ရှင်သန်နေဦးမည့် ၁၉၉၀ ရွေးကောက်ပွဲရလဒ်နှင့် ဒီမိုကရေစီအောင်ပွဲဆီသို့ ချီတက်ကြစို့
“ဒီစကားလေးအတိုင်း ပြောချင်ပေ … အမတ်မင်းတို့ရေ အဓိပ္ပာယ်ရှိကြ”
“ရွေးကောက်ပွဲကြိုကာလမှာ … ကတိပေးခဲ့တာ ပြန်သတိရကြ”
“ဒီမိုကရေစီရသည့်တိုင် … မယိမ်းမယိုင် ကြိုးစားမယ်တဲ့”
“ပြည်သူလူထု လွတ်မြောက်အောင် … အားပြည့်စွမ်းဆောင် လုပ်သွားမယ်တဲ့”
အမျိုးသားဒီမိုကရေစီအဖွဲ့ချုပ်၏ ပါတီမှတ်ပုံမတင်သည့် တိုက်ပွဲဝင်မှုကို ပြည်တွင်းပြည်ပ ဒီမိုကရေစီအင်အားစုများနှင့် ပြည်သူလူထုကလည်း တခဲနက် ထောက်ခံခဲ့ကြလေသည်။ သို့သော် အမျိုးသားဒီမိုကရေစီအဖွဲ့ချုပ်သည် တိုက်ပွဲကို ထိုမျှနှင့် ရပ်တန့်မနေဘဲ ပြည်သူလူထု မဖျက်သရွေ့ ပျက်ပြယ်ခြင်းမရှိသည့် ၁၉၉၀ ရွေးကောက်ပွဲရလဒ် အသက်ဝင် အကောင်အထည်ပေါ်လာစေရန် မိမိနည်း မိမိဟန်ဖြင့် နအဖစစ်အုပ်စုကို စိန်ခေါ်တိုက်ပွဲဝင်ရန် လိုအပ်နေကြောင်း၊ ထိုသို့ စွန့်စားတိုက်ပွဲဝင်မှသာ ၁၉၉၀ ရွေးကောက်ပွဲတွင် ပြည်သူလူထုက အပ်နှင်းခဲ့သည့် ပြည်သူ့အာဏာသည် အမျိုးသားဒီမိုကရေစီအဖွဲ့ချုပ် အပါအ၀င် ရွေးကောက်ပွဲအနိုင်ရ နိုင်ငံရေးပါတီများ၏ လွှတ်တော်ကိုယ်စားလှယ်များမှတဆင့် ပြည်သူလူထုထံ အမြန်ဆုံး ဆင်းသက်ရောက်ရှိလာနိုင်မည်ဖြစ်ကြောင်း ၁၉၉၀ ပြည့်ရွေးကောက်ပွဲ အနှစ် (၂၀) ပြည့် အထိမ်းအမှတ်နေ့တွင် ခေတ်ပြိုင်က အကြံပြုတိုက်တွန်းလိုက်ရပေသည်။
No comments:
Post a Comment