တပ်တွင်း ပူးပေါင်းကြံစည် အာဏာသိမ်းမှု တစ်ခု ကြောင့် ရာထူးမှ ဖယ်ရှား ခံလိုက်ရသည့် ပူပူနွေးနွေး အိန္ဒိယပြန် ဗိုလ်ချုပ်မှုးကြီး သန်းရွှေ

Saturday, August 28, 2010

ကာကွယ်ရေးဦးစီးချုပ်ရာထူး အား ဗိုလ်ချုပ်မှုးကြီး သန်းရွှေ လက်လွတ်ဆုံးရှုံး
August 28, 2010 Freedom News Group

တပ်တွင်း ပူးပေါင်းကြံစည် အာဏာသိမ်းမှု တစ်ခု ကြောင့် ရာထူးမှ ဖယ်ရှား ခံလိုက်ရသည့် ပူပူနွေးနွေး အိန္ဒိယပြန် ဗိုလ်ချုပ်မှုးကြီး သန်းရွှေ

ယခင် တစ်ပါတီ အာဏာရှင် ဟောင်း ဦးနေ၀င်း ကွယ်လွန်ပြီး တစ်ပတ်ခန့် အကြာ တွင်ကာကွယ်ဝန်ကြီးဌာနမှ အရာရှိ တစ်ဦးနှင့်စကားပြောရာ သေသည် အထိ စစ်ဝတ်စုံ ကိုမချွတ်ဟု (စစ်သား ဘ၀ ကိုမြတ်နိုး ၍ ပြောခြင်း မဟုတ်)ပြောခဲ့သည့် ဗိုလ်ချုပ်မှုးကြီးသန်းရွှေမှ ကောက်ကာငင်ကာ မြန်မာ နိုင်ငံ ၏ ခောတ်သစ် သမိုင်း တွင် အာဏာအရှိဆုံးဖြစ်သည့် ကာကွယ်ရေး ဦးစီးချုပ်ရာထူး ကိုစွန့် လွှတ် ခဲ့ ခြင်း ကြောင့် ပြည်သူများ ကသို့ လော……သို့ လော ….အတွေး ပွား နေကြသည်။

ထိုသို့  အတွေးပွားသူများ တွင် ရွေးကောက်ပွဲ လိုလားသည့် ဆောင်းပါးများ ရေးသည့်ပြည်တွင်းစာရေးဆရာ တစ်ဦးကပင်တောင်အမေရိက တိုက် စစ်အာဏာသိမ်းမှု များ နှင့် ခပ်ဆင်ဆင်တူသည် ဟု မှတ် ချက်ပေး ပြောကြားသွားသည်။

ဗိုလ်ချုပ်မှုးကြီး သန်းရွှေ ၏ ကာ/ချုပ် ရာ ထူးစွန့် လွှတ်ခြင်း နှင့် ပတ်သက်၍ ကာကွယ်ရေးဝန်ကြီးဌာန တွင်နှစ်သုံးဆယ် ကျော် တာဝန် ထမ်းဆောင် ခဲ့ဖူးသည့် အငြိမ်းစားအရာရှိဗိုလ်မှုး တင်အောင် က 'ခင်ဗျား တို့ မှတ်မိလား တော့ မသိဘူး ဒါ ဗိုလ်သန်းရွှေ အိန္ဒိယသွားတုန်းက အာဏာသိမ်း တယ် ဆို တဲ့ Line Up (လူစာရင်း)ပဲ ဟု Freedom News Group သို့ ပြောသည်။

ဗိုလ်ချုပ်မှုးကြီး သန်းရွှေ နှင့် ထိပ်တန်း စစ်ခေါင်းဆောင် များ ဆိုင်းမဆင့် ဗုံမပါ နှုတ် ထွက်သွားခြင်း နှင့် ပတ် သက်၍ပြည်သူများ ၏ သဘောထား အမြင် များ ကို စနေ နေ့ ညနေတွင် စောင့်မျှော် ဖတ်ရှု ပါ။

ပြည်သူများ က အာဏာသိမ်းမှု ဟု ယုံကြည်ပြီးနောက် ထပ်မံရရှိသည့် နောက်ဆုံးရ သတင်းများ
August 28, 2010 Freedom News Group
Latest ၂(က) ပထမ အသုတ် ပြုတ်/နား များ ထဲမှ ဒုတိယ ဗိုလ်ချုပ်ကြီး အုန်းမြင့်၊ ဒုတိယ ဗိုလ်ချုပ်ကြီးသာအေး ၊ ဒုတိယ ဗိုလ်ချုပ်ကြီး တင်အေး နှင့် ဒုတိယ ဗိုလ်ချုပ်ကြီး မြင့်လှိုင် တို့ အား အကျယ်ချုပ်ဖြင့် ဖမ်းဆီး ထားသည် ဟု သတင်းရရှိသည် (မြန်မာ စံတော် ချိန် ညနေ ၃ နာရီ) အတည်မပြု နိုင်သေး

၂(ခ) ပြုတ်/နား များ နှင့် ရွေးကောက် /ကျောခိုင်း (ဥပမာ – ဦးခင်မောင်ဆွေ) တို့ မှာ စတ္ထုထ အင်အားစု အဖြစ်ပေါ်လာ နိုင်ဖွယ်ရှိ

၁(က) ပိတ်ထား သော ၀ဘ်ဆိုက်( အင်တာနက် စာမျက်နှာ) များ အားလုံးနီးပါးပြန်ပွင့် နေ

၁ (ခ)ဒုတိယ ဗိုလ်ချုပ်ကြီး သူရမြင့်အောင် အား ကာကွယ်ရေးဦးစီးချုပ် ရာထူး ပေးသောကြောင် ဗိုလ်ချုပ်ကြီး သိန်စိန် ၊ ဗိုလ်ချုပ် သာအေး အပါအ၀င် ပထမ အသုတ် ပြုတ်/နား များက
မကျေနပ် (DSA အကွဲ အပြဲဖြစ် နိုင်)

၁။ ဗိုလ်ချုပ်မှုးကြီး သန်းရွှေ ၏ မြေးဖြစ်သူ ဖိုးလပြည့် ၏ မိုဘိုင်းဖုန်းသည် ဆက်သွယ်ခေါ် ယူ၍ မရ တော့ဟု သတင်းရရှိသည်။

၂။ဗိုလ်ချုပ်မှုးကြီး သန်းရွှေ သမက်ဖြစ်သူ ဦးတေဇ လည်း ပျောက်ဆုံးနေ ( လေယာဉ် ကွင်းများ တွင် လုံခြုံရေးတင်းကျပ်)

၃။J-Donut (ရွှေဘုံသာလမ်း – အထက်) အပါအ၀င် ဗိုလ်ချုပ်မှုးကြီး သန်းရွှေ ၏ပိုင်ဆိုင်မှုများ တွင်လုံခြုံမှု မရှိ ဗုံးပေါက် မည် ဟု ကောလဟာလ ထွက်ပေါ်

၎။ပြည်ပ ငွေကြေး ပေါက် ဈေးများ အနည်းငယ် မြင့်တက် (အမေရိကန် 1 ဒေါ်လာ – မြန်မာကျပ်ငွေ 1020)

၂-(၁) ဒုတိယ ဗိုလ်ချုပ်ကြီး သူရမြင့်အောင် က သောကြာနေ့  ကတ်ဘိနက် အရေးပေါ် အစည်းအဝေးတွင် ဗိုလ်ချုပ်မှုးကြီး ရာထူး လက်ခံ (အတည်ပြုမရသေး)

ထပ်မံရရှိသည့် သတင်း များ ကို အချိန် နှင့် တပြေးညီ တင်ဆက်မည် ဖြစ်သည်

စစ်ခေါင်းဆောင်များ ရာထူး နုတ်ထွက်ခြင်းအပေါ် အမြင်များကွဲနေ
မင်းနိုင်သူ Saturday, August 28, 2010

စစ်အစိုးရ ထိပ်ပိုင်း ခေါင်းဆောင်များနှင့် စစ်တပ် အရာရှိကြီးများ တပ်ရာထူးများမှ အနားယူကာ ရွေးကောက်ပွဲ ၀င်ရန် ပြင်ဆင်နေမှု အပေါ် မြန်မာပြည် နိုင်ငံရေး အသိုင်းအ၀ိုင်းတွင် အမြင်အမျိုးမျိုး ကွဲပြား နေကြောင်း သိရှိရသည်။

ဒီမိုကရက်တစ်ပါတီ(မြန်မာ) ဥက္ကဌ ဦးသုဝေက"တပ်ရာထူးကနေ အနားယူလိုက်တဲ့ သတင်းကိုတော့ ကျနော်ကြိုဆိုတယ် ၊ ဘာဖြစ်လို့လဲဆိုတော့ တပ်အ၀တ်အစားနဲ့ဆို လူက ကြမ်းတယ် ၊ အရပ်ဝတ်နဲ့ဆို လူက ပိုပြီး သိမ်မွေ့လာမယ်လို့ ထင်တယ် ၊ ၁၉၇၄ ခုနှစ်က ဦးနေ၀င်းလုပ်သွားတဲ့ပုံစံမျိုးလည်း ဖြစ်နိုင်တာပေါ့လေ ၊ ဗိုလ်ချုပ်ကြီးနေ၀င်းက အရပ်သားဦးနေ၀င်းကို အာဏာ လွှဲပေးတဲ့သဘောမျိုးပေါ့လေ ၊ အရပ်ဝတ်လဲလိုက် ပေမယ့် အာဏာကတော့ စွန့်မယ့်ပုံမရှိဘူးထင်ပါတယ်"ဟု ပြောသည်။

ဗိုလ်ချုပ်မှူးကြီး သန်းရွှေ၊ ဒုတိယ ဗိုလ်ချုပ်မှူးကြီး မောင်အေး၊ ဗိုလ်ချုပ်ကြီး သူရရွှေမန်း အပါအ၀င် စစ်တပ်အရှိကြီးများ တပ် ရာထူး များမှ အနားယူလိုက်ကြောင်း ယမန်နေ့က သတင်းများ ထွက်ပေါ်ခဲ့ရာ မြန်မာ့နိုင်ငံရေးအသိုင်းအ၀ိုင်းအတွင်း လှုပ်ခတ်မှုများ ဖြစ်ပေါ်ခဲ့သည်။

ယင်းသို့ စစ်တပ်အရာရှိကြီးများ စစ်တပ်ရာထူးများမှ စွန့်ခွာလိုက်ခြင်းသည် ဖြစ်သင့်ဖြစ်ထိုက်သည့် ကိစ္စရပ်တခုသာ ဖြစ်သည်ဟု ၀ါရင့် နိုင်ငံရေးသမားကြီး သခင်ချန်ထွန်းက ပြောသည်။

၎င်းက"အမှန်ကတော့ အသက် (၆၀)ဆိုရင် ပင်စင်ယူရမှာလေ ၊ အခုတော့ ပင်စင်မယူဘဲ တောက်လျှောက်လုပ်လာတာ အသက် (၇၀) ကျော်တောင် ရောက်နေပြီပဲ ၊ အသက် (၇၀) ကျော် (၈၀) နားနီးထိ နေတာကတော့ အောက်ကလူတွေ ရသင့်ရထိုက်တဲ့ ရာထူးအခွင့်အရေးတွေ ဆုံးရှုံးခဲ့ရတာပေါ့ ၊ အခုလို တပ်ရာထူးကနေ နုတ်ထွက်ပြီဆိုတော့ အောက်က ဗိုလ်ချုပ်တွေကတော့ ၀မ်းသာနေကြမှာပဲ ၊ ဗိုလ်ချုပ်မှူးကြီး တပ်ကထွက်ပြီး သမ္မတ ဆက်လုပ်မလား မလုပ်ဘူးလား ဆိုတာက လက်ရှိအခြေအနေ အရကတော့ သူလုပ်ချင်ရာလုပ်လို့ ရတဲ့သဘောမှာရှိနေတယ်"ဟု ပြောဆိုသည်။

ဗိုလ်ချုပ်မှူးကြီး သန်းရွှေ အနေနှင့် ရာထူးမှ နုတ်ထွက်ချင်လျင်သော်မှ ၎င်း၏ ဇနီး နှင့် သားသမီးများ ဆန္ဒကို လွန်ဆန်နိုင်မည်ဟု မထင်မြင်ကြောင်းလည်း သခင်ချန်ထွန်းက ပြောသည်။

ပြည်သူ့ လွှတ်တော် ကိုယ်စားပြုကော်မတီ အတွင်းရေးမှူး ဦးအေးသာအောင်ကမူ ယခုအပြောင်းအလဲသည် လူထုအတွက် အကျိုး ရှိစေမည့် ပြောင်းလဲမှုမျိုးမဟုတ်ဟု ဆိုသည်။

"ဒီတပ်တွင်းအပြောင်းအလဲဟာ လူထုအတွက် တိုင်းပြည်အတွက် အကျိုးရှိလာမယ့် အပြောင်းအလဲမျိုးမဟုတ်ပါဘူး ၊ သူတို့ဟာ စစ်ဝတ်စုံချွတ်ပြီး အရပ်သားအသွင်နဲ့ တိုင်းပြည်ကို ဆက်ပြီး အုပ်ချုပ်လို့ ရအောင် ပြင်ဆင်တဲ့သဘောပါပဲ ၊ တိုင်းပြည်အတွက် အမှန်တကယ်လိုအပ်တဲ့ အပြောင်းအလဲမျိုး မဟုတ်ဘူးလို့ပဲမြင်မိတယ်"ဟု ဦးအေးသာအောင်က ဆိုသည်။

ကာကွယ်ရေး ဦးစီးချုပ်အဖြစ် ဒုတိယ ဗိုလ်ချုပ်ကြီး သူရမြင့်အောင်၊ ဒုတိယ ကာကွယ်ရေး ဦးစီးချုပ် အဖြစ် ဒုတိယ ဗိုလ်ချုပ်ကြီး ကိုကို၊ ပူးတွဲ ညှိနှိုင်းရေးကွပ်ကဲရေးမှူး (ကြည်း၊ ရေ၊ လေ) အဖြစ် ဒုတိယ ဗိုလ်ချုပ်ကြီး မင်းအောင်လှိုင်တို့ကို ယမန်နေ့က ခန့် အပ်လိုက်ကြောင်း သတင်းများပေါ်ထွက်ခဲ့ပြီး ဗိုလ်ချုပ်ကြီးသူရရွှေမန်းသည် နောက်တက်မည့် အစိုးရအဖွဲ့၏ သမ္မတ ဖြစ်လာမည် ဟု ခန့်မှန်းမှုများလည်း ရှိနေသည်။

အမျိုးသားဒီမိုကရေစီအင်အားစု(NDF) ပါတီခေါင်းဆောင်ဦးခင်မောင်ဆွေက"ဗိုလ်ချုပ်မှူးကြီး တပ်ရာထူးစွန့်ပြီး သမ္မတရာထူး ယူ မယ်ဆိုတဲ့ သတင်းထက် ဗိုလ်ချုပ်ကြီးသူရရွှေမန်းက သမ္မတနေရာအတွက် ပြင်နေတယ်ဆိုတာက ပိုဖြစ်နိုင်မယ်ထင်တယ် ၊ ဗိုလ်ချုပ်မှူးကြီးကတော့ တပ်ကို သူယုံကြည်စိတ်ချရတဲ့ လူတွေနဲ့ သူ့စိတ်တိုင်းကျ ပြင်ဆင်ပြီး အနားယူတော့မယ့် သဘောရှိတယ်၊ အသက်ကလည်း ၈၀ နားတောင်နီးနေပြီဆိုတော့ ဆက်လုပ်ဖို့ကလည်း မသင့်တော်တော့ဘူးကိုး"ဟု ဆိုသည်။

အမျိုးသား ဒီမိုကရေစီအဖွဲ့ချုပ်(NLD) ပါတီ ဗဟိုအလုပ်အမှုဆောင် ဦးဝင်းတင်ကမူ"နယ်ခြားစောင့်တပ်ဖွဲ့ရေး ကိစ္စတွေ ၊ တိုင်းရင်းသားကိစ္စတွေ ဖြေရှင်းမပေး နိုင်သေးခင် အခုလိုအချိန်မျိုးမှာ တပ်ရာထူးတွေကနေ နုတ်ထွက်ဖို့ဆိုတာ မလွယ်ဘူး ထင်တယ်"ဟု ပြောသည်။

အရပ်သားအသွင်ပြောင်း ဗိုလ်ချုပ်ကြီးများ ပါဝင်လာမည့်ရွေးကောက်ပွဲသည် အရပ်သားပါတီများအတွက် အခွင့်အလမ်း မရှိနိုင် တော့ဟု ၈၈ မျိုးဆက်ကျောင်းသား ကိုမျိုးရန်နောင်သိမ်းက ပြောသည်။

"တပ်တွင်းက အရာရှိကြီးငယ်တော်တော်များများ ကြံ့ဖွံ့ပါတီထဲကို ၀င်သွားကြပြီ၊ သူတို့က ရွေးကောက်ပွဲနောက်ပိုင်းမှာ အာဏာ ဆက်ယူထားနိုင်ဖို့အတွက် ဘက်ပေါင်းစုံကနေ နည်းလမ်းစုံသုံးတော့မယ် သဘောပဲ၊ အရင်က အပြောင်းအလဲ ရနိုင်မလား တွေးခဲ့ မိတယ် ၊ အခုတော့သူတို့က ရွေးကောက်ပွဲအောင်နိုင်ရေးအပြင် နောင်လာမယ့် လွှတ်တော်မှာ တပ်ဘက်က ၂၅ ရာခိုင်နှုန်း ယူထား တဲ့အပြင် အရပ်ဝတ်ပြောင်း စစ်သား ကိုယ်စားလှယ်တွေပဲ ရှိနေအောင် လုပ်တော့မယ့် သဘောပဲ"ဟု ကိုမျိုးရန်နောင်သိမ်းက ပြောသည်။

၎င်းသည် ၂၀၀၇ စက်တင်ဘာအရေးအခင်းပြီးနောက် အဖမ်းခံခဲ့ရကာ ယမန်နှစ်က ပြန်လည်လွတ်မြောက်လာပြီးနောက် ရွေးကောက်ပွဲကို ထောက်ခံသည့်ရေးသားပြောဆိုမှုများ ပြုလုပ်ခဲ့သော်လည်း ယခုအခါ ရွေးကောက်ပွဲကို သပိတ်မှောက် သင့်ပြီဖြစ်ကြောင်း ထုတ်ဖော်ပြောဆိုလာသူဖြစ်သည်။

စစ်အစိုးရက ပါတီစုံ ဒီမိုကရေစီ အထွေထွေ ရွေးကောက်ပွဲကို ၂၀၁၀ ပြည့်နှစ် နိုဝင်ဘာ ၇ ရက်နေ့တွင် လွှတ်တော် အသီးသီး အတွက် ကျင်းပသွားမည်ဟု သြဂုတ်လ ၁၃ ရက်နေ့တွင် ထုတ်ပြန် ကြေညာထားသည်။
http://www.irrawaddy.org/bur/

ဗိုလ်ချုပ်မှူးကြီး သန်းရွှေနှင့် ဒုဗိုလ်ချုပ်မှူးကြီး မောင်အေး စစ်ဘက်ရာထူးမှ အနားယူ
သောမတ်စ် မောင်ရွှေ | စနေနေ့၊ သြဂုတ်လ ၂၈ ရက် ၂၀၁၀ ခုနှစ် ၁၂ နာရီ ၃၄ မိနစ်


ချင်းမိုင် (မဇ္ဈိမ)။ ။ မြန်မာစစ်ခေါင်းဆောင် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး သန်းရွှေနှင့် ဒုတိယ တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မောင်အေးတို့ ရာထူးမှ အနားယူခြင်း အပါအဝင် တပ်မတော် ထိပ်တန်း စစ်ဘက် ရာထူးများတွင် အပြောင်းအရွေ့များ သောကြာနေ့က ဖြစ်ပွားခဲ့သည်။

ယခင် စစ်ရေးချူပ် ဒုတိယ ဗိုလ်ချုပ်ကြီး သူရမြင့်အောင်က တပ်မတော် ကာကွယ်ရေး ဦးစီးချုပ် ဖြစ်လာခဲ့ပြီး အခြားသော ကစထမှူး (၃) ဖြစ်သော ဒုတိယ ဗိုလ်ချုပ်ကြီး ကိုကိုမှာ ဒုတိယတပ်မတော် ကာကွယ်ရေး ဦးစီးချုပ် ဖြစ်လာခဲ့သည်။

နံပါတ် ၃ အဆင့်ဖြစ်သော ကြည်းရေလေ ညှိနှိုင်းကွပ်ကဲရေးမှူး ဗိုလ်ချုပ်ကြီး သူရရွှေမန်း၏ နေရာတွင် ယခင် စစ်ဆင်ရေး အထူးအဖွဲ့မှူး(၂) ဒုတိယ ဗိုလ်ချုပ်ကြီး မင်းအောင်လှိုင် အား အစားထိုး ခန့်အပ်ခဲ့သည်။

မြန်မာနိုင်ငံ၌ ဆယ်စုနှစ် နှစ်ခုအကြာတွင် ပထမဆုံးအကြိမ် ပြန်လည် ကျင်းပရန်ရှိသော နိုဝင်ဘာ ၇ ရက်နေ့ ရွေးကောက်ပွဲ အပြီးတွင် အရပ်သား အစိုးရ အဖွဲ့ကို ဖွဲ့စည်းမည်ဖြစ်ရာ အထက်လွှတ်တော်နှင့် အောက်လွှတ်တော်မှ သမတလောင်း သုံးဦးကို အဆိုပြုရမည် ဖြစ်သည်။ ထိုသုံးဦး အနက်မှ ရှုံးနိမ့်သွားသူ နှစ်ဦးသည် ဒုသမ္မတများ ဖြစ်လာကြလိမ့်မည် ဖြစ်သည်။

စစ်ဘက် ရာထူး အပြောင်းအလဲများအရ ၁၉၉၂ ခုနှစ် ကတည်းက စစ်အစိုးရ အကြီးအကဲဖြစ်ခဲ့သော အသက် ၇၇ နှစ်အရွယ် ဦးသန်းရွှေသည် သမတ ဖြစ်လာနိုင်စရာ အကြောင်း ရှိနေပြီး ၄င်း၏ လက်ရုံး အသက် ၇၂ နှစ် ရှိပြီဖြစ်သော ဦးမောင်အေးနှင့် အသက် ၆၂ နှစ်အရွယ် ဦးသူရရွှေမန်းတို့သည် ဒုတိယ သမတများ ဖြစ်လာနိုင်စရာ အကြောင်းရှိနေသည်။ ထိုကဲ့သို့ ဖြစ်လာခဲ့လျှင် ပြည်တွင်းပြည်ပမှ လေ့လာသူများ မှန်းဆထားကြသော ရွေးကောက်ပွဲသည် အတုအယောင် ဟန်ပြသာ ဖြစ်ပြီး စစ်ဗိုလ်ချုပ်ကြီးများသည် စစ်ယူနီဖောင်းကို ချွတ်ကာ အရပ်သား ဝတ်စုံဖြစ်သော ပုဆိုးပြောင်းဝတ်၍ အာဏာကိုမူ ၄င်းတို့ကပင် ဆက်လက် ကိုင်စွဲထားလိမ့်မည်ဟူသော ယူဆချက်များနှင့် ကိုက်ညီနေပေလိမ့်မည်။

လက်ရှိ ဝန်ကြီးချုပ် ဦးသိန်းစိန် အပါအဝင် စစ်ဘက်အရာရှိနှင့် ၂၇ ဦးခန့် သည်လည်း ယခုနှစ် နှစ်လယ်ပိုင်းက စစ်ဘက် ရာထူးများမှ နုတ်ထွက်ခဲ့ကြပြီး ဒီမိုကရေစီအရေး လှုပ်ရှားသူများအား မကြာခဏ အကြမ်းဖက်လေ့ရှိသည့် စစ်အစိုးရ ကျောထောက်နောက်ခံ အဖွဲ့အစည်း တခုဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းအား ပြည်ထောင်စု ကြံခိုင်ရေးနှင့် ဖွံ့ဖြိုးရေးပါတီ အဖြစ် အမည်ပြောင်းလဲ ဖွဲ့စည်းကာ ရွေးကောက်ပွဲတွင် ပါဝင်ယှဉ်ပြိုင်လိမ့်မည် ဖြစ်သည်။ စစ်ယူနီဖောင်း ချွတ်ကာ စစ်ဘက်ရာထူးများမှ နုတ်ထွက်လိုက်ခြင်းသည် ကြံ့ဖွံ့ပါတီဝင်များအဖြစ် ရွေးကောက်ပွဲတွင် ပါဝင်ယှဉ်ပြိုင်မည့် သဘောပင်ဖြစ်သည်။

မြန်မာ့နိုင်ငံရေး အကဲခတ်များက စစ်ဘက်ရာထူးမှ နုတ်ထွက်ခဲ့သော ဦးသန်းရွှေသည် ရွေးကောက်ပွဲအပြီး သမတ မရွေးချယ်ရသေးခင် အချိန်အထိ နိုင်ငံတော်အေးချမ်း သာယာရေးနှင့် ဖွံ့ဖြိုးရေးကောင်စီ၏ ခေါင်းဆောင်အဖြစ် ဆက်လက်ရှိနေကာ နိုင်ငံ အကြီးအကဲ ရာထူးကို ဆက်လက် ရယူထားလိမ့်မည်ဟု ခန့်မှန်းကြသည်။

၁၉၉ဝ ရွေးကောက်ပွဲတွင် နိုဗယ် ငြိမ်းချမ်းရေးဆုရှင် ဒေါ်အောင်ဆန်းစုကြည် ခေါင်းဆောင်သည့် အမျိုးသား ဒီမိုကရေစီ အဖွဲ့ချုပ်သည် နိုင်ငံတဝှမ်းလုံး၌ အပြတ်အသတ် အနိုင်ရခဲ့သော်လည်း စစ်အစိုးရသည် ထိုရလဒ်အား လျစ်လျူရှုခဲ့ကာ အာဏာကို ဆက်လက် ကိုင်စွဲထားခဲ့သည်။ ထို့ပြင် ထောင်နှင့်ချီသော အမျိုးသား ဒီမိုကရေစီ အဖွဲ့ချုပ် ပါတီဝင်များအား ထောင်သွင်း အကျဉ်းချခဲ့သည်။

ယခုနှစ် နိုဝင်ဘာ ရွေးကောက်ပွဲပြီးလျှင် အရပ်သား အစိုးရသည် ဥပဒေပြဌာန်းသူများ ဖြစ်လာမည်ဟု ဆိုသော်လည်း ထိုအရပ်သား အစိုးရတွင် စစ်ဘက်မူဝါဒများအား စစ်ဆေးနိုင်သည့် အာဏာရှိလိမ့်မည် မဟုတ်ပေ။ စစ်ဘက်သည် လွှတ်တော်အရပ်ရပ်တွင် အလိုအလျောက် ၂၅ ရာခိုင်နှုန်း နေရာ ရယူလိမ့်မည် ဖြစ်ပြီး အဓိက ဝန်ကြီးရာထူးများကိုလည်း စစ်ဘက်မှပင် ရယူနိုင်ရန် ကြိုတင် စီစဉ်ထားသည်။

စစ်အစိုးရက ရေးဆွဲခဲ့သော အငြင်းပွါးဖွယ်ရာ ၂ဝဝ၈ ခုနှစ် အခြေခံဥပဒေအရ ဆီးနိတ်နှင့် ဒေသဆိုင်ရာ လွှတ်တော်များအတွက် ဥပဒေပြုအမတ်များကို မဲဖြင့် ရွေးချယ်ပေးနိုင်လိမ့်မည် ဖြစ်သော်လည်း အဓိက စီရင်ဆုံးဖြတ်ခွင့်ရှိသော နေရာများကိုမူ စစ်ဘက်က ထိန်းချုပ်ထားလိမ့်မည် ဖြစ်သည်။

နေပြည်တော်မှ ရရှိသော သတင်းများအရ သူရမြင့်အောင်သည် လွှတ်တော်တွင် ၂၅ ရာခိုင်နှုန်း နေရာယူမည့် စစ်ဘက်မှ ကိုယ်စားလှယ်များအား ရွေးချယ်ပေးလိမ့်မည်ဟု ဆိုသည်။ ထို့ကြောင့် အခြေခံဥပဒေအရ လွှတ်တော်သုံးရပ်တွင် စုစုပေါင်း ရာနှင့်ချီသည့် စစ်ဘက်မှ အရာရှိများ နေရာ ရလာလိမ့်မည် ဖြစ်သည်။ ထို ၂ဝဝ၈ ခုနှစ် အခြေခံဥပဒေအား လူပေါင်း တသိန်းလေးသောင်းကျော် သေဆုံးကာ နှစ်သန်း ကျော်ခန့် အိုးမဲ့အိမ်မဲ့ ဖြစ်ခဲ့ရသည် နာဂစ်မုန်တိုင်းအပြီး ရက်ပိုင်းအတွင်းတွင် ဆန္ဒခံယူပွဲ ပြုလုပ်ကာ အတည်ပြုခဲ့ခြင်း ဖြစ်သည်။

လေ့လာသူများ၊ လူ့အခွင့်အရေးအဖွဲ့များ နှင့် နိုင်ငံတကာ အစိုးရများက ဝေဖန်ရာတွင် စစ်အစိုးရသည် အမေရိကန်ဒေါ်လာ လေးဘီလီယံခန့် ပျက်စီး ဆုံးရှုံးခဲ့ရသော နာဂစ်မုန်တိုင်းအပြီး လိုအပ်နေသော ရေ၊ အစားအစာ၊ ဆေးဝါးများနှင့် ယာယီနေရာထိုင်ခင်းပြုလုပ်ရန် အထောက်အကူပစ္စည်းများအား လိုအပ်သူများထံသို့ သယ်ယူပို့ဆောင် ပေးရမည့်အစား ဆန္ဒခံယူပွဲကိုသာ အာရုံစိုက်ကာ ထရပ်ကားများဖြင့် မဲများကိုသာ သယ်ယူပို့ဆောင်ခဲ့သည်ဟု ဆိုသည်။

သောကြာနေ့က ရာထူး အပြောင်းအလဲတွင် ဗိုလ်ချုပ်ကြီး သီဟသူရ တင်အောင်မြင့်ဦး၏ ရာထူးဖြစ်သော စစ်ထောက်ချုပ်ရုံးသို့ ယခင် နေပြည်တော်တိုင်းမှူး ဗိုလ်ချုပ်ဝေလွင် ရာထူးတိုးမြှင့် ရောက်ရှိလာခဲ့သည်။

အနည်းဆုံး ဒုဗိုလ်ချုပ်ကြီး အဆင့်ရှိသူ ဆယ်ဦးခန့် ရာထူးမှ နှုတ်ထွက်သွားပြီး ထိုရာထူးများအား တိုင်းမှူးအများစု အပါအဝင် ဗိုလ်ချုပ်အဆင့် ရာထူးရှိသူများ နှင့် အစားထိုးခဲ့သည်။

ရာထူးမှ နှုတ်ထွက်သွားသူများသည် နိုဝင်ဘာ ၇ရက်တွင် ကျင်းပရန်ရှိသည့် ရွေးကောက်ပွဲတွင် ဝင်ရောက် ယှဉ်ပြိုင်လိမ့်မည်ဟု အကဲခတ်များက ခန့်မှန်းထားကြသည်။ စစ်ဘက်ရာထူး အပြောင်းအလဲ နောက်ဆုံး အသေးစိတ် အခြေအနေနှင့် သတင်းများကို ဆက်လက် စုံစမ်းလျက် ရှိသည်။
http://www.mizzimaburmese.com/

စစ်တိုင်းမှူးနှင့်တပ်မမှူးများ တပ်တွင်း နေရာပြောင်းရွေ့
Saturday, 28 August 2010 15:51 သျှမ်းသံတော်ဆင့်

သျှမ်းပြည် (မြောက်ပိုင်း) လားရှိုး အခြေစိုက် အရှေ့မြောက်ပိုင်းတိုင်း စစ်ဋ္ဌာနချုပ် (ရမခ) တိုင်းမှူး ဗိုလ်ချုပ် အောင် သန်းထွဋ် အပါအ၀င် တပ်မ ၅ ခုမှ တပ်မမှူးများ သြဂတ်စ် ၂၇ ရက် တပ်တွင်းနေရာပြောင်းရွေ့မှု ပြုလုပ်ကြောင်း စစ်ဘက် သတင်းရပ်ကွက်မှ တဆင့် သိရသည်။
ပြောင်းရွေ့လိုက်သည့် တပ်မမှူးများမှာ ၂၂ ၊ ၃၃ ၊ ဂဂ ၊ ၉၉ နှင့် ၁၀၁ တပ်မမှူးများ ဖြစ်ပြီး လက်ရှိ ကိုးကန့်ဒေသ၌ စစ်ဆင်ရေး တာဝန်ထမ်းဆောင်နေသော စစ်ကိုင်းမြို့ အခြေစိုက် တပ်မ ၃၃ မှူး ဗိုလ်မှူးချုပ်အောင်ကျော်ဇောက ရမခ တိုင်းမှူး နေရာဝင်ရောက် တာဝန်ထမ်းဆောင်ရမည် ဖြစ်သည်။

ရမခတိုင်းမှူး ဗိုလ်ချုပ်အောင်သန်းထွဋ်သည် ကစထမှူးအဖြစ် တာဝန်ထမ်းဆောင်ရမည်ဟု သိထားသော်လည်း ကစထ အမှတ် အတိအကျမသိရသေးကြောင်း လားရိူးစစ်တိုင်းရုံးနှင့်နီးစပ်သူတစ်ဦးက သျှမ်းသံတော်ဆင့်သို့ ပြောသည် ။
"အခု လောက်ကိုင်မှာ ရောက်နေတဲ့ တပ်မ ၃၃ မှူး ဗိုလ်မှူးချုပ် အောင်ကျော်ဇောက ရမခတိုင်းမှူးဖြစ်သွားပြီ တိုင်းမှူး ကတော့ ကစထမှူးဖြစ်မယ် ဘယ်ကစထမှူးလည်းတော့မသိဘူး ပြောင်းတာတွေကတော့များတယ် အတိအကျမသိဘူး " ဟု သူက ပြောသည်။

"အခုတိုင်းမှူး အပြောင်းအလဲတွေ အများကြီးဖြစ်နေတယ်။ ဒီနေ့ ၆ ယောက်ပြောင်းမယ်လို့ သိရတယ် အောင်သန်းထွဋ် ၊ ဝေလွင် ၊ မြင့်စိုးသတင်းတော့ ထွက်နေပြီ။ ကျန်တဲ့သူတွေ ဘယ်သူမှန်းမသိသေးဘူး " ဟု တရုတ်နယ်စပ်မှ စစ်ရေးနိူင်ငံရေး အကဲခတ် ဦးအောင်ကျော်ဇောကလည်း ပြောသည်။

ကျန်တပ်မမှူးများ ဖြစ်သည် ၁၀၁ တပ်မမှူး ဗမက စိန်ဝင်းက သံအမတ်ကြီးနေရာ ရောက်ရှိပြီး တပ်မ ၉၉ မှူးက ကမ်းရိုးတန်းတိုင်းမှူး အဖြစ်လည်းကောင်း၊ တပ်မ ဂဂ မှူးသည် တောင်ပိုင်းတိုင်းမှူးအဖြစ် လည်းကောင်း၊ တပ်မ ၂၂ မှူးက အနောက်တောင်တိုင်းစစ်ဋ္ဌာချုပ် တိုင်းမှူးအဖြစ် အသီးသီး ပြောင်းရွေ့ခဲ့ကြောင်း သိရသည်။

နအဖတပ်အတွင်း ရာထူးပြောင်းရွေ့မှုများ ပြုလုပ်နေရာ ယခုလလယ်ပိုင်းက ဒုတိယဗိုလ်ချုပ်ကြီးအဆင့်ရှိသူ ၁၀ ဦးခန့် အငြိမ်းစားယူခဲ့ကြောင်း သိရသည်။
http://www.mongloi.org/burmese/

မြန်မာ့ တပ်မတော် စစ်ဦးစီးချုပ် အသစ် ဗိုလ်ချုပ်မူးကြီး သူရမြင့်အောင်နှင့် စစ်ဦးစီးအဖွ့ဲ စာရင်း
သန်းရွှေ ၊ မောင်အေးနဲ့ ရွှေမန်းတို့ စစ်တပ်မှာ နှုတ်ထွက်ပြီး စစ်ဦးစီးအဖွဲ့ သစ် ဖွဲ့ စည်းလိုက်ပြီဟုသတင်းရရှိပါတယ်။ စစ်ဦးစီးအဖွဲ့ သစ်မှာ အောက်ပါအတိုင်းဖြစ်ပါတယ်။

၁ - ဗိုလ်ချုပ်မူးကြီး သူရမြင့်အောင်
၂ - ဗိုလ်ချုပ်ကြီး ကိုကို
၃ -ဗိုလ်ချုပ်ကြီး မင်းအောင်လှိုင်
၅- ဗိုလ်ချုပ်ကြီး ခင်ဇော်ဦး
၆- ဗိုလ်ချုပ်ဝေလွင် (စစ်ထောက်ချုပ် )
၇-ဗိုလ်ချုပ် ကျော်ဆွေ ( စရဖ)
၈- ဗိုလ်ချုပ်လှဌေးဝင်း ( လေ့ကျင့်ရေးချုပ်)
၉-ဗိုလ်ချုပ်ဝင်းမြင့် ( အထူုးစစ်ဆင်ရေးချုပ်)
၁၀-ဗိုလ်ချုပ် သိန်းဌေး ( စစ်ပစ္စည်းထုတ်လုပ်ရေးချုပ်)
၁၁- ဗိုလ်ချုပ်သောင်းအေး ( စစ်ဆင်ရေးချုပ်)
၁၂- ဗိုလ်ချုပ် စိန်ဝင်း- ( လေကြောင်းရန်ကာကွယ်ရေး)

၁၃- ဗိုလ်ချုပ်ရာပြည့် ( စစ်ဥပဒေချုပ်)
၁၄- ဗိုလ်ချုပ် မြင့်စိုး - ကထစ မူး - ၁
၁၅- ဗိုလ်ချုပ် အောင်သန်းထွဋ် - ကထစ မူး -၂
၁၆- ဗိုလ်ချုပ်လှမင်း- ကထစ မူး- ၃
၁၇- ဗိုလ်ချုပ်သက်ဝင်းနိင် - ကထစမူး -၄
၁၈- ဗိုလ်ချုပ်တင်ငွေ -ကထစ မှုး- ၅
၁၉- ဗိုလ်ချုပ်စိုးဝင်း -ကထစ-မှုး-၆
၂၀- ဗိုလ်ချုပ် ကျော်ဖြိုး- ကြည်း၊ရေ၊လေ စစ်ဆေးရေးချုပ်
၂၁- ဗိုလ်ချုပ် ရာပြည့်- စစ်ဥပဒေချုပ် တို့ ဖြစ်ကြပါတယ် ။

သန်းရွှေ၊ မောင်အေး၊ ရွှေမန်းတို့ အပါအ၀င် စစ်တပ်မှာ တာဝန်ရှိသူများအားလုံး ရာထူးမှအနားယူသွားပြီဖြစ်တယ်လို့ သတင်းရရှိပါတယ်။ ရန်ကုန် သံတမန်လောကမှာတော့ အာဏာသိမ်းမှု တမျိုးပဲလို့  သုံးသပ်နေကြပါတယ်။ ဒီသတင်းကို နအဖ က တရားဝင်မထုတ်ပြန်သေးပါဘူး။

မြန်မာ တပ်မတော် နံပတ်တစ် နေရာ ဗိုလ်ချုပ်မှုးကြီး သူရမြင့်အောင်ဖြစ်သွားပြီ ။ သန်းရွှေခေတ်ကုန်ဆုံး သွား ပြီသတင်းထွက်

သန်းရွေ ၊ မောင်အေး၊ ရွေမန်း နှင့်တကွ စစ်တပ်အတွင်း ရာထူးအပြောင်းလဲများ ဖြစ်နေပြီလို့ သတင်းရပါတယ်။ တပ်မတော် ကြည်း၊ရေ၊လေ စီးဦးချုပ် မှာ ဗိုလ်ချုပ်မှုးကြီး သူရမြင့် အောင်ဖြစ်လာပြီဟုသိရပါတယ်။ တပ်မတော်ဦးစီးချုပ်ရာထူးမှာ တပ်မတော်အတွင်း အဏာအမြင့်ဆုံးဖြစ်တဲ့အတွက် ဗိုလ်ချုပ်မှုးကြီးသူရမြင့်အောင်ဟာ အာဏာအရှိဆုံးပုဂိုလ်ဖြစ်လာပါတယ်။ မောင်အေးနေရာကို ဆက်ခံသူကတော့ ဗိုလ်ချုပ်ကြီး ကိုကို ဖြစ်လာပါတယ်။ ရွေမန်းနေရာကိုတော့ ဗိုလ်ချုပ်ကြီး မင်းအောင်လှိုင် တက်လာပါတယ်။ စုစုပေါင်း ၁၈ နေရာထူးအပြောင်းလဲဖြစ်လာတယ်။ ဒီသတင်းတွေကို
အတည်ပြုကြေညာခြင်းမရှိသေးပေမဲ့ သံတမန်းလောကမှာတော့ ပြန့် နှံနေပြီဖြစ်ပါတယ်။ ၂ ရက်သုံးရက်ဆိုရင်
နအဖ က အတည်ပြုလာမယ်လို့  ယူဆရတယ်။


ဒီလုပ်ရပ်ရကတော့ ဗိုလ်ချုပ်သန်းရွေဟာ စစ်တပ်ရာထူးက နေထွက်ပြီး ရွေးကောက်ပွဲကနေ အာဏာကို ပြန်လည် တက်နိင်ဖို့ ကြိုးစားတဲ့အကွက်ဖြစ်ပါတယ်။ စစ်ယူနီဖေါင်းဝတ်ထားတဲ့ ဗိုလ်ချုပ်သန်းရွှေကတိုက်ပုံဝတ်ထားတဲ့ ဦးသန်းရွှေနေရာကို အာဏာလွဲဖို့ ကြိုးပန်းတဲ့အကွက်ဖြစ်ပါတယ်။ ဒီလိုအကွက်မျိုးက ဦ်းနေ၀င်းလုပ်ခဲ့တဲ့အကွက်ဟောင်းမျှသာဖြစ်ပါတယ်။ တကယ်က အလုပ်မဖြစ်လှပါဘူး။ မသေချာမှုတွေ က သန်းရွှေအနာဂတ်မှာ ဆီးကြိုနေပါတယ်။
ဦးနေ၀င်းမှာ အာဏာရဲ့  မူရင်း ( Source of Power ) တွေ က အခိုင်အမာရှိနေပါတယ်။ ဒါကတော့ စစ်တပ်၊ ထောက်လှမ်းရေး၊ မဆလပါတီ အမာခံများ အပြင် မီးဖို ချောင် အစိုးရ ( Kitchen Cabinet ) လို့ ခေါ်တဲ့ ဒေါ်ခင်မေးသန်းက ကျွမ်းကျင်စွာနဲ့ ဦးနေ၀င်းကူညီပေးနိင်ခဲ့ပါတယ်။
တနည်းအားဖြင့်ပြောရရင်တော့ ဦးနေ၀င်းမှာ အာဏာနု (Soft power) နဲ့  အာဏာကြမ်း ( hard pwer) နှစ်မျိုးစလုံးရှိနေတယ်။ ဒီင်္လို သိမ်မွေ့ တဲ့အပြောင်းလဲတွေမှာ အခ ရာအကြဆုံးကတော့ အာဏာနု ( Sofr Power) လို့ ခေါ်တဲ့ ပညာတတ်တွေ ခေါင်းကောင်းတဲ့သူတွေ ရဲ့  အခန်းကဏက အဆုံးအဖြတ်ဖြစ်လာပာငါတယ်။ ၁၉၇၄ ခုနစ် အပြောင်းအလဲတုံးက ဦးနေ၀င်းမှာ ပညာတတ် နိင်ငံရေးသမားတွေထုနဲ့ ဒယ်နဲ့ ရှိနေတယ်။ စစ်အေးတိုက်ပွဲ ကာလဖြစ်တဲ့အတွက် အမေရိကန် အုပ်စုရော ၊ ဆိုဗီယက်ရုရှား အုပ်စုကပါ ဦးနေ၀င်းကို အပြိုင်အဆိုင် လုနေကြတယ်။ ထောက်ခံနေကြတဲ့ကာလဖြစ်နေတယ်။
ဦးသန်းရွေအပြောင်းအလဲကိုတော့ ပျားရည် သုတ်ထားတဲ့သင်ဓုန်းဓါးကို လျက်ရတဲ့အခြေအနေဖြစ်နေပါတယ်။ ဦးသန်းရွှေလက်ထက်မှာ ဦးနေ၀င်းလို အာဏာအသိုင်းဝိုင်းကင်းမဲ့ နေတယ်။ သူအာဏာက အထီးကျန် အာဏာ( Isolated Power) ဖြစ်ပါတယ်။ သူအာဏာအ၀န်းဝိုင်းမှာ ပညာတတ်တွေ နဲ့ တပ်မတော်နဲ့ ပြည်သူက ကြည်ညိုလေးစားတဲ့သူတွေတယောက်မှမရှိပဲ ပြည်သူချဉ်ပတ်တွေပဲရှိနေပါတယ်။

ဦးသန်းရွှေ က ရဲ့  အဓိက အာဏာတော့ အဏာကြမ်း ( Hard Power) သာဖြစ်ပါတယ်။ အဏာကြမ်းက သူရဲ့  ယူနီဖေါင်း ၊သူရဲ့ ဘောင်းဘီဖြစ်ပါတယ်။ အခုသူဘောင်းဘီကိုချွတ်လိုက်ရပြီ။ သူအဏာကြမ်းမရှိတော့ ဘူးဖြစ်သွားပါတယ်။ ဒါကြောင့်သူရဲ့ အလှည်အပြောင်းဟာ အကျဖက်ကို လုံးဝဦးတည်သွားပြီလို့ သုံးသပ်လို့ ရပါတယ်။

ဘာဖြစ်လို့ လဲ ။ မြန်မာ့ တပ်မတော်ရဲ့  အစဉ်အလာ လေ့ကျင့်ပေးထားမှုနဲ့ အစဉ်အလာက ယူနီဖေါင်းပဲဖြစ်ပါတယ်။ ဘောင်းဘီပဲဖြစ်တယ်။ ယူနီဖေါင်း ၀တ်ထားတဲ့သူရဲ့ အမိန့် ကိုပဲနာခံတယ်။ ယူနီဖေါင်းရဲ့  စကားကိုပဲနားထောင်လေ့ရှိအောင် သူတို့ ပဲလေ့ကျင့်ပေးထားခဲ့တာပါ။ ကိုယ်အတတ်နဲ့ ကိုယ်စူးပါ။ နိင်ငံရေးမျက်လှည်ဆရာကြီး ဦးနေ၀င်း ကိုယ်တိုင်သည်ပင်လျင် ယူနီးဖေါင်း ချွတ်အပြီးမှာ
မဆလ ပါတီတွင်းမှာ လုပ်ကြံမှု၊ပုန်ကန်မှု ဗိုလ်ကြီးအုန်းကျော်မြင့်အရေးအခင်း၊ တင်ဦးဘိုနီး အရေးအခင်း၊ တင်ဝင်းညို-ထွန်းလင်း-သန်းစိန်ဂုဏ်း ဆန်ကျင်မှု ၊မဆလပါတီအတွင်း ချစားမှု တွေကြောင့် အာဏာဟာတည်ငြိမ်တယ်လို့ ပြောလို့ မရခဲ့ပါဘူး။ ဘုရားတပြီးနေခဲ့ရတာပါ။ ၈၈ မှာတော့ သူတရားနဲ့ သူအစီရင်ခံရတယ်။ဒါတောင်နိဂုံးချုပ် မကောင်းခဲ့ဘူးဆိုရင် ဦးသန်းရွှေဟာ ဘာသားထုမို့ လည်းဆို့ မေးခြင်ပါတယ်။ ဒီအပြောင်းလဲတွေကို ဦးနေ၀င်းလုပ်ခဲ့စဉ်က အရွယ်ကောင်းသေးတယ်။ ၆၀ ၀န်းကျင်မျှသာဖြစ်နေသေးတယ်။ ဦးသန်းရွေက သိပ်ကိုအသက်ကြီးသွားပြီဖြစ်ပါတယ်။ ဇရာကလည်း နိင်ငံရေးအာဏာချိန်ခွင်ညှာမှာ အရေးကြီးတဲ့ အချက်ဖြစ်နေတယ်။
ကြောင်အိုကြွက်မလေးဆိုတဲ့စကားက မနေ့ တနေ့ ကမှပေါ်လာတဲ့စကားမဟုတ်ပါဘူး။ မျိုးဆက်တွေလိုက် နစ်ပေါင်းများစွာ အတွေ့ အကြုံပေါ်က ထားခဲ့တဲ့ မှတ်တမ်းစကားပါ။ ကြောင်အိုဖြစ်သွားတဲ့ နေ၀င်းကို ကြွက်ပျိုဖြစ်တဲ့ သန်းရွှေက ပမာမခန့်  လုပ်ခဲ့ပြီး။ ဦးနေ၀င်းရဲ့ အချစ်ဆုံး သမီးနဲ့ မြေးတွေကို ထောင်သွင်းချခဲ့သူပါ။ ကြောင်အိုဖြစ်သွားတဲ့ ဗိုလ်ချုပ်စောမောင်ကို ဖယ်ရှားခဲ့တာ ကြွက်ပျို သန်းရွေပါ။
ဒီနေ့ ကြောင်အို အဖြစ် အလှည့် ရောက်လာတဲ့သူကတော့ ဗိုလ်ချုပ်မှုးကြီးသန်းရွှေ တဖြစ်လည်း ဦးသန်းရွှေ ဖြစ်လာပါပြီ။ ကြွက်ပျို ကြီး ဖြစ်တဲ့ ဗိုလ်ချုပ်မူးကြီး သူရမြင့်အောင်က ဘယ်လို သဘောထားမလည်းဆိုတာ မြန်မာ့တပ်မတော် ငွေရောင်ပိတ်ကား ပေါ်မှာ သိပ်စောင့်ကြည့်စာရာမလို တော့ပါဘူး။ လပိုင်းမှာတွင်အဖြေထွက်လာပါလိမ့်မယ်။
ဦးသန်းရွှေရဲ့  အားနည်းချက် ( အာခိလိဖိနောင့်) ကတော့ သူမိသားစုဖြစ်ပါတယ်။ ဦးနေ၀င်းမိသားစုတုံးက လူထုက ဒီလောက် မမုန်းခဲ့ဘူး။ သတင်းတွေကလည်း သိပ်မထွက်ဘူး။ အိုင်တီခေတ်မဟုတ်တာလည်းပါမှာပေါ့။ အခုတော့ ဦးသန်းရွှေ သားသမီးမြေးမြစ်တစုရဲ့ ကိုယ်ကျိုးစာလဒ်စားမှုတွေကို မောင်အေးကိုယ်တိုင် ကြည့်မရဖြစ်နေတယ်။ ဒီအချက်က ဦးသန်းရွှေကို မြန်မြန် ကျဆုံးစေမှာပါ။
ကမ္ဘာ့သမိုင်းကို ကောင်းကောင်းမလေ့လာဘူးသူတွေ၊ မြန်မာ သမိုင်းကို ကောင်းကောင်းမဖတ်ဘူးသူတွေ၊ နိင်ငံတကာလုံခြုံရေးသီအိုရီတွေကို ကောင်းကောင်းမသင်ခဲ့ဘူးသူတွေကတော့ သန်းရွှေအာဏာ ဟာ တည်မြဲနေသေးတယ်။ သူက ရွေးကောက်ပွဲကနေ တရားဝင်အစိုးရဖြစ်လာတော့မယ်။ သူအာဏာဟာ ပိုပြီးတော့တရားဝင်လာပြီလို့ ကယောင်ကတန်း ကောက်ချက်ချမိနိင်ပါတယ်။
ဒါပေမဲ့ ကောင်းကောင်းလေ့လာဘူးသူတွေကတော့ဒီနေ့ မြန်မာ ပြည်ရဲ့ အာဏာရှင်အသစ်ကတော့ ဗိုလ်ချုပ်မှုးကြီးသူရမြင့်အောင်ဖြစ်သွားပါပြီ။ သန်းရွှေခေတ်ကုန်သွားပြီ။

မြန်မာ့ နိင်ငံရေးအချိုးအဆစ်အလှည့်အပြောင်း က ဒီနေ့ စပြီလို့ ပြောရမယ်။ ဒီအလှည့်အပြောင်းက အာဏာရှင်တွေတွက် နေ၀င်ချိန် တစတစနီးလာပြီ ၊ ဒီမိုကရေစီ ရောင်နီ ထွန်းလင်းလာတော့မည်လို့ ဆိုခြင်တယ်။

http://komoethee.blogspot.com/