Monday, February 6, 2017

ဆရာဦးကိုနီကိုဘာရည်ရွယ်ချက်နဲ့သတ်သလဲ။

ဆရာဦးကိုနီကိုဘာရည်ရွယ်ချက်နဲ့သတ်သလဲ။
လှကျော်ဇော။၂-၂-၂၀၁၇။ (လွတ်လပ်စွာ ဖြန့်ဝေနိုင်ပါသည်)
၂၉-၁-၂၀၁၇ရက်နေ့ကဆရာဦးကိုနီသေနတ်နဲ့လုပ်ကြံသတ်ဖြတ်ခံရကြောင်းကြားကြားချင်း-ကျွန်မ”ဆရာဦးကိုနီကိုဘယ်သူသတ်သလဲ။”ဆိုတဲ့ဆောင်းပါးရေးပြီး ၃၀-၁-၂၀၁၇နေ့မှာ မိုးမခမှာတင်လိုက်ပါတယ်။
စိတ်လှုပ်ရှားမှု စိတ်လောမှုတွေနဲ့ရေးတဲ့အတွက်မပြည့်မစုံဖြစ်သွားပါတယ်။ တခါ-၃၁-၁-၂၀၁၇ ရက်နေ့မှာ ကျွန်မကိုသတင်းဌာနတခုက ဒီကိစ္စနဲ့ပတ်သက်ပြီး လှမ်းမေးမြန်းတာတွေကို ကျွန်မဖြေလိုက်တာတွေကလည်း အားမရစရာတွေဖြစ်သွားပြန်ပါတယ်။
ဒါ့ကြောင့်ကျွန်မ ဒီဆောင်းပါးကိုထပ်ရေးလိုက်ပါတယ်။
နောက်တကြောင်းကလည်းအခုသတင်းကွန်ရက်များမှာ- အာဘော်အမျိုးမျိုး (တမင်အစီအစဉ်ရှိရှိရော-မသိသားဆိုးရွားစွာရော)ပေါ်ထွက်နေမှုများအပေါ် စိုးရိမ်မိတဲ့အတွက် -ကျွန်မကတော့-ဒီပြသာနာကိုဘယ်လိုကြည့်မြင်တယ်ဆိုတာကိုလည်းပြောပြချင်လို့ပါ။
ကျွန်မကိုသတင်းဌာနကမေးတဲ့အထဲ-အဓိကမေးခွန်းကြီး(၂)ခုပါပါတယ်။
၁။ ဗမာပြည်မှာ အခုလိုလုပ်ကြံမှုကြီးမျိုးဟာဖြစ်တောင့်ဖြစ်ခဲပါ။ ဘာ့ကြောင့် ဒီလောက်ရက်ရက်စက်စက် လူမြင်ကွင်းကြီးမှာလုပ်ကြံရတာလဲ။
၂။၂၀၀၈ ဖွဲ့စည်းပုံကိုပြင်ဖို့-ဖျက်ဖို့ပြောနေတာဦးကိုနီတယောက်တည်း မဟုတ်ပါဘူး။ ဘာလို့ သူမှရွေးပြီးသတ်ရသလဲ။ ----တဲ့။
တကယ်တော့-ဗမာနိုင်ငံမှာ နိုင်ငံရေးအရလုပ်ကြံမှုတွေဟာ (ဒီလိုပေါ်ထင်ကြီးသာမဟုတ်တယ်။)ဖြစ်တောင့် ဖြစ်ခဲမဟုတ်ခဲ့ပါဘူး။ ၁၉၄၉ခုနှစ်ပြည်တွင်းစစ်ကြီး စတင်ကတည်းကရော- ၁၉၅၈ခုနှစ်စပြီးမြေစမ်းခရမ်းပျိုး တည်ဆောက်ခဲ့တဲ့- စစ်အာဏာရှင်စနစ်ကြီးအောက်မှာရော- မနည်းမနောရှိခဲ့တာပါ။ သိပ်ဝေးဝေးကြည့်စရာမလိုပါဘူး ။ န၀တ-နအဖ ခေတ်က -လမ်းမတွေပေါ် -ထောင်တွေထဲ -တောတောင်တွေထဲ -အသက်-သွေး-ချွေးပေးခဲ့ကြရတဲ့ပြည်သူ့သူရဲကောင်း တွေနည်းရော့လား။ ကုန်မှမကုန်နိုင်ဘဲကိုး။ ဒီတော့ ဒီလိုပေါ်ထင်ကြီးလုပ်ရတာပေါ့။
ဒါကဘာကိုပြသသလဲ။
စစ်အာဏာရှင်စနစ်ကာကွယ်လိုသူများအနေနဲ့သွေးရူးသွေးတန်းဖြစ်လာမှု။ (အချိန်နည်းလာတာ)ကိုပြသပါတယ်။
အာဏာရှင်များဟာအရှင်ထွက်မထွက်ဘူး။-လို့ဆိုရိုးရှိပါတယ်။ ဟုတ်ပါတယ်။ အသက်ထွက်ခါနီးလေ-သွေးရူးသွေးတန်းဖြစ်လေ- တွက်ချက်မှုတွေမှားလေဖြစ်တတ်ပါတယ်။ သူတို့တသက်လုံးရရှိခဲ့တဲ့- အခွင့်အာဏာ စည်းစိမ်တွေကို မစွန့်လွှတ်နိုင်၊ လူထုအပေါ် ကျူးလွန်ခဲ့သမျှတွေအတွက်လည်း စိတ်မအေး။ ဒါတွေ အားလုံးသွားစုစည်းပါတယ်။ ဒီလောက်ဖြစ်လှတာ-ဆိုတဲ့ -ဒေါသစိတ်နဲ့ -ငါတို့ထိရင်တော့- ဒီလိုခံရမယ်။ကြည့်ထား။- -ဆိုတဲ့ခြိမ်းခြောက်တာပါ ပါပါတယ်။
ဒါ့အပြင်-စစ်အာဏာရှင်စနစ်ရဲ့အသက်ဗူး ၂၀၀၈ဖွဲ့စည်းပုံကိုပြင်ဘို့ ဖျက်ဘို့ပြောနေသူတွေ အများအပြားရှိလျက် နဲ့ ဘာကြောင့် ဦးကိုနီကိုရွေးသတ်ရသလဲ။
ရှင်းပါတယ် ။ဦးကိုနီဟာ (ဦးဝင်းထိန်ပြောတဲ့စကားယူသုံးရရင်) -အမာခံ (hard liner )ဖြစ်နေလို့ပါ။
ဒါ့အပြင်-ဒီဖွဲ့ စည်းပုံကြီးကို တရားဥပဒေကြောင်းအရ -ပြည့်ပြည့်စုံစုံ ခွဲခြမ်းစိတ်ဖြာပြသနိုင်ပြီး ပြင်ဆင်နိုင်တဲ့ (ဖျက်သိမ်းပစ်နိုင်တဲ့) စွမ်းရည်လည်းအပြည့်ရှိနေသူပါ။ (သူရဲ့ဒီချုပ်ကိုရော -တခြားအဖွဲ့အစည်းများအပေါ်မှာရော -ကောင်းမှုပြုချက်များကိုကြည့်ပါ။)
ဒါတွေအပြင်-ဦးကိုနီဟာ မွတ်စလင်ဖြစ်နေတဲ့အတွက်-ပစ်မှတ်အပျာ့ (soft target)ဖြစ်နေပါတယ်။ ဗုဒွဘာသာဝင်အများစုနေထိုင်တဲ့ ဗမာပြည်ကြီးမှာ မွတ်စလင်တယောက် အသတ်ခံလိုက်ရမှုအပေါ် သိပ်စိတ်ထိခိုက်ကြမှာ မဟုတ်ဘူး-လို့ (သူတို့စိတ်ရင်နဲံ့နှိုင်းပြီး) တွက်ပုံရတယ်။ ဘာသာရေး ပဋိပက္ခတွေတောင်ဖြစ်လာနိုင်သေးတယ်။
ဒီနေရာမှာတော့ သမ္မတရုံးကထုတ်ပြန်ချက်မှာပါတဲ့- တိုင်းပြည်မတည်ငြိမ်အောင်လုပ်တာ-- ဆိုတာတော့ (တစိတ်တပိုင်း) မှန်တယ်။-လို့ဆိုရမှာပါ။
သူတို့တွက်ချက်မှုမှားသွားပြန်ပါတယ်။
၃၀ရက်နေ့နဲ့ ၃၁ရက်နေ့များမှာ-ကျင်းပခဲ့ကြတဲ့- ဆရာဦးကိုနီနဲ့- အဌားယာဉ်မောင်းဆရာ ဦးနေ၀င်းတို့ရဲ့ ဈာပနအတွင်းဖေါ်ပြခဲ့ကြတဲ့- ဘာသာပေါင်းစုံ- အဖွဲ့အစည်းပေါင်းစုံကပြည်သူလူထုကြီးတရပ်လုံးရဲ့ စည်းလုံးညီညွတ်မှု- ရင့်ကျက်မှု- သည်းခံနိုင်မှု -ရက်ရောမှု (ဦးနေ၀င်းရဲ့ကျန်ရစ်သူကလေးများပညာသင်ကြားရေးအတွက်ကူညီနေမှုများ။) စတာ- စတာတွေဟာ -ပြည်သူ့ရန်သူများအတွက်ကြောက်ဒူးတုန်စရာပါ။
တခါတလေမှာလည်းငြိမ်းခါနီးမီးထတောက်တတ်ပါတယ်။
အာဏာရှင်များဟာ- အာဏာလက်လွှတ်ရနီးလာပြီ- လို့ထင်လာရင်- ပရမ်းပတာတွေဖြစ်တတ်ပြီး တွက်ချက်မှုတွေ မှားတတ်ပါတယ်။ ဒါတွေကိုပြည်သူတွေကမြင်အောင်ကြည့်ပြီး မိမိတို့ရဲ့အကျိုးစီးပွားကို တိုးချဲ့ရပါမယ်။ သူတို့ရဲ့ရည်မှန်းချက်များပြောင်းပြန် (backfire)ဖြစ်အောင် လုပ်ဆောင်ရပါမယ်။
ဒီနေရာမှာကျွန်မ- ပထမဆောင်းပါးမှာ ရည်ညွှန်းခဲ့တဲ့- ၁၉၈၃ခုနှစ်က- ဖီလစ်ပိုင်ကအတိုက်အခံခေါင်းဆောင်- အကွီနိုလုပ်ကြံခံရမှုရဲ့နောက်ဆက်တွဲဖြစ်ရပ်များကိုကြည့်ပါ။ (၁၉၆၅-၁၉၈၆)- ဖီလစ်ပိုင်မှာသမတ အာဏာရှင်အဖြစ် (တခါတရံမာရှယ်လောအကူအညီနဲ့) အုပ်ချုပ်ခဲ့တဲ့ မာကိုစ်ဟာ သူ့သမ္မတ သက်တမ်းတလျှောက် နိုင်ငံရေးအတိုက်အခံ အားလုံး(နီးပါး)ကိုနည်းပေါင်းစုံသုံးပြီးဖိနှိပ်ခဲ့ပါတယ်။ လုပ်ကြံသတ်ဖြတ်မှုတွေ အများကြီးလုပ်ခဲ့ပါတယ်။လမ်းပေါ်ထွက် ဆန္ဒပြတဲ့ပြည်သူတွေကိုလည်းသွေးချောင်းစီးအောင် သတ်ဖြတ်ခဲ့ပါတယ်။ သူသတ်ဖြတ်ဖို့ လျာထားသူများစာရင်းမှာ အထက်လွှတ်တော်အမတ် နီနိုအကွီနို ပါပါတယ်။ ဒါပေမဲ့သူ့မှာ -နှလုံးရောဂါ ရလိုက်တော့- ကိုယ်ကသတ်စရာမလိုဘဲ- သူဟာသူသေနိုင်သွားလို့- မသတ်ဘဲ -ဆေးကုဖို့ဆိုတဲ့ အကြောင်းပြချက်နဲ့နိုင်ငံခြား (အမေရိကန်) ကိုလွှတ်လိုက်ပါတယ်။ ဒါပေမဲ့- အကွီနိုဟာနှလုံးခွဲစိတ်ကုသပြီး- ကျန်းမာစွာနဲ့ တိုင်းပြည်ကို ၁၉၈၃- မှာပြန်လာနိုင်ခဲ့ပါတယ်။ ဒီတော့- ဘယ်သူ့သတ်သတ်- ဘယ်လောက်သတ်သတ် -အေးဆေးခဲ့တဲ့ မာကိုစ်ဟာ လက်ယဉ်ယဉ်နဲ့ အကွီနိုကို လုပ်ကြံပစ်လိုက်ပါတယ်။ ဒီမှာတင်-နဂိုက အတိုက်အခံအင်အားစုဆိုလို့ မဆိုစလောက်ကလေးပဲ ရှိတဲ့အဖွဲ့ဟာ- (အဓိကခေါင်းဆောင် အရည်အချင်းပြည့်ဝတဲ့ အကွီနိုကိုသတ်လိုက်ရင် အညွန်းကျိုးသွားလိမ့်မယ်-လို့. မာကိုစ်ကတွက်ဆခဲ့ပေမယ့်). မယုံနိုင်ဖွယ်. ရှိရှိသမျှအင်အားစုတွေ. (အောက်ခြေလူထုအပြင်-အလယ်အလတ် လူတန်းစားတွေ- ပညာရှင်တွေ- အနုပညာရှင်တွေ- ဘာသာရေးအသင်းအဖွဲ့တွေ- လူမှုရေးအသင်းတွေ)- ပါဝင်လာတဲ့- အကွီနိုရဲ့ကျန်ရစ်သူဇနီးသည်ကို. ရီဇုံအကွီနိုခေါင်းဆောင်တဲ့- အာဏာရှင်ဆန့်ကျင်ရေးတပ်ပေါင်းစုကြီးပေါ်ထွက် လာခဲ့ပါတယ်
အာဏာမာန်ယစ်မူးနေတဲ့ မာကိုစ်ဟာနောက်တကွက် ထပ်မှားပါတယ်။ သူ့အစိုးရ တရားဝင်အောင်ကြားဖြတ်သမ္မတ ရွေးကောက်ပွဲကို ၁၉၈၆-ဖေဖေါ်ဝါရီမှာ (နိုင်လည်းနိုင်ရမယ်။ ရှုံးလည်း နိုင်ရမယ်။- ဆိုတဲ့ခံယူချက်နဲ့) ညစ်ပတ်မှုအပေါင်း နဲ့ လုပ်ပေးပြီး သူအနိုင်ရတယ် လို့ကြေညာလိုက်ပါတယ်။ ဒီမှာတင်- တပြည်လုံးအုံကြွပြီး (ဗိုလ်ချုပ်ရာမိုစ် ဦးဆောင်တဲ့ ဖီလစ်ပိုင်တပ်ရဲ့အင်အားစုများအပါ) -ပြည်သူ့အာဏာတော်လှန်ရေးကြီး (People Power Revolution )ပေါ်ပေါက်လာပြီး မာကိုစ်လည်း တိုင်းပြည်ကထွက်ပြေးသွားရပါတော့တယ်။ ၂၅-၂-၁၉၈၆မှာ ကိုရီဇုံအကွီနိုသမ္မတဖြစ်လာပါတယ်။
ဒီနေရာမှာ- မာကိုစ့်ထည့်မတွက်ခဲ့မိတာက- သူကိုတောက်လျှောက်ထောက်ခံ -ထောက်ပံ့ပေးနေတဲ့- အမေရိကန်က ထောက်ခံမှုကိုလျှော့ချတော့မယ် ဆိုတာပါပဲ။။ဒီလောက် နံမည်ပျက်ပြီးပြည်သူတွေက ခါးခါးသီးသီးမုန်းနေတဲ့ ပုံရိပ်ဆိုးဝါး လှတဲ့သူကို ဘယ်သူကထောက်ခံရဲတော့မလဲ။ ဖီလစ်ပိုင်ပြည်သူတရပ်လုံး တစည်းတလုံးတည်းဖြစ်လာမှုက အမေရိကန်အတွက် မာကိုစ့်ကိုစွန့်လွှတ်ချိန်တန်ပြီ လို့အချက်ပေးလိုက်ပါတယ်။ ပြည်တင်းရင်-မင်းမခံနိုင်-ဆိုတဲ့စကားရှိခဲ့တာပဲလေ။
နီနိုအကွီနို အသက်ပေးတိုက်ခဲ့တဲ့ အာဏာရှင်စနစ် -(သူကွယ်လွန်ပြီး-၂နှစ်ကျော်အကြာမှာ) ဖီလစ်ပိုင်မှာ အဆုံးသတ်သွားပါတယ်။ (ဒါပေမဲ့- တကယ့်လူသတ်တရားခံကို အခုထိမဖော်နိုင်သေးပါဘူး။ ရှုပ်ထွေးနေဆဲပါ။ ဒါပေမဲ့- ဒီလူသတ်မှုကြီးရဲ့နောက်ကွယ်မှာ- မာကိုစ်နဲ့သူအပေါင်းပါတွေရှိတယ် -ဆိုတာလူထုကမြင်ထားပြီးပါပြီ။) သူ့ကို သတ်လိုက်ရင် မိမိအာဏာစက် ဆက်ရှင်သန်နိုင်မယ် လို့တွက်ဆခဲ့တဲ့ မာကိုစ့်တိုင်းပြည်က ထွက်ပြေးသွားရပါတယ်။
ဒီအဖြစ်အပျက်ကိုကြည့်ပြီး နိုင်ငံရေးလုပ်ကြံမှုကြီးတွေမှာ ပြောင်းပြန်အကျိုးသက်ရောက်မှုတွေရှိတယ် လို့တော့ အပြတ်မပြောနီုင်ပါဘူး။ တခါတရံမှာ ဒီလုပ်ကြံမှုကြီးတွေရဲ့. ရည်မှန်းချက်များအောင်မြင်သွားတဲ့ အခါတွေလည်းရှိခဲ့ပါတယ်။
၁၉၄၇ခုနှစ်က-ဗိုလ်ချုပ်အောင်ဆန်း လုပ်ကြံသတ်ဖြတ်ခံရမှုကိုကြည့်ပါ။ လူသတ်တရားခံအဖြစ် ဦးစောကိုဆွဲထုတ်ပြီး သေဒဏ်ပေးလိုက်ပြီးဇာတ်လမ်းဆုံးသွားပါတယ်။ ဦးစောဟာ သူ့ကိုကြိုးပေးဖို့ခေါ်ထုတ်လာတဲ့အချိန်ထိ သူ့ကိုလာကယ်လိမ့်မယ် လို့ထင်နေခဲ့တာပါ။ ဒီမျှော်လင့်ချက်နဲ့ဘဲ သူဘာမှဖော်ထုတ်ပြောမသွားခဲ့ပါဘူး။ ဦးစောဟာသေတဲ့ အထိဗမာပြည်ကြီးကို သစ္စာဖောက်သွားသူပါ။ သူ ဒီလိုထင်နေအောင် ဘယ်သူကလုပ်ပေးခဲ့တာလဲ။ အဲဒီအမှုနဲ့ပတ်သက်တဲ့ လူအတော်များများရော၊ ဒီအမှုလိုက်တဲ့ ရဲအများအပြားရော ဘယ်လိုသေဆုံးခဲ့ကြသလဲ။ အခုထိမရှင်းပါဘူး။
ဒါပေမဲ့- ဗမာပြည်သူတွေရဲ့ရင်ထဲ- အသဲထဲမှာတော့- အဓိကတရားခံဟာ -ဗြိတိသျှ နယ်ချဲ့စနစ်ဆိုတာရှင်းနေပါတယ်။ ကိုလိုနီနိုင်ငံများရဲ့ လွတ်လပ်ရေး လှုပ်ရှားမှုကြီးတခုလုံးကိုခြိမ်းခြောာက်လိုက်တာပါ။ လွတ်လပ်ရေးတောင်းဆိုနေတဲ့ အမျိုးသားရေးခေါင်းဆောင်တွေ နိုင်ငံတွေအများကြီးရှိလျှက်က ဘာကြောင့် ဗမာပြည်-ဗိုလ်ချုပ်အောင်ဆန်းကိုရွေးသတ်ရတာလဲ။
၁။ ဗိုလ်ချုပ်အောင်ဆန်းက အမာခံ(hard liner)ဖြစ်လို့ပါ။ဗြိတိသျှလက်အောက်က အပြည့်အ၀လွတ်လပ်ရေးကို တောင်းဆိုနေသူပါ။ တပြည်လုံးကိုလည်း (တိုင်းရင်းသားလူမျိုးစုများအပါ) သူ့နောက်မှာ တညီတညွှတ်တည်း စုစည်းထားနိုင်ခဲ့ပါတယ်။ အမျိုးသားတရပ်လုံး စည်းလုံးညီည့တ်လာအောင် လုပ်ဆောင်နိုင်သူပါ။
၂။ ဗမာပြည်ဟာပထ၀ီနိုင်ငံရေးအနေအထားအရ အချက်အခြာနေရာမှာရှိပါတယ်။ ဒါ့အပြင်နိုင်ငံရေးအရလည်း နိုးကြားတက်ကြွပြီး (အဲဒီကာလက) လက်ဝဲယိမ်းပါတယ်။ ဗိုလ်ချုပ်ကိုယ်တိုင်က - လက်ဝဲသမားများအကြား ညီညွှတ်ရေးကိုကြိုးစား လုပ်ဆောင်နေတဲ့ကာလပါ။ (အဲဒီကာလများက ဗိုလ်ချုပ်ဟာ- သူကိုယ်တိုင်-ဖဆပလက ထုတ်ပစ်ခဲ့တဲ့- ဗမာပြည်ကွန်မြူနစ်ပါတီနဲ့ပြန်လည်ပူးပေါင်းရေးအတွက်စတင်ဆွေးနွေးနေခဲ့တာပါ။)
ဗိုလ်ချုပ်တို့ကိုလုပ်ကြံလိုက်လို့ -ဗြိတိသျှနယ်ချဲ့သမားများ- အကျိုးအများကြီးရရှိခဲ့ပါတယ်။ ဗမာပြည်အပါအ၀င် ကိုလိုနီနိုင်ငံအများအပြားကိုလျှော့ဈေးနဲ့ဘဲ လွတ်လပ်ရေးတွေပေးလိုက်နိုင်ပါတယ်။ (နု-အက်တလီစာချုပ် -ဗြိတိသျှဓနသဟာရအဖွဲ့ စတာတွေကိုကြည့်ပါ။)
ကျွန်မတို့ဗမာပြည်အတွက်ကတော့ပိုနာပါတယ်။ ဗိုလ်ချုပ်တို့ကျဆုံးလိုက်ခြင်းနဲ့အတူ- အမျိုးသားစည်းလုံးညီညွှတ်ရေးပြိုကွဲ -ပြည်တွင်းစစ်ထောင်ချောက်ကြီးထဲ ကျရောက်ခဲ့တာ အခုထိရုန်းမထွက်နိုင်သေးပါဘူး။ ဗိုလ်ချုပ်တီု့ အသက်ပေးထမ်းဆောင်ခဲ့တဲ့ အရေးတော်ပုံကြီး (လွတ်လပ်ချမ်းသာ စည်းလုံးညီညွှတ်တဲ့- ဗမာနိုင်ငံတော်ကြီးအဖြစ်တည်ဆောက်ရေး)ဟာလည်း. ဗိုလ်ချုပ်တို့ကွယ်လွန်ပြီး. အနှစ်(၇၀)ထိ. မအောင်မြင်သေးပါဘူး။
ဒါ့ကြောင့်. ဒီသမိုင်းဖြစ်ရပ်တွေကိုလေ့လာပြီး- ကျွန်မတို့ရှေ့ဘယ်လိုခရီးဆက်ကြမယ် ဆိုတာစဉ်းစားကြည့်ရအောင်ပါ။
၁။. ဆရာဦးကိုနီကိုသတ်တဲ့. တရားခံအစစ်အမှန်. (ဘယ်တော့မှ. မပေါ်တာလည်းဖြစ်နိုင်ပါတယ်။) ဘယ်သူလဲ ဆိုတာဖေါ်ထုတ်ဖို့. အဆက်မပြတ် ဖိအားပေးနေတာတွေဟာ မှန်ပါတယ်။ပြစ်မှုကျူးလွန်သူများအဘို့ ဆိတ်ကွယ်ရာမရှိ ဘူး ဆိုတာသိနေဘို့လိုပါတယ်။ အမှုသွားအမှုလာတွေ အကြားထွက်ပေါ်လာတဲ့ အချက်အလက်အကြောင်းအရာများကနေ လူပုဂွိုလ်အချို့ရဲ့ရပ်တည်ချက်- လက်ရှိအုပ်ချုပ်ရေး စက်ယန္တရား (၂၀၀၈-ဖွဲ့စည်းပုံအောက်က) ရဲ့ ချို့ယွင်းချက်များစတာတွေပေါ်ထွက်လာနိုင်ပါတယ်။
၂။အရေးကြီးဆုံးကတော့- ဆရာဦးကိုနီကိုလုပ်ကြံသတ်ဖြတ်လိုက်မှုရဲ့. ရည်ရွယ်ချက်ဟာ- ၂၀၀၈ဖွဲ့စည်းအုပ်ချုပ်ပုံပြင်ရေး- ဖျက်ရေးလုပ်ငန်းကြီး. လမ်းလွှဲသွားရေးဖြစ်တယ် ဆိုတဲ့အချက်နဲ.့ ဒီလုပ်ကြံမှုရဲ့နောက်ကွယ်မှာ- စစ်အာဏာရှင်စနစ်ရှိတယ် ဆိုတာမမေ့မလျှော့အမြဲသတိရှိနေဘို့ဖြစ်ပါတယ်။
ကျွန်မတို့ဗမာပြည်ကြီးရဲ့ပြသာနာအရပ်ရပ်. ဒုက္ခအဖုံဖုံဟာ စစ်အာဏာရှင်စနစ်မှာမြစ်ဖျားခံပါတယ်။ ဒါ့ကြောင့် -ဒီစစ်အာဏာရှင်စနစ်ကို သက်ဆိုးရှည်စေနိုင်တဲံ- ၂၀၀၈ ဖွဲ့စည်းပုံကြီးကို မုချကိုင်တွယ်ဖြေရှင်းရပါလိမ့်မယ်။ ကျွန်မတို့တိုင်းပြည်နဲ့ဆီလျှော်တဲ့. ဖွဲ့စည်းအုပ်ချုပ်ပုံအသစ်တရပ်ပေါ်ပေါက်လာရေး. အရေးတော်ပုံကြီး ( ဆရာဦးကိုနီအသက်ပေးလျှောက်ပြသွားတဲ့လမ်း)ကို မျက်ခြည်ပြတ်မခံဖို့လိုပါတယ်။
ဒီအရေးတော်ပုံကြီးမှာ- စစ်အာဏာရှင်စနစ်ကိုလက်မခံတဲ့- မကြိုက်တဲ့ ပြည်သူတရပ်လုံးပါဝင်လာအောင်ကြိုးစား ကြရအောင်ပါ။
လှကျော်ဇော။၃-၂-၂၀၁၇။

No comments: