ယင်းရဲတိုက်ပွဲနှင့် သူ၏ သမိုင်းကောက်ကြောင်းများ ( ဒုတိယပိုင်း- နိဂုံး)

၂၀၁၇ ခုနှစ် ဇူလိုင်လ ၂ ရက်နေ့ မော်လမြိုင်မြို့မှ ထုတ်ဝေသော သံလွင်တိုင်း ဂျာနယ်ပါ ဆောင်းပါး။ ယခင်အပတ်မှ အဆက်)
ယင်းရဲတိုက်ပွဲနှင့် သူ၏ သမိုင်းကောက်ကြောင်းများ ( ဒုတိယပိုင်း- နိဂုံး)
*** **** ***
ဌေးဝင်း
*******
… ကျနော်သိခဲ့သော ရေး ကိုကိုဦး´
ကျနော့အနေနဲ့ ပြောရရင် ကိုကိုဦးနဲ့  ရန်ကုန်မှာမဆုံဖြစ်ခဲ့ပါဖူး။ ၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ ကျောင်းသူကျောင်းသားတွေ အထွေထွေသပိတ်လှုပ်ရှားမှုတွေမှာ ကိုယ့်မြို့  ကိုယ့်ရွာ ကိုယ့်ကျောင်းအလိုက် ပါဝင် လှုပ် ရှား ကြတာ ဖြစ်ပြီး၊ ကိုကိုဦးဟာ ရန်ကုန်တက္ကသိုလ်၊ ကြည့်မြင်တိုင်နယ်မြေ (RC 3) မှာ ရူပဗေဒ ဒုတိယနှစ် ကျောင်းသား လို့  နောက်ပိုင်းမှာ သိခဲ့ရပါတယ်။ ကျနော် သူ့ ကို စတင်ဆုံတွေ့ တာ ထိုင်း - မြန်မာနယ်စပ်ဒေသက ဘုရားသုံးဆူဆိုတဲ့ ကျေးရွာကလေးမှာပါ။ ဒီဘုရား သုံးဆူ ဒေသကို ကျွန်တော်တို့  ရန်ကုန်ကရော အခြားမြို့ ရွာတွေကရော ကျောင်းသားတွေ အမြောက်အမြား ရောက်ရှိခဲ့ကြပြီး အာ ဏာရှင်စနစ်ကို ဆက်လက်ဆန့် ကျင်ဖို့  လက်နက်ကိုင် တိုက်ပွဲဝင်မယ်ဆိုတဲ့ ရည် ရွယ်ချက်နဲ့  ရောက်ရှိခဲ့ကြတာပါ။
ကျနော်နဲ့ အတူ သူငယ်ချင်းတွေ ဘုရားသုံးဆူဒေသကို ရောက်ရှိခဲ့တဲ့ ၁၉၈၈ ခုနှစ်၊ အောက်တိုဘာလမှာ အချို့ သော ကျောင်းသူကျောင်းသားတွေဟာ ကြိုတင်စောပြီး ရောက်နေကြသူတွေ ရှိနေပါတယ်။ အဲ့ဒီထဲမှာ ကိုကိုဦးလည်း တ ယောက် အပါအ၀င်ပါ။ ကျွန်တော်တို့ က စစ်အာဏာသိမ်းတဲ့နေ့  စက်တင်ဘာလ ၁၈ ရက်နေ့  နောက်နေ့ ကျမှ ရန်ကုန် က ထွက်ခွာလာပြီး လမ်းခရီးမှာ တလလောက် ကြာခဲ့တာဆိုတော့ ဘုရားသုံးဆူဒေသကို ရောက်ရှိတာ အနည်းငယ် နောက်ကျခဲ့ပါတယ်။ အရင်ကြိုတင်စောရောက်နေကြတဲ့သူတွေရော ကျနော်တို့ ရော ဘုရားသုံးဆူဒေသမှာ အတူတူ နေ ထိုင်ကြရင်း တဦးနဲ့ တဦး ခင်မင်ရင်းနှီးလာကြကာ သွားအတူလာအတူနဲ့  ရှိကြလာခဲ့ကြပါတယ်။
ဒီအထဲမှာ ကျောင်းသူကျောင်းသားအများကြားမှာ ထင်ထင်ရှားရှား သတိထားမိပြီး လူသိများလာကြသူတွေ ရှိကြပါတယ်။ ဒီအထဲမှာ ကိုကိုဦးလည်း တစ်ယောက်အပါအ၀င်ပါ။ ကျနော်တို့  ဘုရားသုံးဆူ ဒေသကို ရောက်ရှိကာစမှာ ကျောင်းသား တပ်ရင်းတွေ မပေါ်ပေါက်သေးပေမယ့် ဘုရားသုံးဆူဒေသရောက် မြို့ နယ်အသီးသီးမှ ကျောင်းသူကျောင်းသားတွေ အတူ တကွ စုပေါင်းပြီး ကော်မီတီ တစ်ရပ်အနေနဲ့  စတင်ဆောင်ရွက်ကြတာတွေရှိပြီး၊ ကျွန်တော်က ကျောင်းသားဆေးခန်းမှာ ကျန်းမာရေး စောင့်ရှောက်ကူညီမှုကို ၀င်ရောက်လုပ်ကိုင်ရင်း တခါတရံမှာ ကိုကိုဦးနဲ့ ဆုံဖြစ်တယ်ဆိုပေမယ့် အစပိုင်းမှာ ရင်းရင်းနှီးနှီး မရှိခဲ့ဖူး။
ဒါပေမယ့်လည်း ဆုံဖြစ်တိုင်း စကားပြောဖြစ်တဲ့အခါမှာ သူဟာ ခင်မင်ဖွယ်ကောင်းသူတစ်ဦး၊ အေးချမ်းသောအပြုံးနဲ့ စကား ကို သိမ်သိမ်မွေ့မွေ့  ပြောတတ်သူတစ်ဦးဆိုတာ သတိထားမိခဲ့ပါတယ်။ နောက်ပြီး သူဟာ အရပ်ရှည်သူတစ်ဦးဖြစ်ပြီး ရုပ် ရည်သန့် ပြန့် ချောမွေ့ သူတစ်ဦး ပြောဆို ဆက်ဆံရေး ကောင်းသူတစ်ဦးဖြစ်လို့  လူချစ်လူခင်များတာကိုလည်း သတိ ထား မိခဲ့ပါတယ်။ ထိုင်း - မြန်မာ နယ်စပ် ဒေသမှာ ကျောင်းသားတပ်မတော် ဖွဲ့ စည်း တည်ထောင်ပေါ်ပေါက်လာတဲ့အခါမှာ ဘု ရားသုံးဆူဒေသမှာလည်း ကျောင်းသားစခန်းနှစ်ခုဖြစ်တဲ့ တပ်ရင်း ၁၀၁ နဲ့  ၁၀၂ ဆိုပြီး စခန်းနှစ်ခု ဖြစ်ပေါ်လာခဲ့ပါတယ်။
ကျောင်းသားစခန်းနှစ်ခုဖြစ်တဲ့ တပ်ရင်း ၁၀၁ ရော ၁၀၂ ကရော အားလုံးဟာ ကိုကိုဦးကို ချစ်ခင်ကြသူတွေပါ။ သူ့ ကို ရေး ကိုကိုဦးလို့  ခေါ်ကြပါတယ်။ ကျွန်တော်တို့  တပ်ရင်းတွေမှာ ကိုကိုဦးဆိုတဲ့ အမည်တူတွေ ရှိပါတယ်။ သူ့ ကိုတော့ ရေးမြို့  ရန်ကြီးအောင်ရပ် ကမ်းနားလမ်းမှာ မွေးဖွားနေထိုင်သူမို့  ရေး ကိုကိုဦးဆိုပြီး လူသိများခဲ့တာပါ။ ဒီလိုနဲ့ ကျနော်တို့ လည်း ကိုယ့်တာဝန် ကိုယ့်အလုပ်တွေနဲ့မို့  အထူးသဖြင့် ကျနော်က ကျောင်းသားဆေးခန်းမှာဘဲ အချိန် ပြည့်ရှိနေရ တာမို့  သူနဲ့  နီးနီကပ်ကပ် အတူတူ မရှိခဲ့ပါဖူး။
သူလည်း သူ့ တာဝန်နဲ့ သူ ကျောင်းသားစခန်းအလုပ်တွေ စစ်ရေးလေ့ကျင့်မှုတွေနဲ့ ဆိုတော့ အသီးသီး အလုပ်များနေကြ တာ။ နောက်ပိုင်းမှာလည်း နီးစပ်ရာ မြို့ ရွာတွေကို ၀င်ရောက်ကြရင်း ကျေးလက် နယ်မြေဒေသက ပြည်သူဘူထုကို ဒီမို က ရေစီအရေးနဲ့  ပတ်သက်ပြီး ဗဟုသုတတွေ ဖြန့် ဝေ စည်းရုံးရေး စစ်ကြောင်းတွေ ဆင်းကြနဲ့ ဆိုတော့ မတွေ့ ဖြစ်ကြတာ များလာကြပါတယ်။ ၁၉၈၉ ခုနှစ် နှစ်ကုန်ချိန်ကာလမှာ ကျနော်လည်း အကြောင်းအမျိုးမျိုးကြောင့် ကျောင်းသားတပ်ရင်း စ ခန်းကနေ ထိုင်းနိုင်ငံ၊ ဘန်ကောက်မြို့ ကို ပထမတစ်ခေါက်မှာ ကျန်းမာရေးတာဝန်ကိစ္စနဲ့ ရောက်ရှိခဲ့ရတယ်။ နောက်တစ် ခေါက်မှာတော့ ဘန်ကောက်မှာ နေထိုင်ဖို့  ရောက်ရှိခဲ့ပါတယ်။ ကျွန်တော် ထိုင်းနိုင်ငံ ဘန်ကောက်ကိုရောက်ပြီး လပိုင်း လောက်မှာ ကျနော်တို့ ကျောင်းသားတပ်ရင်း ၁၀၂ က ရဲဘော်တွေအကြောင်း စိတ်မကောင်းစရာသတင်းကို ကြားလိုက်ရ ပါတယ်။ ရှေ့ တန်းစစ်မြေပြင်ကို ထွက်ခွာကြတဲ့ ကျနော်တို့  ကျောင်းသားစခန်းက ရဲဘော်တွေ တိုက်ပွဲမှာ ကျဆုံးကြတယ် ဆိုတာ သိလိုက်ရတယ်။
ကျဆုံးသွားတဲ့သူ သုံးယောက်မှာ ရေး ကိုကိုဦး၊ သန်းဗိုလ်နဲ့  ကျော်စိုးလေးတို့ ဆိုတာ သိလိုက်ရတယ်။ ဒီသတင်းကို ကြား လိုက်ရတော့ တော်တော်စိတ်မကောင်းဖြစ်ခဲ့ရတယ်။ သန်းဗိုလ်ဆိုတာ ကျနော်နဲ့  ရန်ကုန်မှာ မြို့ နယ်အတူတူမှာ နေထိုင်ခဲ့ သူပါ။ ကျော်စိုးလေးဆိုတာလည်း တပ်ရင်းမှာ အသက်အငယ်ဆုံး ရဲဘော်လေးပါ။ ရေး ကိုကိုဦးဆိုတာလည်း အင်မတန် စိတ်သဘောထားကောင်းပြီး အေးအေးဆေးဆေးနဲ့  ဖော်ရွေသူ တစ်ယောက်ပါ။ သူတို့  တိုက်ပွဲမှာ ကျဆုံးတာနဲ့  တိုက်ပွဲ ဖြစ်ပွားမှုအတွင်း ရန်သူနဲ့  ရင်ဆိုင်ရချိန်မှာ တစ်ဦးကို တစ်ဦး ကာကွယ်စောင့်ရှောက်ရင်း ရဲဘော်ရဲဘက်ပီသစွာနဲ့ ကျဆုံး ခဲ့ရတာကိုပါသိရတော့ ပိုလို့  စိတ်မကောင်းဖြစ်ခဲ့ရတယ်။ သူတို့ သုံးဦးစလုံး ၁၉၉၁ ခုနှစ်၊ ဇန်န၀ါရီလ ၂၃ ရက်နေ့ မှာ ရေးမြို့ တောင်ပိုင်း ယင်းရဲရွာမှာ ကျဆုံးခဲ့ရတယ်။
ရေး ကိုကိုဦး ကျဆုံးချိန်မှာ အသက် ၂၆ နှစ်ဘဲ ရှိပါသေးတယ်။ စစ်ကြောင်းမှူးတာဝန်နဲ့  ဦးဆောင်ခဲ့တဲ့ ရေး ကိုကိုဦး ... တိုက်ပွဲဖြစ်ပွားနေချိန်မှာ ခေါင်းဆောင်ကောင်း ပီသစွာနဲ့  အသက်ပေးသွားခဲ့တာပါ။ တိုက်ပွဲအတွင်းမှာ ကိုယ်လွတ်ရုန်းမှု မရှိဘဲ သူ့ ရဲ့ရဲဘော်တွေအားလုံးကို အကာအကွယ်ပေးရင်း အသက်ဆုံးရှုံးသွားတာပါ။ တကယ်ကို ခေါင်းဆောင်ကောင်း ပီသတဲ့သူပါ။ သူရဲကောင်း အာဇာနည်တစ်ယောက်ပါ။ အဲ့ဒီနေ့  တိုက်ပွဲထွက်မယ့် မနက်ပိုင်းမှာဘဲ ပနန်းထော်ဆိုတဲ့ ရွာ ကလေးမှာ ကျောက်ဖရုံသီးကြော် အတူတူ ၀ယ်စားကြပြီး ရဲဘော်တွေနဲ့ အတူ ပျော်ပျော်ရွှင်ရွှင် နောက်ကြစကြနဲ့  နေသွား ခဲ့တယ်လို့ လည်း သတိရမှတ်မိတဲ့သူတစ်ယောက်က ပြောပြပါတယ်။
ကျဆုံးသွားခဲ့ကြတဲ့ သူတို့ သုံးယောက်ရဲ့  ပုံရိပ်တွေ မျက်စိထဲက မထွက်သေးပါဖူး။ တိုင်းပြည်အတွက် ပြည်သူတွေ အ တွက် အသက်ပေးဆပ်သွားကြတဲ့ သူတို့ ကို လေးစားစွာ ဦးညွှတ်ဂုဏ်ပြုနေမှာပါ၊ သတိရအောက်မေ့နေမှာပါ။ ကောင်းရာ ဘုံဘ၀ကိုလည်း ရောက်နေကြမယ်လို့  ယုံကြည်ပါတယ်။ ရေး ကိုကိုဦး၊ သန်းဗိုလ်၊ ကျော်စိုးလေးတို့  သုံးဦးဟာ ကျနော် တို့  လေးစားဦးညွတ်ရမယ့် ဒီမိုက ရေစီတိုက်ပွဲဝင် သူရဲ ကောင်း အာဇာနည်တွေပါဆိုတာ ကျနော်တို့  ရင်ထဲ နှလုံးသားထဲ မှာတင်မကဖူး။ မြန်မာပြည် အာဏာရှင်စနစ် လက်အောက်က လွတ်မြောက်ရေး လှုပ်ရှားမှုသမိုင်းမှတ်တိုင်မှာ အမြဲထာဝရ သမိုင်းကမ္ဗည်းရေးထိုးနေမှာပါ။
(မျိုးအေး) ကျောင်းသားရဲဘော်ဟောင်းတစ်ဦး၊ တပ်ရင်း ၁၀၂၊ ကျောင်းသားတပ်မတော် (မကဒတ)။
ကိုမျိုးအေးစာကိုဖတ်ပြီးနောက် ကိုမြင့်ဝေသည် ယခုကဲ့သို့ ဆိုလေသည်။
´ပထမတကြိမ် ရေးမြို့နယ် အရုတောင်တိုက်ပွဲဖြစ်ပြီးကတည်းက ကျနော် သတိထားမိတယ်။ ဘာကြောင့်ဆို အရုတောင် တိုက်ပွဲမှာ ကျနော်တို့က ရန်သူ့ကို အထင်သေးမိသလို ဖြစ်ပြီးတော့ မွန်ပြည်သစ်က တပ်ခွဲနဲ့ ကျောင်းသားတပ်ခွဲဟာ အဲ ဒီ ဗမာ့တပ်မတော်က စခန်းထိုင်သွားတဲ့ ရွာကိုအလှူလည်းရှိတော့ သူတို့ဝင်ပါတယ်။ အဲဒီညမှာဘဲ တပ်မတော်က ပြန် ဆုတ်သွားပြီးတော့ ချက်ချင်းပြန်လာပြီး မနက်မိုးလင်းတာနဲ့ ရွာကို ၀င်တိုက်တယ်။ ကိုကိုဦးတို့က အဲဒီမှာ တောင်ပိုင်းကို ဆက်ဆင်းရင်းနဲ့ အဲဒီမှာ သူတို့ သတိထားဖို့ အထူးလိုတဲ့ အချိန်ပေါ့ဗျာ။ ဒါပေမဲ့ ကံဆိုးစွာနဲ့တပ်နဲ့ ထိပ်တိုက် တိုးခဲ့ရ တယ်။ ရေးမြို့နယ် မုဒုံမြို့နယ်တို့ မွန်ပြည်နယ်က လူတွေ တော်တော်များများ ဦးဆောင်ကြပြီးတော့ သူတို့ ယုံကြည်မှု နည်းနည်း လွန်ကဲသွားတယ်လို့ ထင်တယ်။ ဆိုလိုတာက ပြည်သူ့ စည်းရုံးရေးအားလည်း သူတို့မှာရှိတယ်။ လက်နက် လူ သူအင်အား လည်းရှိတယ်ဆိုတော့သူတို့ယုံကြည်မှုနည်းနည်းလေး လွန်ကဲသွားတဲ့ သဘောတော့ ရှိတာပေါ့။ လူငယ်တွေ ဖြစ်တော့ဗျာ ဗမာ့တပ်မတော်ကို နာကျည်းမှု တော်တော် ရှိကြတယ်။ ပြင်းထန်ကြတယ်။ အဲဒီတော့ သူတို့ကိုသိပ်ပြီး ဒီ လောက်ထိ မလုပ်နဲ့ ဟိုဟာ မလုပ်နဲ့ ဒီဟာ မလုပ်နဲ့ ပြောလို့ မဖြစ်ဘူး။ ပြောပြန်ရင်လည်း ရန်သူ့ သစ္စာဖောက် ဖြစ်မယ်´
ဟု ၀မ်းနည်းဆွေးမြေ့ရိပ်သန်းနေသော မျက်နှာထားနှင့် ပြောပြလေ၏။ ယခု ကိုမြင့်ဝေဖတ်ခဲ့သည့် စာများကို ရေးခဲ့သူ အား လုံးကား သူနှင့် တော်လှန်ရေးကာလက လက်ပွန်းတတီး နေခဲ့ဖူးသူများချည်း ဖြစ်၏။ ကျနော့ထံတွင် ကျန်နေသေးသည့် နောက်စာတစောင်ကို ရေးသူမှာကား ကျောင်းသားတပ်မတော်က မဟုတ်ဘဲ ရေးမြို့သား နိုင်ငံရေးသမား ကိုဇော်ဝင်း ဆို သူထံမှ ဖြစ်သည်။ ကိုဇော်ဝင်းမှာမူ ကျနော့်မိတ်ဆွေ နိုင်ငံရေး အကျဉ်းသားဟောင်းဖြစ်၏။
´အခု အကိုဖတ်ရတာတွေက ကိုကိုဦးနဲ့ လုပ်ဖော်ကိုင်ဖက်တွေရဲ့ စာတွေ။ ဒီမှာ ကျနော် ပေးဖတ်စရာ ကျန်သးတဲ့ တ စောင်ကလည်း အတော် စိတ်ဝင်စားစရာ ကောင်းသဗျ။ ဖတ်ကြည့်ပါဦး.. ရော့´
ဟု ပြောလိုက်ရာ ကိုမြင့်ဝေသည် ကိုဇော်ဝင်း၏စာကို ဆက်ဖတ်ပြန်လေ၏။
.. ကိုကိုဦးနဲ့ ဖလန်ကြီးရွာ (ရေးချောင်းဖျား) မှာ နောက်ဆုံး ဆုံခြင်းဘဲ။ သူ ရေးတောင်ပိုင်း ခေါဇာရွာဘက်ကနေ မွန်းလွဲ ၃ နာရီလောက် ရောက်လာတယ်။ အဖော်တစ်ယောက်မှမပါတာကို သတိထားမိတယ်။ နယ်စပ်ထွက်လာတဲ့ ကျောင်းသား အ ရပ်သားတွေကို ချက်ပြုတ်ကျွေးမွေးနေတဲ့ တဲအနားရပ်နေတဲ့ ကျနော့ဆီ တန်းပြီးဝင်လာတယ်။ ´ကိုဇော်ဝင်း တွေ့ရတာ အ ရမ်းကိုဝမ်းသာတယ်။ ကျနော် ထိုင်းနယ်စပ်ထိ သွားချင်တယ်။ မွန်ပြည်သစ်က သူ့ထဲဝင်မှ အစစအရာရာ တာဝန်ယူမယ် ပြောတယ်။ ကျနော့ဆန္ဒက ကျောင်းသားသီးသန့် တပ်ဖွဲ့အဖြစ်ရပ်တည်ချင်တယ်။ အဲဒါကြောင့် နယ်စပ်အရောက် သူတို့ တာဝန်မယူနိုင်ဘူး ပြောတယ်´ ဆိုပြီး သူကပြောတယ်။ ကျနော် စိတ်မကောင်းဖြစ်ရတယ်။
သူ့ကို ဆန် တစ်ပြည်လောက် ရှာပေးဘို့ အကူအညီတောင်းလာတယ်။ စိတ်ဓါတ်ပြင်းပြမှုက သူ့မျက်နှာမှာ အထင်းသား ပေါ်နေတယ်။ ကျောင်းသားတွေ စခဲ့တဲ့ ၈၈ တပါတီ အာဏာရှင်ပြုတ်ကျရေး ခရီးမဆုံးသေး။ ပြီးဆုံးအောင် လက်နက်ကိုင် တိုက်ပွဲဝင်မဲ့ ကိုကိုဦးအတွက် ကန်းနီဒေသ ဥက္ကဋ္ဌ (မွန်ပြည်သစ် ဒေသအုပ်ချုပ်ရေး) နိုင်ကွန်းနှေး (ကျနော့သူငယ်ချင်း) အား ဆန်တပြည်ရှာပေးဘို့ တဆင့်ခံ အကူအညီတောင်းလိုက်ပါတယ်။ သူလည်း အချိန်မဆိုင်းဘဲ ဖလန်ကြီးရွာ ဘောလုံး ကွင်းမှာ ဘောပွဲအားပေးနေတဲ့ မွန်တပ်သားတစ်ယောက်ဆီက ဆန်အိတ်တအိတ်ရလာခဲ့တယ်။ အနီရောင်ပိတ်စနဲ့ ဘော့ ကွင်းလုံးလိုချုပ်ပြီး ဆန်ထည့်။ တစ်ယောစ်စာ စလွယ်သိုင်းရတဲ့ ရိက္ခာဆန်၊ နှစ်ပြည်လောက်ရှိမယ် ထင်တယ်။ ကိုကိုဦး အ ရမ်းကို ၀မ်းသာသွားတယ်။ ကျနော့ကို ထိုင်ကန်တော့ပါတယ်။ သူ့မျက်ဝန်းမှ မျက်ရည်လည်နေတာတွေ့တော့ စိတ်မ ကောင်းဖြစ်ရပြန်တယ်။
ခရီးတလျှောက် ဘယ်လိုခံစားချက်တွေ ရင်နဲ့အပြည့်ရှိနေမလဲ။ မပြောနိုင်။ (နယ်စပ်ထွက်လာတဲ့ ကျောင်းသား အရပ်သား တွေကို ပင်တိုင် ချက်ပြုတ်ကျွေးနေသူက မောင်ထွန်း (စာပို့လုလင် ဦးပေသီးရဲ့သား) ဖြစ်တယ်။ အဲဒီတုံးက ကန်းနီရွာနဲ့ ဖ လန် ကြီးရွာတွေမှာ မွန်ပြည်သစ် တပ်ဖွဲ့ဝင်အင်အား ၇၀၀လို့ သိရတယ်။ ဘုရားသုံးဆူမှာ မွန်နဲ့ကရင် တိုက်ကြပြီးနောက် ရေးနယ်ဘက်ကို စစ်ကြောင်းပြန်ဆင်းလာခိုက်နဲ့ ကျနော်တို့ကြုံရတာဖြစ်တယ်။ ဗဟိုကော်မတီဝင် ဗိုလ်မှူး ကျော်အိန်း၊ နိုင်လ၀ီအောင် (ဗိုလ်မှုးမြင့်ဆွေ)၊ တပ်မှူး အရွှေနဲ့ အခြားကိုယ်မသိသော တပ်မှူး များကိုလည်း သတိထားမိတယ်…
ပြီးရင် နှောင်းလူတွေကို သိစေချင်တဲ့ အဲဒီကာလက ထူးခြားချက်တခုကို ဒီနေရာမှာ ပြော ပြချင်သေးတယ်။ ကိုကိုဦးနဲ့ ကျ နော် မဆုံခင် ချက်ပြုတ်ကျွေးမွေးသည့် ခြေတံရှည်တဲပေါ် ကျနော်ရောက်ခဲ့တယ်။ တဲခေါင်းရင်းဘက် ဘုရားစင်အောက် တည့်တည့်မှာ ဒေးဗစ်ချမ်းကုတ် ကာကီရောင်အင်္ကျီဘောင်းဘီနဲ့ KIA ဦးထုပ်ပုံစံဆောင်းထားတဲ့သူနဲ့ ရေးသပိတ်က နှစ် ယောက်တို့ အပြန်စကားပြောနေကြတယ်။
အဓိကဦးဆောင်ပြောနေသူက အဆိုပါ ယူနီဖေါင်းဝတ်ထားသူဖြစ်ပြီး. သူက နိုင်ဆိတ်နို့ (မွန်ပြည်သစ် အုပ်ကြီးအဖွဲ့ ဥက္ကဋ္ဌ သားဖြစ်ကြောင်း ခု ခင်ဗျားတို့သပိတ်အဖွဲ့ အရပ်သား၊ ကျောင်းသားများကို နွေးထွေးစွာ ကြိုဆိုရင်း လက်နက်ကိုင်အင်အား စု တရပ် ထူထောင်ပေးနိုင်ဘိ်ု့ လာရောက်ဆွေးနွေးတာ ဖြစ်ကြောင်း၊ လက်နတ် ယူနီ ဖေါင်း ရိက္ခာ လိုလေသေးမရှိစေရ စ သည်ဖြင့်ပြောဆိုနေတာ မိမိသတိထားမိတယ်။ မွန်ဥက္ကဋ္ဌသားလို့ ပြောသူရဲ့အသံက ရန်ကုန်သံ။ ရုပ်ရည်လက္ခဏာက လည်း မြို့ပေါ်နေသူတယောက်မှန်း သိသာတယ်။ ဘာတွေလဲ.?. ကျနော် တဲအောက် ပြန်ဆင်းလာပြီး ဦးပေသီးသား မောင်ထွန်းခေါ်ကျွေးတဲ့ ထမင်းကိုသာ ဆာဆာနဲ့ စားနေလိုက်တော့တယ်။ ဒီလူ့မျက်နှာကို နောင် ရှစ်လကျော်အကြာ လ မိုင်းရွာ (ရေးမြို့နယ်) လ္ဘက်ရည်ဆိုင်မှာပြန်တွေ့တော့ အရမ်းကို အံ့သြသွား တယ်။ အမှတ် (၅) ထောက်လှမ်းရေးတပ် ဆွယ် (ရေးမြို့)က တပ်ကြပ်မြင့်ဆွေနဲ့ အတူဖြစ်တယ်။ ကျနော့သူငယ်ချင်း ၀ပ်ရှော့ ဆရာ ကိုဟုတ်ကြည် (တောခိုစဉ်က အတူတူ) က လမိုင်းမှာ မီးစက်တစ်လုံးသွားယူဘို့ လိုက်ခဲ့ပါဆိုရင်း အမှတ်မထင် ဆုံကြတာ ဖြစ်တယ်။ ပြောချင်တာက စစ် အာဏာမသိမ်းခင်နဲ့ သိမ်းပြီးတဲ့အချိန် စစ်ထောက်လှမ်းရေးတွေ နယ်စပ်ကို ကြိုတင်ရောက် နေသလို နယ်စပ် လက်နက် ကိုင် အဖွဲ့အစည်းတွေထဲ ထိုးဖေါက်ဝင်ရောက်မှု မြန်ဆန်တာကိုပါ။ တဲပေါ်မှာ ဒီလူပြောဆိုစဉ် က အခြားသူတွေနဲ့အတူ ကို ဟုတ်ကြည်ပါနေတော့ သူ့ကို လမိုင်းလ္ဘက်ရည်ဆိုင်ထဲကနေ ခေါ်ထုတ်ပြီး ´ဒို့နဲ့အတူ လ္ဘက်ရည် သောက်နေတဲ့ ငါ့အရှေ့က ကောင်ကို မင်းမှတ်မိလား ရေးချောင်းဖျား ဖလန်ကြီးတဲပေါ်မှာ အာဘောင်အာရင်း သန်သန်နဲ့ဖေါနေတာ သူဘဲ´ လို့. ပြော လိုက်တယ်။ နောက်ဆုံး ပြောချင်တာက ကိုကိုဦးနဲ့ ရေးသပိတ်က လူတချို့ရဲ့ မတူ တဲ့ ခံယူချက်က လမ်းပေါက်သူနဲ့ လမ်း ပျောက်သူလို့ ဆိုချင်တယ်။ ကိုကိုဦးက ကျောင်းသားကိုယ်စားပြုလို့ လမ်းပေါက် အောင် လျှောက်ခဲ့တယ်။ လူတချို့က လက်နက်ကိုင်နယ်မြေထဲ တဒင်္ဂအခွင့်အရေးအတွက်သာ လျှောက်ခဲ့ကြတာမို့ ဒီနေ့ လမ်းပျောက်ပြီး သမိုင်းသေသွားခဲ့ ကြတာကိုလည်း သတိပြုမိတယ် ဆိုတာပါဘဲ။
ကိုမြင့်ဝေသည် ကိုဇော်ဝင်းစာကို ဖတ်ရှုပြီးနောက်
´အေးဗျာ ကျောင်းသား တပ်မတော်သမိုင်းမှာတော့ ကိုကိုဦးဟာ မော်ကွန်းတင်ရမဲ့ ရဲဘော်တယောက်ဆိုတာ သေချာပါ တယ်။ သူက တိုက်ပွဲမှာ ရဲရင့်သလို စည်းရုံးရေးဘက်မှာလည်း တော်တယ်ဗျ။ ကျနော့ ကိုယ်တွေ့ကို ပြောပြမယ် ခင်ဗျား ကို.. ´
´ဟုတ် ပြောပါ အကို ကျနော် သိပါရစေ´
´ကိုကိုဦးက ထူးခြားတာတခုက အဲဒီအချိန်မှာ ရန်ကုန်ကလာတဲ့ RITနဲ့ တက္ကသိုလ်ကျောင်းသားတချို့ က တပ်ရင်း ၁၀၁ ကို မ၀င်သေးဘဲနဲ့ ပြင်ပမှာ ကျန်နေသေးတယ်။ သူတို့တွေဟာ ဝှေ့မလိုင်းကျေးရွာမှာ ခဏခိုလှုံနေကြတယ်။ အဲဒါကို ကျနော်နဲ့ ကိုကိုဦးတို့သွားပြီး ဆွေးနွေးကြတယ်။ ကိုကိုဦးရဲ့ စည်းရုံးပြောတာ ဆွေးနွေးညှိနှိုင်းတာ အတော်လေးပြည့်ဝတာ ကို တွေ့ရတယ်။ ကျနော်နဲ့သူက ဝှေ့မလိုင်းကျေးရွာမှာရှိတဲ့ ကျောင်းသားတွေကို တပ်ရင်း ၁၀၁ ကို ၀င်ဖို့ ကို သွားရောက် ညှိနှိုင်းဆွေးနွေးကြတာ။ အဲဒီရပ်ကွက်ရဲ့ နောက်ဖက်က စမ်းချောင်းလေးဘေးမှာ ကျနော်တို့ အားလုံးအတူတူ ထိုင်ပြီး တော့ ဆွေးနွေးကြတာ။ ဘုရားသုံးဆူနယ်မြေမှာ တပ်ရင်းတခုတည်းနဲ့ စခန်းတခုတည်း အားလုံးစုစုစည်းစည်းနဲ့ ဖြစ်ဖို့ ကိစ္စ။ မှတ်မိတာက ကျနော်တို့ ဘုရားသုံးဆူ နယ်မြေထဲမှာ နယ်ခံကျောင်းသားတွေနဲ့ မြို့ကြီးတွေကလာတဲ့ ကျောင်းသား တွေ ကြားထဲမှာ တစုံတရာတော့ ကွာဟမှု ရှိတယ်။ နယ်ခံကျောင်းသားတွေက အလုပ်လုပ်နိုင်တယ်။ ရန်ကုန်ကလာတဲ့ ကျောင်းသားတွေကတော့ အဲလောက်ထိ ကြမ်းကြမ်းတမ်းတမ်း မလုပ်နိုင်တဲ့ သဘောမျိုး ရှိတယ်။ ကြမ်းကြမ်းတမ်းတမ်း ဆိုတာ တဲဆောက်မယ။် အိမ်ဆောက်မယ်။ တောတိုးရမယ် ဆိုတော့ သူတို့က အတွေ့အကြုံ သိပ်မရှိတဲ့ အတွက် နည်း နည်းလေးတော့ ကွာတာပေါ့ဗျာ။ အဲဒါကနေ စတာလား ဒါမှမဟုတ် တချို့သော ဦးဆောင်မှုကဏ္ဍတွေမှာ ရွေးချယ်ရ ခက်နေတာလည်း ဖြစ်နိုင်တာပေါ့နော်´
ထိုင်းမြန်မာနယ်စပ်ဒေသများဖြစ်ကြသည့် မွန်ပြည်နယ် ကရင်ပြည်နယ် တနင်္သာရီတိုင်းအတွင်းမှ ပေါ်ထွက်ခဲ့သော ကျောင်းသားတပ်တော်ထဲတွင် ပါဝင်ခဲ့သူတိုင်းက တဖြေးဖြေးချင်း ခုလိုမျိုး ၎င်းတို့၏ခံစားချက်များ အတွေ့အကြုံများ အ မြင်များကို သံလွင်တိုင်းဂျာနယ်ကဲ့သို့သော ဂျာနယ်များ သတင်းစားများတွင် ဖော်ထုတ်ကာ မှတ်တမ်းတင်ထားနိုင်မည် ဆိုလျှင် အလွန်တရာ ကောင်းမည်ဖြစ်သည်။ မြန်မာ့နိုင်ငံရေးလောကတွင် များသောအားဖြင့် ခေါင်းဆောင်များ ဥက္ကဌ အ တွင်းရေးမှူးများ၏ မှတ်တမ်းများက ပလူပျံနေသော်လည်း အခြားသူများ၏ အသံများကို မှတ်တမ်းတင်မှုကား နည်းပါးလွန်း လှ၏။ ခေါင်ဆောင်တာဝန် ဥက္ကဌ အတွင်းရေးမှူး တာဝန်များကို မယူခဲ့ရသူများ ဆောင်ရွက်ခဲ့ရသည်များကိုလည်း သ မိုင်းမှတ်တမ်း တင်ထားနိုင်ခဲ့မည်ဟု ဆိုလျှင် သူတို့ရင်ထဲတွင် ကျေနပ်ကြမည်ဟု ကိုမြင့်ဝေက ယုံကြည်နေသည်။ ကျဆုံး သွားသူများနှင့် လက်ရှိ ရှိနေကြသူများ၏ သမိုင်းမှန်ကို တင်ပြနိုင်မည့် စင်မြင့်တခု ရှိနေဖို့ အမှန်ပင် လိုအပ်နေပေသည်။
´အေး.. ခင်ဗျားနဲ့ သံလွင်တိုင်းမ်ကို ကျေးဇူးတင်တယ်လို့ ကျနော်စောစောက ပြောခဲ့တာက ဒီဥစ္စာကို ကျနော်တို့ ဆက် ပြီး ပုံမှန်လေးနဲ့ ရေးသားပြီး သမိုင်းတွေကိုထားခဲ့ပေးဖို့ အားလုံးက ပူးပေါင်းဆောင်ရွက်ကြမယ်။ ပူးပေါင်း ဆောင်ရွက် နိုင်အောင်လည်း ကျနော်တို့က ၀ိုင်းပြီး တိုက်တွန်းကြမယ်ဆိုရင် ကျနော်တို့က သမိုင်းတခုကို ချန်ထားလို့ရပြီ။ သံလွင် တိုင်းမ်အနေနဲ့လည်း ဘုရားသုံးဆူ နယ်မြေထဲ့က တော်လှန်တဲ့အဖွဲ့အစည်းတွေရဲ့ သမိုင်းကြောင်းတွေကို ပြည်သူတွေသိ အောင်လုပ်ပေး စေလိုတယ်။ သမိုင်းမှန်တွေကို ချန်ထားခဲ့ဖို့ ကမ္ဘာအနှံ့ ပြန့်သွားကြတဲ့ ရဲဘော်တွေကလည်း ကိုယ်တွေ့  ပါဝင်ဆင်နွှဲခဲ့တဲ့ သမိုင်းကို အခုအချိန်မှာ ပြန်လည် ပြောပြသင့်ပြီလို့ တိုက်တွန်းချင်တယ်ဗျာ´