Monday, January 23, 2017

အပြောင်းအလဲမှာ ပြည်သူဟာ အစမ်းသပ်ခံ ၊ အနာခံ မဖြစ်ဖုို့ လုိုပါတယ်

ကျနော်ရဲ့စစ်တမ်းမှာ အဆင်မပြေဘူးလုို့ ဖြေဆုိုခဲ့သူ ၆၅ ဦးမှာ အများစုကတော့ အဆင့်ဆင့်စီး ရတာ၊ ကားနည်းပါးတာ၊ စရိတ်ပုိုတက်သွားတာကြောင့် ဖြေဆုိုကြပါတယ်။ ခရီးဝေးတဲ့သူဆုိုရင် ၃ ဆင့် စီးရလို့ အတော်ကုို မောမောပန်းပန်း သွားလာရတယ်လုို့ ဆုိုပါတယ်။ တစ်နေ့လုပ်မှ တစ်နေ့စား ပြည်သူ တချို့ကတော့ သွားလာစရိတ် အတော်ကို တက်သွားလုို့ ၀င်ငွေ အတော်ထိခိုက်တယ်လုို့ ဆုိုပါတယ်။
YBS ဘယ်လဲ ဘာလဲ
တကယ်တော့ YBS ဟာ အင်မတန်မှ ကောင်းမွန်တဲ့ စနစ်ပါ။ စစ်အစုိုးရခေတ် မထသဟာ လုိုင်းဟာ လုိုင်းတွေ များပြားပြီး ယာဉ်တွေ အလွန်များပြားပါတယ်။ အလုအယက် အပြိုင်အဆုိုင် မောင်းကြ၊ ခရီးသည်တွေအပေါ် မုိုက်မုိုက်ရုိုင်းရိုင်း ဆက်ဆံကြတဲ့ တကယ့်ကုို လူမုိုက် ဂုိုဏ်းပါပဲ။ မထသကို ဖျက်သိမ်းတာ မှန်ကန်တဲ့လုပ်ရပ်ပါ။ ဒါပေမယ့်လည်း ယာဉ်လုိုင်းအားလုံးကုို ရပ်ဆုိုင်းလုိုက်ပြီး ယာဉ်လုိုင်း ၇၀ နဲ့ ပြန်လည် ပြေးဆွဲတာက မှားယွင်းပါတယ်။
Hline Thint Zin Wai
အပြောင်းအလဲမှာ ပြည်သူဟာ အစမ်းသပ်ခံ ၊ အနာခံ မဖြစ်ဖုို့ လုိုပါတယ်
By သာလွန်ဇောင်းထက် (၀န်ကြီးချုပ်ဦးဖြိုးမင်းသိန်းထံသုို့ပေးစာ)
ပြည်သူတစ်ရပ်လုံးရဲ့ထောက်ခံမှုနဲ့ အာဏာရလာတဲ့ NLD ပါတီက ခန့်အပ်ထားတဲ့ ရန်ကုန်တုိုင်း ၀န်ကြီးချုပ်ဦးဖြိုးမင်းသိန်းက ဇန်န၀ါရီလ ၁၆ ရက်နေ့မှာ မထသ ရန်ကုန်ဘတ်စ်ကားလုိုင်း တွေ ဖျက်သိမ်းပြီး YBS လုို့ခေါ်တဲ့ ရန်ကုန်ဘတ်စ်ကားလုိုင်းသစ်တွေကို အကောင်အထည်ဖော်ခဲ့ပါတယ်။
ဒီအကောင်အထည်ဖော်မှုဟာ မုိုက်ရုိုင်းလွန်းတဲ့ မထသကို ဖျက်သိမ်းလိုက်ပြီး ယာဉ်ကြော ကျပ်တည်း မှု ကို လျော့ချနုိုင်ဖုို့ အများပြည်သူ သယ်ယူပို့ဆောင်ရေးစနစ် ပုိုမုို ကောင်းမွန် လာအောင် ရည်ရွယ် ခဲ့တယ်လို့ ဦးဖြိုးမင်းသိန်းက ဆိုပါတယ်။
ဒါ့အပြင် အက္ခရာ အငှားယာဉ် တွေကုို လည်း အိမ်စီးကားအဖြစ် ပြန်ပြောင်းဖုို့ အစီအစဉ် ရှိတယ်လုို့ သူက သတင်းစာရှင်းလင်းပွဲ ကျင်းပ ပြောဆုိုခဲ့ပါတယ်။ ဒါတွေနဲ့ပတ်သက်လုို့ သုံးသပ်ချက် တချို့ ၀န်ကြီးချုပ်ထံ ပေးစာ အဖြစ် ရေးသား ပေးပုို့လုိုက်ပါတယ်။
YBS က ပြည်သူတွေကုို အဆင်ပြေစေမှာလား
ဇန်န၀ါရီလ ၁၆ ရက်နေ့ YBS စတင်ချိန်ကတည်းက ပြည်သူတွေကြားမှာ ရုိုက်ခတ်မှု အတော်ကုို ကြီးမားခဲ့ပါတယ်။ YBS ဟာ ကြိုတင်ပြင်ဆင်မှု အား နည်းခဲ့တာကြောင့် ပြည်သူတွေအတွက် အတော်ကုို အခက်ဖြစ်စေတဲ့ စနစ်ပါပဲ။
အရင် မထသ မဖျက်သိမ်းခင် ယာဉ်ကြော ကျပ်တည်းမှုမှာ တစ်ဆင့်တည်း ရောက်တဲ့ ခရီးစဉ်တွေဟာ ၂ ဆင့် စီးရပါတယ်။ ခရီးဝေးသူတွေဆုိုရင် ၃ ဆင့်တောင် စီးရပါတယ်။ နုိုင်ငံတကာ ပုံစံ မြို့တွင်း ယာဉ်ကြပ်တည်းမှု လျော့ချလုိုပြီး အများပြည်သူ ပုို့ဆောင်ရေး စနစ်သစ်ကုို အဆင့်မြှင့်ဖို့ ဆုိုပြီး ၀န်ကြီးချုပ်က ပြောဆုိုထားပါတယ်။
လက်ရှိအချိန်မှာ ပြည်သူအများစု YBS နဲ့ အဆင်မပြေကြပါဘူး။ မုိုက်ရုိုင်းလွန်းတဲ့ မထသကို ပြည်သူတွေက မကြိုက်ကြပေမယ့် အခု အဆင့်ဆင့်စီးရတဲ့ YBS ကို ပြည်သူတွေ တကယ့်ကို အဆင်မပြေပါဘူး။ အချိ်န်လည်း အရမ်းကြာနေဆဲပါပဲ။
ဇန်န၀ါရီလ ၁၆ ရက်ကနေ ဇန်န၀ါရီလ ၁၈ ရက်နေ့အထိ ပြည်သူပေါင်း ၁၀၀ ကို အခမဲ့ ကားမောင်း လုိုက်ပို့ရင်း စစ်တမ်းတရပ် ကျနော်လုပ်ခဲ့ပါတယ်။ အစပိုင်းမုို့ နောက်ဆုိုရင် အဆင်ပြေသွား မှာပါလုို့ မျှော်လင့်ကြတဲ့ သူ ၂၅ ဦးရှိပြီး ၆၅ ဦးကတော့ အဆင်မပြေတဲ့အပြင် အခက်အခဲတွေ ဖြစ်ပေါ် စေ တယ်လုို့ ဆုိုပါတယ်။ ၁၀ ဦးက ကြိုက်နှစ်သက်တယ်လုို့ ဆုိုပါတယ်။ ၀န်ကြီးချုပ်အနေနဲ့ ကုိုယ် စတင်ခဲ့တဲ့ YBS ကို လူထု လက်ခံမှု ဘယ်လောက်ရှိတယ် မရှိဘူးဆိုတာ စစ်တမ်း ကောက် သင့်ပါတယ်။
ဘာလုို့ အဆင်မပြေတာတဲ့လဲ
ကျနော်ရဲ့စစ်တမ်းမှာ အဆင်မပြေဘူးလုို့ ဖြေဆုိုခဲ့သူ ၆၅ ဦးမှာ အများစုကတော့ အဆင့်ဆင့်စီး ရတာ၊ ကားနည်းပါးတာ၊ စရိတ်ပုိုတက်သွားတာကြောင့် ဖြေဆုိုကြပါတယ်။ ခရီးဝေးတဲ့သူဆုိုရင် ၃ ဆင့် စီးရလို့ အတော်ကုို မောမောပန်းပန်း သွားလာရတယ်လုို့ ဆုိုပါတယ်။ တစ်နေ့လုပ်မှ တစ်နေ့စား ပြည်သူ တချို့ကတော့ သွားလာစရိတ် အတော်ကို တက်သွားလုို့ ၀င်ငွေ အတော်ထိခိုက်တယ်လုို့ ဆုိုပါတယ်။
YBS ဘယ်လဲ ဘာလဲ
တကယ်တော့ YBS ဟာ အင်မတန်မှ ကောင်းမွန်တဲ့ စနစ်ပါ။ စစ်အစုိုးရခေတ် မထသဟာ လုိုင်းဟာ လုိုင်းတွေ များပြားပြီး ယာဉ်တွေ အလွန်များပြားပါတယ်။ အလုအယက် အပြိုင်အဆုိုင် မောင်းကြ၊ ခရီးသည်တွေအပေါ် မုိုက်မုိုက်ရုိုင်းရိုင်း ဆက်ဆံကြတဲ့ တကယ့်ကုို လူမုိုက် ဂုိုဏ်းပါပဲ။ မထသကို ဖျက်သိမ်းတာ မှန်ကန်တဲ့လုပ်ရပ်ပါ။ ဒါပေမယ့်လည်း ယာဉ်လုိုင်းအားလုံးကုို ရပ်ဆုိုင်းလုိုက်ပြီး ယာဉ်လုိုင်း ၇၀ နဲ့ ပြန်လည် ပြေးဆွဲတာက မှားယွင်းပါတယ်။
အဆင့်ဆင့် စီးရမယ့် ခရီးစဉ်အတွက် ကားတွေ အဆင့်သင့်မရှိဘဲ ယာဉ်လိုင်းတွေ ဖျက်သိမ်းတာဟာ ပြည်သူတွေကုို အစမ်းသပ်ခံ အဖြစ် သဘောထားတာနဲ့ အတူတူပါပဲ။
အခုကိုပဲ ညဆုိုရင် လိုင်းကားမရှိလုို့ အခက်အခဲ ဖြစ်နေတဲ့ ပြည်သူ တွေ လမ်းမပေါ်မှာ ဒုနဲ့ဒေးရှိနေပါတယ်။ သက်ကြီးရွယ်အုိုတွေ၊ မမာမကျန်းသူတွေ ၊ မသန်စွမ်းတွေလည်း YBS စနစ်သစ်နဲ့ သွားလာဖုို့ အတော်ခက်နေပါတယ်။
YBS ဟာ ပြင်ဆင်မှု အနည်းဆုံး ၁ နှစ်လောက်ယူပြီးမှ လုပ်သင့်တဲ့ စီမံကိန်း၊ အဆင့်လုိုက် တစ်ဆင့်ချင်း ပြောင်းလဲသင့်တဲ့ စီမံကိန်းကို အစောတလျှင် လုပ်ဆောင်ခဲ့မှုကြောင့် ပြည်သူဟာ အစမ်းသပ်ခံ ဖြစ်ခဲ့ရပါတယ်။
ပြည်သူလူထုကို ကြိုတင် ရှင်းပြရမယ်။ ပြည်သူ့ သဘောထားကို ရယူရမယ်။ ပြည်သူတွေစီးနေတဲ့ လမ်းကြောင်းတွေ လေ့လာ စစ်တမ်းလုပ်ရမယ်။ ပြည်သူအဆင်မပြေဘူးဆုိုရင် အဆင်ပြေအောင် လုပ်နုိုင်မယ့် Plan A ၊ Plan B ၊ Plan C တွေ ထားရပါ့မယ်။ လောလောဆယ်တော့ ပြည်သူတွေ အခက်အခဲ ရှိနုိုင်ပါတယ်ဆုို တဲ့ ဦးဖြိုးမင်းသိန်း စကားဟာ ပြည်သူကို ဦးထိပ်ထားတယ်ဆုိုရင် သုံးနှုန်းသင့်တဲ့ စကားမဟုတ်ပါဘူး။ ပြည်သူဟာ အစမ်းသပ်ခံမဟုတ်ပါဘူး။
ရန်ကုန်အစုိုးရက အခုနောက်ဆုံးသိထားရတာကတော့ တရုတ်နုိုင်ငံက ၂၀၀၈ ဘေဂျင်းအိုလံပစ်မှာ သုံးပြီးသား ဘတ်စ်စကား ၁၀၀၀ ၀ယ်ယူမယ်လုို့ သိရပါတယ်။ တရုတ်ကား ၊ တရုတ်ပစ္စည်းဆုိုတာ ဘယ်လုို ဆုိုတာ ပြည်သူတွေ သိပြီးသားမုို့ YBS ဟာ ပြည်သူတွေ အဆင်ပြေပြေ သွားလာနုိုင်ဖုို့ အတော်ကို ခက်ခဲ စေဦးမှာပါ။
နောက်တစ်ခုကတော့ အများပိုင်ကုမ္ဗဏီ ဘစ်စ်ကားလုိုင်းတွေမှာ ဘယ်လို ကုမ္ဗဏီတွေ ပါဝင်နေကြသလဲ။ နောက်တစ်ခါ ကားတင်သွင်းပေးမယ့် ကုမ္ဗဏီတွေက ဘယ်သူတွေလဲ ဆုိုတာကလည်း စိတ်ဝင်စားစရာပါပဲ။ အများပိုင်စနစ်ဆိုတာ ဘာလဲ ပြည်သူကိုလည်း ချမပြခဲ့ပါဘူး။
ပြုပြင်ပြောင်းလဲရေးမှာ စေတနာ ရှိရုံနဲ့ မရပါဘူး။ ပြည်သူ အဆင်ပြေနုိုင်ပါ့မလားဆိုတဲ့ လက်တွေ့ ပူပန်မှု အမြဲ လိုလုို ရှိသင့်ပါတယ်။ ပြည်သူကုို အခြေမခံတဲ့ ပြုပြင်ပြောင်းလဲရေးဟာ ပြည်သူကို အစမ်းသပ်ခံ အဖြစ် သဘောထားတာပါပဲ။
YBS ဟာ နှစ်နဲ့ချီ ကြာမြင့်လာရင်တော့ တဖြည်းဖြည်း အဆင်ပြေလာနုိုင်ပေမယ့် လတ်တလောမှာတော့ ပြင်ဆင်မှုနည်းလုို့ ပြည်သူတွေ ခက်ခဲနေမှာ အသေအချာပါပဲ။
လာပြန်ပြီ TAXI
ဦးဖြိုးမင်းသိန်းက အက္ခရာ Taxi တွေကို အိမ်းစီးကား အနက်ပြန်ပြောင်းမယ်လုို့ သတင်းထုတ်ပြန် ပါတယ်။ အငှားယာဉ်တွေ စနစ်တကျဖြစ်လာဖို့နဲ့ လမ်းကျပ်တည်းမှုတွေကို ရှောင်ရှားဖုို့ ရည်ရွယ် ချက်ကောင်းတွေကြောင့်လို့ သိရပါတယ်။ ကြိုဆုိုပါတယ်။ နုိုင်ငံတကာလုို မီတာ Taxi တွေဖြစ်လာရင် စီးနင်းမယ့် ခရီးသည်အတွက် ပုိုကောင်းလာပါတယ်။
TAXI ကုို ဘယ်သူတွေ မောင်းကြတာလဲ
ရန်ကုန်မြို့မှာ Taxi ၆ သောင်းကျော် ရှိပြီး ၂၇၀၀၀ ကျော်က အက္ခရာ Taxi တွေ ဖြစ်တယ်လုို့ ထုတ်ပြန်ချက်တွေအရ သိရပါတယ်။ ရန်ကုန်မှာ တက္ကစီ မောင်းကြသူတွေဟာ အလုပ်မရှိလုို့ တက္ကစီ မောင်းကြသူများပါတယ်။ စစ်အစုိုးရခေတ်ကတည်းက အလုပ်မရှိရင် ကားမောင်းကြရင်းနဲ့ တက္ကစီတွေ များလာတာဖြစ်ပါတယ်။
လမ်းကြော ကျပ်တည်းမှုနဲ့ အငှားယာဉ် စနစ်တကျဖြစ်လာဖို့ အက္ခရာ Taxi တွေကို အနက် ပြန်ပြောင်းလိုက်လုို့ အလုပ်လက်မဲ့ ဖြစ်သွားမယ့် တက္ကစီ ယာဉ်မောင်း ၂၇၀၀၀ ကျော် အတွက် ဘယ်လုိုတွေ စီစဉ်ထားပါသလဲ။
တက္ကစီ ယာဉ်မောင်း ၂၇၀၀၀ ကျော်မှာ သူတို့ကို မှီခိုနေတဲ့ မိသားစု အနည်းဆုံး ၄ ဦးနဲ့ တွက်ရင်ကုို လူတစ်သိန်းကျော်ရှိပါတယ်။ အလုပ်လက်မဲ့ ဖြစ်သွာရင် အဲဒီလူတွေရဲ့စားဝတ်နေရေးတွေ ဘယ်လို ဖြစ်လာမလဲ။ အလုပ်လက်မဲ့ ဖြစ်လာမယ့် ယာဉ်မောင်းတွေ၊ သူတုို့ကို မှီခိုနေတဲ့ မိသားစုတွေ စားဝတ်နေရေး၊ သူတုို့သားသမီးတွေရဲ့ ပညာရေး ကျန်းမာရေး ဘာတွေ ဆက်ဖြစ်လာမလဲ။ တက္ကစီ ယာဉ်ပုိုင်ရှင်တွေအနေနဲ့ကတော့ နံပါတ် အနက် ပြန်ပြောင်းရင်တောင် အဲဒီကားတွေကုို ပြန်ရောင်း လုို့ရသေးတာမို့ နစ်နာမှုမရှိပါဘူး။
တက္ကစီ ယာဉ်တွေ ဒုနဲ့ ဒေးတင်သွင်းနုိုင်တဲ့ ကုမ္ဗဏီတွေအတွက်ကတော့ အခွင့်အလမ်း တစ်ရပ်တော့ ဖြစ်လာနုိုင်ပါတယ်။ ပြည်သူတွေ မီတာနဲ့ စနစ်ကျ စီးနုိုင်တဲ့ အငှားယာဉ် စနစ် ဖြစ်လာနုိုင်တာ ကြိုဆုိုရမှာ ဖြစ်ပေမယ့် လောလောဆယ် အလုပ်လက်မဲ့ ဖြစ်မယ့် ယာဉ်မောင်း ၃၀၀၀၀ နီးပါး အတွက် တော့ တစ်ခုခု စီစဉ်ပေးရပါလိမ့်မယ်။
အပြောင်းအလဲမှာ ပြည်သူသာ အဓိက
အပြောင်းအလဲ လုပ်မယ်ဆုိုတုိုင်း ပြည်သူကုို မျက်နှာမူဖို့ လုိုပါတယ်။ ခေတ်အဆက်ဆက် စနစ်ဆုိုး ကြောင့် ဒီနေ့ ဖြစ်ပေါ်နေတဲ့ အခြေအနေတွေကို စနစ်သစ်နဲ့ အစားထုိုးတဲ့အခါ ပြည်သူဟာ အစမ်း သပ်ခံ မဖြစ်ဖုို့ အရေးကြီးပါတယ်။
မြို့တော်ကြီးကုို နုိုင်ငံတကာ အဆင့်မီ ခေတ်မီ မြို့တော်ကြီး အဖြစ် ကျနော်တုို့လည်း မြင်ချင်ပါတယ်။
ဒါပေမယ့် ခေတ်မီမြို့တော်ကြီးဖြစ်လာဖို့ ပြည်သူတွေက အစမ်းသပ်ခံ စတေးခံရပြီးမှ ရလာမယ့် ခေတ်မီမြို့တော်ကြီးကိုမလုိုချင်ပါဘူး။ အပြောင်းအလဲဟာ ပြည်သူမနာတဲ့ အပြောင်းအလဲ ဖြစ်ဖုို့ လုိုပါတယ်။ ဒေါ်အောင်ဆန်းစုကြည်ကုိုယ်တုိုင်က အပြောင်းအလဲ မှာ ပြည်သူကို မနာစေတဲ့ အပြောင်းအလဲကုို လုပ်မယ်လုို့ အမြဲလုိုလို ပြောခဲ့တာမို့ ဦးဖြိုးမင်းသိန်းအနေနဲ့ ဒီစကားကုို မမေ့ဖုို့ လုိုပါတယ်။
ကျနော်တုို့လည်း အပြောင်းအလဲ လုိုချင်ပါတယ်။ ပြည်သူကုို မထိခိုက်တဲ့ အပြောင်းအလဲ၊ ပြည်သူ မနာတဲ့ အပြောင်းအလဲကိုပဲ လုိုချင်တာပါ။

No comments: