" ဇာတ်သိမ်းကားလိပ် ချပါလေ "
_________________________ . တင်မိုး
ဆိုက်ကား နင်းခ၊ ကြေးမရ၍
ဖခင်ဇာတ်ထဲ၊ ကားလိပ်ဆွဲဟု
ပွဲနှင့်အတူ လိုက်သွားပြီ ။

ဘုန်းကြီးပြန်က
စရန်ပေးကာ၊ ပွဲငှားလာ၍
အညာဆီလား၊ ရှမ်းပြည်လားမသိ ။
အမိဖြစ်သူ၊ ချူ ချူ ချာချာ
မကျန်းမာဘဲ၊ အိမ်မှာငတ်ပြတ်
စားရေးကျပ်လျက်
ပါးစပ်ခြောက်သည့် ကလေးတွေ ။
ဆိုင်းသံ ဗုံသံ၊ ဗေထိသံနှင့်
ငိုသံ ရယ်သံ၊ ပွဲ ကဟန်မှာ
အတန်ငေးမော၊ အပျော်တော၌
သောကပြေယောင်၊ အနေချောင်လျက်
ဝေးခေါင်ရပ်က အို .. အဖ ။
အစာ မရှိ၊ အား မရှိ၍
အမိ မဝ၊ သား မဝနှင့်
ပါးလျကြုံလှီ၊ သားကိုချီရင်း
ဗီတာမင်ဓာတ်၊ အားအင်ပြတ်၍
မတ်တပ်မိခင်၊ လဲခဲ့စဉ် ။
မိခင်အလောင်း၊ ခေါင်းရင်းအနား
လေးဖက်တွားလျက်
သားငယ်ပိန်ကပ်၊ အလွမ်းဇာတ်ကို
ဇာတ်သိမ်းဘယ်သို့ သိမ်းမည်နည်း ။
အဖ ကားဆွဲ၊ လူဆင်းရဲငဲ့ ...
ဤပွဲဇာတ်နာ၊ မမြင်သာအောင်
ကားသာချလှည့် ဇာတ်သိမ်းလှည့် ။ ။
ဆရာကြီးတင်မိုး
၂ - ၃ - ၆၇

" လေဆန် "

____________. ရဲကျော်သူရ
အားတင်းထား အမေ
ရုပ်ကိုအကျ ဉ်းချ
နာမ်တွေကို ချေမွ
တရားမျှတမှုဆိုလို့
ထောင်နဲ့ကျည်ဆန်ပဲရှိတဲ့
အချိန်မှာတောင်
အကြောက်တရား
ကင်းမဲ့တဲ့စိတ်နဲ့
မီးလျှံတွေဖြတ်ကျော်
အမေ စိန်ခေါ်နိုင်ခဲ့တယ်လေ ... ။

အားတင်းထား အမေ
ကြွေသွားတဲ့ သစ်ရွက်
ပြန်ဆက်လို့ မရပေမယ့်
အမေကျဲပက်ခဲ့တဲ့ မျိုးစေ့တွေ
မြေကို တိုးထွက်ထိုးဖေါက်
လူလား ​မြောက်ခဲ့ကြပြီလေ ... ။
အားတင်းထား အမေ
တခါလေ
ကိုယ်မစိုက်ဘဲ
ဖုန်းဆိုးတောတွေရှင်းရ
ချွေးဒီးဒီးကျတဲ့အခါ
အမေပျိုးလို့ ရှင်သန်ခဲ့တဲ့အပင်
မျက်စိထဲမြင်ယောင်လိုက်ပေါ့ ... ။
အားတင်းထား အမေ
ဇာတ်သိမ်းခန်းလှဖို့
ဇာတ်နာအောင်
ကတာမဟုတ်ပေမယ့်
ဒဏ်ရာတွေ ​ထောင်းလမောင်းကြေ
နှလုံးသားတွေနွမ်း
အမေ ​မောပန်းနေတာသိရဲ့ ... ။
အားတင်းထား အမေ
သင်္ဘောက အိုအို
ဆိပ်ကမ်းက အိုအို
သင်္ဘောသားတွေက မူးယစ်
ခရီးသည်တွေက ရန်ဖြစ်
သင်္ဘောအနစ်မှာ
လျော်ကြေးတောင်းဖို့
ဝန်ပိုတွေ လက်မှတ်ထိုးတင်
ဝမ်းဗိုက်ဖေါက်ဖို့ပြင်နေတဲ့
ပင်လယ်ဓားပြဆန်ဆန်
ဒေဝဒတ်ဥာဏ်နဲ့
အိမ်နီးချင်းကုန်သည်မျိုးလည်းရှိရဲ့ ... ။
အားတင်းထား အမေ
အမေ့ကိုချစ်သူတွေ
အမေ့ရှေ့မှာ
အမေ့နောက်မှာ
အမေ့ဘေးမှာ
အမေ့ကိုဝန်းရံ
လေဆန်ကိုပျံမယ့်
တေးသီငှက်တွေပေါ့ ... ။
အားတင်းထား အမေ
အရုဏ်တက်လေ
ညည့်နက်လေတဲ့
မုန်တိုင်းဘယ်လောက်ကြမ်းကြမ်း
ကမ်းဆိုတာ ရှိစမြဲပါ အမေ .... ။
#ရဲကျော်သူရ
https://m.facebook.com/story.php…

ငါတို့ဟာသစ်ခုတ်သမားတွေဖြစ်ကြတယ်..

Than Win

ငါတို့ဟာသစ်ခုတ်သမားတွေဖြစ်ကြတယ်..
မာယာကော့ဗ်စကီးနှင့်ယက်ဗတူရှင်ကိုတို့ရွတ်
ကဗျာတွေကှိုမက်မက်မောမောရွတ်ဆိုရင်း
ငါတို့ယုံကြည်ချက်ပုဆိန်တလက်နဲ့
တစ်ပင်ပြီးတစ်ပင်ခုတ်လှဲခဲ့ကြတယ်
လမ်းကြောင်းသစ်ထွင်ဖို့...

ငါတို့ဟာသစ်ခုတ်သမားတွေဖြစ်ကြတယ်..
အရှေ့ကနေ၀န်းထွက်လာမှာကိုမြင်ရနိုးနဲ့
ပျိုရွယ်ချိန်ကိုစတေးရင်း ပိန်းပိတ်မှောင်နေတဲ့
တောအုပ်ကို
တစ်ပင်ပြီးတစ်ပင်ခုတ်လှဲခဲ့ကြတယ်
နှောင်လူတွေ အလင်းထဲနေနိုင်ဖို့...
ငါတို့ဟာသစ်ခုတ်သမားတွေဖြစ်ကြတယ်...
နီရူဒါမနှိုးဆွခင်ကတည်းက တို့ဘိုးဘွားတွေ
နိုးကြားပြီးသား
လက်ဆင့်ကမ်းလာတဲ့သတ္တိခွန်အားနဲ့
တစ်ပင်ပြီးတစ်ပင်ခုတ်လှဲခဲ့ကြတယ်
သန့်ရှင်းတဲ့နယ်မြေသစ်ကိုထူထောင်ဖို့...
ငါတို့ဟာသစ်ခုတ်သမားတွေဖြစ်ကြတယ်...
သစ်ခုတ်ရုံပဲပေါ့ ။
ယမင်းရုပ်ပဲထုထု ။
ဘီလူးရုပ်ပဲထုထု ။
ဘီလူးရုပ်ပဲဖြစ်လာလာ ။
နောက်ဆုံး
နောက်ကျောကိုထိုးလာမယ့် ဒါးမြှောင်အတွက်
အရိုးပဲ တပ်တပ်
ခုတ်ပြီးသားသစ်ပင်အတွက်
ဥပေက္ခာထားနေတတ်ပြီ
ငါတို့ဟာ သစ်ခုတ်သမားတွေဖြစ်တယ်....။
မိုးထက်သန့်စင်

ပန်းတိုင်အရောက် ချီတက်လိမ့်မယ်

မိခင်ဖခင်တို့ က
သွေးစက်ချ ညွှန်တဲ့လမ်းကို
အောင်ဆန်းစုကြည် သမီးငယ်က
ကြီးကျယ်တဲ့စိတ်ဓါတ်နဲ့ 
ဖြောင့်မတ်စွာ လိုက်လိမ့်မယ် ။
မိဘနှစ်ပါးက ကမ်းခဲ့တဲ့
အောင်သပြေပန်းကို လှမ်းကိုင်ပြီး
ပန်းတိုင်အရောက် ချီတက်လိမ့်မယ် ။ ။

#ဆရာကြီးတင်မိုး

မိုးနတ်ဒေဝီသို့ တောင်းပန်ချက်

မိုးနတ်ဒေဝီသို့ တောင်းပန်ချက်
_____________________..တက္ကသိုလ်ဘုန်းနိုင်
မြေပြင်နဲ့ ဝေဟင်
လေအယဉ် လှိုင်းငွေဦးမှာလ
ဂီတလှေ ကိုယ်ကမှူးမှာပေါ့ ..လို့
ကူးစိတ်နု နွဲ့ ယဉ်ယဉ် ။
လကွေးငဲ့ ကျွန်းငွေသောင်
တိမ်ကျောက်ဆောင် ခွေပတ်ဝိုင်းလေတဲ့
မိုးနတ်မေ စံရာတိုင်းဆီသို့
မဆိုင်းဘဲ လာခဲ့လျှင် ။
အနိမ့်မြေ တလူသားရယ်က
စွန့်စားမာန် လွန်ရန်ကောပါဘိ
လွမ်းအာရုံ ဒီသဘောကိုလ
တေးတံတျာ ချစ်ဖွယ်နှောသော်လည်း
မောစေတဲ့လား မစိမ်းပင်ရယ် ...
ငိုချင်လေရဲ့ မရှိုက်အား ။
လောကဓံ ထန်မုန်တိုင်းနဲ့
သောကမြူ မှုန်မှုန်မှိုင်းလေတဲ့
ဘဝကို ဒီပုံနှိုင်းချင်ရဲ့
ကသိုဏ်းဥာဏ် တဖန်ရှုလေတော့
အရိုင်းကံ သူမပြုလေဘု
တပိုင်းဝန် ကိုယ်အမှုပေမို့
(မိုးနတ်ဒေဝီရေ) ...
ပြု ပြုသမျှ အနုသယကစခဲ့ရတဲ့
သမုဒယဆိုတဲ့ .. မောင့် အမှား ။ ။
.
တက္ကသိုလ်ဘုန်းနိုင်(၁၉၃၀-၂၀၀၂)
#ကမ္ဘာကုန် ကျယ်သရွေ့ဝယ်



 

ကျားရဲ

ကျားရဲ
********
နေပြင်းလျှင်
နှင်းမှုန်လည်း
စွေ့စွေ့ခုန် အိုက်လိုအိုက်
ခိုက်ခိုက်တုန် ချမ်းလိုချမ်း
အခန်းကျဉ်ကျဉ်း
အလင်းမဝင် .. လေမဝင်
နေမမြင် .. လမမြင်
လူမမြင် .. သူမမြင်မှာ
ထိုင်လျှင်ထိုင် .. မထိုင်လျှင်ငေး
အိပ်လျှင်အိပ် .. မအိပ်လျှင်တွေး
သတင်းမေးဖို့ ဝေးရော .. သီချင်းလေးမှ မဆိုရ
စာဖတ်ဖို့ ဝေးရော .. ကဗျာလေးမှ မစပ်ရ
တရားဟောဖို့ ဝေးရော .. စကားလေးမှ မပြောရ
အဟောသိက .. သံသရာ
ငါ့ကမ္ဘာပိစိကွေး
အခန်းကျဉ်းကလေး .. ပတ်လျှောက်လိုက်
သံတခါးဝ .. ရပ်လိုက်
တမတ်တပ်တပ် .. တနေကုန်။
မနေ့ကလည်း .. တနေကုန်
ဒီနေ့လည်း .. တနေကုန်
မနက်ဖြန်လည်း .. ကုန်အုံးမယ်
ကုန် .. ကုန် .. ကုန် ..
ကုန်ချင်သလောက်ကုန်စမ်း..
တရက်ကုန်မလား .. တသက်ကုန်မလား
တလကုန်မလား .. တဘဝကုန်မလား
တနှစ်ကုန်မလား .. တခေတ်ကုန်မလား
အားမလျှော့ဘူး .. မပျော့ဘူး
ပေဖြစ်တော့ခံမယ် .. တုဖြစ်တော့ နှံမယ်
အမှန်တရား .. တို့ဖက်မှာရှိတယ်
ပြည်သူအများ .. တို့ဖက်မှာရှိတယ်
ကာလယန္တရား .. တို့ဖက်မှာရှိတယ်
ရှင်တော်ဘုရား .. တို့ဖက်မှာရှိတယ်
သိကြရဲ့လား။
တိရစ္ဆာန်ရုံက ကျားလို .. လှောင်အိမ်ထဲမှာ
တလွန့်လွန့်နဲ့
ကျားညွန့်တုံးမယ် ထင်နေသလား ..
မှားလိုက်တဲ့အမြင် .. ဟားတိုက်လို့ ရီချင်စရာ။
မှတ်ထားဟေ့ ..
အဝါပေါ်မှာ .. အနက်စင်း ..
မပျက်မယွင်း .. ကွက်ကွက်ကွင်း ..
အရှင်းသား မလွဲသရွေ့
အထင်းသားစွဲသရွေ့
ကျားရဲဟာ ကျားရဲ
ငါလည်း ..
အဲဒီလိုပဲကွ .. ဟေ။
.
ဦးဝင်းတင် (ဟံသာဝတီ)
(ထောင်တွင်းမှကဗျာ)

ချိုတဲ့သီချင်း

ချိုတဲ့သီချင်း - ရဲကျော်သူရ
~~~~~~~~~~~~~~~
အမှန်တရားက
နည်းနည်းခါးတယ် ။

ကိုယ့်လိပ်ပြာကိုယ်
နွေးထွေး လုံခြုံအောင်ထားပါ ။
ကိစ္စဝိစ္စတွေ မပြီးမချင်း
တို့တတွေအားလုံး
မစင်တွင်းက " လောက် " တွေချည်းပါပဲ ။
အမြီးအရှည် ပြိုင်နေတုန်း
တကိုယ်လုံး အကုသိုလ်တွေဖုံးပေါ့ ။
နှင်းဆီပန်းဆိုတာ
ဘာနာမည်ပေးပေး မွှေးသတဲ့ ..
လူသားဆန်မှု ၊အနုပညာ
ပန်းမကြိုက်တဲ့သူ
သေနတ်ယူပြီး ထွက်သွားပါ ။ ။
ရဲကျော်သူရ

ဒီအကြည့်  ....

ဒီအကြည့်  ....
လွန်ခဲ့သော နှစ်ပေါင်းအတော်ကြာကြာက
၂ နှစ်သမီးငယ်လေးတစ်ယောက်
သူ့ဖခင်အနားရောက်လာပြီး မျက်ရည်မဆည်နိုင်သူတွေကို
စေ့စေ့ကြည့်ပြီးပြောခဲ့တယ်
"ဖေဖေ အိပ်နေတယ်
နိုးသွားလိမ့်မယ် တိုးတိုး နေပေးပါ" တဲ့
အဲ့ဒီ အချိန်ကတည်းက
ဒီ ၂ နှစ်သမီးလေးကို သူ့ဖခင်ကိုချစ်တဲ့ပြည်သူတွေက
မှတ်မှတ်ရရ သတိထားမိခဲ့တာ " ဒီအကြည့် " !!!

ခေတ်ဆိုးထဲ
ပြောရမယ်ဆို တစ်တိုင်းပြည်လုံးစစ်ဖိနပ်အောက်ပြားပြားဝပ်ချိန်
ဧရာဝတီတိုင်းရဲ့ လမ်းမ တစ်နေရာမှာ
လူထုနဲ့ သူမ ဆုံတွေ့တော့မယ်အချိန် နာရီတွေကရင်ခုန်နေ
ဒီအချိန် မာနတ်နောက်လိုက်တွေရဲ့ဟောင်သံကထိုးဖောက်
" ရပ် ရှေ့မတိုးနဲ့
ရှေ့တိုးတာနဲ့ ပစ်သတ်ပစ်မယ် ဒါ အမိန့်ပဲ "
သူမ မဆိုင်းမတွ မတွန့်
ခပ်ထိထိမျက်နှာထား ရဲရင်တဲ့ မျက်ဝန်းအစုံကိုဖွင့်
လှမ်းလိုက်တဲ့ခြေလှမ်းတိုင်းကို နောက်ဆုံးတော့
သေနတ်ပြောင်းဝတွေ သူမခြေဖဝါးရှေ့ ကျရှုံးလိုက်ရတာပဲ
တကယ့်ကို တစ်ကမ္ဘ္ဘ္ဘ္ဘ္ဘာလုံး အသက်ရှုရပ်အောင်
မေ့လျော့ငေးကြည့်စေခဲ့ရတာ " ဒီအကြည့် " !!!
ဒီကဗျာ
အခုရေးနေရင်း နှလုံးသားတွေသွေးတစ်စက်တစ်စက်ကျနေရပြီ
နှစ်တွေကြာလာလေလေ
အချိန်တွေရွေ့လျားလာလေလေ
သက္ကရာဇ်တွေပြိုကျလာလေလေ
ယူနီဖောင်းဝတ် အပွင့်အခက်တွေနဲ့သာယာနေတတ်သူတွေဟာ
သူမကို တစ်နေ့ထက်တစ်နေ့ ပိုပိုကြောက်လာရလေပါပဲ
ကြည်ရွာ
ဒီရွာလေးဟာသမိုင်းနေ့ဆိုးတစ်နေ့ကို
သူ့ရင်ဘတ်မှာ အနာဟောင်းတစ်ခုကိုပွေ့ပိုက်ထားရသလို
အခုအချိန်အထိ ခံစားနေရတုန်း
ခြောက်ခြားစရာ ည တစ်ညမှာ
သူမကို လူယုတ်တွေဟာ အသေသတ်ခဲ့ကြတယ်လို့ပြောရလိမ့်မယ်
ဒဏ်ရာတွေဗလပွကိုသူမ ပိုင်ဆိုင်ခဲ့ရသလို
အမည်မဖော်နိုင်လိုက်တဲ့ သူရဲကောင်းတွေရဲ့အမည်နာမတွေ
ဒီတိုင်းပြည်မှာရှိခဲ့တယ်
သူမရင်ဘတ်ထဲမှာ ရှိနေလိမ့်မယ် ဒါကိုယုံကြည်နေတယ်
ညာသံပေးပြီး ဝါးရင်းတုတ်တွေကိုင်ထားတဲ့
မူးရူးသောက်စားထားတဲ့ လူ့ငပိန်းတွေကိုလက်ထဲက ဒုတ်
ပြုတ်ကျစေပြီး ငေးငိုင်မေ့မျောသွားစေခဲ့တာလည်း " ဒီအကြည့် " !!!
တကယ်တော့ သူမဟာ မိန်းမသားတွေအများကြီးအထဲက
ပိန်လျသေးသွယ်တဲ့ မိန်းမသား တစ်ယောက်ပါပဲ
သူမမှာ နှလုံးသားအပိုတစ်စုံလည်းမပါလာသလို
အသွေးအသားတစ်ကိုယ်စာလည်းအပိုမပါလာခဲ့ပါဘူး
သူမပါလာတာတော့ရှိတယ်
စိတ်ဓာတ်သတ္တိရယ် ရိုးသားမှုရယ်နေရဲ သေရဲ တာတော့ပါလာတယ်
ကြည့်လေ
ဒါကိုတောင် သူမကို အိမ်အိုကြီးတစ်လုံးတည်းမှာ
၁၃ နှစ်တောင် တစ်ယောက်တည်းအထီးကျန်ထားခဲ့ကြတယ်
သားအရင်းလေး ၂ ယောက် မိခင်ပျောက်ခဲ့ရသလို
ခင်ပွန်းရဲ့သေခါနီး ၂ ရက်အလို ဖုန်းတောင်စကားဆုံးအောင်မပြောလိုက်ရဘူး
ဒါပေမယ့် သူမမှာ သားသမီးတွေအများကြီးရလိုက်တယ်
သူမမှာ တရား ဓမ္မတွေ များစွာပိုမိုထိတွေ့ခွင့်ရလိုက်တယ်
ဒီခြံကြီးထဲက ဒီသမိုင်းဝင် အိမ်အိုကြီးထဲမှာနေလိုက်ရပေမယ့်
သူမကိုသိပ်ချစ်တဲ့ပြည်သူတွေက သူမနှလုံးအိမ်ထဲမှာသာရှိနေခဲ့တယ်
ဒီအိမ်အိုကြီးထဲကသွက်လက်တဲ့ခြေလှမ်းတွေနဲ့ထွက်လာခဲ့ပြီး
မကြာခင်မှာပဲ
ကမ္ဘ္ဘ္ဘ္ဘ္ဘာကျော်စစ်အာဏာရှင်ကြီးဟာ
တစ်ဘဝစာတစ်ခါတည်းတုန်လှုပ်စေခဲ့ရတာလည်း "ဒီအကြည့် " !!!
ဒီအကြည့် ဟာ
လူတစ်ချိူ့အတွက်တော့ အကြည့်မခံရဲခဲ့ဘူးလေ
ဒီအကြည့် ဟာ
အမှားတွေကိုမြှားတစ်စင်းလိုပစ်ခွင်း အမှန်တရားကိုပြသခဲ့တယ်
ဒီအကြည့် ဟာ
ပင်လုံကိုအသက်သွင်း နေပြည်တော်ကိုပြည်သူပိုင်လုပ်ခဲ့နိုင်တယ်
ဒီအကြည့်တစ်ချက်ဟာ
ကမ္ဘ္ဘ္ဘာတည်နေလိမ့်မယ်
ဒီအကြည့်ဟာ မြန်မာတွေကိုသွေးသစ်လောင်းနေလိမ့်မယ်
ဒီအကြည့်ဟာ ကဗျာတွေကို ဆက်ပြီးမဆုံးနိုင်အောင်
ထုဆစ်ပေးနေပါလိမ့်ဦးမယ် !!!
ဒီအကြည့် ဟာ
ငါတို့မျိူးဆက်အတွက်သာဖြစ်ပေသည်။ ။
အမေ့ကို ဦးခိုက်လျက်
#ရန်ငြိမ်းသူ
via ; Thura Aung
#Hnin Si Khin

ဒီကဗျာရဲ့ အောက်ဆုံး ၄ ကြောင်းဟာ မူရင်းကဗျာဆရာရဲ့ စာသားမဟုတ်ဘဲ။ မသမာသူတွေက ထပ်ဖြည့်ထားခဲ့တာတဲ့။

ဒီကဗျာရဲ့ အောက်ဆုံး ၄ ကြောင်းဟာ မူရင်းကဗျာဆရာရဲ့ စာသားမဟုတ်ဘဲ။ မသမာသူတွေက ထပ်ဖြည့်ထားခဲ့တာပါ။

ပြောစရာ ဘာမှမရှိတဲ့ သူငယ်ချင်းအတွက်

==== ပြောစရာ ဘာမှမရှိတဲ့ သူငယ်ချင်းအတွက် ====
ရဲဘော်တုို့ အကယ်၍
တုိုက်ပွဲမှာ ကျသွားခဲ့ရင်
အာဇာနည်သူရဲကောင်း ဗိမာန်ကြီးမှာ
အရုိုးဂူသွင်း မြှုပ်နှံမယ်။

လူစဉ်မမှီတဲ့ ဒါဏ်ရာရခဲ့ရင်
အထဲမှာ ကျန်ခဲ့တဲ့
ငါတုို့ရဲမေ ကျောင်းသူတွေက
ဘ၀ကြင်ဖေါ်အဖြစ်
မင်းတုို့ကို စောင့်နေတယ်။
လာ ထားလေ ဒါမျိုးကတော့
ရှေ့ တန်းသွားဖုို့
ကျနော် အဆင်သင့်ပါပဲ့ စစ်ကြောင်းမှူး။
တုိုက်ပွဲကျ ရဲဘော်အပေါင်းတုို့
မင်းတုို့ သူရဲကောင်းဗိမာန်ကြီးစီ ရောက်ပြီလား
မင်းမိသားစု အသုိုင်းအ၀ုိုင်းက
မင်းတကယ် ကျဆုံးသွားပြီဆုိုတာရော သိရဲ့လား။
လူစဉ်မမှီ ဒါဏ်ရာရရဲဘော်
မင်း ကျင်ဖေါ်က
မင်းကုို လက်တွဲခေါ်သလား
မင်းချစ်သူက ကြည်ဖြူရဲ့လား
ဒါဏ်ရာအတွက် ဆေးဖုိုးဝါးခ အဆင်ပြေလား
စား ၀တ် နေရေး အဆင်ပြေလား
ယုံကြည်ရာတောင် ကုိုးကွယ်ခွင့် ရရဲ့လား။
ခေတ်သစ် ဒီမုိုကရေစီလှုပ်ရှားမှုနဲ့
တုိုင်းပြည် ထူထောင်ရေးတွေမှာ
လုပ်ဖေါ်ကုိုင်ဖက်တွေ က
တူတူတန်တန် ဆက်ဆံရဲ့လား။
သူပုန်မိဘမုို့
တရွာလုံးက ဆေးဖေါ်ကြောဖက် မလုပ်တဲ့
မင်းမိဘအုပ်ဂူတွေ ရွာပြင်မှာ
တကယ် ရှိသေးရဲ့လား။
ဂျိုင်းထောက်နဲ့ ဖြတ်လျှောက်စဉ်
ကျေးရွာ အုပ်ချုပ်ရေးမှူးက
မင်းမဲပေးခဲ့တဲ့ ပြည်သူ့လွတ်တော်ကုိုယ်စားလှယ် လာမှာမုို့ 
ဒုတ္ခိတတွေ ဝေးဝေးမှာ နေစေချင်တဲ့အကြောင်း
ခေါ်ပြောသေးလား။
မင်း သားနဲ့ သမီး
ဒီမုိုကရေစီ ခေတ်မှာ
သူတုို့ ကျောင်းနေဖက်တွေကုို
ငါ့ အဖေက
တော်လှန်ရေးသမား သူပုန်ကွ လုို့
ဖွင့်ပြောခွင့် ရှိရဲ့လား။
လက်ရှိ အခြေအနေထဲက
မကြိုက်ဆုံးတခုကုို ပြောပါဆုိုရင်
ပြောစရာတွေ များလွန်းလုို့
ဘာမှ မရှိပါဘူးလို့
ပြောမှာပဲ့ မဟုတ်လား။
တကယ်တော့
ဒါတွေ အားလုံးဟာ
“ အောင်ပွဲနဲ့ အတူ ပြန်လာမယ် “ လုို့
အမေနဲ့ ချစ်သူကုို
လိမ်ပြီးပြောခဲ့တဲ့ အပြစ်ကြောင့် ။ ======== ။
ခွန်တာဇံ
ဖေဖေါ်ဝါရီ ၅၊ ၂၀၁၇။

"သင်္ခန်းစာသစ်"

"သင်္ခန်းစာသစ်"
============
မောင် စိန် ဝင်း(ပုတီးကုန်း)

သူကျူးလွန်ခဲ့တဲ့အပြစ်ဟာ
နာသုံးနာနဲ့
ဆရာပီသခဲ့တာပါပဲ။
ချိုးငှက်တွေပျံသန်း
ငြိမ်းချမ်းရေးဆိုတာ
မေတ္တာတရားအခြေခံ
ကျည်ဆံတွေမလိုကြောင်း
သူ
ကောင်းကောင်းသင်ပေးခဲ့ဖူးမှာပါ။
အကြောက်တရားဆိုတာ
အမုန်းတရားအဖြစ်ကူး
စစ်ပွဲတွေဖြစ်ဖူးခဲ့ကြောင်း
သူ
ကောင်းကောင်းပြောပြခဲ့ဖူးမှာ။
ပန်းကလေးတွေဖူးဖို့
နူးညံ့တဲ့သူ့လက်နဲ့
ဆူးခက်တွေကိုဖယ်ရှား
သူ့နှလုံးသားမှာအနာတရ
တခါမက ပွေ့ဖက်ခဲ့ဖူးမှာ။
အဲဒီအပြစ်တွေနဲ့ထိုက်တန်တာ
ကျောင်းဆရာလေးအတွက်ကျည်ဆံမှတပါး
အခြားမရှိလေရော့သလားကွယ်။
ကျောင်းဆရာလေးရဲ့နားထင်ဖောက်ဝင်သွားတဲ့ကျည်ဆံ
ဆရာဆရာမများရဲ့
နှလုံးသားကိုထိမှန်ခဲ့
နိုင်ငံရဲ့အနာဂါတ်ကိုထိမှန်ခဲ့
ဒါဏ်ရာကျက်ဖို့ဆိုတာ
ငြိမ်းချမ်းရေးရဖို့ကာလတွေလောက်
ကြာချင်ကြာနိုင်ပါရဲ့။
ကဲ
မြေဖြူတချောင်း
မောင်းပြန်တလက်
အနာဂါတ်အတွက် ရွေးဖို့
ကလေးတို့ ရဲ့နှလုံးသားမှာ
ဆရာပေးခဲ့တဲ့နောက်ဆုံး
သင်္ခန်းစာပေါ့ကွယ်။
၂၀/၁/၂၀၁၇
မှတဆင့် Thuzar tin win (sayarma)
.
Credit... Aye AyePhyo
.
ပြန်လည်မျှဝေပေးပါတယ်။
လေးစားလျှက်
MartinSwe
22-01-2017

Like

မြန်မာ့သမိုင်းမှာ မသေတော့ဘူး

မြန်မာ့သမိုင်းမှာ မသေတော့ဘူး

တလ ပြည့်ခဲ့ပြီ အဘ၊

သေသောသူ ကြာရင်မေ့တဲ့လား၊

ဒါဆိုရင် အဘကတော့

သေဆုံးသူ မဟုတ်ဘူးပေါ့၊

အဘရဲ့ ပုံရိပ်တွေက

ကျွန်မတို့ရင်ထဲမှာ စွဲထင်ဆဲ၊

အဘရဲ့ စာနဲ့စကားတွေက

ကျွန်မတို့နှလုံးသားမှာ ထင်ကျန်ဆဲ၊

အဘဟာ ဘယ်တော့မှ မသေဘူး၊

ဟုတ်တယ်- ရုပ်ခန္ဓာ ချုပ်ငြိမ်းသွားပေမယ့်

ဦးဝင်းတင်ဆိုသော အဘရဲ့နာမည်

မြန်မာ့သမိုင်းမှာ မသေတော့ဘူး။

"ဖောက်လွဲဖောက်ပြန်ရှိတတ်တဲ့

လူ့လောကမှာ

လူတစ်ယောက်ကို

သေဆုံးပြီးမှသာ ချီးကျူးပါတဲ့၊

လူတယောက်ဟာ

သူ့ယုံကြည်ချက်ကို

မဖောက်မပြန်

ဘယ်လောက်တန်ဖိုးထားတယ်ဆိုတာ

သေဆုံးပြီးမှသာ သိနိုင်တယ် "တဲ့၊

ပြည်သူလူထုကြီးရဲ့ကြားက၊

လူထုလူတန်းစားအလွှာအသီးသီးကြားကနေ

ရင်ဘတ်နဲ့ခံစားရင်း ပေါ်ထွက်လာခဲ့တဲ့

အဘရဲ့ ယုံကြည်ချက်တွေ

ပြည်သူ့ဆန္ဒနဲ့

သွေဖည်သွားတယ်ဆိုတာ

ဘယ်တုန်းကရှိခဲ့လို့လဲ။

အဘဟာ

ပြည်သူ့ဘ၀ကိုသိတယ်၊

နှလုံးသားနဲ့ မျှဝေခံစားခဲ့တယ်။

အဘဟာ

ပြည်သူ့ဆန္ဒကိုသိတယ်၊

အရိုးကျေကျေ၊ အရေခမ်းချိန်ထိ

ဆန္ဒတွေဖြည့်နိုင်ဖို့ ကြိုးစားခဲ့တယ်။

အဘဟာ

လူထုလူတန်းစား အလွှာအသီးသီးရဲ့

သဘောသဘာဝကို နားလည်တယ်၊

ရေပေါ်ဆီပေါ်ပင်နိုင်ငံရေးထက်

ပြည်သူ့နိုင်ငံရေးကို

ဦးစားပေးခဲ့တယ်။

အဘဟာ

တိုင်းရင်းသားလူမျိုးပေါင်းစုံအရေးကို

အာရုံစိုက်တယ်၊

ကျန်းမာရေးမကောင်းတာတောင်

ဆေးရုံကုတင်ပေါ်ကနေ

အားခဲခေါင်းထောင်ထရင်း

တိုင်းရင်းသားအရေး၊

ဆွေးနွေးခဲ့တဲ့

အဘရဲ့ပုံရိပ်ကို

ကျွန်မဘယ်လိုမေ့နိုင်မှာတဲ့လဲ။

အဘဟာ

အလင်းနဲ့အမှောင်ကိုခွဲခြားပြတတ်တယ်၊

အမှောင်မှန်းသိရက်နဲ့

လင်းသယောင်ရှုမြင်ခိုင်းတတ်တဲ့

ကိုယ်ကျိုးရှာအတ္တတွေ

အဘမှာမရှိခဲ့ဘူး။

အဘဟာ

ရန်သူရဲ့ သဘောသဘာဝကို

နားလည်တယ်၊

နှင်းမကွဲခင်၊ အာရုဏ်ဦးရဲ့

ရောပြွန်းရှုပ်ထွေးမှုတွေအကြားက

မက်လုံးတွေနဲ့ ချိုမြိန်တဲ့အဆိပ်တွေကို

ရှင်းရှင်းလင်းလင်း

မီးမောင်းထိုးပြပေးခဲ့တယ်။

အဘဟာ

ပညာအသိကို သတိနဲ့တွဲခဲ့တယ်၊

ရာထူး၊ စည်းစိမ်နဲ့ မက်လုံးတွေကြားမှာ

ပရော်ဖက်ရှင်နယ်ကျင့်ဝတ်ကို

ရေစုံမျောမခံခဲ့ဘူး။

တလပြည့်ခဲ့ပြီ-အဘ၊

အဘရဲ့ရုပ်ခန္ဓာ

ချုပ်ငြိမ်းသွားတာ

တလပြည့်ခဲ့ပြီ၊

ဒါပေမယ့်

အဘမသေသေးဘူး၊

ဟုတ်တယ်-

ဦးဝင်းတင်ဆိုသော အဘရဲ့နာမည်

မြန်မာ့သမိုင်းမှာ မသေတော့ဘူး။

                                                  ခင်မမမျိုး (၂၀၊ ၅၊ ၂၀၁၄)

“(၆၆) လက်ဆောင်”

“(၆၆) လက်ဆောင်”
 လောကကိုအလင်းဆောင်
  သူ့မှာတော့အမှောင်ဖုံး။
  မီးအိမ်ငယ်စံထုံးလိုပ
  သွေးရှင်ရှင်မခမ်းလေသမျှတော့
  ဗေဒါမာန် သခင်မရယ်
  လင်းပလိမ့်အုံး။
ေ    ရွှေသွေး
၁၉.၀၆.၂၀၁၁

တစ်ပွင့်ကြွေရင်

*******************
ဟံသာဝတီ အရှင်
သံမဏိ စိတ်ဓာတ်ပိုင်ရှင်
သတင်းဘုရင် ဦးဝင်းတင်

အာဏာရှင်တွေကို
လက်မမြှောက် ဒူးမထောက်
ခွပ်ဒေါင်းသွေးနဲ့ 
ရဲရဲ တိုက်ပွဲဝင်
ခရိုနီအားရ
အာဏာအရူးထ
ကျွန်ပါးဝနေသူတွေကို
ဘဝ နဲ့ ရင်းလို့  ကိုယ်ကျင့်တရားဖြင့်ထိုးစစ်ဆင်
ခေတ် အဆက်ဆက်လုံး
ယုံကြည်မှု တွေမပျက်သုဉ်း
လူထုအကျိုးအတွက်
ဒီမိုကရေစီ အရေးအတွက်
ကိုယ်ကျိုးမဖက်
စွန့် လွှတ် စွန့် စား
ဘာမထီ ဘွား
ကြို့ ပင်ကောက်မှာ
သူမွေးဖွား
ဦးပု ဒေါ်အမာ တို့ ရဲ့ သား
စားရေးဆရာဘဝ
ဒဂုန်မဂ္ဂဇင်းမှစ
နိုင်ငံရေးသမား အစ
ကြို့ ပင်ကောက်ရဲ့ 
ကျောင်းသား သမဂ္ဂဥက္ကဋ္ဌ
ခြေတွင်စကား|လက်ဖျားကဗျာ
မျက်နှာဇာတ်လမ်း
စာပေလမ်းဝယ်
မှတ်ကျောက်တင်ခဲ့သည်
ကိုယ့်ငွေနှင့်ကိုယ်ထုတ်
ကိုယ့်ဘာသာကိုရေး
ကမ္ဘာ့တစ်ဝန်းမှာ
ဒို့ ပြည်တွင်းသတင်းစာ
သူ အခမဲ့ ဖြန့် ဝေခဲ့တာ
စံပြုလောက်တဲ့
သတင်းစာ ဆရာ
ဒီချုပ်စတင်ဖွဲ့ စည်း
သူ့ တာဝန် က အလွန်ကြီး
စစ်အစိုးရ ရဲ့ ဒေါသ မီး
မဟုတ်က ဟုတ်က
အပြစ်ရှာမှ
အလုပ်ကြမ်းနှင့် ထောင်သုံးနှစ်ကျ
လွှတ်ရက်စေ့ကာနီး
စစ်အစိုးရ က မက်လုံးပေးပြီး
စည်းရုံးငြားလည်း
လက်လျော့ပေးရ စစ်အာဏာရှင်ကို အမြစ်ပြုတ်အာင်တိုက်မယ်
သူ့ ယုံကြည်မှုရယ်
သူ့ သစ္စာစကားဝယ်
အာဏာရှင် တွေ
အမျက်တော်ရှတယ်
ကြောက်လန့် ကြတယ်
ဆယ်စုနှစ်ကျော် အချိန်အားလုံး
သံတိုင် ကြားမှာ
သူ ဘဝ ထပ်ကုန်ဆုံး
ထူထောင်ရမယ်
ထိန်းသိမ်းရမယ်
ထိုင်မနေနဲ့ 
ထိတွေ့ ရမယ်
အကျဉ်းထောင်ထဲဝယ်
"ထ"လေးလုံးပေါ်လစီကို
သူ ချမှတ်ခဲ့တယ်
သူရွေးချယ်ခဲ့တဲ့လမ်း
သူ လျှောက်ခဲ့တဲ့လမ်း
ခက်ခဲကြမ်းတမ်း
လေးစားစရာကောင်းတဲ့
မဟာလူသားတို့ သွားရာလမ်း
ပြင်သစ် ပြည် ရဲ့ လမ်းမကြီးမှာ
"ဝင်းတင် "လမ်းက ဂုဏ်ယူဖွယ်ရာ
နှစ်ကူးရဲ့ တန်းခူးနွေမှာ
တို့ အားလုံးရဲ့ ဒေါင်း အလံဟာ
တစ်ဝက် လျော့လိုက်ရအချိန်မှာ
မျက်ရည် အစတွေ
အလိုလိုကျလို့ လာ
ဖွေဘွတ်သုံးသူ အားလုံး
ပရိုဖိုင် ပြောင်းကြပြီ
တစ်နိုင်ငံလုံး အမျှဝေသည်
တစ်ကမ္ဘာလုံး နှမျှောကြသည်
မဟာလူသား၏ အိမ်ပြန်ခရီးရှည်
အစားထိုးမရအောင်
ကြေကွဲဖွယ်ကောင်းလှသည်
သူ အကြောင်းသည်
စာဖွဲ့ လို့  မကုန်နိုင်ပြီ
ကဗျာဖွဲ့ လို့  မပီ နိုင်ပြီ
ဂုဏ်ယူစွာ သမိုင်းဝင်လေပြီ
ထိုလူကဲ့သို့ 
နိုင်ငံရေးသမား
စံတင်လောက်သည့်
မဟာလူသား
ကောင်းစွာ အနားယူနိုင်ပါစေသား
ပြည်သူ့ တို့ ရဲ့  သူရဲကောင်းများ
အစဉ်ထာဝရ ရှင်သန်ပါစေသား....
ဦးဝင်းတင်ကဲ့သို့  မဟာလူသား
မြန်ပြည်တစ်ခွင်မှာ
အသစ်ထပ်မံ မွေးဖွားပါစေသား
ဝေ လည်း မွှေးသမို့ 
ကြွေ လည်း မွှေးသမို့ 
သူ့ စိတ်ထားကို အတုယူစို့ 
ဦးဝင်းတင်ကို ဂုဏ်ပြုစို့ ။
JK
11:8 AM
25.4.14
---------------------------------
fb ၌ profile ပြောင်းထားသည့် မိတ်ဆွေများကို သာ ဦးစားပေးtag ထားပါသည်။လွဲမှားမှုရှိပါက တောင်းပန်အပ်သည်။ဤ စာဖြစ်မြောက်ရေးအတွက် ကိုသောင်းပုလဲမြေအား ကျေးဇူးတင်ပါကြောင်း

ယုံကြည်ချက် ချိုးဖြူ ငှက်များ

Poe Ziwa

အောင်ပွဲဆိုတာ
တိုက်ရဲသူအတွက်
အမှန်တရားအတွက်
ဒူးမထောက်ခဲ့ ရဲနီတဲ့သွေး
ကျွန်ှပ်တို့ ထံ....စီးဆင်းစေ...၊

တိုက်ပွဲကြားက သစ္စာတရား
ဲမြဲမြံ ခိုင်တည် ယုံကြည်ထား...
သူရဲကောင်းရဲ့  စိတ်ဥာဉ်များ
  ကောင်းကင်ထက်
ချိုးဖြူ ငှက်များ ဖြစ်စေသား...။
ယုံကြည်ချက် ခိုင်မာစွာရပ်တည်ခဲ့သည့် အဘဦးဝင်းတင် အတွက် အမှတ်တရ။

ငါတို့ အဘ

အခက်ပွေ
မျက်ရည်တစ်စ
ငါ့
ငါ့အဘ
လာခဏ
ထာဝရ
အဘ
ဘ
ဘ၀
အလှပြသမျှ
မရဏက ခေါ်တော့
လူ့လောက က
ထွက်ခွာသွားခဲ့ရပြီပေါ့…။

ကလောင်
ဆောင်
အယောင်
မဆောင်
အရောင်
ပြောင်
အပြာရောင်
ထောင်အရောင်
အ၀တ်ကိုဆောင်
ဝဋ်ကိုမရှောင်
အမှောင်ချဘောင်
နောင်ဘ၀တောင်
သေမထူးတစ်ကောင်
မကျေဘူးမောင်..တဲ့။
လှေခွက်ချည်းကျန်
အသေခက်သည့်သဏ္ဍန်
တစ်ဖန်မှ
အလံချ
သူ.. မပြ
လူဘ၀
အူ..မပြ
ရရင်ရ
မရရင်ချမယ့်ဟန်
မာန်အားအပြည့်
မခံထားရှေ့အမှန်
လှန်
လှန်
လှန်
တော်လှန်
ဘ၀မီးဆံ
ကျန်သမျှ
မချန်ထားခဲ့
မချန်ထားကြနဲ့တဲ့ ………ဟေ့။
သူ.. ကမ္ဘာမကြေ
ဇမ္ဗူမှာလေ
လူသာသေ
နာမည်မသေ
အမှန်တည်ပေ
အကြံညီစေသကွဲ့
ပျံချီလေတဲ့
ခွပ်ဒေါင်း တို့ရဲ့ အဘိုး
အရိုးကျေကျေ
အရေခန်းခိုက်ပေမယ့်
အမျိုးအဆွေတွေအတွက်
မနေတန်းတိုက်ခဲ့တယ်မို့
“အကြွေပန်း ညမှာ မကြာခဏ အတော်မောခဲ့ပေလည်း
အဘ..ရယ်က
အသေပန်း လှကာ ထာဝရ ကျော်စောခဲ့ပြီ”………………………..။ ။
ဒေါက်တာဇော်မျိုးထက်
<ဇော်ထက် - ပျဉ်းမနား>

ကျားရဲ ငါ

ပန်းပိတောက်မင်း

++++++++
လတန်ခူးပေမို့၊ အလှထူးပါဘိ၊
မြမြဖူးရယ်တဲ့ ခိုင်ရွှေဝါ။

တကယ်တမ်းသာဖြင့်၊ဘယ်ပန်းသော်စံမတူဘူ့
နန္ဒမူ ဖန်လ်ကူထိပ်မှလှ၊ ပစ္စေကာချွေးတော် သိပ်ရတယ်
ဧရိပ်ဆာယာ။
တနှစ်တွင်သည်တလပေပ၊ တလတွင် တရက်ထဲ၊
ခက်ခဲတဲ့ရက်ဗုဒ္ဓာ၊ ပွင့်ရှာကြ စုံမြိုင်တွင်း၊ ။
မြူမင်းလွင်ထန်၊ ကြူသင်းတာချိန်ယံမတော့၊
ရွှေဝတ်ဆံ ငုံတံညှောက်ကယ်နှင့်၊ ခါသင်္ကြန်ဂိမှာန် ရောက်ပြန်တော့၊
သိန်သရေထိမ်ဝေလို့ တောက်တဲ့အပြင်၊
လမ်းတလျှောက်သင်းပါဘိ၊ ဆန်းသလောက်မလင်းနိုင်ဘူး၊
ပန်းပိတောက်မင်း။
ဦးကြော့

ပိတောက်ပန်း

ပိတောက်ပန်း (ဇော်ဂျီ)
မခူးချင်စမ်းပါနဲ့
နှစ်ဆန်းခါတော်မီမို့
ဇမ္ဗော်ရည် ပြေပြေလိမ်းကာပါ့
ခပ်သိမ်းနယ်စုံစုံသို့
ပွင့်ငုံကိုလင့်ကုန်ကြတော့လို့
ခေါင်းကြွေ ဆာဝေဝေနဲ့
သူလဲလေ လောကီသားလိုပါ့
ကြွားချင်လှပေလိမ့်မယ်။

တသိန်တင့်ပါဘိ
တိမ်မြင့် ရီပြာပြာက
ကြည်သာသာ ပင့်လေအဖြူးတွင်ဖြင့်
တီတာတာ ပွင့်ရွှေဖူးငယ်တို့
လည်ယှက်ကာ ဘယ်ညာလူးလေတော့
သူတို့လို ဘယ်သူမြူးနိုင်ပါ့
ထူးပါဘိတယ်။
တဝါဝါ ဆင်သင်္ကန်းရယ်က
ကမ္ဘာမှာ ဘဝင်ချမ်းစေတဲ့
သာသနာ ရွှင်ရွှင်လန်းအောင်လို့
တမင်မှန်းကာပါ့ သတိဆွယ်
ရည်ရွယ်တော့သလား။
ခူးပါနဲ့ကွယ်
ပွင့်ဖူးမှာ အဝါခြယ်၍
မာလာအလယ်မှာ နွှဲချင်တဲ့ နှလုံးရယ်ကြောင့်
နှစ်ဆုံးကုန် အတာဝင်သို့
မာန်အင်ကို ဉာဏ်ဆင်မွေးကာပါ့
အရေးအခါသာမှ
ခမျာမှာ တစ်ဂုဏ်ဆန်းရတယ်
ပန်းပိတောက်များ။ ။
ဇော်ဂျီ
တက္ကသိုလ်ကျောင်းတိုက်မဂ္ဂဇင်း၊ မတ် ၁၉၂၈
--
၂၀၁၄- ဧပြီလထုတ်၊ အတွဲ(၂)၊ အမှတ်(၇) သဘာဝ မြန်မာ ဓာတ်ပုံ မဂ္ဂဇင်း၊ ဖြတ်သန်းမှုနှင့် စိတ်ကြိုက်အနုပညာ ကဏ္ဍမှ ဆရာဇော်ဂျီ ရေးသားသော “ပိတောက်ပန်း" ကဗျာ အဖွင့်...
ဓာတ်ပုံ - မောင်လှ

ကေသရာဇာ

***********
ရဲဘော်ဝင်းတင်
သင်ဟာ
ခြင်္သေ့တစ်ထောင်ပမာ
တိုင်းရင်းသား လူမျိုးစု
လူထုက ထုဆစ်တယ်။
ကမ္ဘာမကြေနေ့များ
သင့်ရဲ့ လည်ဆံတဖွားဖွားနဲ့
ကျောသား ရင်သား မခွဲခြား ချစ်သူ။
ခြေမှာ ကကြိုး၊ လက်ဖျားကဗျာ
ရာဇဝင်ထဲမှာ ဝင်းတင်ဆိုတာ
လူထုထဲက သူရဲကောင်း။
ခြင်္သေ့ကြီး
အချုပ်အချာ၊ နန်းရပ်ထီးဖြူ၊
အလံထူလွှင့်၊ သင့်လက်ထဲမှာ။
ခြင်္သေ့ တစ်ထောင်
ခေါင်းပြန်လည့်မော့ချိန်ပါလား။ ။
(အဘခြင်္သေ့ နိုးထ ကျန်းမာပါစေ)
မောင်လွမ်းဏီ
၂၈ - ၃ - ၂၀၁၄
Credit : Helen Ayekyaw