ဘုရားသုံးဆူ နေ့ရက်များ

ဘုရားသုံးဆူ နေ့ရက်များ (၁)
==================
ကျနော်တို့ ဘုရားသုံးဆူစခန်း စရောက်တော့ အတန်လေးနောက်ကျနေပြီ။ နိုဝင်ဘာ ၃-ရက်နေ့မှာ ဘုရားသုံးဆူကျေးရွာ ကို ရောက်တာ၊ ကျနော်တို့ ရောက်တဲ့ မတိုင်မီကတည်းက အရေးကြီးတဲ့အဖြစ်အပျက်တွေ ဖြစ်ခဲ့တယ်။ စခန်းကိုရောက် လာကြတဲ့ ကျောင်းသားလူငယ်တွေက သူတို့ဘာသာစုဖွဲ့ပြီး စခန်းစတင်တည်ထောင်ကြတယ်။ မုဒုံ၊ သံဖြူဇရပ်အုပ်စုက များတော့ စခန်းခေါင်းဆောင်မှုမှာ သူတို့ကနေရာရကြတယ်။ သို့ပေမယ့်လည်း စခန်းခေါင်းဆောင်မယ့်သူတွေကို ကော်မီတီရွေးချယ်ရာမှာ ပညာတတ်တဲ့သူ၊ တကယ်လုပ်နိုင်ကိုင်နိုင်မယ့်သူတွေကို နေရာပေးကြတာ တွေ့ရပါတယ်။ မန္တလေးဆေးတက္ကသိုလ်က ကျောင်းပြီးလာပြီး၊ ကော့ကရိတ်မြို့အနီးက ရွာတရွာမှာ ဆေးခန်းထိုင်ခဲ့တဲ့ ဒေါက်တာနိုင် အောင်ကို စခန်းဥက္ကဋ္ဌ တင်မြှောက်ကြတယ်။ မုဒုံအုပ်စုက စက်မှုတက္ကသိုလ်ဆင်း ကိုတင်စိုးနောင်က ဒု-ဥက္ကဋ္ဌ၊ ကြာအင်း ဆိပ်ကြီးက လူငယ်အုပ်စုကို သြဇာညောင်းသူ ကိုဆန်းထွန်း (GTI ဆင်း) ကို ဒု-ဥက္ကဋ္ဌ၊ မုဒုံသပိတ်က ခေါင်းဆောင် ကိုအောင်မျိုးဆန်းကို အထွေထွေအတွင်းရေးမှူး တင်မြှောက်ကြတယ်။ အဲဒီကာလမှာပဲ နယ်စပ်တလျှောက်က ကျောင်းသား လူငယ်အဖွဲ့အစည်းတွေကို စုစည်းဖို့ အမျိုးသားဒီမိုကရေစီတပ်ပေါင်းစု (NDF) က ကမကထပြုပြီး ညီလာခံ တခုကျင်းပစေတယ်။ စခန်းအသီးသီးက ကိုယ်စားလှယ်တွေ၊ ဘန်ကောက်ရောက်၊ ရနောင်းနယ်စပ်ရောက် ကျောင်းသား တွေကို ညီလာခံတရပ်ပြုလုပ်ပြီး စုစည်းစေမယ်လို့ တိုင်းရင်းသား ခေါင်းဆောင်တွေက ကြိုးပမ်းကြတယ်။ NDF (မဒတ) ဆိုတာကတော့ မြန်မာနိုင်ငံ နယ်စပ်မှာရှိတဲ့ တခုတည်းသော တိုင်းရင်းသားလက်နက်ကိုင် တပ်ပေါင်းစုပါပဲ။ အဖွဲ့ဝင် တိုင်းရင်းသား ၁၀ ဖွဲ့ ပါဝင်တယ်။
သူတို့က မြန်မာနိုင်ငံရဲ့ အရှေ့ဘက်နယ်စပ်ဒေသကို ရောက်လာတဲ့ ကျောင်းသားလူငယ် အားလုံးနီးပါးကို စုစည်းပေးပြီး အဖွဲ့အစည်းတခု ဖြစ်စေဖို့ ကြိုးပမ်းကြတယ်။ ကရင်အမျိုးသားအစည်းအရုံး (KNU)၊ မွန်ပြည်သစ်ပါတီ (NMSP)၊ ကရင်နီ အမျိုးသားတိုးတက်ရေးပါတီ (KNPP) နဲ့ တိုင်းရင်းသား လက်နက်ကိုင်တော်လှန်ရေးအဖွဲ့တွေဆီရောက်လာတဲ့ ကျောင်း သားလူငယ် ကိုယ်စားလှယ်တွေကို ကမကထပြု ဖိတ်ကြားပေးတယ်။ အဲဒီအချိန်မှာ နယ်စပ်မှာ ဗိုလ်ချည်းပဲ၊ သူလည်း ဟိုဒေသက သပိတ်ခေါင်းဆောင်၊ သူလည်း ဒီဒေသက သပိတ်ခေါင်းဆောင် စသည်ဖြင့် ရဲဘော်သုံးကျိပ်မက ရဲဘော် အကျိပ်တထောင်လောက် ဖြစ်နေကြတယ်။ အဲဒါအပြင် တက္ကသိုလ်ကျောင်းသားတွေ၊ အရပ်သားလူငယ်တွေ၊ သပိတ် ခေါင်းဆောင်တွေ၊ အလုပ်သမားတွေ၊ လယ်သမားတွေ၊ ဆရာဝန်၊ အင်ဂျင်နီယာ၊ ရှေ့နေ၊ ကျောင်းဆရာစတဲ့ ပညာ ရှင်တွေ၊ ပြည်သူ့ဝန်ထမ်းတွေ၊ စစ်သားဟောင်းတွေ စသဖြင့် ပါဝင်နေကြတယ်။ ရဟန်းပျိုသမဂ္ဂ စသည်ဖြင့်က လာတဲ့ ရဟန်းတွေလည်း ပါတယ်။ လက်နက်ကိုင်အဖွဲ့တွေ ထိန်းချုပ်ထားတဲ့ ဒေသမဟုတ်တဲ့ ဘန်ကောက်၊ ထိုင်းနယ်စပ် ပင်လယ်ဆိပ်ကမ်းမြို့ ရနောင်းစသည်မှာလည်း ကျောင်းသား အုပ်စုတွေ ရောက်နေကြတယ်။ ဒီလိုနဲ့ ဘုရားသုံးဆူ စခန်းက ကိုယ့်စခန်းကို အုပ်ချုပ်ဖို့ ကော်မီတီကို ရွေးချယ်၊ ညီလာခံအတွက်လည်း လူလွှတ်ပြီးခဲ့ပြီ။ သူတို့က မဟာမိတ်အဖွဲ့အစည်း တွေ အကူအညီနဲ့ ထိုင်းနိုင်ငံဖြတ်လို့ ညီလာခံကျင်းပမယ့် နေရာထွက်သွားကြပြီ။ ဒီအချိန်မှာမှ နောက်ကျပြီး ကိုထွန်း အောင်ကျော် ဦးဆောင်တဲ့ ရန်ကုန်ကျောင်းသား အုပ်စု ရောက်လာတယ်။ သူတို့က ရန်ကုန်က ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ) ကို ကိုယ်စားပြုပြီးလာတယ်။ သူတို့က ရန်ကုန်က ကျောင်းသားသပိတ် ခေါင်းဆောင်တွေ၊ ဒီညီလာခံကို တက်မှဖြစ်မယ်၊ မတက်ဘဲ နေလို့ကို မရဘူး။ ရအောင်ပို့ပေးပါဆိုလို့ (မဒတ) တပ်ပေါင်းစု ခေါင်းဆောင်တွေက နောက်ကျမှ သူတို့ကို ဖြစ်အောင် လိုက်ပို့ပေးကြရတယ်။ နယ်စပ်ဒေသ အသီးသီးက ကျောင်းသား လူငယ်တွေ ညီလာခံကို နိုဝင်ဘာလ ၁ ရက်၊ ၁၉၈၈ မှာ ကျင်းပတယ်။
အခု သြစတြေလျ ရောက်နေတဲ့ ABSDF ခေါင်းဆောင် ဒေါက်တာမြင့်ချိုကတော့ သူ့အတွေ့အကြုံကို ပြန်ရေးထားတာ ဖတ်ရတယ်။ "ကရင်ပြည်နယ်၊ မွန်ပြည်နယ်နဲ့ ပဲခူးတိုင်းအဖွဲ့တွေကတော့ ကျောင်းသားတွေရဲ့ ကဏ္ဍကို အလေးထားတဲ့ အနေနဲ့ "ကျောင်းသားလူငယ်" နဲ့ "ကျောင်းသားပြည်သူ" စာလုံးတွေပါတဲ့ အဖွဲ့နာမည်မျိုးကို ရွေးချယ်ဖို့  အဆိုပြုခဲ့ကြ သလို၊ ရန်ကုန်ကလာကြတဲ့ ဗမာနိုင်ငံလုံးဆိုင်ရာကျောင်းသားသမဂ္ဂများ အဖွဲ့ချုပ် (ဗကသ) ကိုယ်စားလှယ် ကိုကိုဦး၊ ကိုဝင်းမိုး၊ ကိုအောင်နိုင်၊ ကိုဇာနည်၊ ကိုလှအောင်တို့ (၅) ဦးအဖွဲ့က "မြန်မာနိုင်ငံလုံးဆိုင်ရာ ကျောင်းသားများ ဒီမို ကရက်တစ်တပ်ဦး- မကဒတ (All Burma Students’ Democratic Front – ABSDF)" နာမည်ကို အဆိုပြုခဲ့တယ်။ သူတို့ က ဆက်လက်ပြီး စစ်တပ်က ဒီမိုကရေစီအရေးတော်ပုံကြီးကိုဖြိုခွဲပြီး အာဏာသိမ်းခဲ့ရင် ကျောင်းသားတွေ အနေနဲ့ မြေပေါ် မှာ လူ့ဘောင်သစ် ဒီမိုကရက်တစ်ပါတီ (DPNS)၊ မြေအောက်မှာ ဗမာနိုင်ငံလုံး ဆိုင်ရာကျောင်းသားသမဂ္ဂများအဖွဲ့ချုပ် ဗကသ (ABFSU)၊ နယ်စပ်မှာ မကဒတ (ABSDF) အဖြစ် ဆက်လှုပ်ရှားဖို့နဲ့ ဗကသ ခေါင်းဆောင်တွေ က ဦးဆောင်သွားဖို့ ဗကသ (ABFSU) က ဆုံးဖြတ်ထားတယ်လို့လည်း ပြောပြကြတယ်" လို့ ဖော်ပြထားတယ်။ အစည်းအဝေးအပြီး နိုဝင်ဘာ ၅ ရက်နေ့မှာ ABSDF ကို တည်ထောင်ကြောင်း ကြေညာနိုင်ခဲ့တယ်။ ကျနော်တို့ အဖွဲ့က အဲဒီအချိန်ကျမှ ဘုရားသုံးဆူ စခန်းကို ရောက်လာကြတယ်။
ကျနော်တို့ ရောက်ရောက်ချင်း စခန်းသစ်တည်ဆောက်ရာ နေရာမှာ ဆေးမှူးမရှိဘူးဆိုပြီး၊ နမ့်ကိတ်စခန်းသစ် တည် ဆောက်ရာ နေရာကို ပို့လွှတ်လိုက်တယ်။ ကျန်ကျောင်းသား အများစုက ကရင်-မွန်စစ်ကြောင့် ပျက်စီးနေတဲ့ ဘုရား သုံးဆူရွာမှာ ကျန်နေတုန်းပဲ။ စခန်းမှာတော့ မုဒုံ၊ သံဖြူဇရပ်အုပ်စုက လူတွေများတယ်။ အများစုက ကျောင်းသား မဟုတ်ဘဲ သာမာန်လူငယ်တွေ၊ အရပ်သားတွေ များကြတယ်။ တမျိုးကောင်းတာကတော့ သူတို့ထဲမှာ လက်သမား တွေ၊ အခြေခံကျပန်းအလုပ် ကျွမ်းကျင်သူတွေလည်း ပါလာကြတော့ စခန်းဆောက်တာ အလုပ်ဖြစ်တယ်။ ရောက်ရောက်ချင်း ကျနော်တို့ကို မွန်ပြည်သစ်ပါတီက သူ့ရဲဘော်တွေကို ထောက်ပံ့တဲ့အတိုင်း တယောက်ကို တလ ဘတ် ၅၀ ရတယ်။ [အဲဒီအချိန် ငွေလဲနှုန်းက တဒေါ်လာ ၂၅ ဘတ်လောက်ပဲ ရှိတယ်]။ အဲဒီအချိန်မှာ စခန်းထဲဝင်ရင် မွန်ပြည်သစ်ပါတီအောက် ချုပ်ကိုင် တာရောက်သွားမယ်၊ မဝင်ဘူးဆိုတဲ့ အုပ်စုတွေ ရှိလာတယ်။ ရန်ကုန်သားတွေများတယ်။ သူတို့က နယ်စပ်တဖက် ဟွေးကော့ချောင်းနံဘေးကို စခန်းပြောင်းပြီး၊ 'ဟွေးကော့စခန်း' ကို တည်ထောင်ကြတယ်။ ကျနော်တို့ အုပ်စုကတော့ သိပ်သိလှတာ မဟုတ်ဘူး။ နမ့်ကိတ်စခန်းထဲကို ရောက်ရောက်ချင်း တာဝန်နဲ့ ရောက်လာကြတယ်။
အဲဒီအချိန်မှာတော့ စခန်းတိုင်းက ကိုယ့်ဘာသာ အထောက်အပံ့ရှာ၊ ကိုယ့်ဘာသာ ရဲဘော်ကိုကျွေးနေကြရတာပါပဲ။ စခန်း တိုင်းကလည်း တချိန်မှာတော့ တို့စခန်းက ဗဟိုဌာနချုပ်ဖြစ်လာလိမ့်မယ်လို့ မျှော်မှန်းစိတ်ကူးယဉ်ခဲ့ကြတယ်။ ကိုယ့်စခန်း ကို အကောင်းဆုံးစံပြ တည်ဆောက်ကြမယ်လို့လည်း စိတ်ပိုင်းဖြတ်ထားကြတယ်။ ကျနော်တို့ မထွက်လာခင်ကတည်းက မြန်မာပြည်ကို စိတ်ဓာတ်ကျလို့ ပြန်သွားတဲ့ ကျောင်းသားအုပ်စုတွေ ရှိနေတယ်။ စိတ်ဓာတ်ကျတာတော့ အကြောင်းအမျိုး မျိုးရှိ်တယ်။ ငတ်ပြတ်လို့ စိတ်ဓာတ်ကျသလို၊ မိဘကို လွမ်းကျသူတွေလည်း ရှိမယ်။ တောထဲရောက်တော့ သေဘောဘိုး စခန်းမှာဆိုရင် လူများလွန်းလို့ မနက်စာကျွေးဖို့ ချက်ပြုတ်ကျွေးမွေးပြီးလို့ လူကုန်ရင်၊ ညနေစာကို ဆက်တိုက်ချက်ပြုတ် ကျွေးမွေးရတာမျိုး၊ အလှူအိမ်ကြီးသဖွယ် ဖြစ်နေတာမျိုး ရှိတယ်လို့ ကြားဖူးတယ်။ ကျွေးမွေးရတာ တာရှည်လာတဲ့အခါ ကျောက်ဖရုံသီးပြုတ်၊ ငှက်ပြောအူပြုတ်၊ ငါးပိ စသည်ဖြင့် ဖြစ်လာတယ်။ ဒီဒဏ်ကို မခံနိုင်ကြဘူး။ နောက်တခုက ရေတို စိတ်ကူးယဉ်လာကြသလို လက်နက်ယူ ပြန်တိုက်ဆိုတာမျိုးက လက်တွေ့အခြေအနေ မကျဘူး။ ဒီလိုနဲ့ အကြောင်းမျိုးစုံနဲ့ အိမ်ပြန်ကြတယ်။ စစ်အစိုးရကလည်း အသုံးအနှုန်းကတော့ ပိုင်တယ်။ အစောပိုင်းမှာ "လမ်းမှားရောက်သွားသူ ကျောင်းသားလူငယ်တစု" လို့သုံးတယ်။ နောက်ပိုင်းမှာတော့ "လူငယ်သောင်းကျန်းသူ အကျွင်းအကျန်တစု" စသည်ဖြင့် ပြောင်းသုံးလာကြတယ်။
ကျနော်တို့ တောထဲမထွက်ခင် ၁၉၈၈၊ အောက်တိုဘာလ ၁၄ ရက်နေ့ ကတည်းက ပြန်လာမယ့် ကျောင်းသားတွေအတွက် ကြိုဆိုရေးစခန်းတွေက တည်ထောင်ပြီးသား၊ တောထဲက ပြန်ရောက်လာတဲ့ တက္ကသိုလ်ဆရာ ကိုလှအောင်၊ တောင် ဥက္ကလာက ဆယ်တန်းကျောင်းသား ဇာနည်ထွန်း၊ ရုက္ခဗေဒ တတိယနှစ်ကျောင်းသား ကိုမင်းသိန်း၊ တတိယနှစ် ရူပဗေဒ ကျောင်းသား ကိုသိန်းဌေးနာမည်တွေနဲ့ လက်မှတ်ထိုးပြီး၊ တောတွင်းရောက် လူငယ်တွေ ပြန်လာကြဖို့ လေယာဉ်ပျံနဲ့ စာတွေလည်း ကျဲခဲ့တယ်။ နယ်စပ်မြို့ (၂၇) ခုမှာ ကြိုဆိုရေးစခန်းတွေ ဖွင့်ခဲ့တယ်။ ကျနော်တို့က ဒီကိစ္စတွေ လွန်မှ တောထဲ အရောက်သွားခဲ့တာ။
ကျနော်တို့ ရောက်ပြီး သိပ်မကြာခင်မှာပဲ စစ်အစိုးရက နယ်စပ်က ကေအဲန်ယူ အခိုင်အမာစခန်းတွေကို ထိုးစစ်တွေ တခုပြီး တခု ဆင်လာခဲ့တယ်။ မဲသရေ နဲ့ ခလယ်ဒေးစခန်းက (၁၉၊ ၁၊ ၈၉) မှာ ကျတယ်။ မော်ဖိုးကေစခန်းက (၂၆၊ ၃၊ ၈၉) မှ ကျတယ်။ မဲလစခန်းက (၅၊ ၄၊ ၈၉) မှာ ကျတယ်။ ဝမ်းခ စခန်းဟောင်းက (၁၊ ၅၊ ၈၉) မှာ ကျတယ်။ ဖလူးစခန်းက (၂၉၊ ၁၂၊ ၈၉) မှာ ကျတယ်။ သေဘောပိုး၊ ဝေါလေစခန်းက (၃၁၊ ၁၊ ၉၀) မှာ ကျတယ်။ ဒါးကွင်းစခန်းက (၁၉၊ ၅၊ ၈၉) မှာ ကျတယ်။ ခိုကြာခိုစခန်းက (၃၁၊ ၅၊ ၈၉) မှာ ကျတယ်။ ကျောက်ညှပ်စခန်းက (၁၂၊ ၆၊ ၈၉) မှာ ကျတယ်။ ဒီတိုက်ပွဲတွေ မှာ တိုက်ပွဲကြီး ၆၆ ကြိမ်၊ တိုက်ပွဲငယ် ၃၆၁ ကြိမ်ဖြစ်ပွား၊ မြန်မာ့တပ်မတော် ၁၇၇ ကျဆုံး၊ ၃၇၇ ဒဏ်ရာရ၊ ကေအဲန်ယူ ဖက်က အလောင်း ၄၆၆ ကျဆုံး ရှိခဲ့တယ်လို့ သောင်းဝေဦးက ပြန်ရေးတဲ့ "အမှတ်တရ တိုက်ပွဲများ- ကျနော်တို့ KNU ဗဟို မာနေပလောကို တိုက်ခဲ့စဉ်က" (သောင်း၊ ၂၀၁၄၊ စာ-၂၃) စာအုပ်မှာ ဖတ်ရတယ်။ အခိုင်အမာ စခန်းတွေကျသော်လည်း ကေအဲန်ယူတပ်ဖွဲ့က ဒီလောက်ကြီး အခြေအနေ ဆိုးသွားတာတော့ မဟုတ်ဘူး။ ကျသွားတဲ့ စခန်းတွေပတ်လည်မှာပဲ ဆက်လက် စခန်းချတယ်။ ပြောက်ကျားလှုပ်ရှားကြတယ်။ ဒီလို စခန်းကျတဲ့ သတင်းတွေကိုတော့ ကျနော်တို့က ရေဒီယို ထဲ ကြားနေခဲ့ကြရတယ်။
ကျနော်တို့ စခန်းသစ်ကို လူအကုန်မပြောင်းခင် ရွာဟောင်းရှိ ဘုရားသုံးဆူ ဘောလုံးကွင်းမှာ ပထမဦးဆုံး ခရစ္စမတ်ပွဲ ကျင်းပဖို့ ဖြစ်လာခဲ့တယ်။ [အခုတော့ ဒီနေရာကို ဂေါက်ကွင်းလုပ်ထားတယ်] ခရစ္စမတ်ပွဲတော်ကိစ္စ စတင်စဉ်းစားမိသူ ကတော့ အမေရိကန်ကလာတဲ့ အကူအညီပေးသူ မစ္စတာ ဂရက် ရှိတ်ဒ် (Mr. Greg Shade) ပဲ။ သူက စဉ်းစားမိတယ်။ ကျောင်းသားလူငယ်လေးတွေ၊ မိဝေးဖဝေးနဲ့ တောထဲမှာ ခရစ္စမတ်ပွဲတော်ကို မဆင်နွဲနိုင်ကြတော့ဘူး။ မိသားစုတွေ ပြန်တွေ့ကြရာ၊ ပေါင်းစည်းကြရာ ခရစ္စမတ်ပွဲတော် အချိန်အခါ၊ ဒီတော့ သူက ပိုက်ဆံထုတ်ပေးပြီး ခရစ္စမတ်ပွဲတော်ကို ကျင်းပစေတယ်။ ပွဲတော်ကျင်းပရေးအတွက် ဘုရားသုံးဆူမှာ ယခင်ကတည်းက အခြေချပြီးတဲ့ ဦးနုရဲ့ ပြည်သူ့ပြည်ချစ် ပါတီ (ပြည်ချစ်) ရဲဘော်ဟောင်းတွေကလည်း ဝိုင်းကူညီ စီစဉ်ကြတယ်။ အစီအစဉ်က ကျနော်တို့ မီးပုံပွဲလုပ်မယ်။ သီချင်းတွေ ဆိုကြမယ်။ လသာညအောက်မှာ ဘောလုံးကွင်းကြီးထဲ ဆိတ်ကို ကောင်လုံးကင်မယ်။ အိမ်တွေကို တော အရက်နဲ့ (အရက်ကောင်းလည်း မတတ်နိုင်ဘူးကိုး) ပဲဟင်းချိုကို ဝေထားတယ်။ ဆိတ်ကင်ကို အရက်နဲ့မြည်းရင်း သီချင်း တွေဆို၊ ပျော်ကြဖို့ပေါ့။ အမှန်တကယ်က တွက်ဆထားသလို ဖြစ်မလာခဲ့ဘူး။ အိမ်တွေမှာ ကြိုဝေထားတဲ့ တောအရက် ကို သောက်ရင်း မူးပလပ်နေကြပြီ။ ကွင်းထဲရောက်လာတော့ ဆိတ်ကင်ကို ကျက်အောင် ထိုင်မစောင့်နိုင်ကြတော့ဘူး။ တံကျင် လျှိုထားတဲ့ ဆိပ်ကြီးကို တယောက်က ထမ်းပြေးတယ်။ နောက်ကလူတွေက ဒါးတွေနဲ့ လိုက်ကြတယ်။ ဝရုန်း သုန်းကား။ သီချင်းဆိုဖို့၊ အေးအေးဆေးဆေး မီးပုံပွဲကျင်းပဖို့လည်း မဖြစ်နိုင်တော့ဘူး။ အလှူရှင် မစ္စတာ ဂရက် ရှိတ်ဒ်တော့ ဘယ်လိုခံစားရမယ် မသိဘူး။ ကျနော်တို့ ခရစ္စမတ်ကတော့ လူရိုင်းတွေပွဲလို ဖြစ်သွားခဲ့တယ်။
 



ဘုရားသုံးဆူ နေ့ရက်များ (၂)
==================
အမှန်အတိုင်း ပြောရရင် ကျနော့်မှာ နိုင်ငံရေးအရ ရည်ရွယ်ချက်သိပ်ကြီးကြီးမားမား မရှိဘူး။ အမှန်ပြောရရင် နောက်လိုက် ကောင်းပဲ ဖြစ်ချင်တယ်။ အဲဒီအချိန်က စခန်းမှာ ဗိုလ်လုပ်ချင်သူတွေများနေတဲ့ကြားထဲလည်း သိပ်ပြီး ဝင်မပြိုင်ချင်ဘူး။ အုပ်စုနိုင်ငံရေးသဘော အရှုပ်အရှင်းတွေကြားထဲလည်း ကင်းကင်းပဲ နေချင်တယ်။ ဒီလိုနဲ့ စခန်းဆေးရုံမှာပဲ ကျနော်ကျရာ တာဝန်ကို ကောင်းကောင်းလုပ်တယ်။
စခန်းဆေးရုံရောက်တော့လည်း အထိုက်အလျောက်နိုင်ငံရေးက ရှိပြန်တယ်။ သံဖြူဇရပ်ဒေသက ရမ်းကု ကိုသားငယ် ဆိုသူက တခါတလေလူတတ်ကြီး ဝင်လုပ်တယ်။ နောက်တော့ ကြက်ခြေနီလို အဖွဲ့အစည်းမျိုး ဝင်လုပ်ဖူးတဲ့ ကိုသန်းနွယ် တို့လည်း ဆေးခန်းမှာ ဆေးမှူးအဖြစ် ရှိနေကြတယ်။ ကျနော်တို့ ပြဿနာက ဆေးကျောင်းသားသာ ဆိုတယ်၊ လက်တွေ့ မရှိဘူး။ အကြောဆေးသွင်းဖို့ ဖောက်ရင် အပ်က တန်းကနဲသွေးကြောထဲ ဝင်သွားတာ မရှိဘူး။ သူတို့ကတော့ လက်ယဉ် နေတော့ အကြောဆေးသွင်းရင် အပ်က လျောလျောရှုရှုရယ်။ ဒီလိုနဲ့ အချင်းချင်းလဲ စနောက်ကြတယ်။ ဘယ်ဆရာဝန် ဆိုရင် အပ်ဘယ်နှစ်ပေါက် ထိမယ်ဆိုတာမျိုးပေါ့။ ဒါပေမယ့် ဆေးရုံမှာ ဒီလိုရမ်းကုလုပ်နေတာမျိုးကို စည်းစနစ်မရှိ လွှတ်ထားပေးလို့ မရဘူး။ ပညာပြိုင်ကြရတယ်။ ဆေးရုံကို ကိုယ်ပြန်ထိန်းချုပ်နိုင်အောင် လုပ်ရတယ်။ ကုသပုံက အစ၊ ဆေးတွေကို စနစ်တကျ သိမ်းဆည်းမှု၊ စာရင်းဇယား၊ လူနာရာဇဝင် ထားရှိမှု ဒါတွေကို စနစ်ကျအောင် လုပ်ရတယ်။
စခန်းသစ်မှာ စခန်းဆောက်လုပ်နေကြတုန်း၊ တနေ့ ကချင်ဗိုလ်မှူးတယောက်လာလည်မယ်ဆိုပြီး ပြောတယ်။ နောက် တော့ ကျန်ကျောင်းသား ခေါင်းဆောင်တွေနဲ့အတူ ပြောက်ကျားအင်္ကျီတပိုင်းဝတ်ထားတဲ့ လူတယောက်ပါလာတယ်။ သူကတော့ ဘယ်ရီဟက်ကို ဆောင်းလို့၊ အောက်မှာတော့ ရိုးရိုးဘောင်းဘီပါပဲ။ သူက ဘားတိုက်တွေကို တခုချင်း လိုက်ကြည့်တယ်။ အားပေးစကား ပြောတယ်။ လက်ဆွဲနှုတ်ဆက်တယ်။ တိုင်းရင်းသား အသံဝဲဝဲနဲ့ ပြောတယ်။ "တောင်ပေါ်က တစ်တီတူးနဲ့ တောင်အောက်က တစ်တီတူး အတူတူပါပဲ။ ဟိုး… ကချင်ဒေသက ကျောင်းသားတွေလည်း ပင်ပန်းကြတယ်၊ ဒီမှာလည်း ပင်ပန်းဆင်းရဲတာပဲ။ တော်လှန်ရေးဆိုတာ ငတ်မယ်၊ ပြတ်မယ်၊ ပင်ပန်းဆင်းရဲမယ်။ စစ် အာဏာရှင်တွေကို တိုက်ခိုက်ဖို့က စိတ်ဓာတ်လိုတယ်" စသည်ဖြင့် သြဝါဒချွေတယ်။ နောက်တော့မှ အချီကြီးစနောက် တာ ခံရမှန်း သိတယ်။ ကိုမူးသာ (ယခု USA)။ သူက မုတ်ဆိတ်ပါးသိုင်းမွေးတွေနဲ့ဆိုတော့ လူတွေကလည်း တကယ် ကချင်ဗိုလ်မှူးထင်ကြတယ်။ နောက်တနေ့ကျတော့ သူလည်း အိပ်ယာလိပ်ထမ်းပြီး စခန်းသစ်ကို ရောက်လာခဲ့တယ်။
စခန်းသစ် ဘားတိုက်-၁ မှာ မုဒုံအုပ်စုတွေ နေကြတယ်။ အဲသည်မှာ ယခင်ပြည်ချစ်ခေတ် တော်လှန်ရေးမှာ ပါဝင်ဖူးပြီး အခုလည်း မနေနိုင်ဘဲ တောထဲပါလာတဲ့ အဘဦးရဲခေါင်တို့ လင်မယားနေတယ်။ သူ့ဇနီးက ဒေါ်ခင်လှိုင်၊ သူတို့လင် မယား က တယောက်ကိုတယောက် အတော်ကြင်နာပုံရတယ်။ အရွယ်တော့ အိုကြပြီ။ ဦးရဲခေါင်က စာတိုပေစတွေလည်း ရေးတယ်။ တခါတလေ စစ်ရေး လေ့ကျင့်ခန်းလုပ်စဉ်မှာ သူ့ကဗျာလိုလို၊ ဆောင်ပုဒ်လိုလိုကိုလည်း လိုက်ဆိုခိုင်းတယ်။
"ရေလုံပြုတ် ကို ငါတို့စား၊ ရှိတဲ့အားနဲ့ တော်လှန်မည်။
ရန်သူ့လက်နက် ကိုယ့်လက်နက် အမြတ်ထွက်အောင် စစ်တိုက်မည်။
ရန်သူကို လက်စားချေမည်။ အာမဘန္တေ…
တို့တော်လှန်ရေး အောင်ရပါစေ့မည်" …. ဒီလို ဆောင်ပုဒ်လိုမျိုးလည်း ဆိုကြရသေးတယ်။
ဘားတိုက်-၂ လည်း မုဒုံသားတွေ များတယ်။ မုဒုံသပိတ်ကို ဦးဆောင်လာတဲ့ ကိုကျော့ခိုင်တို့ ညီအစ်ကို၊ လက်သမား ကိုမြင့်အောင် (ယခု ထိုင်းနိုင်ငံ)၊ ကိုရှုကြည်၊ ကိုယုကြည်.. စသည်ဖြင့်က ဦးဆောင်ကြတယ်။ မုဒုံအုပ်စုမှာ သြဇာကြီးတာ ကတော့ မုဒုံသပိတ်က ကိုတင်စိုးနောင် (ကွယ်လွန်)၊ ကိုတင်စိုးမောင် (ယခု ရေး)၊ ကိုသန်းလှိုင်ဦး (ယခု ရလလတ) တို့ ရှိတယ်။ သူတို့က မုဒုံသပိတ်ရန်ပုံငွေတွေ အတူပါလာကြတယ်လို့လည်း ဆိုတယ်။ နည်းနည်းပါပါး သုံးစွဲနိုင်တာ တွေ့ရ တယ်။ ဘားတိုက်-၃ က သံဖြူ ဇရပ်အုပ်စု၊ ကိုဝင်းသိန်း (ယခု ကနေဒါ) တို့အုပ်စုက ဦးဆောင်တယ်။ နောက်ပိုင်း ကျနော်တို့ ဆေးရုံအစုက သူတို့နဲ့ အိုးတွဲစားကြတယ်။ ဘားတိုက်-၄ နဲ့ ဘားတိုက်-၅ က နယ်စုံကနဲ့ ရန်ကုန်သားတွေ များတယ်။ ဘားတိုက်-၆ ကတော့ စခန်းခေါင်းဆောင်မှုကလူတွေ နေကြတယ်။ ကျနော်တို့က EC (Executive Committee) ဘားတိုက်လို့ ခေါ်တယ်။ ကျနော်တို့ ဆေးရုံနဲ့ မျက်စောင်းထိုး မလှမ်းမကန်းမှာ အမျိုးသမီးအဆောင် ရှိတယ်။ လေတပ်ကနေ သပိတ်ဦးဆောင် ထွက်လာတဲ့ ဆရာမကြီး ဒေါ်နုနုအေးနဲ့ အမျိုးသမီး ၁၀ ယောက်နီးပါးလောက် နေထိုင်ကြတယ်။ မရီရီထွန်း (ကွယ်လွန်)၊ မသန္တာ၊ မအတာ (ယခု USA)၊ မသူသူအောင်၊ မသန်းသန်းမြင့် (ယခု ကနေဒါ)… စသည်ဖြင့် ရှိကြတယ်။ စခန်းကရဲဘော် များရဲ့ ညနေ စကားမပြည်ပြော၊ အပန်းဖြေရာ မာလာဆောင်ပေါ့။
စခန်းထဲမှာ အခြားအဆောင်အနေနဲ့ ရုံးခန်းနဲ့ စာကြည့်တိုက်ကလေးတခု ရှိတယ်။ နိုင်ငံခြားအဖွဲ့အစည်းတွေ လှူထားတဲ့ အင်္ဂလိပ် စာအုပ်စာတန်းများတယ်။ ပြောင်းဖူးခင်း၊ ပဲတောင့်ရှည်ခင်း… ချဉ်ပေါင် စတဲ့ စိုက်ခင်းကလေးလည်း ရှိတယ်။ နောက်ပိုင်း မှာတော့ သေဘောဘိုးစခန်းကို အတုယူလို့ Jungle University (တောတွင်းတက္ကသိုလ်) ဆိုပြီး သင်တန်း ကျောင်းဆောက် ဖို့ အဆောင်တွေကို ထပ်ပြီးဆောက်ကြတယ်။ စခန်းထဲမှာ ဘယ်သူပိုင်မှန်းမသိတဲ့ သစ်ခွဲစက်ကြီး တလုံးလည်း ရှိတယ်။
စခန်းကနေ ကားနဲ့ နာရီဝက်ကျော် သွားရတဲ့နေရာမှာ ထိုင်းက စံခရပူရီမြို့ကလေး ရှိတယ်။ ဒီမြို့ကလေးမှာ မြို့သူမြို့သား တွေက ကရင်၊ မွန်တွေများတယ်။ မူစလင်အချို့လည်း ရှိတယ်။ ယခင်ပြည်ချစ်တော်လှန်ရေးခေတ်ထဲက နေလာကြပြီး၊ မြန်မာပြည် မပြန်လိုကြတဲ့ ပြည်ချစ်ရဲဘော်ဟောင်းတချို့လည်း ဒီစံခရပူရီမြို့ကလေးမှာ အခြေချတယ်။ ကျနော်တို့စခန်းက လိုအပ်တာတွေကို ဒီမြို့ကလေးမှာ သွားဝယ်ကြရတယ်။ အထူးသဖြင့်တော့ ဦးဝီ (ပြည်ချစ်)၊ ဗိုလ်ကြီးမျိုးကြည် (ပြည်ချစ်)၊ ဆရာမ ဒေါ်ဒေစီတို့က အထူးကူညီပေးကြတယ်။ အဲဒီမြို့မှာတော့ ဘုရားသုံးဆူစခန်း နိုင်ငံခြားဆက်ဆံရေးရုံးကို ဖွင့်ထား တယ်။ နိုင်ငံခြားဆက်ဆံရေးဌာနမှာ ကိုဇော်ဦး (ယခု CESD)၊ ကိုမျိုးမြင့် (ယခု ကွယ်လွန်)၊ ကိုအောင်မျိုးမင်း (ယခု Equality Myanmar)၊ ကိုကျော်သူရ (ယခု NPRC- ငြိမ်း) တို့က တာဝန်ယူကြတယ်။ မုဒုံအုပ်စုက ဝယ်ထားတဲ့ ဆိုင်ကယ် အဝါရောင်ကြီး တစင်းလည်း ရှိတယ်။
ဒီစခန်းနေရာက ရေရှားတယ်။ စမ်းချောင်းလို ရေထွက်မရှိဘူး။ သို့သော် စိမ့်သဘောရေထွက်တာတော့ ရှိတယ်။ စံခရပူရီ မြို့ကနေ လက်ချောင်းကလေးလို ထွက်လာတဲ့ လမ်းကလေးရှိတယ်။ အဲဒီလမ်းကလေးက ကျောက်တောင်ကြီးတခု ဘေးက ကွေ့သွားပြီး ယခုဘုရားသုံးဆူနေရာမှာ လမ်းဆုံးတယ်။ အဲဒီလမ်းကလေးကို ထိုင်းနိုင်ငံကပိုင်တယ်ဆိုတယ်။ လမ်းဘေး တဖက်တချက်က မြန်မာပိုင်လို့ ယူဆထားကြတယ်။ နယ်နိမိတ် တိတိကျကျ တိုင်းတာထားတာတွေ၊ သဘောတူ ထားတာတွေမရှိကြတော့ ထိုင်းကို မြေခိုးတယ်လို့လည်း စွပ်စွဲကြတယ်။ အဲဒီအချိန်ကတော့ မြေလမ်းပဲ။ ထိုင်းက သစ်သူဌေး 'စီယာဟု'ရဲ့ သစ်ကားကြီးတွေ ဖြတ်သန်းသွားဖို့အတွက် အဓိကကျတယ်။ ကျနော်တို့ စခန်းက လမ်း ဘေးမှာ ကပ်လျက်၊ တောင်ကျောလေး (တောင်ပူစာကလေး) တခုခြားတယ်။ တောင်ကျောကတော့ သက်နုထုံးကျောက် တွေပဲ။ ဒီကြားထဲက ရေထွက်နေရာတခုကို တာတမံဖို့လို့ ရေသုံးနိုင်အောင် ပြင်ဆင်ထားကြရတယ်။ ကျနော်တို့စခန်းနဲ့ မလှမ်းမကမ်းမှာ နမ့်ကိတ်ကျေးရွာကလေး ရှိတယ်။ မွန်ပြည်သစ်ပါတီက ခေါင်းဆောင်တွေ၊ အခြားရွာသားတွေ နေကြ တယ်။ ရွာကလေးထိပ်မှာ ရုပ်ရှင်ရုံတခု ရှိတယ်။ သစ်သားတွေနဲ့ အခိုင်အခန့် ဆောက်ထားတယ်။ စံခရပူရီမြို့က မွန်သူဌေး 'နိုင်ဘရန်းဂဒီး' ပိုင်တယ်လို့ ဆိုတယ်။
အမှန်ပြောရရင် စခန်းမှာ သေနတ် ၄ လက်ပဲရှိတယ်။ မွန်ပြည်သစ်ပါတီဆီကနေ ညရေးညတာ အိပ်ဖန်စောင့်သဘော ငှားထားတာ။ ဒါပေမယ့် ကျနော်တို့ စစ်သင်တန်းကို ပင်ပင်ပန်းပန်း လုပ်ကြတယ်။ စစ်သင်တန်းလုပ်ဖို့ စခန်းခေါင်းဆောင် တွေက အစီအစဉ်ဆွဲကြတယ်။ ယခင် အစိုးရစစ်တပ်က ထွက်လာတဲ့ စစ်သားတွေ၊ အနားယူပြီးနေတဲ့ စစ်သားတွေကို ခေါင်းဆောင်စေပြီး စစ်သင်တန်းလုပ်စေတယ်။ သေနတ်က မရှိတော့ ဝါး၊ သစ်သားတွေကို ခုတ်လို့ သေနတ်ပုံစံလုပ် လေ့ကျင်ကြရတယ်။ စစ်သင်တန်းလုပ်မယ်ဆိုတော့ ဆရာကျော်တင့် (စစ်တပ်က အငြိမ်းစားပြီး မုဒုံအနီး ရွာတရွာမှာ နေထိုင်နေသူ)၊ ကိုမြင့်ဝေ၊ ကိုဝေလု၊ ကိုသက်ဦး (ပြုပြင်ထိန်းသိမ်းရေးလေတပ်)၊ ကိုသန်းထွန်း (လေထီးတပ်ရင်း-၁၆ မှော်ဘီ)၊ ကိုတင်မောင်ဌေး … စသည်တို့က သင်တန်းဆရာတွေ လုပ်ကြတယ်။ ကရင်ဒေသက စခန်းတွေမှာတော့ ကေအဲန်ယူတပ်မှူးတွေ၊ သင်တန်းဆရာတွေကို အကူအညီတောင်းကြတယ်လို့ သိရတယ်။ ကျနော်တို့ဆီမှာတော့ ပြည်တွင်းကအတူထွက်လာတဲ့ စစ်သားဟောင်းတွေနဲ့ပဲ အလုပ်ဖြစ်ကြတယ်။ မနက်ဆိုရင် ပီတီ (ကိုယ်ကာယ) လေ့ကျင့် ခန်းဆင်းရတယ်။ ပြေးရတယ်။ နေ့လည်စာ စားချိန်အထိ သင်တန်းမောင်းတယ်။ ဒီလို သင်တန်းမောင်းနေတဲ့အချိန်မှာ တော့ ရိက္ခာကို မီးဖိုကြီးနဲ့ စုပြီး ချက်ကြွေးတယ်။ ပုံမှန်ဟင်းတွေကတော့ မျှစ်၊ မျှစ်ချဉ်၊ ငါးပိ၊ ပဲဟင်း ဒါတွေပဲ။ တခါ တလေတော့ ငါးတန် နဲ့ ကြက်ရိုးဟင်းလည်း ကြွေးတယ်။ စခန်းက ရဲဘော်တွေကလည်း တက်တက်ကြွကြွ လုပ်ကြ တယ်။ ကျနော်တို့ ဆေးရုံက ဆေးမှူးတွေ၊ ဆရာဝန်ဆိုသူတွေလည်း စစ်သင်တန်းဆင်းကြရတယ်။ အဲဒီအချိန်မှာ နမ့်ကိတ်စခန်း မဝင်လိုကြတဲ့ ကျောင်းသားအစု (ရန်ကုန်သားတွေများတယ်) ကတော့ စံခရပူရီမြို့ရဲ့ အခြားတဖက် ထိုင်းနယ်စပ် ဟွေးကော့ချောင်းကလေးဘေးမှာ ဟွေးကော့စခန်းဆိုပြီး တည်ကြတယ်။ နောက်တော့ ထိုင်းက သူ့နယ်မြေ ထဲဝင်တယ်ဆိုပြီး ပြန်မောင်းထုတ်လို့ ကျနော်တို့ စခန်းဘေး ဂျပန်ရေတွင်း (ဘော်ယိပွန်) ရွာအနီးမှာ စခန်းသစ်ပြန် ဆောက် ကြရတယ်။ သူတို့ဆီမှာ အဆိုတော် ကိုသီရိညွန့်က ဦးဆောင်ပြီး၊ ကိုကိုလေး၊ ကိုတိုးကြီး၊ ကိုရဲမွန်၊ လုပ်သား တက္ကသိုလ် ကျောင်းသား အုပ်စု (Workers' College အုပ်စု)၊ ဆေး-၁ နောက်ဆုံးနှစ် အပိုင်း(က) က ကိုအေးမင်း (ယခု USA) တို့ ရှိကြတယ်။ [နောက်ပိုင်းမှာ ကျနော်တို့က ABSDF တပ်ရင်း ၁၀၁၊ သူတို့က တပ်ရင်း-၁၀၂ ဖြစ်လာကြတယ်။]
ကျနော်တို့ စစ်သင်တန်းလုပ်တဲ့အချိန်မှာ စစ်ချီသီချင်းက သိပ်ရှိလှတာ မဟုတ်ဘူး။ ပထမပိုင်းမှာ အစိုးရစစ်တပ်က ကြားဖူးတဲ့ စစ်ချီသီချင်းတွေပဲ သုံးကြရတယ်။ "ရဲရဲတောက် တို့ဗမာတွေ…" "မိုးတွေကလည်း မစဲဘဲ ရွာနေတယ်၊ မြစ်ချောင်းအင်းအိုင် ရေတွေပြည့်လို့ ငါတို့တိုက်ရတယ်… " ဆိုတဲ့ BIA ခေတ် စစ်ချီသီချင်းမျိုးပဲ ရှိတယ်။ အချို့သီချင်းတွေ က မွန်ဘုရင်တွေကို ချိုးနှိမ်ထားတယ်၊ မဟာဗမာဝါဒကို ကိုယ်စားပြုတယ်ဆိုတဲ့ မွန်မဟာမိတ်ခေါင်းဆောင်တွေက စွပ်စွဲ ချက်တွေလည်း ကြားခဲ့ရသေးတယ်။ နောက်ပိုင်းမှာမှ အဆိုတော် ထူးအိမ်သင်ရေးတဲ့ "အရေးကြီးပြီ… ညီနောင် အပေါင်း တို့" ဆိုတဲ့ စစ်ချီသီချင်းရလာတယ်။ ပြောရရင် လက်နက်ကိုင်တော်လှန်ရေးတို့၊ စစ်အစိုးရကို လက်နက်ကိုင်ဖြုတ်ချရေး တို့ ပြောနေတယ်။ ကျနော်တို့မှာ သေနတ်တောင် ကောင်းကောင်းမရှိသေးဘူး။ အိပ်၊ စား၊ ဖျား၊ သင်တန်းတက် ဒါပဲ ရှိနေ သေးတယ်။ ဒါပေမယ့် ကျောင်းသားလူငယ်တွေရဲ့ စိတ်ဓာတ်ကတော့ အပြည့်ပဲ။ ကျနော်တို့ စခန်းမှာ ညဆိုရင် အလှည့်ကျ ကင်းစောင့်ရတယ်။ ဘယ်သူမှတော့ လာရန်ပြုဖို့ မရှိပါဘူး။ နာရီအလှည့်ကျ ကင်းချတယ်။ စခန်းကော်မီတီကလည်း အလှည့်ကျ တာဝန်မှူးတွေအနေနဲ့ ကင်းစစ်ကြတယ်။ ကင်းပျက်ကွက်ရင်၊ အိပ်ရင် ဒဏ်ပေးခံရတယ်။ ဒဏ်ပေးတာကို လည်း တက်တက်ကြွကြွ ထမ်းဆောင်ကြတယ်။ ပြောရရင် စခန်းကော်မီတီက တော်လွန်းလို့ ဒီလိုစနစ်တကျ ဖြစ်နေတာ မဟုတ်ဘူး။ လူတဦးချင်းစီက အသိစိတ်နဲ့ စွန့်လွှတ်အနစ်နာခံမှု၊ ကိုယ်စီထည့်ဝင် နာခံကြလို့သာ အခုလို စနစ်တကျ ဖြစ်နေကြတာလို့ ဆိုနိုင်တယ်။ ရွာနီးချုပ်စပ်က မွန်ရွာသားတွေကတော့ ရိုးသားပါတယ်။ သူတို့က မွန်ပြည်သစ်ပါတီကို 'မွန်အစိုးရ'လို့ ခေါ်ကြတယ်။ သူတို့ သိထားသလိုပေါ့။ ကျနော်တို့ ကျောင်းသားအဖွဲ့တွေကိုတော့ 'ကျောင်းသားအစိုးရ' လို့ ခေါ်ကြတယ်။
ကျနော်တို့မှာ ဖျော်ဖြေရေးကတော့ ကံကောင်းထောက်မ ရှိနေခဲ့တယ်။ ဘုရားသုံးဆူရွာမှာ တခါတလေ ကားနဲ့လာ၊ ဖျင်ကာ ရုံထိုးပြတဲ့ ရုပ်ရှင်ရှိတယ်။ ကျနော်တို့စခန်းနာက နမ့်ကိတ်ကျေးရွာထိပ်မှာ သစ်သားရုပ်ရှင်ရုံကြီး တခုရှိတယ်။ အဲသည်မှာ ထိုင်းရုပ်ရှင်တွေ ၃ ကားကို ၅ ဘတ်ပေးလို့ ကြည့်နိုင်တယ်။ ရုပ်ရှင်ပြတဲ့နေ့ဆို "ပွိုက်ကား ပစွန်းကီး" (၃ ကား ၅ ကျပ်) ဆိုပြီး အသံချဲ့စက်နဲ့ ကြော်ငြာတတ်တယ်။ ကျနော်တို့ကတော့ ရုပ်ရှင်တကားပီးရင် ရုံဖွင့်ချိန်ကို စောင့်တယ်။ ကျနော်တို့က 'တကီးပါး ဖရီးကီး' (တကားပီးရင် ဖရီး Free) လို့ ဆိုကြတာပေါ့။ ဒါပေမယ့် ညနက်တိုင် ရုပ်ရှင်ကြည့်ဖို့ ဆိုတာက မနက် သင်တန်း ပီတီထပြေးရဦးမယ်ဆိုတော့ သောကြာ၊ စနေနေ့မျိုးပဲ ကြည့်နိုင်ကြတယ်။ အေးတဲ့ဆောင်း တွင်း ဖြစ်လို့ ရုပ်ရှင်ရုံရှေ့ နှင်းမှုန်မှုန်မှာ စောင်ကြီးခြုံပြီး၊ ကောင်းဘွိုင်တွေလို ရုံအဖွင့်ကို စောင့်ကြတယ်။ ဘေထုပ်က ရလာတဲ့ ဂျက်ကက်၊ ဂျာကင်၊ ကုတ်အင်္ကျီအရှည်နဲ့ ရှိုးထုတ်ဟန်ရေးပြကြတယ်။ စခန်းထဲမှာ လူဆိုးလည်း ရှိတာပေါ့။ ကိုယ်ရလာ တဲ့ စောင်ကိုရောင်း၊ အရက်နဲ့လဲသောက်တဲ့သူတွေလည်း ရှိတယ်။ အဲသည်တော့ "စောစောထရင် ဖိနပ် ရမယ်။ စောစောအိပ်ရင် စောင်ရမယ်" ဆိုတဲ့ အဆိုလည်း ရှိသေးတယ်။ စောင်တွေ ဖိနပ်တွေ ပျောက်ရှကုန်တော့ စောင်ရဖို့၊ ဖိနပ်ရဖို့ လုယက်ကြရတယ်။
ကျနော်တို့ ရောက်ပြီးတဲ့နောက်နှစ်၊ ၁၉၈၉ ခုနှစ် သြဂုတ်လ ၈ ရက်နေ့မှာ ဘုရားသုံးဆူကျေးရွာမှာ '၈၈၈၈ နှစ်ပတ်လည် အခမ်းအနား' ကို ၁၀၁၊ ၁၀၂ တပ်ရင်းတွေ ပေါင်းစည်းကျင်းပတယ်။ မဟာမိတ်အဖွဲ့အစည်းတွေကိုလည်း ဖိတ်ကြား ဟောပြောစေတယ်။ ကေအဲန်ယူအဖွဲ့အစည်းက တပ်မဟာ-၆ (ဒူးပလာယာခရိုင်) ဥက္ကဋ္ဌ စောတာအယ် (စောတင်ဦး) တက်တယ်။ မွန်ပြည်သစ်ပါတီက ဒုတိယဥက္ကဋ္ဌ နိုင်နွန်လာ၊ တွဲဘက်-အတွင်းရေးမှူး နိုင်ဟံသာတို့ တက်ရောက် စကား ပြောကြတယ်။ ကျနော်တို့ ကျောင်းသားအဖွဲ့တွေကိုယ်စား ရေးမြို့က ကိုကိုဦး၊ ကိုမောင်မောင်ကြီး (နှစ်ဦးလုံး ကွယ်လွန်) တို့က အခမ်းအနားမှူးလုပ်၊ စကားပြောကြတယ်။ စကားပြောနေဆဲမှာပဲ နိုင်နွန်လာ ခေါက်ကနဲ ပုံကျသွားတယ်။ မွန် ရဲဘော်တွေက သေနတ်တွေနဲ့ စင်ပေါ်ပြေးတက်သွားပြီး လုံခြုံရေးယူကြတယ်။ ထင်တာက လက်ဖြောင့်သေနတ် သမား တယောက်ယောက်က ပစ်ခတ်လုပ်ကြံလေသလားပေါ့။ မွန်ဆေးမှူးတယောက် စင်ပေါ်တက်သွားပြီး စစ်ဆေးတယ်။ မွန်ပြည်သစ်ပါတီရဲ့ ဒု-ဥက္ကဋ္ဌဖြစ်သူ နိုင်နွန်လာ (ခေါ်) နိုင်ဆိတ်နို့ နှလုံးရောဂါနဲ့ ၈၈၈၈ နှစ်ပတ်လည် အခမ်းအနား စင်ပေါ် မှာတင် အသက်ပျောက်ခဲ့ရတယ်။
ကျနော်တို့ ရောက်ပြီး မကြာခင်လများအတွင်းမှာ ဆေး-၂ က နောက်တသုတ်အဖြစ် ကိုဝင်းနိုင်ဦး (ယခု ကိုရင်မောင် BBC အသံလွှင့်ဌာန) စခန်းကို ရောက်လာခဲ့တယ်။ ကျနော်တို့တောခိုမယ် ကြံစဉ်က စာရင်းရှည်ကြီးပေးထားတဲ့ ကလေးတွေက အကြောင်းအမျိုးမျိုးကြောင့် တယောက်ပြီးတယောက် လာနှုတ်ထွက်သွားကြတယ်။ သူထွက်လာစဉ်က ဆေး-၂ က သူ တယောက်ပဲ ပါတော့တယ်။ သူ့သူငယ်ချင်း ဆေးကျောင်းသား ကိုအောင်အောင်၊ ရန်ကင်းက သူ့သူငယ်ချင်း တေဇမင်း (သူကလည်း လူနောက်ဖြစ်လို့၊ ပျော်ပျော်နေတတ်လို့ ကျနော်တို့က 'ဇာဇာ' လို့ နောက်ပြောင်ခေါ်ကြတယ်) ပါလာခဲ့တယ်။ သူကလည်း လူဆိုး၊ ဆေးတက္ကသိုလ်တက်ရင်း ဆေးတပ်ထဲဝင်ဖို့ စစ်တပ်ရဲ့ ကြိုတင်လစာ (Army stipend) ခံစားနေသူ၊ သူတောထဲထွက်လာတော့ သူမိဘတွေက အဲဒီငွေတွေကို ပြန်လျော်ကြရတယ်။







ဘုရားသုံးဆူ နေ့ရက်များ (၃)
=================
ကျနော်တို့ ကျောင်းသားစခန်းက ရဲဘော်တွေက အားလုံး စာတတ်တွေချည်း၊ ကိုယ့်ကိုကိုယ် ထင်တလုံးနဲ့ လာကြတဲ့ မြို့နယ်အသီးသီးက သပိတ်ခေါင်းဆောင်တွေ။ စာတတ်တယ်၊ စကားကတ်တယ်၊ စကားတလုံးကို သက်သေ အကိုး အကားနဲ့ မရအရ ငြင်းခုန်ကြသူတွေ။ တခါတလေ မဟာမိတ်နယ်မြေ တာဝန်ခံတွေကလည်း လျှာရှည်လွန်းလို့ စိတ် ညစ်ကြရတယ်။
သူများစခန်းက သတင်းတွေကြားရတာ၊ ကျောင်းသားတွေ စာတတ်များ ကပ်ပုံကလည်း မလွယ်ကြော...။ သေဘောပိုး စခန်းက အဖြစ်အပျက်တခု ကျနော်ကြားဖူးသေးတယ်။ သေဘောပိုးစခန်းမှာ စစ်ပူလာတော့ ကျောင်းသားဆက်ဆံရေး တာဝန်ခံ ဖိုးလော်ကွားက အမိန့်ထုတ်တယ်။ ညအခါ လက်နှိပ်ဓာတ်မီး မသုံးရ။ မီးခွက်၊ မီးအိမ်များနှင့် သွားလာရမယ်.. စသဖြင့် ဆိုတယ်။ အကြောင်းကတော့ ရန်သူ့စစ်တပ်တွေလာရင် လက်နှိပ်ဓာတ်မီးသုံးကြတဲ့အခါ၊ ညအခါ တက်လာရင် လူခွဲခြား စစ်ဆေးနိုင်ဖို့ပေါ့။ ဒါပေမယ့် ကျောင်းသား ကိုစာတတ်တွေက အသက်နဲ့ရင်းပြီး ကပ်သီးကပ်သတ် လုပ်တယ်။ မီးခွက်၊ မီးအိမ်တွေနဲ့ သွားလာကြတယ်။ ဒါပေမယ့် မီး မထွန်းထားဘူး။ မီးခွက်ကြီးကို ဒီအတိုင်းကိုင်ပြီး သွားလာနေကြ တာ။ နောက်တော့ "မီးထွန်း၍" ဆိုတဲ့ စာသားကို ထပ်ဖြည့်ပေးရတယ်။ အဲသည်မှာပဲ ကျောင်းသားတယောက်က ရွာသား တဦးရဲ့ နွားကို သွားခိုးလာခဲ့တယ်။ နောက်တော့ သူ့ကို စစ်ဆေးတော့ ပြောတယ်။ "ကျနော် မခိုးရပါဘူး။ ကျနော်က ကြိုး လေးကို အသာလေးကိုင်လာတာပါ။ အဲဒါ သူက နောက်က တကောက်ကောက်လိုက်လာခဲ့တာ… " အဲသလိုလူတွေ။ ဒါ ကြောင့်လည်း ငှက်ဖျားပိုးထက်ဆိုးတဲ့ 'သေဘောပိုး' လို့ သူတို့စခန်းကို ခေါ်ကြတယ်။
ဒီလိုနဲ့ ဒု-ဥက္ကဋ္ဌ နိုင်နွန်လာရဲ့ ဈာပနအခမ်းအနားကို ၇ ရက်တိုင်တိုင်လုပ်တယ်။ ကျွေးမွေးတာ ကြက်၊ ဝက်၊ အမဲ အလျှံ ပယ်ပဲ။ ကျနော်တို့ စခန်းတွေအားလုံးလည်း မီးခိုးတိတ်။ ကျနော်တို့အားလုံးကလည်း အသားကောင်း ငတ်နေကြတာ ကြာပြီ။ အသုဘမှာ နေ့တိုင်း မနက်-ည ဆွဲရေးသွားပေးကြတယ်။ ကျနော်တို့ စစ်သင်တန်းတွေလည်း ဒီကာလရပ်ထား လိုက်ကြရတယ်။ စခန်းမှာဆို စခန်းအစောင့်လောက်ပဲကျန်တယ်။ အားလုံးက ဈာပနမှာပဲ သွားသွား ရှိနေကြတယ်။ ၁၀၁- ၁၀၂ ဒီနေရာမှာတော့ အားလုံးက ညီကြတယ်။ စားကောင်းသောက်ကောင်းအောင်လည်း ဒု-ဥက္ကဋ္ဌကြီး ကောင်းကြောင်း ပြောကြသေးတယ်။ အချို့ကဆို မျက်ရည်လေးစမ်းစမ်းနဲ့။ မွန်တွေကတော့ သူတို့ ဒု-ဥက္ကဋ္ဌကြီးကို ကျောင်းသားတွေ တကယ်တန်ဖိုးထား ချစ်မြတ်နိုးကြတယ် ထင်ပေလိမ့်မယ်။ ဒါပေမယ့် ပြန်ပြောတာ ကြားရင် သူတို့ရင်ကွဲမှာ။ အချို့က ပြောကြတယ်။ "ဒုဥက္ကဋ္ဌတောင် ဒီလောက်ကျွေးမွေးတာဆိုရင်၊ ဥက္ကဋ္ဌဆိုရင် ဘယ်လောက်ကျွေးမွေးလိုက်မလဲ မသိဘူး" ဆိုပြီး ပြောကြတာ။ မွန်ပြည်သစ်ပါတီ ဥက္ကဋ္ဌကြီး နိုင်ရွှေကျင်လည်း မျက်ခုံးလှုပ်နေလောက်တယ်။
ကျနော်တို့က နိုင်ငံရေး၊ စစ်ရေး၊ တော်လှန်ရေး ဘာအတွေ့အကြုံမှ မရှိပါဘူး။ အဲသည်တော့ နီးစပ်ရာ မဟာမိတ်ကို ပုံတူ ကူးချကြတယ်။ မွန်နဲ့နီးတဲ့ ကျောင်းသားက မွန်ပြည်သစ်ပါတီနဲ့ သူ့တပ်မတော် ဖွဲ့စည်းပုံကို ကြည့်တယ်၊ အတုယူတယ်။ အလားတူပဲ ကရင်ဖက်ရောက်တဲ့ ကျောင်းသားတွေကလည်း ကရင်ဖက်က တပ်ဖွဲ့စည်းပုံ၊ အဖွဲ့အစည်း ဆောင်ရွက်ပုံကို အတုယူကြတယ်။ ကချင်ဖက်က ကျောင်းသားတွေလည်း အလားတူပဲ။ ကချင် ကေအိုင်အေတပ်ဖွဲ့စည်းပုံကို အတုယူကြ တယ်။ အမှန်ပြောရရင် ABSDF ဖွဲ့စည်းပုံအခြေခံ ဥပဒေကို ဆွဲကြတော့ ၁၉၇၄ (မဆလ) ဖွဲ့စည်းပုံအခြေခံဥပဒေကို အတုယူပြီး ရေးကြတာ။ ပြောရရင် ကျနော်တို့လည်း ဘာဖွဲ့စည်းပုံဥပဒေမှ မြင်ထားဖူးတာ မရှိဘူး။ မုဆိုးစိုင်သင်ပဲ။ ဒီလိုနဲ့ လေ့လာဖြတ်သန်းခဲ့ကြရတာ။ ကျနော်တို့က မွန်ပြည်သစ်ပါတီနဲ့ နီးတော့ သူတို့ဖွဲ့စည်းပုံမှာ နိုင်ငံရေးကို အလေးပေးတယ်။ စစ်တပ်က နိုင်ငံရေးရဲ့ သြဇာခံပဲ။ မွန်ပြည်သစ်ပါတီရဲ့ နိုင်ငံရေးမူဝါဒက လက်ဝဲသဘောဆန်တယ်။ ကွန်မြူနစ်အယူအဆ (ကျနော်တို့ကတော့ 'တိုးတက်တယ်'လို့ သုံးနှုန်းကြတယ်) ကို အခြေခံထားတယ်။ အဲသည်မှာ နိုင်ငံရေးက ဦးဆောင် တယ်။ တပ်ကိုဦးဆောင်ဖို့ နိုင်ငံရေးခေါင်းဆောင်တွေ ပါဝင်ပြီး စစ်ကော်မရှင်ဖွဲ့တယ်။ အဲသည်အောက်ကမှ မွန်အမျိုးသား လွတ်မြောက်ရေးတပ်မတော် (MNLA) ရှိတယ်။ မြို့နယ်၊ ခရိုင်အဆင့် ဖွဲ့စည်းပုံတွေမှာလည်း မြို့နယ် ကော်မီတီတွေက သြဇာရှိတယ်။ ပြီးတော့မှ တပ်ခေါင်းဆောင်တွေ အာဏာရှိတယ်။ ကျနော်တို့လည်း သူတို့ပုံစံကို အတုခိုးကြတယ်။ နောက်ပိုင်း စစ်ကြောင်းတွေ ဖွဲ့တဲ့အခါ စစ်ကြောင်းနိုင်ငံရေးမှူး၊ စစ်ကြောင်းမှူး စသည်ဖြင့် နိုင်ငံရေးကို အဓိကထား၊ ပြီးတော့မှ စစ်ရေးခေါင်းဆောင်ကို ဒု-ခေါင်းဆောင်သဖွယ် ဖွဲ့စည်းကြတယ်။ ကျေးဇူးတင်စရာ ပြောရမယ်ဆိုရင်ဖြင့် မွန် ပြည်သစ်ပါတီ ထိန်းချုပ်ရာဒေသမှာ နေခဲ့စဉ် သတ်ဖြတ်ခံရတဲ့ ကျောင်းသားအရေအတွက်ဆိုရင် (၀) သုညပဲ။ ကျန်တဲ့ ဒေသတွေမှာ ရှိခဲ့တယ်။
ကျနော်တို့ ကျောင်းသားအဖွဲ့တွေနဲ့ ဆက်ဆံဖို့ တာဝန်ချပေးခံရသူတွေက မွန်ပြည်သစ်ပါတီ၊ မော်လမြိုင်ခရိုင် ဥက္ကဋ္ဌ နိုင်ဗညားအောင်၊ ကေအဲန်ယူဖက်ကဆိုရင် ဆရာမန်းအောင်ဌေး (ယခု နယူးဇီလန်) တို့ ပါတယ်။ ဒီသူတွေဟာ သံတမာန် ရေး ဆက်ဆံရေး ညက်ညောပြီး၊ ပင်ကိုယ်စိတ်ရင်းကလည်း ကောင်းကြတယ်။ ကျနော်တို့ ကျောင်းသားအဖွဲ့ဒဏ်ကိုလည်း ခံကြရတယ်။ နိုင်ဗညားအောင်က ပုဆိုးတိုတို၊ ဂင်တိုတို၊ မဲမဲနဲ့ ဗလတောင့်တောင့်၊ လယ်သမားတယောက်နဲ့ ပိုတူတယ်။ သူ့အိမ်မှာ ကျောင်းသားအဖွဲ့တွေက စားအိမ်သောက်အိမ်။ သူက ကျနော်တို့ ပြဿနာတွေကို ကူညီဖြေရှင်းပေးသလို၊ တတ်နိုင်သမျှ နိုင်ငံရေးသဘောတရားကိုလည်း သင်ပေးတယ်။ နောက်ပိုင်း ကွယ်လွန်သွားတယ်လို့ ကြားရတယ်။ ဆရာ မန်းအောင်ဌေးကတော့ မြစ်ဝကျွန်းပေါ်သားကရင်၊ ၁၉၆၂ ကျောင်းသား လှုပ်ရှားမှုတွေမှာလည်း အနည်းအကျဉ်း ပါဝင် ပတ်သက်ဖူးတယ်လို့ ဆိုတယ်။ သူကစိတ်ကောင်းရှိတယ်။ စကားပြောရင် နှာခေါင်းကို တရှုံ့ရှုံ့နဲ့လုပ်ပြီး ပြောတတ်တယ်။ တခါ ကျနော်တို့ စစ်ကြောင်းဆင်းဖို့ သွားပြောတော့ သူက ပျော်ပျော်ကြီးလိုက်လာတယ်။ သူ့အိမ်က မိန်းမ၊ ကလေးတွေ အတွက် ဘာမှ မထားပေးခဲ့ဘူး။ သူ့မိသားစုကလည်း ဒီဒဏ်တွေကို အထာကျနေပုံရတယ်။ ကျနော်တို့က မတတ်သာလို့ ဆန်တအိပ်သွားပို့ပေးရတယ်။ သူ့ကလေးကလည်း အများသား၊ "အောင်သူရာ…. အကြီးကို အငယ်က ထိန်းသွားလိမ့် မပေါ့ကွာ" လို့ ဆိုတယ်။ အဲသည်လိုပဲ ကလေးအငယ်ကို ကလေးအကြီးက ထိန်းကျောင်းရင်း တွဲလောင်းတွဲလောင်းနဲ့ မိသားစုဘဝ ဖြတ်ခဲ့ပုံရတယ်။ တခါတလေကျတော့ ကေအဲန်ယူက ဗိုလ်မှူးတူးတူးလေး၊ မန်းအောင်တင်မြင့်တို့နဲ့လည်း တွေ့ဆုံဆက်ဆံရတယ်။ (မန်းအောင်တင်မြင့်က နောက်ပိုင်း သုမုဟဲ တပ်ရင်း-၁၆ ခွဲထွက်လက်နက်ချတော့ ပါသွားတယ်။ ပြီးခဲ့တဲ့ လွှတ်တော်သက်တန်းက ပြည်သူ့လွှတ်တော်ကိုယ်စားလှယ်အဖြစ် တခါ ပြန်ဆုံရတယ်)။
ကျနော်တို့ စစ်သင်တန်းတွေ စလုပ်တော့ တူညီဝတ်စုံအဖြစ် စစ်ရောင်တီရှပ်အပေါ်မှာ ခွပ်ဒေါင်းကို အစိမ်းရောင်ဆွဲ ထားတဲ့ အင်္ကျီတထည်၊ ဘောင်းဘီတိုတထည် ရကြတယ်။ ဒါနဲ့ဝတ်စုံတူညီ စစ်သင်တန်း ဆင်းနိုင်ကြတယ်။ ကျနော်က လူပျော့၊ အမြင့်မှာကြိုးတန်းဆင်ပြီး တဖက်ကို တွားလျှောက်ရတဲ့ လေ့ကျင့်ခန်းမျိုးဆိုရင် မလုပ်နိုင်ဘူး။ ဒါပေမယ့် မအတာ တို့လို မိန်းကလေးတွေကတောင် ရဲရဲတောက် လုပ်နိုင်ကြတယ်။ ပင်ပန်းတော့ အဖျားအနာလည်း ထူကြတယ်။ ဘုရား သုံးဆူဒေသမှာ အဆိုးဆုံးကတော့ ငှက်ဖျားပဲ။ ကွီနိုင်ဆေးမတိုးတဲ့ ငှက်ဖျားလို့ ဆိုနိုင်တယ်။ ငှက်ဖျားဖြစ်ရင် လက္ခဏာ ပေါင်းစုံဖြစ်တယ်။ ဗိုက်အောင့်တာမျိုးလည်း ဖြစ်တယ်။ တုန်ဖျားမယ်၊ သွေးဆုတ်လို့ ဖြူလျော့သွားမယ်။ အဆိုးရွားဆုံးက ငှက်ဖျား ဦးဏှောက်ထဲပိုးဝင်ပြီး ရူးသွပ်တာမျိုး၊ သေတာမျိုးလည်း ဖြစ်နိုင်တယ်။ ကျနော်တို့ စခန်းမှာ ငှက်ဖျားဦးဏှောက် ထဲပိုးဝင်လို့ ရူးသွပ်ဖူးသူ ရဲဘော်တွေလည်း ရှိခဲ့တယ်။ Black water fever လို့ခေါ်တဲ့ ကိုယ်ထဲမှာ သွေးနီဥတွေပေါက်ကွဲ ပြီး၊ ဆီးအမဲရောင်သွားတဲ့၊ အသက်အန္တရာယ် အလွန်အမင်းစိုးရိမ်ရတဲ့ ငှက်ဖျားမျိုးလည်း ကြုံရတယ်။ ကျနော်တို့လည်း မုဆိုးစိုင်သင် ငှက်ဖျားကျွမ်းကျင်သူတွေ ဖြစ်လာကြတယ်။ ဆေးရုံမှာ လူနာတွေအတွက် ဓာတ်စာချက်ပြုတ်ပေးတဲ့ စေတနာ့ဝန်ထမ်း ရဲဘော်တွေလည်း ရှိတယ်။ အမျိုးသမီးဘားတိုက်က ရဲဘော်တွေကလည်း လူနာပြုစုမှုကို ဝိုင်းဝန်းကူညီ ကြတယ်။ ကြံကြံဖန်ဖန်ကိစ္စတွေလည်း ရှိခဲ့တယ်။ မြို့မှာတုန်းက မူးယစ်ဆေးဝါးသုံးစွဲတာကို နှစ်ခြိုက်လာတဲ့ရဲဘော်တွေ၊ သူတို့က ဒီလောက်အရသာဆိုးတဲ့ ကွီနိုင်ကို လာတောင်းသောက်ပြီး၊ နားအူ ညံစီစီ ခပ်ထွေထွေဖြစ်ရတာကို အရသာ ယူကြတဲ့ သူမျိုးလည်း ရှိခဲ့တယ်။
စခန်းထဲမှာတော့ ကျနော်တို့အုပ်စု (ကျနော်၊ ကိုမင်းလွင်၊ ကိုသက်ဌေးနိုင်၊ ကိုဝင်းနိုင်ဦး၊ ကိုအောင်အောင်၊ ကိုတေဇမင်း) အချင်းချင်း ပိုတွဲမိကြတယ်။ နောက်ပိုင်းတော့ စခန်းစာကြည့်တိုက်တာဝန်ယူတဲ့ ကိုအောင်နိုင်ဦး (ယခု USA)၊ ကိုစိုးအောင် တို့နဲ့ ပိုတွဲဖြစ်ကြတယ်။ [ကိုစိုးအောင်က သံသယရှိဖွယ်ကောင်းလောက်အောင် နောက်ပိုင်းပြန်ကို မတွေ့ဘူး၊ ပျောက်သွား တယ်]။ ဒီအချိန်မှာ ကိုဝင်းမင်းကတော့ ကေအဲန်ယူ တပ်မဟာ (၄)၊ မင်းသမီးစခန်း (တပ်ရင်း ၂၀၁) မှာ ဆေးမှူးမရှိဘူး ဆိုလို့ အကူအညီတောင်းလို့ ပေးလိုက်ကြရတယ်။ တခါတလေ သူစံခပြန်လာရင်တော့ တွေ့ကြတယ်။ တခါတလေ ရုပ်ရှင် ရုံဖက်က ကော်ဖီ၊ ကွတ်တယိုဆိုင်လေးကို မနက်စာ သွားစားကြတယ်။ အဲသည်အချိန်က ထိုင်း-မြန်မာ ငွေလဲနှုန်းက ဘတ်တိုက်-ကျပ်တိုက် နီးပါးပဲ။ မြန်မာငွေ ၁၀၀ ပေးရင်၊ ထိုင်းငွေ ၈၀ ဘတ်လောက်ရတယ်။ ကျနော်တို့ ကျောင်း သမဂ္ဂ ရန်ပုံငွေက ငွေကျပ် ၇၀၀၀ လောက် ပါလာခဲ့တယ်။ ဒီငွေတွေကို ကျနော်တို့လည်း သုံးစရာ အထူးမရှိတော့ ကိုမင်းလွင် ကိုပဲ ငွေကိုင်သဘော ပေးထားလိုက်ကြတယ်။ ကျနော်တို့ တဦးချင်းရတဲ့ အသုံးစားရိတ် ဘတ် ၅၀ ကိုလည်း သုံးစရာ သိပ်မရှိလှဘူး။ ကျနော်တို့ နောက်ပိုင်းအိုးအတူတူ စားတဲ့ သံဖြူဇရပ်အုပ်စုက ကျနော်တို့ ဆရာဝန်အုပ်စုက ရိက္ခာငွေကို မယူဘူး။ ကျန်ရဲဘော်တွေကတော့ တယောက် ဘတ် ၃၀ ရိက္ခာဖိုးထဲ ထည့်ကြရတယ်။ ကျန်တဲ့ ဘတ် ၂၀ ကတော့ ဆေးလိပ်၊ သွားရေစာဖိုးပေါ့။ ဆေးလိပ်လည်း မသောက်တတ်တော့ ကျနော်တို့ရတဲ့ ဘတ် ၅၀ က အသားတင်လို ဖြစ်နေတယ်။ တခါတလေ ကော်ဖီသောက်၊ ကွတ်တယို ခေါက်ဆွဲစား လောက်ပဲရှိတယ်။
ဒီကာလထဲမှာ တိုင်းပြည်ထဲမှာ ဖိနှိပ်မှုတွေက တိုးလာနေတယ်။ ၁၉၈၉ ခုနှစ်၊ မတ်လ ၂၃ ရက်နေ့မှာ ဗကသဥက္ကဋ္ဌ ကိုမင်းကိုနိုင်ကို ဖမ်းခံလိုက်တယ်။ သိပ်မကြာခင်မှာပဲ လူ့ဘောင်သစ်ပါတီ ဒု-ဥက္ကဋ္ဌကိုသက်ထွန်းကို ဖမ်းဆီးထိန်းသိမ်း လိုက်ပြန်တယ်။ ဧပြီလထဲမှာ ကိုအောင်ဒင် အပါအဝင် ဗကသခေါင်းဆောင်တွေ ထပ်ပြီး ဖမ်းဆီးခံရပြန်တယ်။ လူ့ဘောင် သစ်ဒီမိုကရက်တစ်ပါတီ ခေါင်းဆောင် ကိုမိုးသီးဇွန်ကတော့ ၁၉၈၉ ခုနှစ်၊ သင်္ကြန်အပြီးလောက်မှာ ထိုင်း-မြန်မာနယ်စပ် ကို ထွက်ပြေးလာခဲ့တယ်။ သူနဲ့အတူ လူ့ဘောင်သစ်ရဲဘော်များလည်း နယ်စပ်ဒေသကို တဖွဲဖွဲ့ လိုက်လံထွက်ပြေးလာကြ တယ်။
ဒီကာလထဲမှာ ABSDF ဗဟိုကတော့ အခု NLD အစိုးရနဲ့ တူလှတယ်။ ဘုန်းကြီးကျောင်းသားတွေ ဘောလုံးကန်သလိုပဲ။ ဘောလုံးတလုံးနောက်ကို တအုပ်ကြီးလိုက်နေကြတယ်။ အထူးဧည့်သည့်တယောက်ကို လိုက်ပို့တယ်ဆိုရင်လည်း သူလည်းပါ၊ ကိုယ်လည်းပါပေါ့။ အဲဒီအချိန်က အမေရိကန်က လာတဲ့ဧည့်သည် မီမီမြင့်ဖူးက နာမည်ကျော်လှတယ်။ ခပ်တောင့်တောင့်ဖြောင့်ဖြောင့်၊ ကျနော်တို့လည်း တောထဲနေတာကြာတော့ ဆင်မကြီးတောင် လှလာသလိုလို ဆိုတာ မျိုး ဖြစ်နေကြတယ်။ ဒါပေမယ့် အာရှကျောင်းသား သမဂ္ဂ (ASA)၊ ထိုင်းကျောင်းသား သမဂ္ဂတွေနဲ့ အချိတ်အဆက် ရလာကြ တယ်။
၁၉၈၉ ခုနှစ်ထဲမှာတော့ နိုင်ငံတကာမှာ ထူးခြားတဲ့ အဖြစ်အပျက်ကြီးတွေ ဖြစ်ပေါ်နေခဲ့တယ်။ ၁၉၈၉ ခုနှစ်၊ နိုဝင်ဘာလမှာ အရှေ့ဂျာမဏီနဲ့ အနောက်ဂျာမဏီကို ဒုတိယကမ္ဘာစစ်ကတည်းက ပိုင်းခြားထားတဲ့ ဘာလင်တံတိုင်းကို စတင်ပြီး တရားဝင် ဖွင့်ပေးလိုက်တယ်။ ၁၉၉၀ ခုနှစ်၊ ဇွန်လမှာ ဘာလင်တံတိုင်းကို တရားဝင်စတင်ဖြိုချတာဟာ ၁၉၉၂ မှာ ပြီးစီးသွားတယ်။ ဒါဟာ ကွန်မြူနစ်တွေရဲ့ သံကွန်ချာကျိုးပျက်ခြင်းနဲ့ ဒီမိုကရေစီ တံခါးပွင့်လာမှုလို့ ဖော်ပြကြတယ်။ ၁၉၈၉ ခုနှစ်မှာပဲ အိမ်နီးချင်း တရုတ်နိုင်ငံမှာလည်း ကျောင်းသားတွေက ဒီမိုကရေစီပြုပြင်ပြောင်းလဲရေးတွေလုပ်ဖို့၊ အစိုးရက ပိုပြီး တာဝန်ယူ တာဝန်ခံမှုရှိဖို့၊ သတင်းစာလွတ်လပ်ခွင့်၊ လွတ်လပ်စွာ ပြောဆိုခွင့်တွေအတွက် တောင်းဆိုကြတယ်။ ဒီလို သပိတ်မှောက် ဆန္ဒပြပွဲတွေဟာ တရုတ်နိုင်ငံ မြို့ကြီး ၄၀၀ လောက်အထိ ပျံ့နှံ့သွားတယ်။ တရုတ်အာဏာပိုင်တွေက ၁၉၈၉ ခုနှစ်၊ မေလ ၂၀ ရက်နေ့မှာ မာရှယ်လော စစ်အုပ်ချုပ်ရေး ကြေညာတယ်။ တပ်နဲ့ လုံခြုံရေးအင်အား ၃ သိန်းလောက်အထိ ဖြန့်ကျက်ချထားခဲ့တယ်။ နောက်ပိုင်းမှာ သွေးထွက်သံယို ဖြိုခွဲမှုတွေ၊ ဖမ်းဆီးမှုတွေ ကျောင်းသားတွေဆန္ဒပြပွဲကို စာနာ ထောက်ခံကြတဲ့ ပါတီခေါင်းဆောင်တွေကို ဖြုတ်ထုတ်မှုတွေ ရှိခဲ့တယ်။ တရုတ်ကျောင်းသားတွေကို အကြမ်းဖက်ချေမှုန်း တဲ့အပေါ် ကန့်ကွက်တဲ့အနေနဲ့ ကျနော်တို့စခန်းမှာလည်း အာရှကျောင်းသားတွေနဲ့အတူ ဆန္ဒဖော်ထုတ်ပွဲတွေ လုပ်ခဲ့ကြ သေးတယ်။
ဒါပေမယ့် အိမ်နီးချင်း ထိုင်း-မြန်မာနိုင်ငံ ဆက်ဆံရေးမှာတော့ တမျိုးတဘာသာ၊ ထိုင်းနိုင်ငံမှာ အဲဒီအချိန်က ဝန်ကြီးချုပ် ချတ်ချိုင်းချူနာဝန်က ဦးဆောင်နေတယ်။ သို့သော်လည်းပဲ မြန်မာနိုင်ငံနဲ့ ဆက်ဆံရေး၊ သံတမာန်ရေးကို ဦးဆောင်ခဲ့သူက ထိုင်းစစ်ဦးချုပ် (Supreme Commander) ချာဗာလစ် ယောင်ချိုင်ယုပဲ။ သူက ၁၉၈၈ ခုနှစ်၊ မတိုင်မီ ကာလများ ကတည်းက မြန်မာနိုင်ငံကို ဝင်ထွက်လည်ပတ်ဖူးတယ်။ မြန်မာစစ်အရာရှိတွေနဲ့ ဆက်ဆံရေးကောင်းတယ်။ စစ် အာဏာသိမ်းအပြီး ၁၉၈၈ ခုနှစ်၊ ဒီဇင်ဘာလ ၁၄ ရက်နေ့မှာ မြန်မာနိုင်ငံကို သွားလည်ပတ်ခဲ့ပြီး၊ စစ်အာဏာသိမ်း ခေါင်းဆောင် ဗိုလ်ချုပ်ကြီးစောမောင်ကို 'အစ်ကိုကြီး' လို့ ခေါ်ခဲ့တယ်။ ဆက်ဆံရေးတွေ ပြေပြစ်ရေးအတွက် ထိုင်းနိုင်ငံ ရောက် မြန်မာကျောင်းသားတွေကို ပြန်ပို့ပေးဖို့ သဘောတူညီခဲ့တယ်။ မြန်မာစစ်အစိုးရကလည်း ကျောင်းသားတဦး ပြန်ပို့ ပေးရင် ဘတ် ၅၀၀၀ ဆုချမယ်ဆိုတာမျိုး ကမ်းလှမ်းခဲ့တယ်။ အဲဒီနောက်ပိုင်းမှာတော့ ထိုင်းနိုင်ငံက သစ်ထုတ်ခွင့်၊ ငါးဖမ်း ခွင့်၊ စီးပွားရေး လုပ်ကွက်လုပ်ကွင်းတွေ အများအပြားရခဲ့တယ်။

ဘုရားသုံးဆူ နေ့ရက်များ (၄)
============
နိုင်ငံရေးအကွက်များ- အုပ်စုများ
-----------------------
ကျနော်ထင်မှတ်မထားဘဲ ဘုရားသုံးဆူ တပ်ရင်း (၁၀၁) စခန်းဥက္ကဋ္ဌအဖြစ် ရွေးချယ်ခံရတယ်။
ဖြစ်ပုံက ဒီလို၊ သံလွင် ဥသုထစခန်းမှာ ကျင်းပတဲ့ ABSDF အရေးပေါ် ညီလာခံမှာ ဘုရားသုံးဆူစခန်းက ဒေါက်တာ နိုင်အောင်က ဒု-ဥက္ကဋ္ဌ (၂) အဖြစ် ရွေးချယ်တင်မြှောက်ခံရတယ်။ ပထမအကြိမ် ABSDF ဖွဲ့စည်းတဲ့ ညီလာခံတုန်းက ဥက္ကဋ္ဌ -ကိုထွန်းအောင်ကျော်၊ ဒု-ဥက္ကဋ္ဌ ကိုဝင်းမိုး (ယခု USA)၊ ကိုသန်းဝင်း (အထွေထွေအတွင်းရေးမှူး) (ယခု -USA)၊ တွဲဘက် အထွေထွေအတွင်းရေးမှူး (၁) ကိုအောင်နိုင် (ယခု VOA ဦးသန်းလွင်ထွန်း)၊ တွဲဘက်အထွေထွေအတွင်းရေးမှူး (၂) အဖြစ် ကိုကိုဦး (ယခု USA) တို့ကို ရွေးချယ်တင်မြောက်ခဲ့ကြတယ်။ ၁၉၈၈ နိုဝင်ဘာလ ၅ ရက်နေ့မှာ ညီလာခံပြီးခဲ့ တယ်။
ဒါပေမယ့် သိပ်မကြာခင်မှာပဲ သံလွင်မြစ်ဘေးက ဦးသုထစခန်းမှာ ၁၉၈၉ ခုနှစ်၊ ဖေဖေါ်ဝါရီလ ၁၄ ရက်နေ့ကနေ ၂၂ ရက် နေ့အထိ အရေးပေါ် ညီလာခံ ခေါ်ဆိုတယ်။ အဲဒီမှာ ဘုရားသုံးဆူ စခန်းက ဒေါက်တာနိုင်အောင်က ဒု-ဥက္ကဋ္ဌ (၂) အဖြစ် ရွေးချယ်ခံရတယ်။ ဖွဲ့စည်းပုံအသစ် ဖြစ်လာတယ်။ ဥက္ကဋ္ဌ- ကိုထွန်းအောင်ကျော်၊ ဒု-ဥက္ကဋ္ဌ (၁) ဦးယုနွယ်၊ ဒု-ဥက္ကဋ္ဌ (၂) ဒေါက်တာနိုင်အောင်၊ အထွေထွေအတွင်းရေးမှူး- ကိုသန်းဝင်း၊ တွဲဘက် အတွင်းရေးမှူး (၁) -စိုင်းဆာခေး၊ တွဲဘက် အတွင်းရေးမှူး (၂)- ကိုတင်စိုးနောင်.. အပါအဝင် ဗဟိုကော်မီတီဝင် ၁၄ ဦး ဖြစ်လာခဲ့တယ်။ [ဦးယုနွယ်ကတော့ ဘားအံ အထက (၁) မှာ ကျနော်အထက်တန်းတက်စဉ် သင်္ချာသင်ပေးခဲ့တဲ့ ဆရာအရင်းပဲ၊ ဘားအံသားတွေ အများစုရောက်ရှိ လာတဲ့ ဝမ်းခစခန်းကိုယ်စားလှယ်အနေနဲ့ ညီလာခံ တက်ရောက်လာခဲ့တယ်။]
အဲဒီအချိန်မှာ ဘုရားသုံးဆူ စခန်းက ခေါင်းဆောင်တွေဖြစ်ကြတဲ့ ဒေါက်တာနိုင်အောင်ရော၊ ကိုတင်စိုးနောင်ပါ ဗဟို ကော်မီတီ လူကြီးများအဖြစ် ရွေးချယ် ခံရတဲ့အခါ ဘုရားသုံးဆူစခန်းမှာ ကော်မီတီပြန်ရွေးဖို့ ဖြစ်လာခဲ့တယ်။ ဒါနဲ့ပဲ ကျနော်က မျှော်လင့်မထားဘဲ အများစုက စခန်းဥက္ကဋ္ဌအဖြစ် ရွေးချယ် တင်မြှောက်လိုက်ကြတယ်။ ဒေါက်တာနိုင်အောင် ကတော့ ဆေးတက္ကသိုလ် (၁) က နောက်ဆုံးနှစ်ကျောင်းသားတဦးဖြစ်တဲ့ ကိုဇော်ဦးကို ဥက္ကဋ္ဌအဖြစ် လျာထားပုံရတယ်။ သူက ဘန်ကောက်အသိုင်း အဝိုင်းမှာ ပေါက်ရောက်တယ်။ သို့သော် စခန်းထုနဲ့ အနေဝေးသလို ဖြစ်လာတယ်။ ဆေးခန်းမှာ စေတနာထားကုပေးတဲ့ ကျနော့်ကို အများက ရွေးတင်လိုက်ပုံရတယ်။ ကိုဝင်းနိုင်ဦးလည်း ကျန်းမာရေး တာဝန်ခံ EC အဖြစ် ရွေးချယ်ခံရတယ်။ ကိုတင်စိုးနောင်ရဲ့ညီ ကိုတင်စိုးမောင် (စက်မှုတက္ကသိုလ် ကျောင်းသား) က အထွေထွေအတွင်းရေးမှူး ဖြစ်လာခဲ့တယ်။ ဒီအခါမှာ ဒေါက်တာနိုင်အောင်က ကျနော်တို့ကို ပြန်ချုပ်ဖို့ ကြိုးစားလာတယ်။ နယ်မြေကော်မီတီဆိုတာ ဖွဲ့စည်းပြီး၊ ကိုဇော်ဦးကို စခန်း (၁၀၁) နဲ့ (၁၀၂) ပေါင်း နယ်မြေကော်မီတီ ဥက္ကဋ္ဌအဖြစ် တာဝန် ပေးတယ်။ ကျနော့်စွမ်းဆောင်မှုကို အားမရသေးလို့ စိတ်မချသေးလို့ ဖြစ်နိုင်သလို၊ အခြားကိစ္စတွေကို တွက်ဆ ဆောင် ရွက်တာလည်း ဖြစ်နိုင်တယ်။
အဲသည်အချိန်မှာ ABSDF ဗဟိုကော်မီတီမှာလည်း ပြဿနာတွေက အများသားပါ။ ကိုဝင်းမိုး၊ ကိုအောင်နိုင်၊ ကိုကိုဦးတို့ က ကေအဲန်ယူကို ပုတ်ခတ်တိုက်ခိုက်ပြီး မဲဆောက်မှာ စာထုတ်ဝေတယ်လို့ ဆိုတယ်။ ဒီအတွက်ကြောင့် ကေအဲန်ယူ ထိန်းချုပ်ရာဒေသထဲကို သူတို့ကို ပြန်လာဖို့ တားမြစ်ထားတယ်ဆိုတဲ့ သတင်းတွေလည်း ရှိတယ်။ အဲဒီကာလက သတင်း တွေကို ဘန်ကောက်ပို့စ်၊ သည်နေးရှင်း သတင်းစာတွေမှာ ပြန်ဖတ်ရတယ်။ ကျောင်းသားခေါင်းဆောင်တွေနဲ့ အင်တာဗျူး တွေမှာ 'ကရင်နဲ့ တပ်ပေါင်းစု ခေါင်းဆောင်တွေက အိုမင်းနေကြပြီ၊ တွေးခေါ်ပုံ ခေတ်နောက်ကျတယ်။ ဒီပုံမျိုးနဲ့ဆို တော် လှန်ရေး တသက်မအောင်မြင်ဘူး' ဆိုတာမျိုး ဝေဖန်တာတွေ ဖတ်ရတယ်။ ကရင်ခေါင်းဆောင်တွေကလည်း 'ကျောင်းသား ခေါင်းဆောင်တွေဟာ ခုမှလာပြီး တော်လှန်ရေးကို စိတ်ကူးယဉ်နေကြတယ်။ လက်တွေ့ဖြတ်သန်းမှု နည်းသေးတယ်' ဆိုတာမျိုး ပြန်လည်ဝေဖန်တာတွေ ဖတ်ရတယ်။ ၁၉၈၉ ဖေဖေါ်ဝါရီလ ၁ ရက်နေ့မှာ ဗဟိုကော်မီတီက ကိုဝင်းမိုး၊ ကိုအောင်နိုင်၊ ကိုကိုဦး၊ ကိုကျော်ထင်၊ ကိုဝမ်ဟုတ်၊ ကိုအာကာစိုးနောင်တို့ကို ရာသက်ပန်ထုတ်ပယ်ကြောင်း ကြေညာခဲ့ တယ်။ အကြောင်းပြချက်ကတော့ တာဝန်လစ်ဟင်းတယ်၊ ABSDF ညီညွတ်ရေး ထိခိုက်စေတယ်၊ မဟာမိတ်တွေကြား နားလည်မှု လွဲစေတယ်… စသည်ဖြင့် အကြောင်းပြတယ်။
တချိန်တည်းမှာ ဦးသုထစခန်း အရေးပေါ်ညီလာခံလုပ်တဲ့အခါမှာ ဗဟိုကို စင်ပြိုင်လုပ်တယ်လို့ ယူနေကြတဲ့၊ "ကေအဲန်ယူ နယ်မြေ ABSDF ဗဟိုကော်မီတီကိစ္စ" ကိုလည်း အရေးတကြီး ဆွေးနွေးကြရတယ်။ ကေအဲန်ယူဒေသအတွင်းမှာ ABSDF တပ်ရင်း (၂၀၁) ကနေ- (၂၁၀) အထိ ၁၀-ရင်းရှိနေတယ်။ ဒီစခန်းတွေ စုစည်းပြီး နယ်မြေကော်မီတီတရပ် ဖွဲ့ခဲ့တယ်။ ကေအဲန်ယူက ကျောထောက်နောက်ခံပြုထားပြီး ဗဟိုကော်မီတီကို စင်ပြိုင် ထားတယ်လို့ ယူဆနေကြတယ်။ ၁၉၈၈ ခုနှစ်၊ ဒီဇင်ဘာလ ၇ ရက်နေ့မှာ ဖွဲ့စည်းတဲ့၊ အဲဒီ ကေအဲန်ယူအစည်းအရုံးနယ်မြေ ကော်မီတီမှာ ဥက္ကဋ္ဌ- ကိုကျော်ကျော် (ယခု မဲဆောက်)၊ ဒုဥက္ကဋ္ဌ- ကိုမောင်မောင်တိတ် (ကွယ်လွန်)၊ ကိုစံရွှေအောင် (အတွင်းရေးမှူး)၊ ကိုမောင်မောင်စိုး (တွဲဘက် အတွင်းရေးမှူး-၁) (အမေရိကန်တွင်ကွယ်လွန်)၊ ကိုသန်းထိုက် (တွဲဘက် အတွင်းရေးမှူး-၂) အဖြစ် ပါဝင်ကြတယ်။ ဒီလို ကေအဲန်ယူနယ်မြေ ကော်မီတီကို ဖျက်ပေးဖို့ အစည်းအဝေးမှာ ကိုထွန်းအောင်ကျော်က ပြောတဲ့အခါ၊ ကေအဲန်ယူ အထွေထွေအတွင်းရေးမှူး ဖဒိုဘသင်က "ဥက္ကဋ္ဌ ကိုထွန်းအောင်ကျော်… ကေအဲန်ယူနယ်မြေ ကော်မီတီကို ဆက်ထား ပေးပါ။ ခင်ဗျားတို့ ဗဟိုကိုလည်း ကျနော်တို့ ကူညီပါ့မယ်" ဆိုပြီး ပြောတယ်။ ကိုထွန်းအောင်ကျော်နဲ့ ဖဒိုဘသင်အကြား တင်းမာမှုလည်း ဖြစ်ခဲ့ရတယ်လို့ သူစာအုပ်မှာ ရေးထားတာ ဖတ်ရသေးတယ်။ [ထွန်းအောင်ကျော်၊ ကိုယ်တွေ့ အတွေ့ အကြုံများ၊ လွင်ဦးစာပေ၊ ၂၀၁၇၊ စာ-၁၇၇)။ အဲဒီအချိန်မှာ ABSDF ခေါင်းဆောင်တွေက မဲဆောက်မှာလည်း တဗိုလ် တမင်း ထင်ရာလုပ်နေကြတယ်။ ABSDF ဖွဲ့ပြီး ၃-လအကြာ ရေကျော်စခန်းမှာလည်း ဗဟိုကို အာဏာသိမ်းတယ်ဆိုပြီး ဖြစ်ခဲ့သေးတယ်။
ABSDF ဘုရားသုံးဆူ စခန်းမှာ အေးအေးဆေးဆေး နေမယ်ဆိုပေမယ့်လည်း၊ သတင်းတွေက ရှိနေသေးတယ်။ ကျနော်တို့ (၁၀၁) စခန်းဟာ ABSDF စခန်းလား၊ ဝန်ကြီးချုပ်ဟောင်း ဦးနုရဲ့သား ဦးအောင်နုဖွဲ့စည်းထားတဲ့ ပြည်ထောင်စု မြန်မာနိုင်ငံ ဒီမိုကရေစီ အင်အားများ စည်းလုံးညီညွတ်ရေးတပ်ပေါင်းစု (ဒညတ) စခန်းတခုလိုလို ဖြစ်နေသေးတယ်ဆိုတဲ့ စွပ်စွဲချက်က ရှိနေသေးတယ်။ ကျနော်တို့စခန်းမှာကလည်း အလှူရှင်တွေ လာရင် လူထုတ်တန်းစီ ပြရတာလည်း အမော၊ အလှူရှင် တွေက ဘယ်သူက ဘယ်အဖွဲ့အစည်းက လာတယ်မှန်း မသိရဘူး။ ခဏခဏတော့ လူတွေ တန်းစီပြကြရတာမျိုး ရှိတယ်။
ကျနော်တို့ စခန်းကော်မီတီထဲမှာ ပြည်တွင်းမှာ ၁၉၈၈ ခုနှစ် အရေးတော်ပုံကာလတုန်းက ဦးနုဖွဲ့စည်းတဲ့ ဒီမိုကရေစီနဲ့ ငြိမ်းချမ်းရေးအဖွဲ့ (ယာယီ) မှာ အဖွဲ့ဝင်အဖြစ် ပါဝင်ခဲ့တဲ့ ကိုရာဇာ (၁၉၇၄ ကျောင်းသားဟောင်း) နဲ့ ဦးစိုးတင့် ဆိုသူတို့က စခန်းကော်မီတီမှာ ပါဝင်ကြတယ်။ သူတို့က "ဖုန်းစောင့်ဦးမယ်… မြို့ပေါ်က ဖုန်းစောင့်ဦးမယ်" ဆိုပြီးတော့ မကြာခဏ ဆိုသလို စံခရပူရီမြို့ကလေးကို တက်သွားကြတယ်။ ဘန်ကောက်မြို့၊ သို့မဟုတ် အမေရိကန်ကခေါ်ဆိုလာမယ့် ဖုန်းတခုကို သူတို့က စောင့်နေကြတာ။ တနေ့မှာတော့ သူတို့ ဝမ်းသာပြီး စခန်းကိုပြန်လာကြတယ်။ သူတို့ ဝမ်းသာကြတဲ့ အကြောင်းကတော့ ဦးအောင်နုက နိုင်ငံခြားက အကူအညီငွေရှာလာတာ ရပြီ၊ မကြာခင်မှာပဲ (ဒညတ) တည်ထောင် တော့မယ်ဆိုတော့ သတင်းကြာတော့ ပျော်လာကြတာ။ စခန်းကို ဝင်ဝင်လာချင်း ဘားတိုက်တိုင်းကို ဆင့်ခေါ်တယ်။ အလံ တိုင်ရှေ့မှာ စုဝေးကြမယ်။ ဝမ်းသာစရာ သတင်း ပြောစရာရှိတယ်လို့ ဆိုလာတယ်။ ရဲဘော်တွေလည်း ဘားတိုက်အလိုက် တန်းစီ ထွက်လာကြတယ်။ အလံတိုင်ရှေ့မှာ စုမိတော့ ဦးစိုးတင့်က စကားပြောတယ်။ "ခင်ဗျားတို့ ဘာမှ မပူကြနဲ့တော့၊ ဝမ်းသာစရာ အခြေအနေတွေ ဖြစ်လာခဲ့ပြီ။ အားလုံးကောင်းပြီ" အဲသည်မှာ သူဘာဆက်ပြောရမှန်း မသိဖြစ်နေတယ်။ အမှန်က ဦးအောင်နု (ဒညတ) ဖွဲ့တော့မှာကို သူက ဝမ်းသာနေတာ၊ တကယ်က စခန်းနဲ့ (ဒညတ) က တရားဝင် ဘာမှ ပတ်သက်တာ မဟုတ်ဘူး။ ပြောရင်းတဝက်ရောက်မှ သူသဘောပေါက်သွားပုံရတယ်။ စကားရှေ့မဆက်နိုင်တော့ဘဲ ချာချာလည်နေတယ်။ ဒီအချိန်မှာပဲ ရဲဘော်တယောက်က ဖောက်ပြီး မေးခွန်းထုတ်တယ်။ "ကျနော်တို့ အခုအချိန်အထိ ဝမ်းသာစရာလည်း မတွေ့ရသေးပါလား၊ တိတိကျကျ ပြောပါ။ ဘာဝမ်းသာစရာလဲ"။ တယောက်တပေါက်နဲ့ အသံတွေ ဆူညံလာတယ်။ ဦးစိုးတင့်လည်း ငိုပြီး စင်ပေါ်က ဆင်းသွားရတယ်။ နောက်ပိုင်းမှာတော့ (ဒညတ) အဖွဲ့အစည်းက ဘုရားသုံးဆူနဲ့ နတ်အိမ်ထောင် ဒေသအကြား ပြည်သိမ်းစခန်းမှာ စခန်းတခုတည်ထောင်တယ်။ ကျနော်တို့ဆီက အချို့ ရဲဘော်တွေလည်း သူတို့စခန်းကို ဖောက်ခွဲရေးသင်တန်းတက်ဖို့ဆိုပြီး ထွက်ခွာသွားကြတာ ရှိတယ်။ ကျနော်တို့ဆီမှာက ခုချိန်အထိ လက်နက်မရှိ၊ ငွေကြေးမရှိ ဖြစ်နေတုန်းကိုး။ (ဒညတ) အဖွဲ့ရုံးက ဘန်ကောက်မှာ ရုံးစိုက်ပြီး ဦးညီထွေးက ဥက္ကဋ္ဌ၊ ဦးအောင်နုက ဒု-ဥက္ကဋ္ဌ၊ ဦးဇာလီမော်၊ သံမဏိ ဗိုလ်ခင်မောင်၊ ဦးအောင်မြင့်တို့က ဦးဆောင်ကြတယ်။
တချိန်ထဲမှာပဲ ဘုရားသုံးဆူဒေသမှာ အခြားအဖွဲ့အစည်းတွေလည်း ရှိနေသေးတယ်။ ရဟန်းပျိုသမဂ္ဂက အင်အားမများလှ ဘူး။ မွန်ပြည်သစ်ပါတီ မော်လမြိုင်ခရိုင်ရုံးမှာ အခြေချ သီတင်းသုံးတယ်။ အငြိမ်းစား ဗိုလ်မှူးကြီး ဦးစိန်မြ (ချင်းမိုင်တွင် ကွယ်လွန်) ဦးဆောင်တဲ့ ပြည်သူ့ကာကွယ်ရေးအဖွဲ့ (Peoples' Defence Force- PDF) အဖွဲ့လည်း ရှိနေသေးတယ်။ ဆရာဦးတင့်ဇော် (အမည်ဝှက်- ဆရာတီ (သြစတြေလျတွင် ကွယ်လွန်) က PDF ရဲ့ နိုင်ငံရေးတာဝန်ခံ ယူထားတယ်။ ဦးစိန်မြက ဂျပန်ခေတ် စစ်တက္က သိုလ်ဆင်း၊ ဝါရင့်စစ်သားကြီးပါပဲ။ စမတ်ကျတယ်။ နေပုံထိုင်ပုံကအစ တောင့်တောင့်ကြီး တပ်မှူးတဦးလို နေတယ်။ ပြည်ထဲရေး ဝန်ကြီးလည်း ဖြစ်ခဲ့ဖူးတယ် (၁၉၆၉၊ ၁၉၇၂)။ သူက ၁၉၇၁ ခုနှစ်၊ ဗမာပြည် ကွန်မြူနစ်ပါတီဖက်က အကြီး အကျယ် ထိုးစစ်ဆင်လာတဲ့ ကွမ်းလုံ-ဟိုက်ကမ်းပါး ရက် (၄၀) တိုက်ပွဲကို စီမံခုခံခဲ့သူ၊ မြန်မာပြည်မှာ တပ်တွေအများကြီး ကို ကိုင်ပြီး ခုခံစစ်ဆင်တဲ့ မဟာဗျူဟာမှူး (မဟာဗျူဟာ ကွပ်ကဲမှု ဌာနချုပ်မှူး) ဆိုတာ သူတယောက်ပဲ ရှိခဲ့သူဆိုပြီး ဂုဏ်ယူပြောဆိုတာ ကြားခဲ့ရဖူးတယ်။ ကျနော်တို့က အဲဒီကာလအခြေအနေကို သူ့ကို မေးကြည့်ဖူးတယ်။ "ဦးနေဝင်းက ဂျာမဏီကို ခရီးထွက်သွားတယ်။ ကာကွယ်ရေးဦးစီးချုပ် လုပ်နေတဲ့ ဦးစန်းယုက စစ်မတိုက်တတ်ဘူး။ ဒါကြောင့် ပြည်ထဲ ရေးဝန်ကြီးကနေပြီး ငါထွက်တိုက်ရတာ" လို့ သူက ပြန်ပြောပြတယ်။ စစ်ပွဲပြီးလို့ သူနာမည်တက်လာတဲ့အခါ ဦးနေဝင်းက မကြိုက်ဘူး။ ဒါကြောင့် ၁၉၇၂ မှာ အနားပေးခံရတယ်။ ၁၉၈၈ ခုနှစ် အရေးတော်ပုံကြီး ဖြစ်လာတော့ သူရယ်၊ ဦးစံသာ (ဗိုလ်မှူးကြီးဟောင်း)၊ ဂျွန်လှဝင်း၊ သံမဏိ ဗိုလ်ခင်မောင်တို့ စစ်ရေးအရ ပူးပေါင်းကြံစည်မှု လုပ်ခဲ့တယ်လို့ စစ်အစိုးရက စွပ်စွဲတယ်။ ရန်ကုန်တက္ကသိုလ် ကျောင်းသားသမဂ္ဂ (ရကသ) နောက်ကွယ် က လှုပ်ရှားတယ်လို့ စွပ်စွဲတယ်။ ဒါကြောင့် သူက နယ်စပ်ကို ထွက်လာခဲ့ရတယ်။
နောက်ပြီး မွန်ဗဟိုဌာနချုပ်ထဲမှာ လက်နက်ယူပြီး ပြန်တိုက်မယ်၊ တွံတေးတောကြီးတန်းကို ပြန်အခြေချမယ်ဆိုတဲ့ စိုးလှ သင် (ကွမ်းခြံကုန်း) တို့ အုပ်စု တခုလည်း တွေ့ခဲ့ရတယ်။ သူတို့က သပိတ်ကာလက ငွေကြေးတွေ အများကြီးပါလာတယ်။ မွန်ပြည်သစ်ပါတီဆီက လက်နက်ဝယ်ပြီး၊ ရေလမ်းကြောင်းနဲ့ တွံတေးတောကြီးတန်းဖက်ဝင်မယ်ဆိုတာမျိုး ကြားရတယ်။ ကျနော်တို့က မစပ်စု ပါဘူး။ နောက်ပိုင်း ရှေ့တန်းဆင်းကြတော့လည်း ရေးတောင်ပိုင်းမှာ ဒီအဖွဲ့ကို တွေ့ကြရသေးတယ်။ နောက်ပိုင်းတော့ လက်နက်ချသလား၊ အဖမ်းခံရသလား မသိဘူး။ စိုးလှသင် (ကွမ်းခြံကုန်း) က ကျနော်တို့ ပြည်ပရောက် တွေကို အပုတ်ချတဲ့ "မြက်ခင်းသစ်" စာစောင်မှာ ပင်တိုင်ဆောင်းပါးရှင် ဖြစ်လာတာ တွေ့ရတယ်။
အဲဒီအချိန်မှာ ကျနော်တို့ကို အိမ်ရှင်အဖြစ် လက်ခံထားတဲ့ မွန်ပြည်သစ်ပါတီကလည်း နိုင်ငံတကာ ဆက်ဆံမှု၊ ထောက်ပံ့မှု တွေ လမ်းပွင့်လာခဲ့တယ်။ မွန်ပြည်သစ်ပါတီ တပ်ရင်းအသစ် (၁၁၁) ကို တိုးချဲ့တယ်။ ၁၉၈၉ ခုနှစ် နှစ်ဆန်းပိုင်းမှာ ကျနော် တို့ စခန်းနဲ့ မလှန်းမကမ်း (မွန်ဗဟိုဌာနချုပ်အနီးမှာ) ဗိုလ်သင်တန်းကျောင်းတခုကို ထိုင်ဝမ်အဖွဲ့အစည်းတွေ အကူအညီနဲ့ ဆောက်တယ်။ သင်တန်းကို သစ်လုံးခံတပ်သဖွယ် ခြံစည်းရိုးသေချာကာထားတယ်။ ကျောင်းရှေ့ဂိတ်မှာ စကောချပ်တွေ ပေါ်မှာ တရုတ်ဘူးသီး ငါးပေါင်းကြော်လိုမျိုး စာတွေ ရေးထားတယ်။ ဘာရေးထားတယ်တော့ မသိရဘူး။ အကြပ်သင်တန်း ကို ၃-လကာလ သတ်မှတ်ပြီး သင်တန်းသား ၁၀၀ ကို သင်တန်းပေးတယ်။ ဗိုလ်သင်တန်းအဆင့်ကို ၆-လ သတ်မှတ်ပြီး သင်တန်းသား (၆၀) ပါဝင်တယ်။ ဗိုလ်သင်တန်းကို ၁၉၈၉ ဇူလိုင်လမှာ စတင်ပြီး၊ ထိုင်ဝမ်က နည်းပြဆရာ ၄ ဦးက သင် ပေးတယ်။ ဗိုလ်မှူးကြီးအဆင့် ရှိတယ်လည်း ဆိုကြတယ်။ သင်တန်းစားရိတ်နဲ့ လက်နက်ကိရိယာတွေကို ထိုင်ဝမ်ကုမ္ပဏီ တခုက ထုတ်ပေးတယ်။ အဓိက ကြားခံဆက်သွယ်ပေးသူက ယခင် မွန်ပြည်သစ်တပ်ဦးနဲ့ ကူမင်တန်တပ်တွေအကြား (၁၉၅၁-၁၉၅၄) ကာလ စကားပြန်အဖြစ် ဆောင်ရွက်ပေးခဲ့တဲ့ မစ္စတာယပ် (Mr. Yap) ပဲ။ (နိုင်ပန်းသာ၊ မွန်နိုင်ငံရေး လှုပ်ရှားမှု သမိုင်းအတွေ့အကြုံ၊ အရှေ့ကြယ်စာပေ၊ ဒု-ကြိမ်၊ ၂၀၁၄၊ နှာ- ၂၅၉-၂၆၀)။ မစ္စတာယပ်က ဘန်ကောက်မှာ နေတယ်။ အဲဒီ ဗိုလ်သင်တန်းကို ကျနော်တို့ ABSDF က ရဲဘော်တွေကို မဖိတ်ခဲ့ဘူး။