ဒဏ္ဍာရီပူပေါင်းလေးတစ်ချို့ ဖေါက်ကြည့်မယ်

  အချို့က ကောလဟာလ ၊ အချို့က  ဒဏ္ဍာရီ ၊ အချို့ကျတော့ ယုံတမ်းစကားလို့ နာမည်တပ်ကြတဲ့

စကားအချို့ရှိတယ် ။ ဒါပေမယ့် အဟုတ်အစစ်ဆိုပြီး ရင်ထဲလည်း စွဲမှတ်ထားတတ်ကြပြန်တယ် ။ ဒါ

တွေကို စာရင်းလုပ်ရင် လွယ်လွယ်နဲ့ မကုန်နိုင်ပေမယ့် ၊ ဒီစွဲမှတ်ချက်တွေကို အခြေခံပြီး ထပ်ဆင့်အ

တွေးနဲ့ အကောင်ထည်ဖေါ်တာတွေ လုပ်တဲ့အခါ ဆပွားဆင့်ပွား အမှားတွေဖြစ်လာပြီး တစ်ခါတစ်ရံ

လွဲချော် ထိခိုက် ဆုံးရှူံးမှုတွေ ဖြစ်လာတတ်တယ် ။

  ဒီတော့ ကျနော်တို့တတွေ အမှားနည်းနိုင်ကြစေဖို့ရာ ခုနေ မှတ်မိသမျှ တစ်တို့ နှစ်တို့လောက်

ချရေး ဖလှယ်ကြည့်ပါမယ် ။ ထိခိုက်မှုတွေ ရှိသွားခဲ့ရင်လည်း ပြင်ဆင်နိုင်ဖို့ အသိပေးလို့ရသလို ၊

စာမှားသလား ငါမှားသလား ဆိုတာလည်း အတွေးထဲထည့်ကြည့်မိရင် အကျိုးအမြတ် တိုးကောင်း

တိုးနိုင်မှာပါ ။

(၁)  နိုင်ငံခြားက လူချမ်းသာများ 

  များမကြာခင်က မြန်မာပြည်က ဆွေမျိုးများနဲ့ ဖုန်းစကား ပြောဖြစ်တယ် ။ ကိစ္စများမြောင် လူတို့

ဘောင်ထဲမှာ သူတို့လည်း အခက်ခဲလေးတွေ ရှိရှာသပေါ့ ။ ဒါ သဘာဝ ။ ဒီတော့ နိုင်ငံခြားရောက်

နေသူတွေဆီက အကူညီများ ရလိုရငြား တောင်းကြည့်ကြတယ် ။ ဒါလည်း မမှား ။ 

  ငွေလေးများ အပိုအလျှံရှိရင် သိန်း ၁၀၀ လောက် ကူညီပါလား .. တဲ့ ။ 

  စိတ်ထဲ .. “မွေးမေလေ့” ဆိုပြီး သမိန်ပေါသွပ် ကာတွန်းထဲကလို အသံထွက်သွားတယ် ။ ဒါကတော့

မှားလေပြီ ၊ အသေခြာကို မှားနေပါပြီ ။ ကျနော့်မှာ သိန်းလည်း မရှိ ၊ သန်းလည်း မရှိ ၊ ကြမ်းပိုးလည်း

မရှိဘူးလို့ ဆိုရလောက်အောင် လုံးဝကင်းရှင်းပါတယ် ။ ဒီတော့ သူတို့ရဲ့ မျှော်လင့်ချက် ပူပေါင်းလေး

ကို အားနာပါးနာနဲ့ ဖေါက်ခွဲလိုက်ရတယ် ။

  ယေဘုယျအားဖြင့် နိုင်ငံခြားနေသူတွေလည်း မြန်မာပြည်သဘောအတိုင်း ဆင်းရဲချမ်းသာနဲ့ အ

လုပ်ကိုင်ကောင်းသူ ၊ အလုပ်ကိုင်မရှိသူ စသည်ဖြင့် ရှိကြတာပါပဲ ။ ပြည်ပကို အလုပ်ထွက်လုပ်သူ

အများစုအနေနဲ့ ရသမျှစုပြီး မိသားစုဆီပြန်ပို့ကြလို့ လက်ထဲ ငွေအပိုအလျှံ မရှိတတ်သလိုပဲ ၊ နိုင်ငံ

ခြားနေ လူအများစုဟာလည်း ရောက်ရာနိုင်ငံရဲ့ အသုံးစရိတ်တွေနဲ့ လုံးလည်ချာလည် လိုက်နေ

တတ်ကြပါတယ် ။ ဒီကြားထဲကမှ ရလာတာလေးတွေထဲ ဖယ်တန်ဖယ် ၊ စုတန်စုပြီး လှူကြ ကူကြရ

တာပါ ။ တန်ရာတန်ကြေးနဲ့ အလုပ်လုပ် ၊ စည်းစနစ်တကျ စီမံသုံးစွဲကြရပြီး ငွေပိုငွေလျှံဆိုတာ ရှိ

သူနည်းပါတယ် ။ ကျနော်တို့လို ကျောင်းတက်နေသူ ၊ အစိုးရထောက်ပံ့ကြေးနဲ့ လတ်တလော ရပ်

တည်နေသူတွေအတွက်တော့ အတိုင်းထက်အလွန်ပေါ့ဗျာ ။ 

  မြန်မာပြည်က လူတွေကိုတော့ အပြစ်မပြောလိုပေမယ့် အတော်များများရဲ့ အမြင်က - နိုင်ငံခြား

ရောက်သွားကြပြီ ၊ ကောင်းစားသွားကြပြီ ၊  ပြည့်စုံဖူလုံသွားကြပြီ ဆိုပြီး စိတ်ထဲရှိတတ်ကြပါတယ် ။

အဲဒီကနေ နောက်တစ်ဆင့် - ငါတို့ကိုတော့ မေ့သွားကြပြီ ၊ သွေးကြီးသွားပြီ ၊ လှည့်တောင်မကြည့်

ကြတော့ဘူး စတာတွေ စိတ်ထဲ ဖြစ်လာတတ်ကြပြန်ပါတယ် ။ 

  ဒါကို တစ်ထိုင်ထဲ ဖြေရှင်းပြဖို့က ကျယ်ပြန့်ပါတယ် ။ အနည်းဆုံးတော့ မြန်မာပြည်ကလူတွေရဲ့ ငါ

တို့နိုင်ငံ နိမ့်ကျနေတယ် ၊ ဆင်းရဲနေတယ် ၊ ခေတ်နောက်ကျန်နေတယ် ဆိုတာတွေနဲ့ အခြေခံတွေး

ကြပြီး ၊ အခြား ဖွံ့ဖြိုးပြီးနိုင်ငံတွေနဲ့ စိတ်ကူးယဉ် နှိုင်းယှဉ်ကြည့်ကြတာကိုက လွဲနေတယ်လို့ မြင်ပါ

တယ် ။ ဒီကနေတစ်ဆင့် အားငယ်စိတ် ၊ မနာလိုစိတ် ၊ နာကျည်းစိတ်တွေနဲ့ ပြည်ပအားကိုး ပုဆိန်ရိုး

ဆိုတဲ့ စကားမျိုးတွေ ပေါ်လာတာလို့ ယူဆနိုင်ပါတယ် ။ 

  ဖွံ့ဖြိုးတိုးတက်တဲ့ နိုင်ငံတွေမှာ အခြေခံအားဖြင့် လူသားတွေမှာ ရသင့်ရှိသင့်တဲ့ အခွင့်အရေးတွေ

ကို ရနိုင် ရှိနိုင်ဖို့ရာ အခြေနေတွေကို ဖန်တီးပေးထားပါတယ် ။ ဒါပေမယ့် လူတစ်ဦးနဲ့တစ်ဦး ပင်

ကိုယ်အနေထား ၊ ပတ်ဝန်းကျင်အနေထား (ကံ ၊ ဥာဏ် ၊ ဝိရိယ ဆိုပါစို့) အရ ရနိုင်တာ ရယူတာ

ရရှိတာတွေ ကွဲပြားကြပါတယ် ။ ဒီတော့ ဒီနိုင်ငံမှာ နေသူတွေဟာ မြန်မာပြည်မှာ နေတာထက်စာ

ရင် အခွင့်အလမ်းတွေ ပိုရှိတယ် ၊ လူတန်းစေ့ အတိုင်းတာတစ်ခုထိ နေနိုင်ကြတယ်လို့ ခြုံငုံဆိုနိုင်

ပါတယ် ။ သို့ပေမယ့် ဒါတွေကို ဒေါ်လာငွေတွေအဖြစ် ပြောင်းလဲတွေးမြင်ကြည့်လို့ မရဘူးဆိုတာ

သဘောပေါက်ဖို့ အသိပေးချင်ပါတယ် ။

(၂)  နိုင်ငံရေးသမား ကားဝယ် အိမ်ဝယ် 

   အချို့က အင်တာနက်ထဲ အလကားရလေတော့ ပြည်ပရောက် ဒီမိုကရေစီအရေး လှုပ်ရှားသူနဲ့

နိုင်ငံရေးသမားတွေကို ကားဝယ် အိမ်ဝယ်ပြီး ကိုယ့်တစ်ဘို့ထဲ လုပ်နေကြတယ်လို့ အလွတ်သဘော

စွပ်စွဲတိုက်ခိုက်နေကြတာ တွေ့ရတယ် ။ အခြား ဆင်တူရိုးမှား စွပ်စွဲတာလည်း အများကြီးပေါ့ ။

   ပထမ ကိုမောင်မောင်ဝမ်းကနေ အမေရိကန်နိုင်ငံမှာ အလုပ်ကိုင်မရှိရင် အစိုးရက ထောက်ပံ့တယ်

ဆိုတဲ့အကြောင်း Facebook မှာရှင်းပြဖူးတာ အမှတ်ရတယ် ။ ဒါဟာ သာမန်ပြည်သူတွေအတွက်

ဆိုင်ရာအစိုးရတွေရဲ့ လူမှုဖူလုံရေး စောင့်ရှောက်မှု မူဝါဒနဲ့ အကောင်ထည်ဖေါ်ချက်တွေပါ ။ ဒီသ

ဘောသဘာဝကို မြန်မာပြည်က မသိသူတွေလည်း အများကြီး ရှိဦးမှာပါ ။ မသိတာကို အပြစ်ပြော

လို့ မရနိုင်လေတော့ အသိပေး လက်ဆင့်ကမ်းတာတွေပဲ အများကြီး ဆက်လုပ်ကြရဖို့ ရှိပါတယ် ။

   အိမ်ဝယ် ကားဝယ်တာတွေကို ကြည့်ရအောင် ။

   ဝေးဝေးလံလံတွေ လျှောက်ပြောရင် ချော်နေပါ့မယ် ၊ သြစတြေးလျကိုပဲ မူတည်ပြီး ပြောပါ့မယ် ။

   ဒီမှာက လုံးချင်းအိမ်တွေ များပါတယ် ။ မြို့ကကျယ်ပါတယ် ။ အလုပ်ရှာရင် ကားရှိမှ အဆင်ပြေ

ပါတယ် ။ အလုပ်ဝေးတတ်တာကြောင့် ဘတ်စ်ကား ၊ မီးရထားနဲ့ အဆင့်ဆင့်သွားရင် ၃-၄ နာရီ

အချိန်ကုန်တတ်ပါတယ် ။ ဒီတော့ အလုပ်က လစာရမှ ကားဝယ်မယ်လုပ်လို့ မရပါဘူး ။ ငွေမရှိ

လည်း အကြွေးနဲ့ ဝယ်ရပါတော့တယ် ။ ကားကြွေးကို ဒီတစ်လတော့ အဆင်မပြေသေးဘူး ၊

နောက်လမှယူနော်လို့ မြန်မာပြည် လမ်းထိပ်ကွမ်းယာဆိုင်မှာ ပြောသလို သွားပြောလို့ မရပါဘူး ။

ကားပြန်သိမ်းသွားတာ ခံရရင် ခံရ ၊ မဟုတ်ရင်လည်း တရားရုံးကဆင့်စာ ရောက်လာနိုင်ပါတယ် ။

   အကယ်၍ Mercedes, Porche, Rolls Royce တွေကို လက်ငင်းငွေချေဝယ်တဲ့ မြန်မာပြည်က

အဝေးရောက် နိုင်ငံရေးသမား တစ်ယောက်လောက်ရှိရင်တော့လည်း လက်ပူးလက်ကြပ်မိပြီလို့

ပြောသာပြောလိုက်ပါ ။ ဒီလောက်ဆို ကားအတွက် အတန်ရှင်းသွားမယ် ထင်ပါတယ် ။ 

  တစ်ဆက်ထဲ သားမယားအတွက် လုပ်တယ်ဆိုတာမျိုးကတော့ အထွေထူး ပြောစရာလိုမယ်

မထင်ပါဘူး ။ ဘယ်သူမဆို ပြည်တွင်းဖြစ်ဖြစ် ပြည်ပဖြစ်ဖြစ် မိသားစု ရှိရင်ရှိ ၊ မရှိရင်လည်း တစ်

ချိန်မှာ ထူထောင်ကြမယ့် သူတွေပဲလေ ။ အလွန်အကျွံ ကိုယ့်ဖက်ယက်နေတယ်လို့ သက်သေ

မရှိရင် ၊ သွားပုတ်လေလွင့် မလိုတမာစကားလို့သာ အန္တရယ်ကင်းကင်း နာမည်တပ်လို့ ရလိမ့်

မယ် ထင်ပါတယ် ။ 

   အိမ်အတွက်မှာလည်း အလားသဏ္ဍာန် နည်းနည်းဆင်ပါတယ် ။

   ဒီမှာ အိမ်ဈေးတွေက ဒေါ်လာသိန်းကဏန်းတွေချည်းပါ ။ အိမ်ဌားနေရင် တစ်လကို ဒေါ်လာ

၁၀၀၀ ကနေ ၁၅၀၀ ဝန်းကျင် ရှိပါတယ် ။ ကျနော်တို့လို အစိုးရထောက်ပံ့ငွေ ရယူနေသူတွေအ

တွက် ထောက်ပံ့ငွေတွေထဲက အိမ်ဌားဖို့တင် တစ်ဝက်မက ကုန်ကျပါတယ် ။ တစ်ကိုယ်တည်း

သမားတွေဆိုရင် အိမ်ခန်းခပေးရတာနဲ့တင် စားစရိတ်တောင် မကျန်တတ်လို့ ဈေးပေါရာ ၊ စု

ပေါင်း နေလို့ရမယ့် အိမ်ယာတွေကို အသည်းအသန် လိုက်ရှာရပါတယ် ။ မြန်မာပြည်လို ကြီးတော်

အိမ် သို့မဟုတ် ရွာဦးကျောင်းမှာ သွားတက်အိပ်မယ်ဆိုပြီး လုပ်ဖို့မဖြစ်နိုင်ပါဘူး ။

   အိမ်ဝယ်မယ်ဆိုရင်တော့ ဈေးပေါရာကို ရှာနိုင်ရင် နှစ် ၃၀ အကြွေးစနစ်နဲ့ တစ်လကို ၁၅၀၀-

၁၆၀၀ ပေးပြီး အိမ်ပိုင်တစ်လုံး ရှိလာနိုင်ပါတယ် ။ ဒီတော့ ကျနော်တို့လိုလူတွေ နှပ်ချေးငါးပိ

လုပ်စားပြီး ခြစ်ချုပ်စုနိုင်ရင် ကိုယ်ပိုင်အိမ်တစ်လုံး ဝယ်နိုင်တဲ့ အခြေနေရှိပါတယ် ။ ဒါပေမယ့် ..

ဒါပေမယ့် .. ရှိပါသေးတယ် ။ ကိုယ့်လို လက်ဆုပ်လက်ကိုင် ပုံမှန်ဝင်ငွေ မရှိသူတစ်ယောက်

အနေနဲ့ ငွေချေးလို့ မရနိုင်ပြန်ပါဘူး ။

   ဒီတော့ အတိုချုံးပြောချင်တာက ဒီမိုကရေစီအရေးပဲလုပ်လုပ် ၊ နိုင်ငံရေးသမားပဲခေါ်ခေါ် ဖွံ့

ဖြိုးပြီးနိုင်ငံတွေမှာ နေထိုင်သူတွေအနေနဲ့ ငွေလုံးငွေရင်းနဲ့ အိမ်တစ်လုံးကို အပြတ် ဝယ်လိုက်

တာမျိုးမဟုတ်ရင် ဘာအပြစ်ပြောစရာမှ မမြင်ပါဘူး ။ ဒီလို သာမန်လုပ်ရိုးလုပ်စဉ်ကို အပြစ်ပြော
တဲ့သူတွေ ရှိမယ်ဆိုရင်လည်း ဒီက နိုင်ငံသူ နိုင်ငံသားတွေအတွက်တော့ တအံတသြနဲ့ ဖြစ်ကြ
မှာ သေချာပါတယ် ။

၁၆၊ ၀၉ ၊ ၂၀၁၂

ဆက်ရန် .......