မြန်မာနိုင်ငံအပေါ် အမေရိကန်ပြည်ထောင်စုရဲ့ အရေးယူဒဏ်ခတ်မှုတွေကို ဆိုင်းငံ့ဖို့ အချိန်ရောက်ပြီလို့ အမေရိကန်နိုင်ငံရေးမှာ သြဇာကြီးမားတဲ့ ရီပတ်ပလင်ကန် အထက် လွှတ်တော်အမတ် ဂျွန်မက်ကိန်း က ပြောလိုက်ပါတယ်။ ဒါပေမယ့် ရင်းနှီးမြုပ်နှံမှုတွေ လုပ်တဲ့နေရာမှာ အမေရိကန်ကုမ္ပဏီတွေအနေနဲ့ လူမှုကျင့်ဝတ် သိက္ခာတွေ စောင့်စည်းပြီး တာဝန်ယူမှုရှိတဲ့ စီးပွားရေးလုပ်ငန်းတွေ အဖြစ် စံပြဖြစ်ဖို့ လိုမယ် လို့ အထက်လွှတ်တော်အမတ် ဂျွန် မက်ကိန်းက ပြောသွားပါတယ်။ ဒီအကြောင်းကိုတော့ ကိုသားညွန့်ဦးက တင်ပြပေးထားပါတယ်။
မြန်မာနိုင်ငံအတွင်း မကြာခင်က သိသာထင်ရှားတဲ့ တိုးတက်ပြောင်းလဲမှုတွေ ဖြစ်ခဲ့တာ၊ အထူးသဖြင့် ပြီးခဲ့တဲ့ရွေးကောက်ပွဲအတွင်း ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်တို့ အနိုင်ရပြီး လွှတ်တော်ထဲ ၀င်ရောက်နိုင်တဲ့ အခြေအနေတွေကြောင့် မြန်မာနိုင်ငံအပေါ် အရေးယူပိတ်ဆို့မှုတွေကို ဆိုင်းငံ့ထားရတော့မယ့် အချိန်ရောက်နေပြီလို့ အထက် လွှတ်တော်အမတ် ဂျွန်မက်ကိန်းက ပြောသွားပါတယ်။ ဒါပေမယ့်လည်း လက်နက် တင်ပို့ရောင်းချမှုကိုပိတ်ပင်တာနဲ့ မြန်မာ့ ဒီမိုကရေစီရေးကို အနှောင့်အတား ဖြစ်စေတဲ့ပုဂ္ဂိုလ်တွေ၊ အဖွဲ့အစည်းတွေကို ပစ်မှတ်ထားအရေးယူတာ မျိုးတော့ ခြွင်းချက်ဆက်ထားသင့်တယ်လို့ အထက်လွှတ်တော်အမတ် ဂျွန်မက်ကိန်းက ၀ါရှင်တန်ဒီစီက CSIS မဟာဗျူဟာနဲ့ နိုင်ငံတကာလေ့လာရေးဌာနမှာ မနေ့က ပြောဆိုသွားပါတယ်။
“မြန်မာနိုင်ငံအပေါ် အမေရိကန်ပြည်ထောင်စုရဲ့အရေးယူပိတ်ဆို့မှုတွေ ဆိုင်းငံ့ဖို့ အချိန်ကျနေပြီလို့ ထင်ပါ တယ်။ လက်နက်ရောင်းချမှုပိတ်ပင်တာနဲ့၊ မြန်မာ့ဒီမိုကရေစီကို အနှောက်အယှက် အဟန့်အတားဖြစ်စေ တဲ့ လူ့အခွင့်အရေးချိုးဖောက်မှုတွေ ကျူးလွန်တဲ့၊ နိုင်ငံ့အရင်းအမြစ်တွေကို မတရားယူထားတဲ့ ပုဂ္ဂိုလ်တွေ၊ အဖွဲ့အစည်းတွေအပေါ် ပစ်မှတ်ထားပြီး အရေးယူထားတာတွေက လွဲလို့ပေါ့။ ဒါပေမယ့် ဒါဟာ အရေးယူ မှုတွေကို ရုပ်သိမ်းတာမဟုတ်ပါဘူး၊ ဆိုင်းငံ့ထားဖို့ပါ။ မြန်မာနိုင်ငံအတွင်း တိုးတက် မှုတွေ၊ ပြုပြင်ပြောင်းလဲ မှုတွေ ဆက်ဖြစ်နေတဲ့ အပေါ်မှာတည်ပြီး ဒီ အရေးယူမှုလျှော့ပေးတာတွေကို လုပ်သွားပါ့မယ်။”
မြန်မာအာဏာပိုင်တွေအနေနဲ့ ဒီမိုကရေစီနဲ့ စီးပွားရေးပြုပြင်ပြောင်းလဲမှုတွေ လက်တွေ့ ဆောင်ရွက်တဲ့ အပေါ်မှာ အမေရိကန်ပြည်ထောင်စုဘက်ကလည်း လုပ်ရပ်တခုချင်းကို တခုချင်းအလိုက်တုံ့ပြန်သွားမယ် လို့ ပြောထားတာပါ။ အခုလို မူဝါဒပြောင်းလဲဖို့ စဉ်းစားချက်ဟာ ပြုပြင်ပြောင်းလဲမှုတွေကို အားဖြစ်စေဖို့၊ မြန်မာပြည်သူတွေ အကျိုးခံစားခွင့်ရဖို့နဲ့ နှစ်နိုင်ငံ ဆက်ဆံရေးတိုးတက်ကောင်းမွန်လာဖို့ ရည်ရွယ်တယ်လို့လည်း အထက်လွှတ်တော်အမတ် မက်ကိန်းက ပြောသွားပါတယ်။ ဒါပေမယ့်လည်း အမေရိကန်ပြည်ထောင်စုအနေနဲ့ မြန်မာနိုင်ငံတွင်း ရင်းနှီးမြှုပ်နှံမှုတွေလုပ်တဲ့အခါမှာ မြန်မာပြည်သူတွေ လက်တွေ့အကျိုးဖြစ်ဖို့နဲ့၊ မြန်မာ့ဒီမိုကရေစီရေးကို အားဖြစ်စေဖို့ စံနှုန်းစံထား သတ်မှတ်ထားရှိဖို့လိုမယ်လို့ အထက်လွှတ်တော်အမတ် မက်ကိန်းက ပြောပါတယ်။
“မြန်မာနိုင်ငံတွင်း အမေရိကန်စီးပွားရေးလုပ်ငန်းတွေအတွက် လူမှုကျင့်ဝတ်သိက္ခာ စောင့်စည်းဖို့ အခြေခံ စံနှုန်းစံထားတွေ သတ်မှတ်ထားရပါမယ်။ မှန်ကန်တဲ့ရင်းနှီးမြှုပ်နှံမှုမျိုးနဲ့ လက်ခံလို့မရတဲ့ရင်းနှီးမြှုပ်နှံမှုမျိုး ကို ဒေါ်အောင်ဆန်းစုကြည်က ပိုင်းခြားသတ်မှတ်ထားတာ ရှိပါတယ်။ မှန်ကန်တဲ့ရင်းနှီးမြုပ်နှံမှုမျိုး ဟာ မြန်မာနိုင်ငံရဲ့ ပုဂ္ဂလိကအခန်းကဏ္ဍကို အားဖြစ်စေပါမယ်၊ နိုင်ငံသားတွေအတွက် အကျိုး ဖြစ်ထွန်းစေ ပါတယ်၊ နောက်ဆုံးမှာ စီးပွားရေးနဲ့ အရပ်ဘက်အုပ်ချုပ်မှုကို စစ်တပ်ကချုပ်ကိုင်ထားတာတွေ လျှော့ သွားစေပါလိမ့်မယ်။ လက်ခံလို့မရတဲ့ ရင်းနှီးမြှုပ်နှံမှုမျိုးကတော့ ဒါနဲ့ ဆန့်ကျင်ဘက်ပါ။ စီးပွားရေးမှာ နီးစပ်ရာလက်တဆုပ်ကပဲ လက်ဝါးကြီးအုပ်မှုကို အားဖြစ်စေပြီး မြန်မာနိုင်ငံဖွံ့ဖြိုးမှုဟာလည်း နောက် ဆယ်စုနှစ်နဲ့ချီ နောက်ကျသွားနိုင်ပါတယ်။ ဒါကြောင့်လည်း စစ်တပ်က ချုပ်ကိုင်ထားတဲ့ မြန်မာနိုင်ငံထဲမှာ အမေရိကန်ကုမ္ပဏီတွေ၊ အစိုးရပိုင်လုပ်ငန်းတွေနဲ့ စီးပွားရေးတွဲလုပ်တာမျိုးကိုတော့ ခွင့်ပြုသင့်တယ်လို့ မထင်ပါဘူး။”
မြန်မာနိုင်ငံအတွင်း ရင်းနှီးမြှုပ်နှံမှုတွေဟာ လူမှုဝတ္တရားတွေအပေါ် တာဝန်ယူလိုစိတ်ဖြစ်ဖို့၊ အလုပ်သမား အခွင့်အရေးတွေကို လေးစားလိုက်နာဖို့နဲ့ သဘာဝပတ်ဝန်းကျင် ထိန်းသိမ်းမှု ရှိဖို့ လိုမယ်လို့ သူက ထောက်ပြပါတယ်။ ဒါမှလည်း အမေရိကန်ကုမ္ပဏီတွေဟာ အခြား နိုင်ငံခြားရင်းနှီးမြုပ်နှံမှုတွေ အကြား စံပြအဖြစ်နဲ့ မြန်မာနိုင်ငံထဲ လူ့ကျင်ဝတ်သိက္ခာရှိတဲ့ နိုင်ငံခြားရင်းနှီးမြှုပ်နှံမှုတွေဖြစ်လာစေရေး ဦးဆောင် ဦးရွက် ပြုနိုင်မယ်လို့ မစ္စတာမက်ကိန်းက ပြောပါတယ်။
လက်ရှိ မြန်မာနိုင်ငံထဲက အခြေအနေကို အကဲဖြတ်ရာမှာတော့ မြန်မာအစိုးရသမ္မတ ဦးသိန်းစိန်နဲ့ လုပ်ဖော် ကိုင်ဘက်တွေဟာ ပြုပြင်ပြောင်းလဲလိုစိတ်ရှိသူတွေလို့ သူယုံကြည်တဲ့အကြောင်း ပြောပါတယ်။ နောက် သမ္မတဦးသိန်းစိန်အစိုးရအဖွဲ့အတွင်းမှာ ရှိနေသူတချို့ဟာလည်း အရင်တုန်းက အမေရိကန်-မြန်မာနှစ်ဘက် ဆက်ဆံရေးကောင်းစဉ်က အမေရိကန် စစ်ကျောင်းတွေမှာလာပြီးတော့ သင်တန်းတက်ခဲ့ဖူးသူတွေ၊ သူတို့ဟာ အမေရိကန်ပြည်ထောင်စုနဲ့ နီးစပ်လိုသူတွေဖြစ်တယ်လို့ သူက ယူဆပါတယ်။
“မြန်မာ့အရေးဟာ အမေရိကန်ပြည်ထောင်စုသံတမန်ရေးမှာ နောက်ထပ်အရေးပါတဲ့ စမ်းသပ်မှုဖြစ်ပါတယ်။ လွန်ခဲ့တဲ့နှစ်အတွင်း ကျနော် မြန်မာနိုင်ငံကို နှစ်ကြိမ်သွားရောက်ပါတယ်။ မြန်မာနိုင်ငံမှာ လုပ်ဆောင် စရာတွေ အတော်ကျန်နေသေးတယ်၊ လုပ်ရဦးမယ်ဆိုတာကို သေချာစေချင်တာပါ။ အထူးသဖြင့်တော့ အကြမ်းဖက်မှုတွေ ရပ်တန့်ဖို့၊ မြန်မာနိုင်ငံရဲ့ တိုင်းရင်းသားလူနည်းစုတွေနဲ့ စစ်မှန်တဲ့ အမျိုးသား ရင်ကြားစေ့ရေး လုပ်ငန်းတွေ လုပ်ဆောင်ဖို့ဖြစ်ပါတယ်။ ဒါပေမယ့်လည်း လက်ရှိ မြန်မာသမ္မတနဲ့ အစိုးရအဖွဲ့အတွင်းက သူ့မဟာမိတ်တွေဟာ ပြုပြင်ပြောင်းလဲရေးအတွက် တကယ့်စိတ်ရင်းမှန်ရှိတယ်လို့ ကျနော် ယူဆပါတယ်။ တကယ့်ကို တိုးတက်မှုတွေ အတွက်လည်း ဆောင်ရွက်နေကြပါတယ်။”
မစ္စတာမက်ကိန်းဟာ အရင်တုန်းကတော့ မြန်မာနိုင်ငံအပေါ် အမေရိကန်ပြည်ထောင်စုရဲ့ အရေးယူ ဒဏ်ခတ်မှုတွေကို တက်တက်ကြွကြွ ထောက်ခံအားပေးသူတဦးဖြစ်ပါတယ်။ သူဟာ အမေရိကန်နိုင်ငံရေး နဲ့ လွှတ်တော်ထဲ သြဇာကြီးမားသူတဦးဖြစ်တာကြောင့်လည်း အခုလို မြန်မာအပေါ်အရေးယူမှုတွေ ဆိုင်းငံ့ဖို့ သူ့သဘောထား ထုတ်ဖော်ပြောလိုက်တာဟာ မကြာခင် အမေရိကန်ပြည်ထောင်စုရဲ့ သဘောထား ဖြစ်လာဖွယ် ရှိတယ်လို့ ယူဆရပါတယ်။ အခု မေလ ၂၀ ရက်နေ့မှာ အမေရိကန် ပြည်ထောင်စုက မြန်မာနိုင်ငံအပေါ် အရေးယူမှုဥပဒေတရပ် ကို သက်တမ်းတိုးပေးရမယ့် အချိန်ရောက်တော့မှာပါ။ ဒါကြောင့် အခု မစ္စတာမက်ကိန်း ပြောဆိုချက်ဟာ ဒီဆုံးဖြတ်ချက်အပေါ်မှာ သက်ရောက်လာနိုင်မယ်လို့ ယူဆရပါတယ်။


မြန်မာပြည်အပေါ် ပိတ်ဆို့မှုတွေ ရပ်တန့်ထားဖို့ အမေရိကန်အမတ် ပြောဆို

2012-05-14
အမေရိကန် အထက်လွှတ်တော်အမတ် ဂျွန်မက်ကိန်းက အမေရိကန်ပြည်ထောင်စုအနေနဲ့ မြန်မာနိုင်ငံအပေါ် ချမှတ်ထားတဲ့ အရေးယူပိတ်ဆို့မှုတွေကို လက်နက်ရောင်းဝယ်မှုကလွဲပြီး အားလုံးကို ယာယီရပ်တန့်ထားဖို့ မနေ့က တိုက်တွန်း ပြောဆိုလိုက်ပါတယ်။

AFP
၂၀၁၂ ခုနှစ် မေလ ၁၄ ရက်က ၀ါရှင်တန်ဒီစီမြို့တော် မဟာဗျူဟာနှင့် နိုင်ငံတကာလေ့လာရေးဌာန CSIS တွင်ကျင်းပသည့် နှီးနှောဖလှယ်ပွဲ၌ အမေရိကန် အထက်လွှတ်တော်အမတ် ဂျွန်မက်ကိန်း မိန့်ခွန်းပြောနေစဉ်။
ဝါရှင်တန်ဒီစီမြို့တော် မဟာဗျူဟာနဲ့ နိုင်ငံတကာလေ့လာရေးဌာန CSIS မှာကျင်းပတဲ့ နှီးနှောဖလှယ်ပွဲတစ်ခုမှာ မစ္စတာမက်ကိန်းက ပြောသွားတာပါ။
မြန်မာနိုင်ငံကို ပြီးခဲ့တဲ့နှစ်အတွင်း နှစ်ကြိမ်သွားရောက်ခဲ့တဲ့ အမေရိကန်အမတ် မစ္စတာမက်ကိန်းက လက်ရှိ သမ္မတဦးသိန်းစိန်နဲ့ သူ့ကို ပူးပေါင်းဆောင်ရွက်နေသူတွေဟာ မြန်မာပြည်ရဲ့ အပြောင်းအလဲအတွက် အမှန်တကယ် တိုးတက်အောင် လုပ်နေသူတွေဖြစ်တယ်။ ဒါကြောင့် အမေရိကန်အနေနဲ့ မြန်မာအပေါ်ပိတ်ဆို့ အရေးယူမှုတွေကို ဆိုင်းငံထားသင့်ကြောင်း ပြောကြားသွားပါတယ်။
ဒါဟာ ပိတ်ဆို့မှုတွေကို ရုပ်သိမ်းတဲ့အဆင့် မဟုတ်ပါဘူး။ ဆိုင်းငံ့ထားတာပါ။ မြန်မာနိုင်ငံက ပြုပြင်ပြောင်းလဲတာတွေအပေါ် မူတည်ပြီး အရေးယူပိတ်ဆို့တာတွေကလည်း အလျှော့အတင်း ရှိသွားမှာပါလို့ မစ္စတာမက်ကိန်း ပြောသွားတာပါ။
အမေရိကန်ပြည်ထောင်စုရဲ့ စီးပွားရင်းနှီးမြှုပ်နှံမှုတွေမှာ လိုက်နာရမယ့် ကျင့်ဝတ်တာဝန်တွေလည်း ရှိတယ်လို့ သူက တဆက်တည်း ပြောသွားပါတယ်။ အထူးသဖြင့် မြန်မာလူထုရဲ့ အကျိုးစီးပွားကို ဖြစ်ထွန်းစေတဲ့ မှန်ကန်တဲ့ ရင်းနှီးမြှုပ်နှံမှုမျိုး ဖြစ်ရမယ်လို့ ဆိုပါတယ်။
ဒီအတောအတွင်းမှာပဲ မြန်မာနိုင်ငံက စီးပွားရေးကို စစ်တပ်က လွှမ်းမိုးထိန်းချုပ်ထားဆဲ ဖြစ်သလို လူ့အခွင့်အရေး ချိုးဖောက်တာတွေ ရှိနေတာကြောင့် အမေရိကန်စီးပွားရေး ရင်းနှီးမြှုပ်နှံတဲ့ ကုမ္ပဏီတွေအနေနဲ့ မြန်မာနိုင်ငံကို သွားရောက် ရင်းနှီးမြှုပ်နှံဖို့ လုံခြုံစိတ်ချရတဲ့ အခြေအနေ မရှိသေးဘူးလို့ အမေရိကန် စီးပွားရေး ရင်းနှီးမြှုပ်နှံသူတွေ စုပေါင်း လက်မှတ်ရေးထိုးပြီး အမေရိကန် သမ္မတ အိုးဘားမားကို သောကြာနေ့က အိတ်ဖွင့်ပေးစာတစ်စောင် ပေးပို့လိုက်ပါတယ်။
အမေရိကန် လုပ်ငန်းရှင်တွေအနေနဲ့ မြန်မာနိုင်ငံက လူ့အခွင့်အရေး ချိုးဖောက်မှုတွေမှာ ပါဝင်ပတ်သက်တာမျိုး မဖြစ်ရအောင် အမေရိကန်အစိုးရကို တောင်းဆိုလိုက်တာ ဖြစ်တယ်လို့ ဒီအိတ်ဖွင့်ပေးစာနဲ့ ပတ်သက်လို့ CRN ခေါ် စီးပွားရေးနဲ့ ဘဏ္ဍာရေးအဖွဲ့အစည်းများ လူ့အခွင့်အရေးကို လေးစားလိုက်နာအောင် နှိုးဆော်နေတဲ့ ကွန်ယက်ရဲ့ ညွန်ကြားရေးမှူး Kathy Mulvey ကပြောပါတယ်။
မြန်မာနိုင်ငံက လူ့အခွင့်အရေးချိုးဖောက်မှု အခြေအနေနဲ့ ပတ်သက်တဲ့ မကြာသေးခင်က ထွက်လာတဲ့ အစီရင်ခံစာတွေ၊ မျက်မြင်သက်တွေရဲ့ထွက်ဆိုချက်တွေဟာ ဒီအိတ်ဖွင့်ပေးစာမှာ ပါဝင်လက်မှတ်ရေးထိုးတဲ့ အမေရိကန် ရင်းနှီးမြှုပ်နှံသူတွေအတွက် အလေးထား သတိပြုစရာတွေ ဖြစ်ပါတယ်။
အထူးသဖြင့် ကချင်ပြည်နယ်မှာ မြန်မာစစ်တပ်ရဲ့ ထိုးစစ်ဆင်နေတဲ့ အရှိန်အဟုန်မြင့်လာတဲ့ အချက်လည်း ပါဝင်ပါတယ်။ ဒါကြောင့် မြန်မာအစိုးရရဲ့ ပြုပြင်ပြောင်းလဲရေးတွေကို ဂုဏ်ပြုနေကြပေမယ့် တချိန်တည်းမှာပဲ မြန်မာ့စီးပွားရေးကို စစ်တပ်က ချုပ်ကိုင်လွှမ်းမိုးထားတဲ့အချက်ကို အမေရိကန် စီးပွားရေးလုပ်ငန်းရှင်တွေဘက်က စိုးရိမ်နေတာပါလို့ Ms.Kathy Mulvey ကပြောသွားတာပါ။