲ့၊
ဒဂုံဆောင်တွင် တဖွဲ့၊ ဒဿနိက AE4 တွင် တဖွဲ့ဖြစ်သည်။

ဒီဇင်ဘာလ (၅) ရက်နေ့

 ဒီလိုနဲ့
ဒီဇင်ဘာလ (၅) ရက်နေ့ ရောက်လာသည်။ မနက် ၈ နာရီကျော်လောက်မှ စာရင်းအင်းကျောင်းသားကိုသန်းဝင်းက "ဦးသန့်ဈာပနကို လိုက်ပို့မယ့်သူတွေ ဒီမှာတန်းစီပါ" လို့ အော်လိုက်သည်။ အဲဒီအချိန်မှာဘဲ ကားနဲ့ မပို့ဘူး ချီတက်မယ်ဆိုတာ ဖြစ်လာသည်။

အီကိုရှေ့တွင်ရှိ
ဘတ်စ်ကားများ တန်းစီရပ်ထားပြီး ကားပေါ်သို့ ကျောင်းသူ ကျောင်းသားများက
ဝင်ရောက်ထိုင်နေကြပြီဖြစ်သည်။ ကိုစိုးညွန့်က အဓိပတိလမ်းမပေါ်တွင် အခြား
မေဂျာမှ ကျောင်းသားများ လမ်းလျှောက်ချီတက်ရန် တာစူနေသည်ကို တွေ့သဖြင့်
အီကိုရှေ့တွင် ရပ်ထားသော ကားများရှေ့မှနေပြီး "အသုဘ ပို့မယ့်သူများခင်ဗျာ
အပြင်မှာ တန်းစီကြပါ" လို့ ဆော်သြလိုက်သည်။ သူ့အသံဝါကြီးနဲ့ အော်လိုက်သံကို
ကြားရတော့ ကျောင်းသူ ကျောင်းသားတွေဟာ အသာတကြည် လိုလိုလားလားဘဲ ကားတွေပေါ်က
ဆင်းလာပြီး လေးယောက် တတန်း တန်းလိုက်ကြသည်။ အဲဒီအချိန်မှာဘဲ
အော်ဒါမှာထားတဲ့ ယပ်တောင်တွေ ရောက်လာလို့ ကိုစိုးညွန့်က သူ့လူတွေနဲ့
စီးပွားရေးတက္ကသိုလ်က ကျောင်းသားတွေကို လိုက်ဝေသည်။

ကိုစိုးညွန့်တို့လိုယပ်တောင်တွေဝေတဲ့အခြားအဖွဲ့နှစ်ဖွဲ့ရှိသေးသည်။တဖွဲ့ကဦးသန့်မိသားစု၊ သူတို့ကလဲ
ယပ်တောင်တွေ လာပြီးပေးသည်။ နောက်တဖွဲ့က နိုင်ငံခြားဘာသာ တက္ကသိုလ်မှ ကျောင်းသားများ
ဖြစ်သည်။ ကိုခင်မောင်အေး ဦးစီးပြီးဝေသည်။ ကားတွေ မလိုတော့တဲ့အတွက်
ကိုစိုးညွန့်ကားတွေကို ပြန်ခိုင်းလိုက်သည်။ အီကိုကင်တင်းမှာ အခန်း (၃)
ခန်းရှိသည်။ ၁၃,၁၄,၁၅ တို့ဖြစ်သည်။ သက်သာချောင်ချိရေး လက်ဘက်ရည်ဆိုင်နှင့်
မျက်စောင်းထိုးလေးတွင်ဖြစ်သည်။ ထိုအခြမ်းမှ ကျောင်းသားတွေ ချီတက်လာပြီး
ပူးပေါင်းလိုက်တော့ အင်အား တထောင်ခန့် ဖြစ်လာ သည်။ RASU (၀ိဇ္ဇာသိပ္ပံ) က ကျောင်းသားတွေကလည်း သူ့မေဂျာနဲ့သူ အဓိပတိ လမ်းမကြီး
တလျှောက် အီကိုကနေ မိန်းဂိတ်နားအထိ လူတန်း
ကြီး ဖြစ်နေတယ်။ အက္ခရာစဉ်အလိုက်
မေဂျာခွဲပြီး စံနစ်တကျတန်းစီပေးကြသည်။ထိုအထဲတွင်အနက်ရောင်တူညီဝတ်စုံဝတ်ထားသည့်ရှမ်းကျေင်းသူ
များသည်အလွန်ကြက်သရေရှိသည်။
၉ နာရီခွဲလောက်မှာ စထွက်လာပြီး
လမ်းမှာ နိုင်ငံခြားဘာသာ တက္ကသိုလ်က ကျောင်းသားတွေက လာပေါင်းကြတော့ ပို၍
မြိုင်သွားသည်။

မောင်မောင်တိတ် တို့ အုပ်စုက ဘတ်စ်ကားများကို နေ့လည် ၁၁ နာရီလောက်တွင် တက္ကသိုလ်ဓမ္မာရုံဝင်းအတွင်း စောင့်ဆိုင်းထားသည်။ ထိုအချိန်တွင် ဟန်ရှင်ဝင်းတို့ အုပ်စုကလည်း ၎င်းတို့ ဘတ်စ်ကား များကို ဓမ္မာရုံဝင်းအတွင်း စီစဉ်ထားသဖြင့် ဘတ်စ်ကားများ ဓမ္မာရုံဝင်းနှင့် တက္ကသိုလ်စာတိုက်၊ တက္ကသိုလ်ဆေးရုံတဝိုက်တွင် တန်းစီပြီး ရှိလာခဲ့သည်။ ဟန်ရှင်ဝင်းက တက္ကသိုလ်ဝင်းနှင့် ဓမ္မာရုံသို့ ကူးတုံခေါက်တုံ လုပ်သလို ကိုတိတ်တို့ အုပ်စုကလည်း လုပ်သည်။ တဦးကိုတဦး တအုပ်စုကို တအုပ်စု ဂရုမပြုမိကြ။ ကိုယ့်အသိုင်းအဝိုင်းနှင့်ကိုယ် လုပ်နေကြသည်။ အားလုံး ဇောကပ်နေကြသဖြင့် ကိုယ့်အလုပ်ကို ပြီးအောင်သာ အာရုံစိုက်နေကြ၊ တက်ကြွနေကြခြင်း ဖြစ်သည်။ ပုတက်ပုတက်နှင့် ဟန်ရှင်ဝင်းတယောက် ကိုတိတ်နား ဖြတ်သွားတတ်သလို မျက်မှန်တဝင့်ဝင့်နှင့် စကားကျယ်လောင်စွာ ပြောရင်း ဖြတ်သွားတတ်သည့် ကိုတိတ်ကိုလည်း ဟန်ရှင်ဝင်းက ဂရုမစိုက်အား။ တင်မောင်ဦးနှင့် ထွန်းအောင်ကျော်တို့အုပ်စုတွေကလည်း ကျောင်းဝင်းကျောင်းပြင်ရှိ ကျောင်းသားများနှင့် ကိုယ့်အုပ်စုနှင့်ကိုယ် အလုပ်ရှုပ်နေကြသည်။ တယောက်နှင့် တယောက် မြင်တွေ့နေကြသော်လည်း နံမည်မမေးကြ။ မမေးရဟု မပြော သော်လည်း ဘယ်သူ့ကိုမှ မယုံရ။ ထို့ကြောင့် မစပ်စုရဆိုသည်က အလိုလို နားလည်ပြီးသား ကိစ္စဖြစ်သည်။ ဖိနှိပ်ခံထားရသော လူ့ပတ်ဝန်းကျင်တွင် ထိုကဲ့သို့ လုပ်မှသာ လုံခြုံမှု ရှိနိုင်မည်။ မိမိကိုယ်ကို ကာကွယ်နိုင်ဆိုသည်ကို လူတိုင်းက မသင်ဘဲနှင့် သိနေကြသည်။ ဖိနှိပ်ခံထားရ သည့် ဘဝတွင် ထိုသို့ လုပ်ရဲခြင်းပင်လျှင် လေးစားချီုးကြုးထိုက်ခြင်းပင် ဖြစ်သည်။


 

မနက်ပိုင်း ၉ နာရီလောက်တွင် စုဝေးလာသော ကျောင်းသားများ လမ်းလျှောက် ချီတက်သွားကြပြီးပြီ။ သို့ရာတွင် နေ့ကျောင်းသားများကလည်း တဖွဲဖွဲ လာရောက် ပူးပေါင်း ကြသဖြင့် နေ့လည်ပိုင်းတွင် လူများ အဓိပတိလမ်းမပေါ်တွင် ပြည့်လျှံလာခဲ့သည်။ မေဂျာ အလိုက် ကျောင်းသားကျောင်းသူများ အက္ခရာစဉ်ဖြင့် ညီညွတ်စွာ စီကြပြန်သည်။ မောင်မောင် တိတ်တို့က ကားအစီး ၃၀ ခန့် ငှါးပြီး နေ့လည်လောက်တွင် ထွက်ကြသည်။


 

ချီတက်ခြင်း

ကိုတင်မောင်ဦးကို နှုတ်ဆက်ပြီး ပြန်လည်ဆုံမည့် ဆုံချက်နေရာကို ပြောပြီးနောက် ထွန်းအောင်ကျော်နှင့် ရဲမြင့်သိန်းတို့ နိုင်ငံခြားစာသင် သိပ္ပံသို့ ထွက်လာခဲ့ကြပါသည်။ ကျောင်းသို့ ရောက်သောအခါ ဂျပန်ဘာသာ၊ ပြင်သစ်ဘာသာ၊ ဂျာမန်ဘာသာ အတန်းတက်ရောက်နေသော ကျောင်းသားများလည်း သူ့အစုနှင့် သူ တန်းစီ၍ နေသည်ကို တွေ့ရသည်။ ထွန်းအောင်ကျော် အတန်း မှ ခင်မောင်အေး၊ ဂျော့၊ အေးအေးမူ စသည်တို့နှင့်အတူ ပူးပေါင်း၍ ကျိုက္ကဆံကွင်းသို့ ချီတက်ခဲ့ ကြပါတော့သည်။

ထွန်းအောင်ကျော်တို့၏ နောက်တွင် ရန်ကုန်တက္ကသိုလ်မှ ကျောင်းသားများ စီးပွားရေးတက္ကသိုလ်မှ ကျောင်းသားများကလည်း ချီတက်လာကြသဖြင့် ရှည်လျားသော လူတန်းကြီးမှာ အားရစရာ ကောင်းလှပါသည်။ ကျောင်းသားများ နည်းတူ ပြည်သူများ၊ ရဟန်းသံဃာများကလည်း ကိုယ့်အသိစိတ်နှင့် ကိုယ် ကျိုက္ကဆံကွင်းသို့ သွားနေကြသဖြင့် ကွင်းနှင့် နီးလာလေလေ လူထုကြီးက များလာလေလေ ဖြစ်လာပါသည်။ ကျိုက္ကဆံကွင်း ရောက်တော့ ၁၁ နာရီခန့်ရှိပြီ။ ကျိုက္ကဆံကွင်းထဲသို့ ရောက်သည့်အခါ ထွန်းအောင်ကျော်နှင့် ရဲမြင့်သိန်းတို့ လူစုခွဲပြီး တင်မောင်ဦးတို့နှင့် ချိန်းချက်ရာ ဦးသန့်အလောင်းစင်၏ အရှေ့ဘက်ကွင်းတွင် နေရာယူ စောင့်ဆိုင်းနေခဲ့ကြပါသည်။ ထွန်းအောင်ကျော်တို့ အုပ်စုပေါင်း ၂၀ ခန့် ရှိပါသည်။

 ဟန်ရှင်ဝင်းက ကျောင်းသားရေးရာဌာနမှ
လောက်စပီကာနှင့် အသံချဲ့စက် ကိုယူပြီး ဒေါဂျစ်ကား
ပေါ်တင်
သည်၊သင်္ချာဌာန ရှေ့တွင် ဘတ်စကားများ
ရပ်ထားစေသည်၊အဓိပတိ
လမ်းမကြီး
ပေါ်တွင်
လည်း ဘတ်စကားများ တန်းစီရပ်စေသည်၊ဟန်ရှင်ဝင်း တယောက်သိပ္ပံဌာနနှင့်
တက္ကသိုလ်
ဓမ္မာရုံ အကြားလူးလားခေါက်တုံ ပြေးနေရသည်။မထင်မှတ်ဘဲ ကျောင်းသားများစုဝေး
လာ
သဖြင့်
ပျော်ရွှင်လျက်ရှိသည်၊လူစုံစေရန် ကားဆရာများကို ၁၂ နာရီတွင် မထွက်ဘဲ ၁ နာရီ
ခန့်တွင်
ထွက်ရန်ပြောရသည်။ကားဆရာ အချို့ကလည်း အခြား အော်ဒါရှိသဖြင့် ငွေပိုပေး
သော်လည်း မစောင့်နိုင်ဟုပြောသည်၊ကျောင်းသားများကလည်း
မစောင့်တော့ပဲ ထွက်ချင်
ကြသည်၊၉ နာရီ ၁၀ နာရီခန့်က ကျောင်းသားအုပ်စုများ လမ်းလျှောက်၍
ထွက်သူက
ထွက်
သွားကြပြီးဖြစ်သည်။စီးပွားရေးတက္ကသိုလ်မှ  ကျောင်းသားများကလည်း၎င်းတို့ဘတ်စ
ကား
များ
ကို ပြန်လွတ်ပြီး
လမ်းလျှောက်ချီတက် သွားကြပြီးဖြစ်သည်။ကျောင်းသို့ကျောင်းသား
များ
တဖွဲဖွဲ ရောက်လာနေဆဲဖြစ်သဖြင့်
ပထမ အသုတ်လမ်း
လျှောက်ချီတက်သွားကြသူများနေရာ အဓိပတိ လမ်းမကြီးပေါ်တွင် နောက်ရောက်လာသော
ကျောင်းသားများဘတ်စကားများဖြင့်
ပြည့်ကြပ်လို့လာ
ခဲ့သည်။

၁၂ နာရီခန့်တွင် မည်သို့မျှတားမရ
တော့ဘဲကျောင်းသားများပါဝင်
သည့်
ဘတ်စ
ကား
ကြီးများ ကျိုက္ကဆံကွင်းသို့ထွက်
သွားခဲ့ကြသည်။ဟန်ရှင်ဝင်းတို့
တသိုက်
လည်း မည်သို့မျှ
စီမံခန့်ခွဲရန် မတတ်နိုင်တော့ဘဲ ဒေါ့ဂျစ်ကားဖြင့် ကျိုက္ကဆံကွင်းသို့ ထွက်
ခဲ့ရသည်။မည်သို့ပင်
ဖြစ်စေကာမူ ကျောင်းသားအများ အပြားလိုက်ပါပို့
ဆောင်သည်ကိုတွေ့
ရသဖြင့် ဟန်ရှင်ဝင်း
ကျေနပ်သည်၊ပျော်သည်။
ဟန်ရှင်ဝင်းကကားနှင့်ဒရိုင်ဘာနှင့်
လောက်စပီကာ
တခုဖြင့် ကားပေါ်တွင် လက်ကိုင် လောက်စပီကာ ဖြင့် ကျိုက္ကဆံကွင်းသို့ တက်ကြွစွာချီတက်
လာခဲ့သည်။
ကျိုက္ကဆံကွင်းသို့ ၁ နာရီ
လောက်ရောက်သည်၊ကွင်းထဲတွင် ဦးသန့်အလောင်းစင် အရှေ့ဖက်တွင်
ကားကိုရပ်ပြီး စည်းကမ်းတကျ ပို့ဆောင်ဖို့ နိုးဆော်နေသည်။
ဟန်ရှင်ဝင်းတို့ကားနှင့်
မလှမ်းမကမ်းတွင်
စန်းအောင်ကြည်တို့ လမ်းစဉ်လူငယ်မှ မိုက်ခရိုဘတ်စ် တစီးကလည်း စည်းကမ်းကျနစွာ သိုက်သိုက်ဝန်းဝန်း
လိုက်ပို့ဖို့ ဆော်သြနေကြသည်။

ကျိုက္ကဆံကွင်းထဲမှာဆုံကြပြီ

ဦးသန့်ဈာပနကို
ပို့ဆောင်ကြမယ့် ရဟန်းရှင်လူ ကျောင်းသားပြည်သူတွေ ကျိုက်ကဆံ
ကွင်း
ထဲမှာ ဆုံဆည်းစုဝေးကြတဲ့
အချိန်ဟာ နေ့လည် ၁နာရီခန့်မှာဖြစ်ပါသည်။ဦးသန့်အလောင်း
စင်ရှေ့ဖက်မှာ ကိုတင်မောင်ဦး၊
ကိုထွန်းအောင်ကျော်တို့
တသိုက်က
နေရာ
ယူကြပြီး ဦးသန်အလောင်းစင်နဲ့ ကိုတင်မောင်ဦးတို့ကြား ကွက်လပ်မှာတော့ ကိုဟန်ရင်ဝင်းတို့
အဖွဲ့က
ကျောင်း
သားရေးရာက စီစဉ် ငှားရမ်း ပေးလိုက်တဲ့ ဒေါ့ဂျစ်ကားနဲ့ လောက်စပီကာနဲ့
ရှိ
နေပါသည်။၎င်းတို့နှင့် မလှမ်းမကမ်းမှာ လမ်းစဉ်လူငယ်က စန်းအောင်ကြည်
တို့အုပ်
စုကလည်း
မိုက်ကရိုဘတ်စ်ကား တစ်စီးနဲ့ရှိနေပါသည်။
ကိုစိုးညွန့်တို့ စီးပွားရေးအုပ်စု
ကလည်း သီးသန့်
ပွဲစဉ်ရဲ့ မြောက်ဖက် နားမှာ နေရာယူထားပြီး အခြေနေကို အကဲခပ်
နေပါသည်။ကျောင်းသားအများစုဟာ
ဦးသန့်ကို အစိုးရက မထီမဲ့မြင် မျက်ကွယ်ပြုပြီး နိုင်ငံတော် အခမ်းအနားနဲ့ မချတာကို
ခံပြင်းနေကြပါသည်။ဒါကြောင့်လည်း ခံပြင်းစိတ် မခံချင်စိတ်နဲ့ သူတို့ဂရုမပြုပေမဲ့
ငါတို့ကတော့
ဂုဏ်ပြုထိုက်သူကို ဂုဏ်ပြုမယ်ဆိုတဲ့ စိတ်နဲ့ ကျိုက္ကဆံ ကွင်းထဲကို စိတ်ပါလက်ပါနဲ့ လိုက်ပို့ကြတာဖြစ်ပါသည်။ပထမ
စစချင်းတော့ ကျောင်းသားအများစုမှာ အစိုးရ အပေါ် ကြေနပ်ဖြစ်တာ
ကလွဲလို့ အစိုးရ ဆန့်ကျင်ရေးကိုစဉ်းစားကြပါဘူး၊နိုင်ငံရေး အတွေ့အကြုံကနဲပါးတဲ့အပြင် နိုင်ငံရေးလုပ်တဲ့ ကျောင်းသား
တွေ
ကျောင်းဝင်းအတွင်းက ကြက်ပျောက်ငှက်ပျောက် ပျောက်သွားခဲ့တာတွေကို ကြားသိနေ
ရလို့ မကြေနပ်ပေမဲ့
ဦးဆောင်ပြီး ဆန့်ကျင် လိုတဲ့စိတ်မရှိကြပါဘူး။ဒါပေမယ့် ဦးဆောင်ပေး
မဲ့သူရှိလာတဲ့ အခါ၎င်းတို့ရဲ့
ငုတ်နေတဲ့ အခံချင်စိတ် မီးခဲလေးဟာ လေအပင့်မှာ ဟုန်းခနဲ့ မီးတောက်အဖြစ် တောက်လောင်သွားခဲ့ခြင်း
ဖြစ်ပါသည်။

တင်မောင်ဦ

 တင်မောင်ဦးသည်
ဒုတိယနှစ်သတ္တဗေဒတက်နေစဉ် နိုင်ငံရေးလှုပ်ရှားမဖြင့်၁၉၇၂ခုနှစ် ဒီဇင်ဘာလ ၅ရက်နေ့ တွင် အဖမ်းခံရသည်၊
ထို့နောက် အင်းစိန်ထောင်တွင်း
အချုပ်နှင့်နေရပြီး ၁၉၇၃ ခုနှစ် ဇန်နဝါရီလ ၃ ရက်နေ့တွင် လွတ်လာသောအခါ ဒုတိယနှစ်တွင် ပြန်လည်ပညာသင်ကြားပြီး ဦးသန့်အရေးအခင်းဖြစ်စဉ်တတိယနှစ် တက်နေသည့်ကျောင်းသား ဖြစ်သည်။
ကိုပေါက်က
မိတ်ဆက်ပေးသဖြင့် ကိုထွန်းအောင်ကျော်နှင့် ရင်းနီးခဲ့ရသည်။
ကိုထွန်းအောင်ကျော်သည် ပိန်ပိန်ပါးပါး
အရပ် ၅ ပေ ၈ လက်မခန့်ရှိပြီး မျက်လုံးမျက်ဖန်
ကောင်းကောင်း၊နှာတံပေါ်ပေါ်နှင့် လူရည်သန့်တယောက်ဖြစ်သည်၊အသားဖြူပြီး
တောက်ပ
သော
မျက်လုံးများကြောင့် ယုံကြည်
ထိုက်သူတဦးဟု အကဲဖြတ်မိသည်။
စကားပြော
လျှင်
မျက်လုံးတည့်တည့်ကိုကြည့်ပြီး
ပြောတတ်သူ
တဦးဖြစ်ပြီး အမြဲပြုံးယောင်
သန်းနေသော နုတ်ခမ်းများက လောကကြီးကို သရော်နေ
သယောင်ထင်ရသည်။

 ဦးသန့်ဈာပနတွင်ကျောင်းသားသမဂ္ဂဖွဲ့စည်းရေးကိုကျိုးစားသင့်ကြောင်းတောင်ငူတိုးချဲ့
ဆောင်တွင် ဆွေးနွေး
တင်
ပြသည့်အခါ
စိတ်ပညာကျောင်းသားများက ထောက်ခံဆွေးနွေးပြီး သင်္ချာအဓိက
ကျောင်းသား ဟန်ရှင်ဝင်းနှင့်အဖွဲ့က
နိုင်ငံရေးမပါသင့်ကြောင်း
ကန့်ကွက်ပြီး အစည်းဝေးမှ
ထွက်ခွာသွားခဲ့သည်။

 ထွန်းအောင်ကျော်၊ရဲမြင့်သိန်းတို့နှင့်သစ်ပုတ်ပင်ကြီးရှေ့တွင်
တဖန်တွေ့သည့်အခါ ပူးပေါင်း
လုပ်ကြရန် သဘောတူညီချက်ရသည်။ထွန်းအောင်ကျော်မျက်နှာက တခုခုလုပ်ရန်ပိုင်း
ဖြတ်
ထားပုံမြင်ရသည့်အတွက်
အားရမိသည်။ထို့ကြောင့် ဒီဇင်ဘာလ (၅)ရက်နေ့တွင် အတူတကွ
ဝိုင်းလုပ်ကြရန် ဆွေးနွေးဖြစ်သည်။

ဦးသန့်အလောင်းစင်ထားရာရှေ့ဖက်ကွက်လပ်တွင်စုရပ်အဖြစ်တွေ့ရန်သတ်မှတ်ခဲ့ကြသည်။
သတ္တဗေဒ၊သင်္ချာနှင့်စိတ်ပညာကျောင်းသားများ၊စိတ်ဓာတ်တူညီသူများ၊ကျောင်းသားသမဂ္ဂ
ပြန်လည်ဖော်
ဆောင်ရေးကို
ကျိုးပန်းလိုသူများ အားလုံးလက်တို့၍ မနက်၁၀ နာရီခန့်တွင် မိန်းမှ အဓိပတိလမ်းအတိုင်း
လမ်းလျှောက်ချီတက်ခဲ့ကြသည်။

ကျိုက္ကဆံကွင်းသို့နေ့လည်ခန့်တွင်ရောက်သည်။ကျောင်းသားပြည်သူများ၊ရဟန်းသံဃာတော်များ ကွင်းလုံးပြည့် ရောက်ရှိလာကြသည်။၎င်းတို့၏မျက်နှာများကတစုံတခုကိုမျှော်
လင့်နေ
ပုံ
ရသည်။
ဦးသန့်အားလူသာမန်တို့မြှုပ်ရာနေရာဖြစ်သည့်ကြံတောသုဿန်တွင်
မြှုပ်နှံစေ
ခြင်း
ကို လာရောက်
သူ
များအားလုံးကြေနပ်ပုံမရ။အားလုံး မျက်နှာထားများက ထိုမကြေ
နပ်
ချက်ကို
ဖော်ပြနေကြသည်။

တင်မောင်ဦးက
ထိုအချက်သည် ဖောက်ခွဲရန် အချက်ဖြစ်သည်။အားလုံးမကြေနပ်ချက်ကို သူ့အနေ
နှင့်ရဲရဲဝင့်ဝင့်
ထုတ်ဖော်ပြောဆို၍ စည်းရုံးလျှင် ပေါက်နိုင်သည်ဟု ယုံကြည်သည်။
ထို့ကြောင့် ထွန်းအောင်ကျော်တို့အုပ်စုကိုတွေ့သည်နှင့်
မိမိကစ၍ ပြောမည်ကိုတင်ပြ
သည်။
ထွန်းအောင်ကျော်က ပြတ်ပြတ်သားသား ထောက်ခံသည်


 

ထွန်းအောင်ကျော်

မကြာခင် ကိုတင်မောင်ဦးနဲ့ အဖွဲ့ရောက်လာသည်။ သူနှင့်အတူ လူ ၃၀ ခန့် ရှိသည်။ အားလုံး မျက်ခင်းပြင်တွင် ထိုင်အနားယူပြီး ဈာပနချမည့် အချိန်ကို စောင့်နေကြသည်။ အနောက်ဖက် ပွဲကြည့်စင် ဘယ်ဖက်ဒေါင့်တွင် အ၀ါရောင်လွှမ်းနေသည်ကို တွေ့ရ၍ ဘုန်းကြီးတွေ အများသား ကလားဟု ထွန်းအောင်ကျော်ဆိုမိသည်။

ထွန်းအောင်ကျော်တို့နှင့် မလှမ်းမကမ်းတွင် ဒေါ့ဂျစ်တစီးရှိပြီး ၎င်းဒေါ့ဂျစ်ပေါ်တွင် လော်စပီကာနှင့် လမ်းစဉ်လူငယ်များ ရှိပါသည်။ ၎င်းတို့ထဲတွင် ထွန်းအောင်ကျော ဟိုက်စကူးတက်စဉ်က ၎င်းထက်နှစ် တန်း ငယ်သော ဋ္ဌေးအောင်ကြည်၊ ဆန်းအောင်ကြည်အမွှာညီအစ်ကို ကိုလည်း တွေ့ရပါသည်။ သူတို့လည်း တက္ကသိုလ်ရောက်ပြီး လမ်းစဉ်လူငယ်တွေ ဖြစ်နေပါပေါ့လားဟု တွေးလိုက်မိသည်။ ၎င်းတို့အဖေသည် မရမ်းကုန်းမြို့နယ် ပါတီယူနစ်ဥက္ကဋ္ဌဟု ထွန်းအောင်ကျော် ကြားဖူးပါသည်။

ထိုကားအပြင် စတေရှင်ဝက်ဂွန်ကားတစီးတွင်လည်း လော်စပီကာတပ်ထားပြီး စည်းကမ်းတကျရှိဘို့ ပြောကြားနေသည်ကို တွေ့ရပါသည်။ ၎င်းကားများပေါ်မှ ``ကျွန်တော်တို့ လေးစားအပ်တဲ့ ခေါင်းဆောင်ကြီး ဦးသန့်ကို စည်းကမ်းစံနစ်ကျစွာနဲ့ လိုက်ပါပို့ဆောင် သဂြိုလ်မှာ ဖြစ်တာကြောင့် အားလုံး ငြိမ်းချမ်းစွာ ပို့ဆောင်ကြဘို့ နောက် ဂါရ၀ပြုကြဘို့ မေတ္တာရပ်ခံအပ်ပါကြောင်း´´ ပြောကြားနေခဲ့ပါသည်။

ထွန်းအောင်ကျော်တို့ တသိုက်က ထိုအသံကြားလေ စိတ်အချဉ်ပေါက်လေ ဖြစ်လာပြီး၊ ``ကဲ ငါတို့ ဘယ်လို ဆက်လုပ်ကြမလဲ၊ ဦးသန့်အလောင်းကို အခုလို တာဝန်မဲ့ သာမာန်လူတွေ မြှုပ်နေတဲ့ နေရာမှာ မြှုပ်တာဟာ လက်ခံလိုက်လို့ မရဘူး ဘယ်သူစမလဲ?ဟု ထွန်းအောင်ကျော်က မေးပါသည်။ တင်မောင်ဦးက ``အေး ဟုတ်တယ်၊ ဒါကို ငါတို့ ညီညီညွတ်ညွတ်နဲ့ တိုက်ဖျက်ပစ်ရမယ်၊ ငါစပြီး စကားပြောမယ် မင်းတို့က ၀ိုင်းပြီး ထောက်ခံကြ၊ အဲဒီအခါ လူတွေ ပါလာလိမ့်မည်၊ သဘောတူလား´´ လို့ အားလုံးကို မေးပါသည်။

ထွန်းအောင်ကျော်က ``သဘောတူတယ် လာ ငါတို့ ၀ိုင်းထိုင်လိုက်ကြရအောင်၊ မင်းက အလယ်ကနေ စကားပြော´´ လို့ ထောက်ခံလိုက်ပြီးတဲ့နောက် အားလုံး စက်ဝိုင်းပုံ ထိုင်လိုက်ကြပါတယ်။ ထွန်းအောင်ကျော်တို့ နားမှာလည်း လူတွေက ရပ်သူကရပ် ထိုင်သူကထိုင်နဲ့ သူတို့ရဲ့ မျက်နှာမှာ ဘယ်လိုမှ မကြေနပ်တဲ့ အရိပ်အယောင်တွေ မြင်နေရပြီး ဘယ်သူလုပ်မလဲ၊ ဘယ်လိုလုပ်ကြမလဲ ဆိုတဲ့ မျှော်လင့်ချက်နဲ့ စောင့်နေကြပုံပေါ်ပါသည်။

ကိုတင်မောင်ဦးက ၀ိုင်းထိုင်နေတဲ့ အလယ်မှာ မတ်တတ်ရပ်ပြီး သူလက်ထဲမှာလဲ စက္ကူလိပ်တခုကို လိပ်ပြီး ကိုင်ထားပါသည်။ သူ့အမူအရာဟာ ကျားရဲတွေအလယ်က ခြင်္သေ့ကြီးနဲ့ တူပါသည်။ ``ရဲဘော်တို့ ဦးသန့်ဟာ မြန်မာ့ ဂုဏ်ထူးဆောင် ခေါင်းဆောင်တဦးဖြစ်သလို ကမ္ဘာ့ခေါင်းဆောင်ကြီးလည်းဖြစ်ပါတယ်၊ ဒီလို ကမ္ဘာက အသိအမှတ်ပြုခံရတဲ့ ခေါင်းဆောင်တဦးကို နေ၀င်းစစ်အစိုးရက သာမန်လူတွေ မြှုပ်တဲ့ နေရာမှာ မြှုပ်နှံခွင့်ပေးတာကို ငါတို့ ဒီအတိုင်း ကြည့်နေမလား?´´ ထွန်းအောင်ကျော်တို့က ``ကြည့်မနေနိုင်ဘူး၊

ကြည့်မနေနိုင်ဘူး´´ လို့ ကြုံးအော်လိုက်ကြပါတယ်။ အဲဒီအခါ အနီးအနားက လူတွေဟာ တခုခုဖြစ်ပြီဆိုပြီး အသံကြားရာကို ပြေးလာကြပါတော့သည်။

``ဦးသန့်ကို ဖါသယ်မ ခင်မေသန်း မြှုပ်တဲ့ ကြံတော်သင်းချိုင်းမှာ မြှုပ်တာကို ရဲဘော်တို့ သဘောတူပါသလား? ``မတူဘူး၊ မတူဘူး´´ ဒီအသံကြီးဟာ ၎င်း တို့ လူစုတွင် မဟုတ်ဘဲ အနီးအနားက ၀ိုင်းအုံရောက်ရှိလာတဲ့ လူရာပေါင်းများစွာရဲ့ အသံဖြစ် ပဲ့တင်ထပ်လို့ သွားခဲ့ပါတယ်။

ကျိုက္ကဆံကွင်းကြီး တခုလုံး ချက်ချင်း အသက်ဝင် လှုပ်ရှားလို့ သွားခဲ့ပါပြီ၊ အားလုံးမျှော်လင့်နေတဲ့ လိုလားချက်ကို ရဲဝံ့စွာ ထုတ်ဖေါ်ပြောကြားလိုက်တဲ့ ကိုတင်မောင်ဦးကို အားကိုးတကြီးနဲ့ ၀န်းရံလိုက်ကြပါ တော့တယ်။ ဒီရုပ်ဒီရည်နဲ့ ဒီအသံရှင်ဟာ သူတို့ လိုလားချက်ကို တိုက်ပွဲဝင်ပေးမဲ့ ခေါင်းဆောင်ဆိုတာ အားလုံး မျက်စိထဲမှာ စွဲထင်လို့ သွားခဲ့ပါပြီ ။

ထိုအချိန်တွင် ဒေါ့ဂျစ်ကားပေါ်မှ လမ်းစဉ်လူငယ်အဖွဲ့ဝင်မျာက "ဦးသန့်ဈာပနကို ငြိမ်းငြိမ်းချမ်းချမ်းနဲ့ ပို့ဆောင်ဖို့ လုပ်ကြပါ၊ အနှောက်အယှက်များကို လုံးဝမပြုလုပ်ရန် သတိပေးသည်" လို့ လော်စပီကာမှ ပြောကြားပြီး "စည်းကမ်းရှိကြပါ၊ ဆူပူမှု မလုပ်ကြပါနဲ့၊ အစီအစဉ်အတိုင်း ငြိမ်းချမ်းစွာ လိုက်နာကြပါ" စသည်ဖြင့် ပြောကြားနေစဉ် တင်မောင်ဦး က "အဲဒီကားကို သိမ်းပိုက်"ဟု လက်ညှိုးထိုး၍ ပြတ်သွားစွာ ပြောကြားလိုက်သည့် တခဏ လူအုပ်ကြီးက ထိုကားဆသို့ တဟုန်ထိုး ပြေးသွားပြီး "အဲဒီကားကို သိမ်းမယ်ဟေ့"
ဟု အော်ဟစ်လိုက်သည့် ကျယ်လောင်လှသော အသံကြီးက ထိုဒေ့ါဂျစ်ကားပေါ်မှ လူများကြောက်လန့်၍ ခုန်းဆင်းပြေးရသည့်အထိ တုန်လှုပ်ချောက်ခြားသွားစေခဲ့ပေသည်။
ထွန်းအောင်ကျော်အနေနှင့် အကယ်၍များ ထိုလူများ ထွက်မပြေးပါက အသက်အန္တရာယ်ပင် ကြုံတွေ့ရနိုင်သည်ဟု ယူဆမိပေသည်။

    ကိုတင်မောင်ဦး က ကားဆီသို့ လျှောက်သွားသည့်အခါ ကားပေါ်မှ လူတယောက်က သူ့အား မိုက်ခွက်ကို လှမ်းပေးလိုက်သည်။ မိုက်ခွက်ကို ကိုင်ကာ အင်ဂျင်ဘောနက်ပေါ်သို့ တက်လိုက်ပြီး နောက် "ရဲဘော်တို့ ဗိုလ်နေဝင်းဟာ ငါတို့ ကျောင်းသားတွေ၊ ရဟန်းရှင်လူတွေ လေးစားတဲ့ ခေါင်းဆောင် ဦးသန့်ကို သာမန်လူတွေ မြှုပ်တဲ့နေရာမှာ မြှုပ်စေဘို့ စီမံခဲ့တယ်။ ဦးသန့်ဟာ မြန်မာ့ခေါင်းဆောင်တင်မဟုတ်ဘူး၊ ကမ္ဘာ့ခေါင်းဆောင်အဖြစ် အားလုံးက အသိအမှတ်ပြုခံရသူ မြန်မာ့ဂုဏ်ဆောင် အာဇာနည် ပုဂ္ဂိုလ်ကြီးဖြစ်တယ်၊ ဦးသန့်ကြောင့် ငါတို့ နိုင်ငံကို ကမ္ဘာသူ ကမ္ဘာသားတွေ သိရှိပြီး ငါတို့ လူမျိုးကို ကမ္ဘာက လေးစားခံခဲ့ရတယ်။ ငါတို့ဂုဏ်တက်ခဲ့ရတယ်၊ ဒီလိုပုဂ္ဂိုလ်မျိုးကို ခွေးသေဝက်သေ သာမန်သဂြိုလ်မြှုပ်နှံဘို့ လုပ်တာကို ငါတို့က လက်ခံရမလား"

    "ငါတို့က လက်ခံရမလားဟေ့!!!" လို့ ကျားဟိန်းသလို ဟိန်းလိုက်တဲ့ ကိုတင်မောင်ဦးရဲ့ အသံဟာ ကျိုက္ကဆံကွင်းထဲမှာ ဟိန်းထွက်လို့ သွားခဲ့ပါသည်။

    "လက်မခံနိုင်ဘူး" "လက်မခံနိုင်ဘူး" ဆိုတဲ့ ထွန်းအောင်ကျော်တို့ တတွေကလဲ အတိုင်အဖောက်ညီညီနဲ့ ဟစ်လိုက်တာကြောင့် ကျိုက္ကဆံကွင်းတခုလုံး ပဲ့တင်ထပ်ပြီး တုန်ဟီးလို့ သွားခဲ့ပါသည်။ အနှစ်နှစ်အလလ ဖိနှိပ်မှုတွေကို မြိုသိပ်ချိုးနှိမ်ထားခဲ့ရသမျှကို လူထုကြီးက ခေါင်းဆောင်ကိုတွေ့တဲ့အခါ အားမာန်အပြည့်နဲ့ ရင်ဖွင့်ထုတ်ခဲ့ကြတဲ့ မြင်ကွင်းသည် ယခုအထိ ထွန်းအောင်ကျော်ရင်တွင်းမှာ လှုပ်ခတ်နေဆဲ၊ သက်ဝင်နေဆဲ အတိတ်က အရိပ်တွေပဲ ဖြစ်ပါသည်။

အနောက်ဘက် ပွဲကြည့်စဉ်မှ သံဃာတော်များသည်လည်း ဦးသန့်ဈာပန မဏ္ဍာပ်သို့ ကြွချီလာခဲ့ကြပြီး စိတ်ဓါတ်တက်ကြွနေတဲ့ လူထုကြီးနဲ့ ပူးပေါင်းလိုက်ကြပါတော့သည်။ ဒေါ့ဂျစ်ကားပေါ်သို့ ပင်နီတိုက်ပုံနဲ့ စက်မှုတက္ကသိုလ်ကျောင်းသား ကိုသိန်းဝင်းကတက်ပြီး ကိုတင်မောင်ဦးနဲ့ ဆရာတော် တပါး တို့ စုစုပေါင်း (၃) ဦး တက်ရောက် တရားဟောကြပါသည်။ ထို့နောက် ကိုတင်မောင်ဦးက ဦးသန့်ရုပ်ကလာပ်ကို ရန်ကုန်တက္ကသိုလ်ဝင်းထဲသို့ ယူဆောင်သွားမည် ထိုမှတဆင့် အစိုးရထံ တိုက်တန်သော မြေနေရာတောင်းမည် ဟု ပြောကြားသည့်အခါ လူထုကြီးက "သဘောတူတယ်" "သဘောတူတယ်" ဟု အော်ဟစ်လိုက်ကြသည်မှာ ဘဝဂ်သို့တိုင် ညံသွားပါတော့သည်။


 

ထို့နောက် ရဟန်းတော်များ ခြံရံလျက် ဦးသန့်ရုပ်ကလာပ် ထည့်ထားသည့် အခေါင်းကြီးကို ကုလသမဂ္ဂအလံတော် အုပ်၍ တက္ကသိုလ်သို့ သယ်ဆောင်သွားခဲ့ကြပါတော့သည်။ ထွန်းအောင်ကျော်နှင့် ရဲ့မြင့်လည်း လူထုနောက်သို့ ပျော်ရွှင်စွာလိုက်ရင်း အခြားသူများနှင့် လူစုကွဲသွားခဲ့ပါသည်။ တင်မောင်ဦးလည်း ဘယ်ရောက်မှန်းမသိ ကြက်ပျေက်ငှက်ပျောက်၊ ပျောက်သွားခဲ့သည့်အတွက် စိတ်အေးအေးထားပြီး ကျောင်းတော်ကြီးဆီသို့ လူထုကြီးနှင့် ပျော်ရွှင်စွာ မြောလိုက်ခဲ့ကြပါသည်။


 

    လမ်းဘေးကားလမ်း တဖက်တချက်တွင်ရှိသည့် အိမ်များမှ လူများကလည်း ထွက်ကြည့်ကြပြီး လက်ခုပ်လက်ဝါးတီးကာ သြဘာပေးသည့်သူက ပေးသလို သောက်ရေအိုးကို အိမ်တွင်းမှ ထမ်းထုတ်ကာ လူထုကို ရေတိုက်သူတို့က တိုက်ကြသည်။ မုန့်ကြွေးသူတို့က ကြွေးကြသည်။ တက္ကသိုလ်ရိပ်သာ လမ်းမကြီးပေါ် ရောက်သည့်အခါ လမ်းမကြီး တလျှောက် လူများ ပြည့်နှက်နေပြီး လမ်းဘေးရှိအိမ်ကြီး အိမ်ကောင်းများမှ လူကုံတန်များကလည်း သောက်ရေ၊ ဖျော်ရည်စသည်တို့ဖြင့် သဒ္ဒါတရားထက်သန်စွာ ချီတက်လာသူများကို အားပေးကြသည်မှာ ပါဝင်ချီတက်သူများအဖို့ ပင်ပန်းရမှန်းပင် မသိတော့ပါ။


 

ကိုသန်းမြင့်သို့မဟုတ် ဒါးသန်းမြင့်

ဦးသန့်အရေးအခင်းတွင် စတင်ဖေါက်ခွဲသူ တင်မောင်ဦးပြီးလျင် ဒုတိယလိုက်သူမှာ မော်တော်ပီကယ်တပ်မှ ရဲကြပ်ကြီး ကိုသန်းမြင့်ဖြစ်သည်။ အသားနီးစပ်စပ်၊ ဆံပင်ထောင်ထာင်၊ မျက်လုံးမျက်ဝန်းကောင်းကောင်းနှင့် ကိုသန်းမြင့်မှာ အရပ် ၅ ပေ ၇ လက္ခခန့်ရှိပြီး ကိုယ်လုံးကိုယ်ထည် တောင့်တင်းသူဖြစ်သည်။ ဦးသန့်ဈာပနကို အစိုးရမှ လစ်လျူရှုပြီး မျက်ကွယ်ပြုထားခြင်းကို လွန်စွာမှ ခံပြင်းနေသူဖြစ်သည်။ အစိုးရဝန်ထမ်းဖြစ်သော်လည်း အမှန်တရားကို မြတ်နိုးသူ၊ မျိုးချစ်စိတ် ပြင်းထန်သူတဦးဖြစ်သည်။ ပူပူနွေးနွေး ထိုနှစ် ဂျွန်လ တွင်ဖြစ်ပွားခဲ့သော ၇၄ ဂျွန်အလုပ်သမား အရေး အခင်းသည် ကိုသန်းမြင့်စိတ်ကိုထိခိုက်စေသည်။ ထိုစဉ်ကတည်းကအလုပ်သမားခေါင်းဆောင် များနှင့်ကိုသန်းမြင့်တို့အဆက်အသွယ်ရှိသည်။

ကိုသန်းမြင့်နှင့်မျိုးချစ်စိတ်ပြင်းထန်သောအလုပ်သမားကိုယ်စားလှယ်ငါးယောက်တို့အမေဒေါ် ခင်ကြည်အိမ်သို့သွားပြီးနိုင်ငံတော်ဈာပနအနေနှင့်ချသင့်ကြောင်းကိုတိုက်တွန်းပေးရန်ပန်ကြားကြ သည်။ အမေဒေါ်ခင်ကြည်က"သားတို့ရေမင်းတို့ကိုဧည့်ခံဘို့နက်စကော်ဖီတော့မရှိဘူးထမင်းကြော်စား ကြ"ဟုချကျွေးသည်။ ထို့နောက်"အမေလဲပြောပါတယ်ဒါပေမဲ့သူတို့ကလုပ်မှာမဟုတ်ဘူး" ဟုဆိုသည်။ ကိုသန်းမြင့်တို့စိတ်မကောင်းစွာဖြင့်ပြန်ခဲ့ကြသည်။ ထိုနည်းတူဗိုလ်ချုပ်ကျော်ဇောထံသွားသော်လည်းအကြောင်းမထူးခဲ့။

ကိုသန်းမြင့်သည် ဒီဇင်ဘာလ (၅) ရက်နေ့တွင် ခါးတွင် ဓါးမြှောင်ထိုး၍ ကျိက္ကဆံကွင်းသို့ ထွက်လာခဲ့သည်။ အခြေအနေပေးလျှင် ဆူပူကန့်ကွက်မည်ဟူ၍ စိတ်ထဲမှ ပိုင်းဖြတ်ထားခဲ့ပြီး ဖြစ်သည်။ အိမ်ထောင်မရှိ လူပျိုလူလွတ်ဖြစ်သဖြင့်လည်း နောက်ဆံတင်းစရာ မလိုပေ။ ဦးသန့်အလောင်းကို ကြံတောသုဿန်သို့ စည်းကမ်းတကျ ပို့ဆောင်ကြပါဟု လော်စပီကာမှ လမ်းစဉ်လူငယ်များက ပြောလေ ကိုသန်းမြင့်တယောက် ဒေါသထွက်လေ ဖြစ်ရသည်။ ဦးသန့်အလောင်းစင်အရှေ့ဖက်တွင် တင်မောင်ဦးက ဒေါ့ဂျစ်ကား ပေါ်တက်ပြီး ဦးသန့်ဈာပနကို ကြံတော်တွင် ပို့ရန် သဘောမတူကြောင်း ပြောကြားချိန်တွင် စင်အနောက်ဖက်တွင်ကိုသန်းမြင့်က ခါးကြားမှ ဓါးကို ဆွဲထုတ်ပြီး ဦးသန့်အလောင်း တင်မည့်ကားကိုရှေ့မှပိတ်ပြီး မထွက်ရန်ဓါးရမ်း ချိမ်းခြောက်စိန်ခေါ်ခဲ့သည်။ ဦးသန့်အလောင်းကိုကြန်တောသို့သယ်ဆောင်ခြင်းမပြုနိုင်ရန်သူ့အနေနှင့်အသက်ပေးကာကွယ် ရန်ဆုံး ဖြတ်ထားပြီးဖြစ်သည်။

ရဲကြီးကိုသန်းမြင့်ကိုယ်တိုင်ကပါတီစိတ်မှူးဖြစ်သည်၊အားလုံးချထားတဲ့အစောင့်တွေကသူ့ နယ် မြေကလူတွေ။ သူကပါတီစိတ်မှူးဆိုတော့သူ့ကိုလူအကုန်သိနေသည်၊သူ့ကိုမှားမယ်၊လွန်မယ်လို့သ တိပေးတဲ့ရဲတွေကိုသူက "မင်းတို့လက်ထဲရှိတဲ့သေနတ်ကအမိန့်ပေးမှပစ်လို့ရတာတွေ့ လားငါ့ဒါး ကအချိန်မရွေးအမိန့်တောင်းစရာမလိုဘဲမွှေ့လို့ရတယ်ကြည့်ထား" ဆိုပြီးဒါးနဲ့ရမ်းပြီး ကြိမ်း သည်။ သူကအလောင်းထားတဲ့ယာယီတဲရဲ့အနောက်ဘက်မှာ ကြိမ်းဝါးနေတုံး ဦးသန့်အလောင်း စင် အရှေ့ ဘက်မှဒေါ့ဂျစ်ကားပေါ်မှာတင်မောင်ဦးတို့တက်သိမ်းပြီးရုတ်ရုတ်ရုတ်ရုတ်ဖြစ်တော့သူ ကြောင်ကြည့် နေသည်။ နောက်မှကျောင်းသားများအလောင်းကိုတက္ကသိုလ်သို့ယူဆောင်သွားမည်ဟုကြေငြာလိုက် သည့်အခါမျက်ရည်များလည်သည်အထိဝမ်းသာလို့သွားသည်။ရဲကြီးကိုသန်းမြင့်တယောက်ဝမ်းသာစွာလူအုပ်နောက်သို့လိုက်သွားသည်။ ဦးသန့်အရေးအခင်းတွင်အာဏာပိုင်အဖွဲ့ထဲကနေတာဝန်ထမ်းနေသူ တွေ ထဲမှဗိုလ်နေဝင်းကို ဗြောင်ဆန့်ကျင်ရဲတာ ရဲကြီး ကိုသန်းမြင့်တယောက်ဘဲရှိသည်။


 

ဟန်ရှင်ဝင်းကိုကျောင်းသားတယောက်က ကားဆရာတွေကားခမရလို့ ပြဿနာလုပ်နေ တယ်ဟု သတင်းပို့သဖြင့် ဟန်ရှင်ဝင်းကကိုအောင်မြင့်ကိုမိုက်ကရိုဖုန်းအပ်ပြီး ကောင်းကောင်း
ထိန်းသိမ်းရန် ပြောသည်။ကားပေါ်မှ ဆင်းပြီး အချင်းဖြစ်ရာစင်၏အနောက်ဖက် နေရာသို့ ထွက်ခဲ့သည်။ ထိုအခိုက် တင်မောင်ဦးတို့ အုပ်စုမှ ဟန်ရှင်ဝင်း၏ ဒေါ့ဂျစ်ကားကို ဝင်သိမ်းလိုက်ခြင်းဖြစ်သည်။ တင်မောင်ဦးစတရားမဟောခင်အချိန်မှာငှားလာတဲ့ဘတ်စကားခတွေကို ရှင်းပေးဘို့ဟန်ရှင်ဝင်းတာဝန်ပေးထားတဲ့သူကရှင်းမပေးသည်အတွက်ဟန်ရှင်ဝင်းကားပေါ်က
ဆင်းပြီးကားခပြသနာသွားရှင်းနေရသည်။ဟန်ရှင်ဝင်းကကားဆရာတွေကိုတာဝန်ခံထားတဲ့အပြင်လူ
ချင်းကလည်းသိသည့်အတွက်ကားခကိုကျွန်တော်တာဝန်ယူပြီးလာပေးပါမဲ့အကြောင်းရှင်းပြအာမခံ
ပေးနေရ
သည်။


ကွင်းရဲ့အပြင်ကိုရောက်နေတဲ့အတွက်ကွင်းထဲမှာဘာတွေဖြစ်နေတယ်ဆိုတာမသိဘဲဖြစ်နေ

သည်။ကားတွေရပ်တဲ့နေရာရဲ့ကြားထဲမှာပွဲကြည့်စင်ခံနေတဲ့အတွက်ဘာမှကိုမသိလိုက်ဘဲ အောင်မြင့်ကြီးပြေးလာပြီးပြောတော့မှအကြောင်းစုံကိုသိသည်။


 

ဟန်ရှင်ဝင်းလှမ်းကြည့်လိုက်သောအခါ ကားဘောနက်ပေါ်တွင် သူနှင့် အခြေအတင် တောင်ငူဆောင်တွင် စကားပြောခဲ့သော ကျောင်းသားမဂ္ဂ ပေါ်ပေါက်ရေး အဆိုတင်သွင်းသည့် တင်မောင်ဦးကို အံ့သြစွာ တွေ့လိုက်ရသည်။ တင်မောင်ဦးနှင့်အတူ သူသိသည့် ဗိုလ်တောက်ကလဲ တက်ကြွစွာ ခေါင်မိုးပေါ်တွင် ရပ်လျက်ရှိသည်။ မိနစ်ပိုင်းအတွင်း အခြေအနေအားလုံး ပြောင်းလဲကုန်သည်။

     တင်မောင်ဦးနောက်တွင်
လူအုပ်ကြီးက မဲမဲလှုပ်နေ့သည်ကို မြင်ရသောအခါ ဟန်ရှင်ဝင်းစိတ်ထဲတွင် အံ့သြသွားသည်။ "ဟဒီလိုတော့လည်း တယ်ဟုတ်ပါလား၊ နိုင်ငံ
ရေးလုပ်တာဒီလိုကိုး"ဟုတွေးပြီး မှတ်ချက်ချလိုက်မိတယ်၊ မိမိအနေနှင့်
ဤကဲ့သို့ လုပ်၍ရမည်မ
ဟုတ်ဟု အစကထင်ထား ခဲ့သည်။မဖြစ်နိုင်ဟု ထင်ထားသည်ကို တင်မောင်ဦးက
လုပ်ပြလိုက်
သည့်အခါ တင်မောင်ဦး လုပ်ရပ်ကို အထင်ကြီးလို့သွားသည်။

 သို့ရာတွင်
ကိုယ့်မှာလည်း အပူနှင့်မို့လား၊ကိုယ်အာမခံထားသည့်ကားနှင့်ော်စပီ
ကာများအားလုံးပါသွားပြီးဘယ်လိုလုပ်ရမလဲ၊ဒီတခါတော့
ငါတို့ခံလိုက်ရပြီ စသည်ဖြင့် တွေးတောပြီး စိတ်အိုက်သွားသည်။ ကိုအောင်မြင့်ကို "မင်းနဲ့ငါနဲ့တော့ အဖမ်းခံရ
တော့
မှာဘဲဘယ်လိုလုပ်
မလဲ" မေးသည်။ကိုအောင်မြင့်ကလည်း"အေးဗျာဘယ်တတ်နိုင်ပါ့မလဲဖြစ်တဲ့အတိုင်းပြောပြရုံပေ့ါ" လို့စိတ်ပျက်သံနဲ့ပြောသည်။ အကြောက်လွန်ပြီး အဲဒီဘတ်စကားတွေနဲ့ဘဲဟန်ရှင်ဝင်းတို့နှစ် ယောက်ပြန်လိုက်လာသည်။

ဒီအချိန်ကလူတွေတအားကြပ်နေပြီ။ ဘယ်taxi မှငှားလို့မရတော့

မောင်မောင် တိတ် တို့ ကျိုက္ကဆံကွင်းထဲရောက်စဉ်မှာပင် တင်မောင်ဦး ဆော်သြမှုဖြင့် လူထုကြီးက ဦးသန့်အလောင်းကို တက္ကသိုလ်ရိပ်သာလမ်းတလျှောက် သယ်လာကြသည်။ မောင်မောင်တိတ် တို့လည်း လူအုပ်နဲ့ အတူရောလိုက်လာသည်။

ဟန်ရှင်ဝင်း တို့ ရန်ကုန်တက္ကသိုလ် မိန်းဂိတ်ရှေ့ရောက်တော့ ကျောင်းမှဆရာများ
စုဝေးနေသည်ကို တွေ့ရသည်။
ဆရာဦးဋ္ဌေးမြင့်၊ ဦးယုကြည်၊ စစ်ကိုင်းအဆောင်မှူး
ဦးခင်မောင်သိန်းတို့ မိန်းဂိတ်နားမှာ ရပ်နေကြသည်။ သူတို့က ဒီလိုဖြစ်မယ် ဆိုတာကို
ကြိုတင်တွက်ထားပုံရသည်။ အပြစ်လည်းမတင် ဘာမှလည်းမပြော၊ အရေးလည်းမယူကြ
ပြုံးနေကြသည်။


"ဦးသန့်အလောင်းကို တက္ကသိုလ်ဝင်းထဲကို ယူလာနေကြပြီကွ"ဟု ဆိုသည်။

ကျောင်းသားများ ဦးသန့်အလောင်းကို တက္ကသိုလ်ဝင်းထဲသို့ယူဆောင်လာလိမ့်မည်ဟု
ဟန်ရှင်ဝင်း တို့က
မတွက်မိချေ။

 ကျောင်းသားရေးရာ
ဌာနသို့ရောက်ပြီး ဦးဌေးမြင့်ကို အကြောင်းစုံ ရှင်းပြသည့်အချိန်တွင် ဦးဌေးမြင့်တို့ကသိနှင့်ပြီးဖြစ်နေသည်ကိုတွေ့ရသည်၊ဦးဌေးမြင့်ကဖြစ်လာတော့လဲ ဘာတတ်နိုင်မှာလဲ မင်းတို့လှုပ်ရှားမှုမှာ မပါနဲ့ဟုတိပေးလွှတ်လိုက်သည်။

ဦးသန့်အလောင်းကို ကျောင်းသားများ ဝန်းရံပြီး သယ်ယူသွားသည့်အခါ စိုးညွန့်တို့ တက္ကသိုလ် ကျောင်းသားများသည် သယ်ဆောင်သွားသည့် ခေါင်းကြီး တဖက်တချက်တွင် စီတန်းလိုက်ပါပြီး အပြင်လူ အဝင်မခံဘဲ လက်ချင်းချိန်ပြီး စံနစ်တကျ စောင့်ရှောက်လို့ လိုက်ပါသွားခဲ့ပါသည်။ လမ်းတွင် ပြည်သူများကလည်း သောင်းသောင်းဖျဖျ ကြိုဆိုကြ၊ သောက်ရေကမ်းကြနှင့် အားပေးခဲ့ကြသဖြင့် တက္ကသိုလ်ကျောင်းသား၊ ကျောင်းသူများ ပင်ပန်းရမှန်း၊ ကြောက်လန့်ရမှန်းပင် မသိခဲ့ကြပါ။ လုပ်သင့်လုပ်ထိုက်သည်ကို လူငယ်ပီပီ လုပ်ရဲသည့် စိတ်ဓာတ်သည် လူငယ်တိုင်းတွင် ရှိကြောင်း ထိုနေ့က မီးမောင်းထိုး ပြသလိုက်ခြင်းပင်ဖြစ်သည်။ ရှေးခေတ်ကျောင်းသားကြီးများကဲ့သို့ ယ္ခုခေတ်ကျောင်းသားများ၏ သွေးသည်လည်း ရဲရဲနီကြောင်း ပြသလိုက်ခြင်းပင်ဖြစ်သည်။ နေဝင်းစစ်အာဏာရှင်စံနစ်ကို အရေခွံ ပြောင်းလဲ၍ တပါတီဆိုရှယ်လစ်စံနစ်နှင့် ကိုယ့်ဖဲကိုယ်ချိုး ကိုယ့်နေရာ ကိုယ်ယူ၊ ကိုယ်ဦးစီးသည့် ပါတီသည်သာ အရွေးချယ်ခံရမည့် ၁၉၇၄ ခုနှစ် မဆလ အခြေခံဥပဒေရေးဆွဲ အတည်ပြုသည့်ုနှစ်တွင် ရန်ကုန်တက္ကသိုလ်ကျောင်းများ အားလုံးရှိ ကျောင်းသားများက အာဏာရှင်စံနစ်ကို လက်မခံကြောင်း စစ်ကြေငြာလိုက်သောနေ့ဆိုလျှင် မမှားဟု ဆိုနိုင်ပါသည်။

၁၉၆၂ ခုနှစ်မှ စတင်၍ ပညာတတ် ကျောင်းသားများကို ရန်သူကြီးသဖွယ် ဖိနှိပ်အုပ်ချုပ်လာခဲ့သော စစ်အာဏာရှင်စံနစ်ကို ၁၂ နှစ်ကြာကာလတွင် ကျောင်းသားများက စတင်ပုန်ကန်လိုက်ပြီ ဖြစ်သည်။ တက္ကသိုလ်ရိပ်သာလမ်းကြီးတွင် လူတန်းကြီးသည် ရွေ့လျားနေသော မြွေကြီးအလား ရန်ကုန်တက္ကသိုလ်ဆီသို့ ဦးတည်လျက်ရှိသည်မှာ ကြောတွင်းချဉ်ဆီတဖျင်းဖျင်းထအောင် အားရကြေနပ်စရာ ကောင်းလှပါပေသည်။

တက္ကသိုလ်ရိပ်သာလမ်းအတွင်း ဝင်သည့်အခါ "ဟိုက်ဇွန်" စားသောက်ဆိုင်နား အရောက်တွင် ကင်မရာနှင့် ရိုက်သည်ဟုဆိုပြီး ကျောင်းသားများက ၎င်းရိုက်သည့် လူနောက်သို့ ပြေးလိုက်သည်။ ကင်မရာကို ပေါက်ခွဲဖျက်ဆီးပစ်ကြသည်။


 

မိန်းခလေးများကို ကျောင်းသားများက အပြင်မှ လက်ချင်းချိတ်၍ လိုက်သည်။ လမ်းတွင် ချီတက်သူများကို ရေတိုက်သူများကြားတွင် ဗိုလ်ချုပ်ဇနီး ဒေါ်ခင်ကြည်ကိုလည်း သံပုရာရည်ဖျော်ပြီး တိုက်နေသည်ကို ဝမ်းမြောက်စွာ တွေ့ရသည်။ ဒို့ဗိုလ်ချုပ်ကတော် မျိုးချစ် စိတ်ထက်သန်တုန်းဘဲဟု မောင်မောင်တိတ် ပီတိဖြစ်ရသည်။ ဂျပန်သံရုံးမှ ဂျပန်တယောက် ကလည်း ခါးညွတ်၍ ထွက်ပြီး ချီတက်လာသူများကို အလေးပြုသည်။ ကျောင်းသားများ ကလည်း နိပွန် ဂွတ်၊ သင့်ခယူဟု အော်ဟစ်တုံ့ပြန်ကြသည်။


 

ဟိုက်ဇွမ် စားသောက်ဟော်တယ်နားတွင် ဓါတ်ပုံရိုက်သည်ဟုဆိုကာ လူတအုပ်က ထိုအိမ်တွင်း ဝင်ရောက်ဖျက်ဆီးသည်ကို မောင်မောင်တိတ်နှင့် အဖေါ် ၁၀ ယောက်ခန့်က ဝင်ထားသည်။ မောင်မောင်တိတ်က "မင်းတို့ လုပ်ရပ်တွေဟာ အဖျက်သမားအလုပ်တွေဘဲကွ၊ ငါတို့ဟာ အကြမ်းဖက်သမားတွေ မဟုတ်ဘူး။ ဖျက်ဆီးတာကို လက်မခံဘူး၊ ကျောင်းသား သိက္ခာကျတယ်။ မင်းတို့ချက်ချင်းထွက်ဟု နှင်ထုတ်သည်။ ထိုသူများ မောင်မောင်တိတ်တို့ လူအုပ်ကို ရှိန်၍ ထွက်သွားကြသည်။ သို့ရာတွင် အိမ်ရှင်၏ ကင်မရာကတော့ ပျက်စီးသွား ခဲ့ပြီဖြစ်သည်။


 

ကျောင်းဝင်းအတွင်းရောက်တော့ ကွန်ဗို့နားအထိသွားကြည့်ပြီး မိမိအဆောင်သို့ သူ ငယ်ချင်း စောလှငွေ၊ သောင်းအေးတို့ဖြင့် ပြန်လာပြီး နားသည်။ ထို့နောက် အချင်းချင်း အဆောင်တွင် တိုင်ပင်ကြသည်။ အခု လုပ်ရပ်ဟာ နိုင်ငံရေး အသွင်ဆောင်လာပြီ၊ ဆက်လုပ် မလား၊ မလုပ်တော့ဘူးလားဟု အချင်းချင်း ဆန္ဒကို မေးကြသည်။ ဆက်လုပ်မယ်ဟု အားလုံး က ဆုံးဖြတ်သည်။ သွေးကဆူနေပြီကိုး၊ အောင်ပွဲကလဲ ရလာသမို့ နောက်ဆုတ် ထိုင်မနေ လိုကြ။ ဇရှိသူများပီပီ လုပ်ဖို့ ဆုံးဖြတ်ကြသည်။ ဆက်လုပ်မယ်ဆိုသည့်အခါ လုပ်မဲ့သူတွေနဲ့ ဆက်ပူးပေါင်းရတော့မယ်။ ဒီလိုပူးပေါင်းတဲ့အခါ ကျောင်းသား Stand ရပ်တည်ချက်တော့ ပျောက်လို့ မဖြစ်ဖူးဟု မောင်တိတ်ကဆိုသည်။


 

စိုးညွန့်တို့ တက္ကသိုလ်ဘွဲ့နှင်းသဘင်ခန်းမရှေ့ ရောက်သည့်အခါ ခြင်္သေ့ရုပ်တုတွင် ကိုရဲထွဋ်၊ ကိုကျော်လင်းတို့က တရားဟောနေသည်ကို တွေ့ရသည်။ ရှေ့နေဦးရဲထွန်းကကြေငြာစာတမ်းတွေကို သူ့လက်နှိပ်စက်ဖြင့် ရိုက်ပြီး ကူညီပို့ပေးလာသည်။ သူငယ်ချင်းဖြစ်သူ ဦးပွင့်ကောင်း၏ သားဖြစ်သူ အောင်ကျော်မြင့်သည် အီကိုမှ ကျောင်းသားတဦးဖြစ်သည်၊ သူက စိုးညွန့်အား "မင်းဘာလိုလဲ" ဟု မေးသည်။ စိုးညွန့်က ထမင်းထုတ်လိုတယ်ဟု ပြောသည်။


 

"ဘယ်လောက်လိုလဲ" ဟု ထပ်မေးသည်။ "၅၀၀ လောက်တော့ လိုလိမ့်မယ်" ဟု စိုးညွန့်က ဖြေသည်။ အဲဒီနောက် အောင်ကျော်မြင့်က သူတာဝန်ယူမယ်ဟုဆိုပြီး ထွက်သွားသည်။ ကျောင်းသား ကျောင်းသူများ ဗိုက်ဆာကုန်ပြီ၊ ညနေ ထမင်းစားချိန် ရောက်ပြီကိုး။


 

စိုးညွန့်က ရှိသမျှ ပိုက်ဆံအကုန် အီကိုရှိဦးလှမောင်ထမင်းဆိုင်ကို ပေးပြီး ထမင်းဟင်းအကုန် ပုတ်ပြတ်ယူလိုက်ပြီး အားလုံးကို ဝေစားစေသည်။ အောင်ကျော်မြင့်ကလဲ ဒေါ့ဂျစ်ကား အပြည့်ထမင်းထုတ်များ ယူလာပေးသဖြင့် အားလုံး အဆင်ပြေသည်။ မောမောပန်းပန်းနှင့် ပျော်ရွှင်စွာ စားသောက်ကြသည်။ သူတို့ခေါင်းထဲတွင် အာဏာရှင်ကို အံတုနေသူများ ဖြစ်သည့်အတွက် ကြောက်ရမှန်းမသိ၊ ကြောက်စိတ်မရှိ၊ မှန်ရာကိုလက်ခံသည့် သတ္တိသာရှိသည်၊ အဘယ်ကြောင့်ဆိုသော် သူတို့သည် တိုင်းပြည်ကို ချစ်မြတ်နိုးသောကြောင့်ပင်တည်း။


 

အဆောင်နေ ကျောင်းသူများ အဆောင် ၅ နာရီ ပိတ်သဖြင့် အဆောင်ပြန်ကြသည်၊ သူတို့အဆောင်ရှိ ညစာကို လှူကြသည်။ ချီးကြူးထိုက်သည့် စိတ်ထားများပင် ဖြစ်သည်။ မာလာဆောင်၊ သီရိဆောင်၊ အင်းယားဆောင်သူတို့ စိတ်ဓာတ်သည် ချီးကြူးစရာပင်ဖြစ်သည်။ မိမိတာဝန် ယူထားသည့် စီးပွားရေးတက္ကသိုလ် ကျောင်းသားကျောင်းသူများကို ကျွေးမွေးပြီးနောက် စိုးညွန့်အား ဒုဥက္ကဋ္ဌအဖြစ်ဗဟိုမှခန့်လိုက်သည်ဟု တယောက်က လာပြောသည်။


 

စိုးညွန့်စိတ်ထဲတွင် "အေးလေ တာဝန်ပေးတော့လဲ လုပ်ရတာပေါ့" ဟု ပြောလိုက်သည်။ နောက်တနေ့ ရူပဗေဒ ပါမောက္ခ ဒေါက်တာဦးစံသာအောင် အခန်းတွင် အစည်းအဝေးရှိသည်ဟုဆို၍ စိုးညွန့်သွားသည်၊ ရောက်၍ အစည်းအဝေး လာတက်ကြောင်း ပြောသည့်အခါ ဦးစံသာအောင်က အစည်းအဝေး ပြီးသွားပြီဟု ဆိုသည်။


 

စိုးညွန့်က "ဒီလို လုပ်လို့ မရဘူး၊ အစည်းအဝေးမှ မစသေးတာ" ဟု ငြင်းသည့်အခါ၌ စာရွက်ထိုးပေးပြီး အစည်းအဝေးတက်ကြောင်း လက်မှတ်ထိုးပါဟု ဆိုသည်။ စိုးညွန့်က လက်မှတ်မထိုးနိုင်ဘူးဟု ငြင်းပြီး ၎င်းစာရွက်ကို ဆွဲယူ၍ ဆုတ်ဖြဲပစ်လိုက်ပြီး ထွက်လာခဲ့သည်။ မာလာဆောင်က ကောင်မလေးများပေး သော သဘက်အဖြူကြီးကို စိုးညွန့်က ပေါင်းပြီး ကျောင်း ဝင်းအတွင်း လှည့်လည်ကြည့်သည်။ လိုအပ်၍ လာရောက် တင်ပြလျင် ကူညီဖြေရှင်း ပေးသည်။ သဘက်ခေါင်းပေါင်းဖြူ၊အနက်ရောင် ကချင် လုံချည် ကွက်ကြဲ ၊တိုက်ပုံအနက်နှင့် စိုးညွန့်ကို မောင်မောင်တိတ်က ပအို့ဝ်လူမျိုးဟု ထင်သည်။


 

မောင်မောင်တိတ်တို့က လော်စပီကာလိုတယ်ပြောသည့်အတွက် လှည်းတန်းက ဆိုင်တွင် လော်စပီကာတလုံး ဝယ်ပေး လိုက်သည်။ မောင်မောင်တိတ်တို့က မန္တလေးဆောင်နှင့် (၇) ရက်နေ့တွင် တကသ သမဂ္ဂ ကွက်လပ် မြေနေရာတွင် ဦးသန့် အုဋ္ဌ်ဂူကို စဆောက်သည်၊ RIT အုပ်စုတို့နှင့် ပူးပေါင်းလုပ်ပြီး မန္တလေးဆောင် တွင် အခြေစိုက်ဆိုပြီး ပေါ်လာသည်၊ ဗဟိုနဲ့ အခြေစိုက် စင်ပြိုင်ဖြစ်လာသည်။


 

စိုးညွန့်က ကိုတိတ်တို့အဖွဲ့တွင် သူ့လူဂျော်နီကို လွှတ်ထားသည့်အတွက် အခြေစိုက်တွင် လည်း ဝင်၍ရသည်၊ ဗဟိုတွင်လည်း သူက ဒုဥက္ကဋ္ဌဖြစ်သည်။ ဖြစ်ချင်တော့ စိုးညွန့်လူဂျော်နီက အခြေစိုက်မှာသူသည် အီကိုခေါင်းဆောင်ဆိုပြီး နေရာယူထားတဲ့အတွက် အီကို CEC အဖွဲ့ကနေ ဂျော်နီကို တခါ ဖြုတ်ပစ်ရပြန်တယ်။ အခြေအနေတွေက ရှုပ်ထွေးနေသည်၊ ခေါင်းဆောင်များ တနေ့နဲ့တနေ့ အပြောင်းအလဲ ဖြစ်နေသည်။ ပါဝင်လုပ်ကိုင်နေသူများသည်လည်း တဦးအကြောင်းတဦး မသိကြ၊ ပိုဆိုးသည်က ၁၉၆၂ ခုနှစ် နောက်ပိုင်း အဖွဲ့အစည်းဖွဲ့စည်းခွင့် မရှိကြ၍ အဖွဲ့အစည်းတခုကို မည်ကဲ့သို့ အုပ်ချုပ်ရမည်ဆိုသည်ကို မသိကြ၊ အဆိုးဆုံးမှာ တဦးကို တဦး ယုံကြည်မှု အားနည်းနေကြခြင်းဖြစ်သည်။

အခြေစိုက် မှာလော်စပီကာ ထပ်လိုတယ်ဆို၍ စိုးညွန့်က အီကိုမှာ ရှိတဲ့ စတိုးထဲက လော်စပီကာကို ဖွင့်ပြီး ယူပေးသည်၊


 

ထွန်းအောင်ကျော်

    ထွန်းအောင်ကျော်တို့ တက္ကသိုလ်ဝင်းတွင်းရောက်တော့ ညနေ (၅) နာရီကျောက် (၆) နာရီ မှောင်စပျိုးလာပြီ ဖြစ်သည်။ အဓိပတိလမ်းမကြီး တလျှောက် လူများ ဥဒဟို သွားလာနေကြပြီး ပြန်သူကပြန်၊ ရောက်သူကရောက်နှင့် ရှိနေသည်။ ဘွဲ့နှင်းသဘင် ခန်းမရှေ့ရောက်တော့ စတေရှင်ဝက်ဂျွန်ကားတစင်းက ဘွဲ့နှင်းသဘင်ခန်းမရှေ့ရှိ ဘဲဥပုံ မျက်ခင်းအပြင်အစပ်၌ ရပ်ထားပြီး ဦးသန့်အခေါင်းကို ၎င်းမျက်ခင်းပြင်ပေါ်တွင် တင်ထားသည်ကို တွေ့ရသည်။ စတေရှင်ဝက် ဂွန်ကားပေါ်တွင် စန်းအောင်ကြည် မိုက်ခွက်ကိုင်ပြီး အာဘောင်အာရင်းသန်သန်ဖြင့် "ကျွန်တော်တို့ ကျောင်းသားတွေ ညီညီညွတ်ညွတ် စုပေါင်းအားနဲ့ ဦးသန့်အတွက် ထိုက်တန်တဲ့ နေရာကို တောင်းဆိုသွားမှာ ဖြစ်တယ်" စသည်ဖြင့် ဟောပြောနေတာကို အံ့သြစွာ တွေ့လိုက်ရသည်။


 

ဒီကောင် ဘယ်လိုလုပ်ပြီး ခေါင်းဆောင်နေရာ တက်ယူနေတာလဲဟု တွေးရင်း စိတ်အနှောက်အယှက်ဖြစ်သွားသည်။ ထွန်းအောင်ကျော်အနေနှင့် တက္ကသိုလ်ကျောင်းသားဘဝ တလျှောက်လုံး ရှေ့ဆောင်လူငယ်လဲ မဝင်၊ လမ်းစဉ် လူငယ်လဲမဝင် စစ်အစိုးဖွဲ့စည်းပေးထားသော အဖွဲ့အစည်းများကို လုံးဝမယုံကြည်သလို စစ်အစိုးရ အလိုကျ လုပ်နေသည့် ရုပ်သေး လက်ညှိုးထောင် ခေါင်းညိမ့်အဖွဲ့အစည်းများအဖြစ် ရွံရှာစက်ဆုတ်သည်။ ထို့ကြောင်လမ်းစဉ်လူငယ် ခေါင်းဆောင် စန်းအောင်ကြည် တယောက် ကျိုက္ကဆံကွင်းတုန်းက စည်းကမ်းရှိပါ၊ သတ်မှတ်ထားသော နေရာကို ငြိမ်းငြိမ်းချမ်းချမ်းနှင့် ပို့ဆောင်ကြပါဟု ပြောနေသူက ယခု မိုက်ခွက်ကိုင်ပြီး ဒို့အရေး ကျောင်းသားအရေး လာပြောနေသည်ကို ထွန်းအောင်ကျော်က မယုံ၊ လုံးဝမယုံသလို ကားအောက်မှ ဒေါသဖြင့် မော့ကြည့်နေမိသည်။


 

    ထိုစဉ် ထွန်းအောင်ကျော့်ရှေ့ကို အရိပ်တခု ဖြတ်ခနဲ ကျလာသည်။ အရိပ်ကျရာကြည့်လိုက်တော့မောင်မင်းကြီးသားတင်မောင်ဦး၊ထွန်းအောင်ကျော်ကို ပြုံးပြုံးကြီးကြည့် နေသည်။ ငါတို့ အောင်မြင်ပြီဆိုသည့် သဘော၊ ထွန်းအောင်ကျော်က သူပြုံးသလို ပြန်မပြုံးနိုင် ဒေါသက ထွက်နေသည်ကိုး။

    "ဟေ့လူ ခင်ဗျားဗျာ၊ ဒီအတိုင်းကြည့်နေရက်တယ် ဟိုအပေါ်က ကောင်ကို ဆွဲချဗျာ၊ ဒီကောင်တွေက အချောင်သမားတွေ အခုအားလုံးပါလာမှ ကျောင်းသားအရေး ထအော်ပြနေတာ ခင်ဗျားအပေါ်ကို တက်ဟု ပြောပြီး ထွန်းအောင်ကျော်နှင့် ရဲမြင့်က တင်မောင်ဦးခန္ဓာကိုယ်ကြီးကို မပြီးကားခေါင်မိုးပေါ်သို့ တင်ပေးလိုက်သည်။ တင်မောင်ဦးက တချက်မှ မငြင်း ခေါင်းငြိမ့်ပြီး ကားပေါ်တက်သွားသည်။ ခေါင်မိုးပေါ် တင်မောင်ဦးရောက်သည့်အခါ စန်းအောင်ကြည် ကြက်သေသေသွားသည်။ တင်မောင်ဦးက ဘာမှမပြော လက်ကမ်းပေးသည်။ ထိုကမ်းးလာသော လက်ထဲသို့ စန်းအောင်ကြည်က မိုက်ခွက်ကို ထည့်ပေးပြီး ကားခေါင်မိုးပေါ်မှ ဆင်းသွားသည်။ တင်မောင်ဦးဆက်ပြီး စကားပြောသည်။ ဈာပန ဖွဲ့စည်းရေး ဘွဲ့နှင်းသဘင် ခမ်းမ တံခါးကို ဖွင့်ပြီး ဦးသန့်ရုပ်ကလပ်ကို အထဲတွင်ထားရန် စသည်ဖြင့် နောက်ဘွဲနှင်းသဘင် တခါးကြီး ဖွင့်ပြီး ရုကလာပ်ကို ည (၉) နာရီကျော်လောက်တွင် လုံခြုံရေးအရ အထဲသို့ သွင်းလိုက်ကြသည်။


 

    ထိုနောက် တင်မောင်ဦ်းတို့ ဦးဆောင်သူတစု ဘွဲ့နှင်းသဘင်ခန်းမထဲသို့ ဝင်ကြသည်။ ပထမဘွဲ့နှင်းသဘင်ခန်းမစင်နောက်တွင်ဆွေးနွေးကြပြီး၊ ထိုမှ ဒုတိယထပ်သို့ တက်ပြီး ၎င်းအထပ်တွင် ဈာပန ကော်မီတီ ဖွဲ့စည်းရေးကို ဆွေးနွေးကြသည်။ ဈာပနကော်မီတီဥက္ကဋ္ဌအဖြစ် ကိုစိုးတင့်ကို ရွေးပြီး ဒုဥက္ကဋ္ဌအဖြစ် စီးပွားရေး တက္ကသိုလ်မှ ကိုစိုးညွန့် (ပြောင်ကြီး) ကို ရွေးသည်။ ကိုစိုးညွန့်ကို မရွေးလျှင် စီးပွားရေး တက္ကသိုလ်မှ ကျောင်းသားများက သပိတ်တိုက်ပွဲတွင် မပါဝင်တော့ဟု ချိမ်းခြောက်သည်အထိ ကိုစိုးညွန့်က လူချစ်လူခင်များသည်။ လူများရှေ့တွင် ကိုစိုးညွန့် တဘက်ကြီးခေါင်းပေါင်းထားသည်။ အထွေထွေအတွင်းရေးမှူးအဖြစ် ကိုတင်မောင်ဦးကို ရွေးသည်။ ထွန်းအောင်ကျော်က ပြန်ကြားရေးတာဝန်ခံအဖြစ် လက်ခံသည်။ ပါချင်သူတွေက အများကြီးဖြစ်သည်။ သိပ်မမှတ်မိတော့၊ အားလုံး ၅၇ ယောက်လားမသိ ရှိသည်။


 

    ကိုတင်မောင်ဦးက အထွေထွေအတွင်းရေးမှုးအဖြစ် တက္ကသိုလ်ပါမောက္ခချုပ် ဒေါက်တာမောင်မောင်ခ ရုံးတွင် ရုံးထိုင်သည်။ ရန်ကုန်မြို့တော်ဝန် သိန်းအောင် အိမ်သို့ ဖုံးဆက်ပြီး "ခင်ဗျားတို့ ကြပ်ကြပ် သတိထား" ဟု ကြိမ်းသည်။ ထိုအခါ မြို့တော်ဝန် သိန်းအောင် မိန်းမက "ကျမတို့ ဘာမှ မသိပါ မောင်လေးတို့ရယ်၊ ကျမတို့က ခိုင်းရာလုပ်ရတဲ့ သူတွေပါ၊ မှားတာရှိရင် တောင်းပန်ပါတယ်" ဟု ကြောက်လန့်စွာ ပြောသည့်အခါ ကိုတင်မောင်ဦးတို့ ဟားတိုက် ရယ်မောခဲ့ကြသည်။ အမှန်တော့ လူငယ်သဘာဝ မာန်နှင့် ပြောကြခြင်းသာဖြစ်သည်။ ၎င်းတို့ကို ထိခိုက်နာကျင်အောင်လုပ်ရန် စိတ်ထားများ ကျောင်းသားတို့တွင် မရှိ။


 

    ပြန်ကြားရေးတာဝန်ခံ၍ ထွန်းအောင်ကျော်က ကျောင်းသားငယ် သုံး ၊ လေး ဦးကို ခေါ်ယူပြီး ဘွဲ့နှင်းသဘင်ခန်းမ အဆောက်အဦဘေးတွင် ဝန်းခတ်ထားပြီး စိုက်ပေးသည့် ပန်းအိုးများကို သွားမယူကြသည်။ ခန်းမရှေ့ လှေကားထစ်တွင် တရားဟောစင်ဆောက်ပြီး ၎င်းစင်ဘေး တဖက်တချက်တွင် ပန်းအိုးများကို စီထားစေသည်။


 

၎င်းစင်အလယ်တွင် ဘွဲ့ယူသည့်အခါ ဟောပြောသည့် မတ်တပ်စင်ကို အတွင်းရှိစင်မြင့်မှ ယူလာပြီး ချသည်။ ည (၁၁) နာရီခန့်တွှု တရားဟောကြလေတော့သည်။ လူထုကြီးကလည်း အဓိပတိလမ်းမကြီး တလျှောက် ပြည့်လျှံထွက်နေသည်။ ပြောချင်ကြသည့် သူများ တယောက်ပြီးတယောက် ပေါ်ထွက်လာသည်။ ကိုရဲထွတ် ဆိုသူက စကားပြောရာတွင် ဗိုလ်ချုပ်အောင်ဆန်း လေသံအတိုင်း "ဟုတ်လား၊ ဟုတ်လား" ဟု ပြောသည်ကို ထွန်းအောင်ကျော်တို့က နောက်မှ တဝါးဝါး လုပ်ရင်း လက်ခုပ်တီးပေးသည်။ ဆရာတော်ဦးသီလစာရကိုကျွန်တော်တို့က ဒေါ်လာဒေါ်ညာဆရာတော်ဟု အမည်ပေးထားသည်။ ဆရာတော်သည်သရက်တောကျောင်းတိုက်မှဖြစ်သည်၊ မျက်နှာဝိုင်းဝိုင်း နှင့် တရားဟော အလွန်ကောင်းသည်။ သူဟောသည့် တရားက အမေရိကန် ဒေါ်လာသည် တန်းဖိုးရှိသည်၊ လူတိုင်းကလိုချင်ကြသည်။ လိုတာ ဝယ်၍ ရသည်။ မြန်မာကျပ်ငွေက တန်ဖိုးမရှိ လိုတာ ဝယ်မရနိုင် ဒါကြောင့် ဒေါ်လာမဟုတ် ဒေါ်ညာဖြစ်သည်။ လူတွေက အလွန် သဘောတွေ့ကြသည်။


 

    ထွန်းအောင်ကျော်တို့ထက် စီနီယာကျသော အလံနီပါတီမှ ကိုဝင်းစိန်ဆိုသူက ရဲမြင့်တို့ Hostel နောက် လိုင်းမှာနေသည်။ ကျွန်တော်တို့ တက်ကြွသည်ကို သိသဖြင့် သူကြားသိသော ပုံတိုပတ်စများ၊ နိုင်ငံရေး ဟာသ သရော်စာများကို ကြုံလျှင်ကြုံသလို ပြောပြသဖြင့် မှတ်သား ရယ်မောကြ စ မြဲဖြစ်သည်။


 

    ထွန်းအောင်ကျော် စင်ရှေ့တွင် ရပ်လိုက်သည်၊ ကိုဝင်းစိန်ပြောပြသော ပုံပြင်ကိုမျှဝေရန် စိတ်ကူးမိ၍ဖြစ်သည်။ ပုံပြင်က ဒီလိုပါ-

    တနေ့တော့ ဗိုလ်ချုပ်နေဝင်းရယ်၊ ဗိုလ်ချုပ်စန်းယုရယ်၊ ဗိုလ်မှူးချုပ်တင်ဦး (မျက်မှန်တင်ဦး) တို့ သုံးဦး ဟယ်လီကော်ပတာနဲ့ ဗမာပြည်ကြီးကို လှည့်ကြည့်ကြသတဲ့၊ အဲဒီလို လှည့်ကြည့်တဲ့အခါ ဗမာပြည်သူ ပြည်သားတွေ ဆင်းရဲမွဲတေနေတာကို မြင်သတဲ့၊ ဒီလိုမြင်တဲ့အခါ ဗိုလ်နေဝင်းကို့တိုင်းပြည် အလွန်ဆင်းရဲ မွဲတေနေပြီ မင်းတို့ အနေနဲ့ ဘယ်လို ချမ်းသာအောင်လုပ်ရင် ကောင်းမယ်လို့ ထင်သလဲလို့ သူ့ရဲဘော် နှစ်ယောက်ကို မေးသတဲ့။ အဲဒီအခါ ဗိုလ်မှူးချုပ်တင်းဦးက ကျွန်တော် ငွေစက္ကူတွေ ကြဲချလိုက်ရင် လူတွေ ချမ်းသာလာမယ်လို့ မြင်ပါတယ် ဆိုပြီးပြောသတဲ့၊ ဗိုလ်စန်းယုက ငွေစက္ကူကြဲချတာနဲ့ ဘယ်လိုလုပ် ချမ်းသာမှာလဲကွ ငါတော့ ရွှေတွေ ငွေတွေ ကြဲချပေးလိုက်မယ်လို့ ပြောသတဲ့။

        

ဒီနေရာမှာ ထွန်းအောင်ကျော်က ခဏနားပြီး ဆက်မပြောဘဲ ရပ်ထားလိုက်တော့ ပရိတ်သတ်ကြီးက "ဆက်ပြောပါ၊ ဆက်ပြောပါ" နဲ့ တောင်းဆိုလာသည်။ အမှန်တော့ ထွန်းအောင်ကျော်ပရိတ်သတ်က ဘယ်လောက် စိတ်ဝင်စားတယ်ဆိုတာကို သိချင်လို့ဖြစ်သည်။

    

လူတွေစိတ်ဝင်စားကြောင်းတွေ့တော့အားတက်ပြီးဆက်ပြောသည်။ "ဒါနဲ့ ဗိုလ်နေဝင်းက "မင်းတို့နှစ် ယောက် လုံး အသုံးမကျဘူး ဘာမှသိတဲ့ကောင်တွေ မဟုတ်ဘူး၊ ဟေ့ကောင်တွေ ဒီမှာ ငါသာဆိုရင် ဗမာပြည်ကြီးချမ်း သာသွားအောင် ပတ္တမြားတွေ ကြဲချလိုက်မယ်ဟေ့".. လို့ ပြောသတဲ့။ အဲဒီအချိန်မှာ ဟယ်လီကော့်ပတာ မောင်းနေတဲ့ ပိုင်းလော့က ပြုံးကြည့်နေတာတွေ့လို့ "ဟေ့ကောင် မင်းက ဘာလို့ ပြုံးတာလဲ" ဆိုတော့ ပိုင်းလော့က "ဟာ ဘာမှမဟုတ်ပါဘူး ဆရာ"လို့ ပြောသတဲ့။ ဒါနဲ့ ဗိုလ်နေဝင်းက "ဟေ့ကောင် ပြောပါ မင်းက ဘာအကြံရှိသလဲ ကောင်းရင် ယူရမှာပေါ့"လို့ ပြောသတဲ့ ဒီအခါ ပိုင်းလော့က "ဘာမှ မရှိပါဘူးဆရာ" လို့ ထပ်ငြင်းသတဲ့ ဒီတော့ ဗိုလ်နေဝင်းက "မင်းကို ဘာအပြစ်မှ မပေးဘူး မင်းမှာ အကြံရှိလို့ ရှိရင်ပြော" ဆိုတော့ ပိုင်းလော့က "ခင်ဗျားတို့ ဗမာပြည်ကို တကယ် ချမ်းသာစေချင်သလား?" လို့ ပြန်မေးတယ်၊ သူတို့သုံး ယောက်စလုံးက "အေး.. ချမ်းသာစေချင်တယ်"လို့ ဆိုတော့ ပိုင်းလော့က "ခင်ဗျားတို့ သုံးယောက်လုံး ဒီရဟတ်ယဉ်ပေါ်ကနေ ခုန်ဆင်းလိုက်ရင် ဗမာပြည်ကြီး ချမ်းသာသွားမှာဘဲ" လို့ ပြောလိုက်တယ်ဆိုရော.. လူတွေဟာ သဘောကျလွန်းလို့ ဝါးလုံးကွဲ ရီလိုက်ကြတာ အတောမသတ်ပါဘဲ။ ဒါဟာ ထွန်းအောင်ကျော် နိုင်ငံရေး စဉ်မြင့်ပေါ်မှာ ပထမဦးဆုံး တည်တည်ငြိမ်ငြိမ်ပြောခဲ့တဲ့ စကားဘဲဖြစ်သည်။


 

ဟန်ရှင်ဝင်း

ဦးဋ္ဌေးမြင့်က ပစ္စည်းတွေ ပျောက်သွားတာ မင်းတို့မှာ တာဝန်ရှိတယ်ဆိုတဲ့ စကားကို နားထောင်ပြီး ဦးသန့်မှာ လူစည်ကားလို့ ဝမ်းသာတာတွေ ပျောက်ပြီး ဒီတခါတော့ ငါတို့ ခံလိုက်ရပြီလို့ တွေးရင်း ဟန်ရှင်ဝင်းနဲ့ အောင်မြင့်တို့စိတ်ပျက်ပြီး အဆောင်ကို ပြန်လာခဲ့ကြပါသည်။ အခန်းအောင်းနေရင်း သူငယ်ချင်းတွေက ဦးသန့်အလောင်း ကျောင်းဝင်းထဲရောက်နေပြီ ဆိုတော့ စိတ်ပြောင်းသွားခဲ့ပြန်သည်။ တင်မောင်ဦးတို့ နိုင်ငံရေး လုပ်တာ ပိုင်လှချည်လားဟု အံ့သြနေမိသည်။ နောက်သင်္ချာက ကြည်ဝင်းကို ဥက္ကဋ္ဌလုပ်နေတာတွေ့ရတော့ ပိုအံ့သြသွားသည်။ ဒီကောင်နိုင်ငံရေးစိတ် ရှိမှန်း ဟန်ရှင်ဝင်း တွေးပင်မတွေးထားမိ။ ဟန်ရှင်ဝင်း အနေနဲ့ အရင်းအခင်းမှာ ပါတယ်လည်း မဟုတ်၊ မပါဘူးလည်း မဟုတ်၊ စိတ်ဝင်စားမှုကတော့ ရှိလာခဲ့သည်။ (၇) ရက်နေ့မှာ ဦးသန့်ဂူကို တကသ အဆောက်အဦဟောင်း နေရာကွက်လပ်၊ ဗိုလ်အောင်ကျော်ကျောက်တိုင် နောက်ဖက်ကွက်လပ်မှာဆောက်ကြတော့ စိတ်ပါလာသည်။ သွေးလဲဆူလာသလို သတ္တိတွေလည်း ဘယ်ကရောက်လာမှန်း မသိတော့။ မင်းသားကြီး ဇေယျရဲ့သား ယာမိုးနှင့်ဇော်မိုး တို့ ညီအကိုလည်း အဲဒီမှာ ဆောက်လုပ်ရေး ဝင်လုပ်နေတာ တွေ့ရတော့ ရိက္ခာထောက်ပံ့ရေးကို ဝင်လုပ်တော့သည်။ ဟန်ရှင်ဝင်းက အဆောင်ကျောင်းသား အတွင်းရေးမှုးဖြစ်သည့်အတွက် လုပ်ပိုင်ခွင့်ရှိသည်။ ဂူဆောက်ရေးမှာ ဝင်ကူသည်။ အဆောင်က ထမင်းဟင်းတွေ သိမ်းပြီး သွားဝေသည်။ ဗဟိုရိက္ခာရုံကိုသွားပြီး အဆောင်အတွက် ရိက္ခာတွေကို သိမ်းပြီး ဗဟိုအားကစားရုံးထဲကို ပို့ပေးသည်။ ထမင်းထုတ်၊ ဟင်း ရိက္ခာ စသည်ဖြင့်ပေါ့။


 

မောင်မောင်တိတ်

(၆) ရက်နေ့မှာ ဦးသန့်အလောင်းကို ဘွဲ့နှင်းသဘင်တွင်းမှာ ထည့်ထားလိုက်ပေမဲ့ ကြည်ရှည်ထားလို့ မဖြစ်။ တခုခုတော့ စီစဉ်မှ ဖြစ်မည်ဟု ဆွေးနွေးကြသည့်အခါ ယာယီနေရာ စီစဉ်ရမည်ဟု သဘောတူသည်။ ယခင်တကသ အဆောက်အဦ ကွက်လပ်မြေနေရာဟာ အကောင်းဆုံးဘဲ ရှေ့မှာလဲ ဗိုလ်အောင်ကျော် ကျောက်တိုင်ရှိသည်။ နောက်ပြီး နေဝင်းဖျက် ဆီးလို့ ပျက်စီးသွားတဲ့ တကသ အဆောက်အဦနေရာမှာ ထားရင် နေဝင်းကို စိမ်ခေါ်ပြီးသားလဲ ဖြစ်တယ်လို့ ယူဆပြီး အားလုံးက သဘောတူသည်။


 

မောင်မောင်တိတ်တယောက် သူ့လူတွေကို "မင်းတို့ ငါစကားပြောမယ်၊ ငါပြောတာနဲ့ လက်ခုပ်ဝိုင်းတီးကြပြီး ငါ့နောက်က လိုက်ခဲ့လို့ အချိန်းအချက်လုပ်သည်။ ပြီးတာနဲ့ မောင်မောင် တိတ်က ဘွဲနှင်းသဘင်ခန်းမရှေ့ကနေ "ငြိမ်းချမ်းရေးဗိမာန် တည်ဆောက်ရေး ဒို့အရေး ဒို့အရေး" လို့ အော်ပြီး ထွက်သည်။ သူ့လူတွေကလဲ အော်ပြီးလိုက်တဲ့အခါ ဘေးက လူတွေလဲ သွေးကြွလာပြီး ဝိုင်းအော်ကြသည်။ နောက်မောင်မောင်တိတ်သွားတဲ့ နောက်ကို လိုက်လာကြသည်။ သောင်းအေးကလဲ "ကျောင်းသားသံဃာညီညွတ်ရေး ဒို့အရေး၊ အလုပ် သမား ကျောင်းသားညီညွတ်ရေး ဒို့အရေးလို့ အော်သည်။ လူတွေကလည်း လိုက်အော် ကြသည်။ မောင်မောင်တိတ်တို့ နောက်မှာ ရာနဲ့ချီနေတဲ့ လူအုပ်ကြီးပါလာသည်။


 

RC (Recreation Center) ရှေ့ ရောက်သည့်အခါ တက္ကသိုလ်အနုပညာအသင်း အထွေထွေ အတွင်းရေးမှူးကို သောင်းဟန်နဲ့ စီးပွားရေးတက္ကသိုလ် အနုပညာအသင်း အတွင်းရေးမှူးကို ကိုသက်တင်တို့က RC ထဲမှ ထွက်လာပြီး ကြိုသည်။ ကိုသောင်းဟန် (ကွယ်လွန်) က "ကျွန်တော်တို့ အနုပညာအသင်းကလဲ ခင်ဗျားတို့နဲ့ ပူးပေါင်းတယ်ဗျာလို့ ပြောပြီး ပါဝင်သည်။ သောင်းဟန်က အရပ် ၅ ပေ ၅ လက်မခန့် အသားညိုညို နှုတ်ခမ်းမွှေး ထိုးထိုး ထောင် ထောင်နှင့် ဆံပင်တွေက နဖူးထက်တန်းဆင်းနေကြသည်။ သက်တင် (ကွယ်လွန်) က လူချော၊ ဝင်းဦးစတိုင် သီချင်းဆို အလွန်ကောင်းသည် ဝမ်းတွင်းသားဖြစ်သည်။ မိဘက ချမ်းသာသည်။ ကော်ကိုင်း မျက်မှန်ကိုင်းအနက် လေးကိုင်းသဏ္ဍာန် နှုတ်ခမ်းနှင့် ရိပ်ထားသဖြင့် စိမ်းနေသော နှုတ်ခမ်းနှင့် ပါးသိုင်းတို့ကြောင့် စီးပွားရေးတက္ကသိုလ်တွင် ရေပန်းစားသည်။


 

အနုပညာအသင်းမှ ခေါင်းဆောင်များနှင့် စကားပြောပြီးသည်နှင့် မောင်မောင်တိတ်တို့ အဓိပတိလမ်းမကြီးအတိုင်း ကံ့ကော်ပင်များကြားမှ လျှောက်လာကြသည်။ ကံ့ကော်ပင်များ အုပ်ဆိုင်းနေသော တောအုပ်လေးကို မကြာသေးခင်က ခုတ်ဖြတ်ပြီး စာကြည့်တိုက်သစ် ဆောက်နေစဉ်ကာလ ဖြစ်သဖြင့် မြတ်မြတ်နိုးနိုး တန်ဖိုးထားသော အပင်များကို ခုတ်ပစ်ခြင်း အတွက် အထူးစိတ်မကောင်းဖြစ်ကြသည်။ တက္ကသိုလ်စာကြည့်တိုက်ကြီးဘေးရှိ ထိုကံ့ကော် ပင်ပျိုတို့သည် ချစ်သူများနားနေရာ၊ ကျောင်းသားများ စာဖတ်ရာ ခုံတန်းလေးများဖြင့် စည်ကားခဲ့ဘူးပါသည်။ ယခုတော့ ပြောင်သလင်းခါခဲ့ပြီဖြစ်သည်။ စာကြည့်တိုက်အသစ် ကလည်း ဆောက်လုပ်စဖြစ်သဖြင့် ထိုနေရာတွင် အုတ်၊ ကျောက်၊ ဘိလပ်မြေတို့က အဆင်သင့်ဖြစ်နေခဲ့သည်။


 

မောင်မောင်တိတ်က "အဲဒီအုတ်ခဲတွေ၊ ဘိလပ်မြေတွေယူခဲ့"ဟု ပြောသည်နှင့် နောက် ပါလာသော လူအုပ်က ဝိုင်းကူသယ်ကြသည်။ တယောက်တလက်ဆိုတော့ အများသား ကလား။ သို့နှင့် တကသ အဆောက်အဦကွက်လပ်သို့ ရောက်သည်၊ ထိုကွက်လပ်သည် အဓိပတိလမ်းမကြီး၏ ဗဟိုတံခါးမကြီး မိန်းဂိတ် (Main Gate) အစပ်နားတွင်ရှိသည်။ မန္တလေးဆောင်နှင့် မျက်နှာချင်းဆိုင်ဖြစ်သည်။ မန္တလေးဆောင်မှ အဓိပတိလမ်းမကြီးကို ဖြတ်ကူးလိုက်လျှင် တဖက်တွင် ဗိုလ်အောင်ကျော်ကျောက်တိုင်ရှိသည်။ ထိုကျောက်တိုင်၏ နောက်ဖက်တွင် တကသ အဆောက်အဦကွက်လပ်ကြီးက မျက်ရိုင်းများဖြင့် အကြည်းတန်စွာ ၁၉၆၂ ခုနှစ် ဂျူလိုင်လ ၈ ရက်နေ့မှစ၍ ဖြစ်ပေါ်လာခဲ့သည်။ ယခင်က တက္ကသိုလ်ကျောင်းသား မျိုးချစ်လူငယ်များ၏ ဗဟိုစုရပ်ဖြစ်သည့် တကသအဆောက်အဦကြီးသည် နယ်ချဲ့ကိုလိုနီ စံနစ်၏ မြေပေါ်တော်လှန်ရေးရဲဘော်များ၏ စည်းဝေးတိုင်ပင်ရာ ခမ်းမကြီး၊ ကျောင်းသား ခေါင်းဆောင်များကို မွေးထုတ်ရွေးချယ်ရာဌာနကြီး ဖြစ်ခဲ့ဘူးသည်။


 

မောင်မောင်တိတ်တို့ခေတ်တွင် တက္ကသိုလ် ကျောင်းသားများအတွက် အဖွဲ့အစည်း ဆို၍ မဆလ ဒေါက်တိုင် လမ်းစဉ်လူငယ် အဖွဲ့သာ ဖွဲ့စည်းခွင့်ရှိခဲ့သည်။ ကျောင်းသားရေးရာ ထက် မဆလပါတီအတွက် ထောက်ခံအားပေးရာ အဖွဲ့သာဖြစ်သည်။


 

မောင်မောင်တိတ်တို့ ဗိုလ်အောင်ကျော်ကျောက်တိုင်ကို ဖြတ်ကျော်၍ အဆောက်အဦ ကွက်လပ်ကြီးထဲသို့ ရောက်သည့်အခါ မြက်ရိုင်းများကို ခုတ်ထွင်ရှင်းလင်းကြသည်။ ဗိုလ် အောင်ကျော် ကျောက်တိုင်ဘေးရှိ ပတ်ပတ်လည်တွင် ပေါက်နေသော မြက်ရိုင်းများကို ရှင်းလင်းသုတ်သင်ကြသည်။ မောင်မောင်တိတ် စိတ်ထဲတွင် ထိုမြေကွက်လပ်ကြီးသည် ကျောင်းသားများသမိုင်းကြွေးကို ဆပ်ကြဟု တိုက်တွန်းနေသလို ခံစားနေမိသည်။


 

မြက်ရိုင်းများဖြင့် ဟင်းလင်းပြင်ကြီးသည် တချိန်က ကျောင်းသားခေါင်းဆောင်များ မွေးထုတ်ပေးခဲ့သည့်၊ ရွေးချယ်ပေးခဲ့ရာ ခန့်ငြားထယ်ဝါသောအဆောက်အဦကြီး ရှိခဲ့သည်ကို အစားထိုး၍ နေရာယူထားသဖြင့် ရင်နာစရာဟု အဓိပတိလမ်းမကြီးအတိုင်း လျှောက်သွားရင်း စဉ်းစားမိခဲ့သည်မှာ အကြိမ်ကြိမ်ဖြစ်သည်။ မောင်မောင်တိတ်နည်းတူ ထွန်းအောင်ကျော်တို့ တင်မောင်ဦးတို့ကလည်း ထိုအတိုင်း ခံစားမိကြသည်။ ဖွင့်မပြောကြသော်လည်း မျိုးချစ်စိတ်ရှိ သည့် လူငယ်တိုင်းအတွက်ထိုမြေကွက်လပ်သည် တချိန်က ကျောင်းသားသမဂ္ဂအဆောက် အဦကြီးကို ဗိုလ်နေဝင်းအမိန့်ဖြင့် ဖေါက်ခွဲဖျက်ဆီးခဲ့ရာမှ ဖြစ်ပေါ်လာသည့် ကွက်လပ်ကြီး ဖြစ်သည်ကို သိကြသည် ခံပြင်းကြသည်။ "ငါတို့ကျောင်းသားတွေကို စစ်အာဏာရှင်တွေက ဒီလို ရက်ရက်စက်စက် လုပ်ခဲ့ကြသည်"ဟူသည့် အသိက စစ်အာဏာရှင်စံနစ်ကို တိုက်ဖျက်ရန် အမြဲနှိုးဆော်နေခဲ့သည်။ အခွင့်အရေးရသည်နှင့် ပျောက်ဆုံးခဲ့ရသော ကျောင်းသားသမဂ္ဂ ပေါ်ထွန်းလာရေးသည် ငါတို့၏ သမိုင်းပေးတာဝန်တရပ်ဖြစ်သည်ဟူသော အသိ နိုင်ငံရေးရေချိန်မြင့်သော ကျောင်းသားတိုင်း၏ စိတ်ထဲတွင်ရှိသည်။


 

အတိတ်ကို တစေ့တစောင်း


 

တင်မောင်ဦးကို အဖဦးလှဒင် အမိ ဒေါ်နှင်းမြိုင်တို့မှ ၁၉၅၁ ခုနှစ် နိုဝင်ဘာလ ၉ တွင် ဖွားမြင်သည်။ သားဦးမို့ အလွန်ချစ်ကြသည်၊ ဦးလှဒင်တို့ မိသားစုသည် Protestant ဘာသာဝင်များ ဖြစ်ကြသည်။ ဘာသာရေးကို အထူး လေးစားလိုက်နာကြသည်။ ရန်ကုန်တွင် နေထိုင်သော်လည်း မျိုးရိုးမှာ အရှိုချင်းလူမျိုးဖြစ်သည်။ ထောင်ကြီးကွေ့ ဦးဘာဝါလမ်းတွင်းရှိ ဘုရားကျောင်း (Church) သို့ ဦးလှဒင်တို့ မိသားစု သွားရောက် တရားနာလေ့ရှိသည်။ တင်မောင်ဦး လူပျိုဘဝရောက်လာသည့်အခါ တရားဟောဆရာ (သင်းအုပ်ဆရာ) ဦးမျိုးချစ်၏ ဆိုရှယ်လစ်ပါတီကို ဖါးပြီး ဟောပြောခြင်းများကို နားမထောင်လိုတော့ပေ။ ဦးမျိုးချစ်က စစ်ဝတ်စုံ ဝတ်ထားသော ဗိုလ်မှူးများကို စင်ပေါ်မှာ တရားဟောခွင့် ပေးခြင်း၊ နိုင်ငံတော် အစိုးရကို ဘုရားသခင်မှ ကောင်းချီးပေး လမ်းပြပါစေဆိုသည့် ဖေါ်လံဖါး၍ အများရှေ့တွင် ဆုတောင်းခြင်းမျိုးကို နားမထောင်လိုတော့သဖြင့် မိသားစုနှင့် တနင်္ဂနွေနေ့တွင် လိုက်ပါခြင်း မပြုတော့ဘဲ နေလာခဲ့သည်။ မိဘက ခေါ်သော်လည်း အကြောင်းပြ၍ မလိုက်ဘဲ နေခဲ့သည်က များသည်။


 

သို့ရာတွင် နဂိုစိတ်ရင်းက ဘာသာတရားကို လေးစားမြတ်နိုးစိတ်ရှိသည်။ အစိုးရ လုပ်ရပ် မမှန်ကန်ပါက ထောက်ခံခြင်း မပြုဘဲ ပြည်သူ့ဘက်မှ ရပ်တည်ရဲသည့် တရားဟော ဆရာမျိုး လိုသည်။ ပြည်သူသို့ လမ်းပြသည့် တရားဟောဆရာ မရှိလျှင် မိမိကိုယ်တိုင် ဘုန်းကြီးလုပ်၍ တရားဟောမည်ဟု အတွေးပေါက်သည်။ ပရိုတက်တင့် ဖြစ်သော်လည်း ကက်သလစ်ဘုန်းကြီးများကို သဘောကျသည်။ ၎င်းကက်သလစ်ဘုန်းကြီးများသည် ဗုဒ္ဓဘာ သာဘုန်းကြီးများကဲ့သို့ မိန်းမမယူ လူပျိုလူလွတ်များအဖြစ် သာသနာ့ဝန်ကို ထမ်းကြသည်။ ထို့ပြင် ကက်သလစ်ဘုန်းကြီးများသည် ကိုယ်ကျိုးစွန့်ပြီး ဘဝမြုပ်၍ အနူရုံများတွင် ၎င်းလူမှု ရေး လုပ်ငန်းများတွင်လည်းကောင်း ပါဝင်ပြီး ပြည်သူများအကျိုးကို ဆောင်ရွက်သည့် အတွက် အလွန်အားကျသည်။ ထိုကြောင့် (၁၀) တန်း အောင်သောအခါ ကက်သလစ်ဘုန်းကြီး လုပ်မည်ဟု မိဘကို ခွင့်တောင်းသည်။


 

အဖေလုပ်သူက ငါ့သား မင်းလုပ်ချင်တာ ကောင်းပါတယ်။ ငါမတားပါဘူး။ ဒါပေမယ့် ငါတို့ အမျိုးထဲမှာ ဘွဲ့ရတာ တယောက်မှ မရှိသေးဘူး။ ဒါကြောင့် ဘွဲ့တခုခုရအောင် တက္ကသိုလ်တက်ပါ။ ဘွဲ့ရပြီးမှ မင်းလုပ်ချင်တာလုပ်ဟု ဖျောင်းဖျသည်။ မိဘကို ရိုသေ လေးစားသော တင်မောင်ဦးက လျောလျောလျှူလျှူ သဘောတူလိုက်သည်။


 

တက္ကသိုလ်ရောက်သည့်အခါ အင်းစိန်ရွာမဘက်မှ ကိုဘဝင်းဆိုသည့် ကျောင်းသား တယောက်နှင့် ပေါင်းမိသည်။ ကိုဘဝင်းက စာပေလေ့လာလိုက်စားမှု အားကောင်းသည်။ လက်ဝဲစာပေများနှင့် ရင်းနှီးသည်။ ဆင်းရဲသားလူတန်းစားများအကြောင်း၊ ပစ္စည်းမဲ့လူတန်းစား ဆိုသည်မှာ ဘယ်သို့ သတ်မှတ်သည်ကအစ ဆိုရှယ်လစ်၊ ကွန်မြူနစ်ဝါဒတို့ကို စိတ်ဝင်စား လာအောင် ရှင်းပြတတ်သဖြင့် တင်မောင်ဦးက ကိုဘဝင်းကို လေးစားသည်။ ခင်မင်စွာ ပေါင်း သင်းပြီး ဆိတ်ဆိတ်နေကာ နားထောင်တတ်သည်။ ကိုဘဝင်းက ကျောင်းသို့ ခုံဖိနပ်စီးပြီး တက်တတ်သလို ပင်နီအင်္ကျီဝတ်ပြီး နိုင်ငံရေးစကားများ ပြောတတ်သည်။ မြန်မာ့ဆိုရှယ်လစ် လမ်းစဉ်ပါတီ၏ အာဏာအလွဲသုံးစားလုပ်မှုများကို ပြင်းပြင်းထန်ထန် ဝေဖန်တတ်သည်။


 

တင်မောင်ဦး တတိယနှစ်ရောက်သည့်အခါ ကိုဘဝင်းကို ဆင်ဖြူတော်စစ်ဆင်ရေးနှင့် ထောက်လှန်ရေးမှ ဖမ်းဆီးသွားပြီး သူမှတဆင့် တင်မောင်ဦးကိုပီါအဖြစ် ထပ်ဆင့် ဖမ်းခဲ့သည်။

ထောက်လှန်းရေး (၇) မှ မော်တော်ဆိုင်ကယ်နှင့် လာပြီး ခဏဟုခေါ်သွားခဲ့သည်။ တရားရုံးလဲ မတင်၊ တရားစီရင်မှုလဲ မလုပ်ဘဲ အင်းစိန်ထောင်ထဲတွင် (၈) လခန့် အချုပ်နှင့် ထားခဲ့သည်။ အိမ်မှ မိဘများက လိုက်လံစုံစမ်း၍ တွေ့ခွင့်ရရန် ကြိုးစားသော်လည်း (၈) လကြာမှ သွားပွတ်တံ၊ ဆေး၊ အဝတ်အထည်တို့ကို လူတွေ့ခွင့်နှင့် မရဘဲ တဆင့်ပေးခဲ့ ရသည်။ တနှစ်နှင့် တလအကြာတွင် တင်မောင်ဦး ထောင်မှ လွတ်လာသည်။ ထောင်ထဲတွင် ပြည်ချစ်ပါတီမှ အာဇမ်ခေါ် မောင်မောင်လွင် ချင်းဆရာဝန် ဒေါက်တာဇလင်းသန်းတို့နှင့် ခင်မင်ခဲ့ရသည်။


 

တင်မောင်ဦးသည် မဟုတ်မခံစိတ် အပြည့်ရှိသည်။ အားကစားလည်း အလွန်လိုက် စားသည်။ သမိုင်းဖက်တွင် နေသည့်အခါ ဘုန်းကြီးကျောင်းတခုတွင် ဘုန်းကြီးများနှင့် ပေါင်းပြီး ဝိတ်မသည်။ ရေကူးသည်။ ၁၄ နှစ်သားမှ စ၍ အလေးမသည့်အတွက် ၁၆ နှစ် ၁၇ နှစ် အရွယ်တွင် နုထွားကြီးကြီးဖြစ်လာသည်။ တုတ်ခိုင်သော လည်တိုင်၊ မို့မောက်နေသော ရင်အုပ်၊ တောင့်တင်းသော လက်မောင်းလက်ဖျန်တို့နှင့် တင်မောင်ဦးသည် နုပျိုသလောက် သန်မာ ဖြတ်လတ်သော ယောက်ျားကောင်းတို့၏ အင်္ဂါနှင့် ညီညွတ်သူဖြစ်လာခဲ့သည်။


 

မိဘများ သမိုင်းလမ်းဆုံမှ ဂျပန်တာသို့ ပြောင်းသွားခဲ့သည်။ ဂျပန်တာသည် သမိုင်း ဘူတာနှင့် ကြို့ကုန်းဘူတာကြားတွင် ရှိသည်။ လူပြတ်လတ်သည့် နေရာဖြစ်သလို လမ်းသရဲ ဂိုဏ်းများ ကျက်စားရာလည်းဖြစ်သည်။ တင်မောင်ဦး ဂျပန်ဂျူဒိုသင်သည်။ နောက် ကင်ဒိုဓား သိုင်းကိုလည်း လေးလေးနက်နက် သင်ယူသည်။ ဂိုဏ်းဂဏများသော သမိုင်း၊ ကြို့ကုန်း လိုနေရာတွင် ကိုယ်ခံပညာတတ်ဘို့လိုသည်ဟု စဉ်းစားမိ၍ ဖြစ်သည်။ တင်မောင်ဦးတို့ အိမ်သည် ရထားလမ်းဘေးတွင် ဖြစ်သည်။ တရက် ရထားလမ်းတလျှောက် လမ်းလျှောက်ပြီး အိမ်ပြန်လာရာ ကောင်းလေးတယောက်ကို လမ်းသရဲ သုံးယောက် ဝိုင်းထိုးကြိတ်ပြီး လက်ပတ် နာရီကို လုနေသည်ကို တွေ့ရသည်။ ကောင်လေးက ကယ်ကြပါ၊ ကယ်ကြပါ။ ကျွန်တော့ နာရီကို လုနေပါတယ်ဟု အော်ဟစ် အကူအညီတောင်းသည်။ အနီးအနားတွင် တင်မောင်ဦး မှ လွဲ၍ အခြားသူမရှိ။ တင်မောင်ဦး မနေသာ၊ ဝင်ရောက်ပြီး ကောင်လေးကို ထိုးကြိတ်နေ သည့် လူများကို ဝင်ထိုးသည်၊ လမ်းသရဲများ တင်မောင်ဦး လက်သီးဒါဏ်ကြောင့် ကြာကြာ မထိုးနိုင်ဘဲ ထွက်ပြေးသွားသည်။ သို့သော် ကောင်လေးနာရီတော့ ပါသွားသည်။


 

အရပ် ၅ ပေ ၇ လက်မခန့် ခန္ဓာကိုယ်တောင့်တင်းပြီး ထီမထင် အမူအရာရှိသော တင်မောင်ဦးကို လမ်းသရဲများက ဖြုံကြသည်။ သမိုင်းဘူတာနားတွင် လမ်းသရဲများက တနေ့ တွင် မထိတထိ ဆဲသဖြင့် တင်မောင်ဦးက ဟေ့ကောင်တွေ ဘယ်သူ့ကို ဆဲတာလဲကွဟု မေးသည်။ လမ်းသရဲများက မင်းကို ဆဲတာကွဟု တယောက်က ဝင်ထိုးသည်။ တင်မောင်ဦးက ဝင်လာသော လက်သီးကို ဘယ်လက်နှင့် ပုတ်ထုတ်၍ ညာလက်ဖြောင့်တလုံး သွင်းလိုက်သဖြင့် လမ်းသရဲလန်ထွက်သွားစဉ် နောက်တယောက် နောက်မှ ပြေးဝင်လာသဖြင့် (Side Kick) ဘေးထွက်ကန်ချက်ပေးလိုက်သည့်အခါ ပုံကျသွားသည်။ ထို့နောက် မင်းတို့ထဲက သတ္တိရှိတဲ့ ကောင် ထွက်ခဲ့ဟု စိမ်ခေါ်လိုက်သည့်အခါ မည်သူမျှ မလှုပ်ဝံ့တော့။


 

သို့ရာတွင် လမ်းသရဲများက အခဲမကြေ၊ တညနေ တက္ကသိုလ်မှ အိမ်အပြန် ရထားလမ်း ဘေးတွင် လမ်းသရဲ ၁၅ ယောက်ခန့်က ဓားများနှင့် တင်မောင်ဦးကို ဝိုင်းလိုက်ကြသည်။ တင်မောင်ဦး လွယ်အိတ်ထဲတွင် ဓားမြှောင်တချောင်း အမြဲပါသည်။ မိမိကိုယ်ကို ကာကွယ်ရန် ဖြစ်သည်။ တင်မောင်ဦးက အေးဆေးစွာ လွယ်အိတ်ထဲမှ ဓားမြှောင်ကို ထုတ်ယူလိုက်သည်။ ပြီးမှ-

"ဟေ့ကောင်တွေ၊ သတ္တိရှိရင် ဝင်လာခဲ့ ငါနဲ့အတူ အရင်ဝင်လာတဲ့ကောင်ကို အတူခေါ် သွားမယ်" ဟု စိမ်ခေါ်လိုက်သည်။ အဲဒီအချိန်မှာ လမ်းသရဲတွေက တင်မောင်ဦးထံသို့ မဝင်ရဲ ဘဲ တွေနေကြသည်။ တင်မောင်ဦး သူတို့ကို အကြိမ်ကြိမ်နှိပ်ကွပ်ထားသည့်အတွက် လက်သံပြောင်မှန်း သိနေကြပြီး ဝင်ရန် ရွံ့နေကြသည်။ သူဝင်နိုး ငါဝင်နိုးနှင့် တွေနေကြသည်။ အဲဒီအချိန်တွင် တင်မောင်ဦးက စပြီး တည်ငြိမ်စွာဖြင့် "ငါက တက္ကသိုလ်ကျောင်းသား တယောက်ကွ၊ မင်းတို့နဲ့ငါ ဖက်ပြီး ရန်ဖြစ်စရာ အကြောင်းမရှိဘူး၊ မင်းတို့ ဘာတွေဖြစ်နေ ကြတယ်၊ ဘယ်လို အခက်အခဲတွေ ရင်ဆိုင်နေရတယ်ကအစ ငါသိတယ်၊ ငါနဲ့ ငါ့မိသားစုဟာ ဒုက္ခရောက်နေတဲ့ သူတွေကို အမြဲကူညီခဲ့တယ်၊ ဆင်းရဲသားတွေကို အမြဲစာနာတယ်၊ မင်းတို့ လဲ ဆင်းရဲလို့ လုကြဆိုးကြတာဘဲ၊ ငါနားလည်တယ်။ ဒါပေမဲ့ ဘဝတူဆင်းရဲသားတွေ လူငယ်တွေကို ဗိုလ်ကျတာတော့ မကောင်းဘူး" ဟု ပြတ်သားစွာ ပြောလိုက်သည်။


 

"ငါ့အမေဟာ ဒီရပ်ကွက်မှာ မသိသူ မရှိဘူး၊ သွားဖွါးဆရာမကြီး ဒေါ်နှင်းမြိုင်ဆိုရင် လူတိုင်းသိတယ်။ ဆင်းရဲချမ်းသာ မရွေး အမေဟာ လာပင့်ရင် ကူညီလိုက်တာဘဲ၊ ငွေကို ဂရုစိုက်တဲ့သူ မဟုတ်ဘူး" ဟု ဆက်ပြောသည့်အခါ လမ်းသူရဲတယောက်က "ငါ သူ့အမေကို သိတယ်ကွ၊ ငါ့ရည်စားကို ဆရာမကြီး မွေးပေးလိုက်တာကွ" ဟု ပြောပြီး အားလုံးနောက် ဆုတ်ပြီး အမှောင်ထဲသို့ ဝင်ရောက် ပျောက်ကွယ်သွားကြသည်။ လူ ၁၅ ယောက် နှင့်တယောက်ကို တင်မောင်ဦး ဖြတ်ထိုးဉာဏ်သုံး၍ ပြဿနာကို အေးချမ်းစွာ ရှင်းလိုက်နိုင်သည်။ သို့မဟုတ်ပါက ၁၅ ယောက်ထဲတွင် တချို့သေ၍ တချို့ပြင်းထန်စွာ ဒါဏ်ရာရနိုင်သည့်နည်းတူ တင်မောင်ဦးကိုယ်၌က အသက်ဆုံးရှုံးသွားနိုင်ချေရှိသည်။


 

၎င်းလမ်းသရဲများ၏ ခေါင်းဆောင်သည် ဓားခင်မောင်တင့်ဆိုသူ ဖြစ်သည်။ ဓားပေါက် အလွန်လက်တည့်သည်။ သူနှင့် ပြိုင်ဖက်များကို ဒါးနှင့် ပစ်ပေါက်၍ အနိုင်ယူခဲ့သဖြင့် သူ့ဓား ပေါက်ပညာကို လူတိုင်းက လန့်ကြသည်။ ဓားခင်မောင်တင့်သည် လူဗလံလေး ဖြစ်သော် လည်း မိုက်ဂုဏ်ကြောင့် လူများက ရှိန်ကြသည်။ ထို့အပြင် လမ်းသရဲများနှင့် ခါးပိုက်နှိုက် လုယက်မှုမျိုးစုံကိုလည်း စီမံကွပ်ကဲနေသူဖြစ်သည်။


 

တနေ့ တင်မောင်ဦး အိမ်ပြန်လာစဉ် ဓါးခင်မောင်တင့်က ကုက္ကိုလ်ပင်နောက်မှ ရုတ်တရက်ထွက်ပြီး လျှပ်တပျက် ဓါးနှင့်ပေါက်သည်။ တင်မောင်ဦးက သူ့ပခုံးပေါ် တင်လာ သော တိုက်ပုံအင်္ကျီနှင့် လျှင်မြန်စွာ ကာလိုက်သဖြင့် ဓါးက တိုက်ပုံကို စိုက်ပြီး ပြတ်ကျ သွားသည်။ ဓါးခင်မောင်တင့် က ပစ်ပြီးပြီးခြင်း လှည့်ပြေးသည့်အတွက် တင်မောင်ဦး မမှီနိုင်၊ ထို့ကြောင့် တင်မောင်ဦး ရထားလမ်းပေါ်မှ ကျောက်ခဲတလုံးကို ကောက်ပြီး လက်ထဲမှ ကျောက်ခဲနှင့် လှမ်းပစ်လိုက်ရာ ခင်မောင်တင့်ခေါင်းကို တိုက်ရိုက်ထိပြီး သွေးများ ဖြာခနဲ ကျသွားသည်။ သို့ရာတွင် ဟပ်ထိုးဟပ်ထိုးနှင့် အမှောင်ထဲတွင် ပြေးဝင် ပျောက်ကွယ်သွား ခဲ့သည်။


 

ဓါးခင်မောင့်တင်ခံလိုက်ရသည့် သတင်း လမ်းသရဲလောကတွင် ဂယက်ရိုက်ခတ်လို့ သွားခဲ့သည်။ ထို့အတွက် ဓါးခင်မောင့် ဂုဏ်သိက္ခာကျသည်။ ထိုဂုဏ်သိက္ခာကို အဖတ်ဆယ် ရန်မှာ တင်မောင်ဦးကို စိမ်ခေါ်ပြီး ရှင်းမှသာ ဖြစ်မည်ဟု သူ့အသိုင်းအဝိုင်းက တိုက်တွန်းသည်။ သူ့အဖွဲ့ဝင်များထဲတွင် တင်မောင်ဦးကို အထင်ကြီးမှုများသည် သူ့အတွက် မကောင်း၊ တချို့ အဖွဲ့ဝင်များက တင်မောင်ဦးကို သူ့ု့ ထက်ပို အထင်ကြီးသည့် သဘောကို သူမကြိုက်၊ ခေါင်းကွဲ လာခဲ့သည့်အတွက် ပို၍ အရှက်စေသည်။ အပွဲပွဲနွှဲလာခဲ့သမျှ တင်မောင်ဦးကျမှ သူဓါးချက်ကို ခုခံကာကွယ်ပြနိုင်ခဲ့သည့်အတွက် ဒေါသမီး ပို၍ တောက်လောင်လာခဲ့ရသည်။ မိမိထက် မိုက်ပြနိုင်သည့် သူ့ု့ ပေါ်လာသည့်အတွက် ထိုလူကို ဦးချိုးပစ်ရမယ့် တာဝန်က ခင်မောင်တင့် ပခုံးပေါ်တွင် ကျရောက်လာခဲ့ရသည်။ အကယ်၍ တင်မောင်ဦးကို ဤအတိုင်းပစ်ထားလိုက် လျှင် သူ့ဂိုဏ်းတွင်း၌ သူ့အုပ်ချုပ်မှုကို အာခံမှုများ ဖြစ်ပေါ်လာနိုင်သည့် အန္တရာယ်လည်း ရှိသည်။ မိမိကို ပျော့ညံ့သူအဖြစ် အထင်မခံနိုင်။ ဓါးခင်မောင်တင့်ဆိုသည့် နံမည်ကို လွယ်လွယ်နှင့် ရခဲ့သည်မဟုတ်၊ တင်မောင်ဦးလို လူမျိုးများကို ဓါးအစွမ်းဖြင့် နှိပ်ကွက်၍ ရလာခဲ့ခြင်း မဟုတ်ပါလား။


 

တင်မောင်ဦးက ၎င်းတို့ဂိုဏ်းကို တိုက်ခိုက်လာခြင်း၊ ဂိုဏ်းဝင်များ တင်မောင်ဦးကို လေးစားလာခြင်းနှင့် မိမိလုပ်ငန်းများကို နှောက်ယှက်ဟန့်တားလာသည်ဟု ဓါးခင်မောင်တင့် က မြင်လာသည်။ တင်မောင်ဦးကို မနှိပ်ကွပ်လျှင် ၎င်းသိက္ခာကျမည်ဟု သုံးသပ်သည်။ တင်မောင်ဦးကို ရှင်းရန်တွေးလာသည်။ ထို့ကြောင့် တင်မောင်ဦးထံ စာရေး၍ ပို့လိုက်သည်။ စာထဲတွင် "ဂူတဂူထဲမှာ ခြင်္သေ့နှစ်ကောင် မအောင်းနိုင်၊ သမိုင်းမှာ ငါဟာဗိုလ်ပဲ ဒါကြောင့် ငါ့ကို အံတုလာတဲ့ မင်းနဲ့ငါ စာရင်းရှင်းရမယ်။ မင်းသတ္တိရှိရင် မင်းနဲ့ငါ တယောက်ချင်း ကျိုက်ကုလားသင်္ချိုင်းကုန်းမှာ နှစ်ပတ်ကြာရင် လပြည့်နေ့မှာ ဓါးချင်းခုတ်မယ်၊ မင်းကြိုက်တဲ့ လက်နက်ယူခဲ့၊ မင်းနဲ့ငါ တွေ့မယ်" လို့ ရေးထားသည်။ တင်မောင်ဦး စာဖတ်ပြီး ပြုံးလိုက်သည်။ ဓါးခင်မောင်တင့်သော ဘာသောမသိ၊ လူလူချင်းတူလျှင် ဘယ်သူ့ကို မူရမလဲ ဟု တွေးပြီး စာတိုတကြောင်းရေးပြီး စာယူလာသူ လူငယ်ကို ပြန်ပေးလိုက်သည်။ စာထဲတွင် "မင်းစိမ်ခေါ်တာကို ငါလက်ခံတယ်၊ မင်းနဲ့ငါ တွေ့မယ်၊ ဒါဘဲ" တင်မောင်ဦးဟု လက်မှတ် ထိုးပေးလိုက်သည်။


 

တင်မောင်ဦး တက္ကသိုလ်မှ ညနေ ၅ နာရီခန့် အိမ်ပြန်ရောက်သည်နှင့် သံတူရွင်းကြီးကို ကိုင်ပြီး ဝှေ့ရမ်းကစားသည်။ ထိုကဲ့သို့ သံတူရွင်းကြီးကို ဓါးခုတ်သလို မြှောက်ချီ ထိုးချီ ခုတ်လွှဲ ပယ်ခုတ်စသည်ဖြင့် ညနေကျောင်းမှ ပြန်လာတိုင်း လေ့ကျင့်သည်။ ကင်ဒိုအကွက်များ နင်းပြီး ကစားသည်။ နှစ်ပတ်ပြည့်ခါနီး သုံးရက်အလိုတွင် သံတူရွင်းကို မသုံးတော့ဘဲ ကင်ဒိုဓားကို ယူပြီး ကျင့်သည်။ တင်မောင်ဦး လက်ထဲတွင် ကင်ဒိုဓါးသည် လွန်စွာ ပေါ့ပါး၍နေသည်။ သံတူရွင်းက လေးသလောက် ကင်ဒိုဓါးက ပေါ့သဖြင့် ကင်ဒိုကစားကွက် နင်း၍ ကစားသော အခါ ဓါးယမ်းနေသည်ကို မမြင်ရလောက်အောင် မြန်သည်။ ပန်ကာလှည့်နေသည့် အလား လက်က သွက်လက်လှသည်။ တင်မောင်ဦး မိမိကိုယ်ကို စိတ်ချနိုင်ပြီ ဖြစ်သည်။


 

ချိန်းဆိုထားသည့် လပြည့်နေ့တွင် တင်မောင်ဦးက ညီဖြစ်သူ မောင်လှရွှေကို ခေါ်ပြီး နှစ်ကိုယ်ကြား ပြောသည်။ "အမေ့ကို သွားမပြောနဲ့၊ စိတ်ပူနေမယ်၊ ငါ ဓါးခင်မောင်တင့်နဲ့ ဓါးချင်းယှဉ်ဖို့ ရှိတယ်၊ ဘာမှ စိုးရိမ်စရာ မရှိဘူး၊ ငါ့ကိုယ်ငါ ကာကွယ်နိုင်တယ်" ဟု မှာသည်။ မောင်လှရွှေကတော့ အတော်တုန်လှုပ်သွားသည်။ သူ့အစ်ကိုနှင့် နံမည်ကြီးလူဆိုး ဓါးခင်မောင် တင့်တို့ ဓါးခြင်းယှဉ်မည်ဆိုသည့်အတွက် အထူးစိုးရိမ်မိသည်။ ခင်မောင်တင့်သည် ဓါးစွမ်း ထက်သည်၊ ဓါးပစ်ကောင်းသည်ဟု အထူးကျော်ကြားသဖြင့် အစ်ကိုအတွက် စိုးရိမ်သည်မှာ အဆန်းမဟုတ်ချေ။ သို့ရာတွင် အမေ့ကို မပြောရန် မောင်လှရွှက ကတိပေးသည်။ တင်မောင် ဦးက မစိုးရိမ်ပါနှင့် ပြောပြီး ညီဖြစ်သူ ခေါင်းကို ပွတ်ပြီး နှစ်သိမ့်သည်။ တင်မောင်ဦး မျက်နှာတွင် စိတ်လှုပ်ရှားမှု မတွေ့ရ၊ အရာရာကို ပိုင်းဖြတ်ပြီးပုံ ရှိသည်။


 

ထို့နောက် သူငယ်ချင်း နှစ်ယောက်ကို ခေါ်လိုက်ပြီး မင်းတို့ အခြေအနေကို စောင့် ကြည့်ကြ၊ ငါနဲ့ ခင်မောင်တင့်တို့ပွဲကို ဘယ်သူမှ ဝင်ပါစရာ မလိုဘူး။ ငါတို့နှစ်ယောက်ချင်း ရှင်းမယ့်ပွဲဘဲ။ ဒါပေမဲ့ ဘေးက ပါလာရင် မင်းတို့လဲ ဝင်ကြဟု မှာသည်။ သူငယ်ချင်းများကလဲ ဂရုစိုက်ရန် မှာကြားပြီး တင်မောင်ဦးနှင့်အတူ ထွက်ခဲ့ကြသည်။ ကျိုက်ကုလားသင်္ချိုင်းကုန်းသို့ ရောက်သောအခါ ဇရပ်ရှိသည်။ ဇရပ်နားတွင် တင်မောင်ဦးတို့က ဓါးခင်မောင်တင့်အလာကို စောင့်သည်။ အနီးအနားတွင် ဘယ်သူမျှ မရှိ၊ ရောက်နေသည့် သူများလည်း မရှိသလို၊ လာနေသည့် လူများကိုလည်း မမြင်ရချေ။ တင်မောင်ဦးတို့ သုံးဦးသာ ထီးတည်းရပ်လျက်ရှိပြီး တင်မောင်ဦးက ကင်ဒိုဓါးကို ပခုံးပေါ်တွင် တင်လျက် ရပ်နေသည်။ ဓါးထမ်းပြီး ရပ်နေသော တင်မောင်ဦး ပုံရိပ်သည် လရောင်အောင်တွင် တင့်တယ်စွာ ရှိသည်။ မတ်နေသော ဦးခေါင်း၊ ဓါးကို ဆုတ်ကိုင်ထားသော ညာလက်နှင့် ခြေနှစ်ဖက်ကို တပေခွဲကျော် ကား၍ ရပ်နေသော တင်မောင်ဦးကို ရောမခေတ် ကျောက်ရုပ်ထုအလား တင်စားရမည် ဖြစ်သည်။ တင်မောင်ဦး မျက်လုံးတို့က မည်သည့်အချိန်တွင် ဝင်လာမည့် လွှတ်ပစ်လိုက်သော ဓါးအလာကို ဖြတ်လတ် စွာ ကြည့်နေသလို နားကို အစွမ်းကုန်စွင့်၍ ပစ်ဓါးလွင့်ထွက်လာနိုင်သည့် အသံကို နားစွင့် နေသည်။


 

ရုတ်တရက် အမှောင်ထုခြုံထဲမှ အရိပ်တချို့ကို မြင်လိုက်သလို ရှိသည်။ သို့ရာတွင် ခြုံပုတ်တို့သည် ငြိမ်သက်မြဲ ငြိမ်သက်လျက်ရှိသည်။ သူငယ်ချင်း နှစ်ယောက်ကို ဇရပ်ထဲတွင် နေစေ၍ တင်မောင်ဦး တယောက်တည်း ဇရပ်ပြင်ပတွင် ရပ်၍ စောင့်သည်။ အကယ်၍ ဓါးနှင့် ပစ်လိုက်ပါက သူငယ်ချင်းများကို မထိခိုက်စေရန်ဖြစ်သည်။

အချိန်သာကုန်သွားသည် ဓါးခင်မောင်တင့်နှင့် သူ၏ ဂိုဏ်းသားများက ပေါ်မလာခဲ့။ ထို့ကြောင့် ၂ နာရီနီးပါးစောင့်ပြီး မည်သူမျှ ပေါ်မလာသည့်အခါ တင်မောင်ဦးတို့ ဓါးထမ်းပြီး ပြန်လာကြသည်။ နောက်သုံးရက်ခန့်ကြသည့်အခါ ဓါးခင်မောင်တင့်ထံမှ စာရောက်သည်။ တင်မောင်ဦးနှင့် လူချင်းတွေ့စကားပြောချင်သည့်အကြောင်း၊ ရန်ပြုရန်မဟုတ်၊ မိတ်ဆွေအဖြစ် စကားပြောလိုကြောင့် မည်သည့်နေရာတွင် တွေ့မည်ဖြစ်ကြောင်း ရေးသားထားသည်။


 

တင်မောင်ဦး ချိန်းသည့်အတိုင်း သွားရောက်ပြီး ခင်မောင်တင့်နှင့် တွေ့သည်။ သမိုင်း ဘူတာနားရှိ အရက်ဆိုင်တွင် ဖြစ်သည်။ တွေ့သည့်အခါ ဓါးခင်မောင်တင့်က "ငါလူတွေကို ချိန်းပေါင်းများပြီ၊ ချိန်းတဲ့လူတိုင်း တယောက်မှ ပေါ်မလာဘူး။ မင်းတယောက်ဘဲ သတ္တိရှိရှိ စိမ်ခေါ်တာကို လက်ခံပြီး လာတာတွေ့ရလို့ မင်းသတ္တိကို ငါလေးစားပါတယ်။ ခင်ဗျားနဲ့ ကျွန်တော် မိတ်ဆွေလုပ်ကြမယ်၊ အရင် ဖြစ်ခဲ့တာတွေ မေ့ထားလိုက်ပါ" ဟု စစ်ပြေငြိမ်း စကားဆိုသည်။


 

ဓါးခင်မောင်တင့်နှင့် စစ်ပြေငြိမ်းလိုက်သည့်အတွက် သမိုင်းရှိ လမ်းသရဲများက တင် မောင်ဦးကို အလိုလို ဦးကြိုးပြီးသား၊ လေးစားပြီးသား ဖြစ်သွားသည်။ တင်မောင်ဦးကလည်း ဓါးခင်မောင်တင့် ကမ်းလှမ်းလာခြင်းကို လက်ခံသည်။ တဦးကို တဦးအပြန်အလှန် လေးစားမှု ရှိခြင်းသည် ကောင်းမွန်သော လုပ်ရပ်ဖြစ်ကြောင်း တင်မောင်ဦးက ဆိုသည်။ တင်မောင်ဦးက တက္ကသိုလ်ကျောင်းသားဖြစ်ကြောင်း သိလာကြသည့်အခါ ပညာမဲ့၍ ခိုးဆိုးနေသူများက ပညာတတ်တက္ကသိုလ်ကျောင်းသား သတ္တိရှိသူ တင်မောင်ဦးကို ပိုမို၍ လေစားလာကြပြီး ကျောင်းမှပြန်လာတိုင်း ဝိုင်းဖွဲ့၍ စကားပြောခြင်း၊ ၎င်းတို့ အခက်အခဲ အကြပ်အတည်းများကို ရင်ဖွင့်ခြင်း၊ တိုင်ပင်ခြင်း၊ အကြံအဉာဏ်တောင်းခြင်းတို့ကို တလေးတစား ပြုလာကြသည်။ တချို့ ခါးပိုက်နှိုက်များက သူတို့တွင် အလုပ်မရှိကြောင်း၊ စားစရာမရှိကြောင်း၊ နေစရာလည်း မရှိကြောင်း သနား
စဖွယ် တင်ပြလာကြသည်။ အမေလုပ်တဲ့သူ ဖျားနာနေသော်လည်း ဆေးဝယ် စရာ ပိုက်ဆံမရှိသောကြောင့် ဒုစရိုက်အလုပ်ကို လုပ်နေရကြောင်း ၎င်းဘဝမှ ကျွတ်လွတ်ချင် ကြောင်း မျိုးစုံကို ကြားနာရပြီး တင်မောင်ဦးတယောက် စိတ်မကောင်း ဖြစ်ရသည်။


 

တင်မောင်ဦးက "မင်းတို့ ခုလို အလုပ်အကိုင်မရှိ ဖြစ်နေရတာ၊ နေမကောင်းပေမယ့် ပိုက်ဆံမရှိလို့ ဆေးမကုနိုင်တာ၊ အသက်ငယ်ရွယ် ပေမယ့် ကျောင်းမနေနိုင်တာတွေ အားလုံးဟာ ဗိုလ်နေဝင်းရဲ့ ဆိုရှယ်လစ်စံနစ်ဆိုးကြောင့်ဘဲကွ၊ တိုင်းပြည်မှာ စံနစ်မကောင်းရင် လူတွေ ဆင်းရဲဒုက္ခရောက်ကြတာဘဲ၊ ဒါကြောင့် ဒီလို မကောင်းတဲ့ စံနစ်ကို ငါတို့ တိုက်ရမယ်၊ ငါတို့ နိုင်ငံမှာ ကောင်းမွန်တဲ့ စံနစ်ကို တည်ဆောက်နိုင်အောင် ငါတို့ ကြိုးစားရမယ်" လို့ ရှင်းပြတဲ့ အခါ လမ်းသရဲတွေ၊ ခါးပိုက်နှိုက်တွေဟာ သူတို့ကို ဘယ်သူမှ မပြောဘူးတဲ့ စကားတွေ ပြောပြီး စံနစ်ရဲ့ သားကောင်တွေ ဘာကြောင့် ဖြစ်လာရတယ်ဆိုတာ သိလာရတော့ တင်မောင် ဦးကို ပိုပြီး အားကိုး လေးစားလာကြသည်။ ကျွန်တော်တို့ ဘာလုပ်ရမလဲ။ ကျွန်တော်တို့ ဘာလုပ်ရင် ကောင်းမလဲဟု အားတက်သရော မေးလာကြသည်။ တင်မောင်ဦးက "မင်းတို့ အချိန်ကို စောင့်ပါ၊ ငါတို့ လုပ်ရမဲ့ အချိန်ရောက်လာလိမ့်မယ်၊ အဲဒီအခါမှ မင်းတို့ ဘာတွေ လုပ်သင့်တယ်၊ လုပ်ရမယ်ဆိုတာ ပြောမယ်" ဟု နှစ်သိမ့်ခဲ့သည်။


 

တင်မောင်ဦး သူငယ်ချင်းတယောက်၏ နှမလေးမှာ အတော်ချောသည်။ ကြိုက်သည့် သူ များသည်။ လမ်းသရဲတဦးက သဲကြီးမဲကြီးပိုးသည်၊ ခလေးမက လက်မခံသည်ကို ဂရုမစိုက် ဘဲ လက်ဆွဲစကားပြောသည်အထိ အတင့်ရဲလာသည်၊ သူငယ်ချင်းဖြစ်သူက ထိုလူရမ်းကားကို ရင်မဆိုင်ရဲသည့်အတွက် တင်မောင်ဦးကို အကူအညီတောင်းသည်။ မိမိတွင်လည်း ညီမရှိ သည့်အတွက် တင်မောင်ဦး နှမချင်း ကိုယ်ချင်းစာသည်။ ထို့ကြောင့် ခလေးမ ကျောင်းလွှတ် ချိန်တွင် စောင့်ပြီး နောက်ကလိုက်သည်။ ထုံးစံအတိုင်း လမ်းသရဲက ဝင်လာပြီး လက်ဆွဲ စကားပြောဘို့ ကြိုးစားစဉ် တင်မောင်ဦးက ထိုလမ်းသရဲကို ပါးရိုက်လွှတ်လိုက်သည်။ ထိုနေ့မှ စ၍ လူရမ်းကားရန်မှ ကင်းဝေးသွားခဲ့သည်။ တခါတွင်လည်း အင်းယားကန်တွင် ရေချိုပြီး သူငယ်ချင်းတသိုက်နှင့် ရိုးမရိပ်သာလမ်းအတိုင်း ကမာရွတ်ဖက် ပြန်လာစဉ် ကားတစီးမှ နောက်မှ ဟွန်းတီးသည်ကို မကြားမိ၍ ကားပေါ်မှ စစ်ဗိုလ်သားတယောက်က ကြိမ်းမောင်း သည်ကို တင်မောင်ဦးက ယဉ်ယဉ်ကျေးကျေး ပြောရန်၊ မကြားမိ၍ လမ်းဖယ်မပေးခြင်း ဖြစ်ကြောင်း ပြန်ပြောသည့်အတွက် ထိုလူငယ်မှ ကားပေါ်မှ ဆင်းပြီး ၎င်းဖခင်၏ သေနတ်ကို ထုတ်၍ တင်မောင်ဦးကို ချိန်သည်။ တင်မောင်ဦး အံ့အားသင့်သွားသည်။ ထိုလူငယ် ဤမျှ အထိ လုပ်လာလိမ့်မည် မဟုတ်ဟု ထင်၍ ဖြစ်သည်။ ထို့နောက် မိမိ အင်္ကျီကြယ်သီးကို ဖြုတ်ပြီး ရင်ကော့ ၍ "မင်း သတ္တိရှိရင် ပစ်လေကွာ" ဟု ပြောပြီး ထိုလူငယ်ဆီသို့ တလှမ်းခြင်း တိုးသွားသည်။ တင်မောင်ဦး၏ ထီမထင် မျက်နှာထားကို ကြည့်ပြီး ဗိုလ်ကြီးသား ဘာလုပ်ရမှန်း မသိ၊ နောက်တဖြေးဖြေး ဆုတ်သွားသည်။ တင်မောင်ဦးက ရှေ့သို့ ဆက်တိုးပြီး လက်တကမ်းအလိုတွင် သေနတ်ကို ရိုက်ချ၍ လူငယ်ကို ဝင်ထိုးသည်။ ထိုလူငယ် ကားမောင်း ထွက်ပြေးခဲ့ရဘူးသည်။ ၎င်းအတိတ်ဖြစ်ရပ်များသည် တင်မောင်ဦး၏ အတိတ်က ပုံရိပ်များပင်ဖြစ်သည်။


 

သူရသတ္တိရှိခြင်း၊ အားနဲသူကို ကူညီတတ်ခြင်း၊ ဉာဏ်အမျှော်အမြင်ရှိခြင်း၊ မတရားလုပ် ရပ်များကို ရွံ့မုန်းခြင်း၊ အများအကျိုးကို သယ်ပိုးလိုခြင်းတို့သည် ကိုတင်မောင်ဦးကို ဦးသန့် အရေးအခင်းတွင် ခေါင်းဆောင်အဖြစ် သတ်မှတ်ခံရသည့် အရည်အချင်းများဖြစ်သည်။


 


 

ပန်းချီဆရာများ အဖွဲ့

မောင်မောင်တိတ်တို့ မန္တလေးဆောင်အဖွဲ့နှင့် ဘွဲ့နှင်းသဘင်ရှိ ကိုကြည်ဝင်းတို့ ဦးဆောင်သောအဖွဲ့တို့အပြင် ပန်းချီအနုပညာအသင်းမှ စောအင်ဒရူး၊ ဗလခေါ်ကိုတင်မောင်ဦး (မန္တလေး)၊ ကိုရဲမြင့်၊ ကိုစံမင်း၊ ကိုမျိုးမြင့်တို့ ဦးဆောင်သည့် ပန်းချီဆရာများ အဖွဲ့ကလည်း မန္တလေးဆောင်ဝင်းအတွင်း သူ့အစုနှင့်သူ ကိုယ့်အသိနှင့်ကိုယ် လုပ်နေကြသည်။ ကိုမျိုးမြင့်က ဦးစီးပြီး ဦးသန့်ပုံတူ ပန်းချီကားချပ်ကြီးကို ရေးဆွဲနေသည်မှာ ဝါရင့်ပန်းချီဆရာကြီးများ လက်ရာထက် မနိမ့်ကြောင်း အများက ရင်သပ်ရှုမော အံ့သြရလောက်အောင် လက်ရာ မြောက်လှသည်။


 

ဦးနေဝင်း၏ ရုပ်ပြောင် ကာရီကေးချားမှာလည်း လက်ရာမြောက်လှသဖြင့် ပန်းချီ အောင်စိုးများ ဆွဲလေသလားဟု ထောက်လှန်းများက စုံစမ်းရသည်အထိဖြစ်သည်။ တက္ကသိုလ် ကျောင်းဝင်းကြီးသည် နေ့စဉ်လူများဖြင့် ပြည့်ကျပ်နေခဲ့ပြီ ၇ ရက်နေ့မှစ၍ ဈေးဆိုင်တန်းများ ဖြင့် ဘုရားပွဲအလား စည်ကားလာခဲ့ပေသည်။


 

ဟိုက်စကူးကျောင်းသားများ

ဟိုက်စကူးကျောင်းသားများကို ခေါင်းဆောင်၍ ရောဘတ်စန်းအောင် နှင့်ဂိုရှယ် တို့က ဒေါ့ဂျစ်ကားများ စီစဉ်ပြီး ရန်ကုန် အရှေ့ပိုင်း၊ နောက်ပိုင်း ရန်ကင်း၊ စမ်းချောင်း၊ တောင်ဥက္ကလာပ၊ မြောက် ဥက္ကလာပတို့တွင် ရပ်ကွက်အလိုက် လူငယ်များကို ရှေ့ပြေးလွှတ်၍ ထမင်းထုတ် လိုက်လံ ကောက် ယူကြသဖြင့် နေ့ခင်းတွင် ထမင်းထုတ်ကားများ ဘွဲ့နှင်းသဘင် ခမ်းမသို့ ရောက်လာ ကြသည့်အခါ ခမ်းမဝင်ဝင်ခြင်း ဘယ်ဖက်အခန်းတွင် ထမင်းထုတ်များကို တစုချင်းစီ ထား သည်မှာ ထောင်နှင့်ချီ၍ရှိသည်။ လှူကြတန်းကြသည်မှာ စား၍ပင် မကုန်နိုင်သဖြင့် ထမင်း ထုတ်များ သိုးကုန်ကြသည်အထိ ပြည်သူများ၏ သြဘာပေး ထောက်ခံမှုကို ကျောင်းသားများ ရရှိကြသည်။ ဒေါ်လဖင်ရေးကူးအသင်း တည်ထောင်သူ ဒေါ်လဖင်တင့်ဆွေ၊ ဦးဘဆွေသမီး နေရီ ဘဆွေ၊ နေကြည်ဘဆွေတို့ ညီအမသည်လည်း ရိက္ခာဌာနတွင် လာရောက်ကူကြသည်။ နေရီနှင့် နေကြည်တို့ ညီအမသည် လုံးကြီးပေါက်လှများဖြစ်ကြ၍ ပိုးပန်းသူများနှင့် မျက်နှာပန်း ပွင့်နေကြသည်။


 

ထူုးထူးခြားခြား ဦးနေဝင်း၏သား ဖြိုးဝေဝင်းသည်လည်း ခြေထောက်တွင်ကျောက် ပတ်တီး စည်း၍ ဂျိုင်းထောက်နှင့် လာ၍ကြည့်သည်။ ရုပ်ရှင်မင်းသမီး ရွှေစင်ထိုက်တို့နှင့်အတူတူလာသည်ကို ကျောင်းသားများက လွတ်လပ်စွာ သွားလာခွင့်ပြုခဲ့သည်။ ရန်ပြုသည့်သူမရှိ၊ ဖြိုးဝေဝင်း သည်လည်း စက်မှုတက္ကသိုလ်က ကျောင်းသားတယောက်ဖြစ်သည့်အတွက် ကျောင်းသားများ က ဘဝတူကျောင်း သားတဦအနေနှင့် ၎င်းလာရောက်ကြည့်ရှုသည်ကို လက်ခံသည် နားလည် မှုပေးသည်။


 

ထွန်းအောင်ကျော်နှင့် တင်မောင်ဦးတို့နှစ်ယောက် စီးပွါးရေးတက္ကသိုလ်ဂိတ်ဝသို့ ထွက် လာခဲ့သည့်အခါ ငွေဖလားကြီး (၃) ခုလောက်နှင့် ကျောင်းသားများက ဝင်လာသည့် ပြည်သူ များကို လှူခံနေသည်ကို တွေ့ရသည်။ ပြည်သူတွေကလည်း သဒ္ဓါအားကြီးစွာ လှူဒါန်းကြ သည်။ တချို့ အမျိုးသမီးများ မိမိတို့ လက်ဝတ်လက်စားများကို ချွတ်၍လှူသည်အထိ အားပေးမှုကိုရသည်။ ထွန်းအောင်ကျော်နှင့် တင်မောင်ဦးကို အထက်တန်းကျောင်းသားများက အားတက်ရော နှုတ်ဆက်ကြသည်၊ မိမိတို့ကို မိန့်ခွန်းပြောခဲ့သော ခေါင်းဆောင်များဆိုသည့် ရိုသေသမှုနှင့်ဖြစ်သည်။ မိမိတို့တွေကြုံနေရသော အခက်အခဲများကို တင်ပြကြသည်။


 

ထိုလူငယ်နှစ်ဦးကို ကျောင်းသားခေါင်းဆောင်များဟု သိသည်နှင့် အဖိုးအိုတဦးက ရုတ်တရက် ထွန်းအောင်ကျော်၏ လက်မောင်းကိုကိုင်ပြီး "သားတို့ရယ် အဘတို့ကို ဒီအကျဉ်း ထောင်ကြီးထဲက လွတ်အောင် လုပ်ပေးကြပါ သားတို့ရယ်၊ သားတို့ကိုဘဲ အဘတို့ ပြည်သူ တွေ အားကိုးစရာရှိတော့တယ်" ဟု မျက်ရည်လည်ရွှဲနှင့် ပြောရှာသည်။ ထွန်းအောင်ကျော် လှည့်ကြည့်တော့ အဖိုးအို၏ မျက်လုံးတွင် မျက်ရည်တွေနှင့် မျက်ဝန်းအတွင်းတွင် အားကိုးမှု၊ ယုံကြည်မှု၊ မျှော်လင့်ချက်တွေကို မြင်လိုက်ရသည်။ ထွန်းအောင်ကျော်ရင်ထဲတွင် ဆို့၍ သွားသည်။ မိမိ၏ ဝိုင်းလာသည့် မျက်ရည်တို့ကို မျက်တောင်ခတ်၍ ထိန်းလိုက်ပြီး "စိတ်ချပါ အဘရယ်၊ ကျွန်တော်တို့ နိုင်ငံတော်ကြီးကို လွတ်လပ်တဲ့ နိုင်ငံဖြစ်အောင် ကျွန်တော်တို့ ကျိုးစားပါ့မယ်" ဟု ကတိပြုလိုက်မိသည်။ ရင်ထဲတွင် ဘယ်တော့မှ နောက်မဆုတ်၊ ငါ့ကတိ အတိုင်း စစ်အာဏာရှင်စံနစ်ကို တိုက်သွားမည်ဟု သန္နိဋ္ဌာန်က အလိုလိုကျသွားသည်။ မိမိလုပ်ရပ်ကို ယုံကြည်မှုက ပိုမို ခိုင်မာလာစေသည်။ မိမိလုပ်ရပ်မှန်သဖြင့် ပြည်သူတို့ အားကိုး လာခြင်းဟု ယုံကြည်မိသည်။


 

တင်မောင်ဦးနှင့် နှစ်ယောက်သား ဘွဲ့နှင်းသဘင်ဘက်ကို ပြန်လျှောက်လာတော့ ည ၁၁ နာရီခန့်ရှိပြီ၊ နှစ်ယောက်သား အတွေးကိုယ်စီနှင့် နှုတ်ဆိတ်လို့ နေကြသည်။ မိမိ ပြည်သူများကို ကြည့်ပြီး ရင်ထဲ၌မကောင်း၊ နှလုံးသားတွင် တင်းတင်း ကြပ်ကြပ် ခံစားနေမိသည်။ ဒီစံနစ်ဆိုးကြီးကို ဘယ်လိုတိုက်ဖျက်ကြမလဲ။ ပြည်သူတွေ လွတ် မြောက်ရေးကို ဘယ်လို ဆော်သြကြမလဲ။ ဘယ်လို ရှေးဆက်စခန်းသွားကြမလဲ။ ဦးသန့် အရေးသည် နိုင်ငံရေး အပြောင်းအလဲ လုပ်ရန်အတွက် စတင်သည့် ပထမခြေလှမ်းဖြစ်သည်။ အဓိက ရည်မှန်းချက်သည် စံနစ်ပြောင်းရေးဖြစ်သည်။ ဘယ်လို တဆင့်တက်ကြမလဲ။ ဒီဇင်ဘာလ (၆) ရက်နေ့ နောက်ပိုင်း ဈာပနကော်မီတီတွင် တင်မောင်ဦးနှင့် ထွန်းအောင်ကျော် တို့ မပါဝင်တော့သော်လည်း ကျောင်းသားများက သူတို့ကို သိနေကြသည်။ ခေါင်းဆောင်များ ဟု အသိအမှတ်ပြုကြသည်။


 

ကြည်ဝင်း၊ သက်လှိုင်၊ စိုးညွန့်တို့က ကွန်ဗို့တွင် ဆက်လက်၍ ခေါင်းဆောင်များအဖြစ် တာဝန်ယူလုပ်ကိုင်နေကြသလို၊ မောင်မောင်တိတ်၊ စောလှငွေ၊ ကိုမြင့်ဟန်၊ ကိုတင်စိုး၊ ကိုသောင်းအေးတို့ကလည်း မန္တလေးဆောင်တွင် အီးစီဖွဲ့ပြီး လုပ်ကြ သည်။ စိုးညွန့် (ပြောင်ကြီး) က ထိုနှစ်ဖွဲ့လုံးတွင် ပါဝင်သည်။ ထွန်းကျော်ငြိမ်းနှင့် ညီဖြစ်သူ ဘိုဘိုကျော်ငြိမ်းတို့ကလည်း သူအုပ်စုနှင့် သူမန္တလေးဆောင်တွင် ဆေးခန်းဖွင့်၍ နာမကျန်းဖြစ် သူများကို ဆေးကုသပေးသည်။


 

သက်လှိုင်သည် စက်မှုတက္ကသိုလ်နောက်ဆုံးနှစ် ဗိသုကာမှဖြစ်သည်။ နှုတ်ခမ်းပြာပြာ မျက်နှာသွယ်သွယ် မေးရိုးကားပြီး ဆံပင်များက နက်မှောင်နေသည်။ ဘယ်နှုတ်ခမ်း အောက် တွင် မှဲ့ရှိသည်။ စကားကို အထစ်အထစ်ပြောတတ်သော်လည်း စကားပြောသွက်လက် သည်။ ပိန်ပိန်ပါးပါးနှင့် ခင်မင်စရာကောင်းသူတဦးဖြစ်သည်။ တင်မောင်ဦး ဈာပန ကော်မီတီ အတွင်းရေးမှုး အဖြစ်မှ နှုတ်ထွက်ပြီးနောက် သက်လှိုင် အထွေထွေအတွင်းရေးမှုး ဖြစ်လာ သည်။ ဥက္ကဋ္ဌစိုးတင့်ကို လမ်းစဉ်လူငယ်မှ ဖြစ်သည်၊ ယုံကြည်မှုမရှိဟု သက်လှိုင်မှ အဆိုတင် သဖြင့် စိုးတင့်ပြုတ်ပြီး သင်္ချာမှ ကြည်ဝင်း ဥက္ကဋ္ဌဖြစ်လာသည်။ ကြည်ဝင်းနှင့် သက်လှိုင်မှာ တက္ကသိုလ်တွင် ဂျင်ကစားဘက်ဖြစ်သည်။ လောင်းကစား ဝါသနာပါသော်လည်း မျိုးချစ်စိတ် တော့ ပြင်းထန်သည်။


 

ကျောင်းဝင်းအတွင်း ပြည်သူများက နေ့စဉ် အမြို့မြို့အနယ်နယ်မှ လာရောက်ကြည့်ရှု ကြသဖြင့် ဘုရားပွဲအလား စည်ကားလှသည်။ တရားဟောစင်ပေါ်မှ တရားဟောသူက ဟောသလို နားထောင်သည့် ပရိတ်သတ်ကလည်း သောင်းနှင့်ချီ၍ ရှိသည်။ ထမင်းထုတ်များ ရပ်ကွက်အလိုက် ဆင့်၍ သယ်ယူလာသည့်အခါ ကျောင်းသားများက တာဝန်ယူနေသည့် အဖွဲ့များသို့ လိုက်လံဝေသည်။ တရားဟောရာတွင် လာရောက်နားထောင်သော ပြည်သူ များကို ဝေဝှပေးသည် ထမင်းထုတ်များသည် မလောက်ငှသည်မရှိ၊ ပို၍ပင်နေတတ်သည်။ တချို့ ထမင်းထုတ်များထဲတွင် ငွေများ၊ စာများပင်ပါဝင် တတ်သဖြင့် ထမင်းထုတ်များ ဖြေသည့်အခါ သတိထားဖြေရန်နှင့် ငွေပါလာပါက အလှူခံပုံးများသို့ ထည့် ရန်လည်း သတိပေးရသေးသည်။ စာထဲမှာ ကျောင်းသားများကို အားကိုးကြောင်း၊ ကျောင်းသား များ ဘေးရန်ကင်းစေရန် ဆုတောင်းကြောင်း၊ လွတ်လပ်ရေးရအောင် တိုက်ပေးဖို့ ပန်ကြားကြောင်း စသည်ဖြင့်အကြောင်းအရာများကို ရေးသားထားသည်။


 

ထိုစာများကို ဖတ်ရသည့်အခါ ယုံကြည်မှုများ တိုးပွားလာပြီး ပြည်သူ့အတွက် အသက်ပင်သေသေ ငါတို့ကြိုးစားကြမည်ဟု ကျောင်းသားများစိတ်ထဲတွင် မိမိတို့ လုပ်ရပ်အပါ် ယုံကြည်မှုခိုင်မာ လာ ခဲ့ သည်။


 

ထွန်းအောင်ကျော်တယောက် ပြန်ကြားရေးဌာနတွင် မိန့်ခွန်းပြောချင်သော ကျောင်းသား ကျောင်းသူများအတွက် မိန့်ခွန်းရေးပေးသည့်အလုပ်ကို လုပ်သည်။ တင်မောင်ဦးက ပါမောက္ခ ချုပ် ဒေါက်တာမောင်မောင်ခအခန်းတွင် ရုံးထိုင်ပြီး လိုအပ်သည်များကို စီမံခန့်ခွဲသည်။ တင်မောင်ဦးကို ကြည်ညိုသော ကျောင်းသားများက စပျစ်သီး၊ ပန်းသီး၊ ဖျော်ရည်စသည်တို့ကို ယူလာပေးသည်။


 

မောင်မောင်တိတ်တို့ကို မာလာဆောင်နဲ့ ဂျပ်ဆင် ရှေ့ပြည်လမ်းမပေါ်တွင် မဆလ ပါတီယူနစ်မှ လူများစောင့်ကြည့်နေကြောင်း ကျောင်းသားများက သတင်းပေးသည်။ ဘုန်းကြီး တွေက ထွက်ပြီး ရိုက်မယ်ဒကာဟုဆိုသည်။ အထက်တန်းကျောင်းသားများက အစ်ကိုတို့ ဘာလုပ်ချင်သလဲ ခိုင်းချင်တာခိုင်းပါ အသက်စွန့်၍ အသေခံလုပ်မည်ဟု ပြောသည်။သူတို့ထံမှာ ဓါးရှည်များပါလာကြသည်။ မောင်မောင်တိတ်တို့က နေအုံး ငါတို့ အကြမ်းဖက် သမားတွေလို့ အမည်တပ်ခံရလိမ့်မယ်ဟု တားထားရသည်။ အားလုံးစိတ်ထဲတွင် တက်ကြွ နေသည်။ မောင်မောင်တိတ် စိတ်ထဲတွင် ဦးသန့်အလောင်းကို တကသဝင်းအတွင်း မြှုပ်ရန်သာ အဓိကထား စဉ်းစားနေမိသည်။ အာဇာနည်ဗိမာန်သို့ လူလွှတ်ပြီး ဗိုလ်ချုပ်အောင် ဆန်းဂူ အတိုင်းအတာကို ယူစေသည်။ ဗိုလ်ချုပ်အောင်ဆန်းဂူအတိုင်း သဝေမတိမ်းအုတ်ဂူကို ဆောက်လုပ်စေသည်။


 

မောင်မောင်တိတ်တို့က ကွန်ဗို့အဖွဲ့က ခိုင်မှာ မဟုတ်ဘူး။ တပ်ဝင်တာနဲ့ ပြေးသွား ကြမှာလို့ ယုံကြည်သည်။ ရန်ကုန်မြို့တော်ဝန် ဦးသိန်းအောင်က ကျောင်းသားများကို မဖမ်းဆီး ဘူးဟု ကတိပေးသည်။ ကန်တော်မင်တွင် နေရာပေးရန် သဘောတူသည်။


 

အမြင်နှစ်မျိုး

ထိုကိစ္စအတွက် ၇ ရက်နေ့ ညနေပိုင်းတွင် အစည်းအဝေး တက်ရန် ကိုတိတ်တို့အုပ်စုမှ တယောက်တက်ဘို့ ကွန်ဗို့အုပ်စုက ဖိတ်ခေါ်သဖြင့် စောလှငွေကို ကိုယ်စားလှယ်လွှတ်သည်။ စောလှငွေ အစည်းအဝေးမသွားခင် ကိုတိတ်က "မင်းနော် ပြဿနာ မလုပ်နဲ့ ကရင်ငပု" လို့ ကပ်ပြီးကြိမ်းသည်။ "ငါတို့ကတော့ ဒီနေရာ (တကသကွက်လပ်) မှာပဲ မြုပ်ချင်တယ်။ မင်းအဲဒါ မဲပေးခဲ့။ အေးမင်း အဲဒီလို မဲမပေးဘဲ ကန်တော်မင်မှာ မြှုပ်ဘို့ မဲပေးခဲ့ရင်လဲ ငါတို့ကတော့ ဒီမှာမြှုပ်အောင် လုပ်မှာဘဲဟု" ဟု ပြောလွှတ်လိုက်သည်။ စောလှငွေလဲ ကတိပေးပြီး ကိုတိတ် တို့ သဘောအတိုင်း မဲပေးပါမည်ဟု ဝန်ခံပြီး ထွက်သွားသည်။


 

ဦးသန့်အလောင်းကို အစိုးရက ပေးတဲ့နေရာ ကန်တော်မင်မှာ ချမလား၊ ယခု ကျောင်းသားတွေ ဆောက်လုပ်နေတဲ့ တကသ ကွက်လပ်မှာ ချမလားဆိုတဲ့ မေးခွန်းက ကွန်ဗိုကေးရှင်းမှာလည်း ဆွေးနွေးနေကြသည်။ တင်မောင်ဦးက ဘယ်လိုလဲဟု ထွန်းအောင် ကျော်ကိုမေးသည်။ "ခင်ဗျား သဘောထားဘယ်လိုရှိလဲ ဒီမှာချတာနဲ့ အစိုးရပေးတဲ့ ကန်တော် မင်မှာ ချတာ ဘယ်လို အကျိုးအမြတ်ရှိမလဲ။ ဘယ်ဟာက ပိုကောင်းမလဲ။ အခု ကျွန်တော်တို့ တောင်းတဲ့ ထိုက်တန်တဲ့ မြေနေရာ သူတို့က ပေးနေပြီ၊ ဒါကို မယူဘူး တကသကွက်လပ်မှာ ချမယ်ဆိုရင် သဘာဝကျပါ့မလား၊ ပြည်သူတွေကို ဘယ်လိုဖြေရှင်းရမလဲ" လို့ မေးသည်။


 

ထွန်းအောင်ကျော်က စဉ်းစားပြီး "ကျွန်တော်တို့ တောင်းတာက ထိုက်တန်တဲ့ နေရာ အခုသူတို့က ထိုက်တန်တဲ့ နေရာပေးပြီ၊ ကန်တော်မင်ဆိုတာကလဲ သခင်ကိုယ်တော်မှိုင်း ဂူနားမှာ ဆိုတော့ ဂုဏ်ရှိတဲ့ နေရာဘဲ။ တက္ကသိုလ်ဝင်းထဲမှာတော့ မဖြစ်သင့်ဘူးလို့ ထင်တယ်။ အဓိကအချက်က တကသနေရာကွက်လပ် အလယ်မှာ ဦးသန့်ကို မြှုပ်ရင် အစိုးရက ဘာမှမလုပ် ရင်တောင် တကသ အဆောက်အဦကြီး တနေ့မှာ ကျွန်တော်တို့ ပြန်ဆောက်ခွင့်ရရင် ဒီဂူကြီးက အနှောက်အယှက် ဖြစ်နေလိမ့်မယ်။ ဒါကတချက်၊ နောက်တချက်က ကျွန်တော်တို့ သူတို့ပေးတဲ့ နေရာကို မချဘဲ ဒီမှာဘဲချရင် ကျွန်တော်တို့ကို ဖြိုခွဲဘို့ အကြောင်းအချက် ရသွားလိမ့်မယ်။ နေရာတောင်းလို့ ပေးတော့လဲမယူဘဲ တက္ကသိုလ်ဝင်းထဲမှာဘဲ ဇွတ်ချတယ် ဆိုပြီး အကြမ်းဖက်ဝင်သိမ်းနိုင်တယ်" လို့ တွက်ပြတယ်။


 

တင်မောင်ဦးက "အဲဒီလိုဆိုရင် ကန်တော်မင်မှာ ချတာကို ခင်ဗျားလက်ခံတယ်ပေါ့"ဟု မေးသည်။ ထွန်းအောင်ကျော်က "အဲဒါက ဒီလိုရှိတယ်ဗျ၊ ကန်တော်မင်မှာချရင် ကျွန်တော်တို့ အတွက် ဆက်လုပ်ခွင့်ရမယ်၊ ဒီနေရာမှာ ကျွန်တော်တို့ ဉာဏ်ရည်ချင်း ပြိုင်ရမှာပေါ့ဗျာ။ ဒီမှာချရင် သူတို့က မုချဖြိုခွဲမှာဘဲ၊ ဦးသန့်မိသားစုကလဲ သူတို့ဖခင်အလောင်းကို ကန်တော်မင် မှာ ချဘို့ လိုလားတယ်။ ကာယကံရှင်တွေကလဲ လိုလားတယ်။ အစိုးရကလဲ ကျွန်တော်တို့ တောင်းတဲ့အတိုင်း လိုက်လျောလာပြီး နောက်ပြီး မဖမ်းပါဘူးလို့လဲ ပြောနေပြီဗျာ အဲဒီတော့ အကောင်းဆုံးက ကန်တော်မင်မှာချတာဘဲ။ ဖမ်းတာမဖမ်းတာကျွန်တော်ဂရုမစိုက်ပါဘူး ဒါပေမဲ့ အဲဒီလိုချခဲ့ရင် ကျွန်တော်တို့ နိုင်ငံရေး ဆက်လုပ်လို့ရတယ်။" လို့ ပြောတဲ့အခါ တင်မောင်ဦးနဲ့ အခြားရဲဘော်များက "ဘယ်လိုလဲ လင်းစမ်းပါအုံး ဆရာရဲ့"လို့ စိတ်ဝင်စားစွာ မေးလိုက်ကြတယ်။ အားလုံးရဲ့ မျက်လုံးတွေဟာ နိုင်ငံရေး ဆက်လုပ်လို့ ရတယ်ဆိုတဲ့ ထွန်းအောင်ကျော်ရဲ့ စကားကြောင့် တောက်ပြောင်လာခဲ့ ကြသည်။ အားလုံးက ဆက်လုပ်ချင်နေကြသည် မဟုတ်ပါလား။


 

"ကျွန်တော်မြင်တာက ကန်တော်မင်မှာချရင် အစိုးရပေးတဲ့ နေရာဖြစ်လို့ ပြဿနာမရှိဘူး။ ကျွန်တော်တို့ စည်း ကမ်းတကျ သယ်သွားဟိုရောက်ရင် အလောင်းကို ဂူသွင်းဘို့ ဂူဆောက်၊ ဂူဆောက်နေစဉ် ကျွန်တော်တို့တတွေ ရွှေတိဂုံဘုရားပေါ်တက်ပြီး အဲဒီမှာ ဦးသန့်ဗိမာန်ကြီးကို တည်ဆောက် ရေး ကော်မီတီဖွဲ့ပြီး ဦးသန့်ဗိမာန်ကြီးကို လနဲ့ချီပြီး ကျောင်းသားတွေက ဦးဆောင်ဆောက်ကြ မယ်ဆိုရင် လူစုမကွဲဘူး။ ဦးသန့်ဗိမာန်တည်ဆောက်ရေး ကော်မီတီဟာ သပိတ်ကော်မီတီ ဘဲပေါ့ဗျာ၊ ဒါကြောင့် ကျွန်တော်တော့ ရေရှည်တိုက်ပွဲဆင်နွှဲနိုင်ဘို့ကို ကန်တော်မင်မှာ ချစေ ချင်တယ်"လို့ ရှင်းပြသည်။ တင်မောင်ဦးက ပြုံးပြီး "အေးဗျာ သိပ်ကောင်းတဲ့ အကြံအဉာဏ်ဘဲ၊ ကျွန်တော် သဘောတူတယ်"လို့ ဆိုသည်။ အစည်းအဝေးတက်သူများ အားလုံးကလည်း သဘောတူသည်။ တင်မောင်ဦးတို့ အုပ်စုတွင်း အစည်းအဝေးဖြစ်သည်။ နောင်ကြည်ဝင်း၊ သက်လှိုင်၊ စိုးညွန့်တို့ အစည်းအဝေးတွင် တင်မောင်ဦးတက်ပြီး ကန်တော်မင်တွင် ချသင့် ကြောင်း အတည်ပြုမဲပေးခဲ့ကြသည်။


 

ညနေပိုင်းတွင်စောလှငွေ မျက်နှာမကောင်းဘဲ ပြန်လာသည်။ ကိုတိတ်ကို တွေ့တွေ့ချင်း "သူငယ်ချင်း ငါတော့ မတတ်နိုင်ဘူး၊ ရှူံးသွားပြီ။ သူတို့ဘက်က အများစုကွ"လို့ ပြောတယ်၊ မဲဘယ်လောက် ပြတ် သလဲမေးတော့ စောလှငွေက "ငါတို့ဘက်က စုစုပေါင်း ၃ မဲဘဲရတယ်" လို့ ဆိုသည်။ သူ့မဲက တမဲနဲ့ ထွန်းကျော်ငြိမ်းနဲ့ ဘိုဘိုတို့ ညီအကိုက ၂ မဲ စုစုပေါင်း ၃ မဲနဲ့ ရှူံးကြောင်း ပြောပြသည်။


 

မောင်မောင်တိတ်တို့ အုပ်စု ဒေါသူပုန်ထတော့သည်။ ထွန်းကျော်ငြိမ်းတို့နဲ့ မန္တလေးဆောင်တွင်း အဖွဲ့မတူစေကာမူ သဘောထားတူကြောင်း သိရသည့်အတွက် မောင်မောင်တိတ် ကြေနပ်သည်။ ကျေးဇူးလဲ တင်သည်။ မောင်မောင်တိတ်တို့ကသူတို့ကို ကွန်မြူနစ်ဟု အစွပ်စွဲ မခံနိုင်၊ ထို့အတူ ပြည်ချစ်လို့လဲ အပြောမခံနိုင်အရောင်မရှိသောကျောင်းသားများအဖြစ်ရပ်တည်ကြသည်။။ ထို့ကြောင့်ထွန်းကျော်ငြိမ်းတို့ကို ပြည်ချစ်နှင့် အဆက် အသွယ်ရှိနိုင်မည်ဟု သံသယရှိသဖြင့် ၎င်းတို့ မန္တလေးဆောင် EC တွင် အဝင်မခံ။


 

ကိုတိတ်တို့ အမြင်က အလောင်းကို ကန်တော်မင်ပန်းခြံကို ယူသွားရင် လမ်းမှာ အသံ လွင့်ရုံမှာ ဖြတ်လုတာခံရနိုင်တယ်။ ဒီကောင်တွေဟာ ဘယ်တော့မှ သစ္စာမရှိဘူး၊ ကတိတည် တာမဟုတ်ဘူး။ အသံလွှင့်ရုံမှာ တပ်ရင်း ၂ ရင်း ရှိတယ်။ သူတို့က ထွက်လုရင် ကိုယ်ဘဲ ခံရမှာလို့ စိုးရိမ်ကြသည်။ မောင်မောင်တိတ်က "အလောင်းကို မင်းတို့ သယ်သွားရင် အသံလွှင့်ရုံ မကျော်ဘူး၊ တပ်က လုယူမှာဘဲ၊ တပ်က ဝင်ပစ်ရင် မင်းဖြစ်ဖြစ် ငါဖြစ်ဖြစ် ပြေးမှာဘဲ၊ အလောင်းတော့ ဘယ်သူမှ ဖက်ပြီး အသေမခံဘူး" ဟု ရိုးသားစွာ ပြောသည်။ စောလှငွေက " အေးဖြစ်နိုင်တာဘဲ" ဟု မှတ်ချက်ပေးသည်။


 

(၈) ရက်နေ့ ဦးသန့်အလောင်းကို နံနက် ၈ နာရီခန့်တွင် ဘွဲ့နှင်းသဘင်ခန်းမှ ကျောင်း သားများ သယ်ယူလာခဲ့ပြီး ဒေါ့ဂျစ်ကားကြီးပေါ်တွင် တင်သည်။ ထို့နောက် ကားပတ်ပတ် လည်တွင် လွမ်းသူ့ပန်းခွေများ ဝန်းရံပြီး ကားရှေ့တွင် ဈာပန ကော်မီတီဥက္ကဋ္ဌ ကိုကြည်ဝင်းမှ ကန်တော့ ပွဲကြီးကို ခေါင်းပေါ်တွင် ရွက်ပြီး အဓိပတိလမ်းမကြီးအတိုင်း လျှောက်လာသည်။ ကိုကြည်ဝင်းကို ကျောင်းသားများက မျှားဦးသဏ္ဍာန် အပြင်မှလက်ချင်းဆက်ရံပြီး မိန်းဂိတ်ဆီ သို့ ချီတက်လာခဲ့ကြသည်။ လက်ချင်းဆက်ချီတက်သူများတွင် ထွန်းအောင်ကျော်နှင့် ရဲမြင့် သိန်းလည်း ပါဝင်သည်။ အားလုံး၏ စိတ်ထဲတွင် ဘာကိုမျှ မကြောက်လန့်ကြောင်း ဘာမထီ စိတ်ဓါတ်ဖြင့် ချီတက်လာခဲ့ကြသည်။


 

ပရိဿတ်ကြီးကလည်း ဦးသန့်ဈာပန ချမည်နေ့ဟု သိသဖြင့် သောင်းသောင်းဖျဖျ အဓိပ တိလမ်းမကြီးတဖက်တချက်တွင် ပြွတ်သိပ်နေရာ ယူထားကြသည်။ သစ်ပုတ်ပင်ကြီးကလည်း ဦးသန့်ဈာပနကို ဦးညွတ် အရိုအသေပြုနေသည့် အလား လေအတိုက်တွင် တရှဲရှဲ အသံမြည်၍ နှုတ်ခွန်းဆက်နေသယောင်ရှိသည်။ မျဉ်းဖြောင့်တကြောင်းလို မဲနက်ဖြောင့်တန်းနေသော အဓိ ပတိလမ်းမကြီးပေါ်တွင် ကျောင်းသားများ စည်းကမ်းရှိစွာ တလှမ်းခြင်း မိန်းဂိတ်ဝသို့ တရွေ့ ရွေ့လာနေသည်ကို လူထုကြီး စိတ်လှုပ်ရှားစွာဖြင့် စောင့်မျှော်ကြည့်နေကြသည်။


 

    တဖြေးဖြေး သစ်ပုတ်ပင်ကြီးကို ဖြတ်ကျော်လာသည်။ ထို့နောက် RC (Recreation Center) ရှေ့၊ ထို့နောက် တက္ကသိုလ် စာကြည့်တိုက်ကို ဖြတ်လာသည်။ ကျောင်းသားအုပ်စု တစုက ခတ္တရပ်တန့်ပေးရန် ပန်ကြားသဖြင့် ချီတက်လာသူများ ခေတ္တတုံ့ဆိုင်းသွားသည်။ ခဏအကြာ ပြန်လည်ရွေ့လျား ချီတက်လာခဲ့ပြန်သည်။ ဦးသန့်မိသားစုမှ မန္တလေးဆောင် ဒုတိယထပ်ရှိ ဝရံတာမှ ထွက်စကားပြောသည်။ ဦးသန့်ညီ ဦးခန့်က ကျောင်းသားများ ယခုလို ညီညီညွတ်ညွတ်နဲ့ ဝိုင်းဝန်းလုပ်ဆောင်ပေးသည်ကို ကျေးဇူးတင်ကြောင်း ထိုက်တန်သည့် မြေနေရာရှိပြီးဖြစ်၍ စည်းကမ်းတကျလိုက်ပါပို့ဆောင်ကြဘို့ မေတ္တာရပ်ခံကြောင်း ပြောကြားခဲ့ သည်။


 

မောင်မောင်တိတ်ရဲ့နည်းဗျူဟာ

    မန္တလေးဆောင်ဝင်းထဲမှာ မောင်မောင်တိတ်နှင့် လူငယ် ၁၀၀ လောက်ရှိသည်။ လူငယ် တွေက "မထူးတော့ဘူး လုယူမယ်ဗျာ" ဟု စိတ်မရှည် လေသံဖြင့် ပြောသည်။ မောင်မောင် တိတ်က "ဟ ဒီလိုလုပ်လို့ ဘာဖြစ်မလဲ၊ သူတို့က မဲပေးဆုံးဖြတ်ထားတာ ငါကြံပါအုံးမယ်" လို့ လူငယ်တွေကို ဖြောင်းဖျသည်။ ထို့နောက် မောင်မောင်တိတ် မန္တလေးဆောင်တွင် ရှိသည့် မိုက် ၂ လုံးစလုံးကို တာဝန်ခံကိုသန်းလွင်ထံမှသိမ်းယူလိုက်သည်။ ဦးသန့်အလောင်းတင်လာသည့်ဈာပနကား မန္တလေး ဆောင်ရှေ့ ရောက်ခါနီး တွင် မောင်မောင်တိတ်က မိုက်ခွက် တခုကို ကိုင်ပြီးနောက် တခုကိုလည်ပင်းတွင်ပတ်ပြီး ဦးသန့်ဈာပန ချီတက်မှု မစခင် ယ္ခု ဆောက်လုပ်ထားသော တကသကွပ်လပ်ပေါ်တွင် နောက်ဆုံး ဂါဝရပြုသည့် အနေနှင့် မိနစ် (၃၀) ထားခွင့် ပြုဘို့ ပန်ကြားလိုက်သည်။ ထို့ကြောင့် ချီတက်မည့်သူများ မိန်းဂိတ်သို့ မချီတက်နိုင်တော့ဘဲ ရပ်တန့်သွားသည်။ ထို့နောက် ဦးသန့်အခေါင်းကြီးကို ကျောင်းသားများမှ မယူပြီး ဂူပေါ်တွင် ယာယီတင်ထားလိုက်သည်။


 

    အခြေအနေတွေက တင်းမာနေသည်။ ဂူကို အပင်ပန်းခံ ဆောက်လုပ်ခဲ့ကြသော စက်မှု တက္ကသိုလ်မှ ကျောင်းသားများ၊ ကိုတိတ်တို့ မန္တလေးအခြေစိုက် အဖွဲ့တို့က တကသ ကွက် လပ်တွင် ချချင်သည်။ သို့ရာတွင် မဲရှူံးထားသဖြင့် အခက်တွေ့နေသည်။ ဦးသန့်အခေါင်း ဂူပေါ်တွင် ရောက်ပြီး မကြာခင် မောင်မောင်တိတ်က မိုက်ခွက် ၂ ခုကို ကိုင်ပြီး စကား စပြောသည်။ မောင်မောင်တိတ်၏ မိုက်ခွက်ကို ကျစ်ကျစ်ပါအောင် ကိုင်ထားသည့်လက်သည့် အကြောပြိုင်းပြိုင်းထနေသည်။ စိတ်လှုပ်ရှားမှုကြောင့် မျက်နှာနီစပ်စပ် ဖြစ်နေသလို၊ မျက်မှန် အောက်မှ မျက်လုံးများကလည်း တဖြတ်ဖြတ် အရောင်တောက်နေကြသည်။ လက်မြန် ခြေမြန်ရှိသော မောင်မောင်တိတ်သည် လက်ဝှေ့ထိုးလည်း ကျွမ်းကျင်သဖြင့် သူ့အနားသို့ သူငယ်ချင်းများပင် မကပ်ရဲကြ၊ မောင်မောင်တိတ် စိတ်ကြွလာလျှင် ဘယ်သူမျှ တားလို့မရ၊ တဇွတ်ထိုး စိတ်ရှိသည်ကို သူငယ်ချင်းများက နားလည်ခွင့်လွတ်ကြသည်မှာ သူ၏ အရိုးခံ စိတ်ကြောင့်ဖြစ်သည်။ မတရားလျှင် မကြိုက်၊ မှန်သည် ထင်လျှင် နောက်မဆုတ်ဆိုသည်က မောင်မောင်တိတ်ပင်ဖြစ်သည်။


 

    တကသ ကွက်လပ်ကြီးသည် ဆောက်လုပ်ရေးလုပ်နေသည့် ကျောင်းသားများ၊ ရဟန်းသံဃာတော်များဖြင့် ပြည့်နေသလို မန္တလေးဆောင်ဝင်းအတွင်းနှင့် အဓိပတိလမ်းဘေး တဖက်တချက်တွင်လည်း လူပရိဿတ်များနှင့် ပြည့်နေသည်။ ထို့ပြင် တက္ကသိုလ်ရိပ်သာလမ်း၊ တက္ကသိုလ်စာတိုက်၊ ဆေးရုံ၊ တက္ကသိုလ်ဓမ္မာရုံတို့တွင်လည်း လူပရိဿတ်များ ပြည့်လျှက် လာရောက် ကြည့်ရှုအားပေးနေကြသည်။


 

    မောင်မောင်တိတ်၏ "အားလုံး ငြိမ်ကြပါ" ဆိုသည့်အသံ စပီကာမှ ဟိန်းထွက် လာသည့် တခဏ ပတ်ဝန်းကျင်တခုလုံး အပ်ကျသံမကြားအောင် တိတ်ဆိတ်သွားသည်။

    "ပြည်သူလူထုကြီးခင်ဗျား မဲခွဲဆုံးဖြတ်တဲ့အခါမှာ ကျွန်တော်တို့ ကျောင်းသားတွေချည်း ပါဝင်ပြီး မဲခွဲဆုံးဖြတ်ခဲ့ကြပါတယ်။ ကျွန်တော်တို့ ကန်တော်မင် ပန်းခြံမှာ ချဘို့ မဲပေးခဲ့ကြ ပါတယ်။ အဲဒီတုံးက ကျွန်တော်တို့ဘဲ ဆုံးဖြတ်ခဲ့တာပါ။ အခုတော့ ပြည်သူလူထုကြီးကပါ၊ ပါဝင်ဆုံးဖြတ်ခွင့်ကို ပေးပါ့မယ်၊ အသံနဲ့ ဆုံးဖြတ်ဘို့ ပန်ကြားပါတယ်။

    

ဒီနေရာ တကသကွပ်လပ် မှာ မြှုပ်ဘို့နဲ့ အစိုးရပေးတဲ့နေရာမှာ မြှုပ်ဘို့ နှစ်မျိုးဖြစ် နေပါတယ်။ ဒီနေရာ(တကသကွပ်လပ်)မှာ မြှုပ်ဘို့ သဘောတူတဲ့လူတွေ လက်ခုတ်တီးကြပါ" လို့ ကြေငြာလိုက်တဲ့အခါ လူထုကြီးက ဘဝဂ်သို့ ညံအောင် လက်ခုတ်တီး နေလိုက်တာ တော်တော်နဲ့ အသံမစဲဘဲ ရှိခဲ့ပါသည်။ (၅) မီနစ်ခန့် လက်ခုတ်သံမစဲဘဲ ရှိပြီး နောက် မောင်မောင်တိတ်က "အစိုးရ ပေးတဲ့နေရာမှာ မြှုပ်ဘို့ သဘောတူတဲ့သူများ လက်ခုတ်တီး ကြပါလို့ ကြေငြာတဲ့အခါ ဟိုတဖျောက် ဒီတဖျောက်သာ လက်ခုပ်သံတွေ ပေါ်လာခဲ့ပါသည်။ ပထမ တကသကွက်လပ်မြေနေရာတွင် မြှုပ်ရန် သဘောထားကို ပြည်သူတွေက လှိုက်လှိုက်လှဲလှဲ သြဘာပေးလိုက်ကတည်းက မောင်မောင်တိတ်တယောက် ငါတော့ ပိုင်ပြီဟု တွက်လိုက်ပြီးဖြစ်သည်။ အစိုးရပေးသော နေရာတွင် မြှုပ်နှံဘို့ ပြည်သူလူထုက အားမပေးကြောင်း ထင်ရှားအောင် လုပ်ပြီးတဲ့နောက် မောင်မောင်တိတ်က အောင်နိုင်သူလေသံနဲ့ "လူထု ပရိဿတ်ကြီးခင်ဗျား၊ လူထုကြီးဆန္ဒအတိုင်း ဒီနေရာမှာ မြှုပ်ချလိုက်ပါတယ်ခင်ဗျာ" လို့ ကြေငြာလိုက်တဲ့ အခါ ပြည်သူလူထုကြီးက ဝေါခနဲ အားပေးလိုက် သံ သည် မိုင်ပေါင်းများစွာအထိ ပဲ့တင်ထပ်သွားခဲ့ပါတော့သည်။


 

ထွန်းအောင်ကျော်နဲ့ ရဲမြင့်သိန်းလဲ ဘာမျှ မတတ်နိုင်သဖြင့် အများနှင့် ရော၍ လက်ခုပ်တီးပေးလိုက်ယုံအပြင် မလုပ်နိုင်ခဲ့။ ပြင်သစ်သတင်းထောက်များကလည်း ရောက်ရှိလာပြီး ဓါတ်ပုံရိုက်ကြသည့်အခါ ကျောင်းသားတချို့က ကင်မရာကိုလုယူပြီး ပေါက်ခွဲဖျက်ဆီးခဲ့ကြပါသည်။ ထွန်းအောင်ကျော်က ဝင်တားပေမဲ့ တား၍ မရခဲ့ပါ။ ထိုဖြစ်ရပ်ကို ကြည့်ပြီး ထွန်းအောင်ကျော်များစွာ စိတ်မကောင်း ဖြစ်ရပါသည်။ သတင်းမီဒီယာအရေးပါမှုကို ကောင်းကောင်းသိသော သူဖြစ်သဖြင့် ယခုလို လုပ်ရပ်သည် မိမိတို့ အကြောင်းကို အဆိုးမြင်စေသည့်အပြင် ကမ္ဘာက သိမြင်သင့်သည် လှုပ်ရှားမှုများကို မိမိတို့ဘာသာ ဆင်ဆာလုပ်သည်နှင့် တူကြောင်း တွေးမိပြီး အတော်စိတ်ပျက်သွားခဲ့သည်။ ဘူမိဗေဒအတန်းတူ သူငယ်ချင်းတဦးဖြစ်သူ ဟန်ထွန်းသည် ပြင်သစ်တွင် နေဘူးသည်။ အင်္ဂလိပ်စာကို ကျွမ်းကျင်စွာ ပြောနိုင်သည်။ ထိုကြောင့် နိုင်ငံခြား သတင်းထောက်များကို မိမိတို့ ဘာကြောင့် ဦးသန့်ဈာပနကို လုပ်ရသည်ကို ရှင်းပြရန် တိုက်တွန်းသည်ကို သူငယ်ချင်းဖြစ်သူ ဟန်ထွန်းက "မလုပ်ပေးနိုင်ဘူးကွာ၊ ဒီကောင်တွေက သတင်းရေးပြီး လုပ်စားမှာ" ဟု ငြင်းလိုက်သဖြင့် ပို၍ စိတ်ပျက်မိသည်။


 

နိုင်ငံရေး လုပ်နေကြသည့် ကျောင်းသားအများစု စိတ်ထဲတွင် အစိုးရလုပ်သမျှ ဆန့်ကျင်နေရလျှင် ကြေနပ်သည့် သဘောထားထက်ပိုသော ရေရှည်အမြင်မရှိဟု ထွန်းအောင်ကျော် သုံးသပ်မိသည်။ မိမိတို့ မျှော်မှန်းသလို ရေရှည် နိုင်ငံရေးလုပ်ကွက် ပျက်သွားပြီဟု သိပြီး ကွန်ဗိုကေးရှင်းရှိ တင်မောင်ဦးရှိရာ ဒေါက်တာမောင်မောင်ခ ရုံးခန်းသို့ ပြန်လာခဲ့သည်။ ထွန်းအောင်ကျော်စိတ်ထဲတွင် မကြာမီ ဖြိုခွဲခံရတော့မည်ဟု သိနေသည်။ သို့ရာတွင် ဘာမှ မတတ်နိုင်တော့ အစိုးရ ဆန့်ကျင်ရေးအမာခံအုပ်စုမှ မူလစဉ်းစားထားချက်ကို လူထုအားဖြင့် ဖျက်ပစ်လိုက်ပြီဖြစ်သည်။ ဖြိုခွဲခံရသည့်အခါ ရဲဘော်များနှင့် ခုခံရင်း ကျောင်းဝင်းအတွင်းတွင် နေရစ်တော့မည်ဟု ပိုင်းဖြတ်ထားခဲ့သည်။


 

မောင်မောင်တိတ်က မိုက်ခွက် နှစ်ခုလုံးကို ဖျက်ဆီးပစ်လိုက်သည်။ အခြားသူများ လာရောက် မပြောကြားနိုင်ရန်ဖြစ်သည်။ ဦးသန့်အလောင်းကို ကန်တော်မင်တွင် ချချင်သူများက မိုက်ခွက်ကိုင်၍ ကန်တော်မင်တွင် ချသင့်ကြောင်း ရှင်းပြခွင့်ရလျှင် လူထုစိတ်ပြောင်းသွားနိုင်သည်ဟု တွက်၍ ဖြစ်သည်။ ထွန်းကျော် ငြိ်မ်း တို့ အုပ်စုကလည်း မိုက်ခွက်ကိုတောင်းသည် သို့ရာတွင် ပြောမရတော့ ပျက်နေပြီဖြစ်သည်။ ဦးသန့်မိသားစုမှလည်း ကန်တော်မင်တွင် ပို့ဆောင်ဘို့ မေတ္တာရပ်ခံသည်။ သို့သော်လူထုကြီးက လက်မခံတော့။


 

ဂူတည်ဆောက်သူများက အခေါင်းကို အလျှင်အမြန် ဂူသွင်းကြရန် ကြိုးစားကြသည်။ ပြင်ပပရောဂ ဝင်လာမည်ဟု အချင်းချင်း တီးတိုးသတင်းလွှင့်ကြသည်။ ဘုန်းတော်ကြီးများက ပရိတ်ရွတ်ဖတ် သရာဇ္ဇာယ်ပြီး ဂူသွင်းကြသည့်အခါ ကုလသမဂ္ဂအလံကို အထဲတွင် ထည့်သွင်းပြီး မြှုပ်နှံရမည်၊ ကုသအလံပါနေလျှင် ဂူကို အစိုးရမှ မဖျက်ဆီးဝံ့ဟု ထင်ကြေးပေးသူကပေးကြသည်။ ထိုသတင်းကို မောင်မောင်တိတ်ကြားလျှင် မန္တလေးဆောင် ဒုတိယထပ်မှ ဆင်းလာပြီး အဓိပတိလမ်းမကြီးကို ဖြတ်၍ ဗိုလ်အောင်ကျော် ကျောက်တိုင်နားရှိ ဂူသွင်းရာသို့ ဝင်သည်။ သို့သော် ဝင်၍ မရ ဘုန်းကြီးများက တထပ်၊ ကျောင်းသားက တထပ် ဂူပတ်ဝန်းကျင်ကို ဝန်းရံထားသည်။ မောင်မောင်တိတ်လာသည်ကို မြင်၍ ဥပဇင်းတပါးက "ဒကာကြီး ကျုပ်ပခုံးပေါ်က ကျော်သွား" ဟု ပြောသည်။ မောင်မောင်တိတ်က "မတော်ပါဘူးဘုရား" ဟု ငြင်းသည်။ ထိုစဉ်နောက်မှ ဥပဇင်းတပါးက မောင်မောင်တိတ်ကို မချီ၍ ရှေ့ဥပဇင်းပေါ်ကျော်မပြီး ပေးသည်။ အတွင်းမှ ဥပဇင်းများက တယောက်တလက်သူတို့ ကိုယ်ပေါ်မှကျော်မပြီးအတွင်းသို့ချပေးသည်။ မောင်မောင်တိတ်တို့ ဘုန်းကြီးနေသည်။ လူတွေက သူ့ကို တလေးတစား လက်ခံကြသည်။ ဂူသွင်းသူများနှင့် တွေ့သည့်အခါ ကုလအလံကို အထဲသို့ မသွင်းရန်နှင့် ဂူပေါ်တွင် လွှမ်းခြုံထားရန်သာ ညွန်ကြားပြီး ပြန်ထွက်လာခဲ့သည်။


 

ထိုညတွင် ထွန်းကျော်ငြိမ်းတို့နှင့် မောင်မောင်တိတ်တို့ စကားပြောဖြစ်သည်။ ထွန်းကျော်ငြိမ်းက "ဦးသန့်ကဏ္ဍပြီးသွားပြီ၊ ခင်ဗျားတို့ ရှေ့ဆက်ရတော့မယ်၊ ဒီကထွက်သွားတော့ ဗကပထွက်ချင်သလား၊ ပြည်ချစ်ထွက်ချင်သလား ထွက်တော့" ဟု ဆိုသည်။ ဆက်ပြီး "အခု ကောက်ခံထားလို့ရတဲ့ ငွေတွေဟာ ဦးသန့်အတွက် မဟုတ်ဘူး၊ ဒီရန်ပုံငွေတွေဟာ တော်လှန်ရေးအတွက်ဘဲ" လို့ ပြောသည်။ ထွန်းကျော်ငြိမ်းကဆက်ပြီး " ကျွန်တော်တို့ကတော့ အိမ်ပြန်ပြီး အဖမ်းခံမယ်၊ ဘာဖြစ်လို့လဲဆိုတော့ ထောင်ပိုင်ကြီး မက်ကနားက အဖေရဲ့ တပည့်ဖြစ်ဘူးတော့ ထောင်ထဲမှာ အေးအေးဆေးဆေး နေရမှာဘဲ၊ ကြမ်းကြမ်းတမ်းတမ်း နေရမှာ မဟုတ်ဘူး" လို့ ပွင့်ပွင့်လင်းလင်း သူတို့ ဘာလုပ်မယ်ဆိုတာကို ရှင်းပြသည်။


 

မောင်မောင်တိတ်က "ဟေ့လူ ထွက်သွားရင် ကျုပ်တို့ကို ကျောင်းသားတွေ၊ ပြည်သူတွေက သူရဲဘောကြောင်တဲ့ သူတွေလို့ မြင်ကုန်မှာပေါ့။ မထွက်ဘူး သေချင်သေပလေ့စေ၊ အသေခံမယ် မလိုဘူး၊ နောက် ခင်ဗျားတို့လဲ သွားတော့" ဆိုပြီး နှင်ထုတ်လိုက်သည်။ မန္တလေးဆောင်မှာရှိသည့် စပီကာကြီး နှစ်ခုလုံးကိုလည်း ယူပြီး ဦးသန့် ဂူရှိရာသို့ ပို့လိုက်သည်။ မန္တလေးဆောင် ပြန်ကြားရေးတွင် ဘာတခုမှ မကျန်တော့။


 

၈ ရက်နေ့ ညမှာ ကွန်ဗို့မှာ တရားဟောသူက ဆက်ဟောနေပြီး နားထောင်သူတွေက နားထောင်ကြသော်လည်း သိပ်မစည်ကားတော့ အလောင်းက တကသကွက်လပ်တွင် ရောက်နေပြီကိုး။ မောင်မောင်တိတ်တို့ဘက်သို့ ကျွန်ဗို့မှ (RIT) ကျောင်းသားစံသာ တို့ လာရောက်ပူးပေါင်းသည်။ မန္တလေးဆောင်သို့ ဦးအောင်သန်း (ဗိုလ်ချုပ်အစ်ကို) ၏ သား ချိုအောင်သန်းနှင့် ဂိုရှယ် (ရာဇာ) တို့ လုံခြုံရေး အုပ်စုကလည်း လာရောက်ပူးပေါင်း ပေါင်းသည်။ မောင်မောင်တိတ်တို့ တွက်ထားသည့်အတိုင်း ကွန်ဗို့အုပ်စုသည် တဖြေးဖြေး ပျောက်ကုန်သည်။


 

ထွန်းအောင်ကျော်နှင့် တင်မောင်ဦးတို့ အစုကတော့ ၉ ရက်နေ့အထိ ကွန်ဗို့ရှိ ဒေါက်တာမောင်မောင်ခ ရုံးခန်းတွင် ရှိသည်။ ထွန်းအောင်ကျော် အခန်းထဲသို့ ဝင်လိုက်သည့်အခါ ဗိုလ်ချုပ်နေဝင်း၏ ပိုးချည်နှင့် ယက်ထားသည့် ရုပ်ပုံကို မည်သူက ဖြုတ်ချပြီး မှန်ကို ရိုက်ခွဲထားမှန်း မသိ ကြမ်းပြင်ပေါ်တွင် တွေ့ရသည်။ ထိုပုဂ္ဂိုလ်သည် ဦးနေဝင်းအား မည်မျှအထိ မုန်းတီးနေကြောင်းမသိ၊ ထိုပုံ၏ နှာခေါင်းတည့်တည့်တွင် ချီးပုံတပုံ ပါထားခဲ့သည့်အတွက် အပြင်သို့ လွှင့်ပစ်ရန် လူငယ်တယောက်ကို ခိုင်းလိုက်ရသည်။


 


 

ခြေတလှမ်းဆုတ်ခြင်း


 

မိမိတို့ကို ယုံကြည်အားကိုးကြသော လူငယ်များကလည်း "အစ်ကိုကြီးတို့ ကျွန်တော်တို့ ဘာဆက်လုပ်ကြမလဲ" ဟု မေးလာကြသည်။ သတင်းတွေကလည်း ဝင်လာသည်။ မဆလတင်းပြည့် ပါတီဝင်များ၊ တက္ကသိုလ်ရိပ်သာလမ်းတွင်လည်း ကင်းပုန်းများ ဝပ်နေကြပြီဟူ၍ ဖြစ်သည်။


 

တက်ကြွလှုပ်ရှားသည့် ကျောင်းသားများ ဦးသန့်အလောင်း မြှုပ်ပြီးသောအခါ အစိုးရကို ဗြောင်ဆန့်ကျင်လိုက်သည့်နည်းတူ ဦးသန့်မိသားစု လိုအပ်ဆန္ဒကိုပါ ဆန့်ကျင်လိုက်သဖြင့် ပြောစရာတခုအဖြစ် ကျန်ရစ်ခဲ့သည်။ ကိုမောင်မောင်တိတ်တို့အုပ်စု၏ တဇွတ်ထိုး လုပ်ရပ်သည် အဆုံး၌ ဖြိုခွဲမှုနှင့် ကြံရတော့မည်ဟု သဘောပေါက်ကြသည်။ တင်မောင်ဦးက ထွန်းအောင်ကျော်ကို လက်တို့၍ အပြင်လမ်းလျှောက်ရအောင်ဟု ခေါ်သည်။ နှစ်ယောက်လုံး သဘက်တွေကို ခေါင်းပေါင်းထားကြသည်။ ရဲမြင့်သိန်းအိမ်မှ သဘက်တွေကို ရဲမြင့်က ယူလာပေးခဲ့ပြီး အိမ်ပြန်သည်၊ သူအိမ်နှင့်က ၅ မီနစ် အဝေးဆိုတော့ ပြန်ပေလေ့စေပေါ့။


 

အချိန်က ည ၉ နာရီခန့် သူငယ်ချင်းနှစ်ယောက်သား လမ်းလျှောက်လာရင်း တင်မောင်ဦးက "ကိုထွန်း ကျွန်တော်တို့ ဒီညထွက်မှဖြစ်မယ်၊ ဒီကောင်တွေ ဒီညမဝင်သိမ်းရင်း နောက်နေ့ညမှာ ဝင်သိမ်းမှာပဲ။ ခင်ဗျားပြောတဲ့အတိုင်း ဖြစ်မလာတာ သိပ်နာတယ်ဗျာ" လို့ ပြောသည်။


 

"အေးဗျာ ကျောင်းသားတွေကိုလဲ အပြစ်မတင်ချင်ပါဘူး၊ နေဝင်းကို မုန်းတီးစိတ်က သိပ်များနေတော့ အရာရာကို ဆန့်ကျင်ခြင်နေကြတာကိုး၊ အကျိုးအမြတ်တွက်ဘို့ ကိစ္စ ဒေါသက ဖုံးနေတော့ ခင်ဗျားတွေးသလို မတွေးမိဘူးပေါ့" ဟုဆိုသည်။ ကွန်ဗို့ရှေ့တွင် လူများမရှိသလောက်ပင်ဖြစ်သည်။ အများစုက မန္တလေးဆောင်ဘက်ရှိ တကသကွက်လပ် ဂူဆောက်လုပ်ရေးသို့ ရောက်နေကြပြီဖြစ်သည်။ နက်မှောင်နေသော ကောင်းကင်တွင် ကြယ်များ တလက်လက်နှင့် ရှိသည်။ လကတခြမ်းပဲ့သာနေသည်။ စိန်ပန်းပင်များ အောက်မှ ဖြတ်လျှောက်ရင်း အတွေးကိုယ်စီနှင့် လျှောက်လာကြသည်။ ထွန်းအောင်ကျော်က စဉ်းစားရင်း တင်မောင်ဦးဘက်လှည့်ကြသည့်သည်။ သူ့မျက်နှာတွင် ဝမ်းနည်းရိပ်သန်းလို့ နေသည်။ မျက်ဝန်းများက တောက်ပပြီး တလက်လက် မြင်နေရသည်။


 

"ကျွန်တော်တော့ မထွက်တော့ဘူးဗျာ၊ ဒီမှာရှိတဲ့ ရဲဘော်တွေကို မပစ်ရက်ဘူး၊ သေအတူ ရှင်မကွာ ဖြစ်ချင်တာဖြစ် အဆုံးထိနေသွားမယ်၊ ခင်ဗျားထွက်ချင်ရင် ထွက် ကျွန်တော်အပြစ် မပြောပါဘူးဟု အံတင်းတင်းကြိတ်ပြီး ပြောသည်။

    လရောင်အောက်တွင် မေးကြောများထောင်ပြီး အံကြိတ်ထားသော ထွန်းအောင်ကျော်ကို ကြည့်ပြီး တင်မောင်ဦး သတ်ပြင်းခပ်လေးလေး ချလိုက်သည်။

    "ကိုထွန်း" ဟု လေးလေးနက်နက် ခေါ်လိုက်သည်။ တင်မောင်ဦး မျက်နှာသည် တည်ကြည်လေးနက်နေသည်။ သူ့ရဲဘော်ရဲ့ စိတ်ဓာတ်ကို လေးစားမိသလို ခံစားချက်ကိုလည်း သူသဘောပေါက်သည်။ ထို့ကြောင့် လေးလေးနက်နက် ရှင်းပြသည်။

    "ခင်ဗျားရဲ့ ရဲဘော်ရဲဘက်တွေအပေါ်မှာထားတဲ့ စိတ်ဓါတ်ကို ကျွန်တော် အရမ်းလေး စားတယ်ဗျာ၊ အင်မတန် မြင့်မြတ်တဲ့ စိတ်ထားပါဘဲ။ ကဲဗျာ ခင်ဗျားသူတို့ကို မပစ်ရက်လို့ သူတို့နဲ့အတူတူ အဖမ်းခံလိုက်ပါပြီတဲ့၊ ခင်ဗျားထောင်ထဲမှာ သူတို့နဲ့ အတူတူ ဘယ်လောက်ကြာကြာနေရမလဲ မသိနိုင်ဘူး၊ သူတို့ လွတ်မြောက်ရေးကိုလဲ ခင်ဗျား မလုပ်နိုင်ဘူး။ ဘာကြောင့်လဲဆိုတော့ ခင်ဗျားကိုယ်တိုင် ထောင်ကျနေတာကိုး။ ကျွန်တော်ထောင်ကျဘူးတယ်၊ ထောင်ထဲမှာ နေရတာ ရှင်ရက်နဲ့ သေနေတဲ့ လူလိုဘဲ။ သူ့စိတ်နဲ့ ကိုယ့်ကို ဘာမှ မလွတ်လပ်ဘူး၊ ထားရာနေ၊ စေရာသွား လူအဆင့်ကနေကျပြီး တိရိစ္ဆာန်အဆင့် ရောက်သွားတယ်။ နေဝင်းတပ်က ဝင်သိမ်းမှာဘဲ၊ ဝင်သိမ်းရင် အထဲမှာ ရှိတဲ့သူတွေ အားလုံးအဖမ်းခံရမယ်၊ ထောင်ကျတာ ဘဝသေတာနဲ့ မခြားဘူးဗျာ"။


 

"ကျွန်တော်ခင်ဗျားကို အလေးအနက်ပြောချင်တာက ခင်ဗျားလို သတ္တိ၊ ဗျတ္တိရှိတဲ့သူနဲ့ ကျွန်တော် လက်တွဲလုပ်ချင်တယ်။ ကျွန်တော်တို့ အဖမ်းမခံဘဲ ထွက်ရင်၊ ဒီမှာ ကျန်ရစ်ခဲ့ပြီး အဖမ်းခံရတဲ့သူတွေ လွတ်အောင် ကျွန်တော်တို့ အများကြီး လုပ်နိုင်တယ်။ လုပ်လို့ရတယ်၊ ကျွန်တော်တို့ ထွက်တာ ကြောက်လို့ မဟုတ်ဘူး၊ ဒီမှာ အဖမ်းခံရတဲ့သူတွေ လွတ်ဖို့အတွက် မြန်မာပြည်ကြီး စစ်ကျွန်သဘောက်ဘဝက လွတ်အောင်လုပ်ဘို့ အတွက် ထွက်တာလို့ မှတ်လိုက်စမ်းပါ။ ဒီမှာဗျာ ကျွန်တော်ပြောမယ် "He who fights and runs will fights another day" တဲ့ဗျ။ ကျွန်တော်တို့ အခုတိုက်ပြီး နောက်တလှမ်းဆုတ်တာ နောက်တကြိမ် ပြန်တိုက်ဘို့ဘဲမှတ်ပါ" လို့ စိတ်ရှည်လက်ရှည် ရှင်းပြသည်။ ထွန်းအောင်ကျော် ငြိမ်ပြီးနားထောင်သည်။ အတန်ကြာမှ သက်ပြင်းရှည်ကြီး မှုတ်ထုတ်လိုက်ပြီး "အေးဗျာ- ခင်ဗျားပြောတာ အဓိပ္ပါယ်ရှိတယ်၊ ကျွန်တော်တို့ အဖမ်းမခံဘဲ ဆက်တိုက်ကြမယ်" လို့ သဘောတူလိုက်သည်။


 

ထို့နောက် သူငယ်ချင်းနှစ်ယောက် RC ရှေ့မှ နောက်ကြောင်းပြန်လှည့်ပြီး ဘွဲ့နှင်းသ ဘင်အဆောက်အဦကြီးဘက်သို့ ပြန်လျှောက်လာခဲ့ကြသည်။ တကသကွက်လပ်ဖက်မှ ဟောပြောနေသော အသံတချို့ လေအသုတ်တွင် လွင့်ပျံ့ပါလာတတ်သည်။ ၉ ရက်နေ့ ညပိုင်းတွင် ရန်သူများဝင်မလာရန် ကျောင်းဝင်းတံခါးများကို သံကြိုးများဖြင့် ညအချိန်တွင် ပိတ်ထားပြီးဖြစ်၍ မည်သူမျှဝင်မရသလို ထွက်လို့မရသော အနေအထားပင်ဖြစ်သည်။


 

လာဗျာ မန္တလေးဆောင်ဘက်ကို သွားကြည့်ရအောင်ဟု တင်မောင်ဦးက အဖေါ်ညှိ သဖြင့် မန္တလေးဆောင်ဘက်သို့ တကြော့ပြန်လှည့်ခဲ့ကြပြန်သည်။ မန္တလေးဆောင်တွင် လူများ ဥဒဟို သွားလာနေကြသည်၊ တင်မောင်ဦးနှင့် ထွန်းအောင်ကျော်တို့ကို မျက်မှန်းတန်မိသော ဂိတ်ဆောင့်ကျောင်းသားများက အဝင်ဝတံခါးကို ဖွင့်ပေးသည်။ ကျောင်းသားတချို့က မသိကြ၍ ဖမ်းထားသည့်သူများကို မန္တလေးဆောင်သုံးထပ်တွင် ထားသည်ဆို၍ နှစ်ယောက်သား လိုက်ကြည့်ဖြစ်သည်။ ဖမ်းထားသူများကို မျက်လုံးကို အဝတ်စည်းပြီး စစ်နေကြသည်။ တင်မောင်ဦးက ရိုက်နှက်စစ်တာ မလုပ်နဲ့ဟု တိုးတိုးသတိပေးသည်။ ထွန်းအောင်ကျော်နှင့် သူ့အဖေသည် စာအလွန်ဖတ်သူများဖြစ်သည်။ လစဉ်မဂ္ဂဇင်းဝတ္ထု၊ ကိုယ်တွေ့စသည်တို့ကို အကုန်သိမ်းကြုံးဝယ်ပြီး ဖတ်ကြသည်မှာ သူတို့သားအဖ ဝါသနာဖြစ်သည်။ ယခု မန္တလေးဆောင် တတိယထပ်တွင် နိုင်ငံရေး စာအုပ်များကို အခန်းတခန်းတွင် တောင်ပုံရာပုံတွေ့လိုက်ရ၍ ထွန်းအောင်ကျော်အံ့သြသွားသည်။ စာအုပ်တအုပ်ကို ကောက်ယူကြည့်လိုက်သည်။ သခင်ဗစိန်၏ ဆိုရှယ်ဒီမိုကရက်တစ်ပါတီ ဖြစ်သည်။ ဘာကြောင့် ဒီလို စစ်ကြိုခေတ်က ရှားပါးစာအုပ်တွေကို လေလုံမိုးလုံ နေရာမှာ မထားဘဲ မန္တလေးဆောင် အပေါ်မှာ ပစ်စလက်ခတ်ထားရသနည်းဟု အတွေးဝင်လာသည်။ တန်းဖိုးရှိသော ရှားပါးစာအုပ်များ ထောင်နှင့်ချီ၍ လူမသိသူမသိ ပစ်ထားတာတွေ့ရတော့ စာပေချစ်သူတယောက် အနေနှင့် နှမြောက်မိသည်။ သို့ရာတွင် မိမိအနေနှင့် ဘာမျှ မတတ်နိုင်တော့။ ထိန်းသိမ်းရမည့်သူများက မထိန်းသိမ်းဘဲ တမင်ပျက်စီးစေရန် လူမသိသူမသိ ဤနေရာတွင် စွန့်ပစ်ထားခြင်းမှာ ရိုးသားမှုမရှိဟု မြင်သည်။


 

အောက်ထပ်သို့ ပြန်ဆင်းလာသည့်အခါ ကိုရင်လေးတပါးကို မျက်လုံးအဝတ်စည်းပြီး မသင်္ကာမှုဖြင့် စစ်နေကြသည်ကို တွေ့ရသည်။ ကိုရင်လေးက ဗမာစကားကောင်းကောင်း မပြောတတ်၊ မေးသည်ကို နားမလည် ဖြစ်နေသည်ကို တွေ့ရသည်။ ကြောက်သဖြင့် တုန်နေသည်။ ထွန်းအောင်ကျော်က ဝင်ပြီး "ရဲဘော်တို့ ဒီကိုရင်လေးဟာ တိုင်းရင်းသားထဲက ဖြစ်မယ်၊ ဗမာစကားမတတ်တာနဲ့ မသင်္ကာဘူးဆိုတာ မဖြစ်သင့်ဘူး၊ လွှတ်လိုက်ပါ" လို့ ဖျောင်းဖျတယ်၊ စစ်နေတဲ့ လူငယ်က မလွှတ်ချင်ဘူး၊ ဒါပေမဲ့ ထွန်းအောင်ကျော်နဲ့ အတူပါလာတဲ့ လူငယ်က ချက်ချင်း လက်ပြန်ကြိုးတုတ်ထားသည်ကို ဖြေပြီး လွှတ်ပေးသည်။


 

ကိုရင်လေးလဲ ကြောက်ကြောက်နဲ့ အဆောင်တွင်းမှ ထွက်သွားသည့်အခါ တင်မောင်ဦးက ပြုံးပြီး "အေးဗျာ၊ ခင်ဗျားဆုံးဖြတ်တာ မှန်ပါတယ်၊ ဗမာစကား သိပ်နားမလည်လို့ မပြောနိုင်တာနဲ့ ဖမ်းစစ်တယ်ဆိုတော့ တော်ကြာ ကျုပ်တို့ ကျောင်းသားတွေ မဆလနဲ့ အလိုတူ အလိုပါ စွပ်စွဲခံနေရအုံးမယ်" ဟု ဆိုသည်။ ထို့နောက် မျက်မှန်းတန်းမိသူများကို နှုတ်ဆက်ကာ မန္တလေးဆောင်မှ ပြန်ထွက်ခဲ့သည်။ ရန်ပုံငွေ ကောက်ခံသူများထဲမှ တချို့ကို ပြန်တွေ့သည်။ ရံပုံငွေများကို မန္တလေးဆောင် ဘဏ္ဍာရေး ကော်မီတီကို လွှဲလိုက်ပြီဟု ပြောသည်။ စုစုပေါင်း သိန်းနှင့်ချီရပြီး ဖြစ်ကြောင်းသိရသည်။


 

"ဒီ ရံပုံငွေတွေကို ဦးသန့်မိသားစုကို အပ်ရင် ကောင်းမယ်ထင်တယ်ဗျ၊ ဘာဖြစ်လို့လဲဆိုတော့ တော်ကြာ အစိုးရက ဝင်သိမ်းရင် သူတို့လက်ထဲ ရောက်သွားမှာ၊ သိမ်းမိတဲ့ကောင်က ဘုံးသွားမှာ သေချာတယ်" လို့ ထွန်းအောင်ကျော်ကပြောသည်။ "ကိုထွန်းရေ ကမ္မဿကာဘဲ အဲဒါတွေ ဆက်တွေးမနေနဲ့တော့၊ ကျွန်တော်တို့ ဒီက အခုထွက်ကြမယ်" လို့ တင်မောင်က ပြန်ပြောသည်။

"ဘယ်လို ထွက်မှာလဲဗျ၊ တံခါးတွေအားလုံးက ပိတ်ထားပြီးပြီ၊ တော်ကြာကျွန်တော်တို့ကို သစ္စာဖောက်တွေလို့ ထင်ကုန်အုံးမယ်" လို့ ထွန်းအောင်ကျော်က စိုးရိမ်စိတ်နဲ့ ပြောသည်။ "ဒီကိစ္စ ကျွန်တော့် တာဝန်ထားလိုက်၊ ပြဿနာမဟုတ်ဘူး" လို့ တင်မောင်ဦးက ဆိုသည်။ နှစ်ယောက်သား သဘက်တွေ ခေါင်းပေါင်းရုပ်ဖျက်ပြီး ဘွဲ့နှင်းသဘင် အဆောက်အဦ ဘက်သို့ ပြန်လျှောက်လာခဲ့ကြသည်။ ဘွဲ့နှင်းသဘင် အဆောက်အဦ နောက်ဖက်သို့ ဆက်လျှောက်သောအခါ ကွက်လပ်တခုတွင် ရောဘတ်စန်းအောင်နှင့် လူငယ်တသိုက်တို့ ဝိုင်းထိုင်နေကြသည်။ ခေါင်းဆောင်ဖြစ်သူ ရောဘတ်စန်းအောင်သည် ကုလားဆင်ဖြစ်သည်။ မျက်လုံး မျက်ခုံးကောင်းကောင်း၊ တောင့်တင်းသော လည်တိုင်နှင့် တင်းတင်းစေ့ထားသော နှုတ်ခမ်းတို့က လူချောတယောက်ဖြစ်ကြောင်း ဖေါ်ပြနေသည်။ အထက်တန်း ကျောင်းသားများကို ဦးစီး၍ ထမင်းထုပ်ကောက်ခြင်း၊ လုံခြုံရေး တာဝန်ယူခြင်းများကို တက်တက်ကြွကြွ လုပ်နေသူ ဖြစ်သည်ကို သတိထားမိသည်။


 

တင်မောင်ဦးနှင့် ထွန်းအောင်ကျော်တို့ကိုလည်း ရောဘတ်စန်းအောင်က မှတ်မိနေသည်၊ ဦးသန့်ခေါင်းဆောင်များဟု သိသည်။ "အစ်ကိုတို့ ကျွန်တော်တို့ကို ပစ်ပြီး သွားတော့မှာလား" လို့ လှမ်းမေးသည်။ ရောဘတ်စန်းအောင်၏ စကားသည် ထွန်းအောင်ကျော်ရင်းတွင်းသို့ မျှားတစင်းအလား စူးဝင်သွားခဲ့သည်။ ရင်ထဲ၌ နင့်ခနဲ ခံစားလိုက်ရသည်။ သူတို့ကို ဘာမျှ ပြန်မပြောနိုင်၊ သူမေးသည့် မေးခွန်းက အဖြေပါပြီးသားဖြစ်သည်။ မျက်နှာကို လွဲလိုက်ပြီး ခေါင်းခါပြလိုက်သည်။ စကားတော့ မပြောနိုင်၊ ပြောမထွက်၊ တင်မောင်ဦးက အခြေအနေကို ဝင်ထိန်းလိုက်သည်။ "အစ်ကိုတို့ ဒီနားက သူငယ်ချင်းအိမ် ခဏသွားမလို့ပါ၊ မင်းတို့ကို ဘယ်တော့မှ ပစ်မထားပါဘူး" ဟု ဆိုသည်။ မှန်သည် ထွက်သွားခြင်းသည် ပစ်ထားရန် ထွက်သွားခြင်းမဟုတ် ၎င်းတို့ လွတ်မြောက်ရန်အတွက် အလုပ်လုပ်ဘို့ နောင်တချိန် တက်ထိုးဘို့ ထွက်သွားချင်းပင် မဟုတ်ပါလား။ တင်မောင်ဦးက ဦးဆောင်ပြီး ဘွဲ့နှင်းသဘင်နောက် ခြံစည်းရိုး သံတိုင်များထဲတွင် ဖြဲထားသော နေရာသို့ သွားသည်။ ထွန်းအောင်ကျော် သည်နေရာကိုမသိ၊ သည်လိုထွက်လို့ရမှန်းလဲ မသိ၊တင်မောင်ဦးကသိသည်။ဒီလိုကျောင်းဝင်းနေရာတော်တော်များများ ဝင်ပေါက်ထွက်ပေါက်တွေကို သိနေတယ်ဟုအံ့သြမိသည်။


 

ခြံစည်းရိုးအပြင်ရောက်ပြီးအင်းယားလမ်းမကြီးပေါ်တက်၊ထိုမှတဆင့်ရိုးမရိပ်သာလမ်း ဘက်ဆီ သို့ထွက်ခဲ့ကြသည်။ထွန်းအောင်ကျော်လမ်းလျှောက်လာရင်အံကြိတ်ထားသည့်ကြားမှမျက်ရည်စက်တို့ ပါးပြင်ထက်သို့ လွင့်စင်ကျလာသည်။ တိုးတိုးလေး တချက်ရှိုက်လိုက်သည်။ "ငါတို့ ပြန်လာမယ် ရဲဘော်တို့" လို့ တိုးတိုးလေး ပြောနေမိသည်။ အင်းယားကန်ဘောင်ကြီးသည် တန်းမတ်နေသည်။ တဖက်ခြမ်းတွင် ဦးနေဝင်းက အိပ်ကောင်းတုံး ရှိနေလိမ့်မည်။


 

မိန်းဂိတ်ကြီးကို ဘူဒိုဇာနဲ့ တွန်းဖွင့်ပြီး ဝင်လာသည်။ ဘူဒိုဇာနောက်တွင် အဓိကရုဏ်း တပ်က ကပ်၍ပါလာသည်။ မျက်ရည်ယို ဗုံးတွေ အဓိပတိလမ်းနှင့် ဂူသွင်းရာနေရာကို ဆက် တိုက် ကျလာသည်။ မီးခိုးတန်းလေးနှင့် ရန်ကုန်တက္ကသိုလ်ဝင်းကြီးသည် စစ်တလင်းပြင်ကဲ့သို့ ငရဲပွက်သံအလား ပြေးလွှားသံ၊ အော်ဟစ်သံ၊ ဆဲဆိုသံများဖြင့် ပွက်ပွက်ညံ၍ နေသည်။


 

ကိုမြင့်ဟန်က မန္တလေးဆောင် ဒုတိယထပ်မှ နေ၍ စစ်အာဏာရှင်တို့၏ အကြမ်းဖက် လုပ်ရပ်ကို စူးစူးစိုက်စိုက်ကြည့်ရင်း မောင်မောင်တိတ်ကို လှမ်း၍ ပြောလိုက်သည်။ "မောင် တိတ်ရေ ကြည့်စမ်းပါအုံးကွာ၊ ရောမမြို့ကြီး မီးလောင်နေတုံး နီယိုဘုရင်က စောင်းကြီး တီးနေ တယ်ဆိုတာမျိုးပေါ့၊ ငါတို့ဆီမှာ မီးလောင်နေပေမဲ့ ဦးနေဝင်းကတော့ အိပ်ကောင်းတုန်း နေမှာဘဲ" လို့ ပြုံးပြီး ပြောသည်။ အားလုံး ရင်ခုန်နေသည့်ကြားက ပြုံးမိကြသည်။


 

တပ်တွေ ဒလဟော အဓိပတိလမ်းအတိုင်း ဝင်လာပြီး မန္တလေးဆောင်တံခါးကို ဖျက်ပြီး ဝင်လာသည်။ ဂူသွင်းရာဘက်ကို အများစုကဝင်သည်။ လူတွေက ခြံစည်းရိုးကိုကျော်၍ ပြေးသူကပြေး မြောင်းတွေကို ကျော်၍ ပြေးသူကပြေး၊ မြောင်းထဲဆင်းပြီး ပြေးသူက ပြေးနှင့် ကမ္ဘာပျက်သလို ဖြစ်နေသည်။


 

မန်းဗာလ်ကူးက နောက်ဆုံးသူ့ကို ဖမ်းသည်အထိ မိုက်ခွက်ကို ကိုင်ကာ ယမ်းငွေ့တွေ၊ မီးခိုးငွေ့ တလူလူကြားတွင် မတုန်မလှုပ် ပြောကြားနေသည်ကို မောင်မောင်တိတ် မန္တလေး ဆောင်မှ လှမ်းမြင်နေရသည်။ မန်းဗာလ်ကူး၏ သူရသတ္တိကို အထူးလေးစားမိသလို၊ ခလုပ်မ ထိဆူးမညိပါစေနဲ့ဟု မျက်စိမှိတ် ဆုတောင်းပေးလိုက်မိသည်။


 

မန္တလေးဆောင်ထဲသို့ အမျိုးသမီးတပ်ဖွဲ့တွေဝင်လာသည်။ ၎င်းတို့နောက်တွင် ရဲကွန် မင်ဒို အဓိကရုဏ်းနှိမ်တပ်တွေ ကပ်ပြီး ပါလာသည်။ ဗိုလ်လုပ်သူက "အထဲက ကျောင်းသား တွေ ဆင်းလာခဲ့ပါ။ အေးအေးဆေးဆေး အဖမ်းခံကြပါ၊ ဘာမှ မလုပ်ပါဘူး" ဟု အော်ပြော သည်။ ဘယ်သူမှ ဆင်းမလာကြ၊ ထိုအချိန်တွင် မျက်မှန်ကို ချွတ်ပြီး လက်မှကိုင်ရင်း မောင် မောင်တိတ် ဒုတိယထပ်မှ တိုက်ပုံအင်္ကျီဝတ်ပြီး ဆင်လာသည်။ "ဟေ့ကောင်တွေ ဒီအတိုင်း နေလဲ ဘာမှ မထူးဘူး၊ သတ်ချင်သတ်ပလေ့စေ၊ ဖြစ်သမျှ ရင်ဆိုင်မယ်၊ ငါတို့ မန္တလေးဆောင် တော့ အဖြိုမခံနိုင်ဘူး" ဟု ဆိုပြီး ဆင်းရင်းသူ့လူတွေကို လှမ်းပြောပြောသွားသည်။ မောင် မောင်တိတ် မျက်နှာသည် တည်ငြိမ်နေသည်။ အရောင်တောက်နေသော မျက်လုံးကျဉ်းကျဉ်း လေးက အေးစက်မာ ကြောနေ သည်။ ထီမထင်သည့် အမူအရာမျိုး။


 

မန္တလေးဆောင် တံခါးဖွင့်၍ အထွက်တွင် တပ်သားတယောက်က ဘက်နက်နှင့် ပြေး ဝင်လာသည်။ ဘက်နက်ကမောင်မောင်တိတ် ရင်ဝသို့ တည့်တည့်ချိန်ပြီး ဝင်လာ ခြင်း ဖြစ်သည်။ ဒီတခါတော့ သွားပြီဟု မောင်မောင်တိတ် ထင်လိုက်မိသည်။ ထိုသူကိုကြည့်ပြီး မောင်တိတ် အမေ့ကို တလိုက်မိသည်။ ရင်ထဲတွင် လှိုက်ခနဲ ဖြစ်သွားသော်လည်း အပြင်ဗန်းတွင် မောင်မောင်တိတ်သည် တည်တည်ငြိမ်ငြိမ်ပင်ဖြစ်သည်။ အနားရောက်မှ ထိုစစ်သားက သူ့သေနတ်ဦးကို ယမ်းပြီး "မင်း ဟိုဘက်ကိုသွား" ဟု ညွန်လိုက်သဖြင့် သူညွန်ရာဘက်သို့ ထွက်သည်။ မောင်မောင်တိတ်နောက်မှ ကျန်လူများ ပြုံပြီး ဆင်းလာခဲ့သည်။


 

အဲဒီအချိန်မှာ ဘွဲ့နှင်းသဘင်ဘက်မှ လူငါးထောင်ခန့် အလံကိုင်ပြီး ချီတက်လာသည်။ မောင်မောင်တိတ်တို့ အဖမ်းခံနေသည်ကို တွေ့သည့်အတွက် လှမ်းအော်သည်။ "ဟေ့ကောင် တွေ၊ ဘာလို့ အဖမ်းခံတာလဲကွ၊ ကြောက်နေပြီလား" ဟု ပြောပြီး ကမ္ဘာမကြေဆိုပြီး ခဲတွေနှင့် အကြမ်းဖက်နှိမ်နှင်းရေး ရဲတပ်ကို ထုသည်။ လုံထိန်းရဲတွေကလည်း မျက်ရည်ယိုဗုံးအပြင် ဂျီ ၃၊ ဂျီ ၄ မောင်းပြန်သေနတ်များဖြင့် လူအုပ်ထဲသို့ ပစ်ထည့်သည်။ သေနတ်ထိသူတွေကို သယ် ရင် လူအုပ်ကြီး နောက်ကို ပြိုဆင်းသွားသည်။ နောက်ထပ် လူစုပြီး ပြန်တက်လာပြန်သည်။ တက်သည့်အခါ လုံထိန်းတို့ထံ ခဲမိုးရွာသလို လုံထိန်းများမှ ကြည်ဆံမိုးနှင့် မျက်ရည်ယိုဗုံး တို့ကြဲ၍ တန်ပြန်သည်။ လက်နက်အရာ ကွာသဖြင့် နှစ်ကြိမ်လူအုပ်ကြီးက ကြိုးစားတိုက် သော်လည်း မနိုင်ဘဲ တပ်လန်သွားသည်။ လူတွေက ကစဥ့်ကရဲ ဖြစ်ကုန်သည်။ အဓိပတိ လမ်းမကြီးတွင် ညှပ်ဖိနပ်များ သွေးကွက်များက ဟိုတကွက် ဒီတကွက် အိုင်ထွန်းလို့နေသည်။ ထိုအဖြစ် အပျက်များကို မန္တလေးဆောင်ရှိ အဖမ်းခံအုပ်စုက ခံပြင်းစွာ မြင်နေရသည်။ မိမိတို့ တွင် လက်နက်ဆို၍ အုတ်ခဲကျိုးသာရှိသည်။ အော်တိုမောင်းပြန်သေနတ်များကို ဘယ်လိုနည်း နှင့်မှ မယှဉ်နိုင်၊ ခါချဉ်ကောင်မာန်ကြီးပေမဲ့ ခါးကမသန်သည့်အဖြစ်ဆိုတာ ဒါမျိုးပင်ဖြစ်မည်။


 

မောင်မောင်တိတ်တို့ကို ခေါင်းပေါ်လက်တင်ပြီး ဆောင့်ကြောင့်ထိုင်ခိုင်းစဉ် တပ်သား တဦးက မင်းက ခေါင်းဆောင်လားကွဟုဆိုပြီး ဝတ်ထားသော ပင်နီတိုက်ပုံကို ဆွဲချွတ်လိုက်ရာ တပိုင်းပြတ်၍ ပြဲပြီး ပါသွားသည်။ အင်္ကျီချွတ်လိုက်ရာ လုံချည်ပါကွင်းလုံးကျွတ်သွားသည်။ မောင်မောင်တိတ်က ရွတ်ပြီး ကောက်မဝတ်ဘဲနေလိုက်သည်။ တပ်သား ၂ ယောက်က ရှေ့တယောက် နောက်တယောက် မောင်တိတ်ကို ပိတ်ကန်လိုက်လို့ လဲသွားမှ လုံချည်ကို ကောက်ဝတ်လိုက်သည်။


 

တကသကွက်လပ် မြင်ကွင်းသည် ကြေကွဲစရာ ကောင်းလှသည်။ ဂူပတ်ပတ်လည်တွင် ခေါင်းငုံ့ပြီး လက်ချင်းချိတ်ထားကြသည့် အထက်တန်းကျောင်းသားလေးများကို စစ်သားများက ဘက်နက်နှင့်ထိုး၊ ခေါင်းကို သေနတ်ဒင်နှင့် ရိုက်ပြီး ဆွဲဖြုတ်နေသည်ကို မီးခိုးငွေ့များကြား ရေးရေးမြင်နေရသည်။ ကျောင်းသားလေးများ၏ ကမ္ဘာမကြေဆိုသံသည် တဖြေးဖြေး ပျောက် သွားသည်။ အလောင်းများကို ကားပေါ်ပစ်တင်နေသူကတင်ပြီး၊ ဦးသန့်ဂူကြီးကို ဘူဒိုဇာကြီးနှင့် ထိုးကော်နေသည်ကို တွေ့ရသည်။ "ငါတို့ အိပ်ရေးပျက်အောင်လုပ်တဲ့ ကောင်တွေ၊ မညှာနဲ့၊ မအေလိုးတွေ၊ ဘာကျောင်းသားလဲ၊ ဒီကောင်တွေ သူပုန်တွေကွ၊ မင်းတို့ မကြေနပ်ရင် တောခိုပြီးတိုက် မြို့မှာလာ မရှုပ်နဲ့ ကြားလားဟု ဗိုလ်ကြီးတယောက်၏ ငေါက်ငန်းနေသံ ကို ကြားရသည်။


 

ချိုအောင်သန်းက မန္တလေးဆောင် အပေါ်ထပ်မှ ဆင်းလာရင်း အဆောင်ဝတွင် ထားသော သောက်ရေအိုးကြီးကို လက်ဝါးစောင်းနှင့် ရိုက်ပြီး ခွဲလိုက်ရာ ဗွမ်းခနဲမြည်ပြီး ရေတွေလွင့်စင်၍ သွားသည်။ "သွားပါပြီဗျာ၊ ကျွန်တော်တို့ တိုင်းပြည်လဲ ပျက်စီးသွားပါပြီ၊ ကျွန်တော့်အဖေနဲ့ ကျွန်တော့်ဦးလေး ဗိုလ်ချုပ်အောင်ဆန်းတို့ တည်ဆောက်ခဲ့တဲ့ တိုင်းပြည် ကြီးဟာ ခင်ဗျားတို့ လက်ထက်ရောက်မှ ပျက်စီးသွားပါပြီဗျ၊ ခင်ဗျားတို့ ပြည်သူ့တပ်မတော် မဟုတ်တော့ဘူးဗျ၊ ပြည်သူကို သတ်တဲ့တပ်မတော်ဖြစ်နေပြီ" ဟု ပြောင်းရင်း မျက်ရည် ကျသည်။


 

"ကျုပ်နံမည် ချိုအောင်သန်း ၊ဗိုလ်ချုပ်အစ်ကို ဦးအောင်သန်းရဲ့သားဘဲ၊ ကျောင်းသား တွေကို မသတ်ပါနဲ့ ဥပဒေအတိုင်း လုပ်ပါ"လို့ ဆက်ပြောတယ်။ စစ်ဗိုလ်လုပ်သူက ဗိုလ်ချုပ်ရဲ့ တူဆိုတာ သိတဲ့အခါ ချိုအောင်သန်းကို မရိုက်ဘဲ အသာတကြည်ဘဲ မောင်မောင်တိတ် တို့နားမှာ ထိုင်ခိုင်းလိုက်သည်။


 

ဘုန်းကြီးတပါးကို စစ်သားတယောက်က "ဟေ့ကောင် ထစမ်း မင်းနဲ့ဘာဆိုင်လို့လဲကွ" လို့ မေးတော့ ဘုန်းကြီးက ဒီလိုပွဲမှာ ပန်းတပွင့်ရရင် ဆေးဖေါ်လို့ရတာပေါ့လို့ ပြန်ဖြေသည်။ ဒီလိုဖြေတော့ စစ်သားက "အ်ံမှာ" ဆိုပြီး ဖိနပ်နဲ့ ရင်ဝကို ဆောင့်ကန်လိုက်သည့်အတွက် ဘုန်းကြီး လှိမ့်ထွက်သွားသည်။ အံကြိတ်ထားရုံကလွဲလို့ အားလုံးစိတ်မကောင်းကြ၊ ဘုန်းကြီး တွေကိုတောင် ရိုင်းစိုင်းစွာ ဆက်ဆံသည့် စစ်သားများသည် ဗုဒ္ဓဘာသာဝင်များမှ ဟုတ်ပါလေ စဟု မေးရမလို ခံပြင်းစိတ်ဖြင့် မျက်ရည်ကျသူက ကျကြသည်။


 

မောင်မောင်တိတ်သူငယ်ချင်း ချင်းမဟု ခေါ်သော ကျောင်းသားတယောက်က ထိုင်နေရင်း ဆေးလိပ်မီးညှိသောက်သဖြင့် "ဟေ့ကောင် ဒါဆေးလိပ်သောက်ချိန် မဟုတ်ဘူး ကွဟု ပြော ပြောဆိုဆို လက်ပြန်ရိုက်လိုက်သဖြင့် တပ်ထားသော မျက်မှန် လွင့်စင်ထွက်သွား သည်။ ဗိုလ်လုပ်သူက အေးအေး ဆေးဆေး ဆင်းလာရင် ဘာမှ မလုပ်ဖူးဆိုသည့် ကတိကို အောက်ရောက် သည်နှင့် ဘီးလူး ဆိုင်းကပြီး ဖောက်ဖျက်တော့သည်။


 

မောင်မောင်တိတ်က သွားထူပေးသည့်အတွက် စစ်သားတယောက်က ထူပေးရမလား ဟု နောက်မှ လှမ်း၍ ကန်သည်ကို မောင်တိတ်က ကပ်ရှောင်လိုက်စဉ် တီအီး စစ်ကားတွေ တန်းစီဝင်လာသည်။ အားလုံး စုစုပေါင်း အစီး၃၀ခန့်ရှိသည်။ မောင်မောင်တိတ်တို့ အုပ်စု ကို အချုပ်ကားပေါ်တက်စေသည်။ တစီးကို လူ (၈၀) ခန့် ပြည့်ကြပ်နေအောင်ထည့်သည်။ ကားထဲတွင် မွန်းကြပ်၍ အသက်ကို လု ရှူနေရသည်။ လမ်းဘေးမှ မဆလပါတီဝင် တွေက"ကောင်းတယ်၊ ကောင်းတယ် ဖမ်းသွား၊ သူတို့ဟာ သူပုန်တွေ၊ ကျောင်းသားတွေ မဟုတ်ဘူး" ဟု အော်ပြောသံတွေကို နားထောင်ရင်း ကားတွေ အင်းစိန်ထောင်ဖက်သို့ ထွက်သွားသည်။ လုပ်ရဲရင် ခံရဲရမှာပေါ့ဟု မိမိကိုယ်ကို နှစ်သိမ့်ရင်း အများနှင့်အတူ ပါသွားသည်။ ဝမ်းနည်း တုန်လှုပ်ခြင်း ပကတိမရှိ။


 

င်းထဲတွင်ဖမ်းတာ၅၀၀၀ကျော်အပြင်၊အပြင်ဖက်တွင်နောက်နေ့များတွင်ဆက်ဖမ်းတာ လည်း  ၅၀၀၀ကျော် ရှိသည်။ နောက်ဆုံးထောင်ထဲတွင်ကျန်ခဲ့သည်က၅၂ယောက်။ အဆောင် ၃ ရောက် တော့အပေါ့သွားသည့်နေရာမှာရေးထားသည်ကရဟန်းတော်ပေါင်း ၆၇၄ပါးအဖမ်းခံခဲ့ကြရသည်။


 

တက္ကသိုလ်အလေးမရုံစောင့်ကိုကျော်သိန်းတို့မိသားစုသည်အလေးမရုံဘေးတွင်နေသည်၊

တက္ကသိုလ်ဝင်းကိုပိတ်ဖမ်းစဉ်၊ကလေးကအစအကုန်အဖမ်းခံရသည်။ရှင်းပြသော်လည်းမရထောင်တွင်း၌သုံးပတ်ဒုက္ခခံပြီးမှလွတ်သည်၊ဆိုးသည်ကလွတ်လာသည့်အခါဝိတ်ရုံတွင်းရှိဝိတ်ပြားများ၊ခေတ်မှီအ လေးမကရိယာအများအပြားကိုတပ်မှဗြောင်ခိုးယူသွားခဲ့ကြောင်းတွေ့ရသည်။

မောင်မောင်တိတ်တို့ အင်းစိန်ထောင်သို့ ရောက်သည့်အခါ အားလုံးတန်းစီပြီး ဂိတ်ဝ တွင် ဆောင့်ကြောင့်ထိုင်ရသည်။ ခေါင်းပေါ်လက်တင်ပြီး နေရသည်။ မောင်မောင်တိတ် အပါအဝင် ကျောင်းသား ၁၂ ဦးခန့်တွင် အပေါ်အင်္ကျီမရှိ ဆွဲချွတ်ဆုတ်ဖြဲခြင်းကို ဖမ်းဆီးချိန် တွင် ခံလိုက်ရ၍ ဖြစ်သည်။ ထိုင်ပြီးသည်နှင့် ဘေးတဖက်တချက်မှ စစ်သားများနှင့် ဝါဒါများက ဝိုင်းကန်ကျောက်ကြသည်။ "ဒါ မင်းအမေ့လင်အိမ် မဟုတ်ဘူးကွ၊ မင်းတို့က ဘာကောင်တွေလဲ" ပြောပြောဆိုဆို ဗျင်းခံထိတော့သည်။ အဲဒီနောက် တိုက် (၄) အခန်း ၁၄ ကို ပို့လိုက်သည်။ မောင်မောင်တိတ်တို့အရင် ကျောင်းသား ၈ ယောက်က ၎င်းအခန်းတွင် ရောက်နှင့်နေပြီး ဖြစ်သည်။ မောင်မောင်တိတ်တို့ ရောက်သည့်အခါ အရင်ရောက်သူများက ခေါင်းပေါ်လက်တင်ပြီး တဖက်လှည့်ထိုင်နေရသည်။ မောင်မောင်တိတ်တို့က ၆ ယောက် စုစုပေါင်း အခန်းတွင်း ၁၄ ယောက်တိတိ ဖြစ်သည်။


 

အခန်းတွင် ဂန်ဖလား (မစင်နှင့် ကျင်ငယ်စွန့်ရန်) တလုံး ပေးထားပြီး အခန်းက ၈ ပေ၊ ၁၀ ပေခန့် ရှိသည့်အခန်းမို့ တယောက်နှင့် တယောက်ထပ်အိပ်ရသည်။ တခန်းလုံး မစင်နံ့၊ ကျင်ငယ်နံ့တို့ဖြင့် နံစော်နေသည်။ ဝက်ဖြစ်မှ မစင်ကြောက်နေ၍ မရသည့် ဘဝသို့ ရောက်ခဲ့ပြီကိုး။ ဘယ်တတ်နိုင်ပါ့မလဲလေဟု စိတ်ကိုလျော့ထားသည်။ အခန်းတံခါး သော့ခတ်ပြီးမှ အရင်ရောက်နေသူများနှင့် မောင်မောင်တိတ်တို့ စကားပြောခွင့်ရကြသည်။ ကျောင်းသားလေးတယောက်က အင်္ကျီမပါသော မောင်မောင်တိတ်တို့ အုပ်စုကိုကြည့်ပြီး "အစ်ကိုတို့ ဘယ်ကဖမ်းလာတာလဲ၊ အင်းယားကန်ထဲကို ရေးကူးပြေးမလို့ လုပ်ဘို့ အင်္ကျီချွတ်နေတုံး ဖမ်းမိတာလား" လို့ လှမ်းနောက်သည်။ အကျဉ်းထဲတွင် ဤသို့ ဟာသလုပ်တတ်သည့် လူငယ်လေး၏ ထီမထင်သော စိတ်ဓါတ်မျိုးကို လေးစားအံ့သြမိသည်။ အထက်တန်း ကျောင်းသား အသက်ရှိလှမှ ၁၇ နှစ်ပေါ့။ မတုန်လှုပ်သည့် ရင့်ကျက်သော စိတ်ထားသည် ချီးကျူးစရာပင်။ အားလုံး ဒုက္ခ တွေကြားမှ ရီမောမိကြသည်။ အခန်းက ကျဉ်းကကျဉ်း၊ လူကများသမို့ အသက်ရှူမဝကြဘဲ အလှည့်ကျ ဝင်ပေါက်ဝ သံတိုင်ရှေ့တွင် လေရှူနေရသည်။ မျိုးချစ်စိတ်ရှိသူများ၏ ဒုက္ခ။


 

ပြောင်ကြီးက သရက်တောကျောင်းတိုက်တွင် ကိုးကွယ်သော ဆရာတော်ကျောင်းတွင် ၉ ရက်နေ့ညတွင် အိပ်ပြီး အီကိုက ကိုထင်ကျော်နှင့် နှစ်ယောက် ပြည်ဘက်သို့ ရထားနှင့် ထွက်သည်။ လက်ပန်တန်းမရောက်ခင် ဆင်း၍ ထိုမှတဆင့် ကုန်ကားကြီး တားစီးပြီး ပြည်ဘက်သို့ တက်သည်။ ပြည်မှ နတ်မောက်သို့ ရှောင်သည်။ ၁၉၇၅ မတ်လ ၇ ရက်နေ့တွင် ရန်ကုန်ပြန်ရောက်လာစဉ် နေအိမ်တွင် ထောက်လှန်းရေး (၇) မှ လာရောက်ဖမ်းဆီးခြင်း ခံရသည်။

ထွန်းအောင်ကျော်က မိဘထံခွင့်ပန်၍ မန္တလေးသို့ ဂျပန်ဘာသာအတူတက်နေသည့် သူငယ်ချင်း ခင်မောင်အေးနှင့်အတူ ရထားဖြင့်ထွက်သည်။ ဦးသန့်အရေးအခင်းသည့် ပထမ ၅ ရက်နေ့ညတွင်မိန့်ခွန်းဟောပြီးနောက်ပိုင်းတွင်နောက်ကွယ်မှသာပံ့ပိုးကူညီခဲ့သည်။ ထင်ပေါ်ကြော်ကြားမှုထက်ဘယ်လိုထိရောက်စွာလုပ်ရမည်ရှေ့ထွက်လုပ်သူများကိုဘယ်လိုပန့်ပိုးရမည်ဆိုသည်ကထွန်းအောင်ကျော်၏ လိုရင်းဖြစ်သည်။ ဘူမိဗေဒအတန်းမှ ဆရာများက သူ့မိန့်ခွန်းပြောနေသည်ကို တွေ့သော်လည်း ထောက်လှန်းရေးကို သတင်းပို့ပုံမရသဖြင့် ထွန်းအောင်ကျော်လွတ်နေသည်။ ဆရာ ဦးထင်ကျော်သည် ပိန်ပိန်းပါးပါး နားရွက်ကားကား၊ မျက်လုံးပြူးပြူးနှင့် ဖြစ်သည်။ ၅ ရက်နေ့ည မိန့်ခွန်းပြောပြီး ထွက်လာသော ထွန်းအောင်ကျော်အား ရူပဗေဒ စာသင်ခန်းနားရှိ စိန်ပန်းပင်အောက်တွင် တွေ့သည့်အခါ ပြုံးပြီး "ဟေ့ကောင်ကြီး သတိ ဝီရိယနဲ့ လုပ်ကွာ" ဟု အားပေးခဲ့သည်။ ယခုဆရာ ဆုံးသွားရှာပြီ။ ဒယ်နီအုံးကျင်ဆိုသည့် သူငယ်ချင်းက ဝင်ဒါမီယာတွင်နေသည်။ ထွန်းအောင်ကျော် အဖမ်းမခံရသည်ကို တွေ့သည့်အခါ "ဒီကောင် ဒီလောက်လုပ်တာတောင် အဖမ်းမခံရတာ၊ ဒီကောင်အစိုးရ ထောက်လှန်းရေးဖြစ်တယ်" ဟု ရပ်ကွက်မှ သူငယ်ချင်းများကို သတင်းဖြန့်သည်။ ဂျွန်အရေးအခင်းပြီးနောက် ထွန်းအောင်ကျော် တသက်တကျွန်းအပြစ်ဒါဏ်ကျသွားသည့်အခါ ပါးစပ်ပိတ်သွားခဲ့သည်။ အရေးအခင်းတွင် အင်တိုက်အားတိုက်ပါဝင်ခဲ့ပြီး အဖမ်းမခံရပါက၊ ထောင်ကျခံပြီးအစိုးရလူမဟုတ် ကြောင်းသက် သေပြရမည့်သဘောလိုဖြစ်နေသည်၊ ကိုယ့်အချင်းချင်း မယုံကြည်နိုင်မှု သံသယများ စစ်အာဏာ ရှင်လက်အောက်တွင် အားကောင်းလှသည်မှာ ဆုံးရှူံးမှုတခုပင် ဖြစ်သည်။


 

တင်မောင်ဦးနှင့် ထွန်းအောင်ကျော်တို့ ဦးသန့်အရေးအခင်း ကျဆုံးသွားပြီးနောက် ကျောင်းသားလှုပ်ရှားမှုကို ဆန္ဒပြရုံဖြင့်မရ၊ လက်နက်ကိုင် တိုက်ပွဲသဏ္ဍာန် ပေါင်းစပ်မှ ရမည်ဆိုသည့် အသိကို ရရှိလာကြသည်။ ထို့ကြောင့် တင်မောင်ဦးက ရှေ့ပြေးအဖြစ် လက်နက်ဘယ်လို ရမလဲ၊ ဘယ်သူက ထောက်ပံ့မလဲဆိုသည်ကို ရှာရန် ထိုင်းမြန်မာနယ်စပ်သို့ ထွက်သည်။ ထွန်းအောင်ကျော်က မန္တလေးသို့ထွက်ပြီး ထိုမှတဆင့် လာရှိုးသို့ ခင်မောင်အေးနှင့်အတူ တက်သည်။ ခင်မောင်အေး မိဘများသည် သိမ်ကြီးဈေးအထည်ရုံတွင် အထည်ဆိုင်ဖွင့်ထားသဖြင့် လာရှိုးတွင် တရုတ်ပြည်မှ ဝင်လာသော ပစ္စည်းများကို ဝယ်သည်။ ထွန်းအောင်ကျော်တို့ လာရှိုးရှိ တည်းခိုခန်းတွင် တည်းသည်။ ထူးဆန်းသည်က လားရှိုးဈေးတွင် တရုတ်လို ပြော၍ ဈေးဝယ်ပါက ဈေးသက်သာသည်။ ဗမာလိုပြောဝယ်လျှင် ဈေးကြီးပေးရသည်။ လာရှိုးမြို့သည် တရုတ်စကားတတ်မှ အဆင်ပြေသော မြို့အဖြစ် တရုတ်သြဇာလွှမ်းမိုးမှုက ဗမာထက် ပိုကြောင်း အံ့သြစွာ သိခဲ့ရသည်။


 

တည်းခိုခန်းတွင် တရုတ်အဖွားကြီး တယောက်နှင့် စကားလက်ဆုံကျ၍ တရုတ်စကားသင်သည်။ တရုတ်မလေးများကို "မင်းကို ငါချစ်တယ်" ဆိုတာ ဘယ်လို ပြောရမလဲဟု မေးသည်ကို အဖွါးကြီးက ရယ်၍ "ဝေါ့အိုင်နီး" ဟု ပြောသဖြင့် မှတ်စုစာအုပ်တွင် လိုက်ရေးသည်။ "မင်းငါ့ကို ပြန်ချစ်မလား" ဟု မေးတော့ "ညစ်ကအိုင်ငေါ" ဟု ဖြေသည်။ လာရှိူးတွင် တပတ်ခန့်နေပြီး ခင်မောင်အေးနှင့် မန္တလေးသို့ ဆင်းလာခဲ့သည်။ မှတ်မှတ်ရရ လားရှိုးနာနတ်သီးသည် အလွန်ချိုသည်။ ဒေါင်လိုက် ၄ စိတ်စိတ်ပြီး ဒုတ်ထိုးပြီး ရေခဲချောင်းကဲ့သို့ ရောင်းသည်။


 

နောင်ထွန်းအောင်ကျော် ၁၉၇၅ ခုနှစ် သြဂုတ်လ၂၃ ရက်နေ့တွင်အဖမ်းခံရသည့်အခါ ထောက်လှန်းရေးမှ ထိုမှတ်စုစာအုပ်ကို ရုံးတွင်တင်၍ ဗကပသို့ တောခိုရန် သွားရန်ခဲ့ကြောင်း အဆက်အသွယ်မရသဖြင့် ပြန်လာကြောင်း တရားရုံးတွင် သက်သေအဖြစ် တင်ပြသဖြင့် တရားရုံးထဲတွင်ရယ်မောခဲ့ရဘူးသည်။ တတ်လဲတတ်နိုင်သည့်ထောက်လှန်းရေးများပင်။


 

နိဂုံး။    ။


 

ဦးသန့်အရေးအခင်းကို မဆလအစိုးရက အကြမ်းဖက် ဖြိုခွဲဖျက်ဆီးပြီးနောက် ဧပြီလ (၇) ရက်နေ့တွင် စစ်ခုံရုံး အမှတ် (၃) မှ ဥက္ကဋ္ဌကိုကြည်ဝင်း၊ ဒုဥက္ကဋ္ဌ ကိုစိုးညွန့် အထွေထွေအတွင်းရေးမှူး ကိုသက်လှိုင်တို့ကို ထောင်ဒါဏ် (၇) နှစ်စီ၊ ဥက္ကဋ္ဌ နာရီပိုင်းအရွေးခံရသော ကိုစိုးတင့်ကို (၅) နှစ်၊ ကိုထွန်းကျော်ငြိမ်းနှင့် ညီဖြစ်သူ ဘိုဘိုကျော်ငြိမ်းတို့ကို (၇) နှစ်စီ၊ အခြေစိုက်မှ ကိုမောင်မောင်တိတ်ကို (၇) နှစ်၊ စောလှငွေ (၆) နှစ်၊ သောင်းအေး (၅) နှစ်၊ မြင့်ဟန် (၆) နှစ်၊ သောင်းတင် (၅) နှစ်၊ စစ်ခုံရုံး (၁) တွင် ရှေ့နေဦးရဲထွန်းကို (၁၀) နှစ်၊ တွံတေးသိန်းဝင်းနှင့် ရှေ့နေကိုကျော်လင်း(၇) နှစ်စီ၊ ဓါးကိုသန်းမြင့်(၁၀) နှစ်၊ RIT တတိယနှစ်သို့ တက်ခွင့်ရပြီး ဦးသန့်တွင် ပါဝင်လာသူ ကိုသန်းလွင်က (၇) နှစ်၊ ပြည်သိန်းဝင်းခေါ် အမေသိန်းက(၇) နှစ်၊ ပန်းချီဆရာများဖြစ်သော စောအင်ဒရှုး၊ စံမင်း၊ ရဲမြင့်၊ တင်မောင်ဦး ခေါ် ဗလကြီး (မန္တလေး)၊ တို့ကို (၄) နှစ်စီ၊ လှည်းတန်းမှ ရာကျော်ခေါ် အေးသိန်းအောင်ကို (၇) နှစ် ၊ ထွန်းသိန်း(ပညာရေးတက္ကသိုလ်) ၅ နှစ် ၊ ဝင်းနောင် (သခင်ဇင်တူ) (၁၀)နှစ်စသည်ဖြင့် ထောင်ဒါဏ် အသီးသီးချခံခဲ့ရပါသည်။ အလယ်တန်းကျောင်းသူဋ္ဌေးဋ္ဌေးဝင်း (မိနော်) အသက် ၁၆နှစ် သည် အသက်အငယ်ဆုံးနှင့် ထောင် (၁၀)နှစ်ကျခံရရှာသည်။ မိမိကိုဆန့်ကျင်လာလျှင်ခလေးကိုပင်ခွင့်မလွှတ်သည့်အထိယုတ်မာရက်စက်ကြသည်။ တင်မောင်ဦးနှင့် ကျွန်တော်တို့ တသိုက်က တရားခံပြေးများဖြစ်သည်။


 

ဦးသန့်မိသားစုမှ ဦးခန့်က သက်သေထွက်သည်။ ဖျာပုံမှ စိန်မြင့်မောင် (ဖီလော်ဆော်ဖီ) ကလည်း အစိုးရသက်သေအဖြစ် ထွက်ကြသည်။

နောင် စိုးညွန့်ကို ဖမ်းပြီး စစ်ခုံရုံးတင်သည့်အခါ စစ်ခုံရုံး နံပါတ် (၃) တွင် ရူပဗေဒပါမေက္ခ ဦးစံသာအောင်ကအစိုးရသက်သေအဖြစ် ထွက်ပြီး သူ့ကိုမခန့်လေးစားလုပ်သည် အစည်းအဝေး တက်ကြောင်း စာရွက်ကို လက်မှတ်မထိုးဘဲ ရိုင်းပြစွာ ဆုတ်ဖြဲပစ်သည်ဟု သက်သေ ထွက်သည်။

လော်စပီကာ ထပ်လိုတယ်ဆို၍ အီကိုမှာ ရှိသော စတိုးထဲက လော်စပီကာကို ဖွင့်ပြီး ယူပေးသည့်အတွက်အကြောင့် စိုးညွန့်အမှု ထပ်တိုးသည်၊ ဖေါက်ထွင်းမှု၊ ခိုးမှု ပုဒ်မများနှင့် တရားစွဲခံရသည်။ စက်မှုလက်မှု တက္ကသိုလ်မှ ဂူကို၊ တာဝန်ယူ ဆောက်လုပ်သူများက RIT က ဋ္ဌေးအောင်၊ ခင်မောင်ကြီးနှင့် ခင်မောင်လတ်တို့ဖြစ်သည်။ ၎င်းတို့ သုံးယောက်လုံး ဦးသန့်အရေးအခင်းပြီးနောက်အစိုးရသက်သေများဖြစ်သွားသည်။ခင်မောင်ကြီးကမော်လမြိုင်ကဖြစ်ပြီးအစိုးရသက်သေဖြစ်ပြီးနောက် ဒေသကောလိပ်ဖွဲ့သည့်အခါ ဆရာဖြစ်သွားသည်၊ ဋ္ဌေးအောင်ကို ကျောင်းသားများက ကျဉ်ခြင်း ခံရသည်၊ ခင်မောင်လတ်က မြစ်ကြီးနားမှ ဖြစ်သည်။


 

အချပ်ပို--- ဦးသန့်အရေးအခင်းအတွင်း ဘွဲ့နှင်းသဘင်ရှိ ခြင်္သေ့နှစ်ကောင်ရှေ့တွင် ကိုရဲထွတ်အမည်ရင်း ရဲမြင့်သန်းက ဦးနုပုံစံ ဂိုက်ဖမ်း၍ ဗိုလ်ချုပ်အောင်ဆန်းလေသံဖြင့် တရားဟောသည်။ ဇော်ငြိမ်းလတ်ကလည်း ဗိုလ်ချုပ်လေသံနှင့် တရားဟောသည်။ သရက်တော ကျောင်းတိုက်မှ ဒေါ်လာဒေါ်ညာဟုတွင်သော ဆရာတော် ဦးသီလာစာရ သည်လည်း တရားဟောသည်။

ဦးရဲထွန်းက စိုးညွန့်ကို အကူအညီလိုလျှင် ဖုံး ၁- ၁၉- ၁၉ ကို ဆက်၍ အကူအညီတောင်းဟု ပြောပြီးသူဖုံးနံပါတ်ကိုပေးသည်၊ လိုအပ်သည်တို့ကို လက်နှိပ်စက်ဖြင့်ရိုက်ပေး သည့်အတွက် ကျောင်းသား များကိုအားပေးအားမြှေက်ပြုမှုဖြင့်ထောင် ၁၀နှစ်ကျသည်။

ဦးသန့်အရေးအခင်းတွင် ပါဝင်ခဲ့ကြသော အထွေထွေအတွင်းရေးမှူး ကိုသက်လှိုင်၊ ရန်ကုန်တက္ကသိုလ် အနုပညာအသင်းအထွေထွေအတွင်းရေးမှူး ကိုသောင်းဟန်၊ စီးပွားရေးတက္ကသိုလ် အနုပညာအသင်း အတွင်းရေးမှူး ကိုသက်တင်၊ ပန်းချီအဖွဲ့မှ စောအင်ဒရူး၊ ရှေ့နေဦးရဲထွန်း တို့အားလုံး ၉၆ ပါးရောဂါတို့ဖြင့် ကွယ်လွန်သွားကြပြီဖြစ်သည်။ ၇၄ အုပ်စုသည် အသက် ၆၀ ဝန်းကျင်ရှိ ပြီဖြစ်သည်။ သို့သော် စစ်အာဏာရှင်စံနစ်ကို ဒူးမထောက် လက်မြှောက်ဘဲ တိုက်နေဆဲဖြစ်သည်။ ဦးသန့်အရေးအခင်းကို ဦးဆောင်ခဲ့သူ ကိုတင်မောင်ဦး တဦးတည်း သာ ရက်စက်စွာ ကြိုးစင်တင်၍ အသတ်ခံခဲ့ရသည်။


 

ကိုတင်မောင်ဦးသည်ချင်းအမျိုးသား တဦးဖြစ် သော်လည်း ချင်းအမျိုးသားလွတ်မြောက်ရေး တခုတည်းကိုမကြည့်ဘဲတနိုင်လုံးလွတ်မြောက်မှတိုင်းရင်းသားများမြောက်မည်ဆိုသည့်အမြင်ရှိသူဖြစ်သည်။ ထို့ကြောင့်ကိုတင်မောင်ဦးကိုကျောင်းသားခေါင်းဆောင်အဖြစ်အသိအမှတ်ပြုကြခြင်းဖြစ်သည်။

မြန်မာ့နိုင်ငံရေးသမိုင်းတွင် စစ်အာဏာရှင်ကသူ၏သတ္တိဗျတ္တိစွမ်းပကားကို ကြောက်ရွံ့တုန်လှုပ် ၍ဖမ်းမိပြီး (၃)လအ တွင်း ကြိုးစင်တင် အသတ်ခံရသည့် ပထမဦးဆုံး ကျောင်းသားခေါင်းဆောင် အာဇာနည် ကိုတင်မောင်ဦးအား ဤအဖြစ်ရပ်မှန် အထုပတ္တိစာတမ်းဖြင့် ဂုဏ်ပြုအပ်ပါသည်။


 


 

ဦးသန့်အရေးအခင်းတွင်အဓိကဦးဆောင်ခဲ့သူများ

၁။ ကိုစိုးတင့် (ဥက္ကဋ္ဌ)ပထမအကြိမ်ရွေး

၂။ ကိုကြည်ဝင်း (ဥက္ကဋ္ဌ)ဒုတိယအကြိမ်ရွေး

၃။ ကိုစိုးညွန့် (ပြောင်ကြီး) (ဒုဥက္ကဋ္ဌ)

၎။ကိုတင်မောင်ဦး(အထွေထွေအတွင်းရေးမှူး) ပထမအကြိမ်ရွေး

၎။ ကိုသက်လှိုင် (RIT) (အထွေထွေအတွင်းရေးမှူး)

၅။ ကိုမောင်မောင်တိတ် (မန္တလေးဆောင် အခြေစိုက်)


 

ဦးသန့်အရေးအခင်းတွင် ထောင်ကျသည့် ၅၂ ဦးထဲမှ မှတ်မိသမျှ

ကျောင်းသားခေါင်းဆောင်များစာရင်း 


 

စီးပွါးရေးသက္ကသိုလ်မှ ( ၃ ဦး)

၁။ကိုစိုးညွန့် (ရွှေခေါင်းပြောင်၊ပြောင်ကြီး)   ဒု ဥက္ကဌ

၂။ကိုသက်တင်( စီးပွါးရေးတက္ကသိုလ်အနုပညာအတွင်းရေးမှုး)

၃။မသိင်္ဂီမြင့်

 
 

စိတ်ပညာမှ(၅ဦး)

၎။ ကိုမောင်မောင်တိတ် (ပဲခူး)

၅။ ကိုစောလှငွေ (ဓနုဖြူ)

၆။ ကိုတင်စိုး (ဂွ မြို့)

၇။ ကိုသောင်းအေး( မအူပင်)

၈။ ကိုမြင့်ဟန် (ခရမ်းသုံးခွ)

 
 

သင်္ချာမှ (  ၃ဦး)

၉။ ကိုကြည်ဝင်း ဥက္က္ထဌ

၁၀။ ကိုကြ ည် လွင် ဘဏ္ဍာရေးမူး

၁၁။ ကိုစိုးတင့် ဥက္က္ထဌ လုပ်သားများကော်လိပ် သင်္ချာ

 
 


 

ရူပဗေဒမှ ( ၃ ဦး)

၁၂။ ကိုအေးသိန်းအောင်ခေါ်ရာကျော်

၁၃။ ကိုထွန်းထွန်း (တောင်တွင်းဦးကိုကိုကြီး၏သား ၊တရုပ်ပြည် ဗကပ နယ်မြေတွင် ကျဆုံး)

၁၄။ မန်းဗာလ်ထွန်း ( ချင်းပြည်နယ်)

 
 

စက်မှု့သက္ကသိုလ်မှ (၅ ဦး)

၁၅။ ကိုသက်လှိုင်( ပိသုကာ ပညာပဉ္စမနှစ်) အထွေထွေအတွင်းရေးမှုး

၁၆။ ကိုစံသာ (မြို့ပြ) တန်ပြန်ထောက်လှန်းရေးမှုး

၁၇။ ကိုလှအောင်ခေါ် ဂိုရှယ် ခေါ် ရာဇာ

၁၈။ ကိုသိန်းဝင်း (ပြည် သိန်းဝင်းခေါ် အမေသိန်း)

၁၉။ ကိုသန်းလွင်း (သတ္တု ) (ညောင်လေးပင်)

 
 

ဘူမိဗေဒမှ(၁ဦး)

၂၀။ ကိုစိုင်းသိုက်နန်း (ကျောက်ပန်းတောင်း၊ဗကပ နယ်မြေ)

 
 

ပညာရေးတက္ကသိုလ်မှ ( ၁ ဦး)

၂၁။ ကိုထွန်းသိန်း

 
 

ဆေးတက္ကသိုလ် ၂ မှ ( ၁ ဦး)

၂၂။ ကိုလှမြင့် (ဟင်္သာတမြို့)

 
 

မြန်မာစာ မှ (၁ဦး)

၂၃။ ကိုဌေးအောင် ခေါ်သရဲလေးဌေးအောင်

 
 

ဓါတုဗေဒ မှ (၂ ဦး)

၂၄။ ကိုသောင်းဟန် (ဝိဇ္ဇာသိပ္ပံ အနုပညာအသင်းအတွင်းရေးမှုး)

၂၅။ ကိုတင်စိုး ခေါ် ခွေးတိုး  ရိက္ခာမှုး အခြေစိုက်

 
 

ရုက္ခဗေဒမှ (၁ဦး)

၂၆။ ကိုတင်ဆွေ ခေါ် ကျားကြီးတင့်ဆွေ (ထားဝယ်)

 
 

ဇီဝဗေဒ မှ (၁ ဦး)

၂၇။ ကိုဇော်ငြိမ်းလတ် (ပျဉ်းမနားခင်မောင်ထွေး ၏ သား)

 
 

အလယ်တန်းကျောင်းမှ (၁ဦး)

၂၈။ မဌေးဌေးဝင်း (ယခုထိုင်းမြန်မာနယ်စပ်)

 
 

ရဟန်တော်များ မှ (၅ ပါး)

၂၉။ ဦးသီလစာရ (ဒေါ်လာဒေါ်ညာ ဆရာတော်)ရဟန်းဥက္ကဌ

၃၀။ ဦးလာဘ ရဟန်းဘဏ္ဍာရေးမှုး (ဒီဇင်ဘာ ၁၁ မတိုင်မီအဖမ်းခံရ)

၃၁။ မကွေးဆရာတော်ခေါ် ဦးတေဇိန္ဒ

၃၂။ ဦးးနန္ဒ

၃၃။ ဦး ---????---

 
 

ပြည်သူ့ဘက်မှနိူးကြားတက်ကြွ စွာ ပါဝင်ပူးပေါင်းဆောင်ရွက်သူများစာရင်း (  ၁၂ ဦး)

ရှေ့နေများမှ (၃ဦး)

၃၄။ ဦးရဲထွန်း ( ဒေါက်တာ ဘမော် ၏ သားမက်)

၃၅။ ကိုကျော်လင်း

၃၆။ ကိုသိန်းဝင်း ခေါ်တွံတေးသိန်းဝင်း

 --------- -------------

၃၇။ ဦးထွန်ကျော်ငြိမ်း ဆရာဝန် (ဖဆပလ ဝန်ကြီးဟောင်းဦး ကျော်ငြိမ်းသား)

၃၈။ ကို ဘိုဘိုကျော်ငြိမ်း အင်္ဂျင်နီယာ(ဖဆပလ ဝန်ကြီးဟောင်းဦး ကျော်ငြိမ်းသား)

၃၉။ ကို ရဲ ထွဋ် ခေါ် ရဲမြင့်သန်း

၄၀။ ကိုကျော်စိုး (သက္က္လလ ပဲခူး)

၄၁။ ကိုဝင်းနောင် ခေါ် ဝင်းသိန်း (ပဲခူးရိုးမပြန်သခင်ဇင်၏တူ)

၄၂။ ကိုသောင်းတင် ခေါ် ဗိုလ်တောက်

၄၃။ ဒါးသန်းမြင့်ခေါ် မော်တော်ပီကယ်ရဲ ကြီးသန်းမြင့်

၄၄။ ကိုရာမင်း ပန်ရံဆရာ

၄၅။ ကိုတင့်ဆွေ( ဒေါ်လဖင်ရေးကူးသင်တန်းဆရာ)

၄၆။

၄၇။

၄၈။


 

ပန်းချီအဖွဲ့

၄၉။ စောအင်ဒရူး (ရန်ကုန်ဝိဇ္ဖာသိပ္ပံ တက္ကသိုလ်ပန်းချီသင်တန်းဆင်း)

၅၀။ ကိုစံမင်း (မော်ဒန်အတ်) (ရန်ကုန်ဝိဇ္ဖာသိပ္ပံ တက္ကသိုလ်ပန်းချီသင်တန်းဆင်း)

၅၁။ ကိုတင်မောင်ဦး ခေါ် ဗလကြီး (မန္တလေးပန်ချီကျောင်းဆင်း)

၅၂။ ကိုရဲမြင့် (မြင်းခြံ) (မန္တလေးပန်ချီကျောင်းဆင်း)


 

အမေရိကန်နိုင်ငံတွင် ကျဆုံးသွားသော ရဲဘော်ကိုသက်လှိုင်၏ "အိမ်တိုင်းတွင်စစ်သားမရှိ၊ အိမ်တိုင်းတွင်ကျောင်းသားရှိသည်"ဆိုသည့်ဆောင်းပါးကိုအချပ်ပိုအဖြစ်ကိုသက်လှိုင် ကိုဂုဏ်ပြုသောအားဖြင့်အောက်တွင်ထည့်ပေးလိုက်ပါသည်။ ကိုသက်လှိုင် ABSDF ဝမ်းခစခန်းအတွင်း ရေးမှူးဘဝက ဒေါင်းအိုဝေစာစောင်တွင် ရေးသားခဲ့သည့် ဆောင်းပါးဖြစ်ပါ သည်။


 

"ဦးသန့်အရေးအခင်းနဲ့ ကျွန်တော်တို့တသိုက်"ကိုဖတ်ပြီးကိုတင်မောင်ဦးကဲ့သို့သတ္တိဗျတ္တိစွမ်းပကား နှင့်ပြည့်စုံသောသူရဲကောင်းများပေါ်ပေါက် လာလျှင်ဤစာကိုရေးရကျိုးနပ်ပြီ၊ အခြားဘာ မျှော်လင့် ချက်မှကျွှနုပ်တွင်မရှိ။


 

ထွန်းအောင်ကျော်(၇၄)

-------------------------------- ---------------------------------------


 

အိမ်တိုင်းမှာ စစ်သားမရှိ အိမ်တိုင်းမှာ ကျောင်းသားရှိသည် (သက်လှိုင်ရေးသည်)


 

၁၉၇၄ ဒီဇင်ဘာ (၁၀)ရက်နေ့ ညဦးပိုင်း ၊၁၉၇၄ ဒီဇင်ဘာ(၁၁)ရက်နေ့ အာရုံဦးပိုင်း။

ထိုညကအလွန်ချမ်းလှသည်။ရန်ကုန်မြို့တွင်အအေးလွန်ကဲသောနှစ်ဖြစ်သည်။ထိုနှစ်ကအနိမ့်ဆုံးအပူချိန်မှာ၅၃ံဖါရင်ဟိုက် ဖြစ်ခဲ့သည်ဟုမှတ်သားမိသည်။ကျောင်းသားထုနှင့်စုဝေးရောက်ရှိလာကြသော ပြည်သူတို့၏ရင်ထဲမှမီးတောက်မီးလျှံများသည် ဒီဇင်ဘာအအေးဆုံးနှစ် ဆောင်းဥတုကို အံတု လျှက်ရှိခဲ့ကြသည်။ရန်ကုန်ဝိဇ္ဇာနှင့်သိပ္ပံတက္ကသိုလ်(ပင်မ)ကျောင်းဝင်းအတွင်းကျောင်းသားသမဂ္ဂ အဆောင်အအုံရှိခဲ့သောနေရာဟောင်းကွင်းပြင်ထဲတွင် ဘာမဆိုရင်ဆိုင်ရန် အဓိဋ္ဌာန် ခိုင်မာစွာ ချထားသောကျောင်းသားနှင့်ပြည်သူ ငါးထောင်ကျော်သည် ထိုညက ငြိမ်းချမ်းစွာာ ဆန္ဒပြလျက် ရှိခဲ့ကြသည်။

ကျောင်းသားသမဂ္ဂနေရာဟောင်းနှင့် မလှမ်းမကမ်းတွင်ရှိသော ဗိုလ်အောင်ကျော်ကျောက်တိုင်က

ငြိမ်းချမ်းစွာ ဆန္ဒပြနေသော ကျောင်းသားနှင့်ပြည်သူတို့ကို မားမားမတ်မတ်ရပ်တည်ကာ ထောက်ခံအားပေးလျက်ရှိသည်။ကျောင်းသားသမဂ္ဂ၀င်း နဘေးအစပ် နားတွင်ရှိသော သရက် ပင်ကြီးများသည် ထိုနှစ်က ထူးထူးခြားခြား စောစီးအစွာပွင့်ခဲ့ကြပြီး သရက်ပွင့် များ ပင်လုံး ကျွတ်ဝေလျက်ရှိခဲ့သည်။နီကျင့်ကျင့် သရက်ပွင့်များသည် စိမ်းမှောင်သော အရွက်များကို ဖုံးလွှမ်း တော့မယောင်ရှိနေသည်။ ကျောင်းသားသမဂ္ဂ အတွင်း ညပိုင်းတွင် အရေးပေါ်အစီအစဉ်ဖြင့် ထွန်း ညှိထားသော လျှပ်စစ်မီးများသည် ကွင်းပြင်ထဲတွင် လူရိပ်များကြောင့်ကောင်းစွာမလင်းနိုင်ပဲရှိခဲ့သည်။ သရက်ပင်အုပ်များအောက်နားတွင်ခပ်မှောင်မှောင်ဖြစ်နေသည်။တဖက်တက္ကသိုလ်ဝင်းခြံစည်းရိုးနှင့် ကပ်လျက်ရှိသော တက္ကသိုလ်ရိပ်သာလမ်းမပေါ်တွင် မီးရောင်များ ထိန်လင်းလျက်ရှိသည်။

တက္ကသိုလ်ရိပ်သာ လမ်းဘက်ရှိသောသမဂ္ဂ၀င်းစည်းရိုးတလျှောက်တွင် အမျိုးအမည်ခွဲခြားရန် ခက် သော ပရိသတ်များဖြင့် ပြည့်ကျပ်နေပြီး စည်းရိုးတလျှောက် သံတိုင် များကို ရင်ချင်းကပ်လျက် ပေတေနေကြသည်။ည(၁၀)နာရီတွင် အဓိပတိလမ်းထိပ်မှ တံခါးကို ပိတ်ပစ်ရန်ဆုံး ဖြတ် ခဲ့သည်။ထိုညသည် အလွန်အရေးကြီးသော ညဖြစ်၍ လုံခြုံရေးကို အထူးသတိထားရန် လိုအပ်ခဲ့သည်။နောက်နေ့မနက် အာရုံအတက်မီ ကျွန်တော်တို့ကျောင်းသားထုကို ဖြိုခွဲပစ်ရန်နှင့် တက္ကသိုလ်ဝင်းကို အပိုင်စီးရန် BSPP တပ်မှ ဒလကြမ်း ၀င်ရောက်ဖြိုခွင်းမည် ဖြစ်ကြောင်း ကျွန်တော်တို့ သိထားပြီးဖြစ်သည်။ကျွန်တော်တို့ ဘာလုပ်ကြမည်နည်း။ဘယ်ကို ပြေးကြမည်နည်း။ သာယာအေးချမ်းလှသောကျွန်တော်တို့ချစ်မြတ်နိုးလှသောကန့်ကော်တောကိုဘီလူးသဘက်များ လက်နက်အားကိုးဖြင့်ဝင်ရောက်သိမ်းပိုက်မည်ကိုကျွန်တော်တို့အသာတကြည်ဖြင့်နောက်ဆုတ်ပေးရမည်လား?။

"မဖြစ်နိုင်ပါ"ဘယ်နည်းနဲ့မှနောက်ဆုတ်မပေးနိုင်ပါ။အသာတကြည်ဖြင့်ခွင့်မပြုနိုင်ပါ။ကျွန်တော်တို့ကို နိုင့်ထက်စီးနင်း လက်နက်အားကိုးဖြင့် ဗိုလ်ကျပြီး တက္ကသိုလ်ဝင်းကို အတင်းအဓမ္မသိမ်း ပိုက်ခြင်း မှတပါးအခြားနည်းဖြင့်မရစေရ။သူတို့ကို ကျွန်တော်တို့ ခံတိုက်ကြမည်လား?။ ကျွန်တော် တို့တွင်ရှိသည်များမှာ ဖေါင်တိန်၊ခဲတန်နှင့် စာရွက်များသာဖြစ်သည်။ကျွန်နုပ်တို့သည် ပြည်သူတို့ ချစ်မြတ်နိုးသော ကျောင်းသားများဖြစ်၍ ငြိမ်းချမ်းစွာတောင်းဆိုရန်သာ နားလည်ကြသူ များ ဖြစ်ကြပါသည်။

သူတို့မှာ အာဏာရှင်ဗိုလ်နေ၀င်း၏ လက်ကိုင်ဒုတ် ကြေးစားစစ်သားများဖြစ်၍ အမိန့်ပေးလျှင် ဘာမဆိုလုပ်မည့်သူများဖြစ်သည်။သူတို့တွင်ရှိသည်များမှာမောင်ပြန်သေနပ်များ၊တင့်ကားများ၊ စစ်သေနတ် တင်ယာဉ်များ၊ကြမ်းကြုတ်သောခက်ထန်သောအသွင်အပြင်များ၊ရိုင်းစိုင်းရက်စက်သော နှလုံးသားပိုင်ရှင်များဖြစ်ကြသည်။သို့သော်ကျွန်တော်တို့လုံးဝမကြောက်ပါ။မည်မျှကြောက်အောင်ခြောက်သော်လည်း ကျွန်တော် တို့မကြောက်ပါ။ ကျွန်တော်တို့အမိတက္ကသိုလ်ဝင်းအတွင်း၌ပင် နောက် ဆုံးအချိန်ထိ ကျွန်တော်တို့ဆန္ဒများကို ငြိမ်းချမ်းစွာ ထုတ်ဖော်တောင်းဆိုသွားရန် ဆုံးဖြတ်ခဲ့ ကြသည်။သူတို့စစ်ဘီလူးများ ရက်စက်သမျှ အနိုင်ကျင့်သမျှကို အံကြိတ်ခံ၍ တရားမျှတ သောပွဲအကြောင်းကို ပြည်သူနှင့် ကမ္ဘာကသိရန် မှတ်တမ်း တခုကျန်ရစ်ရန် အသက်ပေးစတေးရန် ဆုံးဖြတ်ခဲ့ကြသည်။

ပေမှာတင်ထု၊ထုချင်ထု

မီးနဲ့တင်ရှို့၊ရှို့ချင်ရှို့

သံမဏိဒါး၊ကြေမသွားဘူး

နာနာထုလေ၊ဒါးကောင်းလေ။

ဤကဗျာ တပိုင်းတစသည် ကျွန်တော်တို့ အဖြစ်ကို ထင်ဟပ်စေခဲ့သည်။

ကျွန်တော်တို့ မည်သူ့ကို အားကိုးကြမည်နည်း။ကျွန်တော်တို့မိဘများ ပြည်သူများမှလွဲ၍ အားထားစရာမရှိပါ။ BBCနှင့် VOA သတင်းဌာနများမှ သတင်းထောက်များ ကျွန်တော်တို့ ဆီမအမြဲတမ်းလာရောက်၍ မေးမြန်းပြီး ကမ္ဘာအရပ်ရပ်သို့ ချက်ချင်း ထုတ်ပြန်ပေးနေသည်မှလွဲ၍ ကျွန်တော်တို့မှာ အခြားပြင်ပကမ္ဘာနှင့် ဆက်သွယ်ရန်မရှိခဲ့ပါ။ပြင်ပကမ္ဘာမှ စိတ်ဓာတ်ရေးရာအရသာ စာနာထောက်ထားမှု ပေးနိုင်သည်မှ အပ အခြားထိထိရောက်ရောက် ဆောင်ရွက်ပေး နိုင်ဖွယ်မ ရှိကြောင်း ထိုစဉ်ကပင် ကျွန်တော်တို့ နားလည်ခဲ့ကြသည်။ ကိုယ့်ကိစ္စကိုယ်ပဲရှင်းရမည်ဖြစ်ပါသည်။ နောက်ဆုံးကျွန်တော်တို့ အနေနှင့် အကောင်းဆုံးတတ်နိုင်သော နည်းလမ်းမှာ ဖြစ်ကြောင်းကုန်စင်ကို ကျွန်တော်တို့ မိဘများ၊သူငယ်ချင်းများ၊ပြည်သူများအား မချွင်းမချန် အသိပေးကာ ကျွန်တော်တို့ နှင့်လက်တွဲ၍ ကြံ့ကြံ့ခံရန် ဖိတ်ခေါ်ရန်မှတပါး အခြားမရှိခဲ့။

သို့ဖြစ်၍ ဦးသန့် အလောင်းကို ဒီဇင်ဘာ(၈)ရက်နေ့ ဂူသွင်းအပြီး (၉)ရက်နေ့ ညဦးပိုင်းမှစကာ ကျောင်းသားအမှုဆောင်များ တယောက်တလှည့် မပြတ်တမ်းဟောပြောခဲ့ကြရသည်။(၁၀)ရက်နေ့

တနေ့လုံးပရိတ်သတ်များမပြတ်တမ်းကျောင်းဝင်းအတွင်းဝင်လာခဲ့ကြသည်။ ၀င်ရောက်လာခဲ့ကြသော ပရိတ်သတ်များကို ကျွန်တော်တို့ ရင်ဆိုင်ရလုဆဲဆဲဖြစ်နေသော အခြေအနေမှန်များကို ရှင်းပြခဲ့သည်။ စစ်တပ်မှ ဒလကြမ်းဝင်ရောက်ဖြိုခွင်းမည်ဖြစ်ကြောင်း၊အကယ်၍ကျွန်တော်တို့ကို အကြမ်းဖက်၍ အတင်းအဓမ္မအနိုင်ကျင့်ပါက ကျန်သောပြည်သူများက တုန့်ပြန်လိမ့်မည်ဟု ယုံကြည်ကြောင်း ရိုးသားစွာပင် ပရိတ်သတ်အား အသိပေးခဲ့ပါသည်။

ပြန်လိုပါကလည်း ပြန်နိုင်ကြပါကြောင်း မပြန်ပဲ ကျွန်တော်တို့နှင့် အတူလက်တွဲ၍ ကြံ့ကြံ့ခံနေပါက ကျွန်တော်တို့အတွက်အလွန်အားတက်စရာဖြစ်ကြောင်းကျွန်တော်တို့မှာအခြားပြေးစရာမြေမရှိပဲဖြစ် ပြီးနောက်လည်းဆုတ်မပေးနိုင်ကြောင်းကို ပြောပြခဲ့ပါသည်။ ည(၁၀)နာရီတွင်အဓိပတိလမ်းထိပ်မှ တံခါးပိတ်မည့်ဖြစ်ကြောင်းအသိပေးခဲ့ပါသည်။ တက္ကသိုလ်ရိပ်သာ လမ်းနှင့်ကပ်လျက် သံတိုင်များတွင် တန်းစီပြီး ကပ်ရပ်နေကြသော ပရိတ်သတ်များကိုလည်း ကျွန်တော်တို့နှင့် ပူးပေါင်းလိုက အထဲသို့ကြွရောက်ကြရန် ဖိတ်ခေါ်ခဲ့သည်။သူတို့မှာ မည်သို့မျှမတုန့်ပြန်ပဲ နားလည်ရခက်ကာ အကြိုစောင့်ကြပ်နေသော(မဆလ)ပါတီ၏မစောင့်မနေရတာဝန်ဖြင့် လာရောက်ခဲ့ကြ သူများဖြစ်သည်ဟု သိခဲ့ရသည်။ ဤသည်မှာလည်း တဒုက္ခဖြစ်ခဲ့သည်။

ကျောင်းသားသမဂ္ဂ၀င်းသည် အာဏာပိုင်များနှင့် မည်သို့မှသက်ဆိုင်ခြင်းမရှိပဲ မူလပိုင်ရှင် အမျိုးသမီးကြီးတဦးက သူမပိုင်မြေကွက်ကို ကျောင်းသားများအတွက် စေတနာပြတ်သားစွာ လှူဒါန်းခဲ့ကြောင်း သိခဲ့ရသည်။(၉)ရက်နေ့မှ စတင်၍ ကျောင်းသားသမဂ္ဂ၀င်းအတွင်းရှိ မပြိုမပျက်ပဲကျန်ခဲ့သော မပြုပြင်ပဲထားသည့် အားကစားရုံကို ကျွန်တော်တို့ဗဟိုလုပ်ငန်းများ ဆောင်ရွက်ရန် အသုံးပြုခဲ့သည်။အားကစားရုံရှေ့ မန္တလေးဆောင်ဘက် မျက်နှာချင်းဆိုင်ရှိသော အပေါက်ကိုဖွင့်ကာ အပေါက်ဝတွင် စင်မြင့်တခုဖြစ်သလိုထိုး၍ ဤစင်ပေါ်မှနေကာ ကျွန်တော်တို့ဟောပြောခဲ့ကြသည်။ကျွန်တော်တို့စင်ရှေ့မလှမ်းမကမ်းတွင် အသစ်စက်စက် အင်္ဂတေကောင်းစွာ မခြောက်သေးသော ဦးသန့် အုတ်ဂူတည်ထားခဲ့သည်။ ဦးသန့်အုတ်ဂူပတ်လည်တွင် ခေါင်းစည်းအနီများဖြင့် အထက်တန်းကျောင်းသားအများစု ပါဝင်သော ပရိတ်သတ်ငါးဆယ်ခန့် ၀န်းရံစောင့်ကြပ်ထားသည်။ မဆုတ်တမ်းခံမည့်သူများဖြစ်ပါသည်။

ဦးသန့်အရေးအခင်း ဖြစ်ပွါးခဲ့ရခြင်းမှာ အမျိုးသားရေးစိတ်ဓာတ်အခြေခံဖြင့် နိုင်ငံရေးအရ မတရားဖိနှိပ်ချုပ်ချယ်မှုများကို တွန်းလှန်ရန်ဖြစ်ပါသည်။ဦးသန့်သည် မြန်မာနိုင်ငံသားတဦးဖြစ်ပြီး ကမ္ဘာ့နိုင်ငံအသီးသီးမှများစွာလေးစားခြင်းခံရသောပုဂ္ဂိုလ်တဦးဖြစ်ပါသည်။ ကမ္ဘာ့အရေးအခင်းကြီးများ အရှုပ်အထွေး ကြီးများကို ကုလသမဂ္ဂအထွေထွေအတွင်းရေးမှူးချုပ် တာဝန်ဖြင့် ဆယ်နှစ်ကျော် ပြောင်မြောက်စွာတာဝန်ထမ်းဆောင်ခဲ့သောပုဂ္ဂိုလ်ဖြစ်ပါသည်။ဘာသာတရားကိုင်းရှိုင်းခြင်း၊မိဘကိုရိုသေမြတ်နိုးခြင်း၊ယဉ်ကျေးဖွယ်သောအမူအရာအပြောအဆိုရှိခြင်းစသည်ဖြင့်မြန်မာနိုင်ငံသားကောင်းတဦးပီသစွာ ကမ္ဘာ့အလယ်တွင် မျက်နှာပွင့်ခဲ့ပါသည်။

ဤကဲ့သို့ မြန်မာနိုင်ငံသားကောင်း တဦးကို မြန်မာပြည်သူများက လေးစားဂုဏ်ပြုလိုသည်မှာ ထိုက်တန်သောချီးမြှောက်မှုဖြစ်ပါသည်။ဤသည်မှာဂုဏ်ယူဖွယ်ရာအမျိုးသားရေးစိတ်ဓါတ်ဖြစ်ပါသည် လူမျိုးဘာသာမခွဲခြားပဲ မြန်မာနိုင်ငံသားအားလုံးလိုလိုက ထိုက်တန်စွာဂုဏ်ပြုလိုခဲ့ပါသည်။အာဏာရှင် ဗိုလ်နေ၀င်းနှင့်အပေါင်းအပါတစုမှလွဲ၍ဖြစ်ပါသည်။ဗိုလ်နေ၀င်းဦးဆောင်သောတော်လှန်ရေးကောင်စီ၏ ညံ့ဖျင်းသော အုပ်ချုပ်မှု၊ကိုယ်ကြိုးရှာသော စီးပွားရေး ဦးတည်မှုများကို ပြည်သူက အောင့်အီးသီးခံခဲ့သည်မှာ ဆယ်နှစ်ကျော်ကြာမြင့်ခဲ့ပြီ ဖြစ်သည်။

ဦးသန့် ကွယ်လွန်ပြီး သေတမ်းစာအရ အလောင်းကို မြန်မာပြည်ပြန်ပို့ရာတွင် မြန်မာပြည်သူများက သောင်းသောင်းဖျဖျ ကြိုဆိုခဲ့ကြသည်။ကျိုက္ကဆံကွင်းတွင် ၁၉၇၄ ဒီဇင်ဘာ(၅)ရက်နေ့အထိထားကား ပြည်သူများလာရောက်ကြည့်ရှုခွင့်ရစဉ်ကသိန်းနှင့်ချီသောပြည်သူများလာရောက်ကြည့်ရှုခဲ့ကြသည်။ထိုစဉ်က ဗိုလ်နေ၀င်းဦးဆောင်သော (မဆလ)အစိုးရ၏ ကြံတောသင်္ချိုင်းတွင် မြုတ်နှံရန်ဖြစ်ပါသည်။ ပြည်သူတို့၏ ဆန္ဒမှာ သီးခြားနေရာတခုပေး၍ ဗိမ္မာန်တခုတည်ရန်ဖြစ်ပါသည်။တပြည်လုံးရှိ ပြည်သူများ၏ ဆန္ဒမှာ တလေသံတည်းဖြစ်ခဲ့ပါသည်။

ကျောင်းသားများ၏ဆန္ဒမှာလည်းပြည်သူများနှင့်တထပ်တည်းဖြစ်ခဲ့သည်။ ဦးသန့်အလောင်းကိုကြံတောသို့ပို့မည့်နေ့က ကျိုက္ကဆံကွင်းတွင် ပြည်သူသုံးသိန်းကျော်ရှိခဲ့သည်။ ပြည်သူတို့၏ဆန္ဒကို မျက်ကွယ်ပြုထားသော ဗိုလ်နေ၀င်းအစိုးရကိုအံတုကာ ကျောင်းသားထုက ဦးသန့်အလောင်းကို ကျိုက္ကဆံကွင်းမှ ရန်ကုန်ဝိဇ္ဇာနှင့်သိပ္ပံတက္ကသိုလ်ဝင်းသို့ ဒီဇင်ဘာ(၅)ရက်နေ့ နေ့လည်နှောင်းပိုင်းတွင် သယ်ယူလာခဲ့သည်။ဦးသန့်အလောင်းကို ထားစရာနေရာအဖြစ် ရန်ကုန်တက္ကသိုလ်ဘွဲ့နှင်းသဘင်ခန်းမဆောင်ရှိ ဘွဲ့အပ်နှင်းသောစင်မြင့်ကို ရွေးချယ်ထား ရှိခဲ့သည်။ဤသို့ ကျောင်းသားများ၏ ပြတ်ပြတ်သားသားလုပ်ဆောင်မှုကို ပြည်သူက တခဲနက်ထောက်ခံခဲ့သည် သံဃာတော်အပါးတထောင်ကျော်ကပါ ကျောင်းသားထုနှင့် အမာခံအဖြစ် လက်တွဲခဲ့သည်။

ကျွန်တော်တို့က ဒီဇင်ဘာ(၅)ရက်နေ့ ညဦးပိုင်းတွင်ပင် ဦးသန့်ဗိမ္မာန်ဖြစ်မြောက်ရေး ကျောင်းသားအဖွဲ့အစည်းတရပ်ကို ဖွဲ့စည်းခဲ့သည်။မည်သို့ပင်ဖြစ်စေ ကျွန်တော်တို့မှာ အစိုးရကို အာခံနေပြီဖြစ်၍ နိုင်ငံရေးအရပါ သတိကြီးစွာထား၍ လုပ်ဆောင်ရတော့မည်ဖြစ်ကြောင်း ကောင်းစွာသတိထားခဲ့ကြသည်။သို့ဖြစ်၍ လိုအပ်သောဖွဲ့စည်းပုံစည်းမျဉ်းအချို့ကို ထိုညကပင် စည်းဝေး၍ အတည်ပြုခဲ့ကြသည်။

ကျွန်တော်တို့အနေနှင့်လည်း ထိုညကပင် ဘွဲ့နှင်းသဘင်ခန်းမဆောင်စင်မြင့် ဦးသန့်အလောင်း ထားသော နေရာရှေ့မှနေ၍ ကျောင်းသားအားလုံးကို ကျွန်တော်နားလည်သလိုပင် အိမ်တိုင်းမှာ စစ်သားမရှိ၊အိမ်တိုင်းမှာကျောင်းသားရှိပြီးကျွန်တော်တို့ညီညီညာညာစုရုံးလုပ်ဆောင်ကြရန်လို ကြောင်း တိုက်တွန်းခဲ့သည်။တက္ကသိုလ်တွင် တက်နေဆဲ နေ့ကျောင်းသား၊အဆောင်ကျောင်းသားများ ပြည့်လျှံအောင်ရောက်ရှိခဲ့သည်။

ကျွန်တော်တို့ဖွဲ့စည်းခဲ့သော ကျောင်းသားအမှုဆောင်အဖွဲ့၏ အခြေခံအချက်နှင့် စည်းမျဉ်းများမှာ

အလွန်ရိုးရှင်းပါသည်။လိုအပ်သော အခြေခံအချက်မှာ ဤလှုပ်ရှားမှုတွင် အမှုဆောင်အဖြစ် ပါဝင်ဆောင် ရွက်သူများ အားလုံးသည် အနည်းဆုံး "ထောင်ကျ"မည်ဖြစ်သည်။အများဆုံး "သေ"မည်ဖြစ်သည်။အောင်မြင်ပါက မိမိပုဂ္ဂိုလ်ရေး အကျိုးစီးပွါး ဘာမျှမရနိုင်ဟု ကျွန်တော်တို့ နားလည်သလို တင်ပြအတည်ပြုခဲ့သည်။

အမှုဆောင်အဖြစ် အရွေးချယ်ခံရန် လိုအပ်သော အရည်အချင်းမှာ--

(၁) လက်ရှိ တက္ကသိုလ်ကျောင်းသားဖြစ်ရမည်ဖြစ်ပြီး ကျောင်းသားမှတ်ပုံတင် ပြနိုင်ရမည်ဖြစ်သည်။

(၂) မြန်မာ့ဆိုရှယ်လစ် လမ်းစဉ်ပါတီနှင့် မည်သို့မှ မသက်ဆိုင်သူဖြစ်ရမည် ဖြစ်ပါသည်။ ဆိုလိုသည်မှာတင်းပြည့်ပါတီဝင်၊အရံပါတီ၊ပါတီမိတ်ဆွေ၊လမ်းစဉ်လူငယ်စသည်တို့မဖြစ်စေရဖြစ်ပါ

သည်။

အကယ်၍ အရွေးချယ်ခံရပါက အထက်ပါအချက်နှစ်ခုနှင့် မညီညွတ်လျှင် မိမိဖာသာ နှုတ်ထွက်ပေးရန်ဖြစ်သည်။ဒုတိယ အချက်သည် လမ်းစဉ်ပါတီက အလွန်မကြေနပ် အခံရခက်သော အချက်ဖြစ်ခဲ့သည်။သို့သော် ကျွန်တော်တို့မတတ်နိုင်ပါ။လမ်းစဉ်ပါတီကို ကျွန်တော်တို့မယုံပါ။

ဦးသန့် အလောင်းကို လာရောက်ကြည့်ရှုနိုင်ရန် တက္ကသိုလ်ဝင်းနှင့် ဘွဲ့နှင်းသဘင်အဆောက်အဦး ကိုဖွင့်ထားခဲ့ပါသည်။ပရိတ်သတ်များသည် စည်းစနစ်ကျစွာဖြင့် တန်းစီပြီး လာရောက် ကြည့်ရှုကြပါ သည်။ ပရိတ်သတ်များ၏ မျက်နှာသည် ကျေနပ်အားရသော၊ အံ့သြချီးကျူးသော၊ထောက်ခံ အားပေးသော၊ ကျောင်းသားများအတွက် ပူပန်သောက ရောက်နေသော အသွင်အပြင်များ ပေါ်လွင်လျက်ရှိသည်။အလှူငွေထည့်ရန် ကျောင်းသားများကို လာသမျှ ပရိတ်သတ်များက တောင်းဆိုကြသဖြင့် ကျွန်တော်တို့အနေဖြင့်ဘဏ္ဍာရေးမှူး ဦးဆောင်၍ ကျောင်းသားကျောင်းသူ သံဃာတော်များဖြင့် ဘွဲ့နှင်းသဘင်အ၀င်ဝ အတွင်းဘက်တွင် စားပွဲ ပုလေးချ၍ ခုံလေးငါးခု၊ငွေဖလားတလုံး ထားကား ကောက်ခံခဲ့ရသည်။ မှတ်မှတ်ရရပင် (၅)ရက်နေ့ညမှ (၆)ရက်နေ့မနက်အထိ အလှူငွေ တသိန်းခွဲကျော်ရခဲ့သည်မှာ ကျွန်တော်တို့ အထူးပင် ၀မ်းသာကြည်နူးခဲ့ရသည်။ထိုစဉ်က လက်ရည်တခွက် (၂၅)ပြား၊ထမင်းတခါစား (၇၅)ပြားသာရှိခဲ့ သေးပါသည်။

ကျွန်တော်တို့အနေနှင့်တက်သုတ်ရိုက်ကာ ထုတ်ပြန်ချက်များ၊တောင်းဆိုချက်များ၊လုပ်ငန်းစဉ်များ၊ အချိန်လုလုပ်ဆောင်ခဲ့ရသည်။ ကျွန်တော်တို့ ထုတ်ပြန်ချက်များမှာ ခပ်ရိုးရိုးလေးပင်ဖြစ်ပါသည်။ ဤကိစ္စသည် မှန်ကန်ပြီး ကျွန်တော်တို့လုပ်ဆောင်ရမည့် အလုပ်ဖြစ်သည်ဟုလည်းကောင်း ၊ကျွန်တော်တို့အနေနှင့် အောင်မြင်ပြီးဆုံးသည်အထိ တာဝန်ယူ ဆောင်ရွက်သွားမည့်အကြောင်း ၊ကျွန်တော်တို့ကို ၀ိုင်းဝန်းကူညီကြပါရန်အကြောင်းတို့ဖြစ်ပါသည်။

ကျွန်တော်တို့တောင်းဆိုချက်များကို ထိုစဉ်က သမတဖြစ်သောဗိုလ်နေ၀င်၊နိုင်ငံတော်ကောင်စီနှင့် ၀န်ကြီးချုပ် ဦးစိန်ဝင်းထံပို့ခဲ့သည်။ကျွန်တော်တို့၏ တောင်းဆိုချက်များမှာ ဦးသန့်ဗိမ္မာန် ဆောက်လုပ်ရေးအတွက်ကန်တော်မင်ရှိသခင်ကိုယ်တော်မှိုင်းဂူဘေးရှိနေရာကိုပေးရန်၊ကျောင်းသား များနှင့် ပါဝင်သူများကို မဖမ်းဆီးရန်၊ပညာရေးနှင့် ပါတ်သက်၍ အရေးယူခြင်း ကျောင်းထုတ်ခြင်း မပြုလုပ်ရန်ဖြစ်သည်။တာဝန်ရှိ ကျောင်းသားအမှုဆောင်များဖြစ်သော ဥက္ကဋ္ဌ၊ ဒုဥက္ကဋ္ဌအတွင်းရေးမှူး၊ စသည်တို့အနေနှင့် ကိစ္စ အ၀၀ကို ကျောင်းဝင်းအပြင်သို့ထွက်၍ မဆွေးနွေး နိုင်ကြောင်း၊ ဆွေးနွေးရန်ရှိပါက ကျောင်းဝင်းအတွင်းသို့ လာရောက်ဆွေးနွေးနိုင်ကြောင်း

လုံခြုံရေးကို တာဝန်ယူကြောင်းသက်ဆိုင်ရာ အစိုးရနှင့် အာဏာပိုင်များထံ အကြောင်းကြားခဲ့သည်။

ထိုစဉ်က ကမာရွတ်မြို့နယ်ကောင်စီ ဥက္ကဋ္ဌဖြစ်သော ဦးမောင်မောင်က ကျောင်းသားတာဝန် ရှိသူ များနှင့် ဆွေးနွေးလိုကြောင်း ကျောင်းဝင်းအတွင်းသို့ လာရောက်ပြောဆိုရာ ကျွန်တော်တို့အနေနှင့် ၎င်းအဆင့်နှင့်မဆွေးနွေးနိုင်ကြောင်း ပြောဆိုပြန်လွှတ်လိုက်ပါသည်။

ကျွန်တော်တို့တောင်းဆိုချက်ကို (၂၄)နာရီအတွင်း တုန့်ပြန်ပေးပါရန် အကြောင်းကြားခဲ့သည်။ ကျွန်တော်တို့တောင်းဆိုချက်ကို မလိုက်လျောပါက ကျောင်းသားသမဂ္ဂ၀င်းအတွင်း ဂူဆောက်၍ မြှတ်နှံရန် ဆုံးဖြတ်ခဲ့သည်။ ဂူဆောက်လုပ်ရေးလုပ်ငန်းကို(၅)ရက်နေ့ ညလယ်ပိုင်းမှစတင်၍ ဒုဥက္ကဋ္ဌမှ တာဝန်ယူဆောင်ရွက်ရန် သတ်မှတ်ပေးခဲ့သည်။ကျောင်းသားသမဂ္ဂနေရာဟောင်းတွင် အုတ်ဂူဆောက် လုပ်ရေးကို ထိုညမှစတင်၍ အင်တိုက်အားတိုက် ဆောင်ရွက်ခဲ့ကြသည်။

တက္ကသိုလ်ဝင်းသည် အထူးသဖြင့် ဘွဲ့နှင်းသဘင်ခန်းမရှေ့မှစ၍ အဓိပတိလမ်းမကြီးတလျှောက် ပင်မတံခါးမကြီးအထိ ပရိတ်သတ်မှာ တိုးမပေါက်နိုင်အောင် စည်ကားခဲ့ပါသည်။ ဈေးဆိုင်တန်းများ ပေါ်ပေါက် လာပြီး အဓိပတိလမ်းမလျှောက် တဖက်တချက်တွင် မုန့်ပဲ သားရေစာအမျိုးမျိုးအပြင် လက်ဖက်ရည်ဆိုင်၊မုန့်ဟင်းခါးဆိုင်များပါ နေ့ရောညပါ ရောင်းချနေသည်မှာ အထူးပင် အံ့အား သင့်ဖွယ်ရာ စည်ကားခြင်းဖြစ်ခဲ့သည်။

ထိုစဉ်က အစိုးရကို ဆန့်ကျင်၍ ဆောင်ရွက်နေသည်နှင့်မတူတော့ပဲ ကျောင်းသားများသည် စင်ပြိုင်အစိုးရသဖွယ် အစိုးရနှင့် အပြိုင်အဆိုင် အာဏာပိုင်သည်ကဲ့သို့ထိုစဉ်ကပြည်သူများအနေနှင့် သဘောထားခဲ့ကြသည်။ကျွန်တော်တို့ သဘောထားများ၊ထုတ်ပြန်ချက်၊တောင်းဆိုချက်များကို စုဝေး ရောက်ရှိလာကြသော သိန်းနှင့်ချီသည့် ပရိတ်သတ်ကြီးများအား အဆင်ပြေစွာ ထုတ်ပြန်ပေး နိုင်ရန်အတွက် ဘွဲ့နှင်းသဘင်ခန်းမမုခ်ဝ ဘယ်ဘက်ထောင့်တွင် စကားပြော စင်တခုနှင့် မိုက်ကရိုဖုန်းတခုထားကာ ပြန်ကြားရေးဌာနမှ တာဝန်ယူဆောင်ရွက်ခဲ့ပါသည်။

ချက်ချင်းလိုလိုပင် ထိုမိုက်ကရိုဖုန်းသည် တပြည်လုံးပရိတ်သတ်၏ အာရုံစူးစိုက်ရာ ဖြစ်လာခဲ့သည်။

ထိုစဉ်က ကျွန်တော်တို့ကျောင်းသားအမှုဆောင်များအနေနှင့် အစိုးရကို တိုက်ရိုက်ပုတ်ခတ် ပြော ဆိုရန် အဓိကမထားခဲ့။ သတိထား၍ မိမိတို့လုပ်ငန်းစဉ်များကိုသာ ထိထိရောက်ရောက် သွက်သွက် လက်လက်ဖြစ်ရန် လုပ်ငန်းလည်ပတ်မှုကောင်းမွန်ရန် အာရုံစိုက်ခဲ့သည်။ သို့သော် ပြည်သူများ အနေနှင့်လည်းကောင်း၊သံဃာတော်များအနေနှင့်လည်းကောင်း၊လွတ်လွတ်လပ်လပ်ပြောဆိုရင်ဖွင့်ရန် ကျွန်တော်တို့မိုက်ရိုဖုန်းကိုအခွင့်ပေးခဲ့သည်။

ဤသည်မှာ ပရိတ်သတ်စုဝေးရာ အဓိကအကြောင်းအရင်းတခုဖြစ်ခဲ့ပြီး၊ပြည်သူတရပ်လုံးက ဗိုလ်နေ၀င်းနှင့် စစ်အစိုးရ(မဆလ) ပါတီကို မည်မျှမုန်းတီးရွံရှာကြောင်း၊အစိုးရ၏ ဖောက်ပြန်မှုများ၊ အလွဲသုံးစားမှုများ၊လူသတ်မှုများကို ဖွင့်ချရာနေရာ၊ပြည်သူများ၏ ရင်ဖွင့်ရာနေရာဖြစ်ခဲ့သည်။ အများစုပြောသွားကြသည်များမှာ ဗိုလ်နေ၀င်း၏ ယုတ်မာကောက်ကျစ်မှုများဖြစ်ပြီး အချို့မှာ ပြောရင်းဒေါသဖြစ်လာသဖြင့် ဗိုလ်နေ၀င်းကို မိုက်ကရိုဖုန်းမှနေ၍ ပယ်ပယ်နယ်နယ်ဆဲပါတော့သည်။ ညဖြစ်နေသည်ကတကြောင်း၊ ဘွဲ့နှင်းသဘင်နှင့် အေဒီလမ်းရှိ ဗိုလ်နေ၀င်းဂေဟာတို့မှာ အင်းယားကန်သာခြားပြီး သိပ်မဝေးလှသည်နှင့် ဗိုလ်နေ၀င်းတယောက်အနေဖြင့် မကြားချင်လည်း အတိုင်းသားကြားနေရမည်ဖြစ်သည်။

ကျွန်တော်တို့ မတတ်နိုင်ပါ ကိုယ်လုပ်ထားတာ ကိုယ်ခံရမည်သာဖြစ်ပေသည်။ဗိုလ်နေ၀င်းအနေနှင့် ကြားချင်ပုံမပေါ်၍ (၆)ရက်နေ့တွင် သက်ဆိုင်ရာမှ လာရောက်၍ ကန့်ကွက်ရာကျွန်တော်တို့မှ ဤနေရာသည် လွတ်လွတ်လပ်လပ်ပြောနိုင်သော နေရာဖြစ်ကြောင်း၊ ဤသို့ပြောဆိုမှုများကို ဖမ်းဆီးခြင်း၊ အရေးယူခြင်း မပြုလုပ်ရန် ပြန်လည်တောင်းဆိုခဲ့သည်။

ပရိတ်သတ်များထဲမှ တဦးပြီး တဦး စင်မြင့်ပေါ်သို့တက်လာ၍ နေ၀င်းအစိုးရအလို မရှိကြောင်းပြောဆိုကြရာ အော်ဟစ်ကြွေးကြော်ကြရာ ပရိတ်သတ်၏ တခဲနက်သြဘာ ပေးခြင်းကို လှိုက်လှဲစွာခံယူခဲ့ကြရသည်။လူထုပရိတ်သတ်ကြီးမှာ အထူးပင်သက်ဝင်လှုပ်ရှားလာပြီး တက်ကြွစွာ နေ့ရောညပါ အလုံးအရင်းနှင့် မပြန်တမ်းစုဝေးနေကြသည်ကို ကျွန်တော်တို့ မြင်ရသောအခါ များစွာအားတက်ကြည်နူးခဲ့ရသည်။ ပြည်သူလူထု ပျော်ရွင်ကျေနပ်လျှင် ကျွန်တော်တို့ ပျော်ရွှင်ကျေနပ်သည်ပင်ဖြစ်ပါသည်။ ပြည်သူများ၏ ဆန္ဒသည် ကျွန်တော်တို့ ကျောင်းသားများ၏ ဆန္ဒပင်ဖြစ်သည်။ပြည်သူများ၏ဆန္ဒသည်ပင် ကျွန်တော်တို့ကျောင်းသားများ၏ ဆန္ဒဖြစ်ပါတော့သည်။


 

---------------------------------------- ------------------------------------------------------