အီရန်နဲ့ ဆက်ဆံရေး ကနေဒါ ဖြတ်တောက်

 

 

ကနေဒါ နိုင်ငံခြားရေးဝန်ကြီးJohnBairdကသူ့အစိုးရအနေနဲ့အီရန်နိုင်ငံဟာဒီနေ့ ကမ္ဘာ့ငြိမ်းချမ်းရေးနဲ့လုံခြုံရေးကိုအကြီးမားဆုံး ခြိမ်းခြောက်နေတယ်လို့ ယူဆထားတယ်လို့ ဆိုပါတယ်။

အသံ

• Iran Canada
  
  • နားဆင်ရန်
  • Playlist

ဗွီအိုအေ (မြန်မာဌာန)

07.09.2012

ကနေဒါနိုင်ငံက သူ့နိုင်ငံအနေနဲ့  အီရန်နိုင်ငံနဲ့ သံတမန်ဆက်ဆံရေး ယာယီရပ်ဆိုင်းလိုက်တယ်လို့ သောကြာနေ့မှာ ကြေညာလိုက်ပါတယ်။

အီရန်နိုင်ငံ တီဟီရန် မြို့တော်က ကနေဒါသံရုံးကို စပိတ်နေပြီး၊ ကနေဒါမြေပေါ်ကနေ အီရန်သံတမန်တွေအားလုံး ကိုလဲ စနှင်ထုတ်နေပြီလို့ ကနေဒါနိုင်ငံခြားရေးဝန်ကြီးက ဆိုလိုက်ပါတယ်။

ကနေဒါ နိုင်ငံခြားရေးဝန်ကြီး John Baird က သူ့အစိုးရအနေနဲ့ အီရန်နိုင်ငံဟာ ဒီနေ့ ကမ္ဘာ့ငြိမ်းချမ်းရေးနဲ့ လုံခြုံရေးကို အကြီးမာဆုံး ခြိမ်းခြောက်နေတယ်လို့ ယူဆထားတယ်လို့ ဆိုပါတယ်။
ဒါကြောင့် အီရန်သံတမန်တွေ အနေနဲ့ ကနေဒါကနေ ၅ ရက်အတွင်း ထွက်ခွာပေးရမယ်လို့ နိုင်ငံခြားရေးဝန်ကြီး Baird က ရာဇသံပေးလိုက်ပါတယ်။

ဝန်ကြီး Baird ကပဲ ခုလို ဆုံးဖြတ်လိုက်ရတာက အီရန် နျူကလီယား အစီအစဉ်၊ ဆီရီးယားအစိုးရကို အီရန်က စစ်ရေးအရ အကူအညီပေးနေတာနဲ့ အစ္စရေးအပေါ်အီရန်က ရန်လိုမှုတွေကြောင့် ဖြစ်တယ်လို့ဆိုပါတယ်။

ဒါ့အပြင် အီရန်နိုင်ငံဟာ ကမ္ဘာ့အကြမ်းဖက်မှုလုပ်ငန်းတွေကို ကူညီပေးနေတဲ့ နိုင်ငံတခုဖြစ်တယ်လ်ို့လဲ ဝန်ကြီး Baird က ဆက်ပြောပါတယ်။

ကနေဒါနိုင်ငံ Ottawa မြို.တော်က အီရန်သံရုံးတံခါးမှာတော့ ကနေဒါအစိုးရရဲ့ ရန်လိုတဲ့ ဆုံးဖြတ်ချက်ကြောင့် သူ့သံရုံးပိတ်လိုက်ရတာဖြစ်တယ်လို့ ပါရှန်ဘာသာစကားနဲ့ ရေးထားကြောင်း သတင်းတွေထွက်နေပါတယ်။