စက်တင်ဘာလ ၇ရက်၊ ၂၀၁၂ခုနှစ်။ စောခါးစူးညား (ကေအိုင်စီ)
နိုင်ငံရေးဆွေးနွေးမှုပြုလုပ်ပြီးမှသာ အပစ်အခတ်ရပ်စဲမည် ဆိုသည့်အချက်ကို ကချင်လွတ်မြောက်ရေးအဖွဲ့-KIO က စွဲကိုင်ထားသဖြင့် ကချင်ဒေသတွင် ဆက်လက်တိုက်ပွဲဖြစ်ပွားနေရသည်ဟု ကာကွယ်ရေးဝန်ကြီးဌာန ဒုဝန်ကြီး ဗိုလ်မှူးချုပ်အောင်သော်၏ ပြောကြားချက်မှာ မဟုတ်မမှန်ကြောင်း KIO က ယနေ့ တုန့်ပြန်ပြောဆိုလိုက်သည်။
KIO ပြောခွင့်ရပုဂ္ဂိုလ် ဦးလနန်က “ကျနော်တို့ အမြဲပြောနေတာကတော့ အခု ဖြစ်ပွားနေတဲ့ တိုက်ခိုက်မှုတွေဟာ အဓိက ပြဿနာ မဟုတ်ဘူး။ တိုင်းရင်းသားအရေးနဲ့ပတ်သက်တဲ့ နိုင်ငံရေးပြဿနာပါ။ ဒီနိုင်ငံရေး ပြဿနာကို အစိုးရအဆက်ဆက်က မဖြေရှင်းနိုင်တဲ့အ တွက် တိုက်ပွဲရတာပါ”ဟု ပြောသည်။
၎င်းတို့အနေဖြင့် အစိုးရနှင့် ဆယ်နှစ်ကျော် အပစ်အခတ်ရပ်စဲရေးလုပ်၍ ဆက်ဆံရေးရုံးဖွင့်၊ ဒေသဖွံ့ဖြိုးရေး လုပ်ခွင့်သာရခဲ့ပြီး လက်ရှိ အစိုးရဘက်က အပစ်ခတ်ရပ်စဲရေးကိစ္စ တတွင်တွင်ပြောသော်လည်း နိုင်ငံရေးဆွေးနွေးရေးကိစ္စကို အလေးမထားကြောင်း ဦးလနန်က ဆက်ပြောသည်။
အမျိုးသားလွှတ်တော်အစည်းအဝေး ကျင်းပသည့် (၄၀)ရက်မြောက် ယမန်နေ့၌ ကချင်ပြည်နယ် မဲဆန္ဒအမှတ်(၁)မှ ဦးခက်ထိန်နန်က အပစ်အခတ်ရပ်စဲရေး၊ ငြိမ်းချမ်းရေးနှင့် ပတ်သက်၍ မေးမြန်းခဲ့ရာ ဗိုလ်မှူးချုပ်အောင်သော်က KIA သည် အပစ်အခတ်ရပ်စဲရေး လုပ်ငန်း စဉ်ကို လုံးဝ ဆွေးနွေးညှိနှိုင်းမှု မပြုလုပ်ကြောင်း ပြောကြားချက်ကို ယနေ့ထုတ် မြန်မာ့အလင်းသတင်းစာတွင် ဖော်ပြထားသည်။
ထို့အပြင် KIA သည် ၎င်းတို့စစ်တပ်နှင့် ပြည်သူလူထု အသုံးပြုနေသည့် လမ်းကြောင်းများတလျှောက်ရှိ တံတားများကို ဖျက်ဆီးခြင်း၊ နယ်မြေလုံခြုံရေးတာဝန် ထမ်းဆောင်နေသည့် ဌာနချုပ်များ၊ တပ်စခန်းများ၊ စစ်ကြောင်းများသို့ ရိက္ခာ၊ လူနာပို့ဆောင်နေစဉ်၊ လုံခြုံရေးနှင့် နယ်မြေရှင်းလင်းရေးဆောင်ရွက်စဉ် ၀င်ရောက်တိုက်ခိုက်ခြင်းများပြုလပ်နေသည်ဟု သတင်းစာထဲတွင် ပါရှိသည်။
ယင်းဖော်ပြချက်ကို ဦးလနန်က “သူတို့ စစ်ဆင်ရေးလုပ်လာတဲ့အချိန်မှာ ဒေသခံသွားတဲ့လမ်းတွေကို အသုံးမပြုဘူးဆိုရင်တော့ ဒီကိစ္စ ပေါ်လာနိုင်စရာ အကြောင်းမရှိဘူး။ သူတို့က လူထုကို အကာအကွယ်လုပ်ပြီး အရပ်ဝတ်ပုံစံနဲ့ လူထုတွေနဲ့ရောပြီး မော်တော်ယဉ်တွေ စီးလာတယ်။ ဒီလိုလုပ်တော့ စစ်ရေးအရ ပြန်ပြီးတုန့်ပြန်ရတာပဲ”ဟု ဆိုသည်။
ပြီးခဲ့သည့် ၂၀၁၁ခုနှစ်၊ ဒီဇင်ဘာလ ၁၀ရက်နေ့က သမ္မတဦးသိန်းစိန်မှ ကချင်ပြည်နယ်အတွင်း ခုခံကာကွယ်ရုံမှအပ ပစ်ခတ်တိုက်ခိုက် ခြင်း၊ KIA စခန်းများအား ချီတက်ထိုးစစ်ဆင်တိုက်ခိုက်ခြင်း မပြုလုပ်ရန် ညွှန်ကြားချက်ကို သက်ဆိုင်ရာ တပ်ဖွဲ့ဝင်များက တိကျစွာ လိုက်နာကြောင်း ဗိုလ်မှူးချုပ်အောင်သော်က ပြောထားသော်လည်း လက်ရှိ ကချင်ပြည်နယ် ဖားကန့်မြို့နယ် KIA နယ်မြေအတွင်း အစိုးရ စစ်တပ်မှ သြဂုတ်လမှစ၍ ယခု စက်တင်ဘာလအထိ နေ့စဉ် တိုက်ပွဲဖြစ်ပွားကာ ကချင်ဒေသအတွင်း ဒုက္ခသည် တစ်သိန်းခန့်ရှိလာပြီဟု ကချင်ဒုက္ခသည်များကို သွားရောက်ကူညီနေသည့် အဖွဲ့များက ပြောသည်။
၂၀၁၁ခုနှစ် ဇွန်လမှစ၍ မြန်မာအစိုးရတပ်နှင့် KIA တပ်များအကြား တိုက်ပွဲဖြစ်များ ပြန်လည်ဖြစ်ပွားပြီးနောက် ပြည်နယ်အဆင့် သုံးကြိမ်၊ ပြည်ထောင်စုအဆင့်သုံးကြိမ်နှင့် အလွတ်သဘော လေးကြိမ်တွေ့ဆုံဆွေးနွေးခဲ့သော်လည်း အောင်မြင်မှုမရရှိခဲ့ကြောင်းလည်း ဗိုလ်မှူးချုပ် အောင်သော်၏ ပြောကြားချက်ကို မြန်မာအလင်းသတင်းစာတွင် ဖော်ပြထားသည်။
Friday, 07 September 2012 17:22
အပစ်အခတ်
ရပ်စဲပြီးမှ နိုင်ငံရေး ဆွေးနွေး ကြမည် ဆိုသည့် အစိုးရ၏ ငြိမ်းချမ်းရေး
မူဟောင်းသည် လက်တွေ့ မကျသဖြင့် နိုင်ငံရေး ဆွေးနွေးမှုဖြင့်သာ အပစ်အခတ်
ရပ်စဲရေးကို လက်မှတ် ထိုးသင့်ကြောင်း အဆိုပြုခြင်း ဖြစ်သည်ဟု ကချင်ပြည်
လွတ်လပ်ရေး အဖွဲ့ ( KIO) ပြောခွင့် ရသူ ဦးလာနန်းက ဆိုပါသည်။ “ ကျနော့်တို့က နိုင်ငံရေး ပြသနာကို နိုင်ငံရေးအရ အရင်ဆွေးနွေး ခဲ့ရင် အပစ်အခတ် ရပ်စဲရေးဟာ အလွယ်လေးနဲ့ ပြီးသွား လိမ့်မယ်။ အခုဟာက သူတို့က အပစ်အရင်ရပ် ပြီးမှနိုင်ငံရေး ဆွေးနွေးမယ် ဆိုတဲ့ မူဟောင်းကို ခင်းပြီးတော့ အချိန်ဆွဲ ပေါ်လစီနဲ့ သွားပြီးတော့ အချိန်တခုမှာ နယ်ခြားစောင့်တပ် လုပ်ခိုင်းခဲ့တယ် မဟုတ်လား။ ဒါကြောင့် အစိုးရရဲ့ ငြိမ်းချမ်းရေး ဆွေးနွေးပွဲ အစီစဉ်ကို လက်တွေ့ ကျအောင် အဆိုပြုနေတာပါ” ဟု ဆိုပါသည်။
အစိုးရသည်၊ ၄င်းတို့၏ အပစ်အခတ် ရပ်စဲရေး၊ နိုင်ငံရေး အရ ဆွေးနွေးရေး (တဖွဲ့ချင်း)နှင့် ပင်လုံကဲ့သို့သော ညီလာခံကျင်းပ ရေးဟူသည့် အစီစဉ်ကိုသာ KIA လက်ခံပါက အပစ်ရပ်ရေး လက်မှတ် ထိုးမည်ဟု ဒုတိယ ကာကွယ်ရေး ၀န်ကြီး ဗိုလ်မှူးချုပ် အောင်သောက ယမန်နေ့တွင် အမျိုးသား လွှတ်တော် အစည်းအဝေး၌ အမတ် တဦး၏ မေးမြန်းချက်ကို ဖြေကြားခဲ့ပါသည်။ http://www.mrtv3.net.mm/newpaper/79newsm.pdf စာမျက်နှာ (၂၀)တွင် ဖတ်ရှု နိုင်ပါသည်။
ထို့အပြင် ကချင်ဒေသ၌ စစ်ဆင်ရေး မရှိဘဲ နယ်မြေ ရှင်းလင်းရေးသာ ရှိကြောင်း လွှတ်တော် အမတ်တဦး၏ အမေးကို ပြန် လည်ရှင်းပြခဲ့ပါသည်။ တကယ်စင်စစ် ကချင်ဒေသ၌ အစိုးရသည် တိုင်းတပ်နှစ်ခုနှင့် တပ်မပေါင်း (၅) ခု ထက်မနဲမှ စစ်အင် အား တသောင်းကျော်နှင့် ပြည်သာယာ စစ်ဆင်ရေးကို ဆင်နွှဲနေပါသည်ဟု ကချင်ပြည် လွတ်လပ်ရေး အဖွဲ့က ဆိုပါသည်။
http://www.phophtaw.org/burmese/index.php/news/local-news/2005--kia-.html
အစိုးရသည်၊ ငြိမ်းချမ်းရေး အပြည့်ဝ လိုလားကြောင်း၊ ဤအတွက် ၂၀၁၁ခုနှစ် ဇွန်လမှ စ၍ KIA နှင့် ပြည်နယ်အဆင့်တွင် (၃) ကြိမ်၊ ပြည်တောင်စုအဆင့် တွင် (၃)ကြိမ်၊ အလွတ်သော (၄) ကြိမ် ဆွေးနွေး ခဲ့ပြီးဖြစ်သည်ဟု ဒုတိယ ကာကွယ်ရေး ၀န်ကြီး ဗိုလ်မှူးချုပ် အောင်သော်က လွှတ်တော်သို့ တင်ပြ သွားပါသည်။
သို့သော်
KIA ဖက်ကမူ ဦးအောင်သောင်း ဦးဆောင်သော ပြည်ထောင်စု အဆင့် ငြိမ်းချမ်းရေး
ဖေါ်ဆောင်အဖွဲ့ နှင့် ဆွေးနွေး ရာတွင် နိုင်ငံရေး ဆွေးနွေးမှုများသည်
အပစ်အခတ် ရပ်စဲရေးအဆင့်သို့ ရောက်ရှိနေချိန် နီးနီး၌ ဦးအောင်သောင်း အစား
ဦး အောင်မင်းတို့အဖွဲ့နှင့် ပြောင်းလဲ ဆွေးနွေး စေခဲ့ပါသည်။ ဤအခြေအနေမှ
ဦးအောင်မင်းတို့အဖွဲ့နှင့် အလွတ်သဘော အရနှစ် ကြိမ်တိုင်
ဆွေးနွေးပြီးသော်လည်း ယနေ့အထိ မရေမရာနှင့် အဆင်မပြေ မှုများဖြင့်သာ
ရင်ဆိုင် ခဲ့ရသည်ဟု ဆိုပါသည်။“ အတွေ့အကြုံကိုကရှိနေတယ်။ ကြားလူပါတဲ့ စုံစမ်းရေး ကော်မီရှင် ဖွဲ့ကြည့်ပါလား၊ သတ္တိရှိရင် အဖြေမှန် သိရအောင်။ အခု ကြည့် တိုင်းရင်းသား (၁၁) ဖွဲ့ ထဲမှာ (၁၀)နဲ့ အပစ်ရပ်နိုင်ခဲ့တယ်တဲ့၊ KIA ကသာ ငြိမ်းချမ်းရေးကို မလိုချင်သယောင် ၀ါဒဖြန့် နေတယ် မဟုတ်ပါလား။ အကြောင်းမသိ ရင်ခက်မယ်၊ အဲဒီ(၁၀) ဖွဲ့ထဲမှာ ဘယ်အဖွဲ့တွေနဲ့ ပြေလည်နေပြီးလဲ၊ အပစ်အခတ် ရပ်စဲရေး တပိုင်းတစနဲ့ တခြား အဖွဲ့တွေကို အချိန် ဆွဲထားတယ်မလား၊ တကယ်တော့ ဘယ်အဖွဲ့နဲ့မှ ပြေလည်တယ် ရယ်လို့ မတွေ့ရသေးဘူး။ အမြတ်ကတော့ အစိုးရ ဖက်က ထုတ်နေပြီးလေ ” ဟုKIA တပ်မှူး တဦးက ဆိုပါသည်။
စစ်ပစ္စည်း အတော်များများသည် KIA မှ ထုတ်လုပ်နေသည်ဟုဆိုKIA ကမူ အစိုးရ တပ်ဖွဲ့များ စစ်ဆင်ရေး မရှိပါက တိုက်ပွဲများ ဖြစ်လာစရာ အကြောင်းလည်း မရှိပေ။ ဒုက္ခသည်များလည်း (၆) သောင်းမှ တသိန်းနီးပါး ဖြစ်လာစရာ အကြောင်းလည်း မရှိပေ။ တရုတ် အစိုးရလည်း ကချင် စစ်ပြေး ဒုက္ခသည်များကို မောင်း ထုတ်စရာလည်း ရှိမည် မဟုတ်ပေ။ ကချင်ပြည်နယ် ဖါးကန့် ဒေသ၌လည်း အချိန်တိုအတွင်း စစ်ပြေးများ သောင်း နှင့်ချီပြီး ဖြစ်လာစရာလည်း မရှိပေ။ ဤအခြေအနေများသည် ဒုတိယ ကာကွယ်ရေး ၀န်ကြီး တဦး၏ လွှတ်တော် တင်ပြချက်နှင့် နှိုင်း ယှဉ်ကြည့် စေလိုပါသည်။ ဟုတ် မဟုတ် သက်သေပြနိုင်ရန် လိုသည်ဟု ဆိုပါသည်။
ဤသို့ကြောင့် လွှတ်တော်မှ အခြေအနေမှန် သိရှိနိုင်ရန် ကချင်အရေးကို လွှတ်တော် စုံစမ်းရေး ကော်မီရှင် ဖွဲ့ပြီးလေ့လာသင့် ပါသည်။ သို့မဟုတ်ပါက လွှတ်တော်ထဲက တပ်မတော်၏ ရှင်းပြချက်နှင့်သာ ရပ်နေပေလိမ့်မည်ဖြစ်သည်။ ကချင်ပြည်လွတ် လပ်ရေး အဖွဲ့သည်လည်း အစိုးရတပ်ဖွဲ့၏ သဘောထားကို သိရှိနေပြီး ဖြစ်သည့် အတွက် အဆိုပြုချက်ကို လက်တွေ့ ကျကျ ဖြစ်စေရန် နိုင်ငံရေး ဆွေးနွေးမှုဖြစ်သာ အပစ်အခတ် ရပ်စဲရေး နည်းကို တင်ပြနေခြင်းသာ ဖြစ်သည်ဟု ဆိုပါသည်။
အစိုးရနှင့် KIO တိုက်ပွဲများပြင်းထန်ဆဲ
- Last Updated on 06 September 2012
- By KNG
ဘွမ်ဆောန်ဘွမ်ရှိ မြန်မာအစိုးရတပ်သည် ရိက္ခာလာပို့သော ခလရ (၁၄၂) စစ်ကြောင်းကို သွားရောက် စောင့်ကြိုနေချိန်တွင် KIO အောက် ကချင်လွတ်မြောက်ရေးတပ်ဖွဲ့ (KIA) တပ်ဖွဲ့နှင့် ယခုကဲသို့ တိုက်ပွဲများဖြစ်ပွားခြင်းဖြစ်ကြောင်း KIA စစ်ဗိုလ်များပြောသည်။
“ဒီမနက်နံနက် ၁၀ နာရီကနေစတိုက်တာ ခုထမင်းစားချိန်ခဏနားတယ်။ ခဏနေကျရင် ပြန်တိုက်မယ်။ ကျနော်တို့ဘက်က ဘာမှမဖြစ်ဘူး။ သူတို့ဘက်ကတော့ ဘယ်နှစ်ယောက်သေတယ်ဆိုတာ မသိရသေးဘူး” ဟုရှေ့တန်းမှ KNG ကချင်သတင်းဌာနသို့ပြောသည်။
တိုက်ပွဲများကြောင့် ရိက္ခာလာပို့သော မြန်မာအစိုးရတပ် ခလရ (၁၄၂) သည် ဒေါဖုန်းယန်ရွာ (Dawhpumyang) ထဲသို့ မရောက်ရှိနိုင်ဘဲ ရှိနေကြေင်းသိရသည်။
ထို့အတူ ကချင်ပြည်နယ် ဝိုင်းမော်မြို့နယ် ဆမ်ပိုင်(Sambai) သွားလမ်းရှိ မိုင် ၄၀ ကျော်ရှိသည့် ဒါဂါယန် (Daga Yang) နှင့် လိုင်ဖောန် (Lai Hpawng) ဒေသအတွင်း ပြီးခဲ့သည့်ပတ်ပြင်းထန်သည့် တိုက်ပွဲဖြစ်ပွားခဲ့စဉ် မြန်မာအစိုးရတပ်မှ ဗိုလ်ကြီးများ သေဆုံးပြီးနောက် ၎င်းအစိုးရတပ်သည် လက်နက်ကြီးများနှင့် တိုက်ခိုက်နေကြောင်းသိရသည်။
“မနက်ထမင်းစားပြီးတဲ့ချိန်မှ ပစ်လာတယ် လက်နက်ကြီးတွေနဲ့ဟုတ်တယ်။ နားလိုက်ပစ်လိုက် အနီးမှာ လာကျတယ် ဒါမေ့ဘာမှမဖြစ်ဘူး” ရှေ့တန်းမှ ဆိုသည်။
မြန်မာအစိုးရတပ်များသည် ဝူထောန်ဘွမ် (Wu Htau Bum) တွင် တပ်ချနေပြီး တပ်သားအချို့သည် ၎င်းတပ်မှ ၇ မိုင်ရှိ ဒိန်ဂါတောင် (Dingga Bum) မှ KIA တပ်မဟာ (၅) တပ်ရင်း (၃) နှင့် အရပ်သားကာကွယ်ရေး တပ်ဖွဲ့ (MHH) များရှိရာ လိုင်ဖောန် (Lai Hpawng) သို့ လက်နက်ကြီးများဖြင့် ပစ်ခတ်နေခြင်းဖြစ်ကြောင်းသိရသည်။
ဆက်လက်၍ ကချင်ပြည်နယ် KIA တပ်များ တပ်ချထားသည့် နေရာဒေသတစ်လျှောက် အစိုးရတပ်များနှင့် တိုက်ပွဲများပြင်းထန်နေပြီး အထူးသဖြင့် ဖားကန့်ဒေသဖက်တွင် အစိုးရစစ်တပ်များ စစ်အင်အားများစွာတိုးချဲ့၍ ထိုးစစ်ဆင်ရန် ပြင်ဆင်နေကြောင်း သိရှိရသည်။
